ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠨᠦᠮᠵᠦᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/3/11
     ︵1990 ᠤᠨ ᠤ ︽ᠰᠢᠪᠠᠭᠤᠨ ᠰᠠᠷᠠᠯ︾ ᠨᠠᠭᠠᠳᠤᠮ ᠤᠨ ᠲᠤᠰᠬᠠᠢ ᠪᠠᠶᠢᠷᠢ ᠶᠢᠨ ᠱᠠᠩᠨᠠᠯᠳᠤ︶      ᠦᠦᠷ ᠢᠶᠠᠷ᠃ ᠬᠠᠯᠠᠭᠤᠨ ᠬᠦᠨᠵᠢᠯᠨ ᠬᠠᠭᠤ ᠲᠠᠳᠠᠬᠤ ᠳᠤ ᠠᠭᠤᠯᠨ ᠶᠢᠨ ᠰᠡᠷᠢᠬᠦᠨ ᠴᠡᠩᠭᠡᠭ ᠠᠭᠠᠷ ᠨᠠᠮᠠᠢᠢ ᠲᠡᠪᠡᠷᠢᠨ ᠠᠪᠤᠨ᠎ᠠ᠃ ︽ᠡᠷ᠎ᠠ ᠬᠦᠮᠦᠨ ᠰᠢᠭ ᠡᠷᠪᠡᠯᠵᠡᠨ᠎ᠠ ᠡ᠂ ᠬᠦ᠋᠃ ᠮᠤᠷᠢᠳ ᠢᠶᠠᠨ ᠲᠠᠳᠠᠬᠤ ᠪᠤᠯᠤᠯ᠎ᠠ︾ ᠬᠡᠬᠦ ᠴᠤᠭ ᠠᠬ᠎ᠠ ᠶᠢᠨ ᠲᠠᠭᠤ ᠰᠤᠨᠤᠰᠤᠭᠳᠠᠨ᠎ᠠ᠃ ᠬᠡᠯᠳᠡᠬᠡᠢ ᠰᠠᠷᠠᠨ ᠪᠠᠷᠠᠭᠤᠨ ᠠᠭᠤᠯᠨ ᠶᠢᠨ ᠰᠢᠯᠢ ᠲᠡᠭᠡᠷ᠎ᠠ ᠤᠴᠢᠵᠤ᠂ ᠴᠤᠯᠮᠤᠨ ᠬᠦᠭᠡᠷᠴᠠᠢ᠃ ᠰᠢᠬᠦᠳᠡᠷᠢᠳᠤ ᠨᠤᠭᠤᠭᠠᠨ ᠳᠤ ᠬᠦᠯ ᠨᠢᠴᠦᠬᠦᠨ ᠬᠦᠶᠦᠬᠦ ᠳᠤ ᠠᠭᠤᠯᠨ ᠶᠢᠨ ᠬᠡᠦᠰᠢ ᠳᠤ ᠲᠠᠪᠤᠨ ᠠᠯᠳᠠ ᠶᠢᠨ ᠠᠷᠭᠠᠮᠵᠢᠶ᠎ᠠ ᠲᠠᠢ ᠪᠠᠭ᠎ᠠ ᠵᠡᠭᠡᠷᠳᠠ ᠨᠠᠮᠠᠢᠢ ᠲᠠᠨᠢᠵᠤ᠂ ᠠᠶᠠᠷᠬᠠᠨ ᠦᠦᠷᠰᠡᠨ᠎ᠠ᠃ ᠪᠤᠯᠵᠤᠮᠤᠷ ᠵᠢᠷᠬᠢᠵᠤ᠂ ᠬᠦᠭᠡ ᠠᠬᠢ ᠶᠢᠨ ᠦᠨᠦᠷ ᠡᠬᠦᠯᠡᠨ ᠰᠡᠬᠦᠳᠡᠷ ᠰᠢᠭ ᠤᠨᠠᠨ᠎ᠠ᠃      ᠨᠠᠭᠠᠳᠤᠮ ᠤᠨ ᠵᠠᠮ ᠳᠤ᠃ ᠴᠤᠭ ᠠᠬ᠎ᠠ ᠵᠠᠭᠠᠯ ᠢᠶᠠᠨ ᠬᠦᠳᠦᠯᠦᠭᠡᠳ᠂ ᠮᠤᠷᠢᠨ ᠴᠠᠭᠠᠨ ᠰᠢᠳᠤ ᠭᠠᠷᠭᠠᠨ ︽ᠪᠤᠷᠤ ᠪᠤᠷᠤ ᠶᠢᠨ ᠪᠢᠯᠵᠤᠤᠬᠠᠢ︾᠎ ᠶᠢ ᠰᠠᠯᠬᠢ ᠰᠠᠪᠢᠯᠵᠡᠳᠡᠯ᠎ᠠ ᠢᠰᠭᠡᠷᠦᠨ᠎ᠠ᠃ ᠤᠨᠤᠵᠤ ᠶᠠᠪᠤᠭ᠎ᠠ ᠤᠷᠳᠤ ᠪᠤᠷᠤᠯᠠᠭ ᠮᠤᠷᠢ ᠨᠢ ᠲᠠᠭ᠎ᠠ ᠰᠢᠭ᠋ ᠪᠠᠭᠠᠳᠠᠵᠤ ᠬᠠᠷᠠᠭᠳᠠᠨ᠎ᠠ᠃ ᠪᠢ ᠱᠠᠭᠠᠢ ᠵᠡᠭᠡᠷᠳᠠ ᠶᠢ ᠬᠦᠳᠦᠯᠦᠵᠤ᠂ ᠪᠠᠭ᠎ᠠ ᠵᠡᠭᠡᠷᠳᠠ ᠬᠠᠨᠳᠠᠶᠢᠷᠠᠭᠠᠳᠠᠢ ᠰᠤᠯᠨ ᠲᠠᠭᠠᠨ᠎ᠠ᠃ ᠮᠠᠷᠭᠠᠰᠢ ᠶᠠᠭᠠᠬᠢᠬᠤ ᠪᠤᠯ ᠬᠡᠬᠦ ᠠᠴᠠ ᠮᠢᠨᠤ ᠵᠢᠷᠦᠭᠡ ᠤᠭᠰᠢᠨ ᠠᠮᠢᠰᠬᠤᠯ ᠲᠡᠭᠡᠷᠡᠳᠡᠨ᠎ᠠ᠃ ︽ᠬᠦᠮᠦᠨ ᠤ ᠭᠠᠵᠠᠷ ᠨᠡᠷ᠎ᠠ ᠪᠠᠨ ᠬᠢᠴᠢᠶᠠᠨ᠎ᠠ᠃ ᠮᠤᠷᠢᠳ ᠠᠴᠠ ᠪᠠᠨ ᠨᠢᠳᠤ ᠰᠠᠯᠭᠠᠵᠤ ᠪᠤᠯᠬᠤ ᠦᠭᠡᠢ︾ ᠬᠡᠵᠤ ᠴᠤᠭ ᠠᠬ᠎ᠠ ᠵᠠᠬᠢᠨ᠎ᠠ᠃ ᠨᠠᠭᠠᠳᠤᠮ ᠤᠨ ᠵᠠᠮ ᠳᠤ ᠶᠠᠪᠤᠬᠤ ᠳᠤ ᠭᠠᠵᠠᠷ ᠲᠡᠩᠳᠡᠬᠦᠤ ᠬᠤᠯᠠᠳᠠᠵᠤ᠂ ᠠᠭᠤᠯᠠᠰ ᠬᠡᠳᠦᠷᠡᠭᠡᠢ ᠲᠤᠮᠤᠳᠠᠵᠤ ᠦᠵᠡᠭᠳᠡᠨ᠎ᠠ᠃      ᠨᠠᠭᠠᠳᠤᠮ ᠤᠨ ᠬᠤᠶᠠᠳᠠᠬᠢ ᠡᠳᠦᠷ᠃ ᠢᠨᠢᠶᠡᠬᠦ ᠶᠢᠨ ᠲᠤᠩ ᠲᠤᠰᠤᠭᠰᠠᠨ ᠴᠤᠭ ᠠᠬ᠎ᠠ ᠬᠤᠶᠠᠷ ᠵᠡᠭᠡᠷᠳᠠ ᠎ ᠶᠢᠨ ᠬᠤᠭᠤᠷᠤᠨᠳᠤ ᠬᠤᠳᠠᠨ①᠎ ᠤ ᠬᠤᠰᠢᠭᠤᠨ ᠬᠤᠰᠤᠭᠤᠷ ᠢᠶᠠᠨ ᠪᠠᠷᠢᠨ ᠬᠦᠶᠦᠵᠤ᠂ ︽ᠬᠦᠳᠡᠯᠭᠡ ᠬᠦᠳᠡᠯᠭᠡ︾ ᠬᠡᠵᠤ ᠪᠠᠭ᠋ᠠᠷᠳᠠᠨ ᠬᠡᠯᠡᠨ᠎ᠠ᠃ ᠪᠢ ᠪᠠᠭ᠎ᠠ ᠵᠡᠭᠡᠷᠳᠠ ᠪᠠᠨ ᠬᠦᠳᠦᠯᠦᠨ ᠲᠤᠭᠤᠷᠢᠨ ᠰᠢᠪᠠᠭᠰᠠᠨ ᠤᠯᠠᠨ ᠤ ᠲᠤᠮᠳᠠᠭᠤᠷ ᠵᠠᠢ ᠭᠠᠷᠭᠠᠨ ᠶᠠᠪᠤᠬᠤ ᠳᠤ ᠭᠠᠶᠢᠬᠠᠨ ᠪᠢᠰᠢᠷᠡᠭᠰᠡᠨ ᠲᠦᠮᠡᠨ ᠬᠠᠷᠠᠴᠨ ᠡᠪᠦᠳᠦᠭ ᠴᠡᠴᠡᠷᠡᠬᠦᠯᠦᠨ᠎ᠠ᠃ ᠬᠤᠭᠤᠯᠠᠢ ᠠᠷᠭᠠᠨ ᠨᠢᠳᠤᠨ ᠳᠤ ᠴᠢᠬᠢᠭ ᠲᠠᠭᠠᠭᠠᠨ᠎ᠠ᠃ ︽ᠪᠤᠭᠤᠳᠤ ᠶᠢᠨ ᠬᠤᠶᠠᠷ ᠵᠡᠭᠡᠷᠳᠠ︾᠂ ︽ᠦᠴᠦᠭᠡᠳᠦᠷ ᠶᠡᠭᠡ ᠨᠠᠰᠤᠨ ᠳᠤ ᠤᠳᠠᠭ᠎ᠠ ᠲᠠᠰᠢᠶ᠎ᠠ ᠲᠦᠷᠦᠬᠦᠤ ᠮᠠᠩᠯᠠᠶᠢᠯᠠᠭᠰᠠᠨ ᠬᠤᠶᠠᠷ ᠵᠠᠭᠠᠯ ᠤᠨ ᠲᠡᠬᠦᠤ ᠮᠤᠷᠢᠳ ᠶᠤᠮ ᠬᠡᠨ᠎ᠠ︾ ᠬᠡᠬᠦ ᠦᠭᠡᠰ ᠴᠢᠬᠢᠨ ᠳᠤ ᠲᠠᠮ ᠲᠤᠮ ᠠᠳᠠᠯ᠎ᠠ ᠴᠡᠭᠡᠵᠢᠨ ᠳᠤ ᠢᠷᠠᠭᠤ᠃ ᠮᠤᠩᠭᠤᠯ ᠡᠷ᠎ᠠ᠂ ᠬᠦᠯᠦᠭ ᠮᠤᠷᠢ ᠬᠤᠶᠠᠷ ᠠᠵᠠ ᠪᠠᠶᠠᠷ ᠤᠨ ᠲᠡᠭᠷᠢ ᠨᠢᠭᠡᠳᠠᠢ ᠶᠤᠮᠰᠠᠨ ᠦᠦ ᠳ᠋ᠠ᠃      ᠨᠠᠭᠠᠳᠤᠮ ᠤᠨ ᠨᠦᠬᠦᠭᠡᠳᠦᠷ᠃ ᠨᠠᠮᠠᠢᠢ ᠨᠤᠳᠤᠭ ᠤᠨ ᠠᠭᠤᠯᠠᠰ ᠪᠠᠷᠠᠭᠠᠳᠠᠭᠤᠯᠵᠤ ᠦᠭᠬᠦᠭᠡᠳ ᠴᠤᠭ ᠠᠬ᠎ᠠ ᠱᠠᠭᠠᠢ ᠵᠡᠭᠡᠷᠳᠠ ᠪᠠᠨ ᠬᠦᠳᠦᠯᠦᠨ ᠵᠠᠮ ᠰᠠᠯᠤᠨ ᠲᠠᠪᠬᠢᠵᠤ ᠤᠳᠤᠯ᠎ᠠ᠃ ᠪᠤᠳᠠᠷ ᠪᠤᠳᠠᠷ ᠲᠤᠭᠤᠰᠤ ᠨᠢ ᠮᠢᠨᠤ ᠴᠡᠭᠡᠵᠢᠨ ᠳᠤ ᠰᠤᠭᠤᠨᠠᠭᠯᠠᠨ᠎ᠠ᠃ ᠠᠷᠭ᠎ᠠ ᠦᠭᠡᠢ ᠰᠢᠤ ᠳ᠋ᠧ᠂ ᠮᠢᠨᠤ ᠠᠬ᠎ᠠ ᠪᠢᠰᠢ ᠶᠤᠮ ᠴᠢᠨᠢ᠃ ︽ᠡᠷᠭᠡᠯᠡᠵᠤ ᠲᠠᠭᠠᠳᠠᠭ ᠪᠠᠭ᠎ᠠ ᠵᠡᠭᠡᠷᠳᠠ ᠮᠢᠨᠢ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠳᠤ ᠬᠦᠳᠦᠯᠦᠬᠦᠯᠦᠨ ᠬᠠᠮᠢᠭ᠎ᠠ ᠭᠠᠵᠠᠷ ᠢᠨᠴᠠᠭᠠᠵᠤ ᠶᠠᠪᠤᠭ᠎ᠠ ᠪᠤᠯ︾ ᠬᠡᠮᠡᠨ ᠰᠠᠨᠠᠬᠤ ᠳᠤ ᠲᠤᠳᠤᠭᠤᠷ ᠮᠡᠭᠰᠢᠨ᠎ᠠ᠃ ᠶᠡᠭᠡ ᠬᠤᠶᠠᠷ ᠵᠠᠭᠠᠯ ᠴᠤ ᠬᠡᠰᠡᠨ ᠳ᠋ᠧ᠃ ᠪᠤᠭᠤ ᠬᠠᠶᠢᠷᠬᠠᠨ ᠤ ᠪᠠᠨ ᠮᠦᠩᠭᠡ ᠴᠠᠰᠤᠨ ᠤᠰᠤ ᠪᠠᠷ ᠤᠮᠳᠠᠯᠠᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ ᠪᠤᠰᠤᠳ ᠤᠨ ᠭᠠᠵᠠᠷ ᠤᠨ ᠨᠤᠭᠤᠭ᠎ᠠ ᠨᠢ ᠬᠦᠷᠳᠡᠯ᠎ᠠ ᠠᠮᠠᠨ ᠠᠴᠠ ᠤᠨᠠᠵᠤ ᠪᠠᠶᠢᠭ᠎ᠠ ᠪᠢᠵᠠ᠃ ᠴᠤᠭ ᠠᠬ᠎ᠠ ᠶᠢᠨ ᠲᠦᠨᠳᠦᠬᠦᠷ ᠬᠠᠷ᠎ᠠ ᠲᠦᠷᠡᠶᠢᠪᠴᠢ ᠶᠠᠮᠠᠷ ᠦᠨᠦᠷᠳᠠᠢ ᠶᠢ ᠮᠡᠳᠡᠳᠡᠭ ᠪᠤᠯᠪᠠ ᠦᠦ᠃ ᠤᠭ ᠨᠢ ᠴᠤᠭ ᠠᠬ᠎ᠠ ᠶᠢᠨ ᠯᠡ ᠦᠨᠦᠷ ᠰᠢᠤ ᠳ᠋ᠧ᠃ ᠭᠡᠷ ᠲᠡᠭᠡᠨ ᠬᠠᠷᠢᠨ᠎ᠠ ᠬᠡᠬᠦ ᠠᠴᠠ ᠭᠠᠵᠠᠷ ᠲᠡᠩᠳᠡᠬᠦᠤ ᠤᠶᠢᠷᠠᠳᠤᠵᠤ᠂ ᠠᠭᠤᠯᠠᠰ ᠬᠡᠳᠦᠷᠡᠬᠡᠢ ᠨᠠᠮᠰᠠᠨ᠎ᠠ᠃ ᠲᠡᠬᠦᠤ ᠨᠠᠷ ᠎ ᠲᠠᠭᠠᠨ ᠠᠪᠤᠭᠰᠠᠨ ᠬᠠᠶᠢᠷᠴᠠᠭ ᠶᠤᠤᠳᠠᠩ ᠬᠠᠪᠢᠷᠭ᠎ᠠ ᠬᠤᠯᠭᠤᠨ᠎ᠠ᠃      ᠰᠠᠷ᠎ᠠ ᠦᠩᠭᠡᠷᠡᠯ᠎ᠠ᠃ ︽ᠴᠡᠩᠭᠡᠷ ᠴᠤᠭ ᠤᠨ ᠠᠵᠢᠷᠭ᠎ᠠ ᠲᠠᠢ ᠠᠳᠤᠭᠤ ᠶᠢ ᠴᠠᠬᠢᠷ ᠤᠨ ᠬᠢᠰᠠᠭᠠᠨ ᠳᠤ ᠠᠶᠤᠩᠭ᠎ᠠ ᠨᠢᠷᠭᠡᠴᠢᠭᠡᠵᠤ ᠬᠡᠨ᠎ᠠ᠃ ᠶᠠᠭᠤᠮ᠎ᠠ ᠮᠥᠨ ᠴᠤ ᠨᠠᠷᠢᠨ ᠤᠴᠢᠷᠳᠠᠢ᠃ ᠬᠠᠶᠢᠷᠠᠨ ᠰᠠᠶᠢᠬᠠᠨ ᠬᠤᠷᠳᠤᠨ ᠤᠳᠤᠮ ᠤᠨ ᠠᠳᠤᠭᠤ᠃ ᠴᠡᠩᠭᠡᠷ ᠴᠤᠭ ᠲᠤ ᠬᠦᠯᠦᠭ ᠤᠨ ᠲᠡᠭᠷᠢ ᠠᠷᠭ᠎ᠠ ᠦᠭᠡᠢ ᠯᠡ ᠭᠤᠮᠤᠳᠠᠵᠤ ᠳ᠋ᠧ︾ ᠬᠡᠵᠤ ᠭᠦᠭᠰᠢᠳ ᠬᠦᠭᠡᠷᠦᠯᠳᠦᠨ᠂ ᠪᠤᠭᠤᠷᠤᠯ ᠲᠤᠯᠤᠭᠠᠢ ᠪᠠᠨ ᠰᠡᠭᠰᠦᠷᠦᠨ᠎ᠠ᠃ ︽ᠱᠠᠭᠠᠢ ᠵᠡᠭᠡᠷᠳᠠ ᠨᠢ ᠶᠠᠭᠠᠬᠢᠭᠰᠠᠨ ᠪᠤᠯ︖︾ ᠬᠡᠵᠤ ᠠᠰᠠᠭᠤᠬᠤ ᠬᠡᠪᠡᠴᠤ ᠡᠪᠤᠭᠡᠳ ᠠᠴᠠ ᠲᠠᠯᠳᠢᠷᠠᠨ᠎ᠠ᠃ ᠢᠵᠢᠯᠢ ᠳᠡᠭᠡᠨ ᠭᠠᠭᠴᠨ ᠬᠤᠷᠳᠤᠨ ᠬᠦᠯᠦᠭ ᠦᠯᠡᠳᠡᠭᠰᠡᠨ ᠶᠤᠮᠰᠠᠨ᠃ ᠬᠦᠯᠦᠭ ᠤᠨ ᠲᠡᠭᠷᠢ ᠭᠡᠳᠡᠭ ᠨᠢ ᠨᠢᠳᠤᠳᠠᠢ ᠶᠤᠮ ᠪᠤᠯᠪᠠᠤ ᠬᠡᠵᠤ ᠪᠤᠳᠤᠬᠤ ᠳᠤ ᠲᠠᠷᠪᠠᠭ᠎ᠠ ᠬᠤᠰᠬᠢᠷᠠᠵᠤ᠂ ᠴᠠᠷᠴᠠᠭ᠎ᠠ ᠱᠠᠷᠬᠢᠨ᠂ ᠨᠤᠬᠠᠢ ᠬᠤᠴᠠᠵᠤ ᠰᠡᠳᠬᠢᠯ ᠦᠢᠮᠡᠬᠦᠯᠦᠨ᠎ᠠ᠃      ᠲᠡᠷᠨ ᠨᠢᠭᠡᠨ ᠰᠦᠨᠢ᠃ ᠠᠪᠤ᠂ ᠴᠤᠭ ᠠᠬ᠎ᠠ ᠬᠤᠶᠠᠷ ᠬᠠᠯᠠᠮᠴᠠᠭᠤᠬᠠᠨ ᠶᠠᠷᠢᠯᠴᠠᠵᠤ ᠰᠠᠭᠤᠪᠠ᠃ ᠡᠵᠢ ᠶᠢᠨ ᠴᠠᠢ ᠶᠢᠨ ᠠᠭᠠᠭ ᠬᠠᠩᠬᠤᠯᠤᠨ᠎ᠠ᠃ ᠪᠢ ᠲᠤᠭᠤᠨᠤᠨ ᠤ ᠲᠠᠭ᠎ᠠ ᠲᠡᠩᠨᠡᠭᠰᠡᠨ ᠬᠤᠶᠠᠷ ᠴᠠᠭᠠᠨ ᠤᠳᠤ ᠶᠢ ᠰᠢᠷᠳᠡᠨ᠂ ᠠᠯᠢ ᠲᠡᠭᠡᠷ᠎ᠠ ᠨᠢ ᠬᠦᠯᠦᠭ ᠤᠨ ᠲᠡᠭᠷᠢ ᠪᠠᠶᠢᠳᠠᠭ ᠪᠤᠯ ᠬᠡᠵᠤ ᠪᠤᠳᠤᠨ᠎ᠠ᠃ ︽ᠬᠦᠮᠦᠨ ᠤ ᠪᠤᠶᠠᠨ᠂ ᠬᠤᠳᠳᠤᠭ ᠤᠨ ᠤᠰᠤ ᠬᠤᠶᠠᠷ ᠬᠡᠮᠵᠢᠶ᠎ᠠ ᠲᠠᠢ ᠳ᠋ᠧ︾ ᠬᠡᠵᠤ ᠠᠪᠤ ᠬᠡᠯᠡᠨ᠎ᠠ᠃ ︽ᠶᠠᠭᠠᠬᠢᠳᠠᠭ ᠶᠤᠮ ᠨᠠᠳᠠᠳᠤ ᠮᠦᠩᠬᠦ ᠬᠡᠷᠡᠭᠳᠠᠢ᠃ ᠨᠤᠳᠤᠭ ᠤᠨ ᠲᠠ ᠨᠠᠷ ᠯᠡ ᠨᠠᠮᠠᠢᠢ ᠤᠶᠢᠯᠠᠭᠠᠬᠤ ᠦᠭᠡᠢ ᠪᠤᠯᠬᠤᠷ ᠪᠢ ᠬᠠᠮᠢᠭ᠎ᠠ ᠤᠴᠢᠬᠤ ᠪᠤᠯᠵᠤ ᠪᠠᠶᠢᠨ᠎ᠠ᠃ ᠪᠢ ᠤᠭ ᠨᠢ ᠵᠠᠬᠠᠴᠢᠨ ᠤ ᠨᠤᠳᠤᠭ ᠠᠴᠠ ᠨᠢᠭᠡ ᠬᠡᠦᠭᠡᠨ ᠪᠤᠰᠬᠠᠵᠤ ᠢᠷᠡᠬᠦ ᠬᠡᠰᠡᠨ ᠶᠤᠮᠰᠠᠨ᠃ ᠰᠠᠶᠢᠨ ᠴᠤ ᠬᠦᠮᠦᠨ ᠤ ᠦᠷ᠎ᠠ᠂ ᠰᠠᠶᠢᠬᠠᠨ ᠴᠤ ᠬᠡᠦᠭᠡᠨ᠃ ᠬᠦᠮᠦᠨ ᠤ ᠲᠡᠶᠢᠮᠤ ᠦᠷ᠎ᠠ ᠶᠢ ᠠᠪᠴᠢᠷᠠᠭᠠᠳ ᠪᠢ ᠶᠠᠩᠬᠢᠶ᠎ᠠ ᠲᠤᠬᠤᠭᠤᠯᠵᠤ᠂ ᠠᠳᠠᠰᠬ᠎ᠠ ᠤᠨᠤᠭᠤᠯᠬᠤ ᠦᠭᠡᠢ ᠬᠡᠰᠡᠨ ᠳᠡᠭᠡᠨ ᠯᠡ ᠭᠤᠷᠪᠠᠨ ᠮᠤᠷᠢ ᠪᠠᠨ ᠵᠠᠷᠤᠭᠰᠠᠨ ᠶᠤᠮ᠃ ᠪᠢ ᠬᠦᠮᠦᠨ ᠢᠶᠠᠨ ᠪᠤᠳᠤᠬᠤ ᠦᠦ᠂ ᠠᠳᠤᠭᠤ ᠪᠤᠳᠤᠬᠤ ᠦᠦ︾ ᠬᠡᠵᠤ ᠴᠤᠭ ᠠᠬ᠎ᠠ ᠴᠡᠭᠡᠵᠢ ᠲᠦᠷᠢᠬᠦ ᠳᠤ ᠠᠭᠤᠯᠨ ᠶᠢᠨ ᠴᠢᠨᠡᠭᠡ ᠬᠠᠷ᠎ᠠ ᠰᠡᠬᠦᠳᠡᠷ ᠲᠤᠨᠢ ᠤᠨᠢ ᠶᠢᠨ ᠲᠤᠯᠤᠭᠠᠢ ᠦᠵᠡᠭᠳᠡᠬᠦ ᠦᠭᠡᠢ ᠪᠤᠯᠤᠨ᠎ᠠ᠃      ᠨᠠᠮᠠᠢᠢ ᠲᠠᠬᠢᠨ ᠰᠡᠷᠢᠬᠦ ᠳᠤ᠃ ᠲᠤᠭᠤᠨᠤ ᠲᠡᠩᠨᠡᠭᠰᠡᠨ ᠬᠤᠶᠠᠷ ᠤᠳᠤ ᠬᠡᠯᠳᠡᠶᠢᠵᠠᠢ᠃ ︽ᠱᠠᠭᠠᠢ ᠵᠡᠭᠡᠷᠳᠠ ᠳᠤ ᠬᠡᠴᠢᠨᠡᠨ ᠶᠡᠭᠡ ᠦᠨ᠎ᠠ ᠬᠠᠶᠠᠭᠰᠠᠨ ᠭᠡᠴᠢ᠃ ᠬᠡᠳᠡᠯ᠎ᠠ ᠪᠤᠷᠤᠬᠦᠤ ᠤᠬᠢᠯᠠᠭᠠᠳ ᠰᠠᠯᠳᠠᠭ ᠦᠭᠡᠢ᠃ ᠶᠡᠷᠦ ᠠᠴᠠ ᠪᠠᠨ ᠡᠬᠢᠯᠡᠭᠡᠳ ᠯᠡ ᠵᠠᠭᠠᠯ ᠢᠶᠠᠨ ᠬᠦᠮᠦᠨ ᠳᠤ ᠦᠭᠬᠦ ᠳᠤ ᠮᠡᠯᠳᠡᠯᠵᠡᠬᠦᠯᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠠᠷᠭᠠᠳᠠᠵᠤ᠂ ᠠᠭᠠᠰᠢᠯᠠᠵᠤ ᠶᠠᠳᠠᠯ᠎ᠠ᠃ ᠰᠡᠬᠦᠯ ᠳᠡᠭᠡᠨ ᠪᠦᠷ ᠲᠤᠳᠤᠷ᠎ᠠ ᠡᠪᠳᠡᠷᠡᠭᠡᠳ ᠁ ᠲᠡᠭᠡᠭᠡᠳ ᠱᠠᠭᠠᠢ ᠵᠡᠭᠡᠷᠳᠠ ᠪᠠᠨ ᠠᠪᠤᠭᠠᠳ ᠦᠯᠡᠳᠡᠭᠰᠡᠨ ᠶᠤᠮ᠃ ᠲᠡᠭᠡᠳᠡᠯ᠎ᠠ ᠠᠷᠪᠠᠨ ᠨᠠᠢᠮᠠᠨ ᠠᠳᠤᠭᠤ ᠶᠢ ᠮᠢᠨᠢ ᠬᠦᠢ ᠪᠠᠷ ᠨᠢ ᠠᠶᠤᠩᠭ᠎ᠠ ᠨᠢᠷᠭᠡᠴᠢᠭᠡᠭᠰᠡᠨ ᠮᠦᠷᠳᠡᠭᠡᠨ ᠭᠠᠭᠴᠨ ᠱᠠᠭᠠᠢ ᠵᠡᠭᠡᠷᠳᠠ ᠵᠦᠭᠡᠷ ᠰᠢᠤ᠃ ᠨᠦᠬᠦᠭᠡ ᠬᠡᠳᠤ ᠶᠢ ᠪᠠᠨ ᠰᠠᠨᠠᠳᠠᠭ ᠴᠤ ᠶᠤᠮ ᠦᠦ᠂ ᠠᠳᠤᠭᠤᠰᠤᠨ ᠤ ᠵᠦᠩ ᠴᠤ ᠶᠤᠮ ᠦᠦ᠂ ᠠᠳᠤᠭᠤ ᠵᠠᠯᠠᠬᠤ ᠳᠤ ᠰᠠᠯᠵᠤ ᠵᠤᠭᠰᠤᠭᠠᠳ ᠨᠢᠭᠡᠯᠨ ᠪᠢᠰᠢ ᠪᠠᠶᠢᠭᠰᠠᠨ ᠶᠤᠮ︾ ᠬᠡᠬᠦ ᠴᠤᠭ ᠠᠬ᠎ᠠ ᠶᠢᠨ ᠲᠠᠭᠤ ᠰᠤᠨᠤᠰᠤᠭᠳᠠᠨ᠎ᠠ᠃ ︽ᠡᠷ᠎ᠠ ᠬᠦᠮᠦᠨ ᠤ ᠭᠤᠨᠳᠠᠵᠤ᠂ ᠭᠤᠩᠰᠤᠶᠢᠵᠤ ᠶᠠᠪᠤᠬᠤ ᠡᠳᠦᠷ ᠤᠨ ᠠᠯᠢ ᠶᠢ ᠲᠡᠷᠨ ᠬᠡᠬᠦᠪ ᠲᠡᠬᠦᠤ ᠮᠢᠨᠢ︾ ᠬᠡᠵᠤ ᠠᠪᠤ ᠰᠡᠳᠬᠢᠯ ᠵᠠᠰᠠᠨ᠎ᠠ᠃ ᠲᠡᠭᠡᠭᠰᠡᠨ ᠢᠶᠠᠨ ᠲᠠᠭᠤᠯᠠᠯ᠎ᠠ᠃      ︽ᠲᠠᠯ᠎ᠠ ᠶᠢᠨ ᠰᠢᠷ᠎ᠠ ᠴᠡᠴᠡᠭ ᠨᠢ      ᠰᠠᠶᠢᠬᠠᠨ ᠨᠠᠷᠠᠨ ᠳᠠᠭᠠᠨ ᠭᠠᠩᠳᠠᠨ᠎ᠠ  ᠁︾ ᠭᠡᠳ ᠯᠡ ᠴᠤᠭ ᠠᠬ᠎ᠠ ᠠᠪᠤ ᠬᠤᠶᠠᠷ ᠬᠤᠭᠤᠯᠠᠢ ᠨᠡᠶᠢᠯᠡᠬᠦᠯᠦᠨ ᠴᠠᠩᠬᠢᠨᠠᠭᠤᠯᠬᠤ ᠳᠤ ᠡᠷᠬᠡᠯᠡᠨ ᠲᠠᠭᠠᠳᠠᠭ ᠪᠠᠭ᠎ᠠ ᠵᠡᠭᠡᠷᠳᠠ ᠶᠢᠨ ᠮᠢᠨᠢ ᠮᠡᠯ ᠬᠠᠷ᠎ᠠ ᠨᠢᠳᠤ ᠲᠤᠭᠤᠨᠤᠨ ᠵᠠᠶᠢᠴᠨ ᠪᠠᠷ ᠬᠠᠷᠠᠭᠳᠠᠵᠤ᠂ ᠴᠤᠷᠬᠢᠶ᠎ᠠ ᠬᠤᠩᠭᠤᠷ ᠢᠨᠴᠠᠭᠠᠯᠳᠠ ᠨᠢ ᠠᠭᠤᠯᠨ ᠶᠢᠨ ᠴᠢᠨᠠᠳᠤ ᠠᠴᠠ ᠰᠤᠨᠤᠰᠤᠭᠳᠠᠪᠠ᠃ ᠠᠢ ᠬᠦᠭᠡᠷᠦᠬᠦᠢ᠂ ᠰᠠᠶᠢᠬᠠᠨ ᠨᠠᠷᠠᠨ ᠳᠠᠭᠠᠨ ᠭᠠᠩᠳᠠᠬᠤ ᠵᠠᠶᠠᠭ᠎ᠠ ᠲᠠᠢ ᠰᠢᠷ᠎ᠠ ᠲᠠᠯ᠎ᠠ ᠶᠢᠨ ᠴᠡᠴᠡᠭ ᠡ ᠬᠡᠵᠤ ᠁      ᠦᠷᠯᠦᠭᠡ ᠨᠢ ᠠᠶᠢᠷᠠᠭ ᠢᠶᠠᠷ ᠮᠢᠯᠢᠶᠠᠯᠭᠠᠭᠰᠠᠨ ᠶᠤᠮ ᠰᠢᠭ᠋ ᠪᠡᠯᠭᠡᠳᠤ ᠴᠠᠭᠠᠨ ᠰᠤᠷ ᠲᠠᠢ᠂ ᠬᠠᠨ᠎ᠠ ᠰᠠᠶᠢᠬᠠᠨ ᠬᠠᠪᠢᠷᠭ᠎ᠠ ᠲᠠᠢ᠂ ᠬᠠᠭᠠᠨ ᠰᠠᠭᠤᠳᠠᠯ ᠲᠠᠰᠢᠶ᠎ᠠ ᠲᠠᠢ ᠱᠠᠭᠠᠢ ᠵᠡᠭᠡᠷᠳᠠ ᠮᠤᠷᠢ ᠮᠠᠨ ᠤ ᠱᠤᠵᠠᠭ ᠲᠤ ᠤᠶᠠᠭᠠᠳᠠᠢ ᠪᠠᠶᠢᠬᠤ ᠶᠤᠮ ᠬᠡᠵᠤ ᠬᠡᠨ ᠴᠤ ᠰᠠᠨᠠᠭᠰᠠᠨ ᠦᠭᠡᠢ᠃ ᠠᠮᠠᠭᠠᠢ ᠵᠤᠤᠵᠠᠢ ᠳᠤᠨᠢ ᠠᠯᠳᠠ ᠴᠡᠩᠭᠡᠷ ᠬᠠᠳᠠᠭ ᠵᠡᠬᠦᠭᠡᠳ ᠤᠷᠬᠢᠵᠠᠢ᠃ ᠱᠠᠭᠠᠢ ᠵᠡᠭᠡᠷᠳᠠ ᠨᠠᠮᠠᠢᠢ ᠲᠠᠨᠢᠪᠠᠤ᠂ ᠡᠪᠰᠢᠶᠡᠨ ᠲᠠᠮᠰᠢᠶᠠᠭᠠᠳ᠂ ᠲᠤᠯᠤᠭᠠᠢ ᠪᠠᠨ ᠦᠭᠬᠦᠨ ᠮᠠᠭᠠᠵᠢᠭᠤᠯᠬᠤ ᠬᠡᠵᠤ ᠱᠦᠷᠬᠦᠭᠡᠨ᠎ᠠ᠃ ᠲᠡᠷᠨ ᠲᠤᠭᠠᠯᠠᠨ ᠳᠤ ᠬᠠᠳᠠᠭ ᠨᠠᠮᠢᠷᠠᠨ᠎ᠠ᠃ ᠮᠡᠴᠢᠳ ᠭᠤᠳᠤᠶᠢᠯᠭᠠᠭᠠᠳ ᠮᠤᠷᠳᠠᠭᠰᠠᠨ ᠴᠤᠭ ᠠᠬ᠎ᠠ ᠮᠠᠨᠢ ᠬᠠᠮᠢᠭ᠎ᠠ ᠲᠠᠭᠤᠯᠠᠵᠤ ᠶᠠᠪᠤᠭ᠎ᠠ ᠪᠤᠯ ᠬᠡᠵᠤ ᠰᠠᠨᠠᠬᠤ ᠳᠤ ᠲᠤᠷᠳᠤᠮᠠᠯ ᠨᠠᠷᠠᠨ ᠤ ᠲᠤᠶᠠᠭᠠᠨ ᠳᠤ ᠠᠭᠤᠯᠨ ᠲᠠᠯ᠎ᠠ ᠨᠠᠯᠠᠶᠢᠪᠠᠴᠤ᠂ ᠲᠡᠷᠳᠡᠭᠡ ᠬᠦᠨᠳᠡᠢ ᠶᠢᠨ ᠬᠦᠭᠡ ᠤᠨᠢᠶᠠᠷ ᠬᠡᠦᠭᠡᠨ ᠬᠤᠳᠤᠭᠳᠤ ᠶᠢᠨ ᠬᠦᠭᠡᠭᠡᠭᠰᠡᠨ ᠭᠤᠴᠢᠨ ᠭᠤᠷᠪᠠᠨ ᠰᠢᠷᠭ᠎ᠠ ᠶᠢᠨ ᠲᠤᠭᠤᠰᠤ ᠦᠦ ᠬᠡᠯᠳᠠᠢ ᠪᠠᠯᠠᠷᠳᠤᠨ ᠰᠤᠭᠤᠨᠠᠭᠯᠠᠨ᠎ᠠ᠃ ᠪᠤᠷᠤ ᠪᠤᠷᠤ ᠪᠢᠯᠵᠤᠤᠬᠠᠢ ᠨᠢ ᠪᠤᠰᠤᠨ ᠰᠠᠭᠤᠨ ᠵᠢᠷᠬᠢᠨ᠎ᠠ᠃      ᠲᠠᠪᠤ ᠬᠤᠨᠤᠭ ᠦᠩᠭᠡᠷᠡᠪᠡ᠃ ᠴᠤᠭ ᠠᠬ᠎ᠠ ᠶᠢ ᠢᠳᠬᠠᠵᠤ᠂ ᠱᠠᠭᠠᠢ ᠵᠡᠭᠡᠷᠳᠠ ᠶᠢ ᠨᠢ ᠪᠤᠴᠠᠭᠠᠬᠤ ᠪᠠᠷ ᠮᠤᠷᠳᠠᠭᠰᠠᠨ ᠠᠪᠤ ᠶᠢᠨ ᠪᠠᠷ᠎ᠠ ᠲᠤᠷᠠᠨ ᠤ ᠠᠮᠠᠨ ᠳᠤ ᠲᠤᠳᠤᠷᠠᠵᠤ᠂ ᠲᠤᠳᠤᠷᠠᠬᠤ ᠲᠤᠰᠤᠮ ᠢᠶᠠᠨ ᠲᠤᠮᠤᠷᠠᠨ᠎ᠠ᠃ ᠲᠡᠷᠬᠢᠳᠡᠯ᠎ᠠ ᠬᠠᠳᠠᠷᠢᠬᠤ ᠮᠤᠷᠢᠨ ᠤ ᠰᠠᠯᠬᠢᠨ ᠳᠤ ᠱᠠᠭᠠᠢ ᠵᠡᠭᠡᠷᠳᠠ ᠶᠢᠨ ᠵᠤᠤᠵᠠᠢ ᠳᠠᠬᠢ ᠴᠡᠩᠭᠡᠷ ᠬᠠᠳᠠᠭ ᠲᠡᠷᠪᠡᠯᠵᠡᠨ᠎ᠠ᠃ ᠤᠶᠠᠭᠠᠨ ᠲᠡᠭᠡᠷ᠎ᠠ ᠤᠭᠳᠤᠭᠰᠠᠨ ᠡᠵᠢ ᠳᠤ ᠬᠡᠯᠡᠭᠰᠡᠨ ᠦᠭᠡ ᠶᠢ ᠨᠢ ᠰᠤᠨᠤᠰᠤᠪᠠᠯ ᠢᠷᠡᠭᠡᠳ ᠪᠤᠴᠠᠬᠤ ᠶᠢᠨ ᠢᠶᠠᠨ ᠮᠠᠷᠭᠠᠰᠢ ᠴᠤᠭ ᠠᠬ᠎ᠠ ᠰᠠᠶᠢᠬᠠᠨ ᠵᠠᠬᠠᠴᠢᠨ ᠬᠡᠦᠭᠡᠨ ᠤ ᠪᠠᠨ ᠨᠤᠳᠤᠭ ᠤᠷᠤᠭᠤ ᠠᠶᠢᠮᠠᠭ ᠲᠠᠮᠵᠢᠭᠠᠳ ᠨᠡᠬᠦᠭᠡᠳ ᠶᠠᠪᠤᠴᠢᠬᠠᠭᠰᠠᠨ ᠪᠠᠶᠢᠨ᠎ᠠ ᠬᠡᠨ᠎ᠠ᠃ ᠲᠠᠯ᠎ᠠ ᠳᠤ ᠲᠠᠭᠠᠨ᠎ᠠ ᠬᠡᠨᠵᠡᠯᠡᠵᠤ᠂ ᠠᠭᠤᠯᠠᠨ ᠳᠤ ᠲᠤᠰᠢᠯᠤᠭ ᠬᠦᠷᠡᠩᠳᠦᠵᠤ ᠡᠬᠢᠯᠡᠭᠰᠡᠨ ᠲᠡᠷᠨ ᠴᠠᠭ ᠲᠤ ᠤᠷᠤᠢ ᠲᠡᠭᠡᠷ᠎ᠠ ᠪᠠᠨ ᠬᠤᠶᠠᠷ ᠴᠤᠬᠢᠶ᠎ᠠ ᠲᠠᠢ ᠮᠦᠰᠦᠳᠤ ᠶᠢᠨ ᠶᠡᠭᠡ ᠨᠢᠷᠤᠭᠤ᠂ ᠠᠭᠤᠵᠢᠮ ᠠᠭᠤᠵᠢᠮ ᠰᠠᠭᠤᠳᠠᠯ ᠲᠠᠢ ᠮᠤᠩᠭᠤᠯ ᠡᠮᠡᠭᠡᠯ ᠰᠢᠭ ᠡᠵᠡᠬᠦᠶᠢᠷᠡᠵᠤ ᠬᠠᠷᠠᠭᠳᠠᠵᠤ ᠪᠢᠯᠨ᠃        ᠲᠠᠶᠢᠯᠪᠤᠷᠢ᠄      ① ᠬᠤᠳᠠᠨ — ᠤᠰᠤᠨ ᠤ ᠰᠢᠪᠠᠭᠤ᠃ ᠪᠡᠶ᠎ᠠ ᠨᠢ 2 ᠮᠧᠲᠷ ᠬᠢᠷᠢ ᠤᠷᠳᠤ᠂ ᠵᠢᠬᠦᠷ ᠨᠢ ᠶᠡᠭᠡ᠂ ᠬᠤᠩᠰᠢᠶᠠᠷ ᠨᠢ ᠤᠷᠳᠤ ᠪᠦᠭᠡᠳ ᠮᠠᠬᠢᠷ᠂ ᠬᠤᠩᠰᠢᠶᠠᠷ ᠤᠨ ᠲᠤᠤᠷ᠎ᠠ ᠨᠢ ᠠᠷᠠᠰᠤᠯᠢᠭ ᠤᠭᠤᠳᠠ ᠲᠠᠢ᠃          ︵ ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶
 
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠮᠤᠩᠭᠤᠯ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠲᠦᠷᠤ ᠶᠢᠨ ᠬᠠᠤᠯᠢ
ᠬᠡᠭᠡᠷ ᠮᠤᠷᠢᠨ ᠤ ᠤᠪᠤᠭ᠎ᠠ
ᠬᠢᠯᠢᠩ ᠬᠠᠷ᠎ᠠ
ᠤᠨᠠᠭ᠎ᠠ ᠪᠠᠩᠬᠠᠷ ᠬᠤᠶᠠᠷ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号