| | | | ᠤᠳᠤ ᠠᠴᠠ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠠ ᠮᠠᠨ ᠤ ᠳᠤ ᠨᠢᠭᠡᠨ ᠵᠢᠬᠦᠷ ᠲᠠᠢ ᠮᠡᠳᠤ ᠬᠤᠷᠳᠤᠨ ᠬᠦᠯᠦᠭ ᠪᠠᠶᠢᠵᠤ | ᠪᠢᠯᠨ᠃ ᠶᠠᠭ ᠯᠡ ᠨᠢᠰᠳᠡᠭ ᠬᠤᠷᠤᠬᠠᠢ ᠰᠢᠭ᠋ ᠬᠠᠪ ᠬᠠᠷᠠ ᠦᠩᠭᠡᠳᠠᠢ ᠲᠡᠷᠨ ᠮᠤᠷᠢ ᠯᠠᠪ ᠪᠤᠰᠤᠭᠠ ᠪᠠᠷ ᠢᠶᠠᠨ | ᠲᠦᠷᠦᠭᠰᠡᠨ ᠪᠠᠶᠢᠵᠤ ᠬᠡᠵᠤ ᠪᠢ ᠪᠤᠳᠤᠳᠠᠭ ᠶᠤᠮ᠃ ᠦᠨᠡᠨᠳᠡᠭᠡᠨ ᠪᠤᠰᠤᠭᠠ ᠪᠠᠷ ᠢᠶᠠᠨ ᠲᠦᠷᠦᠭᠰᠡᠨ ᠢ ᠨᠢ ᠬᠡᠨ ᠴᠤ | ᠬᠠᠷᠠᠭᠠ ᠦᠭᠡᠢ ᠪᠤᠯᠪᠠᠴᠤ ᠡᠶᠢᠮᠤ ᠯᠡ ᠬᠦᠯᠦᠭ ᠯᠡ ᠡᠬᠡ ᠠᠴᠠ ᠪᠠᠨ ᠲᠦᠷᠪᠡᠨ ᠬᠦᠯ ᠢᠶᠠᠷ ᠢᠶᠠᠨ ᠤᠨᠠᠳᠠᠭ ᠪᠠᠶᠢᠵᠤ | ᠲᠠᠭᠠᠷᠠᠨᠠ ᠬᠡᠬᠦ ᠪᠠᠷ ᠰᠠᠶᠢᠬᠠᠨ ᠬᠤᠷᠳᠤᠨ ᠪᠤᠶᠠᠨ ᠪᠠᠶᠢᠭᠰᠠᠨ ᠳ᠋ᠠ᠃ ᠲᠠᠭᠠᠨ ᠳᠤ ᠨᠢ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ | ᠨᠤᠴᠤᠭᠠᠳ ᠵᠦᠪ ᠲᠠᠯᠠ ᠶᠢᠨ ᠬᠤᠩᠭᠤᠨ ᠳᠤ ᠨᠢ ᠰᠢᠳᠤ ᠪᠠᠨ ᠤᠷᠤᠭᠤᠯᠤᠭᠰᠠᠨ ᠤ ᠭᠠᠢ ᠪᠠᠷ ᠬᠤᠶᠢᠳᠤ ᠬᠦᠯ ᠨᠢ | ᠦᠯᠤ ᠮᠡᠳᠡᠭ ᠴᠦᠮᠴᠦᠭᠡᠨᠡᠵᠤ ᠭᠢᠰᠬᠢᠳᠡᠭ᠂ ᠵᠦᠭᠡᠷ ᠵᠤᠭᠰᠤᠬᠤ ᠳᠠᠭᠠᠨ ᠬᠦᠷᠳᠡᠯᠠ ᠲᠡᠷᠨ ᠲᠠᠯᠠ ᠶᠢᠨ ᠲᠠᠰᠢᠶᠠ ᠨᠢ | ᠲᠤᠤᠷᠠ ᠤᠨᠵᠠᠶᠢᠵᠤ ᠬᠠᠷᠠᠭᠳᠠᠳᠠᠭ ᠠᠴᠠ ᠬᠦᠮᠦᠰ ︽ᠵᠠᠭᠠᠷᠵᠠᠪ ᠤᠨ ᠬᠡᠯᠳᠡᠩ ᠬᠠᠷᠠ︾ ᠬᠡᠳᠡᠭ᠂ ᠪᠢ ᠲᠡᠷᠨ ᠨᠡᠷᠠ | ᠳᠤ ᠲᠤᠷᠠ ᠦᠭᠡᠢ ᠮᠠᠨ ᠤ ︽ᠬᠢᠯᠢᠩ ᠬᠠᠷᠠ︾ ᠬᠡᠮᠡᠨ ᠨᠡᠷᠡᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠪᠤᠤᠬᠠᠢ ᠳᠤ ᠬᠤᠩᠭᠤ ᠪᠠᠨ ᠰᠡᠳᠡᠯᠦᠬᠦᠯᠦᠨ ᠠᠯᠳᠠᠭᠰᠠᠨ ᠲᠡᠷᠨ ᠲᠠᠭᠠ ᠶᠢ ᠵᠢᠬᠦᠷᠳᠤ ᠬᠤᠷᠳᠤᠨ ᠬᠦᠯᠦᠭ | ᠬᠡᠵᠤ ᠬᠡᠨ ᠮᠡᠳᠡᠬᠦ ᠪᠢᠯᠨ᠃ ᠤᠨᠤᠭᠠ ᠪᠠᠨ ᠶᠡᠬᠦᠯᠡᠬᠦ ᠪᠠᠷ ᠶᠠᠪᠤᠭᠰᠠᠨ ᠠᠬᠠ ᠮᠠᠨᠢ ᠰᠢᠷᠬᠠᠨ ᠠᠴᠠ ᠨᠢ ᠴᠢᠰᠤ | ᠰᠢᠬᠦᠷᠡᠭᠰᠡᠨ ᠬᠠᠷᠠ ᠲᠠᠭᠠ ᠪᠠᠨ ᠬᠦᠳᠦᠯᠦᠨ ᠢᠷᠡᠭᠡᠳ᠂ ᠰᠢᠷᠬᠠ ᠨᠢ ᠢᠳᠡᠭᠡᠯᠡᠵᠤ ᠪᠡᠭᠡᠵᠤ ᠮᠠᠭᠠᠳ ᠦᠭᠡᠢ᠂ | ᠰᠠᠶᠢᠨ ᠬᠠᠷᠠᠵᠤ ᠬᠠᠨᠳᠤᠵᠤ ᠪᠠᠢ ᠬᠡᠮᠡᠨ ᠠᠪᠴᠢᠷᠠᠵᠤ ᠨᠠᠳᠠᠳᠤ ᠲᠠᠭᠠᠭᠠᠯᠭᠠᠵᠤ ᠦᠭᠬᠦᠪᠡ᠃ ᠬᠡᠪᠡᠴᠤ ᠠᠵᠠ ᠪᠠᠷ | ᠮᠠᠭᠤ ᠶᠠᠭᠤᠮᠠ ᠪᠤᠯᠤᠭᠰᠠᠨ ᠦᠭᠡᠢ᠂ ᠰᠢᠷᠬᠠ ᠨᠢ ᠴᠤ ᠬᠤᠷᠳᠤᠨ ᠡᠳᠡᠭᠡᠵᠤ᠂ ᠪᠠᠷᠠᠭᠤᠨ ᠬᠤᠶᠢᠳᠤ ᠲᠠᠯᠠ ᠶᠢᠨ | ᠲᠠᠰᠢᠶᠠ ᠨᠢ ᠦᠯᠤ ᠮᠡᠳᠡᠭ ᠬᠡᠯᠳᠡᠩ ᠬᠠᠷᠠ ᠲᠠᠭᠠ ᠮᠢᠨᠤ ᠡᠳᠦᠷ ᠲᠤᠳᠤᠮ ᠤᠨ ᠬᠦᠯ ᠲᠡᠬᠦᠵᠢᠯᠡᠬᠦ ᠤᠨᠤᠭᠠ ᠪᠤᠯᠤᠨ | ᠬᠤᠪᠢᠷᠠᠯᠠ᠃ ᠬᠢᠯᠢᠩ ᠬᠠᠷᠠ ᠬᠡᠮᠳᠦᠵᠤ ᠪᠡᠷᠳᠡᠭᠰᠡᠨ ᠴᠤ ᠬᠡᠰᠡᠨ ᠦᠨᠡᠭᠡᠷ ᠬᠤᠷᠳᠤᠨ ᠬᠦᠯᠦᠭ ᠬᠡᠳᠡᠭ ᠨᠢ ᠡᠳᠦᠷ | ᠠᠴᠠ ᠡᠳᠦᠷ ᠲᠤ ᠮᠡᠳᠡᠷᠡᠭᠳᠡᠭᠰᠡᠭᠡᠷ ᠪᠠᠶᠢᠯᠠ᠃ ᠬᠦᠯ ᠬᠦᠩᠭᠡᠨ᠂ ᠶᠠᠪᠤᠳᠠᠯ ᠵᠦᠭᠡᠯᠡᠨᠳᠠᠢ᠃ ᠬᠤᠨᠢ ᠲᠤᠭᠤᠯ ᠤᠨ | ᠪᠡᠯᠴᠢᠭᠡᠷ ᠠᠴᠠ ᠦᠶᠠ ᠶᠢᠨ ᠬᠡᠦᠭᠡᠳ ᠤᠳ ᠲᠠᠢ ᠤᠷᠤᠯᠳᠤᠨ ᠲᠠᠪᠬᠢᠬᠤ ᠳᠤ ᠨᠠᠰᠤ ᠬᠦᠢᠴᠡᠭᠰᠡᠨ ᠮᠤᠷᠢᠨ ᠠᠴᠠ | ᠬᠤᠴᠤᠷᠬᠤ ᠦᠭᠡᠢ ᠰᠡᠬᠦᠯ ᠲᠠᠷᠤᠨ ᠲᠠᠪᠬᠢᠨᠠ᠃ ᠲᠠᠪᠬᠢᠭᠠᠳ ᠨᠦᠬᠦᠭᠡ ᠬᠤᠶᠢᠳᠤ ᠬᠦᠯ ᠤᠨ ᠲᠤᠳᠠᠭᠤ ᠨᠢ ᠶᠡᠷᠦ | ᠮᠡᠳᠡᠭᠳᠡᠬᠦ ᠦᠭᠡᠢ᠂ ᠬᠠᠷᠢᠨ ᠴᠤ ᠲᠠᠪᠬᠢᠬᠤ ᠲᠤᠳᠤᠮ ᠶᠠᠪᠤᠳᠠᠯ ᠨᠢ ᠵᠦᠭᠡᠯᠡᠷᠡᠵᠤ᠂ ᠭᠠᠵᠠᠷ ᠠᠯᠤᠰᠯᠠᠬᠤ ᠲᠤᠳᠤᠮ | ᠬᠤᠷᠳᠤ ᠬᠦᠴᠤ ᠨᠢ ᠠᠬᠢᠨᠠ᠃ ᠪᠢ ᠴᠤ ᠬᠢᠯᠢᠩ ᠬᠠᠷᠠ ᠶᠢᠨ ᠶᠠᠮᠠᠷᠰᠢᠤ ᠰᠢᠨᠳᠠᠰᠤᠳᠤ ᠬᠦᠯᠦᠭ ᠪᠤᠯᠬᠤ ᠲᠤᠬᠠᠢ | ᠠᠬᠠ ᠳᠤ ᠬᠡᠯᠡᠬᠦ ᠳᠤ ᠶᠡᠷᠤ ᠢᠳᠡᠭᠡᠭᠰᠡᠨ ᠰᠢᠨᠵᠢ ᠦᠭᠡᠢ ᠦᠯᠤ ᠲᠤᠭᠤᠮᠰᠤᠷᠯᠠᠨᠠ᠃ ᠨᠠᠮᠠᠢᠢ ᠱᠠᠯᠠᠭᠠᠳ ᠪᠠᠶᠢᠬᠤ ᠪᠠᠷ | ᠬᠤᠶᠢᠳᠤᠨ ᠨᠢ ᠠᠬᠠ ᠬᠡᠯᠳᠡᠩ ᠬᠠᠷᠠ ᠶᠢ ᠤᠶᠠᠵᠤ ᠦᠵᠡᠯᠠ᠃ ᠶᠠᠭ ᠮᠢᠨᠤ ᠪᠤᠳᠤᠭᠰᠠᠨ ᠰᠢᠭ᠋ ᠰᠤᠮᠤ ᠶᠢᠨ | ᠨᠠᠭᠠᠳᠤᠮ ᠳᠤ ᠲᠠᠰᠤᠷᠬᠠᠢ ᠬᠤᠯᠨ ᠲᠦᠷᠦᠬᠦᠯᠡᠵᠤ ᠢᠷᠡᠬᠦ ᠳᠤ ᠬᠦᠮᠦᠰ᠄ ︽ᠦᠭᠡᠢ ᠮᠥᠨ ᠬᠤᠷᠳᠤᠨ ᠠᠳᠤᠭᠤᠰᠤ | ᠡ᠃ ᠬᠦᠯ ᠨᠢ ᠬᠡᠮᠳᠦᠭᠰᠡᠨ ᠦᠭᠡᠢ ᠪᠤᠯ ᠪᠦᠷ ᠢᠯᠡᠬᠦᠤ ᠬᠤᠷᠳᠤᠯᠠᠵᠤ ᠪᠠᠶᠢᠵᠤ ᠰᠢᠤ︾ ᠬᠡᠮᠡᠨ ᠱᠠᠭᠠᠬᠢᠵᠠᠭᠠᠵᠤ᠂ | ᠬᠡᠯᠳᠡᠩ ᠲᠠᠰᠢᠶᠠᠳᠤ ᠬᠠᠷᠠ ᠶᠢᠨ ᠲᠤᠬᠠᠢ ᠡᠶᠢᠮᠤ ᠨᠢᠭᠡᠨ ᠪᠠᠭ᠋ᠠᠷᠬᠠᠭᠰᠠᠨ᠂ ᠭᠠᠶᠢᠬᠠᠭᠰᠠᠨ ᠶᠠᠷᠢᠶᠠ ᠮᠠᠨ ᠤ ᠨᠤᠳᠤᠭ | ᠢᠶᠠᠷ ᠲᠠᠷᠬᠠᠪᠠ᠃ ᠬᠦᠮᠦᠰ ᠤᠨ ᠶᠠᠷᠢᠶᠠ᠂ ᠰᠤᠮᠤ ᠶᠢᠨ ᠨᠠᠭᠠᠳᠤᠮ ᠳᠤ ᠲᠠᠰᠤᠷᠬᠠᠢ ᠬᠤᠯᠨ ᠲᠦᠷᠦᠬᠦᠯᠡᠭᠰᠡᠨ ᠵᠡᠷᠭᠡ | ᠠᠴᠠ ᠪᠤᠯᠤᠭᠠᠳ ᠠᠬᠠ ᠮᠠᠨᠢ ᠴᠤ ᠬᠢᠯᠢᠩ ᠬᠠᠷᠠ ᠶᠢ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠠᠳᠤᠭᠤᠰᠤ ᠪᠢᠰᠢ ᠬᠠᠷᠢᠨ ᠭᠠᠶᠢᠬᠠᠯᠳᠠᠢ | ᠬᠤᠷᠳᠤᠨ ᠬᠦᠯᠦᠭ ᠬᠡᠳᠡᠭ ᠲᠤ ᠢᠳᠡᠭᠡᠵᠤ ᠡᠬᠢᠯᠡᠭᠰᠡᠨ ᠪᠤᠯᠪᠠᠦ᠂ ᠲᠡᠷᠨ ᠵᠢᠯ ᠪᠤᠯᠤᠭᠰᠠᠨ ᠵᠡᠷᠭᠡᠯᠡᠳᠡᠭᠡᠬᠢ ᠰᠤᠮᠤᠨ ᠤ | ᠤᠢ ᠳᠤ ᠬᠢᠯᠢᠩ ᠬᠠᠷᠠ ᠶᠢ ᠪᠠᠨ ᠤᠷᠤᠯᠳᠤᠭᠤᠯᠤᠯᠠ᠃ ᠲᠡᠨᠳᠠ ᠴᠤ ᠪᠠᠰᠠ ᠬᠢᠯᠢᠩ ᠬᠠᠷᠠ ᠮᠠᠩᠨᠠᠢ ᠳᠠᠭᠠᠨ | ᠲᠤᠭᠤᠰᠤ ᠦᠭᠡᠢ ᠬᠤᠷᠳᠤᠯᠠᠵᠤ᠂ ᠬᠤᠯᠨ ᠰᠠᠭᠠᠬᠠᠯᠳᠠ ᠶᠢᠨ ᠬᠢᠷᠢ ᠲᠠᠰᠤᠷᠬᠠᠢ ᠲᠦᠷᠦᠬᠦᠯᠡᠵᠤ ᠢᠷᠡᠬᠦ ᠳᠤ | ᠨᠠᠭᠠᠳᠤᠮᠴᠢᠳ ᠮᠠᠨ ᠤ ᠨᠤᠳᠤᠭ ᠤᠨ ᠬᠢᠨ ᠤ ᠬᠡᠯᠡᠳᠡᠭ ᠲᠡᠷᠨ ᠯᠡ ᠱᠠᠭᠰᠢᠭᠰᠠᠨ᠂ ᠭᠠᠶᠢᠬᠠᠭᠰᠠᠨ ᠦᠭᠡ ᠶᠢ | ᠬᠡᠯᠡᠵᠡᠭᠡᠨ᠂ ᠬᠢᠯᠢᠩ ᠬᠠᠷᠠ ᠶᠢ ᠮᠠᠭᠳᠠᠨ ᠱᠤᠤᠬᠢᠵᠠᠭᠠᠯᠠ᠃ ᠰᠢᠳᠦᠯᠡᠩ᠂ ᠬᠢᠵᠠᠭᠠᠯᠠᠩ᠂ ᠰᠤᠶᠤᠭᠠᠯᠠᠩ ᠨᠠᠰᠤᠨ | ᠳᠠᠭᠠᠨ ᠬᠢᠯᠢᠩ ᠬᠠᠷᠠ ᠤᠶᠢᠷᠠ ᠬᠠᠪᠢ ᠶᠢᠨ ᠨᠠᠭᠠᠳᠤᠮ᠂ ᠤᠶᠠᠭᠠ ᠰᠤᠶᠢᠯᠭᠠ ᠳᠤ ᠤᠯᠠᠭᠠᠨ ᠬᠦᠯ ᠲᠠᠢ ᠶᠢ ᠤᠷᠢᠳᠤ | ᠪᠠᠨ ᠬᠢᠰᠬᠢᠬᠦᠯᠦᠭᠰᠡᠨ ᠦᠭᠡᠢ᠃ ᠴᠤᠬᠤᠮ ᠯᠡ ᠵᠢᠷ ᠤᠨ ᠠᠳᠤᠭᠤᠰᠤ ᠪᠤᠰᠤ ᠵᠢᠬᠦᠷᠳᠤ ᠬᠦᠯᠦᠭ ᠮᠡᠳᠤ | ᠤᠷᠤᠯᠳᠤᠭᠰᠠᠨ ᠨᠠᠭᠠᠳᠤᠮ ᠪᠦᠬᠦᠨ ᠳᠡᠭᠡᠨ ᠮᠠᠩᠨᠠᠢ ᠳᠠᠭᠠᠨ ᠲᠤᠭᠤᠰᠤ ᠦᠭᠡᠢ ᠢᠷᠡᠵᠤ ᠪᠠᠶᠢᠯᠠ᠃ ᠬᠠᠷᠠ ᠮᠤᠷᠢᠨ ᠤ | ᠠᠴᠢ ᠪᠠᠷ ᠠᠬᠠ ᠶᠢᠨ ᠨᠡᠷᠠ ᠬᠦᠨᠳᠤ ᠴᠤ ᠦᠰᠴᠤ᠂ ᠴᠢᠳᠠᠯ ᠲᠠᠢ ᠰᠠᠶᠢᠨ ᠤᠶᠠᠭᠠᠴᠢ ᠶᠢᠨ ᠲᠤᠭᠠᠨ ᠳᠤ ᠪᠠᠭᠳᠠᠵᠤ | ᠂ ᠠᠯᠳᠠᠷ ᠴᠤᠤ᠂ ᠲᠦᠮᠡᠨ ᠤ ᠮᠠᠭᠳᠠᠭᠠᠯ ᠳᠤ ᠬᠦᠭᠡᠷᠦᠭᠰᠡᠨ ᠠᠬᠠ ᠮᠠᠨᠢ ᠶᠠᠭᠤᠮᠠ ᠯᠡ ᠪᠤᠯ᠄ ︽ᠮᠢᠨᠤ ᠬᠠᠷᠠ | ᠮᠤᠷᠢᠨ ᠤ ᠤᠷᠢᠳᠤ ᠬᠢᠰᠬᠢᠬᠦ ᠬᠤᠷᠳᠤᠨ ᠠᠵᠢᠨᠠᠢ ᠡᠨᠡ ᠠᠶᠢᠮᠠᠭ ᠰᠤᠮᠤᠨ ᠳᠤ ᠯᠠᠪ ᠠᠯᠠᠭᠠ᠃ ᠲᠡᠷᠨ ᠤᠯᠤᠰ ᠤᠨ | ᠨᠠᠭᠠᠳᠤᠮ ᠳᠤ ᠨᠢ ᠤᠷᠤᠯᠳᠤᠵᠤ ᠦᠵᠡᠳᠡᠭ ᠯᠡ ᠶᠤᠮ ᠦᠦ᠃ ᠲᠠᠩᠴᠢ ᠠᠳᠠ ᠠᠴᠠ ᠶᠠᠪᠤᠨᠠ ᠬᠡᠳᠡᠭ ᠬᠤᠯᠨ ᠶᠤᠮ | ᠳ᠋ᠠ᠃ ᠲᠡᠬᠦᠨ ᠠᠴᠠ ᠮᠢᠨᠤ ᠬᠠᠷᠠ ᠤᠯᠤᠰ ᠲᠤ ᠴᠤ ᠬᠡᠰᠡᠨ ᠲᠤᠭᠤᠰᠤ ᠦᠭᠡᠢ ᠲᠦᠷᠦᠬᠦᠯᠡᠨᠠ ᠳ᠋ᠧ︾ ᠬᠡᠮᠡᠨ | ᠴᠡᠭᠡᠵᠢ ᠬᠦᠳᠡᠯᠭᠡᠨ ᠬᠠᠩᠬᠠᠯᠵᠠᠵᠤ ᠰᠠᠭᠤᠬᠤ ᠪᠤᠯᠪᠠ᠃ ᠭᠠᠵᠠᠷ ᠭᠠᠵᠠᠷ ᠠᠴᠠ ᠴᠤᠭᠯᠠᠷᠠᠭᠰᠠᠨ ᠲᠡᠷᠨ ᠤᠯᠠᠨ | ᠬᠤᠷᠳᠤᠨ ᠰᠠᠶᠢᠬᠠᠨ ᠠᠵᠢᠨᠠᠢ ᠨᠤᠭᠤᠳ ᠲᠤᠳᠤᠷᠠ ᠦᠪᠡᠷ ᠤᠨ ᠬᠢᠨᠢ ᠤᠶᠠᠭᠠ ᠰᠤᠶᠢᠯᠭᠠ ᠶᠢ ᠨᠢ | ᠲᠠᠭᠠᠷᠠᠭᠤᠯᠤᠭᠰᠠᠨ ᠬᠦᠯᠦᠭ ᠬᠡᠷᠬᠢᠨ ᠲᠠᠪᠬᠢᠬᠤ ᠪᠤᠯ ᠬᠡᠮᠡᠨ ᠲᠦᠰᠦᠭᠡᠯᠡᠵᠤ ᠱᠤᠬᠤᠭᠤᠷᠬᠠᠬᠤ ᠨᠢ ᠤᠶᠠᠭᠠᠴᠢ ᠬᠦᠮᠦᠨ | ᠪᠦᠬᠦᠨ ᠤ ᠪᠤᠳᠤᠳᠠᠭ ᠪᠤᠳᠤᠯ ᠴᠤ ᠪᠠᠶᠢᠵᠤ ᠮᠡᠳᠡᠨᠠ᠂ ᠬᠡᠬᠦ ᠳᠡᠭᠡᠨ ᠯᠡ ᠬᠡᠨᠡᠳᠳᠠ ᠤᠯᠳᠠᠭᠰᠠᠨ ᠠᠯᠳᠠᠷ ᠨᠡᠷᠡ | ᠠᠬᠠ ᠶᠢᠨ ᠵᠠᠩ ᠢ ᠡᠪᠳᠡᠭᠡᠳ ᠪᠠᠶᠢᠭᠠ ᠨᠢ ᠨᠠᠳᠠᠳᠤ ᠠᠩᠵᠠᠭᠠᠷᠠᠭᠳᠠᠭᠠᠳ ᠪᠠᠶᠢᠪᠠ᠃ ᠮᠠᠭᠠᠳ ᠦᠭᠡᠢ ᠲᠡᠷᠨ ᠨᠢᠭᠡ | ᠭᠠᠶᠢᠳᠤ ᠶᠠᠪᠤᠳᠠᠯ ᠲᠤᠬᠢᠶᠠᠯᠳᠤᠭᠠ ᠦᠭᠡᠢ ᠪᠤᠯ ᠠᠬᠠ ᠤᠯᠤᠰ ᠤᠨ ᠨᠠᠭᠠᠳᠤᠮ ᠳᠤ ᠤᠴᠢᠬᠤ ᠲᠡᠷᠨ ᠬᠦᠰᠡᠯ | ᠮᠦᠷᠦᠭᠡᠳᠦᠯ ᠢᠶᠠᠨ ᠯᠠᠪ ᠪᠡᠶᠡᠯᠡᠬᠦᠯᠬᠦ ᠪᠠᠶᠢᠭᠰᠠᠨ ᠪᠢᠵᠠ ᠡ᠃ | ᠬᠢᠯᠢᠩ ᠬᠠᠷᠠ ᠶᠢ ᠶᠡᠭᠡ ᠨᠠᠰᠤᠨ ᠳᠤ ᠨᠡᠶᠢᠯᠡᠭᠰᠡᠨ ᠲᠡᠷᠨ ᠵᠢᠯ ᠠᠬᠠ ᠮᠠᠨᠢ ᠠᠨᠠᠢ ᠯᠡ ᠤᠶᠢᠷᠠ ᠬᠠᠪᠢ ᠶᠢᠨ | ᠨᠠᠭᠠᠳᠤᠮ ᠬᠡᠰᠦᠨ᠂ ᠬᠢᠯᠢᠩ ᠬᠠᠷᠠ ᠶᠢᠨ ᠢᠶᠠᠨ ᠬᠤᠷᠳᠤ ᠶᠢ ᠭᠠᠶᠢᠬᠠᠭᠤᠯᠵᠤ ᠶᠠᠪᠤᠯᠠ᠃ ᠤᠶᠢᠷᠠ ᠶᠢᠨ ᠬᠡᠳᠦᠨ | ᠰᠤᠮᠤ ᠲᠠᠶᠠᠭᠠᠷ ᠬᠢᠯᠢᠩ ᠬᠠᠷᠠ ᠶᠢ ᠠᠨᠳᠠᠬᠤ ᠦᠭᠡᠢ ᠪᠤᠯᠤᠭᠠᠳ ᠪᠠᠶᠢᠭᠰᠠᠨ ᠦᠶᠠ᠃ ᠲᠡᠰ ᠤᠨ ᠭᠤᠤᠯ ᠤᠨ | ᠵᠠᠭᠠᠷᠵᠠᠪ ᠤᠶᠠᠭᠠᠴᠢ ᠢᠷᠡᠵᠤ ᠬᠡᠨᠠ ᠬᠡᠮᠡᠨ ᠲᠤᠭᠤᠯᠤᠭᠰᠠᠨ ᠬᠦᠮᠦᠰ᠄ ︽ᠵᠠ ᠡᠨᠡ ᠨᠠᠭᠠᠳᠤᠮ ᠤᠨ ᠮᠤᠷᠢᠨ ᠤ | ᠲᠦᠷᠦᠬᠦᠤ ᠯᠠᠪ ᠲᠤᠳᠤᠷᠬᠠᠢ ᠪᠤᠯᠤᠯᠠ᠃ ᠲᠡᠰ ᠤᠨ ᠭᠤᠤᠯ ᠤᠨ ᠬᠡᠯᠳᠡᠩ ᠬᠠᠷᠠ ᠶᠢᠨ ᠡᠮᠦᠨᠠ ᠬᠢᠰᠬᠢᠬᠦ ᠬᠦᠯᠦᠭ | ᠪᠠᠶᠢᠬᠤ ᠦᠭᠡᠢ ᠪᠢᠵᠠ ᠳ᠋ᠧ︾ ᠬᠡᠵᠡᠭᠡᠨᠠ᠃ ᠲᠡᠰ ᠤᠨ ᠭᠤᠤᠯ ᠤᠨ ᠤᠨᠠᠭᠠ᠂ ᠲᠡᠷᠬᠢ ᠶᠢᠨ ᠭᠤᠤᠯ ᠤᠨ ᠬᠡᠦᠭᠡᠨ | ᠭᠡᠰᠡᠨ ᠦᠭᠡ ᠶᠢᠨ ᠤᠳᠬᠠ ᠤᠴᠢᠷ ᠢ ᠪᠦᠷᠢᠨ ᠲᠦᠬᠦᠷᠡᠩ ᠤᠶᠢᠯᠠᠭᠠᠬᠤ ᠳᠤ ᠨᠠᠰᠤ ᠮᠢᠨᠢ ᠪᠠᠯᠴᠢᠷ ᠪᠠᠶᠢᠭᠰᠠᠨ ᠴᠤ | ᠬᠡᠰᠡᠨ ᠲᠡᠰ ᠤᠨ ᠭᠤᠤᠯ ᠤᠨ ᠤᠨᠠᠭᠠ ᠬᠡᠰᠡᠨ ᠲᠡᠷᠨ ᠦᠭᠡ ᠴᠤᠬᠤᠮ ᠯᠡ ᠬᠢᠯᠢᠩ ᠬᠠᠷᠠ ᠳᠤ ᠵᠤᠷᠢᠭᠤᠯᠤᠭᠳᠠᠭᠰᠠᠨ | ᠮᠡᠳᠤ ᠨᠠᠳᠠᠳᠤ ᠪᠤᠳᠤᠭᠳᠠᠳᠠᠭ ᠪᠠᠶᠢᠵᠤ ᠪᠢᠯᠨ᠃ ᠵᠡᠷᠭᠡᠯᠡᠳᠡᠭᠡ ᠬᠤᠶᠠᠷ ᠰᠤᠮᠤ ᠶᠢᠨ ᠨᠠᠭᠠᠳᠤᠮ ᠳᠤ ᠤᠴᠢᠭᠰᠠᠨ ᠠᠬᠠ | ᠮᠠᠨᠢ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠪᠤᠯᠬᠤ ᠬᠦᠪᠰᠦᠬᠦᠯ ᠤᠨ ᠨᠢᠭᠡᠨ ᠰᠤᠮᠤ ᠶᠢᠨ ᠤᠢ ᠳᠤ ᠤᠴᠢᠬᠤ ᠪᠠᠷ | ᠵᠡᠭᠡᠵᠤ ᠡᠬᠢᠯᠡᠪᠡ᠃ ᠠᠬᠠ ᠲᠠᠢ ᠬᠠᠮᠳᠤ ᠮᠠᠨ ᠤ ᠨᠤᠳᠤᠭ ᠤᠨ ᠬᠡᠳᠤ ᠬᠡᠳᠦᠨ ᠤᠶᠠᠭᠠᠴᠢ ᠬᠠᠮᠰᠠᠵᠤ ᠨᠢᠭᠡ ᠭᠠᠯ | ᠪᠤᠯᠤᠨ ᠶᠠᠪᠤᠬᠤ ᠪᠠᠷ ᠲᠤᠭᠳᠠᠵᠤ᠂ ᠬᠦᠪᠰᠦᠬᠦᠯ ᠤᠨ ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ ᠬᠡᠵᠤ ᠪᠠᠶᠢᠭᠠ ᠤᠶᠠᠭᠠᠴᠢᠳ ᠤᠨ | ᠲᠤᠬᠠᠢ ᠤᠰᠤ ᠭᠤᠤᠯ ᠤᠨ ᠬᠦᠮᠦᠨ ᠵᠤᠨ ᠰᠤᠨᠢᠨ ᠪᠤᠯᠤᠨ᠄ ︽ᠵᠠ ᠤᠳᠤ ᠯᠡ ᠵᠠᠭᠠᠷᠵᠠᠪ ᠤᠶᠠᠭᠠᠴᠢ ᠶᠢᠨ ᠡᠷᠳᠡᠮ᠂ | ᠬᠡᠯᠳᠡᠩ ᠬᠠᠷᠠ ᠶᠢᠨ ᠬᠤᠷᠳᠤ ᠬᠤᠶᠠᠷ ᠢ ᠨᠢᠭᠡ ᠰᠢᠯᠭᠠᠵᠤ ᠳ᠋ᠧ᠃ ᠡᠨᠡ ᠤᠶᠢᠷᠠ ᠬᠠᠪᠢ ᠶᠢᠨ ᠬᠡᠳᠦᠨ ᠰᠤᠮᠤ | ᠶᠠᠭᠠᠬᠢᠬᠤᠪ᠂ ᠭᠠᠵᠠᠷ ᠰᠢᠷᠤᠢ᠂ ᠠᠭᠠᠷ ᠤᠰᠤ ᠨᠢ ᠠᠳᠠᠯᠢᠬᠠᠨ ᠬᠤᠶᠢᠨᠠ᠃ ᠬᠠᠷᠢᠨ ᠡᠨᠡ ᠬᠠᠩᠭᠠᠢ ᠭᠠᠵᠠᠷ ᠲᠤ | ᠮᠤᠷᠢᠨ ᠤ ᠤᠶᠠᠭᠠ ᠰᠤᠶᠢᠯᠭᠠ ᠦᠭᠡᠷᠡᠴᠢᠯᠡᠭᠳᠡᠵᠤ᠂ ᠡᠯᠡᠰᠦᠷᠭᠡᠭ ᠭᠠᠵᠠᠷ ᠶᠠᠪᠤᠵᠤ ᠰᠠᠭᠤᠭᠰᠠᠨ ᠮᠤᠷᠢ ᠬᠠᠩᠭᠠᠢ ᠶᠢᠨ | ᠬᠠᠳᠠᠭᠤ ᠬᠦᠷᠦᠰᠦᠨ ᠲᠡᠭᠡᠷᠠ ᠤᠯᠠᠳᠠᠭᠠᠳ ᠤᠯᠢᠭᠳᠠᠢ ᠬᠤᠷᠳᠤᠯᠠᠵᠤ ᠴᠢᠳᠠᠳᠠᠭ ᠦᠭᠡᠢ᠃ ᠵᠢᠩᠬᠢᠨᠢ ᠰᠠᠶᠢᠨ ᠬᠦᠯᠦᠭ | ᠮᠥᠨ ᠪᠢᠰᠢ ᠨᠢ ᠴᠤᠬᠤᠮ ᠯᠡ ᠠᠳᠠ ᠠᠴᠠ ᠮᠡᠳᠡᠭᠳᠡᠨᠠ ᠳ᠋ᠧ︾ ᠭᠡᠵᠡᠭᠡᠨᠠ᠃ ᠡᠶᠢᠮᠤ ᠶᠠᠷᠢᠶᠠ ᠭᠠᠷᠤᠭᠠᠳ ᠤᠳᠠᠭᠠ | ᠦᠭᠡᠢ ᠪᠠᠶᠢᠳᠠᠯᠠ ᠤᠰᠤ ᠨᠤᠳᠤᠭ ᠲᠠᠶᠠᠭᠠᠷ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠨᠢᠭᠡᠨ ᠮᠠᠨ ᠤ ᠳᠤ ᠢᠷᠡᠯᠠ | ᠃ | ︽ᠦᠬᠦᠵᠤ ᠪᠠᠶᠢᠭᠰᠠᠨ ᠬᠡᠦᠭᠡᠳ ᠢ ᠤᠰᠤ ᠰᠠᠴᠤᠵᠤ ᠲᠠᠷᠨᠢᠳᠠᠭᠠᠳ ᠪᠤᠰᠬᠠᠵᠤ ᠬᠡᠨᠠ︾᠂ ︽ᠵᠠᠮ ᠳᠤ | ᠲᠠᠭᠠᠷᠠᠭᠰᠠᠨ ᠡᠪᠡᠳᠴᠢᠳᠠᠢ ᠬᠦᠮᠦᠨ ᠢ ᠡᠷᠢᠭᠡ ᠪᠠᠷ ᠢᠶᠠᠨ ᠤᠷᠢᠶᠠᠯᠭᠠᠵᠤ ︿ᠵᠠᠶᠢᠯᠨ ᠴᠢ﹀ ᠬᠡᠮᠡᠨ ᠵᠠᠩᠨᠠᠭᠰᠠᠨ ᠴᠢᠨᠢ | ᠪᠦᠭᠡᠮ ᠬᠠᠷᠠ ᠴᠢᠰᠤ ᠪᠠᠷ ᠪᠦᠭᠡᠯᠵᠢᠭᠡᠳ ᠡᠷᠡᠬᠦᠯ ᠪᠤᠯᠵᠤ ᠬᠡᠨᠠ︾ ᠬᠡᠬᠦᠴᠢᠯᠡᠨ ᠪᠠᠯᠪᠠᠷ ᠬᠤᠪᠢᠯᠠᠭᠠᠨ ᠤ ᠲᠤᠬᠠᠢ | ᠦᠨᠡᠨ ᠬᠤᠳᠠᠯ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ᠂ ᠲᠤᠮᠤᠭ ᠰᠢᠭ᠋ ᠶᠠᠷᠢᠶᠠ ᠶᠢ ᠪᠢ ᠲᠤᠮᠤᠴᠤᠳ ᠠᠴᠠ ᠪᠢᠰᠢᠬᠦᠢ | ᠰᠤᠨᠤᠰᠤᠭᠰᠠᠨ᠃ ᠬᠡᠬᠦ ᠳᠡᠭᠡᠨ ᠮᠠᠨ ᠤ ᠨᠤᠳᠤᠭ ᠤᠨ ᠬᠢᠨ ᠲᠡᠷᠨ ᠬᠦᠮᠦᠨ ᠢ ᠲᠡᠭᠡᠳᠡᠯᠠ ᠰᠢᠳᠤᠵᠤ ᠵᠠᠯᠪᠠᠷᠢᠵᠤ | ᠰᠦᠢᠳ ᠪᠤᠯᠳᠠᠭ ᠦᠭᠡᠢ ᠪᠠᠶᠢᠯᠠ᠃ ᠬᠠᠷᠢᠨ ᠭᠠᠳᠠᠨᠠ ᠠᠴᠠ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠳᠤ ᠬᠦᠮᠦᠰ ᠶᠡᠭᠡᠯᠠ ᠢᠷᠡᠳᠡᠭ᠂ | ᠵᠠᠷᠢᠮ ᠨᠢ ᠴᠤ ᠪᠠᠷᠤᠭ ᠠᠮᠢᠳᠤ ᠪᠤᠷᠬᠠᠨ ᠮᠡᠳᠤ ᠰᠢᠳᠤᠵᠤ ᠪᠢᠰᠢᠷᠡᠳᠡᠭ ᠰᠤᠷᠠᠭ ᠪᠠᠶᠢᠳᠠᠭ ᠪᠠᠶᠢᠪᠠ᠃ | ᠪᠠᠯᠪᠠᠷ ᠬᠤᠪᠢᠯᠭᠠᠨ ᠵᠤᠨᠰᠢᠯᠭᠠ᠂ ᠨᠤᠭᠤᠭᠠ ᠴᠠᠭᠠ᠂ ᠪᠤᠷᠤᠭᠠᠨ ᠬᠤᠷᠠ ᠬᠡᠬᠦᠴᠢᠯᠡᠨ ᠠᠬᠠ ᠲᠠᠢ ᠤᠶᠢᠷᠠ | ᠵᠠᠭᠤᠷᠠ ᠶᠢᠨ ᠶᠠᠭᠤᠮᠠ ᠬᠦᠭᠡᠷᠴᠤ ᠰᠠᠭᠤᠭᠰᠠᠨ ᠢᠶᠠᠨ᠄ ︽ᠴᠢᠮᠠᠢᠢ ᠬᠦᠪᠰᠦᠬᠦᠯ ᠤᠷᠤᠭᠤ ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ | ᠬᠡᠵᠤ ᠪᠠᠶᠢᠭᠠ ᠬᠡᠬᠦ ᠶᠤᠮ᠃ ᠲᠡᠭᠡᠭᠡᠳ ᠬᠡᠵᠢᠶᠠ ᠬᠦᠳᠡᠯᠬᠦ ᠶᠤᠮ ᠪᠤᠢ ᠳ᠋ᠧ︖︾ ᠬᠡᠰᠡᠨ ᠳᠤ ᠠᠬᠠ ᠬᠡᠰᠡᠭ | ᠵᠠᠭᠤᠷᠠ ᠲᠠᠭ ᠴᠢᠭ᠋ ᠪᠠᠶᠢᠭᠰᠠᠨ ᠢᠶᠠᠨ ᠠᠶᠠᠭᠠ ᠲᠠᠢ ᠠᠶᠢᠷᠠᠭ ᠢᠶᠠᠨ ᠨᠢᠭᠡ ᠠᠮᠢᠰᠬᠤᠯ ᠢᠶᠠᠷ ᠵᠠᠯᠬᠢᠴᠢᠬᠠᠭᠠᠳ᠄ ︽ | ᠬᠠᠷᠠ ᠮᠤᠷᠢᠨ ᠤ ᠪᠠᠨ ᠴᠢᠳᠠᠯ ᠢ ᠦᠵᠡᠶᠠ ᠯᠡ ᠬᠡᠰᠡᠨ ᠶᠤᠮ᠂ ᠤᠶᠢᠷᠠ ᠶᠢᠨ ᠬᠡᠳᠦᠨ ᠰᠤᠮᠤᠨ ᠳᠠᠭᠠᠨ ᠴᠤ | ᠶᠠᠭᠠᠬᠢᠬᠤᠪ᠂ ᠮᠢᠨᠤ ᠬᠠᠷᠠ ᠶᠢᠨ ᠡᠮᠦᠨᠠ ᠬᠢᠰᠬᠢᠬᠦ ᠬᠤᠷᠳᠤᠨ ᠠᠵᠢᠨᠠᠢ ᠠᠯᠠᠭᠠ ᠰᠢᠭ᠋ ᠪᠠᠶᠢᠨᠠ᠃ ᠮᠠᠨ ᠤ ᠬᠢ ᠰᠢᠭ᠋ | ᠡᠯᠡᠰᠦᠷᠭᠡᠭ ᠭᠤᠪᠢ ᠨᠤᠳᠤᠭ ᠤᠨ ᠠᠳᠤᠭᠤ ᠬᠠᠩᠭᠠᠢ ᠭᠠᠵᠠᠷ ᠤᠨ ᠬᠠᠳᠠᠭᠤ ᠬᠦᠷᠦᠰᠦᠨ ᠲᠡᠭᠡᠷᠠ ᠬᠡᠷᠬᠢᠨ | ᠬᠤᠷᠳᠤᠯᠠᠬᠤ ᠪᠤᠯ︖︾ ᠬᠡᠮᠡᠨ ᠠᠰᠠᠭᠤᠯᠳᠠ ᠶᠢ ᠠᠰᠠᠭᠤᠯᠳᠠ ᠪᠠᠷ ᠬᠠᠷᠢᠭᠤᠯᠬᠤ ᠨᠢ ᠴᠠᠭᠠᠨᠠ ᠪᠠᠨ ᠯᠡ ᠨᠢᠭᠡ | ᠶᠠᠩᠵᠤᠳᠠᠢ ᠪᠠᠶᠢᠭᠠ ᠪᠤᠯᠤᠯᠳᠠᠢ᠃ | ᠪᠠᠯᠪᠠᠷ ᠬᠤᠪᠢᠯᠭᠠᠨ ᠴᠤ ᠮᠥᠨ ᠵᠢᠭᠠᠬᠠᠨ ᠲᠠᠭᠤ ᠦᠭᠡᠢ ᠰᠠᠭᠤᠭᠰᠠᠨ ᠢᠶᠠᠨ᠄ ︽ᠪᠢ ᠬᠦᠮᠦᠨ ᠮᠡᠳᠡᠬᠦ ᠠᠴᠠ | ᠶᠠᠮᠠᠷ ᠮᠤᠷᠢ ᠮᠠᠯ ᠮᠡᠳᠡᠬᠦ ᠪᠢᠰᠢ ᠳ᠋ᠧ᠃ ᠬᠦᠮᠦᠰ ᠴᠢᠨᠤ ᠡᠨᠡ ᠬᠡᠯᠳᠡᠩ ᠬᠠᠷᠠ ᠶᠢ ᠲᠡᠭᠷᠢ ᠶᠢᠨ ᠬᠦᠯᠦᠭ ᠯᠡ ᠬᠡᠵᠡᠭᠡᠬᠦ | ᠶᠤᠮ᠃ ᠪᠢ ᠴᠢᠮᠠᠢᠢ ᠤᠳᠤ ᠬᠤᠷᠢᠭᠯᠠᠭᠠᠳ ᠪᠠᠷᠤᠭ ᠲᠡᠶᠢᠯᠬᠦ ᠦᠭᠡᠢ ᠪᠢᠵᠠ᠃ ᠤᠭ ᠨᠢ ᠡᠨᠡ ᠵᠢᠯ ᠴᠢ ᠲᠡᠷᠨ | ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ ᠬᠡᠷᠡᠭ ᠦᠭᠡᠢ ᠯᠡ ᠪᠠᠶᠢᠭᠠ ᠶᠤᠮ᠃ ᠵᠠ ᠶᠠᠭᠠᠬᠢᠬᠤᠪ᠂ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠪᠤᠯᠪᠠᠯ | ᠨᠠᠳᠠᠳᠤ ᠡᠷᠳᠡᠭᠡᠨ ᠬᠡᠯᠨ ᠦᠭᠬᠦᠭᠡᠷᠠᠢ︾ ᠬᠡᠳ ᠲᠠᠬᠢᠨ ᠨᠢᠭᠡ ᠴᠤ ᠦᠭᠡ ᠨᠡᠮᠡᠵᠤ ᠬᠡᠯᠡᠭᠰᠡᠨ ᠦᠭᠡᠢ ᠭᠠᠷᠴᠤ | ᠤᠳᠤᠯᠠ᠃ ᠬᠤᠪᠢᠯᠭᠠᠨ ᠢ ᠶᠠᠪᠤᠭᠰᠠᠨ ᠤ ᠲᠠᠷᠠᠭᠠ ᠡᠵᠢ ᠮᠠᠨᠢ ᠠᠬᠠ ᠶᠢ᠄ ︽ᠪᠢᠳᠡᠭᠡᠢ ᠶᠠᠪᠤ᠂ ᠪᠠᠯᠪᠠᠷ ᠬᠤᠪᠢᠯᠭᠠᠨ | ᠵᠦᠭᠡᠷ ᠴᠤ ᠨᠢᠭᠡ ᠬᠡᠯᠡᠭᠰᠡᠨ ᠦᠭᠡᠢ ᠪᠠᠶᠢᠬᠤ ᠰᠢᠤ᠂ ᠬᠦᠪᠰᠦᠬᠦᠯ ᠬᠡᠯᠨ ᠠᠮᠠ ᠶᠡᠭᠡᠳᠠᠢ᠂ ᠪᠦᠭᠡ ᠢᠳᠤᠭᠠᠨ ᠲᠠᠢ | ᠨᠤᠳᠤᠭ ᠬᠡᠳᠡᠭ᠃ ᠬᠡᠳᠦᠨ ᠵᠢᠯ ᠳᠤ ᠭᠠᠭᠴᠨ ᠪᠤᠯᠬᠤ ᠨᠠᠭᠠᠳᠤᠮ ᠤᠨ ᠢᠶᠠᠨ ᠲᠦᠷᠦᠬᠦᠤ ᠶᠢ ᠪᠤᠰᠤᠳ ᠲᠤ ᠠᠯᠳᠠᠶᠠ | ᠬᠡᠵᠤ ᠬᠡᠨ ᠪᠤᠳᠤᠬᠤ ᠪᠤᠢ︖ ᠶᠠᠭᠤ ᠴᠤ ᠪᠤᠯᠬᠤ ᠶᠤᠮ ᠪᠢᠯᠨ︾ ᠬᠡᠮᠡᠨ ᠬᠤᠷᠢᠭᠯᠠᠭᠰᠠᠨ ᠴᠤ ᠠᠬᠠ ᠮᠠᠨᠢ᠄ ︽ | ᠨᠢᠭᠡᠨᠳᠠ ᠶᠠᠪᠤᠶᠠ ᠬᠡᠳ ᠬᠦᠮᠦᠰ ᠲᠠᠢ ᠶᠠᠷᠢᠭᠠᠳ ᠲᠤᠬᠢᠷᠠᠴᠢᠬᠠᠭᠰᠠᠨ ᠬᠤᠶᠢᠨᠠ ᠤᠳᠤ ᠶᠠᠭᠠᠬᠢᠵᠤ ᠪᠤᠯᠢᠬᠤ ᠪᠤᠢ ᠳ᠋ᠧ | ᠃ ᠲᠡᠭᠡᠭᠡᠳ ᠴᠤ ᠶᠡᠷᠤ ᠨᠢ ᠶᠠᠭᠠᠬᠢᠪᠠ ᠯᠡ ᠬᠡᠵᠤ᠂ ᠡᠷᠡᠤ ᠪᠠᠯᠪᠠᠷ ᠦᠪᠴᠢᠬᠢᠨᠡᠵᠤ ᠯᠡ ᠪᠠᠶᠢᠭᠠ ᠪᠢᠵᠠ᠃ ᠬᠡᠳᠦᠨ | ᠬᠤᠯᠤ ᠠᠶᠢᠷᠠᠭ ᠵᠦᠭᠡᠷ ᠤᠤᠭᠤᠭᠠᠳ ᠮᠤᠷᠳᠠᠬᠤ ᠦᠭᠡᠢ᠂ ᠡᠯᠳᠡᠪ ᠶᠠᠭᠤᠮᠠ ᠶᠠᠷᠢᠭᠠᠳ︾ ᠬᠡᠮᠡᠨ ᠲᠠᠰᠤ ᠵᠦᠷᠢᠯᠡ᠃ | ᠠᠬᠠ ᠮᠠᠨᠢ ᠶᠠᠪᠤᠭᠠᠳ ᠰᠠᠷᠠ ᠢᠯᠡᠬᠦᠤ ᠶᠢᠨ ᠲᠠᠷᠠᠭᠠ ᠡᠷᠬᠢᠵᠤ ᠢᠷᠡᠯᠠ᠃ ᠮᠤᠷᠢᠨ ᠲᠡᠭᠡᠷᠠ ᠪᠠᠨ ᠴᠤ ᠲᠤᠭᠳᠠᠵᠤ | ᠴᠢᠳᠠᠬᠤ ᠦᠭᠡᠢ᠂ ᠬᠦᠮᠦᠨ ᠢᠶᠠᠷ ᠲᠦᠰᠢᠬᠦᠯᠦᠭᠰᠡᠨ ᠠᠮᠢᠳᠠᠨ ᠠᠷᠠᠶᠢᠬᠠᠨ ᠬᠡᠷ ᠤᠨ ᠪᠠᠷᠠ ᠬᠠᠷᠠᠬᠤ ᠨᠢ ᠲᠡᠷᠨ᠃ | ᠬᠠᠮᠳᠤ ᠶᠠᠪᠤᠭᠰᠠᠨ ᠬᠦᠮᠦᠰ ᠤᠨ ᠶᠠᠷᠢᠬᠤ ᠨᠢ᠂ ᠶᠡᠭᠡ ᠨᠠᠰᠤᠨ ᠳᠤ ᠮᠠᠨ ᠤ ᠬᠢᠯᠢᠩ ᠬᠠᠷᠠ ᠲᠦᠷᠦᠬᠦᠯᠡᠵᠤ᠂ ᠪᠠᠰᠠ | ᠦᠭᠡᠷᠠ ᠨᠢᠭᠡ ᠤᠶᠠᠭᠠᠴᠢ ᠶᠢᠨ ᠦᠷᠢᠶᠠ ᠨᠢ ᠠᠶᠢᠷᠠᠭᠳᠠᠵᠠᠢ᠃ ᠬᠤᠯᠨ ᠠᠴᠠ ᠵᠤᠷᠢᠵᠤ ᠤᠴᠢᠭᠰᠠᠨ ᠤᠶᠠᠭᠠᠴᠢᠳ | ᠶᠡᠭᠡ ᠯᠡ ᠪᠠᠶᠠᠷ ᠬᠦᠷ ᠲᠠᠢ ᠪᠤᠴᠠᠵᠤ ᠶᠠᠪᠤᠭᠰᠠᠨ ᠠᠵᠠᠢ᠃ ᠲᠡᠭᠡᠭᠰᠡᠨ ᠠᠬᠠ ᠵᠦᠪ ᠵᠦᠭᠡᠷ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠯᠡ | ᠬᠡᠨᠡᠳᠳᠠ ᠲᠠᠳᠠᠵᠤ᠂ ᠮᠤᠷᠢᠨ ᠲᠡᠭᠡᠷᠠ ᠪᠠᠨ ᠴᠢᠭᠡ ᠰᠠᠭᠤᠬᠤ ᠨᠢ ᠪᠠᠶᠢᠳᠤᠭᠠᠢ ᠡᠭ᠍ᠴᠡᠷᠡᠵᠤ ᠴᠤ ᠴᠢᠳᠠᠬᠤ ᠦᠭᠡᠢ | ᠡᠪᠬᠡᠷᠡᠭᠰᠡᠨ ᠠᠮᠢᠳᠠᠨ ᠪᠤᠯᠴᠢᠬᠠᠭᠰᠠᠨ ᠬᠡᠨᠠ᠃ ᠲᠡᠭᠡᠭᠡᠳ ᠯᠡ ᠬᠠᠵᠠᠭᠤ ᠠᠴᠠ ᠨᠢ ᠲᠦᠰᠢᠵᠤ ᠲᠤᠯᠵᠤ ᠶᠠᠪᠤᠵᠤ | ᠪᠠᠶᠢᠵᠤ ᠠᠪᠴᠢᠷᠠᠵᠠᠢ᠃ ᠮᠠᠷᠭᠠᠰᠢ ᠨᠢ ᠰᠤᠮᠤ ᠠᠴᠠ ᠡᠮᠴᠢ ᠢᠷᠡᠵᠤ ᠦᠵᠡᠭᠡᠳ ᠶᠠᠮᠠᠷ ᠴᠤ ᠪᠠᠶᠢᠭᠰᠠᠨ ᠡᠮᠨᠡᠯᠭᠡ | ᠤᠷᠤᠭᠤ ᠠᠪᠤᠭᠠᠳ ᠶᠠᠪᠤᠶᠠ ᠬᠡᠮᠡᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠪᠡᠯᠡᠳᠭᠡᠯᠭᠡᠪᠡ᠃ ᠬᠡᠳᠦᠨ ᠮᠠᠯ ᠢᠶᠠᠨ ᠤᠷᠬᠢᠬᠤ | ᠠᠷᠭᠠ ᠦᠭᠡᠢ᠂ ᠲᠡᠭᠡᠷᠠ ᠨᠢ ᠡᠪᠤᠯᠵᠢᠶᠠ ᠪᠠᠭᠤᠴᠨ ᠪᠠᠨ ᠰᠡᠯᠪᠢᠬᠦ ᠠᠴᠠ ᠦᠭᠰᠦᠬᠦᠯᠦᠭᠡᠳ ᠨᠠᠮᠤᠷ ᠤᠨ ᠠᠵᠢᠯ | ᠡᠬᠢᠯᠡᠬᠦ ᠲᠦᠬᠦᠴᠢᠭᠡᠭᠰᠡᠨ ᠦᠶᠠ ᠪᠤᠯᠬᠤᠷ ᠡᠵᠢ ᠪᠢᠳᠠ ᠬᠤᠶᠠᠷ ᠤᠨ ᠬᠡᠨ ᠬᠡᠨ ᠨᠢ ᠶᠠᠪᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ | ᠬᠠᠮᠳᠤ ᠶᠠᠪᠤᠶᠠ ᠬᠡᠰᠡᠨ ᠴᠤ ᠠᠬᠠ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠪᠢᠵᠠ᠃ ᠲᠤᠳᠤᠷᠠ ᠠᠴᠠ ᠨᠢᠭᠡ ᠶᠠᠭᠤᠮᠠ | ᠲᠠᠳᠠᠭᠠᠳ ᠪᠠᠶᠢᠬᠤ ᠰᠢᠭ᠋ ᠬᠡᠮᠡᠨ ᠬᠡᠳᠡᠰᠤ ᠪᠠᠨ ᠲᠠᠷᠤᠨ ᠡᠪᠬᠡᠷᠡᠭᠰᠡᠨ ᠠᠮᠢᠳᠠᠨ ᠠᠬᠠ ᠮᠠᠨᠢ ᠡᠮᠨᠡᠯᠭᠡ ᠶᠢᠨ ᠮᠠᠰᠢᠨ ᠳᠤ | ᠰᠠᠭᠤᠭᠠᠳ ᠶᠠᠪᠤᠬᠤ ᠳᠠᠭᠠᠨ᠄ ︽ᠵᠠ ᠴᠢ ᠲᠤᠭᠯᠠᠬᠤ ᠡᠷᠬᠡᠯᠡᠬᠦ ᠶᠢ ᠯᠡ ᠪᠤᠳᠤᠭᠠᠳ ᠪᠠᠶᠢᠪᠠ᠃ ᠡᠵᠢ ᠳᠡᠭᠡᠨ ᠰᠠᠶᠢᠨ | ᠲᠤᠰᠠᠯᠠᠵᠤ᠂ ᠡᠷᠠ ᠬᠦᠮᠦᠨ ᠰᠢᠭ ᠤᠯᠢᠭᠳᠠᠶᠢᠬᠠᠨ ᠪᠠᠶᠢᠵᠤ ᠦᠵᠡᠭᠡᠷᠡᠢ︾ ᠬᠡᠮᠡᠨ ᠵᠠᠬᠢᠯᠠ᠃ ᠠᠬᠠ ᠡᠮᠨᠡᠯᠭᠡ ᠳᠤ | ᠬᠡᠳᠦ ᠬᠤᠨᠤᠭᠰᠠᠨ ᠢ ᠮᠡᠳᠡᠬᠦ ᠦᠭᠡᠢ᠂ ᠬᠡᠬᠦ ᠳᠡᠭᠡᠨ ᠶᠡᠭᠡ ᠯᠡ ᠤᠳᠠᠭᠠᠨ ᠬᠡᠪᠳᠡᠭᠰᠡᠨ ᠰᠠᠨᠠᠭᠳᠠᠨᠠ᠃ ᠪᠡᠶᠠ ᠨᠢ | ᠤᠯᠢᠭᠳᠠᠢ ᠰᠠᠶᠢᠵᠢᠷᠠᠭᠰᠠᠨ ᠴᠤ ᠶᠠᠭᠤᠮᠠ ᠦᠭᠡᠢ ᠪᠤᠴᠠᠵᠤ ᠢᠷᠡᠭᠰᠡᠨ ᠶᠤᠮ᠃ ᠠᠬᠠ ᠢᠷᠡᠭᠰᠡᠨ ᠤ ᠮᠠᠷᠭᠠᠰᠢ ᠡᠵᠢ | ᠮᠠᠨᠢ ᠨᠠᠮᠠᠢᠢ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠢ ᠵᠠᠯᠠᠭᠠᠳ ᠢᠷᠡᠭᠡᠴᠢ ᠬᠡᠮᠡᠨ ᠶᠠᠪᠤᠭᠤᠯᠤᠯᠠ᠃ ᠠᠬᠠ ᠴᠤ ᠤᠭ ᠤᠨ ᠰᠢᠳᠦᠯᠭᠡ | ᠦᠭᠡᠢ ᠬᠦᠮᠦᠨ᠃ ︽ᠡᠷᠳᠡᠮ ᠲᠠᠢ ᠴᠢᠳᠠᠯ ᠲᠠᠢ ᠡᠮᠴᠢ ᠲᠤᠮᠴᠢ ᠨᠢ ᠦᠵᠡᠭᠡᠳ ᠡᠮᠴᠢᠯᠡᠵᠤ ᠴᠢᠳᠠᠭᠰᠠᠨ ᠦᠭᠡᠢ | ᠶᠠᠭᠤᠮᠠ ᠶᠢ ᠡᠷᠡᠦ ᠪᠠᠯᠪᠠᠷ ᠶᠠᠭᠠᠬᠢᠵᠤ ᠡᠳᠡᠭᠡᠬᠦ ᠪᠤᠢ ᠳ᠋ᠧ︾ ᠬᠡᠮᠡᠨ ᠲᠤᠳᠤᠷᠠ ᠪᠠᠨ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠪᠠᠶᠢᠬᠤ᠂ | ᠭᠡᠪᠡᠴᠤ ᠭᠠᠳᠠᠨᠠ ᠪᠠᠨ ᠶᠠᠭᠤᠮᠠ ᠲᠤᠤᠭᠠᠷᠤᠭᠰᠠᠨ ᠦᠭᠡᠢ᠃ | ᠨᠠᠮᠠᠢᠢ ᠬᠢᠯᠢᠩ ᠬᠠᠷᠠ ᠪᠠᠨ ᠤᠨᠤᠨ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠤ ᠳᠤ ᠤᠴᠢᠬᠤ ᠳᠤ ᠬᠡᠵᠢᠶᠠ ᠶᠠᠵᠢᠶᠠᠨ ᠤ ᠢᠷᠡᠨᠠ | ᠬᠡᠵᠤ ᠮᠡᠳᠡᠴᠢᠭᠡᠭᠡᠳ ᠬᠦᠯᠢᠶᠡᠵᠤ ᠪᠠᠶᠢᠭᠰᠠᠨ ᠮᠡᠳᠤ ᠲᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ ᠵᠡᠭᠡᠴᠢᠭᠡᠭᠰᠡᠨ᠂ | ᠪᠤᠷᠬᠢᠭᠰᠠᠨ ᠰᠢᠷᠠ ᠲᠠᠮᠠᠬᠢ ᠪᠠᠨ ᠬᠠᠮᠠᠷ ᠤᠷᠤᠭᠤ ᠪᠠᠨ ᠴᠢᠬᠢᠨ ᠶᠡᠭᠡ ᠯᠡ ᠶᠠᠭᠤᠮᠠ ᠪᠤᠳᠤᠭᠰᠠᠨ ᠰᠢᠨᠵᠢᠳᠠᠢ | ᠪᠤᠳᠤᠯᠭᠠᠰᠢᠷᠠᠵᠤ ᠰᠠᠭᠤᠬᠤ ᠳᠤ ᠨᠢ ᠪᠢ ᠶᠡᠭᠡᠳᠠ ᠭᠠᠶᠢᠬᠠᠪᠠ᠃ | ᠨᠠᠮᠠᠢᠢ ᠤᠷᠤᠭᠠᠳ ᠮᠡᠨᠳᠦᠯᠡᠵᠤ᠄ ︽ᠠᠬᠠ ᠮᠠᠨᠢ ᠡᠪᠡᠳᠦᠭᠡᠳ᠂ ᠡᠵᠢ ᠲᠠᠨ ᠢ ᠵᠠᠯᠠᠭᠠᠳ ᠢᠷᠡ ᠬᠡᠵᠤ ᠨᠠᠮᠠᠢᠢ | ᠶᠠᠪᠤᠭᠤᠯᠤᠯᠠ︾ ᠬᠡᠬᠦ ᠳᠤ ᠤᠭᠳᠤᠬᠠᠨ ᠴᠤ ᠲᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠨᠢᠳᠤ ᠪᠠᠨ ᠠᠨᠢᠨ ᠮᠠᠨᠢ ᠮᠡᠭᠵᠢᠮ | ᠤᠩᠰᠢᠵᠤ ᠪᠠᠶᠢᠨᠠ ᠦᠦ ᠬᠡᠯᠳᠠᠢ ᠬᠡᠰᠡᠭ ᠰᠠᠭᠤᠭᠠᠳ᠄ ︽ᠵᠠ ᠶᠠᠪᠤᠶᠠ ᠳ᠋ᠠ︾ ᠬᠡᠮᠡᠨ ᠪᠤᠰᠤᠯᠠ᠃ ᠵᠠᠮ ᠵᠠᠭᠤᠷᠠ ᠴᠤ | ᠤᠭᠳᠤ ᠶᠠᠭᠤᠮᠠ ᠶᠠᠷᠢᠭᠰᠠᠨ ᠦᠭᠡᠢ᠃ ᠬᠡᠷ ᠲᠤ ᠢᠷᠡᠭᠡᠳ ᠡᠵᠢ ᠶᠢᠨ ᠭᠠᠷᠭᠠᠵᠤ ᠲᠠᠯᠪᠢᠭᠰᠠᠨ ᠰᠠᠷᠬᠤᠳ ᠠᠴᠠ | ᠬᠤᠶᠠᠷ ᠲᠠᠭᠰᠢ ᠵᠠᠯᠬᠢᠯᠠᠭᠰᠠᠨ ᠢᠶᠠᠨ᠄ ︽ᠶᠡᠭᠡ ᠯᠡ ᠬᠦᠨᠳᠤ ᠪᠠᠶᠢᠨᠠ ᠳ᠋ᠠ᠃ ᠨᠠᠳᠠᠳᠤ ᠡᠷᠳᠡᠭᠡᠨ ᠬᠡᠯᠡᠬᠦ ᠦᠭᠡᠢ᠃ | ᠪᠢ ᠴᠤ ᠡᠶᠢᠮᠤ ᠶᠠᠭᠤᠮᠠ ᠪᠤᠯᠬᠤ ᠶᠢ ᠮᠡᠳᠡᠵᠤ ᠪᠠᠶᠢᠭᠰᠠᠨ ᠬᠢᠷᠢ ᠨᠢ ᠦᠨᠦᠭᠡᠨ ᠵᠠᠭᠤᠷᠠ ᠮᠠᠷᠳᠠᠵᠤ ᠤᠷᠬᠢᠵᠤ︾ | ᠬᠡᠮᠡᠨ ᠭᠡᠷ ᠲᠤ ᠪᠠᠶᠢᠭᠠ ᠬᠦᠮᠦᠰ ᠲᠤ ᠪᠢᠰᠢ᠂ ᠦᠪᠡᠷ ᠲᠡᠭᠡᠨ ᠬᠡᠯᠡᠬᠦ ᠮᠡᠳᠤ ᠨᠠᠮᠤᠭᠤᠬᠠᠨ ᠦᠬᠦᠯᠡᠭᠰᠡᠨ ᠢᠶᠠᠨ᠄ ︽ | ᠴᠢᠨᠤ ᠮᠤᠷᠢ ᠶᠢ ᠠᠪᠬᠤ ᠬᠡᠵᠤ ᠱᠠᠯᠠᠭᠰᠠᠨ ᠲᠡᠷᠨ ᠬᠦᠮᠦᠨ ᠴᠢᠨᠢ ᠲᠡᠭᠡᠭᠡᠳ ᠶᠠᠮᠠᠷᠰᠢᠤ ᠬᠦᠮᠦᠨ ᠪᠠᠶᠢᠭᠰᠠᠨ ᠶᠤᠮ ᠪᠤᠢ | ︖︾ ᠬᠡᠮᠡᠨ ᠠᠬᠠ ᠠᠴᠠ ᠠᠰᠠᠭᠤᠯᠠ᠃ ᠲᠦᠷᠦᠬᠦᠨ ᠠᠴᠠ ᠬᠤᠶᠢᠰᠢ ᠲᠤᠭᠤᠮᠵᠢᠷ ᠮᠠᠭᠤᠳᠠᠶᠢᠬᠠᠨ ᠬᠡᠪᠳᠡᠵᠤ | ᠪᠠᠶᠢᠭᠰᠠᠨ ᠠᠬᠠ ᠬᠤᠪᠢᠯᠭᠠᠨ ᠤ ᠬᠡᠨᠡᠳᠳᠠ ᠡᠶᠢᠨ ᠠᠰᠠᠭᠤᠬᠤ ᠳᠤ ᠰᠤᠴᠢᠬᠤ ᠰᠢᠭ᠋ ᠪᠤᠯᠤᠭᠰᠠᠨ ᠢᠶᠠᠨ᠄ ︽ᠵᠠ | ᠪᠠᠶᠢᠵᠠ᠂ ᠲᠤᠮᠳᠠ ᠬᠢᠷᠢ ᠶᠢᠨ ᠨᠠᠰᠤᠨ ᠤ᠂ ᠪᠠᠷᠠᠭᠠᠨ ᠴᠢᠷᠠᠢ ᠲᠠᠢ ᠡᠷᠠ ᠪᠠᠶᠢᠭᠰᠠᠨ᠃ ᠬᠢᠯᠢᠩ ᠬᠠᠷᠠ ᠪᠠᠨ | ᠵᠠᠷᠤᠴᠢᠬᠠ ᠬᠡᠵᠤ ᠮᠥᠨ ᠴᠤ ᠶᠡᠭᠡ ᠱᠠᠯᠠᠭᠰᠠᠨ ᠳ᠋ᠠ᠃ ᠵᠠᠷᠤᠬᠤ ᠦᠭᠡᠢ ᠬᠡᠳ ᠪᠠᠶᠢᠬᠤ ᠳᠤ ᠯᠡ ᠦᠨᠠ ᠬᠡᠯᠡᠭᠡᠳ | ᠰᠠᠭᠤᠭᠠᠳ ᠪᠠᠶᠢᠭᠰᠠᠨ᠃ ᠰᠡᠬᠦᠯ ᠳᠡᠭᠡᠨ ᠴᠤ ᠪᠦᠷ ᠠᠭᠤᠷᠯᠠᠭᠠᠳ᠂ ᠨᠠᠭᠠᠳᠤ ᠮᠤᠷᠢ ᠪᠠᠨ ᠤᠯᠠᠨ ᠵᠢᠯ | ᠬᠤᠷᠳᠤᠯᠠᠭᠤᠯᠵᠤ᠂ ᠪᠤᠰᠤᠳ ᠤᠨ ᠨᠠᠭᠠᠳᠤᠮ ᠢ ᠪᠤᠯᠢᠶᠠᠬᠤ ᠶᠢ ᠴᠢᠨᠢ ᠬᠠᠷᠠᠨᠠ ᠬᠡᠳ ᠭᠠᠷᠤᠭᠠᠳ ᠶᠠᠪᠤᠭᠰᠠᠨ ᠰᠢᠤ︾ | ᠬᠡᠮᠡᠨ ᠰᠤᠯᠠᠬᠠᠨ ᠦᠴᠢᠯᠠ᠃ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠮᠥᠨ ᠯᠡ ᠦᠪᠡᠷ ᠲᠡᠭᠡᠨ ᠦᠬᠦᠯᠡᠬᠦ ᠮᠡᠳᠤ᠄ ︽ᠠ᠂ ᠮᠥᠨ᠃ | ᠲᠡᠶᠢᠮᠤ ᠪᠤᠢ︾ ᠬᠡᠰᠡᠨ ᠢᠶᠠᠨ ᠡᠮᠦᠨᠡᠬᠢ ᠯᠤᠩᠬᠤ ᠲᠠᠢ ᠠᠴᠠ ᠪᠠᠨ ᠲᠠᠬᠢᠨ ᠨᠢᠭᠡ ᠠᠶᠠᠭᠠᠯᠠᠵᠤ ᠵᠠᠯᠬᠢᠴᠢᠬᠠᠭᠠᠳ᠄ ︽ | ᠵᠠ ᠠᠮᠢᠨ ᠤ ᠪᠠᠨ ᠤᠷᠤᠨ ᠳᠤ ᠬᠡᠯᠳᠡᠩ ᠬᠠᠷᠠ ᠶᠢ ᠪᠠᠨ ᠯᠡ ᠦᠭᠴᠤ ᠳ᠋ᠧ᠃ ᠲᠡᠭᠡᠵᠤ ᠯᠡ ᠰᠠᠯᠬᠤ ᠦᠭᠡᠢ ᠪᠤᠯ | ᠪᠤᠯᠬᠤ ᠦᠭᠡᠢ ᠨᠢ᠃ ᠨᠡᠬᠡᠯ ᠬᠠᠳᠠᠭᠤ ᠲᠠᠢ ᠬᠦᠮᠦᠨ ᠪᠠᠶᠢᠨᠠ︾ ᠬᠡᠬᠦ ᠨᠢ ᠲᠡᠷᠨ᠃ ᠡᠵᠢ ︽ᠬᠦᠶ᠋ᠢ ᠡ︕︾ | ᠬᠡᠮᠡᠨ ᠤᠤᠯᠭᠠ ᠠᠯᠳᠠᠵᠤ᠂ ᠠᠬᠠ ᠰᠤᠴᠢᠨ ᠦᠨᠳᠡᠶᠢᠭᠰᠡᠨ ᠴᠤ ᠲᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠬᠡᠷ ᠲᠤ ᠪᠠᠯᠪᠠᠷ | ᠬᠤᠪᠢᠯᠭᠠᠨ ᠤ ᠤᠩᠰᠢᠬᠤ ᠨᠤᠮ ᠠᠴᠠ ᠦᠭᠡᠷᠠ ᠲᠠᠭᠤ ᠴᠢᠮᠡᠭᠡ ᠦᠭᠡᠢ ᠬᠡᠰᠡᠭᠭᠡᠨ ᠬᠤᠷᠤᠮ ᠦᠩᠭᠡᠷᠡᠯᠠ᠃ | ᠤᠳᠠᠭᠰᠠᠨ ᠴᠤ ᠦᠭᠡᠢ ᠬᠤᠪᠢᠯᠭᠠᠨ ᠨᠤᠮ ᠢᠶᠠᠨ ᠤᠩᠰᠢᠵᠤ ᠲᠠᠭᠤᠰᠤᠭᠠᠳ ᠡᠮᠦᠨᠡᠬᠢ ᠠᠶᠠᠭᠠ ᠲᠠᠢ ᠠᠷᠢᠬᠢ | ᠤᠷᠤᠭᠤ ᠪᠠᠨ ᠪᠠᠭᠠᠬᠠᠨ ᠰᠢᠪᠰᠢᠨ ᠦᠯᠢᠶᠡᠭᠰᠡᠨ ᠢᠶᠠᠨ ᠬᠤᠷᠤᠭᠤ ᠪᠠᠨ ᠵᠠᠩᠭᠠᠨ ᠨᠠᠮᠠᠢᠢ ᠲᠠᠭᠤᠳᠠᠵᠤ᠄ ︽ᠵᠠ᠂ ᠴᠢ | ᠡᠨᠡ ᠠᠷᠢᠬᠢ ᠶᠢ ᠬᠠᠷᠠ ᠮᠤᠷᠢᠨ ᠤ ᠪᠠᠨ ᠮᠠᠩᠨᠠᠢ ᠲᠡᠭᠡᠷᠠ ᠲᠤᠰᠤᠯᠭᠠᠴᠢᠬᠠᠭᠠᠳ ᠢᠷᠠ︾ ᠬᠡᠪᠡ᠃ ᠪᠢ ᠴᠤ ᠭᠠᠳᠠᠭᠠ | ᠤᠶᠠᠭᠠᠳᠠᠢ ᠪᠠᠶᠢᠭᠰᠠᠨ ᠬᠢᠯᠢᠩ ᠬᠠᠷᠠ ᠤᠷᠤᠭᠤ ᠪᠠᠨ ᠤᠴᠢᠵᠤ ᠬᠤᠪᠢᠯᠭᠠᠨ ᠤ ᠵᠢᠭᠠᠭᠰᠠᠨ ᠢ ᠬᠢᠭᠡᠳ ᠤᠷᠤᠵᠤ | ᠢᠷᠡᠪᠡᠯ ᠲᠡᠷᠡᠪᠡᠷ᠄ ︽ᠨᠠᠭᠠᠳᠤ ᠠᠳᠤᠭᠤ ᠪᠠᠨ ᠤᠷᠤᠢ ᠳᠠᠭᠠᠨ ᠢᠵᠢᠯᠢ ᠳᠤ ᠨᠢ ᠲᠠᠯᠪᠢᠴᠢᠬᠠᠭᠠᠷᠠᠢ︾ ᠬᠡᠰᠡᠨ ᠢᠶᠠᠨ | ᠡᠵᠢ ᠳᠤ ᠬᠠᠨᠳᠤᠨ᠄ ︽ᠵᠠ ᠪᠢ ᠴᠤ ᠢᠩᠬᠢᠭᠡᠳ ᠶᠠᠪᠤᠶᠠ ᠳ᠋ᠠ᠃ ᠮᠠᠷᠭᠠᠰᠢ ᠠᠴᠠ ᠬᠦᠤ ᠴᠢᠨᠢ ᠵᠦᠭᠡᠷ ᠪᠤᠯᠴᠢᠬᠠᠨᠠ | ᠡ︾ ᠬᠡᠮᠡᠨ ᠦᠬᠦᠯᠡᠪᠡ᠃ ᠤᠷᠤᠢ ᠪᠢ ᠤᠶᠢᠷᠠᠬᠠᠨ ᠶᠠᠪᠤᠭᠰᠠᠨ ᠠᠳᠤᠭᠤᠨ ᠳᠠᠭᠠᠨ ᠬᠢᠯᠢᠩ ᠬᠠᠷᠠ ᠶᠢ ᠪᠠᠨ | ᠠᠪᠠᠴᠢᠵᠤ ᠲᠠᠯᠪᠢᠯᠠ᠃ ᠬᠦᠮᠦᠨ ᠪᠦᠯᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠤᠨᠠᠭᠠ ᠲᠠᠯᠪᠢᠴᠢᠬᠠᠭᠰᠠᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ | ᠦᠷᠯᠦᠭᠡ ᠨᠢ ᠠᠳᠤᠭᠤ ᠪᠠᠨ ᠬᠤᠷᠢᠶᠠᠬᠤ ᠬᠡᠷᠡᠭ ᠪᠠᠶᠢᠭᠰᠠᠨ ᠦᠭᠡᠢ᠃ ᠬᠡᠬᠦ ᠳᠡᠭᠡᠨ ᠯᠡ ᠪᠠᠯᠪᠠᠷ ᠬᠤᠪᠢᠯᠭᠠᠨ ᠤ | ᠠᠶᠠᠭᠯᠠᠭᠰᠠᠨ ᠢ ᠰᠠᠨᠠᠨ ᠦᠷᠯᠦᠭᠡ ᠨᠢ ᠡᠷᠳᠡ ᠭᠡᠭᠴᠢ ᠮᠤᠷᠳᠠᠵᠤ ᠠᠳᠤᠭᠤᠨ ᠳᠠᠭᠠᠨ ᠶᠠᠪᠤᠯᠠ᠃ ︽ᠬᠢᠯᠢᠩ ᠬᠠᠷᠠ | ᠶᠠᠭᠠᠬᠢᠭᠰᠠᠨ ᠪᠤᠯ᠂ ᠬᠤᠪᠢᠯᠭᠠᠨ ᠤ ᠬᠡᠯᠡᠭᠰᠡᠨ ᠲᠡᠷᠨ ᠦᠭᠡ ᠶᠠᠮᠠᠷ ᠤᠴᠢᠷᠳᠠᠢ ᠶᠤᠮ ᠪᠤᠯ︖︾ ᠬᠡᠰᠡᠨ ᠪᠤᠳᠤᠯ | ᠰᠦᠨᠢᠵᠢᠨ ᠮᠢᠨᠤ ᠰᠠᠨᠠᠭᠠᠨ ᠠᠴᠠ ᠭᠠᠷᠤᠭᠠ ᠦᠭᠡᠢ᠃ ᠦᠷᠯᠦᠭᠡ ᠠᠳᠤᠭᠤᠨ ᠳᠠᠭᠠᠨ ᠲᠠᠪᠬᠢᠵᠤ ᠶᠠᠪᠤᠬᠤ ᠬᠦᠷᠳᠡᠯᠠ | ᠡᠨᠡ ᠪᠤᠳᠤᠯ ᠨᠠᠳᠠ ᠠᠴᠠ ᠤᠭᠳᠤ ᠰᠠᠯᠤᠭᠰᠠᠨ ᠦᠭᠡᠢ᠃ ᠠᠳᠤᠭᠤᠨ ᠲᠡᠭᠡᠷᠠ ᠪᠠᠨ ᠲᠠᠪᠬᠢᠨ ᠢᠷᠡᠪᠡᠯ ᠬᠢᠯᠢᠩ ᠬᠠᠷᠠ | ᠤᠭᠳᠤ ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠂ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠯᠡ ᠦᠴᠦᠭᠡᠳᠦᠷ ᠤᠷᠤᠢ ᠪᠢ ᠢᠵᠢᠯᠢ ᠳᠤ ᠨᠢ ᠦᠪᠡᠷ | ᠤᠨ ᠭᠠᠷ ᠢᠶᠠᠷ ᠠᠪᠴᠢᠷᠠᠵᠤ ᠲᠠᠯᠪᠢᠭᠰᠠᠨ ᠰᠠᠨ᠃ ᠠᠳᠤᠭᠤ ᠮᠠᠨᠢ ᠲᠤᠭᠳᠠᠵᠤ ᠶᠠᠳᠠᠨ᠂ ᠨᠢᠭᠡ ᠶᠠᠭᠤᠮᠠᠨ ᠠᠴᠠ | ᠦᠷᠬᠦᠭᠰᠡᠨ ᠪᠤᠯᠤᠯᠳᠠᠢ ᠬᠠᠮᠠᠷ ᠢᠶᠠᠨ ᠲᠤᠤᠭᠠᠷᠭᠠᠨ ᠰᠤᠷᠳᠤᠯᠵᠠᠨᠠ᠃ ᠴᠢᠮᠡᠭᠡ ᠦᠭᠬᠦᠨ ᠬᠠᠰᠬᠢᠷᠴᠤ᠂ ᠠᠳᠤᠭᠤ ᠪᠠᠨ | ᠨᠢᠭᠡ ᠲᠤᠭᠤᠷᠢᠭᠠᠳ ᠪᠢ ᠠᠷᠠᠢ ᠦᠨᠳᠦᠷᠯᠢᠭ ᠭᠠᠵᠠᠷ ᠭᠠᠷᠴᠤ ᠲᠤᠷᠠᠨᠳᠠᠬᠤ ᠪᠠᠷ ᠰᠢᠢᠳᠦᠨ ᠬᠠᠵᠠᠭᠤ ᠶᠢᠨ ᠲᠤᠯᠤᠭᠠᠢ | ᠤᠷᠤᠭᠤ ᠲᠠᠪᠬᠢᠯᠠ᠃ ᠲᠤᠯᠤᠭᠠᠢ ᠲᠡᠭᠡᠷᠠ ᠠᠴᠠ ᠲᠤᠷᠠᠨ ᠲᠠᠯᠪᠢᠪᠠᠯ ᠪᠠᠷᠠᠭᠤᠨ ᠭᠤᠤ ᠳᠤ ᠶᠠᠮᠠᠷ ᠨᠢᠭᠡᠨ ᠠᠮᠢᠳᠠᠨ ᠤ | ᠰᠡᠭ ᠵᠡᠮ ᠪᠠᠶᠢᠭᠠ ᠪᠤᠯᠤᠯᠳᠠᠢ᠂ ᠬᠡᠳᠦᠨ ᠬᠠᠷᠠ ᠰᠢᠪᠠᠭᠤ ᠨᠢᠰᠦᠨ ᠪᠠᠭᠤᠨᠠ᠃ ᠡᠷᠬᠢᠨ ᠲᠤᠭᠤᠷᠢᠨ ᠳᠤ ᠭᠠᠭᠴᠨ | ᠠᠳᠤᠭᠤ ᠬᠡᠬᠦ ᠪᠠᠷ ᠶᠠᠭᠤᠮᠠ ᠤᠯᠵᠤ ᠬᠠᠷᠠᠭᠠ ᠦᠭᠡᠢ ᠪᠤᠯᠬᠤᠷ ᠪᠢ ᠲᠤᠯᠤᠭᠠᠢ ᠲᠡᠭᠡᠷᠠ ᠠᠴᠠ ᠪᠠᠭᠤᠬᠤ ᠳᠠᠭᠠᠨ | ᠲᠡᠷᠡᠬᠦ ᠬᠠᠷᠠ ᠰᠢᠪᠠᠭᠤᠳ ᠤᠨ ᠴᠤᠭᠯᠠᠷᠠᠭᠰᠠᠨ ᠰᠡᠭ ᠢ ᠤᠴᠢᠵᠤ ᠦᠵᠡᠬᠦ ᠪᠠᠷ ᠰᠢᠢᠳᠦᠪᠡ᠃ | ᠡ ᠬᠠᠯᠠᠭ︕ ᠬᠢᠯᠢᠩ ᠬᠠᠷᠠ ᠮᠠᠨᠢ ᠠᠵᠠᠢ᠃ ᠴᠢᠨ᠋ᠸᠠ ᠬᠡᠳᠡᠰᠤ ᠲᠤᠳᠤᠷᠠ ᠶᠢ ᠨᠢ ᠶᠠᠭᠤ ᠴᠤ ᠦᠯᠡᠳᠡᠭᠡᠯ | ᠦᠭᠡᠢ ᠢᠳᠡᠵᠠᠢ᠃ ᠬᠡᠬᠦ ᠳᠡᠭᠡᠨ ᠬᠠᠷᠠ ᠰᠠᠶᠢᠬᠠᠨ ᠨᠢᠳᠤ ᠨᠢ ᠬᠠᠭᠠᠰ ᠠᠨᠢᠭᠠᠰᠤᠳᠠᠢ ᠪᠠᠶᠢᠪᠠ᠃ ᠪᠢ ᠭᠡᠷ ᠤᠷᠤᠭᠤ | ᠪᠠᠨ ᠲᠠᠪᠬᠢᠨ ᠤᠴᠢᠪᠠᠯ ᠠᠬᠠ ᠮᠠᠨᠢ ᠮᠤᠷᠢᠨ ᠤ ᠤᠶᠠᠭᠠᠨ ᠲᠡᠭᠡᠷᠠ ᠶᠠᠪᠤᠵᠤ ᠬᠠᠷᠠᠭᠳᠠᠨᠠ᠃ ᠠᠬᠠ ᠶᠢ ᠪᠠᠨ | ᠡᠳᠡᠭᠡᠷᠡᠭᠰᠡᠨ ᠢ ᠬᠠᠷᠠᠭᠠᠳ ᠬᠢᠯᠢᠩ ᠬᠠᠷᠠ ᠶᠢᠨ ᠢᠶᠠᠨ ᠦᠯᠡᠳᠡᠭᠳᠡᠯ ᠢ ᠬᠠᠷᠠᠨ ᠲᠦᠷᠦᠭᠰᠡᠨ ᠨᠢᠯᠪᠤᠰᠤ ᠭᠤᠨᠢᠭ | ᠬᠤᠶᠠᠷ ᠠᠷᠠᠢ ᠨᠠᠮᠬᠠᠷᠠᠬᠤ ᠰᠢᠭ᠋ ᠪᠤᠯᠤᠯᠠ᠃ ᠲᠡᠷᠨ ᠡᠳᠦᠷ ᠠᠬᠠ ᠪᠢᠳᠠ ᠬᠤᠶᠠᠷ ᠬᠠᠮᠳᠤ ᠮᠤᠷᠳᠠᠵᠤ᠂ ᠬᠢᠯᠢᠩ ᠬᠠᠷᠠ | ᠶᠢᠨ ᠢᠶᠠᠨ ᠪᠦᠳᠦᠨ ᠦᠯᠡᠳᠡᠭᠰᠡᠨ ᠲᠡᠯ ᠰᠡᠬᠦᠯ ᠠᠴᠠ ᠬᠡᠰᠡᠭᠭᠡᠨ ᠦᠰᠤ ᠠᠪᠴᠤ᠂ ᠡᠳᠦᠢ ᠬᠦᠷᠳᠡᠯᠠ ᠠᠶᠢᠷᠠᠭ᠂ | ᠬᠠᠵᠠᠭᠠᠷ ᠠᠴᠠ ᠪᠤᠰᠤᠳ ᠬᠦᠯᠦᠭ ᠤᠨ ᠲᠤᠭᠤᠰᠤ ᠬᠦᠷᠭᠡᠭᠡ ᠦᠭᠡᠢ ᠠᠳᠠᠷ ᠰᠠᠶᠢᠬᠠᠨ ᠲᠤᠯᠤᠭᠠᠢ ᠶᠢ ᠨᠢ ᠬᠠᠳᠠᠭ | ᠢᠶᠠᠷ ᠤᠷᠢᠶᠠᠨ ᠦᠯᠵᠡᠶᠢᠳᠤ ᠬᠠᠶᠢᠷᠬᠠᠨ ᠤ ᠤᠷᠤᠢ ᠲᠡᠭᠡᠷᠡᠬᠢ ᠶᠡᠭᠡ ᠤᠪᠤᠭᠠᠨ ᠲᠡᠭᠡᠷᠠ ᠵᠠᠯᠠᠯᠠ᠃ ᠲᠡᠬᠦᠨ ᠠᠴᠠ | ᠬᠤᠶᠢᠰᠢ ᠬᠡᠳᠦᠨ ᠵᠢᠯ ᠦᠩᠭᠡᠷᠡᠵᠠᠢ᠃ ᠤᠪᠤᠭᠠᠨ ᠲᠡᠭᠡᠷᠡᠬᠢ ᠭᠠᠩᠳᠠᠵᠤ ᠤᠷᠠᠭᠳᠠᠭᠠᠳ ᠪᠠᠷᠤᠭ ᠴᠠᠭᠠᠨ ᠦᠩᠭᠡᠳᠠᠢ | ᠪᠤᠯᠤᠭᠰᠠᠨ ᠪᠦᠰᠨ ᠪᠠᠷ ᠤᠷᠢᠶᠠᠭᠰᠠᠨ ᠠᠳᠤᠭᠤᠨ ᠤ ᠲᠤᠯᠤᠭᠠᠢ ᠶᠢᠨ ᠶᠠᠰᠤ ᠶᠢ ᠬᠠᠷᠠᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ | ᠳᠠᠭᠠᠨ ᠪᠢ ᠬᠢᠯᠢᠩ ᠬᠠᠷᠠ ᠮᠤᠷᠢ ᠪᠠᠨ ᠡᠶᠢᠨ ᠲᠤᠷᠠᠰᠤᠯᠠ᠃ ᠮᠠᠭᠠᠳ ᠦᠭᠡᠢ ᠬᠢᠯᠢᠩ ᠬᠠᠷᠠ ᠶᠢᠨ ᠮᠢᠨᠢ ᠮᠠᠩᠨᠠᠢ | ᠳᠠᠭᠠᠨ ᠲᠤᠭᠤᠰᠤ ᠬᠦᠷᠭᠡᠵᠤ ᠦᠵᠡᠭᠡ ᠦᠭᠡᠢ ᠲᠡᠷᠨ ᠠᠳᠠᠷ ᠰᠠᠶᠢᠬᠠᠨ ᠲᠡᠷᠢᠬᠦᠨ ᠴᠤ ᠶᠤᠮ ᠪᠢᠯᠨ ᠦᠦ᠃ ᠮᠠᠷᠭᠠᠰᠢ | ᠮᠠᠨ ᠤ ᠬᠢ ᠨᠠᠭᠠᠳᠤᠮ ᠳᠤ ᠤᠶᠠᠬᠤ ᠮᠤᠷᠢᠳ ᠢᠶᠠᠨ ᠪᠠᠷᠢᠨᠠ᠃ | | ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶ | | ᠡᠬᠢ ᠰᠤᠷᠪᠤᠯᠵᠢ >>> | |