| | | ᠮᠤᠩᠭᠤᠯ ᠤᠨ ᠲᠡᠤᠬᠡᠨ ᠳᠠᠬᠢ ᠭᠠᠪᠢᠶᠠᠳᠤ ᠭᠤᠷᠪᠠᠨ ᠬᠦᠩᠵᠤ | | | | —— ᠲᠦᠪ ᠤᠨ ᠦᠨᠳᠤᠰᠤᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ | ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠶᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠨᠢ | | | | ᠰᠤᠷᠪᠤᠯᠵᠢᠯᠠᠭᠴᠢ ᠰᠢᠵᠢᠷᠴᠡᠴᠡᠭ | | | | | ︽ᠬᠤᠩᠬᠢᠷᠠᠳ ᠲᠤ ᠦᠬᠢᠨ ᠲᠦᠷᠦᠪᠡᠰᠤ ᠦᠶᠡ ᠤᠯᠠᠷᠢᠨ ᠬᠠᠳᠤᠨ ᠪᠤᠯᠭᠠᠵᠤ᠂ ᠬᠦᠪᠡᠬᠦᠨ ᠲᠦᠷᠦᠪᠡᠰᠤ | ᠦᠶᠡ ᠤᠯᠠᠷᠢᠨ ᠬᠦᠩᠵᠤ ᠳᠤ ᠬᠤᠯᠪᠤᠵᠤ᠂ ᠵᠢᠯ ᠪᠦᠷᠢ ᠶᠢᠨ ᠲᠦᠷᠪᠡᠨ ᠴᠠᠭ ᠤᠨ ᠲᠡᠷᠢᠬᠦᠨ ᠰᠠᠷᠠ ᠳᠤ | ᠬᠦᠷᠳᠡᠬᠡᠭᠰᠡᠨ ᠵᠠᠷᠯᠢᠭ ᠪᠢᠴᠢᠭ ᠢ ᠰᠤᠨᠤᠰᠬᠠᠨ ᠤᠩᠰᠢᠵᠤ ᠦᠶᠡ ᠦᠶᠡ ᠳᠤ ᠲᠠᠰᠤᠷᠠᠬᠤ ᠦᠭᠡᠢ ᠪᠤᠯᠭᠠ︾ ᠬᠡᠵᠤ | ᠦᠬᠡᠳᠠᠢ ᠬᠠᠭᠠᠨ ᠲᠦᠪ ᠶᠤᠰᠤ ᠪᠠᠷ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠢᠶᠠᠷ ᠬᠤᠩᠬᠢᠷᠠᠳ ᠤᠨ ᠸᠠᠩ ᠨᠤᠶᠠᠳ ᠤᠨ ᠤᠯᠠᠨ | ᠦᠬᠢᠳ ᠬᠠᠭᠠᠨ ᠤ ᠬᠠᠳᠤᠨ ᠢᠶᠠᠷ ᠡᠷᠬᠦᠮᠵᠢᠯᠡᠭᠳᠠᠨ ᠬᠤᠩᠬᠢᠷᠠᠳ ᠤᠨ ᠨᠤᠳᠤᠭ ᠠᠴᠠ ᠲᠠᠶᠢᠳᠤ ᠱᠠᠩᠳᠤ ᠳᠤ | ᠲᠡᠪᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠠ ᠮᠤᠩᠭᠤᠯ ᠬᠠᠭᠠᠳ ᠤᠨ ᠤᠯᠠᠨ ᠬᠦᠩᠵᠤ ᠨᠠᠷ ᠬᠤᠩᠬᠢᠷᠠᠳ ᠤᠨ ᠸᠠᠩ | ᠨᠤᠶᠠᠳ ᠲᠤ ᠬᠠᠳᠤᠨ ᠪᠤᠯᠵᠤ ᠲᠠᠶᠢᠳᠤ ᠱᠠᠩᠳᠤ ᠠᠴᠠ ᠬᠤᠩᠬᠢᠷᠠᠳ ᠤᠨ ᠨᠤᠳᠤᠭ ᠲᠤ ᠮᠤᠷᠳᠠᠨ ᠤᠴᠢᠳᠠᠭ ᠪᠠᠶᠢᠵᠠᠢ | ᠃ ᠡᠳᠡᠬᠡᠷ ᠤᠯᠠᠨ ᠬᠦᠩᠵᠤ ᠨᠠᠷ ᠤᠨ ᠲᠤᠳᠤᠷᠠ ᠠᠴᠠ ᠭᠤᠷᠪᠠᠨ ᠬᠦᠩᠵᠤ ᠶᠢᠨ ᠭᠠᠪᠢᠶᠠ ᠵᠢᠳᠬᠦᠯ ᠨᠢ | ᠲᠤᠷᠠᠳᠤᠭᠤᠰᠢᠳᠠᠢ ᠬᠡᠳᠡᠭ ᠢ ᠲᠤᠰ ᠤᠳᠠᠭᠠᠨ ᠤ ᠢᠩᠴᠠᠩ ᠤᠨ ᠬᠤᠷᠠᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠰᠠᠨ ᠲᠦᠪ ᠤᠨ | ᠦᠨᠳᠤᠰᠤᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠠᠴᠠ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ | ᠳᠠᠭᠠᠨ ᠤᠯᠵᠠᠷᠬᠠᠭᠰᠠᠨ ᠶᠤᠮ ᠡ᠃ | ᠲᠦᠪ ᠤᠨ ᠦᠨᠳᠤᠰᠤᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ᠂ ᠳ᠋ᠤᠺᠲ᠋ᠤᠷᠠᠨᠲ ᠤᠨ ᠵᠢᠯᠤᠭᠤᠳᠤᠭᠴᠢ | ᠪᠠᠭᠰᠢ ᠪᠤᠯᠬᠤ ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠪᠤᠯ ᠲᠤᠮᠳᠠᠳᠤ ᠤᠯᠤᠰ ᠴᠢᠨᠠᠭᠰᠢᠯᠠᠪᠠᠯ᠂ ᠲᠡᠯᠡᠬᠡᠢ ᠶᠢᠨ ᠮᠤᠩᠭᠤᠯ | ᠰᠤᠳᠤᠯᠤᠯ ᠤᠨ ᠲᠠᠪᠴᠠᠩ ᠳᠤ ᠤᠷᠤᠢ ᠶᠢᠨ ᠴᠢᠮᠡᠭ ᠨᠢ ᠪᠤᠯᠵᠤ ᠶᠠᠪᠤᠭᠠ ᠰᠤᠤᠳᠤ ᠡᠷᠳᠡᠮᠳᠠᠨ ᠤ ᠨᠢᠬᠡ ᠪᠤᠯᠬᠤ ᠶᠤᠮ | ᠃ 2006 ᠤᠨ ᠳᠤ ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ | ᠬᠠᠮᠤᠭ ᠤᠨ ᠦᠨᠳᠤᠷ ᠢᠷᠡᠭᠤ ᠠᠯᠳᠠᠷ — ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠭᠠᠷᠳᠠᠭᠤᠯᠤᠭᠰᠠᠨ ︽ | ᠠᠯᠳᠠᠨ ᠭᠠᠳᠠᠰᠤ︾ ᠤᠳᠤᠨ ᠤ ᠱᠠᠩᠨᠠᠯ ᠢ ᠬᠦᠷᠳᠡᠵᠤ᠂ 2013 ᠤᠨ ᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ | ᠭᠠᠵᠠᠷ ᠤᠨ ︽ᠴ᠊ · ᠲᠠᠮᠳᠢᠨᠰᠦᠷᠦ᠋ᠩ︾ ᠱᠠᠩᠨᠠᠯ ᠢ ᠬᠦᠷᠳᠡᠭᠰᠡᠨ ᠶᠤᠮ᠃ ᠬᠡᠰᠢᠭᠳᠡᠨ ᠴᠡᠷᠢᠭ᠂ ᠴᠢᠩᠬᠢᠰ ᠤᠨ | ᠬᠠᠳᠠᠮ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠬᠤᠶᠢᠴᠢᠰ ᠤᠨ ᠨᠤᠳᠤᠭ ᠪᠤᠯᠬᠤ ᠬᠡᠰᠢᠭᠳᠡᠨ ᠨᠤᠳᠤᠭ ᠲᠤ ᠲᠦᠷᠦᠵᠤ | ᠦᠰᠦᠭᠰᠡᠨ ᠬᠡᠰᠢᠭᠳᠦᠭ᠌ᠳᠠᠬᠤ ᠭᠤᠸᠠᠢ ᠴᠢᠩᠭᠢᠰ ᠤᠨ ᠠᠯᠳᠠᠨ ᠤᠷᠤᠭᠳᠠᠨ ᠤ ᠲᠡᠤᠬᠡ ᠲᠠᠢ ᠨᠢᠭᠳᠠ ᠬᠤᠯᠪᠤᠭᠠ ᠲᠠᠢ | ᠬᠡᠰᠢᠭᠳᠡᠨ ᠤ ᠲᠡᠤᠬᠡ ᠰᠤᠶᠤᠯ ᠳᠤ ᠬᠦᠨᠵᠬᠡᠢ ᠰᠤᠳᠤᠯᠤᠯᠳᠠ ᠬᠢᠵᠤ᠂ ᠬᠡᠰᠢᠭᠳᠡᠨ ᠤ ᠲᠡᠤᠬᠡ ᠰᠤᠶᠤᠯ ᠢᠶᠠᠨ | ᠬᠠᠮᠠᠭᠠᠯᠠᠵᠤ᠂ ᠬᠡᠰᠢᠭᠳᠡᠨ ᠤ ᠲᠡᠤᠬᠡ ᠰᠤᠶᠤᠯ ᠢᠶᠠᠨ ᠡᠷᠬᠦᠨ ᠲᠡᠭᠡᠳᠦᠯᠡᠵᠤ ᠶᠠᠪᠤᠭᠠ ᠨᠢᠬᠡᠳᠤᠬᠡᠷ ᠬᠦᠮᠦᠨ ᠪᠤᠯᠬᠤ ᠶᠢᠨ | ᠬᠤᠪᠢ ᠪᠠᠷ ᠬᠡᠰᠢᠭᠳᠡᠨ ᠤ ᠬᠦᠮᠦᠨ ᠠᠷᠠᠳ ᠤᠨ ᠰᠡᠳᠬᠢᠯ ᠳᠤ ᠬᠦᠨᠳᠤᠳᠬᠡᠯ ᠲᠠᠢ ᠮᠦᠷᠳᠡᠬᠡᠨ ᠪᠢᠰᠢᠷᠡᠯᠳᠠᠢ᠃ | ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ ᠲᠤᠰ ᠤᠳᠠᠭᠠᠨ ᠤ ᠬᠤᠷᠠᠯᠳᠠᠢ ᠳᠤ ︽ᠰᠡᠩᠬᠡᠷᠡᠰᠢ ᠬᠦᠩᠵᠤ︾ ᠶᠢᠨ ᠲᠤᠬᠠᠢ | ᠦᠬᠦᠯᠡᠯ ᠢᠶᠠᠨ ᠲᠡᠪᠰᠢᠬᠦᠯᠵᠤ᠂ ᠬᠤᠩᠬᠢᠷᠠᠳ ᠤᠨ ᠸᠠᠩ ᠳᠤ ᠮᠤᠷᠳᠠᠭᠰᠠᠨ ᠬᠠᠭᠠᠨ ᠤ ᠤᠳᠤᠮ ᠤᠨ ᠨᠡᠯᠢᠶᠡᠳ | ᠤᠯᠠᠨ ᠬᠦᠩᠵᠤ ᠨᠠᠷ ᠤᠨ ᠲᠤᠳᠤᠷᠠ ᠠᠴᠠ ᠭᠤᠷᠪᠠᠨ ᠬᠦᠩᠵᠤ ᠲᠡᠤᠬᠡᠨ ᠲᠡᠭᠡᠷᠡ ᠶᠡᠭᠡ ᠭᠠᠪᠢᠶᠠ ᠵᠢᠳᠬᠦᠯ ᠲᠠᠢ᠂ | ᠲᠤᠰ ᠭᠤᠷᠪᠠᠨ ᠬᠦᠩᠵᠤ ᠶᠢᠨ ᠬᠦᠷᠦᠭ ᠲᠦᠷᠢ ᠶᠢ ᠱᠤᠭᠤᠵᠤ ᠪᠦᠳᠦᠬᠡᠬᠦ ᠴᠢᠬᠤᠯᠠᠳᠠᠢ ᠬᠡᠵᠤ ᠰᠤᠷᠪᠤᠯᠵᠢᠯᠠᠭᠠ | ᠬᠦᠯᠢᠶᠡᠬᠦ ᠳᠡᠭᠡᠨ ᠶᠠᠷᠢᠭᠰᠠᠨ ᠪᠠᠶᠢᠨᠠ᠃ | ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ ᠤᠨ ᠦᠬᠦᠯᠡᠯ ᠳᠤ ᠰᠡᠩᠬᠡᠷᠡᠰᠢ ᠬᠦᠩᠵᠤ ᠶᠢᠨ ᠨᠡᠷᠡ᠂ ᠪᠡᠶᠡ ᠭᠠᠷᠤᠯ᠂ ᠨᠢᠬᠡ | ᠨᠠᠰᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢᠨ ᠲᠤᠬᠠᠢ ᠨᠠᠷᠢᠯᠢᠭ ᠬᠦᠨᠵᠡᠬᠡᠢ ᠰᠤᠳᠤᠯᠤᠨ ᠦᠬᠦᠯᠡᠭᠰᠡᠨ ᠪᠠᠶᠢᠨᠠ᠃ ᠠᠳᠡ | ᠮᠦᠴᠢᠳ ᠲᠤᠷᠠᠳᠪᠠᠯ᠄ ᠰᠡᠩᠬᠡᠷᠡᠰᠢ ᠬᠦᠩᠵᠤ ᠪᠤᠯ ᠬᠤᠪᠢᠯᠠᠢ ᠬᠠᠭᠠᠨ ᠤ ᠵᠢᠴᠢ ᠦᠬᠢᠨ᠃ 1307 ᠤᠨ ᠳᠤ | ᠲᠦᠮᠡᠳᠤ ᠶᠢᠨ ᠨᠤᠶᠠᠨ ᠳ᠋ᠢᠶᠠᠪᠠᠯᠠ ᠳᠤ ᠮᠤᠷᠳᠠᠨ ᠤᠴᠢᠵᠤ᠂ ᠭᠤᠷᠪᠠᠨ ᠵᠢᠯ ᠤᠨ ᠲᠠᠷᠠᠭᠠ ᠳ᠋ᠢᠶᠠᠪᠠᠯᠠ ᠨᠠᠰᠤ | ᠪᠠᠷᠠᠭᠰᠠᠨ ᠢᠶᠠᠷ ᠰᠡᠩᠬᠡᠷᠠᠰᠢ 28 ᠨᠠᠰᠤᠳᠠᠢ ᠪᠡᠯᠪᠡᠰᠤᠨ ᠦᠯᠡᠳᠡᠵᠤ᠂ ᠲᠠᠬᠢᠵᠤ ᠪᠤᠰᠤᠳ ᠬᠦᠮᠦᠨ ᠳᠤ ᠮᠤᠷᠳᠠᠭᠰᠠᠨ | ᠦᠭᠡᠢ᠃ ᠰᠡᠩᠬᠡᠷᠡᠰᠢ ᠶᠢ ᠬᠢᠳᠠᠳ ᠲᠡᠤᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠳ ᠲᠤ ᠤᠯᠠᠨ ᠶᠠᠩᠵᠤ ᠪᠠᠷ ᠪᠢᠴᠢᠵᠤ ᠪᠠᠶᠢᠳᠠᠭ᠃ | ᠡᠳᠡᠬᠡᠷ ᠪᠢᠴᠢᠯᠬᠡ ᠨᠦᠭᠦᠳ ᠠᠴᠠ ᠰᠡᠩᠬᠡᠷᠡᠰᠢ ᠬᠡᠵᠤ ᠪᠢᠴᠢᠬᠦ ᠨᠢ ᠵᠦᠪ ᠪᠤᠯᠬᠤ ᠶᠢ ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ | ᠲᠤᠰ ᠦᠬᠦᠯᠡᠯ ᠳᠡᠭᠡᠨ ᠨᠤᠳᠠᠯᠠᠵᠠᠢ᠃ ᠰᠡᠩᠬᠡᠷᠡᠰᠢ ᠲᠦᠷᠪᠡ ᠲᠠᠪᠤᠨ ᠪᠤᠷᠬᠠᠨ ᠤ ᠰᠦᠮᠡ ᠬᠡᠶᠢᠳ ᠢ ᠪᠠᠶᠢᠭᠤᠯᠵᠤ᠂ | ᠪᠤᠷᠬᠠᠨ ᠱᠠᠰᠢᠨ ᠤ ᠮᠤᠩᠭᠤᠯ ᠨᠤᠳᠤᠭ ᠲᠤ ᠲᠡᠯᠬᠡᠷᠡᠬᠦ ᠳᠤ ᠴᠢᠬᠤᠯᠠ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠬᠦᠯᠦᠭᠰᠡᠨ ᠢᠶᠠᠷ | ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠤᠷᠠᠨ ᠪᠢᠴᠢᠯᠬᠡ᠂ ᠵᠢᠷᠤᠭ᠂ ᠨᠤᠮ ᠴᠤᠭᠯᠠᠭᠤᠯᠵᠤ᠂ ᠡᠬᠦᠨ ᠤ ᠲᠤᠳᠤᠷᠠ | ᠲᠠᠩ ᠰᠦᠩ ᠤᠯᠤᠰ ᠤᠨ ᠨᠡᠷᠡᠳᠠᠢ ᠪᠢᠴᠢᠭ ᠤᠨ ᠬᠦᠮᠦᠰ ᠤᠨ ᠪᠢᠴᠢᠮᠡᠯ ᠤᠳ ᠪᠠᠶᠢᠵᠤ᠂ ᠲᠡᠭᠡᠷᠡ ᠨᠢ ᠬᠠᠭᠠᠨ ᠤ | ᠡᠬᠡᠴᠢ ᠶᠢᠨ ᠨᠤᠮ᠂ ᠬᠠᠭᠠᠨ ᠤ ᠡᠬᠡᠴᠢ ᠶᠢᠨ ᠬᠤᠪᠤᠷ ᠡᠳ᠋ ᠬᠡᠮᠡᠬᠦ ᠬᠤᠶᠠᠷ ᠵᠦᠢᠯ ᠤᠨ ᠬᠢᠳᠠᠳ ᠲᠠᠮᠠᠭᠠ ᠲᠠᠷᠤᠳᠠᠭ᠃ | ᠲᠤᠰ ᠲᠠᠮᠠᠭᠠ ᠶᠢ ᠲᠠᠷᠤᠭᠰᠠᠨ ᠨᠤᠮ ᠤᠳ ᠤᠳᠤ ᠬᠦᠷᠳᠡᠯᠡ ᠤᠯᠠᠮᠵᠢᠯᠠᠵᠤ ᠢᠷᠡᠵᠠᠢ᠃ ᠰᠡᠩᠬᠡᠷᠠᠰᠢ 14 ᠨᠡᠷᠡᠳᠠᠢ | ᠪᠢᠴᠢᠭ ᠤᠨ ᠬᠦᠮᠦᠰ ᠢ ᠤᠷᠳᠤᠨ ᠳᠠᠭᠠᠨ ᠴᠤᠭᠯᠠᠭᠤᠯᠵᠤ᠂ ᠴᠤᠭᠯᠠᠭᠤᠯᠤᠭᠰᠠᠨ ᠠᠯᠢ ᠨᠢᠬᠡ ᠨᠤᠮ ᠤᠨ ᠢᠶᠠᠨ ᠲᠤᠬᠠᠢ | ᠵᠤᠬᠢᠶᠠᠯ ᠪᠢᠴᠢᠬᠦᠯᠳᠡᠭ ᠪᠠᠶᠢᠵᠠᠢ᠃ ᠱᠠᠨᠳᠦ᠋ᠩ ᠤᠨ ᠺᠦᠩᠽᠢ ᠶᠢᠨ ᠰᠦᠮᠡ ︵ᠤᠳᠤ ᠶᠢᠨ ᠴᠢᠤᠢ ᠹᠦ᠋ ᠳᠤ ᠪᠤᠢ︶ | ᠶᠢᠨ ᠪᠠᠶᠢᠬᠤ ᠭᠠᠵᠠᠷ ᠨᠢ ᠡᠷᠳᠡᠨ ᠤ ᠯᠤ᠋ ᠤᠯᠤᠰ ᠤᠨ ᠭᠠᠵᠠᠷ ᠪᠠᠶᠢᠵᠤ᠂ ᠡᠨᠡ ᠭᠠᠵᠠᠷ ᠢ ᠬᠠᠭᠠᠨ ᠰᠡᠩᠬᠡᠷᠠᠰᠢ ᠳᠤ | ᠰᠤᠶᠤᠷᠬᠠᠯ ᠤᠨ ᠤᠷᠤᠨ ᠪᠤᠯᠭᠠᠨ ᠦᠭᠬᠦᠭᠰᠡᠨ ᠠᠴᠠ ᠰᠡᠩᠬᠡᠷᠡᠰᠢ ᠬᠤᠶᠠᠷ ᠤᠳᠠᠭᠠ ᠡᠯᠴᠢ ᠲᠤᠮᠢᠯᠠᠨ ᠺᠦᠩᠽᠢ ᠶᠢᠨ | ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠤᠯᠤᠨ ᠬᠦᠰᠢᠶᠡᠨ ᠤ ᠪᠢᠴᠢᠭ ᠪᠢᠴᠢᠵᠤ ᠦᠭᠴᠠᠢ᠃ ᠺᠦᠩᠽᠢ ᠶᠢᠨ ᠰᠦᠮᠡ ᠶᠢᠨ ᠳ᠋ᠠ | ᠴᠢᠩ ᠳ᠋ᠢᠶᠠᠨ ᠤ ᠡᠮᠤᠨᠡᠬᠢ ᠠᠷᠪᠠᠨ ᠭᠤᠷᠪᠠᠨ ᠬᠦᠰᠢᠶᠡᠨ ᠤ ᠲᠢᠩᠬᠢᠮ ᠤᠨ ᠲᠤᠳᠤᠷᠠᠬᠢ ᠬᠤᠶᠠᠷ ᠢ ᠨᠢ ᠰᠡᠩᠬᠡᠷᠠᠰᠢ | ᠮᠦᠷᠬᠦᠯ ᠬᠢᠬᠦ ᠳᠡᠭᠡᠨ ᠪᠤᠰᠬᠠᠵᠠᠢ᠃ ᠬᠠᠨ ᠤᠯᠤᠰ ᠤᠨ ᠯᠢᠤ ᠪᠸᠢ ᠶᠢᠨ ᠦᠶᠡ ᠠᠴᠠ ᠡᠬᠢᠯᠡᠨ ᠺᠦᠩᠽᠢ ᠶᠢᠨ | ᠰᠦᠮᠡ ᠶᠢᠨ ᠲᠠᠬᠢᠯᠭᠠ ᠳᠤ ᠡᠮᠡᠭᠳᠡᠢ ᠬᠦᠮᠦᠨ ᠤᠴᠢᠵᠤ ᠪᠤᠯᠬᠤ ᠦᠭᠡᠢ ᠮᠦᠷᠳᠡᠬᠡᠨ ᠵᠦᠪᠬᠡᠨ ᠦᠨᠳᠤᠷ ᠲᠡᠰ ᠤᠨ | ᠡᠷᠡᠭᠳᠠᠢ ᠨᠤᠶᠠᠳ ᠰᠠᠶ᠋ᠢ ᠤᠴᠢᠵᠤ ᠪᠤᠯᠤᠨᠠ ᠬᠡᠰᠡᠨ ᠲᠤᠭᠳᠠᠭᠠᠯ ᠲᠠᠢ᠃ ᠡᠨᠡ ᠲᠤᠭᠳᠠᠭᠠᠯ ᠨᠢ ᠢᠷᠬᠡᠨ ᠤᠯᠤᠰ | ᠬᠦᠷᠳᠡᠯᠡ ᠦᠷᠬᠦᠯᠵᠢᠯᠡᠭᠰᠠᠨ ᠪᠠᠶᠢᠨᠠ᠃ ᠬᠡᠪᠡᠴᠤ ᠡᠨᠡ ᠲᠤᠮᠳᠠ ᠭᠠᠭᠴᠠᠬᠠᠨ ᠡᠮᠡᠭᠳᠠᠢ ᠬᠤᠶᠠᠷ ᠤᠳᠠᠭᠠᠨ ᠤ | ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠨ ᠨᠢ ᠰᠡᠩᠬᠡᠷᠠᠰᠢ ᠪᠤᠯᠤᠨᠠ᠃ ᠲᠠᠶᠢᠮᠤ ᠠᠴᠠ ᠰᠡᠩᠬᠡᠷᠠᠰᠢ ᠺᠦᠩᠽᠢ ᠶᠢᠨ ᠰᠤᠷᠭᠠᠯ ᠤᠨ | ᠰᠤᠳᠤᠯᠭᠠᠨ ᠤ ᠪᠦᠳᠦᠬᠡᠯ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠨᠤᠮ ᠤᠨ ᠬᠠᠳᠠᠭᠠᠯᠠᠮᠵᠢ ᠶᠢᠨ ᠲᠡᠤᠬᠡ᠂ ᠤᠷᠠᠨ ᠪᠢᠴᠢᠯᠬᠡ ᠶᠢᠨ | ᠲᠡᠤᠬᠡ ᠶᠢ ᠰᠤᠳᠤᠯᠬᠤ ᠳᠤ ᠲᠠᠩᠳᠠ ᠪᠠᠨ ᠲᠤᠷᠠᠳᠤᠭᠳᠠᠳᠠᠭ ᠮᠦᠷᠳᠡᠬᠡᠨ ᠮᠤᠩᠭᠤᠯ ᠰᠤᠶᠤᠯ ᠤᠨ ᠲᠡᠤᠬᠡ ᠪᠠᠨ ᠬᠡᠰᠡᠨ | ᠦᠭᠡᠢ ᠲᠤᠮᠳᠠᠳᠤ ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠲᠡᠤᠬᠡᠨ ᠳᠤ ᠨᠦᠯᠦᠬᠡ ᠲᠠᠢ ᠬᠦᠮᠦᠨ ᠪᠤᠯᠬᠤ ᠶᠤᠮ᠃ | ᠫᠦᠨᠡ ᠬᠦᠩᠵᠤ ᠪᠤᠯ ᠲᠡᠮᠤᠷ ᠬᠠᠭᠠᠨ ᠤ ᠦᠬᠢᠨ᠂ ᠰᠡᠩᠬᠡᠪᠠᠯᠠ ᠳᠤ ᠮᠤᠷᠳᠠᠵᠤ᠂ ᠬᠠᠭᠠᠨ ᠠᠴᠠ ᠰᠡᠩᠬᠡᠪᠡᠯᠠ | ᠶᠢ ᠯᠤ᠋ ᠸᠠᠩ ᠡᠷᠬᠦᠮᠵᠢᠯᠡᠵᠤ᠂ ᠫᠦᠨᠡ ᠶᠢ ᠶᠦᠨ ᠠᠨ ᠳ᠋ᠠᠨ ᠴᠠᠩ ᠬᠦᠩᠵᠤ ᠡᠷᠬᠦᠮᠵᠢᠯᠡᠭᠰᠡᠨ ᠪᠠᠶᠢᠨᠠ᠃ ᠫᠦᠨᠡ | ᠬᠦᠩᠵᠤ ᠯᠤ᠋ ᠸᠠᠩ ᠰᠡᠩᠬᠡᠪᠡᠯᠠ ᠲᠠᠢ ᠬᠤᠶᠠᠭᠤᠯᠠ ᠯᠦᠩ ᠰᠢᠩ ᠰᠧ ᠰᠦᠮᠡ ᠶᠢ ᠪᠠᠶᠢᠭᠤᠯᠵᠤ᠂ ︽应昌路 | 曼陀山新建龙兴寺︾ ᠬᠡᠰᠡᠨ ᠬᠦᠰᠢᠶᠡ ᠶᠢᠨ ᠰᠦᠮᠡ ᠶᠢᠨ ᠪᠢᠴᠢᠭ ᠢ ᠪᠢᠴᠢᠬᠦᠯᠵᠠᠢ᠃ | ᠡᠬᠦᠨ ᠤ ᠤᠴᠢᠷ ᠰᠢᠯᠳᠠᠭᠠᠨ ᠤ ᠲᠤᠬᠠᠢ ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ ᠨᠠᠷᠢᠯᠢᠭ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠄ | ᠬᠤᠪᠢᠯᠠᠢ ᠬᠠᠭᠠᠨ ᠨᠠᠶᠠ ᠶᠢᠨ ᠤᠷᠪᠠᠯᠭᠠᠨ ᠢ ᠲᠠᠷᠤᠬᠤ ᠪᠠᠷ ᠵᠠᠭᠠᠨ ᠤᠨᠤᠵᠤ ᠱᠠᠩᠳᠤ ᠠᠴᠠ ᠭᠠᠷᠴᠤ ᠬᠦᠯᠦᠨ ᠪᠦᠢᠷ | ᠲᠡᠰᠢ ᠶᠠᠪᠤᠬᠤ ᠵᠠᠮ ᠳᠠᠭᠠᠨ ᠮᠠᠨᠳᠠᠷᠠᠸᠠ ᠠᠭᠤᠯᠠᠨ ᠳᠤ ᠢᠷᠡᠵᠤ ᠬᠤᠨᠤᠵᠠᠢ᠃ ᠬᠤᠨᠤᠭᠰᠠᠨ ᠲᠡᠷᠡ ᠰᠦᠨᠢ ᠨᠢ | ᠠᠯᠳᠠᠨ ᠪᠤᠷᠬᠠᠨ ᠠᠭᠠᠷ ᠲᠤᠮᠳᠠ ᠬᠦᠪᠴᠤ ᠪᠠᠶᠢᠬᠤ ᠬᠠᠷᠠᠭᠳᠠᠵᠤ ᠬᠡᠨᠡ᠃ ᠲᠡᠷᠠᠭᠠ ᠦᠷᠯᠦᠬᠡ ᠨᠢ ᠬᠤᠪᠢᠯᠠᠢ | ᠬᠠᠭᠠᠨ ᠲᠤᠰ ᠨᠤᠳᠤᠭ ᠤᠨ ᠨᠠᠰᠤᠳᠠᠢ ᠬᠦᠮᠦᠨ ᠠᠴᠠ ᠠᠰᠠᠭᠤᠭᠰᠠᠨ ᠳᠤ ᠠᠭᠤᠯᠠ ᠶᠢᠨ ᠬᠠᠵᠠᠭᠤ ᠳᠤ ᠨᠢᠬᠡᠨ | ᠠᠭᠤᠢ ᠶᠢᠨ ᠰᠦᠮᠡ ᠪᠠᠶᠢᠵᠤ᠂ ᠲᠤᠳᠤᠷᠠ ᠨᠢ ᠵᠦᠢᠯ ᠵᠦᠢᠯ ᠤᠨ ᠪᠤᠷᠬᠠᠨ ᠤ ᠬᠦᠷᠦᠭ ᠤᠳ ᠪᠠᠶᠢᠳᠠᠭ ᠢ | ᠰᠤᠨᠤᠰᠤᠭᠠᠳ ᠡᠬᠦᠨ ᠤ ᠤᠴᠢᠷ ᠪᠤᠯᠪᠠᠤ ᠬᠡᠮᠡᠨ ᠤᠴᠢᠵᠤ ᠦᠵᠡᠭᠰᠡᠨ ᠳᠤ ᠦᠨᠡᠬᠡᠷ ᠨᠢᠬᠡᠨ ᠠᠭᠤᠢ ᠪᠠᠶᠢᠭᠰᠠᠨ ᠳᠤ | ᠬᠤᠪᠢᠯᠠᠢ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ ᠬᠠᠭᠠᠨ ᠤ ᠪᠠᠭᠰᠢ ᠪᠠᠷ ᠲᠤᠯᠤᠭᠠᠨ ᠡᠳᠤᠷ ᠲᠤᠯᠤᠭᠠᠨ ᠰᠦᠨᠢ ᠨᠤᠮ ᠬᠦᠷᠢᠮ | ᠦᠢᠯᠡᠳᠦᠬᠦᠯᠵᠤ ᠬᠡᠨᠡ᠃ ᠲᠡᠷᠡ ᠠᠭᠤᠢ ᠨᠢ ᠤᠳᠤ ᠪᠤᠯᠳᠠᠯᠠ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠤᠴᠢᠷ ᠢ ᠲᠤᠷᠠᠰᠬᠠᠬᠤ ᠶᠢᠨ | ᠲᠦᠯᠦᠬᠡ ᠫᠦᠨᠡ ᠬᠦᠩᠵᠤ ᠰᠡᠩᠬᠡᠪᠡᠯᠡ ᠲᠠᠢ ᠬᠤᠶᠠᠭᠤᠯᠠ ᠯᠦᠩ ᠰᠢᠩ ᠰᠧ ᠰᠦᠮᠡ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ | ᠃ | ᠨᠠᠩᠬᠢᠶᠠᠵᠢᠨ ᠬᠦᠩᠵᠤ ᠪᠤᠯ ᠬᠤᠪᠢᠯᠠᠢ ᠶᠢᠨ ᠦᠬᠢᠨ᠂ ᠯᠤ᠋ ᠸᠠᠩ ᠮᠠᠨᠽᠠᠳᠠᠢ ᠳᠤ ᠮᠤᠷᠳᠠᠵᠠᠢ᠃ ᠨᠠᠩᠬᠢᠶᠠᠵᠢᠨ | ᠬᠦᠩᠵᠤ ᠪᠤᠯ ᠬᠠᠭᠠᠨ ᠳᠤ ᠠᠶᠢᠯᠠᠳᠬᠠᠯ ᠤᠨ ᠪᠢᠴᠢᠭ ᠲᠡᠪᠰᠢᠬᠦᠯᠵᠤ᠂ ᠤᠳᠤ ᠶᠢᠨ ᠪᠠᠷᠰ ᠬᠤᠳᠠ ᠶᠢ | ᠪᠠᠶᠢᠭᠤᠯᠤᠭᠰᠠᠨ ᠮᠦᠷᠳᠡᠬᠡᠨ ᠤᠩᠨᠢᠭᠤᠳ ᠤᠨ ᠴᠢᠤᠸᠠᠨ ᠨᠢᠩ ᠯᠤ᠋ ᠶᠢ ᠡᠬᠦᠰᠬᠡᠵᠤ ᠪᠠᠶᠢᠭᠤᠯᠤᠭᠰᠠᠨ ᠬᠦᠮᠦᠨ ᠪᠤᠯᠬᠤ | ᠶᠢᠨ ᠲᠤᠯᠠᠳᠠ ᠡᠨᠡ ᠬᠦᠮᠦᠨ ᠤ ᠭᠠᠪᠢᠶᠠ ᠵᠢᠳᠬᠦᠯ ᠴᠦ ᠲᠤᠷᠠᠳᠤᠭᠤᠰᠢᠳᠠᠢ ᠬᠡᠵᠤ ᠬᠡᠰᠢᠭᠳᠦᠭ᠌ᠳᠠᠬᠤ ᠭᠤᠸᠠᠢ ᠶᠠᠷᠢᠵᠤ | ᠪᠠᠶᠢᠯᠠ᠃ | | | |