| | | ᠴᠡᠪᠡᠷ ᠮᠤᠩᠭᠤᠯ ᠬᠡᠯᠡ ᠲᠠᠢ ᠶᠠᠫᠤᠨ ᠡᠷᠳᠡᠮᠳᠡᠨ | | | | —— ᠶᠠᠫᠤᠨ ᠤ ᠰᠢᠮᠠᠨᠧ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠡᠬᠦᠨ ᠬᠤᠶᠢᠳᠤ ᠠᠽᠢᠶᠠ ᠶᠢᠨ | ᠤᠷᠤᠨ ᠤ ᠰᠤᠳᠤᠯᠭᠠᠨ ᠤ ᠲᠦᠪ ᠤᠨ ᠡᠷᠬᠢᠯᠡᠭᠴᠢ ᠮᠤᠩᠭᠤᠯ ᠰᠤᠳᠤᠯᠭᠠᠳᠠᠨ | ᠢᠨᠦ᠋ᠸᠠᠢ ᠤᠰᠠᠮᠦ᠋ ᠶᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠨᠢ | | | | ᠰᠤᠷᠪᠤᠯᠵᠢᠯᠠᠭᠴᠢ ᠰᠢᠵᠢᠷᠴᠡᠴᠡᠭ | | | | | ᠴᠡᠪᠡᠷ ᠲᠡᠭᠰᠢ ᠮᠤᠩᠭᠤᠯ ᠬᠡᠯᠡ ᠪᠠᠷ ᠨᠢ ᠮᠤᠩᠭᠤᠯ ᠬᠦᠮᠦᠨ ᠬᠡᠮᠡᠨ ᠠᠨᠳᠠᠭᠤᠷᠠᠮᠠᠷ ᠨᠢᠬᠡᠨ ᠶᠠᠫᠤᠨ ᠬᠦᠮᠦᠨ | ᠢᠩᠴᠠᠩ ᠤᠨ ᠬᠤᠷᠠᠯᠳᠠᠢ ᠳᠤ ᠮᠤᠷᠢᠯᠠᠨ ᠰᠠᠭᠠᠳᠠᠭᠰᠠᠨ ᠢᠶᠠᠷ ᠤᠯᠠᠨ ᠬᠦᠮᠦᠰ ᠭᠠᠶᠢᠬᠠᠰᠢ ᠲᠦᠷᠦᠬᠦ ᠶᠢᠨ ᠵᠡᠷᠬᠡᠪᠡᠷ | ᠪᠢᠰᠢᠷᠠᠨ ᠪᠠᠭ᠋ᠠᠳᠤᠨᠠ᠃ ᠡᠨᠡ ᠬᠦᠮᠦᠨ ᠪᠤᠯ ᠲᠠᠷᠤᠢ ᠶᠠᠫᠤᠨ ᠤ ᠰᠢᠮᠠᠨᠧ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠵᠡᠬᠦᠨ ᠬᠤᠶᠢᠳᠤ | ᠠᠽᠢᠶᠠ ᠶᠢᠨ ᠤᠷᠤᠨ ᠤ ᠰᠤᠳᠤᠯᠭᠠᠨ ᠤ ᠲᠦᠪ ᠤᠨ ᠡᠷᠬᠢᠯᠡᠭᠴᠢ᠂ ᠮᠤᠩᠭᠤᠯ ᠰᠤᠳᠤᠯᠭᠠᠳᠠᠨ ᠢᠨᠦ᠋ᠸᠠᠢ ᠤᠰᠠᠮᠦ᠋ | ᠪᠤᠯᠤᠨᠠ᠃ ᠢᠨᠦ᠋ᠸᠠᠢ ᠤᠰᠠᠮᠦ᠋ ᠲᠤᠰ ᠤᠳᠠᠭᠠᠨ ᠤ ᠬᠤᠷᠠᠯᠳᠠᠢ ᠳᠤ ︽ᠢᠨᠳᠤᠨᠧᠰᠢᠶᠠ ᠶᠢᠨ ᠪᠦᠲ᠋ᠦ᠋ᠨ ᠠᠷᠠᠯ ᠤᠨ | ᠡᠮᠡᠭᠳᠠᠢ ᠬᠠᠳᠤᠨ ᠤ ᠭᠠᠷᠤᠯ ᠡᠬᠦᠰᠤᠯ ᠢ ᠮᠤᠩᠭᠤᠯ ᠲᠠᠢ ᠬᠤᠯᠪᠤᠭᠳᠠᠭᠤᠯᠤᠭᠰᠠᠨ ᠲᠡᠤᠬᠡᠨ ᠰᠡᠳᠤᠪᠳᠤ ᠶᠠᠷᠢᠶᠠᠨ ᠤ | ᠲᠤᠬᠠᠢ︾ ᠬᠡᠮᠡᠬᠦ ᠢᠯᠡᠳᠬᠡᠯ ᠢᠶᠠᠨ ᠲᠡᠪᠰᠢᠬᠦᠯᠵᠤ᠂ ᠲᠤᠰ ᠢᠯᠡᠳᠬᠡᠯ ᠳᠡᠭᠡᠨ ᠢᠨᠳᠦᠨᠧᠰᠢᠶᠠ ᠶᠢᠨ ᠪᠦᠲ᠋ᠦ᠋ᠨ ᠠᠷᠠᠯ | ᠳᠤ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠬᠤᠪᠢᠯᠠᠢ ᠬᠠᠭᠠᠨ ᠤ ᠬᠤᠶᠢᠴᠢᠰ ᠬᠡᠳᠡᠭ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠪᠠᠶᠢᠵᠤ᠂ ᠲᠡᠳᠡ | ᠦᠪᠡᠷ ᠤᠨ ᠭᠠᠷᠤᠯ ᠡᠬᠦᠰᠤᠯ ᠢᠶᠠᠨ ᠶᠠᠭᠠᠬᠢᠵᠤ ᠲᠠᠶᠢᠯᠪᠤᠷᠢᠯᠠᠵᠤ ᠪᠠᠶᠢᠭᠠ ᠲᠤᠬᠠᠢ ᠴᠤᠭᠯᠠᠭᠤᠯᠤᠭᠰᠠᠨ ᠬᠠᠭᠤᠴᠢ | ᠲᠤᠮᠤᠭ ᠶᠠᠷᠢᠶᠠ ᠶᠢ ᠲᠠᠶᠢᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ᠃ | ᠢᠨᠦ᠋ᠸᠠᠢ ᠤᠰᠠᠮᠦ᠋ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ | ᠳᠤ ᠴᠢᠩᠬᠢᠰ ᠬᠠᠭᠠᠨ ᠭᠠᠷᠴᠤ᠂ ᠲᠡᠯᠡᠬᠡᠢ ᠶᠢᠨ ᠬᠠᠭᠠᠰ ᠢ ᠲᠦᠪᠰᠢᠳᠬᠡᠭᠰᠡᠨ ᠪᠠ ᠰᠡᠬᠦᠯᠡᠷ ᠨᠢ ᠶᠤᠸᠠᠨ ᠤᠯᠤᠰ | ᠪᠠᠶᠢᠭᠤᠯᠤᠭᠳᠠᠵᠤ᠂ ᠬᠤᠪᠢᠯᠠᠢ ᠬᠠᠭᠠᠨ ᠶᠠᠫᠤᠨ ᠵᠦᠭ ᠬᠤᠶᠠᠷ ᠤᠳᠠᠭᠠ ᠲᠤᠪᠳᠤᠯᠤᠭᠰᠠᠨ ᠲᠤᠬᠠᠢ ᠲᠡᠯᠡᠬᠡᠢ ᠶᠢᠨ | ᠲᠡᠤᠬᠡᠨ ᠨᠤᠮ ᠳᠤ ᠰᠤᠷᠴᠤ ᠦᠩᠬᠡᠷᠡᠵᠠᠢ᠃ ᠬᠡᠳᠡᠯᠡ ᠬᠤᠪᠢᠯᠠᠢ ᠬᠠᠭᠠᠨ ᠠᠴᠠ ᠰᠡᠬᠦᠯᠡᠷ ᠮᠤᠩᠭᠤᠯ ᠤᠨ ᠲᠡᠤᠬᠡ | ᠴᠤᠬᠤᠮ ᠶᠠᠭᠤ ᠪᠤᠯᠤᠭᠰᠠᠨ ᠲᠤᠬᠠᠢ ᠰᠤᠷᠬᠤ ᠪᠢᠴᠢᠭ ᠲᠤ ᠪᠠᠶᠢᠬᠤ ᠦᠭᠡᠢ ᠤᠴᠢᠷ ᠠᠴᠠ ᠢᠨᠦ᠋ᠸᠠᠢ ᠤᠰᠠᠮᠦ᠋ ᠡᠨᠡ | ᠲᠤᠬᠠᠢ ᠰᠤᠨᠢᠷᠬᠠᠵᠤ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ ᠲᠤ | ᠲᠤᠬᠠᠢ ᠬᠢᠴᠢᠶᠡᠯ ᠰᠤᠨᠤᠰᠴᠤ᠂ ᠮᠤᠩᠭᠤᠯ ᠤᠨ ᠲᠡᠤᠬᠡ ᠶᠢ ᠰᠤᠷᠴᠤ ᠰᠤᠳᠤᠯᠵᠤ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠶᠡᠭᠡ | ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠶᠦᠨᠨᠠᠨ᠂ ᠰᠧᠴᠤᠸᠠᠨ᠂ ᠬᠦᠢᠵᠸᠤ ᠶᠢᠨ ᠮᠤᠩᠭᠤᠯᠴᠤᠳ ᠪᠠ ᠢᠨᠳᠦᠨᠧᠰᠢᠶᠠ᠂ | ᠡᠸᠦ᠋ᠷᠦᠫᠠ ᠳᠤ ᠠᠮᠢᠳᠤᠷᠠᠳᠠᠭ ᠦᠪᠡᠷ ᠤᠨ ᠭᠠᠷᠤᠯ ᠡᠬᠦᠰᠤᠯ ᠢᠶᠠᠨ ᠮᠤᠩᠭᠤᠯ ᠬᠡᠳᠡᠭ ᠨᠢᠬᠡ ᠪᠦᠯᠦᠭ ᠬᠦᠮᠦᠰ ᠲᠠᠢ | ᠠᠭᠤᠯᠵᠠᠵᠤ᠂ ᠲᠡᠳᠡᠨᠡᠷ ᠠᠴᠠ ᠦᠪᠡᠷ ᠤᠨ ᠭᠠᠷᠤᠯ ᠡᠬᠦᠰᠤᠯ ᠢᠶᠠᠨ ᠶᠠᠭᠠᠬᠢᠵᠤ ᠲᠠᠶᠢᠯᠪᠤᠷᠢᠯᠠᠵᠤ ᠪᠠᠶᠢᠭᠠ ᠲᠤᠬᠠᠢ | ᠶᠠᠷᠢᠶᠠ ᠰᠤᠨᠤᠰᠴᠤ᠂ ᠡᠨᠡ ᠲᠤᠬᠠᠢ ᠤᠯᠠᠨ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠬᠤᠶᠢᠰᠢᠳᠠ ᠶᠢᠨ | ᠰᠤᠳᠤᠯᠭᠠᠨ ᠤ ᠬᠠᠨᠳᠤᠰᠢ ᠶᠢᠨ ᠲᠤᠬᠠᠢ ᠢᠨᠦ᠋ᠸᠠᠢ ᠤᠰᠠᠮᠦ᠋᠄ ︽ᠲᠡᠯᠡᠬᠡᠢ ᠶᠢᠨ ᠡᠯᠡ ᠭᠠᠵᠠᠷ ᠤᠨ ᠨᠤᠮ ᠤᠨ ᠰᠠᠩ | ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ᠬᠤᠪᠤᠷ ᠮᠤᠩᠭᠤᠯ ᠨᠤᠮ ᠢ ᠨᠢᠳᠤ ᠪᠠᠷ ᠢᠶᠠᠨ ᠦᠵᠡᠵᠤ᠂ ᠮᠤᠩᠭᠤᠯ ᠨᠠᠶᠢᠵᠠ ᠨᠠᠷ | ᠲᠠᠭᠠᠨ ᠲᠠᠨᠢᠯᠴᠠᠭᠤᠯᠪᠠᠯ ᠶᠡᠭᠡ ᠰᠠᠶᠢᠨ ᠬᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ︾ ᠬᠡᠵᠤ ᠮᠠᠨ ᠳᠤ ᠶᠠᠷᠢᠭᠰᠠᠨ ᠪᠢᠯᠡ᠃ | ᠢᠨᠦ᠋ᠸᠠᠢ ᠤᠰᠠᠮᠦ᠋ ᠬᠡᠰᠢᠭᠳᠡᠨ ᠳᠤ ᠪᠤᠯᠤᠭᠰᠠᠨ ᠢᠩᠴᠠᠩ ᠤᠨ ᠬᠤᠷᠠᠯᠳᠠᠢ ᠨᠢ ᠦᠪᠡᠷ ᠤᠨ ᠨᠤᠳᠤᠭ ᠤᠨ | ᠰᠤᠶᠤᠯ ᠲᠡᠤᠬᠡ ᠪᠠᠨ ᠮᠠᠰᠢ ᠬᠦᠨᠳᠤᠳᠬᠡᠵᠤ᠂ ᠨᠤᠳᠤᠭ ᠤᠨ ᠢᠶᠠᠨ ᠤᠨᠴᠠᠯᠢᠭ ᠢ ᠢᠯᠡᠬᠦᠦ ᠨᠢᠬᠡ ᠲᠠᠯᠠ ᠪᠠᠷ | ᠲᠤᠳᠤᠷᠬᠠᠶᠢᠯᠠᠶᠠ ᠬᠡᠰᠡᠨ ᠬᠠᠨᠳᠤᠰᠢ ᠪᠠᠷ ᠬᠢᠭᠰᠡᠨ ᠠᠴᠠ ᠮᠠᠰᠢ ᠠᠴᠢ ᠬᠤᠯᠪᠤᠭᠳᠠᠯ ᠲᠠᠢ᠃ ᠮᠦᠨ ᠴᠦ ᠮᠤᠩᠭᠤᠯ | ᠰᠤᠳᠤᠯᠭᠠᠨ ᠤ ᠰᠢᠨᠡ ᠴᠢᠭᠯᠡᠯ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ ᠬᠡᠵᠤ ᠲᠤᠰ ᠤᠳᠠᠭᠠᠨ ᠤ ᠬᠤᠷᠠᠯᠳᠠᠢ ᠶᠢ ᠦᠨᠡᠯᠡᠭᠰᠡᠨ | ᠪᠠᠶᠢᠨᠠ᠃ | | |