| | ☆ ﹇ᠶᠤᠸᠠᠨ ᠤᠯᠤᠰ ﹈ ᠬᠤ᠋ ᠽᠦ ᠭᠤᠸᠠᠩ ᠵᠤᠬᠢᠶᠠᠪᠠ | ☆ ᠪᠤᠷᠵᠢᠭᠢᠨ ᠰᠤᠭᠳᠤᠷᠵᠠᠪ ᠤᠷᠴᠢᠭᠤᠯᠤᠨ ᠲᠠᠶᠢᠯᠪᠦᠷᠢᠯᠠᠪᠠ | | | ᠲᠠᠶᠢᠯᠪᠤᠷᠢ | | | ︵1︶ ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠨᠡᠮᠡᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠬᠤᠩᠬᠢᠷᠠᠳ ᠤᠪᠤᠭᠲᠦ ᠯᠤ᠋ ᠸᠠᠩ | ᠰᠠᠩᠭᠠᠪᠠᠯᠠ ᠶᠢᠨ ᠠᠭᠤᠤ ᠭᠠᠪᠢᠶᠠ ᠤᠳᠤᠮᠲᠦ ᠠᠴᠢᠯᠠᠯ ᠤᠨ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠪᠢᠴᠢᠭ 大元加封宏 | 吉烈氏相哥八剌魯王元勳世德碑 —— ᠶᠤᠸᠠᠨ ᠤᠯᠤᠰ ᠤᠨ | ᠦᠶᠡ ᠳᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠨᠤᠶᠠᠳ ᠲᠤ ᠬᠦᠷᠲᠡᠭᠡᠭᠰᠡᠨ ᠡᠷᠭᠦᠮᠵᠢᠯᠡᠯ ᠤᠨ ᠤᠷᠤᠨ ᠪᠤᠯ ᠢᠩᠴᠠᠩ | ᠴᠦᠯᠭᠡ ︵应昌路ᠤᠳᠤᠬᠢ ᠬᠡᠰᠢᠭᠲᠡᠨ ᠬᠤᠰᠢᠭᠤ︶᠂ ᠲᠡᠭᠦᠰ ᠠᠮᠤᠭᠤᠯᠠᠩ ᠴᠦᠯᠭᠡ ︵全宁路 | ᠤᠳᠤᠬᠢ ᠤᠩᠨᠢᠭᠤᠳ ᠬᠤᠰᠢᠭᠤ︶᠂ ᠵᠢᠨᠢᠩ ᠴᠦᠯᠭᠡ ︵济宁路 ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠵᠡᠭᠦᠨ | ᠡᠮᠦᠨᠡᠲᠦ ᠬᠡᠰᠡᠭ︶᠂ ᠲᠢᠩᠵᠸᠦ ᠴᠦᠯᠭᠡ ︵汀州路 ᠤᠳᠤᠬᠢ ᠵᠢᠶᠠᠩᠰᠢ᠂ ᠵᠧᠵᠢᠶᠠᠩ᠂ ᠹᠦᠵᠢᠶᠠᠨ ᠵᠡᠷᠭᠡ | ᠭᠤᠷᠪᠠᠨ ᠮᠤᠵᠢ ᠶᠢᠨ ᠠᠭᠤᠯᠵᠠᠭᠤᠷ ᠤᠷᠤᠨ︶᠂ ᠶᠦᠩᠫᠢᠩ ᠴᠦᠯᠭᠡ ︵永平路 ᠤᠳᠤᠬᠢ ᠾᠧᠪᠸᠢ ᠮᠤᠵᠢ | ᠶᠢᠨ ᠵᠡᠭᠦᠨ ᠬᠡᠰᠡᠭ︶ ᠵᠡᠷᠭᠡ ᠲᠠᠪᠤᠨ ᠶᠡᠭᠡ ᠴᠦᠯᠭᠡ ᠪᠠᠶᠢᠵᠦ᠂ ᠨᠡᠶᠢᠲᠡ ᠬᠦᠮᠦᠨ ᠠᠮᠠ ᠨᠢ ᠠᠷᠪᠠᠨ ᠲᠦᠮᠡᠨ ᠡᠷᠦᠬᠡ | ᠠᠴᠠ ᠲᠠᠪᠠᠭᠰᠠᠨ ᠶᠤᠮ᠃ ᠡᠶᠢᠮᠦ ᠶᠡᠭᠡ ᠤᠷᠤᠨ ᠬᠡᠪᠴᠢᠶᠡᠨ ᠲᠤᠲᠤᠷᠠᠬᠢ ᠲᠡᠶᠢᠮᠦ ᠤᠯᠠᠨ ᠬᠦᠮᠦᠨ ᠠᠮᠠ ᠶᠢ | ᠵᠠᠬᠢᠷᠬᠤ ᠳᠤ ᠸᠠᠩ ᠤᠨ ᠬᠦᠴᠦᠨ ᠮᠡᠬᠦᠰᠳᠡᠬᠦ ᠲᠤᠯᠠ ᠶᠤᠸᠠᠨ ᠤᠯᠤᠰ ᠤᠨ ᠲᠦᠪ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠸᠠᠩ | ᠤᠨ ᠵᠠᠬᠢᠷᠭᠠ ᠳᠤ ᠬᠠᠪᠰᠤᠷᠤᠯᠭᠠ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠭᠡ ᠸᠠᠩ ᠤᠨ ᠰᠠᠶᠢᠳ ᠤᠨ ᠵᠠᠬᠢᠷᠭᠠ王相府 ᠶᠢ | ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠸᠠᠩ ᠤᠨ ᠰᠠᠶᠢᠳ ᠤᠨ ᠵᠠᠬᠢᠷᠭᠠ ᠶᠢ ᠪᠠᠰᠠ ᠸᠠᠩ ᠤᠨ ᠲᠤᠰᠠᠯᠠᠭᠴᠢ ᠶᠢᠨ ᠵᠠᠬᠢᠷᠭᠠ王 | 傅府 ᠭᠡᠳᠡᠭ᠃ ᠯᠤ᠋ ᠸᠠᠩ ᠰᠠᠩᠭᠠᠪᠠᠯᠠ ᠶᠢᠨ ᠠᠭᠤᠤ ᠭᠠᠪᠢᠶᠠ ᠤᠳᠤᠮᠲᠦ ᠠᠴᠢᠯᠠᠯ ᠤᠨ ᠭᠡᠷᠡᠯᠲᠦ ᠬᠦᠰᠢᠶᠡ ᠶᠢ | ᠪᠤᠯ ᠲᠤᠭᠤᠭᠠᠨᠲᠡᠮᠦᠷ ᠬᠠᠭᠠᠨ ᠤ ᠤᠨᠤᠯᠲᠦ ᠲᠦᠪ ︵ᠵᠾᠢ ᠵᠧᠩ至正︶ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵1343 | ᠤᠨ︶ ᠳᠤ ᠵᠢᠨᠢᠩ ᠴᠦᠯᠭᠡ ᠳᠤ ᠪᠤᠰᠬᠠᠵᠠᠢ᠃ ᠴᠠᠭ ᠲᠦᠷᠦ ᠶᠢᠨ ᠰᠢᠯᠲᠠᠭᠠᠨ ᠠᠴᠠ ᠪᠤᠯᠵᠦ᠂ ᠭᠡᠷᠡᠯᠲᠦ ᠬᠦᠰᠢᠶᠡ | ᠶᠢᠨ ᠲᠤᠰ ᠪᠡᠶᠡ ᠶᠢᠨ ᠬᠢᠨᠢ ᠪᠠᠷᠠ ᠰᠤᠷᠠᠭ ᠨᠢ ᠲᠠᠰᠤᠷᠠᠭᠠᠳ ᠤᠨ ᠤᠳᠠᠭᠰᠠᠨ ᠪᠤᠯᠪᠠᠴᠦ ᠬᠦᠰᠢᠶᠡᠨ ᠤ ᠪᠢᠴᠢᠭ ᠨᠢ | ᠬᠠᠷᠢᠨᠴᠤ ᠴᠢᠩ ᠤᠯᠤᠰ ᠤᠨ ᠲᠦᠷᠦ ᠭᠡᠷᠡᠯᠲᠦ ︵ᠳ᠋ᠤᠤ ᠭᠤᠸᠠᠩ道光︶ ᠶᠢᠨ ᠬᠤᠷᠢᠳᠤᠭᠠᠷ ᠤᠨ ︵1840 | ᠤᠨ︶ ᠳᠤ ᠪᠢᠴᠢᠭᠳᠡᠭᠰᠡᠨ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ︽ᠵᠢᠦᠢ ᠶᠧ ᠰᠢᠶᠠᠨ ᠤ ᠤᠶᠢᠯᠠᠯᠭᠠ巨野县志︾ | ᠶᠢᠨ ᠬᠤᠷᠢᠳᠤᠭᠠᠷ ᠪᠤᠳᠢ ᠪᠤᠯᠬᠤ ︽ᠬᠦᠷᠡᠯ ᠴᠢᠯᠠᠭᠤᠨ ᠤ ᠪᠢᠴᠢᠭ金石︾ ᠤᠨ ᠪᠦᠯᠦᠭ ᠲᠤ ᠪᠦᠬᠦ ᠤᠳᠬᠠ | ᠪᠠᠷ ᠢᠶᠠᠨ ᠬᠤᠷᠢᠶᠠᠮᠵᠢᠯᠠᠭᠳᠠᠨ ᠤᠷᠤᠭᠰᠠᠨ ᠠᠴᠠ ᠮᠠᠨ ᠤ ᠦᠶᠡ ᠳᠤ ᠤᠯᠠᠮᠵᠢᠯᠠᠭᠳᠠᠨ ᠦᠪᠯᠡᠭᠳᠡᠵᠠᠢ᠃ ᠵᠢᠦᠢ ᠶᠧ | ᠰᠢᠶᠠᠨ ᠪᠤᠯ ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠬᠡᠰᠡᠭ ᠲᠤ ᠪᠠᠶᠢᠷᠢᠯᠠᠵᠦ᠂ ᠯᠢᠩᠬᠤᠸᠠᠲᠦ ᠨᠠᠭᠤᠷ | ᠬᠤᠳᠠ ︵ᠾᠧ ᠽᠧ菏泽市︶ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠬᠤ ᠶᠤᠮ᠃ | ︽ᠵᠢᠦᠢ ᠶᠧ ᠰᠢᠶᠠᠨ ᠤ ᠤᠶᠢᠯᠠᠯᠭᠠ︾ ᠨᠢ ᠬᠠᠮᠤᠭ ᠠᠩᠬᠠ ᠮᠢᠩ ᠤᠯᠤᠰ ᠤᠨ ᠦᠨᠢᠷ ᠤᠯᠠᠷᠢᠯᠲᠦ ︵ | ᠸᠠᠨ ᠯᠢ万历︶ ᠶᠢᠨ ᠤᠨ ᠨᠤᠭᠤᠳ ᠲᠤ ᠵᠤᠬᠢᠶᠠᠭᠳᠠᠵᠠᠢ᠃ ᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠤᠯᠠᠨ ᠲᠦᠷᠦ ᠳᠤ | ᠲᠠᠮᠵᠢᠭᠳᠠᠨ ᠰᠡᠯᠪᠢᠭᠳᠡᠭᠰᠡᠭᠡᠷ ᠤᠳᠤ ᠪᠤᠯᠬᠤ ᠳᠤ ᠬᠤᠷᠢᠨ ᠨᠢᠭᠡᠨ ᠲᠡᠪᠲᠡᠷ ᠪᠦᠬᠦᠢ ᠲᠤᠮᠤ ᠤᠶᠢᠯᠠᠯᠭᠠ ᠪᠢᠴᠢᠭ | ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠮᠠᠨ ᠤ ᠠᠰᠢᠭᠯᠠᠭᠰᠠᠨ ᠪᠠᠷ ᠲᠡᠪᠲᠡᠷ ᠪᠤᠯ ᠴᠢᠩ ᠤᠯᠤᠰ ᠤᠨ ᠲᠦᠷᠦ ᠭᠡᠷᠡᠯᠲᠦ ᠶᠢᠨ | ᠬᠤᠷᠢᠳᠤᠭᠠᠷ ᠤᠨ ︵1840 ᠤᠨ︶ ᠳᠤ ᠪᠠᠷᠯᠠᠭᠳᠠᠭᠰᠠᠨ ᠮᠤᠳᠤᠨ ᠪᠠᠷ ᠤᠨ ᠲᠡᠪᠲᠡᠷ ᠪᠤᠯᠤᠨᠠ᠃ ᠲᠤᠰ ᠲᠡᠪᠲᠡᠷ | ᠲᠤ ᠪᠠᠷᠠᠯᠠᠭᠳᠠᠭᠰᠠᠨ ︽ᠰᠠᠩᠭᠠᠪᠠᠯᠠ ᠯᠤ᠋ ᠸᠠᠩ ᠤᠨ ᠠᠭᠤᠤ ᠭᠠᠪᠢᠶᠠ ᠤᠳᠤᠮᠲᠦ ᠠᠴᠢᠯᠠᠯ ᠤᠨ ᠭᠡᠷᠡᠯᠲᠦ ᠬᠦᠰᠢᠶᠡᠨ | ᠤ ᠪᠢᠴᠢᠭ相哥八剌魯王元勳世德碑︾ ᠢ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠠᠴᠠ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠬᠤᠶᠠᠷ ᠭᠤᠤᠯ ᠤᠨ ᠱᠤᠤᠭᠢᠶᠠᠨ两河涛声 | ︾ ᠭᠡᠳᠡᠭ ᠰᠤᠶᠤᠯ ᠲᠡᠤᠬᠡ ᠶᠢᠨ ᠴᠤᠪᠤᠷᠠᠯ ᠪᠢᠴᠢᠭ ᠲᠤ ᠪᠦᠬᠦ ᠤᠳᠬᠠ ᠪᠠᠷ ᠨᠢ ᠰᠢᠯᠵᠢᠭᠦᠯᠦᠨ ᠨᠡᠶᠢᠲᠡᠯᠡᠪᠡ᠃ | ᠯᠤ᠋ ᠸᠠᠩ ᠰᠠᠩᠭᠠᠪᠠᠯᠠ ᠪᠤᠯ ᠯᠤ᠋ ᠸᠠᠩ ᠳ᠋ᠢᠸᠠᠪᠠᠯ ᠤᠨ ᠲᠡᠭᠦᠦ᠂ ᠯᠤ᠋ ᠸᠠᠩ ᠠᠷᠭᠠᠰᠢᠷᠢ ᠶᠢᠨ ᠠᠪᠠᠭᠠ ᠨᠢ | ᠪᠤᠯᠬᠤ ᠶᠤᠮ᠂ ᠲᠡᠭᠦᠨ ᠤ ᠡᠬᠡ ᠨᠢ ᠪᠤᠯ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠦᠬᠢᠨ ᠨᠠᠩᠭᠠᠴᠢᠨ ᠪᠠᠬᠢ ︵ | ᠭᠦᠩᠵᠦ︶ ᠪᠤᠯᠤᠨᠠ᠃ ︽ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ᠂ ᠳ᠋ᠢᠢ ᠰᠡᠴᠡᠨ ᠤ ᠱᠠᠰᠳᠢᠷ元史᠂特薛禅传 | ︾ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ᠄ ︽﹇ᠰᠠᠩᠭᠠᠪᠠᠯᠠ﹈ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠤᠷᠪᠤᠯᠵᠢ ᠬᠠᠭᠠᠨ ︵ᠱᠢ | ᠬᠤᠸᠠᠩ世皇᠂ ᠬᠤᠪᠢᠯᠠᠢ ᠰᠡᠴᠡᠨ︶ ᠤ ᠵᠠᠷᠯᠢᠭ ᠢᠶᠠᠷ ᠤᠭᠴᠢᠨ ᠪᠠᠬᠢ ︵ᠭᠦᠩᠵᠦ︶ ᠳᠤᠷ ᠠᠰᠠᠷᠠᠭᠳᠠᠭᠰᠠᠨ | ᠪᠦᠯᠦᠭᠡ᠂ ᠲᠠᠷᠤᠢ ᠪᠤᠷᠵᠢᠭᠠᠷ ᠬᠦᠷᠭᠡᠨ ᠬᠡᠮᠡᠭᠴᠢ ᠮᠦᠨ ᠪᠤᠶᠤ᠃ ᠬᠤᠵᠢᠮ ᠠᠨᠤ ᠦᠶᠡ ᠵᠠᠯᠭᠠᠮᠵᠢᠯᠠᠵᠦ᠂ ᠲᠡᠭᠦᠨ ᠤ | ᠲᠦᠷᠪᠡᠨ ᠲᠦᠮᠡᠨ ᠬᠠᠷᠢᠶᠠᠲᠦ ᠡᠷᠦᠬᠡ ᠪᠠᠨ ᠵᠠᠬᠢᠷᠴᠦ ᠠᠪᠠᠢ᠃ ᠪᠦᠲᠦᠭᠡᠭᠴᠢ ᠲᠡᠭᠡᠳᠦᠰ ︵ᠴᠧᠩᠽᠦ᠋ᠩ成宗᠂ | ᠲᠡᠮᠦᠷ ᠬᠠᠭᠠᠨ︶ ᠤᠨ ᠦᠶᠡ ᠳᠤᠷ ᠵᠠᠷᠯᠢᠭ ᠢᠶᠠᠷ ᠪᠦᠨᠠ ᠪᠠᠬᠢ ︵ᠭᠦᠩᠵᠦ普纳公主᠂ ᠲᠡᠮᠦᠷ ᠬᠠᠭᠠᠨ | ᠤ ᠦᠬᠢᠨ︶ ᠯᠦᠭᠡ ᠭᠡᠷᠯᠡᠪᠡᠢ᠃ ᠤᠨᠤᠯᠲᠦ ᠡᠶᠡᠪᠡᠷᠡᠬᠦ ︵ᠵᠾᠢ ᠱᠦᠨ至顺︶ ᠶᠢᠨ ᠤᠨ ᠨᠤᠭᠤᠳ ︵1330 | — 1332 ᠤᠨ︶ ᠲᠤᠷ ᠶᠦᠨ ᠠᠨ ᠭᠠᠵᠠᠷ ᠤᠨ ᠶᠡᠭᠡ ᠡᠭᠡᠴᠢᠮᠡᠳ ᠪᠠᠬᠢ ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠦ郓安大长 | 公主᠂ ᠰᠠᠩᠭᠠᠪᠠᠯᠠ ᠳᠤᠷ ᠠᠯᠲᠠᠨ ᠲᠠᠮᠠᠭᠠ ᠤᠯᠭᠤᠵᠦ᠂ ᠶᠦᠨ ᠠᠨ ᠸᠠᠩ ᠡᠷᠭᠦᠮᠵᠢᠯᠡᠨ᠂ ᠮᠢᠩᠭᠠᠲᠦ ᠶᠢᠨ | ᠨᠤᠶᠠᠨ ᠤ ᠲᠤᠰᠢᠶᠠᠯ ᠳᠤᠷ ᠲᠦᠰᠢᠪᠡᠢ᠃ ᠡᠰᠢ ᠶᠤᠰᠤᠲᠦ ︵ᠶᠤᠸᠠᠨ ᠲᠦᠩ元统︶ ᠶᠢᠨ ᠠᠩᠬᠠᠳᠤᠭᠠᠷ ᠤᠨ | ︵1333 ᠤᠨ︶ ᠳᠤᠷ ᠲᠦᠮᠡᠲᠦ ᠶᠢᠨ ᠨᠤᠶᠠᠨ ᠲᠦᠰᠢᠪᠡᠢ᠃ ᠬᠤᠶᠠᠳᠤᠭᠠᠷ ᠤᠨ ︵1334 ᠤᠨ︶ ᠤ | ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤᠷ ᠶᠦᠨ ᠠᠨ ᠭᠠᠵᠠᠷ ᠤᠨ ᠪᠠᠬᠢ ᠶᠢᠨ ᠴᠤᠯᠠ ᠶᠢ ᠨᠡᠮᠡᠨ ᠡᠷᠭᠦᠮᠵᠢᠯᠡᠵᠦ᠂ ᠬᠠᠭᠠᠨ ᠤ | ᠠᠪᠠᠭᠠ ᠡᠭᠡᠴᠢ ᠶᠡᠭᠡ ᠡᠭᠡᠴᠢᠮᠡᠳ ᠪᠠᠬᠢ ︵ᠭᠦᠩᠵᠦ皇姑大长公主︶ ᠬᠡᠮᠡᠭᠡᠳ ᠰᠠᠩᠭᠠᠪᠠᠯᠠ ᠶᠢ | ᠯᠤ᠋ ᠸᠠᠩ ᠬᠡᠮᠡᠨ ᠨᠡᠮᠡᠨ ᠡᠷᠭᠦᠮᠵᠢᠯᠡᠪᠡᠢ᠃ ᠰᠠᠩᠭᠠᠪᠠᠯᠠ ᠡᠪᠡᠳᠴᠢᠨ ᠢᠶᠠᠷ ᠨᠦᠭᠴᠢᠪᠡᠢ᠂ ᠵᠢᠷᠠᠨ ᠨᠢᠭᠡᠨ ᠨᠠᠰᠤᠨ | ᠰᠡᠭᠦᠳᠡᠷ ᠢ ᠵᠤᠭᠤᠭᠯᠠᠵᠤᠬᠤᠢ︾ ᠭᠡᠵᠠᠢ᠃ | ︽ᠶᠡᠭᠡ ᠶᠤᠸᠠᠨ ᠤᠯᠤᠰ ᠤᠨ ᠨᠡᠮᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠬᠤᠩᠬᠢᠷᠠᠳ ᠤᠪᠤᠭᠲᠦ ᠰᠠᠩᠭᠠᠪᠠᠯᠠ ᠯᠤ᠋ ᠸᠠᠩ ᠤᠨ | ᠠᠭᠤᠤ ᠭᠠᠪᠢᠶᠠ ᠤᠳᠤᠮᠲᠦ ᠠᠴᠢᠯᠠᠯ ᠤᠨ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠪᠢᠴᠢᠭ大元加封宏吉烈氏相 | 哥八剌魯王元勳世德碑 ︾ ᠲᠤ᠄ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠲᠡᠤᠬᠡ ᠶᠢ ᠨᠡᠬᠡᠮᠵᠢᠯᠡᠨ | ᠲᠤᠭᠠᠴᠢᠵᠦ᠂ ᠳ᠋ᠢᠢ ᠰᠡᠴᠡᠨ᠂ ᠠᠯᠴᠤ᠂ ᠲᠡᠮᠦᠷ᠂ ᠳ᠋ᠢᠸᠠᠪᠠᠯ ᠵᠡᠷᠭᠡ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠦᠩᠭᠡᠷᠡᠭᠰᠡᠨ ᠤ | ᠲᠦᠷᠦᠭᠦᠴᠦᠳ ᠤᠨ ᠭᠠᠪᠢᠶᠠ ᠠᠯᠳᠠᠷ ᠢ ᠨᠢᠭᠡᠳ ᠨᠢᠭᠡ ᠪᠠᠷ ᠲᠡᠮᠳᠡᠭᠯᠡᠨ ᠪᠢᠴᠢᠵᠦ᠂ ᠬᠤᠩᠭᠢᠷᠠᠳ ᠠᠶᠢᠮᠠᠭ ᠤᠨ ᠬᠢᠨ | ᠤ ᠦᠪᠡᠷ ᠤᠨ ᠡᠷᠭᠦᠮᠵᠢᠯᠡᠯ ᠤᠨ ᠤᠷᠤᠨ ᠳᠠᠭᠠᠨ ᠵᠤᠰᠠᠭᠠᠯ ᠤᠨ ᠤᠷᠳᠤᠨ᠂ ᠡᠪᠦᠯᠵᠢᠶᠡᠨ ᠤ ᠠᠭᠤᠷᠤᠭ ᠵᠡᠷᠭᠡ ᠶᠢ | ᠪᠠᠶᠢᠭᠤᠯᠤᠭᠰᠠᠨ ᠶᠠᠪᠤᠴᠠ ᠬᠢᠭᠡᠳ ᠲᠡᠳᠡᠭᠡᠷ ᠤᠨ ᠭᠤᠶᠤ ᠬᠡᠭᠡᠨᠴᠡᠷ ᠪᠠᠶᠠᠨ ᠲᠠᠩᠰᠤᠭ ᠵᠡᠷᠭᠡ ᠪᠦᠬᠦᠢ ᠪᠠᠶᠢᠳᠠᠯ ᠢ | ᠲᠤᠩ ᠨᠠᠷᠢᠯᠢᠭ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠯᠤ᠋ ᠸᠠᠩ ᠮᠠᠨᠽᠡᠲᠠᠢ ᠶᠢᠨ ᠦᠢᠯᠡ ᠬᠡᠷᠡᠭ ᠢ ᠨᠢᠭᠡ ᠦᠰᠦᠭ | ᠴᠤ ᠪᠢᠴᠢᠭᠰᠡᠨ ᠦᠭᠡᠢ ᠪᠠᠷ ᠤᠷᠬᠢᠭᠲᠠᠭᠤᠯᠤᠭᠰᠠᠨ ᠨᠢ ᠲᠤᠩ ᠰᠤᠨᠢᠷᠬᠠᠯᠲᠠᠢ ᠶᠤᠮ᠃ ᠪᠤᠳᠤᠪᠠᠯ᠂ ᠯᠤ᠋ ᠸᠠᠩ | ᠰᠠᠩᠭᠠᠪᠠᠯᠠ ᠠᠴᠠ ᠲᠡᠭᠦᠨ ᠤ ᠡᠬᠡ ᠨᠠᠩᠭᠠᠴᠢᠨ ᠪᠠᠬᠢ ︵ᠭᠦᠩᠵᠦ︶ ᠮᠠᠨᠽᠡᠲᠡᠢ ᠸᠠᠩ ᠯᠤᠭᠠ ᠭᠡᠷᠯᠡᠭᠰᠡᠨ ᠪᠤᠳᠠᠳᠤ | ᠬᠡᠷᠡᠭ ᠢ ᠴᠡᠭᠡᠷᠯᠡᠭᠰᠡᠨ ᠤ ᠤᠴᠢᠷᠠ᠂ ᠡᠶᠢᠨᠬᠦ ᠵᠤᠷᠢᠭᠤᠳᠠ ᠤᠷᠬᠢᠭᠳᠠᠭᠤᠯᠤᠭᠰᠠᠨ ᠪᠠᠶᠢᠵᠦ ᠮᠡᠳᠡᠨᠡ᠃ ᠤᠴᠢᠷ ᠨᠢ | ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠦᠬᠢᠨ ᠨᠠᠩᠭᠠᠴᠢᠨ ᠪᠠᠬᠢ ︵ᠭᠦᠩᠵᠦ︶ ᠪᠤᠯ ᠯᠤ᠋ ᠸᠠᠩ ᠰᠠᠩᠭᠠᠪᠠᠯᠠ | ᠶᠢᠨ ᠲᠦᠷᠦᠭᠰᠡᠨ ᠡᠬᠡ ᠨᠢ ᠪᠤᠯᠬᠤ ᠶᠤᠮ᠃ ᠲᠡᠷᠡ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠲᠤ ᠮᠤᠷᠳᠠᠵᠦ ᠢᠷᠡᠭᠡᠳ ᠤᠷᠢᠳ | ᠬᠤᠵᠢᠳ ᠨᠠᠴᠢᠨ ︵纳陈︶ ᠤ ᠵᠢᠷᠭᠤᠭᠠᠨ ᠬᠦᠪᠡᠬᠦᠨ ᠤ ᠲᠤᠲᠤᠷᠠᠬᠢ ᠤᠷᠤᠴᠡᠨ ︵斡罗陈︶᠂ ᠲᠡᠮᠦᠷ | ︵帖木儿︶᠂ ᠮᠠᠨᠽᠡᠲᠡᠢ蛮子台 ᠵᠡᠷᠭᠡ ᠠᠬᠠ ᠲᠡᠭᠦᠦ ᠭᠤᠷᠪᠡ ᠲᠠᠢ ᠲᠤᠰ ᠲᠤᠰ ᠭᠡᠷᠯᠡᠪᠡ᠃ | ᠲᠡᠮᠦᠷ ᠪᠤᠯ ᠯᠤ᠋ ᠸᠠᠩ ᠰᠠᠩᠭᠠᠪᠠᠯᠠ ᠶᠢᠨ ᠲᠦᠷᠦᠭᠰᠡᠨ ᠡᠴᠢᠭᠡ ᠨᠢ ᠪᠢᠯᠡ᠃ ᠨᠠᠩᠭᠠᠴᠢᠨ ᠪᠠᠬᠢ ᠶᠢᠨ ᠠᠩᠬᠠᠨ ᠤ | ᠬᠦᠷᠭᠡᠨ ᠤᠷᠤᠴᠡᠨ ᠨᠤᠶᠠᠨ 1277 ᠤᠨ ᠳᠤ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠮᠦᠩᠭᠡ ᠬᠠᠭᠠᠨ ᠤ ᠬᠦᠪᠡᠬᠦᠨ ᠰᠢᠷᠢᠬᠢ ︵昔 | 里吉︶᠂ ᠠᠷᠢᠭᠪᠤᠬᠠ ᠶᠢᠨ ᠬᠦᠪᠡᠬᠦᠨ ᠦᠮᠦᠬᠦᠷ ︵玉木忽儿︶ ᠨᠠᠷ ᠤᠨ ᠲᠡᠭᠳᠡᠭᠡᠭᠰᠡᠨ | ᠤᠷᠪᠠᠯᠭᠠᠨ ᠢ ᠲᠠᠷᠤᠩᠭᠤᠶᠢᠯᠠᠬᠤ ᠪᠠᠷ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠤᠮᠠᠷᠠᠰᠢ ᠮᠤᠷᠳᠠᠵᠦ ᠭᠤᠷᠪᠠᠨ ᠡᠳᠦᠷ ᠠᠶᠠᠯᠠᠵᠦ᠂ | ᠦᠯᠬᠦᠢ ᠭᠤᠤᠯ ︵ 兀鲁回河ᠤᠳᠤᠬᠢ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠢ ᠭᠤᠤᠯ︶ ᠳᠤ | ᠬᠦᠷᠦᠭᠡᠳ ᠦᠪᠡᠷ ᠤᠨ ᠲᠦᠷᠦᠭᠰᠡᠨ ᠤᠳᠬᠠᠨ ᠲᠡᠭᠦᠦ ᠵᠢᠷᠭᠤᠭᠠᠲᠠᠢ ︵只儿瓦台︶ ᠶᠢᠨ ᠡᠳᠦᠭᠰᠡᠨ | ᠡᠷᠬᠡ ᠪᠤᠯᠢᠶᠠᠬᠤ ᠤᠷᠪᠠᠯᠭᠠᠨ ᠳᠤ ᠵᠠᠪᠰᠢᠶᠠᠨ ᠪᠤᠰᠤ ᠪᠠᠷ ᠬᠤᠤᠷᠯᠠᠭᠳᠠᠭᠰᠠᠨ ᠶᠤᠮ᠂ ᠤᠷᠪᠠᠯᠭᠠᠨ ᠢ | ᠲᠦᠪᠰᠢᠳᠭᠡᠭᠰᠡᠨ ᠤ ᠲᠠᠷᠠᠭᠠ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ᠵᠠᠷᠯᠢᠭ ᠢᠶᠠᠷ ᠵᠢᠷᠭᠤᠭᠠᠲᠠᠢ ᠶᠢ ᠠᠯᠠᠬᠤ ᠶᠠᠯᠠ ᠪᠠᠷ | ᠴᠠᠭᠠᠵᠢᠯᠠᠵᠠᠢ᠃ | ︵2︶ ᠬᠠᠮᠲᠦ ᠠᠰᠠᠷᠠᠭᠳᠠᠭᠰᠠᠨ ᠲᠦᠰᠢᠶᠡ ᠲᠦᠰᠢᠮᠡᠯ 通奉大夫 —— ᠤᠮᠠᠷᠠᠲᠤ | ᠰᠦᠩ ᠤᠯᠤᠰ ᠤᠨ ᠨᠠᠢᠮᠠᠳᠤᠭᠠᠷ ᠦᠶᠡ ᠶᠢᠨ ᠬᠠᠭᠠᠨ ᠰᠦᠯᠳᠡ ᠲᠡᠭᠡᠳᠦᠰ ︵ᠾᠦᠢ ᠽᠦᠩ 徽宗︶ ᠵᠤᠤ | ᠵᠢᠢ ︵赵佶︶ ᠬᠠᠭᠠᠨ ᠤ ᠶᠡᠭᠡ ᠦᠵᠡᠮᠦᠷᠢ ︵ᠳ᠋ᠠ ᠭᠤᠸᠠᠨ大观︶ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︵1108 | ᠤᠨ︶ ᠠᠴᠠ ᠡᠬᠢᠯᠡᠨ ᠲᠦᠰᠢᠭᠰᠡᠨ ᠪᠢᠴᠢᠭ ᠤᠨ ᠰᠤᠯᠠ ᠰᠠᠶᠢᠳ ᠤᠨ ᠵᠡᠷᠭᠡ ᠲᠤᠰᠢᠶᠠᠯ ᠪᠤᠯᠤᠨᠠ᠃ ᠠᠩᠬᠠ | ᠪᠢᠴᠢᠭ ᠤᠨ ᠲᠦᠰᠢᠮᠡᠯ ᠤᠨ ᠶᠢᠰᠦᠳᠦᠭᠡᠷ ᠲᠡᠭᠲᠡᠷ ᠤᠨ ᠨᠤᠶᠠᠨ ᠲᠤᠰᠢᠶᠠᠯ ᠪᠠᠶᠢᠪᠠ᠃ ᠠᠯᠲᠠᠨ ᠤᠯᠤᠰ ︵金︶ | ᠤᠨ ᠦᠶᠡ ᠳᠤ ᠡᠨᠡ ᠲᠤᠰᠢᠶᠠᠯ ᠢ ᠮᠦᠨ ᠬᠦ ᠦᠷᠭᠦᠯᠵᠢᠯᠡᠨ ᠲᠦᠰᠢᠵᠦ᠂ ᠳ᠋ᠡᠰ ᠭᠤᠷᠪᠠᠳᠤᠭᠠᠷ ᠵᠡᠷᠭᠡᠲᠡᠨ ︵从三 | 品︶ ᠢᠶᠠᠷ ᠲᠤᠭᠲᠠᠭᠠᠪᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠲᠡᠰ ᠢ ᠨᠢ ᠲᠡᠪᠰᠢᠭᠦᠯᠵᠦ ᠳ᠋ᠡᠰ ᠬᠤᠶᠠᠳᠤᠭᠠᠷ ᠵᠡᠷᠭᠡᠲᠡᠨ | ︵从二品︶ ᠪᠤᠯᠭᠠᠪᠠ᠃ ᠮᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠳ᠋ᠡᠰ ᠬᠤᠶᠠᠳᠤᠭᠠᠷ ᠵᠡᠷᠭᠡᠲᠡᠨ ᠪᠠᠶᠢᠭᠰᠠᠨ ᠠᠴᠠ ᠨᠢ | ᠠᠩᠬᠠ ᠲᠤᠲᠤᠭᠠᠳᠤ ᠠᠰᠠᠷᠠᠯᠲᠤ ᠰᠠᠶᠢᠳ ︵中奉大夫︶ ᠪᠤᠯᠭᠠᠭᠠᠳ᠂ ᠲᠠᠬᠢᠨ ᠲᠡᠪᠰᠢᠭᠦᠯᠵᠦ ᠬᠠᠮᠲᠤ | ᠠᠰᠠᠷᠠᠭᠳᠠᠭᠰᠠᠨ ᠲᠦᠰᠢᠶᠡ ᠲᠦᠰᠢᠮᠡᠯ ︵通奉大夫︶ ᠪᠤᠯᠭᠠᠪᠠ᠃ ᠴᠢᠩ ᠤᠯᠤᠰ ᠦᠭᠡᠶᠢᠰᠭᠡᠪᠡ᠃ | ︵ 3 ︶ ᠵᠧᠵᠢᠶᠠᠩ 淛 —— ᠡᠨᠡ ︽淛︾ ᠭᠡᠰᠡᠨ ᠬᠢᠲᠡᠳ ᠦᠰᠦᠭ ᠪᠤᠯ ᠡᠷᠲᠡᠨ ᠤ | ᠬᠢᠲᠠᠳ ᠬᠡᠯᠡᠨ ᠳᠤ ︽浙︾ ᠭᠡᠳᠡᠭ ᠦᠰᠦᠭ ᠲᠠᠢ ᠠᠳᠠᠯᠢ ᠶᠤᠮ᠂ ᠲᠠᠷᠤᠢ ᠤᠳᠤᠬᠢ ᠵᠧᠵᠢᠶᠠᠩ ︵浙江︶ | ᠮᠤᠵᠢ ᠶᠢ ᠵᠢᠭᠠᠵᠦ ᠪᠠᠶᠢᠳᠠᠭ᠃ | ︵ 4 ︶ ᠬᠤ᠋ ᠽᠦ ᠭᠤᠸᠠᠩ 胡祖廣 —— ︽ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ元史 | ︾ ᠲᠤᠷ ᠬᠤ᠋ ᠽᠦ ᠭᠤᠸᠠᠩ ᠤᠨ ᠱᠠᠰᠳᠢᠷ ᠠᠯᠠᠭᠠ᠃ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠪᠢᠴᠢᠭ ᠲᠤᠷ ᠪᠢᠴᠢᠭᠰᠡᠨ ᠬᠤ᠋ ᠽᠦ | ᠭᠤᠸᠠᠩ ᠤᠨ ᠦᠪᠡᠷ ᠤᠨ ᠬᠢᠨᠢ ᠲᠤᠰᠢᠶᠠᠭᠰᠠᠨ ᠨᠤᠶᠠᠨ ᠲᠤᠰᠢᠶᠠᠯ ᠨᠢ ᠪᠤᠯ᠄ ︽ᠬᠠᠮᠲᠦ ᠠᠰᠠᠷᠠᠭᠳᠠᠭᠰᠠᠨ | ᠲᠦᠰᠢᠶᠡ ᠲᠦᠰᠢᠮᠡᠯ᠂ ᠵᠧᠵᠢᠶᠠᠩ ᠤᠨ ᠵᠡᠭᠦᠨᠳᠡᠬᠢ ᠲᠠᠯᠠᠢ ᠶᠢᠨ ᠪᠠᠷᠠᠭᠤᠨ ᠳ᠋ᠤᠤᠯᠢ ᠶᠢᠨ ᠵᠠᠰᠠᠭ ᠲᠤᠷ | ᠬᠢᠴᠢᠶᠡᠩᠭᠦᠶᠢᠯᠡᠨ ᠴᠢᠭᠡᠴᠢ ᠶᠢ ᠰᠤᠷᠪᠤᠯᠵᠢᠯᠠᠬᠤ ᠲᠦᠰᠢᠮᠡᠯ ᠬᠤ᠋ ᠽᠦ ᠭᠤᠸᠠᠩ︾ ᠭᠡᠪᠡ᠃ ᠶᠤᠸᠠᠨ ᠤᠯᠤᠰ ᠤᠨ | ᠦᠶᠡ ᠳᠤ ᠬᠦᠬᠡᠮᠦ᠋ᠷᠡᠨ ᠬᠢᠭᠡᠳ ᠵᠧᠵᠢᠶᠠᠩ ᠭᠠᠵᠠᠷ ᠲᠠᠬᠢ ᠬᠤᠪᠢᠶᠠᠷᠢ ᠲᠦᠪ ᠪᠢᠴᠢᠭ ᠤᠨ ᠮᠤᠵᠢ ᠶᠢᠨ ᠲᠤᠤᠷᠠ | ᠵᠧᠵᠢᠶᠠᠩ ᠤᠨ ᠵᠡᠭᠦᠨᠳᠡᠬᠢ ᠲᠠᠯᠠᠢ ᠶᠢᠨ ᠪᠠᠷᠠᠭᠤᠨ ᠳ᠋ᠤᠤᠯᠢ ᠶᠢᠨ ᠵᠠᠰᠠᠭ ᠢ ᠠᠷᠢᠭᠤᠳᠬᠠᠨ ᠴᠢᠭᠡᠴᠢ ᠶᠢ | ᠰᠤᠷᠪᠤᠯᠵᠢᠯᠠᠬᠤ ᠵᠤᠷᠭᠠᠨ ᠢ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠪᠠ᠃ ︽ᠶᠤᠸᠠᠨ ᠤᠯᠤᠰ ᠤᠨ ᠰᠤᠳᠤᠷ 元史᠂ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠪᠤᠳᠢ 卷一六᠂ ᠰᠤᠷᠪᠤᠯᠵᠢ ᠤᠷᠢᠳᠤᠰ ᠤᠨ ᠴᠠᠳᠢᠭ ᠠᠷᠪᠠᠨ ᠭᠤᠷᠪᠠ 世祖纪十 | 三︾ ᠳᠠᠬᠢ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠭᠦᠨ ᠤ ᠬᠤᠷᠢᠨ ᠨᠠᠢᠮᠠᠳᠤᠭᠠᠷ ᠤᠨ ︵1291 ᠤᠨ︶ | ᠤ ᠬᠤᠶᠠᠳᠤᠭᠠᠷ ᠰᠠᠷᠠ ᠶᠢᠨ ᠲᠡᠮᠳᠡᠭᠯᠡᠯ ᠳᠤ᠄ ︽ᠤᠯᠠᠭᠠᠨ ᠨᠤᠬᠠᠢ ᠡᠳᠤᠷ᠂ ᠵᠠᠷᠯᠢᠭ ᠪᠠᠭᠤᠯᠭᠠᠵᠦ᠂ ᠲᠠᠪᠤᠰᠤᠨ | ᠵᠦᠭᠡᠭᠡᠪᠦᠷᠢ ᠶᠢ ᠪᠦᠷᠢᠳᠭᠡᠨ ᠲᠤᠭᠠᠴᠠᠵᠦ ᠡᠷᠡᠭᠦᠦ ᠴᠠᠭᠠᠵᠠ ᠪᠠᠷ ᠰᠢᠭᠦᠨ ᠰᠢᠳᠭᠡᠬᠦ ᠶᠢ ᠲᠤᠯᠭᠠᠨ ᠪᠠᠶᠢᠴᠠᠭᠠᠬᠤ | ᠵᠤᠷᠭᠠᠨ ︵提※刑按察司︶ ᠢ ᠦᠭᠡᠷᠴᠢᠯᠡᠵᠦ᠂ ᠵᠠᠰᠠᠭ ᠢ ᠠᠷᠢᠭᠤᠳᠬᠠᠨ ᠴᠢᠭᠡᠴᠢ ᠶᠢ | ᠰᠤᠷᠪᠤᠯᠵᠢᠯᠠᠬᠤ ᠵᠤᠷᠭᠠᠨ ︵肃政廉访司︶ ᠪᠤᠯᠭᠠᠲᠤᠭᠠᠢ︕ ᠲᠡᠶᠢᠨᠬᠦ ᠳ᠋ᠤᠤᠯᠢ ᠨᠢᠭᠡᠪᠦᠷᠢ ᠳᠤᠷ | ᠨᠠᠢᠮᠠᠨ ᠤᠷᠤᠨ ᠲᠤᠭᠠ ᠶᠢ ᠲᠤᠬᠢᠷᠠᠭᠤᠯᠤᠨ᠂ ᠨᠤᠶᠠᠨ ᠲᠦᠰᠢᠲᠦᠭᠡᠢ᠃ ᠡᠭᠦᠨ ᠳᠤᠷ᠄ ᠬᠤᠶᠠᠷ ᠭᠤᠴᠤᠭ ᠢ ᠵᠤᠷᠭᠠᠨ | ᠳᠤᠨᠢ ᠦᠯᠡᠳᠡᠭᠡᠨ ᠨᠢᠭᠡ ᠵᠤᠷᠭᠠᠨ ᠢ ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠠᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠦᠯᠡᠳᠡᠭᠰᠡᠨ ᠵᠢᠷᠭᠤᠭᠠᠨ ᠬᠦᠮᠦᠨ | ᠢ ᠢᠨᠦ ᠬᠠᠷᠢᠶᠠᠲᠤ ᠭᠠᠵᠠᠷ ᠤᠨ ᠬᠢᠨᠢ ᠤᠶᠢᠷᠠ ᠬᠠᠪᠢ ᠳᠤᠷ ᠬᠤᠪᠢᠶᠠᠨ ᠲᠤᠬᠢᠷᠠᠭᠤᠯᠵᠦ᠂ ᠢᠷᠭᠡᠨ ᠤ ᠬᠡᠷᠡᠭ᠂ | ᠬᠦᠨᠡᠰᠦ ᠮᠦᠩᠬᠦ ᠪᠠ ᠨᠤᠶᠠᠳ ᠠᠯᠪᠠᠲᠠᠳ ᠤᠨ ᠬᠤᠪᠢᠯᠳᠤᠨ ᠵᠢᠰᠦᠷᠯᠡᠬᠦ ᠶᠢ ᠪᠠᠶᠢᠴᠠᠭᠠᠬᠤ ᠵᠡᠷᠭᠡ ᠪᠦᠬᠦᠢ ᠠᠵᠢᠯ ᠢ | ᠲᠠᠭᠠᠭᠠᠴᠢᠯᠠᠨ ᠬᠢᠲᠦᠭᠡᠢ᠃ ᠵᠢᠯ ᠤᠨ ᠡᠴᠤᠰ ᠪᠤᠯᠬᠤᠯᠠ ᠮᠤᠵᠢ ︵省︶᠂ ᠵᠠᠬᠢᠷᠭᠠ ︵台︶ ᠠᠴᠠ ᠨᠤᠶᠠᠨ | ᠲᠤᠮᠢᠯᠠᠨ ᠲᠡᠳᠡᠨᠡᠷ ᠤᠨ ᠭᠠᠪᠢᠶᠠ ᠪᠦᠲᠦᠮᠵᠢ ᠶᠢ ᠰᠢᠯᠭᠠᠷᠠᠭᠤᠯᠲᠤᠭᠠᠢ︾ ᠬᠡᠮᠡᠪᠡᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ | ᠴᠢᠭᠡᠴᠢ ᠶᠢ ᠰᠤᠷᠪᠤᠯᠵᠢᠯᠠᠬᠤ ᠲᠦᠰᠢᠮᠡᠯ ︵廉访使︶ ᠪᠤᠯ ᠴᠢᠭ ᠭᠤᠷᠪᠠᠳᠤᠭᠠᠷ ᠵᠡᠷᠭᠡᠲᠡᠨ ︵正三品 | ︶ ᠪᠤᠯᠬᠤ ᠶᠤᠮ᠃ ᠡᠨᠡ ᠭᠡᠷᠡᠯᠲᠦ ᠬᠦᠰᠢᠶᠡ ᠶᠢ ᠪᠤᠯ ᠲᠤᠭᠤᠭᠠᠨᠲᠡᠮᠦᠷ ᠬᠠᠭᠠᠨ ᠤ ᠤᠨᠤᠯᠲᠦ ᠲᠦᠪ ︵ᠵᠾᠢ ᠵᠧᠩ至 | 正︶ ᠤᠨ ᠭᠤᠷᠪᠠᠳᠤᠭᠠᠷ ᠤᠨ ︵1343 ᠤᠨ︶ ᠳᠤ ᠵᠢᠨᠢᠩ ᠴᠦᠯᠭᠡ ᠳᠤ ᠪᠤᠰᠬᠠᠵᠠᠢ᠃ | ︽ᠵᠢᠦᠢ ᠶᠧ ᠰᠢᠶᠠᠨ ᠤ ᠤᠶᠢᠯᠠᠯᠭᠠ ︵巨野县志︶︾ ᠶᠢᠨ ᠬᠤᠷᠢᠳᠤᠭᠠᠷ ᠪᠤᠳᠢ ᠶᠢᠨ ᠲᠤᠲᠤᠷᠠ | ᠮᠦᠨ ᠬᠤ᠋ ᠽᠦ ᠭᠤᠸᠠᠩ ᠤᠨ ᠪᠢᠴᠢᠭᠰᠡᠨ ︽ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠤ ᠵᠠᠩᠵᠤᠨ ᠵᠢᠨᠢᠩ ᠴᠦᠯᠭᠡ ᠶᠢᠨ ᠶᠡᠷᠦᠩᠬᠢ | ᠵᠠᠬᠢᠷᠭᠠ ᠶᠢᠨ ᠬᠤᠷᠤᠭᠠ ᠶᠢᠨ ᠲᠠᠷᠤᠭᠠᠴᠢ ᠶᠢᠨ ᠲᠡᠭᠡᠳᠦᠰ ᠤᠨ ᠤᠩᠭᠤᠨ ᠤ ᠪᠤᠳᠢ ᠮᠦᠷ ᠤᠨ ᠬᠦᠰᠢᠶᠡᠨ ᠤ | ᠪᠢᠴᠢᠭ 武略将军济宁路总管府达鲁花赤先茔神道碑︾ | ᠭᠡᠰᠡᠨ ᠪᠠᠰᠠ ᠨᠢᠭᠡ ᠬᠤᠪᠢ ᠵᠤᠬᠢᠶᠠᠯ ᠪᠠᠶᠢᠪᠠ᠃ ᠲᠤᠰ ᠪᠤᠳᠢ ᠮᠦᠷ ᠤᠨ ᠬᠦᠰᠢᠶᠡᠨ ᠤ ᠪᠢᠴᠢᠭ ᠲᠤ ᠬᠤ᠋ ᠽᠦ | ᠭᠤᠸᠠᠩ ᠦᠪᠡᠷ ᠤᠨ ᠨᠤᠶᠠᠨ ᠲᠤᠰᠢᠶᠠᠯ ᠢᠶᠠᠨ ᠪᠢᠴᠢᠬᠦ ᠳᠡᠭᠡᠨ᠄ ︽ᠲᠤᠲᠤᠭᠠᠲᠤ ᠠᠰᠠᠷᠠᠯᠲᠦ ᠲᠦᠰᠢᠶᠡ ᠲᠦᠰᠢᠮᠡᠯ᠂ | ᠵᠢᠶᠠᠩᠰᠢ ᠵᠡᠷᠭᠡ ᠭᠠᠵᠠᠷ ᠤᠨ ᠬᠤᠪᠢᠶᠠᠷᠢ ᠲᠦᠪ ᠪᠢᠴᠢᠭ ᠤᠨ ᠮᠤᠵᠢ ᠶᠢᠨ ᠲᠦᠷᠦ ᠶᠢᠨ ᠬᠡᠷᠡᠭ ᠢ ᠵᠦᠪᠳᠡᠨ ᠮᠡᠳᠡᠭᠴᠢ | ᠲᠦᠰᠢᠮᠡᠯ 中奉大夫᠂江西等处行中书省参知政事︾ ᠭᠡᠪᠡ᠃ | ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠶᠢᠨ ᠬᠤᠪᠢᠶᠠᠷᠢ ᠮᠤᠵᠢ ᠶᠢᠨ ᠲᠦᠷᠦ ᠶᠢᠨ ᠬᠡᠷᠡᠭ ᠢ ᠵᠦᠪᠳᠡᠨ ᠮᠡᠳᠡᠭᠴᠢ ᠲᠦᠰᠢᠮᠡᠯ ︵行 | 省参知政事︶ ᠪᠤᠯ ᠳ᠋ᠡᠰ ᠬᠤᠶᠠᠳᠤᠭᠠᠷ ᠵᠡᠷᠭᠡᠲᠡᠨ ︵从二品︶ ᠪᠤᠯᠤᠨᠠ᠃ ᠲᠤᠰ ᠪᠤᠳᠢ | ᠮᠦᠷ ᠤᠨ ᠬᠦᠰᠢᠶᠡᠨ ᠤ ᠪᠢᠴᠢᠭ ᠨᠢ ᠲᠤᠭᠤᠭᠠᠨᠲᠡᠮᠦᠷ ᠬᠠᠭᠠᠨ ᠤ ᠡᠰᠢ ᠶᠤᠰᠤᠲᠦ ︵ᠶᠤᠸᠠᠨ ᠲᠦᠩ 元统︶ | ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︵1334 ᠤᠨ︶ ᠳᠤ ᠪᠤᠰᠬᠠᠭᠳᠠᠵᠠᠢ᠃ | ᠡᠭᠦᠨ ᠠᠴᠠ ᠪᠤᠰᠤᠳ ᠰᠤᠳᠤᠷ ᠪᠢᠴᠢᠭ ᠤᠳ ᠢ ᠪᠠᠶᠢᠴᠠᠭᠠᠬᠤᠯᠠ ᠸᠧᠢᠢᠲᠨᠠᠮ ᠤᠨ ᠬᠠᠭᠤᠴᠢᠨ ᠲᠦᠷᠦ ︵越 | 南陈朝︶ ᠶᠢᠨ ᠯᠢ ᠽᠧ ︵黎崱︶ ᠬᠡᠮᠡᠭᠴᠢ ᠶᠢᠨ ᠪᠢᠴᠢᠭᠰᠡᠨ ︽ᠠᠮ ᠨᠠᠮ ᠤᠨ ᠤᠶᠢᠯᠠᠯᠭᠠ ᠶᠢᠨ | ᠲᠤᠪᠴᠢᠶᠠ ︵安南志略︶︾ ᠬᠡᠮᠡᠬᠦ ᠪᠢᠴᠢᠭ ᠲᠤ ᠬᠤ᠋ ᠽᠦ ᠭᠤᠸᠠᠩ ᠤᠨ ᠨᠡᠷᠡ ᠴᠤᠬᠤᠰ | ᠲᠤᠷᠠᠳᠤᠭᠳᠠᠭᠰᠠᠨ ᠶᠤᠮ᠃ ᠲᠤᠰ ᠪᠢᠴᠢᠭ ᠲᠤ᠄ ︽ᠬᠠᠷᠠᠭᠴᠢᠨ ᠮᠤᠭᠠᠢ ᠵᠢᠯ ᠳᠤᠷ᠂ ᠲᠦᠷᠦ ᠠᠴᠠ ᠠᠮ ᠨᠠᠮ | ᠬᠤᠪᠢᠶᠠᠷᠢ ᠮᠤᠵᠢ ᠶᠢ ᠪᠠᠶᠢᠭᠤᠯᠪᠠᠢ᠃ ᠲᠡᠭᠰᠢ ᠵᠦᠪᠯᠡᠭᠴᠢ ᠲᠦᠰᠢᠮᠡᠯ ︵平章︶ ᠯᠢᠦ ᠡᠯ ᠪᠠᠲᠤ ︵刘二拔 | 都︶ ᠳᠤᠷ᠂ ᠢᠲᠡᠭᠡᠯ ᠨᠠᠶᠢᠳᠠᠪᠦᠷᠢᠲᠠᠢ ᠪᠦᠭᠡᠳ ᠢᠵᠢᠯ ᠵᠤᠷᠢᠯᠲᠠ ᠲᠠᠢ ᠯᠢ ᠽᠧ ︵李崱︶ ᠬᠢᠭᠡᠳ ᠮᠤᠵᠢ | ᠶᠢᠨ ᠢᠯᠭᠠᠭᠴᠢ ᠲᠦᠰᠢᠮᠡᠯ ︵省郎︶ ᠬᠤ᠋ ᠽᠦ ᠭᠤᠸᠠᠩ ᠬᠠᠨ ᠴᠢᠩ ︵胡祖广汉卿︶᠂ | ᠲᠦᠮᠡᠲᠦ ᠶᠢᠨ ᠨᠤᠶᠠᠨ ︵万户︶ ᠬᠤ᠋ ᠵᠢᠢ ᠶᠢᠨ ︵胡继殷︶ ᠨᠠᠷ ᠢ ᠲᠤᠮᠢᠯᠠᠭᠰᠠᠨᠠ ᠲᠦᠷᠭᠡᠨ | ᠤᠯᠠᠭᠠ ᠪᠠᠷ ᠬᠦᠬᠡᠮᠦ᠋ᠷᠡᠨ ᠵᠧᠵᠢᠶᠠᠩ ᠳᠤᠷ ᠤᠳᠴᠤ᠂ ᠴᠡᠷᠢᠭ ᠤᠨ ᠶᠠᠪᠤᠳᠠᠯ ᠢ ᠪᠦᠷᠢᠳᠭᠡᠨ ᠲᠦᠪᠬᠢᠨᠡᠭᠦᠯᠦᠭᠡᠳ | ᠲᠠᠬᠢᠨᠲᠠ ᠬᠠᠩᠵᠸᠦ ᠪᠠᠷ ᠦᠩᠭᠡᠷᠡᠨ ︵ᠲᠤᠷᠤᠭᠰᠢ ᠲᠤᠪᠴᠢᠯᠠᠪᠠ︶︾ ᠭᠡᠪᠡ᠃ ᠠᠳᠡ ᠢᠯᠡᠷᠡᠭᠰᠡᠨ ᠬᠠᠷᠠᠭᠴᠢᠨ | ᠮᠤᠭᠠᠢ ᠵᠢᠯ ᠭᠡᠳᠡᠭ ᠪᠤᠯ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠭᠦᠨ ︵ᠵᠾᠢ ᠶᠤᠸᠠᠨ至元︶ ᠤ | ᠭᠤᠴᠢᠳᠤᠭᠠᠷ ᠤᠨ ︵1293 ᠤᠨ︶ ᠪᠤᠯᠤᠨᠠ︔ ᠯᠢᠦ ᠡᠯ ᠪᠠᠲᠦ ᠭᠡᠳᠡᠭ ᠪᠤᠯ ᠶᠤᠸᠠᠨ ᠤᠯᠤᠰ ᠤᠨ ᠨᠡᠷᠡᠲᠦ | ᠵᠠᠩᠵᠦᠨ ᠵᠦᠷᠴᠢᠨ ︵女真︶ ᠬᠦᠮᠦᠨ ᠯᠢᠦ ᠭᠦᠸᠧ ᠵᠢᠶᠧ ︵刘国杰︶ ᠪᠤᠯᠤᠨᠠ︔ ᠬᠠᠨ ᠴᠢᠩ | ᠭᠡᠳᠡᠭ ᠪᠤᠯ ᠬᠤ᠋ ᠽᠦ ᠭᠤᠸᠠᠩ ᠤᠨ ᠡᠷᠭᠦᠭᠰᠡᠨ ᠨᠡᠷᠡ ︵字︶ ᠪᠤᠯᠬᠤ ᠶᠤᠮ᠃ ᠡᠶᠢᠮᠦ ᠠᠴᠠ ᠬᠤ᠋ ᠽᠦ ᠭᠤᠸᠠᠩ | ᠪᠤᠯ ᠶᠤᠸᠠᠨ ᠤᠯᠤᠰ ᠤᠨ ᠪᠢᠴᠢᠭ ᠤᠨ ᠰᠠᠶᠢᠳ ᠪᠠᠶᠢᠭᠰᠠᠨ ᠮᠦᠷᠲᠡᠭᠡᠨ ᠪᠠᠰᠠ ᠴᠡᠷᠢᠭ ᠤᠨ ᠲᠦᠰᠢᠮᠡᠯ ᠪᠠᠶᠢᠭᠰᠠᠨ | ᠪᠠᠶᠢᠵᠠᠢ᠃ | ※ ᠠᠳᠡ ᠡᠷᠲᠡᠨ ᠤ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ︽提刑︾ ᠭᠡᠳᠡᠭ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠤᠯᠢ | ᠴᠠᠭᠠᠵᠠ ᠶᠢᠨ ᠵᠤᠷᠭᠠᠨ ᠢ ᠲᠦᠭᠦᠮ ᠲᠠᠶᠢᠯᠪᠤᠷᠢᠯᠠᠬᠤ ᠴᠢᠬᠤᠯᠲᠠᠢ ᠪᠤᠯᠤᠭᠠᠳ ᠪᠤᠢ᠃ ᠡᠨᠡ ᠬᠤᠶᠠᠷ ᠦᠰᠦᠭ ᠤᠨ | ᠵᠠᠩᠭᠢᠯᠭᠠ ᠨᠢ ︽提刑︾ ᠬᠡᠰᠡᠨ ᠲᠤᠪᠴᠢᠯᠠᠭᠰᠠᠨ ᠦᠭᠡᠨ ᠳᠤ ᠪᠤᠢ᠃ ᠡᠨᠡ ᠨᠢ ᠦᠨᠡᠨᠳᠡᠭᠡᠨ ︽提点刑 | 狱公事︾ ᠭᠡᠰᠡᠨ ᠦᠭᠡ ᠶᠢᠨ ᠲᠤᠪᠴᠢᠯᠠᠯ ᠪᠤᠯᠬᠤ ᠶᠤᠮ᠃ ᠡᠬᠦᠨ ᠳᠤ᠄ ︽提点︾ ᠭᠡᠳᠡᠭ ᠨᠢ ︽提 | 举︾ ︽检点︾ ᠭᠡᠬᠦ ᠬᠤᠶᠠᠷ ᠲᠤᠰᠭᠠᠷ ᠲᠤᠰᠢᠶᠠᠯ ᠤᠨ ᠲᠤᠪᠴᠢᠯᠠᠯ ᠪᠤᠯᠤᠨᠠ᠃ ︽提举︾ ᠭᠡᠳᠡᠭ | ᠨᠢ ᠲᠠᠪᠤᠰᠤᠨ ᠵᠦᠭᠡᠭᠡᠪᠦᠷᠢ ᠶᠢ ᠬᠠᠮᠢᠶᠠᠷᠬᠤ ᠵᠤᠷᠭᠠᠨ︔ ︽检点︾ ᠭᠡᠳᠡᠭ ᠨᠢ ᠲᠤᠭᠠ ᠪᠦᠷᠢᠳᠭᠡᠯ ᠤᠨ | ᠵᠤᠷᠭᠠᠨ︔ ︽刑︾ ᠭᠡᠳᠡᠭ ᠨᠢ ᠰᠢᠭᠦᠨ ᠰᠢᠳᠭᠡᠬᠦ ᠡᠷᠡᠭᠦᠦ ᠶᠢᠨ ᠵᠤᠷᠭᠠᠨ ︽刑狱︾ ᠢ ᠵᠢᠭᠠᠭᠰᠠᠨ ᠨᠡᠷᠡ | ᠶᠤᠮ᠃ ︽按察︾ ᠭᠡᠳᠡᠭ ᠨᠢ ᠲᠤᠯᠭᠠᠨ ᠪᠠᠶᠢᠴᠠᠭᠠᠬᠤ ᠵᠤᠷᠭᠠᠨ ᠢ ᠬᠡᠯᠡᠨᠡ᠃ | ︵ 5 ︶ ᠡᠯᠦᠨᠴᠡ ᠡᠪᠦᠭᠡ 曾大父—— ᠡᠯᠦᠨᠴᠡ ᠭᠡᠳᠡᠭ ᠪᠤᠯ ᠡᠪᠦᠭᠡ ᠶᠢᠨ ᠡᠴᠢᠭᠡ | ᠶᠢ ᠵᠢᠭᠠᠳᠠᠭ ᠦᠶᠡ ᠵᠡᠷᠭᠡᠮᠵᠢ ᠶᠢᠨ ᠲᠠᠭᠤᠳᠠᠯᠭᠠ᠃ ᠡᠪᠦᠭᠡ ᠭᠡᠳᠡᠭ ᠪᠤᠯ ᠡᠴᠢᠭᠡ ᠶᠢᠨ ᠡᠴᠢᠭᠡ ᠶᠢ ᠵᠢᠭᠠᠳᠠᠭ᠃ | ᠬᠢᠲᠠᠳ ᠬᠡᠯᠡᠨ ᠳᠠᠬᠢ ︽曾︾ ᠭᠡᠳᠡᠭ ᠨᠢ ᠪᠡᠶᠡ ᠠᠴᠠ ᠲᠡᠭᠡᠭᠰᠢ ᠪᠤᠶᠤ ᠲᠤᠷᠤᠭᠰᠢ ᠬᠤᠶᠠᠷ ᠦᠶᠡ ᠶᠢ | ᠠᠯᠤᠰᠯᠠᠭᠰᠠᠨ ᠦᠶᠡ ᠵᠡᠷᠭᠡᠮᠵᠢ ᠶᠢᠨ ᠲᠠᠭᠤᠳᠠᠯᠭᠠ ᠪᠠᠶᠢᠵᠦ᠂ ︽大父︾ ᠭᠡᠳᠡᠭ ᠨᠢ ᠡᠪᠦᠭᠡ ᠶᠢ ᠵᠢᠭᠠᠭᠰᠠᠨ | ᠲᠠᠭᠤᠳᠠᠯᠭᠠ ᠪᠤᠯᠬᠤ ᠶᠤᠮ᠃ | ︵ 6 ︶ ᠳ᠋ᠢᠢ ᠰᠡᠴᠡᠨ 特薛禪 —— ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠪᠤᠰᠬᠤᠷ | ᠤᠪᠤᠭᠲᠠᠨ ᠤ ᠠᠬᠠᠯᠠᠭᠴᠢ᠂ ᠠᠯᠴᠤ ᠨᠤᠶᠠᠨ ᠬᠢᠭᠡᠳ ᠪᠦᠷᠲᠡ ᠦᠵᠢᠨ ᠤ ᠡᠴᠢᠭᠡ᠃ ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠢ | ᠦᠨᠳᠦᠰᠦᠯᠡᠪᠡᠯ᠄ ᠳ᠋ᠢᠢ ᠰᠡᠴᠡᠨ ᠤ ᠡᠴᠢᠭᠡ ᠨᠢ ᠲᠠᠷᠬᠠᠨ ︵达尔罕︶ ᠭᠡᠳᠡᠭ ᠪᠦᠭᠡᠳ ᠲᠡᠭᠦᠨ ᠠᠴᠠ ᠳ᠋ᠢᠢ | ᠶᠢᠨ ︵特因︶᠂ ᠬᠠᠳᠠ ︵哈达︶᠂ ᠪᠦᠪᠡᠨ ︵布奔︶᠂ ᠨᠡᠶᠢᠭᠦᠲᠡᠷ ︵乃古塔尔︶᠂ | ᠰᠤᠶᠢᠬᠦᠷ ︵崔和尔︶ ᠭᠡᠬᠦ ᠲᠠᠪᠤᠨ ᠬᠦᠪᠡᠬᠦᠨ ᠲᠠᠢ ᠶᠤᠮ᠃ ᠳ᠋ᠢᠢ ᠰᠡᠴᠡᠨ ᠠᠴᠠ ᠠᠯᠴᠤ ︵按陈︶᠂ | ᠠᠬᠤᠲᠠᠢ ︵火忽︶᠂ ᠴᠧ ︵册︶ ᠭᠡᠬᠦ ᠭᠤᠷᠪᠠᠨ ᠬᠦᠪᠡᠬᠦᠨ ᠠᠴᠠ ᠭᠠᠳᠠᠨᠠ ᠪᠦᠷᠲᠡ ︵孛儿帖︶ | ᠭᠡᠳᠡᠭ ᠨᠢᠭᠡ ᠦᠬᠢᠨ ᠲᠠᠢ ᠪᠠᠶᠢᠵᠠᠢ᠃ | ︵ 7 ︶ ᠸᠠᠩ ᠬᠠᠨ 王漢 —— ᠲᠦ᠋ ᠵᠢᠢ ︵屠寄︶ ᠶᠢᠨ ︽ᠮᠤᠩᠭᠤᠯ ᠤᠨ | ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ︵蒙兀儿史记︶︾ ᠳᠠᠬᠢ ︽ᠳ᠋ᠢᠢ ᠰᠡᠴᠡᠨ ᠪᠦᠳᠦᠷ ᠤᠨ ᠱᠠᠰᠳᠢᠷ︾ ᠲᠤ᠄ ︽ | ᠴᠠᠭᠠᠨ ᠪᠡᠴᠢᠨ ᠵᠢᠯ ︵1200 ᠤᠨ︶ ᠳᠤᠷ᠂ ᠴᠢᠩᠭᠢᠰ ᠲᠠᠶᠢᠴᠢᠭᠤᠳ ︵泰亦赤兀︶ ᠢ ᠢᠯᠠᠭᠰᠠᠨᠠ | ᠨᠡᠷᠡ ᠰᠦᠷ ᠢᠨᠦ ᠦᠭᠡᠳᠡᠭᠰᠢ ᠮᠠᠨᠳᠤᠭᠰᠠᠨ ᠤᠴᠢᠷ ᠠᠴᠠ ᠬᠠᠳᠠᠬᠢᠨ ︵合塔斤︶ ᠰᠠᠯᠵᠢᠭᠤᠳ ︵撒勒 | 只兀惕︶ ᠬᠤᠶᠠᠷ ᠠᠶᠢᠮᠠᠭ ᠤᠨ ᠬᠢᠨᠢ ᠲᠤᠭᠲᠠᠭᠤᠨ ᠪᠤᠰᠤ ᠪᠤᠯᠵᠤᠬᠤᠢ᠃ ᠲᠡᠳᠡᠨ ᠤ ᠠᠬᠠᠯᠠᠭᠴᠢ | ᠪᠠᠭ᠋ᠠᠰᠤᠯᠵᠢᠭ ︵巴忽搠罗吉句︶︾ ᠬᠢᠭᠡᠳ ᠴᠢᠯᠡᠭᠦᠳᠠᠢ ᠪᠠᠭᠠᠲᠤᠷ ︵赤儿古歹巴阿 | 秃儿︶ ᠬᠡᠮᠡᠭᠴᠢ ᠲᠦᠷᠪᠡᠳ ︵朵儿边︶᠂ ᠲᠠᠲ᠋ᠠᠷ ︵塔塔儿︶᠂ ᠢᠭᠢᠷᠠᠰ ︵亦乞列思 | ︶᠂ ᠤᠩᠬᠢᠷᠠᠳ ︵翁吉剌︶᠂ ᠭᠤᠷᠤᠯᠤᠰ ︵豁罗剌思︶᠂ ᠨᠠᠢᠮᠠᠨ ︵乃蛮︶᠂ ᠮᠡᠷᠭᠢᠳ | ︵蔑儿乞︶᠂ ᠤᠶᠢᠷᠠᠳ ︵斡亦剌︶᠂ ᠲᠠᠶᠢᠴᠢᠭᠤᠳ ︵泰亦赤兀︶ ᠵᠡᠷᠭᠡ ᠠᠷᠪᠠᠨ | ᠨᠢᠭᠡᠨ ᠠᠶᠢᠮᠠᠭ ᠢ ᠠᠯᠬᠦᠢ ᠪᠤᠯᠠᠭ ︵阿勒灰泉︶ ᠬᠡᠮᠡᠬᠦ ᠭᠠᠵᠠᠷ ᠲᠤᠷ ᠬᠤᠷᠠᠨ ᠴᠤᠭᠯᠠᠷᠠᠭᠤᠯᠤᠭᠠᠳ | ᠴᠢᠩᠬᠢᠰ ᠢ ᠭᠡᠨᠡᠳᠡᠭᠦᠯᠦᠨ ᠲᠠᠶᠢᠯᠠᠲᠤᠭᠠᠢ ᠬᠡᠮᠡᠵᠡᠭᠡᠪᠡᠢ᠃ ᠳ᠋ᠢᠢ ᠰᠡᠴᠡᠨ ᠤ ᠤᠭᠰᠠᠭᠠ ᠶᠢᠨ ᠬᠦᠮᠦᠨ ᠲᠡᠷᠭᠡᠭ ︵帖儿 | 格克︶᠂ ᠡᠮᠡᠭᠡᠯ ︵额蔑勒︶᠂ ᠠᠯᠬᠦᠢ ︵阿勒灰︶ ᠨᠠᠷ ᠡᠨᠡᠬᠦ ᠴᠢᠭᠤᠯᠭᠠᠨ ᠤ ᠬᠠᠨᠢᠲᠠᠨ | ᠪᠤᠯᠪᠠᠢ᠃ ᠳ᠋ᠢᠢ ᠰᠡᠴᠡᠨ ᠪᠠᠷ ᠡᠨᠡᠬᠦ ᠬᠤᠪᠢᠯᠳᠤᠯᠭᠠ ᠶᠢ ᠰᠡᠷᠡᠮᠡᠭᠴᠡ ﹇ᠴᠢᠩᠬᠢᠰ ᠬᠠᠭᠠᠨ ᠳᠤᠷ﹈ ᠡᠯᠴᠢ ᠲᠤᠮᠢᠯᠠᠨ | ᠬᠤᠪᠢᠰᠤᠯ ᠢ ᠮᠡᠳᠡᠭᠦᠯᠪᠡᠢ᠃ ᠴᠢᠩᠬᠢᠰ᠂ ᠸᠠᠩ ᠬᠠᠨ ︵王旱︶ ᠯᠤᠭᠠ ᠴᠡᠷᠢᠭ ᠬᠤᠯᠪᠤᠭᠠᠯᠠᠨ ᠬᠦᠯᠦᠨ ᠨᠠᠭᠤᠷ | ︵阔连纳兀儿︶ ᠠᠴᠠ ᠪᠤᠶᠢᠷ ᠨᠠᠭᠤᠷ ︵不余儿纳兀儿︶ ᠲᠤᠷ ᠤᠭᠲᠤᠨ | ᠪᠠᠶᠢᠯᠳᠤᠬᠤᠢ ᠳᠤᠷ ᠳ᠋ᠢᠢ ᠰᠡᠴᠡᠨ ᠪᠠᠷ ᠦᠪᠡᠷ ᠤᠨ ᠬᠠᠷᠢᠶᠠᠲᠤ ᠪᠠᠨ ᠲᠠᠶᠢᠴᠢᠯᠠᠨ ᠢᠷᠡᠵᠦ ᠨᠡᠶᠢᠯᠡᠭᠰᠡᠨᠡ ᠤᠯᠠᠨ | ᠠᠶᠢᠮᠠᠭ ᠤᠨ ᠴᠡᠷᠢᠭ ᠢ ᠶᠡᠭᠡ ᠪᠠᠷ ᠢᠯᠠᠪᠠᠢ︾ ᠭᠡᠵᠡᠢ᠃ | ᠲᠦᠪ ᠤᠨ ᠦᠨᠳᠦᠰᠦᠲᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠡᠷᠲᠡᠮᠲᠡᠨ ᠳ᠋ᠠᠷᠢᠵᠠᠪ ᠪᠠᠭᠰᠢ ᠶᠢᠨ ᠨᠠᠶᠢᠷᠠᠭᠤᠯᠤᠨ | ᠪᠢᠴᠢᠭᠰᠡᠨ ︽ᠮᠤᠩᠭᠤᠯ ᠤᠨ ᠲᠡᠤᠬᠡ ᠶᠢᠨ ᠬᠦᠲᠦᠯᠪᠦᠷᠢ ᠶᠢᠨ ᠲᠤᠪᠴᠢ ︵蒙古史纲要︶︾ ᠭᠡᠳᠡᠭ | ᠬᠢᠲᠠᠳ ᠨᠤᠮ ᠳᠤ᠄ ︽1200 ᠤᠨ ᠳᠤ᠂ ᠬᠠᠳᠠᠬᠢᠨ᠂ ᠰᠠᠯᠵᠢᠭᠤᠳ᠂ ᠲᠦᠷᠪᠡᠳ᠂ ᠬᠤᠩᠬᠢᠷᠠᠳ᠂ ᠢᠭᠢᠷᠠᠰ᠂ | ᠭᠤᠷᠤᠯᠤᠰ᠂ ᠲᠠᠲ᠋ᠠᠷ᠂ ᠨᠠᠢᠮᠠᠨ᠂ ᠮᠡᠷᠭᠢᠳ᠂ ᠤᠶᠢᠷᠠᠳ᠂ ᠲᠠᠶᠢᠴᠢᠭᠤᠳ ᠵᠡᠷᠭᠡ ᠠᠷᠪᠠᠨ ᠨᠢᠭᠡᠨ ᠠᠶᠢᠮᠠᠭ ᠤᠨ | ᠠᠬᠠᠯᠠᠭᠴᠢᠳ ᠠᠷᠤ ᠶᠢᠨ ᠪᠤᠯᠠᠭ ︵ᠤᠳᠤᠬᠢ ᠦᠪᠤᠷ ᠮᠤᠩᠭᠤᠯ ᠤᠨ ᠬᠠᠶᠢᠯᠠᠷ ᠭᠤᠤᠯ ᠤᠨ ᠲᠤᠤᠷᠠᠳᠤ ᠤᠷᠤᠰᠬᠠᠯ | ᠤᠨ ᠠᠷᠤ ᠳᠤ ᠪᠤᠢ︶ ᠲᠤ ᠴᠢᠭᠤᠯᠭᠠᠨ ᠨᠡᠶᠢᠯᠡᠵᠦ ᠬᠠᠨᠢᠲᠠᠳ ᠤᠨ ᠲᠠᠩᠭᠠᠷᠢᠭ ᠬᠢᠭᠡᠳ ᠸᠠᠩ ᠬᠠᠨ ᠬᠢᠭᠡᠳ | ᠲᠡᠮᠦᠵᠢᠨ ᠢ ᠬᠠᠮᠲᠦ ᠪᠠᠷ ᠲᠠᠶᠢᠯᠠᠪᠠ᠃ ᠲᠡᠮᠦᠵᠢᠨ ᠬᠠᠳᠠᠮ ᠠᠪᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠳ᠋ᠢᠢ ᠰᠡᠴᠡᠨ ᠤ | ᠨᠢᠭᠤᠴᠠ ᠮᠡᠳᠡᠭᠡ ᠶᠢ ᠤᠯᠤᠮᠠᠭᠴᠠ ᠸᠠᠩ ᠬᠠᠨ ᠲᠠᠢ ᠪᠤᠯᠵᠤᠨ᠂ ᠴᠡᠷᠢᠭ ᠲᠠᠶᠢᠴᠢᠯᠠᠨ ᠵᠡᠭᠦᠨᠰᠢ ᠮᠤᠷᠳᠠᠭᠠᠳ ᠪᠤᠶᠢᠷ | ᠨᠠᠭᠤᠷ ᠤᠷᠴᠢᠮ ᠬᠤᠯᠪᠤᠭᠠᠲᠦ ᠴᠡᠷᠢᠭ ᠢ ᠮᠤᠬᠤᠭᠠᠪᠠ︾ ᠭᠡᠵᠡᠢ᠃ | ᠲᠤᠰ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠪᠢᠴᠢᠭ ᠲᠤ᠄ ︽ᠵᠡᠭᠦᠨ ᠡᠳᠡᠭᠡᠳ ᠤᠨ ᠬᠦᠴᠦᠷᠭᠡᠭ ᠲᠠᠶᠢᠰᠤᠨ ᠸᠠᠩ ᠬᠠᠨ | ᠢ ᠬᠠᠯᠬᠠᠯᠠᠵᠦ︾ ᠭᠡᠳᠡᠭ ᠨᠢ ᠦᠨᠡᠨᠳᠡᠭᠡᠨ ᠡᠨᠡ ᠤᠳᠠᠭᠠ ᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ᠂ ᠳ᠋ᠢᠢ ᠰᠡᠴᠡᠨ ᠦᠮᠦᠭᠯᠡᠬᠦ ᠴᠡᠷᠢᠭ | ᠲᠠᠶᠢᠴᠢᠯᠠᠨ ᠠᠷᠪᠠᠨ ᠨᠢᠭᠡᠨ ᠠᠶᠢᠮᠠᠭ ᠤᠨ ᠬᠤᠯᠪᠤᠭᠠᠲᠤ ᠴᠷᠢᠭ ᠢ ᠬᠠᠯᠬᠠᠯᠠᠨ ᠪᠠᠶᠢᠯᠳᠤᠵᠦ ᠴᠢᠩᠬᠢᠰ ᠲᠤ | ᠲᠤᠰᠠᠯᠠᠭᠰᠠᠨ ᠢ ᠵᠢᠭᠠᠭᠰᠠᠨ ᠨᠢ ᠲᠤᠳᠤᠷᠬᠠᠢ ᠪᠠᠶᠢᠨᠠ᠃ ᠭᠡᠪᠡᠴᠦ ᠵᠤᠬᠢᠶᠠᠭᠴᠢ ᠬᠤ᠋ ᠽᠦ ᠭᠤᠸᠠᠩ ᠲᠤᠰ ᠠᠷᠪᠠᠨ | ᠨᠢᠭᠡᠨ ᠠᠶᠢᠮᠠᠭ ᠤᠨ ᠬᠤᠯᠪᠤᠭᠠᠲᠤ ᠴᠡᠷᠢᠭ ᠢ ᠸᠠᠩ ᠬᠠᠨ ᠭᠡᠵᠦ ᠠᠳᠡᠭᠦᠷᠡᠵᠡᠢ᠃ | ︵ 8 ︶ ᠲᠤᠯᠭᠤᠷ ᠤᠷᠢᠳᠤᠰ 太祖 —— ᠴᠢᠩᠬᠢᠰ ᠬᠠᠭᠠᠨ ᠤ ᠰᠦᠮᠡ ᠶᠢᠨ ᠴᠤᠯᠠ᠂ | ᠬᠢᠲᠠᠳ ᠬᠡᠯᠡᠨ ᠲᠡᠭᠡᠷᠡ ᠲᠠᠶᠢᠽᠦ ᠭᠡᠳᠡᠭ᠃ ᠰᠦᠮᠡ ᠶᠢᠨ ᠴᠤᠯᠠ ᠭᠡᠳᠡᠭ ᠪᠤᠯ ᠡᠵᠡᠨ ᠬᠠᠭᠠᠨ ᠲᠡᠭᠷᠢ ᠳᠤ | ᠬᠠᠯᠢᠭᠰᠡᠨ ᠤ ᠲᠠᠷᠠᠭᠠ ᠲᠡᠭᠦᠨ ᠤ ᠲᠠᠬᠢᠯ ᠤᠨ ᠬᠡᠷᠡᠭᠡ ︵神位᠂牌位︶ ᠶᠢ ᠨᠢ ᠲᠡᠭᠡᠳᠤᠰ ᠤᠨ | ᠰᠢᠲᠦᠭᠡᠨ ᠰᠦᠮᠡ ᠳᠤ ᠰᠢᠯᠵᠢᠭᠦᠯᠦᠨ ᠬᠦᠷᠦᠭᠯᠡᠬᠦ ᠦᠶᠡ ᠳᠤ ᠬᠦᠷᠲᠡᠭᠡᠨ ᠤᠯᠭᠤᠳᠠᠭ ᠲᠠᠭᠤᠳᠠᠯᠭᠠ ᠴᠤᠯᠠ ᠶᠢ | ᠬᠡᠯᠡᠨᠡ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠬᠦᠨ ︵至元︶ ᠤ ᠬᠤᠶᠠᠳᠤᠭᠠᠷ | ᠤᠨ ︵1265 ᠤᠨ︶ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠰᠦᠮᠡ ᠶᠢᠨ ᠴᠤᠯᠠ ᠶᠢ ᠲᠤᠯᠭᠤᠷ ᠤᠷᠢᠳᠤᠰ ︵太祖︶ | ᠬᠡᠮᠡᠨ ᠬᠦᠷᠦᠭᠯᠡᠵᠦ᠂ ᠲᠠᠷᠠᠭᠠ ᠵᠢᠯ ᠳᠤᠨᠢ ᠨᠡᠬᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠴᠤᠯᠠ ᠶᠢ ᠨᠢ ᠪᠤᠭᠳᠠ ᠪᠠᠭᠠᠳᠤᠷ ᠬᠠᠭᠠᠨ ︵圣武 | 皇帝︶ ᠭᠡᠪᠡ᠃ ᠴᠤᠭᠲᠦ ᠲᠡᠭᠡᠳᠦᠰ ᠬᠠᠶᠢᠰᠠᠩ ᠬᠠᠭᠠᠨ ︵武宗海山︶ ᠤ ᠤᠨᠤᠯᠲᠦ ᠶᠡᠭᠡ ︵至大 | ︶ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︵1309 ᠤᠨ︶ ᠳᠤ ᠨᠡᠬᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠴᠤᠯᠠ ᠶᠢ ᠨᠢ ᠨᠡᠮᠡᠵᠦ ᠲᠡᠭᠷᠢ ᠶᠢᠨ | ᠪᠤᠱᠤᠭ ᠢᠶᠠᠷ ᠤᠯᠠᠷᠢᠯ ᠢ ᠰᠡᠬᠦᠭᠰᠡᠨ ᠪᠤᠭᠳᠠ ᠪᠠᠭᠠᠳᠤᠷ ᠬᠠᠭᠠᠨ ︵法天启运圣武皇帝︶ | ᠭᠡᠪᠡ᠃ | ︵ 9 ︶ ᠡᠪᠦᠭᠡ 大父 —— ᠬᠢᠲᠠᠳ ᠬᠡᠯᠡᠨ ᠲᠡᠭᠡᠷᠡ ︽大父︾ ᠭᠡᠳᠡᠭ ᠨᠢ | ᠡᠪᠦᠭᠡ ᠶᠢ ᠵᠢᠭᠠᠭᠰᠠᠨ ᠲᠠᠭᠤᠳᠠᠯᠭᠠ ᠪᠤᠯᠬᠤ ᠶᠤᠮ᠃ | ︵10︶ ᠠᠯᠴᠤ ᠨᠤᠶᠠᠨ 按陈那演 —— ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠪᠤᠰᠬᠤᠷ | ᠤᠪᠤᠭᠲᠠᠨ ᠤ ᠠᠬᠠᠯᠠᠭᠴᠢ᠂ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡ ᠳᠤ ᠤᠯᠤᠰ ᠤᠨ ᠨᠠᠭᠠᠴᠤ ᠡᠷᠭᠦᠮᠵᠢᠯᠡᠭᠳᠡᠨ᠂ ᠦᠭᠡᠳᠡᠢ | ᠬᠠᠭᠠᠨ ᠤ ᠦᠶᠡ ᠳᠤ ᠬᠠᠰᠢᠨ ︵ᠤᠳᠤᠬᠢ ᠨᠢᠩᠰᠢᠶᠠ ᠶᠢᠨ ᠬᠤᠲᠤᠩ ᠦᠨᠳᠦᠰᠦᠲᠡᠨ ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ | ᠤᠷᠤᠨ ᠬᠢᠭᠡᠳ ᠭᠠᠨᠰᠤ ᠮᠤᠵᠢ ᠶᠢᠨ ᠬᠠᠰᠢᠨ ᠬᠤᠩᠬᠢᠯ 河西走廊︶ ᠸᠠᠩ ᠡᠭᠦᠮᠵᠢᠯᠡᠭᠳᠡᠨ᠂ ᠲᠡᠮᠦᠷ | ᠬᠠᠭᠠᠨ ᠤ ᠦᠶᠡ ᠳᠤ ᠵᠢᠨᠢᠩ ︵ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ︶ ᠸᠠᠩ ᠬᠡᠮᠡᠨ ᠨᠡᠬᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ | ᠰᠢᠳᠤᠷᠭᠤ ᠪᠠᠭᠠᠳᠤᠷ ᠸᠠᠩ ᠠᠯᠴᠤ ᠨᠤᠶᠠᠨ ᠪᠦᠯᠦᠭᠡ᠃ ᠠᠯᠴᠤ ᠨᠤᠶᠠᠨ ᠠᠴᠠ ᠴᠢᠭᠦ ︵赤古︶᠂ ᠮᠠᠩᠭᠠᠴᠢᠨ | ︵忙哥陈︶᠂ ᠠᠯᠳᠠᠷᠲᠦ ︵按答儿秃︶᠂ ᠪᠢᠯᠢᠭ ︵必哥︶᠂ ᠨᠠᠬᠠ ︵纳合︶᠂ | ᠬᠠᠷᠵᠢ ︵哈儿只︶᠂ ᠲᠤᠯᠭᠠ ︵脱罗禾︶᠂ ᠦᠯᠴᠢᠷ ︵斡留察儿︶᠂ ᠦᠯᠴᠤ ︵斡 | 陈︶᠂ ᠨᠠᠴᠢᠨ ︵纳陈︶᠂ ᠰᠤᠷᠬᠠᠭᠲᠦ ︵唆儿火都︶ ᠭᠡᠬᠦ ᠠᠷᠪᠠᠨ ᠨᠢᠭᠡᠨ ᠬᠦᠪᠡᠬᠦᠨ ᠲᠠᠢ | ᠶᠤᠮ᠃ | ︵11︶ ᠦᠬᠢᠨ ᠲᠡᠭᠦᠦ ᠶᠢ ᠠᠨᠤ ᠬᠠᠲᠤᠨ ᠢᠶᠠᠨ ᠪᠤᠯᠭᠠᠨ ᠲᠠᠲᠠᠵᠤᠬᠤᠢ 以妹妻之 | —— ᠠᠳᠡ ᠦᠭᠦᠯᠡᠨ ᠪᠦᠬᠦᠢ ᠦᠬᠢᠨ ᠲᠡᠭᠦᠦ ᠭᠡᠳᠡᠭ ᠨᠢ ᠠᠯᠴᠤ ᠨᠤᠶᠠᠨ ᠤ ᠦᠬᠢᠨ ᠲᠡᠭᠦᠦ ᠪᠦᠷᠲᠡ | ᠦᠵᠢᠨ ᠢ ᠵᠢᠭᠠᠵᠦ ᠪᠠᠶᠢᠨᠠ᠂ ᠲᠠᠷᠤᠢ ᠴᠢᠩᠬᠢᠰ ᠬᠠᠭᠠᠨ ᠤ ᠭᠦᠷᠦᠨ ᠬᠠᠲᠤᠨ ᠪᠦᠯᠦᠭᠡ᠃ | ︵12︶ ᠿᠤ᠋ ᠨᠠᠨ ᠭᠠᠵᠠᠷ 汝南 —— ᠤᠳᠤᠬᠢ ᠾᠧᠨᠠᠨ ᠮᠤᠵᠢ ᠶᠢᠨ ︵河南省 | ︶ ᠵᠦ᠋ ᠮᠠ ᠳ᠋ᠢᠶᠠᠨ ︵驻马店︶ ᠬᠤᠲᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠿᠤ᠋ ᠨᠠᠨ ᠰᠢᠶᠠᠨ ︵汝南县︶ | ᠪᠤᠯᠤᠨᠠ᠃ | ︵13︶ ᠡᠭᠦᠳᠡ ᠡᠷᠦᠬᠡ ᠲᠡᠩᠴᠡᠨ ᠭᠠᠯ ᠭᠤᠯᠤᠮᠲᠠᠨᠢ ᠲᠦᠷᠦᠯᠵᠢᠭᠡᠳ 配尊胤瑞 | —— ︽配尊︾ ᠭᠡᠳᠡᠭ ᠨᠢ ᠡᠭᠦᠳᠡ ᠡᠷᠦᠬᠡ ᠲᠡᠩᠴᠡᠬᠦ ᠭᠡᠰᠡᠨ ᠦᠭᠡ︔ ︽胤瑞︾᠂ ᠭᠠᠯ | ᠭᠤᠯᠤᠮᠲᠠ᠃ | ︵14︶ ᠲᠡᠮᠦᠷ 帖木儿 —— ᠲᠡᠮᠦᠷ ᠪᠤᠯ ᠠᠯᠴᠤ ᠨᠤᠶᠠᠨ ᠤ ᠠᠷᠪᠠᠳᠤᠭᠠᠷ | ᠬᠦᠪᠡᠬᠦᠨ ᠨᠠᠴᠢᠨ ᠬᠡᠮᠡᠭᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠬᠦᠪᠡᠬᠦᠨ ᠨᠢ ᠪᠤᠯᠬᠤ ᠪᠦᠭᠡᠳ ᠲᠤᠰ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠡᠵᠡᠨ | ᠰᠠᠩᠭᠠᠪᠠᠯᠠ ᠶᠢᠨ ᠲᠦᠷᠦᠭᠰᠡᠨ ᠡᠴᠢᠭᠡ ᠨᠢ ᠪᠤᠯᠬᠤ ᠶᠤᠮ᠂ ᠰᠠᠩᠭᠠᠪᠠᠯᠠ ᠶᠢᠨ ᠲᠦᠷᠦᠭᠰᠡᠨ ᠡᠬᠡ ᠨᠢ ᠬᠤᠪᠢᠯᠠᠢ | ᠰᠡᠴᠡᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠦᠬᠢᠨ ᠨᠠᠩᠭᠠᠴᠢᠨ ᠪᠠᠬᠢ ︵ᠭᠦᠩᠵᠦ︶ ᠪᠢᠯᠠ᠃ ᠨᠠᠴᠢᠨ ᠪᠤᠯ ᠯᠤ᠋ ᠭᠠᠵᠠᠷ ᠤᠨ | ᠪᠠᠬᠢ ᠰᠡᠴᠡᠭᠡᠨ ︵鲁国公主薛只干︶ ᠲᠠᠢ ᠭᠡᠷᠯᠡᠭᠰᠡᠨ ᠶᠤᠮ᠂ ᠰᠡᠴᠡᠭᠡᠨ ᠪᠠᠬᠢ ︵ᠭᠦᠩᠵᠦ︶ | ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠤᠮᠪᠤᠯᠦ ᠦᠬᠢᠨ ᠪᠦᠭᠡᠳ ᠠᠯᠴᠤ ᠨᠤᠶᠠᠨ ᠤ ᠬᠦᠪᠡᠬᠦᠨ ᠦᠯᠴᠤ ᠳᠤ ᠮᠤᠷᠳᠠᠭᠰᠠᠨ ᠲᠤᠯᠢ | ᠶᠢᠨ ᠦᠬᠢᠨ ᠯᠤ᠋ ᠭᠠᠵᠠᠷ ᠤᠨ ᠶᠡᠭᠡ ᠡᠭᠡᠴᠢᠮᠡᠳ ᠪᠠᠬᠢ ᠡᠰᠡᠪᠤᠬᠠ ︵也速不花︶ ᠶᠢᠨ ᠲᠠᠷᠠᠭᠠ ᠤᠳᠤᠬᠢ | ᠬᠡᠰᠢᠭᠲᠡᠨ ᠳᠤ ᠮᠤᠷᠳᠠᠵᠦ ᠢᠷᠡᠭᠰᠡᠨ ᠬᠤᠶᠠᠳᠠᠭᠴᠢ ᠬᠠᠭᠠᠨ ᠤ ᠦᠬᠢᠨ ᠪᠤᠶᠤ᠃ ᠨᠠᠴᠢᠨ ᠠᠴᠠ ᠬᠠᠭ᠋ᠠᠢ ︵哈海︶ | ᠂ ᠲᠤᠬᠤᠨ ︵脱欢︶᠂ ᠤᠷᠤᠴᠠᠨ ︵斡罗陈︶᠂ ᠵᠢᠷᠭᠤᠭᠠᠲᠠᠢ ︵只儿瓦歹︶᠂ ᠲᠡᠮᠦᠷ ︵帖 | 木儿︶᠂ ᠬᠢᠮᠲ᠋ᠦ᠋ᠩ ︵仙童︶᠂ ᠮᠠᠨᠽᠡᠲᠡᠢ ︵蛮子台︶ ᠭᠡᠬᠦ ᠵᠢᠷᠭᠤᠭᠠᠨ ᠬᠦᠪᠡᠬᠦᠨ ᠲᠠᠢ | ᠪᠠᠶᠢᠭᠰᠠᠨ ᠶᠤᠮ᠃ | ︵15︶ ᠪᠦᠭᠦᠳᠡ ᠶᠢ ᠡᠩᠬᠡᠵᠢᠭᠦᠯᠦᠭᠴᠢ ᠬᠦᠷᠭᠡᠨ ᠲᠦᠰᠢᠮᠡᠯ 駙馬都尉 —— | ᠠᠳᠡ ᠦᠭᠦᠯᠡᠨ ᠪᠦᠬᠦᠢ ︽ᠬᠦᠷᠭᠡᠨ︾ ᠭᠡᠳᠡᠭ ᠨᠢ ᠬᠠᠭᠠᠨ ᠤ ᠬᠦᠷᠭᠡᠨ ᠢ ᠵᠢᠭᠠᠵᠦ ᠪᠤᠢ᠃ ᠬᠠᠭᠠᠨ ᠤ ᠬᠦᠷᠭᠡᠨ ᠢ | ᠬᠢᠲᠠᠳ ᠬᠡᠯᠡᠨ ᠲᠡᠭᠡᠷᠡ ︽ᠹᠦ᠋ ᠮᠠ︾ ᠭᠡᠵᠦ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ︽ᠲᠠᠪᠤᠨᠠᠩ︾ ᠭᠡᠳᠡᠭ ᠪᠠᠶᠢᠪᠠ᠃ ︽ | ᠪᠦᠭᠦᠳᠡ ᠶᠢ ᠡᠩᠬᠡᠵᠢᠭᠦᠯᠦᠭᠴᠢ︾ ᠭᠡᠳᠡᠭ ᠪᠤᠯ ᠨᠤᠶᠠᠨ ᠲᠤᠰᠢᠶᠠᠯ ᠶᠤᠮ᠂ ᠡᠷᠬᠡ ᠲᠤᠰᠢᠶᠠᠯ ᠨᠢ ᠪᠤᠯ ᠵᠠᠩᠵᠤᠨ | ᠠᠴᠠ ᠲᠤᠤᠷᠠ ᠪᠠᠶᠢᠳᠠᠭ ᠴᠡᠷᠢᠭ ᠤᠨ ᠲᠦᠰᠢᠮᠡᠯ ᠪᠤᠯᠤᠨᠠ᠃ ᠪᠠᠷᠤᠭ ᠤᠳᠤ ᠤᠨ ᠮᠤᠵᠢ ᠬᠤᠲᠠ ᠶᠢᠨ ᠲᠤᠲᠤᠭᠠᠳᠤ | ᠶᠢ ᠬᠠᠮᠠᠭᠠᠯᠠᠬᠤ ᠲᠢᠩᠬᠢᠮ ᠤᠨ ᠲᠠᠷᠤᠭᠠ ᠲᠠᠢ ᠲᠡᠩᠴᠡᠬᠦ ᠲᠤᠰᠢᠶᠠᠯ ᠪᠤᠯᠤᠨᠠ᠃ ᠡᠨᠡᠬᠦ ᠨᠤᠶᠠᠨ ᠲᠤᠰᠢᠶᠠᠯ ᠨᠢ | ᠪᠠᠶᠢᠯᠳᠤᠭᠠᠨᠲᠦ ᠤᠯᠤᠰ ᠤᠨ ᠦᠶᠡ ᠳᠤ ᠪᠤᠢ ᠪᠤᠯᠪᠠ᠂ ᠴᠢᠨ ᠤᠯᠤᠰ ᠤᠨ ᠦᠶᠡ ᠳᠤ ︽ᠴᠩᠨᠠᠭᠴᠢ ᠶᠢᠨ | ᠡᠩᠬᠡᠵᠢᠭᠦᠯᠦᠭᠴᠢ郡尉︾ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠪᠠᠷᠠᠭᠤᠨ ᠬᠠᠨ ᠤᠯᠤᠰ ᠤᠨ ᠦᠶᠡ ᠳᠤ | ᠲᠠᠬᠢᠨ ᠤᠤᠯ ᠨᠡᠷᠡ ᠶᠢ ᠨᠢ ᠰᠡᠷᠭᠦᠭᠡᠪᠡ᠃ | ︵16︶ ᠵᠢᠵᠸᠦ ᠪᠠᠯᠭᠠᠳ 濟州 —— ᠡᠷᠲᠡᠨ ᠤ ᠵᠢᠵᠸᠦ ᠭᠠᠵᠠᠷ ᠤᠨ ᠵᠠᠬᠢᠷᠭᠠ | ᠤᠷᠳᠤᠨ ᠨᠢ ᠵᠢᠦᠢ ᠶᠧ ︵巨野县︶ ᠰᠢᠶᠠᠨ ᠳᠤ ᠪᠠᠶᠢᠭᠰᠠᠨ ᠶᠤᠮ᠃ ᠡᠮᠦᠨᠡᠲᠦ ᠰᠦᠩ ᠤᠯᠤᠰ ᠤᠨ | ᠠᠩᠬᠠᠳᠤᠭᠠᠷ ᠬᠠᠭᠠᠨ ᠵᠤᠤ ᠭᠸᠦ ︵赵构︶ ᠬᠡᠮᠡᠭᠴᠢ ᠶᠢᠨ ᠱᠤᠤ ᠰᠢᠩ ︵绍兴︶ ᠤᠨ ᠬᠤᠷᠢᠳᠤᠭᠠᠷ | ᠤᠨ ︵1150 ᠤᠨ︶ ᠳᠤ᠂ ᠵᠢᠦᠢ ᠶᠧ ᠰᠢᠶᠠᠨ ᠳᠤ ᠦᠶᠡᠷ ᠤᠨ ᠭᠠᠮᠰᠢᠭ ᠭᠠᠷᠤᠭᠰᠠᠨ ᠠᠴᠠ ᠵᠠᠬᠢᠷᠭᠠ | ᠤᠷᠳᠤᠨ ᠢ ᠨᠢ ᠷᠧᠨ ᠴᠧᠩ ︵任城 ᠲᠠᠷᠤᠢ ᠤᠳᠤᠬᠢ ᠵᠢᠨᠢᠩ济宁︶ ᠬᠤᠲᠠᠨ ᠳᠤ ᠨᠡᠭᠦᠯᠭᠡᠪᠡ᠃ | ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠵᠢᠵᠸᠦ ᠶᠢ ᠲᠡᠪᠰᠢᠭᠦᠯᠵᠦ ᠬᠤᠷᠤᠭᠠ ︵府︶ ᠪᠤᠯᠭᠠᠪᠠ᠃ ᠲᠤᠰ ᠬᠤᠲᠠ ᠶᠢᠨ | ᠭᠠᠵᠠᠷ ᠤᠨ ᠪᠠᠶᠢᠴᠠ ᠨᠢ ᠨᠡᠯᠢᠶᠡᠳ ᠦᠨᠳᠦᠷᠯᠢᠭ ᠪᠠᠶᠢᠵᠦ᠂ ᠵᠢᠢ ᠱᠦᠢ ᠭᠤᠤᠯ ᠤᠨ ᠦᠶᠡᠷ ᠤᠨ ᠭᠠᠮᠰᠢᠭ ᠲᠤ | ᠲᠠᠭᠠᠷᠢᠭᠳᠠᠬᠤ ᠦᠭᠡᠢ ᠪᠠᠶᠢᠳᠠᠭ ᠲᠤᠯᠠ ᠨᠡᠷᠡ ᠶᠢ ᠨᠢ ᠵᠢᠨᠢᠩ ︵济宁︶ ᠭᠡᠵᠦ ᠲᠤᠭᠲᠠᠭᠠᠭᠰᠠᠨ ᠶᠤᠮ᠃ | ︵17︶ ᠠᠷᠪᠠᠨ ᠲᠤᠯᠤᠭᠠᠨ ᠶᠡᠭᠡ ᠠᠶᠢᠯ 十七奕 —— ︽奕︾ ᠭᠡᠳᠡᠭ ᠪᠤᠯ | ᠶᠡᠭᠡ ᠠᠶᠢᠯ ᠭᠡᠰᠡᠨ ᠦᠭᠡ ᠪᠤᠯᠤᠨᠠ᠃ ᠲᠤᠰ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠲᠡᠮᠦᠷ | ᠬᠡᠮᠡᠭᠴᠢ ᠬᠤᠪᠢᠯᠡᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠭᠦᠨ ᠤ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠤᠨ ︵1281 ᠤᠨ︶ ᠳᠤ | ᠵᠢᠨᠢᠩ ᠬᠤᠷᠤᠭᠠ ᠶᠢ ᠲᠡᠪᠰᠢᠭᠦᠯᠵᠦ ᠴᠦᠯᠭᠡ ᠪᠤᠯᠭᠠᠬᠤ ᠶᠢᠨ ᠬᠠᠮᠲᠦ ᠮᠤᠩᠭᠤᠯ ᠴᠡᠷᠢᠭ ᠢ ᠲᠠᠭᠠᠵᠦ ᠪᠠᠶᠢᠭᠰᠠᠨ ᠬᠠᠷᠢ | ᠤᠭᠰᠠᠭᠠᠨ ᠤ ᠬᠦᠮᠦᠰ ᠬᠢᠭᠡᠳ ᠤᠳᠤᠬᠢ ᠬᠡᠰᠢᠭᠲᠡᠨ ᠬᠢᠭᠡᠳ ᠤᠩᠨᠢᠭᠤᠳ ᠵᠡᠷᠭᠡ ᠭᠠᠵᠠᠷ ᠠᠴᠠ ᠲᠠᠶᠢᠴᠢᠯᠠᠵᠦ | ᠮᠤᠷᠳᠠᠭᠰᠠᠨ ᠭᠤᠷᠪᠠᠨ ᠮᠢᠩᠭᠠ ᠭᠠᠷᠤᠢ ᠡᠷᠦᠬᠡ ᠶᠢᠨ ᠮᠤᠩᠭᠤᠯᠴᠤᠳ ᠢ ᠠᠷᠪᠠᠨ ᠲᠤᠯᠤᠭᠠᠨ ᠶᠡᠭᠡ ᠠᠶᠢᠯ ᠳᠤ | ᠬᠤᠪᠢᠶᠠᠵᠦ ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠵᠢᠵᠸᠦ ︵济州︶᠂ ᠶᠠᠨᠵᠸᠦ ︵兖州︶᠂ ᠱᠠᠨᠵᠸᠦ ︵单州 | ︶ ᠭᠡᠬᠦ ᠭᠤᠷᠪᠠᠨ ᠪᠠᠯᠭᠠᠳ ᠲᠤ ᠬᠤᠪᠢᠶᠠᠨ ᠰᠠᠭᠤᠷᠢᠰᠢᠭᠤᠯᠤᠭᠰᠠᠨ ᠠᠵᠢ᠃ ᠡᠳᠡᠭᠡᠷ ᠮᠤᠩᠭᠤᠯᠴᠤᠳ ᠤᠨ ᠦᠷᠡ | ᠬᠤᠶᠢᠴᠢᠰ ᠨᠢ ᠦᠷᠡᠵᠢᠨ ᠲᠡᠯᠭᠡᠷᠡᠭᠡᠳ ᠡᠳᠤᠭᠡ ᠪᠤᠯᠬᠤ ᠳᠤ ᠡᠨᠡ ᠭᠤᠷᠪᠠᠨ ᠤᠷᠤᠨ ᠢᠶᠠᠷ ᠲᠦᠪ ᠪᠤᠯᠭᠠᠭᠰᠠᠨ ᠪᠦᠬᠦ | ᠱᠠᠨᠳᠦ᠋ᠩ ᠤᠷᠤᠨ ᠢ ᠤᠳᠤᠳ ᠤᠨ ᠲᠤᠭᠠ ᠪᠠᠷ ᠪᠦᠷᠬᠦᠨ ᠲᠦᠭᠦᠭᠰᠡᠨ ᠨᠢ ᠲᠠᠮᠵᠢᠭ ᠦᠭᠡᠢ ᠶᠤᠮ᠃ | ︵18︶ ᠵᠢᠨᠢᠩ ᠴᠦᠯᠭᠡ 濟寧路 —— ᠵᠢᠨᠢᠩ ᠪᠤᠯ ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ | ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠤᠷᠤᠰᠢᠵᠦ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠪᠠᠰᠠ ᠭᠦᠩᠽᠢ ᠮᠧᠩᠽᠢ ᠶᠢᠨ ᠨᠤᠲᠤᠭ᠂ ᠶᠤᠰᠤᠯᠠᠯ | ᠵᠢᠭᠰᠠᠭᠠᠯ ᠤᠨ ᠤᠷᠤᠨ᠂ ᠲᠠᠲᠠᠮᠠᠯ ᠭᠤᠤᠯ ᠤᠨ ᠬᠦᠢᠰᠤ᠂ ᠬᠦᠢᠲᠡᠨ ᠠᠭᠤᠯᠠ ᠶᠢᠨ ᠦᠯᠢᠭᠡᠷ ᠤᠨ ᠡᠭᠦᠰᠤᠯ ᠤᠨ | ᠭᠠᠵᠠᠷ ᠭᠡᠳᠡᠭ ᠶᠤᠮ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠭᠦᠨ ᠤ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠤᠨ ︵1279 ᠤᠨ︶ ᠳᠤ ᠵᠢᠨᠢᠩ ᠬᠤᠷᠤᠭᠠ ︵济宁府︶ ᠶᠢ ᠲᠡᠪᠰᠢᠭᠦᠯᠵᠦ ᠵᠢᠨᠢᠩ | ᠴᠦᠯᠭᠡ ︵济宁路︶ ᠪᠤᠯᠭᠠᠪᠠ᠃ ᠲᠡᠷᠡ ᠦᠶᠡ ᠶᠢᠨ ᠵᠠᠬᠢᠷᠭᠠ ᠤᠷᠳᠤᠨ ᠨᠢ ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ | ᠶᠢᠨ ᠵᠢᠦᠢ ᠶᠧ ᠰᠢᠶᠠᠨ ︵巨野县︶ ᠤ ᠵᠢᠦᠢ ᠶᠧ ᠪᠠᠯᠭᠠᠰᠤᠨ ︵巨野镇︶ ᠳᠤ ᠪᠠᠶᠢᠪᠠ᠃ ᠶᠤᠸᠠᠨ | ᠤᠯᠤᠰ ᠤᠨ ᠦᠶᠡ ᠶᠢᠨ ᠴᠦᠯᠭᠡ ᠭᠡᠳᠡᠭ ᠪᠤᠯ ᠤᠳᠤᠬᠢ ᠮᠤᠵᠢ ᠲᠠᠢ ᠲᠡᠩᠴᠡᠬᠦ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠪᠠᠶᠢᠭᠤᠯᠤᠮᠵᠢ | ᠪᠤᠯᠬᠤ ᠶᠤᠮ᠃ | ︵19︶ ᠶᠡᠭᠡ ᠨᠡᠶᠢᠰᠯᠡᠯ 大都 —— ᠤᠳᠤᠬᠢ ᠪᠡᠭᠡᠵᠢᠩ ᠬᠤᠲᠡ᠃ ᠶᠤᠸᠠᠨ | ᠤᠯᠤᠰ ᠨᠢ ᠶᠡᠭᠡ ᠨᠡᠶᠢᠰᠯᠡᠯ ︵ᠤᠳᠤᠬᠢ ᠪᠡᠭᠡᠵᠢᠩ︶᠂ ᠲᠡᠭᠡᠲᠦ ᠨᠡᠶᠢᠰᠯᠡᠯ ︵ᠤᠳᠤᠬᠢ ᠰᠢᠯᠤᠭᠤᠨ ᠬᠦᠬᠡ | ᠬᠤᠰᠢᠭᠤᠨ ᠤ ᠰᠢᠷᠠ ᠲᠠᠯᠠ︶᠂ ᠲᠤᠮᠳᠠᠳᠤ ᠨᠡᠶᠢᠰᠯᠡᠯ ︵ᠤᠳᠤᠬᠢ ᠾᠧᠪᠸᠢ ᠮᠤᠵᠢ ᠶᠢᠨ ᠵᠠᠩᠪᠸᠢ ᠰᠢᠶᠠᠨ ᠤ | ᠮᠠᠨᠳᠤ ᠶᠢᠨ ᠠᠶᠢᠯ ᠰᠢᠶᠠᠩ ᠤᠨ ᠴᠠᠭᠠᠨᠬᠤᠲᠠ ᠲᠤᠰᠬᠤᠨ︶ ᠭᠡᠬᠦ ᠭᠤᠷᠪᠠᠨ ᠨᠡᠶᠢᠰᠯᠡᠯ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ | ︵20︶ ᠤᠤᠢ ᠵᠸᠦ ᠪᠠᠯᠭᠠᠳ 池州 —— ᠤᠳᠤᠬᠢ ᠠᠨᠾᠦᠢ ᠮᠤᠵᠢ ︵安徽省 | ︶ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠤᠪᠬᠢᠰ ᠲᠤ ᠤᠷᠤᠰᠢᠵᠦ᠂ ᠤᠮᠠᠷᠠᠰᠢ ᠠᠨᠴᠢᠩ ᠬᠤᠲᠠ ︵安庆︶ ᠲᠠᠢ | ᠬᠦᠬᠡᠮᠦ᠋ᠷᠡᠨ ᠢᠶᠠᠷ ᠠᠯᠤᠰᠯᠠᠨ ᠪᠠᠷᠠᠯᠠᠵᠦ᠂ ᠡᠮᠦᠨᠡᠰᠢ ᠬᠤᠸᠠᠩᠱᠠᠨ ︵黄山︶ ᠬᠤᠲᠠ ᠲᠠᠢ ᠵᠠᠯᠭᠠᠯᠳᠤᠨ᠂ | ᠪᠠᠷᠠᠭᠤᠨ ᠡᠮᠦᠨᠡᠰᠢ ᠵᠢᠶᠠᠩᠰᠢ ᠮᠤᠵᠢ ︵江西︶ ᠶᠢᠨ ᠵᠢᠦᠵᠢᠶᠠᠩ九江 ᠬᠤᠲᠠ ᠲᠠᠢ ᠬᠦᠷᠰᠢᠯᠡᠨ᠂ ᠵᠡᠭᠦᠨ | ᠪᠤᠶᠤ ᠵᠡᠭᠦᠨ ᠬᠤᠶᠢᠰᠢ ᠡᠤ ᠬᠤ᠋ ︵芜湖︶ ᠬᠤᠲᠠ᠂ ᠲᠦᠩᠯᠢᠩ ︵铜陵︶ ᠬᠤᠲᠠ ᠪᠠ ᠰᠢᠥᠸᠠᠨ ᠴᠧᠩ | ︵宣城︶ ᠬᠤᠲᠠ ᠲᠠᠢ ᠵᠠᠯᠭᠠᠯᠳᠤᠭᠠᠳ᠂ ᠬᠦᠬᠡᠮᠦ᠋ᠷᠡᠨ长江 ᠤ ᠡᠮᠦᠨᠡᠲᠦ ᠡᠷᠭᠢ ᠳᠠᠬᠢ ᠮᠦᠷᠡᠨ | ᠲᠠᠭᠠᠭᠰᠠᠨ ᠴᠢᠬᠤᠯᠠ ᠶᠡᠭᠡ ᠭᠠᠷᠠᠮ ᠤᠨ ᠬᠤᠲᠠ ᠪᠤᠯᠬᠤ ᠶᠤᠮ᠃ | ︵21︶ ᠦᠷᠦᠨᠡ ᠶᠢ ᠠᠮᠤᠷᠵᠢᠭᠤᠯᠬᠤ 安西 —— ① ᠴᠦᠯᠭᠡ ᠶᠢᠨ ᠨᠡᠷᠡ᠃ | ᠡᠭᠦᠨ ᠢ ᠪᠠᠰᠠ ᠠᠰᠠᠷᠠᠯ ᠡᠰᠢᠲᠦ ᠴᠦᠯᠭᠡ ︵ᠹᠧᠩ ᠶᠤᠸᠠᠨ ᠯᠤ᠋奉元路︶ ᠭᠡᠳᠡᠭ᠃ ᠶᠤᠸᠠᠨ ᠤᠯᠤᠰ ᠤᠨ | ᠲᠤᠯᠭᠤᠷ ᠲᠡᠭᠡᠳᠦᠰ ︵ᠲᠠᠶᠢᠽᠦ᠋ᠩ︶ ᠦᠭᠡᠳᠡᠢ ᠬᠠᠭᠠᠨ ᠤ ᠲᠠᠪᠤᠳᠤᠭᠠᠷ ᠤᠨ ︵1233 ᠤᠨ︶ ᠳᠤ ᠭᠢᠨᠵᠠᠨ | ᠬᠤᠷᠤᠭᠠ ︵京兆府︶ ᠶᠢ ᠭᠢᠨᠵᠠᠨ ᠴᠦᠯᠭᠡ ︵京兆路︶ ᠪᠤᠯᠭᠠᠨ ᠦᠭᠡᠷᠴᠢᠯᠡᠵᠦ᠂ ᠶᠡᠷᠦᠩᠬᠢ | ᠵᠠᠬᠢᠷᠭᠠ ᠶᠢᠨ ᠤᠷᠳᠤᠨ ᠢ ᠪᠠᠶᠢᠭᠤᠯᠤᠨ ᠱᠠᠨᠰᠢ ᠴᠦᠯᠭᠡ ︵陕西路︶ ᠳᠤ ᠬᠠᠷᠢᠶᠠᠯᠠᠭᠤᠯᠤᠭᠠᠳ ᠰᠢᠶᠠᠨ | ᠨᠢᠩ ︵咸宁︶᠂ ᠴᠠᠩ ᠠᠨ ᠰᠢᠶᠠᠨ ︵长安县︶ ᠬᠢᠭᠡᠳ ᠡᠷᠤᠬᠡ ᠠᠮᠠ ᠶᠢᠨ ᠵᠠᠬᠢᠷᠭᠠ ︵录事司 | ︶ ᠶᠢ ᠬᠠᠮᠢᠶᠠᠷᠠᠭᠤᠯᠪᠠ᠃ ᠡᠨᠡ ᠨᠢ ᠲᠠᠷᠤᠢ ᠤᠳᠤᠬᠢ ᠱᠠᠨᠰᠢ ᠮᠤᠵᠢ ᠶᠢᠨ ᠰᠢ ᠠᠨ ᠬᠤᠲᠠ ︵陕西省西安 | 市︶ ᠪᠤᠯᠤᠨᠠ᠃ ᠦᠭᠡᠲᠡᠢ ᠬᠠᠭᠠᠨ ᠤ ᠲᠤᠯᠤᠳᠤᠭᠠᠷ ᠤᠨ ᠳᠤ ᠭᠢᠨᠵᠠᠨ ᠬᠤᠷᠤᠭᠠ ᠭᠡᠵᠦ ᠬᠠᠯᠠᠬᠤ ᠶᠢᠨ ᠲᠠᠭᠠᠤ | ᠮᠦᠨ ᠬᠦ ᠭᠢᠨᠵᠠᠨ ᠴᠦᠯᠭᠡ ᠭᠡᠵᠦ ᠬᠠᠯᠠᠵᠦ᠂ ᠶᠡᠷᠦᠩᠬᠢ ᠵᠠᠬᠢᠷᠭᠠ ᠶᠢᠨ ᠤᠷᠳᠤᠨ ᠢ ᠪᠠᠶᠢᠭᠤᠯᠪᠠ᠃ ᠨᠠᠢᠮᠠᠵᠢᠨ | ᠬᠠᠲᠤᠨ ᠤ ᠲᠦᠷᠦ ᠪᠠᠷᠢᠭᠰᠡᠨ ᠤ ᠬᠤᠶᠠᠳᠤᠭᠠᠷ ᠤᠨ ︵1243 ᠤᠨ︶ ᠳᠤ ᠱᠠᠨᠰᠢ ᠵᠡᠭᠦᠨ ᠴᠦᠯᠭᠡ ︵陕西东 | 路︶ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠰᠦᠷᠲᠦ ᠲᠡᠭᠡᠳᠤᠰ ︵ᠰᠢᠶᠠᠨᠽᠦ᠋ᠩ宪宗︶ ᠮᠦᠩᠬᠡ | ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠤᠨ ︵1253 ᠤᠨ︶ ᠳᠤ ᠱᠠᠨᠰᠢ ᠰᠧᠴᠤᠸᠠᠨ ᠳ᠋ᠤᠤᠯᠢ ︵陕西四川道︶ | ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠲᠦᠷᠪᠡᠳᠦᠭᠡᠷ ᠤᠨ ᠳᠤ ᠱᠠᠨᠰᠢ ᠳ᠋ᠤᠤᠯᠢ ︵陕西道︶ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ | ᠲᠤᠯᠤᠳᠤᠭᠠᠷ ᠤᠨ ᠳᠤ ᠱᠠᠨᠰᠢ ᠵᠡᠭᠦᠨ ᠴᠦᠯᠭᠡ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢᠯᠠᠢ ᠰᠡᠴᠡᠨ | ᠬᠠᠭᠠᠨ ᠤ ᠲᠦᠪ ᠶᠤᠰᠤᠲᠦ ︵ᠵᠦᠩ ᠲᠦᠩ中统︶ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵1260 ᠤᠨ︶ ᠳᠤ | ᠱᠠᠨᠰᠢ ᠰᠧᠴᠤᠸᠠᠨ ᠳ᠋ᠤᠤᠯᠢ ᠳᠤ ᠬᠠᠷᠢᠶᠠᠯᠠᠭᠤᠯᠤᠭᠰᠠᠨ ᠢᠶᠠᠨ ᠲᠠᠬᠢᠨ ᠱᠠᠨᠰᠢ ᠳ᠋ᠤᠤᠯᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ | ᠬᠤᠶᠠᠳᠤᠭᠠᠷ ᠤᠨ ᠳᠤ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠤᠵᠢ ᠳᠤ ᠦᠭᠡᠷᠴᠢᠯᠠᠨ ᠬᠠᠷᠢᠶᠠᠯᠠᠭᠤᠯᠪᠠ᠃ ᠭᠤᠷᠪᠠᠳᠤᠭᠠᠷ ᠤᠨ ᠳᠤ | ᠮᠦᠨ ᠬᠦ ᠦᠭᠡᠷᠴᠢᠯᠡᠵᠦ ᠱᠠᠨᠰᠢ ᠪᠠᠷᠠᠭᠤᠨ ᠳ᠋ᠤᠤᠯᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠤᠨᠤᠯᠲᠦ ᠲᠡᠷᠢᠭᠦᠨ ︵至元︶ ᠤ | ᠠᠩᠬᠠᠳᠤᠭᠠᠷ ᠤᠨ ︵1264 ᠤᠨ︶ ᠳᠤ ᠮᠦᠨ ᠬᠦ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠤᠵᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ | ᠨᠠᠢᠮᠠᠳᠤᠭᠠᠷ ᠤᠨ ᠳᠤ ᠡᠷᠬᠢᠨ ᠰᠠᠶᠢᠳ ᠤᠨ ᠶᠠᠮᠤᠨ ︵尚书省︶ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠶᠢᠰᠦᠳᠦᠭᠡᠷ ᠤᠨ | ᠳᠤ ᠮᠦᠨ ᠬᠦ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠤᠵᠢ ᠳᠤ ᠬᠠᠷᠢᠶᠠᠯᠠᠭᠤᠯᠵᠦ᠂ ᠲᠠᠬᠢᠨ ᠦᠷᠦᠨᠡ ᠶᠢ ᠠᠮᠦᠷᠵᠢᠭᠤᠯᠤᠭᠴᠢ ᠸᠠᠩ | ᠤᠨ ᠰᠠᠶᠢᠳ ᠤᠨ ᠵᠠᠬᠢᠷᠭᠠ ︵安西王相府︶ ᠶᠢᠨ ᠬᠤᠷᠤᠭᠠ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠠᠷᠪᠠᠨ | ᠵᠢᠷᠭᠤᠳᠤᠭᠠᠷ ᠤᠨ ᠳᠤ ᠠᠨ ᠰᠢ ᠴᠦᠯᠭᠡ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠠᠷᠪᠠᠨ ᠲᠤᠯᠤᠳᠤᠭᠠᠷ ᠤᠨ ᠳᠤ ᠮᠦᠨ ᠬᠦ | ᠱᠠᠨᠰᠢ ᠬᠤᠪᠢᠶᠠᠷᠢ ᠮᠤᠵᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠬᠤᠷᠢᠳᠤᠭᠠᠷ ᠤᠨ ᠳᠤ ᠱᠠᠨᠰᠢ ᠳ᠋ᠤᠤᠯᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ | ᠬᠤᠷᠢᠨ ᠬᠤᠶᠠᠳᠤᠭᠠᠷ ᠤᠨ ᠳᠤ ᠮᠦᠨ ᠬᠦ ᠱᠠᠨᠰᠢ ᠬᠤᠪᠢᠶᠠᠷᠢ ᠮᠤᠵᠢ ᠳᠤ ᠬᠠᠷᠢᠶᠠᠯᠠᠭᠤᠯᠪᠠ᠃ ᠶᠤᠸᠠᠨ ᠤᠯᠤᠰ ᠤᠨ | ᠠᠶᠤᠷᠪᠠᠷᠸᠠᠳᠠ ᠬᠠᠭᠠᠨ ᠤ ᠬᠠᠮᠤᠭ ᠪᠠᠶᠠᠰᠬᠤᠯᠠᠩᠲᠦ ︵ᠬᠤᠸᠠᠩ ᠴᠢᠩ皇庆︶ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵ | 1312 ᠤᠨ︶ ᠳᠤ ᠠᠰᠠᠷᠠᠯ ᠡᠰᠢᠲᠦ ᠴᠦᠯᠭᠡ ︵ᠹᠧᠩ ᠶᠤᠸᠠᠨ ᠯᠤ᠋奉元路︶ ᠭᠡᠵᠦ ᠬᠠᠯᠠᠪᠠ᠃ ᠶᠤᠸᠠᠨ | ᠤᠯᠤᠰ ᠤᠨ ᠲᠤᠭᠤᠭᠠᠨᠲᠡᠮᠦᠷ ᠬᠠᠭᠠᠨ ᠤ ᠤᠨᠤᠯᠲᠦ ᠲᠦᠪ ︵ᠵᠾᠢ ᠵᠧᠩ至正︶ ᠤᠨ ᠠᠷᠪᠠᠨ ᠲᠠᠪᠤᠳᠤᠭᠠᠷ | ᠤᠨ ︵1355 ᠤᠨ︶ ᠳᠤ ᠮᠦᠨ ᠬᠦ ᠱᠠᠨᠰᠢ ᠳ᠋ᠤᠤᠯᠢ ᠳᠤ ᠬᠠᠷᠢᠶᠠᠯᠠᠭᠤᠯᠵᠠᠢ᠃ ② ᠰᠢᠶᠠᠨ ᠤ ᠨᠡᠷᠡ᠃ ᠶᠤᠸᠠᠨ | ᠤᠯᠤᠰ ᠤᠨ ᠲᠤᠯᠭᠤᠷ ᠲᠡᠭᠡᠳᠤᠰ ︵ᠲᠠᠶᠢᠽᠦ᠋ᠩ太宗︶ ᠦᠭᠡᠳᠡᠢ ᠬᠠᠭᠠᠨ ᠤ ᠨᠠᠢᠮᠠᠳᠤᠭᠠᠷ ᠤᠨ ︵1236 | ᠤᠨ︶ ᠳᠤ ᠦᠷᠦᠨᠡ ᠶᠢ ᠠᠮᠤᠷᠵᠢᠭᠤᠯᠤᠭᠴᠢ ᠰᠢᠶᠠᠨ ︵安西县︶ ᠢ ᠪᠠᠶᠢᠭᠤᠯᠵᠦ᠂ ᠦᠷᠦᠨᠡ ᠶᠢ | ᠲᠤᠭᠲᠠᠭᠠᠭᠴᠢ ᠪᠠᠯᠭᠠᠳ ︵定西州︶ ᠲᠤ ᠬᠠᠷᠢᠶᠠᠯᠠᠭᠤᠯᠪᠠ᠂ ᠲᠠᠷᠤᠢ ᠤᠳᠤᠬᠢ ᠭᠠᠨᠰᠤ ᠮᠤᠵᠢ ︵甘肃省 | ︶ ᠶᠢᠨ ᠲᠦᠪ ᠯᠠᠨᠵᠸᠦ ᠬᠤᠲᠠ ︵兰州市︶ ᠶᠢᠨ ᠵᠡᠭᠦᠨ ᠡᠮᠦᠨᠡᠬᠢ ᠳ᠋ᠢᠩᠰᠢ ︵定西︶ ᠤᠷᠤᠨ | ᠪᠤᠯᠤᠨᠠ᠃ ᠶᠤᠸᠠᠨ ᠤᠯᠤᠰ ᠤᠨ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠤᠨᠤᠯᠲᠦ ᠲᠡᠷᠢᠭᠦᠨ ︵ᠵᠾᠢ ᠶᠤᠸᠠᠨ至元︶ | ᠤ ᠬᠤᠶᠠᠳᠤᠭᠠᠷ ᠤᠨ ︵1265 ᠤᠨ︶ ᠳᠤ ᠬᠠᠰᠤᠪᠠ᠂ ᠭᠤᠷᠪᠠᠳᠤᠭᠠᠷ ᠤᠨ ᠳᠤ ᠲᠠᠬᠢᠨ ᠰᠡᠷᠭᠦᠭᠡᠭᠰᠡᠨ | ᠪᠤᠯᠪᠠᠴᠤ ᠲᠤᠯᠤᠳᠤᠭᠠᠷ ᠤᠨ ᠳᠤ ᠮᠦᠨ ᠬᠠᠰᠤᠪᠠ᠃ | ︵22︶ ᠲᠦᠰᠢᠶᠡ 投下 —— ᠲᠤᠰᠢᠶᠡ ᠭᠡᠳᠡᠭ ᠪᠤᠯ ᠶᠤᠸᠠᠨ ᠤᠯᠤᠰ ᠤᠨ | ᠲᠦᠷᠦᠯ ᠸᠠᠩ᠂ ᠶᠡᠬᠡᠰ ᠢᠵᠠᠭᠤᠷᠲᠠᠨ᠂ ᠭᠠᠪᠢᠶᠠᠲᠦ ᠲᠦᠰᠢᠮᠡᠳ ᠲᠤ ᠬᠤᠪᠢᠯᠠᠭᠳᠠᠭᠰᠠᠨ ᠬᠠᠷᠢᠶᠠᠲᠦ ᠬᠦᠮᠦᠰ ᠢ | ᠬᠡᠯᠡᠳᠡᠭ ᠶᠤᠮ᠃ ᠲᠤᠰᠢᠶᠠ ᠭᠡᠳᠡᠭ ᠨᠢ ᠬᠤᠪᠢᠯᠠᠭᠳᠠᠭᠰᠠᠨ ᠬᠠᠷᠢᠶᠠᠲᠦ ᠬᠦᠮᠦᠰ ᠪᠤᠶᠤ ᠤᠷᠤᠨ ᠭᠡᠰᠡᠨ ᠤᠳᠬᠠ ᠲᠠᠢ | ᠦᠭᠡ ᠪᠤᠯᠤᠨᠠ᠃ ᠠᠩᠬᠠ ᠯᠠᠤᠬᠠ ᠤᠯᠤᠰ ︵ᠯᠢᠶᠤᠤ辽︶ ᠤᠨ ᠦᠶᠡ ᠳᠤ ᠪᠤᠢ ᠪᠤᠯᠵᠠᠢ᠃ ᠲᠠᠷᠤᠢ ᠲᠠᠶᠢᠨ ᠳᠤ | ᠢᠯᠠᠭᠰᠠᠨ ᠠᠴᠠ ᠪᠤᠯᠵᠦ ᠡᠵᠡᠯᠡᠭᠳᠡᠭᠰᠡᠨ ᠤᠷᠤᠨ ᠤ ᠨᠤᠲᠤᠭ ᠲᠡᠪᠢᠰᠭᠡᠷ ᠬᠢᠭᠡᠳ ᠬᠦᠮᠦᠨ ᠠᠷᠠᠳ ᠵᠢᠴᠢ | ᠤᠯᠵᠢᠯᠠᠭᠳᠠᠭᠰᠠᠳ ᠢ ᠦᠪᠡᠷ ᠤᠨ ᠲᠦᠷᠦᠯ ᠸᠠᠩ᠂ ᠶᠡᠬᠡᠰ ᠢᠵᠠᠭᠤᠷᠲᠠᠨ᠂ ᠭᠠᠪᠢᠶᠠᠲᠦ ᠲᠦᠰᠢᠮᠡᠳ ᠲᠡᠭᠡᠨ | ᠬᠤᠪᠢᠯᠠᠨ ᠦᠭᠴᠦ ᠦᠮᠴᠢ ᠢᠷᠭᠡᠳ ᠪᠤᠯᠭᠠᠬᠤ ᠶᠢ ᠵᠢᠭᠠᠵᠦ ᠪᠠᠶᠢᠳᠠᠭ᠃ ᠲᠤᠰᠢᠶᠠ ᠶᠢᠨ ᠠᠷᠠᠳ ᠨᠢ ᠡᠩᠬᠡ | ᠲᠠᠶᠢᠪᠤᠩ ᠴᠠᠭ ᠦᠶᠡ ᠳᠤ ᠦᠪᠡᠷ ᠤᠨ ᠡᠵᠡᠨ ᠳᠡᠭᠡᠨ ᠠᠳᠤᠭᠤ ᠮᠠᠯ ᠢ ᠨᠢ ᠠᠷᠠᠴᠢᠯᠠᠨ ᠲᠤᠲᠤᠮᠲᠠᠵᠦ ᠠᠵᠦ | ᠠᠮᠢᠳᠤᠷᠯᠠᠭᠠ ᠶᠢ ᠨᠢ ᠬᠠᠩᠭᠠᠨ ᠦᠭᠴᠦ᠂ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠪᠤᠯᠬᠤ ᠦᠶᠡ ᠳᠤ ᠡᠵᠡᠨ ᠤ ᠪᠠᠨ ᠵᠠᠷᠯᠢᠭ ᠢᠶᠠᠷ | ᠪᠠᠶᠢᠯᠳᠤᠭᠠᠨ ᠳᠤ ᠤᠷᠤᠯᠴᠠᠳᠠᠭ᠃ ᠮᠤᠩᠭᠤᠯ ᠤᠨ ᠲᠤᠰᠢᠶᠠ ᠨᠢ ᠮᠠᠰᠢ ᠶᠡᠭᠡ ᠡᠷᠬᠡ ᠴᠢᠯᠤᠭᠡᠲᠡᠢ ᠶᠤᠮ᠃ | | | | |