| | | | ☆ ﹇ᠶᠤᠸᠠᠨ ᠤᠯᠤᠰ ﹈ ᠬᠤ᠋ ᠽᠦ ᠭᠤᠸᠠᠩ ᠵᠤᠬᠢᠶᠠᠪᠠ | ☆ ᠪᠤᠷᠵᠢᠭᠢᠨ ᠰᠤᠭᠳᠤᠷᠵᠠᠪ ᠤᠷᠴᠢᠭᠤᠯᠤᠨ ᠲᠠᠶᠢᠯᠪᠦᠷᠢᠯᠠᠪᠠ | | | | ︵23︶ ᠤᠭᠰᠠᠭᠠ ᠶᠢᠨ ᠸᠠᠩ ᠨᠠᠶᠠᠨ 宗王乃顏 —— ᠶᠤᠸᠠᠨ ᠤᠯᠤᠰ ᠤᠨ | ᠲᠦᠷᠦᠯ ᠸᠠᠩ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠲᠡᠭᠦᠦ ᠲᠡᠮᠦᠭᠡ ᠤᠳᠴᠢᠭᠢᠨ ︵铁木哥斡赤斤︶ ᠤ | ᠬᠤᠶᠢᠴᠢᠰ ᠪᠤᠯᠬᠤ ᠲᠠᠴᠢᠷ ︵塔察儿︶ ᠬᠡᠮᠡᠭᠴᠢ ᠶᠢᠨ ᠤᠮᠪᠤᠯᠤ᠃ ᠨᠠᠶᠠᠨ ᠬᠡᠮᠡᠭᠴᠢ ᠤᠳᠴᠢᠬᠢᠨ ᠨᠤᠶᠠᠨ ᠤ | ᠡᠷᠭᠦᠮᠵᠢ ᠤᠷᠤᠨ ᠳᠤ ᠦᠶᠡ ᠤᠯᠠᠷᠢᠨ ᠸᠠᠩ ᠤᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠵᠦ ᠬᠠᠷᠠᠬᠤᠨ ᠵᠢᠳᠤᠨ ᠠᠭᠤᠯᠠ ︵ | ᠤᠳᠤᠬᠢ ᠬᠢᠩᠭᠠᠨ ᠲᠠᠪᠠᠭᠠ︶ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠬᠢᠭᠡᠳ ᠯᠠᠤᠬᠠ ᠶᠢᠨ ᠭᠤᠤᠯ ᠤᠨ ᠵᠡᠭᠦᠨᠳᠡᠬᠢ ᠤᠷᠤᠨ | ᠢ ᠪᠦᠬᠦᠨ ᠢᠶᠠᠷ ᠨᠢ ᠡᠵᠡᠮᠰᠢᠨ ᠵᠠᠬᠢᠷᠴᠤ ᠪᠠᠶᠢᠪᠠ᠃ ᠲᠡᠷᠡ ᠴᠠᠭ ᠲᠤ᠂ ᠬᠠᠶᠠᠯᠢ ᠬᠡᠮᠡᠬᠦ ᠭᠠᠵᠠᠷ ︵海押立᠂ | ᠤᠳᠤᠬᠢ ᠬᠠᠰᠠᠭᠰᠲᠠᠨ ᠤᠯᠤᠰ ᠤᠨ ᠲᠠᠷᠳᠢ ᠭᠦᠷᠭᠠᠨ ᠤ ᠵᠡᠭᠦᠨ ᠬᠤᠶᠢᠨᠡ︶ ᠤᠨ ᠸᠠᠩ᠂ ᠦᠭᠡᠲᠡᠢ ᠬᠠᠭᠠᠨ ᠤ | ᠤᠮᠪᠤᠯᠤ ᠬᠠᠰᠢ ︵合失︶ ᠶᠢᠨ ᠬᠦᠪᠡᠬᠦᠨ ᠬᠠᠶᠢᠲᠦ ︵海都︶ ᠬᠡᠮᠡᠭᠴᠢ ᠬᠤᠪᠢᠯᠠᠢ ᠰᠡᠴᠡᠨ ᠢ | ᠲᠠᠶᠢᠯᠠᠭᠰᠠᠨ ᠳᠤ᠂ ᠨᠠᠶᠠᠨ ᠸᠠᠩ ᠬᠠᠶᠢᠲᠦ ᠯᠤᠭᠠ ᠬᠤᠯᠪᠤᠭᠠ ᠪᠠᠷᠢᠵᠦ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠶᠡᠭᠡ | ᠬᠢᠲᠠᠳᠴᠢᠯᠠᠬᠤ ᠪᠤᠳᠤᠯᠭᠠ ᠶᠢ ᠬᠠᠮᠲᠦ ᠪᠠᠷ ᠡᠰᠡᠷᠭᠦᠴᠡᠪᠡ᠃ ᠡᠶᠢᠮᠦ ᠠᠴᠠ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠵᠡᠭᠦᠨ | ᠨᠡᠶᠢᠰᠯᠡᠯ ᠤᠨ ᠬᠤᠪᠢᠶᠠᠷᠢ ᠮᠤᠵᠢ ︵东京行省︶ ᠶᠢ ᠪᠠᠶᠢᠭᠤᠯᠤᠨ ᠬᠢᠩᠭᠠᠨ ᠲᠠᠪᠠᠭᠠ ᠬᠢᠭᠡᠳ ᠯᠠᠤᠬᠠ | ᠶᠢᠨ ᠭᠤᠤᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠤᠷᠤᠨ ᠢ ᠡᠵᠡᠮᠳᠡᠨ ᠵᠠᠬᠢᠷᠤᠭᠰᠠᠨ ᠳᠤ ᠨᠠᠶᠠᠨ ᠬᠡᠮᠡᠭᠴᠢ ᠬᠠᠰᠠᠷ ᠤᠨ | ᠬᠤᠶᠢᠴᠢᠰ ᠰᠢᠳᠠᠷ ︵势都儿︶ ᠸᠠᠩ᠂ ᠬᠠᠴᠢᠭᠤᠨ ︵合赤温︶ ᠤ ᠬᠤᠶᠢᠴᠢᠰ ᠬᠠᠳᠠᠨ ︵哈丹 | ︶ ᠸᠠᠩ ᠨᠠᠷ ᠲᠠᠢ ᠬᠤᠯᠪᠤᠭᠠᠯᠠᠨ ᠤᠨᠤᠯᠲᠦ ᠲᠡᠷᠢᠭᠦᠨ ︵至元︶ ᠤ ᠬᠤᠷᠢᠨ ᠲᠦᠷᠪᠡᠳᠦᠭᠡᠷ ᠤᠨ ︵1287 | ᠤᠨ︶ ᠤ ᠲᠦᠷᠪᠡᠳᠦᠭᠡᠷ ᠰᠠᠷᠠ ᠳᠤ ᠲᠠᠶᠢᠨ ᠵᠠᠷᠯᠠᠵᠦ ᠬᠠᠷᠠ ᠬᠤᠰᠢᠭᠤ ︵ᠤᠳᠤᠬᠢ ᠡᠷᠭᠦᠨᠡ ᠬᠤᠲᠡ︶ ᠠᠴᠠ | ᠴᠡᠷᠢᠭ ᠲᠠᠶᠢᠴᠢᠯᠠᠨ ᠦᠷᠦᠨᠡᠰᠢ ᠮᠤᠷᠳᠠᠨ ᠰᠢᠷᠠᠮᠦ᠋ᠷᠡᠨ ᠵᠦᠭ ᠴᠡᠷᠢᠭᠯᠡᠪᠡ᠃ ᠮᠦᠨ ᠵᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠳᠤ | ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠪᠡᠶᠡ ᠪᠠᠷ ᠲᠠᠶᠢᠯᠠᠵᠦ ᠬᠡᠰᠢᠭᠲᠡᠨ ᠤ ᠲᠠᠷᠬᠠᠨ ᠠᠭᠤᠯᠠ ᠪᠠᠷ ᠲᠠᠮᠵᠢᠨ ᠵᠡᠭᠦᠨᠰᠢ ᠬᠢᠩᠭᠠᠨ | ᠲᠠᠪᠠᠭᠠ ᠵᠦᠭ ᠴᠡᠷᠢᠭᠯᠡᠪᠡ᠃ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠪᠦᠭᠦᠷᠭᠡᠲᠦ ᠪᠠᠶᠢᠲᠠᠷᠠᠭ ︵不里古都伯塔 | 哈︶ ᠭᠡᠬᠦ ᠭᠠᠵᠠᠷ ︵ᠤᠳᠤᠬᠢ ᠬᠠᠯᠬᠠ ᠭᠤᠤᠯ ︿哈拉哈河﹀ ᠬᠢᠭᠡᠳ ᠲᠠᠮᠤᠯᠭᠠ ᠶᠢᠨ ᠭᠤᠤᠯ ︿塔木 | 尔金河﹀ ᠤᠨ ᠠᠭᠤᠯᠵᠠᠭᠤᠷ ᠲᠠᠬᠢ ᠭᠤᠷᠪᠠᠯᠵᠢᠨ ᠰᠢᠨᠠ︶ ᠳᠤ ᠬᠠᠬᠢᠷ ᠪᠠᠶᠢᠯᠳᠤᠭᠠᠨ ᠪᠤᠯᠵᠦ ᠨᠠᠶᠠᠨ | ᠢᠯᠠᠭᠳᠠᠨ ᠪᠠᠷᠢᠪᠴᠢᠯᠠᠭᠳᠠᠭᠠᠳ ᠠᠯᠠᠭᠳᠠᠪᠠ᠃ | ︵24︶ ᠲᠤᠷᠤᠨᠠᠲᠦ ᠵᠤᠪᠬᠢᠰ 東鄙 —— ᠠᠳᠡ ᠦᠭᠦᠯᠡᠨ ᠪᠦᠬᠦᠢ ᠲᠤᠷᠤᠨᠠᠲᠤ | ᠵᠤᠪᠬᠢᠰ ᠭᠡᠳᠡᠭ ᠨᠢ ᠠᠮᠤᠷ ᠮᠦᠷᠡᠨ ︵ᠢᠷᠭᠡᠨ ᠤᠯᠤᠰ ᠤᠨ ᠦᠶᠡ ᠠᠴᠠ ᠬᠠᠷᠠ ᠮᠦᠷᠡᠨ ᠭᠡᠬᠦ ᠪᠤᠯᠵᠡᠢ︶᠂ | ᠬᠦᠯᠦᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ᠭᠡᠭᠡᠨ ᠭᠤᠤᠯ᠂ ᠡᠷᠭᠦᠨᠡ᠂ ᠬᠠᠭᠤᠴᠢᠨ ᠪᠠᠷᠭᠤ᠂ ᠰᠢᠨᠡ ᠪᠠᠷᠭᠤ ᠬᠢᠭᠡᠳ ᠬᠢᠩᠭᠠᠨ | ᠠᠶᠢᠮᠠᠭ ᠤᠨ ᠨᠤᠲᠤᠭ ᠲᠡᠪᠢᠰᠭᠡᠷ ᠢ ᠵᠢᠭᠠᠵᠤ ᠪᠠᠶᠢᠬᠤ ᠶᠤᠮ᠃ | ︵25︶ ᠨᠠᠩᠭᠠᠴᠢᠨ 囊加真 —— ᠶᠤᠸᠠᠨ ᠤᠯᠤᠰ ᠤᠨ ᠪᠠᠬᠢ ︵ᠭᠦᠩᠵᠦ︶᠂ | ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠦᠬᠢᠨ᠃ ᠠᠩᠬᠠ ᠨᠠᠴᠢᠨ ︵纳陈︶ ᠤ ᠬᠦᠪᠡᠬᠦᠨ ᠤᠷᠤᠴᠡᠨ ︵斡 | 罗陈︶ ᠤ ᠬᠠᠳᠤᠨ ᠦᠯᠵᠢ ᠪᠠᠬᠢ ︵完泽公主︶ ᠲᠠᠭᠠᠯᠠᠯ ᠪᠤᠯᠤᠭᠰᠠᠨ ᠳᠤ᠂ ᠬᠠᠭᠠᠨ ᠤ ᠵᠠᠷᠯᠢᠭ | ᠢᠶᠠᠷ ᠤᠷᠤᠴᠡᠨ ᠯᠤᠭᠠ ᠭᠡᠷᠯᠡᠪᠡ᠃ ᠤᠷᠤᠴᠡᠨ ᠨᠤᠶᠠᠨ 1277 ᠤᠨ ᠳᠤ᠂ ᠰᠢᠷᠢᠭᠢ ᠨᠠᠷ ᠤᠨ ᠲᠡᠭᠲᠡᠭᠡᠭᠰᠡᠨ | ᠤᠷᠪᠠᠯᠭᠠᠨ ᠢ ᠲᠠᠷᠤᠩᠭᠤᠶᠢᠯᠠᠬᠤ ᠪᠠᠷ ᠲᠠᠶᠢᠨ ᠳᠤ ᠮᠤᠷᠳᠠᠬᠤ ᠵᠠᠮ ᠲᠤᠮᠳᠠ ᠪᠠᠨ ᠦᠪᠡᠷ ᠤᠨ ᠲᠦᠷᠦᠭᠰᠡᠨ ᠲᠡᠭᠦᠦ | ᠵᠢᠷᠭᠤᠭᠠᠲᠠᠢ ᠳᠤ ᠬᠤᠤᠷᠯᠠᠭᠳᠠᠭᠰᠠᠨ ᠳᠤ ᠤᠷᠤᠴᠡᠨ ᠤ ᠲᠡᠭᠦᠦ ᠲᠡᠮᠦᠷ ︵帖木儿︶ ᠲᠠᠢ ᠭᠡᠷᠯᠡᠪᠡ᠃ | ᠦᠯᠵᠡᠶᠢᠲᠦ ᠲᠡᠮᠦᠷ ᠬᠠᠭᠠᠨ ᠤ ᠢᠵᠠᠭᠤᠷ ᠪᠠᠲᠦ ︵元贞︶ ᠶᠢᠨ ᠠᠩᠬᠠᠳᠤᠭᠠᠷ ᠤᠨ ︵1295 ᠤᠨ︶ ᠳᠤ | ᠲᠡᠮᠦᠷ ᠨᠤᠶᠠᠨ ᠡᠪᠡᠳᠴᠢᠨ ᠢᠶᠠᠷ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠲᠡᠮᠦᠷ ᠤᠨ ᠲᠡᠭᠦᠦ ᠮᠠᠨᠽᠡᠲᠡᠢ ︵蛮子台︶ ᠲᠠᠢ | ᠭᠡᠷᠯᠡᠪᠡ᠃ ᠮᠦᠨ ᠤᠨ ᠳᠤ ᠬᠠᠭᠠᠨ ᠤ ᠠᠪᠠᠭᠠ ᠡᠭᠡᠴᠢ ᠯᠤ᠋ ᠭᠠᠵᠠᠷ ᠤᠨ ᠶᠡᠭᠡ ᠡᠭᠡᠴᠢᠮᠡᠳ ᠪᠠᠬᠢ ︵皇姑鲁国 | 大长公主︶ ᠬᠡᠮᠡᠨ ᠡᠷᠭᠦᠮᠵᠢᠯᠡᠭᠳᠡᠪᠡ᠃ ᠨᠠᠩᠭᠠᠴᠢᠨ ᠪᠠᠬᠢ ᠨᠠᠰᠤ ᠪᠠᠷᠠᠭᠰᠠᠨ ᠳᠤ ᠬᠡᠰᠢᠭᠲᠦ ᠲᠡᠭᠡᠳᠦᠰ | ᠴᠢᠩᠬᠢᠮ ︵裕宗真金︶ ᠤᠨ ᠦᠬᠢᠨ ᠨᠠᠩᠭᠠᠪᠤᠯᠠ ᠪᠠᠬᠢ ︵南阿不剌公主︶ ᠵᠠᠷᠯᠢᠭ | ᠢᠶᠠᠷ ᠮᠠᠨᠽᠡᠲᠡᠢ ᠸᠠᠩ ᠯᠤᠭᠠ ᠭᠡᠷᠯᠡᠪᠡ᠃ | ︵26︶ ᠢᠩᠴᠠᠩ 應昌 —— ᠤᠳᠤᠬᠢ ᠦᠪᠦᠷ ᠮᠤᠩᠭᠤᠯ ᠤᠨ ᠤᠯᠠᠭᠠᠨᠬᠠᠳᠠ ᠬᠤᠲᠠ | ᠶᠢᠨ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠠᠴᠠ ᠪᠠᠷᠠᠭᠤᠨ ᠬᠤᠶᠢᠨᠠ ᠪᠠᠶᠢᠬᠤ ᠲᠠᠷᠬᠠᠨ ᠠᠭᠤᠯᠠ ᠰᠤᠮᠤ ᠶᠢᠨ ᠲᠦᠷᠦᠭᠡᠨᠠᠭᠤᠷ | ᠭᠠᠴᠠᠭᠠ ᠳᠠᠬᠢ ᠪᠠᠶᠠᠨᠮᠡᠨᠳᠤ ᠶᠢᠨ ᠠᠶᠢᠯ ᠳᠤ ᠪᠤᠢ᠃ | ︵27︶ ᠲᠡᠭᠦᠰ ᠠᠮᠤᠭᠤᠯᠠᠩ ᠬᠤᠲᠠ 全寧城 —— ᠤᠳᠤᠬᠢ ᠤᠯᠠᠭᠠᠨᠬᠠᠳᠠ | ᠬᠤᠲᠠ ᠶᠢᠨ ᠤᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠲᠦᠪ ᠪᠤᠷᠤᠬᠤᠲᠠ ᠪᠠᠯᠭᠠᠰᠤ᠃ | ︵28︶ ᠲᠡᠭᠡᠳᠦ ᠴᠦᠯᠭᠡ 上路 —— ᠴᠦᠯᠭᠡ ᠶᠢᠨ ᠲᠡᠰ ᠢᠯᠭᠠᠯ᠃ ᠶᠤᠸᠠᠨ | ᠤᠯᠤᠰ ᠤᠨ ᠤᠨᠤᠯᠲᠦ ᠲᠡᠷᠢᠭᠦᠨ ︵至元︶ ᠤ ᠬᠤᠷᠢᠳᠤᠭᠠᠷ ᠤᠨ ︵1283 ᠤᠨ︶ ᠳᠤ᠂ ᠪᠦᠬᠦ ᠡᠷᠦᠬᠡ | ᠠᠮᠠ ᠶᠢᠨ ᠲᠤᠭᠠ ᠨᠢ ᠠᠷᠪᠠᠨ ᠲᠦᠮᠡ ᠠᠴᠠ ᠲᠠᠪᠠᠭᠰᠠᠨ ᠴᠦᠯᠭᠡ ᠶᠢ ᠲᠡᠭᠡᠳᠦ ᠴᠦᠯᠭᠡ ᠬᠡᠮᠡᠵᠦ᠂ ᠬᠦᠢᠰᠤ | ᠪᠤᠭᠤᠮᠲᠠ ᠪᠤᠯᠬᠤ ᠴᠢᠬᠤᠯᠠ ᠭᠠᠵᠠᠷ ᠲᠤᠷ ᠪᠤᠯᠪᠠᠰᠤ ᠠᠷᠪᠠᠨ ᠲᠦᠮᠡᠨ ᠡᠷᠦᠬᠡ ᠡᠰᠡ ᠬᠦᠷᠦᠭᠰᠡᠨ ᠴᠤ ᠮᠦᠨ ᠬᠦ | ᠲᠡᠭᠡᠳᠤ ᠴᠦᠯᠭᠡ ᠬᠡᠮᠡᠰᠦᠭᠡᠢ᠃ ᠴᠦᠯᠭᠡ ᠪᠦᠷᠢ ᠳᠤᠷ ᠲᠠᠷᠤᠭᠠᠴᠢ ︵达鲁花赤︶ ᠬᠢᠭᠡᠳ ᠶᠡᠷᠦᠩᠬᠢ | ᠵᠠᠬᠢᠷᠤᠭᠴᠢ ︵总管︶ ᠬᠡᠮᠡᠨ ᠲᠤᠰᠪᠤᠷᠢ ᠨᠢᠭᠡ ᠨᠤᠶᠠᠨ ᠢ ᠲᠦᠰᠢᠭᠡᠳ ᠴᠢᠭ ᠭᠤᠷᠪᠠᠳᠤᠭᠠᠷ ᠵᠡᠷᠭᠡᠲᠡᠨ ︵正三 | 品︶ ᠢᠶᠠᠷ ᠲᠤᠭᠲᠠᠭᠠᠲᠤᠭᠠᠢ᠃ ᠬᠠᠮᠲᠦ ᠮᠡᠳᠡᠭᠴᠢ ︵同知︶᠂ ᠪᠢᠴᠢᠭᠴᠢ ︵治中︶᠂ ᠰᠢᠭᠦᠭᠴᠢ ︵判 | 官︶ ᠨᠤᠶᠠᠨ ᠬᠡᠮᠡᠨ ᠲᠤᠰᠪᠤᠷᠢ ᠨᠢᠭᠡ ᠶᠢ ᠲᠦᠰᠢᠵᠦ᠂ ᠵᠠᠷᠭᠤᠴᠢ ︵推官︶ ᠨᠤᠶᠠᠨ ᠢ ᠬᠤᠶᠠᠷ ᠢ ᠲᠦᠰᠢᠬᠦ | ᠠᠴᠠ ᠭᠠᠳᠠᠨᠠ ᠨᠢᠷᠪᠠ ︵经历︶᠂ ᠬᠡᠷᠡᠭ ᠮᠡᠳᠡᠭᠴᠢ ︵知事︶ ᠲᠡᠷᠢᠭᠦᠲᠡᠨ ᠢ ᠲᠤᠰᠪᠤᠷᠢ ᠲᠤᠭᠠᠨ ᠢᠶᠠᠷ | ᠢᠨᠦ ᠲᠦᠰᠢᠲᠦᠭᠡᠢ ᠭᠡᠵᠡᠢ᠃ | ︵29︶ ᠴᠠᠭᠠᠨ ᠡᠪᠦᠭᠡᠨ ᠬᠢᠭᠡᠳ ᠠᠮᠦ ᠲᠠᠷᠢᠶᠠ ᠶᠢᠨ ᠰᠠᠬᠢᠭᠤᠯᠰᠤᠨ 社稷 —— ᠡᠷᠲᠡᠨ | ᠤ ᠡᠵᠡᠳ ᠬᠠᠭᠠᠳ ᠬᠢᠭᠡᠳ ᠤᠯᠠᠨ ᠬᠦᠢ ᠨᠤᠶᠠᠨᠲᠠᠳ ᠤᠨ ᠲᠠᠬᠢᠳᠠᠭ ᠭᠠᠵᠠᠷ ᠰᠢᠷᠤᠢ ᠶᠢᠨ ᠰᠠᠬᠢᠭᠤᠯᠰᠤᠨ ᠬᠢᠭᠡᠳ | ᠠᠮᠦ ᠲᠠᠷᠢᠶᠠ ᠶᠢᠨ ᠰᠠᠬᠢᠭᠤᠯᠰᠤᠨ ᠢ ᠡᠶᠢᠨᠬᠦ ᠨᠡᠷᠡᠯᠡᠳᠡᠭ᠃ ᠡᠷᠲᠡᠨ ᠤ ᠬᠢᠲᠠᠳ ᠬᠡᠯᠡᠨ ᠳᠤ ᠭᠠᠵᠠᠷ ᠰᠢᠷᠤᠢ ᠶᠢᠨ | ᠰᠠᠬᠢᠭᠤᠯᠰᠤᠨ ᠢ ︽ᠱᠧ社︾ ᠭᠡᠳᠡᠭ᠂ ᠮᠤᠩᠭᠤᠯ ᠬᠡᠯᠡᠨ ᠳᠤ ᠡᠭᠦᠨ ᠢ ︽ᠭᠠᠵᠠᠷ ᠤᠨ ᠡᠵᠡᠨ︾ ᠭᠡᠬᠦ ᠪᠤᠶᠤ ︽ | ᠴᠠᠭᠠᠨ ᠡᠪᠦᠭᠡᠨ︾ ᠭᠡᠳᠡᠭ᠂ ᠪᠠᠰᠠ ︽ᠱᠠᠪᠳᠠᠭ︾ ᠭᠡᠵᠦ ᠨᠡᠷᠡᠯᠡᠬᠦ ᠴᠤ ᠪᠤᠢ᠃ ᠵᠦᠭ ᠴᠢᠭᠯᠡᠯ ᠢᠶᠠᠷ ᠨᠢ | ᠲᠤᠲᠤᠷᠠᠭᠤᠯᠪᠠᠯ᠄ ᠲᠤᠷᠤᠨᠠ ᠵᠦᠭ ᠤᠨ ᠰᠢᠷᠦᠢ ᠬᠦᠬᠡ︔ ᠡᠮᠦᠨᠡ ᠵᠦᠭ ᠤᠨ ᠰᠢᠷᠤᠢ ᠤᠯᠠᠭᠠᠨ︔ ᠦᠷᠦᠨᠡ | ᠵᠦᠭ ᠤᠨ ᠰᠢᠷᠤᠢ ᠴᠠᠭᠠᠨ︔ ᠤᠮᠠᠷᠠ ᠵᠦᠭ ᠤᠨ ᠰᠢᠷᠦᠢ ᠬᠠᠷᠠ᠂ ᠲᠤᠮᠳᠠᠳᠤ ᠤᠷᠤᠨ ᠤ ᠰᠢᠷᠦᠢ ᠰᠢᠷᠠ ᠦᠩᠭᠡᠲᠡᠢ | ᠪᠠᠶᠢᠵᠦ᠂ ᠡᠳᠡᠭᠡᠷ ᠲᠠᠪᠤᠨ ᠦᠩᠭᠡ ᠶᠢᠨ ᠰᠢᠷᠤᠢ ᠪᠠᠷ ᠲᠠᠬᠢᠯ ᠤᠨ ᠮᠠᠨᠳᠠᠯ ᠢᠶᠠᠨ ᠪᠦᠷᠬᠦᠪᠡᠯ ᠲᠠᠷᠤᠢ ᠤᠯᠤᠰ ᠤᠷᠤᠨ | ᠤ ᠪᠦᠷᠢᠨ ᠪᠦᠲᠦᠨ ᠨᠤᠲᠤᠭ ᠲᠡᠪᠢᠰᠭᠡᠷ ᠢ ᠪᠡᠯᠭᠡᠳᠡᠳᠡᠭ ᠶᠤᠮ᠃ ︽ᠵᠢᠢ稷︾ ᠭᠡᠳᠡᠭ ᠪᠤᠯ ᠡᠷᠲᠡᠨ ᠤ ᠬᠢᠲᠠᠳ | ᠬᠡᠯᠡᠨ ᠳᠤ ᠬᠠᠮᠤᠭ ᠠᠩᠬᠠ ᠮᠤᠩᠭᠤᠯ ᠠᠮᠦ ᠶᠢ ᠵᠢᠭᠠᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠰᠡᠭᠦᠯᠡᠷ ᠨᠢ ᠠᠮᠦ ᠲᠠᠷᠢᠶᠠᠨ ᠤ | ᠰᠠᠬᠢᠭᠤᠯᠰᠤᠨ ᠢ ᠨᠡᠷᠡᠯᠡᠳᠡᠭ ᠪᠤᠯᠪᠠ᠂ ᠤᠴᠢᠷ ᠨᠢ ᠲᠠᠪᠤᠨ ᠲᠠᠷᠢᠶᠠ ᠶᠢᠨ ᠡᠪᠦᠭᠡ ᠲᠡᠭᠡᠳᠦ ᠨᠢ ᠪᠤᠯ ᠮᠤᠩᠭᠤᠯ ᠠᠮᠦ | ᠪᠤᠯᠬᠤ ᠶᠤᠮ᠃ ᠡᠷᠲᠡᠨ ᠤ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ᠶᠤᠰᠤᠨ ᠳᠤ ᠡᠨᠡ ᠬᠤᠶᠠᠷ ᠰᠠᠬᠢᠭᠤᠯᠰᠤᠨ ᠢ ᠲᠠᠬᠢᠬᠤ ᠪᠠᠷ | ᠬᠠᠭᠠᠨ ᠤᠷᠳᠤᠨ ᠤ ᠪᠠᠨ ᠪᠠᠷᠠᠭᠤᠨ ᠲᠠᠯᠠ ᠳᠠᠭᠠᠨ ᠲᠠᠬᠢᠯ ᠤᠨ ᠮᠠᠨᠳᠠᠯ ᠪᠤᠶᠤ ᠰᠦᠮᠡ ᠪᠠᠶᠢᠭᠤᠯᠵᠦ᠂ ᠵᠡᠭᠦᠨ ᠲᠠᠯᠠ | ᠳᠠᠭᠠᠨ ᠡᠪᠤᠭᠡᠳ ᠤᠨ ᠰᠦᠮᠡ ᠪᠠᠨ ᠪᠠᠶᠢᠭᠤᠯᠤᠭᠠᠳ ᠵᠡᠷᠭᠡᠴᠡᠭᠦᠯᠦᠨ ᠲᠠᠬᠢᠳᠠᠭ ᠪᠠᠶᠢᠵᠠᠢ᠃ ᠡᠨᠡ ᠬᠤᠶᠠᠷ ᠦᠭᠡ ᠨᠢ | ᠨᠡᠶᠢᠯᠦᠩᠬᠢ ᠤᠳᠬᠠ ᠶᠢᠨ ᠬᠤᠪᠢ ᠳᠤ ᠪᠠᠰᠠ ᠤᠯᠤᠰ ᠭᠦᠷᠦᠨ ᠭᠡᠬᠦ ᠤᠳᠬᠠ ᠶᠢ ᠢᠯᠡᠳᠭᠡᠳᠡᠭ ᠵᠢᠷᠦᠮ ᠲᠠᠢ᠃ | ︵30︶ ᠡᠴᠢᠭᠡ ᠡᠬᠡ ᠶᠦᠭᠡᠨ ᠡᠯᠢᠭᠡᠰᠡᠨ᠂ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠢ ᠡᠷᠬᠢᠮᠯᠡᠬᠦ 親親尊賢 | —— ᠡᠨᠡ ᠦᠭᠡ ᠪᠤᠯ ︽ᠶᠡᠷᠤ ᠲᠤᠮᠳᠠ中庸︾ ᠪᠢᠴᠢᠭ ᠤᠨ ᠠᠷᠪᠠ ᠶᠢᠰᠦᠳᠦᠭᠡᠷ ᠪᠦᠯᠦᠭ ᠲᠠᠬᠢ᠄ | ︽ᠪᠡᠶᠡ ᠪᠠᠨ ᠵᠠᠰᠠᠬᠤ ᠠᠨᠤ ᠶᠤᠰᠤᠨ ᠪᠤᠯᠠᠢ᠂ ᠶᠤᠰᠤᠨ ᠢ ᠵᠠᠰᠠᠬᠤ ᠠᠨᠤ ᠦᠷᠰᠢᠶᠠᠯ ᠪᠦᠯᠦᠭᠡ᠂ ᠦᠷᠰᠢᠶᠡᠯᠲᠡᠨ | ᠬᠡᠮᠡᠭᠴᠢ ᠬᠦᠮᠦᠨ ᠪᠤᠶᠤ᠂ ᠡᠴᠢᠭᠡ ᠡᠬᠡ ᠶᠦᠭᠡᠨ ᠡᠯᠢᠭᠡᠰᠡᠬᠦ ᠶᠢ ᠶᠡᠭᠡ ᠪᠤᠯᠭᠠᠮᠤᠢ᠂ ᠵᠢᠷᠦᠮ ᠬᠡᠮᠡᠭᠴᠢ ᠪᠠᠷᠢᠯᠳᠤᠯᠭᠠ | ᠪᠤᠯᠤᠮᠤᠢ᠂ ᠡᠷᠲᠡᠮᠲᠡᠨ ᠢ ᠡᠷᠬᠢᠮᠯᠡᠬᠦ ᠶᠢ ᠶᠡᠭᠡ ᠪᠤᠯᠭᠠᠮᠤᠢ᠂ ᠡᠴᠢᠭᠡ ᠡᠬᠡ ᠶᠦᠭᠡᠨ ᠡᠯᠢᠭᠡᠰᠡᠬᠦ ᠶᠢᠨ ᠢᠯᠭᠠᠯ᠂ | ᠡᠷᠲᠡᠮᠲᠡᠨ ᠢ ᠡᠷᠬᠢᠮᠯᠡᠬᠦ ᠲᠡᠷᠢᠭᠦᠲᠡᠨ ᠢᠨᠦ᠂ ᠶᠤᠰᠤᠯᠠᠯ ᠡᠭᠦᠰᠦᠭᠰᠡᠨ ᠤ ᠡᠬᠢ ᠪᠦᠯᠦᠭᠡ修身以道，修道 | 以仁，仁者人也，亲亲为大，义者宜也，尊贤为大，亲 | 亲之杀，尊贤之等，礼所生也︾ ᠭᠡᠰᠡᠨ ᠦᠭᠡ ᠠᠴᠠ ᠢᠷᠡᠭᠰᠡᠨ ᠶᠤᠮ᠃ | ᠠᠳᠡ ᠦᠭᠦᠯᠡᠨ ᠪᠦᠬᠦᠢ ︽ᠡᠴᠢᠭᠡ ᠡᠬᠡ ᠶᠦᠭᠡᠨ ᠡᠯᠢᠭᠡᠰᠡᠨ︾ ᠭᠡᠳᠡᠭ ᠪᠤᠯ ᠲᠡᠭᠡᠳᠦᠰ ᠤᠨ ᠰᠦᠮᠡ ᠶᠢᠨ | ᠲᠠᠬᠢᠯᠭᠠ ᠲᠠᠶᠢᠯᠠᠯᠭᠠ ᠶᠢᠨ ᠡᠰᠢ ᠶᠤᠰᠤ ᠶᠢ ᠵᠢᠭᠠᠵᠦ︔ ︽ᠡᠷᠲᠡᠮᠲᠡᠨ ᠮᠡᠷᠭᠡᠳ ᠢ ᠡᠷᠬᠢᠮᠯᠡᠬᠦ︾ ᠭᠡᠳᠡᠭ ᠨᠢ ᠤᠯᠤᠰ | ᠭᠦᠷᠦᠨ ᠢᠶᠠᠨ ᠡᠩᠬᠡ ᠠᠮᠦᠭᠤᠯᠠᠩ ᠪᠠᠶᠢᠯᠭᠠᠬᠤ ᠵᠠᠰᠠᠭ ᠵᠠᠰᠠᠯᠲᠠ ᠶᠢᠨ ᠵᠠᠷᠴᠢᠮ ᠢ ᠵᠢᠭᠠᠭᠰᠠᠨ ᠶᠤᠮ᠃ | ︵31︶ ᠪᠦᠲᠦᠭᠡᠭᠴᠢ ᠲᠡᠭᠡᠲᠦᠰ 成宗皇帝 —— ᠶᠤᠸᠠᠨ ᠤᠯᠤᠰ ᠤᠨ | ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠬᠠᠭᠠᠨ ᠲᠡᠮᠦᠷ ᠬᠡᠮᠡᠭᠴᠢ ᠶᠢᠨ ᠰᠦᠮᠡ ᠶᠢᠨ ᠴᠤᠯᠠ ᠶᠢ ᠪᠦᠲᠦᠭᠡᠭᠴᠢ ᠲᠡᠭᠡᠳᠤᠰ ︵ | ᠴᠧᠩᠽᠦ᠋ᠩ︶ ᠭᠡᠳᠡᠭ᠃ | ︵32︶ ᠢᠯᠭᠢᠨᠢ 亦兒吉你 —— ᠶᠤᠸᠠᠨ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠦᠶᠡ | ᠶᠢᠨ ᠬᠠᠭᠠᠨ ᠴᠤᠭᠲᠦ ᠲᠡᠭᠡᠳᠦᠰ ︵ᠦᠽᠦ᠋ᠩ︶ ᠬᠠᠶᠢᠰᠠᠩ ᠬᠠᠭᠠᠨ ᠤ ᠦᠶᠡ ᠳᠤ ᠲᠡᠷᠢᠭᠦᠯᠡᠭᠴᠢ ᠰᠠᠶᠢᠳ | ᠪᠠᠶᠢᠭᠰᠠᠨ ᠬᠦᠮᠦᠨ᠃ | ︵33︶ ᠫᠢᠩᠵᠢᠶᠠᠩ ᠴᠦᠯᠭᠡ 平江路 —— ︵ᠤᠳᠤᠬᠢ ᠵᠢᠶᠠᠩᠰᠤ ︿江苏﹀ | ᠮᠤᠵᠢ ᠶᠢᠨ ᠰᠦᠵᠸᠦ ︿苏州﹀ ᠬᠤᠲᠠ︶ ᠃ | ︵34︶ ᠲᠤᠷᠵᠢᠪᠠᠯᠠ 朵兒只班 —— ᠶᠤᠸᠠᠨ ᠤᠯᠤᠰ ᠤᠨ ᠪᠠᠬᠢ᠂ ᠯᠤ᠋ ᠸᠠᠩ | ᠳ᠋ᠢᠸᠠᠪᠠᠯ ︵琱阿八剌︶ ᠶᠢᠨ ᠬᠦᠪᠡᠬᠦᠨ ᠠᠷᠭᠠᠰᠢᠷᠢ ︵阿里嘉实利︶ ᠲᠠᠢ ᠭᠡᠷᠯᠡᠪᠡ᠃ | ᠲᠤᠭᠤᠭᠠᠨᠲᠡᠮᠦᠷ ᠬᠠᠭᠠᠨ ᠤ ᠤᠨᠤᠯᠲᠦ ᠡᠶᠡᠪᠡᠷᠬᠦ ︵至顺︶ ᠶᠢᠨ ᠤᠨ ᠨᠤᠭᠤᠳ ︵1330 | ——1332︶ ᠲᠤ ᠬᠢᠴᠢᠶᠡᠩᠭᠦᠢ ᠨᠠᠶᠢᠷᠠᠯᠲᠤ ᠮᠡᠷᠭᠡᠨ ᠠᠮᠤᠭᠤᠯᠠᠩ ᠪᠠᠬᠢ ︵肃雍贤宁公主︶ | ᠬᠡᠮᠡᠨ ᠡᠷᠭᠦᠮᠵᠢᠯᠡᠭᠳᠡᠪᠡ᠃ | ︵35︶ ᠪᠦᠨᠠ 普納—— ᠶᠤᠸᠠᠨ ᠤᠯᠤᠰ ᠤᠨ ᠪᠠᠬᠢ᠂ ᠪᠦᠲᠦᠭᠡᠭᠴᠢ ᠲᠡᠭᠡᠲᠦᠰ ᠲᠡᠮᠦᠷ | ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠦᠬᠢᠨ᠂ ᠤᠨᠤᠯᠲᠦ ᠡᠶᠡᠪᠡᠷᠬᠦ ︵ᠵᠾᠢ ᠱᠦᠨ至顺︶ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︿ | 1332﹀ ᠳᠤᠷ ᠶᠦᠨ ᠠᠨ ᠭᠠᠵᠠᠷ ﹇ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠶᠦᠨ ᠴᠧᠩ ᠬᠤᠲᠠ﹈ ᠤᠨ ᠶᠡᠭᠡ | ᠡᠭᠡᠴᠢᠮᠡᠳ ᠪᠠᠬᠢ ᠡᠷᠭᠦᠮᠵᠢᠯᠡᠵᠦ᠂ ᠡᠰᠢ ᠶᠤᠰᠤᠲᠦ ︵ᠶᠤᠸᠠᠨ ᠲᠦᠩ元统︶ ᠶᠢᠨ ᠬᠤᠶᠠᠳᠤᠭᠠᠷ ᠤᠨ ︿ | 1334﹀ ᠳᠤᠷ᠂ ᠬᠠᠭᠠᠨ [ᠲᠤᠭᠤᠭᠠᠨᠲᠡᠮᠦᠷ ] ᠤ ᠠᠪᠠᠭᠠ ᠡᠭᠡᠴᠢ᠂ ᠶᠡᠭᠡ ᠡᠭᠡᠴᠢᠮᠡᠳ ᠪᠠᠬᠢ ᠬᠡᠮᠡᠨ ᠨᠡᠮᠡᠨ | ᠡᠷᠭᠦᠮᠵᠢᠯᠡᠪᠠᠢ᠃ ᠡᠭᠦᠨ ᠢ ᠪᠠᠰᠠ ᠫᠦᠨᠠ ᠭᠡᠵᠦ ᠪᠢᠴᠢᠬᠦ ᠴᠤ ᠪᠤᠢ᠃ | ︵36︶ ᠵᠠᠷᠯᠢᠭ 制 —— ᠡᠷᠲᠡᠨ ᠤ ᠬᠢᠲᠠᠳ ᠪᠢᠴᠢᠭ ᠲᠤ ᠬᠠᠭᠠᠨ ᠤ ᠵᠠᠷᠯᠢᠭ ᠢ ︽制 | ︾ ᠭᠡᠳᠡᠭ ᠶᠤᠮ᠃ | ︵37︶ ᠡᠯᠢᠭᠡᠨ ᠰᠠᠳᠤᠨ ᠤ ᠦᠶᠡ ᠵᠠᠯᠭᠠᠮᠵᠢ 連枝 —— ᠡᠨᠡ ᠦᠭᠡ ᠶᠢ ᠰᠢᠭᠤᠳ | ᠮᠢᠬᠠᠴᠢᠯᠠᠨ ᠤᠷᠴᠢᠭᠤᠯᠪᠠᠯ ᠰᠠᠯᠠᠭᠠ ᠨᠠᠮᠠᠭᠠ ᠭᠡᠰᠡᠨ ᠦᠭᠡ ᠶᠤᠮ᠃ ᠠᠳᠡ ᠬᠦᠮᠦᠰ ᠤᠨ ᠤᠳᠤᠮ ᠰᠤᠳᠤᠷ ᠤᠨ | ᠬᠡᠯᠬᠢᠶᠡ ᠬᠢᠭᠡᠳ ᠲᠦᠷᠦᠯ ᠰᠠᠳᠤᠨ ᠤ ᠬᠠᠷᠢᠴᠠᠭᠠ ᠶᠢ ᠵᠢᠭᠠᠵᠠᠢ᠃ | ︵38︶ ᠵᠸᠦ ᠤᠯᠤᠰ ᠤᠨ ᠬᠡᠷᠬᠢᠮᠲᠡᠨ ︵ᠵᠸᠦ ᠭᠦᠩ︶ 周公—— ᠵᠸᠦ ᠤᠯᠤᠰ ᠤᠨ | ᠬᠡᠷᠬᠢᠮᠲᠡᠨ ᠭᠡᠳᠡᠭ ᠪᠤᠯ ᠪᠠᠷᠠᠭᠤᠨ ᠵᠸᠦ ᠤᠯᠤᠰ ᠤᠨ ᠡᠷᠭᠦᠮᠵᠢᠯᠡᠭᠰᠡᠨ ᠬᠡᠷᠬᠢᠮ ᠵᠡᠷᠭᠡ ᠪᠤᠯᠬᠤ ᠶᠤᠮ᠃ ᠤᠤᠯ ᠨᠢ | ᠵᠸᠦ ᠤᠯᠤᠰ ᠤᠨ ᠸᠠᠩ ᠳᠤ ᠬᠠᠪᠰᠤᠷᠠᠨ ᠲᠤᠰᠠᠯᠠᠵᠦ ᠦᠯᠡᠮᠵᠢ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠳ ᠲᠤ ᠬᠦᠷᠲᠡᠭᠡᠳᠡᠭ | ᠬᠡᠷᠬᠢᠮ ᠵᠡᠷᠭᠡ ᠪᠠᠶᠢᠵᠠᠢ᠃ ᠵᠸᠦ ᠭᠡᠳᠡᠭ ᠨᠢ ᠦᠨᠡᠨ ᠳᠡᠭᠡᠨ ᠭᠠᠵᠠᠷ ᠤᠨ ᠨᠡᠷᠡ ᠪᠤᠯᠤᠨᠠ᠂ ᠲᠠᠷᠤᠢ ᠤᠳᠤᠬᠢ ᠱᠠᠨᠰᠢ | ᠮᠤᠵᠢ ︵陕西︶ ᠶᠢᠨ ᠡᠷᠳᠡᠨᠢ ᠭᠤᠷᠭᠤᠤᠯᠳᠠᠢ ︵宝鸡︶ ᠬᠤᠲᠠ ᠶᠢᠨ ᠴᠢ ᠱᠠᠨ ︵岐山︶ ᠤ | ᠬᠤᠶᠢᠲᠦ ᠬᠡᠰᠡᠭ ᠢ ᠡᠶᠢᠨᠬᠦ ᠨᠡᠷᠡᠯᠡᠵᠦ ᠪᠠᠶᠢᠪᠠ᠃ ᠵᠸᠦ ᠤᠯᠤᠰ ᠤᠨ ᠬᠠᠮᠤᠭ ᠠᠩᠬᠠᠨ ᠤ ᠬᠡᠷᠬᠢᠮᠲᠡᠨ | ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠬᠦᠮᠦᠨ ᠪᠤᠯ ᠵᠢᠢ ᠳ᠋ᠠᠨ ︵姬旦᠂ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ -1100 ᠤᠨ ᠤ | ᠤᠷᠴᠢᠮ︶ ᠭᠡᠳᠡᠭ᠂ ᠲᠡᠷᠡ ᠪᠤᠯ ᠪᠠᠷᠠᠭᠤᠨ ᠵᠸᠦ ᠤᠯᠤᠰ ︵西周︶ ᠤᠨ ᠸᠧᠨ ᠸᠠᠩ ᠵᠢᠢ ᠴᠠᠩ ︵周文王 | 姬昌 ︶ ᠤᠨ ᠲᠦᠷᠪᠡᠳᠦᠭᠡᠷ ᠬᠦᠪᠡᠬᠦᠨ ᠨᠢ ᠪᠤᠯᠬᠤ ᠪᠦᠭᠡᠳ ᠡᠤ ᠸᠠᠩ ᠵᠢᠢ ᠹᠠ ︵武王姬发︶ | ᠤᠨ ᠲᠡᠭᠦᠦ᠂ ᠴᠧᠩ ᠸᠠᠩ ᠵᠢᠢ ᠰᠦᠩ ︵成王姬诵︶ ᠤᠨ ᠠᠪᠠᠭᠠ ᠨᠢ ᠪᠤᠯᠬᠤ ᠶᠤᠮ᠂ ᠡᠶᠢᠮᠦ ᠠᠴᠠ | ᠡᠭᠦᠨ ᠢ ᠪᠠᠰᠠ ᠠᠪᠠᠭᠠ ᠳ᠋ᠠᠨ ︵叔旦︶ ᠭᠡᠳᠡᠭ᠃ ᠰᠧ ᠮᠠ ᠴᠢᠶᠠᠨ ᠤ ︽ᠰᠤᠳᠤᠷ ᠲᠡᠮᠳᠡᠭᠯᠡᠯ︾ ᠢ | ᠦᠨᠳᠦᠰᠦᠯᠡᠪᠡᠯ᠄ ︽ᠵᠸᠦ ᠤᠯᠤᠰ ᠤᠨ ᠬᠡᠷᠬᠢᠮᠲᠡᠨ ᠵᠢᠢ ᠳ᠋ᠠᠨ ᠬᠡᠮᠡᠭᠴᠢ ᠦᠪᠡᠷ ᠤᠨ ᠡᠷᠭᠦᠮᠵᠢᠯᠡᠯ ᠤᠨ ᠤᠷᠤᠨ | —— ᠯᠤ᠋ ᠭᠠᠵᠠᠷ ︵鲁 ᠤᠳᠤᠬᠢ ᠱᠠᠨᠳᠦ᠋ᠩ ᠤᠨ ᠡᠮᠦᠨᠡ ᠬᠡᠰᠡᠭ︶ ᠢ ᠵᠠᠬᠢᠷᠠᠭᠤᠯᠬᠤ ᠪᠠᠷ ᠦᠪᠡᠷ ᠤᠨ | ᠤᠤᠭᠠᠨ ᠬᠦᠪᠡᠬᠦᠨ ᠪᠦᠸᠧ ᠴᠢᠨ ︵伯禽︶ ᠬᠡᠮᠡᠭᠴᠢ ᠪᠠᠨ ᠲᠤᠮᠢᠯᠠᠪᠠ︾ ᠭᠡᠵᠡᠢ᠂ ᠡᠶᠢᠮᠦ ᠠᠴᠠ ᠲᠡᠤᠬᠡᠴᠢᠳ | ᠯᠤ᠋ ᠭᠠᠵᠠᠷ ᠤᠨ ᠬᠠᠮᠤᠭ ᠠᠩᠬᠠᠨ ᠤ ᠡᠵᠡᠨ ᠪᠤᠯ ᠪᠦᠸᠧ ᠴᠢᠨ ᠪᠤᠯᠤᠨᠠ ᠭᠡᠵᠦ ᠦᠵᠡᠳᠡᠭ᠃ | ᠤᠳᠤᠬᠢ ᠱᠠᠨᠳᠦ᠋ᠩ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠪᠠᠰᠠ ᠨᠢᠭᠡ ᠲᠡᠤᠬᠡᠲᠦ ᠬᠦᠮᠦᠨ ᠪᠤᠯ ᠪᠠᠷᠠᠭᠤᠨ ᠵᠸᠦ ᠤᠯᠤᠰ | ᠤᠨ ᠲᠤᠯᠭᠤᠷ ᠲᠦᠷᠦ ᠢ ᠴᠤᠭᠴᠠᠯᠠᠬᠤ ᠳᠤ ᠵᠸᠦ ᠸᠧᠨ ᠸᠠᠩ ︵周文王︶᠂ ᠵᠸᠦ ᠡᠤ ᠸᠠᠩ ︵周武王 | ︶ ᠢ ᠬᠠᠪᠰᠤᠷᠴᠤ ᠦᠯᠡᠮᠵᠢ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠴᠢ ᠭᠠᠵᠠᠷ ︵齐︶ ᠤᠨ ᠡᠵᠡᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡ | ᠵᠢᠶᠠᠩ ᠽᠢ ᠶᠠ ︵姜子牙᠂ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ -1128 ᠤᠨ ᠠᠴᠠ -1016 ᠡᠮᠦᠨᠡᠬᠢ | ᠤᠨ︶ ᠪᠤᠯᠤᠨᠠ᠃ ᠴᠢ ᠭᠠᠵᠠᠷ ᠪᠤᠯ ᠤᠳᠤᠬᠢ ᠱᠠᠨᠳᠦ᠋ᠩ ᠮᠤᠵᠢ ᠶᠢᠨ ᠬᠤᠶᠢᠲᠦ ᠬᠡᠰᠡᠭ ᠤᠨ ᠤᠷᠤᠨ ᠪᠤᠯᠤᠨᠠ᠃ | ᠡᠶᠢᠮᠦ ᠠᠴᠠ ᠲᠡᠤᠬᠡᠴᠢᠳ ᠵᠢᠶᠠᠩ ᠽᠢ ᠶᠠ ᠶᠢ ᠴᠢ ᠭᠠᠵᠠᠷ ᠢ ᠡᠭᠦᠰᠭᠡᠨ ᠴᠤᠭᠴᠠᠯᠠᠭᠴᠢ ᠭᠡᠵᠦ ᠦᠵᠡᠳᠡᠭ ᠶᠤᠮ᠃ | ᠵᠢᠶᠠᠩ ᠽᠢ ᠶᠠ ᠶᠢ ᠪᠠᠰᠠ ᠵᠢᠶᠠᠩ ᠲᠠᠢ ᠭᠦᠩ ︵姜太公︶ ᠭᠡᠳᠡᠭ᠂ ᠤᠤᠯ ᠤᠪᠤᠭ ᠨᠢ ᠯᠢᠤᠢ ︵吕︶᠂ | ᠨᠡᠷᠡ ᠨᠢ ᠱᠠᠩ ︵尚︶᠂ ᠪᠠᠰᠠ ᠨᠢᠭᠡ ᠨᠡᠷᠡ ᠨᠢ ᠸᠠᠩ ︵望︶ ᠭᠡᠳᠡᠭ ᠪᠦᠭᠡᠳ ᠡᠷᠭᠦᠭᠰᠡᠨ ᠨᠡᠷᠡ ︵字︶ | ᠨᠢ ᠽᠢ ᠶᠠ ︵子牙︶ ᠭᠡᠳᠡᠭ᠃ ᠡᠭᠦᠨ ᠳᠤ ᠲᠤᠳᠤᠷᠬᠠᠶᠢᠯᠠᠬᠤ ᠬᠡᠷᠡᠭᠲᠡᠢ ᠨᠢᠭᠡ ᠠᠰᠠᠭᠤᠳᠠᠯ ᠪᠤᠯ ᠵᠢᠶᠠᠩ ᠽᠢ | ᠶᠠ ᠪᠤᠯ ᠴᠢ ᠭᠠᠵᠠᠷ ︵齐︶ ᠤᠨ ᠡᠵᠡᠨ ᠪᠤᠯᠬᠤ ᠠᠴᠠ ᠪᠢᠰᠢ ᠯᠤ᠋ ᠭᠠᠵᠠᠷ ︵鲁︶ ᠤᠨ ᠡᠵᠡᠨ ᠪᠢᠰᠢ ᠶᠤᠮ᠃ | ︵39︶ ᠴᠧᠩ ᠸᠠᠩ 成王 —— ᠵᠸᠦ ᠤᠯᠤᠰ ᠤᠨ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠸᠠᠩ᠂ | ᠨᠡᠷᠡ ᠨᠢ ᠵᠢᠢ ᠰᠦᠩ ︵姬诵︶ ᠭᠡᠳᠡᠭ᠃ ᠲᠡᠷᠡ ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 1055 | ᠤᠨ —— ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 1021 ᠤᠨ ᠬᠦᠷᠲᠡᠯᠡ ᠠᠮᠢᠳᠤᠷᠠᠵᠦ ᠪᠠᠶᠢᠵᠠᠢ᠃ | ᠵᠸᠦ ᠤᠯᠤᠰ ᠤᠨ ᠡᠤ ᠸᠠᠩ ᠵᠢᠢ ᠹᠠ ︵姬发︶ ᠤᠨ ᠬᠦᠪᠡᠬᠦᠨ᠃ ᠵᠸᠦ ᠴᠧᠩ ᠸᠠᠩ ᠰᠠᠭᠤᠷᠢᠨ ᠳᠤ | ᠰᠠᠭᠠᠳᠠᠬᠤ ᠦᠶᠡ ᠳᠤ ᠨᠠᠰᠤ ᠪᠠᠭᠠ ᠲᠤᠯᠠ ᠵᠸᠦ ᠤᠯᠤᠰ ᠤᠨ ᠬᠡᠷᠬᠢᠮᠲᠡᠨ ᠵᠢᠢ ᠳ᠋ᠠᠨ ︵周公姬旦︶ | ᠬᠡᠮᠡᠭᠴᠢ ᠲᠦᠷᠦ ᠵᠠᠰᠠᠭ ᠢ ᠨᠢ ᠲᠤᠰᠠᠯᠠᠪᠠ᠃ ᠴᠧᠩ ᠸᠠᠩ ᠲᠦᠷᠦ ᠪᠠᠷᠢᠮᠠᠭᠴᠠ ᠰᠢᠨᠡ ᠨᠡᠶᠢᠰᠯᠡᠯ ᠯᠦᠸᠧ ᠢ ︵洛 | 邑 ᠤᠳᠤᠬᠢ ᠯᠦᠸᠧᠶᠠᠩ ᠬᠤᠲᠠ︶ ᠶᠢ ᠴᠤᠭᠴᠠᠯᠠᠭᠤᠯᠵᠦ᠂ ᠤᠯᠠᠨ ᠬᠦᠢ ᠶᠢ ᠶᠡᠬᠡᠪᠡᠷ ᠡᠷᠭᠦᠮᠵᠢᠯᠡᠨ᠂ ᠵᠡᠭᠦᠨᠰᠢ | ᠲᠠᠶᠢᠯᠠᠭᠰᠠᠨ ᠮᠦᠷᠲᠡᠭᠡᠨ ᠶᠤᠰᠤᠯᠠᠯ ᠬᠦᠭᠵᠢᠮ ᠢ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠦᠯᠪᠡ᠃ ᠲᠡᠷᠡ ᠭᠤᠴᠢᠨ ᠲᠠᠪᠤᠨ ᠨᠠᠰᠤᠲᠠᠢ | ᠳᠠᠭᠠᠨ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠶᠤᠮ᠃ | ︵40︶ ᠵᠸᠦ ᠤᠯᠤᠰ 周 —— ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 11 | ᠳ᠋ᠤᠭᠡᠷ ᠵᠠᠭᠤᠨ —— ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 256 ᠤᠨ ᠬᠦᠷᠲᠡᠯᠡ ᠤᠷᠤᠰᠢᠵᠦ | ᠪᠠᠶᠢᠭᠰᠠᠨ ᠲᠦᠷᠦ᠃ ᠵᠸᠦ ᠤᠯᠤᠰ ᠢ ᠵᠸᠦ ᠡᠤ ᠸᠠᠩ ᠵᠢᠢ ᠹᠠ ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠪᠠ᠃ ᠵᠸᠦ ᠤᠯᠤᠰ ᠨᠢ | ᠨᠡᠶᠢᠲᠡ 30 ᠦᠶᠡ ᠶᠢᠨ 37 ᠸᠠᠩ ᠭᠠᠷᠴᠤ ᠤᠷᠢᠳ ᠬᠤᠵᠢᠳ ᠨᠠᠢᠮᠠᠨ ᠵᠠᠭᠤᠨ ᠵᠢᠯ ᠤᠷᠤᠰᠢᠭᠰᠠᠨ ᠶᠤᠮ᠃ ᠵᠸᠦ | ᠤᠯᠤᠰ ᠨᠢ ᠪᠠᠷᠠᠭᠤᠨ ᠵᠸᠤ ᠤᠯᠤᠰ ︵ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 11 ᠵᠠᠭᠤᠨ ᠠᠴᠠ ᠨᠡᠶᠢᠲᠡ | ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 771 ᠤᠨ ᠬᠦᠷᠲᠡᠯᠡ︶ ᠪᠠ ᠵᠡᠭᠦᠨ ᠵᠸᠦ ᠤᠯᠤᠰ ︵ᠨᠡᠶᠢᠲᠡ ᠶᠢᠨ ᠤᠨ | ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 770 ᠤᠨ —— ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 256 ᠤᠨ | ᠬᠦᠷᠲᠡᠯᠡ︶ ᠭᠡᠬᠦ ᠬᠤᠶᠠᠷ ᠦᠶᠡ ᠳᠤ ᠬᠤᠪᠢᠶᠠᠭᠳᠠᠳᠠᠭ᠃ ᠵᠡᠭᠦᠨ ᠵᠸᠦ ᠤᠯᠤᠰ ᠨᠢ ᠪᠠᠰᠠ ᠬᠠᠪᠤᠷ ᠨᠠᠮᠤᠷ ︵春秋 | ︶ ᠤᠨ ᠴᠠᠭ ᠦᠶᠡ ᠬᠢᠭᠡᠳ ᠪᠠᠶᠢᠯᠳᠤᠭᠠᠨᠲᠦ ᠤᠯᠤᠰ ︵战国︶ ᠤᠨ ᠴᠠᠭ ᠦᠶᠡ ᠭᠡᠬᠦ ᠬᠤᠶᠠᠷ ᠴᠠᠭ ᠦᠶᠡ | ᠳᠤ ᠬᠤᠪᠢᠶᠠᠭᠳᠠᠳᠠᠭ ᠪᠢᠯᠠ᠃ ᠪᠦᠬᠦᠶᠢᠯᠡ ᠵᠸᠦ ᠤᠯᠤᠰ ᠨᠢ ᠪᠤᠭᠤᠯᠲᠦ ᠪᠠᠶᠢᠭᠤᠯᠤᠯᠲᠦ ᠲᠦᠷᠦ ᠪᠤᠯᠬᠤ ᠶᠤᠮ᠃ | ᠵᠸᠦ ᠤᠯᠤᠰ ᠨᠢ ᠵᠡᠭᠦᠨ ᠵᠸᠦ ᠤᠯᠤᠰ ᠤᠨ ᠵᠸᠦ ᠨᠠᠨ ︵周赧nǎn︶ ᠸᠠᠩ ᠤᠨ ᠪᠡᠶᠡ ᠲᠡᠭᠡᠷᠡ ᠮᠦᠬᠦᠪᠡ᠃ | ᠵᠸᠦ ᠤᠯᠤᠰ ᠮᠦᠬᠦᠭᠰᠡᠨ ᠤ ᠭᠤᠴᠢᠨ ᠲᠠᠪᠤᠨ ᠵᠢᠯ ᠤᠨ ᠲᠠᠷᠠᠭᠠ ᠨᠡᠶᠢᠲᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ | 221 ᠤᠨ ᠳᠤ ᠴᠢᠨ ᠤᠯᠤᠰ ᠤᠨ ᠸᠠᠩ ᠶᠢᠩ ᠵᠧᠩ ︵秦王嬴政︶ ᠵᠢᠷᠭᠤᠭᠠᠨ ᠤᠯᠤᠰ ᠢ | ᠮᠦᠬᠦᠭᠡᠵᠦ ᠴᠢᠨ ᠤᠯᠤᠰ ︵秦︶ ᠢ ᠪᠠᠶᠢᠭᠤᠯᠤᠭᠠᠳ ᠦᠪᠡᠷ ᠢ ᠪᠠᠨ ᠴᠢᠨ ᠱᠢ ᠬᠤᠸᠠᠩ ︵秦始皇᠂ | ᠴᠢᠨ ᠤᠯᠤᠰ ᠤᠨ ᠠᠩᠬᠠᠨ ᠤ ᠬᠠᠭᠠᠨ ᠭᠡᠰᠡᠨ ᠦᠭᠡ︶ ᠭᠡᠪᠡ᠃ | ︵41︶ ᠯᠤ᠋ ᠤᠯᠤᠰᠤᠨ ᠬᠡᠷᠬᠢᠮᠲᠡᠨ ᠬᠡᠮᠡᠨ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ 封於魯 —— ᠠᠳᠡ | ᠶᠤᠸᠠᠨ ᠤᠯᠤᠰ ᠤᠨ ᠲᠦᠪ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠨᠤᠶᠠᠳ ᠢ ᠯᠤ᠋ ᠸᠠᠩ | ᠡᠷᠭᠦᠮᠵᠢᠯᠡᠵᠦ ᠱᠠᠨᠳᠦ᠋ᠩ ᠭᠠᠵᠠᠷ ᠢ ᠦᠮᠴᠢᠯᠡᠭᠦᠯᠦᠨ ᠵᠠᠬᠢᠷᠠᠭᠤᠯᠤᠭᠰᠠᠨ ᠢ ᠵᠢᠭᠠᠵᠦ ᠪᠠᠶᠢᠨᠠ᠃ | ︵42︶ ᠪᠤᠭᠳᠠ ᠡᠷᠳᠡᠮᠲᠦ ᠭᠠᠶᠢᠬᠠᠮᠰᠢᠭᠲᠦ ᠭᠠᠪᠢᠶᠠᠲᠦ ᠤᠳᠬᠠᠴᠢ ᠴᠤᠭᠲᠦ ᠬᠠᠭᠠᠨ 聖德神 | 功文武皇帝 —— ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ ᠤ ᠨᠡᠬᠡᠨ ᠡᠷᠭᠦᠮᠵᠢᠯᠡᠭᠰᠡᠨ ᠴᠤᠯᠠ᠃ | ︵43︶ ᠬᠡᠷᠬᠢᠮᠲᠡᠨ ᠢ ᠡᠷᠭᠦᠮᠵᠢᠯᠡᠨ ᠸᠠᠩ ᠢ ᠪᠠᠶᠢᠭᠤᠯᠤᠭᠠᠳ 封侯建王 —— | ᠡᠨᠡ ᠪᠤᠯ ᠲᠠᠷᠤᠢ ᠡᠷᠲᠡᠨ ᠤ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ᠡᠷᠭᠦᠮᠵᠢᠯᠡᠯᠲᠦ ᠶᠤᠰᠤ — ᠲᠠᠷᠤᠢ ᠮᠠᠨ ᠤ ᠬᠢᠨ ᠤ ᠬᠡᠯᠡᠳᠡᠭ | ᠹᠸᠥᠳᠠᠯ ᠶᠤᠰᠤ ᠶᠢ ᠵᠢᠭᠠᠵᠦ ᠪᠠᠶᠢᠭᠠ ᠶᠤᠮ᠃ ᠡᠷᠲᠡᠨ ᠤ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ᠶᠤᠰᠤᠨ ᠳᠤ᠂ ᠡᠵᠡᠨ ᠬᠠᠭᠠᠨ | ᠠᠴᠠ ᠤᠯᠤᠰ ᠭᠦᠷᠦᠨ ᠢᠶᠠᠨ ᠡᠶᠡᠪᠡᠷ ᠵᠠᠰᠠᠬᠤ ᠶᠢᠨ ᠲᠦᠯᠦᠭᠡ ᠭᠠᠪᠢᠶᠠᠲᠦ ᠲᠦᠰᠢᠮᠡᠯ ᠪᠤᠶᠤ ᠲᠦᠷᠦᠯ ᠤᠭᠰᠠᠭᠠ | ᠶᠢᠨ ᠬᠦᠮᠦᠰ ᠲᠡᠭᠡᠨ ᠭᠠᠵᠠᠷ ᠨᠤᠲᠤᠭ ᠬᠢᠭᠡᠳ ᠬᠦᠮᠦᠨ ᠠᠷᠠᠳ ᠢ ᠬᠤᠪᠢᠳᠠᠨ ᠰᠤᠶᠤᠷᠬᠠᠵᠦ᠂ ᠲᠤᠬᠠᠢ ᠶᠢᠨ | ᠰᠤᠶᠤᠷᠬᠠᠯ ᠤᠨ ᠤᠷᠤᠨ ᠳᠤᠨᠢ ᠸᠠᠩ ᠬᠡᠮᠡᠨ ᠡᠷᠭᠦᠮᠵᠢᠯᠡᠯ ᠪᠠᠶᠢᠭᠤᠯᠤᠭᠠᠳ ᠬᠡᠰᠡᠭᠯᠡᠨ ᠵᠠᠬᠢᠷᠳᠠᠭ᠂ ᠡᠭᠦᠨ ᠢ | ᠡᠷᠭᠦᠮᠵᠢᠯᠡᠯᠲᠦ ᠶᠤᠰᠤᠨ ᠭᠡᠬᠦ ᠪᠤᠶᠤ ᠹᠸᠥᠳᠠᠯ ᠶᠤᠰᠤᠨ ᠭᠡᠳᠡᠭ ᠶᠤᠮ᠃ | ︵44︶ ᠠᠷᠠᠳ ᠢᠷᠭᠡᠳ ᠢᠶᠠᠨ ᠤᠯᠤᠰ ᠭᠦᠷᠦᠨ ᠲᠠᠢ ᠪᠤᠯᠭᠠᠭᠰᠠᠨ 有人民社稷 | —— ᠠᠳᠡ ᠬᠡᠷᠡᠭᠯᠡᠭᠰᠡᠨ ︽社稷︾ ᠭᠡᠳᠡᠭ ᠦᠭᠡ ᠨᠢ ᠤᠯᠤᠰ ᠭᠦᠷᠦᠨ ᠭᠡᠬᠦ ᠤᠳᠬᠠ ᠲᠠᠢ ᠶᠤᠮ᠃ | ︵45︶ ᠬᠦᠯᠦᠭ ᠵᠠᠬᠢᠷᠤᠭᠴᠢ ᠲᠦᠰᠢᠮᠡᠯ 司馬 —— ᠨᠤᠶᠠᠨ ᠲᠤᠰᠢᠶᠠᠯ᠃ ᠪᠠᠷᠠᠭᠤᠨ | ᠵᠸᠦ ᠤᠯᠤᠰ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ ᠡᠶᠢᠮᠦ ᠲᠤᠰᠢᠶᠠᠯ ᠢ ᠲᠦᠰᠢᠪᠡ᠃ ᠭᠤᠤᠯᠳᠠᠭᠤ ᠴᠡᠷᠢᠭ ᠤᠨ ᠴᠠᠭᠠᠵᠠ | ᠬᠢᠭᠡᠳ ᠴᠡᠷᠢᠭ ᠤᠨ ᠠᠯᠪᠠ ︵军政和军赋︶ ᠶᠢᠨ ᠠᠵᠢᠯ ᠢ ᠬᠠᠷᠢᠭᠤᠴᠠᠨ ᠬᠢᠳᠡᠭ᠃ ᠡᠭᠦᠨ ᠢ ᠪᠠᠰᠠ | ᠴᠡᠷᠢᠭ ᠤᠨ ᠵᠤᠷᠭᠠᠨ ᠤ ᠡᠷᠬᠢᠨ ᠰᠠᠶᠢᠳ ︵兵部尚书︶ ᠭᠡᠳᠡᠭ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠠᠬᠢ | ᠬᠦᠯᠦᠭ ᠵᠠᠬᠢᠷᠤᠭᠴᠢ ᠲᠦᠰᠢᠮᠡᠯ ᠭᠡᠳᠡᠭ ᠪᠤᠯ ᠲᠦᠷᠦᠯ ᠸᠠᠩ ᠨᠠᠷ ᠤᠨ ᠲᠤᠰᠠᠯᠠᠭᠴᠢ ᠶᠢᠨ ᠵᠠᠬᠢᠷᠭᠠ ︵诸王辅 | ︶ ᠪᠤᠶᠤ ᠲᠤᠲᠤᠭᠠᠳᠤ ᠪᠢᠴᠢᠭᠴᠢ ᠶᠢᠨ ᠬᠤᠷᠤᠭᠠ ︵内史府︶ ᠳᠤ ᠬᠠᠷᠢᠶᠠᠯᠭᠳᠠᠬᠤ ᠨᠤᠶᠠᠨ ᠲᠤᠰᠢᠶᠠᠯ | ᠪᠤᠯᠤᠨᠠ᠂ ᠲᠡᠰ ᠵᠡᠷᠭᠡᠮᠵᠢ ᠶᠢᠨ ᠲᠠᠯᠠ ᠪᠠᠷ ᠴᠢᠭ ᠲᠦᠷᠪᠡᠳᠦᠭᠡᠷ ᠵᠡᠷᠭᠡᠲᠡᠨ ︵正四品︶ ᠤ ᠨᠤᠶᠠᠨ ᠪᠠᠶᠢᠵᠦ᠂ | ᠭᠤᠤᠯᠳᠠᠭᠤ ᠬᠠᠷᠠᠭᠤᠯᠤᠨ ᠲᠤᠯᠭᠠᠵᠦ ᠬᠠᠷᠠᠭᠤᠯ ᠮᠠᠨᠠᠭᠠ ᠳᠤ ᠭᠠᠷᠬᠤ ︵检校门禁︶ ᠪᠠ ᠤᠷᠳᠤᠨ | ᠬᠤᠷᠤᠭᠠ ᠶᠢᠨ ᠬᠡᠷᠡᠭ ᠤᠴᠢᠷ ᠢ ᠶᠡᠷᠦᠩᠬᠡᠶᠢᠯᠡᠨ ᠬᠠᠷᠢᠭᠤᠴᠠᠳᠠᠳᠠᠭ ︵总统府事︶ ᠨᠤᠶᠠᠨ ᠲᠤᠰᠢᠶᠠᠯ | ᠪᠠᠶᠢᠪᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠧ ᠮᠠ ︵司马︶ ᠭᠡᠬᠦ ᠤᠪᠤᠭ ᠪᠠᠶᠢᠳᠠᠭ᠂ ᠡᠭᠦᠨ ᠢ ᠲᠠᠪᠬᠤᠷ | ᠤᠪᠤᠭ ᠭᠡᠳᠡᠭ ᠶᠤᠮ᠃ | ︵46︶ ᠮᠤᠷᠢᠴᠢ 木裡赤 —— ᠱᠠᠨᠳᠦ᠋ᠩ ᠤᠨ ᠵᠢᠨᠢᠩ ᠴᠦᠯᠭᠡ ᠶᠢᠨ ᠶᠦᠨᠴᠧᠩ | ᠰᠢᠶᠠᠨ ᠤ ᠲᠠᠷᠤᠭᠠᠴᠢ᠂ ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠤ ᠵᠠᠩᠵᠤᠨ ᠲᠠᠩᠭᠤᠳ ᠤᠪᠤᠭᠲᠦ ᠲᠦᠮᠡᠨᠲᠡᠢ ᠶᠢᠨ ᠲᠡᠭᠦᠦ᠃ ᠯᠤ᠋ | ᠸᠠᠩ ᠰᠠᠩᠭᠠᠪᠠᠯᠠ ᠶᠢᠨ ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠤ ᠬᠦᠯᠦᠭ ᠵᠠᠬᠢᠷᠤᠭᠴᠢ ᠵᠠᠩᠵᠦᠨ ︵武略將軍魯王司 | 馬︶ ᠪᠦᠭᠡᠳ ᠢᠩᠴᠠᠩ ᠴᠦᠯᠭᠡ᠂ ᠲᠡᠭᠦᠰ ᠠᠮᠦᠭᠤᠯᠠᠩ ᠴᠦᠯᠭᠡ ᠬᠢᠭᠡᠳ ᠵᠢᠨᠢᠩ ᠴᠦᠯᠭᠡ ᠶᠢᠨ ᠴᠡᠷᠢᠭ | ᠬᠤᠶᠠᠭ ᠤᠨ ᠬᠤᠯᠪᠤᠭᠠᠴᠢᠨ᠃ | ︵47︶ ᠬᠠᠤᠯᠢ ᠶᠢᠨ ᠲᠦᠰᠢᠮᠡᠯ 憲使 —— ᠡᠷᠲᠡᠨ ᠤ ᠬᠢᠲᠠᠳ ᠬᠡᠯᠡᠨ ᠳᠤ ︽宪使 | ︾ ᠭᠡᠳᠡᠭ ᠪᠤᠯ ᠬᠠᠤᠯᠢ ᠴᠠᠭᠠᠵᠠ ᠶᠢ ᠬᠠᠮᠢᠶᠠᠷᠳᠠᠭ ᠲᠦᠰᠢᠮᠡᠯ ᠢ ᠨᠡᠷᠡᠯᠡᠳᠡᠭ ᠶᠤᠮ᠃ | ︵48︶ ᠵᠡᠷᠭᠡ ᠵᠢᠩᠰᠡᠲᠡᠨ 縉紳 —— ᠡᠨᠡ ᠬᠤᠶᠠᠷ ᠦᠰᠦᠭ ᠢ ᠰᠢᠭᠤᠳ | ᠮᠢᠬᠠᠴᠢᠯᠠᠨ ᠤᠷᠴᠢᠭᠤᠯᠪᠠᠯ ︽ᠪᠠᠷᠢᠬᠤ缙︾ ᠪᠠ ︽ ᠪᠦᠰᠡᠯᠡᠬᠦ 绅︾ ᠭᠡᠰᠡᠨ ᠦᠭᠡ ᠶᠤᠮ᠃ ᠡᠷᠲᠡᠨ ᠤ | ᠬᠢᠲᠠᠳ ᠪᠢᠴᠢᠭ ᠲᠤ ᠡᠨᠡ ︽缙︾ ᠭᠡᠬᠦ ᠦᠰᠦᠭ ᠨᠢ ᠤᠯᠠᠭᠠᠨ ᠲᠤᠷᠭᠠ ᠶᠢ ᠨᠡᠷᠡᠯᠡᠳᠡᠭ ᠠᠴᠠ ᠭᠠᠳᠠᠨᠠ ᠪᠠᠰᠠ | ︽缙︾ ᠪᠠ ︽插︾ ᠨᠢ ᠠᠳᠠᠯᠢ ᠤᠳᠬᠠ ᠲᠠᠢ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶᠢᠭᠰᠠᠨ ᠲᠤᠯᠠ ︽插笏︾ ᠪᠤᠶᠤ | ᠮᠤᠩᠭᠤᠯᠴᠢᠯᠠᠪᠠᠯ ᠬᠤᠪᠠᠨ ᠪᠠᠷᠢᠬᠤ ᠭᠡᠰᠡᠨ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠭᠳᠡᠳᠡᠭ᠃ ︽笏︾ ᠭᠡᠳᠡᠭ ᠪᠤᠯ ᠬᠤᠯᠤᠰᠤ ᠪᠠᠷ | ᠬᠢᠭᠰᠡᠨ ᠬᠠᠪᠲᠠᠰᠤ ᠶᠢ ᠬᠡᠯᠡᠨᠡ᠂ ᠮᠤᠩᠭᠤᠯ ᠬᠡᠯᠡᠨ ᠳᠤ ᠡᠭᠦᠨ ᠢ ︽ᠬᠤᠪᠠᠨ︾ ᠭᠡᠳᠡᠭ᠃ ︽绅︾ ᠭᠡᠳᠡᠭ ᠪᠤᠯ | ᠲᠡᠷᠯᠢᠭ ᠤᠨ ᠭᠠᠳᠠᠭᠤᠷ ᠪᠦᠰᠡᠯᠡᠳᠡᠭ ᠦᠷᠬᠡᠨ ᠪᠦᠰᠡ ᠶᠢ ᠬᠡᠯᠡᠨᠡ᠃ ᠡᠷᠲᠡᠨ ᠤ ᠬᠠᠭᠠᠨᠲᠦ ᠲᠦᠷᠦ ᠶᠢᠨ ᠶᠤᠰᠤᠨ | ᠳᠤ ᠲᠦᠷᠦ ᠶᠢᠨ ᠪᠠᠷᠠᠬᠠᠯᠠᠯ ᠬᠢᠬᠦ ᠦᠶᠡ ᠳᠤ ᠨᠤᠶᠠᠳ ᠲᠦᠰᠢᠮᠡᠳ ᠭᠠᠷ ᠲᠠᠭᠠᠨ ᠬᠤᠪᠠᠨ ᠠᠳᠬᠤᠵᠦ ᠪᠦᠰᠡ ᠪᠠᠨ | ᠪᠦᠰᠡᠯᠡᠨ ᠬᠠᠭᠠᠨ ᠯᠤᠭᠠ ᠪᠠᠷᠠᠭᠠᠳᠠᠳᠠᠭ᠃ ᠵᠠᠷᠢᠮ ᠦᠶᠡ ᠳᠤ ᠠᠶᠢᠯᠠᠳᠬᠠᠬᠤ ᠴᠢᠬᠤᠯᠠ ᠲᠠᠢ ᠤᠴᠢᠷ ᠢᠶᠠᠨ ᠮᠠᠷᠲᠠᠬᠤ | ᠠᠴᠠ ᠪᠤᠯᠭᠤᠮᠵᠢᠯᠠᠵᠦ ᠬᠤᠪᠠᠨ ᠲᠡᠭᠡᠷᠡ ᠪᠠᠨ ᠪᠢᠴᠢᠳᠡᠭ᠃ ᠡᠶᠢᠨᠬᠦ ᠡᠨᠡ ᠦᠭᠡ ᠨᠢ ᠶᠠᠪᠠᠭᠠᠨ ᠳᠠᠭᠠᠨ ᠨᠤᠶᠠᠳ | ᠲᠦᠰᠢᠮᠡᠳ ᠢ ᠵᠢᠭᠠᠳᠠᠭ ᠲᠤᠰᠬᠠᠢ ᠨᠡᠷᠡ ᠪᠤᠯᠤᠭᠰᠠᠨ ᠲᠤᠯᠠ ᠮᠤᠩᠭᠤᠯ ᠬᠡᠯᠡᠨ ᠲᠡᠭᠡᠷᠡ ᠡᠭᠦᠨ ᠢ ᠵᠡᠷᠭᠡ ᠵᠢᠩᠰᠡᠲᠡᠨ | ᠭᠡᠵᠦ ᠨᠡᠷᠡᠯᠡᠳᠡᠭ ᠶᠤᠮ᠃ | ︵49︶ ᠪᠤᠭᠤᠷᠤᠯ ᠠᠭᠤᠯᠠᠰ ᠤᠭᠠᠯᠵᠢᠯᠠᠭᠰᠠᠨ ᠮᠦᠷᠡᠨ 山河帶礪 —— ᠡᠨᠡ | ᠦᠭᠡ ᠪᠤᠯ ᠰᠧ ᠮᠠ ᠴᠢᠶᠠᠨ司马迁 ᠤ ︽ᠰᠤᠳᠤᠷ ᠲᠡᠮᠳᠡᠭᠯᠡᠯ史记᠂ ᠦᠨᠳᠦᠷ ᠲᠡᠭᠡᠳᠦᠰ ᠤᠨ | ᠭᠠᠪᠢᠶᠠᠲᠦ ᠲᠦᠰᠢᠮᠡᠯ ᠪᠠ ᠬᠦᠢ ᠨᠤᠶᠠᠳ ᠤᠨ ᠤᠨ ᠤ ᠢᠯᠡᠳᠭᠡᠯ高祖功臣侯者年表︾ ᠶᠢᠨ | ᠲᠤᠲᠤᠷᠠᠬᠢ ︽ᠬᠡᠷᠬᠢᠮ ᠡᠷᠭᠦᠮᠵᠢᠯᠡᠭᠰᠡᠨ ᠲᠠᠩᠭᠠᠷᠢᠭ ᠲᠤᠷ ᠦᠭᠦᠯᠡᠷᠦᠨ᠄ ᠭᠤᠤᠯ ᠮᠦᠷᠡᠨ ᠪᠦᠰᠡ ᠮᠡᠲᠦ᠂ ᠠᠭᠤᠯᠠ | ᠨᠢᠷᠤᠭᠤᠳ ᠪᠢᠯᠡᠭᠦᠦ ᠠᠳᠠᠯᠢ᠂ ᠤᠯᠤᠰ ᠭᠦᠷᠦᠨ ᠤ ᠪᠠᠨ ᠦᠨᠢᠳᠡ ᠶᠢᠨ ᠠᠮᠤᠭᠤᠯᠠᠩ ᠢ ᠬᠦᠰᠡᠬᠦᠢ ᠢᠨᠦ᠂ ᠡᠩᠬᠦᠷᠢ | ᠦᠷᠡ ᠪᠠᠨ ᠬᠠᠶᠢᠷᠠᠯᠠᠬᠤ ᠮᠡᠲᠦ ᠪᠤᠶᠤ︾ ᠭᠡᠰᠡᠨ ᠦᠭᠡ ᠠᠴᠠ ᠤᠯᠠᠷᠢᠵᠦ ᠢᠷᠡᠭᠰᠡᠨ ᠶᠤᠮ᠃ ᠡᠭᠦᠨ ᠤ ᠤᠳᠬᠠ | ᠨᠢ ᠴᠠᠭ ᠬᠤᠭᠤᠴᠠᠭᠠ ᠬᠡᠳᠦᠢ ᠤᠷᠲᠦ ᠤᠳᠠᠭᠠᠨ ᠪᠠᠶᠢᠵᠦ ᠲᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠶᠠᠮᠠᠷ ᠤᠯᠠᠷᠢᠯ ᠬᠤᠪᠢᠰᠤᠯ ᠭᠠᠷᠤᠯᠠ | ᠴᠤ ᠭᠡᠰᠡᠨ ᠲᠦᠷᠦ ᠭᠦᠷᠦᠨ ᠤ ᠪᠠᠨ ᠲᠦᠯᠦᠭᠡ ᠵᠢᠳᠬᠦᠨ ᠴᠢᠷᠮᠠᠶᠢᠬᠤ ᠵᠢᠷᠦᠬᠡ ᠰᠡᠳᠭᠢᠯ ᠦᠴᠦᠬᠡᠨ ᠴᠤ | ᠬᠤᠪᠢᠷᠠᠬᠤ ᠦᠭᠡᠢ ᠭᠡᠰᠡᠨ ᠪᠠᠲᠦ ᠠᠨᠳᠠᠭᠠᠢ ᠲᠠᠯᠪᠢᠭᠰᠠᠨ ᠦᠭᠡ ᠪᠤᠯᠬᠤ ᠶᠤᠮ᠃ | ︵50︶ ᠲᠤᠯᠭᠤᠷ ᠲᠦᠷᠦ ᠪᠠᠨ ᠪᠠᠲᠤᠳᠠ ᠪᠠᠬᠢᠵᠢᠭᠦᠯᠬᠦᠶᠡ 維屏維翰 —— | ᠡᠨᠡ ᠦᠭᠡ ᠪᠤᠯ ︽ᠰᠢᠯᠦᠭᠯᠡᠯᠲᠦ ᠨᠤᠮ诗经᠂ ᠶᠡᠭᠡ ᠢᠷᠠᠭᠤ大雅︾ ᠶᠢᠨ ᠲᠤᠲᠤᠷᠠᠬᠢ ᠰᠢᠯᠦᠭ ᠤᠨ᠄ | ︽大邦维屏，大宗维翰，怀德维宁，宗子维城︾ ᠭᠡᠰᠡᠨ ᠦᠭᠡ | ᠶᠢᠨ ᠲᠤᠪᠴᠢᠯᠠᠯ ᠶᠤᠮ᠃ ᠤᠷᠴᠢᠭᠤᠯᠪᠠᠰᠤ᠄ ︽ᠶᠡᠭᠡ ᠬᠦᠢ ︵ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠪᠠᠭᠠ ᠪᠠᠭᠠ ᠤᠯᠤᠰ︶ | ᠬᠡᠮᠡᠭᠴᠢ ᠬᠠᠯᠬᠠᠪᠴᠢ ᠨᠦᠮᠦᠷᠢ ᠪᠤᠶᠤ᠂ ᠬᠠᠭᠠᠨ ᠤᠭᠰᠠᠭᠠ ᠬᠡᠮᠡᠭᠴᠢ ᠨᠢᠷᠤᠭᠤ ᠲᠤᠯᠭᠠᠭᠤᠷᠢ ᠪᠦᠯᠦᠭᠡ᠂ ᠠᠴᠢᠯᠠᠯ ᠢ | ᠦᠪᠡᠷᠴᠢᠯᠡᠪᠡᠰᠤ ᠲᠦᠪᠰᠢᠨ ᠠᠮᠤᠭᠤᠯᠠᠩ ᠪᠠᠳᠤᠵᠢᠵᠦ᠂ ᠤᠪᠤᠭ ᠤᠭᠰᠠᠭᠠ ᠬᠡᠮᠡᠭᠴᠢ ᠬᠠᠶᠢᠰᠠᠩ ᠬᠡᠷᠡᠮ ᠪᠤᠯᠠᠢ︾ | ᠭᠡᠰᠡᠨ ᠦᠭᠡ ᠪᠤᠯᠬᠤ ᠶᠤᠮ᠃ ᠡᠨᠡ ᠦᠭᠡ ᠶᠢᠨ ᠤᠳᠬᠠ ᠨᠢ ᠡᠯᠡ ᠬᠦᠢ ᠤᠯᠤᠰ ᠤᠨ ᠲᠦᠷᠦᠭᠦᠴᠦᠳ ᠡᠷᠬᠡᠪᠰᠢ | ᠡᠵᠡᠨ ᠬᠠᠭᠠᠨ ᠢᠶᠠᠨ ᠬᠦᠷᠢᠶᠡᠯᠡᠵᠦ᠂ ᠬᠠᠭᠠᠨ ᠤᠭᠰᠠᠭᠠ ᠶᠢᠨ ᠨᠤᠶᠠᠳ ᠬᠡᠷᠬᠢᠮᠲᠡᠳ ᠲᠦᠷᠦ ᠤᠯᠤᠰ ᠢᠶᠠᠨ | ᠬᠠᠮᠠᠭᠠᠯᠠᠵᠦ᠂ ᠲᠤᠯᠭᠤᠷ ᠲᠦᠷᠦ ᠪᠠᠨ ᠲᠡᠮᠦᠷ ᠬᠡᠷᠡᠮ ᠪᠤᠯᠤᠳ ᠬᠠᠨᠠ ᠮᠡᠲᠦ ᠪᠠᠲᠦ ᠪᠠᠬᠢ ᠪᠤᠯᠭᠠᠲᠤᠭᠠᠢ ᠭᠡᠰᠡᠨ | ᠰᠠᠨᠠᠭᠠ ᠶᠢ ᠢᠯᠡᠳᠭᠡᠭᠰᠡᠨ ᠶᠤᠮ᠃ | ︵51︶ ᠰᠠᠶᠢᠪᠡᠷ ᠵᠦᠪᠯᠡᠭᠴᠢ ᠲᠦᠰᠢᠶᠡ ᠲᠦᠰᠢᠮᠡᠯ 嘉議大夫 —— ᠰᠠᠶᠢᠪᠡᠷ | ᠵᠦᠪᠯᠡᠭᠴᠢ ᠭᠡᠳᠡᠭ ᠪᠤᠯ ᠰᠠᠶᠢᠨ ᠰᠠᠶᠢᠬᠠᠨ ᠰᠠᠨᠠᠯ ᠰᠠᠨᠠᠭᠤᠯᠭᠠ ᠶᠢ ᠲᠤᠷᠠᠳᠤᠨ ᠭᠠᠷᠭᠠᠵᠦ ᠲᠦᠷᠦ ᠶᠢᠨ ᠬᠡᠷᠡᠭ ᠢ | ᠵᠦᠪᠯᠡᠭᠴᠢ ᠭᠡᠰᠡᠨ ᠦᠭᠡ ᠶᠤᠮ᠂ ᠲᠦᠰᠢᠶᠡ ᠲᠦᠰᠢᠮᠡᠯ ᠭᠡᠳᠡᠭ ᠪᠤᠯ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠪᠤᠯᠳᠠᠭ ᠶᠡᠭᠡ | ᠲᠦᠰᠢᠮᠡᠯ ᠢ ᠬᠡᠯᠡᠨᠡ᠃ ᠶᠤᠸᠠᠨ ᠤᠯᠤᠰ ᠤᠨ ᠪᠢᠴᠢᠭ ᠤᠨ ᠰᠤᠯᠠ ᠰᠠᠶᠢᠳ ᠤᠨ ᠲᠤᠰᠢᠶᠠᠯ᠂ ᠡᠨᠡ ᠨᠤᠶᠠᠨ | ᠲᠤᠰᠢᠶᠠᠯ ᠨᠢ ᠶᠤᠸᠠᠨ ᠤᠯᠤᠰ ᠤᠨ ᠪᠢᠴᠢᠭ ᠤᠨ ᠰᠠᠶᠢᠳ ᠤᠨ ᠲᠤᠰᠢᠶᠠᠯ ᠤᠨ ᠲᠦᠴᠢᠨ ᠬᠤᠶᠠᠷ ᠲᠡᠭᠲᠡᠷ ᠲᠠᠬᠢ | ᠠᠷᠪᠠᠨ ᠲᠤᠯᠤᠳᠤᠭᠠᠷ ᠲᠤᠨᠢ ᠤᠷᠤᠵᠦ᠂ ᠨᠤᠶᠠᠨ ᠲᠤᠰᠢᠶᠠᠯ ᠤᠨ ᠲᠡᠰ ᠵᠡᠷᠭᠡ ᠶᠢᠨ ᠲᠠᠯᠠ ᠪᠠᠷ ᠴᠢᠭ ᠭᠤᠷᠪᠠᠳᠤᠭᠠᠷ | ᠵᠡᠷᠭᠡᠲᠡᠨ ᠳᠤ ᠪᠠᠶᠢᠷᠢᠰᠢᠳᠠᠭ᠃ ᠡᠶᠢᠮᠦ ᠠᠴᠠ ᠲᠡᠭᠦᠨ ᠢ ᠲᠤᠩᠬᠠᠭ ᠢᠶᠠᠷ ᠲᠤᠮᠢᠯᠠᠳᠠᠭ ︵宣授 ᠬᠠᠭᠠᠨ ᠡᠵᠡᠨ | ᠰᠢᠭᠤᠳ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠲᠤᠮᠢᠯᠠᠬᠤ ᠪᠢᠰᠢ᠂ ᠬᠠᠷᠢᠨ ᠬᠠᠭᠠᠨ ᠤ ᠵᠦᠪᠰᠢᠶᠡᠷᠡᠯ ᠢᠶᠠᠷ ᠲᠦᠷᠦ ᠶᠢᠨ ᠵᠤᠷᠭᠠᠨ | ᠠᠴᠠ ᠲᠤᠳᠢᠶᠠ ᠪᠢᠴᠢᠭ ᠪᠠᠭᠤᠯᠭᠠᠨ ᠲᠤᠮᠢᠯᠠᠬᠤ ᠶᠢ ᠬᠡᠯᠡᠨᠡ︶ ᠪᠦᠭᠡᠳ ᠪᠤᠷᠤ ᠲᠡᠷᠯᠢᠭ ︵服紫︶ | ᠬᠡᠲᠡᠷᠡᠭᠦᠯᠳᠡᠭ᠃ ᠡᠨᠡ ᠲᠤᠰᠢᠶᠠᠯ ᠢ ᠠᠯᠲᠠᠨ ᠤᠯᠤᠰ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ ᠲᠦᠰᠢᠵᠦ᠂ ᠶᠤᠸᠠᠨ ᠤᠯᠤᠰ | ᠬᠢᠭᠡᠳ ᠮᠢᠩ ᠤᠯᠤᠰ ᠴᠦᠮ ᠶᠤᠰᠤᠴᠢᠯᠠᠨ ᠲᠦᠰᠢᠪᠠ᠂ ᠭᠡᠪᠡᠴᠦ ᠴᠢᠩ ᠤᠯᠤᠰ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠵᠠᠢ᠃ | ︵52︶ ᠠᠭᠤᠷᠤᠭ 奧魯 —— ᠴᠡᠷᠢᠭ ᠠᠩᠬᠢ ᠶᠢᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢᠨ | ᠨᠡᠷᠡ᠃ ᠬᠦᠢᠰᠤ ᠨᠤᠲᠤᠭ ᠪᠤᠶᠤ ᠭᠤᠯᠤᠮᠲᠠ ᠤᠷᠤᠨ ᠭᠡᠰᠡᠨ ᠦᠭᠡ᠂ ᠮᠤᠩᠭᠤᠯ ᠤᠨ ᠴᠡᠷᠢᠭ ᠲᠠᠶᠢᠯᠠᠨ ᠪᠠᠶᠢᠯᠳᠤᠬᠤ | ᠦᠶᠡ ᠳᠡᠭᠡᠨ ᠬᠦᠭᠰᠢᠨ ᠨᠠᠰᠤᠲᠠᠨ ᠬᠢᠭᠡᠳ ᠬᠡᠤᠬᠡᠳ ᠨᠢᠯᠬᠠ ᠵᠢᠴᠢ ᠠᠴᠢᠶᠠ ᠬᠦᠰᠭᠡ ᠪᠠᠨ ᠠᠷᠤ ᠲᠠᠯᠠ ᠳᠠᠭᠠᠨ | ᠲᠠᠯᠪᠢᠨ ᠬᠤᠨᠤᠭ ᠪᠠᠭᠤᠴᠠ ᠪᠠᠨ ᠪᠤᠯᠭᠠᠵᠦ ᠰᠠᠬᠢᠨ ᠬᠠᠮᠠᠭᠠᠯᠠᠳᠠᠭ ᠰᠠᠭᠤᠷᠢᠨ ᠭᠠᠵᠠᠷ ᠢ ᠠᠭᠤᠷᠤᠭ ᠭᠡᠳᠡᠭ᠃ | ︵53︶ ᠯᠢᠦ ᠴᠧᠩ ᠽᠦ 劉承祖 —— ᠶᠤᠸᠠᠨ ᠤᠯᠤᠰ ᠤᠨ ᠯᠤ᠋ ᠸᠠᠩ | ᠰᠠᠩᠭᠠᠪᠠᠯᠠ ᠶᠢᠨ ᠦᠶᠡ ᠳᠤ ᠵᠠᠷᠯᠢᠭ ᠢᠶᠠᠷ ᠱᠠᠨᠳᠦ᠋ᠩ ᠤᠨ ᠵᠢᠨᠢᠩ ᠴᠦᠯᠭᠡ ᠶᠢᠨ ᠪᠦᠬᠦ ᠠᠵᠢᠯ ᠢ ᠪᠡᠶᠡᠳᠡᠨ | ᠬᠠᠷᠢᠭᠤᠴᠠᠵᠦ ᠪᠠᠶᠢᠭᠰᠠᠨ ᠯᠤ᠋ ᠸᠠᠩ ᠤᠨ ᠰᠠᠶᠢᠳ ᠤᠨ ᠬᠤᠷᠤᠭᠠ ᠶᠢᠨ ᠲᠦᠰᠢᠮᠡᠯ᠃ ᠲᠤᠰ ᠭᠡᠷᠡᠯᠲᠦ ᠬᠦᠰᠢᠶᠡᠨ ᠤ | ᠪᠢᠴᠢᠭ ᠲᠠᠬᠢ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠯᠢᠦ ᠴᠧᠩ ᠽᠦ ᠭᠡᠳᠡᠭ ᠬᠦᠮᠦᠨ ᠰᠠᠶᠢᠪᠡᠷ ᠵᠦᠪᠯᠡᠭᠴᠢ ᠲᠦᠰᠢᠶᠡ | ᠲᠦᠰᠢᠮᠡᠯ ᠪᠠᠶᠢᠭᠰᠠᠨ ᠪᠦᠭᠡᠳ ᠯᠤ᠋ ᠸᠠᠩ ᠤᠨ ᠢᠲᠡᠭᠡᠯᠲᠦ ᠲᠦᠰᠢᠮᠡᠯ ᠪᠠᠶᠢᠵᠠᠢ᠃ | ︵54︶ ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠦ ᠵᠠᠩᠵᠦᠨ ᠯᠤ᠋ ᠸᠠᠩ ᠤᠨ ᠬᠦᠯᠦᠭ ᠵᠠᠬᠢᠷᠤᠭᠴᠢ ᠲᠦᠰᠢᠮᠡᠯ 武略 | 將軍魯王司馬 —— ᠡᠨᠡ ᠪᠤᠯ ᠴᠢᠩᠬᠢᠰ ᠬᠠᠭᠠᠨ ᠪᠠᠷᠠᠭᠤᠨ ᠲᠠᠩᠭᠤᠳ ᠤᠯᠤᠰ ᠢ | ᠮᠦᠬᠦᠭᠡᠭᠰᠡᠨ ᠤ ᠲᠠᠷᠠᠭᠠ ᠮᠤᠩᠭᠤᠯ ᠴᠡᠷᠢᠭ ᠢ ᠲᠠᠭᠠᠵᠦ ᠢᠷᠡᠭᠡᠳ ᠢᠩᠴᠠᠩ ᠤᠨ ᠬᠤᠮ ᠤᠨ ᠠᠮᠰᠠᠷ ᠬᠡᠮᠡᠬᠦ ᠭᠠᠵᠠᠷ | ᠲᠤ ᠨᠤᠲᠤᠭᠰᠢᠵᠦ ᠪᠠᠶᠢᠭᠠᠳ ᠰᠡᠭᠦᠯᠡᠷ ᠨᠢ ᠯᠤ᠋ ᠸᠠᠩ ᠤᠨ ᠢᠲᠡᠭᠡᠯᠲᠡᠨ ᠪᠤᠯᠵᠦ ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠦ ᠵᠠᠩᠵᠦᠨ | ᠡᠷᠭᠦᠮᠵᠢᠯᠡᠭᠳᠡᠭᠡᠳ ᠱᠠᠨᠳᠦ᠋ᠩ ᠤᠨ ᠵᠢᠨᠢᠩ ᠳᠤ ᠨᠤᠲᠤᠭᠰᠢᠭᠰᠠᠨ ᠲᠠᠩᠭᠤᠳ ᠤᠪᠤᠭᠲᠦ ︵唐兀氏︶ | ᠲᠦᠮᠡᠨᠲᠡᠢ ︵秃满台︶ ᠬᠢᠭᠡᠳ ᠲᠡᠭᠦᠨ ᠤ ᠭᠡᠷ ᠤᠭᠰᠠᠭᠠ ᠶᠢ ᠵᠢᠭᠠᠵᠦ ᠪᠠᠶᠢᠬᠤ ᠶᠤᠮ᠃ ᠲᠦᠮᠡᠨᠲᠠᠢ ᠶᠢᠨ | ᠡᠪᠦᠭᠡ ᠨᠢ ᠬᠦᠰᠡ ︵赫思︶ ᠭᠡᠰᠡᠨ ᠨᠡᠷᠡᠲᠡᠢ᠂ ᠲᠠᠩᠭᠤᠳ ᠤᠯᠤᠰ ︵西夏︶ ᠤᠨ ᠬᠠᠲᠤᠨ ᠭᠤᠤᠯ ᠤᠨ | ᠪᠠᠷᠠᠭᠤᠨᠳᠠᠬᠢ ᠬᠦᠮᠦᠨ᠂ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠤᠨ ᠠᠯᠴᠤ ᠨᠤᠶᠠᠨ ᠤ ᠬᠦᠪᠡᠬᠦᠨ ᠨᠠᠴᠢᠨ ︵纳陈︶ ᠸᠠᠩ ᠤᠨ | ᠬᠠᠷᠢᠶᠠᠲᠤ ᠪᠤᠯᠵᠦ ᠢᠩᠴᠠᠩ ᠤᠨ ᠬᠤᠮ ᠤᠨ ᠠᠮᠰᠠᠷ ︵虎门口︶ ᠭᠡᠳᠡᠭ ᠭᠠᠵᠠᠷ ᠨᠤᠲᠤᠭᠰᠢᠨ ᠰᠠᠭᠤᠵᠦ | ᠴᠡᠷᠢᠭ ᠤᠨ ᠠᠯᠪᠠᠨ ᠳᠤ ᠦᠢᠯᠡᠴᠢᠯᠡᠵᠦ ᠪᠠᠶᠢᠪᠠ ︵ᠡᠨᠡ ᠦᠶᠡ ᠳᠤ ᠦᠨᠡᠨᠳᠡᠭᠡᠨ ᠢᠩᠴᠠᠩ ᠬᠤᠲᠠ | ᠴᠤᠭᠴᠠᠯᠠᠭᠳᠠᠭᠠᠳᠤᠢ ᠪᠠᠶᠢᠪᠠ — ᠤᠷᠴᠢᠭᠤᠯᠤᠨ ᠲᠠᠶᠢᠯᠪᠦᠷᠢᠯᠠᠭᠴᠢ ᠠᠴᠠ︶᠃ ᠰᠢᠷᠠᠭᠴᠢᠨ ᠬᠤᠨᠢᠨ ᠵᠢᠯ ︵ | 1259 ᠤᠨ︶ ᠳᠤ ᠮᠤᠩᠭᠤᠯ ᠴᠡᠷᠢᠭ ᠡᠮᠦᠨᠡᠰᠢ ᠲᠠᠶᠢᠯᠠᠬᠤ ᠳᠤ ᠨᠠᠴᠢᠨ ᠸᠠᠩ ᠤᠨ ᠵᠠᠬᠢᠷᠤᠯ ᠲᠤᠤᠷᠠ ᠱᠠᠨᠳᠦ᠋ᠩ᠂ | ᠾᠧᠨᠠᠨ ᠢ ᠬᠤᠷᠢᠶᠠᠨ ᠲᠤᠭᠲᠠᠭᠠᠬᠤ ᠳᠤ ᠬᠦᠰᠡ ᠬᠡᠮᠡᠭᠴᠢ ᠶᠡᠭᠡ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠲᠤᠯᠠ ᠨᠠᠴᠢᠨ ᠸᠠᠩ ᠤᠨ | ᠢᠲᠡᠭᠡᠯᠲᠡᠨ ᠪᠤᠯᠤᠭᠰᠠᠨ ᠠᠴᠠ ᠱᠠᠨᠳᠦ᠋ᠩ ᠤᠨ ᠴᠠᠩ ᠢ ︵昌邑︶ ᠭᠠᠵᠠᠷ ᠢ ᠰᠠᠬᠢᠨ ᠰᠠᠭᠤᠯᠭᠠᠪᠠ᠃ | ᠲᠦᠮᠡᠨᠲᠡᠢ ᠶᠢᠨ ᠡᠴᠢᠭᠡ ᠨᠢ ᠶᠤᠤᠵᠦ ︵咬住︶ ᠭᠡᠳᠡᠭ᠂ ᠲᠡᠷᠡ ᠨᠤᠶᠠᠨ ᠰᠠᠭᠤᠭᠰᠠᠨ ᠦᠭᠡᠢ᠂ ᠲᠠᠯᠠᠨ | ᠨᠠᠰᠤᠯᠠᠵᠠᠢ᠃ ᠶᠤᠤᠵᠦ ᠠᠴᠠ ᠭᠤᠷᠪᠠᠨ ᠬᠦᠪᠡᠬᠦᠨ ᠲᠠᠢ᠂ ᠠᠬᠠᠮᠠᠳ ᠬᠦᠪᠠᠬᠦᠨ ᠨᠢ ᠲᠦᠮᠡᠨᠲᠡᠢ᠂ ᠲᠡᠳ᠋ ᠬᠦᠪᠡᠬᠦᠨ | ᠨᠢ ᠮᠤᠷᠢᠴᠢ ︵睦里赤︶᠂ ᠤᠳᠬᠠᠨ ᠬᠦᠪᠠᠬᠦᠨ ᠨᠢ ᠱᠠᠳᠤᠳᠠᠷ ︵设都戴尔︶ ᠭᠡᠳᠡᠭ᠃ | ᠲᠦᠮᠡᠨᠲᠡᠢ ᠯᠤ᠋ ᠸᠠᠩ ᠤᠨ ᠲᠤᠮᠢᠯᠠᠯᠲᠠ ᠪᠠᠷ ᠶᠦᠨᠴᠧᠩ ᠰᠢᠶᠠᠨ ︵郓城县︶ ᠤ ᠲᠠᠷᠤᠭᠠᠴᠢ ᠲᠦᠰᠢᠭᠳᠡᠭᠰᠡᠨ | ᠶᠤᠮ᠃ ᠬᠡᠰᠢᠭᠲᠡᠨ ᠠᠴᠠ ᠨᠡᠭᠦᠵᠦ ᠤᠴᠢᠭᠰᠠᠨ ᠬᠦᠰᠡ ᠬᠢᠭᠡᠳ ᠲᠡᠭᠦᠨ ᠲᠠᠢ ᠬᠠᠮᠲᠦ ᠵᠢᠨᠢᠩ ᠳᠤ ᠬᠤᠴᠤᠷᠠᠭᠰᠠᠨ | ᠭᠤᠷᠪᠠᠨ ᠮᠢᠩᠭᠠ ᠭᠠᠷᠤᠢ ᠡᠷᠤᠬᠡ ᠶᠢᠨ ᠮᠤᠩᠭᠤᠯ ᠴᠡᠷᠢᠭ ᠤᠨ ᠦᠷᠡ ᠬᠤᠶᠢᠴᠢᠰ ᠤᠳᠤ ᠴᠦᠮ ᠱᠠᠨᠳᠦ᠋ᠩ ᠤᠨ | ᠡᠯᠡ ᠭᠠᠵᠠᠷ ᠲᠤ ᠲᠦᠭᠡᠭᠡᠨ ᠲᠠᠷᠬᠠᠵᠦ ᠪᠤᠢ᠃ ᠡᠨᠡ ᠬᠡᠰᠡᠭ ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠤᠨ ᠪᠠᠷᠢᠮᠲᠠ ᠪᠢᠴᠢᠭ ᠢ ᠬᠤ᠋ ᠽᠦ | ᠭᠤᠸᠠᠩ ︵胡祖广︶ ᠤᠨ ᠪᠢᠴᠢᠭᠰᠡᠨ ︽ᠪᠠᠭᠠᠲᠤᠷ ᠪᠤᠳᠤᠯᠭᠠᠲᠤ ᠵᠠᠩᠵᠤᠨ ᠵᠢᠨᠢᠩ ᠴᠦᠯᠭᠡ ᠶᠢᠨ ᠶᠡᠷᠦᠩᠬᠢ | ᠵᠠᠬᠢᠷᠭᠠ ᠶᠢᠨ ᠬᠤᠷᠤᠭᠠ ᠶᠢᠨ ᠲᠠᠷᠤᠭᠠᠴᠢ ᠶᠢᠨ ᠲᠡᠭᠡᠳᠤᠰ ᠤᠨ ᠤᠩᠭᠤᠨ ᠤ ᠪᠤᠳᠢ ᠮᠦᠷ ᠤᠨ ᠬᠦᠰᠢᠶᠡᠨ ᠪᠢᠴᠢᠭ ︵武 | 略将军济宁路总管府达鲁花赤先茔神道碑︶︾ ᠭᠡᠬᠦ ᠪᠢᠴᠢᠭ | ᠲᠤ ᠯᠠᠪᠯᠠᠭᠠᠷᠠᠢ᠃ ᠲᠤᠰ ᠪᠤᠳᠢ ᠮᠦᠷ ᠤᠨ ᠬᠦᠰᠢᠶᠡᠨ ᠤ ᠪᠢᠴᠢᠭ ᠨᠢ ᠱᠠᠨᠳᠦ᠋ᠩ ᠤᠨ ︽ᠵᠢᠦᠢ ᠶᠧ ᠰᠢᠶᠠᠨ ᠤ | ᠤᠶᠢᠯᠠᠯᠭᠠ ︵巨野县志︶︾ ᠶᠢᠨ ᠬᠤᠷᠢᠳᠤᠭᠠᠷ ᠪᠤᠳᠢ ᠳᠠᠬᠢ ᠬᠦᠷᠡᠯ ᠴᠢᠯᠠᠭᠤᠨ ︵金石︶ ᠤ | ᠪᠦᠯᠦᠭ ᠲᠤ ᠪᠤᠢ᠃ | | | | |