| | | | | | ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ︵1801 —1854︶᠄19 ᠳ᠋ᠤᠭᠡᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠤᠩᠭᠤᠯ | ᠤᠳᠬᠠ ᠰᠤᠶᠤᠯ ᠤᠨ ᠵᠢᠳᠭᠦᠯᠲᠡᠨ ᠪᠦᠭᠡᠳ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠮᠥᠨ᠃ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ | ᠰᠠᠶᠢᠰᠢᠶᠠᠯᠳᠤ ᠢᠷᠦᠭᠡᠯᠲᠦ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ᠂ ᠴᠠᠭᠠᠭᠴᠢᠨ ᠳᠠᠬᠢᠶᠠ ᠵᠢᠯ ︵1801 ᠤᠨ︶ ᠤᠤᠯ ᠤᠨ | ᠤᠯᠠᠭᠠᠨᠴᠠᠪ ᠤᠨ ᠴᠢᠭᠤᠯᠭᠠᠨ ᠤ ᠤᠷᠠᠳ ᠤᠨ ᠪᠠᠷᠠᠭᠤᠨ ᠬᠦᠩ ᠤᠨ ᠬᠤᠰᠢᠭᠤᠨ ︵ᠤᠳᠤ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠳᠠ | ᠶᠢᠨ ᠤᠷᠠᠳ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤ︶ ᠤ ᠠᠷᠪᠠᠨ ᠭᠤᠷᠪᠠᠳᠠᠭᠴᠢ ᠵᠠᠰᠠᠭ᠂ ᠤᠯᠤᠰ ᠤᠨ ᠲᠦᠰᠢᠶᠡ ᠬᠦᠩ | ᠪᠦᠭᠡᠳ ᠴᠢᠭᠤᠯᠭᠠᠨ ᠤ ᠳᠠᠷᠢᠬᠦᠨ ᠨᠤᠶᠠᠨ ᠠᠭᠰᠠᠨ ᠪᠠᠳᠤᠸ᠋ᠴᠢᠷ ︵1767 —1834︶ ᠤᠨ ᠭᠤᠳᠠᠭᠠᠷ | ᠬᠦᠪᠡᠬᠦᠨ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ ᠡᠵᠢ ᠨᠢ ᠬᠦᠨᠵᠢᠨᠪᠠᠯᠮᠤ ᠭᠡᠳᠡᠭ᠃ ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ᠳᠤᠯᠤᠭᠠᠨ ᠨᠠᠰᠤᠨ | ᠠᠴᠠ ᠪᠠᠨ ᠡᠬᠢᠯᠡᠨ ᠳᠤᠰ ᠬᠤᠰᠢᠭᠤᠨ ᠤ ᠮᠡᠶᠢᠷᠡᠨ ᠨᠤᠶᠠᠨ ᠰᠠᠨᠳᠠᠰᠢ᠂ ᠬᠦᠩ ᠤᠨ ᠰᠦᠮᠡ ᠶᠢᠨ ᠬᠡᠯᠦᠩ ᠳᠤᠩᠷᠤᠪ | ᠵᠡᠷᠭᠡ ᠯᠠᠮᠠ ᠬᠠᠷᠠ ᠪᠢᠴᠢᠭᠲᠡᠨ ᠠᠴᠠ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠰᠤᠷᠴᠤ ᠨᠡᠯᠢᠶᠡᠳ ᠮᠡᠷᠭᠡᠵᠢᠭᠰᠡᠨ ᠤ ᠬᠠᠮᠳᠤ ᠮᠥᠨ | ᠳᠤᠰ ᠬᠤᠰᠢᠭᠤᠨ ᠤ ᠮᠡᠷᠭᠡᠨ ᠬᠡᠶᠢᠳ ᠤᠨ ᠴᠣᠷᠵᠢ ᠪᠠᠭᠰᠢ ᠷᠠᠰᠠᠩ ᠳ᠋ᠠ ᠯᠠᠮᠠ ᠵᠡᠷᠭᠡ ᠯᠠᠮᠠ ᠡᠷᠳᠡᠮᠳᠡᠳ ᠠᠴᠠ | ᠪᠤᠷᠬᠠᠨ ᠤ ᠱᠠᠰᠢᠨ ᠰᠤᠷᠭᠠᠯ ᠢ ᠪᠠᠭᠳᠠᠭᠠᠭᠰᠠᠨ ᠤᠯᠠᠨ ᠳᠠᠯᠠ ᠶᠢᠨ ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ | ᠪᠠᠶᠢᠨᠠ᠃ ᠠᠷᠪᠠ ᠶᠢᠰᠦᠲᠡᠢ ᠳᠤ ᠪᠠᠨ ᠬᠤᠰᠢᠭᠤ ᠵᠠᠰᠠᠭ ᠤᠨ ᠪᠢᠴᠢᠭᠡᠴᠢ ᠪᠤᠯᠵᠤ᠂ ᠭᠤᠴᠢᠨ ᠲᠦᠷᠪᠡᠲᠡᠢ ᠳᠤ ᠪᠠᠨ | ︵1834 ᠤᠨ︶ ᠳᠤᠰ ᠵᠢᠯ ᠳᠤ ᠨᠠᠰᠣ ᠪᠠᠷᠠᠭᠰᠠᠨ ᠡᠴᠢᠭᠡ ᠨᠤᠶᠠᠨ ᠤ ᠪᠠᠨ ᠵᠡᠷᠭᠡ ᠬᠡᠷᠭᠡᠮ ᠢ ᠵᠠᠯᠭᠠᠮᠵᠢᠯᠠᠵᠤ | ᠤᠷᠠᠳ ᠤᠨ ᠪᠠᠷᠠᠭᠤᠨ ᠬᠦᠩ ᠤᠨ ᠬᠤᠰᠢᠭᠤᠨ ᠤ ᠠᠷᠪᠠᠨ ᠲᠦᠷᠪᠡᠳᠡᠬᠢ ᠵᠠᠰᠠᠭ᠂ ᠤᠯᠤᠰ ᠤᠨ ᠲᠦᠰᠢᠶᠡ ᠬᠦᠩ | ᠪᠤᠯᠪᠠ᠃ ᠲᠦᠴᠢᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳᠤ ᠪᠠᠨ ᠬᠡᠳᠡᠰᠦ ᠬᠦᠭᠡᠭᠡᠵᠦ ᠲᠦᠬᠦᠷᠬᠦ ᠠᠷᠬᠠᠭ ᠲᠤ ᠨᠡᠷᠪᠡᠭᠳᠡᠵᠦ ᠶᠡᠷᠦ | ᠨᠢ ᠢᠯᠡᠷᠢ ᠪᠤᠯᠵᠤ ᠦᠭᠬᠦ ᠦᠭᠡᠢ ᠪᠠᠶᠢᠭᠰᠠᠭᠠᠷ ᠲᠦᠭᠡᠮᠡᠯ ᠡᠯᠪᠡᠭᠲᠦ ᠶᠢᠨ ᠲᠦᠷᠪᠡᠲᠦᠭᠡᠷ ᠤᠨ ︵1854︶ ᠳᠤ | ᠳᠠᠪᠢᠨ ᠲᠦᠷᠪᠡᠳᠡᠢ ᠨᠠᠰᠤ ᠪᠠᠷᠠᠪᠠ᠃ ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ᠬᠦᠩ ᠤᠨ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠭᠡᠪᠡᠯ᠂ ᠳᠡᠦᠬᠡ | ᠶᠢᠨ ᠬᠤᠪᠤᠷ ᠴᠣᠬᠠᠭ ᠳᠤᠷᠠᠰᠬᠠᠯ ᠪᠢᠴᠢᠭ ᠪᠤᠯᠬᠤ ᠭᠤᠷᠪᠠᠨ ᠳᠡᠪᠳᠡᠷ ︽ᠪᠠᠷᠠᠭᠤᠨ ᠰᠦᠮᠡ ᠶᠢᠨ ᠳ᠋ᠠ ᠪᠯᠠᠮᠠ ᠶᠢᠨ | ᠭᠠᠵᠠᠷ ᠬᠠᠳᠠᠭᠠᠯᠠᠬᠤ ᠱᠠᠰᠢᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ᠂ ᠪᠠᠶᠠᠰᠬᠤᠯᠠᠩ ᠢ ᠬᠤᠷᠬᠠᠭᠴᠢ ᠬᠤᠶᠠᠷ ᠰᠦᠮᠡ ᠶᠢᠨ ᠤᠭ ᠡᠭᠢ | ᠶᠢᠨ ᠳᠠᠩᠰᠠ︾ ᠭᠡᠮᠡᠬᠦ ᠮᠡᠷᠭᠡᠨ ᠵᠤᠤ ᠪᠤᠯᠤᠨ ᠬᠦᠩ ᠤᠨ ᠰᠦᠮᠡ ᠶᠢᠨ ᠲᠡᠦᠬᠡ ᠪᠤᠯᠤᠨᠠ᠃ ᠡᠨᠡ ᠲᠡᠦᠭᠡᠨ | ᠪᠢᠴᠢᠯᠭᠡ ᠳᠤ ᠮᠡᠷᠭᠡᠨ ᠰᠦᠮᠡ ᠪᠤᠯᠤᠨ ᠬᠦᠩ ᠤᠨ ᠰᠦᠮᠡ ᠶᠢᠨ ᠡᠬᠢ ᠡᠭᠦᠰᠦᠯ᠂ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤᠨ ᠵᠢᠯ᠂ | ᠰᠢᠯᠵᠢᠵᠦ ᠨᠡᠬᠦᠳᠡᠯᠯᠡᠭᠰᠡᠨ ᠪᠠᠶᠢᠳᠠᠯ᠂ ᠮᠠᠨᠵᠤ ᠶᠢᠨ ᠬᠠᠭᠠᠨ ᠠᠴᠠ ᠮᠢᠳᠠᠭ ᠴᠣᠯᠠ ᠤᠯᠭᠤᠭᠰᠠᠨ ᠳᠤᠬᠠᠢ᠂ ᠮᠡᠷᠭᠡᠨ | ᠰᠦᠮᠡ ᠶᠢᠨ ᠨᠢᠭᠡ ᠭᠡᠭᠡᠨ ᠳᠤᠯᠤᠭᠠᠨ ᠬᠤᠪᠢᠯᠭᠠᠨ ᠤ ᠡᠮᠦᠨᠡᠬᠢ ᠬᠡᠲᠦᠨ ᠦᠶᠡ ᠶᠢᠨ ᠲᠦᠷᠢ ᠨᠦᠭᠦᠳ ᠤᠨ ᠳᠤᠪᠴᠢ | ᠨᠠᠮᠳᠠᠷ᠂ ᠵᠤᠬᠢᠶᠠᠭᠴᠢ ᠶᠢᠨ ᠡᠴᠢᠭᠡ ᠳᠡᠭᠡᠲᠦᠰ ᠤᠨ ᠳᠤᠬᠠᠢ ᠵᠢᠴᠢ ᠤᠷᠠᠳ ᠤᠨ ᠪᠠᠷᠠᠭᠤᠨ ᠬᠦᠩ ᠤᠨ ᠬᠤᠰᠢᠭᠤᠨ | ᠠᠴᠠ ᠴᠤᠯᠭᠤᠷᠠᠵᠤ ᠭᠠᠷᠤᠭᠰᠠᠨ ᠡᠷᠳᠡᠮᠳᠡᠳ ᠤᠨ ᠲᠡᠦᠬᠡ ᠴᠠᠳᠢᠭ᠂ ᠰᠤᠷᠠᠭ ᠵᠠᠩᠬᠢ ᠵᠡᠷᠭᠡ ᠶᠢ ᠳᠤᠪᠴᠢ | ᠳᠤᠮᠤᠷᠠᠭᠤᠨ ᠴᠦᠯᠪᠡᠵᠦ ᠳᠡᠮᠳᠡᠭᠯᠡᠭᠰᠡᠨ ᠪᠠ ᠪᠤᠰᠣᠳ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠨᠡᠷᠡᠲᠦ ᠬᠡᠲᠦᠨ ᠵᠢᠳᠬᠦᠯᠲᠡᠨ ᠤ | ᠳᠤᠬᠠᠢ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠠᠷ ᠳᠡᠮᠳᠡᠭᠯᠡᠭᠰᠡᠨ ᠨᠢ ᠡᠳᠡᠭᠡᠷ ᠡᠷᠳᠡᠮᠳᠡᠳ ᠤᠨ ᠳᠤᠬᠠᠢ ᠰᠢᠨᠵᠢᠯᠡᠵᠦ ᠰᠤᠳᠤᠯᠬᠤ | ᠳᠤ ᠤᠯᠳᠠᠰᠢ ᠦᠭᠡᠢ ᠬᠤᠪᠤᠷ ᠨᠠᠨᠳᠢᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ᠪᠤᠯᠵᠤ ᠪᠠᠶᠢᠨᠠ᠃ ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ᠶᠢᠨ ᠤᠷᠠᠨ | ᠵᠤᠬᠢᠶᠠᠯ ᠤᠨ ᠳᠠᠯᠠ ᠪᠠᠷ ᠦᠯᠡᠳᠡᠵᠦ ᠬᠤᠴᠤᠷᠤᠭᠰᠠᠨ ᠪᠦᠲᠦᠭᠡᠯ ᠭᠡᠪᠡᠯ᠂ ᠳᠡᠬᠦᠨ ᠤ ᠦᠪᠡᠷ ᠤᠨ ᠢᠶᠠᠨ | ᠦᠩᠭᠡᠷᠡᠯᠲᠡ ᠲᠡᠦᠭᠡ ᠶᠢ ᠨᠠᠮᠳᠠᠷᠴᠢᠯᠠᠭᠰᠠᠨ ᠬᠡᠯᠪᠡᠷᠢ ᠪᠠᠷ ᠳᠡᠮᠳᠡᠭᠯᠡᠵᠦ ᠳᠤᠭᠠᠴᠢᠭᠰᠠᠨ ᠭᠤᠷᠪᠠᠨ ᠪᠦᠯᠦᠭ ︵︽ᠭᠡᠷ | ᠠᠴᠠ ᠮᠠᠭᠠᠳ ᠭᠠᠷᠬᠤ ᠦᠴᠢᠭ ᠵᠠᠯᠪᠠᠷᠢᠯ ᠭᠡᠮᠡᠬᠦ ᠠᠩᠬᠠ︾᠂ ︽ᠪᠤᠶᠠᠨ ᠰᠠᠳᠤᠨ ᠤ ᠳᠤᠷᠠᠳᠬᠠᠯ ᠭᠡᠮᠡᠬᠦ | ᠬᠤᠶᠠᠳᠤᠭᠠᠷ︾᠂ ︽ᠦᠢᠯᠡ ᠶᠢᠨ ᠳᠤᠷᠠᠳᠬᠠᠯ ᠭᠡᠮᠡᠬᠦ ᠭᠤᠳᠠᠭᠠᠷ︾︶᠂ ᠵᠢᠷᠭᠤᠭᠠᠨ ᠵᠠᠭᠤᠨ ᠭᠤᠴᠢ ᠭᠠᠷᠤᠢ | ᠮᠦᠷᠲᠦ ᠭᠡᠮᠰᠢᠯ ᠰᠢᠯᠦᠭ ᠪᠤᠯᠤᠨᠠ᠃ ᠳᠤᠰ ᠨᠠᠶᠢᠷᠠᠭᠯᠠᠯ ᠢ ᠵᠤᠬᠢᠶᠠᠭᠴᠢ ᠡᠪᠡᠳᠴᠢᠨ ᠠᠷᠬᠠᠭ ᠲᠤ ᠨᠡᠷᠪᠡᠭᠳᠡᠨ ᠡᠮᠨᠡᠨ | ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠪᠠᠨ1846 ᠤᠨ ᠳᠤ ᠪᠢᠴᠢᠭᠰᠡᠨ ᠶᠤᠮ᠃ ᠰᠢᠯᠦᠭ ᠤᠨ ᠭᠤᠤᠯ ᠠᠭᠤᠯᠭᠠ ᠰᠠᠨᠠᠭᠠ ᠭᠡᠪᠡᠯ᠂ | ᠵᠤᠬᠢᠶᠠᠭᠴᠢ ᠦᠪᠡᠷ ᠤᠨ ᠠᠮᠢᠳᠤᠷᠠᠯ ᠤᠨ ᠦᠩᠭᠡᠷᠡᠯᠲᠡ᠂ ᠬᠢᠵᠦ ᠬᠦᠢᠴᠡᠳᠭᠡᠭᠰᠡᠨ ᠠᠵᠢᠯ ᠦᠢᠯᠡᠰ ᠵᠡᠷᠭᠡ ᠪᠠᠨ | ᠦᠨᠡᠨ ᠮᠥᠨ ᠢᠶᠠᠷ ᠨᠢ ᠦᠴᠢᠭᠯᠡᠵᠦ ᠲᠡᠮᠳᠡᠭᠯᠡᠭᠡᠳ᠂ ᠡᠷᠬᠡ ᠳᠤᠷᠠ ᠪᠠᠷ ᠢᠶᠠᠨ ᠳᠤᠭᠯᠠᠵᠤ ᠦᠰᠦᠨ᠂ ᠠᠯᠠᠵᠤ | ᠨᠢᠳᠤᠯᠬᠤ ᠵᠡᠷᠭᠡ ᠶᠢ ᠵᠤᠷᠢᠭ ᠢᠶᠠᠷ ᠢᠶᠠᠨ ᠦᠢᠯᠡᠳᠥᠭᠰᠡᠨ ᠮᠡᠲᠦ ᠶᠢᠨ ᠪᠤᠷᠬᠠᠨ ᠤ ᠰᠤᠷᠭᠠᠯ ᠠᠴᠠ ᠲᠡᠷᠰᠡᠯᠡᠭᠰᠡᠨ ᠬᠡᠮ | ᠨᠢᠬᠦᠯ ᠳᠤ ᠪᠠᠨ ᠲᠤᠶᠢᠯ ᠢᠶᠠᠷ ᠭᠡᠮᠰᠢᠵᠦ ᠭᠤᠳᠤᠷᠠᠨ ᠪᠠᠶᠢᠭᠠ ᠳᠤᠳᠤᠭᠠᠳᠤ ᠰᠡᠳᠭᠢᠯᠭᠡ ᠶᠢᠨ ᠢᠶᠠᠨ ᠪᠤᠬᠢᠨᠢᠳᠤᠯ | ᠵᠤᠪᠠᠨᠢᠯ ᠢ ᠢᠯᠡᠳᠭᠡᠵᠦ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠶᠢᠷᠲᠢᠨᠴᠦ ᠶᠢᠨ ᠤᠯᠠᠭᠠᠨ ᠳᠤᠭᠤᠰᠤᠨ | ᠠᠴᠠ ᠵᠢᠭᠰᠢᠨ ᠤᠶᠢᠳᠴᠤ᠂ ᠦᠪᠡᠷ ᠤᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠳᠤ ᠪᠠᠨ ᠳᠤᠷᠠ ᠦᠭᠡᠶᠢᠴᠡᠵᠦ᠂ ᠭᠡᠷ ᠠᠴᠠ | ᠭᠠᠷᠴᠤ ᠰᠦᠮᠡ ᠬᠡᠶᠢᠳ ᠲᠤ ᠬᠦᠷᠦᠭᠡᠳ ᠳᠤᠶᠢᠨ ᠬᠤᠸᠠᠷᠠᠭ ᠪᠤᠯᠬᠤ ᠭᠡᠰᠡᠨ ᠬᠦᠰᠡᠯ ᠰᠠᠨᠠᠭᠠ ᠪᠠᠨ ᠰᠢᠯᠦᠭᠯᠡᠵᠡᠢ᠃ | ᠪᠦᠬᠦ ᠰᠢᠯᠦᠭ ᠢ ᠶᠡᠷᠦᠩᠬᠡᠢ ᠳᠤᠨᠢ ᠦᠵᠡᠪᠡᠯ ᠬᠡᠲᠦᠶᠢᠪᠡᠷ ᠪᠤᠷᠬᠠᠨ ᠤ ᠱᠠᠰᠢᠨ ᠢ ᠪᠢᠰᠢᠷᠡᠨ ᠰᠢᠲᠦᠵᠦ᠂ ᠯᠠᠮᠠ | ᠬᠤᠸᠠᠷᠠᠭ ᠤᠳ ᠢ ᠮᠠᠭᠳᠠᠨ᠂ ᠦᠭᠯᠢᠭᠡ ᠦᠭᠴᠦ ᠪᠤᠶᠠᠨ ᠦᠢᠯᠡᠳᠬᠦ ᠶᠢᠨ ᠴᠠᠭᠯᠠᠰᠢ ᠦᠭᠡᠢ ᠶᠡᠭᠡ ᠠᠴᠢ ᠳᠤᠰᠠ | ᠭᠡᠭᠴᠢ ᠶᠢ ᠤᠬᠠᠭᠤᠯᠵᠤ ᠰᠤᠷᠳᠠᠯᠴᠢᠯᠠᠭᠰᠠᠨ ᠰᠢᠨᠵᠢᠲᠡᠢ ᠪᠤᠯᠪᠠᠴᠤ ᠪᠠᠰᠠ ᠳᠤᠬᠠᠢ ᠶᠢᠨ ᠨᠡᠶᠢᠭᠡᠮ ᠤᠨ ᠬᠠᠷᠠᠩᠭᠤᠢ | ᠬᠠᠷᠬᠢᠰ᠂ ᠨᠤᠶᠠᠯᠠᠭᠴᠢ ᠠᠩᠭᠢ ᠶᠢᠨ ᠬᠡᠷᠴᠡᠭᠡᠢ ᠪᠠᠯᠠᠮᠠᠳ ᠮᠦᠯᠵᠢᠯ ᠳᠠᠷᠤᠯᠠᠯ᠂ ᠪᠤᠵᠠᠷ ᠪᠤᠯᠠᠢ ᠶᠠᠪᠤᠳᠠᠯ ᠦᠢᠯᠡ | ᠵᠡᠷᠭᠡ ᠶᠢ ᠵᠤᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠢᠯᠡᠴᠢᠯᠡᠨ ᠰᠢᠬᠦᠮᠵᠢᠯᠡᠬᠦ ᠶᠢᠨ ᠳᠠᠭᠠᠤ ᠦᠭᠡᠶᠢᠬᠦᠦ ᠶᠠᠳᠠᠭᠤ ᠠᠷᠠᠳ ᠲᠦᠮᠡᠨ ᠤ | ᠭᠠᠰᠠᠯᠠᠩ ᠵᠤᠪᠠᠯᠠᠩ ᠢ ᠦᠷᠦ ᠡᠪᠡᠳᠦᠭᠰᠡᠨ ᠰᠡᠳᠭᠢᠯᠭᠡ ᠶᠢ ᠴᠦ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠤᠷᠠᠯᠢᠭ ᠤᠨ ᠳᠠᠯᠠ | ᠪᠠᠷ ᠳᠤᠰ ᠨᠠᠶᠢᠷᠠᠭᠯᠠᠯ ᠨᠢ ᠶᠠᠭᠤᠨ ᠤ ᠡᠮᠦᠨᠡ᠂ ᠤᠳᠬᠠ ᠳᠠᠯᠳᠠ᠂ ᠰᠠᠨᠠᠭᠠ ᠤᠷᠠᠨ᠂ ᠰᠡᠳᠭᠢᠯᠭᠡ ᠬᠦᠨ︔ ᠳᠡᠳ᠋ | ᠲᠤ᠂ ᠬᠡᠪ ᠨᠠᠮᠪᠠ ᠨᠢ ᠡᠮᠨᠢᠩᠬᠦᠢ ᠮᠦᠷᠲᠡᠭᠡᠨ ᠪᠠᠰᠠ ᠬᠤᠱᠤᠩ ᠶᠦᠮᠦᠷᠯᠢᠭ︔ ᠭᠤᠳᠠᠭᠠᠷ ᠲᠤ᠂ ᠮᠤᠩᠭᠤᠯ | ᠤᠯᠠᠮᠵᠢᠯᠠᠯᠳᠤ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠡᠪ ᠵᠠᠭᠪᠤᠷ ᠤᠨ ᠤᠨᠴᠠᠯᠢᠭ ᠳᠡᠭᠡᠷᠡ ᠪᠤᠯᠪᠠᠰᠤᠷᠠᠭᠰᠠᠨ ᠦᠷᠡ ᠵᠢᠮᠢᠰ ᠮᠥᠨ | ᠪᠦᠭᠡᠳ ᠪᠠᠰᠠ ᠲᠡᠭᠦᠨ ᠢ ᠪᠦᠲᠦᠭᠡᠯᠴᠢ ᠪᠠᠷ ᠬᠦᠭᠵᠢᠬᠦᠯᠵᠦ ᠠᠰᠢᠭᠯᠠᠵᠠᠢ᠃ ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ᠶᠢᠨ | ᠵᠤᠬᠢᠶᠠᠵᠤ ᠨᠠᠶᠢᠷᠠᠭᠤᠯᠤᠭᠰᠠᠨ ᠲᠡᠦᠭᠡ ᠪᠢᠴᠢᠯᠭᠡ ᠪᠠ ᠰᠢᠯᠦᠭ ᠨᠠᠶᠢᠷᠠᠭ ᠪᠤᠯ ᠮᠠᠨ ᠤ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ | ᠲᠡᠦᠬᠡ ᠶᠢᠨ ᠡᠷᠳᠡᠨᠢᠰ ᠤᠨ ᠰᠠᠩ ᠳᠤ ᠬᠦᠮᠦᠷᠬᠡᠯᠡᠭᠳᠡᠵᠦ ᠪᠠᠶᠢᠭᠠ ᠪᠠᠰᠠ ᠨᠢᠭᠡᠨ ᠮᠦᠬᠦᠯᠢᠭ ᠬᠢᠯᠡᠯᠵᠠᠭᠰᠠᠨ ᠰᠤᠪᠤᠳ | ᠪᠤᠯᠤᠨᠠ᠃ | | | | | |