| | | | ᠠᠳᠤᠭᠤᠨ ᠤ ᠬᠠᠷᠢᠭᠤᠯᠭᠠ ᠮᠠᠯᠯᠠᠭᠠ | | ᠨᠠᠮᠤᠷ ᠤᠨ ᠰᠡᠷᠢᠬᠦᠨ ᠤᠷᠤᠬᠤ ᠦᠶᠠ ᠳᠤ ᠠᠳᠤᠭᠤᠨ ᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠨᠢ ᠡᠪᠤᠯᠵᠢᠶᠠ᠂ ᠬᠠᠪᠤᠷᠵᠢᠶᠠᠨ | ᠤ ᠭᠠᠵᠠᠷ ᠠᠴᠠ ᠬᠤᠯᠨ ᠵᠠᠶᠢᠳᠠᠭᠤ ᠵᠤᠨ ᠤ ᠴᠠᠭ ᠲᠤ ᠮᠠᠯ ᠪᠡᠯᠴᠢᠭᠡᠷᠯᠡᠬᠦᠯᠵᠤ ᠢᠳᠡᠰᠢᠯᠡᠭᠡ ᠦᠭᠡᠢ ᠠᠬᠢ᠂ ᠬᠢᠶᠠᠭ᠂ | ᠬᠢᠯᠭᠠᠨᠠ᠂ ᠬᠠᠵᠠᠭᠠᠷ ᠡᠪᠡᠰᠤ᠂ ᠶᠦᠷᠬᠦᠭ᠂ ᠪᠤᠳᠢᠭᠤᠯ᠂ ᠪᠤᠵᠢᠮᠤᠭ᠂ ᠬᠠᠶ᠋ᠨ ᠲᠠᠭᠠᠨᠠ᠂ ᠬᠦᠮᠡᠯᠢ᠂ ᠮᠠᠩᠬᠢᠷ᠂ | ᠭᠤᠭᠤᠳ᠂ ᠬᠦᠴᠢᠩᠬᠢ ᠵᠡᠷᠭᠡ ᠰᠤᠷᠭᠤᠭ ᠨᠠᠷᠢᠨ ᠡᠪᠡᠰᠤ ᠨᠤᠭᠤᠭᠠ ᠲᠠᠢ ᠪᠦᠭᠡᠳ ᠤᠰᠤ ᠤᠮᠳᠠ ᠨᠢ ᠪᠡᠯᠴᠢᠭᠡᠷ | ᠲᠡᠭᠡᠨ ᠬᠤᠯᠨ ᠦᠭᠡᠢ ᠬᠤᠵᠢᠷ ᠮᠠᠷᠠ ᠰᠠᠶᠢᠳᠠᠢ ᠭᠠᠵᠠᠷ ᠪᠠᠶᠢᠬᠤ ᠨᠢ ᠲᠤᠬᠢᠷᠠᠮᠵᠢᠳᠠᠢ᠃ ᠨᠠᠮᠤᠷ ᠤᠨ ᠰᠢᠷᠠ ᠨᠠᠷᠠᠨ ᠤ | ᠲᠡᠯᠭᠡᠷ ᠰᠠᠶᠢᠬᠠᠨ ᠴᠠᠭ ᠲᠤ ᠠᠳᠤᠭᠤ ᠪᠠᠨ ᠬᠢᠷᠠ᠂ ᠲᠤᠯᠤᠭᠠᠳ ᠰᠡᠷᠪᠡᠩ ᠤᠨ ᠠᠷᠤ ᠶᠢᠨ ᠠᠯᠢ ᠰᠡᠬᠦᠳᠡᠷ ᠲᠠᠢ | ᠰᠡᠷᠢᠬᠦᠨ ᠭᠠᠵᠠᠷ ᠢ ᠲᠠᠭᠠᠭᠤᠯᠤᠨ ᠪᠡᠯᠴᠢᠭᠡᠷᠯᠡᠬᠦᠯᠵᠤ᠂ ᠪᠦᠭᠡᠮᠨᠡᠷᠡᠨ ᠬᠤᠷᠠᠵᠤ ᠵᠤᠭᠰᠤᠮᠠᠷ ᠪᠤᠯ ᠰᠠᠯᠬᠢ ᠰᠦᠷᠦᠬᠦᠯᠵᠤ | ᠬᠦᠳᠡᠯᠭᠡᠨ ᠲᠠᠷᠠᠤ ᠰᠢᠭ᠋ ᠪᠠᠶᠢᠳᠠᠯ ᠢᠶᠠᠷ ᠢᠳᠡᠰᠢᠯᠡᠬᠦᠯᠵᠤ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠡᠪᠡᠰᠤ ᠤᠷᠭᠤᠮᠠᠯ ᠤᠨ ᠬᠠᠳᠠᠵᠤ | ᠰᠢᠷᠠᠯᠠᠬᠤ ᠶᠢᠨ ᠡᠮᠦᠨᠠ ᠠᠯᠢ ᠠᠮᠳᠠ ᠰᠢᠮᠠ ᠰᠠᠶᠢᠳᠠᠢ ᠰᠤᠷᠭᠤᠭ ᠨᠠᠷᠢᠨ ᠡᠪᠡᠰᠤ ᠨᠤᠭᠤᠭᠠ ᠲᠠᠢ ᠭᠠᠵᠠᠷ ᠲᠤ | ᠰᠡᠯᠬᠦᠭᠡᠨ ᠪᠠᠯᠴᠢᠭᠡᠷᠯᠡᠬᠦᠯᠵᠤ ᠦᠭᠡᠬᠦᠨ ᠲᠠᠷᠭᠤ ᠬᠦᠢᠴᠡᠳ ᠠᠪᠤᠭᠤᠯᠬᠤ ᠬᠡᠷᠡᠭᠳᠠᠢ᠃ ᠢᠩᠬᠢᠬᠦ ᠳᠡᠭᠡᠨ ᠠᠯᠢ | ᠲᠤᠭᠳᠠᠪᠤᠷᠢᠳᠠᠢ ᠰᠠᠶᠢᠨ ᠢᠳᠡᠰᠢᠯᠡᠵᠤ ᠪᠠᠶᠢᠭᠠ ᠪᠡᠯᠴᠢᠭᠡᠷ ᠲᠤᠨᠢ ᠨᠡᠯᠢᠶᠡᠳ ᠬᠤᠭᠤᠴᠠᠭᠠ ᠪᠠᠷ ᠬᠠᠷᠢᠭᠤᠯᠵᠤ | ᠪᠠᠶᠢᠭᠠᠳ ᠬᠡᠷᠪᠡ ᠲᠤᠭᠳᠠᠪᠤᠷᠢ ᠠᠯᠳᠠᠨ ᠬᠤᠯᠬᠢᠵᠤ ᠡᠶᠢᠰᠢ ᠲᠡᠶᠢᠰᠢ ᠪᠠᠨ ᠶᠠᠪᠤᠮᠠᠷ ᠪᠠᠶᠢᠳᠠᠯ ᠲᠠᠢ ᠪᠤᠯᠪᠠᠯ | ᠪᠡᠯᠴᠢᠭᠡᠷ ᠢ ᠨᠢ ᠰᠡᠯᠬᠦᠬᠦᠯᠦᠨ ᠰᠤᠯᠢᠵᠤ ᠡᠪᠡᠰᠤ ᠨᠤᠭᠤᠭᠠ ᠤᠰᠤ ᠬᠤᠵᠢᠷ ᠢ ᠲᠡᠭᠰᠢ ᠲᠤᠬᠢᠷᠠᠭᠤᠯᠵᠤ ᠪᠠᠶᠢᠬᠤ ᠶᠢ | ᠡᠷᠡᠮᠡᠯᠵᠡᠯᠡᠬᠦ ᠨᠢ ᠴᠢᠬᠤᠯᠨ᠃ ᠵᠤᠨ ᠤ ᠰᠡᠬᠦᠯ ᠰᠢᠪᠳᠤᠷᠴᠤ᠂ ᠨᠠᠮᠤᠷᠰᠢᠵᠤ ᠪᠠᠶᠢᠭᠠ ᠴᠠᠭ ᠲᠤ ᠠᠳᠤᠭᠤ ᠶᠢ | ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠭᠠᠳ ᠰᠠᠯᠬᠢᠨ ᠤ ᠤᠷᠤᠭᠤ ᠲᠠᠳᠠᠵᠤ ᠪᠦᠭᠡᠮᠳᠡᠬᠦᠤ ᠪᠠᠶᠢᠳᠠᠯ ᠢᠶᠠᠷ ᠢᠳᠡᠰᠢᠯᠡᠬᠦᠯᠦᠨ | ᠪᠡᠯᠴᠢᠭᠡᠷ ᠤᠨ ᠴᠢᠭ ᠢ ᠲᠠᠭᠠᠷᠠᠭᠤᠯᠤᠨ ᠲᠤᠭᠳᠠᠭᠠᠵᠤ ᠤᠷᠬᠢᠬᠤ ᠳᠤ ᠰᠦᠨᠢ ᠳᠡᠭᠡᠨ ᠲᠠᠶᠢᠪᠤᠩ ᠲᠤᠭᠳᠠᠭᠤᠨ | ᠢᠳᠡᠰᠢᠯᠡᠵᠤ ᠦᠦ᠋ᠷ ᠴᠠᠶᠢᠮᠠᠭᠴᠨ ᠠᠭᠠᠵᠢᠮ ᠢᠶᠠᠷ ᠲᠠᠷᠬᠠᠵᠤ ᠪᠡᠯᠴᠢᠭᠡᠷᠯᠡᠨᠠ᠃ ᠰᠦᠨᠢ ᠶᠢᠨ ᠪᠡᠯᠴᠢᠭᠡᠷ ᠢ | ᠦᠷᠯᠦᠭᠡ ᠳᠡᠭᠡᠨ ᠵᠠᠪᠠᠯ ᠰᠡᠯᠬᠦᠵᠤ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠪᠠᠷᠢᠵᠤ ᠰᠠᠭᠠᠯᠢ ᠰᠦ᠋ ᠶᠢ ᠨᠢ ᠠᠰᠢᠭᠯᠠᠭᠰᠠᠨ ᠬᠡᠬᠦᠤ ᠪᠠᠨ | ᠡᠪᠡᠰᠤ ᠤᠷᠭᠤᠮᠠᠯ ᠬᠠᠳᠠᠵᠤ ᠭᠠᠩᠳᠠᠬᠤ ᠶᠢᠨ ᠡᠮᠦᠨᠠ ᠪᠤᠶᠤ ᠨᠤᠭᠤᠭᠠᠨ ᠰᠦᠯ ᠲᠠᠢ ᠪᠠᠶᠢᠬᠤ ᠳᠤ ᠲᠠᠯᠪᠢᠵᠤ ᠬᠡᠬᠦᠤ᠂ | ᠤᠨᠠᠭᠠ ᠪᠠᠨ ᠲᠠᠷᠭᠤᠯᠠᠭᠤᠯᠤᠨᠠ᠃ ᠴᠠᠭ ᠤᠨ ᠪᠠᠶᠢᠳᠠᠯ ᠨᠠᠮᠤᠷᠰᠢᠵᠤ ᠡᠪᠡᠰᠤ ᠤᠷᠭᠤᠮᠠᠯ ᠭᠠᠩᠳᠠᠵᠤ ᠡᠬᠢᠯᠡᠬᠦ | ᠦᠶᠠ ᠳᠤ ᠠᠳᠤᠭᠤᠨ ᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠢ ᠤᠶᠢᠷᠠ ᠤᠶᠢᠷᠠᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠰᠡᠯᠬᠦᠨ ᠰᠤᠯᠢᠵᠤ ᠨᠠᠮ | ᠲᠤᠤᠷᠠ᠂ ᠲᠠᠯᠠ ᠬᠦᠨᠳᠡᠢ ᠭᠠᠵᠠᠷ ᠤᠨ ᠰᠦᠯ ᠰᠠᠶᠢᠳᠠᠢ ᠪᠡᠯᠴᠢᠭᠡᠷ ᠲᠤ ᠬᠠᠷᠢᠭᠤᠯᠵᠤ ᠮᠠᠯᠯᠠᠬᠤ ᠨᠢ ᠵᠤᠬᠢᠷᠠᠮᠵᠢᠳᠠᠢ᠃ | ᠡᠨᠡ ᠦᠶᠠ ᠳᠤ ᠠᠳᠤᠭᠤ ᠪᠠᠨ ᠤᠰᠤᠨ ᠳᠤ ᠲᠠᠭᠤᠪᠤᠷᠢᠰᠢᠭᠤᠯᠬᠤ ᠦᠭᠡᠢ ᠶᠢᠨ ᠲᠤᠯᠠᠳᠠ ᠤᠰᠤ ᠪᠡᠯᠴᠢᠭᠡᠷ ᠤᠨ | ᠬᠤᠭᠤᠷᠤᠨᠳᠤ ᠶᠢᠨ ᠵᠠᠢ ᠶᠢ ᠠᠯᠢ ᠪᠤᠯᠬᠤᠷ ᠤᠶᠢᠷᠠ ᠪᠠᠶᠢᠯᠭᠠᠵᠤ ᠤᠨᠳᠤᠷᠤᠭᠠ ᠰᠠᠶᠢᠳᠠᠢ ᠬᠦᠢᠳᠡᠨ ᠤᠰᠤ ᠪᠠᠷ ᠬᠤᠶᠠᠷ | ᠤᠳᠠᠭᠠ ᠦᠷᠯᠦᠭᠡ᠂ ᠤᠷᠤᠢ ᠪᠦᠷᠢ ᠤᠰᠤᠯᠠᠵᠤ᠂ ᠪᠠᠶᠢᠩᠭᠤ ᠶᠢᠨ ᠬᠤᠵᠢᠷ ᠲᠠᠢ ᠭᠠᠵᠠᠷ ᠪᠤᠯ ᠵᠤᠷᠢᠭᠤᠳᠠ | ᠬᠤᠵᠢᠷᠯᠠᠬᠤ ᠶᠠᠪᠤᠳᠠᠯ ᠦᠭᠡᠢ᠂ ᠬᠤᠵᠢᠷ ᠦᠭᠡᠢ ᠭᠠᠵᠠᠷ ᠪᠤᠯ ᠠᠳᠤᠭᠤ ᠶᠢ ᠲᠤᠯᠤᠭᠠ ᠬᠤᠨᠤᠭ ᠲᠤ ᠬᠤᠶᠠᠷ | ᠤᠳᠠᠭᠠ ᠬᠤᠵᠢᠷᠯᠠᠵᠤ ᠪᠠᠶᠢᠪᠠᠯ ᠲᠠᠷᠭᠤ ᠬᠦᠴᠤ ᠨᠢ ᠲᠦᠷᠭᠡᠨ ᠨᠡᠮᠡᠭᠳᠡᠨᠠ᠃ ᠬᠠᠩᠭᠠᠢ ᠭᠠᠵᠠᠷ ᠪᠤᠯ ᠠᠳᠤᠭᠤ ᠶᠢ | ᠪᠦᠷᠬᠦᠭ ᠰᠡᠷᠢᠬᠦᠨ ᠡᠳᠦᠷ ᠬᠠᠷᠢᠭᠤᠯᠭᠠ ᠪᠠᠷ ᠨᠢ ᠲᠠᠭᠤᠪᠤᠷᠢᠯᠠᠨ ᠬᠤᠵᠢᠷᠯᠠᠵᠤ ᠪᠠᠶᠢᠬᠤ ᠨᠢ ᠵᠤᠬᠢᠮᠵᠢ ᠲᠠᠢ᠃ | ᠬᠤᠵᠢᠷᠰᠢᠭᠰᠠᠨ ᠮᠠᠯ ᠪᠡᠯᠴᠢᠭᠡᠷᠯᠡᠬᠦ ᠳᠡᠭᠡᠨ ᠲᠤᠭᠳᠠᠪᠤᠷᠢ ᠦᠭᠡᠢ ᠪᠤᠯᠵᠤ᠂ ᠦᠩᠭᠡ ᠵᠢᠰᠤ ᠪᠠᠨ ᠠᠯᠳᠠᠨ ᠦᠰᠤ ᠨᠢ | ᠬᠤᠷᠪᠤᠶᠢᠨᠠ᠃ ᠮᠥᠨ ᠲᠡᠬᠦᠨᠴᠢᠯᠡᠨ ᠵᠢᠯ ᠤᠨ ᠠᠯᠢ ᠴᠤ ᠤᠯᠠᠷᠢᠯ ᠳᠤ ᠶᠠᠮᠠᠷ ᠴᠤ ᠲᠦᠷᠦᠯ ᠤᠨ ᠮᠠᠯ ᠢ | ᠤᠰᠤᠯᠠᠬᠤ ᠳᠠᠭᠠᠨ ᠬᠡᠪᠰᠢᠵᠤ᠂ ᠲᠤᠭᠳᠠᠭᠰᠠᠨ ᠴᠠᠭ ᠲᠤᠨᠢ ᠤᠰᠤᠯᠠᠵᠤ ᠪᠠᠶᠢᠬᠤ ᠦᠭᠡᠢ ᠡᠳᠦᠷ ᠡᠳᠦᠷ ᠲᠤ ᠦᠭᠡᠷᠠ | ᠦᠭᠡᠷᠠ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠤᠰᠤᠯᠠᠵᠤ ᠵᠠᠮᠪᠠᠷᠠᠭᠠ ᠦᠭᠡᠢ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠᠯ ᠮᠠᠯ ᠳᠠᠭᠠᠨ ᠲᠤᠩ | ᠲᠤᠬᠢᠷᠠᠮᠵᠢ ᠦᠭᠡᠢ ᠪᠠᠶᠢᠳᠠᠭ ᠢ ᠢᠮᠠᠭᠳᠠ ᠠᠩᠬᠠᠷᠴᠤ ᠪᠠᠶᠢᠬᠤ ᠨᠢ ᠴᠢᠬᠤᠯᠨ᠃ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠨᠢ ᠠᠳᠤᠭᠤ ᠮᠠᠯ ᠦᠭᠡᠬᠦᠨ ᠪᠤᠶᠤ ᠲᠤᠰᠤᠨ ᠲᠠᠷᠭᠤ ᠠᠪᠳᠠᠭ ᠤᠨ ᠵᠡᠷᠭᠡᠴᠡᠭᠡ ᠠᠶᠠᠳᠠᠢ | ᠡᠪᠳᠠᠢ ᠬᠠᠷᠢᠭᠤᠯᠵᠤ ᠮᠠᠯᠯᠠᠬᠤ ᠦᠭᠡᠢ ᠪᠤᠯ ᠠᠪᠤᠭᠰᠠᠨ ᠲᠠᠷᠭᠤ ᠪᠠᠨ ᠬᠠᠶᠢᠯᠤᠭᠤᠯᠵᠤ ᠠᠯᠳᠠᠳᠠᠭ ᠬᠠᠮᠤᠭ ᠤᠨ | ᠡᠭᠡᠵᠡᠭᠳᠠᠢ ᠦᠶᠠ ᠶᠤᠮ᠃ ᠡᠶᠢᠮᠤ ᠠᠴᠠ ᠠᠳᠤᠭᠤᠨ ᠰᠦᠷᠦᠭ ᠢ ᠪᠡᠯᠴᠢᠭᠡᠷᠯᠡᠬᠦᠯᠬᠦ ᠳᠡᠭᠡᠨ ᠬᠡᠳᠤ ᠪᠦᠬᠡᠮᠨᠡᠷᠡᠬᠦᠯᠵᠤ | ᠬᠤᠷᠢᠬᠤ ᠦᠭᠡᠢ᠂ ᠠᠯᠤᠰ ᠠᠴᠠ ᠨᠢ ᠲᠤᠳᠤᠭᠰᠢᠯᠠᠭᠤᠯᠬᠤ ᠵᠢᠷᠦᠮ ᠢᠶᠠᠷ ᠬᠤᠮᠢᠵᠤ ᠲᠤᠭᠳᠠᠭᠠᠭᠠᠳ᠂ ᠵᠦᠭᠡᠯᠡᠨ | ᠲᠦᠯᠭᠡᠨ ᠪᠠᠶᠢᠳᠠᠯ ᠲᠠᠢ ᠬᠠᠷᠢᠭᠤᠯᠬᠤ ᠮᠠᠯᠯᠠᠬᠤ ᠶᠢᠨ ᠬᠠᠮᠳᠤ ᠠᠳᠤᠭᠤ ᠶᠢ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠴᠤᠭᠯᠠᠭᠤᠯᠬᠤ᠂ | ᠤᠰᠤ ᠬᠤᠵᠢᠷ ᠲᠤ ᠤᠷᠤᠭᠤᠯᠬᠤ ᠳᠠᠭᠠᠨ ᠰᠢᠷᠦᠬᠦᠨ ᠬᠦᠭᠡᠭᠡᠵᠤ ᠲᠠᠭᠤᠬᠤ ᠦᠭᠡᠢ᠂ ᠦᠷᠬᠦᠭᠡᠵᠤ ᠰᠤᠴᠢᠭᠠᠬᠤ | ᠦᠭᠡᠢ᠂ ᠬᠦᠯᠦᠷᠡᠭᠡᠵᠤ ᠠᠮᠢᠰᠬᠤᠳᠠᠭᠤᠯᠬᠤ ᠦᠭᠡᠢ᠂ ᠠᠯᠢ ᠪᠤᠯᠬᠤ ᠪᠠᠷ ᠲᠠᠶᠢᠪᠤᠩ ᠲᠤᠭᠳᠠᠭᠤᠨ ᠶᠠᠪᠤᠭᠤᠯᠵᠤ | ᠪᠠᠶᠢᠬᠤ ᠶᠢ ᠡᠷᠬᠢᠮᠯᠡᠨᠠ᠃ ᠠᠳᠤᠭᠤ ᠶᠢ ᠰᠢᠷᠦᠬᠦᠨ ᠬᠦᠶᠦᠯᠭᠡᠵᠤ ᠬᠦᠳᠡᠯᠭᠡᠬᠦ ᠦᠭᠡᠢ ᠶᠢᠨ ᠲᠤᠯᠠᠳᠠ ᠤᠨᠤᠭᠠᠨ ᠤ | ᠮᠤᠷᠢ ᠶᠢ ᠠᠳᠤᠭᠤᠨ ᠤ ᠵᠠᠬᠠ ᠳᠤ ᠶᠡᠬᠦᠯᠡᠵᠤ᠂ ᠦᠷᠯᠦᠭᠡ ᠡᠷᠳᠠ ᠨᠠᠷᠠ ᠲᠤᠰᠬᠤ ᠠᠴᠠ ᠡᠮᠦᠨᠠ ᠰᠡᠷᠢᠬᠦᠨ ᠢᠶᠠᠷ | ᠠᠳᠤᠭᠤ ᠪᠠᠨ ᠬᠤᠮᠢᠵᠤ ᠪᠠᠶᠢᠬᠤ ᠨᠢ ᠵᠦᠢᠳᠠᠢ᠃ ᠡᠨᠡ ᠦᠶᠠ ᠳᠤ ᠤᠯᠠᠨ ᠤᠳᠠᠭᠠ ᠬᠦᠯᠦᠷᠡᠭᠰᠡᠨ ᠠᠳᠤᠭᠤ ᠬᠦᠴᠤ | ᠲᠠᠷᠭᠤ ᠪᠠᠨ ᠠᠮᠠᠷᠬᠠᠨ ᠠᠯᠳᠠᠨᠠ᠃ ᠢᠯᠠᠩᠭᠤᠶᠠ ᠪᠠᠭᠠ ᠨᠠᠰᠤᠨ ᠤ ᠠᠳᠤᠭᠤ ᠰᠤᠯᠠᠳᠠᠨ ᠶᠠᠳᠠᠷᠠᠵᠤ ᠲᠠᠷᠭᠤ ᠬᠦᠴᠤ | ᠪᠠᠨ ᠠᠯᠳᠠᠬᠤ ᠨᠢ ᠤᠯᠠᠮ ᠴᠤ ᠢᠯᠡᠬᠦᠤ ᠪᠠᠶᠢᠳᠠᠭ᠃ ᠠᠳᠤᠭᠤᠨ ᠤ ᠲᠠᠷᠭᠤ ᠬᠦᠴᠤ ᠠᠪᠤᠯᠳᠠ ᠶᠢᠨ ᠪᠠᠶᠢᠳᠠᠯ ᠢ | ᠠᠵᠢᠭᠯᠠᠬᠤ ᠳᠤ ᠵᠤ᠋ ᠨᠢᠷᠤᠭᠤ ᠪᠠᠷ ᠢᠶᠠᠨ ᠤᠨᠴᠨ ᠮᠡᠳᠡᠭᠳᠡᠬᠦ ᠦᠭᠡᠢ᠂ ᠬᠠᠷᠢᠨ ᠲᠠᠯᠤ᠂ ᠬᠠᠪᠢᠷᠭᠠ᠂ ᠬᠡᠳᠡᠰᠦᠨ | ᠲᠠᠯᠠ ᠪᠠᠷ ᠢᠶᠠᠨ ᠰᠠᠶᠢᠨ ᠮᠡᠳᠡᠭᠳᠡᠨᠠ᠃ ᠲᠠᠷᠭᠤ ᠬᠦᠴᠤ ᠰᠠᠶᠢᠨ ᠠᠪᠴᠤ ᠪᠠᠶᠢᠭᠠ ᠠᠳᠤᠭᠤᠨ ᠤ ᠲᠡᠯ ᠤᠨ | ᠤᠷᠭᠤᠯᠳᠠ ᠵᠢᠭᠳᠡ ᠪᠤᠰᠤᠭᠠ ᠪᠦᠭᠡᠳ ᠶᠠᠪᠤᠬᠤ ᠳᠤᠨᠢ ᠰᠠᠭᠰᠠᠯᠵᠠᠬᠤ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠨᠠ᠃ ᠠᠯᠢ ᠨᠢᠭᠡ | ᠲᠠᠶᠢᠰᠢ ᠪᠠᠨ ᠨᠠᠯᠠᠭᠤ ᠲᠠᠯ ᠲᠠᠢ ᠠᠳᠤᠭᠤᠨ ᠤ ᠡᠰᠡᠷᠬᠦ ᠲᠠᠯᠠ ᠶᠢᠨ ᠲᠡᠯ ᠵᠢᠭᠳᠡ ᠪᠤᠰᠤᠭᠠ ᠤᠷᠭᠤᠭᠰᠠᠨ ᠪᠠᠶᠢᠪᠠᠯ | ᠲᠠᠷᠭᠤ ᠬᠦᠴᠤ ᠰᠠᠶᠢᠨ ᠠᠪᠴᠤ ᠪᠠᠶᠢᠭᠠ ᠶᠢᠨ ᠰᠢᠨᠵᠢ᠃ ᠨᠠᠮᠤᠷ ᠤᠨ ᠤᠯᠠᠷᠢᠯ ᠤᠨ ᠦᠶᠠ ᠠᠴᠠ ᠪᠠᠷᠢᠭᠰᠠᠨ | ᠬᠡᠬᠦᠤ ᠪᠠᠨ ᠤᠨᠠᠭᠠ ᠲᠠᠢ ᠨᠢ ᠲᠠᠯᠪᠢᠵᠤ ᠤᠳᠤᠷ ᠤᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠨ ᠲᠠᠷᠭᠤ ᠬᠦᠴᠤ ᠰᠠᠶᠢᠨ | ᠠᠪᠤᠭᠤᠯᠬᠤ ᠨᠢ ᠠᠰᠢᠭ ᠲᠠᠢ᠃ ᠬᠡᠷᠪᠡ ᠪᠠᠷᠢᠭᠰᠠᠨ ᠬᠡᠬᠦᠤ ᠶᠢ ᠡᠨᠡ ᠦᠶᠠ ᠠᠴᠠ ᠬᠤᠶᠢᠰᠢ ᠤᠳᠠᠭᠠᠨ | ᠬᠤᠭᠤᠴᠠᠭᠠ ᠪᠠᠷ ᠰᠠᠭᠠᠵᠤ ᠠᠰᠢᠭᠯᠠᠪᠠᠯ ᠨᠤᠭᠤᠭᠠᠨ ᠤ ᠰᠦᠯ ᠲᠠᠰᠤᠷᠠᠵᠤ ᠡᠪᠡᠰᠤ ᠤᠷᠭᠤᠮᠠᠯ ᠭᠠᠩᠳᠠᠵᠤ | ᠬᠠᠭᠳᠠᠷᠠᠳᠠᠭ ᠤᠴᠢᠷ ᠰᠠᠶᠢᠨ ᠲᠠᠷᠭᠤᠯᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠶᠢ ᠠᠩᠬᠠᠷᠬᠤ ᠨᠢ ᠴᠢᠬᠤᠯᠨ᠃ | | | ︽ᠴᠠᠭ ᠠᠭᠠᠷ ᠮᠠᠯ ᠤᠨ ᠬᠠᠷᠢᠭᠤᠯᠭᠠ︾ ᠨᠤᠮ ᠠᠴᠠ | ᠵᠤᠬᠢᠶᠠᠭᠴᠢ᠄ ︵ᠮᠤᠩᠭᠤᠯ︶ ᠪ᠊ · ᠵᠢᠭᠮᠡᠳᠳᠤᠷᠵᠢ᠂ ᠯ᠊ · ᠪᠠᠯᠳᠠᠨᠳᠠᠰᠢ᠂ ᠬ᠋᠊ · ᠨᠠᠮᠬᠠᠶᠢᠵᠠᠨᠽᠠᠨ | | | | | | |