| | | ᠦᠭᠡᠷ ᠤᠨ ᠬᠠᠷᠢᠭᠤᠯᠭᠠ ᠮᠠᠯᠯᠠᠭᠠ | | ᠵᠤᠨ ᠤ ᠰᠡᠬᠦᠯᠴᠢ ᠨᠠᠮᠤᠷ ᠤᠨ ᠡᠬᠢᠨ ᠤ ᠦᠶᠠ ᠳᠤ ᠦᠭᠡᠷ ᠦᠭᠡᠬᠦᠨ ᠲᠠᠷᠭᠤ ᠠᠪᠳᠠᠭ ᠪᠦᠭᠡᠳ ᠶᠦᠷᠬᠦᠭ᠂ | ᠲᠦᠷᠸᠠ᠂ ᠬᠦᠴᠢᠩᠬᠢ᠂ ᠬᠡᠷᠡᠰᠤ᠂ ᠲᠠᠷᠠᠰᠤ ᠵᠡᠷᠭᠡ ᠦᠳᠭᠡᠨ ᠰᠠᠬᠤᠯᠢᠭ ᠨᠤᠭᠤᠭᠠ ᠲᠠᠢ ᠠᠬᠢ᠂ ᠲᠠᠭᠠᠨᠠ᠂ | ᠬᠦᠮᠡᠯᠢ᠂ ᠮᠠᠩᠬᠢᠷ ᠵᠡᠷᠭᠡ ᠠᠮᠳᠠᠯᠢᠭ ᠤᠷᠭᠤᠮᠠᠯ ᠡᠯᠪᠡᠭᠳᠠᠢ ᠤᠰᠤ ᠬᠤᠵᠢᠷ ᠰᠠᠶᠢᠳᠠᠢ ᠬᠦᠳᠡᠭᠡ ᠬᠡᠭᠡᠷᠠ ᠶᠢᠨ ᠪᠡᠯᠴᠢᠭᠡᠷ | ᠲᠤ ᠲᠡᠮᠡᠦᠯᠡᠳᠡᠭ ᠤᠴᠢᠷ ᠡᠨᠡ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠯᠵᠠᠨ ᠨᠠᠮ ᠲᠤᠤᠷᠠ ᠴᠠᠭᠠᠨ ᠭᠠᠵᠠᠷ ᠤᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠢ | ᠰᠤᠩᠭᠤᠨ ᠠᠪᠴᠤ ᠮᠠᠯᠯᠠᠬᠤ ᠨᠢ ᠲᠤᠬᠢᠷᠠᠮᠵᠢᠳᠠᠢ᠃ ᠪᠡᠯᠴᠢᠭᠡᠷ ᠤᠨ ᠡᠪᠡᠰᠤ ᠤᠷᠭᠤᠮᠠᠯ ᠬᠠᠳᠠᠵᠤ ᠬᠠᠭᠳᠠᠷᠠᠵᠤ | ᠡᠬᠢᠯᠡᠬᠦ ᠶᠢᠨ ᠬᠠᠮᠳᠤ ᠡᠪᠡᠰᠤ ᠨᠤᠭᠤᠭᠠ ᠶᠢ ᠰᠤᠷᠭᠤᠭᠯᠠᠨ ᠢᠳᠡᠬᠦ ᠬᠡᠵᠤ ᠦᠭᠡᠷ ᠤᠨ ᠶᠠᠪᠤᠯᠳᠠ ᠶᠡᠭᠡᠰᠳᠡᠭ ᠲᠤᠯᠨ | ᠲᠠᠷᠨ ᠪᠦᠷᠢ ᠲᠤᠷᠠ ᠪᠠᠷ ᠨᠢ ᠶᠠᠪᠤᠭᠤᠯᠬᠤ ᠦᠭᠡᠢ ᠲᠤᠭᠳᠠᠭᠠᠵᠤ ᠬᠠᠷᠢᠭᠤᠯᠬᠤ ᠨᠢ ᠴᠢᠬᠤᠯᠨ᠃ ᠦᠭᠡᠬᠦᠨ | ᠲᠠᠷᠭᠤ ᠪᠠᠨ ᠬᠦᠢᠴᠡᠳ ᠠᠪᠴᠤ ᠪᠠᠶᠢᠭᠠ ᠦᠭᠡᠷ ᠢ ᠡᠳᠦᠷ ᠤᠨ ᠴᠠᠭ ᠢᠶᠠᠷ ᠬᠠᠳᠠᠭᠤ ᠲᠠᠭᠵᠢᠭᠤᠷ ᠬᠦᠷᠦᠰᠤ ᠲᠠᠢ | ᠲᠡᠭᠰᠢ ᠲᠠᠯᠪᠢᠭᠤᠨ ᠭᠠᠵᠠᠷ ᠪᠤᠶᠤ ᠨᠠᠭᠤᠷ ᠭᠤᠤᠯ ᠤᠨ ᠤᠶᠢᠷᠠᠯᠴᠠᠭᠠ ᠪᠡᠯᠴᠢᠭᠡᠷ ᠲᠤ ᠤᠰᠤᠨ ᠤ ᠴᠢᠬᠢᠭ ᠲᠠᠢ | ᠭᠠᠵᠠᠷ ᠲᠤ ᠠᠮᠤᠰᠬᠢᠭᠤᠯᠤᠨ ᠬᠡᠪᠳᠡᠬᠦᠯᠵᠤ ᠠᠮᠠᠷᠠᠭᠠᠭᠠᠳ ᠠᠯᠪᠠᠳᠠᠨ ᠪᠤᠰᠬᠠᠵᠤ ᠦᠢᠮᠡᠬᠦᠯᠬᠦ ᠦᠭᠡᠢ ᠪᠠᠷ ᠠᠶᠠᠨᠳᠠᠭᠠᠨ | ᠪᠤᠰᠴᠤ ᠡᠬᠢᠯᠡᠬᠦ ᠳᠤᠨᠢ ᠵᠦᠭᠡᠯᠡᠨ ᠬᠦᠳᠡᠯᠬᠡᠬᠦ ᠳᠤ ᠪᠡᠯᠴᠢᠭᠡᠷ ᠲᠡᠭᠡᠨ ᠲᠠᠪᠠᠯᠢᠭ ᠲᠤᠭᠳᠠᠪᠤᠷᠢᠳᠠᠢ᠂ ᠨᠠᠯᠠᠭᠠᠷ ᠲᠠᠶᠢᠪᠤᠩ | ᠢᠳᠡᠰᠢᠯᠡᠨᠠ᠃ ᠬᠦᠢᠳᠡᠨ ᠪᠤᠷᠤᠭᠠ ᠲᠠᠢ ᠪᠠ ᠪᠦᠷᠬᠦᠭ ᠰᠡᠷᠢᠬᠦᠨ ᠡᠳᠦᠷ ᠲᠤ ᠦᠭᠡᠷ ᠢ ᠡᠩᠭᠡᠷ ᠪᠠᠯ ᠲᠠᠭᠠᠭᠤᠯᠵᠤ | ᠡᠮᠬᠢᠨᠡᠬᠦᠨ ᠪᠠᠶᠢᠳᠠᠯ ᠲᠠᠢ ᠬᠠᠷᠢᠭᠤᠯᠬᠤ ᠨᠢ ᠵᠦᠢᠳᠠᠢ᠃ ᠦᠭᠡᠷ ᠨᠢ ᠡᠪᠡᠰᠤ ᠨᠤᠭᠤᠭᠠ ᠰᠤᠷᠴᠢᠯᠠᠨ ᠢᠳᠡᠰᠢᠯᠡᠵᠤ | ᠶᠠᠪᠤᠬᠤ ᠳᠠᠭᠠᠨ ᠶᠠᠮᠠᠷ ᠨᠢᠭᠡ ᠬᠠᠷᠭᠤᠢ ᠲᠤᠬᠢᠶᠠᠯᠳᠤᠬᠤ ᠳᠤ ᠲᠡᠬᠦᠨ ᠢ ᠲᠠᠭᠠᠵᠤ ᠴᠤᠪᠤᠬᠤ ᠲᠤᠷᠠ ᠲᠠᠢ ᠪᠠᠶᠢᠳᠠᠭ ᠢ | ᠠᠩᠬᠠᠷᠴᠤ᠂ ᠬᠡᠷᠪᠡ ᠵᠠᠮ ᠳᠤ ᠤᠷᠤᠭᠠᠳ ᠴᠤᠪᠤᠵᠤ ᠡᠬᠢᠯᠡᠪᠡᠯ ᠲᠠᠷᠤᠢ ᠭᠠᠷᠭᠠᠨ ᠪᠡᠯᠴᠢᠭᠡᠷ ᠲᠤᠨᠢ ᠵᠠᠯᠠᠵᠤ | ᠲᠤᠭᠳᠠᠭᠤᠨ ᠲᠠᠶᠢᠪᠤᠩ ᠬᠠᠷᠢᠭᠤᠯᠵᠤ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠡᠪᠡᠰᠤᠨ ᠤ ᠲᠤᠯᠤᠭᠠᠢ ᠰᠢᠷᠠᠯᠠᠬᠤ ᠦᠶᠠ ᠠᠴᠠ ᠦᠭᠡᠷ | ᠰᠦᠨᠢ ᠪᠡᠯᠴᠢᠭᠡᠷᠯᠡᠬᠦ ᠲᠤᠷᠠ ᠲᠠᠢ ᠪᠠᠶᠢᠳᠠᠭ ᠲᠤᠯᠨ ᠴᠦᠭᠡᠨ ᠴᠠᠭ ᠪᠤᠯᠪᠠᠴᠤ ᠰᠦᠨᠢ ᠪᠡᠯᠴᠢᠭᠡᠷᠯᠡᠬᠦᠯᠦᠨ | ᠢᠳᠡᠰᠢᠯᠡᠬᠦᠯᠵᠤ ᠪᠠᠶᠢᠪᠠᠯ ᠲᠠᠷᠭᠤ ᠬᠦᠴᠤ ᠶᠢ ᠨᠢ ᠨᠡᠮᠡᠭᠳᠡᠬᠦᠯᠬᠦ ᠳᠤ ᠨᠡᠯᠢᠶᠡᠳ ᠲᠤᠰᠨ ᠲᠦᠬᠦᠮ ᠪᠤᠯᠤᠨᠠ᠃ | ᠦᠭᠡᠷ ᠨᠢ ᠨᠠᠮᠤᠷᠰᠢᠬᠤ ᠲᠤᠳᠤᠮ ᠶᠡᠭᠡ ᠴᠠᠩᠭᠠᠬᠤ ᠪᠤᠯᠳᠠᠭ ᠤᠴᠢᠷ ᠦᠷᠯᠦᠭᠡ ᠤᠷᠤᠢ ᠶᠢᠨ ᠴᠠᠭ ᠢᠶᠠᠷ | ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ ᠤᠰᠤᠯᠠᠵᠤ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠮᠠᠯ ᠢ ᠠᠯᠢ ᠴᠤ ᠤᠯᠠᠷᠢᠯ ᠳᠤ ᠤᠰᠤ ᠪᠠᠷ | ᠭᠠᠴᠢᠭᠳᠠᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃ ︽ᠤᠰᠤ ᠪᠤᠯ ᠤᠤᠭᠤᠪᠠᠯ ᠤᠮᠳᠠᠭᠠ᠂ ᠤᠤᠭᠤᠭᠰᠠᠨ ᠬᠤᠶᠢᠨᠠ ᠪᠠᠨ ᠲᠤᠰᠤ︾ | ᠬᠡᠵᠤ ᠮᠠᠨ ᠤ ᠲᠡᠷᠢᠬᠦᠨ ᠤ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠮᠠᠯᠴᠢᠳ ᠵᠦᠪᠯᠡᠳᠡᠭ᠃ ᠢᠩᠬᠢᠬᠦᠯᠡᠷ ᠮᠠᠯ ᠢ ᠤᠰᠤ ᠪᠠᠷ | ᠲᠤᠭᠳᠠᠮᠠᠯ ᠰᠠᠶᠢᠨ ᠬᠠᠩᠭᠠᠵᠤ ᠪᠠᠶᠢᠬᠤ ᠨᠢ ᠴᠢᠬᠤᠯᠨ᠃ ᠬᠤᠯᠨ ᠶᠢᠨ ᠪᠡᠯᠴᠢᠭᠡᠷ ᠲᠤ ᠶᠠᠪᠤᠵᠤ ᠢᠳᠡᠰᠢᠯᠡᠬᠦ ᠪᠤᠶᠤ | ᠤᠰᠤ ᠤᠮᠳᠠᠭᠠᠨ ᠳᠠᠭᠠᠨ ᠠᠯᠤᠰ ᠠᠴᠠ ᠴᠤᠪᠤᠵᠤ ᠢᠷᠡᠬᠦ ᠶᠠᠪᠤᠳᠠᠯ ᠠᠴᠠ ᠤᠷᠢᠳᠴᠢᠯᠠᠨ ᠪᠤᠯᠭᠤᠮᠵᠢᠯᠠᠵᠤ ᠤᠰᠤ᠂ | ᠪᠡᠯᠴᠢᠭᠡᠷ ᠤᠨ ᠬᠤᠭᠤᠷᠤᠨᠳᠤ ᠶᠢᠨ ᠵᠠᠢ ᠶᠢ ᠲᠤᠬᠢᠷᠠᠭᠤᠯᠬᠤ ᠳᠠᠭᠠᠨ ᠦᠭᠡᠷ ᠪᠡᠯᠴᠢᠭᠡᠷ ᠲᠡᠭᠡᠨ ᠬᠡᠰᠡᠭ ᠵᠠᠭᠤᠷᠠ | ᠢᠳᠡᠰᠢᠯᠡᠭᠡᠳ ᠤᠰᠤ ᠪᠠᠨ ᠤᠤᠭᠤᠵᠤ ᠪᠠᠶᠢᠬᠤ ᠪᠠᠷ ᠨᠦᠬᠦᠴᠡᠯᠳᠦᠬᠦᠯᠦᠨ ᠤᠰᠤᠨ ᠤ ᠤᠶᠢᠷᠠ ᠲᠦᠬᠦᠮ ᠪᠠᠶᠢᠯᠭᠠᠪᠠᠯ | ᠲᠤᠩ ᠰᠠᠶᠢᠨ ᠪᠤᠯᠤᠨᠠ᠃ ᠦᠭᠡᠷ ᠤᠨ ᠪᠡᠯᠴᠢᠭᠡᠷᠯᠡᠬᠦᠯᠬᠦ᠂ ᠬᠤᠳᠠᠯᠠᠬᠤ᠂ ᠤᠰᠤ ᠬᠤᠵᠢᠷ ᠲᠤ ᠤᠷᠤᠬᠤ ᠵᠢᠮ | ᠵᠦᠷᠢᠭ ᠨᠢ ᠵᠦᠭᠡᠯᠡᠨ ᠬᠦᠷᠦᠰᠤ ᠲᠠᠢ ᠭᠠᠵᠠᠷ ᠪᠠᠶᠢᠬᠤ ᠨᠢ ᠲᠤᠬᠢᠷᠠᠮᠵᠢᠳᠠᠢ᠃ ᠬᠡᠷᠪᠡ ᠲᠠᠭᠵᠢᠭᠤᠷ ᠬᠠᠳᠠᠭᠤ᠂ | ᠬᠠᠶᠢᠷᠭᠤ ᠴᠢᠯᠠᠭᠤ ᠲᠠᠢ ᠪᠤᠯ ᠦᠭᠡᠷ ᠮᠠᠯ ᠨᠢ ᠵᠠᠮᠨᠠᠵᠤ ᠶᠠᠪᠤᠬᠤ ᠳᠠᠭᠠᠨ ᠪᠡᠷᠬᠡᠰᠢᠶᠡᠬᠦ᠂ ᠤᠯᠨ ᠲᠤᠭᠤᠷᠠᠢ ᠨᠢ ᠡᠯᠡᠭᠳᠡᠨ | ᠨᠢᠮᠭᠡᠷᠡᠵᠤ ᠬᠢᠰᠬᠢᠬᠦ ᠳᠡᠭᠡᠨ ᠡᠮᠵᠡᠭᠯᠡᠨ᠂ ᠢᠳᠡᠰᠢᠯᠡᠬᠦ ᠳᠡᠭᠡᠨ ᠲᠤᠬᠢ ᠠᠯᠳᠠᠵᠤ ᠲᠠᠷᠭᠤ ᠬᠦᠴᠤ ᠪᠠᠨ ᠲᠤᠳᠠᠭᠤ ᠲᠤᠯᠢ | ᠠᠪᠬᠤ ᠳᠤ ᠬᠦᠷᠦᠨᠠ᠃ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠦᠭᠡᠷ ᠨᠢ ᠬᠦᠯᠦᠷᠡᠭᠰᠡᠨ ᠠᠴᠠ ᠪᠤᠯᠵᠤ ᠠᠮᠠᠷᠬᠠᠨ ᠬᠠᠶᠢᠯᠵᠤ | ᠲᠠᠷᠭᠤ ᠬᠦᠴᠤ ᠨᠢ ᠮᠠᠭᠤᠳᠠᠨᠠ᠃ ᠡᠶᠢᠮᠤ ᠠᠴᠠ ᠦᠷᠯᠦᠭᠡ ᠪᠡᠯᠴᠢᠭᠡᠬᠦ᠂ ᠤᠷᠤᠢ ᠬᠤᠳᠠᠯᠠᠭᠤᠯᠬᠤ᠂ ᠡᠳᠦᠷ | ᠬᠠᠷᠢᠭᠤᠯᠵᠤ ᠢᠳᠡᠰᠢᠯᠡᠬᠦᠯᠬᠦ ᠳᠡᠭᠡᠨ ᠰᠢᠷᠦᠬᠦᠨ ᠬᠦᠭᠡᠭᠡᠵᠤ ᠲᠠᠭᠤᠵᠤ ᠬᠦᠯᠦᠷᠡᠭᠡᠬᠦ᠂ ᠦᠷᠬᠦᠵᠤ ᠴᠤᠴᠢᠭᠠᠬᠤ ᠠᠴᠠ | ᠠᠯᠢ ᠪᠤᠯᠬᠤ ᠪᠠᠷ ᠪᠤᠯᠭᠤᠮᠵᠢᠯᠠᠪᠠᠯ ᠵᠤᠬᠢᠨᠠ᠃ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠ ᠲᠠᠭᠤᠰᠤᠭᠰᠠᠨ ᠤ ᠲᠠᠷᠠᠭᠠ ᠴᠠᠭ ᠤᠨ | ᠤᠷᠢᠨ ᠲᠤᠯᠠᠭᠠᠨ᠂ ᠡᠪᠡᠰᠤ ᠨᠤᠭᠤᠭᠠᠨ ᠤ ᠰᠢᠮᠠ ᠲᠠᠢ ᠪᠠᠶᠢᠬᠤ ᠦᠶᠠ ᠳᠤ ᠲᠤᠭᠤᠯ ᠪᠢᠷᠠᠭᠤ ᠶᠢ ᠡᠬᠡ ᠠᠴᠠ ᠨᠢ | ᠢᠯᠭᠠᠵᠤ ᠲᠤᠰ ᠲᠤᠰ ᠲᠤᠨᠢ ᠰᠦᠷᠦᠭᠯᠡᠨ ᠪᠡᠶᠠ ᠪᠠᠨ ᠲᠠᠭᠠᠭᠠᠵᠤ ᠪᠡᠯᠴᠢᠭᠡᠷᠯᠡᠬᠦᠯᠬᠦ ᠳᠤ ᠲᠠᠰᠬᠠᠨ ᠬᠦᠢᠳᠡᠨ ᠤ | ᠠᠮᠢᠰᠬᠤᠯ ᠤᠷᠤᠬᠤ ᠠᠴᠠ ᠡᠮᠦᠨᠠ ᠲᠠᠷᠭᠤ ᠬᠦᠴᠤ ᠰᠠᠶᠢᠨ ᠠᠪᠤᠭᠤᠯᠬᠤ ᠨᠢ ᠴᠢᠬᠤᠯᠨ᠃ ᠵᠤᠨ ᠨᠠᠮᠤᠷ ᠤᠨ | ᠤᠯᠠᠷᠢᠯ ᠳᠤ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠬᠠᠷᠢᠭᠤᠯᠭᠠ ᠮᠠᠯᠯᠠᠭᠠ ᠨᠢ ᠲᠤᠬᠢᠷᠠᠵᠤ ᠮᠢᠬᠠ᠂ ᠦᠭᠡᠬᠦᠨ ᠲᠠᠷᠭᠤ ᠰᠠᠶᠢᠨ | ᠠᠪᠤᠭᠰᠠᠨ ᠦᠭᠡᠷ ᠤᠨ ᠪᠡᠶᠠ ᠶᠢᠨ ᠶᠡᠷᠦᠩᠭᠡᠢ ᠪᠠᠶᠢᠳᠠᠯ ᠬᠦᠯᠢᠭᠡᠷ ᠪᠦᠭᠡᠷᠡᠩᠭᠡᠢ᠂ ᠤᠭᠤᠴᠨ ᠨᠢᠷᠤᠭᠤ ᠨᠢ ᠵᠤᠵᠠᠭᠠᠨ | ᠬᠠᠪᠳᠠᠭᠠᠢ᠂ ᠲᠠᠰᠢᠶᠠᠨ ᠲᠤᠯᠤᠭᠠᠢ ᠨᠢ ᠪᠤᠯᠬᠤᠭᠤᠷ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠬᠦᠯ ᠢᠶᠠᠨ ᠵᠢᠬᠢᠵᠤ | ᠰᠠᠯᠬᠢᠨ ᠤ ᠦᠭᠡᠳᠠ ᠬᠠᠷᠠᠵᠤ ᠬᠡᠪᠳᠡᠬᠦ ᠲᠤᠷᠠ ᠲᠠᠢ ᠪᠤᠯᠤᠨᠠ᠃ ᠰᠦᠨᠢ ᠬᠡᠪᠳᠡᠷᠢ ᠳᠡᠭᠡᠨ ᠢᠨᠴᠠᠭᠯᠠᠨ ᠢᠷᠠᠭᠯᠠᠵᠤ | ᠨᠡᠯᠢᠶᠡᠳ ᠠᠪᠢᠶᠠ ᠴᠢᠮᠡᠭᠡ ᠲᠠᠢ ᠬᠡᠪᠢᠬᠦ᠂ ᠦᠰᠤ ᠨᠢ ᠴᠢᠬᠢᠭ ᠲᠠᠭᠠᠭᠠᠭᠰᠠᠨ ᠪᠠᠶᠢᠳᠠᠭ ᠪᠤᠯᠪᠠᠴᠤ ᠬᠢᠯᠠᠯᠵᠠᠭᠰᠠᠨ | ᠰᠤᠷ ᠲᠠᠢ ᠦᠩᠭᠡ ᠵᠢᠰᠤ ᠨᠢ ᠰᠠᠶᠢᠬᠠᠨ᠂ ᠨᠤᠵᠤᠭᠤᠢ ᠤᠳᠠᠭᠠᠨ ᠶᠠᠪᠤᠳᠠᠯ ᠲᠠᠢ ᠪᠡᠯᠴᠢᠭᠡᠷ ᠲᠡᠭᠡᠨ ᠪᠠᠶᠢᠨ ᠪᠠᠶᠢᠨ | ᠬᠡᠪᠳᠡᠵᠤ ᠪᠤᠰᠴᠤ ᠪᠠᠶᠢᠳᠠᠭ ᠪᠠ ᠨᠤᠭᠤᠯᠤᠭᠤᠷ ᠤᠯᠠᠨ ᠲᠠᠢ ᠠᠭᠯᠢᠭᠤᠨ ᠲᠤᠮᠤ ᠪᠠᠭᠠᠰᠤ ᠲᠠᠢ ᠪᠠᠶᠢᠨᠠ᠃ ᠨᠡᠶᠢᠳᠠ | ᠰᠦᠷᠦᠭ ᠤᠨ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠬᠤ ᠳᠤ ᠴᠢᠬᠢᠷᠠ ᠰᠠᠶᠢᠬᠠᠨ ᠲᠠᠢ᠂ ᠲᠠᠶᠢᠪᠤᠩ ᠨᠠᠯᠠᠭᠠᠷ ᠪᠠᠶᠢᠨᠠ᠃ ᠶᠡᠷᠦ ᠨᠢ | ᠮᠠᠯ ᠳᠤ ᠲᠡᠭᠡᠳᠤ ᠵᠡᠷᠭᠡ ᠶᠢᠨ ᠲᠠᠷᠭᠤ ᠬᠦᠴᠤ ᠠᠪᠤᠭᠤᠯᠤᠨᠠ ᠬᠡᠳᠡᠭ ᠨᠢ ᠮᠠᠯ ᠢ ᠠᠯᠢ ᠨᠢᠭᠡ ᠲᠠᠭᠠᠷᠠᠯᠳᠤᠭᠰᠠᠨ | ᠭᠠᠵᠠᠷ ᠲᠠᠭᠠᠨ ᠪᠡᠯᠴᠢᠭᠡᠵᠤ ᠯᠡ ᠪᠠᠶᠢᠪᠠᠯ ᠲᠠᠷᠭᠤᠯᠠᠭᠠᠳ ᠪᠠᠶᠢᠳᠠᠭ ᠪᠢᠰᠢ᠂ ᠬᠠᠷᠢᠨ ᠮᠠᠯᠴᠢᠨ ᠬᠦᠮᠦᠨ ᠤᠯᠠᠷᠢᠯ ᠤᠨ | ᠪᠠᠶᠢᠳᠠᠯ ᠢᠶᠠᠷ ᠮᠠᠯ ᠳᠠᠭᠠᠨ ᠲᠤᠬᠢᠷᠠᠬᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠢ ᠰᠤᠩᠭᠤᠨ ᠤᠯᠵᠤ ᠮᠠᠯ ᠤᠨ ᠢᠶᠠᠨ ᠬᠠᠷᠢᠭᠤᠯᠭᠠ | ᠮᠠᠯᠯᠠᠭᠠ ᠶᠢ ᠲᠤᠬᠠᠢ ᠶᠢᠨ ᠡᠳᠦᠷ ᠤᠨ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠤᠶᠢᠭᠠ ᠦᠭᠡᠢ ᠮᠠᠬᠠᠷᠠᠨ | ᠠᠵᠢᠯᠯᠠᠪᠠᠯ ᠰᠠᠶ᠋ᠢ ᠪᠡᠶᠡᠯᠡᠬᠦ ᠨᠠᠷᠢᠨ ᠲᠦᠪᠡᠭᠳᠠᠢ ᠵᠦᠢᠯ ᠶᠤᠮ᠃ ᠡᠶᠢᠮᠤ ᠠᠴᠠ ᠮᠠᠯ ᠢᠶᠠᠨ ᠰᠠᠶᠢᠨ | ᠲᠠᠷᠭᠤᠯᠠᠭᠤᠯᠬᠤ ᠶᠢᠨ ᠲᠤᠯᠠᠳᠠ ᠬᠦᠴᠤ ᠪᠦᠷᠢᠨ ᠠᠪᠬᠤ ᠦᠶᠠ ᠱᠠᠳᠤ ᠶᠢᠨ ᠲᠠᠭᠠᠤ ᠤᠳᠤᠷ ᠨᠡᠬᠦᠳᠡᠯ ᠬᠢᠵᠤ | ᠲᠤᠬᠢᠷᠠᠬᠤ ᠨᠤᠳᠤᠭ ᠪᠡᠯᠴᠢᠭᠡᠷ ᠲᠤᠨᠢ ᠴᠢᠳᠠᠮᠠᠭᠠᠢ ᠰᠠᠶᠢᠨ ᠬᠠᠷᠢᠭᠤᠯᠵᠤ ᠮᠠᠯᠯᠠᠬᠤ ᠨᠢ ᠲᠦᠢᠯ ᠤᠨ ᠴᠢᠬᠤᠯᠨ᠃ | ︽ᠴᠠᠭ ᠠᠭᠠᠷ ᠮᠠᠯ ᠤᠨ ᠬᠠᠷᠢᠭᠤᠯᠭᠠ︾ ᠨᠤᠮ ᠠᠴᠠ | ᠵᠤᠬᠢᠶᠠᠭᠴᠢ᠄ ︵ᠮᠤᠩᠭᠤᠯ︶ ᠪ᠊ · ᠵᠢᠭᠮᠡᠳᠳᠤᠷᠵᠢ᠂ ᠯ᠊ · ᠪᠠᠯᠳᠠᠨᠳᠠᠰᠢ᠂ ᠬ᠋᠊ · ᠨᠠᠮᠬᠠᠶᠢᠵᠠᠨᠽᠠᠨ | | | |