| ᠨᠠᠶᠢᠰᠯᠡᠯ ᠪᠡᠭᠡᠵᠢᠩ ᠨᠠᠮᠤᠷ ᠤᠨ ᠬᠤᠩᠭᠤᠷ ᠰᠠᠯᠭᠢᠨ ᠤ ᠢᠯᠪᠢᠯᠳᠡ ᠪᠠᠷ ᠠᠭᠠᠷ ᠨᠢ ᠳᠤᠩᠭᠠᠯᠠᠭ ᠠᠭᠤᠷ | ᠠᠮᠢᠰᠬᠤᠯ ᠨᠢ ᠰᠡᠷᠢᠬᠦᠭᠡᠨ ᠳᠠᠭᠠᠯᠠᠮᠵᠢᠳᠠᠢ ᠪᠤᠯᠤᠬᠰᠡᠨ ᠪᠠᠶᠢᠬᠤ ᠳᠤ ᠠᠯᠤᠰ ᠬᠤᠯᠠ ᠪᠠᠶᠢᠬᠤ ᠠᠷᠤ ᠭᠠᠵᠠᠷ ᠤᠨ | ᠭᠡᠰᠢᠭᠳᠡᠨ ᠳᠤ ᠬᠠᠷᠢᠨ ᠠᠩᠬᠠ ᠡᠪᠤᠯ ᠰᠠᠭᠠᠳᠠᠭᠠᠳ ᠠᠷᠠᠰᠤ ᠮᠢᠬᠠ ᠶᠢ ᠬᠦᠷᠵᠠᠶᠢᠯᠠᠭᠡᠬᠦ ᠬᠦᠢᠳᠡᠨ ᠰᠠᠯᠭᠢ ᠦᠯᠢᠶᠡᠵᠤ | ᠡᠭᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠪᠤᠯ ᠦᠨᠳᠦᠷᠯᠢᠭ ᠤᠨ ᠠᠭᠤᠷ ᠠᠮᠢᠰᠬᠤᠯ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠪᠤᠯᠬᠤ ᠶᠤᠮ᠃ | ᠭᠡᠰᠢᠭᠳᠡᠨ ᠭᠡᠰᠡᠨ ᠨᠡᠷᠡ ︽ᠭᠡᠰᠢᠭ ᠤᠨ ᠬᠦᠮᠤᠰ︾᠂ ︽ᠳᠤᠷᠭᠠᠨ ᠴᠡᠷᠢᠭ︾ ᠭᠡᠳᠡᠭ ᠠᠴᠠ ᠢᠷᠡᠯᠳᠡ ᠲᠠᠢ ᠶᠤᠮ | ᠳ᠋ᠠᠭ᠃ ᠳᠡᠤᠭᠡ ᠶᠢᠨ ᠮᠠᠭᠠᠳᠯᠠᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠠᠳᠡ ᠭᠡᠰᠢᠭᠳᠡᠨ ᠴᠡᠷᠢᠭ | ᠰᠠᠭᠤᠵᠤ ᠪᠠᠶᠢᠬᠰᠡᠨ ᠪᠤᠯᠬᠤᠷ ᠠᠳᠡᠭᠢ ᠶᠢ ᠭᠡᠰᠢᠭᠳᠡᠨ ᠭᠡᠵᠤ ᠳᠠᠭᠤᠳᠠᠬᠤ ᠪᠤᠯᠵᠠᠢ᠃ ᠠᠷᠪᠠᠨ ᠭᠡᠳᠤᠨ ᠵᠢᠯ ᠤᠨ | ᠡᠮᠤᠨᠡ᠂ ᠭᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠳᠦᠪ ᠪᠢᠷᠠᠭᠤ ᠪᠠᠯᠭᠠᠰᠤ ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠᠭᠢ ᠵᠢᠵᠢᠭ ᠪᠠᠯᠭᠠᠰᠤ | ᠪᠠᠶᠢᠬᠰᠡᠨ ᠪᠢᠯᠡ᠂ ᠤᠳᠤ ᠳᠡᠭᠡᠬᠦ ᠳᠤ ᠦᠩᠭᠡᠷᠡᠭᠰᠡᠨ ᠤ ᠬᠢ ᠲᠠᠢ ᠪᠠᠨ ᠦᠰᠦᠳ ᠦᠭᠡᠷᠡ ᠪᠤᠯᠵᠠᠢ᠃ ᠦᠪᠡᠷᠮᠢᠴᠠ | ᠪᠠᠶᠢᠷᠢᠰᠢᠯ ᠪᠤᠯᠤᠨ ᠦᠭᠡᠷᠡ ᠠᠴᠠ ᠢᠯᠭᠠᠬᠳᠠᠬᠤ ᠭᠠᠵᠠᠷ ᠵᠦᠢ ᠶᠢᠨ ᠨᠦᠬᠦᠴᠡᠯ ᠠᠴᠠ ᠪᠠᠨ ᠪᠤᠯᠤᠬᠰᠡᠨ ᠪᠠᠶᠢᠭᠠᠯᠢ | ᠶᠢᠨ ᠪᠠᠭ᠋ᠠᠷᠤᠮᠠ ᠦᠵᠡᠮᠵᠢ ᠪᠠᠨ ᠠᠰᠢᠬᠯᠠᠨ 1996 ᠤᠨ ᠳᠤ ᠠᠳᠡ ᠬᠤᠰᠢᠭᠤᠨ ᠤ ᠳᠡᠰ ᠤᠨ ᠭᠠᠵᠠᠷ ᠵᠦᠢ ᠶᠢᠨ | ᠴᠡᠴᠡᠷᠯᠢᠭ ᠪᠠᠶᠢᠭᠤᠯᠵᠤ᠂ 2001 ᠤᠨ ᠳᠤ ᠡᠨᠡ ᠬᠦ ᠴᠡᠴᠡᠷᠯᠢᠭ ᠨᠢ ᠤᠯᠤᠰ ᠤᠨ ᠭᠠᠵᠠᠷ ᠵᠦᠢ ᠶᠢᠨ ᠴᠡᠴᠡᠷᠯᠢᠭ | ᠲᠤ ᠳᠤᠭᠠᠴᠠᠬᠳᠠᠵᠤ᠂ 2005 ᠤᠨ ᠳᠤ ᠳᠡᠯᠡᠭᠡᠢ ᠶᠢᠨ ᠭᠠᠵᠠᠷ ᠵᠦᠢ ᠶᠢᠨ ᠴᠡᠴᠡᠷᠯᠢᠭ ᠪᠤᠯᠤᠨ ᠦᠪᠰᠢᠭᠰᠡᠨ | ᠪᠠᠶᠢᠨᠠ᠃ ᠭᠡᠰᠢᠭᠳᠡᠨ ᠳᠤ ᠪᠠᠰᠠ ᠪᠠᠶ᠋ᠬᠠᠤᠪᠤᠭᠠ ᠪᠤᠯᠤᠨ ᠳᠠᠯᠠᠢ ᠨᠠᠭᠤᠷ ᠤᠨ ᠤᠯᠤᠰ ᠤᠨ ᠳᠡᠰ ᠤᠨ ᠪᠠᠶᠢᠭᠠᠯᠢ ᠶᠢᠨ | ᠬᠠᠮᠠᠭᠠᠯᠠᠯᠳᠡ ᠶᠢᠨ ᠤᠷᠤᠨ ᠪᠠᠶᠢᠳᠠᠭ᠃ ᠦᠩᠭᠡᠷᠡᠭᠰᠡᠨ ᠳᠤ ᠦᠴᠦᠭᠡᠨ ᠬᠤᠳᠠ ᠪᠠᠶᠢᠬᠰᠡᠨ ᠪᠢᠷᠠᠭᠤ ᠪᠠᠯᠭᠠᠰᠤ ᠦᠨᠤ | ᠬᠠᠷᠢᠨ ᠳᠡᠯᠭᠡᠢ ᠶᠢᠨ ᠬᠦᠮᠤᠰ ᠤᠨ ᠬᠠᠷᠠᠭᠠᠨ ᠳᠤ ᠤᠷᠤᠭᠠᠳ ᠦᠭᠡᠳᠡ ᠤᠷᠤᠭᠤ ᠪᠠᠨ ᠵᠤᠷᠴᠢᠬᠤ ᠤᠯᠠᠨ ᠬᠦᠮᠤᠨ ᠤ | ᠤᠷᠤᠰᠬᠠᠯ ᠦᠨᠤᠴᠢᠨ ᠰᠢᠬᠠᠭᠤ ᠪᠠᠶᠢᠬᠰᠡᠨ ᠪᠢᠷᠠᠭᠤ ᠪᠠᠯᠭᠠᠰᠤ ᠶᠢ ᠦᠷᠨᠢᠬᠦᠨ ᠬᠦᠭᠵᠢᠯᠳᠠᠢ ᠳᠤᠮᠳᠠ ᠵᠡᠷᠭᠡ ᠶᠢᠨ | ᠬᠤᠳᠠ ᠪᠤᠯᠭᠠᠨ ᠬᠦᠭᠵᠢᠬᠦᠯᠦᠭᠰᠡᠨ ᠪᠠᠶᠢᠨᠠᠮ᠃ 2012 ᠤᠨ ᠤ 10 ᠰᠠᠷᠠ ᠶᠢᠨ ᠰᠢᠨᠠᠳ ᠢᠶᠠᠷ ᠪᠢ ᠭᠡᠰᠢᠭᠳᠡᠨ | ᠳᠤ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠦᠷᠦᠭᠡᠳ ᠤᠮᠤᠬᠯᠠᠩ ᠪᠠᠳᠠᠷᠠᠭᠤᠨ ᠮᠦᠷᠳᠡᠭᠡᠨ ᠤᠷᠠᠯᠢᠬᠠᠨ ᠨᠠᠮᠵᠢᠭᠤᠨ ᠭᠤᠴᠤ ᠰᠠᠶᠢᠬᠠᠨ | ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠶᠢ ᠨᠢ ᠪᠠᠭ᠋ᠠᠷᠤᠨ ᠰᠤᠨᠢᠷᠬᠠᠵᠤ ᠶᠠᠪᠤᠬᠰᠡᠨ ᠶᠤᠮ᠃ | ᠠᠮᠢᠳᠡᠨ ᠤᠷᠭᠤᠮᠠᠯ ᠤᠨ ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ — ᠪᠠᠶ᠋ᠬᠠᠤᠪᠤᠭᠠ ᠶᠢᠨ ᠡᠯᠡᠰᠤᠨ ᠭᠠᠴᠤᠷᠠ | ᠰᠢᠯᠢᠩᠬᠤᠳᠠ ᠠᠴᠠ ᠮᠠᠰᠢᠨ ᠳᠤ ᠰᠠᠭᠤᠨ ᠬᠠᠭᠠᠰ ᠴᠠᠭ ᠢᠯᠡᠬᠦᠭᠡᠨ ᠠᠶᠠᠯᠠᠭᠠᠳ ᠪᠢᠳᠡ ᠪᠠᠶ᠋ᠬᠠᠤᠪᠤᠭᠠ ᠶᠢᠨ | ᠤᠯᠤᠰ ᠤᠨ ᠳᠡᠰ ᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠡ ᠶᠢᠨ ᠤᠷᠤᠨ ᠳᠤ ᠬᠦᠷᠴᠤ ᠢᠷᠡᠯᠡ᠂ ᠪᠠᠶᠢᠭᠠᠯᠢ ᠶᠢᠨ ᠡᠬᠦᠯᠡ | ᠰᠠᠯᠭᠢᠨ ᠳᠤᠤᠷᠠ ᠪᠠᠨ ᠳᠤᠯᠤᠭᠠ ᠬᠤᠪᠢᠷᠠᠵᠤ ᠪᠠᠶᠢᠬᠰᠡᠨ ᠪᠤᠯᠪᠠᠴᠤ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠳᠤ | ᠤᠷᠤᠬᠤ ᠲᠠᠢ ᠵᠡᠷᠭᠡ ᠬᠦᠭᠡ ᠤᠬᠳᠠᠷᠭᠤᠢ ᠶᠢᠨ ᠳᠤᠤᠷᠠ ᠨᠤᠭᠤᠭᠠᠨ ᠮᠤᠳᠤ ᠴᠡᠯᠡᠬᠡᠷᠡᠬᠡᠳ ᠬᠦᠮᠤᠰ ᠤᠨ ᠰᠡᠳᠭᠢᠯ ᠢ | ᠰᠤᠬᠳᠤᠭᠤᠷᠠᠭᠤᠯᠤᠮᠠ ᠰᠠᠶᠢᠬᠠᠨ ᠦᠵᠡᠮᠵᠢ ᠳᠤᠳᠤᠷᠠᠬᠰᠡᠨ ᠨᠢ ᠨᠠᠳᠠ ᠶᠢ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠭᠠᠶᠢᠬᠠᠰᠢ | ᠠᠯᠳᠠᠭᠤᠯᠵᠤ ᠪᠢᠯᠡ᠃ | ᠪᠠᠶ᠋ᠬᠠᠤᠪᠤᠭᠠ ᠶᠢᠨ ᠤᠯᠤᠰ ᠤᠨ ᠳᠡᠰ ᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠭᠡᠰᠢᠭᠳᠡᠨ | ᠬᠤᠰᠢᠭᠤᠨ ᠤ ᠳᠦᠪ ᠪᠢᠷᠠᠭᠤ ᠪᠠᠯᠭᠠᠰᠤ ᠠᠴᠠ 75 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ ᠭᠠᠵᠠᠷ ᠲᠤ ᠬᠤᠰᠢᠭᠤᠨ ᠤ ᠪᠠᠨ | ᠪᠠᠷᠠᠭᠤᠨ ᠬᠤᠶᠢᠳᠤ ᠳᠠᠯᠠ ᠳᠤ ᠤᠷᠤᠰᠢᠵᠤ ᠪᠠᠶᠢᠳᠠᠭ ᠪᠤᠯᠬᠤᠷ ᠬᠦᠩᠭᠡᠷ ᠤᠨ ᠳᠠᠯᠠ ᠲᠠᠢ ᠵᠠᠬᠠ ᠨᠡᠶᠢᠯᠡᠭᠰᠡᠨ | ᠪᠠᠶᠢᠳᠠᠭ᠃ ᠪᠠᠶ᠋ᠬᠠᠤᠪᠤᠭᠠ ᠶᠢᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠢ 1979 ᠤᠨ ᠳᠤ ᠠᠩᠬᠠ | ᠪᠠᠶᠢᠭᠤᠯᠵᠤ᠂ 2000 ᠤᠨ ᠳᠤ ᠳᠦᠷᠦ ᠶᠢᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠ ᠪᠠᠷ ᠵᠦᠪᠰᠢᠶᠡᠷᠡᠬᠦᠯᠤᠨ ᠤᠯᠤᠰ ᠤᠨ ᠳᠡᠰ | ᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠪᠤᠯᠭᠠᠬᠰᠡᠨ ᠪᠠᠶᠢᠵᠠᠢ᠃ ᠠᠳᠡ ᠭᠤᠤᠯᠳᠠᠭᠤ ᠡᠯᠡᠰᠤᠨ ᠭᠠᠴᠤᠷᠠ | ᠶᠢᠨ ᠤᠢ ᠶᠢᠨ ᠰᠢᠰᠲ᠋ᠧᠮ ᠳᠤ ᠬᠠᠮᠠᠭᠠᠯᠠᠯᠳᠠ ᠭᠢᠵᠤ ᠪᠠᠶᠢᠨᠠ᠃ | ᠡᠯᠡᠰᠤᠨ ᠭᠠᠴᠤᠷᠠ ᠪᠤᠯ ᠡᠷᠭᠢᠮ ᠨᠠᠨᠳᠢᠨ ᠬᠤᠪᠤᠷ ᠴᠤᠬᠠᠭ ᠮᠤᠳᠤᠨ ᠤ ᠳᠦᠷᠦᠯ ᠪᠤᠯᠬᠤ ᠪᠦᠭᠡᠳ ᠤᠳᠤ | ᠳᠡᠯᠡᠭᠡᠢ ᠳᠠᠶᠠᠭᠠᠷ ᠲᠤ ᠵᠦᠪᠬᠡᠨ 10 ᠲᠦᠮᠡ ᠰᠢᠬᠠᠮ ᠮᠤ᠋ ᠯᠡ ᠦᠯᠡᠳᠡᠵᠤ ᠪᠠᠶᠢᠬᠤ ᠪᠠ ᠳᠡᠷᠡ ᠨᠢ ᠴᠦᠮ ᠢᠶᠠᠷ | ᠢᠶᠠᠨ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠳᠤ ᠪᠠᠶᠢᠳᠠᠭ᠂ ᠳᠡᠬᠦᠨ ᠤ ᠳᠤᠳᠤᠷᠠᠭᠢ ᠪᠦᠭᠡᠮ ᠤᠢ ᠨᠢ 3.6 ᠳᠦᠮᠡ | ᠭᠠᠷᠤᠶᠢᠬᠠᠨ ᠮᠤ᠋ ᠪᠠᠶᠢᠳᠠᠭ ᠪᠠ ᠳᠡᠷᠡ ᠨᠢ ᠭᠡᠰᠢᠭᠳᠡᠨ ᠬᠤᠰᠢᠭᠤᠨ ᠳᠤ ᠳᠦᠪᠯᠡᠷᠡᠵᠤ ᠪᠠᠶᠢᠭᠠ ᠪᠢᠯᠡ᠃ ᠠᠳᠡᠭᠢ | ᠡᠯᠡᠰᠤᠨ ᠭᠠᠴᠤᠷᠠ ᠨᠢ ᠳᠤᠮᠳᠠᠴᠢ ᠪᠠᠷ 80 — 120 ᠵᠢᠯ ᠤᠨ ᠨᠠᠰᠤ ᠲᠠᠢ᠂ 25 — 30 ᠮᠧᠲᠷ | ᠦᠨᠳᠤᠷ ᠤᠷᠭᠤᠬᠰᠡᠨ ᠪᠠᠶᠢᠳᠠᠭ ᠪᠠ ᠮᠤᠳᠤᠨ ᠤ ᠪᠦᠳᠦᠬᠦᠨ ᠭᠡᠰᠡᠭ ᠤᠨ ᠳ᠋ᠢᠶᠠᠮᠧᠲᠷ ᠨᠢ 22 — 36 | ᠰᠡᠨᠲ᠋ᠢᠮᠧᠲᠷ ᠪᠠᠶᠢᠳᠠᠭ᠃ ᠪᠠᠶ᠋ᠬᠠᠤᠪᠤᠭᠠ ᠪᠤᠯ ᠶᠡᠭᠡ ᠭᠢᠩᠭᠠᠨ ᠳᠠᠪᠠᠭᠠᠨ ᠤ ᠰᠡᠵᠢᠬᠦᠷ ᠪᠤᠯᠬᠤ ᠪᠠ ᠡᠨᠡ ᠤᠪᠤᠭᠠᠨ ᠤ | ᠡᠷᠭᠢᠨ ᠳᠤᠭᠤᠷᠢᠨ ᠤ ᠭᠠᠵᠠᠷ ᠨᠢ ᠴᠦᠮ ᠡᠯᠡᠰᠤ ᠮᠠᠩᠬᠠ ᠪᠠᠶᠢᠳᠠᠭ ᠶᠤᠮ᠂ ᠡᠯᠡᠰᠤᠨ ᠳᠠᠪᠬᠤᠷᠭᠠ ᠶᠢᠨ ᠵᠤᠵᠠᠭᠠᠨ ᠤ | ᠭᠡᠮᠵᠢᠶᠡ ᠨᠢ 10 — 100 ᠮᠧᠲᠷ ᠪᠠᠶᠢᠬᠤ ᠪᠠ ᠬᠦᠷᠦᠰᠦᠨ ᠤ ᠭᠠᠳᠠᠷ ᠳᠠᠪᠬᠤᠷᠭᠠ ᠨᠢ 30 — 50 | ᠰᠡᠨᠲ᠋ᠢᠮᠧᠲᠷ ᠭᠢᠷᠢᠳᠠᠢ ᠵᠤᠵᠠᠭᠠᠨ ᠢᠯᠵᠠᠮᠠᠯ ᠡᠳ᠋ ᠠᠴᠠ ᠪᠦᠳᠦᠭᠰᠡᠨ ᠴᠠᠶᠢᠪᠦᠷ ᠦᠩᠭᠡᠳᠤ ᠤᠢ ᠶᠢᠨ ᠰᠢᠷᠤᠢ ᠳᠤ | ᠬᠤᠴᠠᠬᠳᠠᠬᠰᠡᠨ ᠪᠤᠯᠬᠤᠷ ᠬᠦᠷᠦᠰᠤ ᠰᠢᠷᠤᠢ ᠨᠢ ᠬᠦᠪᠰᠦᠭᠡᠷ ᠵᠦᠭᠡᠯᠡᠨ᠂ ᠰᠢᠮᠡ ᠳᠡᠵᠢᠭᠡᠯ ᠢᠶᠠᠷ ᠪᠠᠷᠤᠬᠳᠠᠢ᠂ ᠤᠰᠤ | ᠨᠡᠪᠴᠢᠭᠡᠬᠦ ᠪᠠᠷ ᠰᠠᠶᠢᠨ᠂ ᠴᠢᠭᠢᠭ ᠢ ᠬᠠᠳᠠᠭᠠᠯᠠᠬᠤ ᠪᠠᠷ ᠠᠨᠠᠢ ᠪᠠᠶᠢᠳᠠᠭ ᠪᠠᠶᠢᠨᠠ᠃ ᠡᠬᠦᠨ ᠵᠡᠶᠢᠷ ᠦᠯᠤ ᠪᠠᠷᠠᠨ | ᠠᠳᠡ ᠬᠠᠪᠤᠷ ᠲᠤ ᠪᠠᠨ ᠭᠠᠩ ᠬᠠᠭᠤᠷᠠᠢ᠂ ᠬᠠᠪᠰᠠᠷᠭᠠ ᠶᠡᠭᠡ ᠲᠠᠢ᠂ ᠵᠤᠨ ᠨᠢ ᠳᠤᠯᠠᠭᠠᠬᠠᠨ ᠪᠤᠯᠪᠠᠴᠤ ᠬᠤᠭᠤᠴᠠᠭᠠ | ᠨᠢ ᠤᠬᠤᠷ᠂ ᠨᠠᠮᠤᠷ ᠲᠤ ᠪᠠᠨ ᠠᠭᠤᠷ ᠠᠮᠢᠰᠬᠤᠯ ᠰᠡᠷᠢᠬᠦᠪᠳᠤᠷ᠂ ᠡᠪᠤᠯ ᠳᠤ ᠪᠠᠨ ᠬᠠᠭᠢᠷ ᠬᠦᠢᠳᠡᠨ ᠤᠳᠠᠭᠠᠨ | ᠦᠷᠬᠦᠯᠵᠢᠯᠡᠳᠡᠭ᠃ ᠳᠡᠶᠢᠮᠤ ᠪᠤᠯᠬᠤᠷ ᠠᠳᠡᠭᠢ ᠡᠯᠡᠰᠤᠨ ᠭᠠᠴᠤᠷᠠ ᠡᠳᠡᠭᠡᠳ ᠮᠠᠭᠤᠬᠠᠨ ᠤᠷᠴᠢᠨ ᠠᠬᠤᠢ ᠳᠤ | ᠤᠷᠭᠤᠨ ᠳᠦᠯᠵᠢᠵᠤ ᠪᠠᠶᠢᠭᠠ ᠪᠢᠯᠡ᠃ | ᠳᠡᠤᠭᠡ ᠱᠠᠰᠳᠢᠷ ᠢ ᠦᠨᠳᠦᠰᠦᠯᠡᠪᠡᠯ᠂ ᠭᠡᠰᠢᠭᠳᠡᠨ ᠤ ᠡᠯᠡᠰᠦᠨ ᠭᠠᠴᠤᠷᠠ ᠶᠢ ᠡᠷᠳᠡ ᠦᠶᠡ ᠳᠤ ᠳᠡᠮᠳᠡᠭᠯᠡᠨ | ᠦᠯᠡᠳᠡᠭᠡᠭᠰᠡᠨ ᠪᠠᠶᠢᠵᠠᠢ᠂ ᠭᠡᠯᠡᠪᠡᠯ ᠳᠡᠬᠦᠨ ᠢ ᠳᠦᠷᠦᠯ ᠵᠦᠢᠯ ᠳᠤ ᠠᠩᠭᠢᠯᠠᠬᠤ ᠳᠠᠯᠠ ᠪᠠᠷ ᠬᠦᠮᠤᠰ ᠶᠡᠷᠤ | ᠳᠤᠳᠤᠷᠬᠠᠢ ᠳᠠᠨᠢᠯᠳᠠ ᠦᠭᠡᠢ ᠪᠠᠶᠢᠬᠰᠡᠨ ᠪᠠᠶᠢᠨᠠ᠃ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠶᠢᠭᠤᠯᠤᠬᠳᠠᠬᠰᠡᠨ ᠡᠭᠢᠨ ᠤ | ᠦᠶᠡ ᠳᠤ ᠠᠳᠡᠭᠢ ᠶᠢᠨ ᠭᠠᠴᠤᠷᠠ ᠨᠢ ᠬᠦᠭᠡᠨᠡᠭᠤᠷ ᠤᠨ ᠭᠠᠴᠤᠷᠠ ︵Picea crassifolia︶ ᠭᠡᠵᠤ | ᠦᠵᠡᠵᠤ ᠪᠠᠶᠢᠬᠰᠡᠨ ᠪᠠ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠵᠢᠷᠠ ᠳᠠᠯᠠᠭᠠᠳ ᠤᠨ ᠤ ᠦᠶᠡ ᠳᠤ ᠪᠠᠰᠠ ᠵᠠᠷᠢᠮ ᠬᠦᠮᠤᠰ | ᠤᠯᠠᠭᠠᠨ ᠭᠠᠴᠤᠷᠠ ᠴᠦ ᠭᠡᠵᠤ ᠨᠡᠷᠡᠯᠡᠵᠤ ᠪᠠᠶᠢᠵᠠᠢ᠃ ᠤᠷᠴᠢᠮ ᠤᠨ ᠵᠢᠯ ᠠᠴᠠ ᠳᠤᠮᠳᠠᠳᠤ ᠤᠯᠤᠰ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠮᠦᠭᠳᠡᠨ ᠳᠠᠬᠢ ᠭᠡᠷᠡᠭᠯᠡᠭᠡᠨ ᠤ ᠠᠮᠢ ᠠᠬᠤᠢ ᠶᠢᠨ ᠰᠤᠳᠤᠯᠤᠯ ᠤᠨ ᠭᠠᠵᠠᠷ ᠤᠨ ᠰᠢᠤᠢ | ᠸᠧᠨ ᠹᠧᠩ ᠵᠡᠷᠭᠡ ᠶᠢᠨ ᠬᠦᠮᠤᠰ ᠭᠡᠳᠤᠨ ᠳᠦᠷᠦᠯ ᠤᠨ ᠭᠠᠴᠤᠷᠠ ᠶᠢᠨ ᠭᠡᠯᠪᠡᠷᠢ ᠳᠦᠷᠬᠦ ᠳᠤ ᠵᠠᠳᠠᠯᠤᠯᠳᠠ ᠭᠢᠵᠤ᠂ | ᠳᠡᠳᠡᠭᠡᠷ ᠤᠨ ᠪᠤᠳᠤᠬᠳᠠᠮᠠᠬᠠᠢ ᠪᠡᠶᠡ ᠶᠢᠨ ᠴᠦᠮᠡ ᠶᠢᠨ ᠭᠡᠪ ᠢ ᠰᠢᠨᠵᠢᠯᠡᠨ ᠨᠠᠷᠢᠪᠴᠢᠯᠠᠵᠤ᠂ ᠢᠵᠢᠯ ᠢᠰᠢᠭᠡᠬᠦᠷ ᠢ ᠨᠢ | ᠰᠢᠯᠭᠠᠨ ᠳᠤᠬᠳᠠᠭᠠᠬᠤ ᠪᠠ ᠰᠦᠷᠦᠭᠵᠢᠭᠰᠡᠨ ᠪᠡᠶᠡ ᠶᠢ ᠭᠡᠪᠳᠡᠭᠡ ᠴᠢᠭᠯᠡᠯ ᠢᠶᠠᠷ ᠰᠤᠳᠤᠯᠠᠬᠤ᠂ ᠠᠮᠢ ᠠᠬᠤᠢ ᠶᠢᠨ | ᠭᠠᠵᠠᠷ ᠵᠦᠢ ᠳᠤ ᠵᠠᠳᠠᠯᠤᠯᠳᠠ ᠭᠢᠬᠦ ᠪᠤᠯᠤᠨ ᠳᠠᠷᠢᠵᠤ ᠤᠷᠭᠤᠭᠤᠯᠬᠤ ᠳᠤᠷᠰᠢᠯᠳᠠ ᠵᠡᠷᠭᠡ ᠪᠦᠬᠦ ᠳᠠᠯᠠ ᠪᠠᠷ | ᠰᠢᠰᠲ᠋ᠧᠮ ᠲᠠᠢ ᠰᠤᠳᠤᠯᠤᠬᠰᠡᠨ ᠪᠠᠶᠢᠨᠠ᠃ 1997 ᠤᠨ ᠤ 3 ᠰᠠᠷᠠ ᠶᠢᠨ 27 ᠳᠤ ᠳᠤᠮᠳᠠᠳᠤ ᠤᠯᠤᠰ ᠤᠨ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠭᠢᠭᠰᠡᠨ ᠡᠷᠳᠡᠮᠳᠡᠳ ᠤᠨ ᠭᠢᠨᠠᠨ ᠪᠠᠳᠤᠯᠠᠬᠤ ᠬᠤᠷᠠᠯ ᠳᠡᠭᠡᠷᠡ ᠬᠤᠷᠠᠯ ᠳᠤ | ᠤᠷᠤᠯᠴᠠᠬᠰᠡᠨ ᠪᠦᠬᠦ ᠬᠦᠮᠤᠰ ᠦᠪᠦᠷ ᠮᠤᠩᠭᠤᠯ ᠤᠨ ᠭᠡᠰᠢᠭᠳᠡᠨ ᠤ ᠪᠠᠶ᠋ᠬᠤᠪᠤᠭᠠ ᠳᠠᠬᠢ ᠪᠠᠶᠢᠭᠠᠯᠢ ᠶᠢᠨ | ᠬᠠᠮᠠᠭᠠᠯᠠᠯᠳᠠ ᠶᠢᠨ ᠤᠷᠤᠨ ᠤ ᠭᠠᠴᠤᠷᠠ ᠪᠤᠯ ᠤᠨᠴᠠᠭᠠᠢ ᠨᠢᠭᠡᠨ ᠵᠦᠢᠯ ᠤᠨ ᠰᠢᠨᠡ ᠳᠦᠷᠦᠯ — ᠡᠯᠡᠰᠤᠨ | ᠭᠠᠴᠤᠷᠠ ︵P.mongolica︶ ᠪᠤᠯᠤᠨᠠ ᠭᠡᠵᠤ ᠰᠠᠨᠠᠯ ᠨᠢᠭᠡᠳᠠᠢ ᠦᠵᠡᠵᠡᠭᠡᠭᠰᠡᠨ ᠪᠠᠶᠢᠨᠠ᠃ ᠡᠬᠦᠨ ᠤ ᠤᠴᠢᠷ | ᠰᠢᠯᠳᠠᠭᠠᠨ ᠨᠢ ᠭᠡᠪᠡᠯ᠂ ᠭᠠᠵᠠᠷ ᠵᠦᠢ ᠪᠤᠯᠤᠨ ᠠᠭᠠᠷ ᠤᠷᠴᠢᠨ ᠤ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠳᠤᠰᠭᠠᠷᠯᠠᠨ ᠠᠴᠠ | ᠪᠤᠯᠤᠭᠠᠳ ᠦᠷᠡᠵᠢᠯ ᠨᠢ ᠳᠤᠰᠭᠠᠷᠯᠠᠬᠳᠠᠬᠰᠡᠨ ᠪᠤᠯᠬᠤᠷ ᠰᠦᠷᠦᠭᠵᠢᠭᠰᠡᠨ ᠪᠡᠶᠡ ᠨᠢ ᠵᠠᠳᠠᠷᠠᠨ ᠰᠢᠨᠡ ᠳᠦᠷᠦᠯ ᠵᠦᠢᠯ | ᠡᠬᠦᠰᠦᠭᠰᠡᠨ ᠠᠴᠠ ᠪᠤᠯᠤᠬᠰᠡᠨ ᠪᠠᠶᠢᠨᠠ᠃ ᠡᠯᠡᠰᠤᠨ ᠭᠠᠴᠤᠷᠠ ᠡᠩ ᠳᠡᠯᠡᠭᠡᠢ ᠳᠤ ᠳᠤᠩ ᠬᠤᠪᠤᠷ ᠬᠠᠷᠠᠬᠳᠠᠳᠠᠭ᠂ | ᠳᠡᠷᠨ ᠨᠢ ᠦᠪᠦᠷ ᠮᠤᠩᠭᠤᠯ ᠤᠨ ᠳᠠᠯᠠ ᠨᠤᠳᠤᠭ ᠤᠨ ᠬᠤᠯᠠᠨ ᠰᠢᠷᠭᠠ ᠲᠠᠬᠢ ᠶᠢᠨ ᠮᠠᠩᠬᠠᠨ ᠳᠤ ᠦᠯᠡᠳᠡᠭᠡᠳ | ᠪᠠᠶᠢᠭᠠ ᠤᠢ ᠰᠢᠭᠤᠢ ᠶᠢᠨ ᠠᠮᠢ ᠠᠬᠤᠢ ᠶᠢᠨ ᠰᠢᠰᠲ᠋ᠧᠮ ᠤᠨ ᠳᠦᠷᠦᠯ ᠵᠦᠢᠯ ᠪᠤᠯᠬᠤ ᠪᠠ ᠤᠳᠤ ᠳᠤ ᠪᠠᠨ ᠳᠡᠯᠡᠭᠡᠢ | ᠶᠢᠨ ᠪᠤᠮᠪᠤᠷᠴᠡᠭ ᠳᠡᠭᠡᠷᠡ ᠦᠯᠡᠳᠡᠵᠤ ᠪᠠᠶᠢᠭᠠ ᠴᠤᠷ ᠤᠨ ᠭᠠᠭᠴᠠ ᠡᠯᠡᠰᠤᠨ ᠭᠠᠴᠤᠷᠠ ᠶᠢᠨ ᠤᠢ ᠪᠤᠯᠬᠤ ᠶᠤᠮ᠃ | ᠡᠬᠦᠨ ᠢᠶᠠᠷ ᠦᠯᠤ ᠪᠠᠷᠠᠨ ᠡᠨᠡ ᠭᠠᠵᠠᠷ ᠨᠢ ᠤᠳᠤ ᠮᠠᠨ ᠤ ᠤᠯᠤᠰ ᠤᠨ ᠡᠯᠡᠰᠤᠨ ᠭᠠᠴᠤᠷᠠ ᠶᠢᠨ ᠡᠭᠡ ᠮᠤᠳᠤ ᠶᠢ | ᠦᠰᠭᠡᠨ ᠦᠷᠡᠵᠢᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠤᠬᠰᠡᠨ ᠪᠠᠶᠢᠨᠠ᠂ ᠡᠯᠡᠰᠤᠨ ᠭᠠᠴᠤᠷᠠ ᠨᠢ ︽ᠠᠮᠢᠳᠡᠨ ᠤᠷᠭᠤᠮᠠᠯ | ᠤᠨ ᠭᠧᠨ ᠤ ᠬᠦᠮᠤᠷᠭᠡ︾᠂ ︽ᠠᠮᠢᠳᠡᠨ ᠤᠷᠭᠤᠮᠠᠯ ᠤᠨ ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ︾ ᠭᠡᠰᠡᠨ ᠰᠠᠶᠢᠬᠠᠨ ᠠᠯᠳᠠᠷ ᠲᠠᠢ | ᠪᠠᠶᠢᠳᠠᠭ᠃ | ᠡᠯᠡᠰᠤᠨ ᠭᠠᠴᠤᠷᠠ ᠪᠤᠯ ᠮᠦᠩᠭᠡ ᠨᠤᠭᠤᠭᠠᠨ ᠳᠤᠮᠤ ᠳᠤᠷᠤᠭ ᠮᠤᠳᠤ ᠪᠤᠯᠬᠤ ᠪᠦᠭᠡᠳ ᠬᠠᠯᠢᠰᠤ ᠨᠢ | ᠬᠦᠷᠡᠩ ᠤᠯᠠᠭᠠᠪᠳᠤᠷ ᠪᠠᠶᠢᠳᠠᠭ᠂ ᠰᠢᠨᠡᠭᠡᠨ ᠤᠷᠭᠤᠬᠰᠡᠨ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠰᠢᠷᠠᠪᠳᠤᠷ ᠪᠤᠶᠤ ᠡᠰᠡᠬᠦᠯᠡ ᠬᠦᠷᠡᠩ | ᠤᠯᠠᠭᠠᠪᠳᠤᠷ ᠪᠠᠶᠢᠵᠤ᠂ 1.2 — 2.2 ᠰᠡᠨᠲ᠋ᠢᠮᠧᠲᠷ ᠤᠷᠭᠤᠬᠰᠡᠨ ᠨᠠᠪᠴᠢ ᠨᠢ ᠦᠵᠦᠬᠦᠷ ᠵᠦᠭ ᠢᠶᠠᠨ | ᠱᠤᠪᠤᠭᠤᠷ ᠮᠦᠷᠳᠡᠭᠡᠨ ᠬᠠᠳᠠᠭᠤ᠂ ᠬᠦᠨᠳᠡᠯᠡᠨ ᠤᠬᠳᠤᠯᠤᠭᠠᠰᠤ ᠨᠢ ᠭᠤᠷᠪᠠᠯᠵᠢᠨ ᠭᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠂ ᠡᠨᠡ | ᠮᠤᠳᠤ ᠨᠢ ᠰᠤᠪᠤᠷᠠᠭᠠᠯᠠᠬᠰᠡᠨ ᠭᠡᠯᠪᠡᠷᠢ ᠲᠠᠢ ᠪᠠᠷ ᠤᠷᠭᠤᠬᠰᠡᠨ ᠪᠠᠶᠢᠳᠠᠭ ᠶᠤᠮ᠃ ᠡᠯᠡᠰᠤᠨ ᠭᠠᠴᠤᠷᠠ ᠨᠢ ᠭᠡᠳᠤᠢ | ᠪᠠᠷ ᠬᠦᠶᠦᠭᠡᠨ ᠦᠨᠳᠤᠰᠤ ᠲᠠᠢ ᠮᠤᠳᠤᠨ ᠤ ᠳᠦᠷᠦᠯ ᠳᠤ ᠤᠷᠤᠬᠤ ᠪᠤᠯᠪᠠᠴᠤ ᠰᠠᠯᠪᠦᠷᠢ ᠦᠨᠳᠤᠰᠤ ᠨᠢ ᠳᠤᠩ | ᠬᠦᠭᠵᠢᠭᠰᠡᠨ ᠪᠠᠶᠢᠳᠠᠭ ᠪᠤᠯᠬᠤᠷ ᠮᠤᠳᠤᠨ ᠤ ᠤᠷᠳᠤ ᠶᠢᠨ ᠢᠶᠠᠨ 1.5 ᠳᠠᠭᠢᠨ ᠳᠤ ᠬᠦᠷᠳᠡᠭ᠃ ᠮᠤᠳᠤᠨ ᠤ ᠭᠤᠤᠯ | ᠦᠨᠳᠦᠰᠤᠨ ᠠᠴᠠ ᠰᠠᠯᠪᠦᠷᠢᠯᠠᠬᠰᠡᠨ ᠦᠨᠳᠤᠰᠤ ᠨᠢ ᠳᠡᠭᠡᠭᠰᠢ ᠪᠠᠨ ᠬᠦᠳᠦᠶᠢᠵᠤ ᠤᠷᠭᠤᠬᠰᠡᠨ ᠨᠢ ᠬᠦᠷᠦᠰᠤᠨ ᠤ | ᠭᠠᠳᠠᠷᠭᠤ ᠶᠢ ᠳᠤᠪᠦᠶᠢᠯᠭᠡᠵᠤ᠂ ᠤᠷᠢᠶᠠᠯᠳᠤᠨ ᠰᠦᠯᠵᠢᠯᠳᠤᠵᠤ ᠤᠷᠭᠤᠬᠰᠡᠨ ᠦᠨᠳᠤᠰᠤᠨ ᠤ ᠭᠢᠨᠢ ᠬᠠᠭᠠᠰ ᠨᠢ | ᠬᠦᠷᠦᠰᠤᠨ ᠤ ᠭᠠᠳᠠᠷᠭᠤ ᠳᠡᠭᠡᠷᠡ ᠢᠯᠡ ᠭᠠᠷᠤᠭᠠᠳ ᠨᠦᠬᠦᠭᠡ ᠬᠠᠭᠠᠰ ᠨᠢ ᠬᠦᠷᠦᠰᠤᠨ ᠳᠤ ᠪᠤᠯᠠᠬᠳᠠᠭᠠᠳ ᠶᠠᠭ ᠯᠡ | ᠪᠡᠭᠡᠳᠤ ᠵᠢᠭᠠᠰᠤᠨ ᠤ ᠳᠡᠮᠳᠡᠷᠢᠬᠦᠯ ᠰᠢᠭ ᠢᠶᠠᠷ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠭᠢᠰ ᠳᠡᠰᠢ ᠰᠤᠨᠤᠬᠰᠡᠨ ᠨᠢ ᠬᠦᠷᠦᠰᠤᠨ | ᠤ ᠭᠠᠳᠠᠷᠭᠤ ᠠᠴᠠ ᠳᠤᠳᠤᠬᠠᠨ ᠬᠠᠷᠠᠬᠳᠠᠳᠠᠭ ᠶᠤᠮ᠃ ᠡᠯᠡᠰᠤᠨ ᠭᠠᠴᠤᠷᠠ ᠶᠢᠨ ᠬᠦᠭᠵᠢᠯᠳᠡ ᠰᠠᠶᠢᠳᠠᠢ | ᠰᠦᠯᠵᠢᠯᠳᠦᠭᠰᠡᠨ ᠦᠨᠳᠤᠰᠤ ᠨᠢ ᠪᠤᠳᠠᠷᠠᠮᠠᠳᠠᠭᠠᠢ ᠡᠯᠡᠰᠤ ᠶᠢ ᠪᠦᠭᠡᠮᠨᠡᠷᠡᠬᠦᠯᠤᠨ ᠪᠠᠷᠢᠯᠳᠤᠭᠤᠯᠬᠤ ᠳᠤ ᠳᠤᠩ ᠠᠰᠢᠭ | ᠲᠠᠢ ᠪᠠᠶᠢᠳᠠᠭ ᠪᠤᠯᠬᠤᠷ ᠡᠯᠡᠰᠤᠨ ᠤ ᠨᠡᠬᠦᠳᠡᠯ ᠢ ᠡᠷᠴᠢᠮ ᠬᠦᠴᠦᠳᠠᠢ ᠬᠤᠷᠢᠬᠯᠠᠵᠤ ᠳᠡᠶᠢᠯᠳᠡᠭ᠃ ᠵᠠᠭᠤᠨ ᠵᠢᠯ | ᠪᠤᠯᠤᠬᠰᠡᠨ ᠨᠢᠭᠡ ᠪᠦᠳᠦᠬᠦᠨ ᠭᠠᠴᠤᠷᠠ ᠵᠢᠭᠠᠬᠠᠨ ᠰᠢᠭ᠋ ᠡᠯᠡᠰᠤᠨ ᠪᠦᠭᠡᠷᠡᠭ ᠢ ᠳᠤᠬᠳᠠᠪᠦᠷᠢᠵᠢᠭᠤᠯᠤᠨᠠ ᠳᠡᠶᠢᠯᠤᠨᠡ | ᠭᠡᠵᠤ ᠭᠡᠯᠡᠬᠦ ᠳᠤ ᠠᠬᠠᠳᠠᠬᠤ ᠶᠠᠪᠤᠳᠠᠯ ᠶᠡᠷᠤ ᠠᠯᠠᠭᠠ᠃ ᠪᠠᠶ᠋ᠬᠤᠪᠤᠭᠠ ᠶᠢᠨ ᠡᠯᠡᠰᠤᠨ ᠭᠠᠴᠤᠷᠠ ᠶᠢᠨ ᠤᠢ 10 | — 100 ᠮᠧᠲᠷ ᠵᠤᠵᠠᠭᠠᠨ ᠪᠠᠶᠢᠬᠤ 10 ᠳᠦᠮᠡᠨ ᠮᠤ᠋ ᠳᠠᠯᠠᠪᠠᠢ ᠪᠦᠬᠦᠢ ᠡᠯᠡᠰᠤ ᠮᠠᠩᠬᠠ ᠶᠢ ᠰᠠᠶᠢᠳᠤᠷ | ᠳᠤᠬᠳᠠᠪᠦᠷᠢᠵᠢᠭᠤᠯᠵᠤ ᠪᠠᠶᠢᠨᠠ᠃ ᠳᠤᠰ ᠭᠠᠵᠠᠷ ᠤᠷᠤᠨ ᠳᠤ ᠳᠤᠵᠢ ᠳᠤ ᠪᠠᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠠᠴᠠ | ᠰᠠᠯᠭᠢᠯᠠᠳᠠᠭ ᠪᠤᠯᠬᠤᠷ ᠡᠨᠡ ᠬᠦ ᠡᠯᠡᠰᠤᠨ ᠭᠠᠴᠤᠷᠠ ᠶᠢᠨ ᠤᠢ ᠪᠠᠶᠢᠬᠰᠡᠨ ᠦᠭᠡᠢ ᠪᠤᠯ ᠡᠳᠡᠭᠡᠳ ᠰᠠᠶᠢᠬᠠᠨ | ᠦᠵᠡᠮᠵᠢᠳᠠᠢ ᠬᠦᠩᠭᠡᠷ ᠳᠠᠯᠠ ᠶᠠᠭᠠᠭᠢᠨ ᠪᠠᠶᠢᠵᠤ ᠴᠢᠳᠠᠬᠤ ᠪᠢᠯᠡ︖ | |