| ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠵᠡᠭᠦᠨ ᠵᠠᠬᠠ᠂ ᠶᠡᠭᠡ ᠬᠢᠩᠭᠠᠨ ᠳᠡᠪᠠᠭᠠᠨ ᠤ ᠠᠭᠤᠯᠠᠷᠬᠠᠭ ᠤᠷᠤᠨ | ᠬᠢᠭᠡᠳ ᠤᠮᠠᠷᠠᠲᠤ ᠤᠷᠤᠨ ᠤ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠠᠭᠤᠯᠵᠠᠷ ᠳᠠᠬᠢ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ᠬᠠᠯᠠᠭᠤᠨ | ᠷᠠᠰᠢᠶᠠᠨ ᠤ ᠤᠰᠤ ᠨᠢ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠷᠭᠢᠯᠲᠡ ᠶᠢᠨ ᠰᠢᠰᠲ᠋ᠧᠮ᠂ ᠰᠢᠩᠭᠡᠭᠡᠯᠲᠡ ᠶᠢᠨ ᠰᠢᠰᠲ᠋ᠧᠮ᠂ | ᠬᠦᠳᠡᠯᠭᠡᠭᠡᠨ ᠤ ᠰᠢᠰᠲ᠋ᠧᠮ ᠳᠤ ᠤᠨᠴᠠ ᠲᠤᠰᠠᠲᠠᠢ ᠪᠠᠶᠢᠳᠠᠭ᠂ ᠤᠨᠴᠠᠭᠠᠶᠢᠯᠠᠨ ᠴᠢᠰᠤᠨ ᠳᠠᠷᠤᠯᠲᠠ ᠦᠨᠳᠦᠷ᠂ | ᠵᠢᠷᠦᠬᠡ ᠲᠠᠷᠢᠬᠢ ᠴᠢᠰᠤᠨ ᠰᠤᠳᠠᠯ ᠤᠨ ᠡᠪᠡᠳᠴᠢᠨ᠂ ᠠᠷᠠᠰᠤᠨ ᠤ ᠡᠪᠡᠳᠴᠢᠨ᠂ ᠦᠶᠡ ᠭᠡᠰᠢᠭᠦᠨ ᠤ ᠡᠪᠡᠳᠴᠢᠨ ᠢ | ᠵᠠᠰᠠᠬᠤ ᠳᠤ ᠤᠨᠴᠠ ᠲᠤᠰᠠᠲᠠᠢ ᠪᠠᠶᠢᠳᠠᠭ᠃ ᠠᠳᠡᠬᠢ ᠷᠠᠰᠢᠶᠠᠨ ᠰᠣᠪᠢᠯᠠᠯᠳᠠ ᠨᠢ ︽ᠪᠠᠶᠢᠭᠠᠯᠢᠭ ᠡᠷᠡᠭᠦᠯᠵᠡᠯ ᠤᠨ | ᠠᠷᠭᠠ︾ ᠭᠡᠮᠡᠭᠳᠡᠵᠤ᠂ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠭᠤᠷᠬᠠᠢ ᠶᠢᠨ ᠪᠤᠯᠠᠭ︾ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ | ᠰᠢᠯᠢᠳᠡᠭ ᠪᠤᠯᠠᠭ ᠢᠶᠠᠷ ᠦᠨᠡᠯᠡᠭᠳᠡᠵᠤ᠂ ︽ᠲᠤᠷᠤᠨᠠᠳᠠᠬᠢᠨ ᠤ ᠭᠠᠶᠢᠬᠠᠮᠰᠢᠭᠲᠤ ᠪᠤᠯᠠᠭ ᠰᠢᠳᠢᠲᠤ ᠤᠰᠤᠨ︾ ᠬᠡᠮᠡᠨ | ᠠᠯᠳᠠᠷᠰᠢᠵᠠᠢ᠃ | ᠬᠠᠯᠠᠭᠤᠨ ᠷᠠᠰᠢᠶᠠᠨ ᠨᠢ ᠨᠢᠭᠡᠨᠲᠡ ᠮᠢᠩᠭᠠ ᠢᠯᠡᠭᠦᠦ ᠵᠢᠯ ᠤᠨ ᠨᠡᠭᠡᠭᠡᠨ ᠠᠰᠢᠭᠯᠠᠭᠰᠠᠨ ᠲᠡᠤᠬᠡ ᠲᠠᠢ ᠪᠤᠯᠵᠠᠢ | ᠃ ᠬᠠᠯᠠᠭᠤᠨ ᠤᠰᠤ ᠨᠢ ᠭᠤᠤᠯᠳᠠᠭᠤ ᠭᠠᠯᠳᠠᠰᠤᠲᠠᠢ ᠭᠤᠤᠯ ᠤᠨ ᠬᠤᠶᠢᠲᠤ ᠡᠷᠭᠢ ᠳᠠᠬᠢ ᠠᠭᠤᠯᠠᠨ ᠡᠮᠦᠨᠡᠬᠢ ᠦᠶᠡᠷ | ᠤᠨ ᠲᠡᠪᠢᠭᠦᠷᠯᠢᠭ ᠲᠤᠨᠤᠮᠠᠯ ᠭᠠᠵᠠᠷ ᠲᠠᠷᠬᠠᠵᠠᠢ᠂ ᠲᠠᠷᠬᠠᠯᠳᠠ ᠶᠢᠨ ᠬᠡᠪᠴᠢᠶᠠ ᠨᠢ ᠨᠢᠭᠡ ᠺᠤᠸᠠᠲ ᠺᠢᠯᠣᠮᠧᠲᠷ᠂ | ᠬᠠᠳᠠᠭᠠᠯᠠᠭᠳᠠᠴᠠ ᠶᠢᠨ ᠬᠡᠮᠵᠢᠶᠡ ᠨᠢ 3017 ᠲᠤᠨ/ ᠡᠳᠦᠷ᠂ ᠬᠠᠯᠠᠭᠤᠨ ᠤᠰᠤᠨ ᠤ ᠲᠤᠭᠲᠠᠮᠠᠯ ᠤᠷᠤᠰᠬᠠᠯ ᠤᠨ | ᠬᠡᠮᠵᠢᠶᠡ 2592 ᠲᠤᠨ/ ᠡᠳᠦᠷ᠂ ᠤᠰᠤᠨ ᠤ ᠲᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠨᠢ 83。C ᠤᠨ ᠤᠷᠴᠢᠮ ᠪᠠᠶᠢᠵᠣ᠂ | ᠬᠠᠯᠠᠭᠤᠨ ᠤᠰᠤᠨ ᠤ ᠤᠷᠭᠢᠯᠠᠬᠤ ᠬᠡᠮᠵᠢᠶᠡ ᠬᠢᠭᠡᠳ ᠳᠠᠷᠤᠯᠲᠠ ᠶᠢᠨ ᠴᠢᠨᠠᠷ ᠨᠢ ᠨᠡᠯᠢᠶᠡᠳ ᠶᠡᠭᠡ᠂ ᠤᠰᠤᠨ ᠤ | ᠬᠠᠩᠭᠠᠭᠠᠯᠳᠠ ᠨᠢ ᠰᠠᠶᠢᠨ᠃ ᠡᠷᠲᠡ ᠦᠶᠡ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠡᠷᠭᠦᠭᠳᠡᠭᠰᠡᠨ ᠪᠠ ᠶᠡᠭᠡ | ᠬᠢᠩᠭᠠᠨ ᠳᠠᠪᠠᠭᠠᠨ ᠤ ᠭᠠᠯᠳᠤ ᠠᠭᠤᠯᠠᠨ ᠤ ᠰᠦᠷᠴᠢᠯᠲᠡ ᠠᠴᠠ ᠪᠤᠯᠵᠤ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢᠨ ᠬᠠᠭᠠᠷᠠᠯ | ᠡᠭᠦᠰᠴᠤ᠂ ᠪᠤᠷᠵᠢᠨ ᠴᠢᠯᠠᠭᠤᠨ ᠤ ᠬᠡᠪᠡᠷᠡᠭ ᠪᠦᠰᠠ ᠪᠤᠢ ᠪᠤᠯᠵᠠᠢ᠂ ᠭᠠᠵᠠᠷ ᠳᠤᠤᠷᠠᠬᠢ ᠬᠠᠯᠠᠭᠤᠨ ᠤᠰᠤ ᠨᠢ | ᠪᠤᠷᠵᠢᠨ ᠴᠢᠯᠠᠭᠤᠨ ᠤ ᠬᠡᠪᠡᠷᠡᠭ ᠪᠦᠰᠡ ᠪᠠᠷ ᠳᠡᠭᠡᠭᠰᠢ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠤ ᠭᠠᠷᠴᠤ ᠬᠠᠯᠠᠭᠤᠨ ᠷᠠᠰᠢᠶᠠᠨ | ᠪᠤᠯᠵᠠᠢ᠃ | ᠬᠠᠯᠠᠭᠤᠨ ᠤᠰᠤᠨ ᠳᠤ ᠨᠢ ᠹᠯᠤᠷ᠂ ᠷᠠᠳᠢ᠂ ᠤᠨᠴᠠᠭᠠᠢ ᠬᠡᠢ ᠪᠡᠶᠡᠲᠤ ᠷᠠᠳᠤᠨ᠂ ᠬᠦᠬᠦᠷᠲᠤ | ᠤᠰᠤᠳᠦ᠋ᠷᠦᠭᠴᠢ᠂ ᠬᠤᠪᠤᠷ ᠡᠯᠧᠮᠧᠨ᠋ᠲ ᠭᠠᠯᠢ᠂ ᠮᠤᠯᠢᠪᠳ᠋ᠸᠠ᠂ ᠸᠤᠯᠹᠷᠠᠮ᠂ ᠯᠢᠲ᠂ ᠰᠲᠷᠤᠨᠲ ᠵᠡᠷᠭᠡ 47 ᠵᠦᠢᠯ | ᠤᠨ ᠪᠢᠴᠢᠯ ᠬᠢᠮᠢ ᠶᠢᠨ ᠡᠯᠧᠮᠧᠨ᠋ᠲ ᠠᠭᠤᠯᠵᠤ ᠪᠠᠶᠢᠳᠠᠭ᠃ ᠪᠤᠯᠠᠭ ᠤᠨ ᠤᠰᠤ ᠨᠢ ᠲᠤᠩᠭᠠᠯᠠᠭ᠂ ᠠᠮᠲᠠ ᠦᠭᠡᠢ᠂ | ᠬᠦᠬᠦᠷ ᠬᠦᠴᠢᠯ ᠤᠨ ᠤᠨᠴᠠᠭᠠᠢ ᠦᠨᠦᠷ ᠲᠠᠢ᠂ ᠪᠡᠶᠡ ᠪᠠᠨ ᠤᠬᠢᠶᠠᠪᠠᠯ ᠪᠡᠶᠡ ᠶᠢᠨ ᠠᠷᠠᠰᠤ ᠭᠦᠯᠢᠭᠡᠷ ᠪᠤᠯᠳᠠᠭ | ᠤᠨᠴᠠᠭᠠᠢ ᠨᠢᠭᠡᠨ ᠡᠮᠴᠢᠯᠡᠭᠡᠨ ᠤ ᠴᠢᠨᠠᠷᠲᠠᠢ ᠠᠭᠤᠷᠬᠠᠢ ᠶᠢᠨ ᠪᠤᠯᠠᠭ ᠪᠤᠯᠤᠨᠠ᠃ | ᠳᠤᠮᠤᠭ ᠶᠠᠷᠢᠶᠠᠨ ᠳᠤ ᠡᠷᠳᠡ ᠴᠠᠭ ᠲᠤ ᠨᠢᠭᠡᠨ ᠠᠩᠴᠢᠨ ᠠᠩ ᠭᠦᠷᠦᠭᠡ ᠬᠢᠵᠣ ᠶᠠᠪᠤᠭᠰᠠᠭᠠᠷ᠂ ᠬᠦᠮᠦᠨ | ᠮᠤᠷᠢ ᠲᠠᠢ ᠪᠠᠨ ᠶᠠᠳᠠᠷᠠᠵᠤ ᠲᠤᠶᠢᠯᠳᠠᠵᠠᠢ ᠭᠡᠨᠡ᠃ ᠠᠩᠴᠢᠨ ᠨᠢᠭᠡᠨ ᠵᠢᠵᠢᠭ ᠭᠤᠷᠤᠬᠠ ᠳᠤ ᠬᠦᠷᠴᠤ ᠮᠤᠷᠢ ᠪᠠᠨ | ᠤᠰᠤᠯᠠᠵᠤ᠂ ᠦᠪᠡᠷ ᠢᠶᠠᠨ ᠴᠣ᠋ ᠪᠢᠳᠡᠭᠦᠯᠡᠨ ᠠᠪᠴᠣ ᠤᠤᠭᠤᠭᠰᠠᠨ ᠴᠢᠨᠢ ᠲᠤᠤᠷᠡ ᠪᠠᠨ ᠰᠡᠳᠬᠢᠯ ᠰᠠᠨᠠᠭᠠ | ᠰᠡᠷᠭᠦᠵᠤ᠂ ᠲᠠᠮᠢᠷ ᠬᠦᠴᠦ ᠤᠷᠤᠵᠤ᠂ ᠮᠤᠷᠢ ᠨᠢ ᠴᠤ ᠢᠳᠡ ᠬᠦᠴᠤ ᠤᠷᠤᠭᠰᠠᠨ ᠭᠡᠨᠡ᠃ ᠳᠡᠭᠡᠭᠡᠳ ᠠᠩᠴᠢᠨ | ᠡᠨᠡ ᠪᠣᠯᠠᠭ ᠤᠨ ᠲᠣᠬᠠᠢ ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠳᠤ ᠪᠠᠨ ᠰᠣᠨᠢᠨ ᠪᠣᠯᠭᠠᠨ ᠶᠡᠷᠢᠵᠣ ᠦᠭᠴᠡᠢ᠂ ᠬᠤᠯᠠ | ᠤᠶᠢᠷᠠ ᠶᠢᠨ ᠮᠠᠯᠴᠢᠳ ᠲᠡᠭᠦᠨ ᠤ ᠦᠭᠡ ᠪᠠᠷ ᠬᠦᠷᠦᠯᠴᠡᠨ ᠢᠷᠡᠵᠤ᠂ ᠬᠠᠯᠠᠭᠤᠨ ᠪᠣᠯᠠᠭ ᠤᠨ ᠣᠰᠤ ᠪᠠᠷ ᠨᠢ | ᠪᠡᠶᠡ ᠪᠠᠨ ᠤᠬᠢᠶᠠᠵᠤ᠂ ᠬᠦᠢᠳᠡᠨ ᠪᠣᠯᠠᠭ ᠤᠨ ᠣᠰᠣᠨ ᠠᠴᠠ ᠨᠢ ᠣᠣᠭᠤᠵᠣ ᠦᠵᠡᠭᠰᠡᠨ ᠴᠢᠨᠢ ᠲᠣᠳᠣᠷ | ᠡᠪᠡᠳᠴᠢᠨ᠂ ᠦᠶᠡ ᠬᠡᠰᠢᠭᠦᠦ ᠶᠢᠨ ᠡᠪᠡᠳᠴᠢᠨ ᠳᠤ ᠪᠦᠷ ᠲᠣᠰᠠ ᠪᠣᠯᠪᠠ᠃ ᠡᠭᠦᠨ ᠤ ᠣᠯᠠᠮ ᠢᠶᠠᠷ ᠡᠨᠡᠬᠦ | ᠪᠣᠯᠠᠭ ᠨᠢ ︽ᠷᠠᠰᠢᠶᠠᠨ ᠪᠣᠯᠠᠭ︾᠂ ︽ᠷᠢᠳᠢ ᠰᠢᠳᠢ ᠲᠠᠢ ᠣᠰᠣᠨ︾ ᠬᠡᠮᠡᠨ ᠬᠤᠯᠠ ᠣᠶᠢᠷᠠ ᠳᠤ ᠠᠯᠳᠠᠷᠰᠢᠵᠣ᠂ | ᠭᠠᠯᠳᠠᠰᠣᠳᠠᠢ ︵ᠭᠠᠯ ᠬᠠᠯᠠᠭᠤᠨ ᠪᠣᠯᠠᠭ ᠪᠣᠶᠣ ᠬᠠᠯᠠᠭᠤᠨ ᠣᠰᠣ ᠲᠠᠢ ᠪᠣᠯᠠᠭ ᠭᠡᠰᠡᠨ ᠰᠠᠨᠠᠭᠠ ᠲᠠᠢ︶ ᠷᠠᠰᠢᠶᠠᠨ | ᠭᠡᠵᠣ ᠨᠡᠷᠡᠯᠡᠭᠳᠡᠪᠡ᠃ ᠴᠢᠩ ᠣᠯᠣᠰ ᠤᠨ ᠡᠬᠢᠨ ᠤ ᠦᠶᠡ ᠳᠤ ᠪᠣᠯᠠᠭ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ︽ᠭᠠᠯᠳᠠᠰᠣᠳᠠᠢ | ᠷᠠᠰᠢᠶᠠᠨ ᠰᠦᠮᠡ︾ ᠶᠢ ᠪᠠᠶᠢᠭᠤᠯᠵᠣ᠂ ᠬᠤᠵᠢᠮ ᠨᠢ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ︽ᠬᠤᠳᠠᠯᠠ ᠪᠢᠯᠢᠭᠳᠦ ᠰᠦᠮᠡ︾ | ᠬᠡᠮᠡᠨ ᠢᠯᠡᠷᠬᠡᠶᠢᠯᠡᠯ ᠪᠢᠴᠢᠵᠣ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ ᠲᠢᠶᠠᠨ ᠽᠠᠨ ᠤ ᠭᠤᠷᠪᠠᠳᠤᠭᠠᠷ ᠤᠨ ︵924 ᠤᠨ︶ ᠳᠤ | ᠂ ᠯᠢᠶᠤᠤ ᠤᠯᠤᠰ ᠤᠨ ᠲᠠᠶᠢᠼᠤ ᠶᠧᠯᠢᠤᠢ ᠠᠪᠣᠵᠢ ᠰᠠᠶᠢᠬᠠᠨ ᠳᠠᠪᠠᠭᠠ ᠳᠤ ᠤᠴᠢᠬᠤ ᠳᠠᠭᠠᠨ ᠡᠨᠡᠭᠦᠷ ᠳᠠᠭᠠᠷᠢᠵᠤ | ᠪᠡᠶᠡ ᠪᠠᠨ ᠤᠭᠢᠶᠠᠵᠠᠢ᠃ ᠲᠢᠶᠠᠨ ᠰᠢᠶᠠᠨ ᠤ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵937 ᠤᠨ︶ ᠳᠤ᠂ ᠯᠢᠶᠤᠤ | ᠲᠠᠶᠢᠼᠦᠩ ᠶᠧᠯᠢᠤᠢ ᠳ᠋ᠧ ᠭᠤᠸᠠᠩ ᠲᠤᠰᠬᠠᠶᠢᠯᠠᠨ ᠢᠷᠡᠵᠤ ᠪᠡᠶᠡ ᠪᠠᠨ ᠤᠭᠢᠶᠠᠵᠠᠢ᠃ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ | ᠳᠤ ᠪᠠᠷᠰ ᠳᠤ ᠨᠤᠲᠤᠭᠰᠢᠵᠤ ᠪᠠᠶᠢᠭᠰᠠᠨ ᠯᠦ ᠸᠠᠩ ᠡᠨᠡᠬᠦ ᠪᠤᠯᠠᠭ ᠢ ︽ᠭᠠᠶᠢᠬᠠᠮᠰᠢᠭᠲᠤ ᠪᠤᠯᠠᠭ︾᠂ ︽ᠰᠢᠳᠢᠲᠤ | ᠤᠰᠤᠨ︾ ᠭᠡᠵᠤ ᠦᠨᠡᠯᠡᠵᠡᠢ᠃ ᠡᠩᠬᠡ ᠠᠮᠤᠭᠤᠯᠠᠩ ᠤᠨ ᠬᠤᠷᠢ ᠶᠢᠰᠦᠳᠦᠭᠡᠷ ᠤᠨ ︵1690 ᠤᠨ︶ ᠳᠤ᠂ | ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠳᠤ ᠪᠡᠶᠡ ᠪᠠᠨ ᠤᠭᠢᠶᠠᠵᠤ ᠦᠩᠭᠡᠷᠡᠭᠰᠡᠨ ᠪᠦᠭᠡᠳ᠂1930 ᠤᠨ | ᠳᠤ᠂ ᠶᠢᠰᠦᠳᠦᠭᠡᠷ ᠲᠦᠷᠢ ᠶᠢᠨ ᠪᠠᠨᠴᠢᠨ ᠴᠤᠶᠢᠵᠢᠨᠢᠮᠠ ᠪᠢᠷᠠᠭᠤ ᠳᠠᠬᠢ ᠪᠠᠶᠠᠰᠬᠤᠯᠠᠩ ᠠᠮᠤᠭᠤᠯᠠᠩᠲᠤ ᠰᠦᠮᠡ ᠳᠤ | ᠢᠷᠡᠵᠤ ᠨᠤᠮ ᠲᠠᠯᠪᠢᠬᠤ ᠳᠠᠭᠠᠨ ᠷᠠᠰᠢᠶᠠᠨ ᠳᠤ ᠤᠴᠢᠵᠤ ᠪᠡᠶᠡ ᠪᠠᠨ ᠤᠭᠢᠶᠠᠵᠤ ᠦᠩᠭᠡᠷᠡᠭᠰᠡᠨ ᠢᠶᠠᠷ ︽ᠡᠩᠬᠡ | ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠤᠭᠢᠶᠠᠯᠭᠠ ᠶᠢᠨ ᠬᠤᠳᠳᠤᠭ︾ ᠪᠠ ︽ᠪᠠᠨᠴᠢᠨ ᠪᠤᠭᠳᠠ ᠶᠢᠨ ᠤᠬᠢᠶᠠᠯᠭᠠ ᠶᠢᠨ | ᠬᠤᠳᠳᠤᠭ︾ ᠨᠢ ᠤᠳᠤ ᠪᠤᠯᠳᠠᠯᠠ ᠬᠡᠪ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ᠃ | ᠣᠳᠣ᠂ ᠭᠠᠯᠳᠠᠰᠣᠳᠠᠢ ᠳᠤ ᠷᠠᠰᠢᠶᠠᠨ ᠰᠤᠪᠢᠯᠠᠯᠲᠠ ᠶᠢᠨ ᠭᠠᠵᠠᠷ ᠠᠷᠪᠠᠭᠠᠳ ᠪᠤᠢ᠃ ᠡᠨᠡᠬᠦ ᠠᠭᠤᠯᠠ | ᠲᠦᠰᠢᠵᠤ ᠭᠤᠤᠯ ᠪᠠᠷᠠᠭᠠᠳᠠᠭᠰᠠᠨ᠂ ᠦᠩᠭᠡ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠵᠢᠵᠢᠭ ᠪᠠᠯᠭᠠᠰᠤ ᠪᠤᠯ ᠦᠪᠦᠷ ᠮᠤᠩᠭᠤᠯ ᠤᠨ | ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠴᠤᠷ ᠤᠨ ᠭᠠᠭᠴᠠ ᠴᠢᠳᠠᠪᠤᠷᠢ ᠨᠢ ᠪᠦᠷᠢᠨ᠂ ᠦᠢᠯᠡᠯᠴᠢᠯᠡᠭᠡ ᠨᠢ ᠰᠢᠯᠢᠳᠡᠭ | ᠰᠤᠪᠢᠯᠠᠬᠤ᠂ ᠵᠤᠭᠠᠴᠠᠬᠤ᠂ ᠵᠤᠰᠠᠬᠤ᠂ ᠨᠠᠭᠠᠳᠴᠤ ᠴᠡᠩᠬᠡᠬᠦ ᠶᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠲᠠᠯᠠ ᠨᠤᠲᠤᠭ ᠤᠨ ᠵᠤᠭᠠᠴᠠᠯ | ᠤᠨ ᠵᠤᠰᠠᠯᠠᠩ ᠪᠣᠯᠵᠠᠢ᠃ ᠡᠭᠦᠨ ᠤ ᠳᠠᠭᠠᠤ ᠳᠤ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠨᠢ ᠪᠦᠬᠦ ᠤᠯᠤᠰ ᠤᠨ ᠠᠷᠪᠠᠨ ᠨᠢᠭᠡᠨ ᠬᠦᠬᠡ | ᠳᠡᠰ ᠤᠨ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠤ ᠬᠤᠶᠠᠳᠤᠭᠠᠷ ᠲᠤ ᠪᠠᠶᠢᠷᠢᠯᠠᠵᠤ᠂ ᠬᠡᠰᠢᠭᠲᠡᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠰᠢᠨᠵᠢᠯᠡᠭᠡᠨ | ᠤ ᠴᠡᠴᠡᠷᠯᠢᠭ ᠤᠨ ᠨᠡᠢᠮᠠᠨ ᠲᠤᠭᠤᠷᠢᠭ ᠤᠨ ᠨᠢᠭᠡ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | |