| 2014 ᠤᠨ ᠤ ᠵᠢᠯ ᠤᠨ ᠡᠴᠤᠰ ᠲᠠᠬᠢ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠤᠨ ᠳᠤᠭᠠᠯᠠᠯᠭᠠ ᠶᠢᠨ | ᠤᠷᠢᠳᠴᠢᠯᠠᠬᠰᠠᠨ ᠳ᠋ᠦᠩ ᠳᠤ᠂ ᠮᠠᠯ ᠰᠦᠷᠦᠭ ᠤᠨ ᠨᠡᠶᠢᠳᠡ ᠳᠤᠭᠠ 5190 ᠲᠦᠮᠡ ᠳᠤ ᠭᠦᠷᠴᠤ᠂ ᠨᠢᠳᠤᠨᠤᠨ | ᠵᠢᠯ ᠠᠴᠠ ᠪᠠᠨ 680 ᠲᠦᠮᠡ ᠪᠠᠷ ᠨᠡᠮᠡᠭᠳᠡᠭᠰᠡᠨ ᠢᠶᠠᠷ᠂ 2014 ᠤᠨ ᠨᠢ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ | ᠰᠦᠷᠦᠭ ᠤᠨ ᠦᠨᠢᠷ ᠦᠰᠦᠯᠳᠡ ᠲᠠᠢ ᠨᠢᠭᠡᠨ ᠵᠢᠯ ᠪᠤᠯᠤᠬᠰᠠᠨ ᠪᠠᠶᠢᠯᠠ᠃ 2015 ᠤᠨ ᠤ ᠡᠭᠢᠨ ᠳᠤ ᠳᠤᠮᠳᠠᠳᠤ · | ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠭᠢᠭᠡᠳ ᠮᠠᠯ ᠤᠨ ᠭᠢᠵᠢᠭ ᠰᠡᠷᠭᠡᠶᠢᠯᠡᠯᠳᠡ ᠶᠢᠨ | ᠠᠵᠢᠯ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠰᠢᠯᠢ ᠶᠢᠨ ᠬᠤᠳᠠ ᠳᠤ ᠶᠠᠪᠤᠬᠳᠠᠬᠤ ᠳᠠᠰᠢᠷᠡᠮ ᠢᠶᠠᠷ ᠰᠤᠷᠪᠤᠯᠵᠢᠯᠠᠬᠴᠢ | ᠮᠤᠩᠭᠤᠯ ᠤᠯᠤᠰ ᠤᠨ ᠭᠦᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠳᠡᠮᠤᠷ ᠤᠨ ᠪᠡᠯᠳᠡᠨ | ᠪᠤᠯᠤᠨ ᠳᠡᠳ᠋ ᠫᠷᠤᠹᠧᠰᠰᠤᠷ ᠴᠤᠬᠳᠤᠳᠤᠶᠠᠭᠠ ᠠᠴᠠ ᠰᠤᠷᠪᠤᠯᠵᠢᠯᠠᠭᠠ ᠠᠪᠴᠤ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ | ᠠᠬᠤᠢ ᠶᠢᠨ ᠭᠦᠭᠵᠢᠯᠳᠡ ᠶᠢᠨ ᠪᠠᠶᠢᠳᠠᠯ ᠤᠨ ᠳᠤᠬᠠᠢ ᠤᠢᠢᠯᠠᠭᠠᠬᠰᠠᠨ ᠪᠢᠯᠡ᠃ | ᠮᠤᠩᠭᠤᠯ ᠤᠯᠤᠰ ᠪᠤᠯ ᠮᠠᠯ ᠠᠵᠤ ᠠᠬᠤᠢ ᠡᠷᠭᠢᠯᠡᠭᠦ ᠪᠠᠷ ᠭᠤᠤᠯ ᠪᠤᠯᠭᠠᠬᠰᠠᠨ ᠤᠯᠤᠰ ᠤᠷᠤᠨ ᠤ ᠨᠢᠭᠡᠨ | ᠪᠠᠶᠢᠵᠤ᠂ ᠭᠦᠮᠦᠨ ᠪᠦᠷᠢ ᠳᠤ ᠨᠤᠬᠳᠠᠬᠤ ᠮᠠᠯ ᠤᠨ ᠳᠤᠭᠠ ᠪᠠᠷ ᠢᠶᠠᠨ ᠳᠡᠯᠡᠭᠡᠢ ᠳᠤ ᠳᠡᠷᠢᠭᠦᠯᠡᠳᠡᠭ᠃ 1990 | ᠤᠨ ᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠠᠵᠤ ᠠᠬᠤᠢ ᠲᠦᠯᠦᠪᠯᠡᠭᠡᠳᠤ ᠠᠵᠤ ᠠᠬᠤᠢ ᠠᠴᠠ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠠᠵᠤ | ᠠᠬᠤᠢ ᠳᠤ ᠰᠢᠯᠵᠢᠵᠤ᠂ ᠮᠠᠯ ᠰᠦᠷᠦᠭ ᠢ ᠬᠤᠪᠢ ᠡᠷᠤᠭᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠵᠤ ᠡᠭᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ | ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠰᠢᠨᠡ ᠨᠢᠭᠡᠨ ᠭᠦᠭᠵᠢᠯᠳᠡ ᠶᠢᠨ ᠱᠠᠳᠤᠨ ᠳᠤ ᠰᠢᠯᠵᠢᠵᠤ᠂ ᠮᠠᠯ ᠰᠦᠷᠦᠭ | ᠴᠤ ᠦᠨᠢᠷ ᠦᠰᠦᠯᠳᠡ ᠶᠢᠨ ᠱᠠᠳᠤᠨ ᠳᠤ ᠤᠷᠤᠬᠰᠠᠨ ᠪᠠᠶᠢᠯᠠ᠃ ︽1990 ᠤᠨ ᠠᠴᠠ ᠡᠮᠤᠨᠡ᠂ ᠮᠠᠨ ᠤ | ᠤᠯᠤᠰ ᠤᠨ ᠮᠠᠯ ᠤᠨ ᠳᠤᠭᠠ 250 ᠲᠦᠮᠡ ᠤᠷᠴᠢᠮ ᠳᠤ ᠡᠷᠭᠢᠯᠳᠤᠵᠤ ᠪᠠᠶᠢᠬᠰᠠᠨ᠃ 1990 ᠤᠨ ᠠᠴᠠ | ᠬᠤᠶᠢᠰᠢ ᠮᠠᠯ ᠤᠨ ᠳᠤᠭᠠ ᠠᠭᠠᠵᠢᠮ ᠢᠶᠠᠷ ᠦᠰᠴᠤ᠂ 1990 — 2000 ᠤᠨ ᠤ ᠬᠤᠭᠤᠷᠤᠨᠳᠤᠭᠢ | ᠬᠤᠭᠤᠴᠠᠭᠠᠨ ᠳᠤ 490 — 500 ᠲᠦᠮᠡᠨ ᠮᠠᠯ ᠡᠪᠦᠯᠵᠢᠭᠦᠯᠳᠡᠭ ᠪᠤᠯᠤᠬᠰᠠᠨ᠃ 1990 ᠤᠨ ᠠᠴᠠ | ᠬᠤᠶᠢᠰᠢ ᠮᠠᠯ ᠤᠨ ᠳᠤᠭᠠ ᠠᠭᠠᠵᠢᠮ ᠢᠶᠠᠷ ᠦᠰᠴᠤ ᠡᠭᠢᠯᠡᠭᠰᠡᠨ ᠨᠢ ᠮᠠᠯ ᠢ ᠡᠷᠤᠭᠡ ᠳᠤ | ᠳᠠᠭᠠᠭᠠᠴᠢᠯᠠᠭᠤᠯᠤᠬᠰᠠᠨ ᠠᠴᠠ ᠮᠠᠯᠴᠢᠳ ᠤᠨ ᠢᠳᠡᠪᠭᠢᠵᠢᠯ ᠢ ᠳᠠᠶᠢᠴᠢᠯᠠᠬᠰᠠᠨ ᠪᠡ ᠲᠦᠷᠦ ᠵᠠᠰᠠᠭ ᠠᠴᠠ ᠮᠠᠯ ᠢᠶᠠᠨ | ᠦᠰᠭᠡᠭᠦ ᠶᠢ ᠶᠡᠭᠡᠪᠡᠷ ᠳᠡᠮᠵᠢᠭᠰᠡᠨ ᠲᠠᠢ ᠬᠤᠯᠪᠤᠭᠠ ᠲᠠᠢ︾ ᠭᠡᠵᠤ ᠴᠤᠬᠳᠤᠳᠤᠶᠠᠭᠠ ᠮᠠᠨ ᠳᠤ ᠶᠠᠷᠢᠯᠠ᠃ | ᠴᠤᠬᠳᠤᠳᠤᠶᠠᠭᠠ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠭᠦᠳᠡᠭᠡ ᠦᠰᠴᠤ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠦᠭᠰᠡᠨ ᠤ | ᠳᠠᠷᠠᠭᠠ ᠭᠦᠳᠡᠭᠡ ᠨᠤᠳᠤᠭ ᠲᠤ 20 ᠭᠠᠷᠤᠢ ᠵᠢᠯ ᠠᠵᠢᠯᠯᠠᠵᠤ᠂ ᠭᠦᠳᠡᠭᠡ ᠠᠴᠠ ᠬᠤᠳᠠ ᠳᠤ ᠪᠤᠴᠠᠬᠰᠠᠨ ᠤ ᠳᠠᠷᠠᠭᠠ | ᠴᠤ ᠭᠦᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠰᠤᠳᠤᠯᠭᠠᠨ ᠢᠶᠠᠨ | ᠦᠷᠭᠦᠯᠵᠢᠯᠡᠭᠦᠯᠳᠡᠭ ᠪᠤᠯᠬᠤᠷ ᠳᠡᠷᠡ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠳᠤᠬᠠᠢ ᠰᠠᠶᠢᠨ ᠤᠢᠢᠯᠠᠭᠠᠳᠠᠭ᠃ | 2010 ᠤᠨ ᠳᠤ ᠮᠤᠩᠭᠤᠯ ᠤᠯᠤᠰ ᠲᠤ ᠨᠢᠭᠡᠨ ᠤᠳᠠᠭᠠᠨ ᠤ ᠶᠡᠭᠡ ᠴᠠᠰᠤ ᠵᠤᠳ ᠪᠤᠯᠤᠬᠰᠠᠨ ᠴᠤ ᠮᠠᠯᠴᠢᠳ ᠤᠨ | ᠰᠠᠭᠤᠷᠢ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠤᠤᠯ ᠠᠴᠠ ᠪᠠᠨ ᠰᠠᠶᠢᠵᠢᠷᠠᠬᠰᠠᠨ ᠪᠤᠯᠬᠤᠷ ᠳᠡᠳᠤᠢ ᠶᠡᠭᠡ ᠬᠤᠭᠢᠷᠠᠯ ᠳᠤ | ᠤᠴᠠᠷᠠᠬᠰᠠᠨ ᠦᠭᠡᠢ ᠪᠠᠶᠢᠯᠠ᠃ ᠳᠡᠭᠦᠨ ᠠᠴᠠ ᠬᠤᠶᠢᠰᠢ ᠵᠠᠯᠭᠠᠪᠠᠷ ᠦᠩ ᠰᠠᠶᠢᠨ ᠵᠢᠯ ᠳᠠᠭᠠᠷᠠᠬᠰᠠᠨ ᠠᠴᠠ ᠮᠠᠯ | ᠰᠦᠷᠦᠭ ᠦᠨᠢᠷ ᠦᠰᠦᠯᠳᠡ ᠲᠠᠢ ᠪᠤᠯᠵᠤ᠂ 2014 ᠤᠨ ᠤ ᠵᠢᠯ ᠤᠨ ᠡᠴᠤᠰ ᠤᠨ ᠳᠤᠭᠠᠯᠠᠯᠭᠠ ᠳᠤ 5190 | ᠲᠦᠮᠡᠨ ᠮᠠᠯ ᠳᠤᠭᠠᠯᠠᠭᠤᠯᠤᠬᠰᠠᠨ ᠠᠮᠵᠢᠯᠳᠠ ᠶᠢ ᠡᠭᠦᠳᠦᠭᠰᠡᠨ ᠶᠤᠮ᠃ | ᠮᠤᠩᠭᠤᠯ ᠤᠯᠤᠰ ᠡᠷᠳᠡ ᠳᠡᠭᠡᠳᠤ ᠠᠴᠠ ᠪᠠᠨ ᠪᠡᠯᠴᠢᠭᠡᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠦᠭᠰᠡᠭᠡᠷ | ᠢᠷᠡᠭᠰᠡᠨ ᠶᠤᠮ᠃ ᠤᠳᠤ ᠴᠤ ᠮᠦᠨ ᠪᠡᠯᠴᠢᠭᠡᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠭᠦ ᠶᠢ ᠭᠤᠤᠯ ᠪᠤᠯᠭᠠᠵᠤ᠂ | ᠮᠠᠯ ᠰᠦᠷᠦᠭ ᠢᠶᠠᠨ ᠦᠨᠢᠷ ᠦᠰᠭᠡᠭᠦ ᠶᠢᠨ ᠵᠡᠷᠭᠡ ᠳᠤ ᠪᠠᠰᠠ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠵᠤ | ᠪᠠᠶᠢᠭᠠ ᠠᠵᠢ᠃ ︽ᠮᠠᠨ ᠤ ᠤᠯᠤᠰ ᠤᠨ ᠬᠢᠨ ᠤᠯᠠᠮᠵᠢᠯᠠᠯᠳᠤ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠭᠦ ᠶᠢᠨ ᠵᠡᠷᠭᠡ ᠳᠤ | ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠴᠤ ᠡᠷᠭᠢᠯᠡᠵᠤ ᠪᠠᠶᠢᠨᠠ᠃ ᠭᠡᠭᠦ ᠳᠡᠭᠡᠨ ᠠᠯᠤᠰ ᠨᠤᠳᠤᠭ ᠲᠤ ᠤᠯᠠᠮᠵᠢᠯᠠᠯᠳᠤ | ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠵᠤ᠂ ᠲᠦᠪ ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠤᠢᠢᠷᠠᠯᠴᠠᠭᠠ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ | ᠠᠬᠤᠢ ᠶᠢ ᠭᠦᠭᠵᠢᠭᠦᠯᠵᠤ᠂ ᠮᠢᠬᠠᠨ ᠤ ᠦᠭᠡᠷ᠂ ᠰᠠᠭᠠᠯᠢ ᠶᠢᠨ ᠦᠨᠢᠶᠡ᠂ ᠰᠦᠨ ᠤ ᠢᠮᠠᠭᠠ᠂ ᠮᠢᠬᠠᠨ ᠤ ᠬᠤᠨᠢ | ᠵᠡᠷᠭᠡ ᠶᠢ ᠦᠷᠡᠵᠢᠭᠦᠯᠵᠤ ᠪᠠᠶᠢᠨᠠ᠃ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠭᠦ ᠳᠡᠭᠡᠨ ᠭᠠᠳᠠᠨᠠ ᠠᠴᠠ | ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠦᠷᠡ ᠶᠢᠨ ᠮᠠᠯ ᠪᠤᠶᠤ ᠦᠷᠡ ᠤᠷᠤᠭᠤᠯᠵᠤ ᠢᠷᠡᠭᠡᠳ ᠨᠤᠳᠤᠭ ᠤᠨ ᠡᠭᠦᠯᠳᠡᠷ ᠲᠠᠢ ᠪᠠᠨ | ᠡᠷᠯᠢᠰᠡᠵᠢᠭᠦᠯᠵᠤ᠂ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠢ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠵᠤ ᠪᠠᠶᠢᠨᠠ᠃ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠢᠶᠠᠨ | ᠤᠷᠤᠭᠤᠯᠬᠤ ᠳᠠᠭᠠᠨ ᠭᠤᠤᠯᠳᠠᠭᠤ ᠡᠸᠦ᠋ᠷᠦᠫᠠ ᠶᠢᠨ ᠤᠯᠤᠰ ᠠᠴᠠ ᠤᠷᠤᠭᠤᠯᠳᠠᠭ᠃ ᠳᠤᠮᠳᠠᠳᠤ ᠤᠯᠤᠰ ᠠᠴᠠ ᠪᠠᠰᠠ | ᠤᠷᠤᠭᠤᠯᠵᠤ ᠪᠠᠶᠢᠨᠠ᠃ ᠴᠠᠭ ᠠᠭᠤᠷ ᠤᠨ ᠳᠤᠯᠠᠭᠠᠷᠠᠯ ᠵᠡᠷᠭᠡ ᠰᠢᠯᠳᠠᠭᠠᠨ᠂ ᠪᠡᠯᠴᠢᠭᠡᠷ ᠨᠤᠳᠤᠭ ᠤᠨ ᠤᠷᠭᠤᠴᠠ | ᠪᠠᠭᠠᠰᠴᠤ ᠪᠠᠶᠢᠭᠠ ᠪᠡ ᠭᠦᠮᠦᠨ ᠠᠮᠠ ᠤᠯᠠᠨ ᠪᠤᠯᠵᠤ ᠪᠠᠶᠢᠭᠠ ᠠᠴᠠ ᠪᠤᠯᠵᠤ᠂ ᠮᠠᠯ ᠤᠨ ᠪᠤᠳᠠᠭᠠᠯᠢ ᠪᠡᠶᠡ ᠶᠢᠨ | ᠠᠰᠢᠬ ᠰᠢᠮᠡ ᠶᠢ ᠨᠡᠮᠡᠭᠳᠡᠭᠦᠯᠭᠦ ᠶᠠᠪᠤᠳᠠᠯ ᠴᠢᠬᠤᠯᠠ ᠱᠠᠭᠠᠷᠳᠠᠬᠳᠠᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ | ᠠᠬᠤᠢ ᠶᠢ ᠭᠦᠭᠵᠢᠭᠦᠯᠭᠦ ᠨᠢ ᠨᠢᠭᠡᠨ ᠴᠢᠬᠤᠯᠠ ᠱᠠᠭᠠᠷᠳᠠᠯᠭᠠ ᠪᠤᠯᠵᠤ ᠪᠠᠶᠢᠨᠠ᠃ ᠮᠤᠩᠭᠤᠯ ᠮᠠᠯ ᠦᠯ ᠳᠠᠭᠠᠭᠠᠬᠤ | ᠴᠢᠳᠠᠪᠤᠷᠢ ᠪᠠᠷ ᠰᠠᠶᠢᠨ᠂ ᠪᠡᠯᠴᠢᠭᠡᠷ ᠲᠤ ᠵᠤᠭᠢᠴᠠᠬᠤ ᠪᠠᠷ ᠰᠠᠶᠢᠨ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠦᠭᠡᠳ ᠮᠢᠬᠠ ᠨᠢ | ᠠᠮᠳᠠᠳᠠᠢ ᠵᠡᠷᠭᠡ ᠤᠯᠠᠨ ᠳᠠᠪᠠᠭᠤᠯᠢᠭ ᠳᠠᠯᠠ ᠲᠠᠢ᠃ ᠡᠨᠡᠭᠦ ᠪᠤᠶᠠᠨᠳᠤ ᠮᠠᠯ ᠢᠶᠠᠨ ᠦᠰᠭᠡᠨ ᠦᠷᠡᠵᠢᠭᠦᠯᠵᠤ᠂ ᠮᠤᠩᠭᠤᠯ | ᠮᠠᠯ ᠳᠤ ᠰᠠᠭᠤᠷᠢᠯᠠᠬᠰᠠᠨ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠭᠦ ᠨᠢ ᠮᠠᠨ ᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠤᠯᠬᠤᠷ | ᠮᠠᠨ ᠤ ᠤᠯᠤᠰ ᠤᠨ ᠬᠢᠨ ᠠᠯᠤᠰ ᠨᠤᠳᠤᠭ ᠲᠤ ᠪᠡᠯᠴᠢᠭᠡᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠵᠤ᠂ ᠲᠦᠪ | ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠤᠢᠢᠷᠠᠯᠴᠠᠭᠠ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠭᠦᠭᠵᠢᠭᠦᠯᠭᠦ ᠵᠠᠮ ᠢᠶᠠᠷ ᠶᠠᠪᠤᠵᠤ | ᠪᠠᠶᠢᠭᠠ ᠶᠤᠮ︾ ᠭᠡᠵᠤ ᠮᠤᠩᠭᠤᠯ ᠤᠯᠤᠰ ᠤᠨ ᠭᠦᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ | ᠳᠠᠮᠤᠷ ᠤᠨ ᠪᠡᠯᠳᠡᠨ ᠮᠠᠨ ᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠭᠦᠭᠵᠢᠯᠳᠡ ᠶᠢᠨ ᠳᠤᠬᠠᠢ | ᠤᠢᠢᠯᠠᠭᠠᠮᠵᠢᠳᠠᠢ ᠰᠠᠶᠢᠬᠠᠨ ᠳᠠᠶᠢᠯᠪᠤᠷᠢᠯᠠᠯᠠ᠃ | ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠴᠤ ᠮᠦᠨ ᠭᠠᠳᠠᠭᠠᠳᠤ ᠤᠯᠤᠰ ᠲᠤ ᠭᠠᠷᠳᠠᠭ᠃ ᠮᠠᠯ ᠤᠨ | ᠮᠢᠬᠠ ᠪᠠᠨ ᠭᠤᠤᠯᠳᠠᠭᠤ ᠤᠷᠤᠰ᠂ ᠸᠢᠲ᠋ᠡᠨᠡᠮ᠂ ᠶᠠᠫᠤᠨ᠂ ᠺᠠᠽᠠᠬᠰᠲ᠋ᠠᠨ ᠵᠡᠷᠭᠡ ᠤᠯᠤᠰ ᠲᠤ ᠵᠤᠭᠢᠬᠤ ᠭᠡᠮᠵᠢᠶᠡ ᠪᠠᠷ | ᠭᠠᠷᠭᠠᠳᠠᠭ᠃ ᠡᠭᠦᠨ ᠳᠤ ᠶᠠᠫᠤᠨ ᠤᠯᠤᠰ ᠲᠤ ᠪᠤᠯ ᠭᠤᠤᠯᠳᠠᠭᠤ ᠠᠳᠤᠭᠤᠨ ᠤ ᠮᠢᠬᠠ ᠭᠠᠷᠭᠠᠵᠤ᠂ ᠪᠤᠰᠤᠳ ᠭᠡᠳᠤᠨ | ᠤᠯᠤᠰ ᠲᠤ ᠬᠤᠨᠢ ᠦᠭᠡᠷ ᠤᠨ ᠮᠢᠬᠠ ᠭᠠᠷᠭᠠᠳᠠᠭ ᠠᠵᠢ᠃ ᠪᠠᠭᠠ ᠭᠡᠮᠵᠢᠶᠠᠨ ᠤ ᠨᠤᠤᠰᠤ ᠨᠤᠯᠤᠤᠷ ᠪᠡ ᠶᠡᠭᠡ | ᠭᠡᠮᠵᠢᠶᠡᠨ ᠤ ᠠᠷᠠᠰᠤ ᠰᠢᠷᠢ ᠪᠠᠨ ᠮᠠᠨ ᠤ ᠤᠯᠤᠰ ᠲᠤ ᠪᠤᠷᠤᠯᠠᠭᠤᠯᠳᠠᠭ᠃ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ | ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠷᠤᠯᠠᠭᠤᠯᠬᠤ ᠠᠵᠢᠯ ᠨᠡᠯᠢᠶᠡᠳ ᠬᠤᠵᠢᠭᠤ ᠡᠭᠢᠯᠡᠭᠰᠡᠨ ᠴᠤ ᠤᠢᠢᠷᠠ ᠶᠢᠨ ᠵᠢᠯ ᠠᠴᠠ | ᠭᠦᠮᠦᠰ ᠤᠨ ᠦᠵᠡᠯᠳᠡ ᠳᠠᠨᠢᠯᠳᠠ ᠳᠤ ᠶᠡᠭᠡᠭᠡᠨ ᠬᠤᠪᠢᠷᠠᠯᠳᠠ ᠲᠠᠢ ᠪᠤᠯᠵᠤ᠂ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ | ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠷᠤᠯᠠᠭᠤᠯᠪᠠᠯ ᠠᠰᠢᠬ ᠤᠷᠤᠯᠭᠠ ᠪᠠᠷ ᠨᠡᠩ ᠶᠡᠭᠡ ᠪᠤᠯᠳᠠᠭ ᠭᠡᠰᠡᠨ ᠢ ᠤᠢᠢᠯᠠᠭᠠᠵᠤ ᠮᠡᠳᠡᠭᠰᠡᠨ ᠤ | ᠳᠠᠷᠠᠭᠠ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ ᠦᠪᠡᠷᠳᠡᠭᠡᠨ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠷᠤᠯᠠᠭᠤᠯᠬᠤ ᠠᠵᠢᠯ ᠦᠢᠯᠡᠰ | ᠠᠭᠠᠵᠢᠮ ᠢᠶᠠᠷ ᠭᠦᠭᠵᠢᠵᠤ ᠡᠭᠢᠯᠡᠵᠡᠢ᠃ ᠭᠦᠳᠡᠭᠡ ᠨᠤᠳᠤᠭ ᠤᠨ ᠮᠠᠯᠴᠢᠳ ᠨᠢ ᠰᠦ ᠴᠠᠭᠠ ᠢᠳᠡᠭᠡ | ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠪᠤᠷᠴᠠ ᠬᠠᠳᠠᠭᠠᠬᠤ᠂ ᠨᠤᠤᠰᠤ ᠨᠤᠯᠤᠤᠷ ᠢᠶᠠᠷ ᠢᠶᠠᠨ ᠢᠰᠡᠭᠡᠢ ᠭᠢᠭᠦ ᠵᠡᠷᠭᠡ ᠪᠠᠷ ᠮᠠᠯ ᠤᠨ ᠠᠰᠢᠬ | ᠰᠢᠮᠡ ᠪᠠᠨ ᠤᠯᠠᠮᠵᠢᠯᠠᠯᠳᠤ ᠠᠷᠭᠠ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠪᠤᠯ ᠬᠤᠳᠠ ᠳᠠᠭᠠᠨ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ | ᠪᠤᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢᠯᠡᠯ ᠲᠠᠢ ᠪᠠᠶᠢᠳᠠᠭ᠃ ︽ᠮᠠᠯ ᠢ ᠬᠤᠪᠢ ᠳᠤ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠨ ᠠᠴᠠ | ᠬᠤᠶᠢᠰᠢ ᠮᠠᠯᠴᠢᠳ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ ᠪᠤᠷᠤᠯᠠᠭᠤᠯᠬᠤ ᠳᠠᠭᠠᠨ ᠦᠪᠡᠷ ᠤᠨ ᠳᠤᠷᠠ ᠪᠠᠨ ᠦᠨᠳᠦᠰᠦᠯᠡᠭᠦ | ᠪᠤᠯᠵᠤ᠂ ᠠᠯᠢ ᠨᠢ ᠦᠨᠡ ᠬᠠᠨᠭ᠍ᠰᠢ ᠪᠠᠷ ᠦᠨᠳᠦᠷ ᠪᠤᠯ ᠳᠡᠡᠳᠡ ᠪᠤᠷᠤᠯᠠᠭᠤᠯᠬᠤ ᠪᠤᠯᠤᠬᠰᠠᠨ᠃ ᠡᠨᠡᠭᠦ ᠪᠠᠶᠢᠳᠠᠯ | ᠳᠤᠤᠷᠠ ᠤᠯᠤᠰ ᠠᠴᠠ ᠦᠨᠳᠦᠰᠦᠳᠡᠨ ᠤ ᠠᠵᠤ ᠠᠬᠤᠢ ᠪᠠᠨ ᠳᠡᠳᠭᠦᠨ ᠳᠡᠮᠵᠢᠭᠦ ᠡᠭᠦᠳᠡᠨ ᠠᠴᠠ ᠭᠠᠳᠠᠬᠰᠢ | ᠭᠠᠷᠭᠠᠵᠤ ᠪᠠᠶᠢᠭᠠ ᠲᠦᠭᠦᠭᠡᠢ ᠡᠳ᠋ ᠠᠴᠠ ᠭᠠᠶᠢᠯᠢ ᠳᠠᠳᠠᠪᠤᠷᠢ ᠠᠪᠬᠤ᠂ ᠦᠨᠳᠦᠰᠦᠳᠡᠨ ᠤ ᠠᠵᠤ ᠠᠬᠤᠢ ᠳᠠᠭᠠᠨ | ᠲᠦᠭᠦᠭᠡᠢ ᠡᠳ᠋ ᠢᠶᠠᠨ ᠪᠤᠷᠤᠯᠠᠭᠤᠯᠪᠠᠯ ᠵᠤᠭᠢᠬᠤ ᠭᠡᠮᠵᠢᠶᠡᠨ ᠤ ᠨᠦᠭᠦᠪᠦᠷᠢ ᠤᠯᠭᠤᠬᠤ ᠵᠡᠷᠭᠡ ᠠᠷᠭᠠ ᠭᠡᠮᠵᠢᠶᠠ ᠠᠪᠴᠤ | ᠦᠨᠳᠦᠰᠦᠳᠡᠨ ᠤ ᠠᠵᠤ ᠠᠬᠤᠢ ᠪᠠᠨ ᠳᠡᠮᠵᠢᠵᠤ᠂ ᠮᠠᠯ ᠤᠨ ᠠᠰᠢᠬ ᠰᠢᠮᠡ ᠪᠠᠨ ᠤᠯᠤᠰ ᠤᠨ ᠳᠤᠳᠤᠭᠠᠳᠤ ᠳᠠᠭᠠᠨ | ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠷᠤᠯᠠᠭᠤᠯᠬᠤ ᠶᠢ ᠳᠡᠮᠵᠢᠵᠤ ᠪᠤᠢ᠃ ᠳᠡᠮᠡᠭᠡᠨ ᠤ ᠠᠰᠢᠬ ᠰᠢᠮᠡ ᠶᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠠᠷ | ᠵᠢᠱᠢᠶᠡᠯᠡᠵᠤ ᠶᠠᠷᠢᠪᠠᠯ᠂ ᠢᠡᠭᠭᠡᠨ ᠰᠦ ᠶᠢ ᠰᠤᠪᠢᠯᠠᠯᠭᠠ ᠡᠮᠴᠢᠯᠡᠭᠡ ᠳᠤ ᠭᠡᠷᠡᠭᠯᠡᠭᠦ ᠳᠠᠯᠠ ᠠᠴᠠ ᠭᠦᠭᠵᠢᠭᠦᠯᠵᠤ᠂ | ᠢᠡᠭᠭᠡᠨ ᠰᠦ ᠪᠠᠷ ᠭᠢᠭᠰᠡᠨ ᠬᠤᠭᠤᠷᠮᠠᠭ ᠬᠤᠳᠤᠭᠤᠳᠤ ᠭᠡᠳᠡᠰᠤᠨ ᠤ ᠡᠪᠡᠳᠴᠢᠨ ᠳᠤ ᠶᠡᠭᠡ ᠰᠠᠶᠢᠨ ᠪᠠᠶᠢᠳᠠᠭ ᠪᠤᠯᠬᠤᠷ | ᠠᠶᠢᠮᠠᠭ ᠤᠨ ᠲᠦᠪ ᠬᠤᠳᠠ ᠬᠤᠭᠤᠷᠮᠠᠭ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠤᠷᠤᠯᠠᠭᠤᠯᠬᠤ ᠵᠢᠵᠢᠭ ᠦᠢᠯᠡᠳᠪᠦᠷᠢ ᠲᠠᠢ ᠪᠠᠶᠢᠵᠤ᠂ | ᠬᠤᠭᠤᠷᠮᠠᠭ ᠭᠢᠵᠤ ᠪᠤᠷᠤᠯᠠᠭᠤᠯᠳᠠᠭ᠃ ᠶᠠᠫᠤᠨ ᠤᠯᠤᠰ ᠤᠨ ᠳᠤᠰᠠᠯᠠᠮᠵᠢ ᠪᠡ ᠠᠩᠭ᠍ᠯᠢ ᠤᠯᠤᠰ ᠤᠨ ᠳᠤᠰᠠᠯᠠᠮᠵᠢ ᠲᠠᠢ | ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠳᠡᠮᠡᠭᠡᠨ ᠨᠤᠤᠰᠤ ᠪᠠᠷ ᠭᠦᠨᠵᠢᠯᠡ᠂ ᠨᠤᠤᠰᠤᠨ ᠬᠤᠪᠴᠠᠰᠤ ᠭᠢᠭᠦ ᠵᠡᠷᠭᠡ ᠦᠢᠯᠡᠳᠪᠦᠷᠢ ᠨᠢᠭᠡᠨᠳᠡ | ᠪᠤᠢ ᠪᠤᠯᠤᠬᠰᠠᠨ᠃ ᠮᠠᠯ ᠤᠨ ᠠᠷᠠᠰᠤ ᠰᠢᠷᠢ ᠶᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠰᠡᠭᠦᠯ ᠤᠨ ᠦᠶᠡ ᠳᠤ | ᠪᠠᠶᠢᠭᠤᠯᠤᠬᠳᠠᠬᠰᠠᠨ︾ ᠭᠡᠵᠤ ᠴᠤᠬᠳᠤᠳᠤᠶᠠᠭᠠ ᠶᠠᠷᠢᠬᠤ ᠳᠤ ︽ᠮᠠᠨ ᠤ ᠤᠯᠤᠰ ᠨᠤᠯᠤᠤᠷ ᠤᠨ | ᠦᠢᠯᠡᠳᠪᠦᠷᠢᠯᠡᠯ ᠢᠶᠠᠷ ᠢᠶᠠᠨ ᠳᠡᠯᠡᠭᠡᠢ ᠳᠤ ᠬᠤᠶᠠᠳᠤᠭᠠᠷ ᠲᠤ ᠤᠷᠤᠳᠠᠭ᠃ ᠮᠠᠨ ᠤ ᠤᠯᠤᠰ ᠤᠨ ᠨᠤᠯᠤᠤᠷ ᠤᠨ | ᠬᠤᠪᠴᠠᠰᠤ ᠶᠡᠭᠡ ᠨᠠᠷᠠᠳᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠨᠤᠯᠤᠤᠷ ᠢᠶᠠᠷ ᠳᠤᠯᠠᠭᠠᠯᠠᠯᠭᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠴᠤ ᠭᠢᠭᠦ ᠪᠤᠯᠤᠬᠰᠠᠨ | ︾ ᠭᠡᠵᠤ ᠳᠡᠮᠤᠷ ᠤᠨ ᠪᠡᠯᠳᠡᠨ ᠨᠦᠭᠦᠵᠤ ᠶᠠᠷᠢᠯᠠ᠃ | ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠪᠤᠯ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠭᠦᠭᠵᠢᠯᠳᠡ ᠳᠠᠬᠢ ᠴᠢᠬᠤᠯᠠ ᠨᠢᠭᠡᠨ | ᠠᠰᠠᠭᠤᠳᠠᠯ ᠪᠤᠯᠬᠤᠷ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠶᠠᠮᠠᠷᠬᠠᠨ ᠪᠠᠶᠢᠳᠠᠭ ᠳᠤᠬᠠᠢ ᠳᠤ ᠠᠷᠭᠠ | ᠦᠭᠡᠢ ᠰᠤᠨᠢᠷᠬᠠᠯ ᠲᠦᠷᠦᠵᠤ ᠡᠨᠡ ᠳᠤᠬᠠᠢ ᠰᠤᠨᠢᠭᠤᠴᠢᠯᠠᠪᠠᠯ ︽ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠪᠤᠯ ᠦᠰᠴᠤ ᠪᠠᠶᠢᠨᠠ᠃ | ᠭᠡᠪᠡᠴᠤ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠶᠢᠨ ᠪᠠᠶᠢᠳᠠᠯ ᠨᠢ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠪᠠᠶᠢᠳᠠᠯ ᠠᠴᠠ ᠳᠤᠬᠳᠠᠭᠠᠬᠳᠠᠬᠤ ᠨᠢ | ᠢᠯᠡᠭᠦᠦ ᠪᠠᠶᠢᠵᠤ᠂ ᠭᠠᠵᠠᠷ ᠭᠠᠵᠠᠷ ᠤᠨ ᠮᠠᠯ ᠤᠨ ᠦᠨᠡ ᠪᠠᠰᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠭᠦᠮᠦᠨ ᠠᠮᠠ ᠪᠠᠷ | ᠤᠯᠠᠨ᠂ ᠴᠠᠯᠢᠩ ᠭᠦᠯᠦᠰᠦ ᠦᠨᠳᠦᠷ᠂ ᠦᠢᠯᠡᠳᠪᠦᠷᠢᠯᠡᠯ ᠭᠦᠭᠵᠢᠭᠰᠡᠨ ᠭᠠᠵᠠᠷ ᠤᠨ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ | ᠬᠠᠷᠢᠴᠠᠩᠭᠤᠢ ᠪᠠᠷ ᠦᠨᠳᠦᠷ ᠪᠠᠶᠢᠵᠤ᠂ ᠵᠠᠬᠠ ᠭᠢᠵᠠᠭᠠᠷ ᠤᠷᠤᠨ ᠨᠤᠳᠤᠭ᠂ ᠭᠦᠮᠦᠨ ᠠᠮᠠ ᠴᠦᠭᠡᠨ᠂ | ᠦᠢᠯᠡᠳᠪᠦᠷᠢᠯᠡᠯ ᠳᠡᠳᠤᠢ ᠭᠦᠭᠵᠢᠭᠡ ᠦᠭᠡᠢ ᠭᠠᠵᠠᠷ ᠤᠨ ᠮᠠᠯ ᠤᠨ ᠦᠨᠡ ᠬᠠᠨᠭ᠍ᠰᠢ ᠬᠠᠷᠢᠴᠠᠩᠭᠤᠢ ᠪᠠᠷ ᠳᠤᠤᠷᠠ | ᠪᠠᠶᠢᠳᠠᠭ᠃ ᠳᠤᠬᠳᠠᠬᠰᠠᠨ ᠦᠨᠡ ᠭᠡᠵᠤ ᠪᠠᠶᠢᠳᠠᠭ ᠦᠭᠡᠢ᠃ ᠵᠢᠱᠢᠶᠡᠯᠡᠵᠤ ᠶᠠᠷᠢᠪᠠᠯ᠂ ᠵᠠᠬᠠ ᠭᠢᠵᠠᠭᠠᠷ ᠤᠷᠤᠨ ᠳᠤ | ᠨᠢᠭᠡ ᠬᠤᠨᠢ 100 ᠮᠢᠩᠭᠠᠨ ᠲᠦᠭᠦᠷᠢᠭ ᠪᠠᠶᠢᠬᠤ ᠳᠤ ᠲᠦᠪ ᠤᠷᠤᠨ ᠳᠤ 150 — 200 ᠮᠢᠩᠭᠠᠨ | ᠲᠦᠭᠦᠷᠢᠭ ᠤᠷᠴᠢᠮ ᠭᠦᠷᠳᠡᠭ ᠭᠡᠭᠦ ᠮᠡᠳᠤ᠃ ᠵᠠᠷᠢᠮ ᠳᠠᠭᠠᠨ ᠭᠡᠷᠡᠭᠴᠡᠭᠡᠨ ᠠᠴᠠ ᠰᠢᠯᠳᠠᠭᠠᠯᠠᠬᠳᠠᠵᠤ ᠮᠠᠯ ᠤᠨ ᠦᠨᠡ | ᠴᠤ ᠦᠰᠳᠡᠭ᠃ ᠮᠤᠩᠭᠤᠯᠴᠤᠳ ᠭᠡᠵᠤ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠪᠠᠯ ᠤᠭᠤᠴᠠ ᠵᠠᠰᠠᠬᠤ ᠳᠠᠳᠬᠠᠯ ᠲᠠᠢ ᠪᠤᠯᠬᠤᠷ ᠵᠢᠯ | ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠤᠢᠢᠷᠠᠳᠤᠪᠡᠯ ᠨᠢᠭᠡ ᠪᠦᠭᠦᠯᠢ ᠤᠭᠤᠴᠠᠨ ᠤ ᠦᠨᠡ ᠨᠢᠭᠡ ᠬᠤᠨᠢᠨ ᠤ ᠦᠨᠡ ᠠᠴᠠ ᠴᠤ | ᠳᠠᠪᠠᠭ᠋ᠤ ᠪᠠᠶᠢᠳᠠᠯ ᠭᠠᠷᠳᠠᠭ︾ ᠭᠡᠵᠤ ᠴᠤᠬᠳᠤᠳᠤᠶᠠᠭᠠ ᠶᠠᠷᠢᠵᠤ ᠪᠢᠯᠡ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠬᠢᠨ ᠤᠢᠢᠷᠠ ᠶᠢᠨ | ᠵᠢᠯ ᠠᠴᠠ ᠮᠠᠯ ᠤᠨ ᠦᠨᠡ ᠦᠰᠴᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠭᠦᠯᠦᠨ ᠤᠯᠤᠰ ᠠᠴᠠ ᠨᠢᠭᠡ ᠪᠦᠯᠦᠭ ᠪᠡᠯᠡ | ᠮᠦᠡᠭᠭᠦ ᠭᠠᠷᠭᠠᠵᠤ᠂ ᠨᠠᠮᠤᠷ ᠤᠨ ᠦᠶᠡ ᠳᠤ ᠤᠯᠤᠰ ᠤᠨ ᠮᠢᠬᠠ ᠭᠡᠵᠤ ᠬᠤᠳᠠᠯᠳᠤᠨ ᠠᠪᠴᠤ ᠬᠠᠳᠠᠭᠠᠯᠠᠨ᠂ ᠬᠠᠪᠤᠷ | ᠪᠤᠯᠬᠤ ᠳᠤ ᠡᠨᠡ ᠮᠢᠬᠠ ᠪᠠᠨ ᠭᠠᠷᠭᠠᠨ ᠳᠡᠳᠡᠭᠡᠷ ᠦᠨᠡ ᠬᠠᠨᠭ᠍ᠰᠢ ᠪᠠᠷ ᠦᠨᠳᠦᠷ ᠰᠢᠨᠡ ᠰᠤᠷᠭᠤᠭ ᠮᠢᠬᠠ | ᠬᠤᠳᠠᠯᠳᠤᠨ ᠠᠪᠴᠤ ᠳᠡᠶᠢᠯᠭᠦ ᠦᠭᠡᠢ ᠭᠦᠮᠦᠰ ᠲᠤ ᠭᠢᠮᠳᠡ ᠦᠨᠡ ᠪᠠᠷ ᠬᠤᠳᠠᠯᠳᠤᠨ ᠦᠭᠴᠤ᠂ ᠳᠡᠳᠡᠨ ᠤ | ᠮᠢᠬᠠᠨ ᠤ ᠭᠡᠷᠡᠭᠴᠡᠭᠡ ᠶᠢ ᠬᠠᠨᠭ᠍ᠭᠠᠳᠠᠭ ᠭᠡᠰᠡᠨ ᠢ ᠶᠠᠷᠢᠯᠴᠠᠭᠠᠨ ᠤ ᠳᠤᠮᠳᠠ ᠠᠴᠠ ᠤᠢᠢᠯᠠᠭᠠᠵᠤ ᠪᠢᠯᠡ᠃ | 1990 ᠤᠨ ᠳᠤ ᠮᠠᠯ ᠢ ᠬᠤᠪᠢ ᠡᠷᠤᠭᠡ ᠳᠤ ᠬᠤᠪᠢᠶᠠᠬᠰᠠᠨ ᠤ ᠳᠠᠷᠠᠭᠠ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠤᠨ | ᠳᠤᠭᠠ ᠶᠡᠭᠡᠪᠡᠷ ᠦᠰᠦᠭᠰᠡᠨ ᠴᠤ ᠳᠡᠮᠡᠭᠡᠨ ᠤ ᠳᠤᠭᠠ ᠬᠠᠷᠢᠨ ᠶᠡᠭᠡᠪᠡᠷ ᠪᠠᠭᠤᠷᠠᠬᠰᠠᠨ ᠬᠠᠴᠢᠨ ᠪᠠᠶᠢᠳᠠᠯ ᠢᠯᠡᠷᠡᠭᠰᠡᠨ | ᠪᠠᠶᠢᠨᠠ᠃ ᠡᠨᠡ ᠶᠠᠭᠤᠨ ᠠᠴᠠ ᠪᠤᠯᠪᠠ︖ ᠭᠡᠪᠡᠯ ᠳᠠᠷᠤᠢ ᠰᠦᠷᠦᠭ ᠰᠦᠷᠦᠭ ᠢᠶᠠᠷ ᠰᠦᠷᠦᠭᠯᠡᠨ ᠶᠠᠪᠤᠳᠠᠭ | ᠳᠡᠮᠡᠭᠡ ᠶᠢ ᠠᠶᠢᠯ ᠡᠷᠤᠭᠡ ᠳᠤ ᠭᠤᠷᠪᠠ ᠳᠠᠪᠤ ᠪᠠᠷ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠨ ᠠᠴᠠ ᠳᠡᠮᠡᠭᠡ ᠠᠳᠤᠭᠤᠯᠠᠬᠤ ᠳᠤ ᠭᠦᠴᠢᠷ | ᠪᠤᠯᠵᠤ᠂ ᠨᠢᠭᠡ ᠬᠤᠶᠠᠷ ᠳᠡᠮᠡᠭᠡᠨ ᠤ ᠲᠦᠯᠦᠭᠡ ᠨᠢᠭᠡ ᠭᠦᠮᠦᠨ ᠡᠳᠤᠷᠵᠢᠨ ᠳᠡᠮᠡᠭᠡ ᠪᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠯᠳᠠᠢ | ᠪᠢᠰᠢ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠭᠦᠮᠦᠰ ᠳᠡᠮᠡᠭᠡ ᠪᠠᠨ ᠶᠡᠭᠡᠪᠡᠷ ᠵᠠᠷᠤᠵᠤ᠂ ᠪᠤᠭ ᠮᠠᠯ ᠢᠶᠠᠨ ᠦᠰᠭᠡᠵᠤ ᠡᠭᠢᠯᠡᠭᠰᠡᠨ ᠠᠴᠠ | ᠪᠤᠯᠵᠠᠢ᠃ ᠡᠨᠡ ᠨᠢ ᠮᠦᠨ ᠴᠤ ᠮᠠᠨ ᠤ ᠠᠳᠡᠭᠢ ᠮᠠᠯ ᠬᠤᠪᠢᠶᠠᠬᠰᠠᠨ ᠤ ᠳᠠᠷᠠᠭᠠᠭᠢ ᠪᠠᠶᠢᠳᠠᠯ ᠲᠠᠢ ᠠᠳᠠᠯᠢᠪᠳᠤᠷ | ᠪᠠᠶᠢᠯᠠ᠃ ︽ᠮᠤᠩᠭᠤᠯ ᠤᠯᠤᠰ ᠤᠨ ᠳᠡᠮᠡᠭᠡᠨ ᠤ ᠳᠤᠭᠠ 1953 ᠤᠨ ᠳᠤ ᠤᠷᠭᠢᠯ ᠳᠠᠭᠠᠨ ᠭᠦᠷᠴᠤ᠂ 85 | ᠲᠦᠮᠡᠨ ᠳᠡᠮᠡᠭᠡ ᠲᠠᠢ ᠪᠤᠯᠵᠠᠢ᠃ ᠳᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠡᠮᠡᠭᠡᠨ ᠤ ᠳᠤᠭᠠ ᠵᠢᠯ ᠠᠴᠠ ᠪᠠᠨ ᠵᠢᠯ ᠪᠠᠭᠤᠷᠠᠵᠤ᠂ | 2006 ᠤᠨ ᠪᠤᠯᠬᠤ ᠳᠤ 20 ᠢᠯᠡᠭᠦᠦ ᠲᠦᠮᠡ ᠯᠡ ᠪᠤᠯᠵᠠᠢ᠃ ᠳᠡᠮᠡᠭᠡᠨ ᠤ ᠳᠤᠭᠠ ᠶᠡᠭᠡᠪᠡᠷ ᠪᠠᠭᠤᠷᠠᠵᠤ ᠪᠠᠶᠢᠭᠠ | ᠪᠠᠶᠢᠳᠠᠯ ᠳᠤᠤᠷᠠ᠂ ᠨᠤᠤᠰᠤ᠂ ᠰᠦᠨ ᠤ ᠭᠠᠷᠤᠯᠳᠠ ᠰᠠᠶᠢᠨ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠳᠤ ᠭᠡᠷᠡᠭᠴᠡᠭᠡ ᠲᠠᠢ᠂ | ᠤᠨᠤᠯᠭᠠ ᠡᠳ᠋ᠯᠡᠭᠡ ᠳᠤ ᠭᠡᠷᠡᠭᠴᠡᠭᠡ ᠲᠠᠢ ᠬᠤᠤᠰ ᠪᠦᠭᠦᠳᠤ ᠳᠡᠮᠡᠭᠡ ᠪᠠᠨ ᠦᠰᠭᠡᠨ ᠦᠷᠡᠵᠢᠭᠦᠯᠭᠦ᠂ ᠳᠠᠪᠤᠨ ᠬᠤᠰᠢᠭᠤ | ᠮᠠᠯ ᠤᠨ ᠢᠶᠠᠨ ᠨᠢᠭᠡᠨ ᠡᠷᠳᠡᠨᠢ ᠪᠤᠯᠤᠬᠰᠠᠨ ᠳᠡᠮᠡᠭᠡ ᠪᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠮᠠᠨ ᠤ | ᠤᠯᠤᠰ ᠠᠴᠠ ᠪᠤᠳᠤᠭᠤᠨ ᠤ ᠴᠠᠯᠢᠩ ᠭᠡᠵᠤ ᠭᠠᠷᠭᠠᠨ᠂ ᠪᠤᠶᠢᠵᠢᠭᠤᠯᠤᠬᠰᠠᠨ ᠪᠤᠳᠤᠭᠤᠨ ᠤ ᠳᠤᠭᠠ ᠪᠠᠷ ᠱᠠᠩᠨᠠᠯ ᠤᠨ | ᠮᠦᠡᠭᠭᠦ ᠤᠯᠭᠤᠬᠤ ᠵᠡᠷᠭᠡ ᠵᠤᠭᠢᠰᠳᠠᠢ ᠠᠷᠭᠠ ᠪᠤᠳᠤᠯᠭᠠ ᠠᠪᠤᠬᠰᠠᠨ ᠢᠶᠠᠷ ᠤᠢᠢᠷᠠ ᠶᠢᠨ ᠵᠢᠯ ᠠᠴᠠ ᠳᠡᠮᠡᠭᠡᠨ ᠤ | ᠳᠤᠭᠠ ᠠᠭᠠᠵᠢᠮ ᠢᠶᠠᠷ ᠳᠠᠭᠢᠨ ᠨᠡᠮᠡᠭᠳᠡᠭᠦ ᠪᠠᠶᠢᠳᠠᠯ ᠲᠠᠢ ᠪᠤᠯᠵᠤ᠂ ᠡᠨᠡ ᠵᠢᠯ ᠳᠡᠮᠡᠭᠡᠨ ᠤ ᠳᠤᠭᠠ ᠪᠠᠷᠤᠭ 35 | ᠲᠦᠮᠡ ᠳᠤ ᠤᠢᠢᠷᠠᠳᠤᠬᠰᠠᠨ ᠪᠦᠭᠡᠳ 1000 ᠳᠡᠮᠡᠭᠡ ᠲᠠᠢ ᠠᠶᠢᠯ ᠴᠤ ᠨᠢᠭᠡ ᠭᠠᠷᠤᠬᠰᠠᠨ ᠶᠤᠮ︾ ᠭᠡᠵᠤ ᠬᠤᠤᠰ | ᠪᠦᠭᠦᠳᠤ ᠳᠡᠮᠡᠭᠡ ᠪᠠᠨ ᠰᠤᠳᠤᠯᠵᠤ ᠶᠠᠪᠤᠭᠠ ᠴᠤᠬᠳᠤᠳᠤᠶᠠᠭᠠ ᠮᠠᠨ ᠳᠤ ᠶᠠᠷᠢᠬᠤ ᠳᠤ ᠴᠢᠷᠠᠢ ᠳᠡᠭᠡᠷᠡ ᠨᠢ | ᠪᠠᠶᠠᠰᠤᠬᠰᠠᠨ ᠵᠤᠷᠢᠬᠵᠢᠬᠰᠠᠨ ᠪᠠᠶᠢᠳᠠᠯ ᠡᠷᠭᠡ ᠦᠭᠡᠢ ᠢᠯᠡᠷᠡᠵᠤ ᠪᠠᠶᠢᠯᠠ᠃ | ᠮᠠᠯ ᠰᠦᠷᠦᠭ ᠢᠶᠠᠨ ᠦᠨᠢᠷ ᠦᠰᠭᠡᠭᠦ ᠳᠤ ᠳᠤᠯᠭᠠᠷᠠᠳᠠᠭ ᠨᠢᠭᠡᠨ ᠶᠡᠭᠡ ᠳᠠᠶᠢᠰᠤᠨ ᠪᠤᠯ ᠳᠠᠷᠤᠢ ᠮᠠᠯ ᠤᠨ | ᠡᠪᠡᠳᠴᠢᠨ᠂ ᠭᠢᠵᠢᠭ ᠭᠡᠮ ᠪᠤᠯᠤᠨᠠ᠃ ᠳᠡᠶᠢᠮᠤ ᠠᠴᠠ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠭᠦᠭᠵᠢᠭᠦᠯᠭᠦ ᠭᠡᠪᠡᠯ ᠡᠪᠡᠳᠴᠢᠨ᠂ | ᠭᠢᠵᠢᠭ ᠭᠡᠮ ᠢ ᠰᠡᠷᠭᠡᠶᠢᠯᠡᠭᠦ ᠠᠵᠢᠯ ᠢ ᠰᠠᠶᠢᠳᠤᠷ ᠭᠢᠭᠦ ᠴᠢᠬᠤᠯᠠᠳᠠᠢ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠬᠢᠨ ᠴᠤ | ᠡᠨᠡ ᠳᠠᠯᠠ ᠶᠢᠨ ᠠᠵᠢᠯ ᠢ ᠰᠠᠶᠢᠳᠤᠷ ᠭᠢᠵᠤ ᠪᠠᠶᠢᠳᠠᠭ᠃ 1990 ᠤᠨ ᠠᠴᠠ ᠡᠮᠤᠨᠠ ᠤᠯᠤᠰ ᠤᠷᠤᠨ ᠠᠴᠠ | ᠮᠠᠯ ᠤᠨ ᠳᠠᠷᠢᠯᠭᠠ᠂ ᠤᠭᠢᠶᠠᠯᠳᠠ ᠴᠢᠳᠬᠤᠯᠳᠠ ᠵᠡᠷᠭᠡ ᠶᠢ ᠨᠢᠭᠡᠳᠤᠯᠳᠠᠢ᠂ ᠡᠷᠴᠢᠮ ᠲᠠᠢ ᠶᠠᠪᠤᠬᠳᠠᠭᠤᠯᠳᠠᠭ ᠪᠠᠶᠢᠵᠠᠢ᠃ | 1990 ᠤᠨ ᠳᠤ ᠮᠠᠯ ᠢ ᠬᠤᠪᠢ ᠡᠷᠤᠭᠡ ᠳᠤ ᠳᠠᠭᠠᠭᠠᠴᠢᠯᠠᠭᠤᠯᠤᠬᠰᠠᠨ ᠤ ᠳᠠᠷᠠᠭᠠ᠂ ᠬᠤᠪᠢ ᠶᠢᠨ ᠮᠠᠯ ᠡᠮᠨᠡᠯᠭᠡ | ᠪᠡ ᠲᠦᠷᠦ ᠶᠢᠨ ᠮᠠᠯ ᠡᠮᠨᠡᠯᠭᠡ ᠭᠡᠵᠤ ᠭᠠᠷᠴᠤ᠂ ᠬᠤᠪᠢ ᠶᠢᠨ ᠮᠠᠯ ᠡᠮᠨᠡᠯᠭᠡ ᠨᠢ ᠮᠠᠯᠴᠢᠳ ᠲᠠᠢ ᠭᠡᠷᠡ ᠪᠠᠶᠢᠭᠤᠯᠵᠤ | ᠡᠪᠡᠳᠴᠢᠨ ᠰᠡᠷᠭᠡᠶᠢᠯᠡᠭᠦ᠂ ᠡᠮᠴᠢᠯᠡᠭᠦ ᠠᠵᠢᠯ ᠢ ᠭᠢᠳᠡᠭ ᠪᠤᠯ ᠲᠦᠷᠦ ᠶᠢᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠬᠢᠨ ᠨᠢ ᠬᠤᠪᠢ ᠶᠢᠨ | ᠮᠠᠯ ᠡᠮᠨᠡᠯᠭᠡ ᠶᠢᠨ ᠬᠢᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠬᠠᠤᠯᠢ ᠵᠢᠷᠤᠮ ᠢᠶᠠᠷ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠡᠰᠡᠭᠦ ᠳᠤ ᠭᠢᠨᠠᠯᠳᠠ ᠳᠠᠯᠪᠢᠳᠠᠭ | ᠪᠠᠶᠢᠨᠠ᠃ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨ ᠭᠠᠷᠪᠠᠯ ᠲᠦᠷᠦ ᠠᠴᠠ ᠡᠮ ᠪᠡ ᠦᠢᠯᠡᠴᠢᠯᠡᠭᠡᠨ ᠤ ᠮᠦᠡᠭᠭᠦ ᠶᠢ ᠦᠭᠳᠡᠭ | ᠪᠦᠭᠡᠳ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨ ᠠᠴᠠ ᠪᠤᠯᠵᠤ ᠤᠰᠠᠳᠬᠠᠬᠰᠠᠨ ᠮᠠᠯ ᠳᠤ ᠤᠯᠤᠰ ᠠᠴᠠ ᠨᠦᠭᠦᠪᠦᠷᠢ ᠦᠭᠳᠡᠭ | ᠪᠠᠶᠢᠨᠠ᠃ ︽ᠤᠤᠯ ᠳᠠᠭᠠᠨ ᠤᠯᠤᠰ ᠠᠴᠠ ᠭᠢᠵᠢᠭ ᠭᠡᠮ ᠰᠡᠷᠭᠡᠶᠢᠯᠡᠭᠦ ᠠᠵᠢᠯ ᠢ ᠡᠷᠴᠢᠮ ᠲᠠᠢ ᠶᠠᠪᠤᠬᠳᠠᠭᠤᠯᠳᠠᠭ | ᠪᠤᠯᠬᠤᠷ ᠮᠠᠯ ᠤᠨ ᠡᠪᠡᠳᠴᠢᠨ ᠪᠠᠭᠠ ᠪᠠᠶᠢᠬᠰᠠᠨ᠃ ᠳᠡᠶᠢᠮᠤ ᠠᠴᠠ ᠮᠠᠯ ᠢ ᠠᠩᠬᠠ ᠬᠤᠪᠢ ᠳᠤ ᠬᠤᠪᠢᠶᠠᠬᠰᠠᠨ ᠤ | ᠳᠠᠷᠠᠭᠠ ᠮᠠᠯᠴᠢᠳ ᠮᠠᠯ ᠤᠨ ᠳᠠᠷᠢᠯᠭᠠ᠂ ᠤᠭᠢᠶᠠᠯᠳᠠ ᠴᠢᠳᠬᠤᠯᠳᠠ ᠶᠢ ᠳᠡᠮᠡᠢ ᠭᠢᠯᠭᠡᠭᠦ ᠳᠤᠷᠠ ᠦᠭᠡᠢ ᠪᠠᠶᠢᠵᠠᠢ᠃ | ᠰᠡᠭᠦᠯ ᠳᠤᠨᠢ ᠮᠠᠯ ᠤᠨ ᠡᠪᠡᠳᠴᠢᠨ ᠤᠯᠠᠨ ᠭᠠᠷᠬᠤ ᠪᠤᠯᠤᠬᠰᠠᠨ ᠠᠴᠠ ᠮᠠᠯᠴᠢᠳ ᠮᠠᠯ ᠡᠮᠨᠡᠯᠭᠡ ᠶᠢᠨ ᠴᠢᠬᠤᠯᠠ | ᠴᠢᠨᠠᠷ ᠢ ᠳᠠᠨᠢᠵᠤ ᠤᠯᠤᠨ ᠮᠠᠯ ᠤᠨ ᠳᠠᠷᠢᠯᠭᠠ᠂ ᠤᠭᠢᠶᠠᠯᠳᠠ ᠴᠢᠳᠬᠤᠯᠳᠠ ᠶᠢ ᠴᠠᠭ ᠳᠤᠬᠠᠢ ᠳᠤᠨᠢ ᠭᠢᠯᠭᠡᠭᠦ | ᠪᠤᠯᠤᠬᠰᠠᠨ ᠢᠶᠠᠷ ᠮᠠᠯ ᠤᠨ ᠡᠪᠡᠳᠴᠢᠨ ᠴᠤ ᠪᠠᠭᠠᠰᠴᠤ ᠮᠠᠯ ᠰᠦᠷᠦᠭ ᠮᠢᠨᠢ ᠦᠨᠢᠷ ᠦᠰᠴᠤ ᠡᠭᠢᠯᠡᠭᠰᠡᠨ ᠳ᠋ᠧ︾ | ᠭᠡᠵᠤ ᠴᠤᠬᠳᠤᠳᠤᠶᠠᠭᠠ ᠮᠠᠨ ᠳᠤ ᠶᠠᠷᠢᠯᠠ᠃ | ᠮᠤᠩᠭᠤᠯ ᠤᠯᠤᠰ ᠤᠨ ᠬᠢᠨ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠨ ᠦᠰᠭᠡᠭᠦ ᠳᠠᠯᠠ ᠳᠤ ᠤᠯᠠᠨ ᠵᠦᠢᠯ ᠤᠨ | ᠢᠳᠡᠪᠭᠢᠳᠠᠢ ᠠᠷᠭᠠ ᠭᠡᠮᠵᠢᠶᠠ ᠠᠪᠤᠬᠰᠠᠨ ᠤ ᠳᠡᠭᠡᠷᠡ ᠵᠢᠯ ᠤᠨ ᠦᠡᠭᠭᠡ ᠴᠤ ᠰᠠᠶᠢᠨ ᠪᠠᠶᠢᠭᠠ ᠠᠴᠠ ᠮᠠᠯ ᠰᠦᠷᠦᠭ ᠨᠢ | ᠦᠨᠢᠷ ᠦᠰᠴᠤ᠂ ᠪᠡᠯᠴᠢᠭᠡᠷ ᠤᠨ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠨ ᠭᠦᠭᠵᠢᠭᠦᠯᠭᠦ ᠶᠢᠨ ᠵᠡᠷᠭᠡ ᠳᠤ ᠵᠠᠬᠠ | ᠳᠡᠯᠭᠡᠭᠦᠷ ᠤᠨ ᠭᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠳᠤ ᠵᠤᠭᠢᠴᠠᠭᠤᠯᠤᠨ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠵᠤᠭᠢᠰᠳᠠᠢ | ᠭᠦᠭᠵᠢᠭᠦᠯᠦᠭᠰᠡᠨ ᠠᠴᠠ ᠮᠤᠩᠭᠤᠯ ᠤᠯᠤᠰ ᠤᠨ ᠮᠠᠯ ᠠᠵᠤ ᠠᠬᠤᠢ ᠨᠢ ᠰᠢᠨᠡ ᠨᠢᠭᠡᠨ ᠭᠦᠭᠵᠢᠯᠳᠡ ᠶᠢᠨ ᠴᠠᠭ | ᠦᠶᠡ ᠳᠡᠭᠡᠨ ᠤᠷᠤᠵᠤ ᠡᠭᠢᠯᠡᠭᠰᠡᠨ ᠪᠠᠶᠢᠨᠠ᠃ |