| ᠨᠠᠮᠬᠠᠨ ᠬᠡᠭᠡᠷ ᠠᠳᠤᠭᠤ ᠬᠦᠷᠳᠡᠯᠡ ᠭᠦᠶᠦᠭᠡᠳ ᠤᠴᠢᠬᠤ ᠨᠤᠲᠤᠭ ᠲᠠᠢ ᠪᠠᠶᠢᠳᠠᠯᠠ | ᠨᠠᠮᠤᠷ ᠤᠨ ᠠᠯᠳᠠᠨ ᠮᠡᠯᠡᠬᠡᠢ ᠴᠦ ᠭᠡᠯᠡ ᠤᠶᠠᠷᠠᠨ ᠳᠠᠭᠤᠯᠠᠬᠤ ᠴᠦᠬᠦᠷᠦᠮ ᠲᠠᠢ ᠪᠠᠶᠢᠳᠠᠯᠠ | ᠤᠰᠤ ᠤᠰᠤ ᠶᠢ ᠭᠠᠳᠤᠯᠤᠨ ᠤᠭᠤᠷᠠᠭ ᠴᠠᠢ ᠨᠢ ᠦᠨᠦᠷᠳᠦᠭᠰᠡᠨ | ᠤᠳᠤᠭᠠ ᠲᠠᠢ ᠡᠭᠦᠷ ᠲᠤ ᠪᠠᠨ ᠤᠴᠢᠳᠠᠭ ᠦᠭᠡᠢ ᠬᠦᠮᠦᠨ ᠤ ᠯᠡ ᠦᠷᠡ ᠬᠦᠭᠡᠷᠦᠬᠦᠢ | | | ᠴᠡᠪᠴᠡᠭᠡᠷ ᠰᠢᠷᠭᠠ ᠡᠭᠦᠯᠡᠰ ᠬᠦᠷᠳᠡᠯᠡ ᠨᠡᠭᠦᠭᠡᠳ ᠬᠦᠷᠬᠦ ᠠᠭᠤᠯᠠ ᠲᠠᠢ ᠪᠠᠶᠢᠳᠠᠯᠠ | ᠴᠠᠩ ᠤᠨ ᠮᠦᠩᠭᠦᠨ ᠴᠣᠪᠤᠭᠠ ᠴᠦ ᠭᠡᠯᠡ ᠱᠤᠤᠬᠢᠭᠠᠳ ᠣᠴᠢᠬᠤ ᠤᠰᠤ ᠲᠠᠢ ᠪᠠᠶᠢᠳᠠᠯᠠ | ᠠᠭᠤᠯᠠ ᠠᠭᠤᠯᠠ ᠶᠢ ᠳᠠᠪᠠᠭᠤᠯᠤᠨ ᠤᠭᠤᠷᠠᠭ ᠮᠦᠮᠦ ᠪᠠᠷ ᠢᠶᠠᠨ ᠬᠤᠷᠤᠶᠢᠯᠠᠭᠰᠠᠨ | ᠣᠪᠢᠳᠢᠰᠲᠦ ᠡᠵᠢ ᠳᠡᠭᠡᠨ ᠣᠴᠢᠳᠠᠭ ᠦᠭᠡᠢ ᠬᠦᠮᠦᠨ ᠤ ᠯᠡ ᠦᠷᠡ ᠬᠦᠭᠡᠷᠦᠬᠦᠢ | | | ᠬᠤᠩᠭᠤᠷᠳᠠᠬᠤ ᠬᠠᠯᠢᠭᠤᠨ ᠨᠠᠮᠤᠷ ᠤᠨ ᠰᠠᠮᠪᠤᠷᠤᠤ ᠴᠠᠭᠠᠨ ᠢᠰᠭᠡᠷᠦᠬᠡ | ᠬᠤᠷᠭᠤᠳᠠᠬᠤ ᠨᠦᠮᠦᠷᠦᠭᠰᠡᠨ ᠪᠤᠳᠠᠩ ᠢ ᠤᠷᠠᠭᠳᠠᠳᠠᠯᠠ ᠦᠯᠢᠶᠡᠬᠦ ᠶᠤᠮ ᠡᠵᠢ ᠡ | ᠠᠯᠳᠠᠩᠬᠠᠨ ᠵᠣ ᠨᠢ ᠬᠢᠷᠠᠭᠤ ᠲᠠᠢ ᠨᠠᠮᠤᠷ ᠤᠨ ᠬᠠᠯᠳᠠᠷ ᠪᠤᠭᠤ | ᠠᠶᠤᠤᠯᠢᠬᠠᠢ ᠴᠡᠭᠡᠵᠢᠨ ᠤ ᠮᠢᠨᠢ ᠮᠠᠨᠠᠨ ᠢ ᠡᠪᠡᠷ ᠢᠶᠠᠷ ᠢᠶᠠᠨ ᠰᠠᠵᠢᠯᠡᠬᠦ ᠶᠤᠮ ᠡᠵᠢ ᠡ | | | ᠲᠠᠨ ᠢ ᠰᠠᠨᠠᠵᠤ ᠵᠡᠭᠦᠳᠦᠯᠡᠭᠰᠡᠨ ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠰᠦᠨᠢ | ᠲᠠᠷᠨᠢ ᠶᠢᠨ ᠴᠠᠭᠠᠨ ᠴᠡᠴᠡᠭᠡᠰ ᠬᠤᠶᠢᠮᠣᠷ ᠢ ᠮᠢᠨᠢ ᠪᠦᠷᠬᠦᠵᠦ ᠬᠤᠨᠣᠬᠤ ᠶᠤᠮ | ᠠᠷᠪᠠᠢ ᠶᠢᠨ ᠴᠢᠨᠡᠭᠡᠨ ᠪᠤᠷᠬᠠᠳ ᠲᠤᠭᠤᠨᠤ ᠪᠠᠷ ᠰᠢᠭᠦᠷᠯᠡᠨ ᠪᠠᠭᠤᠴᠠᠭᠠᠵᠤ | ᠠᠨᠢᠷ ᠠᠭᠤᠷᠠᠭ ᠤᠨ ᠲᠤᠬᠠᠢ ᠰᠢᠷᠭᠠᠯᠬᠠᠨ ᠦᠯᠢᠭᠡᠷ ᠬᠡᠯᠡᠵᠦ ᠦᠭᠬᠦ ᠶᠤᠮ | | | ᠨᠠᠳᠠ ᠳᠡᠭᠡᠷᠡ ᠪᠦᠭᠳᠦᠷᠴᠦ ᠨᠣᠮᠣᠯᠠᠭᠰᠠᠨ ᠰᠦᠨ ᠰᠣᠯᠣᠩᠭᠠ ᠲᠠ ᠮᠢᠨᠢ | ᠨᠠᠮᠤᠷᠵᠢᠶᠠ ᠪᠠᠭᠤᠴᠠ ᠨᠢ ᠬᠤᠩᠭᠤᠷᠳᠤᠭᠰᠠᠨ ᠳᠤᠷᠤᠨᠠ ᠵᠦᠭ ᠤᠨ ᠰᠣᠯᠣᠩᠭᠠ ᠰᠢᠦ | ᠳᠡᠯᠡᠬᠡᠢ ᠶᠢᠨ ᠠᠭᠤᠯᠠᠰ ᠤᠨ ᠠᠯᠢᠬᠠᠨ ᠳᠤ ᠴᠦ ᠴᠠᠭᠠᠨ ᠽᠠᠠᠳᠠᠨ ᠰᠡᠳᠬᠢᠯ ᠤᠨ ᠬᠢᠨᠢ | ᠳᠡᠪᠡᠯ ᠤᠨ ᠴᠢᠨᠡᠭᠡᠨ ᠨᠠᠪᠴᠢ ᠶᠢ ᠨᠦᠮᠦᠷᠴᠦ ᠤᠨᠳᠠᠳᠠᠭ ᠦᠷᠡ ᠨᠢ ᠰᠢᠦ ᠪᠢ | | | ᠦᠵᠡᠰᠭᠦᠯᠡᠩᠲᠦ ᠬᠤᠷᠮᠤᠰᠳᠠ ᠶᠢᠨ ᠡᠷᠬᠡ ᠪᠠᠷ ᠮᠣᠩᠭᠤᠯ ᠪᠦᠰᠡᠭᠦᠢ ᠨᠠᠮᠠ ᠶᠢ | ᠦᠨᠳᠦᠷ ᠬᠦᠭᠡ ᠲᠡᠭᠷᠢ ᠲᠤ ᠰᠦ ᠪᠠᠷ ᠵᠢᠷᠤᠭᠰᠠᠨ ᠶᠤᠮ ᠡ | ᠪᠠᠳᠮᠠ ᠴᠡᠴᠡᠭ ᠤᠨ ᠴᠣᠮᠣᠷᠯᠢᠭ ᠳᠡᠭᠡᠷᠡ ᠰᠢᠨᠡ ᠶᠢᠨ ᠰᠠᠷᠠᠨ ᠰᠢᠭ ᠵᠠᠪᠢᠯᠠᠭᠤᠯᠵᠤ | ᠪᠠᠷᠠᠨᠽᠠᠳ ᠪᠡᠶᠡ ᠶᠢ ᠮᠢᠨᠢ ᠤᠷᠠᠯᠠᠭᠰᠠᠨ ᠯᠡ ᠬᠦᠮᠦᠨ ᠳ᠋ᠧ | | | ᠴᠠᠰᠤᠲᠤ ᠠᠯᠳᠠᠢ ᠶᠢᠨ ᠣᠷᠬᠢᠯ ᠳᠤ ᠢᠳᠡᠷ ᠳᠠᠯᠠᠪᠴᠢ ᠪᠠᠨ ᠴᠠᠩᠳᠤᠭᠤᠯᠤᠭᠰᠠᠨ | ᠴᠠᠭᠠᠨ ᠵᠠᠯᠠᠭᠠᠲᠤ ᠵᠢᠭᠦᠷᠳᠡᠨ ᠰᠢᠭ ᠡᠯᠢᠨ ᠬᠠᠯᠢᠨ ᠶᠠᠪᠤᠯᠠ ᠴᠢᠭ | ᠴᠠᠷᠠᠮ ᠤᠨ ᠨᠤᠭᠤᠭᠠᠨ ᠠᠷᠴᠠᠨ ᠳᠡᠭᠡᠷᠡ ᠠᠳᠤᠭᠤ ᠨᠢ ᠬᠦᠷᠪᠡᠳᠡᠭ ᠨᠤᠲᠤᠭ ᠲᠠᠭᠠᠨ | ᠴᠠᠭᠯᠠᠰᠢ ᠦᠭᠡᠢ ᠠᠴᠢᠯᠠᠯᠲᠤ ᠡᠵᠢ ᠮᠢᠨᠢ ᠪᠤᠭᠤᠷᠤᠯᠳᠤᠭᠰᠠᠭᠠᠷ ᠯᠡ ᠰᠠᠭᠤᠭᠠᠳ ᠵᠦᠳᠡᠷᠡᠳᠡᠭ ᠡ | | | ᠦᠰᠭᠦᠯᠡᠭᠦᠨ ᠬᠠᠷᠠᠯᠠᠭ ᠲᠡᠭᠡ ᠬᠦᠷᠳᠡᠯᠡ ᠮᠠᠴᠤᠭᠠᠳ ᠬᠦᠷᠳᠡᠭ ᠣᠷᠬᠢᠯ ᠲᠠᠢ ᠪᠠᠶᠢᠳᠠᠯᠠ | ᠡᠪᠦᠭᠡᠨ ᠬᠦᠷᠡᠩ ᠵᠢᠭᠦᠷᠳᠡᠨ ᠴᠦ ᠭᠡᠯᠡ ᠳᠡᠭᠦᠯᠢᠭᠡᠳ ᠣᠴᠢᠳᠠᠭ ᠠᠰᠬᠠ ᠲᠠᠢ ᠪᠠᠶᠢᠳᠠᠯᠠ | ᠨᠠᠰᠤᠨ ᠤ ᠮᠢᠩᠭᠠᠨ ᠪᠤᠷᠬᠠᠨ ᠢ ᠭᠡᠨᠡᠨ ᠰᠡᠳᠬᠢᠯ ᠳᠡᠭᠡᠨ ᠤᠷᠠᠯᠠᠨ ᠰᠠᠭᠤᠪᠠᠴᠤ | ᠨᠠᠮᠤᠷ ᠤᠨ ᠴᠠᠭᠠᠨ ᠰᠦᠨᠢ ᠬᠦᠯ ᠢ ᠨᠢ ᠬᠤᠴᠢᠳᠠᠭ ᠦᠭᠡᠢ ᠯᠡ ᠦᠷᠠ ᠡ ᠪᠢ | | |