| | ᠨᠠᠮᠤᠷ ᠣᠷᠣᠢ ᠶᠢᠨ ᠪᠣᠷᠤᠭᠠ ᠲᠠᠢ ᠬᠠᠮᠲᠤ ᠭᠤᠨᠢᠵᠤ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠨᠠᠪᠴᠢᠰ ᠬᠡᠶᠢᠰᠦᠭᠰᠡᠨ ᠣᠶᠢᠲᠠᠢ ᠦᠳᠡᠰᠢ ᠪᠠᠷ ᠣᠬᠢᠯᠠᠵᠤ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠨᠠᠷᠠᠲᠤ ᠶᠢ ᠵᠦᠭᠡᠭᠡᠵᠦ ᠭᠠᠩᠭᠠᠨᠠᠬᠤ ᠰᠢᠪᠠᠭᠤᠳ ᠲᠠᠢ ᠬᠠᠮᠲᠤ ᠣᠶᠢᠮᠠᠷᠠᠵᠤ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠁ ᠢᠵᠢᠢ ᠪᠠᠨ ᠯᠡ ᠶᠡᠭᠡ ᠰᠠᠨᠠᠬᠤ ᠶᠤᠮ ᠡ ᠁ | | | ᠡᠭᠡᠳᠡᠷᠡᠭᠡ ᠲᠠᠢ ᠠᠮᠢᠳᠤᠷᠠᠯ ᠤᠨ ᠡᠷᠬᠢᠭᠦᠯᠭᠡ ᠳᠤ ᠲᠦᠭᠡᠷᠢᠬᠦ ᠳᠤ ᠪᠠᠨ ᠡᠮᠳᠡᠷᠡᠵᠦ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠢᠩᠭᠡᠨ ᠪᠣᠶᠢᠯᠠᠭᠠᠨ ᠤ ᠡᠷᠢᠯ ᠤᠨ ᠴᠢᠮᠡᠭᠡ ᠪᠠᠷ ᠦᠮᠦᠯᠵᠡᠵᠦ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠡᠴᠡᠵᠦ᠂ ᠴᠤᠴᠠᠰᠢ ᠦᠭᠡᠢ ᠬᠦᠮᠦᠨ ᠤ ᠲᠠᠪᠢᠯᠠᠩ ᠳᠤ ᠲᠤᠶᠢᠯᠳᠠᠬᠤ ᠳᠤ ᠪᠠᠨ ᠨᠤᠷᠠᠵᠤ | ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ ᠁ | ᠁ ᠢᠵᠢᠢ ᠪᠠᠨ ᠯᠡ ᠶᠡᠭᠡ ᠰᠠᠨᠠᠬᠤ ᠶᠤᠮ ᠳ᠋ᠠ ᠁ | | | ᠪᠣᠷᠤ ᠲᠣᠯᠣᠭᠠᠳ ᠲᠠᠢ ᠨᠤᠲᠤᠭ ᠤᠨ ᠢᠶᠠᠨ ᠠᠭᠤᠯᠠᠰ ᠲᠤ ᠪᠠᠨ ᠬᠠᠷᠠᠭᠠ ᠪᠡᠯᠴᠢᠭᠡᠨ᠂ ᠰᠠᠮᠰᠠ ᠱᠠᠷᠬᠢᠷᠠᠵᠤ | ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠪᠣᠶᠢᠳᠤᠭ ᠤᠨ ᠬᠤᠩᠬᠤ ᠶᠢ ᠵᠢᠩᠬᠢᠨᠡᠭᠦᠯᠦᠨ ᠪᠠᠶᠢᠵᠤ᠂ ᠪᠡᠳᠭᠡᠷᠡᠵᠦ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠪᠠᠯ ᠪᠤᠷᠠᠮ ᠤᠨ ᠴᠠᠢ ᠶᠢᠨ ᠬᠢᠨᠢ ᠠᠮᠳᠠ ᠶᠢ ᠡᠷᠢᠨ᠂ ᠰᠤᠷᠠᠨ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠪᠡᠶᠡ ᠪᠠᠨ ᠬᠤᠪᠢᠶᠠᠵᠤ᠂ ᠦᠷᠡ ᠪᠠᠨ ᠲᠡᠪᠡᠷᠢᠬᠦ ᠳᠤ ᠪᠠᠨ ᠦᠷᠦᠪᠳᠡᠵᠦ ᠪᠢ ᠲᠠᠨ ᠢ ᠪᠠᠨ ᠰᠠᠨᠠᠳᠠᠭ | ᠁ ᠢᠵᠢᠢ ᠪᠠᠨ ᠯᠡ ᠶᠡᠭᠡ ᠰᠠᠨᠠᠬᠤ ᠶᠤᠮ ᠳ᠋ᠠ ᠁ | | | ᠨᠤᠲᠤᠭ ᠨᠤᠲᠤᠭ ᠤᠨ ᠢᠶᠠᠨ ᠰᠠᠯᠬᠢᠨ ᠠᠴᠠ ᠦᠨᠦᠷ ᠢ ᠲᠠᠨᠢ ᠬᠠᠶᠢᠵᠤ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠨᠡᠭᠦᠳᠡᠯᠯᠡᠬᠦ ᠲᠡᠷᠳᠡᠭᠡᠬᠢ ᠡᠭᠦᠯᠡᠨ ᠠᠴᠠ ᠳᠦᠷᠢ ᠶᠢ ᠲᠠᠨᠢ ᠮᠡᠳᠡᠷᠡᠵᠦ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠨᠦᠮᠵᠦᠭ ᠳᠠᠭᠠᠭᠰᠠᠨ ᠭᠠᠷ ᠤᠨ ᠲᠠᠨᠢ ᠢᠯᠴᠢ ᠶᠢ ᠳᠠᠬᠢᠨ ᠮᠦᠷᠦᠭᠡᠳᠴᠦ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠨᠦᠮᠦᠭᠡᠨ ᠰᠦᠨᠢ ᠪᠠᠷ ᠪᠦᠪᠡᠢ ᠶᠢᠨ ᠳᠠᠭᠤᠤ ᠶᠢ ᠲᠠᠨᠢ ᠦᠭᠡᠶᠢᠯᠡᠨ ᠰᠡᠷᠡᠵᠦ ᠪᠢ ᠡᠵᠢ ᠶᠢ ᠪᠠᠨ ᠰᠠᠨᠠᠳᠠᠭ | ᠁ ᠢᠵᠢᠢ ᠪᠠᠨ ᠯᠡ ᠶᠡᠭᠡ ᠰᠠᠨᠠᠬᠤ ᠶᠤᠮ ᠳ᠋ᠠ ᠁ | | |