| ᠠᠷᠪᠠᠨ ᠲᠠᠪᠤᠬᠠᠨ ᠨᠠᠰᠤᠨ ᠳᠤ ᠪᠠᠨ ︽ᠪᠢ ᠮᠣᠩᠭᠤᠯ ᠬᠦᠮᠦᠨ︾ ᠰᠢᠯᠦᠭ ᠢᠶᠠᠨ ᠲᠠᠷᠯᠠᠵᠤ ᠮᠣᠩᠭᠤᠯ | ᠲᠦᠮᠡᠨ ᠳᠤ ᠪᠠᠨ ᠠᠯᠳᠠᠷᠰᠢᠵᠦ ᠪᠠᠶᠢᠭᠰᠠᠨ ᠡᠨᠡ ᠶᠡᠭᠡ ᠬᠥᠮᠥᠨ ᠢ ᠪᠢᠳᠡ ᠮᠠᠷᠳᠠᠬᠤ ᠤᠴᠢᠷ ᠦᠭᠡᠢ᠃ | — ᠮᠣᠩᠭᠤᠯ ᠤᠨ ᠨᠡᠷᠡᠳᠦ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠴᠣᠶᠢᠵᠢᠯ ᠤᠨ ᠴᠢᠮᠡᠳ | | | ᠠᠷᠭᠠᠯ ᠤᠨ ᠤᠲᠤᠭᠠ ᠪᠣᠷᠬᠢᠯᠤᠭᠰᠠᠨ | ᠮᠠᠯᠴᠢᠨ ᠤ ᠭᠡᠷ ᠲᠤ ᠲᠦᠷᠦᠭᠰᠡᠨ ᠪᠢ | ᠠᠳᠠᠷ ᠬᠡᠭᠡᠷᠡ ᠨᠤᠲᠤᠭ ᠢᠶᠠᠨ | ᠦᠯᠦᠭᠡᠢ ᠮᠢᠨᠢ ᠭᠡᠵᠦ ᠪᠤᠳᠤᠳᠠᠭ | ᠴᠡᠩᠭᠡᠷ ᠮᠠᠨᠠᠨ ᠰᠤᠭᠤᠨᠠᠭᠯᠠᠭᠰᠠᠨ | ᠠᠯᠤᠰ ᠤᠨ ᠪᠠᠷᠠ ᠶᠢ ᠰᠢᠷᠳᠡᠭᠡᠳ | ᠴᠡᠯᠡᠭᠡᠷ ᠰᠠᠶᠢᠬᠠᠨ ᠨᠤᠲᠤᠭ ᠢᠶᠠᠨ | ᠰᠡᠳᠬᠢᠯ ᠪᠠᠭ᠋ᠠᠲᠤᠨ ᠬᠠᠷᠠᠬᠤ ᠳᠤ | ᠦᠯᠢᠶᠡᠵᠦ ᠪᠠᠶᠢᠭᠠ ᠰᠠᠯᠬᠢ ᠨᠢ | ᠦᠨᠦᠰᠦᠭᠡᠳ ᠴᠦ ᠪᠠᠶᠢᠭᠠ ᠶᠤᠮ ᠰᠢᠭ᠋ | ᠦᠷᠦᠰᠢᠶᠡᠯᠲᠦ ᠡᠵᠢ ᠶᠢᠨ ᠮᠢᠨᠢ ᠭᠠᠷ | ᠢᠯᠢᠭᠡᠳ ᠴᠦ ᠪᠠᠶᠢᠭᠠ ᠶᠤᠮ ᠰᠢᠭ᠋ | ᠡᠨᠡᠷᠢᠩᠬᠦᠢ ᠰᠠᠶᠢᠬᠠᠨ ᠰᠠᠨᠠᠭᠳᠠᠬᠤ ᠳᠤ | ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ ᠲᠣᠭᠳᠤᠯᠵᠤ | ᠬᠤᠤᠰ ᠦᠭᠡᠢ ᠪᠠᠶᠠᠷ ᠤᠨ ᠨᠢᠯᠪᠤᠰᠤ | ᠬᠤᠶᠠᠷ ᠨᠢᠲᠤ ᠶᠢ ᠮᠢᠨᠢ ᠪᠦᠷᠬᠦᠳᠡᠭ | ᠥᠷᠭᠡᠨ ᠰᠠᠶᠢᠬᠠᠨ ᠨᠤᠲᠤᠭ ᠤᠨ ᠢᠶᠠᠨ | ᠡᠪᠴᠢᠭᠦᠨ ᠳᠡᠭᠡᠷᠡ ᠨᠢ ᠲᠦᠷᠦᠭᠡᠳ | ᠥᠨᠢᠷ ᠠᠭᠤᠳᠠᠮ ᠲᠠᠯᠠ ᠶᠢᠨ ᠢᠶᠠᠨ | ᠥᠩᠭᠡᠲᠦ ᠠᠮᠢᠳᠤᠷᠠᠯ ᠤᠨ ᠲᠥᠯᠥᠭᠡ | ᠠᠮᠢ ᠪᠡᠶᠡ ᠪᠠᠨ ᠵᠣᠷᠢᠭᠤᠯᠳᠠᠭ | ᠠᠷᠢᠭᠤᠨ ᠨᠠᠨᠳᠢᠨ ᠵᠠᠩᠰᠢᠯ ᠲᠠᠢ | ᠡᠪᠦᠭᠡᠳ ᠬᠥᠭᠰᠢᠳ ᠲᠡᠭᠡᠳᠦᠰ ᠤᠨ ᠮᠢᠨᠢ | ᠦᠷᠡ ᠪᠠᠨ ᠭᠡᠵᠦ ᠨᠠᠶᠢᠳᠠᠭᠠᠳ | ᠦᠯᠡᠳᠡᠭᠡᠵᠦ ᠨᠠᠳᠠ ᠳᠤ ᠦᠭᠭᠦᠭᠰᠡᠨ | ᠥᠨᠢᠷ ᠮᠣᠩᠭᠤᠯ ᠣᠷᠣᠨ ᠤ | ᠨᠠᠷᠠ ᠨᠢ ᠨᠠᠮᠠᠢᠢ ᠭᠡᠶᠢᠭᠦᠯᠵᠦ | ᠨᠠᠷᠢᠨ ᠰᠠᠯᠬᠢ ᠨᠢ ᠦᠯᠢᠶᠡᠵᠦ | ᠨᠠᠶᠢᠷ ᠲᠠᠢ ᠰᠠᠶᠢᠬᠠᠨ ᠣᠷᠤᠨ ᠮᠢᠨᠢ | ᠨᠠᠳᠠ ᠲᠠᠢ ᠬᠤᠪᠢ ᠨᠢᠭᠡ ᠪᠠᠶᠢᠳᠠᠭ ᠲᠤᠯᠠ | ᠤᠨᠠᠭᠰᠠᠨ ᠡᠨᠡ ᠨᠤᠲᠤᠭ ᠢᠶᠠᠨ ᠪᠢ ᠥᠪᠡᠷ ᠤᠨ ᠪᠡᠶᠡ ᠰᠢᠭ ᠢᠶᠠᠨ ᠬᠠᠶᠢᠷᠠᠯᠠᠵᠤ | ᠤᠬᠢᠶᠠᠭᠰᠠᠨ ᠲᠤᠩᠭᠠᠯᠠᠭ ᠮᠥᠷᠡᠨ ᠢᠶᠠᠨ ᠡᠬᠡ ᠶᠢᠨ ᠰᠦ ᠰᠢᠭ ᠰᠠᠨᠠᠳᠠᠭ ᠁ | | |