| ᠬᠤᠯᠠᠨ ᠬᠤᠩᠭᠤᠷ | | | ᠰᠦᠭᠡ ᠶᠢᠨ ᠪᠠᠯᠳᠠᠨᠳᠣᠷᠵᠢ ᠶᠢᠨ ᠬᠤᠩᠭᠤᠷ ᠮᠣᠷᠢᠨ ᠤ | ᠰᠡᠭᠦᠯ ᠠᠴᠠ ᠨᠢ ᠬᠤᠭᠤᠷ ᠡᠭᠡᠰᠢᠭᠯᠡᠨᠡ | ᠠᠯᠳᠠᠨ ᠰᠠᠷᠠ ᠲᠤᠬᠤᠨ ᠳᠤ ᠨᠢ ᠬᠡᠷᠡᠯᠳᠦᠭᠡᠳ | ᠠᠳᠤᠭᠤ ᠪᠠᠶᠢᠳᠠᠯᠠ ᠠᠳᠢᠰ ᠬᠦᠷᠳᠡᠮᠡᠷ ᠡ | ᠠᠷᠪᠠᠨ ᠨᠠᠢᠮᠠᠨ ᠪᠤᠭᠳᠠ ᠠᠭᠤᠯᠠ ᠶᠢᠨ ᠢᠶᠠᠨ | ᠠᠭᠠᠷ᠂ ᠰᠠᠯᠬᠢᠨ ᠳᠤ ᠲᠡᠩᠴᠡᠭᠰᠡᠨ ᠣᠨᠠᠭᠠ ᠡ | | | ᠮᠠᠨᠳᠤᠬᠤ ᠶᠢᠨ ᠲᠠᠯᠠ ᠳᠤ ᠬᠤᠯᠠᠨ ᠤᠷᠭᠠᠯᠠᠭᠰᠠᠨ | ᠮᠠᠩᠨᠠᠢ ᠳᠤ ᠪᠠᠨ ᠲᠣᠭᠤᠰᠤ ᠦᠭᠡᠢ ᠠᠪᠤᠷᠭᠤ ᠬᠦᠯᠦᠭ ᠡ | ᠷᠠᠪᠵᠠᠢ ᠬᠤᠳᠤᠭᠲᠤ ᠶᠢᠨ ᠠᠳᠤᠭᠤᠨ ᠰᠦᠷᠦᠭ ᠠᠴᠠ | ᠠᠳᠢᠰ ᠰᠡᠳᠡᠷ ᠬᠦᠷᠳᠡᠭᠰᠡᠨ ᠠᠵᠢᠨᠠᠢ | ᠡᠬᠡ ᠠᠴᠠ ᠲᠦᠷᠦᠬᠦ ᠳᠡᠭᠡᠨ ᠪᠤᠰᠤᠭᠠ ᠪᠠᠷ ᠢᠶᠠᠨ ᠤᠨᠠᠭᠠᠳ | ᠡᠯᠢᠶᠡᠨ ᠤ ᠰᠡᠭᠦᠳᠡᠷ ᠠᠴᠠ ᠪᠤᠰᠬᠠᠭᠰᠠᠨ ᠤᠨᠠᠭᠠ | | | ᠦᠯᠢᠭᠡᠷ ᠤᠨ ᠬᠦᠯᠦᠭ ᠤᠨ ᠵᠢᠭᠦᠷ ᠢ | ᠦᠦᠷ ᠰᠦᠨᠢ ᠪᠠᠷ ᠵᠡᠭᠦᠳᠦᠯᠡᠭᠰᠡᠨ | ᠦᠦᠷᠰᠡᠬᠦ ᠳᠤ ᠨᠢ ᠶᠡᠭᠡ ᠲᠠᠯᠠ ᠰᠢᠯᠭᠡᠭᠡᠵᠦ | ᠦᠰᠦᠨ ᠤ ᠬᠢᠨᠢ ᠡᠷᠬᠢᠭᠦᠯᠭᠡᠨ ᠠᠴᠠ ᠭᠠᠯ ᠪᠤᠳᠠᠷᠠᠭᠰᠠᠨ | ᠡᠬᠡ ᠠᠴᠠ ᠲᠦᠷᠦᠬᠦ ᠳᠡᠭᠡᠨ ᠪᠤᠰᠤᠭᠠ ᠪᠠᠷ ᠢᠶᠠᠨ ᠤᠨᠠᠭᠠᠳ | ᠡᠯᠢᠶᠡᠨ ᠤ ᠰᠡᠭᠦᠳᠡᠷ ᠠᠴᠠ ᠪᠤᠰᠬᠠᠭᠰᠠᠨ ᠤᠨᠠᠭᠠ | | | ᠢᠷᠠᠭᠤ ᠨᠠᠶᠢᠷᠠᠭᠴᠢ ᠰᠣᠨᠣᠮ ᠤᠨ ᠴᠢᠯᠠᠭᠤᠨ ᠳᠤ ᠵᠣᠷᠢᠭᠤᠯᠪᠠ | | | ᠠᠶᠢᠯ ᠤᠨ ᠨᠤᠲᠤᠭ ᠳᠡᠭᠡᠷᠡ ᠭᠡᠭᠡᠭᠳᠡᠭᠰᠡᠨ ᠮᠣᠷᠢᠨ ᠱᠠᠭᠠᠢ | ᠠᠳᠤᠭᠤ ᠳᠡᠷᠭᠡᠳᠡᠭᠦᠷ ᠨᠢ ᠴᠤᠪᠤᠬᠤ ᠳᠤ ᠬᠠᠩᠬᠢᠨᠠᠳᠠᠯᠠ ᠢᠨᠴᠠᠭᠠᠳᠠᠭ | ᠦᠷᠯᠦᠭᠡ ᠪᠦᠷᠢ ᠡᠵᠡᠨ ᠢᠶᠠᠨ ᠡᠷᠬᠢᠵᠦ ᠢᠷᠡᠬᠦ ᠶᠢ ᠬᠦᠯᠢᠶᠡᠵᠦ | ᠦᠨᠳᠡᠶᠢᠵᠦ ᠬᠠᠷᠠᠭᠰᠠᠭᠠᠷ ᠭᠤᠷᠪᠠᠨ ᠵᠢᠯ ᠤᠨ ᠳᠠᠷᠠᠭᠠ ᠠᠮᠢᠰᠬᠤᠯ ᠬᠤᠷᠢᠶᠠᠳᠠᠭ | ᠮᠣᠷᠢᠨ ᠱᠠᠭᠠᠢ ᠭᠡᠳᠡᠭ ᠠᠳᠤᠭᠤ ᠠᠮᠢ ᠲᠠᠢ | ᠮᠣᠩᠭᠤᠯ ᠬᠥᠮᠥᠨ ᠤ ᠠᠵᠠ ᠶᠢᠨ ᠳᠦᠷᠪᠡᠨ ᠪᠡᠷᠬᠡ ᠶᠤᠮ ᠰᠢᠤ | | | ᠰᠢᠯᠦᠭ ᠭᠡᠵᠦ | | | ᠰᠢᠯᠦᠭ ᠭᠡᠵᠦ ᠰᠢᠭᠦᠳᠡᠷᠢ ᠳᠤᠮᠳᠠᠭᠤᠷ ᠬᠦᠯ ᠨᠢᠴᠦᠭᠦᠨ ᠭᠦᠶᠦᠬᠦ ᠦᠬᠢᠳ ᠢ ᠬᠡᠯᠡᠳᠡᠭ ᠶᠤᠮ | ᠰᠡᠭᠦᠯᠴᠢ ᠶᠢᠨ ᠭᠠᠭᠴᠠ ᠲᠡᠮᠡᠭᠡᠨ ᠳᠤ ᠪᠠᠨ ᠢᠰᠢᠭᠡ᠂ ᠬᠤᠷᠠᠭᠠ ᠪᠠᠨ ᠲᠡᠩᠨᠡᠭᠰᠡᠨ | ᠬᠠᠪᠤᠷ ᠤᠨ ᠶᠡᠭᠡ ᠨᠡᠭᠦᠳᠡᠯ ᠢ ᠬᠡᠯᠡᠳᠡᠭ ᠶᠤᠮ | ᠠᠯᠢ ᠡᠷᠳᠡ ᠪᠤᠷᠬᠠᠨ ᠪᠤᠯᠤᠭᠰᠠᠨ ᠭᠡᠵᠦ ᠰᠣᠨᠣᠰᠤᠭᠰᠠᠨ ᠪᠠᠭᠠ ᠶᠢᠨ ᠨᠠᠶᠢᠵᠠ ᠲᠠᠢ ᠪᠠᠨ | ᠠᠷᠢᠬᠢᠨ ᠤ ᠮᠤᠬᠤᠯᠠᠭ ᠲᠤ ᠬᠠᠯᠠᠮᠴᠠᠭᠤ ᠠᠭᠤᠯᠵᠠᠬᠤ ᠶᠢ ᠬᠡᠯᠡᠳᠡᠭ ᠶᠤᠮ ᠁ | | | ︵ᠺᠢᠷᠢᠯ ᠠᠴᠠ ᠰᠠᠴᠤᠷᠠᠯᠲᠤ ᠬᠦᠷᠪᠡᠭᠦᠯᠪᠡ︶ | | |