| | — ᠫᠣᠩᠰᠤᠭ ᠤᠨ ᠪᠠᠳᠠᠷᠴᠢ | | ᠨᠠᠮᠤᠷ ᠤᠨ ᠳᠤᠯᠠᠭᠠᠨ ᠥᠷᠯᠥᠭᠡ ᠭᠡᠨᠡᠳᠳᠡ ᠪᠠᠭᠤᠭᠰᠠᠨ ᠬᠢᠷᠠᠭᠤ ᠰᠢᠭ᠋ | ᠨᠠᠰᠤᠨ ᠤ ᠵᠠᠯᠠᠭᠤ ᠳᠤ ᠴᠠᠶᠢᠭᠰᠠᠨ ᠰᠠᠨᠴᠢᠭ ᠢ ᠮᠢᠨᠢ ᠬᠠᠷᠠᠭᠠᠳ | ᠬᠦᠭᠡᠷᠦᠭᠦᠢ ᠳ᠋ᠧ ᠵᠣᠪᠠᠯᠠᠩ ᠦᠵᠡᠭᠰᠡᠨ ᠠᠮᠢᠳᠠᠨ ᠤ ᠦᠷᠡ ᠪᠢᠵᠠ ᠭᠡᠰᠡᠨ | ᠬᠥᠭᠰᠢᠳ ᠪᠤᠭᠤᠷᠤᠯ ᠤᠨ ᠦᠭᠡ ᠶᠢ ᠨᠢᠭᠡ ᠪᠢᠰᠢ ᠰᠤᠨᠤᠰᠤᠭᠰᠠᠨ᠃ | ᠠᠶᠠ ᠲᠡᠭᠡᠪᠡᠯ᠂ ᠬᠦᠮᠦᠨ ᠤ ᠵᠤᠪᠠᠯᠠᠩ ᠴᠠᠭᠠᠨ ᠦᠰᠦ ᠪᠤᠯᠵᠤ | ᠠᠳᠠᠷ ᠵᠠᠯᠠᠭᠤ ᠨᠠᠰᠤᠨ ᠳᠤ ᠰᠠᠨᠴᠢᠭ ᠲᠤ ᠪᠠᠭᠤᠳᠠᠭ ᠭᠡᠮᠡᠨ | ᠵᠣᠷᠢᠭ ᠢᠶᠠᠷ ᠪᠢ ᠡᠨᠡᠬᠡᠨ ᠰᠠᠨᠴᠢᠭ ᠢᠶᠠᠨ ᠴᠠᠶᠢᠯᠭᠠᠭᠠ ᠦᠭᠡᠢ ᠯᠡ ᠬᠤᠶᠢᠨᠠ | ᠵᠣᠪᠠᠯᠠᠩ ᠦᠵᠡᠭᠰᠡᠨ ᠯᠡ ᠠᠮᠢᠳᠠᠨ ᠤ ᠦᠷᠡ ᠪᠠᠶᠢᠬᠤ ᠨᠢ ᠡ ᠪᠢ᠃ | ᠨᠠᠮᠤᠷ ᠤᠨ ᠳᠤᠯᠠᠭᠠᠨ ᠦᠷᠯᠦᠭᠡ ᠭᠡᠨᠡᠳᠳᠡ ᠪᠤᠳᠠᠷᠠᠭᠰᠠᠨ ᠴᠠᠰᠤ ᠰᠢᠭ᠋ | ᠨᠠᠰᠤᠨ ᠤ ᠢᠳᠡᠷᠬᠡᠨ ᠳᠤ ᠴᠠᠶᠢᠭᠰᠠᠨ ᠰᠠᠨᠴᠢᠭ ᠢ ᠮᠢᠨᠢ ᠢᠯᠢᠩᠬᠡᠨ | ᠠᠶᠠᠨ ᠠᠴᠠ ᠢᠷᠡᠭᠰᠡᠨ ᠦᠳᠡᠰᠢ ᠠᠮᠠᠷᠠᠭ ᠮᠢᠨᠢ ᠬᠠᠶᠢᠷᠠᠯᠠᠨ ᠰᠠᠭᠤᠬᠤ ᠳᠤ ᠪᠠᠨ | ︽ᠠᠷᠭᠠ ᠦᠭᠡᠢ ᠡ ᠬᠥ᠋ ᠴᠢ ᠮᠢᠨᠢ ᠨᠠᠮᠠ ᠶᠢ ᠪᠠᠨ ᠰᠠᠨᠠᠵᠤ ᠳ᠋ᠧ︾ ᠭᠡᠰᠡᠨ ᠶᠤᠮ | ᠬᠤᠯᠠ ᠠᠴᠠ ᠴᠢᠮᠠ ᠶᠢ ᠪᠠᠨ ᠰᠠᠨᠠᠭᠰᠠᠨ ᠮᠢᠨᠢ ᠴᠠᠭᠠᠨ ᠦᠰᠦ ᠪᠤᠯᠵᠤ | ᠬᠤᠩᠭᠤᠷ ᠵᠠᠯᠠᠭᠤ ᠨᠠᠰᠤᠨ ᠢᠶᠠᠷ ᠰᠠᠨᠴᠢᠭ ᠲᠤ ᠪᠠᠭᠤᠳᠠᠭ ᠨᠢ ᠦᠨᠡᠨ ᠪᠣᠯ | ᠭᠡᠷᠭᠡᠢ ᠴᠢ ᠮᠢᠨᠢ ᠡᠭᠦᠨ ᠢ ᠤᠬᠠᠭᠠᠷᠠᠨ ᠮᠡᠳᠡᠭᠰᠡᠨ ᠬᠤᠶᠢᠨᠠ | ᠬᠡᠨᠡᠭᠡᠨ ᠵᠠᠩ ᠢᠶᠠᠷ ᠬᠠᠶᠠ᠂ ᠬᠠᠶᠢᠷᠠᠳᠠᠢ ᠦᠦ ᠭᠡᠵᠦ ᠪᠢᠳᠡᠭᠡᠢ ᠠᠰᠠᠭᠤ ᠳ᠋ᠠ᠃ | ᠨᠠᠮᠤᠷ ᠤᠨ ᠳᠤᠯᠠᠭᠠᠨ ᠥᠷᠯᠥᠭᠡ ᠭᠡᠨᠡᠳᠳᠡ ᠣᠷᠣᠭᠰᠠᠨ ᠴᠠᠰᠤ ᠰᠢᠭ᠋ | ᠨᠠᠶᠢᠵᠠ ᠶᠢᠨ ᠬᠢᠨᠢ ᠦᠰᠦ ᠪᠤᠭᠤᠷᠤᠯᠳᠤᠵᠤ ᠶᠠᠪᠤᠨᠠ ᠳ᠋ᠠ ᠭᠡᠬᠦ ᠳᠤ ᠮᠢᠨᠢ | ᠨᠠᠰᠤ ᠴᠢᠨᠢ ᠵᠠᠯᠠᠭᠤ᠂ ᠪᠤᠳᠤᠯ ᠤᠨ ᠴᠢᠨᠢ ᠰᠢᠪᠠᠭᠤ ᠪᠢᠵᠠ ᠭᠡᠵᠦ | ᠨᠠᠮᠠ ᠶᠢ ᠪᠠᠨ ᠡᠷᠬᠢᠮ ᠨᠥᠬᠦᠷ ᠮᠢᠨᠢ ᠳᠠᠶᠢᠳᠬᠤᠷᠠᠭᠤᠯᠤᠨᠠᠮ᠃ | ᠲᠡᠩᠴᠡᠵᠦ ᠪᠤᠰᠬᠤ ᠳᠠᠭᠠᠨ ᠠᠳᠬᠤᠭᠰᠠᠨ ᠰᠢᠷᠤᠢ ᠡᠬᠡ ᠣᠷᠤᠨ ᠤ ᠪᠠᠨ ᠲᠤᠬᠠᠢ | ᠲᠡᠮᠡᠴᠡᠵᠦ ᠶᠠᠪᠤᠬᠤ ᠳᠤ ᠪᠠᠨ ᠡᠷᠬᠡ ᠴᠢᠯᠦᠭᠡ ᠣᠷᠬᠢᠭᠰᠠᠨ ᠠᠬᠠ ᠨᠠᠷ ᠤᠨ ᠲᠤᠬᠠᠢ | ᠲᠡᠷᠭᠡᠯ ᠰᠠᠷᠠ ᠴᠠᠭᠠᠨ ᠭᠡᠷ᠂ ᠲᠠᠯᠠ ᠶᠢᠨ ᠢᠶᠠᠨ ᠲᠤᠬᠠᠢ | ᠲᠡᠭᠰᠢ ᠨᠢ ᠦᠭᠡᠢ ᠵᠤᠪᠠᠵᠤ ᠵᠢᠷᠭᠠᠬᠤ ᠬᠦᠮᠦᠨ ᠤ ᠲᠤᠬᠠᠢ | ᠪᠤᠷᠬᠠᠨ ᠵᠢᠷᠦᠬᠡ ᠪᠠᠷ ᠢᠶᠠᠨ ᠬᠠᠶᠢᠷᠠᠯᠠᠨ ᠳᠠᠭᠤᠯᠠᠶᠤ ᠭᠡᠵᠦ ᠤᠶᠠᠷᠠᠭᠰᠠᠨ ᠰᠠᠨ | ᠪᠤᠭᠤᠨᠢᠬᠠᠨ ᠴᠦ ᠠᠳᠤᠭᠠᠢ ᠲᠡᠷᠡ ᠪᠤᠳᠤᠯ ᠤᠳ ᠮᠢᠨᠢ | ᠴᠠᠭᠠᠨ ᠦᠰᠦ — ᠴᠠᠭᠠᠨ ᠰᠢᠪᠠᠭᠤ ᠪᠤᠯᠵᠤ | ᠴᠠᠭ ᠤᠨ ᠡᠷᠳᠡ — ᠴᠢᠰᠤᠨ ᠤ ᠰᠢᠩᠭᠡᠨ ᠳᠤ | ᠤᠨᠠᠭᠠᠨ ᠬᠠᠷᠠ ᠦᠰᠦ ᠶᠢ ᠮᠢᠨᠢ ᠠᠨᠳᠠᠭᠤᠷᠠᠯ ᠦᠭᠡᠢ | ᠤᠷᠤᠰᠬᠠᠯ ᠬᠡᠮᠡᠨ ᠪᠠᠭᠤᠭᠰᠠᠨ ᠪᠣᠯ ᠴᠦ ᠪᠤᠯᠤᠯᠠ ᠳ᠋ᠣᠣ᠃ | ︵ᠺᠢᠷᠢᠯ ᠠᠴᠠ ᠬᠦᠷᠪᠡᠭᠦᠯᠪᠡ︶ | |