| ᠡᠪᠦᠯᠵᠢᠨ ᠲᠣᠩᠰᠢᠭᠰᠠᠨ ᠵᠢᠷᠮᠦᠰᠦᠨ ᠮᠤᠳᠤᠨ ᠤ ᠮᠥᠴᠢᠷ ᠰᠡᠪᠬᠡᠳᠦᠨ ᠤᠯᠠᠶᠢᠭᠠᠳ | ᠦᠷᠦᠮᠡᠳᠡᠨ ᠬᠦᠯᠳᠡᠭᠰᠡᠨ ᠨᠠᠭᠤᠷ ᠨᠢᠯᠪᠤᠰᠤ ᠲᠠᠢ ᠮᠡᠯᠮᠡᠢ ᠰᠢᠭ ᠰᠢᠪᠠᠭᠤᠳ ᠢᠶᠠᠨ ᠬᠦᠯᠢᠶᠡᠭᠡᠳ | ᠮᠥᠮᠥ ᠨᠢ ᠴᠢᠨᠦᠭᠰᠡᠨ ᠡᠬᠡ ᠶᠢᠨ ᠰᠦ ᠰᠢᠭ ᠬᠥᠷ ᠴᠠᠰᠤ ᠴᠢᠮᠡᠭᠡ ᠦᠭᠡᠢ ᠬᠠᠶᠢᠯᠵᠤ ᠤᠷᠤᠰᠤᠭᠠᠳ | ᠮᠥᠷᠡᠨ ᠭᠤᠣᠯ ᠨᠣᠶᠢᠷ ᠠᠴᠠ ᠰᠡᠷᠢᠵᠦ ᠡᠭᠡᠰᠢᠯᠡᠩᠲᠦ ᠴᠢᠮᠡᠭᠡ ᠬᠥᠭᠵᠢᠮᠳᠡᠭᠡᠳ | ᠢᠷᠡᠵᠦ ᠶᠠᠪᠤᠭᠠ ᠴᠠᠭ ᠭᠡᠳᠡᠭ | ᠡᠶᠢᠮᠤ ᠯᠡ ᠪᠠᠶᠢᠳᠠᠭ ᠳ᠋ᠠ | | | ᠡᠪᠦᠭᠡᠨ ᠬᠦᠮᠦᠨ ᠲᠠᠮᠠᠬᠢ ᠪᠠᠨ ᠨᠡᠷᠡᠬᠦ ᠰᠢᠭ ᠪᠤᠭᠤᠷᠤᠯ ᠠᠭᠤᠯᠠᠰ ᠤᠨ ᠲᠡᠷᠢᠭᠦᠨ ᠤᠨᠢᠶᠠᠷᠳᠤᠭᠠᠳ | ᠥᠨᠳᠡᠭᠡ ᠪᠠᠨ ᠬᠡᠪᠡᠯᠢ ᠳᠡᠭᠡᠨ ᠲᠡᠭᠡᠭᠰᠡᠨ ᠠᠶᠠᠨᠴᠢ ᠰᠢᠪᠠᠭᠤᠳ ᠨᠤᠲᠤᠭ ᠢᠶᠠᠨ ᠲᠡᠮᠡᠴᠡᠭᠡᠳ | ᠡᠮᠦᠨᠡ ᠠᠴᠠ ᠦᠯᠢᠶᠡᠬᠦ ᠰᠠᠯᠬᠢᠨ ᠤᠷᠢᠨ ᠵᠥᠭᠡᠯᠡᠨ ᠢᠶᠠᠷ ᠰᠡᠪᠰᠢᠨ ᠢᠯᠪᠢᠭᠡᠳ | ᠦᠨᠳᠦᠰᠦ ᠬᠦᠳᠡᠯᠬᠦ ᠴᠠᠭ ᠲᠤᠷ ᠢᠴᠡᠭᠰᠡᠳ ᠭᠦᠨ ᠨᠣᠶᠢᠷ ᠠᠴᠠ ᠰᠡᠷᠢᠭᠡᠳ | ᠢᠷᠡᠵᠦ ᠶᠠᠪᠤᠭᠠ ᠴᠠᠭ ᠭᠡᠳᠡᠭ | ᠡᠶᠢᠮᠤ ᠯᠡ ᠪᠠᠶᠢᠳᠠᠭ ᠳ᠋ᠠ | | | ᠨᠢᠯᠬᠠ ᠲᠦᠯ ᠤᠨ ᠴᠠᠩᠬᠢᠨᠠᠬᠤ ᠲᠠᠭᠤᠨ ᠳᠤ ᠬᠠᠪᠤᠷᠵᠢᠶᠠᠨ ᠤ ᠵᠢᠪᠠᠷ ᠰᠠᠷᠨᠢᠭᠠᠳ | ᠨᠠᠮᠬᠠᠨ ᠲᠤᠯᠤᠭᠠᠳ ᠡᠩᠭᠡᠷ ᠢᠶᠠᠨ ᠭᠦᠨ ᠶᠠᠭᠠᠨ ᠢᠷᠭᠤᠢ ᠪᠠᠷ ᠴᠢᠮᠡᠭᠡᠳ | ᠠᠯᠤᠰ ᠤᠨ ᠭᠠᠵᠠᠷ ᠤᠨ ᠵᠡᠷᠭᠡᠯᠡᠭᠡ ᠬᠦᠯᠦᠷᠡᠭᠰᠡᠨ ᠲᠡᠭᠷᠢ ᠳᠤ ᠠᠯᠴᠢᠭᠤᠷ ᠰᠢᠭ᠋ ᠳᠡᠷᠪᠡᠭᠡᠳ | ᠠᠷᠠᠳ ᠤᠨ ᠳᠠᠭᠤᠤ ᠢᠰᠭᠡᠷᠬᠦ ᠳᠤ ᠬᠦᠯᠦᠭ ᠮᠣᠷᠢᠳ ᠤᠨ ᠴᠢᠬᠢ ᠰᠤᠷᠳᠤᠯᠵᠠᠭᠠᠳ | ᠢᠷᠡᠵᠦ ᠶᠠᠪᠤᠭᠠ ᠴᠠᠭ ᠭᠡᠳᠡᠭ | ᠡᠶᠢᠮᠤ ᠯᠡ ᠪᠠᠶᠢᠳᠠᠭ ᠳ᠋ᠠ | | | ᠠᠮᠠᠷᠠᠭ ᠮᠢᠨᠢ ᠵᠠᠯᠠᠭᠤ ᠶᠢᠨ ᠲᠥᠷᠬᠦ ᠪᠠᠷ ᠢᠶᠠᠨ ᠢᠨᠢᠶᠡᠮᠰᠦᠭᠯᠡᠨ ᠡᠩᠭᠡᠷ ᠢ ᠮᠢᠨᠢ ᠲᠦᠰᠢᠭᠡᠳ | ᠠᠨᠢᠷ ᠦᠭᠡᠢ ᠪᠦᠯᠢᠶᠡᠬᠡᠨ ᠦᠳᠡᠰᠢ ᠬᠠᠶᠢᠷᠠ ᠶᠢᠨ ᠲᠤᠬᠠᠢ ᠬᠤᠶᠠᠭᠤᠯᠠ ᠵᠢᠷᠭᠠᠯ ᠲᠠᠢ ᠰᠢᠪᠡᠨᠡᠯᠳᠦᠭᠡᠳ | ᠠᠭᠤᠰᠤᠨ ᠪᠠᠷᠢᠯᠳᠤᠭᠰᠠᠨ ᠠᠮᠢᠳᠤᠷᠠᠯ ᠤᠨ ᠤᠳᠬᠠ ᠤᠴᠢᠷ ᠢ ᠤᠯᠠᠮ ᠴᠦ ᠲᠠᠨᠢᠭᠠᠳ | ᠤᠳᠤᠮ ᠢ ᠮᠢᠨᠢ ᠵᠠᠯᠭᠠᠬᠤ ᠦᠷᠡᠰ ᠤᠨ ᠢᠶᠠᠨ ᠰᠡᠪᠢᠯᠭᠡ ᠠᠩᠬᠢᠯᠬᠤ ᠳᠤ ᠠᠭᠤᠵᠢᠷᠠᠵᠤ ᠳᠠᠶᠢᠳᠬᠤᠷᠠᠭᠠᠳ | ᠢᠷᠡᠵᠦ ᠶᠠᠪᠤᠭᠠ ᠴᠠᠭ ᠭᠡᠳᠡᠭ | ᠡᠶᠢᠮᠤ ᠯᠡ ᠪᠠᠶᠢᠳᠠᠭ ᠳ᠋ᠠ | | | ᠲᠡᠷᠳᠡᠭᠡ ᠵᠢᠯ ᠲᠤᠷᠤᠶᠢᠭᠠᠳ ᠦᠯᠡᠳᠡᠭᠰᠡᠨ ᠢᠵᠢᠢ ᠮᠢᠨᠢ ᠲᠤᠰᠬᠤ ᠰᠢᠭ᠋ ᠤᠶᠠᠷᠠᠯ ᠬᠥᠪᠰᠦᠯᠵᠡᠭᠡᠳ | ᠲᠡᠷᠡ ᠲᠤᠬᠠᠢ ᠡᠮᠵᠡᠭᠯᠡᠩᠭᠦᠢ ᠲᠤᠷᠠᠰᠬᠤ ᠳᠤ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠨᠢᠯᠪᠤᠰᠤ ᠪᠦᠷᠬᠦᠭᠡᠳ | ᠵᠣᠷᠢᠭᠠᠳ ᠣᠴᠢᠪᠠᠯ ᠨᠤᠲᠤᠭ ᠲᠤ ᠮᠢᠨᠢ ᠢᠵᠢᠢ ᠮᠢᠨᠢ ᠤᠭᠳᠤᠬᠤ ᠬᠠᠭᠤᠷᠮᠠᠭ ᠲᠤ ᠠᠪᠳᠠᠭᠳᠠᠭᠠᠳ | ᠵᠤᠪᠠᠯᠠᠩ ᠵᠢᠷᠭᠠᠯ ᠢ ᠰᠦᠯᠵᠢᠬᠦ ᠵᠠᠮ ᠤᠨ ᠲᠤᠬᠠᠢ | ᠪᠤᠳᠤᠯᠭᠠᠰᠢᠷᠠᠩᠭᠤᠢ ᠡᠵᠡᠯᠡᠭᠳᠡᠭᠡᠳ | ᠢᠷᠡᠵᠦ ᠶᠠᠪᠤᠭᠠ ᠴᠠᠭ ᠭᠡᠳᠡᠭ | ᠡᠶᠢᠮᠤ ᠯᠡ ᠭᠡᠭᠡᠯᠭᠡᠨ ᠪᠠᠶᠢᠳᠠᠭ ᠳ᠋ᠠ᠃ | | |