| ᠮᠠᠨ ᠤ ᠨᠤᠲᠤᠭ ᠤᠨ ᠰᠢᠪᠠᠭᠤᠳ | ᠮᠠᠨᠠᠨ ᠵᠦᠰᠦᠭᠡᠳ ᠨᠢᠰᠦᠯᠳᠦᠵᠦ ᠪᠠᠶᠢᠨᠠ | ᠵᠢᠭᠠᠬᠠᠨ ᠵᠢᠭᠠᠬᠠᠨ ᠦᠷᠡᠰ ᠤᠨ ᠬᠢᠨᠢ ᠳᠠᠯᠠᠪᠴᠢ | ᠵᠠᠭᠠᠷ ᠤᠨ ᠣᠷᠣᠨ ᠢᠶᠠᠨ ᠣᠷᠬᠢᠭᠠᠳ | ᠬᠤᠷᠸᠠ ᠰᠢᠭ᠋ ᠬᠤᠭᠤᠰᠤᠨ ᠮᠠᠨᠠᠨ ᠲᠠᠢ | ᠬᠤᠯᠢᠯᠳᠤᠭᠠᠳ ᠨᠢᠰᠴᠦ ᠪᠠᠶᠢᠨᠠ | ᠵᠤᠨᠵᠢᠨ ᠲᠡᠳᠡᠨ ᠢ ᠪᠦᠭᠡᠴᠡᠶᠢᠯᠡᠭᠰᠡᠨ ᠦᠨᠳᠡᠭᠡᠨ ᠤ | ᠵᠤᠯᠠᠢ ᠰᠢᠭ᠋ ᠡᠮᠵᠡᠭ ᠬᠠᠯᠢᠰᠤ | ᠠᠳᠡᠵᠦ ᠬᠠᠭᠠᠯᠤᠭᠰᠠᠨ ᠲᠤᠩ ᠰᠢᠭ᠋ | ᠡᠪᠯᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ ᠦᠵᠡᠭᠳᠡᠵᠦ ᠪᠠᠶᠢᠨᠠ | ᠠᠪᠤᠷᠭᠤ ᠲᠤᠮᠤ ᠪᠦᠷᠭᠦᠳ ᠤᠳ ᠲᠤᠳᠤᠷᠠ ᠠᠴᠠ ᠨᠢ | ᠠᠮᠢᠯᠠᠵᠤ ᠨᠢᠰᠦᠭᠰᠡᠨ ᠲᠡᠷᠡ ᠵᠢᠵᠢᠭᠬᠡᠨ ᠳᠡᠯᠡᠬᠡᠢ ᠨᠦᠭᠦᠳ ᠢ | ᠠᠮᠢᠰᠬᠤᠯ ᠰᠢᠭ᠋ ᠵᠥᠭᠡᠯᠡᠨ ᠰᠠᠯᠬᠢ | ᠠᠮᠢᠳᠤᠷᠠᠯ ᠤᠨ ᠠᠯᠢ — ᠬᠠᠨ ᠵᠦᠭ ᠬᠡᠶᠢᠰᠬᠡᠬᠦ ᠶᠤᠮ ᠪᠣᠯ | ᠬᠦᠭᠡᠷᠦᠬᠦᠢ︕ | ᠮᠠᠨ ᠤ ᠨᠤᠲᠤᠭ ᠤᠨ ᠪᠤᠭᠤ ᠰᠤᠭᠤ | ᠮᠠᠨᠠᠨ ᠵᠦᠰᠦᠭᠡᠳ ᠵᠤᠭᠰᠤᠵᠤ ᠪᠠᠶᠢᠨᠠ | ᠦᠷᠡ ᠲᠤ ᠠᠮᠢᠳᠠᠳ ᠤᠨ ᠢᠨᠵᠠᠭᠠ ᠨᠢ | ᠦᠨᠡᠭᠡ ᠴᠢᠨ᠋ᠸᠠ ᠶᠢ ᠮᠡᠳᠡᠬᠦ ᠦᠭᠡᠢ | ᠣᠷᠴᠢᠯᠠᠩ ᠰᠢᠭ᠋ ᠣᠷᠤ ᠦᠭᠡᠢ ᠮᠠᠨᠠᠨ ᠲᠤᠳᠤᠷᠠ | ᠣᠴᠢ ᠰᠢᠭ᠋ ᠲᠤᠯᠠᠭᠠᠬᠠᠨ ᠤᠨᠳᠠᠵᠤ ᠪᠠᠶᠢᠨᠠ | ᠬᠠᠪᠤᠷ ᠵᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠳᠤ | ᠬᠠᠳᠠᠨ ᠳᠤ ᠦᠷᠦᠵᠦ ᠬᠤᠷᠴᠠᠯᠠᠭᠰᠠᠨ | ᠵᠤᠨ ᠨᠠᠮᠤᠷ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠳᠤ | ᠵᠤᠯᠵᠠᠭᠠ ᠢᠨᠵᠠᠭᠠ ᠪᠠᠨ ᠦᠮᠦᠭᠯᠡᠭᠰᠡᠨ | ᠰᠡᠷᠡᠭᠡᠷ ᠲᠡᠷᠡ ᠰᠠᠶᠢᠬᠠᠨ ᠠᠮᠢᠳᠠᠨ ᠤ ᠡᠪᠡᠷ | ᠰᠡᠳᠬᠢᠯ ᠡᠮᠳᠡᠷᠡᠳᠡᠯᠡ ᠰᠡᠮ ᠤᠨᠠᠬᠤ ᠳᠤ | ᠬᠠᠯᠢᠭᠤᠨ ᠮᠠᠩᠨᠠᠢ ᠪᠠᠷ ᠢᠶᠠᠨ ᠮᠠᠨ ᠤ ᠨᠤᠲᠤᠭ ᠤᠨ ᠪᠤᠭᠤ ᠨᠤᠭᠤᠳ | ᠬᠠᠷᠠᠩᠭᠤᠢ ᠲᠠᠢ ᠶᠠᠭᠠᠬᠢᠵᠤ ᠮᠥᠷᠭᠦᠯᠳᠦᠬᠦ ᠶᠤᠮ ᠪᠣᠯ | ᠬᠦᠭᠡᠷᠦᠭᠦᠢ︕ | ᠮᠠᠨ ᠤ ᠨᠤᠲᠤᠭ ᠤᠨ ᠠᠵᠢᠷᠭᠠ ᠮᠣᠷᠢᠳ | ᠮᠠᠨᠠᠨ ᠲᠤᠳᠤᠷᠠ ᠢᠨᠴᠠᠭᠠᠯᠳᠤᠵᠤ ᠪᠠᠶᠢᠨᠠ | ᠴᠠᠭᠠᠨ ᠰᠦᠨ ᠳᠡᠭᠡᠨ ᠴᠠᠳᠤᠭᠰᠠᠨ ᠤᠨᠠᠭᠠ ᠨᠤᠭᠤᠳ ᠨᠢ | ᠴᠠᠭ ᠤᠨ ᠬᠠᠳᠠᠭᠤ ᠶᠢ ᠰᠠᠨᠠᠬᠤ ᠦᠭᠡᠢ | ᠰᠡᠭᠦᠯ ᠢᠶᠠᠨ ᠡᠷᠭᠦᠯᠳᠦᠭᠡᠳ | ᠰᠡᠭᠦᠳᠡᠷ ᠠᠴᠠ ᠪᠠᠨ ᠦᠷᠭᠦᠯᠳᠦᠭᠡᠳ ᠪᠠᠶᠢᠨᠠ | ᠨᠢᠭᠦᠯ ᠲᠠᠢ ᠨᠤᠴᠤᠯᠳᠤᠭᠰᠠᠨ ᠤᠯᠠᠨ ᠰᠣᠷᠪᠢ ᠲᠠᠢ | ᠨᠢᠳᠦ ᠤᠷᠤᠭᠤ ᠪᠠᠨ ᠤᠨᠵᠢᠭᠰᠠᠨ ᠬᠤᠷ ᠲᠡᠯ ᠲᠠᠢ | ᠮᠠᠨ ᠤ ᠨᠤᠲᠤᠭ ᠤᠨ ᠠᠵᠢᠷᠭᠠ ᠮᠤᠷᠢᠳ | ᠴᠢᠮᠡᠭᠡ ᠦᠭᠡᠢ ᠶᠢᠨ ᠳᠤᠮᠳᠠ ᠠᠴᠠ ᠠᠶᠤᠳᠠᠰᠤ ᠬᠦᠢᠳᠡᠰᠦ ᠶᠢ | ᠴᠢᠬᠢ ᠪᠠᠷ ᠢᠶᠠᠨ ᠶᠠᠭᠠᠬᠢᠵᠤ ᠣᠯᠣᠭᠠᠳ | ᠣᠯᠠᠨ ᠡᠮᠳᠡᠯᠦᠭᠰᠡᠨ ᠲᠤᠭᠤᠷᠠᠢ ᠪᠠᠷ ᠢᠶᠠᠨ | ᠣᠨᠣᠵᠤ ᠳᠠᠩᠭᠠᠷᠬᠤ ᠶᠤᠮ ᠪᠣᠯ | ᠬᠦᠭᠡᠷᠦᠬᠦᠢ︕ | ᠮᠠᠨ ᠤ ᠨᠤᠲᠤᠭ ᠤᠨ ᠬᠦᠭᠡ ᠴᠢᠨ᠋ᠸᠠ ᠨᠤᠭᠤᠳ | ᠮᠠᠨᠠᠨ ᠲᠤᠳᠤᠷᠠ ᠣᠯᠢᠯᠳᠤᠵᠤ ᠪᠠᠶᠢᠨᠠ | ᠴᠠᠰᠤᠨ ᠳᠡᠭᠡᠷᠡ ᠮᠥᠷ ᠦᠯᠡᠳᠡᠳᠡᠭ ᠢ ᠮᠡᠳᠡᠬᠦ ᠦᠭᠡᠢ | ᠴᠠᠭᠠᠬᠠᠨ ᠪᠡᠯᠳᠡᠷᠭᠡ ᠨᠦᠭᠦᠳ ᠨᠢ | ᠠᠭᠤᠯᠠ ᠶᠢᠨ ᠠᠭᠤᠢ ᠳᠤ ᠬᠡᠪᠳᠡᠬᠦ ᠡᠬᠡ ᠶᠢᠨ ᠢᠶᠠᠨ | ᠤᠯᠠᠭᠠᠨ ᠰᠠᠷᠢᠰᠦᠨ ᠬᠦᠬᠦ ᠶᠢ ᠳᠡᠷᠡᠯᠡᠭᠡᠳ ᠤᠨᠳᠠᠵᠤ ᠪᠠᠶᠢᠨᠠ | ᠠᠩᠬᠠᠨ ᠤ ᠴᠠᠰᠤᠨ ᠤ ᠠᠷᠤ ᠠᠴᠠ | ᠠᠪᠠ ᠶᠢᠨ ᠪᠦᠷᠢᠶᠡ ᠲᠠᠳᠠᠵᠤ | ᠬᠦᠷᠦᠭᠡᠴᠢᠳ ᠰᠤᠷᠤᠨ ᠲᠠᠰᠢᠭᠤᠷ ᠢᠶᠠᠷ ᠢᠶᠠᠨ | ᠭᠦᠯᠢᠮᠰᠡᠭᠡᠷ ︵Гөлөмсөөр︶ ᠬᠦᠷᠴᠦ ᠢᠷᠡᠬᠦ ᠳᠤ | ᠵᠡᠪᠡ ᠲᠠᠢ ᠰᠣᠮᠣ ᠲᠠᠢ ᠵᠡᠷᠭᠡᠴᠡᠭᠰᠡᠨ | ᠮᠠᠨ ᠤ ᠨᠤᠲᠤᠭ ᠤᠨ ᠴᠢᠨ᠋ᠸᠠ ᠨᠤᠭᠤᠳ | ᠵᠡᠭᠡᠷᠡ ᠲᠠᠢ ᠬᠦᠨᠳᠡᠢ ᠶᠢᠨ ᠳᠤᠮᠳᠠᠭᠤᠷ ᠵᠢᠭᠤᠳᠠᠬᠤ ᠳᠠᠭᠠᠨ | ᠰᠦᠷᠪᠦᠭᠡᠷ ᠪᠡᠯᠳᠡᠷᠭᠡ ᠪᠠᠨ ᠵᠠᠭᠤᠭᠰᠠᠭᠠᠷ | ᠰᠦᠬᠦᠷᠡᠵᠦ ᠤᠨᠠᠪᠠᠯ ᠶᠠᠭᠠᠬᠢᠨᠠ ᠳ᠋ᠠ | ᠬᠦᠭᠡᠷᠦᠬᠦᠢ︕ | ᠮᠠᠨ ᠤ ᠨᠤᠲᠤᠭ ᠤᠨ ᠡᠪᠦᠭᠡᠳ ᠡᠮᠡᠭᠡᠳ | ᠮᠠᠨᠠᠨ ᠲᠤᠳᠤᠷᠠ ᠳᠤᠮᠳᠠ ᠠᠵᠤ ᠲᠦᠷᠦᠵᠦ ᠪᠠᠶᠢᠨᠠ | ᠦᠷᠡ ᠶᠢᠨ ᠢᠶᠠᠨ ᠦᠷᠡ ᠶᠢ ᠡᠭᠦᠷᠦᠭᠰᠡᠨ ᠡᠮᠡᠭᠡᠨ | ᠦᠨᠳᠦᠰᠦᠨ ᠳᠡᠭᠡᠭᠦᠷ ᠠᠯᠬᠤᠵᠤ | ᠬᠦᠦ ᠶᠢᠨ ᠢᠶᠠᠨ ᠬᠦᠦ ᠶᠢ ᠲᠡᠭᠦᠷᠦᠭᠰᠡᠨ ᠡᠪᠦᠭᠡᠨ | ᠬᠦᠮᠦᠨ ᠴᠢᠨᠠᠷ ᠢ ᠡᠪᠦᠷᠲᠦᠯᠡᠵᠦ | ᠪᠤᠷᠬᠠᠨ ᠳᠤ ᠬᠤᠶᠠᠭᠤᠯᠠ ᠪᠠᠨ ᠵᠠᠯᠪᠠᠷᠢᠭᠰᠠᠭᠠᠷ | ᠪᠤᠭᠤᠷᠤᠯᠳᠤᠵᠤ ᠪᠠᠶᠢᠨᠠ | ᠦᠨᠦ ᠬᠤᠵᠢᠮ ᠢᠶᠠᠨ | ᠡᠪᠦᠭᠡ ᠪᠠᠨ ᠰᠠᠨᠠᠭᠰᠠᠨ ᠬᠦᠦ | ᠶᠠᠭᠠᠬᠢᠵᠤ ᠦᠨᠦᠴᠢᠷᠡᠵᠦ | ᠡᠮᠧ ᠪᠠᠨ ᠰᠠᠨᠠᠭᠰᠠᠨ ᠦᠬᠢᠨ ᠶᠠᠭᠠᠬᠢᠵᠤ ᠡᠮᠳᠡᠷᠡᠨᠡ ᠳ᠋ᠧ | ᠬᠥᠬᠡᠷᠦᠭᠦᠢ | ᠮᠠᠨ ᠤ ᠨᠤᠲᠤᠭ ᠬᠦᠭᠡᠷᠦᠬᠦᠢ ᠁ | |