| ︵ᠮᠣᠩᠭᠤᠯ ᠤᠯᠤᠰ︶ ᠬᠠᠳᠠᠨᠪᠠᠭᠠᠲᠤᠷ | | ᠰᠢᠨᠡ ᠬᠤᠷᠢᠶᠠᠯᠠᠯ ᠤᠨ ᠬᠤᠷᠢᠨ ᠵᠢᠷᠭᠤᠳᠤᠭᠠᠷ ᠪᠠᠶᠢᠰᠢᠩ ᠤᠨ ᠳᠡᠷᠭᠡᠳᠡᠭᠦᠷ ᠦᠩᠭᠡᠷᠡᠬᠦ ᠪᠣᠯᠭᠠᠨ ᠳᠤ | ᠰᠡᠳᠬᠢᠯ ᠮᠢᠨᠢ ᠳᠠᠩᠳᠠ ᠪᠠᠨ ᠡᠮᠵᠡᠭᠯᠡᠳᠡᠭ᠃ ᠡᠨᠡ ᠯᠡ ᠪᠠᠶᠢᠰᠢᠩ ᠤᠨ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠲᠤ ᠢᠵᠢᠢ ᠮᠢᠨᠢ | ᠠᠶᠢᠯ ᠤᠨ ᠬᠠᠵᠠᠭᠤ ᠳᠤ ᠠᠮᠢᠳᠤᠷᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠂ ᠬᠠᠶᠠ ᠨᠢᠭᠡ ᠵᠠᠪ ᠭᠠᠷᠭᠠᠭᠠᠳ ᠣᠴᠢᠬᠤ ᠪᠠᠷ ᠶᠡᠭᠡ ᠯᠡ | ᠪᠠᠶᠠᠷ ᠲᠠᠢ᠂ ᠠᠯᠠᠭᠠ ᠶᠢᠨ ᠴᠢᠨᠡᠭᠡᠬᠡᠨ ᠦᠷᠦᠭᠡᠨ ᠳᠤ ᠨᠢ ᠠᠯᠢ ᠳᠡᠭᠡᠷᠡ ᠦᠶᠡ ᠳᠤ ᠠᠪᠤᠭᠰᠠᠨ ᠵᠢᠵᠢᠭᠬᠡᠨ ᠰᠢᠷᠡᠭᠡᠨ | ᠤ ᠬᠤᠶᠠᠷ ᠲᠠᠯᠠ ᠳᠤ ᠰᠠᠭᠤᠴᠢᠬᠠᠭᠠᠳ ᠤᠭᠤᠷᠠᠭ ᠤᠯᠠᠭᠠᠨ ᠴᠠᠢ ᠪᠠᠨ ᠤᠤᠭᠤᠵᠤ᠂ ᠭᠠᠩᠭᠠᠷ ᠭᠤᠩᠭᠠᠷ ᠭᠡᠵᠦ | ᠬᠤᠶᠠᠷ ᠪᠡᠶᠡ ᠪᠠᠨ ᠪᠠᠶᠠᠰᠬᠠᠳᠠᠭ ᠰᠠᠨ᠂ ᠣᠴᠢᠬᠤ ᠪᠣᠯᠭᠠᠨ ᠴᠢᠬᠢᠷ ᠦᠭᠭᠦᠨᠡ᠂ ᠶᠠᠪᠤᠬᠤ ᠪᠣᠯᠬᠤ ᠪᠠᠷ ᠡᠪᠦᠷ ᠲᠤ | ᠬᠢᠨᠡ᠂ ︽ᠵᠠ᠂ ᠪᠢ ᠶᠠᠮᠠᠷ ᠬᠡᠦᠭᠡᠳ ᠪᠢᠰᠢ ᠳ᠋ᠧ︾ ᠭᠡᠬᠦ ᠳᠤ ︽ᠬᠡᠦᠭᠡᠳ ᠪᠢᠰᠢ ᠭᠡᠨᠡ ᠰᠢᠦ︾ ᠭᠡᠵᠦ | ᠦᠭᠦᠭᠡᠷᠳᠦᠨᠡ᠃ ︽ᠡᠵᠢ ᠨᠢ ᠦᠨᠦᠳᠦᠷ ᠥᠭᠡᠳᠡ ᠲᠠᠢ ᠴᠠᠢ ᠬᠤᠭᠤᠯᠠ ᠤᠮᠳᠠ ᠲᠠᠢ ᠴᠤ ᠪᠠᠶᠢᠵᠤ ᠴᠢᠳᠠᠭᠰᠠᠨ | ᠦᠭᠡᠢ᠂ ᠮᠢᠨᠤ ᠦᠬᠢᠨ ᠮᠠᠷᠭᠠᠰᠢ ᠬᠦᠶᠦᠭᠡᠳ ᠢᠷᠡᠭᠡᠷᠡᠢ︾ ᠭᠡᠨᠡ᠂ ᠮᠠᠷᠭᠠᠰᠢ ᠨᠢ ᠪᠢ ᠵᠠᠪ ᠦᠭᠡᠢ ᠪᠣᠯᠴᠢᠬᠠᠨᠠ᠂ | ᠴᠣᠬᠤᠮ ᠶᠠᠭᠠᠬᠢᠭᠠᠳ ᠵᠠᠪ ᠦᠭᠡᠢ ᠪᠣᠯᠴᠢᠬᠠᠳᠠᠭ ᠪᠠᠶᠢᠭᠰᠠᠨ ᠢᠶᠠᠨ ᠪᠢ ᠤᠳᠤ ᠪᠣᠳᠣᠭᠠᠳ ᠪᠣᠳᠣᠭᠠᠳ ᠣᠯᠳᠠᠭ | ᠦᠭᠡᠢ ᠶᠤᠮ᠃ ᠵᠠᠪ ᠭᠠᠷᠭᠠᠭᠠᠳ ᠣᠴᠢᠳᠠᠯᠠ ᠴᠠᠬᠢᠯᠭᠠᠨ ᠱᠠᠲᠤ ᠨᠢ ᠠᠵᠢᠯ ᠦᠭᠡᠢ ᠪᠠᠶᠢᠵᠤ ᠳᠠᠭᠠᠷᠠᠪᠠᠯ ︽ᠶᠠᠷᠰᠢᠭ | ᠲᠠᠢ ᠶᠤᠮ︾ ᠭᠡᠵᠦ ᠪᠤᠭᠤᠷᠤᠯ ᠢᠵᠢᠢ ᠪᠠᠨ ᠯᠡ ᠪᠤᠷᠤᠭᠤᠳᠬᠠᠵᠤ᠂ ᠬᠡᠳᠦᠬᠡᠨ ᠮᠦᠴᠨ ᠬᠦᠯᠢᠶᠡᠬᠦ ᠠᠴᠠ | ᠵᠠᠯᠬᠠᠭᠤᠷᠠᠨᠠ᠃ | ︽ᠦᠨᠦᠳᠦᠷ ᠮᠠᠭᠤ ᠢᠵᠢᠢ ᠳᠡᠭᠡᠷᠡ ᠪᠠᠨ ᠨᠢᠭᠡ ᠤᠴᠢᠳᠠᠭ ᠶᠤᠮ ᠦᠦ᠂ ᠵᠠ᠂ ᠦᠨᠦᠳᠦᠷ ᠵᠠᠪᠠᠯ ᠣᠴᠢᠬᠤ | ᠠᠯᠪᠠ ᠲᠠᠢ ᠴᠦ ᠪᠢᠰᠢ᠂ ᠳᠠᠷᠠᠭᠠ ᠯᠡ ᠪᠣᠯᠣᠶᠠ︾ | ︽ᠦᠨᠦᠳᠦᠷ ᠮᠠᠭᠤ ᠢᠵᠢᠢ ᠳᠡᠭᠡᠷᠡ ᠪᠠᠨ ᠨᠢᠭᠡ ᠣᠴᠢᠳᠠᠭ ᠶᠤᠮ ᠦᠦ᠂ ᠮᠠᠷᠭᠠᠰᠢ ᠪᠣᠯᠣᠶᠠ ᠳ᠋ᠠ︕︾ | ᠡᠶᠢᠮᠦ ᠡᠳᠦᠷ ᠮᠥᠨᠴᠦ ᠣᠯᠠᠨ ᠲᠣᠬᠢᠶᠠᠯᠳᠤᠵᠤ ᠪᠠᠶᠢᠭᠰᠠᠨ ᠳ᠋ᠠ᠂ ᠢᠩᠬᠢᠵᠦ ᠯᠡ ᠪᠢ ᠦᠨᠳᠦᠷ ᠬᠠᠷᠰᠢ ᠶᠢᠨ | ᠳᠡᠷᠭᠡᠳᠡᠭᠦᠷ ᠢᠷᠡᠭᠡᠳᠦᠢ ᠤᠷᠤᠭᠤ ᠶᠠᠭᠠᠷᠠᠳᠠᠭ᠂ ᠵᠣᠭᠰᠣᠭᠠᠯ ᠠᠯᠭᠠᠰᠠᠳᠠᠭ᠂ ᠪᠤᠤᠬᠢᠶᠠ ᠲᠡᠷᠭᠡ ᠰᠢᠭ ᠥᠩᠭᠡᠷᠡᠳᠡᠭ | ᠪᠠᠶᠢᠭᠰᠠᠨ᠂ ᠲᠡᠷᠡ ᠪᠣᠯᠭᠠᠨ ᠬᠦᠭᠡᠷᠦᠬᠦᠢ ᠮᠢᠨᠤ ᠮᠠᠭᠤ ᠢᠵᠢᠢ᠂ ᠭᠠᠷ ᠢᠶᠠᠨ ᠭᠠᠷᠭᠠᠵᠤ ᠬᠢᠭᠰᠡᠨ ᠴᠠᠢ ᠬᠤᠭᠤᠯᠠ ᠪᠠᠨ | ᠳᠠᠬᠢᠨ ᠳᠠᠬᠢᠨ ᠬᠠᠯᠠᠭᠠᠵᠤ᠂ ᠬᠦᠮᠦᠨ ᠤ ᠬᠦᠯ ᠤᠨ ᠴᠢᠮᠡᠭᠡ ᠴᠢᠩᠨᠠᠵᠤ᠂ ᠬᠡᠵᠢᠶᠡ ᠨᠠᠮᠠ ᠶᠢ ᠣᠷᠣᠭᠠᠳ ᠢᠷᠡᠬᠦ ᠪᠣᠯ | ᠳ᠋ᠠ ᠭᠡᠵᠦ ᠬᠠᠭᠠᠯᠭᠠ ᠤᠷᠤᠭᠤ ᠪᠠᠨ ᠪᠠᠶᠢᠨ ᠪᠠᠶᠢᠨ ᠬᠠᠷᠠᠵᠤ ᠰᠠᠭᠤᠭᠰᠠᠨ ᠪᠠᠶᠢᠬᠤ ᠳ᠋ᠠ ᠭᠡᠵᠦ ᠪᠤᠳᠤᠬᠤ ᠪᠠᠷ ᠵᠢᠷᠦᠬᠡ | ᠮᠢᠨᠢ ᠰᠢᠮᠰᠢᠷᠡᠳᠡᠭ ᠶᠤᠮ᠂ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤᠨ ᠱᠠᠲᠤ ᠪᠠᠷ ᠭᠠᠭᠴᠠᠬᠠᠨ ᠠᠮᠢᠰᠬᠤᠭᠠ ᠪᠠᠷ ᠬᠦᠶᠦᠵᠦ | ᠭᠠᠷᠤᠭᠰᠠᠨ ᠨᠠᠮᠤᠷ ᠤᠨ ᠲᠡᠷᠡ ᠲᠦᠨᠡᠷ ᠬᠠᠷᠠᠩᠭᠤᠢ ᠰᠦᠨᠢ ᠶᠢ ᠪᠢ ᠮᠠᠷᠳᠠᠭᠠ ᠦᠭᠡᠢ᠂ ᠶᠠᠭᠠᠬᠢᠵᠤ ᠴᠦ ᠮᠠᠷᠳᠠᠬᠤ | ᠪᠢᠯᠡ ᠳ᠋ᠧ᠂ ᠰᠦᠨᠢ ᠳᠤᠮᠳᠠ ᠢᠷᠡᠵᠦ ᠨᠠᠮᠠ ᠶᠢ ᠰᠡᠷᠢᠭᠡᠭᠰᠡᠨ ᠲᠡᠷᠡ ᠬᠦᠮᠦᠨ᠄ ︽ᠢᠵᠢᠢ ᠳᠡᠭᠡᠨ ᠣᠴᠢᠯ ᠦᠭᠡᠢ | ᠪᠣᠯᠬᠤ ᠦᠭᠡᠢ ᠨᠢ ᠡ︾ ᠭᠡᠳᠡᠭ ᠭᠤᠷᠪᠠᠭ᠋ᠠᠨ ᠦᠭᠡ ᠶᠢ ᠶᠠᠮᠠᠷ ᠶᠡᠭᠡ ᠲᠦᠭᠰᠢᠭᠦᠷᠢ ᠲᠠᠢ ᠬᠡᠯᠡᠭᠰᠡᠨ ᠭᠡᠵᠦ ᠰᠠᠨᠠᠨᠠ᠂ | ᠲᠡᠭᠡᠳᠡᠯᠡ ᠪᠢ ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤᠨ ᠱᠠᠲᠤ ᠪᠠᠷ ᠬᠠᠷᠪᠤᠭᠰᠠᠨ ᠰᠣᠮᠣ ᠰᠢᠭ᠋ ᠯᠡ ᠭᠠᠷᠤᠭᠰᠠᠨ…… | ᠬᠠᠷᠠᠮᠰᠠᠯᠲᠠᠢ ᠨᠢ ᠪᠢ ᠡᠭᠦᠷᠢᠳᠡ ᠬᠤᠵᠢᠮᠳᠠᠭᠰᠠᠨ ᠪᠠᠶᠢᠭᠰᠠᠨ᠂ ᠡᠭᠦᠷᠢᠳᠡ ᠭᠡᠳ ᠪᠤᠳᠤᠭᠠᠳ ᠦᠵᠡᠯ ᠳ᠋ᠧ᠂ | ᠠᠷᠪᠠᠨ ᠨᠢᠭᠡᠨ ᠳᠠᠪᠬᠤᠷ ᠤᠨ ᠱᠠᠲᠤ ᠪᠠᠷ ᠭᠠᠷᠬᠤ᠂ ᠲᠡᠭᠷᠢ ᠮᠢᠨᠢ︕ ᠳᠠᠩᠴᠢ ᠠᠮᠠᠷᠬᠠᠨ ᠪᠠᠶᠢᠭᠰᠠᠨ ᠰᠢᠦ᠂ ︽ | ᠢᠵᠢᠢ ᠴᠢᠨᠢ ᠬᠤᠯᠠ ᠶᠢᠨ ᠤᠳᠤᠨ ᠳᠤ ᠪᠠᠶᠢᠨᠠ᠂ ᠢᠷᠡᠵᠦ ᠠᠭᠤᠯᠵᠠ︾ ᠭᠡᠵᠦ ᠬᠡᠯᠡᠭᠦᠯᠵᠠᠢ ᠬᠡᠪᠡᠯ᠂ ᠪᠢ | ᠦᠨᠦᠳᠦᠷ᠂ ᠤᠳᠤ ᠴᠤ ᠬᠡᠰᠡᠨ ᠬᠤᠯᠠ ᠶᠢᠨ ᠤᠳᠤᠳ ᠤᠨ ᠠᠶᠠᠨ ᠳᠤ ᠵᠣᠷᠢᠬᠤ ᠳᠤ ᠪᠡᠯᠡᠨ ᠪᠠᠶᠢᠨᠠ᠂ ᠭᠡᠪᠡᠴᠦ | ᠪᠤᠭᠤᠷᠤᠯᠬᠠᠨ ᠢᠵᠢᠢ ᠮᠢᠨᠢ ᠲᠡᠨᠳᠡ ᠪᠠᠶᠢᠬᠤ ᠦᠭᠡᠢ ᠰᠢᠦ ᠳ᠋ᠧ᠂ ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠡᠯᠪᠡᠷᠢᠯ ᠢ ᠴᠠᠭ ᠲᠤ ᠨᠢ | ᠤᠬᠠᠭᠠᠷᠠᠬᠤ ᠮᠢᠨᠢ ᠳᠠᠩᠴᠢ ᠶᠠᠭᠠᠬᠢᠯᠠ ᠳ᠋ᠠ᠂ ᠪᠢ ᠡᠵᠢ ᠶᠢ ᠪᠠᠨ ᠶᠠᠭᠠᠬᠢᠬᠤ ᠭᠡᠵᠦ ᠲᠡᠭᠡᠵᠦ ᠭᠤᠮᠤᠭᠠᠳᠠᠵᠤ ᠪᠠᠶᠢᠪᠠ | ᠡ︖ ᠪᠢ ᠡᠵᠢ ᠶᠢ ᠪᠠᠨ ᠶᠠᠭᠠᠬᠢᠬᠤ ᠭᠡᠵᠦ ᠲᠡᠭᠡᠵᠦ ᠭᠠᠭᠴᠠᠭᠠᠷᠳᠠᠭᠤᠯᠵᠤ ᠪᠠᠶᠢᠪᠠ ᠡ︖ ᠪᠢ ᠡᠵᠢ ᠳᠤ ᠪᠠᠨ | ᠶᠠᠭᠠᠬᠢᠬᠤ ᠭᠡᠵᠦ ᠲᠡᠭᠡᠵᠦ ᠬᠠᠳᠠᠭᠤ ᠦᠭᠡ ᠬᠡᠯᠡᠵᠦ ᠪᠠᠶᠢᠪᠠ ᠡ︖ ᠬᠥᠮᠥᠨ ᠤ ᠢᠵᠢᠢ ᠳᠤ ᠮᠠᠷᠭᠠᠰᠢ ᠭᠡᠵᠦ | ᠪᠠᠶᠢᠳᠠᠭ ᠦᠭᠡᠢ ᠶᠤᠮ ᠪᠢᠯᠡ︕ ᠬᠠᠷᠢᠨ ᠪᠢᠳᠡ ᠨᠠᠷ ᠲᠤ ᠮᠠᠷᠭᠠᠰᠢ᠂ ᠨᠥᠬᠦᠭᠡᠲᠦᠷ᠂ ᠨᠥᠬᠦᠭᠡᠲᠦᠷ ᠤᠨ ᠮᠠᠷᠭᠠᠰᠢ | ᠴᠣ᠋ ᠪᠠᠶᠢᠳᠠᠭ ᠶᠤᠮ ᠪᠢᠯᠡ᠂ ᠡᠵᠢ ᠶᠢᠨ ᠢᠶᠠᠨ ᠠᠴᠢ ᠡᠯᠪᠡᠷᠢᠯ ᠢ ᠴᠠᠭ ᠲᠤ ᠨᠢ ᠤᠬᠠᠭᠠᠷᠠᠭᠠ ᠦᠭᠡᠢ ᠦᠷᠡ ᠶᠢᠨ | ᠲᠤᠭᠠ ᠨᠠᠳᠠ ᠪᠠᠷ ᠳᠠᠭᠤᠰᠬᠤ ᠪᠣᠯᠳᠤᠭᠠᠢ᠂ ᠪᠤᠶᠠᠨ ᠵᠠᠶᠠᠭᠠ ᠪᠠᠨ ᠨᠠᠳᠠ ᠳᠤ ᠪᠠᠨ ᠯᠡ ᠭᠡᠵᠦ ᠦᠯᠡᠳᠡᠭᠡᠭᠰᠡᠨ ᠮᠢᠨᠤ | ᠪᠤᠭᠤᠷᠤᠯᠬᠠᠨ ᠢᠵᠢᠢ ᠮᠢᠨᠢ᠂ ᠲᠡᠨᠡᠭᠬᠡᠨ ᠦᠬᠢᠨ ᠨᠠᠮᠠ ᠶᠢ ᠪᠠᠨ ᠦᠷᠦᠰᠢᠶᠡᠵᠦ ᠬᠠᠶᠢᠷᠠᠯᠠᠭᠠᠷᠠᠢ᠂ ᠦᠬᠢᠨ ᠴᠢᠨᠢ ᠲᠠᠨ | ᠠᠴᠠ ᠪᠠᠨ ᠬᠤᠶᠢᠰᠢ ᠬᠠᠶᠢᠷᠠ ᠪᠠᠷ ᠲᠤᠳᠠᠵᠤ ᠶᠠᠪᠤᠨᠠ ᠰᠢᠦ︕ | |