| ᠪᠤᠷᠭᠠᠰᠤᠨ ᠤᠨᠢ ᠨᠠᠬᠢᠯᠵᠠᠭᠤᠯᠤᠨ ᠭᠡᠷ ᠤᠨ ᠴᠠᠰᠤ ᠱᠦᠭᠦᠷᠳᠡᠵᠦ | ᠪᠤᠰᠤᠳ ᠤᠨ ᠳᠡᠭᠡᠭᠦᠷ ᠪᠤᠳᠠᠷᠠᠭᠤᠯᠤᠩᠬᠠᠨ ᠪᠠᠶᠢᠬᠤ ᠳᠠᠭᠠᠨ | ᠡᠭᠦᠳᠡ ᠪᠠᠷ ᠴᠣᠬᠤᠶᠢᠬᠤ ᠠᠪᠤ ᠶᠢᠨ ᠢᠶᠠᠨ ᠳᠡᠭᠡᠷᠡ ᠠᠴᠠ | ᠦᠯᠢᠶᠡᠭᠰᠡᠨ ᠴᠠᠰᠤ ᠮᠢᠨᠢ ᠦᠰᠦᠨ ᠤ ᠬᠢᠨᠢ ᠰᠤᠷ ᠪᠣᠯᠣᠭᠰᠠᠨ | | | ᠬᠠᠯᠠᠭᠤᠨ ᠠᠭᠤᠷ ᠰᠠᠪᠰᠠᠭᠰᠠᠨ ᠲᠤᠭᠤᠨᠤ ᠪᠠᠷ ᠤᠨᠠᠭᠰᠠᠨ ᠴᠠᠰᠤ | ᠬᠠᠶᠢᠷᠠᠳᠠᠢ ᠢᠵᠢᠢ ᠶᠢᠨ ᠮᠢᠨᠢ ᠰᠠᠨᠴᠢᠭ ᠲᠤ ᠪᠠᠰᠠ ᠬᠦᠷᠦᠭᠰᠡᠨ | ᠬᠠᠰᠢ ᠶᠠᠰᠢ ᠰᠠᠴᠣᠨ ᠪᠤᠳᠠᠷᠠᠭᠤᠯᠤᠭᠰᠠᠨ ᠴᠠᠰᠤᠨ ᠳᠣᠣᠷᠠ | ᠬᠠᠮᠤᠭ ᠤᠨ ᠪᠠᠭᠠ ᠲᠡᠭᠦᠦ ᠮᠢᠨᠢ ᠠᠯᠠᠭᠠ ᠪᠠᠨ ᠳᠡᠯᠭᠡᠵᠦ ᠵᠤᠭᠰᠤᠭᠰᠠᠨ | | | ᠥᠷᠯᠦᠭᠡ ᠡᠷᠳᠡ ᠶᠠᠪᠤᠭᠰᠠᠨ ᠢᠵᠢᠢ ᠶᠢᠨ ᠢᠶᠠᠨ ᠮᠥᠷ ᠢ ᠱᠦᠭᠦᠷᠳᠡᠵᠦ | ᠡᠳᠦᠷ ᠶᠠᠪᠤᠬᠤ ᠵᠠᠮ ᠢᠶᠠᠨ ᠭᠠᠷᠭᠠᠵᠤ ᠵᠣᠭᠰᠣᠳᠠᠭ ᠰᠠᠨ ᠪᠢ | ᠰᠢᠨᠡᠬᠡᠨ ᠴᠠᠰᠤ ᠣᠷᠣᠭᠰᠠᠨ ᠥᠷᠯᠦᠭᠡ | ᠰᠢᠨᠡ ᠮᠥᠷ ᠬᠠᠶᠢᠭᠠᠳ ᠯᠡ ᠢᠵᠢᠢ ᠪᠠᠨ ᠰᠠᠨᠠᠴᠢᠬᠠᠯᠠ | | | ᠲᠡᠶᠢᠮᠦ ᠲᠤᠳᠤᠨᠤ ᠮᠥᠷ᠂ ᠬᠠᠷᠠᠯᠭᠦᠢ ᠤᠳᠠᠵᠠᠢ ᠡ | ᠲᠡᠭᠷᠢ ᠠᠴᠠ ᠨᠢᠭᠡ ᠤᠳᠠᠭᠠ ᠦᠵᠡᠭᠦᠯᠦᠭᠡᠳ ᠦᠭᠳᠡᠭ ᠴᠦ ᠪᠣᠯᠣᠭᠠᠰᠠᠢ | ᠵᠥᠭᠡᠯᠡᠨ ᠬᠢᠰᠬᠢᠬᠦ ᠠᠯᠬᠤᠭᠠᠨ ᠳᠤᠮᠳᠠ ᠠᠴᠠ ᠪᠠᠨ | ᠵᠥᠩ ᠮᠢᠨᠢ ᠰᠡᠷᠢᠭᠡᠳ ᠯᠡ ᠢᠵᠢᠢ ᠪᠠᠨ ᠢᠷᠡᠬᠦ ᠨᠢ ᠭᠡᠳ ᠢᠳᠡᠭᠡᠴᠢᠬᠡᠯᠡ | | | ᠶᠠᠪᠠᠭᠠᠨ ᠬᠥᠮᠥᠨ ᠤ ᠭᠠᠭᠴᠠ ᠨᠠᠷᠢᠬᠠᠨ ᠵᠢᠮ ᠢᠶᠠᠷ | ᠶᠠᠪᠤᠭᠰᠠᠭᠠᠷ ᠢᠵᠢᠢ ᠳᠡᠭᠡᠨ ᠬᠦᠷᠦᠨᠡ ᠭᠡᠳ ᠰᠡᠳᠬᠢᠴᠢᠬᠡᠯᠡ | ᠳᠡᠭᠡᠷᠡ ᠠᠴᠠ ᠬᠡᠨ ᠨᠢᠭᠡᠨ ᠬᠠᠷᠠᠵᠤ ᠪᠠᠶᠢᠭᠠ ᠪᠤᠯ | ᠳᠡᠷᠡᠰᠦᠨ ᠱᠦᠬᠦᠷ ᠢᠶᠠᠷ ᠪᠢ ᠪᠤᠷᠬᠠᠨ ᠤ ᠲᠢᠭ ᠲᠠᠳᠠᠵᠤ ᠬᠠᠷᠠᠭᠳᠠᠨᠠ | | | ᠨᠡᠪᠰᠡᠶᠢᠳᠡᠯᠡ ᠳᠠᠷᠤᠭᠰᠠᠨ ᠴᠠᠰᠤᠨ ᠳᠤᠮᠳᠠ ᠨᠢᠭᠡ ᠬᠦᠦ | ᠨᠡᠭᠡᠷᠡᠨ ᠯᠡ ᠢᠵᠢᠢ ᠪᠠᠨ ᠰᠠᠨᠠᠵᠤ ᠳ᠋ᠧ ᠭᠡᠵᠦ ᠪᠤᠳᠤᠭᠳᠠᠨᠠ | ᠮᠥᠷ᠂ ᠨᠢᠷᠤᠭᠤᠨ ᠳᠡᠭᠡᠷᠡ ᠮᠢᠨᠢ ᠵᠤᠵᠠᠭᠠᠨ ᠴᠠᠰᠤ ᠮᠠᠯᠠᠭᠠᠶᠢᠯᠠᠬᠤ ᠳᠤ | ᠮᠥᠨ ᠴᠦ ᠬᠦᠨᠳᠦ ᠰᠠᠨᠠᠭᠳᠠᠭᠠᠳ ᠠᠵᠢᠨ ᠲᠦᠵᠢᠨ | | | ᠮᠥᠩᠭᠡ ᠪᠤᠰᠤ ᠶᠢᠨ ᠲᠤᠬᠠᠢ ᠡᠷᠬᠢᠴᠡᠭᠦᠯᠬᠦ ᠳᠤ ᠲᠡᠷᠡ ᠴᠠᠰᠤ | ᠮᠥᠷ ᠢ ᠮᠢᠨᠢ ᠳᠠᠷᠤᠵᠤ ᠬᠠᠶᠠᠯᠠᠭᠠᠳ ᠦᠨᠡᠨ ᠰᠠᠨᠠᠭᠳᠠᠨᠠ | ᠤᠭᠳᠠᠷᠭᠤᠢ ᠦᠭᠡᠳᠡ ᠰᠢᠷᠳᠡᠨ ᠰᠢᠷᠳᠡᠨ ᠬᠡᠪᠳᠡᠬᠦ ᠳᠤ | ᠣᠯᠠᠨ ᠮᠣᠷᠢᠳᠠᠨ ᠳᠠᠪᠬᠢᠯᠳᠤᠭᠰᠠᠭᠠᠷ ᠨᠢᠳᠦᠨ ᠲᠤᠳᠤᠷᠠ ᠮᠢᠨᠢ ᠤᠨᠠᠨᠠ | | | ᠵᠠᠮ ᠤᠨ ᠲᠤᠬᠠᠢ ᠪᠤᠳᠤᠬᠤ ᠳᠤ ᠮᠥᠨ ᠴᠢᠨᠠᠷ ᠨᠢ ᠳᠠᠨᠢᠭᠳᠠᠭᠠᠳ | ᠵᠢᠷᠭᠠᠯ ᠵᠤᠪᠠᠯᠠᠩ ᠬᠤᠶᠠᠷ ᠮᠢᠨᠢ ᠲᠡᠩᠴᠡᠭᠦᠬᠡᠨ ᠪᠤᠯᠴᠢᠬᠠᠨᠠ | ᠨᠢᠭᠡ ᠯᠡ ᠡᠪᠦᠯ ᠤᠨ ᠴᠠᠰᠤ ᠲᠠᠢ ᠠᠮᠢᠳᠤᠷᠠᠯ ᠭᠡᠳᠡᠭ ᠰᠠᠭᠤᠷᠢᠨ ᠳᠤ | ᠨᠡᠭᠡᠷᠡᠨ ᠪᠢ ᠴᠢᠨᠢ ᠪᠤᠳᠠᠷᠠᠭᠠᠳ ᠦᠩᠭᠡᠷᠡᠬᠦ ᠴᠠᠰᠤ ᠡ ᠁ | | |