| | —— ᠰ᠊ · ᠪᠦᠬᠡᠴᠢᠯᠠᠭᠤ | | | | | | ᠰᠡᠷᠢᠬᠦᠨ ᠠᠭᠠᠷ ᠵᠠᠯᠭᠢᠯᠠᠵᠦ ᠰᠦᠮᠡᠯᠵᠡᠭᠰᠡᠨ ᠤᠳᠤᠳ ᠢ ᠬᠠᠷᠠᠬᠤ ᠳᠠᠭᠠᠨ | ᠰᠦᠨᠡᠰᠦ ᠪᠠᠨ ᠪᠢ ᠤᠯᠵᠦ ᠬᠠᠷᠠᠳᠠᠭ | ᠰᠠᠳᠭᠢᠯ ᠤᠨ ᠠᠮᠠᠷᠠᠭ ᠢᠶᠠᠨ ᠰᠠᠨᠠᠵᠦ | ᠰᠠᠨᠠᠭᠠ ᠪᠠᠨ ᠰᠠᠯᠭᠢᠨ ᠢᠶᠠᠷ ᠠᠷᠭᠠᠳᠠᠬᠤ ᠳᠤ ᠰᠦ᠋ ᠦᠨᠦᠷᠳᠦᠳᠡᠭ | ᠤᠷᠭᠤᠬᠤ ᠨᠠᠷᠠ ᠶᠢ ᠤᠭᠳᠤᠵᠦ ᠤᠯᠠᠶᠢᠭᠰᠠᠨ ᠨᠠᠪᠴᠢ ᠲᠠᠢ ᠵᠦᠷᠢᠬᠦ ᠳᠡᠭᠡᠨ | ᠤᠷᠴᠢᠯᠠᠩ ᠢ ᠪᠢ ᠲᠠᠨᠢᠳᠠᠭ | ᠤᠷᠤᠰᠬᠠᠯ ᠤᠰᠤᠨ ᠢ ᠴᠢᠩᠨᠠᠵᠦ ᠤᠶᠠᠩᠭᠠᠨ ᠰᠢᠷᠤᠩᠬᠠᠢ ᠶᠢ ᠨᠢ ᠪᠠᠭᠠᠷᠬᠠᠬᠤ ᠳᠤ | ᠠᠮᠢᠳᠤᠷᠠᠯ ᠤᠳᠬᠠ ᠲᠠᠢ ᠰᠠᠨᠠᠭᠳᠠᠳᠠᠭ | ᠬᠦᠷᠡᠩ ᠠᠭᠤᠯᠠᠰ ᠢ ᠪᠠᠷᠠᠯᠠᠵᠦ ᠬᠦᠭᠡ ᠲᠡᠭᠷᠢ ᠳᠤ ᠰᠦᠰᠦᠭᠯᠡᠬᠦ ᠪᠠᠷ | ᠬᠦᠮᠦᠨᠴᠢ ᠴᠢᠨᠠᠷ ᠢ ᠮᠡᠳᠡᠷᠡᠳᠡᠭ | ᠬᠦᠪᠦᠬᠦ ᠡᠭᠦᠯᠡᠰ ᠢ ᠰᠢᠨᠵᠢᠵᠦ ᠬᠠᠷᠠ ᠴᠠᠭᠠᠨ ᠢ ᠲᠤᠳᠤᠯᠬᠤ ᠪᠠᠷ | ᠬᠤᠷᠸᠠ ᠶᠢᠨ ᠦᠩᠭᠡ ᠢᠯᠡᠷᠡᠳᠡᠭ | | | ᠮᠠᠩᠬᠠᠨ ᠭᠢᠵᠠᠭᠠᠷ ᠠᠴᠠ ᠮᠦᠩᠬᠦᠨ ᠰᠠᠷᠠᠨ ᠭᠡᠷᠡᠯᠳᠦᠬᠦ ᠪᠠᠷ ᠮᠢᠨᠦ ᠬᠦᠰᠡᠯ ᠪᠡᠶᠡᠯᠡᠳᠡᠭ | ᠮᠤᠷᠢᠨ ᠲᠠᠪᠠᠭᠠᠨ ᠤ ᠡᠩᠭᠡᠷ ᠠᠴᠠ ᠮᠡᠷᠡᠯ ᠤᠳᠤᠨ ᠰᠠᠴᠤᠷᠠᠬᠤ ᠪᠠᠷ | ᠮᠠᠷᠭᠠᠰᠢ ᠶᠢᠨ ᠰᠤᠪᠢᠩ ᠲᠠᠳᠠᠳᠠᠭ | ᠰᠢᠪᠠᠭᠤᠳ ᠢᠶᠠᠨ ᠦᠭᠡᠶᠢᠯᠡᠭᠰᠡᠨ ᠨᠠᠭᠤᠷ ᠢᠶᠠᠨ | ᠵᠢᠭᠠᠰᠤ ᠨᠢ ᠠᠷᠭᠠᠳᠠᠬᠤ ᠳᠤ ᠵᠡᠭᠡᠰᠦ ᠨᠢ ᠨᠢᠭᠤᠵᠦ ᠤᠭᠢᠯᠠᠳᠠᠭ | ᠰᠢᠯᠢ ᠶᠢᠨ ᠴᠢᠨ᠋ᠸᠠ ᠪᠠᠨ ᠤᠷᠤᠯᠠᠵᠦ | ᠴᠢᠯᠠᠭᠤ ᠨᠢ ᠬᠠᠷᠠᠩᠭᠤᠢ ᠳᠤ ᠤᠶᠢᠯᠠᠬᠤ ᠪᠠᠷ ᠰᠦᠨᠢ ᠰᠡᠷᠭᠡᠢ ᠬᠤᠨᠤᠳᠠᠭ | ᠪᠤᠷᠬᠠᠨ ᠲᠤᠯᠤᠭᠠᠨ ᠤᠳᠤᠨ ᠳᠤ ᠪᠤᠳᠤᠯ ᠮᠢᠨᠢ ᠨᠢᠰᠴᠦ ᠬᠦᠷᠬᠦ ᠪᠠᠷ | ᠪᠦᠪᠡᠢ ᠶᠢᠨ ᠲᠠᠭᠤᠤ ᠬᠠᠩᠭᠢᠨᠠᠳᠠᠭ | | | ᠪᠦᠷᠬᠦᠳ ᠤᠨ ᠭᠡᠯᠪᠡᠷᠢ ᠲᠠᠢ ᠠᠭᠤᠯᠠᠨ ᠳᠤ ᠪᠤᠭᠤ ᠰᠤᠭᠤ ᠤᠷᠤᠮᠳᠠᠬᠤ ᠪᠠᠷ | ᠰᠡᠳᠭᠢᠯ ᠴᠠᠭᠠᠨᠠ ᠠᠴᠠ ᠪᠠᠨ ᠭᠡᠭᠡᠷᠡᠳᠡᠭ | ᠦᠪᠴᠢ ᠪᠡᠶᠡ ᠪᠠᠷ ᠮᠢᠨᠢ ᠤᠷᠤᠰᠬᠤ ᠤᠰᠤᠨ ᠤ ᠠᠨᠢᠷ ᠢ ᠲᠤᠭᠤᠯᠬᠤ ᠪᠠᠷ | ᠡᠵᠢ ᠶᠢᠨ ᠬᠠᠶᠢᠷᠠ ᠪᠤᠳᠤᠭᠳᠠᠳᠠᠭ | ᠡᠪᠦᠯ ᠢ ᠵᠤᠭᠰᠤᠭᠠ ᠲᠤᠭᠤᠯᠤᠭᠰᠠᠨ ᠦᠷᠢᠶᠡ ᠬᠦᠯᠦᠭ ᠢᠶᠠᠨ ᠮᠢᠯᠢᠶᠠᠬᠤ ᠳᠤ | ᠡᠷᠡ ᠶᠢᠨ ᠭᠡᠶᠢᠮᠤᠷᠢ ᠰᠡᠷᠭᠦᠳᠡᠭ | ᠰᠢᠳᠦᠭᠡᠨ ᠤᠪᠤᠭᠠ ᠪᠠᠨ ᠡᠷᠭᠢᠵᠦ ᠰᠡᠳᠭᠢᠯ ᠰᠠᠨᠠᠭᠠ ᠪᠠᠨ ᠰᠡᠷᠭᠦᠭᠡᠬᠦ ᠳᠤ | ᠰᠦᠨᠦᠭᠰᠡᠨ ᠠᠭᠤᠯᠠᠰ ᠠᠮᠢᠯᠠᠳᠠᠭ | ᠰᠤᠭᠤᠨᠠᠭ ᠲᠠᠳᠠᠭᠰᠠᠭᠠᠷ ᠬᠠᠯᠢᠭᠰᠠᠨ ᠰᠤᠯᠢᠷ ᠤᠨ ᠬᠤᠶᠢᠨᠠ ᠠᠴᠠ ᠵᠠᠯᠪᠠᠷᠢᠬᠤ ᠳᠤ | ᠪᠤᠷᠬᠠᠨ ᠤ ᠭᠡᠷᠡᠯ ᠴᠠᠭᠢᠯᠳᠠᠭ | ᠮᠦᠩᠭᠡ ᠲᠡᠭᠷᠢ ᠰᠢᠭ ᠨᠢᠭᠤᠴᠠᠭᠠᠢ ᠮᠦᠷᠦᠭᠡᠳᠦᠯ ᠤᠨ ᠴᠡᠩᠭᠡᠷ ᠤᠷᠴᠢᠯᠠᠩ | ᠮᠢᠨᠦ ᠵᠡᠭᠦᠳᠦᠨ ᠳᠤ ᠭᠡᠷᠡᠯᠳᠦᠳᠡᠭ | ᠮᠦᠷᠡᠨ ᠭᠤᠤᠯ ᠰᠢᠭ᠋ ᠬᠦᠨᠵᠡᠭᠡᠢ ᠴᠠᠭ ᠬᠤᠭᠤᠴᠠᠭᠠᠨ ᠤ ᠤᠷᠤᠰᠬᠠᠯ | ᠨᠠᠮᠠ ᠶᠢ ᠲᠠᠭᠠᠷᠢᠵᠦ ᠦᠩᠭᠡᠷᠡᠳᠡᠭ ᠡ︕ | | | | |