ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠡᠭᠡᠯ ᠵᠢᠷ ᠤᠨ ᠭᠦᠮᠦᠨ ᠤ ᠡᠷᠭᠢᠮ ᠳᠡᠭᠡᠲᠦ ᠤᠶᠢᠯᠡ ᠠᠵᠢᠯᠯᠠᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/7/29
ᠲᠤᠩᠭᠠᠯᠠᠭ ᠨᠦᠭᠦᠷ ᠤᠨ ᠤᠶᠢᠯᠡ ᠶᠠᠪᠤᠳᠠᠯ ᠢ ᠳᠡᠮᠳᠡᠭᠯᠡᠪᠡ          ᠡᠭᠡᠯ ᠵᠢᠷ ᠤᠨ ᠭᠦᠮᠦᠨ ᠤ ᠡᠷᠭᠢᠮ ᠳᠡᠭᠡᠲᠦ ᠤᠶᠢᠯᠡ ᠠᠵᠢᠯᠯᠠᠭ᠎ᠠ                          — ᠲᠦᠴᠢᠨ ᠲᠦᠷᠪᠡᠨ ᠵᠢᠯ ᠤᠨ ᠡᠬᠡ ᠪᠠᠷᠢᠭᠴᠢ ᠪᠤᠶᠤ ᠡᠮᠴᠢᠯᠡᠵᠦ                          ᠶᠠᠪᠤᠭ᠎ᠠ ᠲᠤᠩᠭᠠᠯᠠᠭ ᠨᠦᠬᠦᠷ ᠤᠨ ᠵᠢᠱᠢᠶᠡᠴᠢ ᠤᠶᠢᠯᠡ ᠠᠵᠢᠯᠯᠠᠭ᠎ᠠ ᠠᠴᠠ                                                                          ᠮᠧᠳᠡᠭ        ᠦᠨᠢᠷ ᠪᠠᠶᠠᠯᠢᠭ ᠬᠡᠰᠢᠭᠲᠡᠨ ᠨᠤᠲᠤᠭ ᠤᠨ ᠪᠠᠶᠠᠨᠴᠠᠭᠠᠨ ᠰᠤᠮᠤ ᠶᠢᠨ ᠤᠤᠳᠤᠬᠤᠢ ᠭᠠᠴᠠᠭ᠎ᠠ ᠪᠠᠷ ᠨᠤᠲᠤᠭ ᠎ ᠲᠠᠢ ᠨᠢᠭᠡᠨ ︽ᠴᠠᠭᠠᠨ ᠬᠤᠪᠴᠠᠰᠦᠲᠦ ᠳᠡᠭᠷᠢ ᠶᠢᠨ ᠡᠯᠴᠢ︾ ᠪᠤᠢ᠂ ᠳᠡᠭᠦᠨ ᠤ ᠵᠢᠰᠦ ᠨᠢ ᠲᠤᠩᠭᠠᠯᠠᠭ᠂ ᠰᠡᠳᠭᠢᠯ ᠎ ᠨᠢ ᠲᠤᠩᠭᠠᠯᠠᠭ᠂ ᠤᠬᠠᠭᠠᠨ ᠨᠢ ᠲᠤᠩᠭᠠᠯᠠᠭ᠂ ᠳᠡᠭᠡᠲᠦᠰ ᠠᠴᠠ ᠬᠠᠶᠢᠷᠠᠯᠠᠭᠰᠠᠨ ᠠᠯᠳᠠᠷ ᠨᠢ ᠴᠦ ᠲᠤᠩᠭᠠᠯᠠᠭ᠂ ᠴᠡᠪᠡᠷ ᠴᠡᠮᠴᠡᠬᠡᠷ ᠮᠤᠩᠭᠤᠯ ᠪᠦᠰᠡᠭᠦᠢ᠃ ᠲᠤᠩᠭᠠᠯᠠᠭ ᠬᠠᠷᠠᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠵᠠᠩ ᠠᠭᠠᠯᠢ ᠯᠠᠪᠳᠠᠭᠤᠨ ᠲᠦᠪᠯᠡᠭᠦᠨ᠂ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠦᠮᠡᠨ ᠠᠷᠠᠳ ᠤᠨ ᠬᠠᠶᠢᠷ᠎ᠠ ᠶᠢ ᠳᠠᠳᠠᠭᠰᠠᠨ ︽ᠨᠤᠲᠤᠭ ᠎ ᠤᠨ ᠲᠤᠩᠭᠠᠯᠠᠭ ᠴᠡᠴᠡᠭ︾ ᠪᠠᠶᠢᠯ᠎ᠠ᠃ ᠬᠡᠲᠦᠶᠢᠪᠡᠷ ᠵᠢᠷᠠ ᠶᠢᠨ ᠳᠠᠪᠠᠭ᠎ᠠ ᠶᠢ ᠳᠠᠪᠠᠵᠦ ᠵᠠᠵᠢᠨ ᠦᠰᠦ ᠳᠤᠨᠢ ᠮᠦᠩᠭᠦᠨ ᠬᠢᠷᠠᠭᠤ ᠪᠠᠭᠤᠵᠦ ᠡᠭᠢᠯᠡᠭᠰᠡᠨ ᠴᠦ ᠮᠦᠨ ᠴᠦ ᠵᠠᠯᠠᠭᠤᠮᠰᠤᠭ ᠦᠩᠭᠡ ᠲᠦᠷᠬᠦ ᠪᠠᠨ ᠬᠠᠳᠠᠭᠠᠯᠠᠵᠦ᠂ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠳᠠᠭᠠᠨ ᠴᠡᠪᠡᠷ ᠲᠤᠩᠭᠠᠯᠠᠭ ᠰᠡᠳᠭᠢᠯ ᠢᠶᠠᠷ ᠴᠢᠷᠮᠡᠶᠢᠵᠦ ᠠᠵᠢᠯᠯᠠᠵᠦ ᠡᠮᠴᠢᠯᠡᠭᠰᠡᠭᠡᠷ ᠡ ᠁      ᠲᠤᠩᠭᠠᠯᠠᠭ 1959 ᠤᠨ ᠤ 10 ᠰᠠᠷ᠎ᠠ ᠶᠢᠨ 22᠎ ᠤ ᠡᠲᠦᠷ ᠤᠤᠳᠤᠬᠤᠢ ᠭᠠᠴᠠᠭᠠᠨ ᠤ ᠤᠤᠭᠠᠯ ᠴᠤᠭᠳᠡᠯᠭᠡᠷ ᠨᠤᠮᠢᠩᠬᠤᠸᠠᠷ ᠤᠨ ᠬᠡᠤᠭᠡᠳ ᠤᠨ ᠬᠢᠨᠢ ᠬᠤᠶᠠᠲᠤᠭᠠᠷ ᠬᠡᠤᠭᠡᠨ ᠪᠤᠯᠵᠦ ᠵᠠᠶᠠᠭᠠᠭᠰᠠᠨ ᠪᠢᠯᠡ᠃      ᠲᠤᠩᠭᠠᠯᠠᠭ ᠨᠦᠭᠦᠷ ᠬᠠᠷᠬᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠰᠤᠷᠴᠦ ᠮᠡᠳᠡᠬᠦ ᠲᠤᠷᠠᠲᠠᠢ ᠪᠠᠭ᠋ᠠᠲᠠᠢ ᠪᠠᠶᠢᠳᠠᠭ ᠪᠦᠭᠡᠳ ᠳᠡᠷᠡᠬᠦ ᠠᠯᠤᠰ ᠬᠡᠲᠦ ᠶᠢᠨ ᠬᠠᠷᠠᠴᠠ ᠳᠠᠭᠠᠨ ᠬᠦᠲᠦᠯᠦᠭᠲᠡᠨ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠠᠭᠠᠨ ᠤᠨᠴᠠ ᠰᠤᠷᠤᠯᠭᠠᠳᠠᠨ ᠤ ᠦᠷ᠎ᠡ ᠪᠦᠲᠦᠮᠵᠢ ᠪᠠᠷ ᠪᠠᠭᠰᠢ ᠨᠠᠷ ᠤᠨ ᠢᠶᠠᠨ ᠬᠠᠶᠢᠷ᠎ᠠ ᠬᠠᠮᠲᠦ ᠨᠦᠭᠦᠳ ᠤᠨ ᠢᠶᠠᠨ ᠬᠦᠷᠢᠶᠡᠯᠡᠯ ᠢ ᠤᠯᠤᠭᠰᠠᠭᠠᠷ ᠪᠠᠶᠢᠵᠠᠢ᠃ ᠬᠡᠪᠡᠴᠦ ᠡᠷᠢᠶᠡᠨ ᠪᠠᠷᠠᠭᠠᠨ ᠬᠤᠷᠸ᠎ᠠ ᠶᠢᠨ ᠦᠩᠭᠡ ᠪᠠᠷ ᠠᠪᠤ ᠡᠵᠢ ᠨᠢ ᠡᠷᠳᠡ ᠨᠠᠰᠦ ᠪᠠᠷᠠᠵᠦ ᠡᠷᠦᠭᠡ ᠭᠡᠷ ᠲᠤᠨᠢ ᠬᠦᠳᠡᠯᠮᠦᠷᠢ ᠬᠦᠴᠦ ᠦᠬᠡᠢ ᠠᠴᠠ ︽ᠰᠠᠨᠠᠭ᠎ᠠ ᠵᠢᠶᠠᠭ᠎ᠠ ᠨᠡᠶᠢᠴᠡᠬᠦ ᠦᠬᠡᠢ ᠰᠠᠬᠠᠯ ᠬᠦᠮᠦᠰᠬᠡ ᠨᠡᠶᠢᠯᠡᠬᠦ ᠦᠬᠡᠢ︾ ᠭᠡᠳᠡᠭ ᠨᠢ ᠪᠤᠯᠵᠦ᠂ ᠮᠠᠯᠴᠢᠨ ᠪᠤᠯᠬᠤ ᠵᠠᠮ ᠢ ᠡᠯᠭᠦᠭᠰᠡᠨ ᠪᠢᠯᠡ᠃ ᠲᠡᠷᠡ ᠵᠢᠯ ᠨᠢ ᠪᠠᠶᠠᠨᠴᠠᠭᠠᠨ ᠬᠦᠩᠱᠧ ᠶᠢᠨ ︽5·7︾ ᠳᠤᠮᠳᠠᠲᠦ ᠰᠤᠷᠭᠠᠭᠤᠯᠢ ᠳᠤ ᠳᠠᠪᠰᠢᠨ ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠤᠭ᠎ᠠ ᠬᠠᠮᠲᠦ ᠨᠦᠭᠦᠳ ᠨᠢ ᠲᠦᠷᠪᠡᠨ ᠮᠤᠷᠢ ᠬᠦᠯᠦᠭᠰᠡᠨ ᠳᠡᠷᠭᠡᠨ ᠳᠤ ᠰᠠᠭᠤᠯᠴᠠᠨ ᠶᠠᠪᠤᠭ᠎ᠠ ᠪᠠᠶᠠᠷ ᠪᠠᠶᠠᠰᠦᠯ ᠢ ᠬᠠᠷᠠᠭᠠᠳ ᠨᠢᠲᠦ ᠲᠦᠭᠦᠷᠡᠩ ᠨᠢᠯᠪᠦᠰᠦ ᠴᠡᠭᠡᠵᠢ ᠲᠦᠭᠦᠷᠡᠩ ᠤᠶᠠᠷᠠᠯ ᠲᠠᠢ ᠬᠤᠴᠤᠷᠤᠭᠰᠠᠨ ᠭᠡᠳᠡᠭ ᠢᠶᠠᠨ ᠤᠲᠤ ᠪᠤᠯᠲᠠᠯ᠎ᠠ ᠲᠤᠲᠤ ᠴᠡᠭᠡᠵᠢᠯᠡᠭᠰᠡᠭᠡᠷ ᠭᠡᠳᠡᠭ᠃ ᠲᠦᠴᠢᠨ ᠵᠢᠯ ᠡᠮᠴᠢ ᠶᠢᠨ ᠠᠵᠢᠯ ᠢ ᠭᠡᠨ ᠠᠴᠠ ᠴᠦ ᠳᠤᠳᠠᠭᠤ ᠦᠬᠡᠢ ᠬᠢᠭᠰᠡᠨ ᠴᠦ ᠠᠵᠢᠯᠲᠠᠨ ᠤ ᠤᠷᠤᠨ ᠲᠤᠭᠠᠨ ᠤ ᠬᠤᠪᠢᠶᠠᠷᠢᠯᠠᠯᠳᠠ ᠦᠯᠦ ᠨᠤᠭᠤᠭᠳᠠᠭᠰᠠᠨ ᠴᠦ ᠠᠵᠢᠯ ᠤᠶᠢᠯᠡᠰ ᠲᠡᠭᠡᠨ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠭ᠎ᠠ ᠨᠢ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠠᠯᠢ ᠨᠢᠭᠡᠨ ᠬᠠᠮᠲᠦ ᠠᠵᠢᠯᠯᠠᠭᠰᠠᠳ ᠠᠴᠠ ᠪᠠᠨ ᠬᠤᠴᠤᠷᠠᠭ᠎ᠠ ᠦᠬᠡᠢ ᠨᠢ ᠮᠡᠳᠡᠭᠡᠵᠢ᠃      ᠲᠤᠩᠭᠠᠯᠠᠭ ᠨᠦᠭᠦᠷ 1975 ᠤᠨ ᠳᠤ ᠤᠤᠳᠤᠬᠤᠢ ᠭᠠᠴᠠᠭᠠᠨ ᠤ ᠬᠦᠯ ᠨᠢᠴᠦᠭᠦᠨ ᠡᠮᠴᠢ ᠶᠢᠨ ᠠᠵᠢᠯ ᠤᠨ ᠪᠠᠶᠢᠷᠢ ᠠᠪᠴᠦ᠂ ᠪᠠᠶᠠᠨᠴᠠᠭᠠᠨ ᠨᠢᠭᠡᠲᠦᠯ ᠤᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠦᠷᠴᠦ ᠰᠤᠷᠤᠯᠴᠠᠵᠦ᠂ ᠠᠩᠬᠠᠨ ᠤ ᠵᠠᠮ ᠢᠶᠠᠨ ᠡᠯᠭᠦᠵᠠᠢ᠃ ᠬᠠᠲᠠᠭᠤᠵᠢᠯᠲᠠᠢ ᠴᠢᠷᠮᠡᠶᠢᠯᠭ᠎ᠠ ᠨᠢ ᠳᠡᠭᠦᠨ ᠤ ᠪᠠᠷᠢᠮᠲᠠᠯᠠᠯ᠃ ᠲᠡᠷᠡ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠤᠨᠤᠰᠴᠦ ᠰᠤᠷᠤᠯᠴᠠᠨ ᠳᠡᠮᠳᠡᠭᠯᠡᠯ ᠬᠢᠵᠦ ᠬᠡᠷᠪᠡ ᠬᠦᠴᠢᠷ ᠪᠠᠶᠢᠪᠠᠯ ᠤᠷᠤᠢ ᠨᠢ ᠤᠯᠠᠭᠠᠨᠴᠡᠴᠡᠭ ᠪᠠᠭᠰᠢ ᠪᠠᠷ ᠤᠩᠰᠢᠯᠭ᠎ᠠ ᠪᠢᠴᠢᠯᠭᠡ ᠵᠡᠷᠭᠡ ᠶᠢ ᠵᠢᠭᠠᠯᠭᠠᠨ ᠠᠪᠳᠠᠭ᠃ ᠳᠡᠭᠦᠨ ᠤ ᠡᠮᠨᠡᠯᠭᠡ ᠶᠢᠨ ᠲᠤᠬᠠᠢ ᠪᠠᠭᠰᠢ ᠨᠢ ᠬᠡᠭᠦᠯ᠎ᠡ ᠸᠠᠸ᠎ᠠ᠂ ᠡᠷᠳᠡᠨᠢᠪᠠᠶᠠᠷ ᠮᠠᠨᠠᠢ ᠪᠠᠶᠢᠵᠦ᠂ ᠰᠤᠶᠤᠯ ᠤᠨ ᠬᠠᠪᠰᠤᠷᠤᠨ ᠵᠢᠯᠤᠭᠤᠲᠤᠭᠴᠢ ᠨᠢ ᠤᠯᠠᠭᠠᠨᠴᠡᠴᠡᠭ ᠪᠠᠭᠰᠢ ᠪᠠᠶᠢᠪᠠ᠃ ᠬᠠᠳᠠᠭᠤᠵᠢᠯᠲᠠᠢ ᠴᠡᠷᠮᠡᠶᠢᠯᠭ᠎ᠠ ᠨᠢ ᠳᠡᠭᠦᠨ ᠢ ᠭᠤᠮᠤᠳᠠᠭᠠᠭᠰᠠᠨ ᠦᠬᠡᠢ᠂ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠤ ᠲᠤᠲᠤᠷ᠎ᠠ ᠮᠠᠰᠢ ᠤᠯᠠᠨ ᠮᠡᠳᠡᠯᠭᠡ ᠶᠢ ᠰᠤᠷᠴᠦ ᠡᠵᠡᠮᠰᠢᠨ᠂ ᠤᠶᠢᠯᠲᠦᠯᠭᠡᠵᠢᠭᠦᠯᠵᠦ ᠵᠤᠷᠢᠭᠲᠠᠢ ᠪᠠᠷ ᠭᠠᠴᠠᠭᠠᠨ ᠳᠠᠭᠠᠨ ᠪᠤᠴᠠᠵᠦ ᠡᠮᠴᠢᠯᠡᠬᠦ ᠠᠵᠢᠯ ᠢᠶᠠᠨ ᠡᠭᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ᠲᠡᠷᠡ ᠠᠵᠢᠯᠯᠠᠬᠤ ᠳᠤᠮᠳᠠ ᠪᠠᠨ ᠠᠬᠠᠮᠠᠳ ᠡᠮᠴᠢ ᠪᠢᠯᠢᠭᠦᠨ᠂ ᠶᠢᠨ ᠱᠠᠨ ᠭᠤᠸᠠᠢ ᠠᠴᠠ ᠲᠠᠭᠠᠨ ᠰᠤᠷᠤᠯᠴᠠᠵᠦ᠂ ᠡᠮᠴᠢᠯᠡᠬᠦ ᠳᠤᠮᠳᠠ ᠪᠠᠨ ᠪᠠᠶᠠᠯᠢᠭ ᠲᠤᠷᠰᠢᠯᠭ᠎ᠠ ᠬᠤᠷᠠᠮᠲᠤᠭᠤᠯᠵᠦ᠂ ᠮᠡᠳᠡᠯᠭᠡ ᠮᠡᠳᠡᠴᠡ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ ᠯᠡ ᠪᠠᠶᠢᠯ᠎ᠠ᠃      ᠠᠵᠢᠯ ᠤᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠪᠤᠯ ᠬᠡᠵᠢᠶ᠎ᠡ ᠬᠡᠨ ᠳᠠᠭᠤᠳᠠᠭᠰᠠᠨ ᠴᠦ ᠤᠷᠤ ᠲᠤᠤᠷ᠎ᠠ ᠨᠢ ︽ᠵᠠ︾ ᠭᠡᠵᠦ ᠬᠦᠷᠦᠭᠡᠳ ᠤᠴᠢᠳᠠᠭ᠃ ᠳᠡᠭᠦᠨ ᠤ ᠳᠡᠷᠡᠭᠦ ᠠᠵᠢᠯ ᠳᠠᠭᠠᠨ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ᠂ ᠬᠠᠳᠠᠭᠤᠵᠢᠯᠲᠠᠢ ᠴᠡᠷᠮᠡᠶᠢᠵᠦ᠂ ᠳᠡᠪᠴᠢᠶᠡᠷᠢᠲᠠᠢ ᠤᠶᠢᠯᠡᠴᠢᠯᠡᠳᠡᠭ ᠵᠡᠷᠭᠡ ᠪᠠᠶᠢᠳᠠᠯ ᠢ ᠮᠡᠳᠡᠭᠰᠡᠨ ᠤᠲᠤᠷᠢᠲᠤᠯᠭ᠎ᠠ ᠳᠡᠭᠦᠨ ᠳᠤ ᠳᠠᠪᠬᠤᠷ ᠡᠭᠦᠷᠭᠡ ᠤᠨᠤᠭᠳᠠᠭᠤᠯᠵᠦ᠂ 81 ᠤᠨ ᠳᠤ ᠬᠤᠰᠢᠭᠤᠨ ᠤ ᠡᠭᠡ ᠨᠢᠯᠬᠠᠰ ᠤᠨ ᠦᠷᠳᠡᠭᠡᠨ ᠳᠤ 6 ᠰᠠᠷ᠎ᠠ ᠰᠤᠷᠤᠯᠴᠠᠭᠤᠯᠵᠦ᠂ ᠤᠷᠢᠳ ᠬᠤᠵᠢᠳ ᠬᠤᠰᠢᠭᠤᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ᠂ ᠳᠠᠯᠠᠶᠢᠨᠠᠭᠤᠷ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠳᠤ ᠪᠤᠯᠪᠠᠰᠦᠷᠠᠯ ᠬᠢᠯᠭᠡᠳᠡᠭ ᠳᠡᠷᠡᠬᠦ ᠤᠯᠳᠠᠬᠤᠶ᠎ᠠ ᠪᠡᠷᠭᠡ ᠰᠤᠷᠤᠯᠴᠠᠵᠦ ᠳᠡᠭᠡᠭᠰᠢᠯᠡᠭᠦᠯᠬᠦ ᠠᠵᠠ ᠲᠤᠭᠢᠶᠠᠯ ᠢ ᠨᠠᠨᠳᠢᠩᠨᠠᠨ ᠠᠳᠬᠤᠵᠦ ᠪᠠᠶᠢᠪᠠ᠃      ᠲᠤᠩᠭᠠᠯᠠᠭ ᠨᠦᠭᠦᠷ ᠤᠤᠳᠤᠬᠤᠢ ᠭᠠᠴᠠᠭᠠᠨ ᠳᠠᠭᠠᠨ ︵ᠤᠷᠢᠳ ᠬᠤᠵᠢᠳ︶ ᠬᠤᠷᠢ ᠰᠢᠬᠠᠮ ᠵᠢᠯ ᠢ ᠨᠢᠭᠡ ᠡᠲᠦᠷ ᠮᠡᠲᠦ ᠵᠢᠳᠭᠦᠵᠦ ᠠᠵᠢᠯᠯᠠᠪᠠ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠬᠤᠰᠢᠭᠤ ᠳᠡᠰ ᠤᠨ ︽3 · 8︾᠎ ᠶᠢᠨ ᠤᠯᠠᠭᠠᠨ ᠲᠤᠭᠴᠢ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷ ᠤᠨ ᠳᠡᠮᠳᠡᠭ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠵᠦ ᠶᠠᠪᠤᠭᠰᠠᠨ᠃      ᠳᠡᠷᠡ 1984 — 2001 ᠤᠨ ᠬᠦᠷᠳᠡᠯ᠎ᠡ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠡᠬᠡ ᠨᠢᠯᠬᠠᠰ ᠤᠨ ᠠᠵᠢᠯ ᠢ ᠬᠢᠬᠦ ᠶᠢᠨ ᠳᠠᠭᠠᠤ ᠰᠠᠩ ᠬᠠᠮᠢᠶᠠᠷᠤᠭᠴᠢ ᠶᠢᠨ ᠠᠵᠢᠯ ᠢ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠦ᠂ 14 ᠵᠢᠯ ᠎ ᠢ ᠠᠷᠤ ᠳᠠᠭᠠᠨ ᠡᠪᠬᠢᠭᠰᠡᠨ ᠪᠠᠶᠢᠨ᠎ᠠ᠃      ᠲᠤᠩᠭᠠᠯᠠᠭ ᠨᠦᠬᠦᠷ ᠶᠠᠮᠠᠷᠴᠦ ᠦᠨᠲᠦᠷ ᠳᠡᠰ ᠤᠨ ᠰᠤᠷᠤᠯᠭ᠎ᠠ ᠶᠢᠨ ᠨᠠᠮᠳᠠᠷ ᠦᠬᠡᠢ᠂ ᠬᠦᠳᠡᠭᠡ ᠲᠤᠰᠬᠤᠨ ᠤ ᠬᠦᠯ ᠨᠢᠴᠦᠭᠦᠨ ᠡᠮᠴᠢ ᠶᠢᠨ ᠠᠵᠢᠯ ᠤᠨ ᠡᠭᠢᠯᠡᠯᠳᠡ ᠲᠠᠢ ︵ᠤᠲᠤ ᠴᠦ ᠭᠦᠯ ᠨᠢᠴᠦᠭᠦᠨ ᠡᠮᠴᠢ ᠬᠡᠬᠦ ᠤᠤ︶ ᠬᠦᠯᠦᠰᠦ ᠤᠯᠭᠤᠮᠵᠢ ᠶᠢ ᠦᠯᠦ ᠬᠦᠭᠡᠭᠡᠴᠡᠯᠲᠦᠨ ᠲᠦᠴᠢᠨ ᠲᠦᠷᠪᠡᠨ ᠬᠠᠪᠤᠷ ᠨᠠᠮᠤᠷ ᠢ ᠦᠳᠡᠵᠦᠬᠦᠢ᠃ ᠤᠲᠤ ᠴᠦ ᠡᠷᠢᠶᠡᠨ ᠬᠤᠳᠠᠨ᠎ᠠ ᠰᠠᠭᠤᠵᠦ ᠳᠤᠮᠳᠠᠲᠦ ᠮᠤᠩᠭᠤᠯ ᠤᠨ ᠬᠦᠮᠦᠨ ᠠᠷᠠᠳ ᠤᠨ ᠡᠷᠡᠭᠦᠯ ᠮᠡᠨᠲᠦ ᠶᠢᠨ ᠲᠦᠯᠦᠭᠡᠨ᠎ᠡ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠭᠦᠭᠰᠡᠭᠡᠷ ᠁ ᠬᠡᠲᠦᠶᠢᠪᠡᠷ ᠵᠢᠷᠠ ᠶᠢᠨ ᠳᠠᠪᠠᠭ᠎ᠠ ᠶᠢ ᠳᠠᠪᠠᠭᠰᠠᠨ ᠴᠦ ᠮᠦᠨ ᠯᠡ ᠡᠪᠡᠳᠴᠢᠲᠡᠨ ᠯᠡ ᠭᠡᠪᠡᠯ ᠬᠦᠯ ᠬᠦᠩᠭᠡᠷᠡᠵᠦ ᠬᠢᠷᠢ ᠪᠠᠷᠤᠭ ᠤᠨ ᠵᠠᠯᠠᠭᠤᠰ ᠲᠤ ᠠᠪᠳᠠᠬᠤ ᠦᠬᠡᠢ ᠠᠵᠢᠯᠯᠠᠭᠰᠠᠭᠠᠷ ᠁ ᠮᠦᠨᠴᠦ ᠮᠠᠰᠢ ᠤᠯᠠᠨ ᠡᠪᠡᠳᠴᠢᠲᠡᠨ ᠡᠨᠡᠬᠦ ᠬᠦᠯ ᠨᠢᠴᠦᠭᠦᠨ ᠡᠮᠴᠢ ᠶᠢ ᠶᠠᠮᠠᠷ ᠨᠢᠭᠡᠨ ᠨᠡᠷᠡᠲᠦ ᠡᠮᠴᠢ ᠠᠴᠠ ᠲᠤᠤᠷ᠎ᠠ ᠦᠬᠡᠢ ᠦᠵᠡᠵᠦ ᠰᠢᠲᠦᠨ ᠪᠢᠰᠢᠷᠡᠵᠦ ᠡᠪᠡᠳᠴᠢᠨ ᠢᠶᠠᠨ ᠦᠵᠡᠭᠦᠯᠵᠦ ᠡᠮᠴᠢᠯᠡᠭᠦᠯᠬᠦ ᠬᠦᠮᠦᠰ ᠴᠤᠪᠤᠷᠠᠭᠰᠠᠭᠠᠷ ᠁ ᠠᠳᠡ ᠲᠤᠩᠭᠠᠯᠠᠭ ᠨᠦᠬᠦᠷ ᠤᠨ 44 ᠵᠢᠯ ᠤᠨ ᠲᠤᠷᠰᠢᠳᠠ ︽ᠴᠠᠭᠠᠨ ᠬᠤᠪᠴᠠᠰᠦ ᠲᠠᠢ ᠳᠡᠭᠷᠢ ᠶᠢᠨ ᠡᠯᠴᠢ︾ ᠶᠠᠪᠤᠭ᠎ᠠ ᠠᠵᠢᠯ ᠤᠨ ᠳᠤᠮᠳᠠ ᠠᠴᠠ ᠴᠦᠭᠡᠨ ᠬᠡᠲᠦᠨ ᠵᠢᠱᠢᠶ᠎ᠡ ᠲᠤᠷᠠᠲᠤᠰᠤᠭᠠᠢ︕      ᠨᠢᠭᠡ᠂ ᠰᠠᠷᠠ ᠲᠠᠢ ᠰᠦᠨᠢ ᠶᠢᠨ ᠬᠡᠭᠡᠷ᠎ᠡ ᠶᠢᠨ ᠪᠡᠷᠭᠡ ᠬᠦᠩᠭᠡᠵᠢᠯᠳᠡ      ᠤᠲᠤ ᠶᠢᠨ ᠬᠦᠭᠡ ᠰᠢᠯᠢ ᠭᠠᠴᠠᠭᠠᠨ ᠤ ᠶᠢᠨ ᠮᠤᠤ ᠴᠦᠨ ᠤ ᠬᠡᠤᠭᠡᠨ ᠨᠢ ᠪᠡᠷᠭᠡ ᠬᠦᠩᠭᠡᠵᠢᠯᠳᠡ ᠪᠤᠯᠵᠦ ︵ᠪᠦᠭᠰᠡ ᠪᠠᠷ ᠢᠶᠠᠨ ᠬᠠᠪᠰᠤᠷᠭᠠᠨ ᠢᠷᠡᠬᠦ︶ ᠵᠠᠯᠯᠠᠭ᠎ᠠ ᠢᠷᠡᠪᠡ᠃ ᠨᠢᠭᠡ ᠭᠠᠴᠠᠭᠠᠨ ᠤ ᠪᠢᠰᠢ ᠮᠦᠷᠳᠡᠭᠡᠨ ᠦᠭᠡ ᠶᠢ ᠎ ᠨᠢ ᠴᠦ ᠳᠡᠶᠢᠮᠦ ᠰᠠᠶᠢᠨ ᠮᠡᠳᠡᠭᠦ ᠦᠬᠡᠢ ᠤᠴᠢᠷ ᠭᠡᠷ ᠤᠨ ᠬᠦᠮᠦᠰ ᠨᠢ ᠴᠦ ᠶᠠᠪᠤᠭᠤᠯᠬᠤ ᠶᠢ ᠲᠦᠪᠡᠭᠰᠢᠶᠡᠵᠦ ᠪᠠᠶᠢᠭᠰᠠᠨ ᠴᠦ ᠭᠦᠮᠦᠨ ᠤ ᠬᠦᠴᠢᠷ ᠵᠤᠪᠠᠭᠤᠷᠢ ᠶᠢ ᠦᠵᠡᠵᠦ ᠴᠢᠳᠠᠬᠤ ᠪᠦᠭᠡᠳ ᠨᠡᠩ ᠢᠯᠠᠩᠭᠤᠶ᠎ᠠ ᠦᠭᠦᠵᠦ ᠲᠦᠷᠦᠭᠦ ᠶᠢᠨ ᠲᠤᠬᠠᠢ ᠰᠠᠶᠢᠨ ᠤᠶᠢᠯᠠᠭᠠᠳᠠᠭ ᠠᠴᠠ ᠵᠠᠯᠠᠭᠰᠠᠳ ᠤᠨ ᠭᠡᠷ ᠲᠤᠨᠢ ᠤᠴᠢᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠎ ᠤᠨ ᠪᠡᠯᠡᠳᠬᠡᠯ ᠲᠦᠭᠦᠭᠡᠷᠦᠮᠵᠢ ᠭᠡᠵᠦ ᠬᠠᠶᠢᠴᠢ᠂ ᠬᠢᠮᠰᠠ᠂ ᠤᠷᠢᠶᠠᠵᠦ ᠤᠶᠤᠬᠤ ᠪᠤᠶᠤ ᠪᠠᠭ᠎ᠠ ᠰᠠᠭ᠎ᠠ ᠬᠠᠳᠬᠤᠬᠤ ᠡᠮ᠂ ᠬᠠᠪᠰᠤᠷᠤᠭᠴᠢ ᠨᠢ ᠵᠢᠷᠠᠭᠠᠳ ᠨᠠᠰᠦᠨ ᠤ ᠭᠠᠷ ᠳᠡᠮ ᠲᠠᠢ ᠡᠪᠦᠭᠡᠨ ᠶᠠᠮᠠᠷᠴᠦ ᠪᠠᠲᠤᠯᠠᠭ᠎ᠠ ᠦᠬᠡᠢ ᠤᠴᠢᠷ ᠠᠴᠠ ᠲᠤᠬᠠᠢ ᠦᠶ᠎ᠡ ᠶᠢᠨ ᠪᠠᠶᠠᠩᠭᠤᠤᠯ ᠰᠤᠮᠤᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠬᠦᠷᠬᠡᠬᠦ ᠪᠤᠯᠤᠭᠰᠠᠨ ᠠᠴᠠ ᠭᠤᠤᠯ ᠡᠮᠴᠢ ᠶᠢᠨ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠷ ᠲᠷᠠᠺᠲ᠋ᠤᠷ ᠲᠤ ᠰᠠᠭᠤᠯᠴᠠᠵᠦ ᠪᠠᠶᠠᠩᠭᠤᠤᠯ ᠳᠤ ᠬᠦᠷᠬᠦ ᠵᠠᠮ ᠢᠶᠠᠨ ᠡᠯᠭᠦᠵᠠᠢ᠃ ︽ᠭᠠᠢ ᠭᠠᠵᠠᠷ ᠲᠤᠤᠷ᠎ᠠ ᠠᠴᠠ︾ ᠬᠡᠳᠡᠭ ᠢᠶᠠᠷ ᠬᠠᠭᠠᠰ ᠵᠠᠮ ᠳᠤ ᠳᠡᠷᠭᠡᠨ ᠳᠤᠨᠢ ᠬᠡᠮᠲᠦᠯ ᠭᠠᠷᠴᠦ ᠬᠡᠨᠡᠳᠳᠡ ᠭᠠᠯ ᠨᠢ ᠤᠨᠲᠠᠷᠠᠨ ᠳᠠᠰ ᠵᠤᠭᠰᠤᠵᠠᠢ᠃ ᠪᠦᠰᠡᠭᠦᠢ ᠴᠦ ᠰᠢᠷᠦᠭᠦᠯᠵᠦ ᠡᠪᠡᠳᠴᠦ ᠡᠭᠢᠯᠡᠯ᠎ᠡ᠂ ᠤᠲᠤ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠡᠨᠡᠬᠦ ᠪᠠᠴᠢᠮ ᠦᠶ᠎ᠡ ᠳᠤ ᠡᠭᠡ ᠬᠡᠤᠭᠡᠳ ᠤᠨ ᠲᠦᠯᠦᠭᠡ ᠪᠤᠲᠤᠵᠦ ᠪᠠᠶᠢᠭᠰᠠᠨ ᠠᠴᠠ ᠪᠢᠰᠢ ᠦᠭᠡᠷ᠎ᠡ ᠶᠠᠮᠠᠷ ᠴᠦ ᠰᠡᠳᠭᠢᠯ ᠪᠠᠶᠢᠭᠰᠠᠨ ᠦᠬᠡᠢ᠃ ᠬᠡᠲᠦᠨ ᠮᠡᠳᠡᠳᠡᠭ ᠬᠢᠲᠠᠳ ᠦᠭᠡ ᠪᠠᠨ ᠪᠦᠬᠦᠳᠡ ᠶᠢ ᠵᠠᠷᠤᠵᠦ᠂ ᠮᠡᠳᠡᠵᠦ ᠡᠵᠡᠮᠰᠢᠭᠰᠡᠨ ᠮᠡᠷᠭᠡᠵᠢᠯ ᠢᠶᠠᠨ ᠪᠦᠬᠦᠨ ᠢ ᠬᠡᠷᠡᠭᠯᠡᠵᠦ ᠬᠡᠨᠡᠳᠲᠡ ᠮᠡᠳᠡᠭᠦᠯ᠎ᠡ ᠬᠠᠷᠢᠨ ᠬᠡᠤᠭᠡᠳ ᠢ ᠠᠮᠤᠷ ᠮᠡᠨᠲᠦ ᠲᠤᠰᠴᠢᠬᠠᠭᠰᠠᠨ ᠪᠠᠶᠢᠯ᠎ᠠ᠃ ᠲᠤᠩᠭᠠᠯᠠᠭ ᠰᠠᠷᠠᠨ ᠤ ᠪᠦᠳᠡᠬᠢ ᠭᠡᠷᠡᠯ ᠵᠢᠴᠢ ᠭᠠᠷ ᠳ᠋ᠧᠩ ᠤᠨ ᠬᠡᠷᠡᠯ ᠢ ᠠᠰᠢᠭᠯᠠᠵᠦ ᠬᠡᠤᠭᠡᠳ ᠤᠨ ᠭᠦᠢᠰᠦ ᠶᠢ ᠤᠭᠲᠤᠯᠤᠨ ᠪᠤᠭᠤᠵᠦ ᠡᠬᠡ ᠶᠢᠨ ᠬᠢᠨᠢ ᠠᠯᠢᠪᠠ ᠶᠢ ᠴᠡᠪᠡᠷᠯᠡᠵᠦ ᠠᠮᠵᠢᠪᠠ᠃ ᠲᠡᠷᠡ ᠪᠤᠷᠬᠠᠨ ᠳᠡᠭᠷᠢ ᠶᠢᠨ ᠠᠪᠤᠷᠠᠯ ᠡ ᠭᠡᠵᠦ ᠳᠠᠭᠠᠳᠬᠠᠨ ᠬᠡᠨᠡᠳᠳᠡ ᠮᠡᠳᠡᠭᠦᠯ᠎ᠡ ᠬᠠᠪᠤᠷ ᠤᠨ ᠭᠦᠢᠲᠡᠨ ᠰᠦᠨᠢ ᠬᠠᠮᠤᠭ ᠪᠡᠶ᠎ᠡ ᠠᠴᠠ ᠨᠢ ᠬᠦᠯᠦᠰᠦ ᠠᠰᠬᠠᠷᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠰᠠᠶ᠋ᠢ ᠠᠵᠢᠶᠠᠷᠠᠪᠠ᠃ ᠡᠨᠡ ᠨᠢ ᠳᠡᠭᠦᠨ ᠤ ᠶᠡᠷᠦ ᠪᠤᠰᠦ ᠶᠢᠨ ᠯᠠᠪᠳᠠᠭᠤᠨ ᠲᠤᠭᠲᠠᠭᠤᠨ ᠬᠢᠨᠠᠮᠠᠭᠠᠢ ᠪᠠᠶᠢᠳᠠᠭ ᠵᠠᠩ ᠴᠢᠨᠠᠷ ᠠᠴᠠ ᠰᠢᠯᠲᠠᠭᠠᠯᠠᠭᠳᠠᠭᠰᠠᠨ ᠪᠠᠶᠢᠬ᠎ᠠ᠃ ︽ᠲᠡᠷᠡ ᠴᠠᠭ ᠲᠤ ᠪᠦᠰᠡᠭᠦᠢ ᠪᠢᠳᠡ ᠬᠤᠶᠠᠷ ᠨᠢᠭᠡ ᠴᠤᠭᠴᠠᠰ ᠪᠤᠯᠵᠦ᠂ ᠬᠦᠴᠦ ᠳᠠᠮᠢᠷ᠂ ᠳᠡᠮ ᠳᠡᠮᠨᠡᠯᠭᠡ ᠪᠦᠷᠢᠮᠦᠰᠦᠨ ᠨᠢᠭᠡᠳᠴᠦ ᠴᠢᠳᠠᠭᠰᠠᠨ︾ ᠎ ᠳᠤ ᠪᠠᠶᠢᠯ᠎ᠠ ᠭᠡᠵᠦ ᠪᠠᠶᠢᠪᠠ᠃ ᠢᠩᠭᠢᠵᠦ ᠬᠦᠳᠡᠭᠡ ᠭᠠᠳᠠᠭ᠎ᠠ ᠬᠦᠢᠲᠡᠨ ᠰᠦᠨᠢ ᠭᠠᠷᠤᠭᠰᠠᠨ ᠴᠦ ᠶᠠᠮᠠᠷᠴᠦ ᠭᠡᠮ ᠠᠷᠬᠠᠭ ᠦᠬᠡᠢ ᠡᠷᠡᠭᠦᠯ ᠰᠠᠷᠠᠭᠤᠯ ᠬᠦᠦ ᠤᠲᠤ ᠭᠤᠴᠢ ᠭᠠᠷᠴᠦ ᠬᠡᠤᠭᠡᠳ ᠤᠨ ᠠᠪᠤ ᠪᠤᠯᠴᠢᠬᠠᠭᠰᠠᠨ ᠯᠡ ᠪᠠᠶᠢᠬ᠎ᠠ᠃ ︽ᠤᠲᠤ ᠪᠤᠲᠤᠪᠠᠯ ᠠᠶᠢᠳᠠᠰᠦ ᠬᠦᠷᠬᠦ ᠶᠤᠮ᠂ ᠬᠤᠶᠠᠷ ᠬᠦᠮᠦᠨ ᠤ ᠠᠮᠢ ᠨᠠᠰᠦ ᠰᠢᠦ︾ ᠬᠡᠳ ᠤᠷᠲᠦ ᠭᠡᠭᠴᠢ ᠠᠮᠢᠰᠬᠤᠭ᠎ᠠ ᠠᠪᠴᠦ ᠪᠠᠶᠢᠯ᠎ᠠ᠃      ᠬᠤᠶᠠᠷ᠂ ᠬᠦᠨᠲᠦ ᠬᠡᠴᠡᠭᠦᠦ ᠪᠡᠷᠭᠡ ᠬᠦᠩᠭᠡᠵᠢᠯᠳᠡ      2004 ᠤᠨ ᠤ ᠦᠶ᠎ᠡ ᠳᠤ ︵ᠪᠠᠶᠠᠨᠴᠠᠭᠠᠨ ᠠᠴᠠ ᠤᠤᠳᠤᠬᠤᠢ ᠳᠤ ᠪᠤᠴᠠᠭᠰᠠᠨ ᠦᠶ᠎ᠡ ᠳᠤ︶ ᠤᠤᠳᠤᠬᠤᠢ ᠭᠠᠴᠠᠭᠠᠨ ᠤ ᠦᠯᠵᠡᠢ ᠶᠢᠨ ᠬᠦᠦ ᠪᠡᠷᠢ ᠨᠢ ᠪᠡᠷᠬᠡ ᠭᠦᠩᠭᠡᠵᠢᠯᠳᠡ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠤ ᠴᠢᠰᠦ ᠪᠠᠭᠠᠵᠦ ᠪᠦᠲᠦᠭᠦᠨ ᠬᠦᠮᠦᠨ ᠤ ᠬᠢᠨᠢ ᠠᠮᠢ ᠴᠦ ᠬᠢᠯᠭᠠᠰᠦᠨ ᠲᠦᠷᠦᠭᠡᠨ ᠳᠡᠭᠡᠷ᠎ᠡ ᠪᠠᠶᠢᠵᠦ᠂ ᠬᠤᠶᠠᠷ ᠶᠠᠰᠦ ᠶᠢ ᠰᠠᠯᠭᠠᠵᠦ ᠡᠬᠡ ᠶᠢᠨ ᠬᠢᠨᠢ ᠠᠮᠢ ᠨᠠᠰᠦ ᠶᠢ ᠪᠠᠲᠤᠯᠠᠬᠤ ᠶᠢ ᠭᠡᠷ ᠤᠨ ᠬᠢᠨᠢ ᠬᠦᠮᠦᠰ ᠳᠡᠭᠦᠨ ᠳᠤ ᠨᠠᠶᠢᠳᠠᠵᠦ ᠪᠠᠶᠢᠭᠰᠠᠨ ᠵᠠᠶᠢᠯᠠᠭᠤᠯᠵᠦ ᠪᠤᠯᠤᠰᠢ ᠦᠬᠡᠢ ᠤᠴᠢᠷ ᠪᠦᠭᠡᠳ ᠦᠭᠡᠷ᠎ᠡ ᠶᠠᠮᠠᠷᠴᠦ ᠠᠷᠭ᠎ᠠ ᠠᠪᠴᠠᠯ ᠠᠪᠬᠤ ᠪᠤᠯᠤᠯᠴᠠᠭ᠎ᠠ ᠦᠬᠡᠢ ᠪᠠᠶᠢᠳᠠᠯ ᠲᠤᠤᠷ᠎ᠠ ᠲᠤᠩᠭᠠᠯᠠᠭ ᠨᠦᠭᠦᠷ ᠶᠡᠷᠦ ᠪᠤᠰᠦ ᠶᠢᠨ ᠯᠠᠪᠳᠠᠭᠤᠨ ᠲᠤᠭᠲᠠᠭᠤᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠴᠢᠷᠮᠠᠶᠢᠭᠰᠠᠨ ᠎ ᠤ ᠳ᠋ᠦᠩ ᠳᠤ ᠬᠠᠷᠢᠨ ᠰᠠᠨᠠᠭᠰᠠᠨ ᠠᠴᠠ ᠭᠠᠳᠠᠭᠤᠷ ᠡᠭᠡ ᠬᠡᠤᠭᠡᠳ ᠬᠤᠶᠠᠭᠤᠯᠠ ᠶᠢᠨ ᠠᠮᠢ ᠨᠠᠰᠦ ᠶᠢ ᠪᠠᠲᠤᠯᠠᠵᠦ ᠠᠪᠴᠠᠢ᠃ ᠬᠠᠳᠠᠮ ᠡᠵᠡᠢ ᠨᠢ ᠰᠧᠴᠢᠭᠡ ᠡᠭᠡᠴᠢ ᠨᠢᠯᠪᠤᠰᠦ ᠪᠦᠮᠪᠦᠷᠢᠭᠦᠯᠦᠨ ᠨᠠᠳᠠ ᠳᠤ ᠶᠠᠭᠠᠬᠢᠵᠦ ᠲᠠᠯᠠᠷᠬᠠᠬᠤ ᠪᠠᠨ ᠤᠯᠬᠤ ᠦᠬᠡᠢ ᠪᠠᠶᠢᠭᠰᠠᠨ ᠪᠢᠯᠡ ᠭᠡᠵᠦ ᠪᠠᠶᠢᠪᠠ᠃ ᠲᠤᠩᠭᠠᠯᠠᠭ ᠨᠦᠬᠦᠷ 19 — 50 ᠨᠠᠰᠦ ᠬᠦᠷᠳᠡᠯ᠎ᠡ ᠡᠭᠡ ᠪᠠᠷᠢᠭᠴᠢ ᠶᠢᠨ ᠠᠵᠢᠯ ᠢ ᠭᠤᠤᠯᠳᠠᠯᠭ᠎ᠠ ᠪᠤᠯᠭᠠᠨ ᠭᠢᠭᠰᠡᠨ ᠤ ᠬᠢᠨ ᠬᠠᠮᠤᠭ ᠡᠴᠦᠰ ᠤᠨ ᠬᠢᠨᠢ ᠤᠳᠠᠭ᠎ᠠ ᠪᠤᠯᠤᠨ᠎ᠠ ᠭᠡᠵᠦ ᠶᠠᠭ ᠶᠠᠮᠠᠷ ᠬᠡᠴᠡᠭᠦᠦ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠬᠡᠮᠡᠷ ᠤᠷᠲᠦᠬᠠᠨ ᠠᠮᠢᠰᠬᠤᠵᠦ ᠪᠠᠶᠢᠪᠠ᠃ ᠢᠩᠭᠢᠭᠡᠳ ᠯᠡ ᠡᠭᠡ ᠪᠠᠷᠢᠭᠴᠢ ᠶᠢᠨ ᠠᠵᠢᠯ ᠢᠶᠠᠨ ᠡᠰᠡᠨ ᠮᠡᠨᠲᠦ ᠰᠡᠭᠦᠯ ᠬᠤᠷᠢᠶᠠᠭᠰᠠᠨ ᠭᠡᠳ ᠪᠠᠶᠠᠷ ᠲᠠᠢ ᠢᠨᠢᠶᠡᠪᠡ᠃      ᠭᠤᠷᠪᠠ᠂ ᠵᠢᠯ ᠤᠨ ᠰᠡᠭᠦᠯᠴᠢ ᠶᠢᠨ ᠪᠡᠷᠭᠡ ᠬᠦᠩᠭᠡᠵᠢᠯᠳᠡ      ᠵᠢᠯ ᠤᠨ ᠰᠡᠭᠦᠯᠴᠢ ᠬᠤᠷᠢᠨ ᠲᠤᠯᠤᠭᠠᠨ ᠨᠠᠢᠮᠠᠨ ᠳᠤ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠪᠠᠶᠠᠨᠴᠠᠭᠠᠨ ᠭᠠᠴᠠᠭᠠᠨ ᠤ ᠰᠠᠷᠠᠠᠭᠡᠷᠡᠯ ᠬᠡᠳᠡᠭ ᠪᠦᠰᠡᠭᠦᠢ ᠪᠡᠷᠭᠡ ᠭᠦᠩᠭᠡᠵᠢᠯᠳᠡ ᠪᠤᠯᠤᠭᠠᠳ ᠮᠦᠨ ᠤᠷᠢᠯᠳᠠ ᠪᠠᠷ ᠳᠡᠮᠦᠷ᠎ᠡ ᠡᠮᠴᠢ ᠲᠠᠢ ᠤᠴᠢᠭᠰᠠᠨ᠃ ᠬᠡᠲᠦᠶᠢᠪᠡᠷ ᠪᠡᠶᠡᠳᠡᠵᠦ ᠭᠢᠭᠰᠡᠨ ᠪᠤᠯᠪᠠᠴᠦ᠂ ᠬᠠᠵᠠᠭᠤ ᠳᠤ ᠳᠤᠮᠤ ᠡᠮᠴᠢ ᠪᠠᠶᠢᠬᠤ ᠤᠴᠢᠷ ᠶᠡᠷᠦ ᠠᠶᠤᠵᠦ ᠰᠠᠨᠲᠤᠷᠤᠭᠰᠠᠨ ᠦᠬᠡᠢ ᠢᠩᠭᠢᠵᠦ ᠡᠬᠡ ᠬᠡᠤᠭᠡᠳ ᠢ ᠬᠦᠩᠭᠡᠵᠢᠭᠦᠯᠵᠦ᠂ ᠪᠢᠳᠡᠭᠦᠨ ᠳᠤ ᠭᠡᠷ ᠲᠡᠭᠡᠨ ᠬᠠᠷᠢᠵᠦ ᠢᠷᠡᠭᠰᠡᠨ᠂ ᠪᠠᠶᠠᠷ ᠲᠤᠷᠠᠰᠬᠠᠯ ᠪᠢᠳᠡᠭᠦᠨ ᠶᠠᠭᠠᠷᠠᠤ ᠴᠠᠭ ᠶᠤᠯᠠᠵᠦ ᠬᠠᠶᠢᠯᠠᠬᠤ ᠳᠤᠮᠳᠠ ᠦᠩᠭᠡᠷᠡᠭᠰᠡᠨ ᠴᠦ ᠬᠢᠭᠰᠡᠨ ᠠᠵᠢᠯ ᠨᠢ ᠠᠮᠵᠢᠯᠳᠠ ᠳᠤ ᠬᠦᠷᠦᠭᠰᠡᠨ ᠳᠡᠭᠡᠨ ᠪᠠᠶᠠᠷᠲᠠᠶᠢᠬᠠᠨ ᠰᠢᠨᠡᠯᠡᠭᠰᠡᠨ ᠬᠡᠳᠡᠭ᠃ ᠡᠨᠡ ᠮᠡᠲᠦ ᠪᠠᠶᠠᠷ ᠳᠤᠷᠠᠰᠬᠠᠯ ᠎ ᠤᠨ ᠡᠲᠦᠷ ᠰᠦᠨᠢ ᠤᠯᠠᠨ ᠲᠤᠭᠢᠶᠠᠯᠲᠤᠲᠠᠭ᠂ ᠭᠠᠭᠴᠠ ᠪᠡᠷᠭᠡ ᠬᠦᠩᠭᠡᠵᠢᠯᠳᠡ ᠪᠢᠰᠢ ᠯᠡ ᠪᠤᠯ ᠪᠤᠷᠬᠠᠨ ᠳᠡᠭᠷᠢ ᠢᠪᠡᠭᠡᠭᠰᠡᠨ ᠮᠡᠲᠦ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠶᠠᠳᠠᠷᠠᠯ ᠭᠡᠳ ᠪᠠᠶᠠᠷᠲᠠᠶᠢᠬᠠᠨ ᠢᠨᠢᠶᠡᠪᠡ᠃      ᠲᠤᠩᠭᠠᠯᠠᠭ ᠨᠦᠭᠦᠷ ᠭᠡᠴᠢᠨᠡᠨ ᠵᠢᠯ ᠳᠤ ᠨᠢᠭᠡ ᠴᠦ ᠤᠰᠦᠯ ᠠᠳᠡᠯ ᠭᠠᠷᠭᠠᠭᠰᠠᠨ ᠦᠬᠡᠢ᠂ ᠤᠤᠳᠤᠬᠤᠢ᠂ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠭᠡᠲᠦᠨ ᠵᠠᠭᠤᠨ ᠬᠡᠤᠭᠡᠳ ᠢ ᠲᠤᠰᠴᠦ ᠭᠦᠢᠰᠦ ᠶᠢ ᠨᠢ ᠤᠭᠲᠤᠯᠵᠦ ᠬᠤᠳᠠ ᠤᠰᠦᠨ ᠎ ᠳᠠᠭᠠᠨ ᠰᠠᠶᠢᠨ ᠨᠡᠷ᠎ᠡ ᠰᠠᠶᠢᠬᠠᠨ ᠠᠯᠳᠠᠷ ᠢᠶᠠᠨ ᠳᠠᠭᠤᠷᠢᠰᠦᠭᠤᠯᠵᠦ᠂ ᠬᠠᠶᠠ ᠵᠠᠷᠢᠮᠠᠳ ᠤᠨ ᠭᠤᠷᠪᠠᠨ ᠦᠶ᠎ᠡ ᠶᠢᠨ ᠎ ᠬᠢᠨ ᠨᠢ ᠲᠤᠰᠴᠦ᠂ ᠭᠦᠢᠰᠦ ᠶᠢ ᠨᠢ ᠤᠭᠲᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠮᠠᠰᠢ ᠤᠯᠠᠨ ᠬᠦᠮᠦᠰ ᠤᠨ ︽ᠭᠦᠢᠰᠦ ᠡᠵᠢ︾ ᠯᠡ ᠭᠡᠵᠦ ᠲᠤᠲᠤᠨᠤᠴᠢᠯᠠᠨ ᠳᠠᠭᠤᠳᠠᠳᠠᠭ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃      ᠲᠦᠷᠪᠡ᠂ ᠪᠠᠰᠠ ᠨᠢᠭᠡ ᠨᠤᠲᠤᠭ ᠤᠨ ᠮᠠᠶ᠋ᠢᠭ ᠤᠨ ᠵᠤᠷᠢᠭᠵᠢᠭᠤᠯᠤᠯ ᠬᠦᠬᠢᠬᠦᠯᠦᠯ      ᠲᠤᠩᠭᠠᠯᠠᠭ ᠨᠦᠭᠦᠷ ᠪᠠᠶᠢᠭᠤᠯᠤᠯᠭ᠎ᠠ ᠨᠢᠭᠡᠴᠢ ᠵᠤᠭᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠵᠡᠷᠭᠡ ᠲᠠᠯ᠎ᠠ ᠶᠢᠨ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠢ ᠲᠡᠭᠡᠵᠦ ᠶᠡᠭᠡ ᠪᠤᠯᠭᠠᠳᠠᠭ ᠦᠬᠡᠢ᠂ ᠳᠡᠭᠦᠨ ᠤ ᠠᠵᠢᠯ ᠤᠨ ᠠᠮᠵᠢᠯᠲᠠ ᠪᠤᠯ ᠱᠠᠩᠨᠠᠯ ᠬᠦᠭᠢᠬᠦᠯᠦᠯ ᠭᠡᠵᠦ ᠯᠡ ᠦᠵᠡᠳᠡᠭ᠃ ᠨᠡᠩ ᠢᠯᠠᠩᠭᠤᠶ᠎ᠠ ᠠᠷᠠᠳ ᠤᠯᠠᠨ ᠠᠴᠠ ᠳᠡᠭᠦᠨ ᠳᠤ ᠤᠯᠭᠤᠭᠰᠠᠨ ︽ᠭᠦᠢᠰᠦ ᠡᠵᠢ︾ ᠭᠡᠬᠦ ᠲᠤᠲᠤᠨᠤ ᠬᠠᠯᠠᠭᠤᠮᠰᠤᠭ ᠳᠠᠭᠤᠳᠠᠯᠭ᠎ᠠ ᠨᠢ ᠳᠡᠭᠦᠨ ᠳᠤ ᠤᠯᠭᠤᠭᠰᠠᠨ ᠬᠠᠮᠤᠭ ᠤᠨ ᠦᠨᠡᠲᠦ ᠱᠠᠩᠨᠠᠯ ᠭᠦᠭᠢᠬᠦᠯᠦᠯ ᠭᠡᠵᠦ ᠦᠵᠡᠳᠡᠭ ᠢᠶᠠᠷ ᠢᠶᠠᠨ ᠡᠭᠦᠨ ᠳᠡᠭᠡᠨ ᠵᠤᠷᠢᠭᠵᠢᠵᠦ ᠶᠠᠪᠤᠳᠠᠭ᠃ ᠪᠠᠶᠠᠩᠭᠤᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠡᠮᠴᠢ ᠴᠡᠴᠡᠭ ᠤᠨ ᠪᠠᠭ᠎ᠠ ᠬᠦᠦ ᠴᠢᠭᠢᠷᠠᠭ ᠢᠶᠠᠨ ᠭᠦᠩᠭᠡᠵᠢᠬᠦ ᠳᠤ ᠲᠤᠩᠭᠠᠯᠠᠭ ᠨᠦᠭᠦᠷ ᠢ ᠳᠠᠭᠤᠳᠠᠭᠰᠠᠨ ᠪᠠᠶᠢᠳᠠᠭ᠃ ᠬᠦᠩᠭᠡᠵᠢᠭᠰᠡᠨ ᠤ ᠳᠠᠷᠠᠭ᠎ᠠ ᠴᠡᠴᠡᠭ ᠡᠭᠡᠴᠢ ᠨᠢ ︽ᠬᠡᠤᠭᠡᠳ ᠳᠤᠰᠤᠭᠰᠠᠨ ᠬᠦᠮᠦᠨ ᠤ ᠎ ᠪᠠᠨ ᠵᠠᠩ ᠴᠢᠨᠠᠷ ᠪᠤᠶᠤ ᠡᠯ᠎ᠡ ᠲᠠᠯ᠎ᠠ ᠶᠢ ᠳᠠᠭᠤᠷᠢᠶᠠᠳᠠᠭ ᠶᠤᠰᠦ ᠵᠢᠷᠤᠮ ᠲᠠᠢ ᠭᠡᠳᠡᠭ ᠶᠤᠮ᠃ ᠮᠢᠨᠦ ᠬᠦᠦ ᠡᠶᠡᠯᠳᠡᠭ ᠳᠠᠷᠤᠤ ᠰᠠᠶᠢᠬᠠᠨ ᠵᠠᠩ ᠳᠠᠳᠬᠠᠯ ᠲᠠᠢ ᠬᠦᠮᠦᠨ ᠪᠤᠯᠬᠤ ᠯᠡ ᠪᠠᠶᠢᠬ᠎ᠠ︾ ᠭᠡᠵᠦ ᠢᠨᠢᠶᠡᠵᠦ ᠪᠠᠶᠢᠭᠰᠠᠨ ᠠᠴᠠ ᠬᠤᠵᠢᠮ ᠎ ᠨᠢ ᠡᠨᠡ ᠬᠦᠦ ᠴᠢᠭᠢᠷᠠᠭ ᠬᠤᠰᠢᠭᠤᠨ ᠤ ᠡᠮᠴᠢ ᠶᠢᠨ ᠬᠤᠷᠢᠶᠠᠨ ᠳᠤ ᠡᠮᠴᠢ ᠪᠤᠯᠵᠦ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩ ᠠᠷᠠᠨᠰᠢᠨ ᠢᠶᠠᠷ ᠢᠶᠠᠨ ᠲᠦᠮᠡᠨ ᠤᠯᠠᠨ ᠳᠠᠭᠠᠨ ᠪᠢᠰᠢᠷᠡᠭᠳᠡᠵᠦ ᠪᠠᠶᠢᠭ᠎ᠠ ᠭᠡᠵᠦ ᠲᠤᠭᠤᠯᠠᠭᠰᠠᠨ ᠶᠤᠮ᠃      ᠳᠠᠪᠤ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠡᠪᠡᠳᠴᠢᠲᠡᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠵᠦ ᠦᠭᠭᠦᠭᠰᠡᠨ ᠬᠡᠲᠦᠨ ᠵᠢᠱᠢᠶ᠎ᠡ      ᠡᠷᠢᠶᠡᠨ ᠳᠤ ᠤᠴᠢᠭᠠᠳ ᠮᠤᠩᠭᠤᠯ ᠤᠯᠤᠰ ᠤᠨ ᠠᠷᠠᠯᠵᠢᠶᠠᠴᠢᠳ ᠤᠨ ᠳᠠᠭᠰᠢᠭᠤᠷ ᠢ ᠵᠠᠰᠠᠬᠤ ᠡᠮ ᠶᠡᠭᠦᠯᠡᠬᠦ ᠵᠡᠷᠭᠡ ᠡᠮᠴᠢᠯᠡᠭᠡᠨ ᠤ ᠶᠠᠪᠤᠴᠠ ᠳᠠᠭᠠᠨ ᠲᠤᠩᠭᠠᠯᠠᠭ ᠨᠦᠬᠦᠷ ᠤᠨ ᠡᠮᠴᠢᠯᠡᠭᠡᠨ ᠤ ᠭᠡᠪᠴᠢᠶ᠎ᠡ ᠴᠦ ᠦᠷᠭᠡᠵᠢᠵᠦ ᠢᠷᠡᠪᠡ ᠃ ᠳᠡᠭᠦᠨ ᠠᠴᠠ ᠮᠤᠩᠭᠤᠯ ᠡᠮ ᠤᠤᠭᠤᠬᠤ ᠬᠦᠮᠦᠰ ᠤᠯᠠᠰᠢᠷᠠᠵᠦ ᠪᠠᠶᠢᠯ᠎ᠠ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠬᠦᠮᠦᠰ ᠤᠨ ᠵᠠᠩ ᠠᠷᠠᠨᠰᠢᠨ ᠤ ᠨᠢᠭᠡ ᠤᠨᠴᠠᠯᠢᠭ ᠭᠡᠪᠡᠯ᠄ ᠢᠳᠡᠭᠡᠵᠦ ᠪᠢᠰᠢᠷᠡᠭᠰᠡᠨ ᠬᠦᠮᠦᠨ ᠢᠶᠠᠨ ᠡᠷᠢᠬᠦ ᠲᠤᠷᠠᠲᠠᠢ᠃ ᠡᠮ ᠤᠨ ᠲᠤᠭᠢᠷᠠᠭᠤᠯᠤᠯᠳᠠ ᠪᠤᠶᠤ ᠡᠯ᠎ᠡ ᠲᠠᠯ᠎ᠠ ᠶᠢᠨ ᠤᠨᠤᠰᠢᠯᠠᠯᠳᠠ ᠰᠠᠶᠢᠨ ᠪᠠᠶᠢᠵᠦ ᠡᠪᠡᠳᠴᠢᠨ ᠨᠢ ᠢᠯᠡᠰᠢᠷᠡᠵᠦ ᠢᠷᠡᠬᠦ ᠪᠠᠷ ︽ᠰᠠᠶᠢᠨ ᠡᠭᠡᠴᠢ︾ ᠬᠡᠵᠦ ᠡᠷᠢᠵᠦ ᠢᠷᠡᠬᠦ ᠬᠦᠮᠦᠰ ᠵᠦᠩᠳᠡᠭᠡᠨ ᠪᠤᠯᠵᠦ ᠤᠯᠠᠨ ᠶᠠᠩᠵᠦ ᠶᠢᠨ ᠡᠪᠡᠳᠴᠢᠲᠡᠨ ᠴᠦ ᠡᠷᠢᠬᠦ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃     1. ᠦᠰᠦ ᠤᠨᠠᠭᠰᠠᠨ ᠬᠤᠶᠠᠷ ᠵᠠᠯᠠᠭᠤ ᠶᠢ ᠡᠮᠨᠡᠭᠰᠡᠨ      ᠪᠠᠶᠠᠷᠬᠦᠦ ᠬᠡᠳᠡᠭ 38᠎ ᠲᠠᠢ ᠵᠠᠯᠠᠭᠤ ᠦᠰᠦ ᠨᠢ ᠤᠨᠠᠵᠦ᠂ ᠤᠨᠠᠭᠰᠠᠨ ᠬᠡᠰᠡᠭ ᠲᠤ ᠶᠠᠭᠠᠪᠲᠤᠷ ᠦᠩᠭᠡ ᠶᠢᠨ ᠠᠷᠠᠰᠦ ᠬᠠᠷᠠᠭᠳᠠᠵᠦ ᠬᠡᠪᠴᠢᠶ᠎ᠡ ᠨᠢ ᠨᠡᠯᠢᠶᠡᠳ ᠶᠡᠭᠡ᠃ ᠲᠡᠷᠡ ᠵᠠᠯᠠᠭᠤ ᠨᠠᠰᠦ ᠵᠠᠯᠠᠭᠤ ᠪᠤᠯᠬᠤᠷ ᠳᠡᠭᠦᠨ ᠳᠡᠭᠡᠨ ᠮᠠᠰᠢ ᠶᠡᠭᠡ ᠬᠦᠨᠲᠦ ᠳᠠᠷᠤᠭᠠᠰᠦ ᠠᠪᠴᠦ ᠡᠲᠦᠷᠵᠢᠨ ᠮᠠᠯᠠᠭᠠᠢ ᠳᠠᠷᠤᠬᠤ ᠠᠴᠠ ᠦᠭᠡᠷ᠎ᠡ ᠠᠷᠭ᠎ᠠ ᠦᠬᠡᠢ ᠭᠠᠴᠢᠭᠳᠠᠵᠦ ᠪᠠᠶᠢᠪᠠ᠃ ᠡᠪᠡᠳᠴᠢᠲᠡᠨ ᠡᠮᠴᠢ ᠲᠤᠩᠭᠠᠯᠠᠭ ᠲᠠᠢ ᠳᠠᠨᠢᠯᠴᠠᠵᠦ᠂ ᠳᠡᠷᠡ ᠡᠪᠡᠳᠴᠢᠲᠡᠨ ᠤ ᠰᠡᠳᠭᠢᠯ ᠤᠨ ᠳᠠᠷᠤᠭᠠᠰᠦ ᠎ ᠶᠢ ᠬᠦᠩᠭᠡᠯᠡᠬᠦ ᠶᠢ ᠵᠤᠷᠢᠵᠦ ᠬᠡᠲᠦᠨ ᠵᠤᠶᠢᠯ ᠤᠨ ᠡᠮ ᠨᠠᠶᠢᠷᠠᠭᠤᠯᠵᠦ ᠦᠭᠴᠠᠢ᠃ 3 — 4 ᠰᠠᠷ᠎ᠠ ᠶᠢᠨ ᠡᠮ ᠤᠤᠭᠤᠭᠰᠠᠨ ᠠᠴᠠ ᠦᠰᠦ ᠬᠡᠵᠢᠭᠡ ᠨᠢ ᠤᠷᠭᠤᠵᠦ ᠪᠠᠶᠠᠷᠬᠦᠦ ᠶᠢ ᠬᠡᠮᠵᠢᠶ᠎ᠡ ᠦᠬᠡᠢ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠬᠡᠲᠦᠨ ᠰᠠᠷ᠎ᠠ ᠶᠢᠨ ᠳᠠᠷᠠᠭ᠎ᠠ ᠪᠠᠶᠠᠷᠬᠦᠦ ᠳᠡᠭᠦᠨ ᠢ ᠦᠵᠡᠬᠦ ᠪᠠᠷ ᠢᠷᠡᠭᠰᠡᠨ᠂ ᠪᠠᠰᠠ ᠨᠢᠭᠡ ᠠᠳᠠᠯᠢ ᠡᠪᠡᠳᠴᠢᠲᠡᠨ ᠢ ᠳᠠᠭᠠᠭᠤᠯᠤᠨ ᠢᠷᠡᠵᠦ ᠡᠮᠨᠡᠭᠦᠯᠦᠭᠰᠡᠨ ᠪᠢᠯᠡ᠃ ᠬᠤᠵᠢᠮ ᠰᠡᠭᠦᠯᠡᠷ ᠡᠭᠦᠪᠡᠷ ᠢᠷᠡᠭᠦ ᠪᠤᠯᠭᠠᠨ ᠲᠤᠩᠭᠠᠯᠠᠭ ᠡᠭᠡᠴᠢ ᠪᠠᠨ ᠵᠠᠪᠠᠯ ᠡᠷᠭᠢᠵᠦ ᠦᠵᠡᠳᠡᠭ ᠬᠡᠰᠡᠨ᠃      2. ᠨᠢᠭᠡᠲᠦᠭᠡᠷ ᠬᠡᠤᠭᠡᠳ ᠠᠴᠠ ᠪᠠᠨ ᠬᠤᠶᠢᠨ᠎ᠠ 7 — 10 ᠵᠢᠯ ᠬᠡᠤᠭᠡᠳ ᠤᠯᠤᠭᠰᠠᠨ ᠦᠬᠡᠢ ᠬᠤᠶᠠᠷ ᠪᠦᠰᠡᠭᠦᠢ ᠶᠢ ᠡᠮᠨᠡᠵᠦ ᠢᠯᠡᠷᠡᠢ ᠪᠤᠯᠭᠠᠭᠰᠠᠨ      ᠮᠤᠩᠭᠤᠯ ᠤᠯᠤᠰ ᠤᠨ ᠰᠦᠭᠡᠪᠠᠭᠠᠲᠦᠷ ᠠᠶᠢᠮᠠᠭ ᠤᠨ ᠰᠠᠭᠤᠭᠠᠯᠢ ᠲᠤᠶᠠᠭ᠎ᠠ ᠭᠡᠭᠴᠢ ᠪᠦᠰᠡᠭᠦᠢ ᠨᠢᠭᠡᠲᠦᠭᠡᠷ ᠬᠡᠤᠭᠡᠳ ᠠᠴᠠ ᠪᠠᠨ ᠬᠤᠶᠢᠰᠢ 7 ᠵᠢᠯ ᠳᠤ ᠬᠡᠤᠭᠡᠳ ᠤᠯᠤᠭᠰᠠᠨ ᠦᠬᠡᠢ᠂ ᠲᠤᠷᠤᠨᠠᠭᠤᠪᠢ ᠠᠶᠢᠮᠠᠭ ᠤᠨ ᠬᠠᠩᠳᠠ ᠭᠡᠳᠡᠭ ᠪᠦᠰᠡᠭᠦᠢ ᠠᠩᠬᠠᠨ ᠤ ᠬᠡᠤᠭᠡᠳ ᠠᠴᠠ ᠪᠠᠨ ᠬᠤᠶᠢᠰᠢ 10 ᠵᠢᠯ ᠬᠡᠤᠭᠡᠳ ᠤᠯᠤᠭᠰᠠᠨ ᠦᠬᠡᠢ ᠡᠶᠢᠮᠦ ᠬᠤᠶᠠᠷ ᠬᠦᠮᠦᠨ ᠡᠮᠴᠢ ᠲᠤᠩᠭᠠᠯᠠᠭ ᠢ ᠡᠷᠢᠵᠦ ᠢᠷᠡᠪᠡ᠃ ᠲᠤᠩᠭᠠᠯᠠᠭ ᠨᠦᠬᠦᠷ ᠬᠤᠶᠢᠰᠢ ᠲᠦᠯᠭᠢᠭᠰᠡᠨ ᠦᠬᠡᠢ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠬᠤᠵᠢᠮ ᠬᠤᠶᠢᠰᠢ ᠶᠢᠨ ᠦᠷ᠎ᠡ ᠦᠨᠲᠦᠰᠦ ᠳᠡᠭᠡᠨ ᠰᠡᠳᠭᠢᠯ ᠵᠤᠪᠠᠵᠦ ᠪᠠᠶᠢᠭ᠎ᠠ ᠳᠤ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠤᠶᠠᠷᠠᠵᠦ ᠤᠴᠢᠪᠠ᠃ ᠲᠤᠩᠭᠠᠯᠠᠭ ᠡᠮᠴᠢ ᠳᠤᠰ ᠬᠤᠶᠠᠷ ᠡᠪᠡᠳᠴᠢᠲᠡᠨ ᠳᠤ 21 — 30 ᠬᠤᠨᠤᠭ ᠤᠨ ᠡᠮ ᠤᠤᠭᠤᠯᠭᠠᠭᠰᠠᠨ ᠠᠴᠠ ᠲᠤᠶᠠᠭ᠎ᠠ ᠬᠡᠤᠭᠡᠨ ᠲᠠᠢ ᠪᠤᠯᠵᠦ᠂ ᠬᠠᠩᠳᠠ ᠬᠦᠦ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠠᠷ ᠤᠨ ᠴᠢᠮᠡᠭᠡ ᠢᠷᠡᠭᠦᠯᠬᠦ ᠪᠠᠷ ᠲᠤᠩᠭᠠᠯᠠᠭ ᠴᠦ ᠲᠡᠳᠡᠨ ᠲᠠᠢ ᠠᠳᠠᠯᠢ ᠰᠡᠳᠬᠢᠯ ᠬᠦᠳᠡᠯᠵᠦ ᠪᠠᠶᠠᠷ ᠤᠨ ᠮᠠᠩᠨᠠᠢ ᠳᠡᠨᠢᠵᠦ ᠪᠠᠶᠢᠭᠰᠠᠨ ᠶᠤᠮ ᠭᠡᠳᠡᠭ᠃      ᠲᠤᠩᠭᠠᠯᠠᠭ ᠡᠮᠴᠢ ᠶᠢᠨ ᠲᠦᠴᠢᠨ ᠭᠡᠲᠦᠨ ᠵᠢᠯ ᠤᠨ ᠲᠤᠷᠰᠢᠬᠢ ᠬᠢᠭᠰᠡᠨ ᠠᠵᠢᠯ᠂ ᠤᠯᠤᠭᠰᠠᠨ ᠠᠮᠵᠢᠯᠲᠠ ᠎ ᠠᠴᠠ ᠡᠲᠦᠶᠢᠭᠡᠨ ᠢ ᠲᠤᠭᠠᠴᠢᠯ᠎ᠠ᠃ ᠡᠨᠡ ᠪᠤᠯ ᠬᠡᠲᠦᠨ ᠵᠢᠱᠢᠶ᠎ᠡ ᠳᠡᠲᠦᠢ ᠶᠤᠮ᠃      ᠵᠢᠷᠭᠤᠭ᠎ᠠ᠂ ᠵᠢᠷ ᠤᠨ ᠨᠢᠭᠡᠨ ᠡᠮᠴᠢ ᠳᠤ ᠲᠤᠬᠢᠶᠠᠯᠲᠤᠭᠰᠠᠨ ᠵᠢᠷ ᠤᠨ ᠪᠤᠰᠦ ᠤᠴᠠᠷᠠᠯ ᠳᠠᠪᠢᠯᠠᠩ      ᠡᠬᠡ ᠪᠠᠷᠢᠭᠴᠢ ᠶᠢᠨ ᠠᠵᠢᠯ ᠬᠡᠭᠴᠢ ᠡᠲᠦᠷ ᠰᠦᠨᠢ᠂ ᠡᠪᠦᠯ ᠵᠤᠨ ᠭᠡᠵᠦ ᠢᠯᠭᠠᠯ ᠦᠬᠡᠢ ᠪᠠᠶᠢᠳᠠᠭ᠃ ᠶᠠᠭ ᠡᠨᠡᠬᠦ ᠠᠵᠢᠯ ᠤᠨ ᠤᠴᠢᠷ ᠠᠴᠠ ᠪᠤᠯᠵᠦ ᠪᠤᠰᠤᠳ ᠤᠨ ᠲᠦᠯᠦᠭᠡ ᠠᠯᠢᠪᠠ ᠪᠠᠨ ᠵᠤᠷᠢᠭᠤᠯᠳᠠᠭ ᠲᠤᠩᠭᠠᠯᠠᠭ ᠨᠦᠬᠦᠷ ᠎ ᠲᠤ ᠰᠤᠨᠤᠰᠤᠭᠰᠠᠨ ᠪᠤᠯᠭᠠᠨ ᠤ ᠵᠢᠷᠦᠭᠡ ᠶᠢ ᠰᠢᠮᠰᠢᠷᠡᠭᠦᠯᠵᠦ᠂ ᠮᠡᠳᠡᠭᠰᠡᠨ ᠪᠦᠭᠦᠳᠡ ᠶᠢ ᠬᠠᠶᠢᠷ᠎ᠠ ᠪᠠᠭᠤᠯᠭᠠᠳᠠᠭ ᠤᠴᠢᠷ ᠲᠤᠭᠢᠶᠠᠯᠲᠤᠭᠰᠠᠨ ᠪᠠᠶᠢᠨ᠎ᠠ᠃      ᠲᠤᠩᠭᠠᠯᠠᠭ ᠨᠦᠬᠦᠷ ᠠᠩᠬ᠎ᠠ ᠡᠮᠴᠢ ᠶᠢᠨ ᠠᠵᠢᠯ ᠢ ᠬᠢᠬᠦ ᠦᠶ᠎ᠡ ᠪᠠᠷ ᠭᠤᠷᠪᠠᠨ ᠳᠠᠭᠦᠦ ᠨᠢ ᠨᠠᠰᠦ ᠪᠠᠭ᠎ᠠ ᠠᠯᠢᠪᠠ ᠪᠦᠬᠦᠨ ᠢ ᠨᠢ ᠠᠷᠭᠠᠴᠠᠭᠠᠬᠤ ᠨᠢ ᠵᠦᠪᠭᠡᠨ ᠳᠡᠭᠦᠨ ᠤ ᠪᠡᠶ᠎ᠡ ᠳᠡᠭᠡᠷ᠎ᠡ ᠳᠠᠯᠪᠢᠭᠳᠠᠵᠦ ᠳᠡᠷᠡ ᠲᠠᠢ ᠲᠡᠷᠡ ᠦᠬᠡᠢ ᠠᠪᠤ ᠡᠵᠢ ᠪᠠᠨ ᠤᠷᠤᠯᠠᠵᠦ ᠶᠠᠪᠤᠭᠰᠠᠨ ᠭᠡᠷ ᠤᠨ ᠭᠤᠤᠯ ᠳᠤᠯᠭᠠᠭᠤᠷᠢ ᠨᠢ ᠪᠠᠶᠢᠯ᠎ᠠ᠃ ᠵᠠᠷᠢᠮ ᠦᠶᠡᠰ ᠭᠡᠲᠦᠨ ᠳᠡᠭᠦᠨᠠᠷ ᠲᠠᠢ ᠪᠠᠨ ᠶᠠᠭ ᠰᠠᠶᠢᠬᠠᠨ ᠡᠭᠢᠯᠡᠵᠦ ᠬᠤᠭᠤᠯᠠᠯᠠᠬᠤ ᠶᠢ ᠵᠠᠪᠲᠤᠲᠠᠯ᠎ᠠ ᠨᠦᠭᠦᠭᠡ ᠳᠠᠭᠤᠳᠠᠯᠭ᠎ᠠ ᠵᠠᠯᠯᠠᠭ᠎ᠠ ᠢᠷᠡᠴᠢᠭᠡᠳᠡᠭ ᠪᠠᠶᠢᠨ᠎ᠠ᠃ ᠳᠡᠭᠡᠬᠦ ᠳᠤ ᠲᠤᠩᠭᠠᠯᠠᠭ ᠨᠦᠭᠦᠷ ᠳᠡᠷᠡ ᠪᠤᠯᠭᠠᠨ ᠢᠶᠠᠨ ᠠᠷᠦ ᠳᠠᠭᠠᠨ ᠤᠷᠭᠢᠭᠠᠳ ᠵᠠᠷᠯᠢᠭ ᠬᠦᠯᠢᠶᠡᠭᠰᠡᠨ ᠪᠠᠶᠢᠯᠲᠤᠭᠴᠢ ᠪᠤᠯᠵᠦ ᠠᠪᠤᠨ ᠲᠤᠤᠷ᠎ᠠ ᠨᠢ ᠬᠦᠳᠡᠯᠴᠢᠬᠡᠳᠡᠭ ᠯᠡ ᠶᠤᠮ ᠪᠠᠶᠢᠨ᠎ᠠ᠃ ᠡᠨᠡ ᠤᠳᠠᠭ᠎ᠠ ᠭᠤᠷᠪᠠᠨ ᠬᠤᠤᠰ ᠨᠢᠲᠦ ᠵᠡᠷᠭᠡᠪᠡᠷ ᠳᠡᠭᠦᠨ ᠳᠡᠭᠡᠷ᠎ᠡ ᠳᠤᠰᠴᠦ᠄ ︽ᠬᠤᠭᠤᠯᠠ ᠪᠠᠨ ᠬᠠᠮᠲᠦ ᠪᠠᠷ ᠢᠳᠡᠴᠢᠭᠡᠬᠦ ᠳᠤ ᠪᠤᠯᠬᠤ ᠦᠬᠡᠢ ᠬᠡᠵᠦ ᠤᠤ︖︾ ᠬᠡᠵᠦ ᠬᠦᠭᠡᠷᠦᠭᠦᠶᠢᠯᠡᠯᠲᠠᠢ ᠨᠢ ᠠᠷᠭ᠎ᠠ ᠦᠬᠡᠢ᠃ ᠲᠡᠷᠡ ᠦᠶᠡᠰ ᠤᠨ ᠵᠢᠷᠦᠬᠡ ᠰᠡᠳᠭᠢᠯ ᠵᠢᠮᠴᠢᠬᠢᠨᠡᠨ ᠳᠠᠳᠠᠯᠳᠤᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠤᠲᠤ ᠪᠤᠯᠲᠠᠯ᠎ᠠ ᠮᠠᠷᠳᠠᠵᠦ ᠳᠡᠶᠢᠯᠬᠦ ᠦᠬᠡᠢ ᠭᠡᠳᠡᠭ᠃ ᠬᠡᠪᠡᠴᠦ ᠦᠨᠦᠴᠢᠨ ᠶᠠᠪᠤᠭ᠎ᠠ ᠭᠤᠷᠪᠠᠨ ᠳᠡᠭᠦᠨᠠᠷ ᠨᠢ ᠲᠡᠷᠡ ᠤᠯᠠᠨ ᠤᠬᠠᠭ᠎ᠠ ᠲᠦᠭᠦᠭᠡ ᠶᠢ ᠡᠷᠳᠡ ᠤᠬᠠᠴᠢᠯᠠᠭᠰᠠᠨ ᠳᠠᠭᠠᠨ ᠴᠦ ᠪᠢᠯᠢᠦ︖ ᠡᠭᠡᠴᠢ ᠶᠢᠨ ᠰᠠᠨᠠᠭ᠎ᠠ ᠶᠢ ᠦᠴᠦᠭᠡᠨ ᠳᠡᠲᠦᠢ ᠴᠦ ᠵᠦᠷᠢᠴᠡᠳᠡᠭ ᠦᠬᠡᠢ ᠶᠢ ᠲᠤᠩᠭᠠᠯᠠᠭ ᠰᠠᠶᠢᠨ ᠮᠡᠳᠡᠨ᠎ᠡ᠃      ᠡᠨᠡ ᠤᠳᠠᠭ᠎ᠠ ᠳᠡᠭᠦᠨ ᠤ ᠨᠠᠰᠦᠨ ᠲᠤᠷᠰᠢᠳᠠ ᠮᠠᠷᠳᠠᠵᠦ ᠴᠢᠳᠠᠬᠤ ᠦᠬᠡᠢ ᠤᠴᠢᠷ ᠭᠠᠷᠤᠭᠰᠠᠨ ᠪᠠᠶᠢᠨ᠎ᠠ᠃ ᠳᠡᠷᠡ ᠨᠢ ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠨᠠᠶᠠᠨ ᠲᠤᠯᠤᠭ᠎ᠠ ᠨᠠᠢᠮᠠᠨ  ᠤᠨ ᠳᠤ ᠯᠡ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠵᠢᠷᠭᠠᠯᠠᠩᠲᠦ ᠭᠠᠴᠠᠭᠠᠨ ᠤ ᠲᠦᠮᠡᠠᠦ᠋ᠯᠵᠡᠢ ︵ᠪᠠᠶ᠋ᠬᠠᠠᠭᠤᠯᠠ ᠶᠢᠨ ᠤᠤᠭᠠᠯ︶᠎ ᠶᠢᠨ ᠪᠦᠰᠡᠭᠦᠢ ᠨᠢ ᠬᠦᠩᠭᠡᠵᠢᠬᠦ ᠪᠤᠯᠤᠭᠠᠳ ᠰᠦᠨᠢ ᠳᠤᠮᠳᠠ ᠶᠢᠨ ᠦᠶ᠎ᠡ ᠳᠤ ᠮᠤᠷᠢᠨ ᠳᠡᠷᠭᠡ ᠪᠠᠷ ᠠᠪᠬᠤ ᠪᠠᠷ ᠢᠷᠡᠪᠡ᠃ ᠬᠠᠩᠭᠠᠢ ᠳᠡᠷᠭᠡᠨ ᠤ ᠢᠯᠡᠦ ᠳᠡᠭᠡᠷ᠎ᠡ ︵ᠠᠳᠠᠷ ᠴᠦ ᠦᠬᠡᠢ︶᠎ ᠨᠢ ᠨᠢᠭᠡ ᠬᠡᠰᠡᠭ ᠳᠤᠷᠤᠰᠬ᠎ᠠ ᠳᠡᠪᠢᠰᠦᠭᠰᠡᠨ ᠳᠡᠲᠦᠢ᠃ ᠬᠠᠷᠠᠩᠭᠤᠢ ᠰᠦᠨᠢ ᠴᠦ ᠶᠠᠭᠠᠬᠢᠬᠤ ᠪᠤᠢ᠂ ᠲᠦᠷᠦᠵᠦ ᠨᠢᠷᠠᠶᠢᠯᠠᠬᠤ ᠪᠠᠴᠢᠮ ᠴᠠᠭ ᠪᠤᠯᠴᠢᠬᠠᠭᠰᠠᠨ ᠠᠴᠠ ᠴᠢᠨᠡᠭᠡ ᠮᠡᠳᠡᠨ ᠳᠠᠪᠬᠢᠭᠤᠯᠵᠦ ᠪᠠᠶᠢᠭᠰᠠᠨ ᠬᠦᠳᠡᠭᠡ ᠶᠢᠨ ᠵᠠᠮ ᠳᠡᠭᠡᠷ᠎ᠡ ᠳᠡᠷᠭᠡ ᠶᠡᠭᠡ ᠰᠠᠵᠢᠯᠠᠨ ᠢᠳᠡᠯᠡᠬᠦ ᠪᠠᠷ ᠲᠡᠷᠡ ᠬᠤᠶᠠᠷ ᠤᠳᠠᠭ᠎ᠠ ᠬᠦᠨᠲᠦ ᠤᠶᠢᠴᠢᠵᠦ ᠮᠦᠨ ᠳᠠᠷᠠᠭ᠎ᠠ ᠤᠳᠠᠭ᠎ᠠ ᠨᠢ ᠢᠯᠡᠦ ᠪᠠᠷ ᠴᠦᠮᠦᠷᠡᠨ ᠤᠶᠢᠴᠢᠵᠦ ᠵᠤᠯ ᠢᠶᠠᠷ ᠮᠤᠷᠢ ᠪᠠᠨ ᠳᠠᠳᠠᠵᠦ ᠵᠤᠭᠰᠤᠭᠠᠭᠰᠠᠨ ᠢᠶᠠᠷ ᠳᠡᠷᠭᠡᠨ ᠳᠤ ᠳᠠᠭᠠᠷᠢᠭᠳᠠᠭᠰᠠᠨ ᠦᠬᠡᠢ᠂ ᠡᠨᠡ ᠤᠳᠠᠭ᠎ᠠ ᠳᠤᠩᠭᠠᠯᠠᠭ ᠨᠦᠬᠦᠷ ᠬᠦᠩᠭᠡᠵᠢᠭᠦᠯᠬᠦ ᠡᠭᠦᠷᠭᠡ ᠪᠠᠨ ᠳᠡᠭᠦᠰ ᠠᠮᠵᠢᠯᠲᠠ ᠎ ᠲᠠᠢ ᠪᠡᠶᠡᠯᠡᠭᠦᠯᠦᠭᠰᠡᠨ ᠴᠦ ᠦᠪᠡᠷ ᠢᠶᠠᠨ ᠬᠠᠷᠢᠨ ᠴᠢᠰᠦ ᠪᠠᠭᠤᠵᠦ ᠶᠡᠷᠦ ᠵᠤᠭᠰᠤᠬᠤ ᠦᠬᠡᠢ ᠳᠤ ᠤᠳᠠᠪᠠᠯ᠎ᠠ ᠡᠮᠴᠢ ᠎ ᠪᠠᠷ ᠦᠵᠡᠭᠦᠯᠵᠦ ᠴᠢᠰᠦ ᠵᠤᠭᠰᠤᠭᠠᠬᠤ ᠡᠮ᠂ ᠬᠡᠤᠭᠡᠳ ᠲᠤᠭᠲᠠᠭᠠᠬᠤ ᠡᠮ ᠬᠡᠷᠡᠭᠯᠡᠭᠰᠡᠨ ᠴᠦ ᠳᠤᠰᠠ ᠪᠤᠯᠤᠭᠰᠠᠨ ᠦᠬᠡᠢ ᠤᠷᠤᠭ ᠤᠨᠠᠭᠠᠭᠰᠠᠨ ᠬᠠᠷᠠᠰᠠᠯᠲᠦ ᠤᠴᠢᠷ ᠪᠤᠯᠪᠠ᠃ ᠲᠤᠩᠭᠠᠯᠠᠭ ᠡᠮᠴᠢ ᠡᠨᠡ ᠤᠳᠠᠭ᠎ᠠ ᠠᠴᠠ ᠬᠤᠶᠢᠰᠢ ᠳᠠᠬᠢᠵᠦ ᠵᠢᠷᠮᠦᠰᠦᠯᠡᠭᠰᠡᠨ ᠦᠬᠡᠢ ᠶᠤᠮ᠃ ᠡᠨᠡ ᠨᠢ ᠳᠡᠭᠦᠨ ᠳᠤ ᠨᠠᠰᠦᠨ ᠲᠤᠷᠰᠢᠳᠠ ᠶᠢᠨ ᠬᠠᠷᠠᠮᠰᠠᠯ ᠪᠤᠯᠵᠦ ᠰᠡᠳᠭᠢᠯ ᠵᠢᠷᠦᠭᠡᠨ ᠳᠤᠨᠢ ᠡᠭᠦᠷᠢᠳᠡ ᠠᠨᠠᠭᠳᠠᠰᠢ ᠦᠬᠡᠢ ᠰᠢᠷᠬ᠎ᠠ ᠰᠤᠷᠪᠢ ᠪᠤᠯᠤᠨ ᠦᠯᠡᠳᠡᠭᠰᠡᠨ ᠶᠤᠮ︕ ᠬᠡᠬᠦ ᠳᠤ ᠲᠤᠩᠭᠠᠯᠠᠭ ᠨᠦᠭᠦᠷ ᠪᠤᠰᠤᠳ ᠲᠤ ᠭᠤᠮᠤᠳᠠᠵᠦ ᠪᠤᠲᠤᠭ᠎ᠠ ᠦᠬᠡᠢ ᠦᠪᠡᠷ ᠤᠨ ᠬᠤᠪᠢ ᠳᠠᠪᠢᠯᠠᠩ ᠳᠠᠭᠠᠨ ᠯᠡ ᠢᠳᠡᠭᠡᠵᠦ ᠪᠠᠶᠢᠭᠰᠠᠨ ᠴᠦ ᠡᠭᠦᠨ ᠢᠶᠠᠨ ᠲᠤᠷᠠᠳᠬᠤ ᠪᠦᠷᠢ ᠨᠢᠲᠦᠨ ᠨᠢᠯᠪᠦᠰᠦ ᠨᠢ ᠪᠠᠭᠤᠵᠦ ᠯᠡ ᠪᠠᠶᠢᠳᠠᠭ᠃ ᠪᠤᠲᠤᠵᠦ ᠦᠵᠡᠪᠡᠯ ᠡᠨᠡ ᠨᠢ ᠭᠡᠴᠢᠨᠡᠨ ᠦᠷᠡᠭᠳᠡᠯ ᠪᠢᠯᠡ︕ ᠡᠭᠦᠨ ᠠᠴᠠ ᠢᠯᠡᠭᠦᠦ ᠦᠷᠡᠭᠳᠡᠯ ᠭᠡᠵᠦ ᠬᠤᠪᠤᠷ ᠪᠠᠶᠢᠬ᠎ᠠ︕ ᠭᠡᠬᠦ ᠮᠦᠷᠳᠡᠭᠡᠨ ᠡᠴᠢᠨᠡᠨ ᠵᠢᠯ ᠳᠡᠰᠪᠦᠷᠢᠯᠡᠬᠦ ᠪᠠᠷ ᠢᠶᠠᠨ ᠯᠡ ᠪᠤᠯᠤᠭᠰᠠᠨ᠂ ᠵᠠᠷᠢᠮ ᠬᠦᠮᠦᠰ ᠳᠡᠭᠦᠨ ᠤ ᠡᠨᠡᠬᠦ ᠤᠶᠢᠯᠡ ᠶᠠᠪᠤᠳᠠᠯ ᠢ ᠰᠤᠨᠤᠰᠤᠭᠠᠳ ᠶᠤᠰᠤᠲᠠᠢ ᠪᠤᠷᠬᠠᠨ ᠰᠡᠳᠭᠢᠯᠲᠡᠨ ᠶᠤᠮ ᠪᠠᠶᠢᠨ᠎ᠠ᠂ ᠪᠤᠷᠬᠠᠨ ᠭᠡᠵᠦ ᠳᠠᠭᠤᠳᠠᠭᠰᠠᠨ ᠴᠦ ᠢᠯᠡᠭᠦᠳᠡᠮᠡᠷ ᠦᠬᠡᠢ ᠬᠡᠯᠴᠢᠯ᠎ᠡ︕      ᠦᠪᠡᠷ ᠤᠨ ᠬᠦᠴᠦ ᠬᠦᠯᠦᠰᠦ ᠨᠢᠯᠪᠤᠰᠦ ᠴᠢᠰᠦ ᠪᠠᠷ ᠢᠶᠠᠨ ᠰᠤᠯᠢᠵᠦ ᠢᠷᠡᠭᠰᠡᠨ ᠠᠮᠵᠢᠯᠲᠠ ᠠᠴᠠ ᠬᠦᠴᠦᠲᠠᠢ ᠶᠠᠭᠤᠮ᠎ᠠ ᠭᠡᠵᠦ ᠶᠠᠭᠤᠨ ᠪᠢᠯᠡ︕ ︽ᠬᠠᠮᠤᠭ ᠤᠨ ᠰᠠᠶᠢᠨ ᠪᠤᠯᠪᠠᠰᠦᠷᠠᠯ ᠭᠡᠳᠡᠭ ᠪᠤᠯ ᠦᠪᠡᠷ ᠢᠶᠠᠨ ᠦᠪᠡᠷ ᠲᠡᠭᠡᠨ ᠬᠦᠷᠳᠡᠭᠡᠳᠡᠭ ᠪᠤᠯᠪᠠᠰᠦᠷᠠᠯ ᠢ ᠬᠡᠯᠡᠳᠡᠭ︾ ᠬᠡᠵᠦ ᠨᠢᠭᠡᠨ ᠠᠯᠳᠠᠷᠲᠦ ᠡᠷᠳᠡᠮᠳᠡᠨ ᠭᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠨᠢ ᠶᠤᠰᠤᠲᠠᠢ ᠦᠭᠡ ᠯᠡ ᠳ᠋ᠠ︕ ᠢᠩᠭᠢᠵᠦ ᠮᠡᠳᠡᠵᠦ ᠰᠤᠷᠴᠦ ᠤᠶᠢᠯᠡᠲᠦᠯᠭᠡᠵᠢᠭᠦᠯᠦᠭᠰᠡᠨ ᠰᠢᠨᠳᠠᠷᠠᠰᠢ ᠦᠬᠡᠢ ᠰᠦᠰᠦ ᠵᠤᠷᠢᠭ ᠎ ᠲᠠᠢ ᠴᠢᠷᠮᠡᠶᠢᠯᠭ᠎ᠠ ᠪᠠᠷ ᠲᠦᠴᠢᠨ ᠲᠦᠷᠪᠡᠨ ᠤᠨ ᠢ ᠳᠤᠭᠤᠯᠤᠨ᠎ᠠ ᠭᠡᠳᠡᠭ ᠬᠡᠯᠡᠬᠦ ᠳᠤ ᠠᠮᠤᠷ ᠴᠦ ᠬᠡᠨ ᠪᠤᠯᠭᠠᠨ ᠪᠦᠷ ᠭᠦᠢᠴᠡᠳᠭᠡᠴᠢᠳᠡᠭ ᠤᠴᠢᠷ ᠪᠢᠰᠢ ᠪᠠᠶᠢᠬ᠎ᠠ᠃ ᠲᠤᠩᠭᠠᠯᠠᠭ ᠨᠦᠬᠦᠷ ᠮᠦᠨ ᠯᠡ ᠤᠶᠢᠯᠡᠰ ᠤᠨ ᠬᠠᠷᠭᠤᠢ ᠪᠠᠷ ᠴᠤᠴᠠᠯᠳᠠ ᠦᠬᠡᠢ ᠳᠡᠮᠡᠤᠯᠡᠭᠰᠡᠭᠡᠷ ᠯᠡ ᠪᠠᠶᠢᠨ᠎ᠠ᠃      ᠡᠬᠡᠯ ᠵᠢᠷ ᠤᠨ ᠡᠮᠴᠢ ︵ᠬᠦᠯ ᠨᠢᠴᠦᠭᠦᠨ ᠡᠮᠴᠢ︶᠎ ᠶᠢᠨ ᠡᠷᠭᠢᠮ ᠳᠡᠭᠡᠲᠦ ᠤᠶᠢᠯᠡ ᠠᠵᠢᠯᠯᠠᠭ᠎ᠠ ᠭᠡᠵᠦ ᠡᠭᠦᠨ ᠎ ᠢ ᠪᠠᠰᠠ ᠪᠠᠭᠳᠠᠭᠠᠵᠦ ᠪᠤᠯᠬᠤ ᠪᠤᠢ ᠳ᠋ᠠ︕                                                                                                   2018 ᠤᠨ ᠤ ᠡᠪᠦᠯ ᠪᠢᠷᠠᠭᠤ ᠪᠠᠯᠭᠠᠰᠦᠨ ᠳᠤ                         ᠪᠠᠶᠠᠩᠭᠤᠤᠯ ᠪᠦᠷᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ
  
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠭᠠᠵᠠᠷ ᠤᠨ ᠵᠢᠷᠤᠭ ᠢ ᠵᠢᠷᠤᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠦ ᠣᠭᠲᠣᠬᠠᠨ ᠴᠤ ᠪᠤᠷᠤᠭᠤ ᠭᠠᠷᠭᠠᠵᠤ ᠪᠤᠯᠬᠤ ᠦᠭᠡᠢ
︽ᠤᠮᠠᠷᠠᠲᠤ ᠬᠢᠯᠢ ᠶᠢᠨ ᠰᠣᠶᠣᠯ︾᠎ ᠢ ᠪᠠᠳᠠᠷᠠᠭᠤᠯᠵᠤ ᠰᠣᠶᠣᠯ ᠤᠨ ᠬᠦᠴᠦᠷᠬᠡᠭ ᠣᠷᠣᠨ ᠢ ᠲᠦᠷᠭᠡᠳᠬᠡᠨ ᠁
ᠳᠠᠷᠦ᠋ᠢᠬᠠᠨ ᠬᠦᠢᠴᠡᠳᠬᠡᠵᠦ ᠦᠨᠡᠨ ᠬᠦ ᠠᠳᠬᠤᠨ ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠶᠢ ᠲᠠᠳᠬᠠᠯ ᠪᠣᠯᠭᠠᠶ᠎ᠠ
ᠠᠷᠠᠳ ᠲᠦᠮᠡᠨ ᠢ ᠳᠡᠭᠡᠳᠦᠯᠡᠬᠦ ᠶᠢ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠰᠤᠭᠠᠢ
ᠴᠠᠭ ᠦᠶ᠎ᠡ ᠶᠢᠨ ᠤᠷᠤᠰᠬᠠᠯ ᠪᠠ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠳᠠᠪᠰᠢᠯᠲᠠ ᠶᠢᠨ ᠴᠢᠭᠯᠡᠯ ᠢ ᠬᠥᠲᠥᠯᠥᠨ ᠁
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号