| | — ᠦᠢᠰᠠᠩᠭᠤᠳ ᠴᠤ᠋᠂ ᠨᠠᠰᠤᠨᠵᠠᠶᠠᠭᠠ | | | ᠪᠦᠰᠡᠭᠦᠢ ᠮᠢᠨᠢ ᠭᠡᠵᠢᠭᠡ ᠪᠠᠨ ᠶᠠᠩᠵᠤᠯᠠᠭᠤᠯᠬᠤ ᠪᠠᠷ ᠵᠡᠭᠡᠯᠢ ᠳᠤ ᠭᠠᠷᠤᠭᠠᠳ ᠭᠠᠯ ᠤᠯᠠᠭᠠᠨ ᠰᠠᠷᠭᠠᠢ | ᠪᠠᠷᠢᠭᠰᠠᠭᠠᠷ ᠢᠨᠢᠶᠡᠮᠰᠦᠭᠯᠡᠨ ᠬᠠᠷᠢᠵᠦ ᠢᠷᠡᠪᠡ᠃ ᠬᠡᠨ ᠤ ᠬᠢᠨᠢ ᠪᠡᠯᠡᠭᠯᠡᠭᠰᠡᠨ ᠰᠠᠷᠭᠠᠢ ᠪᠢᠯᠡ ᠬᠡᠮᠡᠨ ᠰᠤᠨᠢᠭᠤᠴᠢᠯᠠᠨ | ᠠᠰᠠᠭᠤᠬᠤ ᠳᠤ ᠭᠡᠵᠢᠭᠡ ᠭᠤᠶᠤᠯᠠᠭᠴᠢ ᠬᠤᠬᠡᠨ ᠦᠭᠭᠦᠯᠡ ᠭᠡᠨᠡᠢ᠃ ᠦᠨᠡᠬᠡᠷ ᠲᠡᠷᠡ ᠬᠤᠷᠴᠠ ᠲᠠᠩᠰᠤᠭ | ᠦᠡᠭᠭᠡ ᠶᠢᠨ ᠬᠢᠨᠢ ᠰᠠᠶᠢᠬᠠᠨ ᠭᠡᠵᠢ ᠡ᠂ ᠪᠢ ᠴᠦ ᠨᠢᠳᠤ ᠠᠯᠳᠠᠨ ᠲᠤᠷᠠᠯᠠᠴᠢᠬᠠᠯᠠ᠃ | ᠦᠨᠦᠳᠦᠷ ᠪᠤᠯ ᠭᠤᠷᠪᠠᠨ ᠰᠠᠷᠠ ᠶᠢᠨ ᠨᠠᠶᠢᠮᠠᠨ᠂ ᠲᠡᠯᠡᠬᠡᠢ ᠶᠢᠨ ᠡᠮᠡᠭᠳᠠᠶᠢᠴᠦᠳ ᠤᠨ ᠪᠠᠶᠠᠷ ᠤᠨ ᠡᠳᠦᠷ ᠃ | | ᠪᠢᠳᠡ ᠬᠤᠶᠠᠭᠤᠯᠠ ᠬᠡᠳᠦᠶᠢᠪᠡᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠬᠦᠭᠡᠭᠡᠵᠦ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ | ᠪᠤᠯᠵᠤ ᠲᠠᠨᠢᠯᠴᠠᠭᠠᠳ᠂ ᠦᠶᠡᠷᠬᠡᠵᠦ ᠲᠠᠰᠤᠯᠴᠠᠨ ᠪᠦᠷ ᠴᠦ ᠬᠠᠨᠢᠰᠠᠬᠤ ᠶᠢᠨ ᠵᠢᠶᠠᠭᠠᠨ ᠳᠤ ᠬᠦᠳᠦᠯᠦᠭᠳᠡᠵᠦ᠂ ᠠᠶᠢᠯ | ᠭᠡᠷ ᠪᠠᠶᠢᠭᠤᠯᠤᠨ ᠢᠳᠡᠷᠬᠡᠨ ᠵᠦᠭ ᠲᠤ ᠪᠠᠨ ᠬᠦᠷᠳᠡᠯᠡ ᠪᠠᠶᠠᠷ ᠤᠨ ᠡᠳᠦᠷ ᠤᠨ ᠪᠡᠯᠡᠩ ᠰᠠᠯᠳᠠ ᠭᠡᠵᠦ ᠬᠠᠷᠢᠯᠴᠠᠨ | ᠶᠠᠭᠤᠮᠠ ᠬᠦᠷᠭᠡᠯᠴᠡᠭᠰᠡᠨ ᠤᠳᠠᠭᠠ ᠦᠭᠡᠢ ᠪᠢᠯᠡ᠃ ᠲᠡᠭᠡᠬᠦ ᠳᠤ ᠦᠨᠦᠳᠤᠷ ᠭᠡᠵᠢᠭᠡ ᠭᠤᠶᠤᠯᠠᠭᠴᠢ ᠶᠢᠨ ᠭᠠᠯ | ᠤᠯᠠᠭᠠᠨ ᠰᠠᠷᠭᠠᠢ ᠶᠢ ᠲᠤᠰᠤᠭᠠᠳ ᠪᠦᠰᠡᠭᠦᠢ ᠮᠢᠨᠢ ᠪᠠᠶᠠᠷᠳᠠᠢ ᠨᠢ ᠠᠷᠭᠠ ᠦᠭᠡᠢ᠃ | — ᠡᠳᠦᠢ ᠬᠦᠷᠳᠡᠯᠡ ᠴᠢ ᠨᠠᠳᠠᠳᠤ ᠰᠠᠷᠭᠠᠢ ᠪᠠᠶᠢᠳᠤᠭᠠᠢ᠂ ᠰᠦᠯᠢᠶᠤᠤ ᠬᠤᠸᠠᠷ ᠴᠦ ᠬᠦᠷᠭᠡᠵᠦ | ᠪᠠᠶᠢᠭᠰᠠᠨ ᠦᠭᠡᠢ᠂ ᠬᠦᠮᠦᠨ ᠤ ᠬᠢᠳᠡᠳ ᠬᠤᠬᠡᠨ ᠢ ᠦᠵᠡ᠂ ᠮᠢᠨᠤ ᠬᠦᠦ ᠴᠦ ᠲᠡᠷᠡ᠂ ᠠᠪᠦ ᠰᠢᠭ ᠢᠶᠠᠨ ᠪᠠᠶᠠᠷ | ᠲᠤᠷᠠᠰᠬᠠᠯ ᠤᠨ ᠡᠳᠦᠷ ᠨᠠᠮᠠ ᠶᠢ ᠪᠠᠶᠠᠷᠯᠠᠭᠤᠯᠬᠤ ᠶᠢ ᠮᠡᠳᠡᠬᠦ ᠦᠭᠡᠢ᠂ ᠵᠦᠭᠡᠷ ᠯᠡ ︽ᠡᠵᠢ ᠳᠤ ᠪᠠᠶᠠᠷ ᠤᠨ | ᠡᠳᠦᠷ ᠤᠨ ᠮᠡᠨᠳᠤ ᠬᠦᠷᠭᠡᠶᠡ ︾ ᠭᠡᠳ ᠵᠢᠷᠤᠭ ᠤᠨ ᠰᠠᠷᠭᠠᠢ ᠬᠦᠷᠭᠡᠭᠡᠳ᠂᠂᠂ ᠭᠦᠦ ᠪᠢᠳᠡ ᠬᠤᠶᠠᠭᠤᠯᠠ ᠶᠠᠭᠤ | ᠴᠦ ᠲᠤᠤᠭᠠᠷᠤᠯ ᠦᠭᠡᠢ ᠢᠨᠢᠶᠡᠮᠰᠦᠭᠯᠡᠵᠦ ᠪᠠᠶᠢᠯᠠ᠃ | ᠭᠠᠳᠠᠭᠠᠳᠤ ᠲᠤᠳᠤᠭᠠᠳᠤ ᠶᠢᠨ ᠺᠢᠨᠤ᠋ ᠲᠧᠯᠸᠢᠰ ᠲᠡᠭᠡᠷᠡ ᠰᠠᠷᠭᠠᠢ ᠪᠠᠷᠢᠭᠠᠳ ᠤᠷᠤᠭ ᠭᠤᠶᠤᠵᠦ ᠪᠦᠷ ᠴᠦ | ᠬᠡᠦᠬᠡᠨ ᠤ ᠡᠮᠦᠨᠡ ᠡᠪᠦᠳᠦᠭ ᠨᠤᠭᠤᠷᠠᠨ ᠰᠦᠭᠦᠳᠴᠦ ︽ᠪᠢ ᠲᠠᠨ ᠢ ᠪᠠᠨ ᠨᠠᠰᠤᠨ ᠲᠤᠷᠰᠢᠳᠠ ᠬᠠᠶᠢᠷᠠᠯᠠᠨᠠ᠂ ᠲᠠ | ᠨᠠᠳᠠᠳᠤ ᠮᠤᠷᠳᠠᠴᠢᠬᠠ᠂᠂᠂︾ ᠬᠡᠮᠡᠨ ᠭᠤᠶᠤᠵᠦ ᠪᠠᠶᠢᠭᠠ ᠦᠵᠡᠭᠳᠡᠯ ᠢ ᠲᠤᠩ ᠤᠯᠠᠨ ᠤᠯᠵᠤ ᠬᠠᠷᠠᠳᠠᠭ ᠪᠦᠭᠡᠳ | ᠬᠡᠳᠦᠨ ᠡᠳᠦᠷ ᠪᠤᠯᠤᠯ ᠦᠭᠡᠢ᠂ ᠡᠰᠡᠭᠦᠯᠡ ᠬᠡᠳᠦᠨ ᠰᠠᠷᠠ ᠪᠤᠯᠤᠯ ᠦᠭᠡᠢ ᠬᠡᠷᠡᠭᠦᠯ ᠴᠤᠤᠬᠢᠶᠠᠨ ᠪᠤᠯᠵᠤ ᠰᠠᠯᠵᠦ | ᠰᠠᠷᠨᠢᠭᠠᠳ ᠪᠠᠶᠢᠳᠠᠭ ᠠᠴᠠ ᠡᠨᠡᠬᠦ ᠰᠤᠶᠤᠯ ᠤᠨ ᠦᠵᠡᠭᠳᠡᠯ ᠳᠤ ᠪᠢ ᠲᠡᠮᠡᠶᠢᠯᠡ ᠰᠤᠨᠢᠷᠬᠠᠯ ᠲᠦᠷᠦᠳᠡᠭ ᠦᠭᠡᠢ | ᠪᠦᠭᠡᠳ᠂ ᠡᠨᠡᠬᠦ ᠠᠮᠠᠯᠠᠯᠳᠠ ᠨᠢ ᠬᠠᠭᠤᠷᠮᠠᠭ ᠰᠢᠭ ᠰᠠᠨᠠᠭᠳᠠᠳᠠᠭ᠃ ᠪᠢᠳᠡ ᠴᠦ ᠵᠠᠯᠠᠭᠤ ᠨᠠᠰᠤ ᠶᠢ ᠦᠡᠭᠭᠡᠷᠡᠭᠰᠡᠨ | ᠤᠯᠤᠰ ᠳ᠋ᠧ᠂ ᠰᠠᠷᠭᠠᠢ ᠪᠠᠶᠢᠳᠤᠭᠠᠢ᠂ ᠰᠠᠷᠠᠭᠤᠯᠬᠠᠨ ᠬᠦᠳᠡᠭᠡ ᠶᠢᠨ ᠢᠶᠠᠨ ᠰᠠᠷᠠᠨᠠ ᠴᠡᠴᠡᠭ ᠢ ᠴᠦ | ᠲᠠᠰᠤᠳᠠᠬᠤ ᠠᠴᠠ ᠪᠠᠨ ᠰᠢᠷᠬᠢᠭᠡᠳ ᠪᠡᠯᠭᠡᠯᠡᠵᠦ ᠪᠠᠶᠢᠭᠰᠠᠨ ᠤᠳᠠᠭᠠ ᠦᠭᠡᠢ ᠪᠢᠯᠡ᠂᠂᠂ | ᠡᠳᠦᠷ ᠰᠠᠷᠠ ᠭᠡᠭᠴᠢ ᠤᠷᠤᠰᠬᠤ ᠤᠰᠤᠨ ᠮᠡᠳᠤ᠂ ᠯᠤᠩᠬᠤ ᠲᠠᠢ ᠤᠰᠤᠨ ᠳᠤ ᠬᠠᠳᠬᠤᠭᠰᠠᠨ ᠰᠠᠷᠭᠠᠢ | ᠲᠡᠯᠪᠢ ᠪᠠᠨ ᠵᠠᠳᠠᠯᠤᠨ ᠭᠡᠭᠡᠨ ᠦᠡᠭᠭᠡ ᠨᠢ ᠮᠠᠨ ᠤ ᠭᠡᠷ ᠲᠤ ᠴᠢᠮᠡᠭ ᠪᠤᠯᠵᠤ ᠦᠵᠡᠭᠰᠡᠨ ᠪᠦᠬᠦᠨ ᠱᠠᠭᠰᠢᠨᠠ᠃ | | — ᠡᠬᠡᠴᠢ ᠡ᠂ ᠮᠠᠨᠠᠢ ᠲᠡᠯᠭᠡᠭᠦᠷ ᠲᠤ ᠺᠦᠷᠢᠶᠠ ᠶᠢᠨ ᠰᠢᠨᠡ ᠭᠤᠶᠤᠯᠠᠯ ᠤᠨ ᠡᠳ᠋ ᠢᠷᠡᠭᠰᠡᠨ᠂ ᠬᠤᠷᠳᠤᠨ | ᠢᠷᠡᠭᠡᠳ ᠦᠵᠡ᠂ ᠪᠢ ᠲᠠᠨ ᠳᠤ ᠦᠯᠡᠳᠡᠭᠡᠵᠦ ᠪᠠᠶᠢᠨᠠ᠂ ᠪᠦᠰᠡᠭᠦᠢ ᠮᠢᠨᠢ ᠭᠠᠷᠤᠭᠠᠳ ᠬᠤᠶᠠᠷ ᠮᠢᠩᠭᠠ ᠢᠯᠡᠭᠦᠦ | ᠲᠦᠭᠦᠷᠢᠭ ᠤᠨ ᠵᠠᠰᠠᠯ ᠤᠨ ᠶᠠᠭᠤᠮᠠ ᠲᠦᠬᠦᠭᠡᠷᠡᠭᠡᠳ ᠢᠷᠡᠪᠡ᠃ ᠪᠠᠶᠠᠷᠳᠠᠢ ᠨᠢ ᠠᠷᠭᠠ ᠦᠭᠡᠢ᠂ | — ᠡᠬᠡᠴᠢ ᠡ᠂ ᠠᠳᠤᠷᠢᠶᠠ ᠠᠷᠢᠯᠭᠠᠬᠤ ᠭᠠᠳᠠᠭᠠᠳᠤ ᠪᠠᠷᠠᠭᠠ ᠢᠷᠡᠭᠰᠡᠨ᠂ ᠲᠠ ᠡᠭᠦᠨ ᠢ ᠵᠠᠷᠤᠪᠠᠯ ᠪᠦᠷ | ᠴᠦ ᠬᠤᠷᠢᠭᠠᠳ ᠨᠠᠰᠤᠨ ᠳᠠᠭᠠᠨ ᠪᠤᠴᠠᠭᠰᠠᠨ ᠰᠢᠭ ᠵᠠᠯᠠᠭᠤᠮᠰᠤᠭ ᠬᠠᠷᠠᠭᠳᠠᠨᠠ | — ᠡᠬᠡᠴᠢ ᠡ᠂ ᠲᠠ ᠨᠢᠳᠤ ᠪᠠᠨ ᠬᠤᠰᠢ ᠪᠤᠯᠭᠠᠴᠢᠬᠠ᠂ ᠮᠠᠭᠤᠰᠠᠶᠢᠨ ᠵᠠᠯᠠᠭᠤᠴᠤᠳ ᠢ ᠰᠢᠷᠪᠢᠭᠡᠳ | ᠠᠪᠤᠮᠠᠭᠴᠠ᠂᠂᠂ ᠬᠠ ᠬᠠ᠂ ᠬᠢ ᠬᠢ ᠂᠂᠂᠂᠂ | ᠪᠦᠰᠡᠭᠦᠢ ᠮᠢᠨᠢ ᠪᠦᠷ ᠴᠦ ︽ᠰᠠᠷᠭᠠᠢ︾ ᠰᠢᠭ ᠪᠤᠯᠬᠤ ᠨᠢ᠂᠂᠂᠂ | | | | | | |