| | —— ︵ᠶᠠᠫᠥᠨ︶ ᠰᠢᠮᠠᠽᠠᠺᠢ ᠲᠤᠤᠰᠤᠨ | —— ᠪᠠ᠊᠂ ᠪᠣᠯᠣᠳ ᠮᠣᠩᠭᠤᠯᠴᠢᠯᠠᠪᠠ | | | | ︽ᠵᠣᠯ ᠵᠢᠷᠭᠠᠯ︾᠂ ᠣᠯᠠᠨ ᠠᠶᠢᠯ ᠤᠳ ᠢᠶᠠᠷ ᠠᠶᠢᠯᠠᠴᠢᠯᠠᠵᠤ ᠶᠠᠪᠤᠯᠠ᠃ | ᠬᠡᠨ ᠴᠦ ᠭᠡᠰᠡᠨ ᠵᠣᠯ ᠵᠢᠷᠭᠠᠯ ᠢ ᠮᠥᠷᠥᠭᠡᠳᠦᠳᠡᠭ ᠪᠣᠯᠬᠤᠷ᠂ ᠬᠠᠮᠢᠭᠠ ᠣᠴᠢᠭᠰᠠᠨ ᠴᠦ ᠪᠥᠭᠦᠳᠡᠭᠡᠷ ᠢᠶᠠᠨ | ᠬᠠᠯᠠᠭᠤᠨ ᠢᠶᠠᠷ ᠤᠭᠲᠤᠨ ᠠᠪᠬᠤ ᠨᠢ ᠮᠡᠳᠡᠭᠡᠵᠢ᠃ ᠭᠡᠪᠡᠴᠦ᠂ ᠳᠡᠭᠡᠬᠦ ᠶᠤᠮ ᠪᠣᠯ ᠬᠦᠮᠦᠰ ᠤᠨ ᠵᠢᠩᠬᠢᠨᠢ ᠰᠡᠳᠭᠢᠯ ᠢ | ᠤᠶᠢᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠲᠡᠭᠡᠭᠡᠳ᠂ ︽ᠵᠣᠯ ᠵᠢᠷᠭᠠᠯ︾ ᠭᠡᠳᠡᠰᠦ ᠬᠤᠭᠤᠰᠤᠨ ᠮᠥᠷᠥ ᠨᠢᠴᠦᠭᠦᠨ | ᠭᠤᠶᠢᠷᠠᠨᠴᠢ ᠪᠠᠷ ᠬᠤᠪᠴᠠᠯᠠᠭᠠᠳ᠂ ᠬᠡᠨ ᠠᠰᠠᠭᠤᠭᠰᠠᠨ ᠴᠦ ᠥᠪᠡᠷ ᠢ ᠪᠠᠨ ︽ᠵᠣᠯ ᠵᠢᠷᠭᠠᠯ︾ ᠭᠡᠬᠦ ᠦᠭᠡᠢ᠂ | ᠬᠠᠷᠢᠨ ︽ᠶᠠᠳᠠᠭᠤ ︾ ᠭᠡᠵᠦ ᠬᠡᠯᠡᠬᠦ ᠪᠠᠷ ᠪᠣᠯᠪᠠ᠃ ᠲᠡᠶᠢᠮᠦ ᠶᠠᠳᠠᠭᠤ ᠵᠦᠳᠡᠭᠦᠦ ᠬᠦᠮᠦᠨ ᠢ ᠥᠷᠥ ᠵᠥᠭᠡᠯᠡᠨ | ᠬᠦᠯᠢᠶᠡᠨ ᠠᠪᠳᠠᠭ ᠠᠶᠢᠯ ᠪᠠᠶᠢᠪᠠᠯ᠂ ᠲᠡᠷᠡ ᠠᠶᠢᠯ ᠳᠤ ᠵᠣᠯ ᠵᠢᠷᠭᠠᠯ ᠢᠶᠠᠨ ᠬᠤᠪᠢᠶᠠᠵᠤ ᠥᠭᠭᠦᠶᠡ ᠭᠡᠵᠦ ᠪᠣᠳᠣᠭᠰᠠᠨ | ᠪᠠᠶᠢᠵᠠᠢ᠃ | ︽ᠵᠣᠯ ᠵᠢᠷᠭᠠᠯ︾ ᠣᠯᠠᠨ ᠠᠶᠢᠯ ᠢᠶᠠᠷ ᠲᠤᠭᠤᠷᠢᠨ ᠶᠠᠪᠤᠵᠤ ᠪᠠᠶᠢᠲᠠᠯᠠ᠂ ᠨᠢᠭᠡᠨ ᠨᠤᠬᠠᠢ ᠲᠡᠵᠢᠭᠡᠭᠰᠡᠨ | ᠠᠶᠢᠯ ᠲᠠᠭᠠᠷᠢᠯᠳᠤᠪᠠ᠃ ᠲᠡᠭᠡᠭᠡᠳ ᠲᠡᠷᠡ ᠠᠶᠢᠯ ᠤᠨ ᠡᠭᠦᠳᠡᠨ ᠳᠤ ᠤᠴᠢᠭᠠᠳ ᠵᠣᠭᠰᠤᠪᠠ᠃ | ᠲᠡᠷᠡ ᠠᠶᠢᠯ ᠤᠨ ᠬᠦᠮᠦᠨ ︽ᠵᠣᠯ ᠵᠢᠷᠭᠠᠯ︾ ᠢᠷᠡᠭᠰᠡᠨ ᠢ ᠮᠡᠳᠡᠭᠰᠡᠨ ᠦᠭᠡᠢ ᠪᠠᠷ ᠶᠠᠳᠠᠭᠤ ᠵᠦᠳᠡᠭᠦᠦ | ᠭᠤᠶᠢᠷᠠᠨᠴᠢ ᠡᠭᠦᠳᠡᠨ ᠳᠤ ᠨᠢ ᠵᠣᠭᠰᠤᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ᠄ | — ᠴᠢ ᠬᠡᠨ ᠪᠤᠢ︖ ᠭᠡᠵᠦ ᠵᠠᠩᠳᠤᠷᠠᠨ ᠠᠰᠠᠭᠤᠪᠠ᠃ | — ᠪᠢ ︽ᠶᠠᠳᠠᠭᠤ︾ ᠭᠡᠭᠴᠢ ᠪᠠᠶᠢᠨᠠ᠃ | — ︽ᠶᠠᠳᠠᠭᠤ︾ ᠭᠡᠨᠡ ᠦᠦ︖ ︽ᠶᠠᠳᠠᠭᠤ︾ ᠪᠣᠯ ᠮᠠᠨ ᠤ ᠬᠢ ᠠᠴᠠ ᠬᠤᠯᠠ ᠪᠠᠶᠢᠭᠠᠴᠢ︕ | | ᠲᠡᠷᠡ ᠠᠶᠢᠯ ᠤᠨ ᠬᠦᠮᠦᠨ ᠲᠡᠭᠡᠵᠦ ᠬᠡᠯᠡᠮᠡᠭᠴᠡ ᠡᠭᠦᠳᠡ ᠪᠠᠨ ᠲᠢᠱ ᠬᠢᠳᠡᠯᠡ ᠬᠠᠭᠠᠴᠢᠬᠠᠪᠠ᠃ ᠨᠥᠭᠦᠬᠡ | ᠨᠤᠬᠠᠢ ᠨᠢ ᠬᠦᠷᠲᠡᠯᠡ ᠪᠠᠷᠢᠵᠤ ᠢᠳᠡᠮᠡᠷ ᠮᠠᠭᠤᠬᠠᠢ ᠠᠷᠬᠢᠷᠠᠨ ᠬᠤᠴᠠᠵᠤ ᠪᠠᠶᠢᠯᠠ᠃ | ︽ᠵᠣᠯ ᠵᠢᠷᠭᠠᠯ︾ ᠲᠠᠷᠤᠶᠢᠬᠠᠨ ᠠᠭᠤᠴᠢᠯᠠᠯ ᠭᠤᠶᠤᠭᠠᠳ᠂ ᠥᠭᠡᠷᠡ ᠨᠢᠭᠡᠨ ᠲᠠᠬᠢᠶᠠ ᠲᠡᠵᠢᠭᠡᠵᠦ ᠪᠠᠶᠢᠭᠠ | ᠠᠶᠢᠯ ᠳᠤ ᠤᠴᠢᠪᠠ᠃ ᠲᠡᠷᠡ ᠠᠶᠢᠯ ᠤᠨ ᠬᠢᠨ ᠴᠦ ︽ᠵᠣᠯ ᠵᠢᠷᠭᠠᠯ︾ ᠢᠷᠡᠭᠰᠡᠨ ᠢ ᠮᠡᠳᠡᠬᠦ ᠦᠭᠡᠢ ᠪᠠᠷ ᠬᠠᠷᠢᠨ | ᠶᠠᠮᠠᠷ ᠨᠢᠭᠡᠨ ᠬᠤᠭ ᠤᠨ ᠶᠠᠭᠤᠮᠠ ᠬᠦᠷᠦᠭᠡᠳ ᠢᠷᠡᠴᠢᠬᠡᠭᠰᠡᠨ ᠶᠤᠮ ᠰᠢᠭ ᠴᠢᠷᠡᠶᠢᠯᠠᠨ᠄ | — ᠴᠢ ᠬᠡᠨ ᠪᠤᠢ︖ ᠭᠡᠵᠦ ᠠᠰᠠᠭᠤᠨᠠ᠃ | —ᠪᠢ ︽ᠶᠠᠳᠠᠭᠤ︾ ᠭᠡᠭᠴᠢ ᠪᠠᠶᠢᠨᠠ᠃ | — ︽ᠶᠠᠳᠠᠭᠤ︾ ᠭᠡᠨᠡ ᠦᠦ︖ ᠮᠠᠨ ᠤ ᠬᠢ ᠴᠦ ︽ᠶᠠᠳᠠᠭᠤ︾ ᠪᠠᠷ ᠲᠤᠲᠠᠬᠤ ᠪᠢᠰᠢ ᠳ᠋ᠡ ᠭᠡᠳ | ᠤᠷᠲᠤᠬᠠᠨ ᠰᠠᠨᠠᠭᠠ ᠠᠯᠳᠠᠪᠠ᠃ ᠲᠡᠭᠡᠭᠡᠳ ᠲᠡᠵᠢᠭᠡᠵᠦ ᠪᠠᠶᠢᠭᠰᠠᠨ ᠲᠠᠬᠢᠶᠠ ᠪᠠᠨ ᠰᠠᠨᠠᠵᠤ ᠣᠯᠣᠭᠰᠠᠨ ᠪᠣᠯᠣᠯᠲᠠᠢ᠂ | ᠡᠨᠡ ᠮᠠᠭᠤ ᠭᠤᠶᠢᠷᠠᠨᠴᠢ ᠶᠢᠨ ᠬᠤᠯᠠᠭᠠᠶᠢᠯᠠᠭᠠᠳ ᠶᠠᠪᠤᠴᠢᠬᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠨᠠ᠃ ᠲᠠᠬᠢᠶᠠ ᠨᠢ ᠴᠦ ︽ᠭᠦ᠋ | ᠭᠦ᠋︾ ᠭᠡᠵᠦ ᠶᠡᠬᠡᠯᠡ ᠰᠡᠷᠡᠮᠵᠢᠳᠡᠢ ᠳᠤᠤᠭᠠᠷᠤᠨᠠ᠃ | ︽ᠵᠣᠯ ᠵᠢᠷᠭᠠᠯ︾ ᠮᠦᠨ ᠯᠠ ᠠᠭᠤᠴᠢᠯᠠᠯ ᠭᠤᠶᠤᠭᠠᠳ᠂ ᠥᠭᠡᠷᠡ ᠨᠢᠭᠡᠨ ᠲᠠᠤᠯᠠᠢ ᠲᠡᠵᠢᠭᠡᠵᠦ ᠪᠠᠶᠢᠭᠠ | ᠠᠶᠢᠯ ᠤᠨ ᠡᠮᠥᠨᠡ ᠬᠦᠷᠦᠭᠡᠳ ᠵᠣᠭᠰᠤᠪᠠ᠃ | — ᠴᠢ ᠬᠡᠨ ᠪᠣᠢ︖ | — ᠪᠢ ︽ᠶᠠᠳᠠᠭᠤ︾ ᠭᠡᠭᠴᠢ ᠪᠠᠶᠢᠨᠠ᠃ | — ᠥ᠂ ︽ᠶᠠᠳᠠᠭᠤ︾ ᠭᠡᠨᠡ ᠦᠦ︖ ᠭᠡᠭᠰᠡᠭᠡᠷ ᠭᠡᠷ ᠠᠴᠠ ᠪᠠᠨ ᠭᠠᠷᠴᠤ ᠢᠷᠡᠭᠡᠳ ᠦᠵᠡᠬᠦᠯᠡᠷ᠂ | ᠨᠢᠭᠡᠨ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠬᠦᠮᠦᠨ ᠭᠠᠳᠠᠭᠠ ᠨᠢ ᠵᠣᠭᠰᠤᠵᠤ ᠪᠠᠶᠢᠪᠠ᠃ ᠲᠡᠷᠡ | ᠠᠶᠢᠯ ᠤᠨ ᠬᠦᠮᠦᠨ ᠴᠦ ︽ᠵᠣᠯ ᠵᠢᠷᠭᠠᠯ︾ ᠢᠷᠡᠭᠰᠡᠨ ᠭᠡᠳᠡᠭ ᠢ ᠮᠡᠳᠡᠭᠡ ᠦᠭᠡᠢ ᠶᠤᠮ ᠰᠢᠭ ᠪᠠᠶᠢᠯᠠ᠃ ᠭᠡᠪᠡᠴᠦ᠂ | ᠥᠷᠥ ᠨᠢᠮᠭᠡᠨ ᠬᠦᠮᠦᠨ ᠪᠣᠯᠣᠯᠲᠠᠢ ᠭᠠᠯ ᠲᠣᠭᠤᠭᠠᠨ ᠤ ᠥᠷᠥᠭᠡᠨ ᠠᠴᠠ ᠪᠠᠨ ᠨᠢᠭᠡᠨ ᠪᠠᠵᠠᠭᠰᠠᠨ ᠪᠤᠳᠠᠭᠠ | ᠠᠪᠴᠢᠷᠠᠭᠠᠳ᠄ | — ᠮᠠᠢ᠂ ᠡᠭᠦᠨ ᠢ ᠢᠳᠡᠭᠡᠷᠡᠢ ᠭᠡᠵᠦ ᠬᠡᠯᠡᠪᠡ᠃ | ᠪᠠᠵᠠᠭᠰᠠᠨ ᠪᠤᠳᠠᠭᠠᠨ ᠤ ᠳᠡᠭᠡᠷᠡ ᠨᠢ ᠪᠠᠰᠠ ᠰᠢᠷᠭᠠᠯ ᠥᠩᠭᠡ ᠶᠢᠨ ᠲᠠᠪᠤᠰᠤᠯᠠᠭᠰᠠᠨ ᠯᠤᠤᠪᠠᠩ ᠲᠠᠯᠪᠢᠭᠰᠠᠨ | ᠪᠠᠶᠢᠯᠠ᠃ ᠲᠡᠵᠢᠭᠡᠭᠰᠡᠨ ᠲᠠᠤᠯᠠᠢ ᠨᠢ ︽ᠫᠥᠷ ᠫᠥᠷ︾ ᠬᠤᠷᠬᠢᠷᠠᠨ ᠲᠠᠭᠠᠲᠠᠢ ᠰᠠᠶᠢᠬᠠᠨ ᠦᠳᠡ ᠶᠢᠨ ᠨᠤᠶᠢᠷ ᠢᠶᠠᠨ | ᠠᠪᠴᠤ ᠪᠠᠶᠢᠯᠠ᠃ | ︽ᠵᠣᠯ ᠵᠢᠷᠭᠠᠯ︾᠂ ᠲᠡᠷᠡ ᠠᠶᠢᠯ ᠤᠨ ᠬᠦᠮᠦᠰ ᠤᠨ ᠰᠡᠳᠭᠢᠯ ᠢ ᠰᠠᠶᠢᠨ ᠤᠶᠢᠯᠭᠠᠯᠠ᠃ | ᠭᠠᠭᠴᠠᠬᠠᠨ ᠪᠠᠵᠠᠭᠰᠠᠨ ᠪᠤᠳᠠᠭᠠ᠂ ᠭᠠᠭᠴᠠᠬᠠᠨ ᠰᠢᠷᠬᠡᠭ ᠲᠠᠪᠤᠰᠤᠯᠠᠭᠰᠠᠨ ᠯᠤᠤᠪᠠᠩ ᠠᠴᠠ ᠬᠦᠮᠦᠨ ᠤ ᠴᠢᠩ | ᠰᠡᠳᠭᠢᠯ ᠢ ᠦᠵᠡᠵᠦ ᠭᠠᠷᠳᠠᠭ ᠠᠵᠠᠢ᠃ | ᠲᠡᠭᠡᠵᠦ ᠪᠣᠳᠤᠭᠠᠳ᠂ ᠲᠡᠷᠡᠬᠦ ᠲᠠᠤᠯᠠᠢ ᠲᠠᠢ ᠠᠶᠢᠯ ᠳᠤ ᠵᠣᠯ ᠵᠢᠷᠭᠠᠯ ᠢᠶᠠᠨ ᠬᠤᠪᠢᠶᠠᠵᠤ ᠦᠯᠡᠳᠡᠭᠡᠭᠡᠳ | ᠶᠠᠪᠤᠵᠠᠢ᠃ | | | | ᠵᠣᠬᠢᠶᠠᠭᠴᠢ ᠶᠢᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ | ᠰᠢᠮᠠᠽᠠᠺᠢ ᠲᠤᠤᠰᠤᠨ ︵島崎藤村1872-1943︶᠂ ᠠᠯᠲᠠᠷᠲᠤ ᠢᠷᠠᠭᠤ ᠨᠠᠶᠢᠷᠠᠭᠴᠢ᠂ | ᠵᠣᠬᠢᠶᠠᠯᠴᠢ᠃ ᠶᠠᠫᠥᠨ ᠤ ᠪᠠᠶᠢᠭᠠᠯᠢᠯᠢᠭ ᠤᠷᠠᠨ ᠵᠤᠬᠢᠶᠠᠯ ᠤᠨ ᠥᠨᠳᠦᠰᠦᠯᠡᠭᠴᠢ᠃ ᠬᠡᠦᠬᠡᠳ ᠤᠨ ᠤᠷᠠᠨ | ᠵᠣᠬᠢᠶᠠᠯ ᠢᠶᠠᠷ ︽ᠨᠢᠳᠦᠨ ᠤ ᠰᠢᠯ︾ ︽ᠨᠤᠲᠤᠭ︾ ᠵᠡᠷᠭᠡ ᠲᠡᠭᠦᠪᠦᠷᠢ ᠲᠠᠢ᠃ | | | | |