| | | | — ᠬ᠊᠂ ᠳᠤᠭᠠᠷᠰᠦ᠋ᠷᠦᠩ | | ᠵᠡᠭᠦᠳᠦ ᠮᠠᠨᠠᠭᠠᠨ ᠳᠤ ᠦᠦ᠋ᠷᠰᠡᠵᠦ ᠪᠤᠢ ᠠᠳᠤᠭᠤᠨ ᠤ ᠬᠤᠮᠢᠭᠰᠠᠨ ᠰᠣᠷᠮᠤᠤᠰᠤ ᠰᠢᠭ᠋ ᠰᠢᠯᠮᠦᠦᠰᠦ | ᠨᠣᠭᠤᠭᠠᠨ ᠮᠣᠳᠣᠨ ᠤ ᠮᠥᠴᠢᠷ ᠳᠡᠭᠡᠷᠡ ᠰᠦᠯᠵᠢᠵᠦ ᠵᠠᠰᠠᠭᠰᠠᠨ ᠮᠥᠮᠥᠨ ᠴᠠᠭᠠᠨ ᠡᠭᠦᠷ ᠠᠴᠠ ᠪᠣᠷᠭᠤᠴᠠᠢ ᠪᠣᠷᠣ | ᠰᠢᠪᠠᠭᠤᠬᠠᠢ ᠨᠢᠰᠦᠨ ᠢᠷᠡᠵᠦ ᠠᠶᠢᠯ ᠭᠡᠷ ᠤᠨ ᠭᠠᠳᠠᠭᠠᠬᠢ ᠠᠭᠠᠷᠤᠤᠯ ᠤᠨ ᠪᠠᠨᠳᠠᠩ ᠳᠡᠭᠡᠷᠡ ᠰᠠᠭᠤᠭᠠᠳ ᠵᠢᠷᠭᠢᠨ | ᠵᠢᠷᠭᠢᠬᠦ ᠨᠢ ᠦᠷ ᠴᠠᠶᠢᠵᠤ ᠪᠤᠢ ᠶᠢᠨ ᠡᠬᠢᠯᠡᠯ ᠪᠤᠶᠤ᠃ ᠪᠦᠳᠡᠭᠢᠬᠡᠨ ᠴᠤ ᠥᠨᠥᠬᠢ ᠯᠠ ᠨᠣᠭᠤᠭᠠᠨ ᠥᠩᠭᠡ ᠨᠢ | ᠲᠣᠳᠣᠷᠠᠬᠤ ᠠᠯᠤᠰ ᠤᠨ ᠴᠢᠨᠳᠠᠮᠤᠨᠢ ᠠᠭᠤᠯᠠᠰ᠂ ᠰᠢᠮᠡ ᠤᠭᠤᠷᠠᠭ ᠢ ᠨᠢ ᠰᠣᠷᠣᠵᠤ ᠪᠠᠷᠤᠯ ᠦᠭᠡᠢ ᠡᠪᠡᠰᠦᠨ ᠤ | ᠨᠢᠷᠤᠭᠤ ᠪᠥᠬᠦ᠋ᠢᠯᠭᠡᠨ ᠤᠨᠲᠠᠵᠤ ᠪᠤᠢ ᠥᠩᠭᠡ ᠬᠦᠷᠡᠩ ᠴᠠᠷᠴᠠᠬᠠᠢ᠂ ᠨᠢᠳᠦᠨ ᠠᠴᠠ ᠨᠢᠭᠤᠴᠠ ᠳᠤ ᠪᠠᠶᠢᠭᠠᠯᠢ | ᠡᠵᠢ ᠶᠢᠨ ᠲᠠᠷᠢᠨᠠ ᠶᠢᠨ ᠰᠢᠳᠡᠷᠡ ᠡᠭᠦᠰᠦᠭᠰᠡᠨ ᠪᠣᠯᠣᠷ ᠪᠣᠯᠣᠷ ᠦᠷᠡᠯᠡᠨ ᠰᠢᠭᠦᠳᠡᠷᠢ᠂ ᠡᠪᠡᠰᠦ ᠪᠦᠭᠦᠳᠡ ᠶᠢᠨ | ᠦᠵᠦᠭᠦᠷ ᠳᠡᠭᠡᠷᠡ ᠲᠣᠭᠲᠠᠨ᠂ ᠲᠣᠭᠲᠠᠵᠤ ᠪᠥᠩᠵᠢᠭᠡᠨᠡᠬᠦ ᠨᠢ ᠡᠩᠬᠡ ᠦᠷ ᠤᠨ ᠴᠢᠮᠡᠭ ᠡ᠃ ᠦᠷ ᠤᠨ ᠪᠦᠭᠡᠭᠡᠨ | ᠰᠠᠯᠬᠢ ᠦᠨᠦᠷᠯᠡᠨ ᠡᠪᠡᠰᠦ ᠵᠤᠯᠭᠠᠭᠠᠬᠤ ᠠᠷᠭᠠᠮᠵᠢᠶᠠ ᠲᠠᠢ ᠬᠡᠭᠡᠷᠡ ᠠᠳᠤᠭᠤ ᠡᠮᠡᠭᠡᠯ ᠲᠡᠪᠡᠷᠢᠨ ᠢᠷᠡᠬᠦ ᠡᠵᠡᠨ ᠢᠶᠠᠨ | ᠬᠦᠯᠢᠶᠡᠵᠦ᠂ ᠢᠳᠡᠭᠡᠰᠢᠯᠡᠵᠦ ᠪᠤᠢ ᠰᠦᠷᠦᠭ ᠬᠡᠳᠦᠨ ᠠᠳᠤᠭᠤᠨ ᠤ ᠪᠠᠨ ᠵᠦᠭ ᠳ᠋ᠤᠨ ᠪᠦᠷᠢᠶᠡ ᠬᠠᠮᠠᠷ ᠢᠶᠠᠨ | ᠲᠠᠨᠢᠭᠢᠨᠠᠲᠠᠯᠠ ᠢᠨᠴᠠᠭᠠᠬᠤ ᠨᠢ ᠦᠷ ᠤᠨ ᠴᠠᠭᠠᠨ ᠰᠡᠷᠢᠭᠦᠯᠡᠭ᠃ ᠬᠤᠲᠠᠯᠠᠭᠰᠠᠨ ᠬᠤᠨᠢᠨ ᠤ ᠬᠠᠰᠢᠶᠠᠨ ᠳᠡᠭᠡᠷᠡ | ᠰᠠᠭᠤᠵᠤ ᠭᠡᠭᠡ ᠣᠷᠣᠵᠤ ᠪᠤᠢ ᠶᠢ ᠵᠠᠷᠯᠠᠭᠠᠳ ᠨᠢᠰᠦᠭᠰᠡᠨ ᠪᠣᠷᠭᠤᠴᠠᠢ ᠪᠣᠷᠣ ᠰᠢᠪᠠᠭᠤᠬᠠᠢ ᠶᠢᠨ ᠯᠢᠩᠪᠦ ᠡᠭᠡᠰᠢᠭ | ᠤᠶᠠᠬᠠᠨ ᠵᠢᠷᠭᠢᠭᠡᠨ ᠳᠤ ᠬᠤᠨᠢ᠂ ᠢᠮᠠᠭᠠ ᠬᠡᠳᠦ᠋ᠢᠨᠡ ᠰᠡᠷᠢᠭᠡᠳ ᠦᠷ ᠤᠨ ᠰᠠᠯᠬᠢ ᠦᠨᠦᠷᠯᠡᠨ ᠲᠤᠷᠭᠢᠵᠤ᠂ ᠪᠠᠰᠠ | ᠮᠠᠶᠢᠯᠠᠯᠳᠤᠬᠤ ᠠᠵᠡᠢ᠃ ᠦᠷ ᠤᠨ ᠭᠡᠭᠡᠨ ᠢᠶᠠᠷ ᠬᠡᠭᠡᠷᠡ ᠬᠤᠨᠣᠭᠰᠠᠨ ᠦᠨᠢᠶᠡ ᠮᠠᠯ ᠳᠡᠯᠡᠩ ᠳᠦᠭᠦᠷᠡᠩ ᠰᠦ ᠲᠠᠢ | ᠵᠡᠯᠡᠨ ᠳᠤ ᠪᠠᠨ ᠢᠷᠡᠭᠡᠳ ᠰᠠᠯᠬᠢ ᠰᠥᠷᠥᠨ ᠬᠡᠪᠢᠵᠦ ᠬᠡᠪᠲᠡᠨᠡ᠃ | ᠠᠯᠤᠰ ᠤᠨ ᠠᠯᠤᠰ ᠲᠤ ᠠᠨᠢᠷ ᠦᠭᠡᠢ ᠪᠠᠰᠠ ᠨᠠᠮ ᠭᠦᠮᠬᠡᠨ ᠯᠠ᠃ ᠭᠡᠷ ᠤᠨ ᠪᠠᠷᠠᠭᠤᠨ ᠬᠠᠲᠠᠪᠴᠢᠨ ᠳᠤ | ᠲᠣᠰᠣ ᠨᠡᠪᠴᠢᠭᠰᠡᠨ ᠰᠢᠷᠭᠠᠯ ᠬᠥᠬᠦᠷ ᠲᠠᠢ ᠠᠶᠢᠷᠠᠭ ᠱᠤᠤᠭᠢᠨ ᠱᠣᠣᠬᠢᠨᠠ᠃ ᠠᠶᠢᠷᠠᠭ ᠢᠰᠴᠡᠢ᠃ ᠰᠢᠪᠠᠭᠤ | ᠵᠢᠷᠭᠢᠬᠦ ᠴᠢᠮᠡᠭᠡᠨ ᠢᠶᠠᠷ ᠴᠤ ᠶᠤᠮ ᠦᠦ᠂ ᠠᠳᠤᠭᠤ ᠢᠨᠴᠠᠭᠠᠬᠤ ᠳᠠᠭᠤᠨ ᠢᠶᠠᠷ ᠶᠤᠮ ᠦᠦ᠂ ᠪᠦᠷᠢ ᠡᠰᠡᠬᠦᠯᠡ ᠠᠶᠢᠷᠠᠭ | ᠨᠢ ᠪᠣᠳᠣᠭᠳᠠᠭᠰᠠᠭᠠᠷ ᠦᠦ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠣᠷᠣᠨ ᠠᠴᠠ ᠪᠠᠨ ᠥᠨᠳᠡᠶᠢᠵᠦ᠂ ᠭᠠᠨᠳᠠᠭᠤ ᠬᠦᠷᠡᠩ | ᠲᠡᠷᠯᠢᠭ ᠢᠶᠠᠨ ᠡᠮᠦᠰᠴᠦ᠂ ᠳᠤᠷᠠᠨ ᠶᠠᠭᠤᠢ ᠪᠠᠨ ᠰᠢᠷᠠ ᠳᠤᠷᠳᠤᠩ ᠪᠥᠰ ᠲᠤ ᠵᠡᠭᠦᠭᠡᠳ ᠤᠨᠲᠠᠵᠤ ᠪᠤᠢ ᠰᠥᠭᠡᠪᠦᠭᠡᠷ | ᠬᠦᠦ ᠪᠠᠨ ᠰᠡᠷᠢᠭᠡᠬᠦ ᠦᠭᠡᠢ ᠶᠢ ᠬᠢᠴᠢᠶᠡᠨ ᠰᠡᠮ ᠶᠠᠪᠤᠵᠤ᠂ ᠢᠰᠦᠯᠲᠡ ᠭᠡᠵᠦ ᠰᠢᠮᠡᠲᠡᠢ᠂ ᠲᠣᠰᠣ ᠳᠠᠭᠠᠭᠠᠵᠤ ᠬᠠᠮᠤᠷ | ᠴᠣᠷᠭᠢᠲᠠᠯᠠ ᠰᠡᠩᠭᠢᠨᠡᠬᠦ ᠰᠢᠷᠭᠠᠯ ᠬᠥᠬᠦᠷ ᠲᠠᠢ ᠠᠶᠢᠷᠠᠭ ᠠᠴᠠ ᠳᠡᠭᠡᠵᠢᠯᠡᠵᠦ ᠪᠠᠶᠠᠨ ᠪᠤᠭᠤᠷᠤᠯ ᠬᠠᠩᠭᠠᠢ ᠳᠤ ᠪᠠᠨ | ᠡᠷᠭᠦᠭᠡᠳ ᠦᠯᠦ ᠶᠠᠯᠢᠭ ᠬᠥᠭᠡᠰᠦ ᠶᠢ ᠨᠢ ᠰᠡᠬᠦᠨ ᠵᠢᠭᠠᠰᠤᠨ ᠨᠢᠳᠦ ᠲᠠᠢ ᠠᠶᠢᠷᠠᠭ ᠤᠨ ᠬᠤᠯᠤ ᠪᠠᠷ ᠨᠢᠭᠡ ᠬᠤᠶᠠᠷ | ᠵᠠᠯᠭᠢᠯᠠᠭᠠᠳ ᠢᠯᠡᠭᠦᠦ ᠭᠡᠷ ᠤᠨ ᠢᠶᠠᠨ ᠬᠠᠶᠠᠭᠠᠨ ᠳᠤ ᠴᠢᠯᠠᠭᠤ ᠪᠠᠷ ᠳᠠᠷᠤᠵᠤ ᠬᠤᠨᠣᠭᠰᠠᠨ ᠲᠠᠪᠤᠨ ᠠᠯᠳᠠ ᠶᠢᠨ | ᠤᠷᠭᠠ ᠪᠠᠨ ᠠᠪᠴᠤ᠂ ᠣᠯᠣᠮᠴᠤᠭ ᠨᠢ ᠵᠢᠭᠠᠬᠠᠨ ᠴᠢᠭᠢᠭ ᠲᠠᠢ ᠡᠮᠡᠭᠡᠯ ᠶᠠᠭᠤ ᠪᠠᠨ ᠲᠣᠬᠤᠢ ᠨᠤᠭᠤᠯᠤᠨ | ᠴᠡᠭᠡᠵᠢᠨ ᠳᠤ ᠪᠠᠨ ᠲᠡᠪᠡᠷᠢᠭᠡᠳ ᠠᠷᠭᠠᠮᠵᠢᠵᠤ ᠬᠤᠨᠣᠭᠰᠠᠨ ᠬᠡᠭᠡᠷ ᠮᠣᠷᠢ ᠤᠷᠤᠭᠤ ᠪᠠᠨ ᠦᠷ ᠤᠨ ᠠᠩᠬᠠᠨ ᠤ ᠮᠥᠷ | ᠭᠠᠷᠭᠠᠨ ᠰᠢᠭᠦᠳᠡᠷᠢ ᠭᠢᠰᠬᠢᠨ ᠠᠯᠬᠤᠵᠤ᠂ ᠬᠡᠭᠡᠷ ᠮᠣᠷᠢ ᠪᠠᠨ ᠡᠮᠡᠭᠡᠯᠯᠡᠭᠡᠳ ᠦᠷ ᠤᠨ ᠵᠥᠩᠳᠡᠭᠡᠨ ᠢᠲᠡᠭᠡᠨ ᠬᠡᠭᠡᠷᠡ | ᠬᠤᠨᠣᠭᠰᠠᠨ ᠬᠡᠳᠦᠨ ᠠᠳᠤᠭᠤ ᠪᠠᠨ ᠬᠤᠷᠢᠶᠠᠬᠤ ᠪᠠᠷ ᠤᠷᠭᠠ ᠰᠤᠩᠭᠠᠨ ᠳᠥᠷᠦᠭᠡᠨ ᠳᠡᠭᠡᠷᠡ ᠪᠠᠨ ᠪᠣᠰᠤᠭᠠᠳ | ᠢᠰᠬᠡᠷᠦᠨ ᠴᠢᠪᠬᠠᠳᠠᠯᠠ᠃ ᠰᠢᠪᠠᠭᠤᠳ ᠵᠢᠷᠭᠢᠬᠦ ᠦᠷ ᠢᠶᠠᠷ ᠰᠢᠷᠭᠠ ᠭᠡᠭᠦᠦ ᠤᠨᠠᠭᠠᠯᠠᠵᠠᠢ᠃ ᠤᠨᠠᠭᠠ ᠨᠢ ᠪᠣᠰᠤᠭᠠ | ᠲᠥᠷᠥᠵᠡᠢ᠃ ᠤᠨᠠᠭᠠ ᠨᠢ ᠬᠥᠯ ᠴᠢᠩᠭᠠ᠂ ᠪᠣᠰᠤᠭᠠ ᠲᠥᠷᠦᠳᠡᠭ ᠮᠣᠩᠭᠤᠯ ᠤᠨ ᠶᠡᠭᠡ ᠬᠡᠭᠡᠷᠡ ᠲᠠᠯᠠ ᠳᠤ | ᠦᠷ ᠤᠨ ᠪᠣᠷᠤᠭᠠ ᠰᠢᠪᠡᠷᠡᠨᠡ᠃ ᠪᠥᠭᠲᠥᠷ ᠨᠣᠭᠤᠭᠠᠨ ᠡᠪᠡᠰᠦᠨ ᠤ ᠦᠵᠦᠭᠦᠷ ᠳᠡᠭᠡᠷᠡ ᠵᠡᠭᠦᠷᠮᠡᠭᠯᠡᠵᠦ ᠪᠤᠢ ᠠᠯᠠᠭ | ᠡᠷᠪᠡᠬᠡᠢ ᠨᠠᠷᠠ ᠭᠠᠷᠬᠤ ᠪᠠᠷ ᠨᠢᠰᠦᠨ ᠳᠡᠭᠦᠯᠢᠬᠦ ᠰᠡᠳᠬᠢᠯᠲᠡᠨ ᠮᠡᠲᠦ ᠡᠷᠢᠶᠡᠨ ᠳᠠᠯᠠᠪᠴᠢ ᠪᠠᠨ ᠠᠩᠭᠠᠰ ᠠᠩᠭᠠᠰ | ᠬᠥᠳᠡᠯᠭᠡᠨᠡ᠃ ᠡᠨᠡ ᠯᠠ ᠠᠯᠲᠠᠨ ᠳᠦᠷᠢ ᠵᠢᠷᠤᠭ ᠢ ᠦᠷ ᠤᠨ ᠭᠡᠭᠡ ᠯᠠ ᠮᠡᠳᠡᠨᠡ ᠳ᠋ᠡ᠃ ᠦᠷ ᠢᠶᠠᠷ ᠲᠦᠷᠦᠭᠰᠡᠨ | ᠤᠨᠠᠭᠠᠨ ᠤ ᠬᠦᠢ ᠰᠢᠭ ᠡᠭᠦᠯᠡᠰ ᠣᠷᠢᠶᠠᠯᠳᠤᠵᠤ᠂ ᠦᠷ ᠢᠶᠠᠷ ᠠᠳᠤᠭᠤᠨ ᠳᠤ ᠮᠣᠷᠳᠠᠭᠰᠠᠨ ᠡᠷᠡ ᠶᠢᠨ ᠭᠦᠦᠭᠯᠡᠬᠦ | ᠳᠠᠭᠤᠤ ᠠᠭᠤᠯᠠᠰ ᠴᠡᠴᠡᠷᠡᠲᠡᠯᠡ ᠴᠤᠤᠷᠢᠶᠠᠲᠤᠵᠤ᠂ ᠦᠷ ᠢᠶᠠᠷ ᠲᠣᠭᠲᠠᠭᠰᠠᠨ ᠰᠢᠭᠦᠳᠡᠷᠢ ᠡᠪᠡᠰᠦᠨ ᠤ ᠦᠵᠦᠭᠦᠷ ᠲᠤ | ᠵᠢᠭᠠᠰᠤᠨ ᠤ ᠨᠢᠳᠦ ᠮᠡᠲᠦ ᠲᠤᠩᠭᠠᠯᠠᠭᠰᠢᠵᠤ᠂ ᠦᠷ ᠢᠶᠠᠷ ᠵᠢᠷᠭᠢᠭᠰᠡᠨ ᠰᠢᠪᠠᠭᠤ ᠬᠥᠬᠡ ᠲᠩᠷᠢ ᠳᠤ ᠪᠠᠨ ᠬᠠᠭᠠᠨ | ᠮᠡᠲᠦ ᠳᠤᠷᠠ ᠪᠠᠷ ᠢᠶᠠᠨ ᠳᠦᠭᠦᠷᠴᠦ᠂ ᠨᠢᠰᠦᠨ ᠵᠢᠷᠭᠢᠵᠦ ᠪᠠᠭᠤᠭᠠᠳ ᠯᠠ᠃ | ᠦᠷ ᠤᠨ ᠭᠡᠭᠡᠨ ᠢᠶᠠᠷ ᠰᠠᠶ᠋ᠢᠬᠠᠨ ᠦᠷ ᠤᠨ ᠰᠠᠯᠬᠢᠨ ᠳᠤ ᠰᠡᠷᠢᠭᠰᠡᠨ ᠡᠪᠡᠰᠦ ᠨᠣᠭᠤᠭᠠ᠂ ᠴᠡᠴᠡᠭ | ᠤᠷᠭᠤᠮᠠᠯ ᠪᠦᠭᠦᠳᠡ ᠭᠠᠶᠢᠬᠠᠮᠠ ᠰᠠᠶᠢᠬᠠᠨ ᠦᠨᠦᠷ ᠢᠶᠠᠨ ᠳᠡᠯᠭᠡᠵᠦ᠂ ᠭᠤᠣᠯ ᠤᠨ ᠲᠤᠩᠭᠠᠯᠠᠭ ᠤᠰᠤᠨ ᠳᠣᠲᠣᠷᠠ | ᠪᠤᠨᠳᠤᠩ ᠰᠤᠳᠠᠯ ᠲᠠᠢ ᠴᠢᠯᠠᠭᠤᠨ ᠳᠣᠣᠷᠠ ᠠᠴᠠ ᠵᠢᠭᠠᠰᠤ ᠰᠡᠯᠢᠭᠦᠷᠳᠡᠨ ᠬᠥᠳᠡᠯᠦᠨᠡ᠃ ᠦᠷ ᠤᠨ ᠭᠡᠭᠡᠨ ᠢᠶᠠᠷ | ᠭᠤᠷᠪᠠ ᠪᠠᠷ ᠰᠦᠯᠵᠢᠭᠰᠡᠨ ᠭᠡᠵᠢᠭᠡᠨ ᠤ ᠦᠵᠦᠭᠦᠷ ᠨᠢ ᠬᠤᠩᠭᠤ ᠶᠠᠭᠤ ᠪᠠᠨ ᠱᠦᠷᠭᠦᠬᠦ ᠰᠠᠭᠠᠯᠢ ᠬᠠᠩᠬᠤᠯᠬᠤ | ᠴᠡᠩᠬᠡᠷ ᠳᠡᠪᠡᠯ ᠲᠠᠢ ᠪᠦᠰᠡᠭᠦᠢ ᠬᠤᠰᠢᠭᠤ ᠨᠢ ᠳᠥᠷᠪᠡᠯᠵᠢᠯᠡᠵᠦ ᠬᠤᠨᠣᠭᠰᠠᠨ ᠭᠡᠷ ᠤᠨ ᠡᠷᠦᠬᠡ ᠶᠢ ᠲᠠᠲᠠᠵᠤ᠂ | ᠭᠡᠷ ᠲᠤ ᠪᠠᠨ ᠣᠷᠣᠨ ᠵᠤᠤᠬᠠᠨ ᠳᠤ ᠭᠠᠯ ᠥᠷᠳᠡᠭᠡᠳ᠂ ᠠᠭᠠᠷᠤ ᠬᠤᠪᠢᠩ ᠢᠶᠠᠨ ᠪᠠᠷᠢᠨ ᠦᠨᠢᠶᠡᠨ ᠵᠡᠯᠡ ᠤᠷᠤᠭᠤ | ᠭᠤᠩᠬᠤᠨᠠ᠃ ᠰᠠᠶ᠋ᠢᠬᠠᠨ ᠯᠠ ᠮᠥᠮᠦ ᠪᠠᠨ ᠪᠠᠷᠢᠵᠤ ᠪᠠᠶᠢᠭᠰᠠᠨ ᠰᠥᠭᠡᠪᠦᠭᠡᠷ ᠪᠣᠷᠣ ᠬᠡᠦᠬᠡᠳ ᠡᠬᠡ ᠶᠢᠨ ᠢᠶᠠᠨ | ᠡᠩᠭᠡᠷ ᠢ ᠲᠡᠮᠲᠡᠴᠢᠵᠦ᠂ ᠤᠬᠢᠯᠠᠰᠬᠢᠭᠰᠡᠨ ᠢᠶᠠᠨ ᠨᠦᠢᠷᠠᠨ ᠳᠤ ᠪᠠᠨ ᠳᠡᠶᠢᠯᠳᠡᠨ ᠪᠤᠴᠠᠭᠠᠳ ᠤᠨᠲᠠᠨᠠ᠃ ᠦᠷ ᠤᠨ | ᠭᠡᠭᠡᠨ ᠢᠶᠠᠷ ᠰᠥᠨᠢᠵᠢᠨ ᠭᠤᠷᠣᠭᠠᠯᠠᠭᠰᠠᠨ ᠲᠥᠭᠦᠷᠢᠭ ᠰᠠᠷᠠᠨ ᠠᠭᠠᠷ ᠲᠩᠷᠢ ᠳᠤ ᠮᠡᠩᠭᠡ ᠮᠡᠲᠦ ᠲᠣᠳᠣ ᠰᠠᠷᠠᠯᠲᠤᠵᠤ | ᠂ ᠬᠤᠯᠠ ᠣᠶᠢᠷᠠ ᠠᠭᠤᠯᠠᠰ ᠤᠨ ᠰᠡᠷᠪᠡᠭᠡ ᠮᠠᠩᠬᠠᠶᠢᠨ ᠲᠣᠳᠣᠷᠠᠵᠤ᠂ ᠠᠯᠤᠰ ᠤᠨ ᠴᠠᠷᠮᠠᠨ ᠳᠤ ᠮᠣᠳᠣ ᠵᠠᠬᠠᠯᠠᠭᠠᠳ | ᠮᠠᠨᠠᠨ ᠳᠤᠮᠳᠠ ᠠᠴᠠ ᠪᠣᠷᠣ ᠠᠵᠢᠷᠭᠠ ᠲᠠᠢ ᠬᠡᠳᠦᠨ ᠠᠳᠤᠭᠤ ᠭᠤᠣᠯ ᠤᠨ ᠤᠰᠤ ᠪᠠᠷᠠᠳᠠᠨ ᠴᠤᠪᠤᠷᠠᠨᠠ ᠰᠢᠪᠠᠭᠤᠳ | ᠵᠢᠷᠭᠢᠬᠦ ᠦᠷ ᠢᠶᠠᠷ᠃ | ᠪᠤᠨᠲᠤᠩ ᠴᠡᠩᠬᠡᠷ ᠳᠡᠯᠡᠬᠡᠢ ᠳᠤ ᠠᠩᠬᠠᠯᠠᠵᠤ ᠭᠡᠷᠡᠯ ᠨᠡᠮᠡᠳᠡᠭ ᠨᠢ ᠦᠷ ᠤᠨ ᠭᠡᠭᠡ ᠶᠤᠮᠰᠠᠨ ᠦᠦ᠃ | ᠪᠤᠲᠠᠨ ᠳᠤ ᠬᠢᠷᠠᠭᠰᠠᠨ ᠪᠦᠵᠦᠩ ᠲᠠᠤᠯᠠᠢ ᠶᠢᠨ ᠴᠠᠭᠠᠨ ᠰᠣᠷ ᠢ ᠨᠠᠯᠠᠭᠤᠯᠤᠨ ᠨᠠᠶᠢᠭᠤᠭᠤᠯᠳᠠᠭ ᠨᠢ ᠦᠷ ᠤᠨ ᠰᠠᠯᠬᠢ | ᠶᠤᠮᠰᠠᠨ ᠦᠦ᠃ ᠮᠣᠳᠣᠨ ᠤ ᠴᠢᠯᠦᠭᠡᠨ ᠳᠤ ᠥᠨᠳᠥᠷ ᠥᠨᠳᠥᠷ ᠡᠪᠡᠰᠦᠨ ᠳᠤᠮᠳᠠ ᠬᠥᠬᠡ ᠡᠪᠡᠰᠦ ᠵᠠᠭᠤᠭᠠᠳ | ᠳᠣᠷᠣᠨᠠ ᠵᠦᠭ ᠲᠤ ᠰᠢᠷᠲᠡᠨ ᠢᠨᠵᠠᠭᠠ ᠪᠠᠨ ᠬᠥᠬᠦᠭᠦᠯᠬᠦ ᠪᠣᠷᠣ ᠭᠥᠷ ᠠᠴᠠ ᠦᠷ ᠤᠨ ᠰᠢᠷᠭᠠᠯ ᠲᠤᠶᠠᠭᠠ ᠶᠤᠮᠰᠠᠨ | ᠦᠦ᠃ ᠠᠨᠢᠷ ᠰᠣᠯᠣᠩᠭᠠ ᠴᠡᠴᠡᠭᠡᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠢᠨᠢᠶᠡᠮᠰᠦᠭᠯᠡᠬᠦ ᠶᠢ ᠬᠠᠷᠠᠭᠠᠷᠠᠢ ᠦᠷ ᠢᠶᠠᠷ᠃ ᠰᠢᠭᠦᠳᠡᠷᠢ | ᠴᠤᠭᠯᠠᠭᠰᠠᠭᠠᠷ ᠲᠤᠩᠭᠠᠯᠠᠭ ᠪᠦᠰᠡᠭᠦᠢ ᠪᠣᠯᠵᠤ ᠰᠢᠷᠭᠠᠯ ᠭᠡᠭᠡᠨ ᠳᠤ ᠥᠨᠳᠡᠶᠢᠬᠦ ᠶᠢ ᠦᠵᠡᠭᠡᠷᠡᠢ ᠦᠷ ᠢᠶᠠᠷ᠃ ᠴᠡᠴᠡᠭ | ᠳᠡᠷᠡᠯᠡᠭᠡᠳ ᠬᠡᠪᠲᠡᠭᠰᠡᠨ ᠮᠠᠨᠠᠨ ᠭᠤᠷᠭᠢᠨ ᠤ ᠴᠢᠮᠡᠭᠡᠨ ᠳᠤ ᠢᠷᠠᠭᠳᠠᠬᠤ ᠶᠢ ᠴᠢᠩᠨᠠᠭᠠᠷᠠᠢ ᠦᠷ ᠢᠶᠠᠷ᠃ ᠡᠷᠳᠡᠨᠢ ᠶᠢᠨ | ᠭᠥᠷ ᠠᠴᠠ ᠠᠭᠤᠯᠠ ᠶᠢᠨ ᠪᠡᠯ ᠳᠤ ᠡᠪᠡᠰᠦᠨ ᠳᠡᠭᠡᠷᠡ ᠰᠦ ᠳᠤᠰᠤᠭᠠᠬᠤ ᠶᠢ ᠬᠠᠷᠠᠭᠠᠷᠠᠢ ᠦᠷ ᠢᠶᠠᠷ᠃ ᠵᠡᠭᠦᠳᠦ | ᠮᠠᠨᠠᠭᠠ ᠳᠤ ᠦᠦᠷᠰᠡᠵᠦ ᠪᠤᠢ ᠠᠳᠤᠭᠤᠨ ᠤ ᠬᠤᠮᠢᠭᠰᠠᠨ ᠰᠣᠷᠮᠤᠤᠰᠤ ᠰᠢᠭ ᠰᠢᠯᠮᠦᠦᠰᠦ ᠨᠣᠭᠤᠭᠠᠨ ᠮᠣᠳᠣᠨ ᠤ | ᠮᠥᠴᠢᠷ ᠳᠡᠭᠡᠷᠡ ᠰᠦᠯᠵᠢᠵᠦ ᠵᠠᠰᠠᠭᠰᠠᠨ ᠮᠥᠮᠥᠨ ᠴᠠᠭᠠᠨ ᠡᠭᠦᠷ ᠤᠨ ᠠᠴᠠ ᠪᠣᠷᠭᠤᠴᠠᠢ ᠪᠣᠷᠣ ᠰᠢᠪᠠᠭᠤᠬᠠᠢ ᠨᠢᠰᠦᠨ | ᠢᠷᠡᠵᠦ ᠠᠶᠢᠯ ᠭᠡᠷ ᠤᠨ ᠭᠠᠳᠠᠭᠠᠬᠢ ᠠᠭᠠᠷᠤᠤᠯ ᠤᠨ ᠪᠠᠨᠳᠠᠩ ᠳᠡᠭᠡᠷᠡ ᠰᠠᠭᠤᠭᠠᠳ ᠵᠢᠷᠭᠢᠨ ᠵᠢᠷᠭᠢᠬᠦ ᠨᠢ ᠦᠷ | ᠴᠠᠶᠢᠵᠤ ᠪᠤᠢ ᠶᠢᠨ ᠡᠬᠢᠯᠡᠯ ᠪᠤᠶᠤ᠃ ᠤᠳᠤᠬᠤ ᠦᠭᠡᠢ ᠳ᠋ᠡ ᠁ ᠵᠡᠰᠡᠨ ᠡᠭᠦᠯᠡ ᠰᠤᠨᠤᠨ ᠲᠣᠭᠲᠠᠭᠰᠠᠨ ᠲᠤᠨᠤᠮᠠᠯ | ᠲᠩᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠤᠶᠠᠬᠠᠨ ᠽᠠᠮᠪᠤᠲᠢᠪ ᠤᠨ ᠨᠠᠷᠠᠨ ᠰᠠᠴᠤᠷᠠᠨ ᠳᠡᠯᠭᠡᠷᠡᠭᠡᠳ ᠮᠠᠨᠳᠤᠨᠠ᠃ | | ︵ᠷᠠ᠊᠂ ᠰᠣᠶᠣᠯᠲᠣ ᠪᠠᠭᠤᠯᠭᠠᠪᠠ︶ | | | | | | |