ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠲᠡᠳᠮ᠎ᠡ ᠪᠣᠯᠣᠨ ᠮᠢᠨᠦ ᠲᠣᠷᠠᠯᠠᠯ ᠤᠨ ᠦᠯᠢᠭᠡᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2018/12/29
       1963 ᠤᠨ ᠤ ᠵᠣᠨ ᠪᠠᠶᠢᠵᠦ ᠪᠢᠯᠡ᠃ ᠲᠡᠷᠡ ᠦᠶ᠎ᠡ ᠳᠤ ᠪᠢ ᠭᠠᠷᠠᠬ ᠪᠣᠯᠭᠠᠨ ᠦᠪᠦᠷ ᠮᠣᠩᠭᠤᠯ ᠤᠨ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠳᠤ ᠣᠴᠢᠵᠦ ᠮᠣᠷᠢᠨ ᠬᠤᠭᠤᠷ ᠤᠨ ᠶᠡᠭᠡ ᠪᠠᠭᠰᠢ ᠰᠧᠷᠠᠰᠢ ᠨᠠᠰᠣᠲᠠᠨ ᠢ ᠡᠷᠬᠢᠵᠦ ᠦᠵᠡᠲᠡᠭ ᠪᠠᠶᠢᠬᠰᠠᠨ᠃ ᠢᠩᠬᠢᠵᠦ ᠪᠠᠶᠢᠭᠠᠳ ᠲᠡᠷᠡ ᠦᠶ᠎ᠡ ᠳᠤ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠳᠤ ᠣᠷᠣᠯᠴᠠᠵᠦ ᠪᠠᠶᠢᠬᠰᠠᠨ ᠲᠡᠳᠮ᠎ᠠ ᠲᠠᠢ ᠲᠠᠨᠢᠯᠴᠠᠬᠰᠠᠨ ᠶᠣᠮ᠃ ᠲᠡᠷᠡ ᠦᠶ᠎ᠡ ᠳᠤ᠂ ᠲᠡᠳᠮ᠎ᠡ ᠰᠠᠶᠢ ᠠᠷᠪᠠᠨ ᠲᠣᠯᠣᠭᠠᠲᠠᠢ᠂ ᠲᠡᠭᠰᠢ ᠲᠦᠬᠦᠷᠡᠩ ᠪᠡᠶ᠎ᠡ᠂ ᠮᠦᠷᠦ ᠲᠠᠢ ᠪᠠᠨ ᠰᠠᠴᠠᠭᠤ ᠪᠦᠲᠦᠬᠦᠨ ᠬᠦᠷᠦᠮᠡᠯ ᠭᠡᠵᠢᠭᠡ ᠲᠠᠢ᠂ ᠬᠢᠯᠠᠯᠵᠠᠬᠰᠠᠨ ᠲᠣᠮᠣ ᠲᠠᠪᠬᠤᠷ ᠨᠢᠲᠣ ᠲᠠᠢ᠂ ᠭᠤᠵᠣᠭᠤᠷ ᠰᠠᠶᠢᠬᠠᠨ ᠬᠠᠮᠠᠷ ᠲᠠᠢ᠂ ᠶᠣᠰᠣᠲᠠᠢ ᠯᠠ ᠮᠣᠩᠭᠤᠯ ᠬᠡᠦᠬᠡᠨᠴᠣᠳ ᠤᠨ ᠨᠡᠶᠢᠲᠡᠯᠢᠭ ᠣᠨᠴᠠᠯᠢᠬ ᠢ ᠪᠦᠷᠢᠨ ᠬᠠᠲᠠᠭᠠᠯᠠᠬᠰᠠᠨ ᠴᠣᠬᠲᠠᠢ ᠦᠬᠢᠨ ᠪᠠᠶᠢᠬᠰᠠᠨ ᠶᠣᠮ᠃ ᠰᠡᠬᠦᠯᠲᠡᠵᠦ ᠢᠷᠡᠭᠡᠳ ᠪᠢ ᠭᠠᠷᠠᠬ ᠪᠦᠷᠢ ᠰᠧᠷᠠᠰᠢ ᠠᠪᠤ ᠶᠢ ᠣᠴᠢᠵᠦ ᠦᠵᠡᠬᠦ ᠵᠠᠪ ᠴᠣ᠋ ᠦᠭᠡᠢ ᠪᠣᠯᠣᠭᠠᠳ ᠵᠠᠪ ᠭᠠᠷᠪᠠᠯ ᠲᠠᠷᠣᠢ ᠲᠠᠳᠮ᠎ᠠ ᠶᠢᠨ ᠲᠠᠭᠤᠣ ᠪᠣᠯᠪᠠᠰᠣᠷᠠᠬᠤ ᠦᠷᠦᠭᠡᠨ ᠳᠤ ᠣᠴᠢᠲᠠᠭ ᠪᠣᠯᠵᠠᠢ᠃   ᠲᠡᠷᠡ ᠦᠶ᠎ᠡ ᠳᠤ ᠨᠠᠰᠣ ᠪᠠᠭ᠎ᠠ ᠲᠠᠢ᠂ ᠮᠦᠨ ᠴᠣ᠋ ᠠᠩᠬ᠎ᠠ ᠢᠨᠠᠬᠯᠠᠵᠦ ᠪᠠᠶᠢᠭ᠎ᠠ ᠲᠠᠢ ᠶᠠᠭᠤ ᠴᠣ᠋ ᠮᠡᠲᠡᠬᠦ ᠦᠭᠡᠢ᠂ ᠲᠡᠳᠮ᠎ᠡ ᠲᠠᠢ ᠬᠠᠮᠲᠣ ᠪᠠᠶᠢᠵᠦ ᠯᠠ ᠪᠠᠶᠢᠪᠠᠯ ᠠᠶᠠᠲᠠᠢ ᠰᠠᠶᠢᠬᠠᠨ ᠰᠠᠨᠠᠭᠳᠠᠳᠠᠭ᠃ ᠨᠢᠭᠡ ᠭᠠᠷᠠᠬ ᠤᠨ ᠵᠢᠷᠭᠤᠭᠠᠨ ᠤ ᠦᠲᠡ ᠳᠤ ᠲᠡᠷᠡ ᠣᠲᠠᠰᠣ ᠢᠷᠡᠬᠦᠯᠵᠦ᠄ ︽ᠣᠷᠣᠢ ᠪᠢ ᠪᠠᠰᠠ ᠰᠣᠷᠣᠯᠴᠠᠨ᠎ᠠ᠂ ᠶᠢᠰᠦᠨ ᠴᠠᠬ ᠤᠨ ᠦᠶ᠎ᠡ ᠪᠠᠷ ᠰᠣᠷᠭᠠᠭᠤᠯᠢ ᠶᠢᠨ ᠡᠬᠦᠲᠡᠨ ᠳᠤ ᠨᠠᠮᠠᠶᠢ ᠬᠦᠯᠢᠶᠡᠵᠦ ᠪᠠᠢ᠂ ᠪᠢᠲᠡ ᠬᠠᠮᠲᠣ ᠪᠠᠷ ᠭᠠᠷᠴᠣ ᠨᠠᠭᠠᠲᠣᠶ᠎ᠠ᠂ ᠪᠣᠯᠣᠨ᠎ᠠ ᠤᠤ︖︾ ᠭᠡᠪᠡ᠃ ᠪᠢ ᠲᠦᠢᠯ ᠢᠶᠠᠷ ᠪᠠᠶᠠᠷᠯᠠᠵᠦ᠂ ᠨᠠᠷᠠ ᠰᠢᠩᠭᠡᠬᠦ ᠶᠢ ᠬᠦᠰᠡᠵᠦ ᠰᠠᠭᠤᠯ᠎ᠠ᠃ ᠭᠡᠲᠡᠯ᠎ᠡ ᠲᠡᠷᠡ ᠡᠳᠦᠷ ᠤᠨ ᠨᠠᠷᠠ ᠬᠠᠷᠢᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠵᠦᠭ ᠲᠤ ᠬᠠᠲᠠᠭᠠᠳ ᠲᠠᠯᠪᠢᠴᠢᠬᠠᠬᠰᠠᠨ ᠶᠣᠮᠰᠢᠬ ᠰᠢᠩᠭᠡᠵᠦ ᠦᠭᠬᠦ ᠦᠭᠡᠢ ᠨᠢ ᠬᠡᠴᠡᠬᠦᠦ︕ ᠪᠢ ᠣᠷᠢᠲᠠᠪᠠᠷ ᠬᠤᠭᠤᠯᠠᠨ ᠭᠡᠷ ᠎ ᠲᠤ ᠣᠴᠢᠵᠦ ᠣᠷᠣᠢ ᠶᠢᠨ ᠬᠤᠭᠤᠯᠠ ᠪᠠᠨ ᠢᠲᠡᠴᠢᠭᠡᠭᠡᠳ ᠪᠡᠶ᠎ᠡ ᠭᠠᠲᠠᠷ ᠢᠶᠠᠨ ᠪᠠᠭ᠋ᠠᠨ ᠭᠤᠶᠣᠯᠠᠵᠦ ᠵᠠᠰᠠᠭᠠᠳ ᠨᠠᠢᠮᠠᠨ ᠴᠠᠬ ᠤᠨ ᠦᠶ᠎ᠡ ᠪᠠᠷ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠪᠠᠷᠠᠭᠤᠨ ᠡᠮᠦᠨ᠎ᠡ ᠬᠦᠷᠴᠦ ᠲᠡᠳᠮ᠎ᠡ ᠶᠢ ᠬᠦᠯᠢᠶᠡᠨ ᠵᠣᠬᠰᠣᠪᠠ᠃ ᠬᠦᠮᠦᠨ ᠳᠤ ᠦᠵᠡᠭᠲᠡᠴᠢᠭᠡᠬᠦ ᠠᠴᠠ ᠪᠠᠨ ᠠᠶᠣᠭᠠᠳ ᠨᠢᠭᠡ ᠪᠦᠲᠦᠬᠦᠨ ᠮᠣᠲᠣᠨ ᠤ ᠠᠷᠣ ᠳᠤ ᠲᠠᠯᠲᠠᠯᠠᠵᠤ᠂ ᠪᠠᠶᠢᠨ ᠪᠠᠶᠢᠨ ᠲᠣᠯᠣᠭᠠᠢ ᠪᠠᠨ ᠴᠣᠬᠤᠢᠢᠯᠭᠠᠨ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠶᠡᠭᠡ ᠲᠡᠰᠦᠷᠭᠡᠢ ᠲᠡᠰᠢ ᠠᠵᠢᠬᠯᠠᠨ᠎ᠠ᠃ ᠵᠢᠷᠦᠭᠡᠨ ᠯᠣᠬᠰᠢᠯᠲᠠ ᠠᠷᠭ᠎ᠠ ᠦᠬᠡᠢ ᠰᠢᠷᠦᠬᠦᠰᠬᠦ ᠮᠡᠲᠦ ᠰᠠᠨᠠᠬᠲᠠᠪᠠᠴᠣ ᠴᠠᠬ ᠤᠨ ᠦᠩᠭᠡᠷᠡᠬᠦ ᠨᠢ ᠲᠠᠩᠴᠢ ᠣᠲᠠᠭᠠᠨ ᠪᠠᠶᠢᠯ᠎ᠠ᠃ ᠶᠠᠬ ᠯᠠ ᠪᠦᠬᠦᠯᠢ ᠨᠢᠭᠡ ᠰᠦᠨᠢ ᠬᠦᠯᠢᠶᠡᠭᠰᠡᠨ ᠮᠡᠲᠦ ᠰᠠᠨᠠᠬᠲᠠᠵᠦ ᠪᠠᠶᠢᠲᠠᠯ᠎ᠠ ᠬᠡᠨᠡᠳᠲᠡ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠲᠡᠰᠦᠷᠭᠡᠢ ᠠᠴᠠ ᠨᠢᠭᠡ ᠬᠦᠮᠦᠨ ᠬᠦᠶᠦᠨ ᠭᠠᠷᠴᠣ ᠢᠷᠡᠬᠦ ᠨᠢ ᠦᠵᠡᠭᠲᠡᠪᠡ᠃   ᠪᠢ ᠦᠵᠡᠮᠡᠭᠴᠡ ᠲᠡᠳᠮ᠎ᠡ ᠪᠣᠯᠬᠤ ᠶᠢ ᠲᠠᠨᠢᠯ᠎ᠠ᠃ ᠲᠡᠷᠡ ᠰᠡᠩᠲᠡ ᠮᠡᠩᠲᠡ ᠬᠦᠶᠦᠨ ᠭᠠᠷᠴᠣ ᠢᠷᠡᠭᠡᠳ ᠨᠠᠮᠠᠶᠢ ᠲᠡᠪᠡᠷᠢᠵᠦ ᠠᠪᠣᠮᠠᠬᠴᠠ ᠣᠷᠣᠭᠤᠯ ᠢ ᠮᠢᠨᠢ ᠦᠨᠦᠰᠦᠯ᠎ᠠ ᠁ ᠲᠡᠷᠡ ᠬᠦ ᠰᠡᠷᠡᠭᠲᠡᠯ ᠭᠡᠵᠢ ᠡ᠂ ᠲᠡᠶᠢᠮᠦ ᠭᠤᠶᠣ ᠠᠮᠳᠠᠯᠢᠭ ᠪᠠᠶᠢᠭᠰᠠᠨ᠃ ᠡᠨᠡ ᠦᠶ᠎ᠡ ᠳᠤ ᠪᠦᠲᠦᠬᠦᠨ ᠮᠣᠲᠣᠨ ᠤ ᠠᠷᠣ ᠠᠴᠠ ᠨᠢᠭᠡᠨ ᠡᠷᠡᠭᠲᠡᠢ ᠬᠦᠮᠦᠨ ᠤ ᠬᠠᠨᠢᠶᠠᠬᠤ ᠲᠠᠭᠤᠨ ᠰᠣᠨᠣᠰᠲᠠᠯ᠎ᠠ᠃ ᠣᠣᠯ ᠨᠢ ᠰᠣᠷᠭᠠᠭᠤᠯᠢ ᠶᠢᠨ ᠲᠡᠳ᠋ ᠲᠠᠷᠤᠭ᠎ᠠ ᠪᠣᠣ ᠢᠣᠢ ᠱᠠᠨ ᠪᠠᠶᠢᠯ᠎ᠠ᠃ ᠮᠢᠨᠦ ᠰᠣᠴᠢᠬᠰᠠᠨ ᠭᠡᠵᠢ ᠡ᠂ ᠲᠡᠷᠡ ᠲᠣᠣᠷ᠎ᠠ ᠪᠠᠨ ᠭᠤᠳ ᠭᠠᠷᠣᠭᠠᠳ ᠲᠣᠲᠠᠭᠠᠵᠠᠢ᠃ ᠲᠡᠷᠡ ᠦᠶ᠎ᠠ ᠶᠢᠨ ᠵᠠᠰᠠᠮᠠᠯ ᠵᠠᠮ ᠤᠨ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠨᠠᠮᠣᠷ ᠤᠨ ᠪᠣᠷᠣᠭᠠᠨ ᠤ ᠣᠰᠣ ᠲᠦᠬᠦᠷᠴᠦ ᠱᠠᠯᠪᠠᠬ ᠶᠡᠬᠡᠲᠡᠢ ᠪᠠᠶᠢᠪᠠ᠃ ᠪᠢ ᠪᠠᠯᠢᠲᠠᠨ ᠰᠠᠨᠲᠣᠷᠬᠤ ᠳᠠᠭᠠᠨ ᠲᠡᠷᠡ ᠲᠣᠲᠣᠷ᠎ᠠ ᠨᠢ ᠭᠤᠲᠣᠷᠠᠲᠠᠯ᠎ᠠ ᠬᠢᠰᠬᠢᠭᠡᠳ ᠣᠷᠣᠴᠢᠬᠠᠯ᠎ᠠ᠃ ᠰᠡᠩᠲᠡ ᠮᠡᠩᠲᠡ ᠬᠦᠯ ᠢᠶᠠᠨ ᠰᠣᠭᠤᠯᠵᠦ ᠠᠪᠬᠤ ᠳᠤ ᠦᠷᠦᠭᠡᠰᠦᠨ ᠠᠷᠠᠰᠣᠨ ᠱᠠᠬᠠᠢ ᠮᠢᠨᠢ ᠰᠢᠪᠡᠷ ᠎ ᠲᠤ ᠬᠤᠴᠣᠷᠣᠬᠰᠠᠨ ᠪᠠᠶᠢᠯ᠎ᠠ᠃ ᠪᠢ ᠲᠣᠩᠭᠤᠢᠢᠵᠦ ᠱᠠᠯᠴᠢᠬ ᠲᠣᠮᠲᠠ ᠮᠠᠯᠲᠠᠬᠰᠠᠭᠠᠷ ᠪᠠᠶᠢᠵᠦ ᠱᠠᠬᠠᠢ ᠪᠠᠨ ᠣᠯᠵᠦ ᠠᠪᠣᠭᠠᠳ ᠡᠮᠦᠰᠴᠦ ᠴᠣ᠋ ᠠᠮᠵᠢᠬᠰᠠᠨ ᠦᠭᠡᠢ᠂ ᠦᠷᠦᠭᠡᠰᠦᠨ ᠱᠠᠬᠠᠢ ᠪᠠᠷ ᠢᠶᠠᠨ ᠪᠦᠯᠬᠦᠮ ᠣᠷᠣᠭᠤ ᠬᠦᠶᠦᠪᠡ ᠁ ᠲᠡᠬᠦᠨ ᠠᠴᠠ ᠬᠤᠶᠢᠰᠢ᠂ ᠭᠠᠷᠠᠬ ᠤᠨ ᠵᠢᠷᠭᠤᠭᠠᠨ ᠪᠦᠷᠢ ᠪᠢᠲᠡ ᠬᠤᠶᠠᠭᠤᠯᠠ ᠬᠠᠮᠲᠣ ᠺᠢᠨᠣ᠋ ᠦᠵᠡᠵᠦ᠂ ᠵᠡᠭᠡᠯᠢ ᠲᠣᠭᠤᠷᠢᠨ᠎ᠠ᠃ ᠵᠠᠷᠢᠮ ᠳᠠᠭᠠᠨ ᠰᠦᠨᠢ ᠣᠷᠣᠢ ᠪᠣᠯᠵᠦ᠂ ᠪᠢ ᠲᠡᠬᠦᠨ ᠢ ᠣᠷᠠᠯᠢᠬ ᠤᠨ ᠰᠣᠷᠭᠠᠭᠤᠯᠢ ᠶᠢᠨ ᠡᠬᠦᠲᠡᠨ ᠬᠠᠪᠢ ᠬᠦᠷᠭᠡᠬᠦ ᠳᠤ᠂ ᠲᠡᠷᠡ ᠲᠠᠬᠢᠭᠠᠳ ᠨᠠᠮᠠᠶᠢ ᠵᠦᠴᠦᠭᠡ ᠶᠢᠨ ᠪᠦᠯᠬᠦᠮ ᠤᠨ ᠡᠬᠦᠲᠡᠨ ᠳᠤ ᠬᠦᠷᠭᠡᠨ᠎ᠠ᠃ ᠡᠨᠡ ᠮᠡᠲᠦ ᠪᠠᠷ ᠭᠡᠨ ᠨᠢᠭᠡ ᠪᠠᠨ ᠨᠠᠰᠢ ᠴᠠᠰᠢ ᠬᠦᠷᠭᠡᠭᠰᠡᠭᠡᠷ ᠪᠠᠶᠢᠵᠦ ᠦᠷ ᠤᠨ ᠭᠡᠭᠡ ᠶᠢ ᠣᠬᠲᠣᠬᠰᠠᠨ ᠣᠲᠠᠭ᠎ᠠ ᠣᠯᠠᠨ ᠪᠣᠢ᠃   ᠭᠡᠲᠡᠯ᠎ᠡ ᠰᠠᠶᠢᠨ ᠶᠠᠪᠣᠲᠠᠯ ᠰᠠᠨᠠᠭ᠎ᠠ ᠪᠠᠷ ᠪᠢᠰᠢ ᠭᠡᠲᠡᠭ ᠢᠶᠠᠷ ᠲᠡᠮᠡᠢ ᠣᠲᠠᠬᠰᠠᠨ ᠦᠭᠡᠢ ᠨᠢᠭᠡᠨ ᠭᠠᠷᠠᠬ ᠤᠨ ᠵᠢᠷᠭᠤᠭᠠᠨ ᠳᠤ ᠲᠡᠷᠡ ᠲᠣᠩ ᠣᠷᠮ᠎ᠠ ᠦᠭᠡᠶᠢᠭᠡᠨ ᠢᠷᠡᠭᠡᠳ ᠣᠬᠢᠯᠠᠴᠢᠬᠠᠪᠠ᠄ ︽ᠡᠨᠡ ᠡᠳᠦᠷ ᠠᠴᠠ ᠬᠤᠶᠢᠰᠢ ᠨᠠᠮᠠᠶᠢ ᠴᠢᠮ᠎ᠠ ᠲᠠᠢ ᠶᠠᠪᠣᠯᠴᠠᠵᠦ ᠪᠣᠯᠬᠤ ᠦᠭᠡᠢ᠂ ᠶᠠᠪᠣᠯᠴᠠᠪᠠᠯ ᠨᠠᠮᠠᠶᠢ ᠲᠣᠮᠲᠠᠲᠣ ᠣᠯᠣᠰ ᠤᠨ ᠬᠦᠭᠵᠢᠮ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠳᠤ ᠬᠦᠷᠭᠡᠵᠦ ᠰᠣᠷᠣᠯᠴᠠᠭᠤᠯᠬᠤ ᠦᠭᠡᠢ᠂ ᠭᠡᠷ ᠲᠤ ᠬᠦᠭᠡᠭᠡᠵᠦ ᠶᠠᠪᠣᠭᠤᠯᠣᠨ᠎ᠠ ᠭᠡᠵᠦ ᠰᠣᠷᠭᠠᠭᠤᠯᠢ ᠶᠢᠨ ᠲᠠᠷᠤᠭ᠎ᠠ ᠨᠠᠷ ᠬᠡᠯᠡᠭᠰᠡᠨ᠃ ᠲᠡᠲᠡ ᠴᠢᠮᠠᠶᠢ ᠭᠡᠭᠡᠨ ᠬᠤᠪᠢᠯᠭᠠᠨ᠂ ᠭᠠᠷᠣᠯ ᠮᠠᠭᠤᠲᠠᠢ ᠠᠮᠢᠲᠠᠨ᠂ ᠦᠭᠡᠶᠢᠬᠦᠦ ᠠᠩᠬᠢ ᠶᠢᠨ ᠠᠬ᠎ᠠ ᠲᠡᠬᠦᠦ ᠪᠢᠰᠢ ᠭᠡᠵᠦ ᠪᠠᠶᠢᠨ᠎ᠠ︾ ᠭᠡᠪᠡ᠃ ᠲᠡᠬᠦᠨ ᠤ ᠬᠡᠯᠡᠬᠦ ᠶᠢ ᠰᠣᠨᠣᠰᠴᠣ ᠪᠠᠷᠠᠭᠠᠳ ᠪᠢ᠄ ︽ᠬᠡᠷᠪᠡ ᠰᠣᠷᠭᠠᠭᠤᠯᠢ ᠠᠴᠠ ᠴᠢᠨᠢ ᠴᠢᠮ᠎ᠠ ᠶᠢ ᠬᠦᠭᠡᠭᠡᠨ᠎ᠡ ᠭᠡᠬᠦ ᠳᠤ ᠬᠦᠷᠪᠡᠯ ᠪᠢᠲᠡ ᠬᠤᠶᠠᠭᠤᠯᠠ ᠶᠠᠪᠣᠯᠴᠠᠬᠤ ᠪᠠᠨ ᠪᠣᠯᠢᠶ᠎ᠠ᠂ ᠪᠦᠷ ᠰᠠᠯᠴᠢᠬᠠᠶ᠎ᠠ᠂ ᠪᠢ ᠴᠢᠨᠦ ᠠᠯᠣᠰ ᠢᠷᠡᠭᠡᠲᠦᠢ ᠶᠢ ᠰᠠᠭᠠᠲᠠᠭᠠᠵᠦ ᠪᠣᠯᠬᠤ ᠦᠭᠡᠢ ᠰᠢᠦ᠃ ᠮᠢᠨᠦ ᠲᠦᠯᠦᠭᠡ ᠴᠢ ᠠᠯᠣᠰ ᠢᠷᠡᠭᠡᠳᠦᠢ ᠪᠠᠨ ᠪᠢᠲᠡᠭᠡᠢ ᠰᠠᠭᠠᠲᠠᠭ᠎ᠠ᠂ ᠲᠠ ᠲᠠᠷᠲᠠᠩ ᠵᠠᠮ ᠢᠶᠠᠷ ᠢᠶᠠᠨ ᠬᠦᠶᠦ ᠂ ᠪᠢ ᠭᠠᠭᠴᠠ ᠮᠣᠲᠣᠨ ᠬᠦᠬᠦᠷᠭᠡ ᠪᠠᠷ ᠢᠶᠠᠨ ᠶᠠᠪᠣᠶ᠎ᠠ︾ ᠭᠡᠵᠡᠢ᠃ ᠢᠩᠬᠢᠭᠡᠳ ᠯᠠ ᠲᠡᠷᠡ ᠮᠠᠨᠢ ᠣᠬᠢᠯᠠᠭᠠᠳ ᠬᠦᠶᠦᠭᠰᠡᠨ ᠶᠣᠮ᠃ ᠲᠡᠭᠡᠵᠦ ᠰᠠᠯᠣᠬᠰᠠᠨ ᠠᠴᠠ ᠬᠤᠶᠢᠰᠢ ᠪᠢᠲᠡ ᠬᠤᠶᠠᠭᠤᠯᠠ ᠲᠦᠷᠪᠡᠨ ᠵᠢᠯ ᠨᠢᠭᠤᠷ ᠣᠴᠠᠷᠠᠬᠰᠠᠨ ᠦᠭᠡᠢ ᠪᠢᠯᠡ᠃   ᠲᠦᠷᠪᠡᠨ ᠵᠢᠯ ᠤᠨ ᠲᠠᠷᠠᠭ᠎ᠠ ᠪᠢ ᠬᠤᠷᠴᠢᠨ ᠨᠲᠤᠬ ᠲᠠᠭᠠᠨ ᠬᠠᠷᠢᠵᠦ ᠡᠵᠢ ᠶᠢᠨ ᠢᠶᠠᠨ ᠲᠡᠷᠭᠡᠲᠡ ᠬᠤᠷᠢᠮᠯᠠᠬᠤ ᠪᠠᠷ ᠨᠦᠬᠦᠷ ᠢᠶᠠᠨ ᠲᠠᠭᠠᠭᠤᠯᠣᠨ ᠭᠠᠯᠲᠣ ᠲᠡᠷᠭᠡᠨ ᠳᠤ ᠭᠠᠷᠪᠠ᠃ ᠢᠩᠬᠢᠭᠡᠳ ᠨᠢᠭᠡ ᠰᠦᠨᠢ ᠶᠠᠪᠣᠵᠦ ᠪᠡᠭᠡᠵᠢᠩ ᠳᠤ ᠬᠦᠷᠴᠦ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠨ ᠲᠡᠷᠭᠡ ᠰᠣᠯᠢᠬᠤ ᠭᠠᠷ ᠬᠦᠢᠴᠡᠳᠭᠡᠯ ᠬᠢᠬᠦ ᠬᠡᠮᠡᠨ ᠪᠡᠭᠡᠵᠢᠩ ᠤᠨ ᠭᠠᠯᠲᠣ ᠲᠡᠷᠭᠡᠨ ᠦᠷᠲᠡᠭᠡᠨ ᠤ ᠠᠰᠠᠷ ᠲᠤ ᠭᠠᠷᠬᠤ ᠪᠠᠷ ᠶᠠᠪᠣᠵᠦ ᠪᠠᠶᠢᠲᠠᠯ᠎ᠠ ᠨᠢᠭᠡ ᠬᠦᠮᠦᠨ ᠰᠡᠩᠲᠡ ᠮᠡᠩᠲᠡ ᠠᠰᠠᠷ ᠎ ᠠᠴᠠ ᠲᠣᠷᠣᠬᠰᠢ ᠬᠦᠶᠦᠵᠦ ᠪᠠᠶᠢᠭ᠎ᠠ ᠨᠢ ᠬᠠᠷᠠᠬᠲᠠᠪᠠ᠃ ᠲᠡᠷᠡ ᠬᠦᠮᠦᠨ ᠲᠡᠳᠮ᠎ᠡ ᠪᠠᠶᠢᠯ᠎ᠠ᠃ ᠲᠡᠳᠮ᠎ᠡ ᠲᠠᠢ ᠠᠩᠬ᠎ᠠ ᠢᠨᠠᠬᠯᠠᠵᠦ᠂ ᠰᠠᠯᠣᠯᠴᠠᠵᠦ᠂ ᠲᠠᠬᠢᠨ ᠠᠭᠤᠯᠵᠠᠬᠰᠠᠨ ᠨᠢ ᠡᠨᠡ ᠪᠢᠯᠡ᠃ ︵ᠴᠢ᠊᠂ ᠪᠣᠯᠠᠬ ᠤᠨ ︽ᠮᠣᠷᠢᠨ ᠬᠤᠭᠤᠷ ᠮᠢᠨᠦ︾ ᠭᠡᠬᠦ ᠨᠣᠮ ᠠᠴᠠ ᠬᠡᠰᠡᠭᠯᠡᠨ ᠠᠪᠣᠪᠠ︶    
  
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠣᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠭᠠᠵᠠᠷ ᠤᠨ ᠵᠢᠷᠤᠭ ᠢ ᠵᠢᠷᠤᠮᠵᠢᠭᠤᠯᠤᠨ ᠬᠡᠷᠡᠭᠯᠡᠵᠦ ᠣᠭᠲᠣᠬᠠᠨ ᠴᠤ ᠪᠤᠷᠤᠭᠤ ᠭᠠᠷᠭᠠᠵᠤ ᠪᠤᠯᠬᠤ ᠦᠭᠡᠢ
︽ᠤᠮᠠᠷᠠᠲᠤ ᠬᠢᠯᠢ ᠶᠢᠨ ᠰᠣᠶᠣᠯ︾᠎ ᠢ ᠪᠠᠳᠠᠷᠠᠭᠤᠯᠵᠤ ᠰᠣᠶᠣᠯ ᠤᠨ ᠬᠦᠴᠦᠷᠬᠡᠭ ᠣᠷᠣᠨ ᠢ ᠲᠦᠷᠭᠡᠳᠬᠡᠨ ᠁
ᠳᠠᠷᠦ᠋ᠢᠬᠠᠨ ᠬᠦᠢᠴᠡᠳᠬᠡᠵᠦ ᠦᠨᠡᠨ ᠬᠦ ᠠᠳᠬᠤᠨ ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠶᠢ ᠲᠠᠳᠬᠠᠯ ᠪᠣᠯᠭᠠᠶ᠎ᠠ
ᠠᠷᠠᠳ ᠲᠦᠮᠡᠨ ᠢ ᠳᠡᠭᠡᠳᠦᠯᠡᠬᠦ ᠶᠢ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠰᠤᠭᠠᠢ
ᠴᠠᠭ ᠦᠶ᠎ᠡ ᠶᠢᠨ ᠤᠷᠤᠰᠬᠠᠯ ᠪᠠ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠤ ᠪᠣᠯᠪᠠᠰᠤᠨ ᠳᠠᠪᠰᠢᠯᠲᠠ ᠶᠢᠨ ᠴᠢᠭᠯᠡᠯ ᠢ ᠬᠥᠲᠥᠯᠥᠨ ᠁
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号