| ᠪᠢᠴᠢᠬᠠᠨ ᠬᠦᠯᠦᠭᠡ ᠠᠩᠬᠠ ᠡᠬᠡ ᠠᠴᠠ ᠲᠦᠷᠦᠵᠤ᠂ ᠨᠢᠳᠤ ᠪᠠᠨ ᠨᠡᠭᠡᠭᠡᠬᠦ ᠳᠤ ᠯᠡ ᠤᠷᠴᠢᠯᠠᠩ ᠶᠢᠷᠳᠢᠨᠴᠤ | ᠶᠢ ᠶᠡᠭᠡᠳᠠ ᠰᠤᠨᠢᠭᠤᠴᠢᠷᠬᠠᠨ ᠬᠠᠷᠠᠭᠰᠠᠨ ᠰᠠᠨ᠃ ᠡᠬᠡ ᠠᠴᠠ ᠬᠠᠮᠳᠤ ᠭᠠᠷᠤᠭᠰᠠᠨ ᠠᠬᠠ ᠡᠬᠡᠴᠢ ᠨᠠᠷ ᠢᠶᠠᠨ ᠨᠢᠭᠡ | ᠶᠡᠭᠡ ᠰᠤᠨᠢᠷᠬᠠᠭᠠ ᠦᠭᠡᠢ᠂ ᠬᠠᠷᠢᠨ ᠡᠵᠢ ᠶᠢᠨ ᠬᠢᠨᠢ ᠠᠮᠳᠠᠳᠤ ᠰᠦ ᠯᠡ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠪᠠᠶᠢᠯᠠ᠃ | ᠬᠠᠰᠢᠶᠠᠨ ᠤ ᠪᠤᠯᠤᠩ ᠳᠤ ᠬᠡᠳᠦᠨ ᠬᠦᠯᠦᠭᠡ ᠬᠦᠬᠦᠬᠦᠯᠦᠨ ᠬᠤᠷᠭᠤᠳᠠᠬᠤ ᠵᠢᠩᠬᠢᠷ ᠢ ᠶᠡᠭᠡ ᠪᠠᠭᠠ ᠦᠭᠡᠢ ᠯᠡ | ᠠᠳᠠ ᠦᠵᠡᠨᠠ᠃ ᠨᠢᠭᠡ ᠡᠳᠦᠷ ᠠᠶᠢᠯ ᠤᠨ ᠡᠵᠡᠨ᠂ ᠬᠡᠰᠡᠭ ᠬᠦᠮᠦᠰ ᠲᠠᠭᠠᠭᠤᠯᠵᠤ ᠢᠷᠡᠭᠡᠳ᠄ ︽ᠵᠠ ᠦᠵᠡᠵᠤ | ᠪᠠᠶᠢᠭᠠᠳ ᠲᠤᠷᠠᠳᠠᠢ ᠬᠦᠯᠦᠭᠡ ᠪᠠᠨ ᠠᠪ᠃ ᠵᠢᠩᠬᠢᠨᠢ ᠮᠤᠩᠭᠤᠯ ᠨᠤᠬᠠᠢ ᠶᠢᠨ ᠤᠳᠤᠮ᠂ ᠲᠠ ᠨᠠᠷ ᠲᠡᠷᠨ ᠪᠡᠶᠠ ᠬᠠ | ᠶᠢ ᠨᠢ ᠬᠠᠷᠠ᠃ ᠲᠦᠩᠭᠡᠵᠢ ᠲᠦᠷᠦᠭᠡᠳ ᠤᠳᠠᠭᠠ ᠦᠭᠡᠢ ᠬᠦᠯᠦᠭᠡ ᠡᠶᠢᠮᠤ ᠪᠠᠶᠢᠬᠤ ᠦᠭᠡᠢ᠃ ᠶᠠᠭ ᠪᠠᠩᠬᠠᠷ ᠰᠢᠤ | ᠂ ᠰᠠᠶᠢᠨ ᠬᠠᠷᠠ᠃ ᠭᠤᠷᠪᠠᠨ ᠮᠢᠩᠭᠠ ᠪᠠᠷ ᠠᠪ᠃︾ | ᠰᠢᠷᠦᠬᠦᠨ ᠪᠠᠶᠢᠷᠢ ᠶᠢᠨ ᠬᠠᠷᠠᠴᠨ ᠲᠠᠢ᠂ ᠤᠯᠠᠨ ᠵᠢᠯ ᠲᠠᠮᠠᠬᠢ ᠲᠠᠳᠠᠭᠰᠠᠨ ᠢ ᠨᠢ ᠬᠡᠷᠡᠴᠢᠯᠡᠬᠦ ᠪᠠᠳᠬᠠ ᠲᠠᠢ | ᠨᠢᠭᠤᠷ᠂ ᠬᠦᠭᠡᠴᠤ ᠲᠠᠢ ᠰᠢᠳᠤ ᠢᠷᠵᠠᠶᠢᠯᠭᠠᠨ ᠢᠨᠢᠶᠡᠬᠦ ᠡᠷᠠ ᠤᠶᠢᠷᠠᠳᠤᠨ ᠢᠷᠡᠵᠤ᠂ ᠪᠢᠴᠢᠬᠠᠨ ᠬᠦᠯᠦᠭᠡ ᠶᠢᠨ | ᠠᠷᠤ ᠲᠠᠭᠵᠠᠨ ᠠᠴᠠ ᠲᠡᠭᠡᠭᠰᠢ ᠡᠷᠬᠦᠨ ᠰᠡᠭᠰᠦᠷᠡᠭᠡᠳ ᠭᠠᠩ ᠬᠢᠵᠤ ᠲᠤᠤᠭᠠᠷᠬᠤ ᠦᠭᠡᠢ ᠪᠠᠶᠢᠭᠠ ᠳᠤ ᠨᠢ ᠶᠡᠭᠡᠳᠠ | ᠤᠯᠵᠠᠭᠤᠷᠬᠠᠨ᠄ ︽ᠬᠦᠭᠰᠢᠨ ᠡ᠂ ᠡᠨᠡ ᠬᠦᠯᠦᠭᠡ ᠶᠢ ᠴᠢᠨᠢ ᠠᠪᠤᠶᠠ᠂ ᠬᠡᠬᠦ ᠳᠡᠭᠡᠨ ᠲᠡᠩᠳᠡᠬᠦᠤ ᠵᠢᠵᠢᠭ ᠶᠤᠮ᠂ | ᠮᠢᠩᠭᠠ ᠪᠠᠷ ᠦᠭᠴᠢᠭᠡ᠂ ᠤᠴᠢᠭᠠᠳ ᠦᠬᠦᠴᠢᠬᠡᠬᠦ ᠴᠦ ᠶᠤᠮ ᠪᠢᠯᠢᠤ︕︾ | ︽ᠵᠠ᠂ ᠵᠠ᠂ ᠠᠪ ᠁︾ ᠬᠡᠮᠡᠨ ᠡᠵᠡᠨ ᠨᠢ ᠰᠠᠶ᠋ᠢᠬᠢ ᠡᠷᠠ ᠶᠢᠨ ᠰᠠᠷᠪᠠᠶᠢᠬᠤ ᠮᠢᠩᠭᠠᠨ ᠲᠦᠬᠦᠷᠢᠭ ᠢ | ᠠᠪᠤᠨ ᠬᠠᠯᠠᠭᠠᠰᠤᠨ ᠳᠠᠭᠠᠨ ᠬᠢᠪᠡ᠃ | ᠢᠩᠬᠢᠭᠡᠳ ᠯᠡ ᠬᠦᠭᠡᠷᠦᠬᠦᠢ ᠬᠦᠯᠦᠭᠡ ᠦᠪᠡᠷ ᠤᠨ ᠬᠡᠰᠡᠨ ᠡᠵᠡᠨ ᠲᠠᠢ ᠪᠤᠯᠪᠠ᠃ ᠲᠠᠯᠬᠠᠨ ᠤ ᠦᠷᠡᠳᠡᠰᠤ | ᠬᠤᠭᠤᠯᠠᠨ ᠤ ᠰᠢᠪᠬᠠᠷᠤ ᠶᠠᠭᠤ ᠦᠭᠬᠦᠭᠰᠡᠨ ᠢ ᠨᠢ ᠯᠡ ᠢᠳᠡᠨᠠ᠃ | ᠬᠠᠷᠢᠨ ᠭᠡᠷ ᠤᠨ ᠡᠵᠡᠭᠳᠠᠢ ᠰᠢᠭᠡᠵᠤ ᠪᠠᠭᠠᠯᠠ ᠬᠡᠮᠡᠨ ᠬᠦᠭᠡᠭᠡᠵᠤ ᠲᠠᠭᠤᠬᠤ ᠳᠤ ᠨᠢ ᠭᠠᠳᠠᠭᠠ ᠬᠤᠨᠤᠬᠤ ᠯᠡ | ᠵᠢᠭᠠᠬᠠᠨ ᠲᠡᠶᠢᠮᠦᠭᠡᠨ᠃ | ᠡᠨᠡ ᠠᠶᠢᠯ ᠭᠠᠭᠴᠨ ᠬᠦᠤ ᠲᠠᠢ᠂ ᠦᠷᠯᠦᠭᠡᠨ ᠠᠴᠠ ᠤᠷᠤᠢ ᠪᠤᠯᠳᠠᠯᠠ ᠪᠤᠷᠪᠢ ᠪᠤᠬᠢᠰᠬᠢᠨᠠ ᠬᠡᠵᠤ ᠦᠭᠡᠢ᠃ | ︽ᠬᠦᠶ᠋ᠢ᠂ ᠪᠤᠷᠤᠬᠦᠤ ᠲᠡᠭᠡ᠂ ᠦᠭᠡᠢ ᠴᠢ ᠶᠠᠭᠠᠬᠢᠴᠢᠬᠠᠪᠠ᠂ ᠡᠷᠬᠢᠬᠦᠤ ᠮᠠᠯ᠂ ᠶᠠᠭᠠᠬᠢᠳᠠᠭ ᠬᠠᠷᠠ ᠲᠤᠷᠠᠭᠠᠯ ᠪᠤᠢ᠂ | ᠲᠡᠭᠡᠭᠡᠴᠢ᠂ ᠢᠩᠬᠢᠭᠡᠴᠢ ᠁︾ ᠬᠡᠬᠦ ᠲᠠᠭᠤ ᠪᠠᠶᠢᠩᠭᠤ ᠰᠤᠨᠤᠰᠳᠠᠬᠤ ᠨᠢ ᠶᠤᠰᠤ ᠬᠡᠯᠳᠠᠢ᠃ | ᠵᠠᠷᠢᠮ ᠦᠶᠠ ᠳᠤ ᠭᠡᠷ ᠤᠨ ᠬᠤᠶᠠᠷ ᠭᠠᠳᠠᠭᠰᠢ ᠶᠠᠪᠤᠬᠤ ᠦᠶᠠ ᠲᠠᠭᠠᠷᠠᠪᠠᠯ ᠬᠦᠯᠦᠭᠡ ᠬᠠᠴᠢᠨ ᠶᠡᠭᠡ | ᠪᠠᠶᠠᠷᠯᠠᠨᠠ᠃ ᠪᠤᠷᠤᠬᠦᠤ ᠲᠡᠬᠦᠨ ᠢ ᠬᠡᠷ ᠲᠡᠭᠡᠨ ᠤᠷᠤᠭᠤᠯᠤᠨ ᠪᠠᠶᠢᠳᠠᠭ ᠢᠶᠠᠷ ᠨᠢ ᠡᠷᠬᠡᠯᠡᠬᠦᠯᠬᠦ᠃ ᠰᠢᠬᠢᠷ ᠬᠦᠷᠳᠡᠯᠠ | ᠦᠭᠬᠦᠨᠠ᠃ ᠡᠰᠨ ᠪᠤᠯ ᠠᠪᠤ ᠡᠵᠢ ᠳᠡᠭᠡᠨ ᠭᠤᠮᠤᠳᠠᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠶᠠᠷᠢᠵᠤ ᠲᠠᠶᠢᠳᠬᠤᠷᠠᠨᠠ᠃ | ︽ᠬᠤᠶᠢᠯᠤᠭ ᠮᠢᠨᠢ ᠴᠢ ᠬᠡᠷᠪᠡ ᠲᠤᠮᠤ ᠠᠴᠠ ᠲᠤᠮᠤ ᠦᠯᠢᠭᠡᠷ ᠤᠨ ᠪᠠᠭᠠᠳᠤᠷ ᠪᠠᠶᠢᠭᠰᠠᠨ ᠪᠤᠯ ᠬᠡᠴᠢᠨᠡᠨ | ᠰᠠᠶᠢᠬᠠᠨ᠃ ᠨᠠᠮᠠ ᠶᠢ ᠵᠤᠳᠤᠵᠤ ᠵᠠᠩᠨᠠᠬᠤ ᠪᠦᠷᠢ ᠦᠮᠦᠭᠡᠷᠡᠭᠡᠳ ᠯᠡ᠃ ᠲᠡᠭᠡᠪᠡᠯ ᠠᠪᠤ ᠡᠵᠢ ᠬᠤᠶᠠᠷ ᠴᠢᠮᠠ ᠠᠴᠠ | ᠠᠶᠤᠬᠤ ᠳᠠᠭᠠᠨ ᠨᠠᠮᠠ ᠶᠢ ᠭᠡᠷ ᠲᠤ ᠬᠤᠷᠢᠬᠤ ᠪᠠᠨ ᠪᠠᠶᠢᠵᠤ᠂ ᠪᠤᠰᠤᠳ ᠠᠶᠢᠯ ᠤᠨ ᠬᠡᠦᠭᠡᠳ ᠤᠳ ᠰᠢᠭ᠋ | ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠤᠯᠤᠨᠠ᠃ ᠲᠡᠶᠢᠮᠤ ᠡ ᠁︾ ᠡᠶᠢᠨ ᠶᠠᠷᠢᠬᠤ ᠳᠠᠭᠠᠨ ᠪᠤᠷᠤᠬᠦᠤ ᠬᠦᠯᠦᠭᠡ ᠪᠠᠨ | ᠲᠡᠪᠡᠷᠢᠨ ᠨᠠᠷᠠᠨ ᠤ ᠡᠰᠡᠷᠬᠦ ᠨᠢᠳᠤ ᠪᠠᠨ ᠠᠨᠢᠪᠴᠢᠨ ᠪᠠᠶᠢᠵᠤ᠂ ᠢᠳᠢ ᠰᠢᠳᠢᠳᠤ ᠦᠯᠢᠭᠡᠷ ᠤᠨ ᠪᠠᠭᠠᠳᠤᠷ ᠤᠯᠵᠤ | ᠬᠠᠷᠠᠬᠤ ᠬᠡᠵᠤ ᠦᠨᠡᠨ ᠰᠡᠳᠬᠢᠯ ᠠᠴᠠ ᠪᠠᠨ ᠬᠢᠴᠢᠶᠡᠨᠠ᠃ | ᠬᠠᠷᠢᠨ ᠪᠢᠴᠢᠬᠠᠨ ᠬᠦᠯᠦᠭᠡ ᠤᠭᠳᠤ ᠦᠭᠡᠷᠠ ᠪᠤᠳᠤᠯ ᠡᠷᠬᠢᠯᠳᠦᠬᠦ᠃ ᠪᠤᠷᠤᠬᠦᠤ ᠶᠢᠨ ᠢᠩᠬᠢᠵᠤ ᠶᠡᠭᠡ | ᠭᠤᠮᠤᠳᠠᠵᠤ ᠴᠦᠬᠦᠷᠡᠬᠦ ᠦᠶᠠ ᠳᠤ ᠪᠢᠴᠢᠬᠠᠨ ᠬᠦᠯᠦᠭᠡ ᠭᠠᠶᠢᠬᠠᠰᠬᠢᠨᠠ᠃ ᠠᠪᠤ ᠡᠵᠢ ᠭᠡᠳ ᠬᠤᠶᠠᠷ ᠡᠵᠡᠨ ᠲᠠᠢ᠂ | ᠪᠠᠰᠠ ᠲᠤᠮᠤ ᠰᠠᠶᠢᠬᠠᠨ ᠪᠠᠶᠢᠰᠢᠩ ᠲᠤᠳᠤᠷᠠ ᠵᠦᠭᠡᠯᠡᠨ ᠲᠤᠯᠠᠭᠠᠨ ᠬᠡᠪᠳᠡᠷᠢ ᠲᠠᠢ ᠪᠠᠶᠢᠵᠤ ᠶᠠᠭᠤᠨ ᠳᠠᠭᠠᠨ | ᠭᠤᠮᠤᠳᠠᠳᠠᠭ ᠪᠠᠶᠢᠨᠠ ᠬᠡᠵᠤ ᠪᠤᠳᠤᠨᠠ᠃ | ᠠᠩᠬᠠᠨ ᠤ ᠴᠠᠰᠤ ᠤᠷᠤᠭᠰᠠᠨ ᠰᠡᠷᠢᠬᠦᠭᠡᠨ ᠡᠳᠦᠷ ᠪᠠᠶᠢᠯᠠ᠃ ᠭᠡᠷ ᠲᠤᠳᠤᠷᠠ ᠠᠴᠠ ᠪᠦᠭᠡᠮ ᠱᠤᠤᠬᠢᠶᠠᠨ᠃ | ︽ᠦ᠂ ᠶᠠᠮᠠᠷ ᠲᠠᠪᠠᠭᠤᠷᠠᠭᠰᠠᠨ ᠬᠤᠯᠠᠭᠠᠶᠢᠴᠢ ᠪᠤᠢ︖ ᠮᠠᠯ ᠲᠡᠵᠢᠭᠡᠪᠡᠯ ᠠᠮᠠ ᠲᠤᠰᠤᠳᠠᠨᠠ᠂ ᠬᠦᠮᠦᠨ | ᠲᠡᠵᠢᠭᠡᠪᠡᠯ ᠲᠤᠯᠤᠭᠠᠢ ᠴᠢᠰᠤᠳᠠᠨᠠ ᠭᠡᠭᠴᠢ ᠨᠢ ᠰᠢᠪ ᠳ᠋ᠧ︕ ᠢᠩᠬᠢᠭᠡᠳ ᠴᠢ ᠬᠠᠮᠢᠭᠠ ᠭᠠᠵᠠᠷ ᠠᠴᠠ ᠡᠨᠡ | ᠵᠤᠯᠪᠢᠨ ᠰᠢᠭᠡᠰᠤ ᠶᠢ ᠠᠪᠴᠢᠷᠠᠭᠠ ᠪᠤᠢ︖ ᠵᠠᠪᠠᠭᠠᠷᠠᠵᠤ ᠶᠠᠪᠤᠭᠰᠠᠨ ᠬᠡᠦᠭᠡᠨ ᠨᠦᠭᠦᠳ ᠠᠴᠠ ᠦᠪᠡᠷ ᠤᠨ ᠢᠶᠠᠨ | ᠰᠢᠭᠡᠰᠤ ᠶᠢ ᠠᠪᠴᠢᠷᠠᠭᠰᠠᠨ ᠳ᠋ᠠ︕ ᠲᠠᠭᠠᠷᠠᠭᠰᠠᠨ ᠴᠦ ᠲᠠᠭᠠᠷ ᠰᠢᠭᠤᠳᠠᠢ ᠨᠤᠭᠤᠳ ᠪᠤᠯ ᠳ᠋ᠤᠤ᠂ ᠦᠬᠦᠭᠰᠡᠨ | ᠬᠤᠶᠢᠨᠠ ᠪᠠᠨ᠂ ᠤᠳᠤ ᠪᠦᠷ ᠲᠠᠪᠠᠭᠤᠷᠠᠬᠤ ᠨᠢ ᠰᠢᠪ ᠳ᠋ᠧ︕︾ ᠬᠡᠮᠡᠨ ᠡᠮᠡᠭᠳᠠᠢ ᠬᠦᠮᠦᠨ ᠤ ᠬᠠᠰᠬᠢᠴᠢᠵᠤ | ᠤᠷᠢᠯᠠᠬᠤ ᠲᠠᠭᠤᠨ ᠤ ᠬᠠᠵᠠᠭᠤ ᠪᠠᠷ᠄ ︽ᠲᠤᠭᠤᠢ ᠪᠠᠢ ᠬᠢᠴᠢ ᠮᠢᠨᠢ︕ ᠠᠯᠠᠴᠢᠬᠠᠬᠤ ᠨᠢ ᠰᠢᠤ ᠁ ᠴᠢ | ᠲᠡᠶᠢᠮᠤ ᠰᠦᠷᠡᠭᠡᠢ ᠶᠤᠮ ᠪᠤᠯ ᠨᠤᠶᠢᠳᠠᠨ ᠰᠤᠷᠮᠤᠤᠰᠤ ᠲᠠᠢ ᠬᠡᠦᠭᠡᠳ ᠤᠨᠠᠭᠠᠬᠤ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ᠂ | ᠬᠡᠦᠭᠡᠳ ᠤᠷᠤᠭᠤ ᠪᠢᠳᠡᠭᠡᠢ ᠲᠠᠭᠠᠷᠢᠭᠠᠳ ᠪᠠᠢ︕ ᠬᠤᠪ ᠵᠢᠪ ᠬᠦᠭᠡᠭᠡᠴᠡᠯᠳᠦᠵᠤ ᠶᠠᠪᠤᠬᠤ ᠪᠠᠷ ᠬᠤᠶᠢᠰᠢ ᠤᠷᠤᠭᠰᠢ | ᠶᠠᠭᠤᠮᠠ ᠪᠠᠨ ᠲᠠᠯᠳᠠ ᠬᠢᠬᠦ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ︕︾ ᠬᠡᠮᠡᠨ ᠦᠨᠦᠬᠢ ᠡᠷᠠ ᠶᠢᠨ ᠲᠠᠭᠤ ᠴᠢᠩᠭᠠᠷᠠᠬᠤ ᠳᠤ | ᠪᠤᠷᠤᠬᠦᠤ ᠭᠡᠷ ᠠᠴᠠ ᠬᠦᠶᠦᠬᠦ ᠪᠠᠷ ᠢᠶᠠᠨ ᠭᠠᠷᠴᠤ ᠢᠷᠡᠨ ᠬᠦᠯᠦᠭᠡ ᠶᠢ ᠲᠡᠪᠡᠷᠢᠨ ᠬᠠᠮᠢᠭᠠᠰᠢ ᠪᠠᠨ ᠴᠦ ᠶᠤᠮ ᠪᠤᠤ | ᠮᠡᠳᠠ ᠬᠠᠷᠠᠭᠰᠠᠨ ᠵᠦᠭ ᠲᠡᠭᠡᠨ ᠯᠡ ᠶᠠᠪᠤᠵᠤ ᠪᠠᠶᠢᠪᠠ᠃ ᠠᠷᠤ ᠳᠤ ᠲᠦᠴᠢᠭᠡᠨᠡᠨ ᠵᠤᠳᠤᠯᠳᠤᠬᠤ ᠴᠢᠮᠡᠭᠡ᠂ ᠡᠮᠡᠭᠳᠠᠢ | ᠬᠦᠮᠦᠨ ᠤ᠄ ︽ᠠᠯᠠᠯᠠ᠂ ᠶᠤᠤ ᠶᠤᠤ ᠁︾ ᠬᠡᠬᠦ ᠰᠤᠨᠤᠰᠤᠭᠳᠠᠨᠠ᠃ ᠲᠡᠳᠠ ᠬᠢᠷᠢ ᠴᠤ ᠤᠳᠠᠭᠠᠨ ᠶᠠᠪᠤᠭᠰᠠᠨ | ᠶᠤᠮ ᠪᠤᠤ ᠮᠡᠳᠡ᠃ ᠬᠠᠷᠠᠩᠭᠤᠢ ᠨᠦᠮᠦᠷᠬᠦ ᠲᠤᠳᠤᠮ ᠪᠤᠷᠤᠬᠦᠤ ᠠᠶᠤᠨ ᠴᠡᠴᠡᠷᠡᠬᠦ ᠶᠢᠨ ᠬᠠᠵᠠᠭᠤ ᠪᠠᠷ ᠦᠪᠡᠷ ᠤᠨ | ᠡᠷᠭᠡ ᠦᠭᠡᠢ ᠤᠬᠢᠯᠠᠨ ᠪᠠᠶᠢᠪᠠ᠃ ᠲᠤᠮᠤ᠂ ᠲᠤᠮᠤ ᠪᠦᠯᠢᠶᠡᠨ ᠨᠢᠯᠪᠤᠰᠤ ᠬᠦᠯᠦᠭᠡ ᠶᠢᠨ ᠲᠤᠯᠤᠭᠠᠢ ᠲᠡᠭᠡᠷᠠ | ᠦᠷᠬᠦᠯᠵᠢᠯᠡᠨ ᠲᠤᠰᠤᠯᠬᠤ ᠳᠤ ᠲᠡᠷᠡᠪᠡᠷ ᠪᠤᠷᠤᠬᠦᠤ ᠶᠢ ᠶᠡᠭᠡᠳᠠ ᠦᠷᠦᠪᠳᠦᠨ ᠭᠠᠷ ᠢ ᠨᠢ ᠲᠤᠯᠢᠶᠠᠨ ᠪᠠᠶᠢᠬᠤ ᠳᠤ | ᠪᠠᠨ᠄ ︽ᠲᠡᠷᠨ ᠰᠠᠶᠢᠬᠠᠨ ᠤᠷᠤᠮᠵᠢᠨ ᠠᠴᠠ ᠵᠢᠭᠤᠳᠠᠭᠠᠳ ᠤᠳᠤ ᠬᠠᠮᠢᠭᠠ ᠤᠴᠢᠬᠤ ᠪᠤᠢ ᠳ᠋ᠠ︖ ᠡᠨᠡ ᠡᠰᠡᠪᠡᠯ | ᠨᠦᠬᠦᠭᠡ ᠰᠠᠶᠢᠬᠠᠨ ᠬᠡᠪᠢᠰᠦᠨ ᠲᠡᠭᠡᠷᠠ ᠨᠢ ᠰᠢᠭᠡᠴᠢᠭᠡᠭᠡᠳ ᠨᠠᠳᠠ ᠰᠢᠭ᠋ ᠬᠦᠭᠡᠭᠡᠭᠳᠡᠭᠰᠡᠨ ᠪᠠᠶᠢᠬᠤ︕ ᠵᠠ | ᠶᠠᠭᠠᠬᠢᠬᠤᠪ᠂ ᠶᠠᠮᠠᠷ ᠴᠦ ᠪᠠᠶᠢᠭᠰᠠᠨ ᠠᠶᠤᠮᠠᠷ ᠠᠪᠠᠭᠠᠢ ᠶᠢᠨ ᠬᠠᠷᠢᠶᠠᠯ ᠴᠢᠬᠢᠨ ᠳᠤ ᠰᠤᠨᠤᠰᠤᠭᠳᠠᠬᠤ ᠦᠭᠡᠢ ᠪᠤᠯᠬᠤ | ᠨᠢ᠃︾ | ᠴᠠᠰᠤ ᠤᠯᠠᠮ ᠪᠦᠷ ᠯᠠᠪᠰᠠᠯᠠᠨ ᠤᠷᠤᠭᠰᠠᠭᠠᠷ ᠁ | | ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶ | |