ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠠᠪᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/3/11
     ᠪᠢ ᠠᠮᠢᠳᠤᠷᠠᠯ ᠳᠠᠭᠠᠨ ᠬᠤᠶᠠᠷᠬᠠᠨ ᠤᠳᠠᠭ᠎ᠠ ᠠᠶᠤᠭᠰᠠᠨ ᠶᠤᠮ᠃      ᠠᠵᠢᠷᠭᠠᠨ ᠦᠷᠢᠶ᠎ᠡ ᠠᠭᠳᠠᠯᠠᠬᠤ ᠰᠠᠷ᠎ᠠ ᠪᠠᠷ ᠠᠪᠤ ᠮᠢᠨᠢ ᠨᠢᠭᠡᠨᠳᠠ ᠦᠪᠤᠸ᠋᠂ ᠠᠪᠠᠭ᠎ᠠ ᠠᠬ᠎ᠠ ᠬᠤᠶᠠᠷ ᠤᠨ ᠬᠠᠮᠳᠤ ᠠᠩ ᠳᠤ ᠶᠠᠪᠤᠪᠠ᠃ ᠦᠦᠷ ᠴᠦᠦᠷ ᠢᠶᠠᠷ ᠶᠠᠪᠤᠭᠰᠠᠨ ᠲᠡᠳᠠ ᠨᠠᠷᠠ ᠵᠢᠷᠭᠠᠬᠤ ᠳᠤ ᠢᠷᠡᠭᠰᠡᠨ ᠦᠭᠡᠢ᠃ ᠪᠢ ᠠᠪᠤ ᠶᠢ ᠪᠠᠨ ᠬᠦᠯᠢᠶᠡᠭᠡᠳ ᠯᠡ᠂ ᠰᠦᠨᠢ ᠲᠦᠯᠢ ᠪᠤᠯᠤᠯ᠎ᠠ᠃ ᠭᠠᠳᠠᠭ᠎ᠠ ᠡᠮᠡᠭᠡᠯ ᠤᠨ ᠬᠦᠯᠢᠮ ᠲᠤᠤᠭᠠᠷᠴᠤ᠂ ᠠᠶᠠᠨᠰᠢᠭᠰᠠᠨ ᠮᠤᠷᠢ ᠰᠢᠯᠭᠡᠭᠡᠨ᠂ ᠨᠠᠮᠠᠢᠢ ᠪᠠᠶᠠᠷᠯᠠᠭᠤᠯᠬᠤ ᠦᠭᠡᠢ ᠯᠡ ᠪᠠᠶᠢᠯ᠎ᠠ᠃ ᠠᠪᠤ ᠶᠢ ᠪᠠᠨ ᠬᠦᠯᠢᠶᠡᠭᠰᠡᠨ ᠰᠡᠳᠬᠢᠯ ᠨᠢᠳᠤ ᠶᠢ ᠮᠢᠨᠢ ᠲᠡᠪᠬᠡᠳᠡᠴᠢᠭᠡᠭᠰᠡᠨ ᠶᠤᠮ ᠳ᠋ᠠᠭ᠃ ᠤᠨᠳᠠᠵᠤ ᠲᠠᠶᠢᠪᠤᠰᠢᠷᠠᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠠᠶᠤᠳᠠᠰᠤ ᠨᠠᠮᠠᠢᠢ ᠬᠤᠴᠢᠭᠠᠰᠤᠳᠠᠢ᠃ ᠮᠠᠨᠠᠶᠢᠬᠢᠨ ᠤ ᠡᠷᠡᠰ ᠢ ᠠᠩ ᠳᠤ ᠶᠠᠪᠤᠭᠰᠠ ᠡᠳᠦᠷ ᠠᠪᠠᠭ᠎ᠠ ᠡᠬᠡᠴᠢ ᠨᠠᠳᠠᠳᠤ ᠄ ︽ᠠᠪᠤ ᠴᠢᠨᠢ ᠦᠷᠯᠦᠭᠡ ᠮᠤᠷᠳᠠᠬᠤ ᠶᠢᠨ ᠢᠶᠠᠨ ᠡᠮᠦᠨ᠎ᠠ ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢᠨ ᠠᠷᠤ ᠰᠢᠯᠢ ᠢᠳᠡᠭᠡᠳ ᠪᠠᠶᠢᠭᠰᠠᠨ᠃ ᠯᠠᠪ ᠲᠠᠶᠢᠰᠤᠨ ᠲᠠᠢ ᠲᠠᠭᠠᠷᠢᠯᠳᠤᠭ᠎ᠠ ᠳ᠋ᠠ᠃ ᠰᠢᠯᠢ ᠢᠳᠡᠬᠦ ᠪᠠᠷ ᠲᠠᠶᠢᠰᠤᠨ ᠲᠠᠢ ᠲᠠᠭᠠᠷᠢᠯᠳᠤᠳᠠᠭ ᠶᠤᠮ︾ ᠬᠡᠵᠤ ᠶᠠᠷᠢᠭᠰᠠᠨ ᠶᠤᠮ ᠯᠡ ᠳ᠋ᠠ᠃ ᠢᠰᠢᠭᠡ ᠬᠦᠭᠡᠨᠡᠵᠤ ᠲᠦᠩᠭᠡᠳᠡᠭ ᠦᠭᠡᠢ ᠶᠠᠪᠤᠭᠰᠠᠨ ᠨᠢᠯᠵᠠᠷᠠᠢ ᠨᠠᠰᠤᠨ ᠎ ᠤ ᠤᠢ ᠲᠤᠶᠢᠨ ᠳᠤ ᠵᠢᠷᠤᠭ ᠠᠴᠠ ᠦᠵᠡᠭᠰᠡᠨ ᠬᠢᠯᠢᠩᠳᠤ ᠪᠤᠷᠬᠠᠳ ᠤᠨ ᠲᠦᠷᠢ ᠲᠤᠳᠤᠷᠠᠵᠤ᠂ ᠲᠡᠷᠨ ᠬᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠲᠠᠶᠢᠰᠤᠨ ᠤ ᠲᠤᠬᠠᠢ ᠲᠦᠰᠦᠭᠡᠯᠡᠯ ᠪᠤᠳᠤᠯ ᠮᠦᠰᠦᠳᠦᠬᠦᠯᠵᠤ ᠪᠠᠶᠢᠯ᠎ᠠ᠃ ᠰᠡᠳᠬᠢᠯ ᠢ ᠮᠢᠨᠢ ᠠᠶᠤᠮᠰᠢᠭ ᠢᠶᠠᠷ ᠪᠦᠷᠬᠦᠬᠦᠯᠵᠤ ᠤᠷᠬᠢᠭᠰᠠᠨ ᠠᠪᠠᠭ᠎ᠠ ᠡᠬᠡᠴᠢ ᠠᠮᠤᠭᠤᠯᠠᠩ ᠤᠨᠳᠠᠨ᠎ᠠ᠃ ᠠᠪᠤ ᠶᠢ ᠪᠠᠨ ᠲᠠᠶᠢᠰᠤᠨ ᠎ ᠲᠠᠢ ᠲᠠᠭᠠᠷᠢᠯᠳᠤᠨ ᠠᠶᠤᠨ ᠰᠠᠨᠳᠤᠷᠴᠤ ᠶᠠᠪᠤᠭ᠎ᠠ ᠬᠡᠵᠤ ᠪᠤᠳᠤᠬᠤ ᠠᠴᠠ ᠬᠠᠷᠠᠩᠭᠤᠢ ᠳᠤ ᠴᠤ ᠬᠡᠰᠡᠨ ᠭᠠᠷᠤᠭᠠᠳ ᠪᠦᠬᠦᠨ ᠠᠴᠠ ᠬᠠᠶᠢᠷᠠᠳᠠᠢ ᠠᠪᠤ ᠶᠢ ᠪᠠᠨ ᠡᠷᠢᠮᠡᠷ ᠰᠠᠨᠠᠭᠳᠠᠨ᠎ᠠ᠃ ᠤᠳᠤᠬᠠᠨ ᠤᠷᠤᠭᠠᠳ ᠢᠷᠡᠨ᠎ᠠ ᠳ᠋ᠧ ᠬᠡᠵᠤ ᠦᠪᠡᠷ ᠎ ᠢ ᠪᠠᠨ ᠲᠠᠶᠢᠳᠬᠤᠷᠠᠭᠤᠯᠬᠤ ᠶᠢ ᠤᠷᠤᠯᠳᠤᠨ᠎ᠠ᠃ ᠡᠨᠡ ᠴᠠᠭ ᠬᠤᠭᠤᠴᠠᠭ᠎ᠠ ᠨᠠᠳᠠᠳᠤ ᠶᠠᠭᠤᠳᠠᠢ ᠴᠤ ᠵᠢᠱᠢᠮ᠎ᠠ ᠦᠭᠡᠢ ᠤᠷᠳᠤ᠂ ᠬᠡᠴᠡᠬᠦᠤ ᠪᠠᠶᠢᠪᠠ᠃ ᠮᠢᠩᠭᠠᠨ ᠠᠴᠠ ᠤᠷᠳᠤ ᠮᠦᠴᠡᠯᠭᠡ ᠶᠢ ᠨᠠᠮᠠᠢᠢ ᠲᠤᠭᠤᠯᠤᠭᠤᠯᠤᠨ ᠪᠠᠶᠢᠵᠤ ᠠᠪᠤ ᠢᠷᠡᠭᠰᠡᠨ᠃ ᠲᠡᠳᠠ ᠴᠢᠨ᠋ᠸ᠎ᠠ ᠲᠠᠢ ᠲᠠᠭᠠᠷᠢᠯᠳᠤᠭᠰᠠᠨ ᠬᠡᠨ᠎ᠠ᠃ ᠠᠪᠤ ᠴᠢᠨᠢ ᠫᠤᠤᠳᠠᠭᠠᠳ ᠠᠯᠳᠠᠴᠢᠬᠠᠵᠤ᠂ ᠦᠪᠤᠸ᠋᠄ ︽ᠲᠠᠶᠢᠮᠤ ᠰᠠᠶᠢᠨ ᠫᠤᠤ ᠲᠠᠢ ᠪᠠᠶᠢᠵᠤ ᠠᠯᠳᠠᠵᠤ ᠯᠡ ᠪᠠᠶᠢᠳᠠᠭ᠃ ᠠᠪᠤ ᠴᠢᠨᠢ ᠮᠠᠭᠤ ᠡᠷ᠎ᠠ ᠶᠤᠮ ᠡ︾ ᠬᠡᠳ ᠨᠠᠮᠠᠢᠢ ᠲᠠᠪᠠᠯᠠᠵᠤ ᠪᠢᠯᠨ᠃ ᠬᠡᠪᠡᠴᠤ ᠪᠢ ᠲᠤᠬᠠᠢ ᠶᠢᠨ ᠦᠶ᠎ᠠ ᠳᠤ ᠴᠢᠨ᠋ᠸ᠎ᠠ ᠬᠡᠮᠡᠬᠦ ᠲᠡᠷᠡᠬᠦ ᠲᠡᠭᠷᠢᠯᠢᠭ ᠠᠮᠢᠳᠠᠨ ᠢ ᠠᠪᠤ ᠶᠢᠨ ᠫᠤᠤ ᠶᠢᠨ ᠰᠤᠮᠤ ᠤᠨᠤᠵᠤ ᠤᠨᠠᠭᠠᠴᠢᠬᠠᠭᠰᠠᠨ ᠪᠠᠶᠢᠯ᠎ᠠ ᠴᠤ ᠬᠡᠰᠡᠨ ᠲᠡᠬᠦᠨ ᠲᠠᠢ ᠵᠦᠢᠷᠯᠡᠬᠦ ᠦᠭᠡᠢ ᠢᠯᠡᠬᠦᠤ ᠪᠠᠷ ᠭᠠᠭᠴᠠᠬᠠᠨ ᠵᠦᠢᠯ ᠳᠤ ᠬᠢᠵᠠᠭᠠᠷ ᠦᠭᠡᠢ ᠪᠠᠶᠠᠷᠯᠠᠭᠰᠠᠨ ᠶᠤᠮ᠃ ᠲᠡᠷᠨ ᠪᠤᠯ ᠠᠪᠤ ᠶᠢ ᠪᠠᠨ ᠦᠵᠡᠵᠤ᠂ ᠠᠶᠤᠳᠠᠰᠤ ᠎ ᠠᠴᠠ ᠠᠩᠬᠢᠵᠢᠷᠠᠭᠰᠠᠨ ᠮᠢᠨᠢ᠃      ᠬᠦᠨ ᠰᠦᠨᠢ ︽ᠮᠢᠨᠤ ᠬᠦᠤ ᠠᠪᠤ ᠶᠢ ᠪᠠᠨ ᠶᠡᠭᠡ ᠬᠦᠯᠢᠶᠡᠪᠡ ᠤᠤ︾ ᠭᠡᠳ ᠤᠳᠤᠳ ᠤᠨ ᠲᠤᠤᠷ᠎ᠠ ᠰᠤᠨᠢᠶᠠᠭᠰᠠᠨ ᠠᠪᠤ ᠶᠢᠨ ᠢᠶᠠᠨ ᠡᠩᠭᠡᠷ ᠲᠤ ᠪᠢ ᠠᠰᠠᠭᠠᠳ ᠴᠢᠮᠡᠭᠡ ᠦᠭᠡᠢ ᠮᠡᠭᠰᠢᠭᠰᠡᠨ ᠮᠢᠨᠢ ᠶᠠᠭᠤ᠂ ᠶᠠᠭᠤᠨ ᠠᠴᠠ ᠢᠯᠡᠬᠦᠤ ᠠᠮᠳᠠᠳᠠᠢ ᠨᠢᠯᠪᠤᠰᠤ ᠪᠠᠶᠢᠭᠰᠠᠨ ᠪᠢᠯᠨ᠃ ᠠᠪᠤ ᠪᠢᠳᠠ ᠬᠤᠶᠠᠷ ᠤᠨ ᠪᠠᠶᠠᠷᠳᠠᠢ ᠠᠭᠤᠯᠵᠠᠭᠰᠠᠨ ᠢ ᠲᠡᠮᠳᠡᠭᠯᠡᠬᠦ ᠰᠢᠨ᠎ᠠ ᠦᠷᠯᠦᠭᠡ ᠡᠬᠢᠯᠡᠬᠦ ᠳᠤ ᠲᠠᠬᠢᠭᠠᠳ ᠲᠠᠪᠤᠨ ᠴᠠᠭ ᠲᠤᠳᠠᠭᠤ ᠪᠠᠶᠢᠭᠰᠠᠨ ᠳ᠋ᠠ᠂ ᠲᠡᠭᠡᠬᠦ ᠳᠤ᠃ ᠡᠨᠡ ᠶᠠᠪᠤᠳᠠᠯ ᠎ ᠠᠴᠠ ᠬᠤᠶᠢᠰᠢ ᠬᠤᠷᠢᠨ ᠵᠢᠯ ᠤᠨ ᠲᠠᠷᠠᠭ᠎ᠠ ᠪᠢ ᠬᠠᠮᠤᠭ ᠤᠨ ᠰᠡᠬᠦᠯᠴᠢ ᠶᠢᠨ ᠤᠳᠠᠭ᠎ᠠ ᠠᠶᠤᠭᠰᠠᠨ ᠶᠤᠮ᠃ ᠠᠪᠤ ᠮᠢᠨᠢ ᠡᠳᠡᠭᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠢ ᠪᠢᠳᠠ ᠮᠡᠳᠡᠵᠤ ᠪᠠᠶᠢᠪᠠ᠃ ᠡᠪᠡᠳᠴᠢᠨ ᠤ ᠪᠠᠨ ᠤᠷᠬᠠᠭᠰᠢᠯ ᠠᠴᠠ ᠬᠦᠯ ᠤᠨ ᠡᠳ᠋ ᠡᠰ ᠬᠡᠮᠳᠦᠭᠰᠡᠨ ᠠᠪᠤ ᠬᠡᠪᠳᠡᠷᠢ ᠳᠤ ᠤᠷᠤᠭᠠᠳ ᠤᠳᠠᠯ᠎ᠠ᠃ ᠲᠡᠬᠦᠨ ᠤ ᠪᠡᠶ᠎ᠠ ᠪᠦᠬᠦᠯᠢ ᠳᠡᠭᠡᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠵᠤ ᠲᠠᠷᠴᠢᠯᠠᠨ ᠵᠤᠪᠠᠵᠤ ᠪᠠᠶᠢᠪᠠ᠃ ᠲᠠᠪᠢᠬᠠᠨ ᠨᠠᠰᠤᠨ ᠤ ᠪᠤᠱᠤᠭ᠎ᠠ ᠱᠦᠷᠬᠦᠭᠡᠵᠤ ᠶᠠᠪᠤᠭ᠎ᠠ ᠠᠪᠤ ᠶᠢᠨ ᠮᠢᠨᠢ ᠨᠢᠳᠤ᠂ ᠰᠡᠳᠬᠢᠯ ᠬᠤᠶᠠᠷ ᠲᠡᠷᠨ ᠪᠦᠬᠦ ᠵᠤᠪᠠᠯᠠᠩ ᠤᠨ ᠡᠮᠦᠨ᠎ᠠ ᠰᠦᠬᠦᠳᠦᠭᠡ ᠦᠭᠡᠢ ᠪᠢᠯᠨ᠃ ᠠᠮᠢᠳᠤᠷᠠᠯ ᠳᠤ ᠦᠯᠡᠳᠡᠬᠦ ᠬᠡᠵᠤ ᠵᠢᠳᠬᠦᠭᠰᠡᠨ ᠰᠢᠨᠠᠯᠠᠩᠳᠤ ᠲᠠᠪᠢ ᠳᠠᠬᠢ ᠬᠤᠨᠤᠭ ᠤᠨ ᠢᠶᠠᠨ ᠤᠷᠤᠢ ᠨᠠᠮᠠᠢᠢ ᠲᠠᠭᠤᠳᠠᠯ᠎ᠠ᠃ ᠰᠠᠶᠢᠬᠠᠨ ᠬᠠᠷ᠎ᠠ ᠨᠢᠳᠤᠨ ᠠᠴᠠ ᠨᠢ ᠦᠭᠡᠷ᠎ᠠ ᠵᠦᠢᠯ ᠠᠪᠤ ᠳᠤ ᠮᠢᠨᠢ ᠦᠯᠡᠳᠡᠭᠰᠡᠨ ᠦᠭᠡᠢ᠃ ᠨᠠᠳᠠᠳᠤ ᠬᠡᠯᠡᠯ᠎ᠠ᠄ ︽ᠠᠪᠤ ᠨᠢ ᠲᠠᠪᠢᠨ ᠵᠢᠯ ᠠᠮᠢᠳᠤᠷᠠᠯ᠎ᠠ᠂ ᠵᠠᠭᠤᠨ ᠤ ᠲᠠᠯ᠎ᠠ ᠰᠢᠤ ᠳ᠋ᠧ᠂ ᠬᠦᠤ ᠮᠢᠨᠢ᠃ ᠰᠠᠶᠢᠬᠠᠨ ᠨᠠᠰᠤᠯᠠᠯ᠎ᠠ᠃ ᠬᠦᠮᠦᠨ ᠤ ᠵᠠᠮ ᠶᠤᠰᠤ ᠳ᠋ᠤᠤ᠃ ᠠᠪᠤ ᠶᠢᠨ ᠬᠢᠨᠢ ᠶᠠᠪᠤᠬᠤ ᠴᠠᠭ ᠪᠤᠯᠵᠠᠢ᠃ ᠡᠵᠢ᠂ ᠲᠡᠬᠦᠤ ᠨᠠᠷ ᠢ ᠎ ᠪᠠᠨ ᠴᠢ ᠬᠠᠷᠠᠵᠤ ᠶᠠᠪᠤᠬᠤ ᠡᠬᠦᠷᠭᠡ ᠲᠠᠢ︾ ᠬᠡᠵᠤ ᠬᠡᠯᠡᠭᠡᠳ ᠤᠬᠢᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠵᠦᠪᠯᠡᠵᠤ ᠪᠢᠯᠨ᠃ ᠦᠷᠯᠦᠭᠡ ᠨᠢ ᠨᠠᠷᠠ ᠮᠠᠨᠳᠤᠵᠤ ᠪᠠᠶᠢᠬᠤ ᠳᠤ ᠠᠪᠤ ᠡᠬᠦᠷᠢᠳᠠ ᠤᠨᠳᠠᠯ᠎ᠠ᠃ ᠵᠤᠪᠠᠵᠤ᠂ ᠰᠢᠨᠠᠯᠠᠭᠰᠠᠨ ᠡᠳᠦᠷ ᠤᠳ ᠲᠤ ᠨᠢᠭᠡ ᠴᠤ ᠤᠳᠠᠭ᠎ᠠ ᠶᠤᠤᠯᠠᠭ᠎ᠠ ᠦᠭᠡᠢ ᠠᠪᠤ ᠶᠢᠨ ᠢᠶᠠᠨ ᠬᠦᠷᠦᠨ ᠪᠤᠢ ᠴᠤᠭᠴᠠᠰ ᠤᠨ ᠲᠡᠷᠭᠡᠳᠠ ᠮᠠᠩᠨᠠᠢ ᠶᠢ ᠨᠢ ᠲᠦᠰᠢᠵᠤ ᠵᠤᠭᠰᠤᠬᠤ ᠳᠠᠭᠠᠨ ᠪᠢ ᠰᠡᠬᠦᠯᠴᠢ ᠶᠢᠨ ᠠᠶᠤᠳᠠᠰᠤ ᠪᠠᠨ ᠬᠡᠭᠡᠭᠰᠡᠨ ᠶᠤᠮ᠃ ᠠᠪᠤ ᠶᠢ ᠪᠠᠨ ᠠᠯᠳᠠᠬᠤ ᠦᠭᠡᠢ ᠶᠤᠮᠰᠠᠨ ᠬᠡᠰᠡᠨ ᠠᠶᠤᠳᠠᠰᠤ ᠲᠡᠶᠢᠨ ᠪᠦᠷᠢᠮᠦᠰᠦᠨ ᠰᠠᠷᠨᠢᠭᠰᠠᠨ᠃ ᠵᠤᠪᠠᠯᠠᠩ ᠢ ᠲᠠᠪᠠᠨ ᠲᠤᠭᠤᠯᠬᠤ ᠬᠠᠳᠠᠭᠤᠵᠢᠯ ᠬᠦᠮᠦᠨ ᠤ ᠨᠤᠶᠠᠨ ᠨᠢᠷᠤᠭᠤ ᠶᠢ ᠢᠯᠡᠴᠢᠯᠡᠳᠡᠭ ᠬᠡᠳᠡᠭ᠃ ᠠᠪᠤ ᠮᠢᠨᠢ ᠵᠤᠪᠠᠯᠠᠩ ᠤᠨ ᠡᠮᠦᠨ᠎ᠠ ᠰᠦᠬᠦᠷᠡᠯ ᠦᠭᠡᠢ᠂ ᠪᠤᠰᠤᠳ ᠢ ᠦᠪᠡᠷ ᠲᠠᠢ ᠪᠠᠨ ᠨᠡᠶᠢᠳᠭᠡᠵᠤ ᠱᠠᠷᠬᠢᠷᠠᠭᠤᠯᠤᠯ ᠦᠭᠡᠢ ᠶᠠᠪᠤᠵᠤ ᠤᠳᠤᠭᠰᠠᠨ᠃ ᠢᠩᠬᠢᠭᠡᠳ ᠠᠮᠢᠳᠤᠷᠠᠯ ᠲᠡᠭᠡᠷ᠎ᠠ ᠪᠢ ᠡᠵᠢ᠂ ᠲᠡᠬᠦᠤ ᠨᠠᠷ ᠲᠠᠢ ᠪᠠᠨ ᠦᠯᠡᠳᠡᠭᠰᠡᠨ ᠶᠤᠮ᠃ ᠤᠳᠤ ᠨᠠᠳᠠᠳᠤ ᠠᠶᠤᠬᠤ ᠰᠢᠯᠳᠠᠭᠠᠨ᠂ ᠡᠮᠢᠶᠡᠬᠦ ᠵᠤᠪᠠᠯᠠᠩ ᠪᠠᠶᠢᠬᠤ ᠦᠭᠡᠢ ᠬᠡᠵᠤ ᠪᠤᠳᠤᠳᠠᠭ᠃ ᠲᠠᠶᠢᠨ ᠬᠡᠴᠡᠬᠦᠤ ᠶᠢ ᠲᠤᠭᠤᠯᠤᠭᠰᠠᠨ ᠪᠤᠯᠬᠤᠷ ᠭᠠᠭᠴᠠᠬᠦ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠯᠡ ᠨᠠᠮᠠᠢᠢ ᠬᠦᠯᠢᠶᠡᠵᠤ ᠪᠠᠶᠢᠭ᠎ᠠ ᠬᠡᠵᠤ ᠢᠳᠡᠭᠡᠳᠡᠭ᠃ ︽ᠠᠮᠢᠳᠤᠷᠠᠯ ᠳᠠᠭᠠᠨ︾ ᠬᠡᠮᠡᠨ ᠡᠬᠢᠨ ᠳᠤ ᠦᠴᠢᠭᠰᠡᠨ ᠤ ᠲᠤᠬᠠᠢ ᠳᠤ ᠪᠤᠯ ᠪᠢ ᠦᠨᠡᠨᠳᠡᠭᠡᠨ ᠬᠡᠨᠵᠡ᠂ ᠨᠢᠯᠬ᠎ᠠ᠂ ᠬᠡᠬᠦ ᠳᠡᠭᠡᠨ ᠠᠮᠢᠳᠤᠷᠠᠯ ᠤᠨ ᠂ ᠠᠶᠤᠳᠠᠰᠤ ᠶᠢᠨ ᠡᠮᠦᠨ᠎ᠠ ᠨᠠᠰᠤ ᠬᠡᠨᠵᠡᠳᠡᠬᠦ ᠰᠢᠯᠳᠠᠭ ᠪᠠᠶᠢᠬᠤ ᠶᠤᠰᠤ ᠦᠭᠡᠢ ᠰᠠᠨᠠᠭᠳᠠᠨ᠎ᠠ᠃ ᠠᠪᠤ ᠮᠢᠨᠢ ᠨᠠᠳᠠ ᠎ ᠠᠴᠠ ᠶᠠᠪᠤᠭᠰᠠᠭᠠᠷ᠂ ᠠᠪᠤ ᠶᠢ ᠪᠠᠨ ᠮᠦᠩᠬᠡ ᠳᠤ ᠦᠳᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠬᠤᠶᠠᠷ ᠳᠠᠬᠢ ᠨᠠᠮᠤᠷ ᠤᠨ ᠬᠢᠷᠠᠭᠤ ᠠᠯᠳᠠᠢ ᠶᠢᠨ ᠬᠢᠷ᠎ᠠ ᠳᠤ ᠴᠠᠩᠳᠤᠵᠤ ᠪᠠᠶᠢᠨᠠᠮ᠃ ᠪᠠᠰᠠ ᠮᠢᠨᠤ ᠠᠮᠢᠳᠤᠷᠠᠯ ᠤᠨ ᠤᠬᠠᠭᠠᠷᠠᠯ ᠤᠨ ᠬᠤᠶᠠᠷ ᠳᠠᠬᠢ ᠨᠠᠮᠤᠷ ᠎ ᠤᠨ ᠪᠤᠷᠤᠭ᠎ᠠ ᠨᠠᠳᠠ ᠲᠡᠭᠡᠷ᠎ᠠ ᠲᠦᠷᠦᠭᠰᠡᠨ ᠡᠳᠦᠷ ᠢᠶᠠᠷ ᠮᠢᠨᠢ ᠤᠷᠤᠪᠠ᠃ ᠬᠡᠵᠢᠶ᠎ᠠ ᠴᠤ ᠢᠷᠡᠬᠦ ᠦᠭᠡᠢ ᠶᠢ ᠨᠢ ᠮᠡᠳᠡᠭᠰᠡᠭᠡᠷ ᠬᠦᠯᠢᠶᠡᠳᠡᠭ ᠠᠪᠤ ᠶᠢ ᠪᠠᠨ ᠵᠡᠬᠦᠳᠦᠨ ᠳᠡᠭᠡᠨ ᠦᠵᠡᠳᠡᠭ ᠰᠡᠳᠬᠢᠯ ᠢ ᠮᠢᠨᠢ ᠠᠷᠭᠠᠳᠠᠵᠤ᠂ ᠪᠦᠭᠡᠴᠡᠶᠢᠯᠡᠭᠰᠡᠨ ᠤ ᠬᠢ ᠪᠤᠯᠪᠠᠤ ᠦᠦ᠃ ᠤᠷᠴᠢᠯᠠᠩ ᠲᠡᠭᠡᠷ᠎ᠠ ᠠᠮᠢᠳᠤ ᠶᠠᠪᠤᠭᠰᠠᠨ ᠠᠪᠤ ᠶᠢ ᠪᠠᠨ ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ ᠤ ᠲᠠᠷᠠᠭ᠎ᠠ ᠵᠡᠬᠦᠳᠤ ᠪᠠᠨ ᠮᠠᠨᠠᠵᠤ ᠠᠭᠤᠯᠵᠠᠬᠤ ᠯᠡ ᠲᠠᠪᠢᠯᠠᠩ ᠨᠤᠭᠳᠠᠳᠠᠭ ᠶᠤᠮ ᠪᠠᠶᠢᠨ᠎ᠠ᠂ ᠪᠢᠳᠡᠨ ᠳᠤ᠃     ᠠᠪᠤ ᠶᠢ ᠪᠠᠨ ᠠᠮᠢᠳᠤ ᠳᠤᠨᠢ ᠦᠨᠦᠰᠦᠬᠦᠯᠵᠤ ᠶᠠᠪᠤ᠂ ᠦᠨᠦᠰᠴᠤ ᠶᠠᠪᠤ ᠲᠠ ᠨᠠᠷ ᠮᠢᠨᠢ᠃ ᠬᠠᠮᠳᠤ ᠳᠠᠭᠠᠨ ᠠᠪᠬᠠᠭᠤᠯᠤᠭᠰᠠᠨ ᠨᠢᠭᠡ ᠰᠠᠶᠢᠬᠠᠨ ᠵᠢᠷᠤᠭ ᠪᠤᠢ ᠰᠠᠨ ᠪᠢᠯᠢᠤ ᠬᠡᠵᠤ ᠰᠠᠨᠠᠵᠠᠭᠠᠭᠠᠷᠠᠢ᠃ ᠪᠠᠶᠢᠳᠠᠭ ᠦᠭᠡᠢ ᠯᠡ ᠶᠤᠮ ᠪᠢᠯᠨ ᠰᠢᠤ᠃                 ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶
 
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠮᠤᠩᠭᠤᠯ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号