| ᠠᠩᠬᠠᠨ ᠤ ᠬᠠᠶᠢᠷᠠ ᠮᠢᠨᠢ ᠬᠦᠪᠦᠩ ᠲᠠᠢ ᠨᠤᠭᠤᠭᠠᠨ ᠲᠡᠪᠡᠯ ᠲᠠᠢ ᠬᠤᠶᠠᠷ ᠰᠠᠯᠠᠭᠠ ᠬᠡᠵᠢᠭᠡ ᠲᠠᠢ ᠲᠤᠷᠭᠠᠨ | ᠰᠡᠪᠬᠢᠨ ᠲᠦᠷᠡᠢ ᠳᠤ ᠱᠠᠯᠢᠬᠦᠢ ᠨᠠᠷᠢᠳᠠᠭᠰᠠᠨ ᠰᠢᠯᠪᠢ ᠲᠠᠢ ᠪᠠᠶᠢᠵᠠᠢ᠃ ᠪᠢ ᠵᠠᠪᠰᠠᠷᠯᠠᠭᠠ ᠪᠦᠬᠦᠨ ᠢᠶᠠᠷ ᠠᠩᠬᠢ ᠶᠢᠨ | ᠬᠢᠨᠢ ᠬᠠᠪᠢᠴᠠᠭᠠ ᠡᠷᠬᠢᠯᠳᠦᠵᠤ᠂ ᠲᠠᠷᠠᠭᠠ ᠶᠢᠨ ᠵᠠᠪᠰᠠᠷᠯᠠᠭᠠ ᠪᠠᠷ ᠤᠴᠢᠬᠤ ᠰᠢᠯᠳᠠᠭᠠᠨ ᠢᠶᠠᠨ ᠬᠢᠴᠢᠶᠡᠯ ᠪᠦᠬᠦᠨ | ᠲᠡᠭᠡᠷᠠ ᠪᠤᠯᠪᠠᠰᠤᠷᠠᠭᠤᠯᠤᠨ ᠰᠠᠭᠤᠳᠠᠭ ᠰᠠᠨ᠃ ᠲᠡᠬᠦᠨ ᠤ ᠠᠩᠬᠢ ᠳᠤ ᠤᠴᠢᠵᠤ ᠪᠠᠶᠢᠬᠤ ᠶᠢᠨ ᠲᠤᠯᠠᠳᠠ ᠮᠥᠨ ᠴᠤ | ᠤᠯᠠᠨ ᠬᠡᠦᠭᠡᠳ ᠤᠨ ᠬᠡᠷ ᠤᠨ ᠲᠠᠭᠠᠭᠠᠯᠭᠠᠪᠤᠷᠢ ᠶᠢᠨ ᠲᠤᠭᠠ ᠶᠢ ᠪᠤᠳᠤᠵᠤ ᠦᠭᠬᠦᠭᠰᠡᠨ ᠳ᠋ᠧ᠃ | ᠤᠷᠤᠢ ᠠᠩᠬᠢ ᠳᠠᠭᠠᠨ ᠰᠠᠭᠤᠭᠠᠳ ᠲᠠᠪᠳᠠᠯᠭᠠ ᠬᠢᠬᠦ ᠳᠤ ᠤᠩᠭᠤᠷᠬᠠᠢ ᠬᠠᠭᠠᠯᠭᠠ ᠪᠠᠷ ᠢᠶᠠᠨ ᠴᠢᠮᠠ ᠶᠢ | ᠬᠠᠷᠠᠭᠠᠰᠠᠢ ᠬᠡᠵᠤ ᠨᠠᠰᠢ ᠴᠠᠰᠢ ᠮᠥᠨ ᠯᠡ ᠤᠯᠠᠨ ᠭᠠᠷᠳᠠᠭ ᠰᠠᠨ᠃ ᠨᠢᠭᠡᠨ ᠰᠦᠨᠢ ᠠᠩᠬᠢ ᠳᠠᠭᠠᠨ ᠪᠢ ᠲᠦᠭᠵᠢᠵᠤ | ᠰᠠᠭᠤᠭᠠᠳ ᠠᠩᠬᠠᠨ ᠤ ᠬᠠᠶᠢᠷᠠ ᠶᠢᠨ ᠵᠠᠬᠢᠳᠠᠯ ᠢᠶᠠᠨ ᠪᠢᠴᠢᠵᠤ ᠪᠢᠯᠨ᠃ ᠯᠡ ᠶᠢᠨ ᠬᠡᠷᠡᠯ ᠳᠤ ᠴᠠᠭᠠᠰᠤᠨ ᠤ ᠦᠩᠭᠡ | ᠰᠢᠷᠠᠯᠠᠩᠬᠢ᠂ ᠮᠢᠨᠤ ᠰᠡᠳᠬᠢᠯ ᠲᠤᠭᠤᠭᠠ ᠲᠠᠢ ᠰᠦ ᠰᠢᠭ ᠲᠡᠪᠡᠷᠡᠨ ᠠᠩᠬᠠᠨ ᠤ ᠬᠠᠶᠢᠷᠠ ᠮᠢᠨᠢ ᠦᠷᠦᠮᠠ ᠰᠢᠭ | ᠠᠷᠢᠭᠤᠬᠠᠨ ᠪᠠᠶᠢᠵᠠᠢ᠃ ᠰᠤᠷᠤᠭᠴᠢ ᠶᠢᠨ ᠡᠮᠵᠡᠭᠭᠡᠨ ᠦᠵᠦᠭ ᠬᠠᠶᠢᠷᠠ ᠶᠢᠨ ᠦᠭᠡ ᠶᠢ ᠢᠳᠡᠭᠡᠯ ᠦᠭᠡᠶᠢᠬᠡᠨ | ᠰᠡᠶᠢᠯᠬᠦ ᠳᠡᠭᠡᠨ ᠬᠡᠮᠳᠤ ᠬᠡᠷᠡᠭ ᠬᠢᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠦᠯᠤ ᠮᠡᠳᠡᠭᠭᠡᠨ ᠴᠡᠴᠡᠷᠡᠭᠡᠳ ᠪᠠᠶᠢᠭᠰᠠᠨ᠃ ᠭᠠᠳᠠᠨᠠ | ᠲᠠᠯᠠ ᠶᠢᠨ ᠬᠠᠭᠠᠯᠭᠠ ᠲᠤᠤᠭᠠᠷᠬᠤ ᠳᠤ ᠲᠠᠪ ᠬᠢᠨ ᠰᠤᠴᠢᠵᠤ᠂ ᠪᠢᠴᠢᠵᠤ ᠪᠠᠶᠢᠭᠠ ᠵᠠᠬᠢᠳᠠᠯ ᠢᠶᠠᠨ ᠰᠢᠬᠦᠷᠦᠨ | ᠠᠪᠴᠤ ᠪᠠᠵᠠᠴᠢᠬᠠᠭᠠᠳ ᠬᠦᠯ ᠤᠨ ᠴᠢᠮᠡᠭᠡ ᠲᠠᠰᠤᠷᠠᠭᠰᠠᠨ ᠬᠤᠶᠢᠨᠠ᠂ ᠲᠠᠬᠢᠨ ᠦᠭᠡᠷᠠ ᠴᠠᠭᠠᠰᠤᠨ ᠲᠡᠭᠡᠷᠠ | ᠪᠢᠴᠢᠵᠤ ᠪᠠᠶᠢᠯᠠ᠃ ᠲᠡᠶᠢᠨᠬᠦ ᠰᠦᠨᠢᠵᠢᠨ ᠪᠢᠴᠢᠭᠰᠡᠨ ᠢᠯᠡᠭᠡᠯᠳᠠ ᠪᠠᠨ ᠡᠪᠤᠷᠳᠦᠯᠡᠴᠢᠭᠡᠭᠡᠳ ᠶᠠᠪᠤᠵᠤ ᠪᠠᠶᠢᠬᠤ ᠳᠤ | ᠲᠡᠷᠡᠭᠡᠨ ᠵᠤᠷᠪᠤᠰ ᠤᠨ ᠬᠡᠮᠵᠢᠶᠠ ᠪᠠᠷ ᠲᠦᠷᠪᠡᠯᠵᠢᠨ ᠭᠠᠵᠠᠷ ᠬᠠᠯᠠᠭᠤ ᠰᠢᠳᠠᠵᠤ ᠪᠢ ᠤᠯᠤᠰ ᠤᠨ ᠨᠢᠭᠤᠴᠨ | ᠬᠠᠳᠠᠭᠠᠯᠠᠭᠰᠠᠨ ᠲᠡᠮᠦᠷ ᠠᠪᠳᠠᠷᠠ ᠰᠢᠭ᠋ ᠬᠠᠷᠢᠭᠤᠴᠠᠯᠭᠠ ᠳᠤ ᠲᠤᠬᠤᠭᠳᠠᠭᠰᠠᠨ ᠢᠶᠠᠨ ᠮᠦᠴᠨ ᠪᠦᠷᠢ ᠤᠬᠠᠭᠠᠷᠠᠵᠤ | ᠪᠠᠶᠢᠯᠠ᠃ ᠲᠡᠬᠦᠨ ᠢ ᠭᠠᠷᠳᠠᠭᠤᠯᠬᠤ ᠡᠪᠳᠠᠢ ᠮᠦᠴᠨ ᠶᠢ ᠬᠦᠯᠢᠶᠡᠵᠤ ᠬᠡᠳᠤ ᠬᠤᠨᠤᠭᠰᠠᠨ ᠤ ᠡᠴᠦᠰ ᠲᠤ | ᠰᠤᠷᠭᠠᠭᠤᠯᠢ ᠶᠢᠨ ᠲᠤᠪᠵᠢᠶᠠᠨ ᠲᠡᠭᠡᠷᠠ ᠠᠴᠠ ᠪᠢ ᠴᠢᠮᠠ ᠤᠷᠤᠭᠤ ᠴᠢᠭᠯᠡᠭᠰᠡᠨ᠃ ᠴᠠᠬᠢᠯᠭᠠᠨ ᠲᠡᠷᠭᠡᠨ ᠲᠡᠭᠡᠷᠠ | ᠠᠴᠠ ᠦᠰᠦᠷᠬᠦ ᠰᠢᠭ ᠬᠤᠶᠠᠷ ᠴᠢᠬᠢ ᠶᠠᠭᠤᠮᠠ ᠰᠤᠨᠤᠰᠬᠤ ᠪᠠᠨ ᠪᠤᠯᠢᠵᠤ ᠠᠪᠤᠷᠠᠬᠤ ᠭᠠᠭᠴᠠᠬᠠᠨ ᠨᠠᠶᠢᠳᠠᠪᠤᠷᠢ ᠡᠬᠡ | ᠲᠡᠯᠡᠭᠡᠢ ᠶᠢᠨ ᠴᠠᠭᠠᠨ ᠴᠠᠰᠤ ᠰᠢᠭ᠋ ᠴᠢ ᠮᠢᠨᠢ ᠤᠶᠢᠷᠠᠬᠠᠨ ᠯᠡ ᠶᠤᠮ ᠰᠢᠭ᠋ ᠠᠳᠠᠯᠠ ᠡᠷᠡᠨ ᠦᠩᠭᠡᠷᠡᠬᠦ ᠰᠢᠭ ᠬᠤᠯᠨ | ᠪᠠᠶᠢᠭᠰᠠᠨ᠃ ᠲᠤᠳᠤᠨᠤ ᠪᠠᠶᠢᠨᠠ ᠬᠡᠵᠤ ᠪᠤᠳᠤᠭᠠᠳ ᠪᠠᠶᠢᠭᠰᠠᠨ ᠴᠢᠮᠠ ᠶᠢ ᠪᠠᠨ ᠬᠡᠴᠢᠨᠡᠨ ᠴᠤ ᠬᠦᠨᠳᠡᠢ ᠪᠠᠶᠢᠭᠰᠠᠨ ᠢ | ᠲᠡᠭᠡᠬᠦ ᠳᠤ ᠪᠢ ᠭᠠᠳᠠᠷᠯᠠᠵᠤ ᠪᠢᠯᠨ᠃ | ᠴᠢ ᠵᠤᠷᠪᠤᠰ ᠢ ᠮᠢᠨᠢ ᠠᠪᠴᠢᠬᠠᠭᠠᠳ ᠬᠤᠶᠠᠷ ᠰᠠᠯᠠᠭᠠ ᠬᠡᠵᠢᠭᠡ ᠪᠠᠨ ᠭᠤᠳᠤᠯᠵᠠᠭᠤᠯᠵᠤ ᠬᠦᠶᠦᠬᠦ ᠰᠢᠬᠠᠮ | ᠪᠤᠯᠤᠨ ᠲᠤᠭᠤᠷᠢᠭᠰᠠᠨ᠂ ᠪᠢ ᠰᠤᠷᠭᠠᠭᠤᠯᠢ ᠶᠢᠨ ᠡᠬᠦᠳᠡᠨ ᠳᠤ ᠤᠷᠭᠤᠭᠠ ᠲᠠᠢ ᠶᠤᠮ ᠰᠢᠭ᠋ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ | ᠦᠭᠡᠢ ᠵᠤᠭᠰᠤᠭᠰᠠᠭᠠᠷ ᠯᠡ ᠪᠠᠶᠢᠯᠠ ᠁ | ᠮᠠᠷᠭᠠᠰᠢ ᠨᠢ ᠲᠦᠷᠪᠡᠳᠦᠭᠡᠷ ᠴᠠᠭ ᠤᠨ ᠵᠠᠪᠰᠠᠷᠯᠠᠭᠠ ᠪᠠᠷ ᠲᠠᠨ ᠤ ᠠᠩᠬᠢ ᠶᠢᠨ ᠴᠢᠮᠡᠭ ᠢᠷᠡᠵᠤ ᠮᠢᠨᠤ | ᠠᠯᠭᠧᠪᠷᠨ ᠶᠢᠨ ᠨᠤᠮ ᠢ ᠭᠤᠶᠤᠭᠠᠳ ᠡᠷᠬᠢᠬᠦᠯᠦᠨ ᠦᠭᠬᠦ ᠳᠡᠭᠡᠨ ᠶᠡᠭᠡ ᠯᠡ ᠤᠴᠢᠷᠳᠠᠢ ᠢᠨᠢᠶᠡᠵᠤ ᠨᠢᠭᠡ ᠶᠠᠭᠤᠮᠠ | ᠬᠡᠯᠡᠬᠦ ᠬᠡᠰᠡᠨ ᠪᠤᠯᠪᠠᠴᠤ ᠬᠤᠩᠬᠤ ᠬᠡᠨᠡᠳᠳᠠ ᠲᠤᠤᠭᠠᠷᠴᠤ᠂ ᠪᠠᠭᠰᠢ ᠵᠤᠷᠨᠠᠯ ︵ᠪᠦᠷᠢᠳᠭᠡᠯ ᠤᠨ ᠲᠡᠪᠳᠡᠷ︶ ᠢᠶᠠᠨ | ᠪᠠᠷᠢᠭᠰᠠᠭᠠᠷ ᠠᠶᠢᠰᠤᠢ ᠲᠤᠯᠨ ᠠᠩᠬᠢ ᠠᠩᠬᠢ ᠤᠷᠤᠭᠤ ᠪᠠᠨ ᠡᠷᠬᠢᠨ ᠬᠦᠶᠦᠯᠳᠦᠯᠠ᠃ | ᠬᠢᠴᠢᠶᠡᠯ ᠢᠳᠠ ᠲᠤᠮᠳᠠ ᠪᠠᠨ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠨᠤᠮ ᠢᠶᠠᠨ ᠲᠡᠯᠭᠡᠪᠡᠯ ᠲᠦᠷᠪᠡ ᠨᠤᠭᠤᠯᠤᠭᠰᠠᠨ ᠲᠠᠯᠪᠢ | ᠴᠠᠭᠠᠰᠤ ᠨᠢᠳᠤᠨᠠ ᠲᠤᠰᠪᠠ᠃ ᠲᠡᠬᠦᠨ ᠠᠴᠠ ᠮᠢᠨᠢ ᠬᠠᠷᠢᠭᠤ ᠢᠷᠡᠵᠠᠢ᠃ ᠨᠤᠮ ᠢᠶᠠᠨ ᠰᠡᠮᠭᠡᠨ ᠬᠠᠮᠬᠢᠭᠠᠳ ᠰᠠᠪᠠᠨ | ᠳᠤ ᠨᠢ ᠬᠢᠪᠡᠯ ᠲᠠᠶᠢᠮᠤ ᠬᠦᠨᠳᠦᠳᠠᠢ ᠶᠠᠭᠤᠮᠠ ᠬᠠᠳᠠᠭᠠᠯᠠᠵᠤ ᠶᠠᠪᠤᠬᠤ ᠳᠤ ᠬᠠᠭᠤᠴᠢᠨ ᠮᠠᠭᠤ ᠴᠦᠩᠬᠦ ᠮᠢᠨᠢ ᠶᠡᠭᠡ ᠯᠡ | ᠭᠤᠯᠤᠭᠳᠠᠵᠤ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠯᠠ᠃ ᠵᠢᠷᠦᠭᠡᠨ ᠤ ᠴᠤᠬᠢᠯᠳᠠ ᠲᠦᠷᠭᠡᠰᠦᠨ ᠬᠠᠴᠠᠷ ᠤᠯᠠᠶᠢᠵᠤ᠂ ᠬᠠᠭᠤᠴᠢᠨ | ᠮᠠᠭᠤ ᠴᠦᠩᠬᠦᠨ ᠤ ᠪᠠᠨ ᠤᠭᠤᠰᠤᠷ ᠢᠶᠠᠷ ᠭᠠᠷ ᠢᠶᠠᠨ ᠤᠷᠢᠶᠠᠵᠤ ᠪᠠᠷᠢᠴᠢᠬᠠᠭᠠᠳ ᠬᠢᠴᠢᠶᠡᠯ ᠲᠠᠷᠬᠠᠬᠤ ᠶᠢ | ᠢᠷᠡᠭᠡᠳᠦᠢ ᠮᠡᠳᠤ ᠬᠦᠯᠢᠶᠡᠪᠡ᠃ ᠬᠢᠴᠢᠶᠡᠯ ᠲᠠᠷᠬᠠᠭᠠᠳ ᠬᠠᠮᠳᠤ ᠶᠠᠪᠤᠳᠠᠭ ᠬᠡᠦᠭᠡᠳ ᠤᠳ ᠠᠴᠠ ᠠᠯᠪᠠ ᠪᠠᠷ | ᠬᠤᠴᠤᠷᠴᠤ ᠭᠠᠭᠴᠠᠭᠠᠷ ᠲᠦᠯᠢᠨ ᠶᠠᠪᠤᠭᠰᠠᠭᠠᠷ ᠵᠠᠮ ᠤᠨ ᠪᠠᠷᠠᠭᠤᠨ ᠤᠪᠤᠭᠠᠨ ᠲᠡᠭᠡᠷᠠ ᠭᠠᠷᠴᠤ ᠰᠠᠭᠤᠭᠠᠳ ᠤᠤᠯ | ᠵᠤᠷᠪᠤᠰ ᠢ ᠵᠠᠳᠠᠯᠤᠨ ᠦᠵᠡᠯᠠ᠃ ᠲᠠᠯᠪᠢ ᠴᠠᠭᠠᠰᠤᠨ ᠤ ᠭᠤᠤᠯ ᠳᠤ ︽10B ᠶᠢᠨ ᠲᠡᠨᠡᠭ᠂ ᠲᠠᠬᠢᠭᠠᠳ ᠦᠭᠪᠡᠯ | ᠪᠠᠭᠰᠢ ᠳᠤ ᠬᠡᠯᠡᠨᠠ ᠳ᠋ᠧ︾ ᠬᠡᠵᠤ ᠪᠢᠴᠢᠭᠡᠳ ᠨᠠᠷᠠ ᠪᠠᠨ ᠴᠤ ᠲᠠᠯᠪᠢᠭᠰᠠᠨ ᠦᠭᠡᠢ᠃ ᠪᠢ ᠦᠨᠳᠡᠶᠢᠨ ᠰᠠᠭᠤᠵᠤ | ᠵᠠᠮ ᠤᠷᠤᠭᠤ ᠬᠠᠷᠠᠯᠠ᠃ ᠨᠦᠬᠦᠭᠡ ᠠᠶᠢᠮᠠᠭ ᠲᠠᠶᠠᠭᠠᠷ ᠮᠠᠭᠳᠠᠭᠠᠳ ᠪᠠᠶᠢᠭᠠ ᠰᠢᠨᠠ ᠢᠷᠡᠭᠰᠡᠨ ᠡᠮᠴᠢ ᠬᠡᠦᠭᠡᠨ | ᠲᠡᠮᠦᠷ ᠵᠠᠮ ᠤᠨ ᠢᠨᠵᠧᠨᠧᠷ ᠵᠠᠯᠠᠭᠤ ᠲᠠᠢ ᠬᠦᠭᠡᠷᠦᠯᠳᠦᠨ ᠶᠠᠪᠤᠨᠠ᠃ ᠤᠯᠢᠭᠳᠠᠢ ᠴᠤ ᠬᠡᠦᠭᠡᠨ ᠪᠢᠰᠢ ᠯᠡ ᠪᠠᠶᠢᠨᠠ᠃ | ᠬᠠᠷᠢᠨ ᠮᠢᠨᠤ ᠮᠠᠭᠤ ᠬᠠᠭᠤᠴᠢᠨ ᠴᠦᠩᠬᠦ ᠲᠡᠭᠡᠳᠡᠯᠠ ᠪᠠᠨ ᠭᠤᠯᠤᠭᠳᠠᠭᠠᠳ ᠪᠠᠶᠢᠬᠤ ᠡᠳ᠋ ᠪᠢᠰᠢ ᠪᠠᠶᠢᠯᠠ᠃ ᠨᠦᠬᠦᠭᠡ | ᠵᠤᠷᠪᠤᠰ ᠤᠨ ᠵᠠᠬᠠ ᠶᠢᠨ ᠴᠠᠭᠠᠨ ᠢ ᠲᠠᠰᠤᠯᠤᠨ ᠬᠠᠶᠠᠭᠰᠠᠭᠠᠷ ᠰᠠᠭᠤᠳᠠᠯᠠ ᠵᠦᠪᠭᠡᠨ ︽10B ᠶᠢᠨ ᠲᠡᠨᠡᠭ︾ | ᠬᠡᠳᠡᠭ ᠨᠢ ᠯᠡ ᠦᠯᠡᠳᠡᠪᠡ᠃ ᠪᠢ ᠲᠡᠬᠦᠨ ᠢ ᠵᠠᠵᠢᠯᠵᠤ ᠵᠠᠵᠢᠯᠵᠤ ᠵᠠᠯᠬᠢᠴᠢᠬᠠᠯᠠ᠃ ᠲᠤᠳᠤᠷ᠂ ᠰᠡᠳᠬᠢᠯ ᠬᠤᠶᠠᠷ | ᠠᠳᠠᠯᠢᠬᠠᠨ ᠭᠤᠷᠤᠶᠢᠵᠤ ᠵᠠᠯᠬᠢᠭᠰᠠᠨ ᠵᠦᠢᠯ ᠮᠠᠨᠢ ᠶᠡᠭᠡ ᠯᠡ ᠬᠠᠳᠠᠭᠤ ᠪᠠᠶᠢᠯᠠ᠃ ᠲᠡᠬᠦᠨ ᠢ ᠵᠦᠭᠡᠯᠡᠷᠡᠬᠦᠯᠬᠦ ᠬᠡᠰᠡᠨ | ᠮᠡᠳᠤ ᠠᠶᠠᠨᠳᠠᠭᠠᠨ ᠭᠠᠷᠤᠭᠰᠠᠨ ᠨᠢᠯᠪᠤᠰᠤ ᠵᠠᠪᠠᠵᠢ ᠲᠠᠭᠠᠨ ᠠᠮᠠᠨ ᠳᠤ ᠤᠷᠤᠭᠰᠠᠭᠠᠷ ᠯᠡ ᠪᠠᠶᠢᠪᠠ᠃ | | ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶ | |