| — ︵ᠮᠤᠩᠭᠤᠯ︶ ᠪᠡ᠊ · ᠴᠤᠤᠵᠢᠴᠢᠯᠠᠭᠤᠨᠴᠡᠴᠡᠭ | | | ᠡᠪᠤᠭᠡᠨ ᠲᠡᠨᠳᠡᠪ ᠤᠨ ᠪᠡᠶᠠ ᠮᠠᠭᠤᠳᠠᠵᠤ᠂ ︽ᠰᠡᠭᠡᠭᠡᠨ︾ ᠨᠡᠷᠡᠳᠠᠢ ᠰᠡᠵᠢᠭ ᠬᠦᠷᠦᠮᠡᠷ ᠬᠦᠢᠳᠡᠨ ᠬᠦᠨᠳᠡᠢ᠂ | ᠨᠡᠯᠦᠩᠬᠢ ᠳᠡᠭᠡᠨ ᠴᠠᠭᠠᠨ ᠦᠷᠦᠭᠡᠨ ᠳᠤ ᠠᠷᠪᠠ ᠭᠠᠷᠤᠢ ᠬᠤᠨᠤᠭ ᠬᠡᠪᠳᠡᠯᠠ᠃ ᠭᠡᠷ ᠤᠨ ᠬᠢᠨ ᠨᠢ ᠭᠠᠳᠠᠭᠠ ᠡᠬᠦᠳᠡ | ᠮᠠᠨᠠᠵᠤ᠂ ᠨᠢᠳᠦᠨ ᠠᠴᠠ ᠪᠠᠨ ᠪᠤᠰᠤᠳ ᠢ ᠲᠠᠯᠳᠠᠯᠠᠭᠰᠠᠨ ᠶᠡᠬᠡᠮᠰᠦᠭ᠂ ᠬᠢᠮᠰᠠᠭᠠᠷ ᠡᠮᠴᠢ ᠨᠠᠷ ᠢ ᠴᠢᠷᠠᠶᠢᠴᠢᠯᠠᠵᠤ᠂ | ᠲᠡᠳᠡᠨ ᠢ ᠨᠢᠭᠡ ᠪᠤᠯ ᠠᠪᠤᠷᠠᠯ ᠤᠨ ᠡᠯᠴᠢ᠂ ᠡᠰᠡᠪᠡᠯ ᠡᠷᠯᠢᠭ ᠤᠨ ᠡᠯᠴᠢ ᠰᠢᠭ ᠯᠡ ᠪᠤᠳᠤᠵᠤ᠂ ᠭᠤᠷᠢᠳᠠᠯᠭᠠ | ᠲᠦᠬᠦᠷᠡᠩ ᠨᠢᠳᠤ ᠪᠠᠷ ᠲᠠᠭᠠᠭᠤᠯᠵᠤ ᠬᠠᠷᠠᠭᠰᠠᠭᠠᠷ ᠠᠷᠪᠠᠨ ᠵᠢᠷᠭᠤᠭᠠ ᠬᠤᠨᠤᠪᠠ᠃ ᠨᠢᠭᠡ ᠦᠷᠯᠦᠭᠡ ᠬᠡᠯᠠ ᠲᠠᠢ | ᠬᠡᠯᠨ ᠦᠭᠡᠢ ᠨᠢ ᠦᠯᠤ ᠮᠡᠳᠡᠭᠳᠡᠬᠦ ᠦᠨᠳᠦᠷ ᠴᠠᠭᠠᠨ ᠬᠡᠦᠭᠡᠨ ᠬᠡᠨᠡᠳᠳᠠ ᠠᠮᠠ ᠨᠡᠭᠡᠭᠡᠵᠤ᠄ ︽ᠲᠡᠨᠳᠡᠪ ᠭᠤᠸᠠᠢ ᠶᠢᠨ | ᠠᠷᠤ ᠭᠡᠷ ᠤᠨ ᠬᠢᠨ ᠤᠷᠤᠵᠤ ᠪᠤᠯᠤᠨᠠ︾ ᠬᠡᠮᠡᠨ ᠤᠷᠢᠶᠠᠯᠢᠭᠬᠠᠨ ᠬᠢᠷᠢ ᠨᠢ ᠨᠢᠭᠡ ᠯᠡ ᠬᠦᠨᠳᠡᠢ ᠬᠤᠭᠤᠰᠤᠨ | ᠬᠡᠯᠡᠴᠢᠭᠡᠭᠡᠳ ᠡᠬᠦᠳᠡ ᠪᠠᠨ ᠨᠡᠭᠡᠭᠡᠯᠠ᠃ ᠲᠡᠨᠳᠡᠪ ᠡᠪᠤᠭᠡᠨ ᠤ ᠪᠡᠶᠠ ᠪᠠᠷᠤᠭᠳᠠᠶᠢᠬᠠᠨ ᠪᠠᠶᠢᠭᠠ ᠨᠢ ᠬᠠᠷᠠᠪᠠᠰᠤ | ᠢᠯᠡᠳᠳᠠ᠃ ᠬᠦᠨᠳᠦᠷᠡᠵᠤ᠂ ᠴᠡᠯᠭᠡᠷᠡᠭᠰᠡᠨ ᠵᠤᠪᠬᠢ ᠪᠠᠨ ᠠᠷᠠᠶᠢᠬᠠᠨ ᠡᠷᠬᠦᠵᠤ᠂ ᠬᠦᠭᠡ ᠰᠤᠳᠠᠰᠤ ᠬᠦᠷᠡᠯᠵᠡᠭᠰᠡᠨ | ᠭᠠᠷ ᠢᠶᠠᠨ ᠬᠦᠳᠡᠯᠭᠡᠬᠦ ᠭᠡᠳ ᠴᠢᠳᠠᠭᠰᠠᠨ ᠦᠭᠡᠢ᠃ ᠲᠠᠪᠢᠨ ᠵᠢᠯ ᠴᠠᠢ ᠪᠠᠨ ᠬᠤᠪᠢᠶᠠᠭᠰᠠᠨ ᠡᠮᠡᠭᠡᠨ ᠢᠶᠠᠨ ᠦᠷᠤ | ᠡᠪᠡᠳᠦᠭᠰᠡᠨ ᠨᠢᠳᠤ ᠪᠠᠷ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ᠄ ︽ᠮᠢᠨᠤ ᠠᠵᠢᠯ ᠤᠨ ᠪᠤᠷᠤ ᠴᠦᠩᠬᠦ ᠶᠢ ᠠᠪᠤᠭᠠᠳ ᠢᠷᠡᠭᠡᠴᠢ ᠁ | ︾ ᠬᠡᠮᠡᠨ ᠲᠠᠰᠤᠯᠳᠠᠩᠭᠤᠢ ᠰᠤᠯᠠᠬᠠᠨ ᠲᠠᠭᠤ ᠪᠠᠷ ᠬᠡᠯᠡᠭᠡᠳ ᠴᠢᠮᠡᠭᠡ ᠲᠠᠰᠤᠷᠠᠴᠢᠬᠠᠪᠠ᠃ ᠬᠡᠳᠦᠨ ᠬᠡᠦᠭᠡᠳ ᠨᠢ | ᠭᠠᠶᠢᠬᠠᠵᠤ᠂ ᠮᠡᠩᠳᠡᠵᠤ᠂ ᠬᠠᠷᠢᠨ ᠲᠤᠯᠮᠠ ᠬᠦᠭᠰᠢᠨ᠄ ︽ᠠᠯᠢᠪ ᠬᠦᠤ ᠮᠢᠨᠢ ᠲᠠᠪᠬᠢᠭᠠᠷᠠᠢ᠃ ᠵᠤᠰᠠᠯᠠᠩ ᠤᠨ | ᠠᠮᠪᠠᠷᠠ ᠳᠤ᠂ ᠮᠢᠨᠤ ᠨᠤᠪᠰᠢ ᠬᠠᠳᠠᠭᠠᠯᠠᠳᠠᠭ ᠪᠤᠷᠤ ᠠᠪᠳᠠᠷᠠ ᠶᠢᠨ ᠢᠷᠤᠭᠠᠯ ᠳᠤ ᠪᠠᠶᠢᠭᠠ ᠪᠠᠶᠢᠬᠤ᠃ ᠶᠠᠭᠠᠬᠢᠪᠠ | ᠳ᠋ᠧ᠂ ᠠᠪᠤ ᠴᠢᠨᠢ ᠵᠠᠯᠠᠭᠤ ᠳᠠᠭᠠᠨ ᠯᠡ ᠡᠬᠦᠷᠴᠤ ᠶᠠᠪᠤᠳᠠᠭ ᠪᠠᠶᠢᠭᠰᠠᠨ ᠵᠢᠵᠢᠭ ᠪᠤᠷᠤ ᠴᠦᠩᠬᠦ ᠁︾ ᠬᠡᠮᠡᠨ | ᠰᠠᠨᠳᠤᠷᠴᠤ᠂ ᠪᠠᠭᠠ ᠬᠦᠤ ᠨᠢ ᠤᠬᠤᠰᠬᠢᠨ ᠭᠠᠷᠤᠯᠠ᠃ | ᠠᠪᠳᠠᠷᠠ ᠶᠢᠨ ᠢᠷᠤᠭᠠᠯ ᠳᠤ ᠪᠠᠷᠤᠭ ᠬᠤᠷᠢᠭᠠᠳ ᠵᠢᠯ ᠬᠡᠪᠳᠡᠵᠤ ᠪᠠᠶᠢᠭᠠ ᠪᠤᠷᠤ ᠴᠦᠩᠬᠦ ᠶᠢ ᠤᠯᠬᠤ ᠬᠡᠵᠤ | ᠪᠠᠭᠠ ᠬᠦᠤ ᠴᠢᠮᠡᠬᠦᠢ ᠴᠠᠭ ᠵᠠᠷᠤᠭᠰᠠᠨ ᠤᠴᠢᠷ ᠠᠴᠠ ᠨᠡᠯᠢᠶᠡᠳ ᠠᠮᠢᠰᠬᠤᠭᠠ ᠦᠨᠳᠦᠷ ᠲᠠᠢ ᠤᠷᠤᠵᠤ ᠢᠷᠡᠪᠡ᠃ | ︽ᠬᠦᠭᠰᠢᠨ ᠡ᠂ ᠴᠦᠩᠬᠦ ᠶᠢ ᠴᠢᠨᠢ ᠠᠪᠤᠭᠠᠳ ᠢᠷᠡᠯᠠ︾ ᠬᠡᠵᠤ ᠲᠤᠯᠮᠠ ᠬᠦᠭᠰᠢᠨ ᠢ ᠨᠠᠮᠤᠭᠤᠬᠠᠨ ᠲᠠᠭᠤᠳᠠᠬᠤ | ᠳᠤ ᠲᠡᠨᠳᠡᠪ ᠠᠩᠬᠠ ᠤᠳᠠᠭᠠ ᠯᠡ ᠬᠦᠭᠰᠢᠨ ᠢᠶᠠᠨ ᠬᠠᠷᠠᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠲᠤᠮᠤ ᠬᠠᠷᠠᠭᠰᠠᠨ ᠢᠶᠠᠨ ᠴᠦᠩᠬᠦ | ᠪᠠᠨ ᠠᠭᠤᠳᠠᠯᠠ ᠬᠡᠮᠡᠨ ᠭᠠᠷ ᠢᠶᠠᠷ ᠢᠶᠠᠨ ᠵᠠᠩᠭᠠᠬᠤ ᠨᠢ ᠲᠡᠷᠨ᠃ ᠲᠦᠷᠪᠡᠨ ᠬᠡᠦᠭᠡᠳ᠂ ᠭᠤᠷᠪᠠᠨ ᠪᠡᠷᠢ᠂ ᠪᠠᠰᠠ | ᠲᠤᠯᠮᠠ ᠬᠦᠭᠰᠢᠨ ᠤᠶᠤᠳᠠᠯ ᠢᠶᠠᠷ ᠢᠶᠠᠨ ᠬᠠᠩᠵᠠᠷᠠᠵᠤ᠂ ᠲᠤᠭᠤᠰᠤ ᠰᠢᠷᠤᠢ ᠳᠤ ᠲᠠᠷᠤᠭᠳᠠᠨ ᠪᠤᠳᠤᠭ ᠨᠢ | ᠬᠠᠯᠴᠠᠷᠠᠭᠰᠠᠨ ᠬᠠᠭᠤᠴᠢᠨ ᠪᠤᠷᠤ ᠴᠦᠩᠬᠦ ᠶᠢ ᠨᠢᠳᠤ ᠰᠠᠯᠭᠠᠯ ᠦᠭᠡᠢ ᠬᠠᠷᠠᠵᠤ᠂ ᠴᠤᠬᠤᠮ ᠶᠠᠭᠤ ᠭᠠᠷᠴᠤ ᠢᠷᠡᠬᠦ ᠶᠢ | ᠲᠡᠰᠴᠤ ᠶᠠᠳᠠᠨ ᠬᠦᠯᠢᠶᠡᠵᠤ ᠪᠠᠶᠢᠯᠠ᠃ ᠲᠡᠨᠳᠡᠪ ᠡᠪᠤᠭᠡᠨ ᠪᠦᠬᠦᠶᠢᠯᠨ ᠨᠠᠰᠤ ᠪᠠᠷ ᠢᠶᠠᠨ ᠠᠶᠢᠮᠠᠭ ᠤᠨ ᠰᠢᠤᠳᠠᠨ | ᠬᠤᠯᠪᠤᠭᠠᠨ ᠳᠤ ᠠᠵᠢᠯᠯᠠᠵᠤ᠂ ᠲᠡᠳᠬᠦᠪᠤᠷᠢ ᠳᠡᠭᠡᠨ ᠭᠠᠷᠬᠤ ᠠᠴᠠ ᠡᠮᠦᠨᠠ ᠡᠨᠡ ᠪᠤᠷᠤ ᠴᠦᠩᠬᠦ ᠶᠢ ᠡᠬᠦᠷᠴᠢᠭᠡᠭᠡᠳ | ᠬᠡᠳᠦᠨ ᠵᠢᠯ ᠰᠢᠷᠤᠢ ᠮᠠᠨᠠᠷᠠᠭᠠᠨ ᠪᠢᠴᠢᠭ ᠴᠠᠭᠠᠰᠤ ᠵᠦᠭᠡᠭᠡᠭᠰᠡᠨ ᠨᠢᠭᠡᠨ᠃ ᠬᠤᠷᠢᠶᠠᠵᠤ ᠬᠤᠮᠢᠭᠰᠠᠨ ᠡᠳ᠋ ᠵᠦᠢᠯ ᠭᠡᠬᠦ | ᠪᠠᠷ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ ᠶᠢ ᠲᠤᠮᠤ ᠬᠦᠤ᠂ ᠬᠦᠭᠰᠢᠨ ᠬᠤᠶᠠᠷ ᠨᠢ ᠯᠡ ᠰᠠᠶᠢᠨ ᠮᠡᠳᠡᠵᠤ ᠪᠠᠶᠢᠯᠠ᠃ ᠬᠠᠷᠢᠨ | ᠪᠤᠰᠤᠳ ᠨᠢ ᠲᠡᠷᠨ ᠵᠢᠵᠢᠭᠭᠡᠨ ᠨᠠᠪᠰᠠᠭᠠᠷ ᠴᠦᠩᠬᠦᠨ ᠠᠴᠠ ᠠᠯᠳᠠ ᠡᠷᠳᠡᠨᠢᠰ ᠭᠠᠷᠬᠤ ᠶᠤᠮ ᠰᠢᠭ᠋ ᠯᠡ ᠠᠮᠠ ᠪᠠᠨ | ᠠᠩᠭᠠᠶᠢᠨ ᠬᠠᠷᠠᠵᠤ᠂ ᠪᠡᠶᠠ ᠪᠡᠶᠠ ᠶᠢ ᠪᠠᠨ ᠲᠦᠯᠬᠢᠨ ᠡᠪᠤᠭᠡᠨ ᠤᠷᠤᠭᠤ ᠤᠯᠠᠮ ᠤᠶᠢᠷᠠᠳᠤᠪᠠ᠃ ᠲᠤᠯᠮᠠ ᠬᠦᠭᠰᠢᠨ | ᠪᠤᠷᠤ ᠴᠦᠩᠬᠦ ᠶᠢ ᠤᠬᠤᠵᠤ ᠤᠬᠤᠵᠤ᠂ ᠰᠤᠨᠢᠨ ᠳᠤ ᠪᠤᠭᠤᠵᠤ᠂ ᠭᠠᠳᠠᠭᠤᠷ ᠨᠢ ᠬᠢᠯᠠᠭᠠᠷ ᠤᠭᠤᠳᠠᠨ ᠳᠤ | ᠰᠠᠪᠠᠯᠠᠭᠰᠠᠨ ᠴᠠᠭᠠᠰᠤ ᠭᠠᠷᠭᠠᠵᠤ ᠢᠷᠡᠪᠡ᠃ ᠲᠡᠨᠳᠡᠪ ᠡᠪᠤᠭᠡᠨ᠄ ︽ᠨᠠᠭᠠᠳᠤ ᠵᠠᠬᠢᠶᠠ ᠪᠠᠨ ᠵᠠᠳᠠᠯᠤᠭᠠᠳ ᠤᠩᠰᠢᠭᠠᠳ | ᠦᠭᠬᠦᠭᠡᠴᠢ︾ ᠬᠡᠮᠡᠨ ᠲᠤᠮᠤ ᠬᠦᠤ ᠤᠷᠤᠭᠤ ᠪᠠᠨ ᠭᠤᠶᠤᠭᠰᠠᠨ ᠬᠠᠷᠠᠴᠨ ᠪᠠᠷ ᠬᠠᠷᠠᠵᠤ ᠬᠡᠯᠡᠬᠦ ᠨᠢ ᠲᠡᠷᠨ᠃ ᠤᠯᠠᠨ | ᠲᠠᠪᠬᠤᠷ ᠴᠠᠭᠠᠰᠤᠨ ᠳᠤ ᠪᠤᠭᠤᠭᠰᠠᠨ᠂ ᠪᠤᠯᠤᠩ ᠨᠢ ᠬᠦᠷᠳᠡᠯᠠ ᠡᠯᠡᠭᠳᠡᠴᠢᠭᠡᠭᠰᠡᠨ ᠴᠡᠩᠭᠡᠷ ᠲᠤᠭᠳᠤᠢ᠃ ᠲᠤᠮᠤ ᠬᠦᠤ | ᠵᠠᠬᠢᠳᠠᠯ ᠤᠨ ᠬᠠᠶ᠋ᠢᠭ ᠢ ᠬᠠᠷᠠᠭᠠᠳ ᠰᠤᠴᠢᠨ᠂ ᠪᠤᠨᠳᠤᠭᠤᠰᠬᠢᠪᠡ᠃ ᠲᠡᠷᠨ ᠵᠠᠬᠢᠳᠠᠯ ᠤᠨ ᠪᠤᠯᠤᠩ ᠳᠤ ︽ᠳ᠋ᠧᠪᠡᠵᠠᠨ | ᠳᠤ ᠪᠠᠶᠢᠭᠠ ᠮᠢᠨᠤ ᠡᠵᠢ ᠳᠤ︾ ᠬᠡᠵᠤ ᠶᠡᠭᠡ ᠯᠡ ᠬᠢᠴᠢᠶᠡᠩᠬᠦᠶᠢᠯᠡᠨ ᠪᠢᠴᠢᠭᠰᠡᠨ ᠪᠠᠶᠢᠯᠠ᠃ ᠰᠤᠨᠢᠨ ᠬᠠᠶ᠋ᠢᠭ ᠲᠠᠢ | ᠵᠠᠬᠢᠶᠠ ᠶᠢ ᠵᠠᠳᠠᠯᠤᠯᠠ᠃ ᠤᠯᠠᠨ ᠵᠢᠯ ᠬᠤᠷᠠᠯ ᠤᠨ ᠲᠠᠷᠤᠭᠠ ᠬᠢᠭᠰᠡᠨ ᠡᠷᠠ ᠲᠤᠩ ᠡᠪ ᠬᠠᠪᠤ ᠮᠠᠭᠤᠳᠠᠶᠢᠬᠠᠨ ᠢᠶᠠᠷ᠄ | ︽ᠰᠠᠶᠢᠨ ᠪᠠᠶᠢᠨᠠ ᠦᠦ ᠡᠵᠢ ᠡ︖ ᠨᠠᠮᠤᠷ ᠤᠨ ᠰᠢᠷᠠ ᠡᠳᠦᠷ ᠤᠳ ᠨᠠᠪᠴᠢᠰ ᠤᠨ ᠶᠤᠤᠯᠠᠬᠤ ᠲᠠᠭᠤ ᠲᠠᠢ ᠬᠠᠮᠳᠤ | ᠦᠩᠭᠡᠷᠡᠵᠤ ᠪᠠᠶᠢᠨᠠ᠃ ᠨᠠᠷᠠᠨ ᠤ ᠢᠯᠴᠢ ᠬᠠᠷᠢᠭᠰᠠᠨ ᠡᠨᠡ ᠰᠢᠷᠠ ᠡᠳᠦᠷ ᠤᠳ ᠰᠡᠳᠬᠢᠯ ᠰᠡᠮᠡᠯᠡᠭᠡᠳ᠂ ᠬᠤᠯᠨ | ᠶᠠᠪᠤᠭᠰᠠᠨ ᠲᠠᠨ ᠢ ᠰᠠᠨᠠᠭᠠᠳ ᠭᠠᠭᠴᠠᠭᠠᠷᠳᠠᠵᠤ ᠪᠠᠶᠢᠨᠠ᠃ ᠡᠬᠡ ᠭᠠᠵᠠᠷ ᠤᠨ ᠵᠦᠭᠡᠯᠡᠨ ᠬᠦᠷᠦᠰᠤ᠂ ᠨᠠᠷᠠ ᠬᠤᠷᠠ | ᠳᠤ ᠤᠬᠢᠶᠠᠭᠳᠠᠵᠤ᠂ ᠡᠷᠬᠢᠬᠦ ᠲᠦᠷᠪᠡᠨ ᠴᠠᠭ ᠪᠡᠶᠠ ᠪᠡᠶᠡ ᠪᠠᠨ ᠲᠡᠷᠡᠯᠡᠨ ᠵᠡᠬᠦᠷᠮᠡᠭᠯᠡᠵᠤ᠂ ᠬᠤᠷᠸᠠ ᠲᠡᠯᠡᠭᠡᠢ ᠪᠠᠶᠢᠳᠠᠭ | ᠢᠶᠠᠷ ᠢᠶᠠᠨ ᠡᠷᠬᠢᠵᠤ ᠪᠠᠶᠢᠭᠠ ᠴᠦ ᠬᠦᠭᠡᠷᠦᠬᠦᠢ ᠳ᠋ᠧ᠂ ᠲᠡᠨᠡᠭ ᠬᠡᠨᠡᠭᠡᠨ ᠦᠬᠢᠨ ᠤ ᠲᠠᠨᠢ ᠰᠡᠳᠬᠢᠯ ᠳᠤ ᠡᠪᠤᠯ ᠤᠨ | ᠵᠢᠪᠠᠷ ᠬᠤᠷᠭᠠᠴᠢᠬᠠᠭᠠᠳ ᠰᠠᠯᠬᠤ ᠦᠭᠡᠢ ᠪᠠᠶᠢᠨᠠ᠃ ᠲᠡᠯᠡᠭᠡᠢ ᠶᠠᠮᠠᠷ ᠲᠠᠭᠠᠭᠠᠬᠤ ᠦᠭᠡᠢ ᠬᠡᠰᠡᠨ ᠪᠢᠰᠢ ᠳ᠋ᠧ᠃ | ᠲᠡᠷᠭᠡᠳᠠ ᠮᠢᠨᠢ ᠰᠠᠭᠤᠵᠤ᠂ ᠵᠢᠭᠠᠬᠠᠨ ᠴᠦ ᠬᠡᠰᠡᠨ ᠠᠮᠠᠷᠠᠬᠤ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ᠃ ᠦᠭᠡᠳᠠ ᠦᠭᠡᠢ ᠡᠨᠡ | ᠤᠷᠴᠢᠯᠠᠩ ᠲᠡᠭᠡᠷᠠ ᠮᠢᠩᠭᠠ ᠮᠢᠩᠭᠠᠨ ᠬᠦᠮᠦᠰ ᠦᠷᠠ ᠠᠪᠤᠯᠭᠠ ᠪᠠᠨ ᠨᠡᠭᠡᠵᠤ ᠠᠮᠢᠳᠤᠷᠠᠭᠠᠳ ᠯᠡ ᠪᠠᠶᠢᠬᠤ ᠳᠤ | ᠦᠭᠡᠳᠡᠰᠬᠡᠨ ᠵᠢᠭᠠᠬᠠᠨ ᠦᠬᠢᠨ ᠳᠤ ᠪᠠᠨ ᠠᠴᠢ ᠶᠢ ᠲᠠᠨᠢ ᠬᠠᠷᠢᠭᠤᠯᠵᠤ ᠪᠠᠶᠠᠷᠯᠠᠭᠤᠯᠬᠤ ᠡᠳᠦᠷ ᠬᠤᠨᠤᠭ ᠵᠢᠭᠠᠬᠠᠨ | ᠴᠦ ᠬᠡᠰᠡᠨ ᠦᠯᠡᠳᠡᠭᠡᠬᠦ ᠦᠭᠡᠢ ᠶᠠᠭᠠᠬᠢᠭᠰᠠᠨ ᠶᠤᠮ᠃︾ ᠬᠡᠮᠡᠨ ᠤᠩᠰᠢᠭᠠᠳ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ ᠠᠪᠤ | ᠤᠷᠤᠭᠤ ᠪᠠᠨ ᠵᠤᠷᠢᠭ ᠮᠠᠭᠤᠳᠠᠶᠢᠬᠠᠨ ᠬᠠᠷᠠᠪᠠ᠃ ᠡᠪᠤᠭᠡᠨ ᠲᠡᠨᠳᠡᠪ ᠨᠢᠳᠤ ᠪᠠᠨ ᠴᠤ ᠨᠡᠭᠡᠭᠡᠭᠰᠡᠨ ᠦᠭᠡᠢ᠃ ︽ | ᠴᠢᠨᠠᠭᠰᠢ ᠤᠩᠰᠢ︾ ᠬᠡᠵᠤ ᠪᠠᠶᠢᠭᠠ ᠪᠤᠯᠤᠯᠳᠠᠢ ᠲᠤᠯᠤᠭᠠᠢ ᠪᠠᠨ ᠲᠤᠬᠢᠬᠤ ᠨᠢ ᠲᠡᠷᠨ᠃ ᠬᠦᠤ ᠨᠢ ᠤᠩᠰᠢᠬᠤ | ᠬᠡᠰᠡᠨ ᠴᠤ ᠬᠤᠭᠤᠯᠠᠢ ᠨᠢ ᠴᠡᠴᠡᠷᠡᠵᠤ᠂ ᠭᠠᠷ ᠨᠢ ᠰᠠᠯᠭᠠᠯᠠᠭᠠᠳ ᠲᠤᠩ ᠶᠡᠭᠡ ᠰᠠᠨᠳᠤᠷᠴᠤ ᠪᠠᠶᠢᠭᠠ ᠨᠢ ᠢᠯᠡᠳᠳᠠ᠃ | ︽ᠴᠡᠭᠡᠵᠢᠨ ᠳᠤ ᠪᠦᠭᠡᠮ ᠭᠤᠨᠢᠭ᠂ ᠪᠠᠰᠠ ᠪᠦᠭᠡᠮ ᠭᠤᠮᠤᠳᠠᠯ ᠦᠶᠡᠷᠯᠡᠭᠡᠳ ᠪᠠᠶᠢᠭᠠ ᠴᠦ ᠴᠤᠷᠢ ᠶᠢᠨ | ᠭᠠᠭᠴᠠᠬᠠᠨ ᠤᠳᠠᠭᠠ ᠪᠢᠴᠢᠬᠦ ᠡᠨᠡ ᠵᠠᠬᠢᠳᠠᠯ ᠢ ᠲᠠᠭᠤᠰᠬᠠᠮᠠᠷ ᠦᠭᠡᠢ ᠪᠠᠶᠢᠨᠠ᠃ ᠠᠮᠢ ᠠᠴᠠ ᠪᠠᠨ ᠠᠮᠢ ᠲᠠᠰᠤᠯᠵᠤ | ᠤᠷᠭᠤᠭᠤᠯᠤᠭᠰᠠᠨ᠂ ᠴᠡᠭᠡᠵᠢᠨ ᠠᠴᠠ ᠪᠠᠨ ᠰᠦ ᠨᠡᠷᠡᠵᠤ ᠠᠮᠢᠯᠠᠭᠤᠯᠤᠭᠰᠠᠨ ᠴᠡᠴᠡᠭ ᠤᠨ ᠲᠠᠪᠤᠨ ᠢᠯᠳᠡᠰᠤ ᠰᠢᠭ᠋ | ᠦᠷᠡᠰ ᠲᠠᠨᠢ ᠰᠠᠶᠢᠨ ᠪᠠᠶᠢᠭᠠ᠃ ᠡᠵᠢ ᠪᠠᠨ ᠰᠠᠨᠠᠳᠠᠭ ᠴᠤᠷᠢ ᠶᠢᠨ ᠭᠠᠭᠴᠨ ᠵᠤᠪᠠᠯᠠᠩ ᠲᠠᠢ᠂ ᠡᠬᠡ ᠬᠦᠮᠦᠨ ᠤ | ᠡᠩᠬᠦᠷᠡᠶᠢᠯᠠᠯ ᠬᠠᠶᠢᠷᠠ ᠠᠴᠠ ᠦᠭᠡᠷᠠ ᠲᠤᠳᠠᠭᠳᠠᠬᠤ ᠵᠦᠢᠯ ᠦᠭᠡᠢ ᠠᠮᠤᠭᠤᠯᠠᠩ ᠪᠠᠶᠢᠭᠠ᠃ ᠡᠩᠭᠡᠷ ᠲᠠᠨᠢ ᠵᠡᠬᠦᠭᠳᠡᠬᠦ | ᠪᠠᠷ ᠢᠶᠠᠨ ᠦᠩᠭᠡ ᠤᠷᠤᠨ ᠬᠢᠯᠠᠯᠵᠠᠳᠠᠭ᠂ ᠡᠷᠭᠡᠯᠡᠵᠤ᠂ ᠨᠢᠯᠬᠠᠷᠠᠵᠤ᠂ ᠰᠢᠬᠢᠷ ᠰᠢᠭ ᠬᠠᠶᠢᠷᠠᠨ ᠳᠤ ᠲᠠᠨᠢ ᠲᠡᠪᠳᠦᠳᠡᠭ | ᠂ ᠡᠷᠭᠡ ᠲᠦᠷᠪᠡᠨ ᠵᠢᠭᠡ ᠲᠠᠨᠢ ᠡᠳᠦᠷ ᠤᠨ ᠤᠷᠳᠤ ᠳᠤ ᠦᠰᠴᠤ᠂ ᠰᠦᠨᠢ ᠶᠢᠨ ᠤᠷᠳᠤ ᠳᠤ ᠦᠨᠳᠦᠷ ᠪᠤᠯᠵᠤ | ᠪᠠᠶᠢᠭᠠ᠃ ᠰᠠᠨᠠᠭᠠ ᠵᠤᠪᠠᠭ᠋ᠤ ᠬᠡᠷᠡᠭ ᠦᠭᠡᠢ ᠳ᠋ᠧ᠃ ᠮᠢᠨᠤ ᠵᠢᠭᠠᠬᠠᠨ ᠡᠵᠢ᠃ ᠲᠠᠨ ᠤ ᠤᠷᠤᠰᠢᠨ ᠪᠠᠶᠢᠭᠠ ᠮᠢᠨᠤ | ᠮᠡᠳᠡᠬᠦ ᠦᠭᠡᠢ ᠲᠡᠷᠨ ᠤᠷᠤᠨ ᠵᠠᠢ ᠲᠤᠷᠭᠠ ᠮᠡᠳᠤ ᠵᠦᠭᠡᠯᠡᠭᠡᠨ᠂ ᠡᠬᠡ ᠶᠢᠨ ᠬᠡᠪᠡᠯᠢ ᠰᠢᠭ ᠲᠤᠯᠠᠭᠠᠬᠠᠨ᠃ ᠲᠡᠨᠳᠡᠬᠢ | ᠶᠢᠨ ᠬᠦᠮᠦᠰ ᠬᠡᠷᠡᠬᠦᠯ ᠲᠡᠮᠡᠴᠡᠯ᠂ ᠬᠤᠪ ᠵᠢᠪ ᠦᠭᠡᠢ ᠠᠮᠤᠷ ᠠᠮᠤᠭᠤᠯᠠᠩ᠃ ᠲᠡᠷᠨ ᠭᠠᠵᠠᠷ ᠬᠠᠭᠠᠨ ᠤ ᠬᠠᠷᠰᠢ ᠰᠢᠭ᠋ | ᠡᠷᠬᠢᠮᠰᠦᠭ ᠲᠠᠩᠰᠤᠭ᠂ ᠬᠡᠵᠢᠶᠠ ᠴᠦ ᠲᠤᠳᠠᠭᠳᠠᠬᠤ ᠭᠠᠴᠢᠭᠳᠠᠬᠤ ᠶᠢᠨ ᠵᠤᠪᠠᠯᠠᠩ ᠦᠭᠡᠢ ᠡᠯᠪᠡᠭ ᠲᠡᠯᠪᠡᠭ ᠪᠠᠶᠢᠭᠠ | ᠬᠡᠳᠡᠭ ᠲᠤ ᠢᠳᠡᠭᠡᠵᠤ ᠪᠠᠶᠢᠨᠠ᠃ ᠦᠨᠢ ᠮᠦᠩᠭᠡ ᠶᠢᠨ ᠠᠮᠤᠷ ᠠᠮᠤᠭᠤᠯᠠᠩ ᠲᠡᠷᠨ ᠨᠤᠳᠤᠭ ᠲᠤ ᠦᠷᠡᠰ ᠢᠶᠠᠨ ᠴᠤ | ᠰᠠᠨᠠᠬᠤ ᠵᠤᠪᠠᠯᠠᠩ ᠦᠭᠡᠢ ᠲᠠᠶᠢᠪᠤᠩ ᠰᠠᠭᠤᠭᠠᠷᠠᠢ ᠮᠢᠨᠤ ᠵᠢᠭᠠᠬᠠᠨ ᠡᠵᠢ︕ ᠬᠤᠷᠸᠠ ᠶᠢᠨ ᠶᠠᠭᠤᠮᠠ ᠪᠦᠬᠦᠨ | ᠮᠠᠷᠳᠠᠭᠳᠠᠵᠤ᠂ ᠬᠠᠭᠤᠴᠢᠷᠠᠵᠤ ᠡᠯᠡᠳᠡᠭ ᠴᠤ ᠬᠡᠰᠡᠨ ᠬᠦᠭᠡᠷᠦᠬᠦᠢ ᠬᠦᠮᠦᠨ ᠤ ᠦᠷᠠ ᠡᠵᠢ ᠪᠠᠨ ᠯᠡ ᠬᠡᠵᠢᠶᠠ ᠴᠦ | ᠮᠠᠷᠳᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ ᠬᠡᠵᠢᠶᠠ ᠨᠢᠭᠡᠨ ᠴᠠᠭ ᠲᠤ ᠲᠠ ᠪᠤᠷᠬᠠᠨ ᠲᠠᠢ ᠠᠭᠤᠯᠵᠠᠬᠤ ᠶᠤᠮ ᠪᠤᠯ | ᠂ ᠬᠡᠷᠡᠭ ᠪᠤᠯᠭᠠᠵᠤ ᠭᠠᠭᠴᠠᠬᠠᠨ ᠵᠦᠢᠯ ᠢ ᠯᠡ ᠭᠤᠶᠤᠭᠠᠷᠠᠢ᠃ ︿ᠦᠷᠡᠰ ᠢ ᠡᠵᠢ ᠠᠴᠠ ᠨᠢ ᠰᠠᠯᠭᠠᠬᠤ ᠳᠠᠭᠠᠨ | ᠦᠷᠦᠪᠳᠡᠵᠤ ᠬᠠᠶᠢᠷᠠᠯᠠᠭᠠᠴᠢ﹀ ᠬᠡᠵᠤ ᠬᠡᠯᠡᠵᠤ ᠪᠠᠶᠢᠨᠠ ᠬᠡᠳᠡᠭ ᠢ ᠮᠢᠨᠢ ᠲᠠᠮᠵᠢᠭᠤᠯᠵᠤ ᠦᠭᠬᠦᠭᠡᠷᠡᠢ᠃ ᠪᠦᠭᠡᠷᠠ | ᠠᠯᠠᠭ ᠲᠡᠯᠡᠭᠡᠢ ᠳᠤ ᠠᠮᠢ ᠲᠠᠢ ᠪᠦᠬᠦᠨ ᠡᠵᠢ ᠲᠠᠢ᠃ ᠪᠦᠬᠦᠶᠢᠯᠨ ᠬᠦᠮᠦᠨ ᠤ ᠡᠮᠦᠨᠠ ᠠᠴᠠ ᠭᠤᠶᠤᠵᠤ ᠪᠠᠶᠢᠨᠠ | ᠬᠡᠳᠡᠭ ᠢ ᠮᠢᠨᠢ ᠲᠠᠮᠵᠢᠭᠤᠯᠤᠭᠠᠷᠠᠢ᠃ ︿ᠦᠩᠭᠡ ᠮᠦᠩᠬᠦ ᠶᠢᠨ ᠡᠨᠡ ᠬᠤᠷᠸᠠ ᠲᠡᠭᠡᠷᠠ ᠦᠴᠢᠨᠡᠨ ᠲᠡᠷᠪᠤᠮ ᠬᠦᠮᠦᠨ | ᠴᠢᠬᠢᠯᠳᠦᠨ ᠠᠮᠢᠳᠤᠷᠠᠳᠠᠭ ᠴᠦ ᠦᠪᠡᠷ ᠤᠨ ᠮᠢᠨᠢ ᠡᠵᠢ ᠠᠴᠠ ᠦᠭᠡᠷᠠ ᠡᠨᠡᠷᠢᠯᠳᠠᠢ ᠬᠦᠮᠦᠨ ᠠᠯᠠᠭᠠ᠃ ᠬᠠᠯᠠ | ᠬᠠᠶᠢᠷᠠ ᠲᠦᠬᠦᠷᠡᠩ ᠤᠷᠴᠢᠯᠠᠩ ᠲᠡᠩᠳᠡᠬᠦᠤ ᠬᠠᠭᠤᠷᠮᠠᠴᠢ᠂ ᠬᠠᠶᠢᠷᠠᠳᠠᠢ ᠡᠵᠢ ᠰᠢᠭ ᠮᠢᠨᠢ ᠦᠨᠡᠨᠴᠢ ᠬᠦᠮᠦᠨ ᠪᠠᠶᠢᠬᠤ | ᠦᠭᠡᠢ ᠪᠠᠶᠢᠨᠠ﹀ ᠬᠡᠵᠤ ᠬᠠᠭᠠᠴᠠᠯ ᠤᠨ ᠰᠡᠬᠦᠳᠡᠷ ᠲᠤ ᠲᠠᠭᠠᠷᠢᠭᠤᠯᠤᠭᠰᠠᠨ ᠰᠠᠶᠠ ᠰᠠᠶᠠ ᠬᠦᠮᠦᠨ ᠤᠬᠢᠯᠠᠵᠤ ᠪᠠᠶᠢᠨᠠ | ᠬᠡᠵᠤ ᠦᠷᠦᠪᠳᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ ᠲᠡᠷᠨ ᠪᠤᠷᠬᠠᠨ ᠳᠤ ᠬᠡᠯᠡᠭᠡᠳ ᠦᠭᠬᠦᠭᠡᠴᠢ ᠡᠵᠢ ᠡ︕ ᠦᠪᠡᠷ ᠠᠴᠠ ᠮᠢᠨᠢ | ᠦᠭᠡᠷᠠ ᠬᠦᠮᠦᠨ ᠤ ᠦᠷᠠ ᠡᠵᠢ ᠠᠴᠠ ᠪᠠᠨ ᠪᠢᠳᠡᠭᠡᠢ ᠬᠠᠭᠠᠴᠠᠭᠠᠰᠠᠢ ᠬᠡᠰᠡᠨ ᠳᠡᠭᠡᠨ᠂ ᠦᠨᠦᠴᠢᠨ ᠲᠡᠷᠡᠰᠦᠨ ᠤ | ᠪᠤᠳᠠᠨ ᠳᠤ ᠬᠦᠷᠳᠡᠯᠠ ᠨᠢᠭᠤᠭᠳᠠᠵᠤ ᠠᠮᠢᠳᠤᠷᠠᠳᠠᠭ ᠡᠷᠡᠬᠡᠢ ᠶᠢᠨ ᠴᠢᠨᠡᠭᠡ ᠲᠠᠤᠯᠠᠢ ᠶᠢᠨ ᠪᠦᠵᠦᠩ ᠴᠤ ᠡᠵᠢ ᠲᠠᠢ | ᠪᠠᠨ ᠬᠠᠮᠳᠤ ᠪᠠᠶᠢᠭ ᠬᠡᠰᠡᠨ ᠳᠡᠭᠡᠨ ᠡᠨᠡᠬᠦ ᠵᠠᠬᠢᠳᠠᠯ ᠢ ᠢᠯᠡᠭᠡᠵᠤ ᠪᠠᠶᠢᠨᠠ᠃ 1981 ᠤᠨ ᠤ 12 ᠰᠠᠷᠠ ᠶᠢᠨ 23 | ᠃︾ ᠬᠡᠮᠡᠨ ᠪᠢᠴᠢᠭᠰᠡᠨ ᠪᠠᠶᠢᠯᠠ᠃ ᠵᠠᠬᠢᠳᠠᠯ ᠢ ᠤᠩᠰᠢᠵᠤ ᠲᠠᠭᠤᠰᠬᠤ ᠳᠤ ᠪᠦᠬᠦ ᠬᠦᠮᠦᠨ ᠤ ᠨᠢᠳᠤ ᠴᠢᠬᠢᠭᠳᠡᠢ᠃ | ᠡᠪᠤᠭᠡᠨ ᠲᠡᠨᠳᠡᠪ ᠵᠠᠬᠢᠶᠠᠨ ᠤ ᠦᠭᠡ ᠪᠦᠷᠢ ᠶᠢ ᠦᠪᠡᠷ ᠲᠡᠭᠡᠨ ᠰᠢᠩᠭᠡᠭᠡᠵᠤ ᠠᠪᠤᠭᠰᠠᠨ ᠶᠤᠮ ᠰᠢᠭ᠋ ᠤᠷᠳᠤ ᠪᠠᠷ | ᠰᠠᠨᠠᠭᠠ ᠠᠯᠳᠠᠪᠠ᠃ ᠡᠨᠡ ᠵᠠᠬᠢᠳᠠᠯ ᠤᠨ ᠡᠵᠡᠨ ᠢ ᠤᠯᠬᠤ ᠬᠡᠵᠤ ᠲᠡᠨᠳᠡᠪ ᠤᠯᠠᠨ ᠵᠢᠯ ᠬᠠᠶᠢᠭᠰᠠᠨ ᠶᠤᠮᠰᠠᠨᠵᠠᠢ᠃ | ᠠᠩᠵᠠᠷᠠᠭᠠ ᠮᠠᠭᠤᠳᠠᠢ ᠢᠯᠭᠠᠭᠴᠢ ᠭᠡᠦᠭᠡᠨ ︽ᠳ᠋ᠧᠪᠠᠵᠠᠨ︾ ᠬᠡᠰᠡᠨ ᠦᠭᠡᠢ ᠶᠢ ᠲᠠᠮᠪᠠᠵᠠᠪ ᠬᠡᠵᠤ ᠤᠩᠰᠢᠭᠠᠳ | ᠪᠦᠷᠢᠳᠭᠡᠯ ᠤᠨ ᠲᠡᠪᠳᠡᠷ ᠲᠡᠭᠡᠨ ᠲᠡᠮᠳᠡᠭᠯᠡᠴᠢᠭᠡᠭᠰᠡᠨ ᠪᠠᠶᠢᠯᠠ᠃ ᠠᠪᠠᠴᠢᠭᠠᠳ ᠦᠭᠬᠦ ᠡᠵᠡᠨ ᠦᠭᠡᠢ᠂ ᠪᠤᠴᠠᠭᠠᠭᠠᠳ | ᠶᠠᠪᠤᠭᠤᠯᠬᠤ ᠡᠵᠡᠨ ᠦᠭᠡᠢ ᠡᠨᠡ ᠵᠠᠬᠢᠳᠠᠯ ᠢ ᠵᠠᠳᠠᠯᠵᠤ ᠦᠵᠡᠬᠦ ᠬᠡᠵᠤ ᠬᠡᠳᠤ ᠬᠡᠳᠦᠨ ᠤᠳᠠᠭᠠ ᠤᠷᠤᠯᠳᠤᠭᠰᠠᠨ ᠴᠦ | ᠵᠢᠷᠦᠭᠡ ᠬᠦᠷᠦᠯ ᠦᠭᠡᠢ ᠴᠦᠩᠬᠦᠯᠡᠵᠤ ᠪᠠᠶᠢᠭᠰᠠᠨ ᠤᠳᠠᠭᠠ ᠲᠠᠢ᠃ ᠤᠳᠤ ᠯᠡ ᠡᠪᠤᠭᠡᠨ ᠲᠡᠨᠳᠡᠪ ᠬᠤᠷᠢᠨ ᠵᠢᠯ | ᠬᠠᠶᠢᠭᠰᠠᠨ ᠵᠠᠬᠢᠶᠠᠨ ᠤ ᠡᠵᠡᠨ ᠢ ᠤᠯᠵᠤ ᠠᠪᠠᠴᠢᠵᠤ ᠦᠭᠬᠦ ᠴᠠᠭ ᠨᠢ ᠪᠤᠯᠤᠭᠰᠠᠨ ᠪᠤᠯᠤᠯᠳᠠᠢ᠃ | ᠪᠦᠬᠦᠶᠢᠯᠨ ᠨᠠᠰᠤ ᠪᠠᠷ ᠢᠶᠠᠨ ᠪᠠᠶᠠᠷ ᠭᠤᠨᠢᠭ᠂ ᠭᠤᠮᠤᠳᠠᠯ᠂ ᠵᠢᠷᠭᠠᠯ ᠲᠡᠭᠡᠭᠡᠭᠰᠡᠨ ᠰᠡᠳᠬᠢᠯ ᠤᠨ ᠦᠭᠡ ᠲᠠᠢ | ᠵᠠᠬᠢᠳᠠᠯ ᠵᠦᠭᠡᠭᠡᠭᠰᠡᠨ ᠡᠪᠤᠭᠡᠨ ᠬᠠᠮᠤᠭ ᠤᠨ ᠰᠡᠬᠦᠯᠴᠢ ᠶᠢᠨ ᠵᠠᠬᠢᠳᠠᠯ ᠢᠶᠠᠨ ᠬᠦᠷᠭᠡᠵᠤ ᠦᠭᠬᠦ ᠪᠠᠷ ᠬᠠᠭᠠᠯᠭᠠ | ᠲᠠᠳᠠᠵᠤ ᠪᠠᠶᠢᠯᠠ᠃ | | ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶ | | |