| ︵ᠨᠠ᠊ · ᠬᠠᠰᠪᠠᠭᠠᠳᠤᠷ︶ | | — ᠭᠠᠴᠢᠭᠳᠠᠵᠦ ᠵᠦᠳᠡᠵᠦ ᠶᠠᠪᠤᠭᠠ ᠮᠠᠯᠴᠢᠨ ᠲᠦᠮᠡᠨ ᠳᠡᠭᠡᠨ ᠡᠷᠬᠦᠶᠡ | | | ᠲᠠᠶᠢᠰᠦᠨ ᠡᠳᠡᠭᠡᠳ ᠲᠤ ᠪᠠᠨ ᠲᠠᠶᠢᠯᠦᠭᠳᠡᠨ ᠤᠷᠤᠭᠤᠳᠠᠵᠦ ᠬᠦᠭᠡᠭᠡᠭᠳᠡᠨ ᠬᠦᠨᠦᠭᠡᠭᠳᠡᠵᠦ ᠠᠯᠠᠭᠳᠠᠨ | ᠬᠤᠷᠤᠭᠠᠭᠳᠠᠭᠰᠠᠭᠠᠷ ᠪᠠᠶᠢᠵᠦ ᠲᠡᠷᠡ ᠴᠠᠭ ᠲᠤ ᠬᠢᠶᠠᠨ ᠨᠡᠬᠦᠰ ᠭᠡᠮᠡᠭᠴᠢ ᠬᠤᠶᠠᠷ ᠬᠤᠤᠰ ᠡᠷᠡ ᠡᠮᠡ᠂ ᠭᠡᠨ ᠴᠤ | ᠤᠶᠢᠷᠠᠳᠤᠵᠦ ᠵᠢᠷᠦᠭᠡᠯᠡᠭᠡ ᠦᠭᠡᠢ ᠠᠭᠤᠯᠠ ᠬᠠᠳᠠᠨ ᠪᠡᠷᠭᠡᠳᠦ᠂ ᠮᠤᠭᠠᠢ ᠴᠤ ᠰᠢᠷᠭᠤᠵᠦ ᠴᠢᠳᠠᠭᠠ ᠦᠭᠡᠢ ᠪᠠᠯᠠᠷ ᠤᠢ | ᠶᠢᠨ ᠪᠠᠷᠳᠠᠭᠠᠳᠦ ᠡᠷᠬᠦᠨᠡ ᠬᠤᠨ ᠭᠡᠮᠡᠭᠴᠢ ᠰᠦᠷᠯᠢᠭ ᠶᠡᠭᠡ ᠠᠭᠤᠯᠠᠨ ᠳᠤ ᠨᠡᠪᠳᠡᠷᠡᠨ ᠤᠷᠤᠵᠦ ᠴᠢᠳᠠᠭᠰᠠᠨ ᠦᠭᠡᠢ | ᠪᠤᠯ ᠡᠨᠡ ᠤᠳᠤᠮ ᠤᠭᠰᠠᠭᠠ ᠶᠠᠭᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠬᠦᠢᠰᠦ ᠲᠡᠮᠳᠡᠷᠢᠭᠳᠡᠬᠦ ᠤᠴᠢᠷ ᠨᠢ ᠪᠤᠯᠵᠦ | ᠪᠠᠶᠢᠪᠠ᠃ ᠲᠡᠳᠡ ᠠᠭᠯᠠᠭ ᠠᠭᠤᠯᠠᠨᠠ ᠠᠮᠢᠳᠤᠷᠠᠨ ᠤᠷᠤᠰᠢᠬᠤ ᠬᠦᠨᠳᠦ ᠭᠡᠴᠡᠬᠦᠦ ᠬᠦᠴᠢᠷ ᠤᠨ ᠡᠮᠦᠨᠡ ᠬᠦᠯ | ᠨᠤᠭᠤᠷᠠᠭᠠ ᠦᠭᠡᠢ᠂ ᠪᠡᠷᠭᠡᠰᠢᠶᠡᠯ ᠤᠨ ᠡᠮᠦᠨᠡ ᠪᠡᠶᠡ ᠪᠦᠬᠦᠶᠢᠭᠡ ᠦᠭᠡᠢ᠂ ᠲᠡᠭᠷᠢᠯᠢᠭ ᠶᠡᠭᠡ ᠰᠦᠰᠦ ᠵᠤᠷᠢᠭ ᠢᠶᠠᠷ | ᠤᠷᠤᠩᠨᠠᠵᠦ᠂ ᠦᠷᠡ ᠭᠡᠦᠭᠡᠳ ᠢᠶᠠᠨ ᠦᠰᠭᠡᠨ᠂ ᠦᠷᠭᠡᠵᠢᠵᠦ ᠲᠦᠯᠵᠢᠨ ᠤᠯᠠᠰᠢᠷᠠᠭᠰᠠᠭᠠᠷ ᠯᠠ ᠪᠠᠶᠢᠵᠦ ᠨᠢᠭᠡ | ᠮᠡᠳᠡᠬᠦᠯᠡ ᠡᠷᠬᠦᠨᠡ ᠬᠤᠨ ᠪᠠᠭᠳᠠᠭᠠᠬᠤ ᠪᠠᠨ ᠪᠤᠯᠢᠵᠦ ᠪᠠᠶᠢᠪᠠ᠃ ᠲᠡᠳᠡ ᠦᠭᠡᠷ ᠤᠨ ᠠᠷᠠᠰᠤᠨ ᠬᠦᠭᠡᠷᠭᠡ ᠪᠠᠷ ᠭᠠᠯ | ᠬᠦᠭᠡᠷᠭᠡᠳᠡᠨ ᠠᠭᠤᠯᠠ ᠬᠠᠳᠠ ᠶᠢ ᠬᠠᠶᠢᠯᠦᠭᠤᠯᠤᠨ ᠭᠠᠷᠴᠠᠭᠠᠵᠦ᠂ ᠤᠨᠤᠨ ᠭᠡᠷᠦᠯᠦᠨ᠂ ᠲᠤᠤᠯᠠ ᠭᠤᠤᠯ ᠢ ᠲᠠᠭᠠᠵᠦ | ᠤᠰᠤᠨ ᠤ ᠲᠤᠩᠭᠠᠯᠠᠭ ᠡᠪᠡᠰᠦᠨ ᠤ ᠰᠤᠷᠯᠢᠭ ᠢ ᠬᠦᠭᠡᠭᠡᠨ ᠨᠡᠬᠦᠳᠡᠯᠯᠯᠡᠨ ᠮᠠᠯᠵᠢᠵᠦ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠯᠠ | ᠲᠦᠬᠦᠷᠡᠩ ᠢᠷᠡᠶᠢᠯᠭᠠᠨ ᠡᠭᠡ ᠪᠠᠶᠢᠭᠠᠯᠢ ᠯᠤᠭᠠ ᠪᠠᠨ ᠡᠶᠡ ᠵᠤᠬᠢᠴᠠᠯᠳᠤᠨ ᠠᠵᠦ ᠲᠦᠷᠦᠨ ᠠᠪᠠᠢ᠃ | ᠶᠢᠰᠦᠭᠡᠢ ᠪᠠᠭᠠᠳᠤᠷ ᠲᠠᠲ᠋ᠠᠷ ᠲᠤ ᠬᠤᠤᠷᠯᠠᠭᠳᠠᠵᠦ ᠠᠮᠢ ᠶᠡᠬᠦᠳᠭᠡᠨ ᠪᠡᠶᠡ ᠪᠠᠷᠠᠬᠤ ᠪᠠᠷ᠂ ᠴᠡᠭᠡᠯ ᠤᠰᠤᠨ | ᠬᠠᠳᠠᠯᠤᠭᠠ᠂ ᠴᠡᠭᠡᠨ ᠴᠢᠯᠠᠭᠤ ᠨᠢ ᠬᠠᠭᠠᠷᠠᠯᠤᠭᠠ ᠭᠡᠵᠦ ᠲᠠᠶᠢᠴᠢᠭᠤᠳ ᠤᠨ ᠲᠠᠭᠠᠭᠤᠯᠭᠠ ᠪᠠᠷ ᠠᠯᠢ ᠪᠠᠶᠢᠭᠰᠠᠨ | ᠠᠶᠢᠯ ᠰᠠᠭᠠᠬᠠᠯᠳᠠᠳ ᠠᠯᠪᠠᠳᠦ ᠠᠷᠠᠳ ᠪᠦᠬᠦᠨ ᠢᠶᠠᠷ ᠢᠶᠠᠨ ᠨᠡᠬᠦᠨ ᠤᠳᠬᠤ ᠪᠠᠷ ᠦᠭᠡᠯᠦᠨ ᠦᠵᠢᠨ ᠡᠭᠡ ᠪᠠᠭᠠ | ᠨᠠᠰᠤᠨ ᠤ ᠭᠡᠳᠦᠨ ᠭᠡᠦᠭᠡᠳ ᠲᠠᠢ ᠪᠠᠨ ᠦᠨᠦᠴᠢᠷᠡᠨ ᠬᠤᠴᠤᠷᠠᠪᠠᠢ᠃ ᠲᠡᠳᠡᠨ ᠳᠤ ᠰᠡᠬᠦᠯ ᠠᠴᠠ ᠪᠠᠨ ᠪᠤᠰᠦ | ᠴᠢᠴᠤᠭᠠ ᠦᠭᠡᠢ᠂ ᠰᠡᠬᠦᠳᠡᠷ ᠠᠴᠠ ᠪᠠᠨ ᠦᠭᠡᠷᠡ ᠨᠦᠬᠦᠷ ᠦᠭᠡᠢ ᠪᠤᠯᠤᠭᠰᠠᠨ ᠠᠵᠤᠭᠤ᠃ ᠡᠬᠦᠨᠡ ᠡᠭᠡ ᠦᠵᠢᠨ | ᠤᠨᠤᠨ ᠮᠦᠷᠡᠨ ᠤ ᠦᠭᠡᠳᠡ ᠤᠷᠤᠭᠤ ᠡᠷᠬᠢ ᠪᠠᠷ ᠬᠦᠶᠦᠵᠦ ᠦᠷᠡᠯ ᠮᠤᠶᠢᠯ ᠭᠤᠭᠤᠳ ᠮᠠᠩᠬᠢᠷ ᠁ ᠲᠡᠬᠦᠵᠦ | ᠪᠠᠰᠠ ᠪᠠᠭᠠ ᠨᠠᠰᠤᠨ ᠤ ᠲᠡᠮᠦᠵᠢᠨ᠂ ᠬᠠᠰᠠᠷ᠂ ᠪᠡᠭᠳᠡᠷ᠂ ᠪᠡᠯᠬᠦᠳᠡᠢ ᠨᠠᠷ ᠵᠢᠭᠠᠰᠦ ᠬᠦᠬᠢᠳᠡᠵᠦ ᠦᠯ ᠬᠤᠭᠤᠯᠠ | ᠵᠠᠯᠭᠠᠭᠤᠯᠤᠨ ᠰᠢᠷᠠ ᠡᠳᠦᠷ ᠪᠤᠷᠤ ᠬᠤᠨᠤᠭ ᠢ ᠨᠦᠭᠴᠢᠭᠡᠵᠦ ᠪᠠᠶᠢᠪᠠᠢ᠃ ᠲᠡᠳᠡ ᠠᠬᠠ ᠲᠡᠬᠦᠦ ᠭᠡᠳᠦᠬᠦᠯᠡ ᠭᠡᠭᠡᠭᠡᠨ | ᠰᠤᠭᠤᠰᠤᠨ ᠭᠡᠳᠡᠭ ᠭᠠᠭᠴᠠᠬᠠᠨ ᠵᠢᠭᠠᠰᠦ ᠵᠢᠴᠢ ᠨᠢᠭᠡᠯᠭᠡᠨ ᠪᠤᠯᠵᠤᠮᠤᠷ ᠤᠨ ᠲᠦᠯᠦᠭᠡ ᠠᠮᠢᠨ ᠳᠤᠷ ᠢᠶᠠᠨ ᠤᠷᠤᠵᠦ | ᠪᠠᠶᠢᠯᠤᠭᠠ᠃ ᠨᠢᠭᠡᠨ ᠡᠳᠦᠷ ᠭᠡᠨᠡᠳᠳᠡ ᠨᠠᠢᠮᠠᠨ ᠰᠢᠷᠭᠠ ᠠᠭᠳᠠ ᠶᠢ ᠨᠢ ᠲᠡᠭᠡᠷᠡᠮ ᠢᠷᠡᠵᠦ ᠦᠵᠡᠳᠡᠯᠡ ᠪᠤᠯᠢᠶᠠᠨ | ᠤᠳᠴᠠᠢ᠃ ᠲᠡᠮᠦᠵᠢᠨ ᠦᠨᠳᠦᠷ ᠬᠤᠩᠭᠤᠷ ᠢᠶᠠᠨ ᠤᠨᠤᠵᠦ ᠡᠪᠡᠰᠦᠨ ᠨᠠᠯᠠᠷᠬᠠᠢ ᠶᠢ ᠲᠠᠭᠠᠵᠦ ᠰᠢᠷᠭᠠ ᠠᠭᠳᠠ | ᠨᠤᠭᠤᠳ ᠢᠶᠠᠨ ᠡᠭᠡᠬᠦᠯᠵᠦ ᠠᠪᠴᠢᠷᠠᠬᠤ ᠪᠠᠷ ᠮᠤᠷᠳᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠲᠡᠭᠡᠭᠡᠳ ᠨᠡᠬᠦᠳᠡᠯᠴᠢᠨ | ᠮᠤᠩᠭᠤᠯᠴᠦᠳ ᠢᠶᠠᠨ ᠨᠢᠭᠡᠳᠭᠡᠨ ᠡᠬᠦᠨ ᠤ ᠡᠷᠴᠢᠨ ᠳᠤ ᠨᠢᠭᠡᠨ ᠵᠢᠯᠤᠭᠤᠨ ᠳᠤᠷ ᠲᠠᠶᠠᠩ ᠲᠡᠯᠡᠭᠡᠢ ᠲᠡᠭᠡᠷᠡ ᠭᠡᠨ ᠴᠤ | ᠪᠦᠳᠦᠭᠡᠵᠦ ᠦᠯᠦ ᠲᠡᠶᠢᠯᠬᠦ ᠮᠦᠷᠳᠡᠯᠡ ᠪᠠᠨ ᠭᠡᠨ ᠴᠤ ᠬᠢᠵᠦ ᠡᠰᠡ ᠴᠢᠳᠠᠬᠤ ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢ | ᠰᠤᠨᠳᠠᠯᠠᠭᠰᠠᠨ ᠶᠡᠭᠡ ᠮᠤᠩᠭᠤᠯ ᠬᠠᠭᠠᠨᠳᠦ ᠤᠯᠤᠰ ᠢ ᠪᠠᠶᠢᠭᠤᠯᠬᠤ ᠶᠢᠨ ᠬᠢᠨᠢ ᠠᠩᠬᠠᠨ ᠤ ᠭᠠᠷᠤᠭᠠ ᠨᠢ ᠪᠤᠯᠤᠭᠰᠠᠨ | ᠪᠠᠶᠢᠪᠠ᠃ | ᠪᠡᠶᠡᠴᠢ ᠪᠠ ᠭᠠᠳᠠᠭᠠᠳᠦ ᠤᠯᠠᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ ᠤᠬᠠᠭᠠᠨᠳᠦ ᠬᠠᠭᠠᠨ ᠲᠤᠭᠤᠨᠳᠡᠮᠦᠷ ᠡᠪᠦᠭᠡ | ᠲᠡᠭᠡᠳᠦ — ᠬᠤᠪᠢᠯᠠᠢ ᠬᠠᠭᠠᠨ ᠤ ᠪᠠᠶᠢᠭᠤᠯᠵᠦ ᠴᠤᠭᠴᠠᠯᠠᠭᠰᠠᠨ ᠰᠦᠷ ᠪᠠᠷᠠᠭᠠᠳᠦ ᠲᠠᠶᠢᠳᠦ ᠬᠤᠳᠠ ᠠᠴᠠ | ᠬᠦᠭᠡᠭᠡᠭᠳᠡᠨ ᠲᠡᠬᠦᠨᠴᠢᠯᠡᠨ ᠠᠷᠪᠠ ᠭᠠᠷᠤᠶᠢᠬᠠᠨ ᠲᠦᠮᠡᠨ ᠮᠤᠩᠭᠤᠯᠴᠦᠳ ᠢᠶᠠᠨ ᠠᠪᠴᠦ ᠠᠯᠠᠯᠳᠤᠭᠠᠨ ᠲᠤᠯᠤᠯᠳᠤᠭᠠᠨ | ᠤ ᠲᠤᠮᠳᠠᠭᠤᠷ ᠰᠢᠯᠦᠭ ᠶᠤᠭᠠᠨ ᠭᠡᠩᠰᠢᠭᠰᠡᠭᠡᠷ ᠠᠷᠤ ᠭᠠᠵᠠᠷ ᠲᠠᠭᠠᠨ ᠪᠤᠴᠠᠵᠦ ᠢᠷᠡᠭᠰᠡᠨ ᠪᠠᠶᠢᠪᠠ᠃ ᠮᠤᠩᠭᠤᠯᠴᠦᠳ | ᠡᠨᠡᠬᠦ ᠠᠤᠭᠠ ᠰᠦᠷᠯᠢᠭ ᠲᠠᠶᠢᠳᠦ ᠬᠤᠳᠠᠨ ᠳᠠᠭᠠᠨ 108 ᠬᠠᠨ ᠵᠢᠯ ᠨᠡᠶᠢᠰᠯᠡᠵᠦ᠂ ᠲᠠᠷᠢᠶᠠᠴᠢᠨ ᠤ ᠪᠤᠰᠤᠯᠭᠠ ᠳᠤ | ᠢᠪ ᠲᠠᠷᠤᠭᠳᠠᠨ ᠲᠠᠶᠠᠩ ᠳᠤ ᠠᠯᠳᠠᠷᠳᠠᠢ ᠶᠡᠭᠡ ᠶᠤᠸᠠᠨ ᠤᠯᠤᠰ ᠰᠠᠭᠤᠷᠢ ᠠᠴᠠ ᠪᠠᠨ ᠰᠠᠵᠢᠯᠠᠵᠦ ᠤᠴᠢᠭᠰᠠᠨ ᠴᠤ | ᠠᠤᠭᠠ ᠶᠡᠭᠡ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ ᠤᠮᠠᠷᠠᠳᠦ ᠶᠤᠸᠠᠨ ᠤᠯᠤᠰ ᠢ ᠲᠤᠭᠳᠠᠭᠠᠵᠦ᠂ ᠡᠴᠦᠰ ᠤᠨ ᠬᠠᠭᠠᠨ | ᠯᠢᠭᠳᠡᠨ ᠬᠤᠳᠤᠭᠳᠦ ᠨᠠᠰᠦ ᠪᠠᠷᠠᠳᠠᠯᠠ 267 ᠤᠨ ᠦᠷᠬᠦᠯᠵᠢᠯᠡᠵᠦ᠂ ᠨᠠᠩᠬᠢᠶᠠᠴᠦᠳ ᠢ ᠰᠦᠷᠳᠡᠬᠦᠯᠦᠨ ᠵᠢᠷᠦᠭᠡ ᠶᠢ | ᠨᠢ ᠴᠡᠴᠡᠷᠡᠬᠦᠯᠵᠦ ᠪᠠᠶᠢᠪᠠ᠃ ᠪᠠᠰᠠ ᠲᠡᠭᠡᠭᠡᠳ ᠤᠶᠢᠷᠠᠳ ᠤᠨ ᠴᠠᠸᠠᠩᠷᠠᠪᠳᠠᠨ ᠮᠤᠩᠭᠤᠯ ᠬᠠᠭᠠᠨᠳᠦ ᠲᠦᠷᠦ ᠪᠠᠨ | ᠪᠤᠰᠤᠭᠠ ᠲᠦᠷᠬᠦ ᠪᠠᠷ ᠨᠢ ᠠᠪᠴᠦ ᠶᠠᠪᠤᠵᠦ ᠪᠠᠶᠢᠯᠠ᠃ ᠬᠠᠷᠢ ᠶᠢᠨ ᠲᠠᠷᠤᠯᠠᠯ ᠬᠠᠪᠢ ᠲᠦᠰᠦᠷ ᠤᠨ ᠬᠢᠨᠢ ᠮᠦᠯᠵᠢᠯ | ᠠᠴᠠ ᠵᠠᠶᠢᠯᠠᠵᠦ᠂ ᠤᠪᠰᠢ ᠬᠤᠩ ᠲᠠᠶᠢᠵᠢ ᠶᠢᠨ ᠤᠳᠤᠷᠢᠳᠤᠯᠭᠠ ᠲᠤᠤᠷᠠ ᠲᠤᠷᠭᠤᠳᠴᠦᠳ ᠢᠵᠢᠯ ᠮᠦᠷᠡᠨ ᠤ | ᠬᠠᠪᠢ ᠠᠴᠠ ᠶᠡᠭᠡ ᠨᠡᠬᠦᠳᠡᠯ ᠢᠶᠠᠨ ᠡᠬᠢᠯᠡᠬᠦᠯᠪᠡ᠃ ᠲᠤᠷᠭᠤᠳᠴᠦᠳ ᠴᠠᠭ ᠮᠦᠴᠡ ᠦᠭᠡᠢ ᠠᠯᠠᠭᠤᠯᠵᠦ᠂ | ᠬᠢᠳᠤᠭᠤᠯᠵᠦ᠂ ᠪᠤᠯᠢᠶᠠᠯᠭᠠᠵᠦ ᠲᠡᠭᠡᠷᠡᠮᠳᠡᠬᠦᠯᠦᠭᠰᠡᠭᠡᠷ ᠴᠢᠰᠦᠨ ᠵᠠᠮ ᠲᠠᠳᠠᠭᠰᠠᠭᠠᠷ ᠡᠴᠦᠰ ᠲᠡᠭᠡᠨ ᠡᠭᠡ ᠤᠯᠤᠰ | ᠲᠠᠭᠠᠨ ᠪᠤᠴᠠᠨ ᠢᠷᠡᠵᠦ ᠠᠮᠤᠷᠯᠢᠪᠠᠢ ᠁ | ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢᠨ ᠤᠯᠠᠨ ᠤᠯᠤᠰ ᠭᠠᠵᠠᠷ ᠤᠷᠤᠨ ᠤᠳ ᠢᠶᠠᠷ ᠪᠤᠳᠠᠷᠠᠯᠴᠠᠨ ᠶᠠᠪᠤᠭᠰᠠᠨ ᠴᠤ | ᠮᠤᠩᠭᠤᠯᠴᠦᠳ ᠠᠤᠭᠠ ᠶᠡᠭᠡ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠳᠡᠭᠡᠨ ᠰᠤᠶᠤᠯ ᠵᠠᠩᠰᠢᠯ᠂ ᠦᠭᠡ ᠭᠡᠯᠡ ᠪᠠᠨ ᠬᠠᠳᠠᠭᠠᠯᠠᠵᠦ | ᠦᠷᠡ ᠦᠷᠡ ᠳᠡᠭᠡᠨ ᠤᠯᠠᠮᠵᠢᠯᠠᠨ ᠤᠷᠤᠰᠢᠪᠠ᠃ ᠭᠡᠳᠦᠶᠢᠪᠡᠷ ᠡᠵᠡᠨ ᠴᠢᠩᠬᠢᠰ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ ᠪᠤᠰᠤᠭᠠ | ᠮᠤᠩᠭᠤᠯ ᠪᠢᠴᠢᠭ ᠢᠶᠠᠨ ᠭᠡᠷᠡᠭᠯᠡᠬᠦ ᠡᠷᠭᠡ ᠴᠢᠯᠦᠭᠡ ᠪᠠᠨ ᠠᠯᠳᠠᠵᠦ ᠪᠠᠶᠢᠭᠰᠠᠨ ᠴᠤ 500 ᠤᠨ ᠦᠷᠬᠦᠯᠵᠢᠯᠡᠭᠰᠡᠨ | ᠮᠤᠩᠭᠤᠯ ᠲᠤᠯᠭᠤᠷ ᠲᠦᠷᠦ ᠪᠠᠨ ᠰᠠᠬᠢᠵᠦ ᠬᠠᠯᠬᠠ ᠮᠤᠩᠭᠤᠯ ᠤᠯᠤᠰ ᠮᠦᠨ ᠯᠠ ᠤᠷᠤᠰᠢᠭᠰᠠᠭᠠᠷ ᠭᠡᠳᠦᠶᠢᠪᠡᠷ | ᠵᠦᠪᠭᠡᠨ ᠨᠢᠭᠡᠨ ᠤᠷᠤᠨ ᠭᠠᠵᠠᠷ ᠪᠤᠯᠵᠦ ᠬᠤᠪᠢᠶᠠᠷᠢᠯᠠᠭᠳᠠᠨ ᠪᠠᠭᠳᠠᠯᠴᠠᠭᠰᠠᠨ ᠴᠤ ᠦᠪᠦᠷ ᠮᠤᠩᠭᠤᠯᠴᠦᠳ ᠴᠢᠩᠬᠢᠰ | ᠮᠤᠩᠭᠤᠯ ᠦᠰᠦᠭ ᠢᠶᠠᠨ ᠦᠶᠡ ᠤᠯᠠᠮᠵᠢᠯᠠᠨ ᠭᠡᠷᠡᠭᠯᠡᠭᠰᠡᠭᠡᠷ᠃ ᠤᠳᠤᠬᠠᠨ ᠳᠤ ᠬᠤᠯᠪᠤᠭᠠᠨ ᠤ ᠤᠷᠤᠰ ᠲᠤ | ᠪᠤᠷᠢᠶᠠᠳ᠂ ᠲᠤᠸᠠ᠂ ᠬᠠᠯᠢᠮᠠᠭ ᠁ ᠵᠡᠷᠭᠡ ᠤᠯᠤᠰ ᠤᠷᠤᠨ ᠪᠡᠶᠡ ᠪᠡᠶᠡ ᠪᠠᠨ ᠲᠠᠭᠠᠭᠠᠨ ᠲᠤᠭᠳᠠᠨᠢᠵᠦ᠂ ᠦᠪᠦᠷ | ᠮᠤᠩᠭᠤᠯ᠂ ᠬᠦᠭᠡᠨᠠᠭᠤᠷ᠂ ᠰᠢᠨᠵᠢᠶᠠᠩ᠂ ᠪᠡᠭᠡᠵᠢᠩ ᠁ ᠵᠡᠷᠭᠡ ᠨᠠᠢᠮᠠᠨ ᠮᠤᠵᠢ ᠬᠤᠳᠠ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ | ᠤᠷᠤᠨ ᠤ ᠮᠤᠩᠭᠤᠯᠴᠦᠳ ᠦᠨᠳᠦᠰᠦᠳᠡᠨ ᠤ ᠰᠤᠶᠤᠯ ᠢᠶᠠᠨ ᠠᠪᠤᠷᠠᠨ ᠬᠠᠮᠠᠭᠠᠯᠠᠵᠦ᠂ ᠰᠡᠷᠬᠦᠭᠡᠨ ᠬᠦᠭᠵᠢᠬᠦᠯᠬᠦ | ᠰᠦᠷ ᠲᠠᠯᠠᠶᠢᠴᠠᠳᠠᠢ ᠬᠦᠳᠡᠯᠭᠡᠭᠡᠨ ᠦᠷᠨᠢᠵᠦ᠂ ᠲᠡᠬᠦᠨᠴᠢᠯᠡᠨ ᠬᠤᠪᠢᠯᠠᠢ ᠬᠠᠭᠠᠨ ᠤ ᠬᠦᠷᠦᠭ ᠵᠢᠷᠤᠭ ᠢᠶᠠᠨ | ᠤᠯᠠᠮᠵᠢᠯᠠᠨ ᠲᠠᠬᠢᠭᠰᠠᠨ ᠬᠢᠳᠠᠳ ᠭᠡᠯᠡ ᠲᠠᠢ ᠮᠤᠩᠭᠤᠯ ᠠᠷᠠᠳ ᠡᠮᠦᠨᠡ ᠮᠤᠵᠢ ᠪᠠᠷ ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠢᠶᠠᠨ | ᠨᠢᠭᠡᠨᠳᠡ ᠢᠷᠡᠯᠳᠡ ᠭᠠᠷᠤᠯᠳᠠ ᠪᠠᠨ ᠲᠤᠳᠤᠷᠬᠠᠶᠢᠯᠠᠵᠦ ᠪᠠᠶᠢᠭᠠ ᠤᠴᠢᠷ ᠭᠠᠷᠴᠦ ᠰᠡᠳᠬᠢᠯ ᠢ ᠲᠤᠭᠳᠤᠯᠤᠭᠤᠯᠬᠤ ᠶᠢ | ᠶᠠᠭᠠᠬᠢᠮᠤᠢ᠃ 2016 ᠤᠨ ᠤ ᠲᠡᠯᠡᠭᠡᠢ ᠶᠢᠨ ᠲᠠᠪᠴᠠᠩ ᠳᠤ ᠪᠠᠰᠠ ᠨᠢᠭᠡᠨ ᠤᠴᠢᠷ ᠪᠤᠯᠪᠠ᠃ ︽ᠺᠢᠦ᠋ 2016︾ | ᠤᠯᠢᠮᠫᠢᠺ ᠶᠢᠨ ᠲᠠᠮᠢᠷ ᠤᠨ ᠤᠷᠤᠯᠳᠤᠭᠠᠨ ᠤ ᠴᠢᠯᠦᠭᠡᠳᠦ ᠪᠦᠭᠡ ᠶᠢᠨ 65 ᠺᠢᠯᠦᠭᠷᠡᠮ ᠤᠨ ᠵᠢᠩ ᠳᠤ ᠪᠠᠷᠢᠯᠳᠤᠭᠰᠠᠨ | ᠮᠤᠩᠭᠤᠯ ᠤᠯᠤᠰ ᠤᠨ ᠭᠠᠪᠢᠶᠠᠳᠦ ᠲᠠᠮᠢᠷᠴᠢᠨ ᠭᠠ᠊ · ᠮᠠᠨᠳᠤᠬᠤᠨᠠᠷᠠᠨ ᠤ ᠬᠤᠪᠢ ᠳᠤ ᠬᠦᠷᠡᠯ ᠮᠲ᠋ᠧᠯ ᠤᠨ ᠲᠦᠯᠦᠭᠡ | ᠦᠷᠢᠰᠦᠯᠳᠦᠭᠡᠳ ᠰᠡᠬᠦᠯ ᠤᠨ 6 ᠰᠧᠺᠦ᠋ᠨ᠋ᠲ ᠲᠤ ᠦᠷᠢᠰᠦᠯᠳᠦᠭᠴᠢᠳ ᠲᠤ ᠪᠤᠯᠤᠮᠵᠢ ᠤᠯᠭᠤᠯ ᠦᠭᠡᠢ | ᠵᠢᠭᠤᠳᠠᠭᠰᠠᠨ ᠭᠡᠬᠦ ᠦᠨᠳᠦᠰᠦᠯᠡᠯ ᠢᠶᠠᠷ ᠬᠤᠵᠢᠭᠳᠠᠭᠰᠠᠨ ᠡ︕ ᠡᠬᠦᠨ ᠳᠤ ᠮᠠᠨᠳᠤᠬᠤᠨᠠᠷᠠᠨ ᠤ | ᠲᠠᠰᠬᠠᠯᠵᠢᠭᠤᠯᠤᠭᠴᠢ ᠴ᠊ · ᠴᠤᠭᠪᠠᠶᠠᠷ᠂ ᠪ᠊ · ᠪᠠᠶᠠᠷ ᠨᠠᠷ ᠱᠦᠬᠦᠭᠴᠢᠳ ᠤᠨ ᠰᠢᠢᠳᠪᠦᠷᠢ ᠶᠢ ᠡᠰᠡᠷᠬᠦᠴᠡᠵᠦ | ᠲᠠᠪᠴᠠᠩ ᠲᠡᠭᠡᠷᠡ ᠬᠤᠪᠴᠠᠰᠦ ᠱᠠᠬᠠᠢ ᠪᠠᠨ ᠲᠠᠶᠢᠯᠠᠵᠦ ᠰᠢᠳᠡᠭᠰᠡᠨ ᠨᠢ ᠲᠠᠬᠢᠨ ᠨᠢᠭᠡᠨ ᠤᠨᠤᠭᠠᠨ ᠤ ᠲᠤᠷᠭᠤᠭᠤᠯᠢ | ᠶᠢ ᠠᠪᠴᠢᠷᠠᠭᠰᠠᠨ ᠪᠢᠯᠡ᠃ ᠲᠡᠳᠡᠨ ᠤ ᠡᠨᠡᠬᠦ ᠦᠢᠯᠡ ᠶᠢ ᠪᠤᠷᠤᠭᠤᠳᠬᠠᠬᠤ ᠬᠦᠮᠦᠨ ᠪᠠᠶᠢᠬᠤ ᠳᠤ ᠵᠦᠪᠳᠡᠭᠡᠬᠦ ᠨᠢᠭᠡᠨ | ᠴᠤ ᠪᠠᠰᠠ ᠭᠠᠷᠴᠠᠢ᠃ ᠢᠩᠬᠢᠵᠦ ᠮᠤᠩᠭᠤᠯ ᠲᠠᠰᠬᠠᠯᠵᠢᠭᠤᠯᠤᠭᠴᠢᠳ ᠤᠨ ᠲᠡᠮᠡᠴᠡᠯ ᠢ ᠬᠠᠷᠠᠭᠤᠯᠤᠭᠰᠠᠨ ᠵᠢᠷᠤᠭ | ᠲᠠᠢ ᠪᠤᠭᠤᠨᠢ ᠴᠠᠮᠴᠠ ᠠᠮᠧᠷᠢᠺᠠ ᠶᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠬᠤᠳᠠᠯᠳᠤᠭᠠᠨ ᠳᠤ ᠭᠠᠷᠴᠦ ᠡᠬᠢᠯᠡᠵᠡᠢ᠃ ᠲᠤᠰ | ᠴᠠᠮᠴᠠ ᠶᠢᠨ ᠨᠡᠷᠡ ᠨᠢ ᠲᠡᠭᠡᠭᠡᠳ ︽ᠠᠪᠤᠷᠭᠤ ᠠᠳᠠᠯᠢ ᠠᠳᠠᠯᠢ ᠪᠠᠷᠢᠯᠳᠦ᠂ ᠮᠤᠩᠭᠤᠯ ᠰᠢᠭ᠋ ᠲᠡᠮᠡᠴᠡ︾ ᠭᠡᠵᠦ ᠲᠤᠰ | ᠴᠠᠮᠴᠠ ᠶᠢ 22 ᠳ᠋ᠤᠯᠯᠠᠷ ᠤᠨ ᠦᠨᠳᠦᠷ ᠦᠷᠳᠡᠭ ᠢᠶᠠᠷ ᠵᠠᠷᠤᠵᠦ ᠪᠠᠶᠢᠨᠠ ᠭᠡᠵᠦ ᠭᠡᠪᠯᠡᠯ ᠮᠡᠳᠡᠭᠡᠯᠡᠯ ᠤᠨ ᠬᠢᠨ | ᠮᠡᠳᠡᠭᠡᠯᠡᠵᠦ ᠪᠠᠰᠠ ᠮᠤᠩᠭᠤᠯ ᠤᠯᠤᠰ ᠤᠨ ᠬᠤᠶᠠᠷ ᠲᠠᠰᠬᠠᠯᠵᠢᠭᠤᠯᠤᠭᠴᠢ ᠳᠤ ᠪᠠᠭᠠ ᠲᠤᠷᠭᠠᠭᠤᠯᠢ ᠦᠭᠬᠦᠭᠰᠡᠨ | ᠪᠤᠯᠪᠠᠴᠦ ᠨᠦᠬᠦᠭᠡ ᠭᠤᠷᠪᠠᠨ ᠬᠢᠨᠠᠭᠴᠢ ᠶᠢ ᠠᠵᠢᠯ ᠠᠴᠠ ᠨᠢ ᠬᠦᠭᠡᠭᠡᠭᠰᠡᠨ ᠭᠡᠵᠦ ᠪᠠᠶᠢᠭᠠ ᠮᠡᠳᠡᠭᠡ ᠪᠤᠢ᠃ ᠡᠨᠡ ᠨᠢ | ᠤᠯᠠᠨ ᠤᠨ ᠶᠠᠪᠤᠭᠳᠠᠭᠰᠠᠨ ᠤᠯᠢᠮᠫᠢᠺ ᠶᠢᠨ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠳᠤ ᠠᠩᠬᠠ ᠬᠠᠷᠠᠭᠳᠠᠵᠦ᠂ ᠲᠡᠯᠡᠭᠡᠢ ᠳ᠋ᠠᠬᠢᠨ ᠤ | ᠠᠩᠬᠠᠷᠤᠯ ᠳᠤ ᠬᠦᠷᠦᠭᠰᠡᠨ ᠭᠡᠵᠦ ᠪᠤᠢ᠃ | ᠮᠠᠨ ᠤ ᠲᠡᠭᠡᠷᠡ ᠶᠠᠷᠢᠭᠰᠠᠨ ᠭᠡᠳᠦᠨ ᠵᠢᠱᠢᠶᠡ ᠨᠢ ᠲᠡᠭᠡᠳᠦᠬᠦᠯᠡ ᠠᠴᠠ ᠦᠯᠡᠳᠡᠭᠡᠵᠦ ᠮᠡᠳᠡᠬᠦᠯᠦᠭᠰᠡᠨ ᠠᠭᠤᠤ | ᠶᠡᠭᠡ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠤ ᠲᠤᠬᠠᠢ ᠤᠴᠢᠷ ᠪᠠᠶᠢᠨᠠ᠃ ᠤᠳᠦ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠤ ᠠᠮᠢ | ᠠᠬᠤᠢ ᠲᠡᠩᠴᠡᠬᠦᠷᠢ ᠪᠠᠨ ᠠᠯᠳᠠᠵᠦ᠂ ᠨᠡᠩ ᠢᠯᠠᠩᠭᠤᠶᠠ ᠡᠨᠡ ᠵᠢᠯ ︵2016 ᠤᠨ︶ ᠭᠠᠩ ᠬᠠᠭᠰᠠᠷᠭᠠᠨ | ᠭᠡᠴᠡᠬᠦᠳᠡᠨ ᠲᠠᠪᠬᠤᠴᠠᠭᠰᠠᠨ ᠠᠴᠠ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠷᠭᠤᠯᠳᠠ ᠦᠭᠡᠢ᠂ ᠮᠠᠯ ᠰᠦᠷᠦᠭ ᠲᠠᠷᠭᠤ ᠠᠪᠴᠦ | ᠲᠡᠶᠢᠯᠦᠭᠰᠡᠨ ᠦᠭᠡᠢ ᠠᠨᠠᠢ ᠪᠦᠭᠡᠳ ᠮᠠᠯ ᠤᠨ ᠦᠨᠡ ᠬᠠᠩᠰᠢ ᠶᠡᠭᠡᠪᠡᠷ ᠪᠠᠭᠤᠷᠠᠵᠦ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ | ᠤᠷᠤᠰᠢᠬᠤᠢ ᠳᠤ ᠰᠦᠷᠳᠡᠬᠦᠯᠦᠯ ᠪᠤᠯᠤᠯᠠ᠃ ᠵᠠᠬᠠ ᠲᠡᠯᠭᠡᠬᠦᠷ ᠲᠡᠭᠡᠷᠡ᠄ ᠲᠠᠬᠢᠶᠠᠨ ᠭᠤᠶᠠ ᠵᠢᠩ ᠪᠦᠷᠢ ᠳᠡᠭᠡᠨ 7 | ᠲᠦᠬᠦᠷᠢᠭ᠂ ᠬᠤᠨᠢ ᠵᠢᠩ ᠪᠦᠷᠢ ᠳᠡᠭᠡᠨ 4 ᠲᠦᠬᠦᠷᠢᠭ᠂ ᠭᠠᠭ᠋ᠠᠢ ᠶᠢᠨ ᠠᠷᠠᠰᠦ ᠵᠢᠩ ᠪᠦᠷᠢ ᠳᠡᠭᠡᠨ 3.5 | ᠲᠦᠬᠦᠷᠢᠭ᠂ ᠬᠤᠨᠢᠨ ᠠᠷᠠᠰᠦ ᠭᠡᠴᠢᠨᠡᠨ ᠪᠠᠶᠢᠭᠰᠠᠨ ᠴᠤ ᠰᠤᠬᠤᠷ ᠵᠤᠭᠤᠰ ᠤᠨ ᠦᠨᠡ ᠤᠯᠬᠤ ᠦᠭᠡᠢ᠃ ᠤᠯᠳᠠᠬᠤ | ᠭᠡᠳᠦᠨ ᠪᠤᠭᠤᠯᠳᠠ ᠡᠪᠡᠰᠦᠨ ᠤ ᠦᠨᠡ ᠠᠴᠠ ᠪᠠᠷᠤᠭᠴᠠᠭᠠᠯᠪᠠᠯ ᠮᠠᠯᠴᠢᠳ ᠨᠢᠭᠡ ᠮᠠᠯ ᠢᠶᠠᠨ ᠬᠤᠳᠠᠯᠳᠤᠵᠦ ᠨᠦᠬᠦᠭᠡ | ᠨᠢᠭᠡ ᠪᠠᠨ ᠲᠡᠵᠢᠭᠡᠬᠦ ᠯᠠ ᠵᠢᠱᠢᠮ ᠲᠠᠢ ᠪᠤᠯᠪᠠ᠃ ᠢᠩᠬᠢᠭᠰᠡᠨ ᠠᠴᠠ ᠪᠤᠯᠵᠦ ᠦᠩᠭᠡᠷᠡᠭᠰᠡᠨ ᠤᠳ ᠲᠤ ᠬᠡᠰᠡᠭ ᠮᠠᠯ | ᠢᠶᠠᠨ ᠬᠤᠳᠠᠯᠳᠤᠵᠦ ᠡᠪᠡᠰᠦ ᠬᠤᠯᠤᠰᠦ ᠪᠠᠨ ᠤᠷᠤᠭᠤᠯᠬᠤ᠂ ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠪᠠᠨ ᠪᠤᠴᠠᠭᠠᠬᠤ᠂ ᠪᠦᠬᠦ ᠵᠢᠯ | ᠤᠨ ᠠᠮᠢᠳᠤᠷᠠᠯ ᠤᠨ ᠰᠦᠢᠳᠭᠡᠯ ᠢᠶᠠᠨ ᠪᠡᠯᠡᠳᠭᠡᠬᠦ ᠵᠡᠷᠭᠡ ᠵᠢᠷᠦᠮ ᠭᠤᠷᠢᠮ ᠡᠪᠳᠡᠭᠳᠡᠨ᠂ ᠡᠬᠦᠨ ᠤ ᠤᠯᠠᠮ ᠠᠴᠠ | ᠬᠤᠳᠠ ᠪᠠᠨ ᠬᠤᠷᠢᠶᠠᠬᠤ ᠭᠡᠮᠵᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠴᠤ ᠪᠤᠢ᠃ ᠦᠨᠡᠭᠡᠷ ᠲᠡᠭᠡᠭᠡᠳ ᠬᠤᠳᠠ ᠪᠠᠨ ᠬᠤᠷᠢᠶᠠᠴᠢᠬᠠᠬᠤ | ᠶᠤᠮ ᠪᠤᠯ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠤᠨ ᠢᠷᠡᠯᠳᠡ ᠪᠠᠶᠢᠬᠤ ᠦᠭᠡᠢ ᠪᠤᠯᠬᠤ ᠪᠤᠶᠤ ᠲᠠᠬᠢᠭᠠᠳ ᠮᠠᠯ ᠤᠨᠤᠭᠠ | ᠬᠤᠳᠠᠯᠳᠤᠵᠦ ᠠᠪᠬᠤ ᠬᠤᠵᠢᠮ ᠤᠨ ᠠᠰᠠᠭᠤᠳᠠᠯ ᠢ ᠭᠡᠨ ᠴᠤ ᠲᠦᠰᠦᠭᠡᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ ᠡᠨᠡ ᠵᠢᠯ | ᠤᠨ ᠵᠤᠨ ᠤ ᠰᠡᠬᠦᠯ᠂ ᠨᠠᠮᠤᠷ ᠤᠨ ᠡᠬᠢᠨ ᠠᠴᠠ ᠠᠪᠤᠭᠠᠳ ᠮᠠᠯᠴᠢᠨ ᠲᠦᠮᠡᠨ ᠰᠠᠨᠠᠭᠠ ᠰᠡᠳᠬᠢᠯ ᠵᠤᠪᠠᠵᠠᠭᠠᠨ | ᠲᠡᠪᠵᠢᠶᠡᠷᠡᠵᠦ ᠪᠠᠶᠢᠪᠠ᠃ ᠬᠤᠳᠠᠨ ᠳᠤ ᠰᠠᠭᠤᠭᠠ ᠮᠤᠩᠭᠤᠯᠴᠦᠳ ᠴᠤ ᠮᠠᠯᠴᠢᠳ ᠤᠨ ᠡᠮᠦᠨᠡ ᠠᠴᠠ ᠢᠳᠡᠪᠬᠢᠳᠡᠢ | ᠪᠠᠷ ᠰᠤᠷᠠᠭ ᠵᠠᠩᠬᠢ ᠬᠠᠩᠭᠠᠵᠦ᠂ ᠰᠠᠨᠠᠯ ᠵᠦᠪᠯᠡᠯᠭᠡ ᠦᠭᠴᠦ ᠪᠠᠶᠢᠭᠠ ᠶᠢ ᠴᠠᠬᠢᠮ ᠮᠡᠳᠡᠭᠡ᠂ ᠸᠢᠴᠠᠲ ᠠᠴᠠ ᠮᠡᠳᠡᠵᠦ | ᠰᠤᠨᠤᠰᠴᠦ ᠯᠠ ᠳ᠋ᠠ︕ ᠲᠦᠪ ᠲᠧᠯᠸᠢᠰ ᠤᠨ 13 ᠳ᠋ᠤᠭᠠᠷ ᠰᠤᠪᠠᠭ ᠲᠤ 9.26 ᠳᠤ ᠤᠳᠤᠬᠠᠨ ᠳᠤ ᠦᠪᠦᠷ | ᠮᠤᠩᠭᠤᠯ ᠤᠨ ᠮᠠᠯᠵᠢᠬᠤ ᠤᠷᠤᠨ ᠳᠤ 700 ᠲᠦᠮᠡᠨ ᠲᠤᠨ ᠡᠪᠡᠰᠦ ᠲᠤᠳᠠᠭᠤ ᠬᠤᠷᠢᠶᠠᠬᠤ ᠪᠤᠯᠤᠭᠰᠠᠨ ᠢ | ᠮᠡᠳᠡᠭᠡᠯᠡᠯᠡ᠃ ᠡᠨᠡ ᠪᠤᠯ ᠨᠠᠮ ᠲᠦᠷᠦ ᠠᠴᠠ ᠮᠠᠯᠴᠢᠳ ᠤᠨ ᠬᠦᠴᠢᠷᠳᠡᠯ ᠢ ᠤᠯᠵᠦ ᠬᠠᠷᠠᠵᠦ ᠪᠠᠶᠢᠭᠠ ᠰᠠᠶᠢᠨ | ᠤᠴᠢᠷ᠃ ᠭᠡᠬᠦ ᠮᠦᠷᠳᠡᠭᠡᠨ ᠤᠳᠤᠬᠠᠨ ᠰᠢ ᠶᠢᠨ ᠫᠢᠩ ᠨᠦᠬᠦᠷ ᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ ᠨᠠᠮ ᠤᠨ ᠲᠦᠪ ᠬᠤᠷᠢᠶᠠ | ᠨᠢ ᠠᠷᠠᠳ ᠲᠦᠮᠡᠨ ᠳᠤ ᠠᠰᠢᠭ ᠬᠦᠷᠳᠡᠭᠡᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠠᠬᠢᠨ ᠲᠠᠬᠢᠨ ᠲᠤᠷᠠᠳᠴᠦ᠂ ᠲᠡᠬᠦᠨᠴᠢᠯᠡᠨ | ᠮᠠᠰᠢ ᠤᠯᠠᠨ ᠲᠠᠯᠠ ᠪᠠᠷ ᠠᠷᠠᠳ ᠲᠦᠮᠡᠨ ᠳᠤ ᠠᠰᠢᠭ ᠬᠦᠷᠳᠡᠭᠡᠵᠦ ᠪᠠᠶᠢᠭᠠ ᠶᠢ ᠬᠦᠭᠰᠢᠳ ᠨᠠᠰᠤᠳᠠᠳ ᠠᠴᠠ | ᠭᠡᠦᠭᠡᠳ ᠪᠠᠭᠠᠴᠦᠳ ᠬᠦᠷᠳᠡᠯᠡ ᠮᠡᠳᠡᠬᠦ ᠯᠠ ᠳ᠋ᠠ︕ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠢ ᠨᠠᠮ | ᠤᠨ ᠲᠦᠪ ᠬᠤᠷᠢᠶᠠ ᠤᠳᠠᠭᠠ ᠲᠠᠷᠠᠭᠠᠯᠠᠨ ᠵᠢᠱᠢᠶᠡᠴᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠭᠡᠵᠦ ᠦᠨᠡᠯᠡᠭᠰᠡᠭᠡᠷ ᠪᠠᠶᠢᠯᠠ᠃ | ᠡᠨᠡ ᠨᠢ ᠲᠠᠷᠤᠢ ᠦᠪᠦᠷ ᠮᠤᠩᠭᠤᠯᠴᠦᠳ ᠤᠯᠤᠰ ᠭᠡᠷ ᠤᠨ ᠬᠠᠤᠯᠢ ᠴᠠᠭᠠᠵᠠ ᠲᠦᠷᠢᠮ ᠲᠤᠭᠳᠠᠭᠠᠯ ᠢ ᠤᠬᠠᠮᠰᠠᠷ | ᠠᠴᠠ ᠪᠠᠨ ᠰᠠᠬᠢᠵᠦ ᠭᠡᠷᠡᠭᠵᠢᠬᠦᠯᠵᠦ᠂ ᠦᠢᠯᠡᠳᠦᠯᠭᠡᠵᠢᠬᠦᠯᠵᠦ ᠪᠠᠶᠢᠭᠠ ᠠᠴᠠ ᠪᠤᠯᠤᠭᠰᠠᠨ ᠭᠡᠳᠡᠭ ᠨᠢ ᠮᠠᠷᠭᠤᠰᠢ | ᠦᠭᠡᠢ ᠤᠴᠢᠷ᠃ ᠲᠡᠭᠡᠬᠦ ᠳᠤ ᠭᠠᠴᠠᠭᠠ᠂ ᠰᠤᠮᠤ᠂ ᠬᠤᠰᠢᠭᠤ᠂ ᠠᠶᠢᠮᠠᠭ ᠬᠤᠳᠠ ᠶᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠴᠤ | ᠨᠠᠮ ᠤᠨ ᠲᠦᠪ ᠬᠤᠷᠢᠶᠠᠨ ᠤ ᠤᠷᠢᠶᠠᠯᠠᠭᠠ ᠪᠠᠷ ᠨᠠᠩ ᠢᠯᠠᠩᠭᠤᠶᠠ ᠵᠠᠩᠬᠢᠯᠠᠭᠠ ᠶᠢᠨ ᠦᠶᠡ ᠳᠤ ᠠᠷᠠᠳ ᠲᠦᠮᠡᠨ ᠤ | ᠠᠰᠢᠭ ᠲᠤᠰᠠ ᠶᠢ ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ ᠲᠠᠯᠪᠢᠬᠤ ᠶᠢ ᠡᠳᠦᠷ ᠲᠤᠳᠤᠮ ᠤᠨ ᠠᠵᠢᠯ ᠳᠠᠭᠠᠨ ᠯᠠᠪᠳᠠᠭᠤᠨ ᠪᠠᠳᠤᠳᠠᠢ | ᠭᠡᠷᠡᠭᠵᠢᠬᠦᠯᠬᠦ ᠨᠢ ᠵᠠᠶᠢᠯᠠᠰᠢ ᠦᠭᠡᠢ ᠠᠵᠢᠯ ᠪᠢᠯᠢᠦ᠃ ᠦᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠤᠷᠤᠰᠢᠬᠤᠢ | ᠳᠤ ᠲᠤᠯᠭᠠᠷᠠᠵᠦ ᠪᠠᠶᠢᠭᠠ ᠪᠤᠳᠠᠳᠠᠢ ᠠᠰᠠᠭᠤᠳᠠᠯ ᠵᠢᠴᠢ ᠲᠡᠬᠦᠨ ᠤ ᠦᠨᠳᠦᠰᠦ ᠰᠢᠯᠳᠠᠭᠠᠨ ᠵᠡᠷᠭᠡ ᠲᠠᠯᠠ ᠪᠠᠷ ᠲᠡᠭᠡᠷᠡ | ᠱᠠᠳᠤᠨ ᠳᠤ ᠤᠯᠠᠮ ᠨᠢᠭᠡ ᠠᠯᠬᠤᠮ ᠬᠦᠨᠵᠡᠭᠡᠢ ᠤᠶᠢᠯᠠᠭᠠᠭᠤᠯᠵᠦ᠂ ᠲᠡᠬᠦᠨᠴᠢᠯᠡᠨ ᠲᠠᠭᠠᠷᠠᠭᠰᠠᠨ ᠦᠶᠡ ᠳᠤᠨᠢ ᠲᠠᠬᠤ | ᠬᠦᠷᠭᠡᠵᠦ ᠬᠦᠴᠢᠷ ᠲᠠᠢ ᠭᠠᠵᠠᠷ ᠲᠤᠨᠢ ᠲᠡᠮᠨᠡᠵᠦ ᠲᠤᠰᠤᠯᠠᠭᠠᠳ ᠯᠠ ᠦᠭᠪᠡᠯ ᠮᠠᠯᠴᠢᠳ ᠤᠨ ᠰᠡᠳᠬᠢᠯ ᠳᠤ | ᠠᠮᠢᠳᠤᠷᠠᠯ ᠠᠬᠤᠢ ᠳᠤ ᠰᠢᠨᠡ ᠡᠷᠬᠢᠯᠳᠡ ᠭᠠᠷᠴᠦ ᠪᠤᠯᠬᠤ ᠶᠤᠮ᠃ ᠲᠠᠬᠢᠭᠠᠳ ᠶᠠᠷᠢᠬᠤ ᠳᠤ ᠮᠠᠯᠴᠢᠳ ᠬᠤᠷᠰᠢᠶᠠᠵᠢᠯ | ᠂ ᠬᠠᠮᠳᠤᠷᠠᠵᠢᠯ ᠁ ᠪᠠᠶᠢᠭᠤᠯᠵᠦ ᠦᠪᠡᠷ ᠤᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠪᠠᠨ ᠦᠪᠡᠷᠳᠡᠭᠡᠨ ᠡᠳ᠋ᠰᠢᠬᠦᠯᠦᠨ ᠵᠠᠬᠠ | ᠲᠡᠯᠭᠡᠬᠦᠷ ᠲᠡᠭᠡᠷᠡ ᠭᠠᠷᠭᠠᠵᠦ ᠤᠷᠤᠨ ᠪᠠᠶᠢᠷᠢ ᠪᠠᠨ ᠤᠯᠬᠤ ᠪᠠᠷ ᠵᠠᠮ ᠡᠷᠢᠯᠬᠢᠯᠡᠵᠦ ᠪᠡᠭᠡᠵᠢᠩ᠂ ᠱᠠᠩᠬᠠᠢ᠂ | ᠭᠤᠸᠠᠩᠵᠸᠦ ᠵᠡᠷᠭᠡ ᠲᠤᠳᠤᠷ ᠭᠠᠵᠠᠷ ᠬᠦᠷᠴᠦ ᠲᠠᠯᠠ ᠨᠤᠳᠤᠭ ᠲᠠᠬᠢ ᠪᠡᠯᠴᠢᠭᠡᠷ ᠤᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠬᠢᠷᠢ | ᠵᠡᠷᠭᠡ ᠭᠡᠳᠡᠭ ᠢ ᠤᠬᠠᠭᠤᠯᠵᠦ᠂ ᠮᠡᠳᠡᠷᠡᠬᠦᠯᠵᠦ᠂ ᠲᠠᠨᠢᠭᠤᠯᠵᠦ᠂ ᠲᠤᠳᠤᠷᠠᠭᠤᠯᠬᠤ ᠳᠤ ᠤᠯᠠᠨ ᠠᠷᠭᠠ ᠠᠪᠴᠠᠭᠠ | ᠠᠪᠴᠦ ᠪᠠᠶᠢᠭᠠ ᠰᠠᠶᠢᠨ ᠤᠴᠢᠷ ᠢ ᠪᠢᠳᠡ ᠷᠠᠳᠢᠤ᠋᠂ ᠲᠧᠯᠸᠢᠰ᠂ ᠸᠢᠴᠠᠲ ᠮᠡᠳᠡᠭᠡ ᠠᠴᠠ ᠤᠳᠠᠭᠠ ᠲᠠᠷᠠᠭᠠᠯᠠᠨ | ᠬᠠᠷᠠᠵᠠᠭᠠᠵᠦ ᠪᠠᠭ᠋ᠠᠳᠤᠨ ᠪᠢᠰᠢᠷᠡᠯᠡ᠃ ᠲᠡᠶᠢᠮᠦ ᠡ︕ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠤ ᠪᠡᠯᠴᠢᠭᠡᠷ ᠤᠨ ᠮᠠᠯ ᠤᠨ | ᠠᠰᠢᠭ ᠰᠢᠮᠡ ᠠᠦ᠋ᠰᠲ᠋ᠧᠷᠯᠢᠶᠠ᠂ ᠰᠢᠨᠡ ᠼᠠᠯᠠᠨᠳ᠋᠂ ᠬᠠᠯᠬᠠ ᠮᠤᠩᠭᠤᠯ ᠤᠨ ᠬᠢ ᠲᠠᠢ ᠴᠤᠬᠤᠮ ᠬᠠᠮᠢᠭᠠ ᠪᠠᠨ ᠶᠠᠭᠤ | ᠪᠠᠷ ᠢᠶᠠᠨ ᠵᠦᠷᠢᠶᠡ ᠲᠠᠢ ᠪᠤᠯ︖ ᠲᠡᠳᠡᠭᠡᠷ ᠤᠯᠤᠰ ᠤᠨ ᠲᠤᠳᠤᠭᠠᠳᠦ ᠭᠠᠳᠠᠭᠠᠳᠦ ᠶᠢᠨ ᠵᠠᠬᠠ ᠲᠡᠯᠭᠡᠬᠦᠷ ᠢ | ᠡᠵᠡᠮᠳᠡᠬᠦ ᠪᠠᠷ ᠴᠢᠷᠮᠠᠶᠢᠵᠦ᠂ ᠨᠡᠷᠡᠳᠦ ᠲᠡᠮᠳᠡᠭ ᠭᠡᠳᠡᠭ ᠢ ᠨᠢ ᠡᠬᠦᠳᠬᠦ ᠪᠠᠷ ᠬᠦᠴᠦᠯᠡᠵᠦ ᠪᠠᠶᠢᠭᠠ ᠮᠠᠯᠴᠢᠳ ᠤᠨ | ᠵᠤᠷᠢᠭ ᠰᠠᠨᠠᠭᠠ ᠪᠤᠯ ᠮᠠᠯᠵᠢᠬᠤ ᠰᠤᠶᠤᠯ ᠤᠨ ᠪᠠᠰᠠ ᠨᠢᠭᠡᠨ ᠰᠢᠨᠡ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠪᠠᠶᠢᠵᠦ ᠲᠠᠭᠠᠷᠠᠨᠠ᠃ | ᠮᠠᠨ ᠤ ᠠᠵᠢᠯ ᠢᠶᠠᠨ ᠪᠢᠳᠡ ᠦᠪᠡᠷ ᠢᠶᠠᠨ ᠬᠢᠬᠦ ᠦᠭᠡᠢ ᠭᠡᠨ ᠮᠠᠨ ᠳᠤ ᠬᠢᠵᠦ ᠦᠭᠬᠦᠨᠡ ᠤᠤ︖ ᠰᠠᠨᠠᠵᠦ ᠪᠠᠶᠢᠪᠠᠯ | ᠪᠦᠳᠦᠨᠡ᠂ ᠰᠠᠵᠢᠯᠠᠵᠦ ᠪᠠᠶᠢᠪᠠᠯ ᠬᠦᠷᠦᠨᠡ᠃ | ᠮᠠᠯᠴᠢᠳ ᠮᠢᠨᠢ ᠴᠢᠷᠮᠠᠢ︕ | | 2016 ᠤᠨ ᠤ 10 ᠰᠠᠷᠠ᠂ ᠪᠢᠷᠠᠭᠤ ᠪᠠᠯᠭᠠᠰᠤᠨ ᠳᠤ | |