| — ︵ᠮᠤᠩᠭᠤᠯ︶ ᠱ᠊ · ᠰᠤᠯᠤᠩᠭᠠ | | ᠲᠤᠯᠵᠢᠳ ᠢ ᠢᠷᠡᠵᠤ ᠶᠠᠪᠤᠭᠠ ᠬᠡᠳᠦᠨ ᠡᠬᠦᠯᠡᠨ ᠠᠴᠠ ᠠᠷᠭᠠᠯ ᠢᠶᠠᠨ ᠨᠢᠭᠤᠨ᠂ ᠠᠳᠠᠰᠬᠠ ᠪᠠᠷ ᠲᠠᠷᠤᠭᠤᠯᠵᠤ | ᠰᠠᠭᠤᠳᠠᠯᠠ ᠬᠡᠷ ᠠᠴᠠ ᠨᠢ ᠭᠠᠷᠴᠤ ᠢᠷᠡᠭᠰᠡᠨ ᠲᠦᠯᠡᠩᠭᠡᠢ ᠪᠤᠷᠤ᠂ ᠪᠠᠵᠠᠢ ᠬᠤᠶᠠᠷ ᠬᠦᠩᠭᠡᠷ ᠭᠠᠩᠭᠠᠷ ᠬᠢᠭᠰᠡᠭᠡᠷ | ᠤᠶᠠᠭᠠᠨ ᠳᠤ ᠬᠦᠷᠴᠤ᠂ ᠴᠤᠯᠪᠤᠭᠤᠷ ᠢᠶᠠᠨ ᠲᠠᠶᠢᠯᠤᠯᠠ᠃ ᠮᠤᠷᠳᠠᠭᠠᠳ ᠶᠠᠪᠤᠬᠤ ᠳᠠᠭᠠᠨ ︽ᠴᠢᠳᠠᠯ ᠤᠨ ᠢᠶᠠᠨ ᠬᠢᠷᠢ | ᠪᠠᠷ ᠤᠷᠴᠢᠯᠠᠩ ᠢ ᠪᠤᠵᠠᠷᠯᠠᠵᠤ ᠶᠠᠪᠤᠭᠠᠳ ᠲᠠᠭᠤᠰᠤᠯᠠ ᠳ᠋ᠠ︾ ᠬᠡᠬᠦ ᠶᠢ ᠲᠤᠭᠤᠯᠤᠭᠠᠳ ︽ᠪᠡᠶᠠ ᠮᠠᠭᠤᠳᠠᠢ | ᠬᠦᠮᠦᠨ ᠢ ᠢᠩᠬᠢᠵᠤ ᠪᠠᠶᠢᠳᠠᠭ︾ ᠬᠡᠵᠤ ᠲᠤᠳᠤᠷᠠ ᠪᠠᠨ ᠦᠷᠦ ᠡᠪᠡᠳᠦᠨ ᠪᠤᠳᠤᠭᠰᠠᠨ ᠴᠦ ᠶᠡᠭᠡ ᠭᠡᠷ ᠠᠴᠠ | ᠭᠤᠴᠢᠭᠠᠳ ᠠᠯᠬᠤᠮ ᠳᠤ ᠪᠠᠷᠢᠭᠠᠳᠠᠢ᠂ ᠪᠠᠷᠠᠭᠤᠨ ᠬᠠᠶᠠᠭᠠ ᠨᠢ ᠲᠤᠷᠳᠤᠶᠢᠭᠰᠠᠨ ᠵᠢᠵᠢᠭ ᠭᠡᠷ ᠢᠶᠠᠨ ᠬᠠᠷᠠᠭᠠᠳ | ᠬᠦᠮᠦᠰᠭᠡ ᠨᠢ ᠪᠠᠭᠤᠯᠠ᠃ ᠲᠡᠨᠳᠠ ᠨᠦᠬᠦᠷ ᠤᠨ ᠬᠢᠨᠢ ᠠᠪᠠᠭᠠ ᠠᠬᠠ ᠠᠷᠠᠢ ᠬᠤᠨᠤᠭ ᠢᠶᠠᠨ ᠬᠦᠯᠢᠶᠡᠨ ᠬᠡᠪᠳᠡᠵᠤ | ᠪᠤᠢ ᠶᠤᠮ᠃ ︽ᠠᠢ᠂ ᠢᠩᠬᠢᠵᠤ ᠵᠤᠪᠠᠵᠤ ᠪᠠᠶᠢᠬᠤ ᠪᠠᠷ ᠦᠬᠦᠴᠢᠭᠡᠭᠡᠰᠠᠢ᠂ ᠶᠠᠮᠠᠷ ᠴᠦ ᠪᠦᠭᠡ ᠭᠤᠤᠯ ᠲᠠᠢ ᠶᠤᠮ︾ | ᠬᠡᠵᠤ ᠬᠠᠷᠠᠭᠤᠰᠠᠭᠰᠠᠭᠠᠷ ᠭᠡᠷ ᠤᠷᠤᠭᠤ ᠪᠠᠨ ᠤᠷᠤᠬᠤ ᠳᠤ ᠨᠦᠬᠦᠷ ᠨᠢ ᠵᠦᠭᠡᠳᠭᠡᠷᠡᠬᠦᠯᠬᠦ ᠪᠠᠷ ᠲᠠᠯᠪᠢᠭᠰᠠᠨ ᠲᠤᠮᠤ | ᠠᠶᠠᠭᠠ ᠲᠠᠢ ᠠᠪᠠᠭᠠ ᠶᠢᠨ ᠢᠶᠠᠨ ᠬᠤᠭᠤᠯᠨ ᠶᠢ ᠨᠢ ᠠᠪᠤᠨ ᠦᠨᠳᠡᠶᠢᠯᠠ᠃ ᠲᠤᠯᠢᠶᠠ ᠰᠠᠶᠢᠳᠠᠢ ᠬᠠᠨᠢ ᠶᠢᠨ ᠢᠶᠠᠨ | ᠬᠦᠮᠦᠰᠭᠡᠨ ᠲᠤᠮᠳᠠᠬᠢ ᠬᠤᠩᠬᠤᠷᠬᠠᠢ ᠪᠤᠯᠳᠠᠯᠠ ᠲᠤᠳᠤᠷᠠᠭᠰᠠᠨ ᠦᠷᠴᠢᠯᠡᠭᠡ ᠶᠢ ᠬᠠᠷᠠᠭᠠᠳ ᠲᠠᠬᠢᠨ ᠬᠠᠷᠠᠭᠤᠰᠴᠠᠢ᠃ | ᠬᠤᠶᠠᠷᠬᠠᠨ ᠵᠢᠯ ᠤᠨ ᠲᠤᠳᠤᠷᠠ ᠡᠨᠡ ᠰᠠᠳᠤᠨ ᠠᠴᠠ ᠪᠠᠨ ᠪᠤᠯᠵᠤ᠂ ᠡᠶᠢᠨᠬᠦ ᠠᠷᠪᠠᠨ ᠨᠠᠰᠤ ᠪᠠᠷ ᠤᠪᠤᠷᠵᠢᠭᠤ | ᠬᠠᠷᠠᠭᠳᠠᠬᠤ ᠬᠦᠨ ᠵᠠᠩᠬᠢᠯᠠᠭᠠ ᠲᠠᠢ ᠪᠤᠯᠵᠤ ᠬᠤᠴᠤᠷᠵᠠᠢ᠃ ᠲᠡᠬᠦᠨ ᠢ ᠵᠤᠭᠰᠤᠭᠠᠵᠤ᠂ ᠬᠦᠮᠦᠰᠭᠡ ᠶᠢ ᠨᠢ ᠠᠷᠭᠠ | ᠶᠠᠳᠠᠨ ᠢᠯᠢᠬᠦ ᠳᠤ ᠮᠤᠰᠢᠯᠵᠠᠩᠭᠤᠢ ᠢᠨᠢᠶᠡᠪᠬᠢᠯᠡᠭᠡᠳ ᠭᠠᠷᠤᠯᠠ᠃ ᠲᠦᠳᠡᠭᠡᠨ ᠢᠯᠡᠬᠦᠤ ᠬᠡᠷ ᠠᠴᠠ ᠠᠪᠠᠭᠠ ᠶᠢᠨ | ᠬᠢᠨᠢ ᠬᠠᠷᠢᠶᠠᠵᠤ ᠵᠦᠭᠡᠬᠦ᠂ ᠠᠶᠠᠭᠠ ᠬᠠᠯᠪᠠᠭᠠ ᠬᠠᠩᠬᠢᠨᠠᠬᠤ᠂ ︽ᠵᠠᠶᠠᠭᠠ ᠴᠢᠨᠢ ᠲᠡᠷᠨ ᠳ᠋ᠧ︾ ᠬᠡᠵᠤ ᠬᠠᠰᠬᠢᠷᠬᠤ | ᠨᠦᠬᠦᠷ ᠤᠨ ᠬᠢᠨᠢ ᠲᠠᠭᠤ ᠭᠠᠷᠴᠠᠢ᠃ ᠨᠦᠬᠦᠷ ᠨᠢ ᠨᠢᠯᠬᠢᠭᠰᠡᠨ ᠮᠠᠭᠤᠬᠠᠢ ᠦᠨᠦᠷ ᠬᠠᠩᠬᠤᠯᠤᠭᠤᠯᠤᠨ ᠤᠷᠤᠵᠤ | ᠢᠷᠡᠭᠡᠳ ᠡᠮᠡᠭᠡᠯ ᠢᠶᠠᠨ ᠰᠢᠬᠦᠷᠴᠤ ︽ᠬᠠᠮᠢᠭᠠ ᠤᠴᠢᠵᠤ ᠦᠬᠦᠬᠦ ᠪᠤᠢ︾ ᠬᠡᠵᠤ ᠠᠳᠭᠠᠬᠤ ᠳᠤ ᠨᠢ ᠪᠤᠯᠢᠶᠠᠯᠳᠤᠨ | ᠠᠪᠴᠤ᠂ ᠮᠠᠭᠤ ᠨᠦᠬᠦᠷ ᠢᠶᠠᠨ ᠬᠡᠷ ᠤᠨ ᠵᠡᠬᠦᠨ ᠵᠦᠭ ᠲᠤ ᠲᠦᠷᠢᠯᠠ᠃ | ︽ᠶᠠᠭᠤ ᠤᠳᠠᠭᠠᠵᠤ ᠳ᠋ᠧ ᠬᠦᠭᠰᠢᠨ᠂ ᠲᠠᠶᠢᠪᠤᠰᠢᠷᠠ︾ ᠬᠡᠳ ᠤᠷᠤᠨ ᠲᠤᠤᠭᠤᠷ ᠰᠢᠷᠭᠤᠵᠤ᠂ ᠬᠤᠶᠠᠷᠬᠠᠨ | ᠤᠰᠤ ᠪᠠᠷ ᠠᠪᠤᠭᠰᠠᠨ ᠪᠤᠳᠤᠩ ᠲᠠᠢ ᠰᠢᠮᠠ ᠶᠢᠨ ᠶᠠᠭᠤᠮᠠ ᠭᠠᠷᠭᠠᠨ᠂ ᠵᠤᠤᠬᠠᠨ ᠲᠡᠭᠡᠷᠠ ᠲᠠᠯᠪᠢᠵᠤ᠂ ᠬᠡᠳᠦᠨ | ᠠᠷᠭᠠᠯ ᠵᠡᠷᠭᠡᠯᠡᠯᠠ᠃ | ︽ᠮᠠᠭᠤ ᠭᠠᠢ ᠬᠦ᠋᠃ ᠬᠡᠵᠢᠶᠠ ᠪᠢᠳᠠ ᠨᠢᠭᠡ ᠶᠡᠭᠡ ᠰᠠᠳᠠᠭᠠᠨᠠᠵᠤ ᠶᠠᠪᠤᠯᠠ᠃ ᠮᠠᠭᠤ ᠡᠬᠡ ᠶᠢ ᠮᠢᠨᠢ ᠬᠦᠷᠳᠡᠯᠠ | ᠪᠠᠩᠵᠠᠯ ᠶᠠᠩᠬᠠᠨ ᠬᠡᠵᠤ ᠬᠠᠰᠬᠢᠷᠴᠤ ᠶᠠᠪᠤᠭᠰᠠᠨ ᠪᠠᠶᠢᠵᠤ ᠶᠠᠰᠤ ᠪᠠᠨ ᠬᠡᠮᠬᠡᠷᠡᠬᠦ ᠪᠠᠷ ᠢᠶᠠᠨ ᠨᠢᠭᠡ ᠶᠡᠭᠡ ᠬᠦᠷᠭᠡᠬᠦᠯᠵᠤ | ᠬᠡᠨᠠ᠃ ᠦᠬᠦᠭᠡᠷ ᠤᠨ ᠬᠠᠷᠠ ᠭᠠᠢ᠃ ᠦᠬᠦᠵᠤ ᠲᠠᠯᠳᠠᠷᠠᠭᠠᠳ ᠤᠷᠴᠢᠯᠠᠩ ᠴᠡᠪᠡᠷᠯᠡᠭᠡᠳ ᠦᠭᠬᠦ ᠦᠭᠡᠢ︾ ᠬᠡᠵᠤ | ᠪᠠᠶᠢᠵᠤ ᠴᠦᠬᠦᠭᠦ ᠳᠤ ᠨᠢ ᠪᠤᠰᠢᠭᠤᠬᠠᠨ ᠠᠶᠠᠭᠠ ᠠᠪᠴᠤ ᠦᠨᠦᠬᠢ ᠪᠤᠳᠤᠩ ᠲᠠᠢ ᠠᠴᠠ ᠠᠶᠠᠭᠠᠯᠠᠨ ᠭᠠᠷ ᠲᠤ ᠨᠢ | ᠪᠠᠷᠢᠭᠤᠯᠵᠤ᠄ ︽ᠨᠢᠭᠡ ᠰᠦᠨᠢ ᠴᠦ ᠬᠡᠰᠡᠨ ᠨᠠᠮ ᠤᠨᠳᠠᠵᠤ ᠦᠵᠠ᠂ ᠨᠠᠭᠠᠳᠤᠬᠢ ᠪᠠᠨ ᠤᠤᠭᠤᠭᠠᠳ︾ ᠭᠡᠬᠦ ᠳᠤ | ᠬᠠᠷᠠᠴᠨ ᠨᠢ ᠬᠤᠷᠤᠰᠤᠯ ᠢᠶᠠᠷ ᠬᠢᠯᠠᠯᠵᠠᠨ᠄ ︽ᠶᠠᠮᠠᠷ ᠨᠤᠪᠰᠢ ᠨᠢ ᠢᠩᠬᠢᠵᠤ ᠦᠷᠠ ᠬᠡᠦᠭᠡᠳ ᠢᠶᠠᠷ ᠢᠶᠠᠨ ᠲᠤᠭᠯᠠᠵᠤ᠂ | ᠡᠬᠡᠨᠡᠷ ᠬᠡᠦᠭᠡᠨ ᠨᠦᠭᠦᠳ ᠢᠶᠠᠷ ᠭᠠᠷ ᠢᠶᠠᠨ ᠠᠷᠴᠢᠵᠤ ᠶᠠᠪᠤᠬᠤ ᠳᠤ ᠬᠡᠮ ᠦᠭᠡᠢ ᠪᠢᠳᠠ ᠬᠤᠶᠠᠷ ᠦᠷᠠ ᠬᠡᠦᠭᠡᠳ | ᠦᠭᠡᠢ ᠪᠦᠷᠳᠦᠶᠢᠵᠤ ᠶᠠᠪᠤᠳᠠᠭ ᠶᠤᠮ᠃ ᠪᠦᠷ ᠦᠨᠳᠦᠰᠦ ᠨᠢ ᠬᠠᠳᠠᠮᠠᠷ ᠬᠡᠨᠠ᠃ ᠲᠠᠩᠴᠢ ᠶᠠᠭᠠᠬᠢᠪᠠ ᠳ᠋ᠠ᠃ ᠠᠯᠢᠪ | ᠲᠠᠬᠢᠭᠠᠳ ᠬᠢᠭᠡᠳ ᠠᠯᠢ᠃︾ | ︽ᠡ᠂ ᠦᠩᠭᠡᠷᠡᠳᠡᠯᠠ ᠨᠢ ᠦᠬᠢᠨ ᠢᠶᠠᠨ ᠯᠡ ᠨᠠᠭᠠᠰᠢᠯᠠᠭᠤᠯᠤᠯᠳᠠ ᠦᠭᠡᠢ︾ ᠭᠡᠳ ᠲᠠᠬᠢᠨ ᠬᠢᠵᠤ ᠨᠦᠬᠦᠷ | ᠲᠡᠭᠡᠨ ᠪᠠᠷᠢᠭᠠᠳ ᠦᠪᠡᠷ ᠤᠨ ᠢᠶᠠᠨ ᠵᠢᠵᠢᠭ ᠠᠶᠠᠭᠠᠨ ᠳᠤ ᠴᠦ ᠬᠢᠵᠤ ᠪᠤᠰᠢᠭᠤᠬᠠᠨ ᠪᠠᠯᠭᠤᠵᠠᠢ᠃ ᠡᠷᠬᠦᠮᠡᠯ ᠭᠠᠭᠴᠨ | ᠦᠬᠢᠨ ᠢᠶᠠᠨ ᠲᠡᠷᠨ ᠶᠤᠳᠤᠷ ᠤᠨ ᠬᠦᠮᠦᠨ ᠤ ᠬᠠᠷᠢᠶᠠᠯ ᠢᠷᠦᠭᠡᠯ ᠠᠴᠠ ᠲᠠᠶᠢᠵᠢᠭᠤᠯᠵᠤ᠂ ᠡᠵᠢ ᠶᠢᠨ ᠢᠶᠠᠨ ᠤᠷᠤᠭᠤ | ᠶᠠᠪᠤᠭᠤᠯᠤᠭᠠᠳ ᠤᠳᠠᠵᠤ ᠪᠤᠢ ᠬᠤᠶᠠᠷ ᠶᠤᠮ ᠰᠠᠨᠵᠠᠢ᠃ ᠠᠷᠭᠠᠯ ᠤᠭᠤᠬᠢᠮᠠᠭᠴᠨ ᠲᠤᠭᠤᠭᠠ ᠲᠠᠢ ᠬᠤᠭᠤᠯᠨ ᠪᠠᠨ | ᠲᠠᠯᠪᠢᠭᠰᠠᠨ ᠳᠤ ᠬᠠᠨᠢ ᠨᠢ᠄ ︽ᠮᠠᠭᠤ ᠬᠠᠷᠠ ᠦᠭᠦᠬᠡᠷ ᠲᠤ ᠦᠭᠬᠦᠭᠰᠡᠨ ᠠᠴᠠ ᠨᠤᠬᠠᠢ ᠳᠤ ᠦᠭᠬᠦᠭᠰᠡᠨ ᠨᠢ | ᠲᠡᠭᠡᠷᠠ︾ ᠬᠡᠵᠤ ᠠᠭᠤᠷᠰᠠᠬᠤ ᠳᠤ ᠨᠢ᠄ ︽ᠲᠡᠭᠡᠳᠡᠭ ᠦᠭᠡᠢ ᠶᠤᠮ ᠡ ᠬᠦᠭᠰᠢᠨ ᠡ︾ ᠭᠡᠳ ᠦᠬᠦᠯᠡᠬᠦ ᠠᠴᠠ ᠨᠢ | ᠦᠷᠢᠰᠦᠨ ᠪᠤᠰᠢᠭᠤᠬᠠᠨ ᠨᠢᠭᠡ ᠠᠶᠠᠭᠠᠨ ᠳᠤ ᠬᠢᠵᠤ ᠠᠪᠤᠭᠠᠳ ᠪᠤᠰᠬᠤ ᠳᠤ ᠨᠦᠬᠦᠷ ᠨᠢ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠵᠤ᠄ | ︽ᠨᠢᠳᠤ ᠤᠷᠤᠭᠤ ᠰᠡᠷᠡᠭᠡ ᠰᠢᠳᠡᠵᠤ ᠪᠠᠶᠢᠨᠠ ᠰᠢᠤ︾ ᠬᠡᠵᠠᠢ᠃ ᠢᠯᠡᠬᠦᠤ ᠬᠡᠷ ᠲᠤ ᠤᠷᠤᠬᠤ ᠳᠤ ᠦᠨᠤ ᠮᠠᠭᠤᠬᠠᠢ | ᠨᠢᠯᠬᠢᠭᠰᠡᠨ ᠦᠨᠦᠷ ᠰᠡᠩᠬᠢᠨᠡᠵᠤ᠂ ᠵᠡᠬᠦᠨ ᠤᠷᠤᠨᠠ ᠢᠯᠠᠭᠠ ᠰᠢᠪᠠᠭᠤᠯᠤᠨ ᠬᠡᠪᠳᠡᠭᠰᠡᠨ ᠬᠦᠭᠡᠷᠦᠬᠦᠢ ᠬᠦᠮᠦᠨ | ᠡᠷᠬᠢᠵᠤ ᠬᠠᠷᠠᠯᠠ᠃ ᠦᠨᠤ ᠮᠠᠭᠤᠬᠠᠢ ᠬᠠᠷᠠᠴᠠ ᠲᠠᠢ ᠨᠢᠳᠤ ᠨᠢ ᠨᠢᠯᠪᠤᠰᠤᠨ ᠳᠤ ᠵᠢᠪᠤᠵᠠᠢ᠃ ᠤᠷᠤᠨ ᠤ ᠡᠮᠦᠨᠡᠬᠢ | ᠰᠢᠷᠡᠭᠡᠨ ᠳᠤ ᠬᠤᠭᠤᠯᠨ ᠲᠠᠯᠪᠢᠵᠤ᠂ ᠮᠤᠳᠤᠨ ᠠᠶᠠᠭᠠᠨ ᠳᠤ ᠨᠢ ᠴᠠᠢ ᠬᠢᠭᠡᠳ ᠭᠠᠷᠬᠤ ᠠᠴᠠ ᠦᠭᠡᠷᠠ ᠠᠷᠭᠠ | ᠪᠠᠶᠢᠭᠰᠠᠨ ᠦᠭᠡᠢ᠃ ᠦᠨᠦᠷ ᠲᠠᠨᠤᠷ ᠨᠢ ᠠᠮᠢᠳᠤ ᠬᠦᠮᠦᠨ ᠲᠡᠰᠬᠦ ᠶᠢᠨ ᠡᠴᠦᠰ ᠦᠭᠡᠢ ᠪᠤᠯᠵᠠᠢ᠃ ᠭᠡᠷ ᠲᠡᠭᠡᠨ | ᠤᠷᠤᠬᠤ ᠠᠴᠠ ᠪᠠᠨ ᠡᠮᠦᠨᠠ ᠲᠡᠷᠨ ᠮᠠᠭᠤᠬᠠᠢ ᠦᠨᠦᠷ ᠢ ᠲᠠᠷᠤᠬᠤ ᠬᠡᠵᠤ ᠰᠠᠯᠬᠢᠨ ᠲᠡᠭᠡᠷᠠ ᠪᠠᠭᠠᠬᠠᠨ ᠵᠤᠭᠰᠤᠯᠠ᠃ | ᠰᠠᠯᠬᠢ ᠦᠵᠡᠭᠡᠳ ᠲᠦᠷᠦᠬᠦᠨ ᠤ ᠪᠠᠯᠭᠤᠭᠰᠠᠨ ᠨᠡᠷᠡᠮᠡᠯ ᠲᠤᠯᠤᠭᠠᠢ ᠮᠠᠨᠠᠷᠠᠭᠤᠯᠤᠯᠠ᠃ ᠭᠤᠷᠪᠠᠨ ᠡᠬᠡᠨᠡᠷ ᠰᠤᠯᠢᠵᠤ᠂ | ᠦᠷᠠ ᠬᠡᠦᠭᠡᠳ ᠢᠶᠠᠨ ᠵᠤᠳᠤᠵᠤ᠂ ᠢᠪᠡᠭᠡᠯᠳᠤ ᠬᠠᠨᠢ ᠪᠠᠨ ᠵᠤᠯᠭᠠᠵᠤ ᠶᠠᠪᠤᠭᠰᠠᠨ ᠬᠦᠮᠦᠨ ᠢᠩᠬᠢᠵᠤ ᠦᠬᠦᠳᠡᠭ ᠶᠤᠮ | ᠪᠠᠶᠢᠵᠤ ᠳ᠋ᠧ᠃ ᠠᠮᠢᠳᠠᠨ ᠤ ᠬᠠᠷᠢᠶᠠᠯ ᠢᠳᠡᠭᠰᠡᠨ ᠰᠤᠨᠢᠨ ᠬᠦᠮᠦᠨ ᠪᠠᠶᠢᠵᠤ ᠪᠢᠯᠨ᠃ ᠮᠠᠭᠤ ᠶᠠᠳᠠᠭᠤ ᠡᠬᠡ ᠶᠢ ᠮᠢᠨᠢ | ᠬᠦᠷᠳᠡᠯᠠ ᠴᠠᠢ ᠤᠤᠭᠤᠭᠠᠳ ᠮᠤᠷᠳᠠᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠡᠯᠦᠨᠴᠨ ᠬᠤᠯᠤᠨᠴᠠ ᠪᠠᠷ ᠨᠢ ᠬᠠᠷᠢᠶᠠᠵᠤ ᠵᠦᠭᠡᠵᠤ | ᠪᠠᠶᠢᠭᠰᠠᠨ᠃ ᠲᠡᠩᠬᠡᠯᠡᠬᠦᠨ ᠶᠠᠪᠤᠭᠰᠠᠨ ᠮᠠᠭᠤ ᠡᠵᠢ ᠮᠢᠨᠢ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠭᠤᠨᠳᠠᠨ᠂ ᠲᠤᠤᠷᠠᠬᠠᠨ ᠢᠶᠠᠨ | ᠲᠤᠤᠷᠠᠳᠤᠭᠠᠳ ᠦᠩᠭᠡᠷᠡᠭᠰᠡᠨ ᠰᠡᠨ᠃ ᠦᠯᠵᠡᠢ ᠦᠭᠡᠢ ᠮᠠᠭᠤᠬᠠᠢ ᠬᠦᠮᠦᠨ ᠳ᠋ᠧ᠃ ᠪᠢᠳᠡᠨ ᠤ ᠠᠮᠢᠳᠤᠷᠠᠯ ᠢ | ᠢᠩᠬᠢᠵᠤ ᠭᠤᠳᠤᠭᠠᠬᠤ ᠬᠡᠵᠤ ᠬᠡᠮᠡᠨ ᠪᠤᠳᠤᠯ ᠬᠦᠪᠤᠬᠦᠯᠦᠭᠰᠡᠭᠡᠷ ᠭᠡᠷ ᠲᠡᠭᠡᠨ ᠤᠷᠤᠪᠠᠯ ᠤᠤᠭᠤᠵᠤ ᠪᠠᠯᠭᠤᠬᠤ ᠨᠢ | ᠬᠤᠪᠤᠷ ᠬᠠᠨᠢ ᠨᠢ ᠰᠤᠭᠳᠤᠴᠢᠬᠠᠭᠰᠠᠨ᠄ ︽ᠤᠴᠢᠵᠤ ᠤᠴᠢᠵᠤ ᠦᠳᠦᠵᠤ ᠦᠬᠦᠬᠦ ᠳᠡᠭᠡᠨ ᠶᠠᠭᠠᠬᠢᠪᠠ ᠳ᠋ᠧ︾ ᠬᠡᠮᠡᠨ | ᠤᠬᠢᠯᠠᠵᠤ ᠰᠠᠭᠤᠯᠠ᠃ | ︽ᠠᠢ᠂ ᠶᠠᠭᠤ ᠬᠡᠬᠦᠪ︾ ᠭᠡᠮᠡᠵᠤ ᠦᠯᠡᠳᠡᠭᠰᠡᠨ ᠨᠡᠷᠡᠮᠡᠯ ᠠᠴᠠ ᠦᠪᠡᠷ ᠲᠡᠭᠡᠨ ᠬᠢᠵᠤ ᠤᠰᠤ ᠰᠢᠭ᠋ | ᠵᠠᠯᠬᠢᠭᠠᠳ ᠤᠷᠤ ᠪᠠᠨ ᠵᠠᠰᠠᠵᠤ ᠪᠤᠰᠢᠭᠤᠬᠠᠨ ᠬᠡᠪᠳᠡᠯᠠ᠃ ᠲᠡᠭᠡᠬᠦ ᠦᠭᠡᠢ ᠪᠤᠯ ᠡᠪᠡᠳᠴᠢᠳᠡᠨ ᠰᠦᠨᠢᠵᠢᠨ | ᠬᠠᠰᠬᠢᠷᠴᠤ ᠤᠷᠢᠯᠠᠭᠠᠳ ᠤᠨᠳᠠᠭᠤᠯᠳᠠᠭ ᠦᠭᠡᠢ ᠶᠤᠮ ᠰᠠᠨᠵᠠᠢ᠃ ᠨᠦᠬᠦᠷ ᠨᠢ ᠦᠪᠡᠷ ᠤᠨ ᠤᠷᠤ ᠤᠷᠤᠭᠤ ᠪᠠᠨ | ᠶᠠᠪᠤᠯ ᠦᠭᠡᠢ ᠭᠤᠳᠤᠯ ᠢᠶᠠᠨ ᠲᠠᠶᠢᠯᠤᠭᠠᠳ ᠬᠠᠵᠠᠭᠤ ᠪᠠᠷ ᠨᠢ ᠤᠷᠤᠵᠤ᠄ ︽ᠬᠤᠶᠠᠭᠤᠯᠨ ᠪᠠᠨ ᠯᠡ ᠢᠩᠬᠢᠵᠤ | ᠲᠡᠬᠦᠰᠬᠦ ᠦᠭᠡᠢ ᠶᠤᠮ ᠰᠢᠤ ᠳ᠋ᠧ ᠲᠤᠯᠵᠢᠳ ᠡ᠂ ᠦᠷᠠ ᠬᠡᠦᠭᠡᠳ ᠲᠠᠢ ᠦᠨᠢᠷ ᠪᠠᠶᠠᠨ ᠠᠶᠢᠯ ᠶᠠᠪᠤᠨᠠ ᠰᠢᠤ ᠬᠦ᠋᠃ | ᠲᠠᠨ ᠤ ᠴᠡᠭᠡᠨ ᠤ ᠬᠦᠤ ᠶᠢ ᠡᠷᠬᠦᠵᠤ ᠠᠪᠤᠶᠠ ᠳ᠋ᠠ᠂ ᠤᠶᠤᠳᠠᠨ ᠬᠦᠮᠦᠨ ᠬᠡᠦᠭᠡᠳ ᠢᠶᠠᠷ ᠶᠠᠭᠠᠬᠢᠬᠤᠪ᠂ ᠡᠴᠢᠭᠡ ᠨᠢ | ᠭᠠᠶᠢᠭᠤᠢ ᠠᠶᠢᠯ ᠤᠨ ᠬᠦᠤ ᠬᠡᠨᠠ᠂ ᠲᠡᠭᠡᠬᠦ ᠦᠦ ᠬᠦ᠋︾ ᠭᠡᠬᠦ ᠳᠤ ᠨᠢ ᠨᠢᠯᠪᠤᠰᠤ ᠨᠢ ᠪᠦᠮᠪᠦᠷᠢᠵᠤ ᠬᠠᠯᠠᠭᠤᠨ ᠡᠩᠭᠡᠷ | ᠲᠤ ᠨᠢ ᠲᠤᠯᠤᠭᠠᠢ ᠪᠠᠨ ᠰᠢᠷᠭᠤᠭᠤᠯᠤᠨ ᠤᠬᠢᠯᠠᠵᠠᠢ᠃ ᠮᠠᠭᠤ ᠬᠠᠨᠢ ᠨᠢ ᠡᠬᠡ ᠠᠴᠠ ᠪᠠᠨ ᠬᠤᠶᠢᠰᠢ ᠤᠨᠠᠭᠠᠭᠠ | ᠦᠭᠡᠢ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠪᠠᠨ ᠰᠡᠮ ᠰᠡᠮᠭᠡᠨ ᠵᠠᠯᠬᠢᠵᠤ ᠬᠡᠪᠳᠡᠯᠠ᠃ | ᠨᠢᠭᠡ ᠶᠡᠭᠡ ᠮᠠᠭᠤᠬᠠᠢ ᠶᠠᠭᠤᠮᠠ ᠦᠨᠦᠷᠳᠡᠬᠦ ᠳᠤ ᠰᠡᠷᠢᠪᠡᠯ ᠨᠦᠬᠦᠷ ᠨᠢ ᠤᠬᠠᠭᠠᠨ ᠦᠭᠡᠢ ᠤᠨᠳᠠᠬᠤ ᠠᠵᠠᠢ᠃ | ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠬᠡᠩᠰᠢᠬᠦᠤ ᠬᠢᠷᠪᠤᠰᠤ ᠬᠠᠩᠬᠤ ᠲᠠᠯᠪᠢᠨᠠ᠃ | ︽ᠬᠦᠭᠰᠢᠨ ᠡ᠂ ᠬᠦᠭᠰᠢᠨ︾ ᠬᠡᠵᠤ ᠲᠤᠭᠳᠤᠴᠢᠪᠠᠯ ᠲᠡᠷᠨ ᠰᠡᠷᠢᠬᠦ ᠦᠭᠡᠢ ᠬᠡᠰᠡᠨ ᠳᠡᠭᠡᠨ ᠬᠦᠨᠵᠢᠯᠡ | ᠳᠡᠭᠡᠨ ᠤᠯᠠᠮ ᠰᠢᠷᠭᠤᠵᠠᠢ᠃ | ︽ᠢᠰᠡᠭᠡᠢ ᠦᠨᠦᠷᠳᠦᠭᠡᠳ ᠪᠠᠶᠢᠨᠠ︾ ᠭᠡᠪᠡᠯ ᠵᠤᠪᠬᠢ ᠨᠢ ᠬᠠᠭᠤ ᠲᠠᠳᠠᠭᠰᠠᠨ ᠶᠤᠮ ᠰᠢᠭ᠋ ᠰᠡᠬᠦᠭᠳᠡᠵᠤ᠂ | ᠤᠷᠤᠨ ᠠᠴᠠ ᠬᠦᠯᠪᠡᠷᠢᠨ ᠪᠠᠭᠤᠭᠠᠳ ᠭᠠᠷᠴᠤ ᠬᠦᠶᠦᠯᠠ᠃ ᠪᠤᠰᠢᠭᠤᠬᠠᠨ ᠪᠤᠰᠴᠤ ᠭᠤᠳᠤᠯ ᠬᠤᠪᠴᠠᠰᠤ ᠡᠮᠦᠰᠴᠤ | ᠬᠦᠢᠴᠡᠳᠡᠯᠠ ᠨᠦᠬᠦᠷ ᠨᠢ ᠤᠷᠤᠵᠤ ᠢᠷᠡᠨ᠄ ︽ᠶᠤᠰᠤᠭᠠᠷ ᠢᠶᠠᠨ ᠪᠤᠯᠤᠯᠠ ᠳ᠋ᠤᠤ᠂ ᠦᠪᠡᠷ ᠢᠶᠠᠨ ᠭᠠᠯ ᠡᠷᠬᠦᠴᠢᠬᠡᠵᠠᠢ | ᠃ ᠪᠢ ᠶᠠᠪᠤᠭᠠᠳ ᠤᠨᠤᠭᠠ ᠤᠨᠤᠰᠢ ᠤᠯᠤᠭᠠᠳ ᠢᠷᠡᠶᠠ᠂ ᠪᠠᠭᠤᠷᠢ ᠪᠠᠨ ᠰᠡᠯᠬᠦᠬᠦ ᠦᠭᠡᠢ ᠪᠤᠯᠬᠤ ᠦᠭᠡᠢ᠃ ᠴᠢ | ᠨᠠᠮᠠ ᠶᠢ ᠢᠷᠡᠳᠡᠯᠠ ᠬᠡᠷ ᠠᠴᠠ ᠭᠠᠷᠤᠭᠠᠳ ᠬᠡᠷᠡᠭ ᠦᠭᠡᠢ ᠰᠢᠤ᠃ ᠦᠭᠡᠷ ᠢᠶᠠᠨ ᠲᠤᠭᠤᠯ ᠲᠠᠢ ᠨᠢ ᠵᠠᠯᠠᠴᠢᠬᠠᠨᠠ᠃ | ᠡᠨᠡ ᠭᠡᠷ ᠲᠤᠳᠤᠷᠠᠬᠢ ᠪᠠᠨ ᠠᠴᠢᠶᠠᠯᠠᠬᠤ ᠳᠤ ᠪᠡᠯᠡᠳ︾ ᠬᠡᠳ ᠲᠡᠪᠡᠯ ᠢᠶᠠᠨ ᠪᠦᠰᠡᠯᠡᠭᠡᠳ ᠭᠠᠷᠴᠤ ᠤᠳᠤᠯᠠ᠃ ᠴᠠᠢ | ᠪᠠᠨ ᠴᠢᠨᠠᠭᠠᠳ ᠬᠠᠮᠤᠭ ᠶᠠᠭᠤᠮᠠ ᠪᠠᠨ ᠪᠤᠭᠤᠵᠤ ᠪᠠᠭᠯᠠᠵᠤ ᠪᠠᠶᠢᠳᠠᠯᠠ ᠮᠠᠰᠢᠨ ᠲᠠᠪᠬᠢᠭᠠᠳ ᠢᠷᠡᠪᠡ᠃ ᠨᠤᠳᠤᠭ ᠤᠨ | ᠤᠩᠰᠢᠯᠭᠠ ᠲᠠᠢ ᠯᠠᠮᠠ ᠲᠦᠪᠳᠡᠨ ᠲᠡᠷᠢᠬᠦᠯᠡᠨ ᠬᠤᠶᠠᠷ ᠵᠠᠯᠠᠭᠤ ᠤᠷᠤᠵᠤ ᠢᠷᠡᠯᠠ᠃ ᠴᠠᠢ ᠴᠦ᠋ ᠪᠠᠷᠢᠭᠠᠳ᠂ ᠨᠦᠬᠦᠷ | ᠨᠢ ᠡᠳᠦᠷ ᠴᠠᠭ ᠢ ᠲᠤᠯᠢᠳᠠᠭᠤᠯᠤᠭᠰᠠᠨ ᠳᠤ᠄ ︽ᠡᠳᠦᠷ ᠢᠶᠠᠨ ᠤᠯᠵᠤ ᠤᠳᠤᠵᠠᠢ᠃ ᠶᠠᠮᠠᠷ ᠴᠦ ᠬᠡᠮ ᠬᠠᠯᠠ ᠦᠭᠡᠢ | ᠶᠤᠮ ᠪᠠᠶᠢᠨᠠ᠃ ᠲᠠᠨᠠᠶᠢᠬᠢ ᠦᠨᠦᠳᠦᠷ ᠲᠡᠭᠡᠨ ᠪᠠᠭᠤᠷᠢ ᠰᠡᠯᠬᠦ᠃ ᠪᠢ ᠬᠤᠶᠢᠳᠤᠬᠢ ᠶᠢ ᠨᠢ ᠤᠩᠰᠢᠵᠤ ᠦᠭᠬᠦᠶᠠ︾ | ᠬᠡᠬᠦ ᠳᠤ ᠲᠤᠯᠵᠢᠳ ᠭᠠᠳᠠᠨᠠ ᠠᠴᠠ ᠠᠷᠭᠠᠯ ᠤᠷᠤᠭᠤᠯᠬᠤ ᠪᠠᠷ ᠭᠠᠷᠤᠭᠠᠳ ᠭᠡᠷ ᠤᠨ ᠵᠡᠬᠦᠨ ᠲᠠᠯᠠ ᠳᠤ ᠠᠪᠴᠢᠷᠠᠵᠤ | ᠲᠠᠯᠪᠢᠭᠰᠠᠨ ᠨᠠᠢᠮᠠᠨ ᠲᠠᠬᠢᠯ ᠲᠠᠢ ᠡᠮᠡᠭᠡᠯ᠂ ᠬᠠᠵᠠᠭᠠᠷ᠂ ᠮᠦᠩᠬᠦᠨ ᠲᠠᠰᠢᠭᠤᠷ ᠰᠡᠯᠳᠠ ᠶᠢ ᠬᠠᠷᠠᠭᠠᠳ ᠬᠠᠩᠬᠢᠨᠠᠳᠠᠯᠠ | ᠤᠬᠢᠯᠠᠵᠠᠢ᠃ ᠰᠦᠨᠢ ᠲᠠᠯᠢᠢᠭᠴᠢ ᠦᠪᠡᠷ ᠢᠶᠠᠨ ᠮᠦᠯᠬᠦᠵᠤ ᠢᠷᠡᠭᠡᠳ ᠪᠤᠴᠠᠭᠰᠠᠨ ᠮᠦᠷ ᠦᠯᠡᠳᠡᠵᠠᠢ᠃ | | ︵ᠰᠠᠴᠤᠷᠠᠯᠳᠤ ᠺᠢᠷᠢᠯ ᠠᠴᠠ ᠪᠠᠭᠤᠯᠭᠠᠪᠠ︶ | | |