| | | ︽ᠱᠠᠩᠬᠠᠢ ᠬᠢᠴᠢᠳᠠᠢ ᠪᠠᠨᠳᠤᠲ᠋ᠢ ᠨᠢ᠂ | ᠱᠠᠩᠨᠠᠯ ᠳᠤ ᠢᠷᠡᠭᠰᠡᠨ ᠪᠡᠯᠡᠭ ᠶᠤᠮ ᠡ ᠬᠦᠢ᠂ | ᠱᠠᠯᠠᠮᠠᠭᠠᠢ ᠰᠠᠶᠢᠨ ᠢᠶᠠᠷ ᠠᠵᠢᠯᠯᠠᠯᠠ ᠭᠡᠳ᠂ | ᠰᠠᠶᠢᠰᠢᠶᠠᠵᠦ ᠦᠭᠭᠦᠭᠰᠡᠨ ᠷᠠᠳᠢᠤ᠋ ᠶᠤᠮ ᠳ᠋ᠧ ᠬᠦᠢ ᠁︾ ᠬᠡᠣᠬᠡᠳ ᠨᠠᠰᠤᠨ ᠳᠤ ᠲᠤᠳᠤᠬᠠᠨ | ᠴᠡᠭᠡᠵᠢᠯᠡᠭᠳᠡᠭᠰᠡᠨ ᠡᠨᠡᠬᠦ ᠲᠠᠭᠤᠤ ᠶᠢ ᠪᠢ ᠡᠪᠦᠭᠡ ᠶᠢᠨ ᠢᠶᠠᠨ ᠷᠠᠳᠢᠤ᠋ ᠠᠴᠠ ᠰᠤᠷᠤᠭᠰᠠᠨ ᠶᠤᠮ᠃ ᠡᠪᠦᠭᠡ ᠶᠢᠨ ᠮᠢᠨᠢ | ᠡᠳᠦᠷᠵᠢᠨ ᠰᠠᠯᠳᠠᠭ ᠦᠭᠡᠢ ᠲᠠᠶᠢᠴᠢᠨ ᠬᠠᠨᠢ ᠶᠢᠨ ᠬᠢᠨᠢ ᠨᠢᠭᠡ ᠨᠢ ᠡᠨᠡᠬᠦ ᠵᠢᠵᠢᠭᠬᠡᠨ ᠬᠠᠷᠠ᠂ ᠱᠠᠩᠬᠠᠢ ᠬᠢᠴᠢᠳᠠᠢ | ᠷᠠᠳᠢᠤ᠋ ᠶᠤᠮ᠃ | ᠷᠠᠳᠢᠤ᠋ ᠨᠢ ᠲᠠᠭᠤᠯᠠᠵᠤ ᠪᠠᠶᠢᠭᠰᠡᠨ ᠴᠠᠭ ᠲᠤ᠂ ᠡᠪᠦᠭᠡ ᠮᠢᠨᠢ ︽ᠬᠠ᠂ ᠬᠠ︾ ᠢᠨᠢᠶᠡᠴᠢᠬᠡᠭᠰᠡᠨ᠂ ᠴᠢᠷᠠᠢ | ᠦᠭᠡᠳᠡ ᠪᠠᠶᠢᠳᠠᠭ᠂ ᠡᠪᠦᠭᠡ ᠮᠢᠨᠢ ᠬᠡᠳᠦᠶᠢᠪᠡᠷ ᠨᠤᠳᠤᠭ ᠤᠰᠤᠨ ᠳᠠᠭᠠᠨ ᠠᠵᠢᠯᠰᠠᠭ ᠬᠦᠮᠦᠨ ᠤ ᠲᠤᠭᠠᠨ ᠳᠤ | ᠤᠷᠤᠳᠠᠭ ᠴᠦ᠂ ᠭᠡᠷ ᠵᠠᠭᠤᠷᠠ ᠶᠢᠨ ᠠᠵᠢᠯ ᠬᠢᠳᠡᠯ ᠳᠤ ᠪᠤᠯ ᠭᠠᠯ ᠰᠢᠯ ᠪᠠ ᠷᠠᠳᠢᠤ᠋ ᠪᠠᠨ ᠵᠦᠯᠭᠦᠬᠦ ᠠᠴᠠ | ᠪᠤᠰᠤᠳ ᠲᠤ ᠨᠢ ᠭᠠᠷ ᠬᠦᠷᠳᠠᠭ ᠦᠭᠡᠢ ᠳᠤ ᠨᠢ ᠡᠮᠡᠭᠡ ᠮᠢᠨᠢ ᠵᠢᠭᠠᠬᠠᠨ ᠲᠤᠷᠠ ᠦᠭᠡᠢ ᠬᠦᠷᠳᠡᠭ᠂ ᠡᠪᠦᠭᠡ ᠮᠢᠨᠢ | ᠬᠠᠷᠠ ᠦᠷᠯᠦᠭᠡ ᠪᠤᠰᠤᠮᠠᠭᠴᠠ ᠬᠦᠯᠦᠰᠦ ᠲᠤᠰᠤᠨ ᠳᠤ ᠲᠠᠭᠰᠢᠷᠡᠭᠰᠡᠨ ᠠᠯᠴᠢᠭᠤᠷ ᠢᠶᠠᠨ ᠭᠠᠷᠭᠠᠵᠦ᠂ ᠦᠨᠦ ᠵᠢᠵᠢᠭ | ᠷᠠᠳᠢᠤ᠋ ᠪᠠᠨ ᠨᠢᠮᠪᠠᠶᠢᠬᠠᠨ ᠵᠦᠯᠭᠦᠵᠦ ᠪᠠᠷᠠᠭᠠᠳ ᠨᠡᠭᠡᠭᠡᠨᠡ᠂ ᠵᠠᠷᠢᠮ ᠳᠠᠭᠠᠨ ᠪᠦᠷ ᠴᠦ ︽ᠡᠬᠢᠯᠡᠯᠳᠡ ᠶᠢᠨ ᠬᠦᠭᠵᠢᠮ᠂ | ᠨᠡᠪᠳᠡᠷᠡᠭᠦᠯᠭᠡ ᠶᠢᠨ ᠠᠭᠤᠯᠭᠠ︾ ᠴᠦ ᠪᠤᠯᠤᠭᠠᠳᠤᠢ ᠪᠠᠷ ᠪᠠᠭ᠋ᠠᠨ ᠱᠠᠷᠴᠢᠬᠢᠨᠠᠭᠤᠯᠤᠨᠠ᠃ ᠲᠦᠡᠭᠬᠢᠭᠡᠳ ᠯᠠ | ᠨᠡᠪᠳᠡᠷᠡᠭᠦᠯᠭᠡ ᠡᠬᠢᠯᠡᠭᠰᠡᠭᠡᠷ ᠨᠢᠭᠡ ᠵᠠᠬᠠ ᠠᠴᠠ ᠨᠢ ᠠᠯᠳᠠᠯ ᠦᠭᠡᠢ ᠰᠤᠨᠤᠰᠬᠤ ᠶᠢᠨ ᠳᠠᠭᠠᠤ ᠴᠠᠢ ᠴᠦ᠋ ᠪᠠᠨ | ᠤᠤᠭᠤᠵᠤ᠂ ᠠᠵᠢᠯ ᠳᠤ ᠭᠠᠷᠬᠤ ᠪᠤᠯᠤᠭᠰᠠᠭᠠᠷ ᠭᠠᠷ ᠲᠠᠭᠠᠨ ᠲᠡᠭᠦᠵᠢᠯᠡᠵᠦ᠂ ᠭᠠᠳᠠᠨᠠ ᠬᠤᠷᠤᠭᠠ ᠬᠠᠰᠢᠶᠠ | ᠴᠡᠪᠡᠷᠯᠡᠵᠦ᠂ ᠡᠪᠡᠰᠦ ᠪᠤᠭ ᠲᠠᠯᠪᠢᠬᠤ ᠳᠠᠭᠠᠨ ᠰᠢᠪᠡᠭᠡᠨ ᠲᠡᠭᠡᠷᠡ ᠪᠠᠨ ᠡᠯᠭᠦᠨᠡ᠃ ᠬᠦᠮᠦᠨ ᠠᠷᠠᠳ ᠤᠨ ᠢᠶᠠᠨ | ᠰᠡᠳᠬᠢᠯ ᠳᠤ ᠬᠠᠨᠭ᠍ᠬᠢᠨᠠᠭᠠᠳ ᠪᠠᠶᠢᠳᠠᠭ ᠠᠯᠳᠠᠷᠳᠤ ᠲᠠᠭᠤᠴᠢᠨ ᡀᠠᠵᠠᠪ ᠭᠤᠸᠠᠢ ᠶᠢᠨ ︽ᠡᠪᠦᠭᠡᠨ ᠰᠢᠪᠠᠭᠤ︾᠂ | ᠲᠠᠭᠤᠴᠢᠨ ᠪᠤᠶᠠᠨᠳᠡᠯᠭᠡᠷ ᠤᠨ ︽ᠰᠠᠷᠠᠭᠤᠯ ᠲᠠᠯᠠ︾᠂ ᠠᠷᠬᠢᠯ ᠬᠤᠭᠤᠯᠠᠢ ᠲᠠᠢ ᠠᠬᠠᠮᠠᠳ ᠲᠠᠭᠤᠴᠢᠨ ᠴᠢᠯᠠᠭᠤ ᠶᠢᠨ | ︽ᠴᠠᠰᠤᠳᠤ ᠴᠠᠭᠠᠨ ᠠᠭᠤᠯᠠ︾ ᠁ ᠵᠡᠷᠭᠡ ᠲᠠᠭᠤᠤ ᠨᠤᠭᠤᠳ ᠨᠢ ᠲᠡᠷᠡ ᠦᠶᠡ ᠶᠢᠨ ᠷᠠᠳᠢᠤ᠋ ᠲᠡᠭᠡᠷᠡ ᠠᠷᠪᠢᠨ | ᠰᠤᠨᠤᠰᠳᠠᠳᠠᠭ ᠲᠠᠭᠤᠤ ᠪᠠᠶᠢᠭᠰᠡᠨ ᠪᠦᠭᠡᠳ ᠡᠪᠦᠭᠡ ᠮᠢᠨᠢ ᠴᠦ ᠷᠠᠳᠢᠤ᠋ ᠪᠠᠨ ᠲᠠᠭᠠᠨ ︽ᠡᠪᠦᠭᠡᠨ ᠰᠢᠪᠠᠭᠤ ᠪᠢ ᠴᠢᠨᠢ᠂ | ᠡᠪᠦᠭᠡᠷᠡᠶᠠ ᠭᠡᠳ ᠡᠪᠦᠭᠡᠷᠡᠵᠤ ᠤᠤ ᠳ᠋ᠠ᠂ ᠦᠡᠭᠭᠡ ᠶᠢᠷᠳᠢᠨᠴᠤ ᠶᠢᠨ ᠢᠶᠠᠨ ᠵᠠᠩ ᠵᠢᠷᠤᠮ ᠢᠶᠠᠷ ᠡᠪᠤᠬᠡᠷᠡᠯᠡ ᠳ᠋ᠧ ᠁ | ︾ ᠬᠡᠮᠡᠨ ᠨᠠᠮᠤᠭᠤᠬᠠᠨ ᠲᠠᠭᠤᠯᠠᠵᠤ᠂ ᠨᠠᠷᠠ ᠰᠠᠯᠬᠢ ᠪᠠᠷ ᠢᠯᠪᠢᠭᠦᠯᠦᠨ ᠮᠠᠯ ᠤᠨᠤᠭᠠᠨ ᠳᠠᠭᠠᠨ ᠡᠳᠦᠷᠵᠢᠨ ᠮᠤᠩᠬᠢᠨᠠᠨᠠ | ᠃ ᠦᠶᠡ ᠲᠠᠩ ᠤᠨ ᠬᠢᠨ ᠨᠢ ᠢᠷᠡᠬᠦ ᠪᠠᠷ ᠷᠠᠳᠢᠤ᠋ ᠪᠠᠨ ᠲᠠᠯᠪᠢᠵᠤ᠂ ᠬᠡᠳᠦᠨ ᠬᠤᠨᠳᠠᠭᠠ ᠪᠠᠯᠭᠤᠵᠤ ︽ᠴᠠᠰᠤᠳᠤ | ᠴᠠᠭᠠᠨ ᠠᠭᠤᠯᠠᠨ ᠤ ᠤᠷᠤᠢ ᠲᠡᠭᠡᠷᠡ᠂ ᠴᠠᠭᠠᠨ ᠠᠷᠰᠯᠡᠨ ᠰᠦᠷ ᠪᠤᠯᠤᠨ ᠵᠢᠪᠬᠤᠭᠠ ᠲᠠᠢ᠂ ᠴᠠᠭ ᠤᠨ ᠢᠷᠦᠭᠡᠯ ᠢᠶᠠᠷ | ᠤᠴᠠᠷᠠᠭᠰᠠᠨ ᠲᠠᠨᠠᠷ ᠲᠠᠢ ᠪᠠᠨ᠂ ᠱᠠᠵᠠᠩ ᠲᠠᠢ ᠰᠠᠷᠬᠤᠳ ᠢᠶᠠᠨ ᠪᠠᠷᠢᠨ ᠪᠠᠷᠢᠭᠰᠠᠭᠠᠷ ᠨᠠᠶᠢᠷᠯᠠᠶᠠ ᠁︾ ᠬᠡᠮᠡᠨ | ᠬᠦᠡᠭᠬᠢᠨᠡᠭᠦᠯᠦᠨᠡ᠃ | ᠡᠪᠦᠭᠡ ᠶᠢᠨ ᠷᠠᠳᠢᠤ᠋ ᠦᠯᠢᠭᠡᠷ ᠰᠠᠶᠢᠬᠠᠨ ᠶᠠᠷᠢᠨᠠ᠃ ᠡᠪᠤᠯ ᠤᠨ ᠤᠷᠳᠤ ᠰᠦᠨᠢ᠂ ᠪᠢᠳᠡ ᠤᠨᠳᠠᠬᠤ ᠠᠴᠠ ᠪᠠᠨ | ᠡᠮᠦᠨᠡ ᠬᠢᠰᠠ ᠳᠠᠭᠠᠨ ᠭᠠᠶᠢᠭᠤᠢ ᠲᠤᠮᠤᠬᠠᠨ ᠰᠢᠭ᠋ ᠬᠤᠵᠤᠤᠯ ᠪᠤᠶᠤ ᠲᠦᠯᠡᠭᠡ ᠬᠠᠭᠠᠯᠤᠨ ᠬᠢᠵᠦ ᠭᠡᠷ ᠢᠶᠠᠨ | ᠨᠢᠯᠴᠢᠭᠡᠨᠡᠭᠦᠯᠦᠨ ᠲᠤᠯᠠᠭᠠᠴᠠᠭᠤᠯᠵᠤ ᠤᠷᠤᠨ ᠳᠠᠭᠠᠨ ᠤᠷᠤᠵᠠᠭᠠᠨ ᠬᠤᠭᠤᠷ ᠤᠨ ᠦᠯᠢᠭᠡᠷ ᠰᠤᠨᠤᠰᠤᠨᠠ᠃ ᠡᠪᠦᠭᠡ᠂ | ᠷᠠᠳᠢᠤ᠋ ᠪᠠᠨ ᠲᠠᠷᠡ ᠶᠢᠨ ᠢᠶᠠᠨ ᠬᠠᠵᠠᠭᠤᠳᠠ ᠲᠠᠯᠪᠢᠵᠤ᠂ ᠴᠢᠬᠢ ᠶᠢ ᠨᠢ ᠮᠤᠰᠬᠢᠵᠦ ᠪᠠᠶᠢᠭᠰᠠᠭᠠᠷ ᠱᠠᠷᠴᠢᠬᠢᠨᠠᠬᠤ ᠶᠢ ᠨᠢ | ᠵᠤᠭᠰᠤᠭᠠᠨ ᠲᠤᠳᠤ ᠲᠤᠩᠭᠠᠯᠠᠭ ᠪᠤᠯᠭᠠᠬᠤ ᠳᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠡᠬᠢᠯᠡᠬᠦ ᠴᠠᠭ ᠪᠤᠯᠳᠠᠭ᠂ ᠮᠢᠨᠤ ᠴᠡᠭᠡᠵᠢᠯᠡᠵᠦ | ᠪᠠᠶᠢᠬᠤ ᠪᠠᠷ ︽ᠭᠤᠷᠪᠠᠨ ᠤᠯᠤᠰ ᠤᠨ ᠦᠯᠢᠭᠡᠷ︾᠂ ︽ᠵᠦᠡᠭ ᠭᠦᠸᠧ ᠮᠦ︾᠂ ︽ᠱᠦᠢ ᠬᠤ᠋ ᠶᠢᠨ ᠦᠯᠢᠭᠡᠷ︾ ᠁ | ᠵᠡᠷᠭᠡ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠲᠠᠬᠢᠨ ᠲᠠᠪᠳᠠᠨ ᠰᠤᠨᠤᠰᠤᠭᠰᠠᠭᠠᠷ ᠪᠠᠶᠢᠭᠠᠳ ᠦᠯᠢᠭᠡᠷ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ | ᠨᠢ ᠪᠠᠷᠤᠭ ᠪᠦᠷ ᠴᠡᠭᠡᠵᠢᠯᠡᠴᠢᠬᠡᠭᠰᠡᠨ ᠪᠠᠶᠢᠳᠠᠭ᠂ ᠡᠪᠦᠭᠡ ᠮᠢᠨᠢ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠪᠠᠷ ᠬᠠᠶᠠ ᠵᠠᠷᠢᠮ ᠳᠠᠭᠠᠨ | ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ ᠢᠶᠠᠨ ᠪᠠᠷᠢᠵᠦ ︽᠁ ᠡᠷᠬᠢᠭ᠍ᠰᠡᠨ ᠭᠠᠵᠠᠷ ᠲᠤ ᠨᠢ ᠡᠷᠬᠢ ᠭᠠᠷᠴᠤ᠂ ᠤᠷᠪᠠᠭᠰᠡᠨ | ᠭᠠᠵᠠᠷ ᠲᠤ ᠨᠢ ᠤᠰᠤ ᠭᠠᠷᠴᠤ ᠁︾ ᠬᠡᠮᠡᠨ ᠵᠠᠩᠵᠤᠨ ᠬᠤᠶᠠᠭᠯᠠᠵᠤ᠂ ᠪᠠᠶᠢᠯᠳᠤᠭᠠᠨ ᠵᠠᠷᠯᠠᠭᠤᠯᠳᠠᠭ ᠪᠦᠭᠡᠳ | ᠵᠠᠭᠤ ᠨᠠᠢᠮᠠᠨ ᠪᠠᠭᠠᠳᠤᠷ ᠤᠨ ᠦᠯᠢᠭᠡᠷ᠂ ᠵᠤ᠋ ᠭᠧ ᠯᠢᠶᠠᠩ ᠤᠨ ᠵᠠᠯᠢ ᠬᠡᠮᠡᠨ ᠁ ᠰᠤᠨᠢᠷᠬᠠᠯᠳᠠᠢ ᠰᠠᠶᠢᠬᠠᠨ ᠦᠯᠢᠭᠡᠷ | ᠶᠠᠷᠢᠵᠦ ᠦᠭᠭᠦᠭᠰᠡᠭᠡᠷ ᠪᠠᠶᠢᠵᠦ᠂ ᠤᠳᠤᠳ ᠬᠢᠯᠠᠯᠵᠠᠭᠰᠡᠨ ᠡᠪᠤᠯ ᠤᠨ ᠰᠦᠨᠢ ᠨᠢᠭᠡ ᠮᠡᠳᠡᠬᠦ ᠳᠤ ᠲᠤᠭ ᠨᠤᠶᠢᠷ | ᠲᠤᠨᠳᠠᠭᠤᠷ ᠰᠦᠨᠢ ᠪᠤᠯᠴᠢᠬᠠᠭᠰᠡᠨ ᠪᠠᠶᠢᠳᠠᠭ᠂ ᠲᠡᠶᠢᠮᠤ ᠠᠴᠠ ᠡᠪᠦᠯ ᠤᠨ ᠰᠦᠨᠢ ᠤᠷᠳᠤ ᠴᠦ ᠨᠠᠳᠠᠳᠤ ᠤᠬᠤᠷᠬᠠᠨ | ᠰᠠᠨᠠᠭᠳᠠᠵᠤ᠂ ᠮᠠᠨᠠᠶᠢᠬᠢᠨ ᠤ ᠶᠠᠳᠠᠭᠤᠬᠠᠨ ᠲᠠᠷᠴᠢᠭ ᠠᠮᠢᠳᠦᠷᠠᠯ ᠴᠦ ᠪᠦᠯᠢᠶᠡᠨ ᠬᠠᠯᠠᠭᠤᠬᠠᠨ ᠪᠠᠶᠢᠳᠠᠭ ᠳ᠋ᠠ᠂ ᠵᠤᠨ ᠤ | ᠰᠠᠶᠢᠬᠠᠨ ᠤᠷᠤᠢ ᠭᠡᠷ ᠤᠨ ᠬᠠᠶᠠᠭᠠᠨ ᠳᠤ ᠰᠢᠷᠢᠳᠡᠭ ᠲᠡᠪᠢᠰᠴᠤ᠂ ᠠᠭᠠᠷ ᠰᠠᠯᠬᠢᠨ ᠤ ᠠᠷᠢᠭᠤᠨ ᠦᠨᠦᠷ ᠢᠶᠠᠷ | ᠷᠠᠰᠢᠶᠠᠯᠠᠭᠤᠯᠤᠨ ᠷᠠᠳᠢᠤ᠋ ᠰᠤᠨᠤᠰᠬᠤ ᠭᠡᠳᠡᠭ ᠶᠤᠰᠤᠳᠠᠢ ᠭᠤᠶᠤ ᠪᠠᠶᠢᠳᠠᠭ᠂ ᠦᠬᠡᠷ ᠮᠠᠯ᠂ ᠬᠤᠷᠠᠭᠠ ᠲᠤᠭᠤᠯ ᠴᠦ | ᠨᠤᠮᠤᠬᠠᠷᠠᠨ ᠢᠷᠠᠭᠤ ᠰᠠᠶᠢᠬᠠᠨ ᠡᠭᠡᠰᠢᠭ ᠲᠠᠭᠤᠨ ᠳᠤ ᠨᠢ ᠤᠶᠠᠷᠠᠩᠬᠠᠨ ᠤᠤᠨᠢᠵᠤ᠂ ᠤᠭᠳᠠᠷᠭᠤᠢ ᠨᠢᠭᠡᠮᠦᠰᠦᠨ | ᠴᠡᠩᠭᠡᠷᠯᠡᠵᠦ᠂ ᠤᠳᠤᠳ ᠤᠶᠢᠷᠠᠬᠠᠨ ᠲᠤᠷᠮᠤᠯᠵᠠᠭᠠᠳ ᠰᠢᠯᠦᠭ ᠵᠢᠷᠤᠭ ᠤᠨ ᠶᠢᠷᠳᠢᠨᠴᠤ ᠰᠢᠭ ᠰᠠᠨᠠᠭᠳᠠᠭᠤᠯᠤᠨᠠ᠃ | ᠲᠡᠷᠡ ᠦᠶᠡ ᠳᠤ ᠮᠠᠨ ᠤ ᠬᠤᠳᠠᠨ ᠤ ᠵᠠᠷᠢᠮ ᠷᠠᠳᠢᠤ᠋ ᠦᠭᠡᠢ ᠠᠶᠢᠯ ᠤᠨ ᠬᠢᠨᠢ ᠬᠡᠤᠬᠡᠳ ᠰᠢᠤᠬᠠᠳ ᠢᠶᠠᠨ ᠲᠠᠭᠠᠭᠤᠯᠤᠨ | ᠂ ᠮᠠᠨᠠᠢ ᠳᠤ ᠢᠷᠡᠵᠦ ᠰᠦᠨᠢᠵᠢᠨ ᠰᠠᠭᠤᠵᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠰᠤᠨᠤᠰᠳᠠᠭ᠂ ᠠᠪᠠᠭᠠ ᠮᠠᠨᠢ ᠬᠡᠳᠦᠭᠦᠯᠡ | ᠨᠤᠶᠢᠷ ᠢᠶᠠᠨ ᠬᠠᠷᠠᠮᠨᠠᠵᠦ ᠲᠡᠰᠬᠡᠶᠢᠵᠦ ᠪᠠᠶᠢᠳᠠᠭ ᠴᠦ ᠡᠪᠦᠭᠡ ᠮᠢᠨᠢ ᠬᠠᠷᠢᠨ ᠷᠠᠳᠢᠤ᠋ ᠰᠤᠨᠤᠰᠬᠤ ᠬᠠᠨᠢ ᠲᠠᠢ | ᠪᠤᠯᠴᠢᠬᠠᠭᠠᠳ᠂ ᠬᠡᠤᠬᠡᠳ ᠰᠢᠤᠬᠠᠳ ᠢ ᠨᠢ ︽ᠨᠤᠮᠤᠬᠠᠨ ᠰᠤᠨᠤᠰᠬᠤ ᠦᠭᠡᠢ ᠪᠤᠯ ᠭᠤᠤᠷ ᠢ ᠨᠢ ᠢᠳᠡᠶᠡ︾ ᠬᠡᠮᠡᠨ | ᠴᠤᠤᠬᠢᠭᠤᠯᠵᠤ ᠪᠠᠶᠢᠳᠠᠭ᠂ ᠡᠮᠡᠭᠡ ᠮᠢᠨᠢ ᠮᠠᠶᠢᠵᠢᠭᠴᠢᠨ ᠪᠠᠶᠢᠵᠦ ᠲᠡᠪᠦᠷᠡ ᠲᠦᠭᠦᠷᠡᠩ ᠴᠠᠢ ᠪᠠᠵᠠᠭᠠᠵᠦ᠂ ᠬᠤᠷᠤᠳ᠂ | ᠪᠢᠰᠢᠯᠠᠭ᠂ ᠠᠭᠠᠷᠤᠤᠯ ᠫᠢᠯᠠ ᠲᠦᠭᠦᠷᠡᠩ ᠲᠠᠯᠪᠢᠵᠤ᠂ ᠬᠡᠤᠬᠡᠳ ᠲᠤ ᠨᠢ ᠬᠡᠳᠦᠨ ᠰᠢᠬᠢᠷ ᠲᠦᠬᠡᠭᠡᠨᠡ᠃ ᠭᠠᠭᠴᠠ | ᠪᠠᠶᠠ ᠱᠢᠷᠦᠨ ᠡᠮᠡᠭᠡ ︽ᠰᠡᠷᠡᠨᠡᠢ ᠶᠢᠨ ᠳᠤ ᠤᠴᠢᠵᠤ ᠱᠦᠶ᠋ᠢᠨᠵᠢ ᠰᠤᠨᠤᠰᠪᠠᠯ ᠴᠢᠬᠢ ᠴᠦ ᠪᠠᠶᠠᠰᠴᠢᠬᠠᠨᠠ᠂ ᠭᠡᠳᠡᠰᠦ | ᠴᠦ ᠴᠠᠳᠤᠴᠢᠬᠠᠨᠠ︾ ᠬᠡᠮᠡᠨ ᠬᠦᠬᠦᠷᠡᠳᠡᠭ ᠶᠤᠮ ᠬᠡᠨᠡ ᠯᠠᠢ᠃ ᠠᠪᠠᠭᠠ ᠮᠠᠨᠠᠢ ᠬᠡᠳᠦᠭᠦᠯᠡ ᠦᠯᠢᠭᠡᠷ ᠠᠴᠠ ᠨᠢ | ᠢᠯᠡᠭᠦᠦ ᠲᠠᠭᠤᠤ ᠬᠤᠯᠪᠤᠭᠠ ᠳᠤ ᠨᠢ ᠲᠤᠷᠠ ᠲᠠᠢ ᠪᠠᠶᠢᠳᠠᠭ᠂ ᠡᠪᠦᠭᠡ ᠶᠢᠨ ᠷᠠᠳᠢᠤ᠋ ᠦᠷᠭᠦᠯᠵᠢ ᡀᠠᠵᠠᠪ᠂ | ᠪᠤᠶᠠᠨᠳᠡᠯᠭᠡᠷ᠂ ᡀᠠᠰᠦ᠋ᠷᠦᠩ᠂ ᠲᠡᠳᠮᠡ᠂ ᠮᠦᠯᠠᠨ᠂ ᠵᠢᠨᠬᠤᠸᠠᠷ ᠁ ᠭᠡᠳ ᠤᠯᠠᠨ ᠰᠠᠶᠢᠬᠠᠨ ᠲᠠᠭᠤᠴᠢᠳ ᠤᠨ | ᠲᠠᠭᠤᠤ ᠶᠢ ᠵᠠᠯᠭᠠᠭᠤᠳᠠ ᠲᠠᠯᠪᠢᠵᠤ᠂ ᠫᠠᠵᠠᠢ᠂ ᠮᠤᠤᠠᠦ᠋ᠬᠢᠨ᠂ ᠦᠰᠬᠦᠪᠤᠶᠠᠨ ᠁ ᠵᠡᠷᠭᠡ ᠠᠬᠠᠮᠠᠳ ᠬᠤᠭᠤᠷᠴᠢᠳ | ︽ᠪᠠᠭᠠᠷᠢᠨ ᠬᠠᠨ ᠠᠭᠤᠯᠠ ᠶᠢᠨ ᠮᠠᠭᠳᠠᠭᠠᠯ︾᠂ ︽ᠲᠡᠮᠦᠷ ᠪᠤᠬᠠ︾ ᠭᠡᠬᠦ ᠮᠡᠨᠳᠦ ᠶᠢᠨ ᠠᠶᠢᠵᠢᠮ ᠭᠦᠭ ᠲᠠᠢ᠂ | ᠰᠤᠨᠢᠨ ᠰᠠᠶᠢᠬᠠᠨ ᠬᠤᠯᠪᠤᠭᠠ ᠬᠡᠯᠡᠳᠡᠭ᠃ | ᠡᠪᠦᠭᠡ ᠶᠢᠨ ᠷᠠᠳᠢᠤ᠋ ᠦᠨᠡᠬᠡᠷ ᠮᠡᠷᠭᠡᠨ ᠷᠠᠳᠢᠤ᠋᠃ ᠲᠡᠷᠡ ᠦᠶᠡ ᠳᠤ ᠲᠢᠪ ᠲᠡᠯᠡᠬᠡᠢ ᠳᠤ ᠶᠠᠭᠤ ᠪᠤᠯᠵᠤ | ᠪᠠᠶᠢᠭᠠ ᠶᠢ ᠮᠠᠨᠠᠶᠢᠬᠢᠨ ᠡᠪᠦᠭᠡ ᠶᠢᠨ ᠷᠠᠳᠢᠤ᠋ ᠲᠡᠭᠡᠷᠡ ᠠᠴᠠ ᠮᠡᠳᠡᠳᠡᠭ᠂ ᠪᠤᠳᠤᠪᠠᠯ ᠲᠧᠯᠸᠢᠰ᠂ ᠢᠨᠲ᠋ᠧᠷ ᠰᠦᠯᠵᠢᠶᠡ | ᠭᠡᠳᠡᠭ ᠶᠠᠭᠤᠮᠠ ᠨᠢ ᠵᠡᠭᠦᠳᠦᠨ ᠳᠤ ᠴᠦ ᠤᠷᠤᠮᠠ ᠦᠭᠡᠢ ᠴᠠᠭ ᠦᠶᠡ ᠪᠠᠶᠢᠭᠰᠡᠨ ᠬᠤᠶᠢᠨᠠ᠂ ᠪᠦᠬᠦ ᠶᠠᠭᠤᠮᠠ ᠶᠢ | ᠡᠪᠦᠭᠡ ᠶᠢᠨ ᠱᠦᠶ᠋ᠢᠨᠵᠢ ᠲᠡᠭᠡᠷᠡ ᠢᠡᠭᠬᠢᠵᠦ ᠬᠡᠯᠡᠯᠡ᠂ ᠲᠡᠭᠡᠵᠦ ᠶᠠᠷᠢᠯᠠ ᠬᠡᠮᠡᠨ ᠪᠠᠳᠤᠯᠭᠠᠵᠢᠭᠤᠯᠳᠠᠭ ᠪᠠᠶᠢᠯᠠ᠃ | ᠦᠷᠯᠦᠭᠡ᠂ ᠤᠷᠤᠢ ᠪᠤᠯᠭᠠᠨ ᠦᠪᠦᠷ ᠮᠤᠩᠭᠤᠯ ᠤᠨ ᠷᠠᠳᠢᠤ᠋ ᠲᠡᠭᠡᠷᠡ ︽ᠪᠦᠬᠦ ᠤᠷᠤᠨ ᠤ ᠲᠠᠮᠵᠢᠭᠤᠯᠬᠤ | ᠨᠡᠪᠳᠡᠷᠡᠭᠦᠯᠭᠡ︾᠂ ︽ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠬᠠᠨᠢ︾ ᠭᠡᠵᠦ ᠪᠠᠶᠢᠳᠠᠭ ᠪᠦᠭᠡᠳ ︽ᠲᠦᠪ ᠤᠨ ᠠᠷᠠᠳ ᠤᠨ ᠷᠠᠳᠢᠤ᠋ | ᠨᠡᠪᠳᠡᠷᠡᠭᠦᠯᠭᠡ ᠶᠢᠨ ᠬᠤᠷᠢᠶᠠ︾ ᠶᠢᠨ ᠨᠡᠪᠳᠡᠷᠡᠭᠦᠯᠭᠡ ᠶᠢ ᠲᠠᠮᠵᠢᠭᠤᠯᠵᠦ ᠪᠠᠶᠢᠳᠠᠭ᠃ ︽ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ | ᠦᠡᠭᠭᠡᠷᠡᠭᠰᠡᠨ ᠤ ᠲᠠᠷᠠᠭᠠ ᠁ ᠯᠢᠨ ᠪᠢᠶᠤᠤ᠂ ᠲᠦᠷᠪᠡᠨ ᠬᠦᠮᠦᠨ ᠤ ᠪᠦᠯᠦᠭ ᠢ ᠪᠤᠳᠠ ᠨᠢᠷᠭᠡᠵᠦ ᠁ | ᠨᠠᠮ ᠤᠨ ᠭᠤᠷᠪᠠᠳᠤᠭᠠᠷ ᠪᠦᠭᠦᠳᠡ ᠬᠤᠷᠠᠯᠳᠤᠭᠠᠨ ᠠᠴᠠ ᠨᠠᠰᠢ ᠁ ᠮᠠᠯ ᠢ ᠡᠷᠦᠬᠡ ᠳᠤ ᠬᠤᠪᠢᠶᠠᠬᠤ᠂ ᠬᠤᠤᠰ | ᠲᠠᠭᠠᠭᠠᠴᠢᠯᠠᠯᠳᠠ ᠶᠢᠨ ᠲᠦᠷᠢᠮ ᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠤ ᠲᠠᠷᠠᠭᠠ ᠁︾ ᠬᠡᠮᠡᠨ ᠮᠠᠯᠴᠢᠨ ᠠᠷᠠᠳ ᠲᠤ ᠨᠠᠷᠠ | ᠰᠢᠭ᠋ ᠢᠯᠴᠢᠳᠠᠢ᠂ ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠤᠬᠠᠭᠤᠯᠤᠨ ᠶᠠᠷᠢᠵᠦ᠂ ᠤᠳᠤᠷᠢᠳᠤᠨ ᠲᠠᠭᠠᠭᠤᠯᠳᠠᠭ | ᠪᠠᠶᠢᠯᠠ᠃ | ᠡᠪᠦᠭᠡ ᠮᠢᠨᠢ ᠷᠠᠳᠢᠤ᠋ ᠳᠠᠭᠠᠨ ᠠᠮᠢᠨ ᠬᠠᠶᠢᠷᠠᠳᠠᠢ᠃ ᠨᠢᠭᠡ ᠤᠳᠠᠭᠠ᠂ ᠡᠪᠦᠭᠡ ᠮᠢᠨᠢ ᠬᠠᠮᠢᠭᠠ ᠶᠠᠪᠤᠭᠰᠡᠨ ᠴᠦ | ᠶᠤᠮ ᠪᠤᠤ ᠮᠡᠳᠡ᠂ ᠷᠠᠳᠢᠤ᠋ ᠪᠠᠨ ᠠᠪᠬᠤ ᠪᠠᠨ ᠮᠠᠷᠳᠠᠴᠢᠬᠠᠭᠰᠡᠨ ᠪᠠᠶᠢᠯᠠ᠂ ᠬᠡᠳᠦᠨ ᠠᠪᠠᠭᠠ ᠨᠠᠷ ᠪᠤᠯᠢᠶᠠᠯᠳᠤᠨ | ᠰᠤᠨᠤᠰᠴᠤ ᠪᠠᠶᠢᠭᠰᠠᠭᠠᠷ ᠪᠠᠭᠠ ᠠᠪᠠᠭᠠ ᠠᠪᠤᠨ ᠲᠤᠳᠠᠭᠠᠵᠤ ᠬᠦᠶᠦᠬᠦ ᠳᠡᠭᠡᠨ ᠭᠠᠵᠠᠷ ᠠᠯᠳᠠᠵᠤ᠂ ᠬᠠᠶᠢᠷᠴᠠᠭ ᠨᠢ | ᠬᠠᠭᠠᠷᠠᠵᠤ᠂ ᠱᠤᠤᠬᠢᠬᠤ ᠠᠴᠠ ᠪᠢᠰᠢ ᠲᠠᠭᠤ ᠦᠭᠡᠢ ᠪᠤᠯᠪᠠ᠂ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠨ ᠠᠶᠤᠵᠠᠭᠠᠪᠠ᠂ ᠡᠮᠡᠭᠡ ᠶᠢᠨ | ᠴᠢᠷᠠᠢ ᠴᠦ ᠰᠢᠷᠠᠯᠠᠵᠤ᠂ ᠲᠠᠮᠠᠬᠢ ᠪᠠᠨ ᠪᠤᠭᠰᠢᠬᠤ ᠨᠢ ᠤᠯᠠᠳᠠᠴᠢᠬᠠᠭᠰᠡᠨ ᠬᠠᠷᠠᠭᠳᠠᠪᠠ᠂ ᠡᠪᠦᠭᠡ ᠬᠠᠷᠢᠵᠤ ᠢᠷᠡᠮᠡᠭᠴᠡ | ᠷᠠᠳᠢᠤ᠋ ᠪᠠᠨ ᠦᠭᠡᠶᠢᠯᠡᠬᠦ ᠳᠤ᠂ ᠭᠡᠷᠡᠭ ᠬᠢᠭᠰᠡᠨ ᠬᠡᠳᠦᠨ ᠠᠪᠠᠭᠠ ᠨᠠᠷ ᠪᠦᠯᠳᠡᠯᠵᠡᠨ ᠬᠠᠪᠳᠡᠶᠢᠵᠦ᠂ ᠡᠮᠡᠭᠡ ᠶᠢ | ᠡᠮᠦᠨᠡ ᠪᠠᠨ ᠪᠠᠷᠢᠯᠠ᠃ ᠡᠮᠡᠭᠡ ︽ᠠᠢ᠂ ᠵᠦᠨᠦᠭᠰᠡᠨ ᠲᠤᠯᠤᠭᠠᠢ ᠴᠢᠨᠢ ᠁ ᠦᠴᠦᠭᠡᠳᠦᠷ ᠰᠢᠯ ᠪᠠᠷᠠᠭᠠ | ᠵᠦᠯᠭᠦᠵᠤ ᠪᠠᠶᠢᠭᠠᠳ ᠤᠨᠠᠭᠠᠭᠠᠳ ᠬᠠᠭᠠᠯᠴᠢᠬᠠᠯᠠ︾ ᠬᠡᠮᠡᠨ ᠤᠤᠯᠭᠠ ᠠᠯᠳᠠᠪᠠ᠃ ᠡᠨᠡ ᠨᠢ ᠮᠢᠨᠤ ᠡᠮᠡᠭᠡ ᠶᠢᠨ ᠨᠢᠭᠡ | ᠨᠠᠰᠤᠨ ᠳᠠᠭᠠᠨ ᠬᠤᠳᠠᠯ ᠬᠡᠯᠡᠭᠰᠡᠨ ᠬᠠᠮᠤᠭ ᠠᠩᠬᠠᠨ ᠤ ᠪᠦᠭᠡᠳ ᠬᠠᠮᠤᠭ ᠡᠴᠤᠰ ᠤᠨ ᠤᠳᠠᠭᠠ ᠪᠠᠶᠢᠬᠠ ᠳ᠋ᠠ᠂ | ᠡᠪᠦᠭᠡ ︽ᠬᠠᠮᠢᠭᠠ ᠪᠠᠶᠢᠨᠠ︖ ᠠᠪᠤᠭᠠᠳ ᠢᠷᠡ︾ ᠭᠡᠵᠦ ᠰᠢᠷᠦᠭᠦᠨ ᠲᠤᠤᠭᠠᠷᠴᠤ ᠬᠦᠮᠦᠰᠭᠡ ᠵᠠᠩᠬᠢᠳᠪᠠ᠂ | ᠡᠮᠡᠭᠡ ᠬᠤᠷᠢᠶᠠᠯᠳᠠ ᠶᠢᠨ ᠠᠷᠤ ᠪᠠᠷ ᠨᠢᠭᠤᠭᠰᠡᠨ ᠡᠪᠳᠡᠷᠬᠡᠢ ᠷᠠᠳᠢᠤ᠋ ᠶᠢ ᠴᠡᠴᠡᠷᠬᠢᠯᠡᠭᠰᠡᠭᠡᠷ ᠡᠪᠦᠭᠡ ᠳᠤ ᠭᠠᠷᠳᠠᠭᠤᠯᠪᠠ᠂ | ᠡᠪᠦᠭᠡ ᠬᠠᠭᠠᠰ ᠡᠳᠦᠷ ᠤᠷᠤᠯᠳᠤᠭᠠᠳ ᠲᠤᠤᠭᠠᠷᠭᠠᠵᠤ ᠴᠢᠳᠠᠭᠰᠡᠨ ᠦᠭᠡᠢ ᠤᠴᠠᠭᠠᠷ ᠲᠠᠭᠠᠨ ᠭᠠᠭᠴᠠᠬᠠᠨ | ᠪᠢᠯᠠᠭᠤᠳᠠᠭᠠᠳ ᠶᠠᠪᠤᠭᠤᠯᠴᠢᠬᠠᠪᠠ᠂ ᠪᠠᠷᠠᠭᠰᠡᠨ ᠬᠡᠷᠡᠭ᠂ ᠲᠡᠷᠡ ᠬᠡᠳᠦᠨ ᠡᠳᠦᠷ ᠮᠠᠨ ᠤ ᠭᠡᠷ ᠤᠨ ᠠᠭᠠᠷ ᠠᠮᠢᠰᠬᠤᠯ | ᠬᠠᠴᠢᠨ ᠪᠠᠷᠠᠭᠠᠨ ᠲᠦᠡᠭᠰᠦᠭᠦᠷ ᠪᠤᠯᠴᠢᠬᠠᠵᠤ᠂ ᠦᠢᠮᠡᠵᠦ ᠱᠤᠤᠬᠢᠬᠤ ᠪᠠᠨ ᠪᠠᠶᠢᠵᠦ ᠭᠠᠰᠢᠭᠤᠳᠠᠯ ᠬᠢᠵᠦ ᠪᠠᠶᠢᠬᠤ | ᠰᠢᠭ᠋ ᠨᠠᠮ ᠵᠢᠮ ᠪᠤᠯᠪᠠ᠃ ᠡᠮᠡᠭᠡ ᠮᠢᠨᠢ᠂ ᠬᠦᠮᠦᠨ ᠠᠴᠠ ᠵᠢᠭᠡᠯᠡᠭᠰᠡᠨ ᠶᠤᠮ ᠤᠤ︖ ᠬᠠᠮᠢᠭᠠ ᠪᠠᠨ ᠬᠡᠳᠦᠨ ᠵᠤᠭᠤᠰ | ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠡᠨ ᠴᠦ ᠶᠤᠮ ᠤᠤ︖ ᠪᠤᠤ ᠮᠡᠳᠡ᠂ ᠬᠡᠳᠦᠨ ᠡᠳᠦᠷ ᠤᠨ ᠬᠢᠨᠢ ᠲᠠᠷᠠᠭᠠ ᠡᠷᠦᠬᠡ ᠶᠢᠨ | ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠬᠤᠰᠢᠭᠤᠨ ᠳᠤ ᠶᠠᠪᠤᠭᠰᠠᠨ ᠲᠠᠮᠳᠢᠨ ᠠᠪᠠᠭᠠ ᠪᠠᠷ ᠠᠪ ᠠᠳᠠᠯᠢᠬᠠᠨ ᠨᠢᠭᠡ ᠷᠠᠳᠢᠤ᠋ | ᠵᠠᠬᠢᠭᠤᠯᠤᠨ ᠠᠪᠴᠢᠷᠠᠭᠤᠯᠵᠤ᠂ ᠡᠪᠦᠭᠡ ᠶᠢᠨ ᠠᠭᠤᠷ ᠢ ᠲᠠᠶᠢᠳᠬᠤᠷᠠᠭᠤᠯᠵᠤ ᠪᠢᠯᠡ᠃ ᠡᠪᠦᠭᠡ ᠮᠢᠨᠢ ᠲᠠᠬᠢᠭᠠᠳ ᠯᠠ | ᠦᠭᠡ ᠲᠠᠭᠤ ᠲᠠᠢ ᠪᠤᠯᠵᠤ ︽ᠬᠠ ᠬᠠ︾ ᠬᠡᠮᠡᠨ ᠬᠦᠡᠭᠭᠢᠨᠡᠳᠡᠯᠡ ᠢᠨᠢᠶᠡᠨᠡ᠃ ᠡᠪᠦᠭᠡ ᠮᠢᠨᠢ ᠬᠤᠨᠢᠨ ᠳᠤ | ᠶᠠᠪᠤᠬᠤ ᠳᠠᠭᠠᠨ ᠰᠢᠨᠡ ᠷᠠᠳᠢᠤ᠋ ᠪᠠᠨ ᠬᠦᠨᠡᠰᠦ ᠬᠢᠳᠡᠭ ᠵᠢᠵᠢᠭ ᠨᠤᠭᠤᠭᠠᠨ ᠪᠤᠭᠴᠤᠨ ᠳᠠᠭᠠᠨ ᠬᠦᠬᠡ ᠲᠠᠪᠤᠤ ᠪᠠᠷ | ᠪᠤᠭᠤᠨ ᠨᠢᠮᠪᠠᠶᠢᠯᠠᠨ ᠬᠢᠵᠦ᠂ ᠬᠠᠷᠢᠵᠦ ᠢᠷᠡᠭᠡᠳ ᠰᠤᠨᠤᠰᠬᠤ ᠦᠶᠡ ᠬᠢᠴᠢᠶᠡᠮᠵᠢᠳᠠᠶᠢᠬᠡᠨ ᠭᠠᠷᠭᠠᠨ ᠠᠪᠴᠤ ᠰᠢᠷᠡᠭᠡᠨ | ᠲᠡᠭᠡᠷᠡ ᠪᠢᠰᠢ᠂ ᠬᠠᠨᠵᠤᠨ ᠭᠤᠤᠯ ᠳᠠᠭᠠᠨ ᠲᠠᠯᠪᠢᠨᠠ᠃ ᠰᠢᠨᠡ ᠷᠠᠳᠢᠤ᠋ ᠶᠢ ᠨᠢ ᠪᠢᠳᠡ ᠰᠤᠨᠤᠰᠴᠤ ᠪᠤᠯᠬᠤ ᠠᠴᠠ | ᠪᠢᠰᠢ᠂ ᠲᠡᠮᠳᠡᠷᠢᠵᠦ ᠪᠤᠯᠳᠠᠭ ᠦᠭᠡᠢ ᠠᠮᠢᠨ ᠡᠷᠳᠡᠨᠢ ᠪᠤᠯᠪᠠ᠃ ᠡᠪᠦᠭᠡ ᠮᠢᠨᠢ ᠨᠠᠰᠤ ᠶᠠᠪᠤᠵᠤ ᠲᠡᠩᠬᠡᠭᠡ ᠮᠠᠭᠤᠳᠠᠨ᠂ | ᠪᠡᠶᠡ ᠨᠢ ᠲᠤᠤᠷᠡᠳᠠᠵᠤ ᠪᠠᠶᠢᠭᠰᠡᠨ ᠦᠶᠡ ᠳᠤ ᠴᠦ ᠷᠠᠳᠢᠤ᠋ ᠪᠠᠨ ᠠᠯᠭᠠᠰᠠᠯ ᠦᠭᠡᠢ ᠰᠤᠨᠤᠰᠴᠤ᠂ ᠭᠦᠯ ᠭᠠᠷ ᠨᠢ | ᠬᠦᠰᠢᠭᠦᠨ ᠪᠤᠯᠵᠤ ᠰᠠᠨᠠᠭᠠ ᠪᠠᠷ ᠨᠢ ᠵᠠᠷᠤᠭᠳᠠᠬᠤ ᠦᠭᠡᠢ ᠪᠤᠯᠤᠭᠰᠡᠨ ᠴᠦ ᠮᠠᠨᠤᠰ ᠢᠶᠠᠷ ᠷᠠᠳᠢᠤ᠋ ᠪᠠᠨ ᠲᠠᠯᠪᠢᠭᠤᠯᠤᠨ | ᠰᠤᠨᠤᠰᠴᠤ ᠪᠠᠶᠢᠭᠰᠠᠭᠠᠷ ᠤᠨᠳᠠᠨᠠ᠂ ᠤᠳᠤ ᠪᠤᠳᠤᠬᠤ ᠳᠤ ᠷᠠᠳᠢᠤ᠋ ᠨᠢ ᠡᠪᠦᠭᠡ ᠳᠤ ᠮᠢᠨᠢ ᠡᠮ ᠲᠠᠩ ᠤᠨ ᠦᠢᠯᠡᠳᠦᠯ | ᠭᠠᠷᠭᠠᠵᠤ ᠪᠠᠶᠢᠭᠰᠡᠨ ᠴᠦ ᠪᠤᠯᠪᠠᠤ ᠬᠡᠮᠡᠨ ᠰᠠᠨᠠᠭᠳᠠᠨᠠ᠃ | ᠡᠪᠦᠭᠡ ᠮᠢᠨᠢ ᠷᠠᠳᠢᠤ᠋ ᠪᠠᠨ ᠰᠤᠨᠤᠰᠤᠭᠰᠠᠭᠠᠷ ᠪᠤᠷᠬᠠᠨ ᠪᠤᠯᠤᠭᠰᠡᠨ ᠳᠤ᠂ ᠷᠠᠳᠢᠤ᠋ ᠶᠢ ᠨᠢ ᠬᠠᠮᠳᠤ ᠬᠦᠳᠡᠭᠡᠯᠡᠬᠦ | ᠡᠰᠡᠬᠦ ᠲᠤᠬᠠᠢ ᠵᠦᠪᠳᠡᠯᠴᠢᠭᠡᠳ᠂ ᠠᠪᠤ ᠶᠢᠨ ᠰᠠᠨᠠᠯ ᠢᠶᠠᠷ ᠦᠯᠡᠳᠡᠭᠡᠨ ᠬᠠᠳᠠᠭᠠᠯᠠᠭᠰᠡᠨ ᠶᠤᠮ᠃ ᠡᠪᠦᠭᠡ ᠪᠠᠨ | ᠲᠤᠷᠠᠰᠬᠤ ᠪᠠᠷ ᠬᠠᠶᠠ ᠦᠨᠦ ᠷᠠᠳᠢᠤ᠋ ᠶᠢ ᠨᠢ ᠠᠪᠳᠠᠷᠠ ᠶᠢᠨ ᠢᠷᠤᠭᠠᠷ ᠠᠴᠠ ᠭᠠᠷᠭᠠᠵᠦ ᠰᠤᠨᠤᠰᠤᠨᠠ᠄ | ᠡᠪᠦᠭᠡᠨ ᠰᠢᠪᠠᠭᠤ ᠪᠢ ᠴᠢᠨᠢ | ᠡᠪᠦᠭᠡᠷᠡᠶᠠ ᠭᠡᠳ ᠡᠪᠦᠭᠡᠷᠡᠵᠤ ᠤᠤ ᠳ᠋ᠠ | ᠦᠡᠭᠭᠡ ᠶᠡᠷᠳᠢᠨᠴᠦ ᠶᠢᠨ ᠢᠶᠠᠨ ᠵᠠᠩ ᠵᠢᠷᠤᠮ ᠢᠶᠠᠷ | ᠡᠪᠦᠭᠡᠷᠡᠯᠡ ᠳ᠋ᠠ ᠁ ᠠᠢ ᠁︾ ᠬᠡᠮᠡᠨ ᠲᠠᠩᠬᠢᠨᠠᠳᠠᠯᠠ ᠲᠠᠭᠤᠯᠠᠨᠠ᠃ ᠬᠠᠭᠤᠴᠢᠨ ᠤ ᠶᠠᠭᠤᠮᠠ | ᠴᠢᠨᠠᠷ ᠰᠠᠶᠢᠳᠠᠢ᠂ ᠬᠦᠳᠡᠭᠡ ᠶᠢᠨ ᠬᠦᠮᠦᠨ ᠶᠠᠰᠤ ᠰᠠᠶᠢᠳᠠᠢ ᠭᠡᠳᠡᠭ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠦᠨᠡᠨ᠃ | ︽ᠡᠵᠡᠨ ᠨᠢ ᠬᠡᠪᠡᠷᠡᠭ᠂ ᠡᠳ᠋ ᠨᠢ ᠮᠦᠡᠭᠭᠡ︾ ᠡᠨᠡᠬᠡᠨ ᠤᠷᠴᠢᠯᠠᠩ ᠲᠤ᠂ ᠡᠪᠦᠭᠡ ᠮᠢᠨᠢ ᠷᠠᠳᠢᠤ᠋ ᠪᠠᠨ | ᠰᠤᠨᠤᠰᠤᠨᠠ᠂ ᠪᠢᠳᠡ ᠡᠪᠦᠭᠡ ᠠᠴᠠ ᠪᠠᠨ ᠰᠤᠨᠤᠰᠤᠨᠠ᠂ ᠢᠡᠭᠭᠢᠵᠦ ᠯᠠ ᠪᠢᠳᠡ ᠦᠶᠡ ᠶᠢᠨ ᠦᠶᠡ᠂ ᠤᠳᠤᠮ | ᠰᠤᠳᠤᠷ ᠤᠨ ᠢᠶᠠᠨ ᠲᠡᠤᠬᠡ᠂ ᠤᠤᠭᠠᠯ ᠰᠤᠶᠤᠯ᠂ ᠤᠶᠠᠩᠭᠠ ᠲᠠᠭᠤᠤ ᠪᠠᠨ ᠦᠪᠯᠡᠨ ᠦᠪᠯᠡᠭᠰᠡᠨ ᠤᠯᠤᠰ ᠁ | ᠡᠪᠦᠭᠡ ᠶᠢᠨ ᠷᠠᠳᠢᠤ᠋᠂ ᠦᠨᠢᠳᠡ ᠬᠠᠨᠭ᠍ᠬᠢᠨᠠᠨᠠ᠃ | | ᠰᠡᠷᠨᠠᠢ — sernai ᠮᠢᠨᠤ ᠡᠮᠡᠭᠡ ᠶᠢᠨ ᠨᠡᠷᠡ | ᠱᠦᠶ᠋ᠢᠨᠵᠢ — ᠮᠠᠯᠴᠢᠳ ᠷᠠᠳᠢᠤ᠋ ᠶᠢ ᠢᠡᠭᠬᠢᠵᠦ ᠬᠡᠯᠡᠳᠡᠭ ᠪᠠᠶᠢᠭᠰᠡᠨ | | ᠬᠠᠶ᠋ᠢᠭ᠄ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ | |