| | ᠦᠪᠤᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠤᠳᠤᠨ ᠲᠧᠯᠸᠢᠰ ᠤᠨ ︽ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠪᠠᠶᠢᠨᠠ | ︾ ᠲᠡᠯᠭᠡᠴᠡ ᠤᠯᠠᠨ ᠬᠦᠮᠦᠨ ᠤ ᠠᠩᠬᠠᠷᠤᠯ ᠳᠤ ᠬᠦᠷᠴᠤ ᠪᠠᠶᠢᠨᠠ᠃ | ᠶᠠᠷᠢᠶᠠᠨ ᠦᠭᠡᠢ᠂ ᠪᠢᠳᠠᠨ ᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠪᠠᠶᠢᠬᠤ ᠯᠠ ᠪᠤᠶᠠᠨ᠃ | ᠾᠦᠩᠨᠦ ᠶᠢᠨ ᠦᠶᠡ ᠠᠴᠠ ᠡᠬᠢᠯᠡᠨ ᠡᠪᠦᠭᠡ ᠲᠡᠭᠡᠳᠤᠰ ᠤᠨ ᠢᠶᠠᠨ ᠤᠷᠤᠭᠰᠢ ᠬᠤᠶᠢᠰᠢ ᠪᠠᠨ | ᠲᠤᠪᠳᠤᠯᠵᠤ᠂ ᠤᠷᠲᠤ ᠤᠷᠲᠤ ᠬᠡᠷᠡᠮ ᠢ ᠦᠪᠡᠷ ᠢᠶᠠᠨ ᠪᠢᠰᠢ ᠪᠤᠰᠤᠳ ᠢᠶᠠᠷ ᠪᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ᠃ ᠠᠷᠪᠠᠨ | ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠠᠼᠢᠶᠠ ᠡᠸᠦ᠋ᠷᠦᠹᠠ ᠶᠢ ᠰᠤᠨᠳᠠᠯᠠᠭᠰᠠᠨ ᠲᠡᠯᠡᠭᠡᠢ ᠶᠢᠨ ᠲᠡᠤᠬᠡᠨ ᠲᠡᠭᠡᠷᠡᠬᠢ | ᠬᠠᠮᠤᠭ ᠶᠡᠭᠡ ᠨᠤᠲᠤᠭ ᠲᠡᠪᠢᠰᠭᠡᠷ ᠲᠠᠢ ᠤᠯᠤᠰ ᠭᠦᠷᠦᠨ ᠢ ᠪᠠᠶᠢᠭᠤᠯᠤᠭᠰᠠᠨ᠃ ᠤᠳᠤ ᠪᠤᠯᠬᠤ ᠳᠤ ᠭᠠᠳᠠᠨᠠ | ᠪᠠᠶᠢᠭᠠ ᠮᠠᠯ ᠠᠬᠤᠢ ᠪᠠᠨ ᠭᠠᠵᠠᠷ ᠨᠤᠲᠤᠭ ᠲᠠᠢ ᠪᠠᠨ ᠪᠦᠬᠦᠨ ᠢ ᠬᠤᠳᠠᠯᠳᠤᠭᠠᠳ ᠬᠦᠩᠭᠡᠨ ᠲᠡᠷᠬᠡ ᠠᠪᠴᠤ | ᠰᠠᠭᠤᠭᠠᠳ ᠬᠦᠳᠡᠭᠡ ᠠᠴᠠ ᠪᠠᠨ ᠬᠤᠳᠠ ᠤᠷᠤᠭᠤ ᠤᠮᠤᠭᠯᠠᠭᠤᠨ ᠤᠷᠤᠵᠤ ᠪᠠᠶᠢᠭᠠ᠃ | ︽ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠤᠯᠠᠨ ᠪᠠᠶᠢᠨᠠ︾ — | ᠭᠠᠩ ᠬᠠᠭᠰᠠᠷᠭᠠᠨ ᠵᠢᠯ ᠠᠴᠠ ᠵᠢᠯ ᠬᠡᠴᠡᠭᠦᠳᠡᠵᠤ᠂ ᠭᠠᠵᠠᠷ ᠨᠤᠲᠤᠭ ᠡᠳᠤᠷ ᠠᠴᠠ ᠡᠳᠤᠷ | ᠲᠠᠴᠢᠷᠳᠠᠵᠤ᠂ ᠲᠤᠰᠤ ᠭᠠᠷᠬᠤ ᠲᠤᠳᠤᠮ ᠤᠰᠤ ᠳᠤᠳᠠᠵᠤ ᠲᠤᠭᠠ ᠲᠤᠮᠰᠢ ᠦᠭᠡᠢ ᠤᠯᠠᠨ ᠨᠠᠭᠤᠷ ᠴᠦᠬᠦᠷᠦᠮ | ᠬᠠᠳᠠᠵᠤ ᠰᠢᠷᠭᠢᠵᠤ ᠪᠠᠶᠢᠬᠤ︔ | ᠪᠠᠶᠢᠭᠠᠯᠢ ᠠᠮᠢ ᠠᠬᠤᠢ ᠮᠠᠭᠤᠳᠠᠬᠤ ᠲᠤᠳᠤᠮ ᠪᠠᠶᠠᠷ ᠲᠦᠷᠦ ᠨᠠᠶᠢᠷ ᠨᠠᠭᠠᠳᠤᠮ ᠤᠯᠠᠰᠢᠷᠠᠵᠤ | ᠪᠠᠶᠢᠬᠤ᠂ ᠲᠠᠭᠤᠴᠢᠳ ᠨᠢ ᠪᠦᠷ ︽ᠤᠳᠤᠨ︾ ᠪᠤᠯᠵᠤ᠂ ᠪᠦᠵᠢᠭᠴᠢᠳ ᠨᠢ ᠪᠦᠷ ︽ᠰᠤᠳᠤᠨ︾ ᠪᠤᠯᠵᠤ᠂ | ᠪᠦᠭᠡᠴᠢᠳ ᠨᠢ ᠪᠦᠷ ︽ᠠᠪᠤᠷᠭᠤ︾ ᠪᠤᠯᠵᠤ᠂ ᠨᠠᠭᠠᠳᠤᠮᠴᠢᠳ ᠨᠢ ᠪᠦᠷ ︽ᠡᠷᠬᠢᠮ ᠬᠦᠨᠳᠤᠳᠤ︾ ᠪᠤᠯᠵᠤ᠂ ᠨᠠᠷᠮᠠᠢ | ᠶᠡᠭᠡ ᠮᠤᠩᠭᠤᠯ ᠤᠷᠤᠨ ᠮᠢᠨᠢ ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠬᠠᠯᠭᠢᠯᠠᠨ ᠴᠠᠯᠬᠢᠯᠠᠵᠤ ᠪᠠᠶᠢᠬᠤ︔ | ᠳᠠᠭᠤᠴᠢᠨ᠂ ᠪᠦᠬᠡᠴᠢᠨ ᠤ ᠲᠡᠷᠢᠭᠦᠨ ᠱᠠᠩ ᠬᠡᠳᠤᠨ ᠠᠷᠪᠠᠨ ᠲᠦᠮᠡ ᠬᠦᠷᠴᠤ᠂ ᠦᠵᠡᠭᠴᠢ | ᠰᠤᠨᠢᠷᠬᠠᠭᠴᠢ ᠨᠢ ᠦᠢ ᠤᠯᠠᠨ ᠢᠶᠠᠷ ᠨᠡᠮᠡᠭᠳᠡᠵᠤ᠂ ︽ᠨᠡᠷᠡ ᠠᠯᠳᠠᠷ︾ ᠨᠢ ᠨᠡᠶᠢᠳᠡ ᠳᠤ ᠲᠠᠭᠤᠷᠢᠰᠴᠤ ᠪᠠᠶᠢᠬᠤ ᠳᠤ | ᠬᠠᠷᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠳ ᠪᠠ ᠡᠬᠡ ᠬᠡᠯᠡᠨ ᠤ ᠡᠷᠳᠡᠮᠳᠡᠳ ᠤᠨ ᠡᠭᠦᠳᠦᠨ ᠪᠦᠲᠦᠭᠡᠯ ᠬᠢᠭᠡᠳ ᠦᠭᠦᠯᠡᠯ | ᠰᠢᠭᠦᠮᠵᠢ᠂ ᠲᠤᠯᠢ ᠪᠢᠴᠢᠭ᠂ ᠵᠤᠬᠢᠶᠡᠯ ᠪᠦᠳᠦᠭᠡᠯ ᠢ ᠬᠠᠷᠠᠵᠤ ᠦᠵᠡᠬᠦ ᠬᠦᠮᠦᠨ ᠬᠤᠪᠤᠷᠳᠠᠵᠤ᠂ ᠬᠠᠷᠠᠮᠵᠢ ᠬᠦᠯᠤᠰᠤ | ᠶᠢ ᠨᠢ ᠬᠡᠯᠡᠬᠦ ᠦᠭᠡᠢ᠂ ᠬᠡᠪᠯᠡᠯ ᠨᠡᠶᠢᠳᠡᠯᠡᠯ ᠳᠤ ᠪᠠᠨ ᠴᠦ ᠬᠦᠴᠢᠷᠳᠡᠵᠤ ᠪᠠᠶᠢᠬᠤ︔ | ᠰᠢᠭᠤᠷᠭᠠᠨ᠂ ᠴᠡᠩᠭᠡᠯᠲᠡᠢ᠂ ᠮᠢᠩᠭᠠᠨᠴᠤᠭᠲᠤ᠂ ᠪᠤᠷᠵᠢᠬᠢᠨ ᠭᠡᠷᠡᠯᠳᠤ ᠁ ᠨᠠᠷ ᠤᠨ ᠨᠡᠷᠡ ᠶᠢ | ᠨᠢ ᠬᠡᠯᠡᠬᠦ ᠳᠤ ᠮᠡᠳᠡᠬᠦ ᠨᠢ ᠴᠦᠬᠡᠨ᠂ ᠨᠢᠳᠡᠷ ᠢ ᠨᠢ ᠲᠤᠷᠠᠳᠬᠤ ᠳᠤ ᠮᠡᠳᠡᠷᠡᠬᠦ ᠨᠢ ᠴᠦᠭᠡᠨ︕ | ︽ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠤᠯᠠᠨ ᠪᠠᠶᠢᠨᠠ︾ — | ᠭᠠᠴᠠᠭᠠᠨ ᠳᠤ ᠪᠠᠨ ᠪᠦᠷ ᠰᠤᠷᠭᠠᠭᠤᠯᠢ ᠲᠠᠢ ᠪᠠᠶᠢᠭᠰᠠᠨ᠂ ᠤᠳᠤ ᠦᠭᠡᠢ ᠪᠤᠯᠤᠭᠰᠠᠨ᠂ ᠭᠡᠤᠭᠡᠳ | ᠢᠶᠠᠨ ᠪᠢᠴᠢᠭ ᠰᠤᠷᠭᠠᠶᠠ ᠭᠡᠪᠡᠯ ᠬᠤᠲᠠ ᠤᠷᠤᠬᠤ ᠦᠭᠡᠢ ᠪᠤᠯ ᠪᠤᠯᠬᠤ ᠦᠭᠡᠢ ᠪᠤᠯᠤᠭᠰᠠᠨ᠃ ᠰᠤᠷᠭᠠᠭᠤᠯᠢ ᠶᠢᠨ | ᠪᠠᠶᠢᠷᠢᠰᠢᠯ᠂ ᠶᠠᠪᠤᠵᠤ ᠰᠠᠭᠤᠬᠤ ᠨᠦᠬᠦᠴᠡᠯ ᠵᠡᠷᠭᠡ ᠤᠯᠠᠨ ᠲᠠᠯᠠ ᠳᠤ ᠬᠢᠵᠠᠭᠠᠷᠯᠠᠭᠳᠠᠵᠤ᠂ ᠡᠭᠡ ᠰᠤᠷᠭᠠᠭᠤᠯᠢ ᠠᠴᠠ | ᠪᠠᠨ ᠵᠠᠶᠢᠳᠠᠵᠤ᠂ ᠡᠭᠡ ᠬᠡᠯᠡᠨ ᠠᠴᠠ ᠪᠠᠨ ᠰᠠᠯᠵᠤ ᠪᠠᠶᠢᠭᠠ︔ | ᠭᠠᠴᠠᠭᠠ ᠲᠤᠰᠬᠤᠨ ᠳᠤ ᠴᠡᠴᠡᠷᠯᠢᠭ ᠪᠠ ᠴᠢᠭ᠋ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠵᠤ ᠪᠤᠯᠤᠨᠠ ᠭᠡᠰᠡᠨ | ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠠᠭᠤᠵᠢᠭᠤ ᠪᠠᠶᠢᠳᠠᠯᠠ ᠵᠠᠷᠢᠮ ᠤᠷᠤᠨ ᠨᠤᠲᠤᠭ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠨᠢ ᠤᠭᠳᠤᠬᠠᠨ | ᠴᠦ ᠰᠠᠨᠠᠭᠠᠨ ᠳᠤ ᠪᠠᠨ ᠠᠪᠬᠤ ᠦᠭᠡᠢ᠂ ᠵᠠᠷᠢᠮ ᠨᠢ ᠬᠠᠷᠢᠨ ᠬᠠᠮᠢᠶᠠᠷᠤᠯᠳᠠ ᠳᠤ ᠲᠦᠬᠦᠮ ᠦᠭᠡᠢ᠂ ᠪᠠᠭᠰᠢ ᠶᠢ | ᠲᠤᠬᠢᠷᠠᠭᠤᠯᠬᠤ ᠳᠤ ᠬᠦᠴᠢᠷ᠂ ᠰᠤᠷᠭᠠᠭᠤᠯᠢ ᠶᠢᠨ ᠭᠡᠷ ᠪᠠᠷᠢᠬᠤ ᠭᠠᠵᠠᠷ ᠦᠭᠡᠢ ᠁ ᠭᠡᠬᠦ ᠮᠡᠳᠤ ᠡᠯᠳᠡᠪ ᠡᠰᠡᠨ ᠤ | ᠰᠢᠯᠳᠠᠭ ᠲᠤᠷᠠᠳᠤᠭᠠᠳ ᠲᠡᠭᠡᠭᠰᠢ ᠪᠠᠨ ᠠᠷᠭᠠᠯᠠᠵᠤ ᠲᠤᠭᠤᠭᠰᠢ ᠪᠠᠨ ᠮᠡᠬᠡᠯᠡᠵᠤ ᠪᠠᠶᠢᠬᠤ︔ | ᠵᠢᠩᠬᠢᠨᠢ ᠰᠤᠶᠤᠯ ᠤᠨ ᠭᠤᠯᠤᠮᠳᠠ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠨᠢ ᠨᠢᠭᠡ ᠨᠢᠭᠡ ᠪᠠᠷ ᠤᠰᠠᠳᠤᠨ | ᠴᠦᠬᠡᠷᠡᠵᠤ ᠪᠠᠶᠢᠳᠠᠯᠠ ᠠᠪᠤᠷᠠᠨᠠ ᠭᠡᠵᠤ ᠴᠢᠷᠮᠠᠶᠢᠬᠤ ᠦᠭᠡᠢ᠂ ᠨᠡᠮᠡᠷᠢ ᠬᠠᠨᠳᠢᠪ ᠢᠶᠠᠨ ᠡᠷᠭᠦᠬᠦ ᠦᠭᠡᠢ᠂ ᠬᠠᠷᠢᠨ | ᠰᠤᠶᠤᠯ ᠤᠨ ᠦᠩᠭᠡᠨ ᠲᠠᠯᠠ ᠶᠢ ᠬᠦᠭᠡᠭᠡᠴᠡᠯᠳᠤᠵᠤ᠂ ᠮᠦᠨ ᠴᠢᠨᠠᠷ ᠢ ᠨᠢ ᠤᠮᠳᠤᠭᠠᠶᠢᠯᠠᠵᠤ ᠪᠠᠶᠢᠬᠤ︔ | ᠨᠠᠮ ᠲᠦᠷᠦ ᠠᠴᠠ ᠲᠤᠭᠳᠠᠭᠠᠭᠰᠠᠨ ᠦᠨᠳᠤᠰᠤᠳᠡᠨ ᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠦᠪᠡᠷᠰᠡᠳ | ᠢᠶᠠᠨ ᠰᠤᠷᠤᠯᠴᠠᠬᠤ ᠦᠭᠡᠢ ᠡᠵᠡᠮᠰᠢᠭᠦ ᠦᠭᠡᠢ ᠬᠡᠷᠡᠭᠵᠢᠭᠦᠯᠬᠦ ᠦᠭᠡᠢ᠂ ᠭᠠᠴᠢᠭᠳᠠᠵᠤ ᠲᠦᠪᠡᠭᠳᠡᠭᠡᠳ ᠢᠷᠡᠬᠦ ᠳᠤ ᠭᠠᠷ | ᠢᠶᠠᠨ ᠨᠤᠬᠤᠯᠤᠨ ᠦᠷᠦᠭᠡᠯ ᠳᠤ ᠭᠤᠮᠤᠳᠠᠵᠤ ᠰᠠᠭᠤᠬᠤ᠂ ᠵᠢᠴᠢ ᠭᠠᠵᠢᠭᠤ ᠪᠤᠷᠤᠭᠤ ᠬᠡᠯᠪᠡᠷᠢᠯ ᠳᠤ ᠡᠰᠡᠷᠭᠦᠴᠡᠯ ᠤᠨ | ᠵᠤᠷᠢᠭ ᠰᠠᠨᠠᠭᠠ ᠦᠭᠡᠢ᠂ ᠬᠡᠷᠡᠭ ᠦᠭᠡᠢ ᠶᠠᠭᠤᠮᠠᠨ ᠳᠤ ᠤᠷᠤᠭᠰᠢ ᠱᠤᠭᠰᠢᠵᠤ᠂ ᠬᠡᠷᠡᠭ ᠲᠠᠢ ᠶᠠᠭᠤᠮᠠᠨ ᠳᠤ | ᠤᠬᠤᠷᠢᠵᠤ ᠰᠠᠭᠤᠬᠤ︔ | ︽ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠤᠯᠠᠨ ᠪᠠᠶᠢᠨᠠ︾ — | ᠵᠢᠭᠡᠯᠡᠯᠭᠡ ᠦᠭᠡᠢ ᠪᠤᠯ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠵᠢᠭᠡᠯᠡᠵᠤ ᠤᠯᠵᠤ ᠪᠠᠶᠢᠭᠠ ᠪᠠᠨ ᠴᠢᠳᠠᠯ | ᠲᠠᠢ ᠭᠠᠵᠠᠷ ᠲᠠᠢ ᠪᠠᠷ ᠦᠵᠡᠵᠤ᠂ ᠡᠳᠤᠷᠵᠢᠨ ᠰᠦᠨᠢᠵᠢᠨ ᠮᠦᠷᠦᠢ ᠲᠠᠢ ᠨᠠᠭᠠᠳᠤᠮ ᠳᠤ ᠰᠢᠨᠤᠵᠤ᠂ ᠦᠪ ᠬᠦᠷᠦᠩᠭᠡ | ᠪᠠᠨ ᠦᠷᠡᠵᠤ ᠪᠦᠷᠢᠯᠭᠡᠭᠡᠳ᠂ ᠦᠨᠳᠤᠷ ᠬᠦᠤ ᠲᠠᠢ ᠵᠢᠭᠡᠯᠯᠡᠭᠡ ᠳᠤ ᠤᠨᠠᠵᠤ᠂ ᠡᠷᠤᠭᠡ ᠭᠡᠷ ᠢᠶᠠᠨ ᠪᠤᠰᠠᠨᠢᠭᠤᠯᠵᠤ | ᠪᠠᠶᠢᠭᠠ︔ ᠬᠡᠳᠤᠨ ᠵᠠᠭᠤᠨ ᠪᠤᠳᠠ ᠲᠠᠢ ᠬᠦᠳᠡᠭᠡ ᠶᠢᠨ ᠬᠦᠤ ᠪᠡᠷᠢ ᠤᠯᠬᠤ ᠦᠭᠡᠢ ᠭᠠᠴᠢᠭᠳᠠᠵᠤ᠂ ᠭᠡᠴᠢᠨᠡᠨ | ᠤᠯᠠᠨ ᠮᠤᠩᠭᠤᠯ ᠬᠡᠤᠬᠡᠨᠴᠤᠳ ᠬᠤᠭᠤᠰᠤᠨ ᠠᠰᠠᠷ ᠬᠤᠩᠬᠢᠯᠳᠠᠭ ᠲᠡᠷᠭᠡᠨ ᠳᠤ ᠨᠢ ᠬᠠᠭᠤᠷᠲᠠᠵᠤ ᠬᠤᠳᠠ ᠤᠷᠤᠭᠤ | ᠬᠡᠶᠢᠰᠭᠡᠨ ᠤᠳᠴᠤ ᠪᠠᠶᠢᠬᠤ᠃ ᠁ ᠁ | ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ ᠤᠯᠠᠨ ᠪᠠᠶᠢᠨᠠ ᠡ︕ | ᠤᠳᠤ ᠲᠡᠭᠡᠭᠡᠳ ᠨᠠᠳᠠᠳᠤ ᠬᠢᠬᠦ ᠶᠠᠭᠤᠮᠠ ᠪᠠᠶᠢᠨᠠᠤ ᠦᠭᠡᠢ ᠤᠤ︖ | ᠪᠢ ᠴᠤᠬᠤᠮ ᠦᠨᠤ ᠶᠠᠭᠤ ᠶᠠᠭᠤ ᠬᠢᠵᠤ ᠪᠠᠶᠢᠭᠠ ᠶᠤᠮ ᠪᠤᠢ᠂ ᠬᠢᠪᠡᠯ ᠵᠤᠬᠢᠬᠤ ᠶᠠᠭᠤᠮᠠ ᠪᠠᠨ | ᠬᠢᠵᠤ ᠪᠠᠶᠢᠭᠠ ᠶᠤᠮ ᠤᠤ︖ ᠡᠰᠡᠭᠦᠯᠡ ᠬᠡᠷᠡᠭ ᠦᠭᠡᠢ ᠶᠠᠭᠤᠮᠠ᠂ ᠪᠦᠲᠦᠯ ᠢᠶᠠᠷ ᠪᠠᠷᠤᠭᠳᠠᠢ ᠶᠠᠭᠤᠮᠠ ᠬᠢᠵᠤ | ᠪᠠᠶᠢᠭᠠ ᠶᠤᠮ ᠤᠤ︖ | ᠡᠬᠡ ᠤᠷᠤᠨ ᠨᠤᠲᠤᠭ ᠤᠰᠤ᠂ ᠦᠨᠳᠤᠰᠤᠳᠡᠨ ᠶᠠᠰᠤᠳᠠᠨ ᠤ ᠪᠠᠨ ᠤᠳᠤ ᠪᠠ ᠢᠷᠡᠭᠡᠳᠤᠢ ᠳᠤ | ᠲᠤᠰᠠ ᠲᠠᠢ ᠶᠠᠭᠤ ᠶᠠᠭᠤ ᠬᠢᠵᠤ ᠪᠠᠶᠢᠭᠠ ᠪᠤᠯ︖ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠦᠪᠡᠷ ᠤᠨ ᠪᠡᠶᠡ ᠬᠡᠤᠬᠡᠳ ᠦᠷᠡ | ᠠᠴᠢ ᠨᠠᠷ ᠤᠨ ᠢᠶᠠᠨ ᠬᠤᠵᠢᠮ ᠢᠷᠡᠭᠡᠳᠦᠢ ᠳᠤ ᠲᠤᠰᠠ ᠪᠤᠯᠤᠮᠠᠷ ᠶᠠᠮᠠᠷ ᠶᠠᠭᠤᠮᠠ ᠬᠢᠪᠡ︖ | ᠨᠠᠳᠠᠳᠤ ᠵᠦᠪᠬᠡᠨ ᠶᠠᠷᠢᠬᠤ ᠶᠠᠭᠤᠮᠠ ᠪᠠᠶᠢᠭᠠᠳ ᠯᠠ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠨᠠᠳᠠᠳᠤ ᠬᠢᠬᠦ | ᠶᠠᠭᠤᠮᠠ ᠨᠡᠩ ᠴᠢᠬᠤᠯᠠ ᠱᠠᠭᠠᠷᠳᠠᠭᠳᠠᠵᠤ ᠪᠠᠶᠢᠨᠠ ᠭᠡᠳᠡᠭ ᠢ ᠰᠡᠷᠡᠵᠤ ᠮᠡᠳᠡᠬᠦ ᠬᠡᠷᠡᠭᠳᠡᠢ ᠪᠤᠯᠵᠤ ᠪᠠᠶᠢᠨᠠ᠃ | ᠦᠪᠤᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠤᠳᠤᠨ ᠲᠧᠯᠸᠢᠰ ᠤᠨ ᠬᠢᠨ ᠤ ︽ᠨᠠᠳᠠᠳᠤ ᠶᠠᠷᠢᠬᠤ ᠶᠠᠭᠤᠮᠠ | ᠪᠠᠶᠢᠨᠠ︾ ᠲᠡᠯᠭᠡᠴᠡ ᠤᠯᠠᠮ ᠬᠦᠭᠵᠢᠭᠡᠨ ᠲᠠᠢ ᠪᠤᠯᠬᠤ ᠶᠢᠨ ᠲᠠᠭᠠᠤ ᠬᠤᠵᠢᠮ ︽ᠨᠠᠳᠠᠳᠤ ᠬᠢᠬᠦ ᠶᠠᠭᠤᠮᠠ ᠪᠠᠶᠢᠨᠠ︾ | ᠲᠠᠢ ᠪᠤᠯᠵᠤ ᠴᠦ ᠮᠡᠳᠡᠬᠦ ᠶᠤᠮ᠃ | |