| | ᠪᠡᠯᠡᠭ ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠ ᠶᠢ ᠳᠤᠷᠠᠳᠬᠤ ᠲᠠᠢ ᠵᠡᠷᠭᠡ ᠠᠶᠢᠯ ᠡᠷᠦᠬᠡ ᠪᠤᠯᠭᠠᠨ ᠳᠤ | ᠶᠠᠷᠢᠭᠠᠳ ᠪᠠᠷᠠᠬᠤ ᠦᠭᠡᠢ ᠦᠯᠢᠭᠡᠷ ᠪᠠᠶᠢᠲᠠᠭ᠃ ᠬᠥᠮᠥᠨ ᠪᠣᠯᠭᠠᠨ ᠪᠡᠯᠡᠭ ᠲᠠᠯᠠ ᠶᠢᠨ ᠶᠠᠪᠣᠯᠴᠠᠭᠠ ᠶᠢᠨ ᠮᠠᠭᠤ ᠶᠢ | ᠮᠡᠳᠡᠵᠦ᠂ ᠬᠡᠯᠡᠵᠦ᠂ ᠡᠰᠡᠷᠭᠦᠴᠡᠵᠦ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠬᠡᠨ ᠴᠦ ᠬᠡᠰᠡᠨ ᠡᠨᠡᠬᠦ ᠵᠢᠭᠲᠡᠢ ︽ᠠᠭᠠᠯᠵᠢᠨ ᠲᠣᠣᠷ︾ | ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠬᠢᠨᠢᠳᠤᠵᠤ ᠰᠠᠭᠤᠳᠠᠭ᠃ | ᠵᠠᠷᠢᠮ ᠡᠷᠦᠬᠡ ᠶᠢᠨ ᠵᠢᠯ ᠤᠨ ᠪᠡᠯᠡᠭ ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠ ᠶᠢᠨ ᠵᠠᠷᠤᠳᠠᠯ ᠨᠢ ᠣᠷᠣᠯᠭᠠ ᠶᠢᠨ | ᠬᠢᠨᠢ ᠬᠠᠭᠠᠰ ᠢᠯᠡᠭᠦᠦ ᠶᠢ ᠡᠵᠡᠯᠡᠵᠦ᠂ ᠠᠮᠢᠳᠤᠷᠠᠯ ᠤᠨ ᠭᠤᠣᠯ ᠵᠠᠷᠤᠳᠠᠯ ᠤᠨ ᠬᠢᠨᠢ ᠶᠡᠬᠡᠩᠬᠢ ᠨᠢ ᠪᠣᠯᠵᠤ ᠪᠠᠶᠢᠳᠠᠭ᠃ | ᠲᠡᠷᠡᠴᠢᠯᠡᠨ ᠵᠠᠷᠢᠮ ᠡᠷᠦᠬᠡ ᠵᠢᠭᠡᠯᠡᠯᠭᠡ ᠪᠠᠷ ᠴᠤ ᠬᠡᠰᠡᠨ ᠤᠷᠢᠯᠭᠠ ᠵᠠᠯᠠᠯᠭᠠ ᠶᠢᠨ ᠵᠠᠷᠤᠳᠠᠯ ᠢᠶᠠᠨ ᠵᠠᠪᠠᠯ ᠭᠠᠷᠭᠠᠬᠤ ᠪᠠᠷ | ᠴᠢᠷᠮᠠᠶᠢᠲᠠᠭ᠃ ᠢᠩᠭᠢᠭᠡᠳ ᠠᠳᠠᠯ ᠠᠮᠢᠳᠤᠷᠠᠯ ᠤᠨ ᠦᠨᠳᠥᠰᠦᠨ ᠪᠠᠲᠤᠯᠠᠭᠠ ᠪᠠᠨ ᠴᠤ ᠪᠠᠳᠣᠯᠠᠵᠣ ᠳᠡᠶᠢᠯᠬᠦ ᠦᠭᠡᠢ | ᠪᠣᠯᠵᠤ᠂ ᠠᠮᠢᠳᠤᠷᠠᠯ ᠤᠨ ᠶᠠᠰᠤ ᠴᠢᠨᠠᠷ ᠨᠢ ᠶᠡᠬᠡᠪᠡᠷ ᠳᠣᠷᠣᠭᠰᠢᠯᠠᠵᠦ ᠪᠠᠶᠢᠭᠠ ᠵᠢᠱᠢᠶᠡ ᠮᠤᠩᠭᠦᠢ᠃ ᠦᠨᠡᠬᠡᠷ ᠴᠦ ︽ | ᠳᠡᠭᠡᠭᠦᠷ ᠨᠢᠭᠤᠷ ᠲᠡᠮᠡᠴᠡᠵᠦ᠂ ᠳᠣᠣᠭᠤᠷ ᠠᠮᠢ ᠲᠡᠮᠡᠴᠡᠬᠦ︾ ᠭᠡᠭᠴᠢ ᠡᠨᠡ ᠪᠣᠶᠣ᠃ ᠤᠳᠤᠬᠠᠨ ᠤ ᠨᠡᠶᠢᠭᠡᠮ ᠳᠤ | ᠬᠥᠮᠥᠨ ᠬᠥᠮᠥᠨ ᠤ ᠬᠤᠭᠤᠷᠣᠨᠳᠣᠬᠢ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠶᠢ ᠬᠡᠲᠦ ᠬᠦᠨᠳᠥᠳᠬᠡᠵᠦ᠂ ︽ᠠᠬᠠ ᠳᠡᠭᠦᠦ ᠶᠢᠨ | ᠨᠠᠶᠢᠷ ᠲᠠᠯᠠ ᠶᠢᠨ ᠲᠥᠯᠥᠭᠡ ᠬᠤᠶᠠᠷ ᠰᠦᠪᠡᠭᠡᠨ ᠳᠡᠭᠡᠨ ᠢᠯᠲᠦ ᠠᠭᠰᠠᠵᠤ ᠣᠷᠣᠬᠤ︾ ᠬᠥᠮᠥᠨ ᠣᠯᠠᠩᠬᠢ ᠶᠢ | ᠡᠵᠡᠯᠡᠵᠦ ᠪᠣᠢ᠃ ᠲᠡᠭᠡᠬᠦ ᠳᠤ ᠡᠨᠡᠬᠦ ᠨᠡᠶᠢᠭᠡᠮ ᠤᠨ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠶᠢᠨ ᠮᠤᠨᠳᠠᠭ ᠶᠡᠭᠡ ᠥᠪᠡᠷ ᠤᠨ | ᠥᠷᠲᠡᠭ ᠢ ᠨᠠᠷᠢᠨ ᠪᠣᠳᠣᠵᠤ ᠲᠤᠩᠭᠠᠳᠠᠭ ᠨᠢ ᠴᠥᠭᠡᠨ᠂ ᠲᠡᠷᠡᠴᠢᠯᠡᠨ ︽ᠬᠥᠨᠵᠢᠯᠡ ᠶᠢᠨ ᠢᠶᠠᠨ ᠬᠢᠷᠢ ᠪᠠᠷ ᠬᠥᠯ | ᠢᠶᠠᠨ ᠵᠢᠭᠢᠬᠦ︾ ᠶᠢ ᠤᠮᠠᠷᠲᠠᠵᠤ᠂ ᠥᠪᠡᠷᠰᠡᠳ ᠤᠨ ᠢᠶᠠᠨ ᠠᠳᠠᠯ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠦᠨᠳᠥᠰᠦ ᠰᠠᠭᠤᠷᠢ ᠪᠠᠨ | ᠴᠦ ᠭᠤᠶᠢᠪᠢᠯᠵᠠᠭᠤᠯᠵᠤ ᠪᠠᠶᠢᠳᠠᠭ ᠨᠢ ᠴᠥᠭᠡᠨ ᠪᠤᠰᠤ ᠪᠠᠶᠢᠲᠠᠭ᠃ ᠦᠨᠡᠨ ᠳᠡᠭᠡᠨ ᠨᠡᠶᠢᠭᠡᠮ ᠤᠨ ᠨᠠᠶᠢᠷ ᠲᠠᠯᠠ ᠶᠢᠨ | ᠶᠠᠪᠤᠯᠴᠠᠭᠠ ᠶᠢᠨ ᠤᠯᠠᠩᠬᠢ ᠨᠢ ᠥᠩᠭᠡᠪᠴᠢ ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠ ᠪᠣᠯᠣᠨᠠ᠂ ᠦᠨᠡᠨᠬᠦ ᠥᠨᠳᠥᠷ ᠦᠷᠡ | ᠪᠦᠲᠦᠮᠵᠢ ᠲᠠᠢ ᠨᠢ ᠮᠠᠰᠢ ᠴᠥᠭᠡᠨ ᠢ ᠪᠢᠳᠡ ᠪᠣᠳᠠᠲᠤ ᠠᠮᠢᠳᠤᠷᠠᠯ ᠠᠴᠠ ᠪᠠᠨ ᠲᠣᠳᠣᠷᠬᠠᠢ ᠳ᠋ᠦᠩᠨᠡᠵᠦ ᠳᠡᠶᠢᠯᠦᠨᠡ᠃ | ᠲᠡᠶᠢᠮᠦ ᠪᠠᠶᠢᠲᠠᠯᠠ ᠨᠡᠶᠢᠭᠡᠮ ᠤᠨ ᠶᠠᠪᠤᠯᠴᠠᠭᠠ ᠳᠤ ᠮᠤᠨᠳᠠᠭ ᠶᠡᠭᠡ ᠦᠷᠡᠭᠳᠡᠯ ᠰᠦᠢᠳᠥᠯ ᠭᠠᠷᠭᠠᠵᠤ᠂ ᠥᠪᠡᠷ ᠤᠨ | ᠪᠡᠶᠡ ᠪᠠ ᠭᠡᠷ ᠡᠷᠦᠬᠡ ᠶᠢᠨ ᠢᠶᠠᠨ ᠵᠣᠯ ᠵᠢᠷᠭᠠᠯ ᠢ ᠴᠦ ᠦᠷᠡᠭᠳᠡᠭᠦᠯᠬᠦ ᠨᠢ ᠨᠡᠭᠡᠷᠡᠨ ᠲᠤᠰᠠ ᠦᠭᠡᠢ ᠮᠥᠷᠲᠡᠭᠡᠨ | ᠤᠬᠠᠭᠠ ᠦᠭᠡᠢ ᠬᠢᠳᠡᠯ ᠪᠣᠰᠣ ᠤᠤ⁈ | ᠪᠤᠰᠤᠳ ᠢ ᠤᠷᠢᠵᠤ ᠵᠠᠯᠠᠬᠤ ᠳᠤ ᠤᠯᠠᠭᠠᠨ ᠨᠢᠭᠤᠷ ᠬᠡᠷᠡᠭᠲᠡᠢ᠂ ᠤᠷᠢᠯᠭᠠ ᠵᠠᠯᠠᠯᠭᠠ ᠶᠢ | ᠣᠶᠢᠰᠢᠶᠠᠬᠤ ᠦᠭᠡᠢ ᠥᠩᠭᠡᠷᠡᠭᠡᠬᠦ ᠳᠤ ᠨᠡᠩ ᠶᠡᠭᠡ ᠵᠣᠷᠢᠭ ᠰᠥᠰᠥ ᠱᠠᠭᠠᠷᠳᠠᠭᠳᠠᠨᠠ᠃ ᠡᠨᠡ ᠪᠣᠯ ᠵᠥᠷᠢᠴᠡᠯ ᠤᠨ | ᠬᠤᠶᠠᠷ ᠲᠠᠯᠠ ᠪᠤᠯᠬᠤ ᠪᠥᠭᠡᠳ ᠡᠨᠡᠬᠦ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠶᠢᠨ ᠵᠠᠩᠭᠢᠯᠠᠭᠠ ᠨᠢ ᠪᠤᠰᠤᠳ ᠢ ᠵᠠᠯᠠᠬᠤ | ᠳᠡᠭᠡᠷᠡ ᠪᠠᠶᠢᠭᠠ ᠭᠡᠭᠴᠢ ᠨᠢ ᠲᠣᠳᠣᠷᠬᠠᠢ᠃ ᠨᠡᠶᠢᠭᠡᠮ ᠤᠨ ᠶᠡᠭᠡ ᠲᠠᠯᠠ ᠠᠴᠠ ᠠᠪᠴᠤ ᠦᠵᠡᠬᠦ ᠳᠤ᠂ ᠪᠡᠯᠡᠭ | ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠ ᠭᠡᠭᠴᠢ ᠨᠢ ᠶᠠᠭ ᠯᠠ ᠴᠠᠰᠤᠨ ᠪᠥᠮᠪᠦᠭᠡ ᠥᠩᠭᠦᠷᠢᠭᠦᠯᠵᠦ ᠪᠠᠶᠢᠭᠠ ᠰᠢᠬ᠂ ᠴᠢ ᠬᠡᠳᠥᠢ | ᠣᠯᠠᠨ ᠬᠥᠮᠥᠨ ᠢ ᠵᠠᠯᠠᠬᠰᠠᠨ ᠪᠠᠶᠢᠪᠠᠯ ᠳᠠᠷᠠᠭᠠᠴᠢ ᠪᠠᠷ ᠯᠠᠪᠲᠠᠢ ᠡᠭᠦᠨ ᠠᠴᠠ ᠢᠯᠡᠭᠦᠦ ᠪᠡᠯᠡᠭ ᠰᠡᠯᠲᠡ ᠶᠢᠨ ᠵᠠᠷᠤᠳᠠᠯ | ᠭᠠᠷᠭᠠᠬᠤ ᠴᠢᠬᠤᠯᠠ ᠲᠠᠢ᠂ ᠴᠢᠨᠠᠭᠰᠢᠯᠠᠭᠠᠳ ᠬᠡᠳᠥᠨ ᠳᠠᠬᠢᠨ ᠢᠯᠡᠭᠦᠦ ᠬᠥᠮᠥᠨ ᠤ ᠬᠠᠷᠢᠯᠴᠠᠭᠠ ᠶᠢᠨ ᠥᠷᠢ | ᠥᠭᠴᠡᠭᠡ ᠲᠠᠢ ᠪᠣᠯᠴᠢᠬᠠᠳᠠᠭ᠃ ᠪᠤᠴᠠᠭᠠᠭᠠᠳ ᠨᠡᠩ ᠶᠡᠭᠡ ᠬᠡᠪᠴᠢᠶᠡᠨ ᠤ ᠨᠠᠶᠢᠷ ᠬᠤᠷᠢᠮ ᠬᠢᠵᠦ᠂ ᠡᠳᠡᠭᠡᠷ ᠲᠠᠯᠪᠢᠵᠤ | ᠭᠠᠷᠭᠠᠭᠰᠠᠨ ᠪᠡᠯᠡᠭ ᠤᠨ ᠮᠥᠩᠭᠦ ᠪᠠᠨ ᠪᠤᠴᠠᠭᠠᠵᠤ ᠠᠪᠬᠤ ᠪᠠᠷ ᠨᠢᠭᠤᠷ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠦᠭᠡᠢ ᠪᠠᠷ ᠵᠠᠯᠠᠯᠭᠠ | ᠲᠠᠷᠬᠠᠭᠠᠬᠤ ᠴᠢᠬᠤᠯᠠ ᠲᠠᠢ ᠪᠣᠯᠳᠠᠭ᠃ ᠦᠨᠡᠨ ᠳᠡᠭᠡᠨ ᠴᠢ ᠬᠡᠷᠪᠡ ᠨᠣᠶᠠᠨ ᠵᠡᠷᠭᠡᠲᠡᠨ ᠪᠢᠰᠢ ᠯᠠ ᠶᠤᠮ ᠪᠣᠯ ᠪᠡᠯᠡᠭ | ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠ ᠳᠤ ᠬᠤᠨᠵᠢᠬᠤ ᠭᠡᠰᠡᠨ ᠶᠠᠪᠤᠳᠠᠯ ᠪᠠᠶᠢᠬᠤ ᠦᠭᠡᠢ᠂ ᠬᠤᠷᠢᠶᠠᠭᠰᠠᠨ ᠪᠡᠯᠡᠭ ᠤᠨ ᠵᠣᠭᠤᠰ | ᠴᠢᠨᠢ ᠬᠡᠳᠦ ᠡᠷᠭᠢᠯᠳᠥᠬᠦ ᠳᠤ ᠯᠠ ᠪᠦᠷ ᠬᠤᠭᠤᠯᠠ ᠠᠷᠢᠬᠢ ᠲᠠᠮᠠᠬᠢ ᠪᠠ ᠵᠠᠮ ᠤᠨ ᠵᠠᠷᠤᠳᠠᠯ ᠪᠣᠯᠣᠭᠠᠳ ᠯᠠ ᠠᠯᠠᠭᠠ | ᠪᠣᠯᠳᠠᠭ ᠭᠡᠭᠴᠢ ᠶᠢ ᠨᠠᠷᠢᠨ ᠪᠣᠳᠣᠵᠤ ᠦᠵᠡᠬᠦ ᠦᠭᠡᠢ ᠪᠣᠯ ᠮᠡᠳᠡᠳᠡᠭ ᠬᠥᠮᠥᠨ ᠴᠥᠭᠡᠨ᠃ ᠣᠨᠴᠠᠭᠠᠶᠢᠯᠠᠨ ᠵᠠᠷᠢᠮ | ᠡᠷᠬᠡ ᠵᠡᠷᠭᠡᠲᠡᠨ ᠪᠠ ︽ᠵᠠᠯᠠᠯᠭᠠ ᠶᠢᠨ ᠠᠳᠠ ᠣᠷᠣᠰᠢᠭᠰᠠᠳ︾ ᠲᠣᠮᠣ ᠬᠡᠯᠪᠡᠷᠢ ᠶᠢᠨ ᠨᠠᠶᠢᠷ ᠬᠤᠷᠢᠮ ᠬᠢᠵᠦ᠂ | ᠶᠡᠬᠡᠪᠡᠷ ᠪᠡᠯᠡᠭ ᠤᠨ ᠵᠣᠭᠤᠰ ᠬᠠᠮᠤᠵᠤ᠂ ᠡᠨᠡᠬᠦ ᠨᠡᠶᠢᠭᠡᠮ ᠤᠨ ᠡᠷᠡᠮᠳᠡᠭ ᠵᠡᠷᠡᠮᠳᠡᠭ ᠠᠵᠢᠯᠯᠠᠭᠠ ᠶᠢ ᠨᠡᠩ ᠴᠦ | ᠳᠡᠪᠡᠷᠡᠭᠦᠯᠵᠦ ᠪᠠᠶᠢᠳᠠᠭ ᠨᠢ ᠵᠢᠭᠰᠢᠯᠳᠡᠢ᠃ ᠡᠭᠡᠯ ᠵᠢᠷ ᠤᠨ ᠣᠯᠠᠨ ᠲᠦᠮᠡᠨ ᠯᠡ ᠬᠥᠭᠡᠷᠦᠬᠦᠢ᠂ ᠣᠯᠣᠭᠰᠠᠨ ᠬᠡᠳᠥᠨ | ᠮᠥᠩᠭᠦ ᠪᠠᠨ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠰᠢᠭᠤᠷᠴᠤ ᠢᠷᠡᠬᠦ ᠤᠷᠢᠯᠭᠠ ᠶᠢᠨ ᠤᠯᠠᠭᠠᠨ ᠬᠠᠭᠤᠳᠠᠰᠤᠨ ᠳᠤ ᠦᠷᠡᠵᠦ᠂ | ᠭᠡᠷ ᠲᠡᠭᠡᠨ ᠬᠠᠷᠢᠨ ᠰᠢᠩᠭᠡᠨ ᠪᠤᠳᠠᠭᠠ ᠣᠭᠤᠴᠢᠯᠠᠵᠤ ᠪᠣᠷᠣ ᠬᠤᠨᠤᠭ ᠢ ᠲᠤᠭᠤᠯᠵᠤ ᠪᠠᠶᠢᠳᠠᠭ ᠢ ᠬᠡᠨ ᠣᠯᠵᠤ | ᠦᠵᠡᠬᠦ ᠪᠤᠢ⁈ ᠬᠠᠷᠢᠨ ᠨᠢᠭᠡ ᠵᠣᠯ ᠲᠠᠢ ᠤᠴᠢᠷ ᠪᠣᠯ᠂ ᠰᠢᠨᠡ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠭᠠᠷᠴᠤ᠂ ᠨᠠᠮ | ᠵᠠᠰᠠᠭ ᠤᠨ ᠤᠳᠤᠷᠢᠳᠬᠤ ᠺᠠᠳ᠋ᠷ ᠲᠣᠮᠣ ᠬᠡᠯᠪᠡᠷᠢ ᠶᠢᠨ ᠨᠠᠶᠢᠷ ᠬᠤᠷᠢᠮ ᠬᠢᠬᠦ ᠶᠢ ᠴᠠᠭᠠᠵᠠᠯᠠᠬᠤ ᠪᠣᠯᠣᠭᠰᠠᠨ ᠨᠢ | ᠪᠦᠷᠬᠦᠭ ᠲᠡᠭᠷᠢ ᠭᠡᠶᠢᠭᠰᠡᠨ ᠮᠡᠲᠦ ᠪᠣᠯᠵᠤ ᠪᠠᠶᠢᠨᠠ᠃ ᠡᠨᠡ ᠪᠣᠯ ᠪᠡᠯᠡᠭ ᠲᠠᠯᠠ ᠶᠢᠨ ᠬᠠᠷᠠ ᠰᠢᠭᠤᠷᠭᠠ ᠶᠢ ᠵᠠᠰᠠᠵᠤ | ᠨᠠᠮᠬᠠᠷᠠᠭᠤᠯᠬᠤ ᠰᠠᠶᠢᠨ ᠠᠷᠭᠠ ᠪᠣᠯᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠃ ᠤᠳᠤᠷᠢᠳᠬᠤ ᠺᠠᠳ᠋ᠷᠴᠣᠳ ᠲᠣᠯᠣᠭᠠᠶᠢᠯᠠᠭᠠᠳ ᠨᠠᠶᠢᠷ | ᠬᠤᠷᠢᠮ ᠤᠨ ᠬᠡᠪᠴᠢᠶᠡ ᠪᠠᠨ ᠪᠠᠭᠠᠰᠬᠠᠳᠠᠭ ᠯᠠ ᠶᠤᠮ ᠪᠣᠯ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ ᠨᠠᠶᠢᠷ ᠲᠠᠯᠠ ᠶᠢᠨ ᠶᠠᠪᠤᠯᠴᠠᠭᠠᠨ | ᠤᠯᠠᠮ ᠢᠶᠠᠷ ᠨᠠᠮᠬᠠᠷᠠᠨ᠂ ᠡᠨᠡᠬᠦ ᠭᠠᠵᠢᠭᠤ ᠡᠷᠡᠮᠳᠡᠭ ᠰᠠᠯᠬᠢ ᠶᠢᠨ ᠡᠷᠴᠢ ᠨᠢ ᠬᠠᠷᠢᠵᠤ ᠬᠦᠴᠦ ᠨᠢ ᠪᠠᠭᠤᠷᠠᠬᠤ ᠨᠢ | ᠵᠠᠶᠢᠯᠠᠰᠢ ᠦᠭᠡᠢ᠃ ᠬᠠᠷᠢᠨ ᠲᠡᠳᠡᠭᠡᠷ ︽ᠵᠠᠯᠠᠯᠭᠠ ᠶᠢᠨ ᠠᠳᠠ ᠣᠷᠣᠰᠢᠭᠰᠠᠳ︾ ᠤᠨ ᠵᠠᠯᠠᠯᠭᠠ ᠶᠢ ᠬᠥᠮᠥᠰ | ᠨᠡᠶᠢᠭᠡᠮ ᠤᠨ ᠬᠠᠨᠳᠤᠰᠢ ᠳᠤ ᠵᠣᠬᠢᠴᠠᠭᠤᠯᠤᠨ ᠵᠣᠷᠢᠭ ᠰᠢᠭᠤᠳᠴᠤ ᠪᠠᠶᠢᠭᠠᠳ ᠣᠶᠢᠰᠢᠶᠠᠬᠤ ᠦᠭᠡᠢ ᠥᠩᠭᠡᠷᠡᠭᠡᠵᠦ | ᠪᠠᠶᠢᠪᠠᠯ ᠲᠡᠳᠡᠨ ᠤ ᠡᠨᠡᠬᠦ ᠡᠪᠡᠳᠴᠢᠨ ᠨᠢ ᠴᠦ ᠠᠭᠠᠵᠢᠮ ᠳᠠᠭᠠᠨ ᠵᠠᠰᠠᠷᠠᠵᠤ ᠡᠳᠡᠭᠡᠷᠡᠬᠦ ᠨᠢ ᠯᠠᠪᠲᠠᠢ᠃ | ᠨᠠᠶᠢᠷ ᠬᠤᠷᠢᠮ ᠢ ᠴᠥᠭᠡᠳᠬᠡᠬᠦ ᠪᠠ ᠬᠡᠪᠴᠢᠶᠡ ᠶᠢ ᠨᠢ ᠪᠠᠭᠠᠰᠬᠠᠵᠤ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ | ᠰᠠᠶᠢᠨ ᠰᠠᠶᠢᠬᠠᠨ ᠬᠡᠪ ᠰᠣᠷᠳᠠᠯ ᠢ ᠰᠤᠷᠲᠠᠯᠴᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠭᠠᠵᠢᠭᠤ ᠮᠠᠭᠤᠬᠠᠢ ᠰᠠᠯᠬᠢ ᠶᠢ | ᠤᠬᠠᠮᠰᠠᠷ ᠠᠴᠠ ᠪᠠᠨ ᠬᠤᠷᠢᠭᠯᠠᠨ ᠵᠣᠭᠰᠣᠭᠠᠬᠤ ᠪᠣᠯ ᠡᠨᠡᠬᠦ ᠨᠡᠶᠢᠭᠡᠮ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠬᠥᠮᠥᠨ ᠪᠣᠯᠭᠠᠨ ᠤ | ᠡᠷᠬᠡᠪᠰᠢ ᠭᠦᠢᠴᠡᠳᠬᠡᠬᠦ ᠬᠠᠷᠢᠭᠤᠴᠠᠯᠭᠠ ᠪᠣᠯᠣᠨᠠ᠃ ᠬᠠᠷᠢᠨ ᠥᠪᠡᠷ ᠤᠨ ᠥᠴᠥᠬᠡᠨ ᠠᠰᠢᠭ ᠲᠤᠰᠠ ᠪᠠ ᠤᠯᠠᠭᠠᠨ | ᠨᠢᠭᠤᠷ ᠢᠶᠠᠨ ᠪᠣᠳᠣᠭᠠᠳ᠂ ᠭᠠᠵᠢᠭᠤ ᠮᠠᠭᠤᠬᠠᠢ ᠵᠦᠢᠯᠡᠰ ᠢ ᠦᠵᠡᠵᠦ ᠪᠠᠶᠢᠭᠠᠳ ᠦᠵᠡᠭᠰᠡᠨ ᠦᠭᠡᠢ ᠰᠢᠭ | ᠥᠩᠭᠡᠷᠡᠭᠡᠬᠦ ᠳᠤ ᠬᠦᠷᠪᠡᠯ ᠡᠴᠦᠰ ᠲᠤ ᠬᠤᠣᠷ ᠠᠮᠰᠠᠵᠤ ᠮᠣᠳᠣ ᠪᠠᠨ ᠴᠢᠷᠬᠦ ᠨᠢ ᠥᠪᠡᠷ ᠤᠨ ᠴᠢᠨᠢ ᠪᠡᠶᠡ ᠪᠣᠯᠬᠤ ᠶᠢ | ᠮᠡᠳᠡᠵᠦ ᠤᠬᠠᠬᠤ ᠤᠴᠢᠷᠲᠠᠢ ᠪᠢᠯᠡ᠃ | |