| | ᠮᠤᠩᠭᠤᠯᠴᠤᠳ ᠤᠨ ᠡᠪᠡᠳᠴᠢᠨ ᠡᠮᠬᠡᠭ ᠢ ᠰᠠᠷᠬᠡᠶᠢᠯᠡᠬᠦ ᠠᠷᠭᠠ ᠲᠤᠮ ᠮᠠᠰᠢ ᠤᠯᠠᠨ ᠪᠠᠶᠢᠳᠠᠭ᠃ | ︽ᠵᠤᠷ ᠪᠠᠷᠢᠭᠰᠠᠨ ᠡᠮᠴᠢ ᠠᠴᠠ ᠵᠤᠪᠠᠯᠠᠩ ᠦᠵᠡᠭᠰᠡᠨ ᠴᠢᠪᠠᠭᠠᠨᠴᠠ ᠲᠡᠭᠡᠷᠡ︾ ᠭᠡᠳᠡᠭᠴᠢᠯᠡᠨ ᠡᠷᠳᠡ ᠢᠵᠠᠭᠤᠷ | ᠠᠴᠠ ᠮᠤᠩᠭᠤᠯᠴᠤᠳ ᠦᠪᠡᠷ ᠤᠨ ᠪᠡᠶᠡ ᠪᠠᠨ ᠦᠪᠡᠷᠰᠡᠳ ᠢᠶᠠᠨ ᠡᠮᠴᠢᠯᠡᠨ᠂ ᠴᠡᠪᠡᠷ ᠠᠭᠠᠷ ᠢᠶᠠᠷ ᠰᠡᠳᠬᠢᠯ ᠢᠶᠠᠨ | ᠠᠷᠢᠭᠤᠰᠬᠠᠵᠦ᠂ ᠠᠵᠢᠯ ᠬᠦᠳᠡᠯᠮᠦᠷᠢ ᠪᠠᠷ ᠪᠡᠶᠡ ᠪᠠᠨ ᠴᠢᠬᠢᠷᠠᠭᠵᠢᠭᠤᠯᠵᠦ᠂ ᠤᠯᠠᠮᠵᠢᠯᠠᠯᠳᠦ ᠵᠠᠩ ᠲᠠᠳᠬᠠᠯ ᠢᠶᠠᠷ | ᠢᠶᠠᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠶᠠᠪᠤᠵᠦ ᠢᠷᠡᠭᠰᠡᠨ ᠶᠤᠮ᠃ ᠡᠭᠦᠨ ᠳᠤ ᠴᠠᠭᠠᠨ ᠢᠳᠡᠭᠡᠨ ᠤ ᠨᠢᠬᠡ ᠪᠤᠯᠬᠤ ᠰᠢᠷᠠ ᠲᠤᠰᠤ | ᠪᠤᠯ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠴᠢᠨᠠᠷᠳᠠᠢ᠂ ᠬᠡᠢ ᠶᠢ ᠲᠠᠷᠤᠵᠦ ᠲᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠲᠦᠷᠢ ᠲᠦᠷᠬᠦ ᠶᠢ ᠭᠤᠶᠤ | ᠦᠵᠡᠰᠭᠦᠯᠡᠩ ᠪᠤᠯᠭᠠᠳᠠᠭ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠤᠯᠠᠨ ᠭᠡᠷᠡᠭᠴᠡᠭᠡ ᠲᠠᠢ᠂ ᠡᠮᠳᠦ ᠴᠢᠨᠠᠷᠳᠠᠢ | ᠡᠷᠬᠢᠮ ᠴᠢᠬᠤᠯᠠ ᠢᠳᠡᠭᠡᠨ ᠪᠤᠯᠤᠨᠠ᠃ ᠭᠤᠤᠯᠳᠠᠭᠤ ᠭᠠᠳᠠᠷ ᠢᠯᠢᠵᠦ ᠨᠤᠬᠤᠯᠠᠬᠤ ᠳᠤ ᠭᠡᠷᠡᠭᠯᠡᠵᠦ᠂ | ᠤᠰᠤᠭᠤᠳᠤᠭᠰᠠᠨ ᠭᠠᠷ ᠬᠠᠭᠠᠷᠠᠬᠤ ᠳᠤ ᠲᠦᠷᠬᠢᠪᠡᠯ ᠰᠠᠶᠢᠨ ᠪᠦᠭᠡᠳ ᠭᠠᠳᠠᠷ ᠪᠡᠶᠡ ᠳᠤ ᠲᠦᠷᠬᠢᠪᠡᠯ ᠭᠠᠶᠢᠬᠠᠮᠰᠢᠭᠳᠦ | ᠦᠢᠯᠡᠳᠦᠯ ᠲᠠᠢ᠃ | ᠨᠢᠯᠬᠠ ᠬᠡᠥᠬᠡᠳ ᠤᠨ ᠭᠡᠳᠡᠰᠦ᠂ ᠪᠡᠶᠡ ᠶᠢ ᠨᠢ ᠢᠯᠢᠬᠦ ᠳᠤ ᠤᠨᠴᠠᠭᠠᠢ ᠲᠤᠰᠠ ᠲᠠᠢ᠂ ᠪᠡᠶᠡ ᠶᠢᠨ | ᠲᠠᠮᠢᠷ ᠬᠦᠴᠦ ᠶᠢ ᠰᠠᠶᠢᠵᠢᠷᠠᠭᠤᠯᠤᠨ᠂ ᠡᠪᠡᠳᠴᠢᠨ ᠲᠠᠬᠤᠯ ᠢ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠶᠢ ᠨᠡᠮᠡᠭᠳᠡᠭᠦᠯᠳᠡᠭ᠃ ᠨᠢᠯᠬᠠ | ᠬᠡᠥᠬᠡᠳ ᠦᠭᠡ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠡᠮ ᠤᠤᠭᠤᠵᠦ ᠲᠡᠶᠢᠯᠬᠦ ᠦᠭᠡᠢ ᠲᠤᠯᠠ ᠰᠢᠷᠠ ᠲᠤᠰᠤ ᠲᠠᠢ ᠭᠠᠷ ᠢᠶᠠᠷ | ᠢᠯᠢᠵᠦ ᠡᠳᠡᠭᠡᠷᠡᠬᠦᠯᠬᠦ ᠪᠤᠯ ᠬᠠᠮᠤᠭ ᠰᠠᠶᠢᠨ ᠠᠷᠭᠠ ᠲᠤᠮ ᠶᠤᠮ᠃ ᠰᠢᠷᠠ ᠲᠤᠰᠤ ᠨᠢ ᠰᠠᠯᠬᠢ᠂ ᠴᠢᠬᠢᠭ ᠢ | ᠰᠡᠷᠬᠡᠶᠢᠯᠡᠵᠦ ᠴᠢᠳᠠᠳᠠᠭ᠃ ᠨᠢᠯᠬᠠ ᠬᠡᠥᠬᠡᠳ ᠨᠤᠭᠤᠭᠠᠨ ᠢᠶᠠᠷ ᠰᠢᠩᠭᠡᠨ ᠪᠠᠭᠠᠵᠦ ᠲᠠᠮᠢᠷ ᠠᠯᠳᠠᠳᠠᠭ᠂ ᠡᠬᠦᠨ ᠢ | ᠨᠤᠬᠤᠯᠠᠭᠠ ᠬᠡᠵᠦ ᠬᠡᠯᠡᠳᠡᠭ᠂ ᠰᠢᠷᠠ ᠲᠤᠰᠤ ᠶᠢ ᠲᠦᠷᠬᠢᠨ ᠢᠯᠢᠭᠰᠡᠨ ᠬᠡᠥᠬᠡᠳ ᠰᠠᠯᠬᠢ ᠴᠢᠭᠢᠭ ᠠᠴᠠ ᠠᠶᠤᠬᠤ | ᠦᠭᠡᠢ ᠲᠡᠰᠪᠦᠷᠢ ᠲᠠᠢ ᠪᠤᠯᠳᠠᠭ᠃ | ᠰᠢᠷᠠ ᠲᠤᠰᠤ ᠲᠠᠢ ᠬᠠᠭᠤᠷᠠᠢ ᠪᠤᠳᠠᠭᠠ ᠪᠤᠶᠤ ᠪᠤᠯᠤᠭᠰᠠᠨ ᠭᠤᠯᠢᠷ ᠢᠳᠡᠭᠰᠡᠨ ᠬᠦᠮᠦᠨ | ᠪᠠᠷᠤᠭᠳᠠᠢ ᠳᠤ ᠦᠯᠦᠰᠬᠦ ᠦᠭᠡᠢ ᠪᠠᠶᠢᠳᠠᠭ᠃ | ᠰᠢᠭᠡᠰᠦ ᠤᠯᠠᠨ ᠬᠦᠷᠬᠦ᠂ ᠲᠠᠪᠤᠰᠠᠩ ᠡᠪᠡᠳᠬᠦ ᠳᠤ ᠲᠡᠭᠡᠷᠡ ᠨᠢ ᠰᠢᠷᠠ ᠲᠤᠰᠤ ᠲᠦᠷᠬᠢᠵᠦ᠂ | ᠬᠠᠷᠠ ᠬᠦᠬᠡ ᠲᠠᠪᠤᠤ ᠲᠠᠢ ᠵᠢᠩ ᠲᠠᠯᠪᠢᠪᠠᠯ ᠶᠡᠭᠡ ᠲᠠᠭᠠᠳᠠᠢ ᠪᠤᠯᠵᠦ ᠡᠪᠡᠳᠬᠦ ᠪᠠᠨ ᠵᠤᠭᠰᠤᠨᠠ᠃ | ᠰᠢᠷᠠ ᠲᠤᠰᠤ ᠨᠢᠯᠠᠭᠤᠨ ᠠᠮᠳᠠ ᠲᠠᠢ ᠢᠳᠡᠬᠦ ᠳᠤ ᠬᠤᠷᠴᠠ᠂ ᠦᠯ ᠰᠠᠶᠢᠳᠠᠢ ᠢᠳᠡᠭᠡᠨ ᠶᠤᠮ᠃ | ᠮᠤᠩᠭᠤᠯ ᠡᠮ ᠤᠨ ᠬᠦᠯᠬᠡ ᠪᠤᠯᠭᠠᠵᠦ᠂ ᠤᠯᠠᠨ ᠵᠦᠢᠯ ᠤᠨ ᠡᠪᠡᠳᠴᠢᠨ ᠡᠮᠬᠡᠭ ᠢ ᠵᠠᠰᠠᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠬᠦᠢᠳᠡᠨ ᠬᠡᠢ ᠶᠢ ᠲᠠᠭᠤᠵᠦ᠂ ᠢᠯᠴᠢ ᠨᠦᠬᠦᠪᠦᠷᠢᠯᠡᠵᠦ ᠦᠶᠡ ᠬᠡᠰᠢᠭᠦᠦ ᠬᠤᠶᠠᠩ ᠢ ᠵᠠᠰᠠᠬᠤ ᠳᠤ ᠮᠠᠰᠢ ᠰᠠᠶᠢᠨ | ᠦᠢᠯᠡᠳᠦᠯ ᠲᠠᠢ᠃ ᠢᠯᠠᠩᠭᠤᠶᠠ ᠡᠪᠤᠯ ᠬᠠᠪᠤᠷ ᠰᠢᠷᠠ ᠲᠤᠰᠤ ᠢᠳᠡᠪᠡᠯ ᠪᠡᠶᠡ ᠶᠢ ᠲᠤᠯᠠᠭᠠᠴᠠᠭᠤᠯᠬᠤ ᠶᠢᠨ ᠬᠠᠮᠳᠦ | ᠰᠠᠯᠬᠢᠨ ᠳᠤ ᠵᠢᠩᠬᠢᠨᠡᠵᠦ ᠲᠠᠭᠠᠷᠠᠭᠰᠠᠨ ᠠᠴᠠ ᠤᠯᠤᠭᠰᠠᠨ ᠬᠡᠮ ᠢ ᠵᠠᠰᠠᠳᠠᠭ᠃ ᠤᠳᠠᠭᠠᠨ ᠵᠢᠯ ᠬᠠᠳᠠᠭᠠᠯᠠᠭᠰᠠᠨ ᠰᠢᠷᠠ | ᠲᠤᠰᠦ ᠬᠦᠯᠳᠡᠭᠰᠡᠨ ᠰᠢᠷᠬᠠ᠂ ᠬᠡᠳᠡᠰᠦ ᠬᠦᠬᠡᠬᠡᠬᠦ ᠡᠪᠡᠳᠴᠢᠨ᠂ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ ᠁ ᠵᠡᠷᠭᠡ ᠳᠤ | ᠤᠨᠴᠠ ᠲᠤᠰᠠᠳᠠᠢ᠃ | ᠴᠢᠬᠢ ᠱᠤᠤᠬᠢᠵᠦ ᠪᠠᠶᠢᠪᠠᠯ᠂ ᠨᠢᠭᠡ ᠲᠤᠰᠤᠯ ᠰᠢᠷᠠ ᠲᠤᠰᠦ ᠬᠢᠵᠦ ᠬᠦᠪᠦᠩ ᠢᠶᠠᠷ ᠪᠦᠭᠯᠡᠵᠦ | ᠵᠢᠭᠠᠬᠠᠨ ᠤᠳᠠᠪᠠᠯ ᠵᠦᠭᠡᠷ ᠪᠤᠯᠴᠢᠬᠠᠨᠠ᠃ | ᠴᠢᠮᠦᠭᠡ ᠬᠦᠷᠦᠭᠰᠡᠨ ᠬᠦᠮᠦᠨ ᠳᠤ ᠰᠢᠷᠠ ᠲᠤᠰᠦ ᠲᠠᠢ ᠮᠤᠩᠭᠤᠯ ᠠᠷᠢᠬᠢ ᠤᠤᠭᠤᠯᠭᠠᠪᠠᠯ | ᠲᠦᠷᠭᠡᠨ ᠲᠤᠰᠠᠯᠠᠵᠦ ᠴᠢᠳᠠᠨᠠ᠃ ᠲᠠᠭᠠᠷᠠᠵᠦ ᠪᠡᠭᠡᠷᠡᠭᠰᠡᠨ ᠠᠴᠠ ᠬᠦᠢᠰᠦᠨ ᠲᠡᠭᠡᠷᠡ ᠪᠠᠵᠠᠭᠳᠠᠨ ᠡᠪᠡᠳᠴᠦ | ᠬᠠᠳᠬᠤᠯᠠᠬᠤ ᠳᠤ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠᠨ ᠤ ᠠᠭᠠᠭ ᠲᠠᠢ ᠰᠢᠷᠠ ᠲᠤᠰᠤ ᠲᠠᠯᠪᠢᠪᠠᠯ ᠲᠠᠷᠤᠢ ᠳᠤᠨᠢ ᠡᠪᠡᠳᠬᠦ ᠶᠢ | ᠨᠠᠮᠳᠠᠭᠠᠨᠠ᠃ ᠪᠦᠰᠡᠬᠦᠶᠢᠴᠦᠳ ᠰᠠᠪᠠᠨ ᠤ ᠰᠡᠷᠢᠭᠦᠨ ᠢᠶᠠᠷ ᠰᠠᠷᠠ ᠶᠢᠨ ᠭᠬᠢᠷ ᠢᠷᠡᠬᠦ ᠳᠤ ᠡᠪᠡᠳᠪᠡᠯ ᠰᠢᠷᠠ ᠲᠤᠰᠤ | ᠶᠢ ᠲᠦᠷᠬᠢᠵᠦ᠂ ᠴᠡᠪᠡᠷ ᠬᠠᠷᠠ ᠬᠦᠬᠡ ᠲᠠᠪᠤᠤ ᠳᠤ ᠰᠢᠩᠭᠡᠭᠡᠵᠦ ᠵᠢᠩ ᠲᠠᠯᠪᠢᠪᠠᠯ ᠰᠠᠶᠢᠨ ᠪᠤᠯᠴᠢᠬᠠᠨᠠ᠃ ︵ᠰᠢᠯᠢ | ᠶᠢᠨ ᠭᠤᠤᠯ ᠤᠨ ᠡᠳᠤᠷ ᠤᠨ ᠰᠤᠨᠢᠨ︶ | |