| | ᠦᠬᠡ ᠪᠢᠳᠠ ᠬᠤᠶᠠᠷ | ᠪᠡᠶᠡ ᠪᠡᠶᠡ ᠪᠠᠨ ᠰᠢᠷᠳᠠᠨᠡ | ᠦᠬᠡ ᠪᠢᠳᠠ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤᠭᠤᠷ | ᠪᠢᠯᠢᠭᠲᠦ ᠬᠦᠷᠦᠬᠡᠰᠤ ᠴᠠᠬᠢᠯᠤᠨᠡ | ᠦᠬᠡ ᠶᠢ ᠪᠢ ᠴᠠᠩᠭᠠᠵᠦ ᠰᠤᠨᠤᠰᠳᠠᠭ | ᠦᠬᠡ ᠨᠠᠮᠠᠢᠢ ᠠᠷᠢᠭᠤᠰᠬᠠᠵᠦ ᠬᠦᠳᠤᠯᠳᠡᠭ ᠁ | ᠲᠡᠶᠢᠮᠦ ᠡ︕ ᠶᠠᠭ ᠯᠡ ᠲᠡᠷᠡᠬᠦ ᠦᠬᠡ ᠪᠠᠳᠠᠭ ᠨᠢ ᠲᠠ ᠪᠢᠳᠠᠨ ᠢ ᠠᠷᠢᠭᠤᠰᠬᠠᠨ ᠬᠦᠳᠤᠯᠵᠦ᠂ ᠢᠷᠠᠭᠤ | ᠨᠠᠶᠢᠷᠠᠭ ᠤᠨ ᠰᠤᠳᠤᠨ ᠮᠡᠳᠡᠷᠡᠮᠵᠢ ᠳᠤ ᠪᠤᠯᠤᠷ ᠲᠤᠯᠢ ᠨᠢ ᠪᠤᠯᠵᠦ ᠬᠢᠯᠡᠰᠴᠡᠢ᠃ | ︽ᠬᠠᠳᠠᠨ ᠳᠤ ᠪᠢᠯᠡᠬᠦᠳᠡᠭᠰᠡᠨ ᠬᠢᠯᠭᠠᠰᠤ︾ ᠰᠢᠯᠦᠭ ᠨᠢ ᠠᠮᠤᠭᠤᠯᠠᠩ ᠲᠦᠯᠬᠡᠨ ᠬᠦᠭ ᠠᠶᠠᠰ᠂ ᠠᠷᠢᠭᠤᠨ | ᠴᠡᠬᠡᠯ ᠬᠡᠯᠡ ᠬᠡᠯᠡᠯᠬᠡ᠂ ᠠᠨᠢᠷ ᠤᠨ ᠵᠡᠬᠦᠳᠤᠨ ᠳᠠᠬᠢ ᠤᠩᠭᠤᠨ ᠪᠠᠶᠢᠭᠠᠯᠢ ᠶᠢᠨ ᠰᠠᠨᠠᠭᠠ ᠠᠬᠤᠢ ᠶᠢᠨ ᠤᠷᠤᠨ ᠵᠠᠢ | ᠳᠤ ᠪᠦᠳᠦᠬᠡᠭᠳᠡᠭᠰᠡᠨ ᠢᠶᠠᠷ ᠢᠶᠠᠨ ᠮᠤᠩᠭᠤᠯ ᠲᠦᠮᠡᠨ ᠤ ᠬᠠᠷᠠᠭᠠᠨ ᠰᠡᠷᠡᠯ ᠠᠴᠠ ᠤᠶᠤᠨ ᠤ ᠰᠡᠷᠡᠯ ᠳᠤ ᠬᠦᠷᠴᠤ᠂ | 2014 ᠤᠨ ᠳᠤ ᠶᠠᠪᠤᠬᠳᠠᠬᠰᠡᠨ ︽ᠨᠡ᠊ · ᠰᠠᠶᠢᠨᠴᠤᠬᠳᠤ ᠶᠢᠨ ᠮᠠᠨᠳᠤᠯᠡᠭᠰᠡᠨ 100 ᠵᠢᠯ ᠤᠨ ᠤᠢ ᠶᠢ | ᠲᠤᠷᠠᠰᠬᠠᠬᠤ ᠪᠦᠬᠦ ᠤᠯᠤᠰ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠤᠷᠤᠯᠳᠤᠭᠠᠨ︾ ᠳᠤ ᠲᠡᠷᠢᠬᠦᠨ ᠱᠠᠩ ᠢᠶᠠᠷ ᠮᠢᠯᠢᠶᠠᠯᠭᠠᠬᠰᠡᠨ | ᠪᠢᠯᠡ᠃ ᠲᠡᠷᠡᠪᠡᠷ ᠲᠤᠰ ᠢᠷᠠᠭᠤ ᠠᠯᠳᠠᠷ ᠢ ᠲᠤᠰᠤᠬᠰᠡᠨ ᠬᠦᠮᠦᠨ ᠨᠢ ᠮᠠᠰᠢᠪᠡᠳᠤ ᠶᠢᠨ ᠰᠠᠴᠡᠨᠪᠠᠭᠠᠳᠤᠷ ᠪᠠᠶᠢᠵᠦ | ᠲᠠᠭᠠᠷᠠᠨᠠ᠃ | ᠮᠠᠰᠢᠪᠠᠳᠤ ᠶᠢᠨ ᠰᠠᠴᠡᠨᠪᠠᠭᠠᠳᠤᠷ᠂ 1969 ᠤᠨ ᠳᠤ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ | ᠪᠢᠯᠡᠬᠦᠳᠡᠢ ᠭᠠᠴᠠᠭᠠᠨ ᠳᠤ ᠮᠠᠰᠢᠪᠠᠳᠤ ᠬᠠᠶᠢᠳᠠᠩ ᠤᠨ ᠤᠤᠭᠠᠨ ᠬᠦᠦ ᠨᠢ ᠪᠤᠯᠵᠦ ᠵᠠᠶᠠᠭᠠᠵᠠᠢ᠃ 1989 ᠤᠨ ᠳᠤ | ᠯᠢᠨᠳᠦ᠋ᠩ ᠤᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠬᠦᠰᠴᠤ᠂ ᠮᠦᠨ ᠵᠢᠯ ᠠᠴᠠ ᠡᠬᠢᠯᠡᠨ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ | ᠤᠤᠯ ᠤᠨ ᠠᠴᠬᠠᠭᠤᠯᠠ ᠰᠤᠮᠤᠨ ᠤ ᠶᠡᠷᠦᠩᠬᠡᠢ ᠰᠤᠷᠭᠠᠭᠤᠯᠢ᠂ ᠬᠦᠩᠬᠡᠷ ᠭᠠᠴᠠᠭᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ | ᠪᠠᠶᠠᠨᠭᠤᠤᠯ ᠰᠤᠮᠤᠨ ᠤ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠶᠡᠷᠦᠩᠬᠡᠢ ᠪᠠᠭᠠ ᠰᠤᠷᠭᠠᠭᠤᠯᠢ ︵ | ᠤᠳᠤ ᠶᠢᠨ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ︶ ᠳᠤ ᠲᠤᠰ ᠲᠤᠰ ᠪᠠᠭᠰᠢ ᠪᠠᠷ ᠠᠵᠢᠯᠯᠠᠵᠦ | ᠦᠩᠬᠡᠷᠡᠵᠡᠢ᠃ ᠤᠳᠤᠬᠠᠨ ᠳᠤ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠪᠠᠶᠠᠭᠤᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ︵ᠤᠤᠯ ᠤᠨ | ᠪᠠᠶᠠᠨᠭᠤᠤᠯ ᠰᠤᠮᠤᠨ ᠤ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ︶ ᠶᠢᠨ ᠨᠡᠮ ᠤᠨ ᠡᠬᠦᠷ ᠤᠨ ᠱᠦᠵᠢ ᠪᠠᠷ ᠠᠵᠢᠯᠯᠠᠵᠦ ᠪᠠᠶᠢᠬᠤ | ᠮᠦᠷᠳᠡᠬᠡᠨ ᠦᠪᠦᠷ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠬᠦᠨ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ | ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠬᠡᠮᠯᠢᠭ ᠤᠨ ᠬᠡᠰᠢᠬᠦᠨ᠂ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ︽ᠷᠤᠯᠭᠠᠷᠵᠠᠪ︾ ᠠᠷᠠᠳ ᠤᠨ ᠰᠤᠶᠤᠯ | ᠤᠷᠠᠯᠢᠭ ᠤᠨ ᠨᠡᠶᠢᠬᠡᠮᠯᠢᠭ ᠤᠨ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ ᠵᠡᠷᠬᠡ ᠲᠤᠰᠢᠶᠡᠯ ᠤᠳ ᠢ ᠡᠬᠦᠷᠬᠡᠯᠡᠵᠦ ᠪᠤᠢ᠃ 2003 | ᠤᠨ ᠳᠤ᠂ ︽ᠠᠬᠢ ᠡᠪᠡᠰᠤᠨ ᠤ ᠵᠠᠶᠢᠷ︾ ᠠᠩᠬᠠᠨ ᠤ ᠰᠢᠯᠦᠭ ᠤᠨ ᠲᠡᠬᠦᠪᠦᠷᠢ ᠪᠠᠨ ᠬᠡᠪᠯᠡᠬᠦᠯᠵᠦ᠂ 2011 ᠤᠨ | ᠳᠤ᠂ ︽ᠬᠠᠪᠤᠷ ᠴᠠᠭ ᠤᠨ ᠰᠠᠷᠡ︾ ᠰᠢᠯᠦᠭ ᠤᠨ ᠲᠡᠬᠦᠪᠦᠷᠢ ᠪᠠᠨ ᠬᠡᠪᠯᠡᠬᠦᠯᠵᠡᠢ᠃ ︽ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠤ | ᠦᠶᠡ ᠶᠢᠨ ᠰᠢᠯᠦᠭ ᠤᠨ ᠰᠤᠩᠭᠤᠮᠠᠯ︾ ᠳᠤ ︽ᠦᠪᠦᠷ ᠮᠤᠩᠭᠤᠯ ᠮᠢᠨᠢ︾ ᠬᠡᠮᠡᠬᠦ ᠰᠢᠯᠦᠭ ᠨᠢ ᠰᠢᠯᠢᠭᠳᠡᠨ ᠰᠢᠨᠡ | ᠮᠤᠩᠭᠤᠯ ᠦᠰᠦᠭ ᠢᠶᠠᠷ ᠬᠦᠷᠪᠡᠬᠦᠯᠦᠭᠳᠡᠵᠦ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠤᠩᠰᠢᠬᠴᠢ ᠲᠠᠢ ᠵᠤᠯᠭᠠᠬᠰᠡᠨ ᠪᠠᠶᠢᠨᠡ᠃ | 2002 ᠤᠨ ᠳᠤ᠂ ︽ᠰᠢᠷᠡ ᠮᠦᠷᠡᠨ︾ ᠰᠡᠳᠬᠦᠯ ᠤᠨ ︽ᠮᠦᠩᠬᠦᠨ ᠲᠦᠷᠦᠬᠡ︾ ᠤᠷᠠᠨ ᠵᠤᠬᠢᠶᠠᠯ ᠤᠨ | ᠤᠷᠤᠯᠳᠤᠭᠠᠨ ᠳᠤ ︽ᠠᠯᠳᠠᠨ ᠭᠤᠪᠢ ᠶᠢᠨ ᠮᠤᠷᠢᠨ ᠬᠤᠭᠤᠷ︾ ᠰᠢᠯᠦᠭ ᠢᠶᠠᠷ ᠢᠶᠠᠨ ᠮᠠᠩᠯᠠᠶᠢᠯᠡᠵᠡᠢ᠃ | ᠰᠤᠷᠪᠤᠯᠵᠢᠯᠠᠬᠴᠢ᠄ ︽ᠲᠨᠨ ᠤ ︿ᠬᠠᠳᠠᠨ ᠳᠤ ᠪᠢᠯᠡᠬᠦᠳᠡᠭᠰᠡᠨ ᠬᠢᠯᠭᠠᠰᠤ﹀ ᠰᠢᠯᠦᠭ ᠢᠶᠠᠨ ᠲᠤᠭᠤᠷᠪᠢᠬᠤ | ᠦᠶᠡᠰ ᠤᠨ ᠠᠩᠬᠠᠨ ᠤ ᠰᠡᠳᠬᠢᠭᠳᠡᠯ ᠶᠠᠭᠤ ᠪᠤᠢ︖︾ | ᠮ᠊ · ᠰᠠᠴᠠᠨᠪᠠᠭᠠᠳᠤᠷ᠄ ︽ᠮᠤᠩᠭᠤᠯ ᠦᠬᠡ ᠬᠡᠯᠡ ᠨᠢ ᠨᠡᠬᠦᠳᠡᠯ ᠠᠮᠢᠳᠤᠷᠡᠯ ᠠᠴᠠ ᠤᠨᠳᠤᠷᠤᠯ ᠲᠠᠢ᠃ ᠲᠡᠷᠡ | ᠨᠢ ᠨᠡᠬᠦᠳᠡᠯ ᠠᠮᠢᠳᠤᠷᠡᠯ ᠤᠨ ᠰᠠᠭᠤᠷᠢᠯᠡᠯ ᠢᠶᠠᠷ ᠢᠶᠠᠨ ᠢᠷᠠᠭᠤ ᠡᠬᠡᠰᠢᠭᠯᠡᠩ᠂ ᠪᠠᠶᠠᠯᠢᠬᠵᠢᠭᠤᠨ ᠪᠠᠶᠢᠳᠠᠭ᠃ ᠴᠠᠭ | ᠡᠷᠡᠨ ᠤ ᠤᠷᠴᠢᠯ᠂ ᠶᠤᠰᠤ ᠵᠠᠩᠰᠢᠯ ᠤᠨ ᠤᠨᠳᠤᠤᠰᠢᠯ ᠢᠶᠠᠷ ᠪᠢᠳᠡᠨ ᠤ ᠴᠡᠪᠡᠷ ᠬᠡᠯᠡᠨ ᠤ ᠤᠷᠴᠢᠨ ᠠᠯᠳᠠᠬᠳᠠᠵᠦ᠂ | ᠴᠡᠩᠬᠡᠷ ᠠᠭᠠᠷ ᠤᠨᠢᠶᠠᠷᠳᠤᠵᠦ ᠪᠠᠶᠢᠨᠡ᠃ ᠪᠢ ᠤᠨᠠᠭᠠᠨ ᠨᠠᠰᠤᠨ ᠤ ᠤᠩᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠦᠷᠬᠦᠯᠵᠢ | ᠵᠡᠬᠦᠳᠤᠯᠡᠨ ᠮᠦᠷᠦᠬᠡᠳᠳᠡᠭ᠃ ᠡᠬᠦᠨ ᠠᠴᠠ ᠤᠴᠢᠷᠯᠡᠵᠦ ᠪᠢ ᠦᠪᠡᠷ ᠤᠨ ᠢᠶᠠᠨ ᠰᠠᠨᠠᠭᠠ ᠠᠬᠤᠢ ᠶᠢ ᠲᠡᠷᠡ ᠯᠡ | ᠰᠠᠶᠢᠬᠠᠨ ᠤᠷᠤᠨ ᠵᠠᠢ ᠳᠤ ᠲᠡᠬᠢᠨ ᠪᠤᠴᠠᠭᠠᠵᠦ᠂ ᠤᠨᠠᠭᠠᠨ ᠨᠤᠳᠤᠭ ᠤᠨ ᠢᠶᠠᠨ ᠠᠭᠤᠯᠠ ᠤᠰᠤᠨ ᠤ ᠤᠩᠭᠤᠨ | ᠲᠦᠷᠢ ᠶᠢ ᠠᠳᠢᠰᠯᠠᠭᠤᠯᠵᠦ᠂ ᠨᠡᠬᠦᠳᠡᠯ ᠠᠮᠢᠳᠤᠷᠡᠯ ᠬᠡᠭᠴᠢ ᠡᠶᠢᠮᠦ ᠯᠡ ᠠᠷᠢᠭᠤᠨ ᠲᠦᠯᠬᠡᠨ᠂ ᠲᠡᠶᠢᠮᠦ ᠯᠡ ᠬᠦᠪᠴᠢ | ᠶᠢᠨ ᠨᠤᠭᠤᠭᠠᠨ ᠪᠠᠶᠢᠬᠤ ᠶᠤᠰᠤᠳᠠᠢ ᠬᠡᠵᠦ ᠰᠡᠳᠬᠢᠭᠳᠡᠭᠰᠡᠨ ᠠᠴᠠ ᠲᠤᠰ ᠰᠢᠯᠦᠭ ᠢᠶᠠᠨ ᠡᠬᠢᠯᠡᠬᠦᠯᠦᠭᠰᠡᠨ ᠡ︾᠃ | ᠰᠤᠷᠪᠤᠯᠵᠢᠯᠠᠬᠴᠢ᠄ ︽ᠲᠠ ᠬᠡᠵᠢᠶᠡ ᠠᠴᠠ ᠡᠬᠢᠯᠡᠵᠦ ᠰᠢᠯᠦᠭ ᠪᠢᠴᠢᠭᠰᠡᠨ ᠪᠤᠢ︖ ᠲᠠᠨ ᠤ ᠠᠩᠬᠠᠨ ᠤ | ᠰᠢᠯᠦᠭ ᠶᠠᠭᠤ ᠪᠢᠯᠡ︖︾ | ᠮ᠊ · ᠰᠠᠴᠡᠨᠪᠠᠭᠠᠳᠤᠷ᠄ ︽ᠡᠨᠡ ᠲᠤᠬᠠᠢ ᠶᠠᠷᠢᠬᠤ ᠳᠤ ᠪᠢ ᠤᠯᠠᠭᠠᠨᠬᠠᠳᠠ ᠶᠢᠨ ᠡᠳᠦᠷ ᠤᠨ ᠰᠤᠨᠢᠨ ᠤ ︿ | ᠤᠳᠠᠳᠤ ᠲᠡᠯᠡ﹀ ᠶᠢ ᠲᠤᠷᠠᠳᠬᠤ ᠴᠢᠬᠤᠯᠠᠳᠠᠢ᠃ 1989 ᠤᠨ ᠳᠤ᠂ ︿ᠤᠳᠠᠳᠤ ᠲᠡᠯᠡ﹀ ᠲᠤᠰᠬᠠᠢ ᠨᠢᠭᠤᠷ ᠤᠨ | ᠬᠠᠷᠢᠭᠤᠴᠠᠬᠰᠡᠨ ᠨᠠᠶᠢᠷᠠᠭᠤᠯᠤᠬᠴᠢ ᠭᠠ᠊ · ᠰᠢᠷᠠᠪᠵᠠᠮᠰᠤ ᠪᠠᠭᠰᠢ ᠮᠢᠨᠤ ᠤᠤᠭᠠᠨ ᠰᠢᠯᠦᠭ ᠢ ᠦᠯᠦᠬᠡᠶᠢᠳᠡᠵᠦ | ᠠᠪᠤᠬᠰᠡᠨ᠃ ᠤᠤᠭᠠᠨ ᠰᠢᠯᠦᠭ ︿ᠮᠤᠭᠠᠢ ᠵᠢᠯ ᠮᠢᠨᠢ ᠰᠠᠶᠢᠨᠠᠤ︕﹀ ᠪᠠᠨ ᠤᠯᠠᠭᠠᠨᠬᠠᠳᠠ ᠶᠢᠨ ᠡᠳᠦᠷ ᠤᠨ | ᠰᠤᠨᠢᠨ ᠤ ᠴᠠᠭᠠᠨ ᠰᠠᠷᠡ ᠶᠢᠨ ᠰᠢᠨᠡ ᠶᠢᠨ ᠨᠢᠬᠡᠨ ᠤ ᠳ᠋ᠤᠭᠠᠷ ᠲᠤ ᠨᠡᠶᠢᠳᠡᠯᠡᠬᠦᠯᠦᠭᠰᠡᠨ ᠠᠴᠠ ᠠᠪᠤᠭᠠᠳ 1997 | ᠤᠨ ᠪᠤᠯᠳᠠᠯᠡ ᠤᠯᠠᠨ ᠠᠷᠪᠢᠨ ᠰᠢᠯᠦᠭ ᠵᠤᠬᠢᠶᠠᠯ ᠢᠶᠠᠨ ︿ᠤᠳᠠᠳᠤ ᠲᠡᠯᠡ﹀ ᠳᠠᠭᠠᠨ ᠨᠡᠶᠢᠳᠡᠯᠡᠬᠦᠯᠵᠦ ᠦᠩᠬᠡᠷᠡᠵᠡᠢ᠃ | ᠡᠬᠦᠨ ᠳᠤ ︿ᠤᠳᠠᠳᠤ ᠲᠡᠯᠡ﹀ ᠶᠢᠨ ᠬᠠᠷᠢᠭᠤᠴᠠᠬᠰᠡᠨ ᠨᠠᠶᠢᠷᠠᠭᠤᠯᠤᠬᠴᠢ ᠭᠠ᠊ · ᠰᠢᠷᠠᠪᠵᠠᠮᠰᠤ᠂ ᠪᠤᠶᠠᠨᠬᠦᠦ᠂ | ᠨᠠᠰᠤᠨᠪᠦ᠋ᠬᠡ ᠪᠠᠭᠰᠢ ᠨᠠᠷ ᠲᠠᠭᠠᠨ ᠲᠡᠯᠠᠷᠬᠠᠬᠤ ᠶᠤᠰᠤᠳᠠᠢ︾᠃ | ᠰᠤᠷᠪᠤᠯᠵᠢᠯᠠᠬᠴᠢ᠄ ︽ᠲᠠᠨ ᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠹᠷᠤᠨᠲ ᠲᠠᠬᠢ ᠤᠳᠠᠭᠠᠨ ᠵᠢᠯ ᠤᠨ ᠲᠤᠷᠰᠢᠯᠭᠠ | ᠠᠴᠠ ᠦᠵᠡᠬᠦ ᠳᠤ᠂ ᠤᠳᠤᠬᠠᠨ ᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠡᠮᠦᠨᠡᠬᠢ ᠬᠡᠳᠤᠨ ᠵᠢᠯ ᠲᠠᠢ | ᠬᠠᠷᠢᠴᠠᠭᠤᠯᠪᠡᠯ ᠶᠡᠮᠠᠷᠰᠢᠦ ᠬᠤᠪᠢᠷᠡᠯᠳᠠ ᠭᠠᠷᠴᠤ ᠪᠠᠶᠢᠬᠤ ᠪᠤᠢ︖︾ | ᠮ᠊ · ᠰᠠᠴᠠᠨᠪᠠᠭᠠᠳᠤᠷ᠄ ︽ᠤᠷᠴᠢᠮ ᠤᠨ ᠬᠡᠳᠤᠨ ᠵᠢᠯ ᠳᠤ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠴᠢᠶᠡᠯ ᠤᠨ | ᠲᠠᠩᠬᠢᠮ ᠳᠤ ︿ᠮᠤᠩᠭᠤᠯ ᠰᠢᠳᠠᠷᠡ﹀ ᠮᠡᠳᠤ ᠶᠢᠨ ᠮᠤᠩᠭᠤᠯ ᠰᠤᠶᠤᠯ ᠤᠨ ᠬᠢᠴᠢᠶᠡᠯ ᠲᠤᠬᠢᠷᠠᠭᠤᠯᠤᠨ᠂ ᠮᠤᠩᠭᠤᠯ ᠤᠨ | ᠤᠯᠠᠮᠵᠢᠯᠠᠯᠳᠤ ᠵᠠᠩ ᠲᠠᠳᠬᠠᠯ ᠢ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠬᠤ ᠶᠢ ᠬᠦᠨᠳᠤᠳᠬᠡᠭᠰᠡᠨ ᠠᠴᠠ ᠰᠤᠷᠤᠬᠴᠢᠳ ᠤᠨ ᠦᠪᠡᠷ ᠤᠨ | ᠦᠨᠳᠤᠰᠤᠳᠠᠨ ᠤ ᠪᠠᠨ ᠦᠪ ᠰᠤᠶᠤᠯ ᠤᠨ ᠲᠤᠬᠠᠢ ᠤᠢᠢᠯᠠᠭᠠᠯᠳᠠ ᠲᠡᠬᠡᠭᠰᠢᠯᠡᠭᠰᠡᠨ ᠨᠢ ᠪᠠᠶᠠᠷᠯᠠᠭᠤᠰᠢᠳᠠᠢ᠃ | ᠮᠠᠯᠴᠢᠳ ᠤᠨ ᠬᠤᠳᠠ ᠤᠷᠤᠵᠦ ᠬᠡᠦᠬᠡᠳ ᠢᠶᠠᠨ ᠪᠢᠴᠢᠭ ᠦᠵᠡᠬᠦᠯᠬᠦ ᠲᠡᠪᠵᠢᠶᠡᠷᠡᠯ ᠨᠡᠮᠳᠠᠵᠦ᠂ ᠤᠯᠠᠩᠬᠢ ᠨᠢ | ᠬᠦᠳᠡᠭᠡ ᠶᠢᠨ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠤᠴᠠᠵᠦ᠂ ᠮᠠᠯᠴᠢᠳ ᠤᠨ ᠲᠠᠷᠤᠭᠠᠰᠤ ᠴᠦ ᠬᠦᠩᠬᠡᠷᠡᠵᠡᠢ᠃ ᠮᠠᠨ ᠤ | ᠰᠤᠷᠭᠠᠭᠤᠯᠢ ᠨᠢ ᠬᠢᠳᠡᠳ ᠬᠡᠯᠡ ᠶᠢ ᠬᠤᠶᠠᠳᠤᠭᠠᠷ ᠤᠨ ᠠᠴᠠ ᠡᠬᠢᠯᠡᠵᠦ ᠬᠢᠴᠢᠶᠡᠯᠯᠡᠳᠡᠭ᠃ ᠡᠨᠡ ᠨᠢ ᠨᠢᠬᠡᠳᠤᠬᠡᠷ | ᠤᠨ ᠠᠴᠠ ᠡᠬᠢᠯᠡᠵᠦ ᠬᠢᠴᠢᠶᠡᠯᠯᠡᠬᠦ ᠶᠢ ᠪᠤᠳᠤᠪᠡᠯ᠂ ᠬᠡᠦᠬᠡᠳ ᠤᠳ ᠤᠨ ︿ᠬᠡᠯᠡ﹀ ᠲᠦᠷᠦᠯᠬᠢ ᠬᠡᠯᠡ ᠪᠠᠷ ᠢᠶᠠᠨ | ᠵᠦᠭᠰᠢᠷᠡᠬᠦ ᠳᠤ ᠨᠡᠩ ᠶᠡᠭᠡ ᠤᠷᠤᠨ ᠵᠡᠢ ᠤᠯᠭᠤᠬᠤ ᠪᠤᠯᠤᠨᠠ᠃ ᠤᠢᠢᠷᠡ ᠶᠢᠨ ᠵᠢᠯ ᠤᠨ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ᠂ | ᠰᠤᠷᠤᠬᠴᠢᠳ ᠤᠨ ᠬᠢᠳᠡᠳ ᠬᠡᠯᠡᠨ ᠤ ᠬᠢᠷᠢ ᠬᠡᠮᠵᠢᠶᠡ ᠮᠤᠩᠭᠤᠯ ᠬᠡᠯᠡᠨ ᠤ ᠬᠢᠷᠢ ᠬᠡᠮᠵᠢᠶᠡ ᠠᠴᠠ ᠨᠡᠶᠢᠳᠡᠮ ᠳᠡᠭᠡᠨ | ᠰᠠᠶᠢᠨ ᠪᠠᠶᠢᠵᠦ᠂ ᠬᠡᠦᠬᠡᠳ ᠤᠨ ᠬᠢᠳᠡᠳ ᠢᠶᠠᠷ ᠬᠡᠯᠡᠵᠦ ᠶᠡᠷᠢᠬᠤ ᠨᠢ ᠤᠯᠠᠰᠢᠷᠠᠵᠡᠢ᠃ ᠡᠶᠢᠮᠦ ᠠᠴᠠ ᠪᠠᠭᠠ | ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠬᠴᠢᠳ ᠤᠨ ᠲᠦᠷᠦᠯᠬᠢ ᠬᠡᠯᠡᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢ ᠴᠢᠩᠭᠠᠳᠬᠠᠵᠦ᠂ ᠬᠡᠦᠬᠡᠳ ᠤᠳ | ᠲᠤ ᠴᠡᠪᠡᠷ ᠬᠡᠯᠡᠨ ᠤ ᠤᠷᠴᠢᠨ ᠬᠠᠩᠭᠠᠬᠤ ᠨᠢ ᠲᠦᠢᠯ ᠤᠨ ᠴᠢᠬᠤᠯᠠ᠃ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠰᠤᠷᠤᠬᠴᠢᠳ ᠤᠨ ᠲᠠᠷᠤᠭᠠᠰᠤ ᠬᠦᠨᠳᠤᠷᠡᠵᠦ ᠪᠠᠶᠢᠭᠠ ᠠᠰᠠᠭᠤᠳᠠᠯ ᠪᠤᠯ ᠪᠠᠰᠠ ᠨᠢᠬᠡᠨ ᠰᠠᠨᠠᠭᠠᠰᠢᠷᠡᠯᠳᠠᠢ ᠵᠦᠢᠯ | ᠪᠤᠯᠬᠤ ᠶᠤᠮ᠃ ᠰᠤᠷᠤᠬᠴᠢᠳ ᠤᠨ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠬᠦᠳᠡᠯᠬᠡᠬᠡᠨ ᠲᠦᠢᠯ ᠢᠶᠠᠷ ᠪᠠᠭᠠᠰᠴᠤ᠂ ᠲᠡᠬᠡᠷᠡ | ᠤᠨ ᠤ ᠰᠤᠷᠤᠬᠴᠢᠳ ᠦᠷᠯᠦᠬᠡ ᠤᠷᠤᠢ ᠶᠢᠨ ᠲᠠᠪᠳᠠᠯᠭᠠ ᠤᠷᠤᠳᠠᠭ ᠠᠴᠠ ᠨᠢᠬᠡ ᠡᠳᠦᠷ ᠲᠡᠭᠡᠨ ᠪᠠᠷᠤᠭ 10 | ᠴᠠᠭ ᠤᠨ ᠬᠢᠴᠢᠶᠡᠯ ᠬᠢᠴᠢᠶᠡᠯᠯᠠᠳᠡᠭ᠃ ᠡᠨᠡ ᠨᠢ ᠤᠯᠤᠰ ᠠᠴᠠ ᠲᠤᠬᠳᠠᠭᠠᠬᠰᠡᠨ ᠪᠠᠭᠠ ᠰᠤᠷᠭᠠᠭᠠᠤᠯᠢ ᠶᠢᠨ | ᠰᠤᠷᠤᠬᠴᠢᠳ ᠤᠨ 6 ᠴᠠᠭ ᠤᠨ ᠬᠢᠴᠢᠶᠡᠯ ᠤᠷᠤᠬᠤ ᠴᠠᠭ ᠠᠴᠠ ᠬᠤᠯᠠ ᠬᠡᠳᠤᠷᠡᠵᠦ᠂ ᠬᠡᠦᠬᠡᠳ ᠤᠨ ᠨᠠᠭᠠᠳᠬᠤ | ᠡᠷᠬᠡ ᠴᠢᠯᠦᠬᠡ ᠶᠢ ᠶᠡᠬᠡᠪᠡᠷ ᠬᠠᠰᠤᠵᠡᠢ᠃ ᠮᠠᠨ ᠤ ᠰᠤᠷᠭᠠᠭᠤᠯᠢ ᠪᠠᠷ ᠵᠢᠱᠢᠶᠡᠯᠡᠬᠦ ᠳᠤ᠂ ᠪᠦᠬᠦ ᠰᠤᠷᠭᠠᠭᠤᠯᠢ ᠳᠤ | ᠨᠢᠬᠡ ᠭᠠᠷᠠᠭ ᠲᠠᠭᠠᠨ ᠵᠦᠪᠬᠡᠨ 8 ᠲᠡᠮᠢᠷ ᠤᠨ ᠬᠢᠴᠢᠶᠡᠯ ᠲᠠᠢ᠂ ᠡᠬᠦᠨ ᠳᠤ ᠨᠢᠬᠡ ᠬᠤᠶᠠᠳᠤᠭᠠᠷ ᠤᠨ ᠳᠤ ᠲᠤᠰ | ᠲᠤᠰ 2 ᠲᠡᠮᠢᠷ ᠤᠨ ᠬᠢᠴᠢᠶᠡᠯ ᠲᠤᠬᠢᠷᠠᠭᠤᠯᠵᠦ᠂ ᠪᠤᠰᠤᠳ ᠤᠨ ᠨᠢ ᠲᠤᠰ ᠲᠤᠰ ᠨᠢᠬᠡ ᠯᠡ ᠲᠡᠮᠢᠷ ᠤᠨ ᠬᠢᠴᠢᠶᠡᠯ | ᠤᠷᠤᠳᠠᠭ᠃ ᠰᠤᠷᠤᠬᠴᠢᠳ ᠤᠨ ᠬᠦᠬᠡᠷᠤᠯᠳᠤᠵᠦ ᠪᠠᠶᠠᠰᠤᠨ᠂ ᠨᠠᠭᠠᠳᠤᠨ ᠲᠤᠬᠯᠠᠬᠤ ᠬᠡᠦᠬᠡᠳ ᠨᠠᠰᠤ ᠪᠤᠯᠢᠶᠠᠬᠳᠠᠵᠦ᠂ | ᠰᠤᠷᠤᠯᠭᠠ ᠶᠢᠨ ᠬᠦᠨᠳᠤ ᠲᠠᠷᠤᠭᠠᠰᠤᠨ ᠳᠤ ᠲᠤᠯᠭᠠᠷᠠᠵᠦ ᠪᠠᠶᠢᠭᠠ ᠬᠡᠴᠡᠬᠦᠦ ᠪᠠᠶᠢᠳᠠᠯ ᠢ ᠠᠵᠢᠭᠠᠳ ᠪᠠᠭᠰᠢ | ᠪᠤᠯᠤᠬᠰᠡᠨ ᠤ ᠬᠤᠪᠢ ᠳᠤ ᠶᠡᠯᠡ ᠲᠠᠢ ᠬᠦᠮᠦᠨ ᠰᠢᠭ ᠰᠠᠨᠠᠬᠳᠠᠳᠠᠭ᠃ ᠢᠩᠬᠢᠵᠦ ᠦᠷᠯᠦᠬᠡ ᠦᠳᠡᠰᠢ ᠦᠬᠡᠢ | ᠲᠠᠪᠳᠠᠯᠭᠠ ᠤᠷᠤᠭᠤᠯᠵᠦ ᠪᠠᠶᠢᠬᠤ ᠶᠢᠨ ᠭᠤᠤᠯ ᠰᠢᠯᠳᠠᠭᠠᠨ ᠨᠢ ᠰᠢᠯᠭᠠᠯᠳᠠ ᠶᠢ ᠠᠷᠭᠠᠴᠠᠬᠤ ᠶᠢᠨ ᠲᠦᠯᠦᠬᠡ ᠶᠤᠮ᠃ | ᠰᠢᠯᠭᠠᠯᠳᠠ ᠶᠢ ᠠᠷᠭᠠᠴᠠᠬᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠬᠡᠪ ᠴᠢᠨᠡᠷ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠪᠤᠯᠭᠠᠨ ᠦᠬᠡᠷᠡᠴᠢᠯᠡᠨᠡ | ᠬᠡᠵᠦ ᠡᠷᠳᠡᠨ ᠠᠴᠠ ᠪᠠᠨ ᠴᠢᠬᠤᠯᠠᠴᠢᠯᠠᠭᠠᠳ ᠢᠷᠡᠭᠰᠡᠨ ᠪᠤᠯᠪᠠᠴᠤ ᠰᠢᠯᠭᠠᠯᠳᠠ ᠶᠢ ᠠᠷᠭᠠᠴᠠᠬᠤ ᠰᠤᠷᠭᠠᠨ | ᠬᠦᠮᠦᠵᠢᠯ ᠤᠨ ᠬᠡᠯᠪᠡᠷᠢ ᠨᠢ ᠠᠳᠡ ᠮᠦᠨ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠬᠰᠠᠭᠠᠷ ᠪᠠᠶᠢᠵᠦ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠢᠷᠢ | ᠲᠦᠪᠰᠢᠨ ᠢ ᠵᠦᠪᠬᠡᠨ ᠲᠤᠰ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠬᠴᠢᠳ ᠤᠨ ᠰᠤᠷᠤᠯᠭᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠪᠠᠷ | ᠪᠠᠷᠢᠮᠵᠢᠶᠡ ᠪᠤᠯᠭᠠᠨ ᠦᠨᠡᠯᠡᠳᠡᠭ᠃ ᠡᠨᠡᠬᠦ ᠪᠠᠶᠢᠳᠠᠯ ᠢ ᠬᠤᠪᠢᠷᠠᠭᠤᠯᠤᠨ᠂ ᠬᠡᠪ ᠴᠢᠨᠡᠷ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ᠂ | ᠨᠡᠬᠡᠬᠡᠯᠳᠡᠳᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠦᠨᠳᠤᠰᠤᠨ ᠱᠠᠳᠤᠨ ᠳᠤ ᠬᠦᠨᠵᠡᠬᠡᠶᠢᠷᠡᠬᠦᠯᠬᠦ ᠨᠢ ᠬᠦᠳᠡᠭᠡ ᠲᠤᠰᠬᠤᠨ ᠳᠤ | ᠲᠤᠯᠭᠠᠮᠠ ᠱᠠᠭᠠᠷᠳᠠᠬᠳᠠᠵᠦ ᠪᠠᠶᠢᠨᠠ︾᠃ | ᠰᠤᠷᠪᠤᠯᠵᠢᠯᠠᠬᠴᠢ᠄ ︽ᠪᠠᠶᠠᠨᠭᠤᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠭᠠᠴᠠᠭᠠᠨ ᠤ ᠰᠤᠷᠭᠠᠭᠤᠯᠢ ᠶᠤᠮ ᠤᠤ︖ | ᠡᠨᠡ ᠰᠤᠷᠭᠠᠭᠤᠯᠢ ᠶᠢᠨ ᠲᠤᠬᠠᠢ ᠲᠦᠬᠦᠮ ᠲᠡᠨᠢᠯᠴᠠᠭᠤᠯᠤᠨᠡ ᠤᠤ︖︾ | ᠮ᠊ · ᠰᠠᠴᠠᠨᠪᠠᠭᠠᠳᠤᠷ᠄ ︽ᠪᠠᠶᠠᠨᠭᠤᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠳᠤ ᠪᠠᠶᠢᠭᠠ | ᠬᠤᠶᠠᠷ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠨᠢᠬᠡ ᠨᠢ ᠮᠦᠨ᠃ ᠤᠤᠯ ᠤᠨ ᠪᠠᠶᠠᠨᠭᠤᠤᠯ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ | ᠪᠠᠶᠢᠬᠰᠡᠨ ᠠᠴᠠ ᠪᠠᠶᠠᠨᠭᠤᠤᠯ ᠰᠤᠮᠤ ᠰᠢᠯᠵᠢᠬᠦ ᠳᠤ ᠲᠤᠰ ᠰᠤᠷᠭᠠᠭᠤᠯᠢ ᠪᠦᠳᠦᠨ ᠢᠶᠠᠷ ᠢᠶᠠᠨ ᠦᠯᠡᠳᠡᠭᠰᠡᠨ᠃ ᠲᠤᠰ | ᠰᠤᠷᠭᠠᠭᠤᠯᠢ ᠶᠢ 1948 ᠤᠨ ᠳᠤ ᠰᠦᠸᠧᠵᠤᠷ ᠰᠢᠶᠠᠨᠱᠧᠩ᠂ ᠬᠦᠷᠵᠡᠪ᠂ ᠶ᠊ · ᠪᠤᠶᠠᠨᠳᠤᠬᠳᠠᠬᠤ ᠨᠡᠷ | ᠦᠨᠳᠤᠰᠦᠯᠡᠨ ᠪᠠᠶᠢᠭᠤᠯᠵᠦ᠂ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠵᠠᠬᠦᠨ ᠠᠷᠤ ᠨᠤᠳᠤᠭ ᠤᠨ | ᠤᠯᠠᠭᠠᠨ ᠡᠷᠬᠢ ᠶᠢᠨ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠬᠡᠵᠦ ᠪᠠᠶᠢᠵᠠᠢ᠃ ᠤᠳᠤᠬᠨ ᠳᠤ᠂ ᠲᠤᠰ ᠰᠤᠷᠭᠠᠭᠤᠯᠢ ᠳᠤ ᠨᠡᠶᠢᠳᠡ | 150 ᠭᠠᠷᠤᠢ ᠰᠤᠷᠤᠬᠴᠢ ᠲᠠᠢ᠃ ᠠᠵᠢᠯᠯᠠᠵᠦ ᠪᠠᠶᠢᠭᠠ 55 ᠪᠠᠭᠰᠢ ᠲᠠᠢ᠃ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠬᠰᠡᠨ ᠨᠢ | 16 ᠪᠠᠭᠰᠢ ᠪᠤᠢ᠃ ᠪᠠᠶᠠᠨᠭᠤᠤᠯ ᠰᠤᠷᠭᠠᠭᠤᠯᠢ ᠨᠢ ᠰᠤᠷᠭᠠᠭᠤᠯᠢ ᠨᠡᠶᠢᠯᠡᠬᠦᠯᠬᠦ ᠦᠢᠮᠡᠬᠡᠨ ᠳᠤ ᠲᠠᠭᠠᠷᠢᠬᠳᠠᠬᠰᠡᠨ | ᠪᠤᠯᠪᠠᠴᠤ ᠬᠠᠮᠢᠶᠡ ᠪᠦᠬᠦᠢ ᠬᠦᠮᠦᠰ ᠤᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠦᠯᠡᠳᠡᠵᠦ ᠴᠢᠳᠠᠵᠠᠢ᠃ ᠵᠠᠷᠢᠮ ᠬᠦᠮᠦᠨ ᠨᠢ ᠡᠬᠦᠨ ᠢ | ᠭᠠᠴᠠᠭᠠᠨ ᠤ ᠰᠤᠷᠭᠠᠭᠤᠯᠢ ᠬᠡᠵᠦ ᠠᠨᠳᠠᠭᠤᠷᠠᠳᠠᠭ᠃ ᠲᠤᠰ ᠰᠤᠷᠭᠠᠭᠤᠯᠢ ᠪᠤᠯ ᠪᠠᠶᠠᠨᠭᠤᠤᠯ ᠭᠠᠴᠠᠭᠠᠨ ᠳᠤ ᠪᠠᠶᠢᠭᠠ | ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠮᠦᠨ᠃ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠳᠤ ᠤᠳᠤ ᠬᠤᠶᠠᠷ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠢ᠃ | ᠡᠨᠡ ᠨᠢ ᠪᠦᠬᠦ ᠦᠪᠦᠷ ᠮᠤᠩᠭᠤᠯ ᠳᠤ ᠴᠦ ᠴᠦᠬᠡᠨ ᠪᠠᠶᠢᠬᠠ᠃ ᠪᠢ ᠤᠳᠠᠯ ᠦᠬᠡᠢ ︿ᠤᠶᠤᠨ ᠢ ᠴᠢᠮᠡᠭᠴᠢ ᠯᠢᠩᠪᠦ | ᠶᠢᠨ ᠲᠠᠭᠤ — ᠬᠡᠰᠢᠭᠳᠡᠨ᠂ ᠪᠠᠶᠠᠨᠭᠤᠤᠯ ᠰᠤᠷᠭᠠᠭᠤᠯᠢ﹀ ᠨᠤᠮ ᠢᠶᠠᠨ ᠬᠡᠪᠯᠡᠬᠦᠯᠬᠦ ᠪᠠᠷ ᠪᠤᠢ᠃ ᠲᠤᠰ ᠨᠤᠮ | ᠳᠠᠭᠠᠨ ᠪᠠᠶᠠᠨᠭᠤᠤᠯ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠦᠬᠡ ᠶᠢ ᠪᠢᠴᠢᠭᠰᠡᠨ ᠶᠤᠮ︾᠃ | ᠮ᠊ · ᠰᠠᠴᠠᠨᠪᠠᠭᠠᠳᠤᠷ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠤᠬᠠᠭᠠᠨ ᠲᠡᠮᠢᠷ ᠨᠢ ᠰᠢᠨᠡ ᠦᠶᠡ ᠶᠢᠨ ᠬᠢᠨ ᠳᠤ | ᠲᠡᠯᠪᠢᠬᠰᠡᠨ ᠪᠤᠰᠤᠭᠠ ᠰᠤᠶᠤᠯ ᠤᠨ ᠢᠳᠡᠬᠡᠯ ᠴᠦ ᠪᠤᠯᠪᠠᠦ︕ ᠲᠦᠷᠦᠯᠬᠢ ᠰᠤᠶᠤᠯ ᠤᠨ ᠰᠠᠨᠠᠭᠠᠰᠢᠷᠡᠯ ᠨᠢ ᠮᠢᠨᠤ᠂ | ᠴᠢᠨᠤ᠂ ᠪᠢᠳᠡ ᠪᠦᠬᠦᠨ ᠤ ᠪᠤᠳᠤᠯ ᠰᠡᠳᠬᠢᠯ ᠤᠨ ᠲᠤᠯᠬᠢᠰᠤᠯ ᠴᠦ ᠪᠤᠯᠪᠠᠦ︕ | ᠪᠦᠯᠢᠶᠡᠨ ᠰᠦᠨ ᠤ ᠲᠤᠶᠠᠭᠠ᠂ ᠠᠯᠤᠰ ᠤᠨ ᠠᠯᠤᠰ ᠠᠴᠠ ᠲᠠᠭᠤᠳᠠᠬᠰᠡᠨ ᠰᠢᠬ ᠯᠡ᠂ ᠪᠤᠰᠤᠭᠠ ᠲᠦᠷᠦᠬᠡ | ᠲᠠᠢ ᠬᠦᠦ ᠶᠢ ᠨᠤᠳᠤᠭ ᠤᠨ ᠰᠢᠷᠤᠢ ᠨᠢ ᠠᠷᠭᠠᠮᠵᠢᠬᠰᠡᠨ ᠰᠢᠬ ᠯᠡ᠂ ᠪᠠᠭᠰᠢ ᠮᠢᠨᠢ᠂ ᠬᠡᠰᠢᠭᠳᠡᠨ ᠤ ᠬᠦᠷᠦᠰᠤᠨ ᠳᠤ | ᠬᠤᠨᠤᠬᠰᠢᠵᠦ᠂ ᠵᠡᠬᠦᠳᠤᠨ ᠤ ᠦᠨᠡᠨ ᠢᠶᠠᠨ ᠡᠷᠢᠬᠦ ᠪᠠᠷ ᠦᠢᠯᠡᠰ ᠤᠨ ᠰᠠᠷᠠᠭᠤᠯ ᠬᠠᠷᠭᠤᠢ ᠪᠠᠷ ᠢᠳᠡᠷᠡᠬᠦᠨ ᠠᠯᠬᠤᠨᠠᠮ | ︕ | |