| | ᠨᠢᠭᠡ | ᠰᠦᠨᠢ ᠲᠤᠮᠳᠠ ᠠᠴᠠ ᠬᠤᠶᠢᠰᠢ ᠬᠡᠨᠡᠳᠳᠠ ᠠᠭᠠᠳᠠᠷ ᠪᠤᠷᠤᠭᠠ ᠤᠷᠤᠵᠤ᠂ ᠪᠠᠶᠢᠨ ᠪᠠᠶᠢᠨ ᠬᠤᠷᠴᠨ | ᠴᠠᠬᠢᠯᠭᠠᠨ ᠴᠠᠬᠢᠯᠤᠨ ᠲᠡᠭᠷᠢ ᠨᠢᠵᠢᠬᠢᠨᠡᠵᠤ ᠰᠠᠶ᠋ᠢᠬᠠᠨ ᠪᠠᠷᠢᠭᠳᠠᠵᠤ ᠲᠤᠤᠷᠠᠨ ᠳᠤ ᠤᠷᠤᠭᠰᠠᠨ ᠪᠦᠷᠬᠦᠳ ᠰᠢᠭ | ᠠᠭᠤᠷᠯᠠᠭᠰᠠᠨ ᠪᠠᠶᠢᠭᠠᠯᠢ ᠰᠦᠷᠳᠠᠢ ᠴᠤ ᠠᠶᠤᠮᠰᠢᠭᠳᠠᠢ ᠴᠤ ᠪᠠᠶᠢᠪᠠ᠃ | ᠠᠳᠤᠭᠤ ᠮᠢᠨᠢ ᠬᠠᠪᠴᠢᠭᠠᠨᠠᠨ ᠤᠭᠳᠤ ᠲᠤᠭᠳᠠᠵᠤ ᠦᠭᠬᠦ ᠦᠭᠡᠢ᠂ ᠵᠠᠷᠢᠮ ᠳᠠᠭᠠᠨ ᠬᠤᠶᠢᠯᠠᠷᠠᠨ ᠦᠷᠬᠦᠬᠦ ᠳᠤ | ᠪᠢ ᠴᠤ ᠠᠶᠤᠬᠤ ᠰᠢᠭ᠋ ᠪᠤᠯᠤᠭᠠᠳ᠂ ᠬᠠᠰᠬᠢᠷᠬᠤ ᠳᠤ ᠲᠠᠭᠤ ᠮᠢᠨᠢ ᠴᠡᠴᠡᠷᠡᠨ ᠲᠠᠰᠤᠯᠳᠠᠵᠤ ᠪᠠᠶᠢᠯᠠ᠃ ᠬᠡᠳᠦᠨ | ᠡᠳᠦᠷ ᠤᠨ ᠵᠦᠰᠡᠷ ᠪᠤᠷᠤᠭᠠ ᠶᠢ ᠲᠠᠵᠢᠬᠦᠢ ᠲᠠᠪᠠᠳᠠᠭ ᠠᠪᠤ ᠶᠢᠨ ᠮᠢᠨᠢ ᠤᠳᠤᠨᠴᠤᠤ ᠴᠤᠪᠠ ᠬᠦᠷᠳᠡᠯᠠ ᠬᠤᠪᠢᠩ ᠢᠶᠠᠷ | ᠠᠰᠬᠠᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠴᠢᠳᠬᠤᠯᠠᠭᠰᠠᠨ ᠡᠨᠡ ᠤᠰᠤ ᠶᠢ ᠪᠠᠷᠢᠵᠤ ᠴᠢᠳᠠᠯᠬᠦᠢ ᠨᠡᠪᠳᠡᠷᠡᠭᠡᠳ ᠪᠢ ᠤᠰᠤᠨ ᠳᠤ | ᠤᠷᠤᠭᠰᠠᠨ ᠵᠤᠷᠠᠮᠠ ᠰᠢᠭ᠋ ᠱᠠᠯᠠᠪ ᠴᠤᠬᠢᠭᠤᠯᠵᠤ᠂ ᠰᠢᠳᠤ ᠮᠢᠨᠢ ᠲᠠᠭᠵᠢᠨ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠵᠤᠳᠤᠯᠳᠤᠵᠤ | ᠪᠠᠶᠢᠪᠠ᠃ ᠬᠠᠷᠢᠨ ᠡᠨᠡ ᠰᠦᠨᠢ ᠶᠢᠨ ᠭᠠᠭᠴᠨ ᠰᠠᠶᠢᠨ ᠶᠠᠭᠤᠮᠠ ᠬᠡᠪᠡᠯ ᠦᠶᠠ ᠦᠶᠠ ᠴᠠᠬᠢᠯᠵᠤ ᠪᠠᠶᠢᠭᠠ ᠴᠠᠬᠢᠯᠭᠠᠨ | ᠳᠤ ᠠᠳᠤᠭᠤ ᠮᠢᠨᠢ ᠪᠠᠶᠢᠨ ᠪᠠᠶᠢᠨ ᠲᠤᠳᠤᠷᠠᠵᠤ ᠪᠠᠶᠢᠭᠰᠠᠨ ᠲᠤᠯᠨ ᠪᠢ ᠲᠠᠰᠤᠷᠠᠭᠰᠠᠨ ᠬᠡᠰᠡᠭ ᠢ ᠨᠢ ᠲᠤᠤᠷᠠ ᠨᠢ | ᠨᠡᠶᠢᠯᠡᠬᠦᠯᠵᠤ ᠪᠠᠶᠢᠪᠠ᠃ ᠦᠦᠷ ᠰᠦᠨᠢ ᠬᠠᠭᠠᠴᠠᠬᠤ ᠶᠢᠨ ᠡᠮᠦᠨᠡᠭᠡᠨ ᠪᠤᠷᠤᠭᠠ ᠬᠡᠨᠡᠳᠳᠠ ᠤᠷᠤᠭᠰᠠᠨ ᠲᠠᠢ ᠪᠠᠨ | ᠠᠳᠠᠯᠢ ᠬᠡᠨᠡᠳᠳᠠ ᠠᠷᠢᠯᠵᠤ ᠤᠳᠠᠯ ᠦᠭᠡᠢ ᠪᠦᠬᠦᠨ ᠢ ᠲᠠᠭᠯᠠᠭᠰᠠᠨ ᠵᠤᠵᠠᠭᠠᠨ ᠬᠠᠷᠠ ᠡᠬᠦᠯᠨ ᠲᠤᠨᠢᠯᠤᠨ ᠲᠡᠭᠷᠢ | ᠴᠡᠯᠮᠡᠭᠡᠳ ᠦᠷᠯᠦᠭᠡ ᠶᠢᠨ ᠨᠠᠷᠠ ᠤᠬᠢᠶᠠᠭᠰᠠᠨ ᠶᠢᠷᠳᠢᠨᠴᠤ ᠶᠢ ᠮᠡᠨᠳᠦᠯᠡᠨ ᠠᠭᠤᠯᠨ ᠶᠢᠨ ᠲᠤᠯᠤᠭᠠᠢ ᠳᠤ ᠠᠯᠳᠠᠨ | ᠮᠠᠯᠠᠭᠠᠢ ᠡᠮᠦᠰᠭᠡᠬᠦ ᠳᠤ ᠠᠭᠤᠯᠨ ᠨᠤᠭᠤᠳ ᠮᠠᠯᠢᠯᠵᠠᠨ ᠢᠨᠢᠶᠡᠵᠤ ᠪᠠᠶᠢᠭᠠ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠲᠠᠷᠭᠤᠨ ᠰᠢᠷᠠ | ᠬᠦᠮᠦᠨ ᠰᠢᠭ᠋ ᠬᠠᠷᠠᠭᠳᠠᠵᠤ ᠪᠠᠶᠢᠯᠠ᠃ ᠪᠢ ᠠᠳᠤᠭᠤ ᠪᠠᠨ ᠬᠡᠷ ᠤᠨ ᠵᠦᠭ ᠠᠯᠭᠤᠷᠬᠠᠨ ᠲᠠᠭᠤᠪᠠ᠃ ᠨᠠᠷᠠ ᠵᠡᠬᠦᠨ | ᠲᠠᠯᠠ ᠶᠢᠨ ᠤᠷᠤᠢ ᠠᠴᠠ ᠰᠠᠯᠵᠤ ᠶᠠᠳᠠᠨ ᠪᠠᠶᠢᠬᠤ ᠳᠤ ᠪᠢ ᠠᠳᠤᠭᠤ ᠪᠠᠨ ᠭᠡᠷ ᠤᠨ ᠭᠠᠳᠠᠨᠠ ᠠᠪᠴᠢᠷᠠᠭᠰᠠᠨ | ᠪᠦᠭᠡᠳ ᠲᠤᠷᠵᠢ ᠭᠤᠸᠠᠢ ᠶᠢᠨ ᠭᠡᠷ ᠤᠨ ᠴᠠᠭᠠᠨᠠ ᠬᠤᠤᠰ ᠬᠤᠤᠰ ᠢᠶᠠᠷ ᠨᠢ ᠬᠡᠷᠦᠭᠰᠡᠨ ᠪᠤᠯᠤᠯᠳᠠᠢ ᠦᠯᠤ ᠲᠠᠨᠢᠬᠤ | ᠲᠦᠷᠪᠡᠨ ᠮᠤᠷᠢ ᠢᠳᠡᠵᠤ ᠪᠠᠶᠢᠭᠠ ᠬᠠᠷᠠᠭᠳᠠᠪᠠ᠃ | ᠠᠳᠤᠭᠤᠨ ᠤ ᠲᠦᠷᠦᠬᠦᠤ ᠵᠡᠯᠡᠨ ᠲᠡᠭᠡᠷᠠ ᠤᠴᠢᠭᠠᠳ ᠵᠤᠭᠰᠤᠬᠤ ᠳᠤ ᠠᠪᠤ ᠮᠢᠨᠢ ᠬᠠᠵᠠᠭᠠᠷ ᠢᠶᠠᠨ ᠪᠠᠷᠢᠨ | ᠲᠤᠮᠤ ᠲᠤᠮᠤ ᠠᠯᠬᠤᠯᠠᠵᠤ ᠢᠷᠡᠭᠡᠳ᠄ ︽ᠵᠠ ᠤᠷᠤᠵᠤ ᠲᠤᠯᠠᠭᠠᠴᠨ᠃ ᠪᠢ ᠤᠨᠠᠭᠠ ᠪᠠᠷᠢᠭᠠᠳ ᠤᠶᠠᠴᠢᠬᠠᠶᠠ︾ | ᠬᠡᠪᠡ᠃ ᠡᠨᠡ ᠰᠦᠨᠢ ᠠᠳᠤᠭᠤ ᠮᠠᠨᠠᠭᠰᠠᠨ ᠮᠢᠨᠢ ᠨᠠᠳᠠᠳᠤ ᠮᠤᠨᠳᠠᠭ ᠪᠠᠭᠠᠳᠤᠷᠯᠢᠭ ᠬᠡᠷᠡᠭ ᠰᠠᠨᠠᠭᠳᠠᠵᠤ ᠪᠠᠶᠢᠵᠤ ᠪᠢᠯᠨ᠃ | ᠭᠡᠪᠡᠴᠤ ᠠᠪᠤ ᠮᠢᠨᠢ ᠨᠠᠮᠠᠢᠢ ᠰᠠᠶᠢᠰᠢᠶᠠᠭᠰᠠᠨ ᠦᠭᠡᠢ᠃ ᠪᠤᠳᠤᠪᠠᠯ ᠦᠩᠭᠡᠷᠡᠬᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠳᠤᠨᠢ ᠡᠨᠡ | ᠪᠠᠶᠢᠳᠤᠭᠠᠢ ᠡᠬᠦᠨ ᠠᠴᠠ ᠬᠡᠳᠤ ᠲᠠᠬᠢᠨ ᠬᠡᠴᠡᠬᠦᠤ ᠰᠦᠨᠢ ᠠᠳᠤᠭᠤ ᠮᠠᠨᠠᠬᠤ ᠶᠠᠪᠤᠳᠠᠯ ᠪᠢᠰᠢᠬᠦᠢ ᠲᠤᠬᠢᠶᠠᠯᠳᠤᠭᠰᠠᠨ | ᠲᠤᠯᠨ ᠮᠢᠨᠤ ᠡᠨᠡ ᠠᠵᠢᠯ ᠲᠡᠬᠦᠨ ᠳᠤ ᠮᠠᠯᠴᠢᠨ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠵᠢᠷ ᠤᠨ ᠬᠡᠷᠡᠭ ᠪᠠᠶᠢᠭᠰᠠᠨ ᠪᠢᠵᠠ᠃ | ᠨᠠᠮᠠᠢᠢ ᠬᠡᠷ ᠲᠤ ᠤᠷᠤᠬᠤ ᠳᠤ ᠡᠵᠢ ᠮᠢᠨᠢ ᠬᠠᠴᠠᠷᠳᠠᠨ ᠠᠰᠠᠵᠤ᠂ ᠦᠰᠦᠭᠡᠢ ᠪᠠᠨ ᠡᠷᠬᠦᠨ ᠦᠯᠢᠢᠵᠤ ᠮᠠᠩᠨᠠᠢ | ᠲᠡᠭᠡᠷᠠ ᠮᠢᠨᠢ ᠦᠨᠦᠰᠦᠭᠡᠳ ᠬᠡᠢ ᠯᠡ ᠰᠦᠨᠢ ᠶᠢᠨ ᠲᠤᠷᠰᠢ ᠨᠢᠭᠡ ᠴᠤ ᠠᠮᠢᠰᠬᠤᠯ ᠠᠪᠤᠭᠠ ᠦᠭᠡᠢ ᠶᠤᠮ ᠰᠢᠭ᠋ | ᠴᠡᠭᠡᠵᠢ ᠲᠦᠬᠦᠷᠡᠩ ᠠᠭᠠᠷ ᠲᠠᠳᠠᠭᠰᠠᠨ ᠢᠶᠠᠨ᠄ ︽ᠠᠢ ᠪᠤᠷᠬᠠᠨ ᠮᠢᠨᠢ᠂ ᠬᠦᠤ ᠮᠢᠨᠢ ᠠᠮᠢᠳᠤ ᠢᠷᠡᠯᠠ︾ ᠬᠡᠵᠤ | ᠬᠤᠶᠢᠮᠤᠷ ᠪᠠᠶᠢᠭᠠ ᠪᠤᠷᠬᠠᠨ ᠤ ᠵᠦᠭ ᠮᠢᠨᠤ ᠢᠷᠡᠭᠰᠡᠨ ᠢ ᠮᠡᠳᠡᠭᠳᠡᠵᠤ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠬᠡᠯᠡᠪᠡ᠃ | ᠡᠵᠢ ᠶᠢᠨ ᠮᠢᠨᠢ ᠬᠦᠨ ᠬᠠᠶᠢᠷᠠ ᠬᠡᠷᠡᠯᠳᠦᠭᠰᠡᠨ ᠨᠢᠳᠤ᠂ ᠠᠵᠢᠯ ᠨᠠᠰᠤ ᠬᠤᠶᠠᠷ ᠤᠨ ᠲᠡᠮᠳᠡᠭ ᠪᠤᠯᠤᠭᠰᠠᠨ | ᠨᠢᠭᠤᠷ ᠤᠨ ᠦᠷᠴᠢᠯᠡᠭᠡ ᠪᠦᠬᠦᠨ ᠳᠤ ᠨᠤᠶᠢᠷ ᠦᠭᠡᠢ ᠬᠤᠨᠤᠭᠰᠠᠨ ᠤ ᠶᠠᠳᠠᠷᠠᠯ ᠤᠨ ᠰᠢᠨᠵᠢ ᠲᠤᠳᠤᠬᠠᠨ ᠬᠠᠷᠠᠭᠳᠠᠵᠤ | ᠪᠠᠶᠢᠯᠠ᠃ | ᠪᠢ ᠬᠤᠪᠴᠠᠰᠤ ᠪᠠᠨ ᠰᠤᠯᠢᠵᠤ ᠡᠮᠦᠰᠬᠦ ᠵᠠᠭᠤᠷᠠ ᠲᠤᠷᠵᠢ ᠭᠤᠸᠠᠢ ᠶᠢᠨ ᠲᠠᠯᠪᠢᠭᠰᠠᠨ ᠦᠯᠤ ᠲᠠᠨᠢᠬᠤ | ᠮᠤᠷᠢᠳ ᠤᠨ ᠲᠤᠬᠠᠢ ᠠᠰᠠᠭᠤᠬᠤ ᠳᠤ᠄ ︽ᠨᠠᠪᠴᠢ ᠶᠢᠨ ᠡᠴᠢᠭᠡ ᠨᠢ ᠲᠡᠬᠦᠤ ᠦᠬᠢᠨ ᠲᠠᠢ ᠨᠢ ᠢᠷᠡᠭᠰᠡᠨ᠃ ᠵᠠ | ᠬᠦᠤ ᠮᠢᠨᠢ ᠴᠠᠢ ᠪᠠᠨ ᠤᠤᠭᠤ︕︾ ᠬᠡᠵᠤ ᠡᠵᠢ ᠮᠢᠨᠢ ᠬᠡᠯᠡᠬᠦ ᠵᠠᠭᠤᠷᠠ ᠠᠶᠠᠭᠠ ᠲᠦᠬᠦᠷᠡᠩ ᠰᠢᠨᠡᠭᠡᠨ ᠦᠷᠦᠮᠠ | ᠲᠡᠭᠡᠷᠠ ᠴᠠᠢ ᠬᠢᠭᠡᠳ ᠦᠭᠬᠦᠯᠠ᠃ ᠪᠢ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ ᠢᠷᠡᠭᠰᠡᠨ ᠵᠤᠴᠢᠳ ᠤᠨ ᠲᠤᠬᠠᠢ ᠠᠰᠠᠭᠤᠬᠤ | ᠭᠡᠳ ᠯᠡ᠂ ᠬᠠᠭᠤᠷᠠᠢ ᠬᠤᠪᠴᠠᠰᠤ ᠡᠮᠦᠰᠦᠭᠡᠳ ᠬᠠᠯᠠᠭᠤᠨ ᠴᠠᠢ ᠤᠤᠭᠤᠭᠰᠠᠨ ᠢᠶᠠᠷ ᠮᠠᠷᠳᠠᠭᠳᠠᠵᠤ ᠡᠬᠢᠯᠡᠭᠰᠡᠨ | ᠰᠦᠨᠢ ᠶᠢᠨ ᠶᠠᠪᠤᠳᠠᠯ ᠢ ᠡᠵᠢ ᠮᠢᠨᠢ ᠠᠰᠠᠭᠤᠵᠤ ᠰᠡᠳᠬᠢᠯ ᠢᠶᠠᠨ ᠵᠤᠪᠠᠭᠠᠬᠤ ᠬᠡᠳ ᠯᠡ ᠪᠢᠳᠠ ᠬᠤᠶᠠᠷ ᠤᠨ ᠬᠦᠰᠡᠯ | ᠵᠦᠷᠢᠵᠤ ᠶᠠᠷᠢᠶᠠ ᠮᠠᠨᠢ ᠤᠯᠢᠭ ᠲᠠᠢ ᠪᠤᠯᠤᠭᠰᠠᠨ ᠦᠭᠡᠢ᠃ | ᠦᠷᠦᠮᠠ ᠢᠳᠡᠵᠤ᠂ ᠴᠠᠢ ᠤᠤᠭᠤᠵᠤ ᠰᠠᠭᠤᠬᠤ ᠳᠤ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ ᠶᠠᠮᠠᠷ ᠵᠤᠴᠢᠳ ᠶᠠᠭᠠᠬᠢᠬᠤ | ᠬᠡᠵᠤ ᠢᠷᠡᠭᠰᠡᠨ ᠶᠤᠮ ᠪᠤᠯ︖ ᠶᠠᠮᠠᠷ ᠰᠢᠤ ᠬᠦᠮᠦᠰ ᠪᠠᠶᠢᠭᠠ ᠪᠤᠯ︖ ᠬᠡᠬᠦ ᠵᠡᠷᠭᠡ ᠡᠳᠦᠢ ᠲᠡᠳᠦᠢ ᠬᠠᠷᠢᠭᠤ | ᠨᠡᠭᠡᠭᠰᠡᠨ ᠠᠰᠠᠭᠤᠳᠠᠯ ᠰᠡᠳᠬᠢᠯ ᠳᠤ ᠮᠢᠨᠢ ᠡᠷᠬᠢᠯᠳᠦᠵᠤ ᠪᠠᠶᠢᠯᠠ᠃ | ᠪᠢ ᠴᠠᠢ ᠤᠤᠭᠤᠭᠰᠠᠨ ᠤ ᠲᠠᠷᠠᠭᠠ ᠬᠡᠷ ᠠᠴᠠ ᠪᠠᠨ ᠭᠠᠷᠴᠤ ᠰᠢᠬᠢᠷ ᠪᠤᠤᠪᠤ ᠭᠤᠷᠢᠳᠠᠭᠰᠠᠨ ᠬᠡᠦᠭᠡᠳ ᠵᠠᠩ | ᠳᠤ ᠠᠪᠳᠠᠭᠳᠠᠨ ᠲᠤᠷᠵᠢ ᠭᠤᠸᠠᠢ ᠶᠢᠨ ᠭᠡᠷ ᠤᠷᠤᠭᠤ ᠬᠠᠷᠠᠵᠤ ᠬᠡᠰᠡᠭ ᠵᠤᠭᠰᠤᠭᠰᠠᠨ ᠢᠶᠠᠨ ᠬᠡᠨᠡᠳᠳᠠ ᠬᠠᠩᠬᠠᠷ | ᠡᠷᠠ ᠪᠤᠯᠤᠭᠰᠠᠨ ᠢᠶᠠᠨ ᠰᠠᠨᠠᠵᠤ ᠬᠡᠬᠦᠤ ᠶᠢᠨ ᠵᠡᠯᠠ ᠤᠷᠤᠭᠤ ᠲᠦᠷᠭᠡᠨ ᠠᠯᠬᠤᠪᠠ᠃ ᠬᠡᠳᠡᠯᠠ ᠠᠷᠤ ᠠᠴᠠ ᠮᠢᠨᠢ | ᠨᠠᠪᠴᠢ ᠭᠤᠸᠠᠢ ᠲᠠᠭᠤᠳᠠᠬᠤ ᠳᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠪᠠᠶᠠᠷᠯᠠᠨ ᠡᠷᠬᠢᠵᠤ ᠲᠤᠷᠵᠢ ᠭᠤᠸᠠᠢ ᠶᠢᠨ ᠤᠷᠤᠭᠤ | ᠰᠢᠬᠢᠷ ᠪᠤᠳᠤᠭᠰᠠᠨ ᠠᠴᠠ ᠦᠭᠡᠷᠠ ᠶᠠᠭᠤ ᠴᠤ ᠪᠤᠳᠤᠭᠰᠠᠨ ᠦᠭᠡᠢ ᠶᠠᠪᠤᠪᠠ᠃ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ ᠤᠷᠤᠬᠤ | ᠳᠤ ᠲᠠᠪᠢ ᠭᠠᠷᠤᠢ ᠨᠠᠰᠤᠨ ᠤ ᠡᠷᠡᠭᠳᠠᠢ ᠬᠦᠮᠦᠨ ᠬᠤᠶᠢᠮᠤᠷ ᠨᠢ ᠨᠦᠮᠦᠭᠡᠨ ᠰᠠᠭᠤᠭᠠᠳ ᠴᠠᠢ ᠤᠤᠭᠤᠵᠤ ᠪᠠᠶᠢᠪᠠ᠃ | ᠨᠢᠭᠡ ᠪᠦᠰᠡᠬᠦᠢ ᠬᠦᠮᠦᠨ ᠴᠠᠰᠢ ᠬᠠᠷᠠᠭᠠᠳ ᠪᠠᠷᠠᠭᠤᠨ ᠬᠤᠶᠢᠳᠤ ᠠᠪᠳᠠᠷᠠ ᠤᠷᠤᠭᠤ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠬᠢᠵᠤ | ᠪᠠᠶᠢᠪᠠ᠃ ᠪᠢ ᠲᠤᠮᠤ ᠬᠦᠮᠦᠨ ᠤ ᠰᠢᠬᠠᠮᠠᠯ ᠪᠦᠳᠦᠭᠦᠨ ᠲᠠᠭᠤ ᠪᠠᠷ ᠬᠤᠶᠢᠮᠤᠷ ᠰᠠᠭᠤᠵᠤ ᠪᠠᠶᠢᠭᠠ ᠬᠦᠮᠦᠨ ᠤ ᠠᠮᠤᠷ | ᠮᠡᠨᠳᠤ ᠶᠢ ᠠᠰᠠᠭᠤᠪᠠ᠃ | ᠨᠠᠪᠴᠢ ᠭᠤᠸᠠᠢ ᠰᠢᠷᠭᠤᠤᠯ ᠠᠴᠠ ᠪᠠᠨ ᠠᠳᠬᠤ ᠲᠦᠬᠦᠷᠡᠩ ᠰᠢᠬᠢᠷ ᠪᠤᠤᠪᠤ ᠠᠪᠴᠤ ᠨᠠᠳᠠᠳᠤ ᠦᠭᠭᠦᠭᠰᠡᠨ | ᠳᠤ ᠪᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠤᠰᠴᠤ ᠠᠪᠤᠭᠠᠳ ᠲᠠᠬᠢᠮ ᠢᠶᠠᠨ ᠦᠯᠤ ᠮᠡᠳᠡᠭ ᠨᠤᠭᠤᠯᠤᠨ ᠶᠤᠰᠤᠯᠠᠳᠠᠯᠠ ︵ | ᠬᠦᠮᠦᠨ ᠶᠠᠭᠤᠮᠠ ᠦᠭᠬᠦ ᠳᠤ ᠮᠤᠩᠭᠤᠯ ᠬᠦᠮᠦᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠤᠰᠴᠤ ᠠᠪᠤᠭᠠᠳ ᠲᠠᠬᠢᠮ ᠢᠶᠠᠨ | ᠨᠤᠭᠤᠯᠤᠨ ᠶᠤᠰᠤᠯᠠᠳᠠᠭ ᠶᠤᠮ ᠬᠡᠵᠤ ᠪᠠᠭᠠ ᠳᠤ ᠮᠢᠨᠢ ᠡᠵᠢ ᠵᠢᠭᠠᠵᠤ ᠦᠭᠴᠤ ᠪᠢᠯᠨ︶ ᠠᠪᠳᠠᠷᠠ ᠲᠤ ᠶᠠᠭᠤᠮᠠ | ᠬᠢᠵᠤ ᠪᠠᠶᠢᠭᠰᠠᠨ ᠬᠡᠦᠭᠡᠨ ᠡᠷᠬᠢᠵᠤ ᠬᠠᠷᠠᠯᠠ᠃ | ᠨᠢᠳᠤ ᠮᠢᠨᠢ ᠲᠡᠬᠦᠨ ᠤ ᠡᠬᠡ ᠪᠠᠨ ᠬᠠᠷᠠᠭᠰᠠᠨ ᠪᠤᠳᠤᠭᠤᠨ ᠤ ᠨᠢᠳᠤ ᠰᠢᠭ ᠲᠤᠷᠮᠤᠯᠵᠠᠵᠤ ᠪᠠᠶᠢᠭᠠ ᠨᠢᠳᠤᠨ | ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠤᠨ ᠭᠠᠷ ᠲᠠᠭᠠᠨ ᠪᠠᠶᠢᠭᠠ ᠪᠤᠤᠪᠤ ᠰᠢᠬᠢᠷ ᠢᠶᠠᠨ ᠠᠯᠢ ᠬᠡᠳᠦᠶᠢᠨ ᠮᠠᠷᠳᠠᠭᠠᠳ᠂ | ᠲᠡᠬᠦᠨ ᠤ ᠵᠠᠷᠢᠮ ᠨᠢ ᠤᠨᠠᠵᠤ ᠪᠠᠶᠢᠬᠤ ᠶᠢ ᠴᠤ ᠮᠡᠳᠡᠭᠰᠡᠨ ᠦᠭᠡᠢ᠃ ᠲᠡᠭᠡᠭᠡᠳ ᠦᠪᠡᠷ ᠤᠨ ᠡᠪ ᠦᠭᠡᠢ ᠪᠠᠶᠢᠳᠠᠯ ᠢ | ᠮᠡᠳᠡᠮᠡᠭᠴᠨ ᠢᠴᠢᠵᠤ ᠵᠤᠪᠠᠭ᠋ᠤ ᠶᠢᠨ ᠲᠤᠶᠢᠯ ᠳᠤ ᠬᠦᠷᠴᠤ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠤᠯᠤᠭᠠᠳ ᠠᠷᠭᠠ ᠪᠠᠨ | ᠪᠠᠷᠠᠬᠤ ᠳᠠᠭᠠᠨ᠄ ︽ᠲᠠ ᠰᠠᠶᠢᠨ ᠪᠠᠶᠢᠨᠠ ᠦᠦ︖︾ ᠬᠡᠵᠤ ᠬᠡᠦᠭᠡᠨ ᠠᠴᠠ ᠠᠰᠠᠭᠤᠪᠠ᠃ ᠮᠢᠨᠤ ᠮᠡᠨᠳᠤᠴᠢᠯᠡᠯ ᠤᠨ | ᠬᠠᠷᠢᠭᠤ ᠳᠤ ᠲᠡᠷᠨ ᠬᠡᠦᠭᠡᠨ ᠶᠠᠭᠠᠬᠢᠭᠰᠠᠨ᠂ ᠶᠠᠭᠤ ᠬᠡᠵᠤ ᠬᠡᠯᠡᠭᠰᠡᠨ ᠢ ᠪᠢ ᠮᠡᠳᠡᠬᠦ ᠦᠭᠡᠢ᠃ ᠬᠠᠷᠢᠨ ᠱᠠᠯᠠᠪᠬᠠᠨ | ᠰᠢᠬᠢᠷ ᠪᠤᠤᠪᠤ ᠪᠠᠨ ᠡᠪᠤᠷᠳᠦᠯᠡᠭᠡᠳ ᠡᠷᠬᠢᠵᠤ ᠭᠠᠷᠤᠨ ᠬᠡᠬᠦᠤ ᠶᠢᠨ ᠵᠡᠯᠠ ᠤᠷᠤᠭᠤ ᠶᠠᠪᠤᠵᠤ ᠪᠢᠯᠨ᠃ | ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠮᠢᠨᠢ ᠲᠡᠷᠨ ᠬᠡᠦᠭᠡᠨ ᠤ ᠵᠤᠨ ᠤ ᠨᠠᠷᠨ ᠠᠯᠤᠰ ᠤᠨ ᠵᠠᠮ ᠬᠤᠶᠠᠷ ᠭᠠᠩᠳᠠᠭᠠᠵᠤ | ᠴᠢᠳᠠᠭᠠ ᠦᠭᠡᠢ ᠴᠢᠷᠠᠢ᠂ ᠲᠤᠷᠮᠤᠯᠵᠠᠨ ᠠᠯᠠᠭᠯᠠᠭᠰᠠᠨ ᠬᠤᠶᠠᠷ ᠨᠢᠳᠤ᠂ ᠤᠷᠳᠤ ᠤᠷᠳᠤ ᠴᠠᠭᠠᠨ ᠰᠢᠳᠤ᠂ | ᠭᠠᠩᠳᠠᠭᠰᠠᠨ ᠴᠡᠩᠭᠡᠷ ᠲᠡᠪᠡᠯ ᠤᠨ ᠠᠷᠤ ᠤᠷᠤᠭᠤ ᠮᠤᠰᠬᠢᠷᠠᠨ ᠤᠨᠵᠠᠶᠢᠵᠤ ᠪᠠᠶᠢᠭᠰᠠᠨ ᠪᠦᠳᠦᠬᠦᠨ ᠬᠠᠷᠠ ᠬᠡᠵᠢᠭᠡ ᠨᠢ | ᠰᠡᠳᠬᠢᠯ ᠠᠴᠠ ᠮᠢᠨᠢ ᠵᠠᠶᠢᠯᠠᠬᠤ ᠪᠠᠨ ᠪᠤᠯᠢᠭᠠᠳ᠂ ᠲᠠᠬᠢᠨ ᠬᠠᠷᠠᠬᠤ ᠬᠡᠰᠡᠨ ᠬᠦᠰᠡᠯ ᠨᠠᠮᠠᠢᠢ ᠦᠪᠡᠷ ᠤᠨ ᠡᠷᠭᠡ | ᠦᠭᠡᠢ ᠬᠡᠳᠤ ᠲᠠᠬᠢᠨ ᠡᠷᠬᠢᠬᠦᠯᠵᠤ᠂ ᠲᠤᠷᠵᠢ ᠭᠤᠸᠠᠢ ᠶᠢᠨ ᠭᠡᠷ ᠤᠷᠤᠭᠤ ᠬᠠᠷᠠᠭᠤᠯᠪᠠ᠃ | ᠠᠷᠪᠠᠨ ᠵᠢᠷᠭᠤᠭᠠ ᠲᠤᠯᠤᠭᠠ ᠤᠷᠴᠢᠮ ᠨᠠᠰᠤᠳᠠᠢ ᠪᠤᠯᠪᠠ ᠦᠦ ᠬᠡᠮᠡᠷ ᠲᠡᠷᠨ ᠬᠡᠦᠭᠡᠨ ᠤ ᠲᠤᠬᠠᠢ ᠪᠤᠳᠤᠵᠤ | ᠶᠠᠪᠤᠬᠤ ᠳᠤ ᠤᠴᠢᠷ ᠨᠢ ᠦᠯᠤ ᠮᠡᠳᠡᠭᠳᠡᠬᠦ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠲᠤᠳᠤᠷᠠ ᠮᠢᠨᠢ ᠪᠠᠭᠳᠠᠨ ᠶᠠᠳᠠᠵᠤ᠂ ᠰᠡᠳᠬᠢᠯ ᠤᠨ | ᠮᠢᠨᠢ ᠲᠤᠳᠤᠷᠠ ᠬᠦᠭᠵᠢᠮ ᠲᠤᠤᠭᠠᠷᠬᠤ ᠮᠡᠳᠤ ᠪᠤᠯᠵᠤ ᠪᠠᠶᠢᠯᠠ᠃ ᠠᠪᠤ ᠲᠤᠷᠵᠢ ᠭᠤᠸᠠᠢ ᠬᠤᠶᠠᠷ ᠤᠨᠠᠭᠠ ᠪᠠᠨ | ᠤᠶᠠᠵᠤ᠂ ᠤᠨᠤᠬᠤ ᠮᠤᠷᠢᠳ ᠢᠶᠠᠨ ᠪᠠᠷᠢᠵᠤ ᠠᠪᠤᠭᠠᠳ ᠵᠡᠷᠭᠡᠴᠡᠨ ᠰᠠᠭᠤᠵᠤ ᠲᠠᠮᠠᠬᠢ ᠲᠠᠳᠠᠨ ᠶᠠᠷᠢᠵᠤ ᠪᠠᠶᠢᠭᠰᠠᠨ | ᠲᠤᠯᠨ ᠪᠢ ᠤᠴᠢᠵᠤ ᠬᠠᠵᠠᠭᠤᠳᠠ ᠨᠢ ᠰᠠᠭᠤᠪᠠ᠃ ᠲᠡᠷᠨ ᠬᠤᠶᠠᠷ ᠤᠨ ᠶᠠᠷᠢᠶᠠᠨ ᠠᠴᠠ ᠬᠠᠳᠠᠮ ᠡᠴᠢᠭᠡ ᠨᠢ ᠲᠤᠷᠵᠢ | ᠭᠤᠸᠠᠢ ᠶᠢᠨ ᠬᠢ ᠶᠢ ᠨᠡᠬᠦᠯᠭᠡᠵᠤ ᠠᠪᠠᠴᠢᠬᠤ ᠬᠡᠵᠤ ᠢᠷᠡᠭᠰᠡᠨ᠂ ᠲᠡᠭᠡᠬᠦ ᠳᠡᠭᠡᠨ ᠲᠤᠷᠵᠢ ᠭᠤᠸᠠᠢ ᠶᠢᠨ ᠬᠢ ᠰᠠᠷᠠ | ᠭᠠᠷᠤᠢ ᠪᠤᠯᠤᠭᠠᠳ ᠨᠡᠬᠦᠬᠦ ᠰᠠᠨᠠᠭᠠᠳᠠᠢ᠂ ᠢᠩᠬᠢᠵᠤ ᠤᠳᠠᠬᠤ ᠶᠢᠨ ᠰᠢᠯᠳᠠᠭᠠᠨ ᠪᠤᠯ ᠨᠢᠭᠡ ᠳᠤ ᠰᠠᠶ᠋ᠢᠬᠠᠨ | ᠠᠮᠤᠷᠵᠢᠭᠰᠠᠨ ᠨᠠᠪᠴᠢ ᠭᠤᠸᠠᠢ ᠶᠢᠨ ᠪᠡᠶᠠ ᠶᠢ ᠪᠦᠷᠢᠨ ᠲᠠᠮᠢᠷᠵᠢᠭᠤᠯᠬᠤ᠂ ᠬᠤᠶᠠᠷ ᠲᠤ ᠬᠠᠳᠠᠮ ᠡᠴᠢᠭᠡ ᠨᠢ | ᠬᠤᠶᠠᠩ ᠰᠢᠷᠠ ᠤᠰᠤᠨ ᠤ ᠡᠪᠡᠳᠴᠢᠨ ᠲᠠᠢ ᠲᠤᠯᠨ ᠮᠠᠨ ᠤ ᠰᠤᠮᠤ ᠶᠢᠨ ᠡᠮᠦᠨᠠ ᠵᠠᠬᠠ ᠳᠤ ᠪᠠᠶᠢᠳᠠᠭ ᠬᠠᠯᠠᠭᠤᠨ | ᠷᠠᠰᠢᠶᠠᠨ ᠳᠤ ᠤᠴᠢᠵᠤ ᠤᠷᠤᠬᠤ ᠪᠠᠷ ᠢᠷᠡᠭᠰᠡᠨ ᠠᠴᠠ ᠪᠤᠯᠵᠠᠢ᠃ ᠬᠠᠷᠢᠨ ᠬᠠᠳᠠᠮ ᠨᠢ ᠪᠤᠴᠠᠵᠤ ᠢᠷᠡᠳᠡᠯᠠ ᠨᠠᠪᠴᠢ | ᠭᠤᠸᠠᠢ ᠶᠢᠨ ᠲᠡᠬᠦᠤ ᠨᠢ ᠲᠤᠷᠵᠢ ᠭᠤᠸᠠᠢ ᠶᠢᠨ ᠠᠵᠢᠯ ᠳᠤ ᠲᠤᠰᠠᠯᠠᠯᠴᠠᠵᠤ ᠪᠠᠶᠢᠬᠤ ᠠᠵᠠᠢ᠃ | ᠢᠵᠢᠯᠢ ᠲᠠᠰᠤᠯ ᠪᠤᠯᠤᠭᠰᠠᠨ ᠲᠤᠷᠵᠢ ᠭᠤᠸᠠᠢ᠂ ᠨᠠᠪᠴᠢ ᠭᠤᠸᠠᠢ ᠬᠤᠶᠠᠷ ᠮᠢᠨᠢ ᠠᠯᠤᠰ ᠬᠤᠯᠨ ᠨᠡᠬᠦᠨᠠ | ᠬᠡᠳᠡᠭ ᠨᠠᠳᠠᠳᠤ ᠶᠡᠭᠡ ᠭᠠᠰᠢᠭᠤᠳᠠᠯᠳᠠᠢ ᠪᠠᠶᠢᠪᠠ᠃ ᠬᠡᠪᠡᠴᠤ ᠡᠨᠡ ᠤᠶᠢᠳᠬᠠᠷ ᠢ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ | ᠰᠠᠶ᠋ᠢᠬᠠᠨ ᠦᠵᠡᠭᠰᠡᠨ ᠬᠡᠦᠭᠡᠨ ᠪᠠᠶᠢᠨᠠ ᠬᠡᠳᠡᠭ ᠶᠡᠭᠡ ᠪᠠᠶᠠᠷ ᠰᠠᠷᠨᠢᠭᠤᠯᠤᠨ ᠲᠤᠤᠷᠠ ᠨᠢ ᠮᠠᠷᠳᠠᠭᠤᠯᠪᠠ᠃ ᠠᠪᠤ | ᠬᠤᠶᠠᠷ ᠬᠡᠷ ᠤᠨ ᠰᠦ ᠶᠢ ᠵᠠᠪᠤᠳ᠋ ᠳᠤ ᠠᠪᠠᠴᠢᠵᠤ ᠦᠭᠬᠦ ᠪᠠᠷ ᠲᠤᠷᠵᠢ ᠭᠤᠸᠠᠢ ᠰᠤᠪᠠᠢ ᠠᠳᠤᠭᠤ ᠪᠠᠨ ᠬᠡᠯᠢᠬᠦ ᠪᠠᠷ | ᠮᠤᠷᠳᠠᠪᠠ᠃ ᠪᠢ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ ᠤᠷᠤᠬᠤ ᠦᠦ᠂ ᠪᠠᠶᠢᠬᠤ ᠦᠦ︖ ᠬᠡᠰᠡᠨ ᠰᠡᠳᠬᠢᠯ ᠤᠨ ᠵᠦᠷᠢᠯᠳᠦᠭᠡᠨ | ᠳᠤ ᠶᠠᠭᠤᠮᠠ ᠡᠷᠢᠭᠰᠡᠨ ᠬᠦᠮᠦᠨ ᠰᠢᠭ ᠡᠶᠢᠰᠢ ᠲᠡᠶᠢᠰᠢ ᠨᠠᠶᠢᠭᠤᠨ ᠶᠠᠪᠤᠭᠰᠠᠭᠠᠷ ᠬᠡᠷ ᠲᠡᠭᠡᠨ ᠤᠷᠤᠵᠤ ᠢᠷᠡᠬᠦ ᠳᠤ | ᠮᠢᠨᠢ᠄ ︽ᠬᠦᠤ ᠮᠢᠨᠢ ᠲᠤᠭ ᠬᠢᠭᠡᠳ ᠠᠪᠬᠤ ᠦᠭᠡᠢ ᠦᠦ︖︾ ᠬᠡᠵᠤ ᠡᠵᠢ ᠮᠢᠨᠢ ᠬᠡᠯᠡᠪᠡ᠃ ᠮᠢᠨᠤ ᠬᠤᠪᠢ ᠳᠤ | ᠰᠦᠨᠢ ᠶᠢᠨ ᠶᠠᠪᠤᠳᠠᠯ ᠠᠯᠢ ᠡᠷᠳᠠ ᠪᠠᠯᠠᠷ ᠤᠨ ᠶᠤᠮ ᠰᠢᠭ᠋ ᠮᠠᠷᠳᠠᠭᠳᠠᠭᠠᠳ᠂ ᠶᠠᠳᠠᠷᠠᠬᠤ ᠬᠡᠳᠡᠭ ᠬᠡᠳᠦᠶᠢᠨ ᠤᠷᠤ | ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠤᠯᠤᠭᠰᠠᠨ ᠲᠤᠯᠨ ᠪᠢ ᠲᠤᠯᠤᠭᠠᠢ ᠪᠠᠨ ᠰᠡᠭᠰᠦᠷᠪᠡ᠃ | ᠬᠡᠬᠦᠤ ᠰᠠᠭᠠᠬᠤ ᠪᠤᠯᠪᠠ᠃ ᠮᠠᠨ ᠤ ᠬᠤᠶᠠᠷ ᠬᠡᠷ ᠨᠡᠶᠢᠯᠡᠭᠡᠳ ᠠᠷᠪᠠᠨ ᠬᠤᠶᠠᠷ ᠬᠡᠬᠦᠤ ᠰᠠᠭᠠᠳᠠᠭ ᠲᠤᠯᠨ ᠬᠡᠨ | ᠤᠷᠢᠳᠠᠵᠤ ᠭᠠᠷᠤᠭᠰᠠᠨ ᠨᠢ ᠨᠦᠬᠦᠭᠡ ᠶᠢᠨ ᠢᠶᠠᠨ ᠬᠤᠪᠢᠩ ᠢ ᠠᠪᠤᠭᠠᠳ ᠬᠡᠬᠦᠤ ᠶᠢ ᠨᠢ ᠰᠠᠭᠠᠵᠤ ᠰᠠᠭᠠᠮᠠ ᠶᠢ ᠨᠢ | ᠤᠷᠤᠭᠤᠯᠵᠤ ᠦᠭᠬᠦᠳᠡᠭ ᠵᠠᠩᠰᠢᠯ ᠲᠠᠢ ᠪᠢᠯᠨ᠃ ᠲᠤᠷᠵᠢ ᠭᠤᠸᠠᠢ ᠮᠠᠨ ᠤ ᠳᠤ ᠤᠷᠤᠵᠤ ᠢᠷᠡᠭᠡᠳ ᠬᠦᠬᠦᠷ ᠤᠨ | ᠡᠮᠦᠨᠠ ᠪᠠᠶᠢᠳᠠᠭ ᠬᠤᠪᠢᠩ ᠢ ᠠᠪᠤᠭᠠᠳ ᠭᠠᠷᠬᠤ ᠳᠤᠨᠢ ᠪᠢ ᠬᠦᠯᠳᠡᠵᠤ ᠪᠠᠶᠢᠭᠠᠳ ᠬᠡᠨᠡᠳᠳᠠ ᠬᠡᠰᠡᠭᠰᠡᠨ ᠶᠤᠮ ᠰᠢᠭ᠋ | ᠦᠰᠦᠷᠦᠨ ᠪᠤᠰᠴᠤ ᠬᠤᠶᠢᠨᠠ ᠠᠴᠠ ᠨᠢ ᠲᠠᠭᠠᠵᠤ ᠬᠦᠶᠦᠨ ᠭᠠᠷᠤᠯᠠ᠃ ᠬᠡᠬᠦᠤ ᠶᠢᠨ ᠵᠡᠯᠡᠨ ᠵᠦᠭ ᠬᠤᠶᠠᠷ ᠭᠠᠷ | ᠲᠠᠭᠠᠨ ᠬᠤᠪᠢᠩ ᠪᠠᠷᠢᠭᠠᠳ ᠠᠭᠠᠵᠢᠮᠬᠠᠨ ᠶᠠᠪᠤᠵᠤ ᠪᠠᠶᠢᠭᠠ ᠬᠡᠦᠭᠡᠨ ᠤ ᠪᠦᠳᠦᠬᠦᠨ ᠬᠠᠷᠠ ᠬᠡᠵᠢᠭᠡ ᠨᠢᠳᠤᠨ ᠳᠤ | ᠮᠢᠨᠢ ᠲᠤᠰᠬᠤ ᠳᠤ ᠰᠡᠳᠬᠢᠯ ᠳᠤ ᠮᠢᠨᠢ ᠪᠠᠶᠠᠷᠯᠠᠬᠤ ᠰᠠᠨᠳᠤᠷᠬᠤ ᠬᠤᠳᠬᠤᠯᠳᠤᠵᠤ᠄ ︽ᠲᠤᠷᠵᠢ ᠭᠤᠸᠠᠢ︕︾ | ᠬᠡᠵᠤ ᠪᠠᠷᠬᠢᠷᠠᠪᠠ᠃ | ᠨᠠᠳᠠ ᠠᠴᠠ ᠬᠤᠶᠠᠷ ᠠᠯᠬᠤᠮ ᠤᠨ ᠡᠮᠦᠨᠠ ᠬᠤᠪᠢᠩ ᠪᠠᠷᠢᠭᠠᠳ ᠶᠠᠪᠤᠵᠤ ᠪᠠᠶᠢᠭᠰᠠᠨ ᠲᠤᠷᠵᠢ ᠭᠤᠸᠠᠢ | ᠰᠤᠴᠢᠨ ᠡᠷᠬᠢᠵᠤ ᠵᠤᠭᠰᠤᠭᠠᠳ ᠨᠠᠮᠠᠢᠢ ᠭᠠᠶᠢᠬᠠᠨ ᠬᠠᠷᠠᠯᠠ᠃ ᠪᠢ ᠬᠡᠰᠡᠭ ᠵᠠᠭᠤᠷᠠ ᠶᠠᠭᠤ ᠴᠤ ᠲᠤᠤᠭᠠᠷᠴᠤ | ᠴᠢᠳᠠᠬᠤ ᠦᠭᠡᠢ ᠵᠤᠭᠰᠤᠭᠰᠠᠨ ᠢᠶᠠᠨ ᠬᠡᠨᠡᠳᠳᠠ ᠬᠦᠳᠡᠯᠵᠤ ᠲᠤᠷᠵᠢ ᠭᠤᠸᠠᠢ ᠶᠢᠨ ᠪᠠᠷᠢᠵᠤ ᠶᠠᠪᠤᠭᠰᠠᠨ ᠬᠤᠪᠢᠩ ᠢ | ᠰᠢᠪᠳᠤ ᠲᠠᠳᠠᠨ ᠠᠪᠤᠭᠠᠳ᠄ ︽ᠲᠤᠷᠵᠢ ᠭᠤᠸᠠᠢ ᠁ ᠪᠢ ᠤᠴᠢᠶᠠ ᠁ ᠲᠠ ᠬᠠᠷᠢᠵᠤ ᠠᠮᠠᠷᠠ︾ ᠬᠡᠳ | ᠲᠡᠬᠦᠨ ᠤᠷᠤᠭᠤ ᠬᠠᠷᠠᠬᠤ ᠬᠡᠰᠡᠨ ᠴᠢᠨᠢ ᠴᠢᠳᠠᠭᠰᠠᠨ ᠦᠭᠡᠢ ᠲᠠᠯᠳᠠᠷᠢᠪᠠ᠃ | ᠲᠤᠷᠵᠢ ᠭᠤᠸᠠᠢ ᠶᠢᠨ ᠬᠦᠷᠡᠩ ᠴᠢᠷᠠᠢ ᠳᠤ ᠰᠠᠶᠢᠬᠠᠨ ᠰᠡᠳᠬᠢᠯ ᠤᠨ ᠢᠨᠢᠶᠡᠮᠰᠦᠭᠯᠡᠯ ᠲᠤᠳᠤᠷᠠᠭᠠᠳ ᠮᠢᠨᠤ | ᠨᠢᠷᠤᠭᠤ ᠤᠷᠤᠭᠤ ᠠᠶᠠᠷᠬᠠᠨ ᠠᠯᠠᠭᠠᠳᠠᠭᠰᠠᠨ ᠢᠶᠠᠨ ᠲᠤᠮᠤ ᠬᠠᠷᠠ ᠨᠢᠳᠤ ᠪᠠᠨ ᠢᠷᠮᠡᠵᠤ᠄ ︽ᠶᠠᠪᠤ ᠶᠠᠪᠤ᠂ ᠪᠢ | ᠬᠠᠷᠢᠯᠠ︾ ᠬᠡᠳ ᠡᠷᠬᠢᠪᠡ᠃ | ︽ᠵᠠ ᠪᠠᠯᠠᠷᠠᠭᠰᠠᠨ ᠬᠡᠷᠡᠭ ᠪᠤᠯᠤᠯᠠ᠃ ᠮᠢᠨᠤ ᠪᠦᠬᠦ ᠪᠤᠳᠤᠯ ᠢ ᠡᠨᠡ ᠲᠤᠷᠵᠢ ᠭᠤᠸᠠᠢ ᠮᠡᠳᠡᠵᠤ ᠤᠷᠬᠢᠯᠠ᠃ | ᠲᠡᠭᠡᠭᠡᠳ ᠨᠠᠪᠴᠢ ᠭᠤᠸᠠᠢ ᠳᠤ ᠬᠡᠯᠡᠨᠠ᠃ ᠨᠠᠪᠴᠢ ᠭᠤᠸᠠᠢ ᠡᠵᠢ ᠳᠤ ᠬᠡᠯᠡᠨᠠ᠃ ᠡᠵᠢ ᠠᠪᠤ ᠳᠤ ᠬᠡᠯᠡᠨᠡ︾ ᠬᠡᠵᠤ | ᠪᠤᠳᠤᠭᠳᠠᠭᠠᠳ ᠢᠴᠢᠬᠦ ᠠᠶᠤᠬᠤ ᠰᠢᠭ᠋ ᠪᠤᠯᠪᠠ᠃ ᠦᠭᠡᠢ ᠲᠡᠭᠡᠭᠡᠳ ᠪᠢ ᠶᠠᠭᠤ ᠪᠤᠳᠤᠭᠰᠠᠨ ᠢ ᠲᠤᠷᠵᠢ ᠭᠤᠸᠠᠢ | ᠮᠡᠳᠡᠭᠰᠡᠨ ᠬᠡᠷᠡᠭ ᠬᠡᠵᠤ ᠪᠤᠳᠤᠬᠤ ᠳᠤ᠂ ᠶᠠᠭᠤ ᠪᠤᠳᠤᠭᠰᠠᠨ ᠢᠶᠠᠨ ᠦᠪᠡᠷ ᠢᠶᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠪᠠ᠃ ᠬᠡᠬᠦᠤ | ᠶᠢᠨ ᠵᠡᠯᠡᠨ ᠤ ᠨᠠᠭᠠᠨᠠ ᠬᠤᠪᠢᠩ ᠢᠶᠠᠨ ᠲᠠᠯᠪᠢᠭᠠᠳ ᠡᠷᠬᠢᠵᠤ ᠬᠠᠷᠠᠨ ᠵᠤᠭᠰᠤᠵᠤ ᠪᠠᠶᠢᠭᠠ ᠬᠡᠦᠭᠡᠨ ᠨᠢᠳᠤᠨ ᠳᠤ | ᠮᠢᠨᠢ ᠲᠤᠰᠤᠮᠠᠭᠴᠨ ᠪᠦᠬᠦ ᠶᠠᠭᠤᠮᠠ ᠮᠠᠷᠳᠠᠭᠳᠠᠵᠤ ᠪᠠᠷᠤᠭ ᠯᠡ ᠬᠦᠶᠦᠬᠦ ᠰᠢᠬᠠᠮ ᠲᠡᠷᠨ ᠵᠦᠭ ᠠᠯᠬᠤᠪᠠ᠃ ᠬᠡᠦᠭᠡᠨ | ᠤ ᠲᠡᠷᠭᠡᠳᠠ ᠤᠴᠢᠭᠠᠳ ᠬᠤᠪᠢᠩ ᠢᠶᠠᠨ ᠲᠠᠯᠪᠢᠬᠤ ᠵᠠᠭᠤᠷᠠ᠄ ︽ᠲᠠ ᠬᠡᠬᠦᠤ ᠰᠠᠭᠠᠬᠤ ᠦᠦ︖︾ ᠬᠡᠵᠤ | ᠠᠰᠠᠭᠤᠵᠤ ᠤᠷᠬᠢᠭᠠᠳ ᠶᠠᠭᠤᠨ ᠳᠤ ᠢᠩᠬᠢᠵᠤ ᠮᠡᠳᠡᠭᠰᠡᠭᠡᠷ ᠬᠡᠷᠡᠭ ᠢ ᠠᠰᠠᠭᠤᠪᠠ ᠳ᠋ᠠ ᠬᠡᠵᠤ ᠦᠪᠡᠷ ᠢ ᠪᠠᠨ | ᠵᠢᠮᠡᠯᠡᠪᠡ᠃ ᠬᠡᠦᠭᠡᠨ ᠲᠤᠮᠤ ᠴᠠᠭᠠᠨ ᠰᠢᠳᠤ ᠪᠠᠨ ᠢᠷᠡᠯᠵᠠᠭᠤᠯᠤᠨ ᠲᠦᠮᠡᠨ ᠲᠦᠮᠡᠨ ᠲᠠᠭᠠᠪᠤᠷᠢ ᠶᠢᠨ ᠡᠬᠢ | ᠪᠤᠯᠤᠭᠰᠠᠨ ᠨᠢᠳᠤ ᠪᠠᠷ ᠢᠶᠠᠨ ᠢᠨᠢᠶᠡᠮᠰᠦᠭᠯᠡᠵᠤ ᠴᠢᠷᠠᠢ ᠳᠤᠨᠢ ᠤᠯᠠᠪᠢᠷ ᠶᠠᠭᠠᠨ ᠲᠤᠶᠠᠭᠠ ᠲᠤᠳᠤᠷᠠᠨ ᠤᠯᠠᠮ ᠴᠤ | ᠰᠠᠶᠢᠬᠠᠨ ᠪᠤᠯᠤᠭᠠᠳ᠄ ︽ᠲᠡᠶᠢᠮᠤ᠂ ᠪᠢ ᠰᠠᠭᠠᠨᠠ︾ ᠬᠡᠪᠡ᠃ | ᠤᠨᠠᠭᠠ ᠪᠠᠷᠢᠭᠠᠳ ᠵᠤᠭᠰᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠶᠠᠭᠤ ᠠᠰᠠᠭᠤᠭᠠᠳ ᠶᠠᠷᠢᠶᠠ ᠪᠠᠨ ᠡᠬᠢᠯᠡᠶᠠ ᠳ᠋ᠧ ᠬᠡᠵᠤ | ᠲᠦᠮᠡᠨ ᠠᠰᠠᠭᠤᠳᠠᠯ ᠪᠤᠯᠤᠭᠠᠳ ᠪᠠᠶᠢᠳᠠᠯᠠ ᠨᠦᠬᠦᠭᠡ ᠰᠦᠷᠦᠩ ᠭᠠᠶᠢᠬᠠᠯ ᠰᠢᠨᠠ ᠡᠬᠡᠴᠢ ᠶᠢᠨ ᠬᠡᠬᠦᠤ ᠰᠠᠭᠠᠬᠤ ᠶᠢ | ᠦᠵᠡᠶᠠ ᠬᠡᠵᠤ ᠬᠠᠰᠬᠢᠷᠦᠨ ᠬᠦᠶᠦᠵᠤ ᠢᠷᠡᠭᠡᠳ ᠡᠭᠡᠭᠡ ᠯᠡ ᠵᠤᠷᠠᠮᠠ ᠶᠢᠨ ᠨᠦᠭᠡᠨ ᠲᠡᠭᠡᠷᠠ ᠰᠠᠭᠤᠵᠤ ᠪᠠᠶᠢᠭᠠ | ᠴᠤᠭᠴᠠᠬᠢ ᠰᠢᠭ᠋ ᠮᠢᠩᠭᠠᠨ ᠵᠦᠢᠯ ᠤᠨ ᠶᠠᠭᠤᠮᠠ ᠲᠤᠩᠭᠤᠰᠴᠤ ᠭᠠᠷᠤᠯᠠ᠃ | ︽ᠮᠢᠨᠤ ᠲᠡᠬᠦᠤ︕ ᠲᠡᠷᠨ ᠲᠤᠭᠤᠯ ᠤᠳ ᠡᠬᠡ ᠤᠷᠤᠭᠤ ᠪᠠᠨ ᠶᠠᠪᠤᠴᠢᠬᠠᠯᠠ᠂ ᠮᠢᠨᠤ ᠮᠤᠷᠢ ᠪᠠᠷ | ᠮᠤᠷᠳᠠᠭᠠᠳ ᠡᠷᠬᠢᠬᠦᠯ︕︾ ᠬᠡᠵᠤ ᠬᠡᠯᠡᠭᠰᠡᠨ ᠳᠤ ᠰᠦᠷᠦᠩ ᠲᠡᠷᠨ ᠵᠦᠭ ᠲᠤᠷᠠ ᠦᠭᠡᠢ ᠨᠢ ᠬᠦᠷᠦᠭᠰᠡᠨ | ᠪᠤᠯᠤᠯᠳᠠᠢ ᠢᠷᠪᠠᠶᠢᠨ ᠬᠠᠷᠠᠭᠰᠠᠨ ᠢᠶᠠᠨ᠄ ︽ᠠᠬᠠ ᠲᠠ ᠬᠤᠶᠠᠷ ᠢ ᠬᠡᠬᠦᠤ ᠰᠠᠭᠠᠵᠤ ᠬᠦᠢᠴᠡᠭᠰᠡᠨ ᠤ ᠲᠠᠷᠠᠭᠠ | ᠶᠠᠪᠤᠶᠠ︾ ᠬᠡᠪᠡ᠃ | ︽ᠲᠡᠭᠡᠪᠡᠯ ᠵᠢᠮᠢᠰᠦᠨ ᠳᠤ ᠲᠠᠭᠠᠭᠤᠯᠵᠤ ᠶᠠᠪᠤᠬᠤ ᠦᠭᠡᠢ ᠰᠢᠤ︾ ᠬᠡᠵᠤ ᠪᠢ ᠰᠡᠬᠦᠯ ᠤᠨ ᠠᠷᠭᠠ ᠪᠠᠨ | ᠬᠡᠷᠡᠭᠯᠡᠨ ᠬᠡᠯᠡᠭᠰᠡᠨ ᠳᠤ ᠮᠠᠨ ᠤ ᠬᠦᠮᠦᠨ ᠤᠶᠠᠭᠠᠨ ᠤ ᠵᠦᠭ ᠲᠤᠷᠠᠳᠠᠢ ᠲᠤᠷᠠ ᠦᠭᠡᠢ ᠬᠡᠯᠳᠦᠷᠢᠨ ᠶᠠᠪᠤᠪᠠ᠃ | ᠬᠡᠦᠭᠡᠨ ᠬᠡᠬᠦᠤ ᠢᠪᠢᠯᠬᠦ ᠵᠠᠭᠤᠷᠠ ᠲᠤᠯᠤᠭᠠᠢ ᠪᠠᠨ ᠬᠠᠶᠠᠯᠠᠨ ᠬᠡᠯᠳᠦᠷᠢᠨ ᠶᠠᠪᠤᠭᠠ ᠰᠦᠷᠦᠩ ᠢ ᠦᠬᠦᠭᠡᠷᠳᠦᠨ | ᠬᠠᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ᠄ ︽ᠠᠬᠠ ᠲᠠᠢ ᠪᠠᠨ ᠵᠢᠮᠢᠰ ᠲᠡᠬᠦᠬᠦ ᠬᠦᠰᠡᠯ ᠶᠡᠭᠡ ᠪᠤᠯᠬᠤ ᠪᠠᠷ ᠠᠷᠭᠠ ᠦᠭᠡᠢ ᠶᠢᠨ | ᠡᠷᠭᠡᠨ ᠳᠤ ᠯᠡ ᠶᠠᠪᠤᠯᠠ ᠳ᠋ᠠ᠃ ᠲᠤᠷᠠ ᠦᠭᠡᠢ ᠳᠤ ᠬᠦᠴᠤ ᠦᠭᠡᠢ ᠬᠡᠵᠤ ᠮᠠᠨ ᠤ ᠬᠦᠮᠦᠨ ᠤ ᠶᠠᠪᠤᠵᠤ ᠪᠠᠶᠢᠭᠠ ᠶᠢ | ︾ ᠬᠡᠵᠤ ᠬᠡᠯᠡᠭᠡᠳ ᠢᠨᠢᠶᠡᠮᠰᠦᠭᠯᠡᠬᠦ ᠳᠤ ᠪᠢ ᠴᠤ ᠪᠠᠰᠠ ᠢᠨᠢᠶᠡᠮᠰᠦᠭᠯᠡᠪᠡ᠃ | ᠢᠩᠬᠢᠭᠡᠳ ᠪᠢᠳᠠ ᠬᠤᠶᠠᠷ ᠤᠨ ᠶᠠᠷᠢᠶᠠ ᠰᠦᠷᠦᠩ ᠤᠨ ᠬᠦᠴᠤ ᠪᠠᠷ ᠡᠬᠢᠯᠡᠵᠤ ᠪᠢ ᠶᠠᠭᠤᠨ ᠤ ᠡᠮᠦᠨᠠ ᠨᠡᠷᠠ | ᠶᠢ ᠨᠢ ᠠᠰᠠᠭᠤᠵᠤ ᠠᠪᠤᠯᠠ᠃ ᠲᠡᠬᠦᠨ ᠤ ᠨᠡᠷᠠ ᠶᠢ ᠰᠤᠯᠤᠩᠭᠠ ᠬᠡᠳᠡᠭ ᠠᠵᠠᠢ᠃ ᠪᠠᠰᠠ ᠬᠡᠷ ᠠᠴᠠ ᠪᠠᠨ | ᠭᠠᠷᠤᠭᠠᠳ ᠵᠢᠷᠭᠤᠭᠠ ᠬᠤᠨᠤᠵᠤ ᠢᠷᠡᠭᠰᠡᠨ᠃ ᠨᠤᠳᠤᠭ ᠨᠢ ᠮᠠᠨ ᠤ ᠨᠤᠳᠤᠭ ᠰᠢᠭ᠋ ᠡᠶᠢᠮᠤ ᠠᠭᠤᠯᠨ ᠤᠰᠤ ᠲᠠᠢ | ᠪᠢᠰᠢ᠂ ᠬᠠᠮᠢᠭᠠᠰᠢ ᠪᠠᠨ ᠯᠡ ᠬᠠᠷᠠᠪᠠᠯ ᠨᠢᠳᠤ ᠠᠯᠳᠠᠮᠠ ᠦᠷᠭᠡᠨ ᠲᠠᠯᠠ ᠪᠠᠶᠢᠳᠠᠭ ᠬᠡᠵᠤ ᠶᠠᠷᠢᠯᠠ᠃ ᠮᠠᠨᠠᠶᠢᠬᠢᠨ | ᠬᠡᠬᠦᠤ ᠪᠠᠨ ᠡᠳᠦᠷ ᠲᠤ ᠲᠠᠪᠤ ᠰᠠᠭᠠᠳᠠᠭ ᠪᠠᠶᠢᠭᠰᠠᠨ᠃ ᠬᠡᠪᠡᠴᠤ ᠲᠡᠷᠨ ᠡᠳᠦᠷ ᠪᠢ ᠬᠠᠯᠠᠭᠤᠨ ᠳᠤ ᠤᠨᠠᠭᠠ | ᠴᠠᠩᠭᠠᠵᠤ ᠮᠠᠭᠠᠳ ᠬᠡᠳᠡᠭ ᠨᠡᠷᠠ ᠪᠠᠷ ᠲᠤᠯᠤᠭᠠᠨ ᠤᠳᠠᠭᠠ ᠭᠠᠷᠴᠤ ᠰᠤᠯᠤᠩᠭᠠ ᠲᠠᠢ ᠬᠠᠮᠳᠤ ᠬᠡᠬᠦᠤ ᠰᠠᠭᠠᠭᠰᠠᠨ | ᠶᠤᠮᠰᠠᠨ᠃ | ᠬᠠᠯᠠᠭᠤᠨ ᠡᠳᠦᠷ ᠰᠢᠷᠠ ᠬᠡᠳᠡᠭᠡᠨᠠ᠂ ᠬᠦᠭᠡ ᠲᠦᠷᠦᠬᠦᠤ ᠲᠠᠢ ᠵᠤᠳᠤᠯᠳᠤᠨ ᠬᠡᠬᠦᠤ ᠰᠠᠭᠠᠬᠤ ᠬᠡᠳᠡᠭ ᠶᠠᠭ | ᠦᠭᠡᠢ ᠠᠵᠢᠯ ᠪᠠᠶᠢᠳᠠᠭ ᠰᠠᠨ᠃ ᠬᠡᠳᠡᠯᠠ ᠲᠡᠷᠨ ᠡᠳᠦᠷ ᠬᠡᠬᠦᠤ ᠰᠠᠭᠠᠬᠤ ᠠᠴᠠ ᠰᠠᠶᠢᠬᠠᠨ ᠠᠵᠢᠯ ᠪᠠᠶᠢᠳᠠᠭ ᠦᠭᠡᠢ | ᠮᠡᠳᠤ ᠪᠠᠶᠢᠵᠤ ᠪᠢᠯᠨ᠃ | ᠬᠤᠶᠠᠷ | ᠭᠤᠷᠪᠠ ᠬᠤᠨᠤᠭ ᠤᠨ ᠲᠠᠷᠠᠭᠠ ᠠᠪᠤ ᠨᠢ ᠷᠠᠰᠢᠶᠠᠨ ᠳᠤ ᠶᠠᠪᠤᠬᠤ ᠳᠤ ᠲᠤᠷᠵᠢ ᠭᠤᠸᠠᠢ ᠬᠦᠷᠭᠡᠵᠤ ᠦᠭᠬᠦ ᠪᠠᠷ | ᠬᠠᠮᠳᠤ ᠶᠠᠪᠤᠯᠠ᠃ ᠡᠨᠡ ᠬᠤᠭᠤᠷᠤᠨᠳᠤ ᠰᠤᠯᠤᠩᠭᠠ ᠪᠢᠳᠠ ᠬᠤᠶᠠᠷ ᠰᠠᠶᠢᠨ ᠲᠠᠨᠢᠯᠴᠠᠵᠤ ᠨᠢᠭᠡ ᠤᠷᠤᠢ ᠨᠠᠪᠴᠢ | ᠭᠤᠸᠠᠢ ᠰᠦᠷᠦᠩ ᠬᠤᠶᠠᠷ ᠨᠢᠭᠡ ᠲᠠᠯᠠ᠂ ᠰᠤᠯᠤᠩᠭᠠ ᠪᠢᠳᠠ ᠬᠤᠶᠠᠷ ᠨᠢᠭᠡ ᠲᠠᠯᠠ ᠪᠤᠯᠵᠤ ᠮᠡᠯᠡᠭᠡᠢ ᠲᠤᠭᠯᠠᠨ | ᠱᠠᠭᠠᠢ ᠰᠢᠬᠦᠷᠡᠪᠡ᠃ ᠰᠤᠯᠤᠩᠭᠠ ᠲᠠᠢ ᠠᠭᠤᠯᠵᠠᠭᠰᠠᠨ ᠡᠳᠦᠷ ᠠᠴᠠ ᠬᠤᠶᠢᠰᠢ ᠮᠢᠨᠤ ᠰᠡᠳᠬᠢᠯ ᠦᠷᠬᠦᠯᠵᠢ ᠬᠦᠭᠵᠢᠯ | ᠪᠠᠶᠠᠷ ᠢᠶᠠᠷ ᠲᠦᠬᠦᠷᠡᠩ ᠪᠤᠯᠵᠤ ᠰᠠᠪ ᠯᠡ ᠬᠢᠪᠡᠯ ᠲᠠᠭᠤᠤ ᠲᠠᠭᠤᠯᠠᠳᠠᠭ ᠪᠠᠰᠠ ᠭᠤᠶᠤᠬᠤ ᠲᠡᠭᠵᠢᠷᠬᠡᠬᠦ ᠲᠤᠷᠠᠳᠠᠢ | ᠪᠤᠯᠤᠭᠰᠠᠨ ᠪᠢᠯᠨ᠃ | ᠨᠢᠭᠡᠨ ᠤᠳᠠᠭᠠ ᠰᠤᠯᠤᠩᠭᠠ ᠲᠠᠢ ᠲᠦᠯᠡᠰᠢ ᠲᠡᠬᠦᠬᠦ ᠪᠠᠷ ᠬᠠᠮᠳᠤ ᠶᠠᠪᠤᠵᠤ᠂ ᠵᠠᠮ ᠳᠠᠭᠠᠨ ᠰᠤᠯᠤᠩᠭᠠ ᠳᠤ | ᠪᠠᠭᠠ ᠳᠠᠭᠠᠨ ᠦᠷᠦᠵᠤ ᠲᠤᠭᠯᠠᠵᠤ ᠪᠠᠶᠢᠭᠰᠠᠨ ᠴᠢᠯᠠᠭᠤᠨ ᠬᠡᠷ ᠢᠶᠠᠨ ᠦᠵᠡᠬᠦᠯᠵᠤ᠂ ᠪᠢᠳᠠ ᠬᠤᠶᠠᠷ ᠲᠡᠬᠦᠨ ᠢ | ᠵᠠᠰᠠᠵᠤ ᠰᠡᠯᠪᠢᠭᠡᠳ ᠶᠠᠭ ᠯᠡ ᠬᠡᠦᠭᠡᠳ ᠰᠢᠭ ᠲᠤᠭᠯᠠᠵᠤ ᠪᠢᠯᠨ᠃ | ᠪᠢᠳᠠ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤ ᠰᠠᠶᠢᠬᠠᠨ ᠦᠶᠡᠷᠭᠡᠯ ᠪᠤᠢ ᠪᠤᠯᠪᠠ᠃ ᠡᠨᠡ ᠦᠶᠡᠷᠭᠡᠯ ᠤᠨ ᠭᠤᠤᠯ | ᠵᠠᠯᠠᠭᠤᠷ ᠨᠢ ᠪᠢᠳᠠ ᠬᠤᠶᠠᠷ ᠤᠨ ᠰᠡᠳᠬᠢᠯ ᠳᠤ ᠬᠦᠨ ᠪᠠᠳᠤ ᠤᠷᠤᠰᠢᠵᠤ ᠪᠠᠶᠢᠭᠰᠠᠨ ᠬᠡᠦᠭᠡᠳ ᠤᠨ ᠠᠷᠢᠭᠤᠨ | ᠴᠠᠭᠠᠨ ᠰᠡᠳᠬᠢᠯ ᠪᠠᠶᠢᠯᠠ᠃ ᠨᠢᠭᠡ ᠦᠷᠯᠦᠭᠡ ᠪᠢ ᠡᠮᠨᠢᠭ ᠬᠢᠵᠠᠭᠠᠯᠠᠩ ᠦᠷᠢᠶᠠ ᠤᠨᠤᠬᠤ ᠪᠤᠯᠪᠠ᠃ ᠪᠢ ᠡᠮᠨᠢᠭ | ᠤᠨᠤᠬᠤ ᠳᠠᠭᠠᠨ ᠮᠠᠭᠤ ᠦᠭᠡᠢ ᠶᠤᠮᠰᠠᠨ᠃ ᠠᠪᠤ᠂ ᠲᠤᠷᠵᠢ ᠭᠤᠸᠠᠢ ᠬᠤᠶᠠᠷ ᠡᠮᠡᠭᠡᠯᠯᠡᠬᠦ ᠳᠤ ᠮᠢᠨᠢ ᠲᠤᠰᠠᠯᠠᠵᠤ | ᠦᠭᠬᠦᠪᠡ᠃ ᠲᠡᠭᠡᠭᠡᠳ ᠲᠡᠷᠨ ᠬᠤᠶᠠᠷ ᠢᠶᠠᠷ ᠪᠠᠷᠢᠭᠤᠯᠵᠤ ᠪᠠᠶᠢᠭᠠᠳ ᠮᠤᠷᠳᠠᠵᠤ᠂ ᠵᠢᠯᠤᠭᠤ ᠴᠤᠯᠪᠤᠭᠤᠷ ᠢᠶᠠᠨ | ᠬᠤᠮᠢᠵᠤ ᠠᠪᠤᠭᠠᠳ ᠭᠤᠶᠠᠳᠠᠵᠤ ᠤᠷᠬᠢᠭᠰᠠᠨ ᠴᠢᠨᠢ ᠤᠭᠯᠤ ᠦᠰᠦᠷᠦᠨ ᠪᠤᠬᠠᠵᠤ ᠭᠠᠷᠤᠯᠠ᠃ ᠤᠮᠤᠭᠯᠠᠩ | ᠦᠷᠢᠶᠡᠨ ᠤ ᠤᠮᠤᠭ ᠨᠢ ᠤᠳᠠᠬᠤ ᠦᠭᠡᠢ ᠯᠡ ᠲᠠᠷᠤᠭᠳᠠᠬᠤ ᠪᠠᠶᠢᠪᠠ᠃ ᠬᠡᠳᠡᠯᠠ ᠭᠠᠶᠢᠬᠠᠭᠤᠯᠬᠤ ᠬᠡᠵᠤ ᠪᠠᠶᠢᠵᠤ | ᠭᠠᠢ ᠲᠠᠭᠠᠷᠢᠬᠤ ᠰᠢᠬᠠᠵᠤ ᠪᠢᠯᠨ᠃ | ᠶᠡᠷᠦ ᠠᠴᠠ ᠪᠠᠨ ᠮᠤᠷᠢ ᠬᠤᠶᠠᠷ ᠶᠠᠩᠵᠤ ᠪᠤᠯᠬᠢᠳᠠᠭ᠃ ᠵᠠᠷᠢᠮ ᠮᠤᠷᠢ ᠡᠷᠬᠢᠯᠳᠦᠨ ᠪᠤᠯᠳᠠᠵᠤ ᠪᠤᠯᠬᠢᠳᠠᠭ᠃ | ᠡᠶᠢᠮᠤ ᠮᠤᠷᠢᠨ ᠲᠡᠭᠡᠷᠠ ᠲᠤᠭᠳᠠᠬᠤ ᠳᠤ ᠬᠡᠴᠡᠬᠦᠤ᠃ ᠵᠠᠷᠢᠮ ᠮᠤᠷᠢ ᠲᠤᠤᠷᠠ ᠪᠠᠨ ᠶᠤᠮ ᠦᠦ ᠨᠢᠭᠡ ᠱᠤᠭᠤᠮ ᠢᠶᠠᠷ | ᠪᠤᠬᠠᠵᠤ ᠵᠢᠭᠳᠡ ᠪᠤᠯᠬᠢᠳᠠᠭ᠃ ᠡᠶᠢᠮᠤ ᠮᠤᠷᠢ ᠬᠠᠷᠠᠬᠤ ᠳᠤ ᠰᠦᠷᠳᠠᠢ ᠪᠤᠯᠪᠠᠴᠤ ᠲᠤᠭᠳᠠᠬᠤ ᠳᠤ ᠠᠮᠠᠷ ᠪᠠᠶᠢᠳᠠᠭ ᠶᠤᠮ | ᠃ ᠮᠢᠨᠤ ᠤᠨᠤᠭᠰᠠᠨ ᠬᠢᠵᠠᠭᠠᠯᠠᠩ ᠪᠤᠯ ᠵᠢᠭᠳᠡ ᠪᠤᠬᠠᠵᠤ ᠪᠤᠯᠬᠢᠭᠰᠠᠨ ᠲᠤᠯᠨ ᠰᠠᠯᠬᠢ ᠰᠦᠷᠴᠢᠬᠢᠨᠡᠨ ᠪᠡᠶᠠ ᠮᠢᠨᠢ | ᠤᠷᠤᠭᠰᠢ ᠬᠤᠶᠢᠰᠢ ᠪᠠᠨ ᠲᠡᠩᠴᠡᠬᠦᠷᠢ ᠪᠠᠨ ᠤᠯᠤᠨ᠂ ᠰᠠᠶᠢᠬᠠᠨ ᠴᠤ ᠪᠠᠬᠠ ᠲᠠᠢ ᠴᠤ ᠪᠠᠶᠢᠭᠰᠠᠨ ᠶᠤᠮᠰᠠᠨ᠃ | ᠰᠤᠯᠤᠩᠭᠠ ᠯᠠᠪ ᠯᠡ ᠬᠡᠷ ᠤᠨ ᠢᠶᠠᠨ ᠡᠬᠦᠳᠡᠨ ᠳᠤ ᠵᠤᠭᠰᠤᠭᠠᠳ ᠨᠠᠮᠠᠢᠢ ᠬᠠᠷᠠᠨ ᠪᠠᠭ᠋ᠠᠳᠤᠨ ᠪᠠᠶᠢᠭᠠ ᠳ᠋ᠠ ᠬᠡᠵᠤ | ᠪᠤᠳᠤᠭᠳᠠᠭᠠᠳ ᠡᠷᠬᠢᠵᠤ ᠬᠠᠷᠠᠯᠠ᠃ | ᠲᠤᠷᠵᠢ ᠭᠤᠸᠠᠢ ᠶᠢᠨ ᠬᠡᠷ ᠤᠨ ᠡᠬᠦᠳᠠᠨ ᠲᠡᠭᠡᠷᠠ ᠨᠠᠪᠴᠢ ᠭᠤᠸᠠᠢ ᠲᠠᠢ ᠵᠡᠷᠭᠡᠴᠡᠵᠤ ᠵᠤᠭᠰᠤᠵᠤ ᠪᠠᠶᠢᠭᠠ | ᠰᠤᠯᠤᠩᠭᠠ ᠶᠢ ᠬᠠᠷᠠᠮᠠᠭᠴᠨ ᠪᠦᠬᠦ ᠶᠠᠭᠤᠮᠠ ᠨᠢᠭᠡᠨ ᠮᠦᠴᠨ ᠳᠤ ᠮᠠᠷᠳᠠᠭᠳᠠᠨ᠂ ᠲᠦᠷᠦᠭᠡ ᠪᠠᠨ ᠠᠯᠳᠠᠵᠤ᠂ | ᠦᠷᠢᠶᠡᠨ ᠤ ᠪᠤᠷᠤᠭᠤ ᠲᠠᠯᠠ ᠤᠷᠤᠭᠤ ᠬᠡᠶᠢᠰᠦᠨ ᠤᠨᠠᠯᠠ᠃ ᠪᠢ ᠤᠨᠠᠬᠤ ᠳᠤ ᠪᠠᠨ ᠴᠤᠯᠪᠤᠭᠤᠷ ᠢᠶᠠᠨ ᠲᠠᠯᠪᠢᠭᠠ | ᠦᠭᠡᠢ ᠲᠤᠯᠨ ᠬᠡᠰᠡᠭ ᠴᠢᠷᠦᠭᠳᠡᠵᠤ ᠪᠠᠶᠢᠭᠠᠳ ᠲᠤᠷᠵᠢ ᠭᠤᠸᠠᠢ ᠶᠢᠨ ᠭᠡᠷ ᠤᠨ ᠤᠶᠢᠷᠠ ᠤᠴᠢᠭᠠᠳ ᠵᠤᠭᠰᠤᠪᠠ᠃ | ᠪᠦᠬᠦᠨ ᠤ ᠲᠦᠷᠦᠬᠦᠨ ᠳᠤ ᠰᠤᠯᠤᠩᠭᠠ ᠬᠦᠶᠦᠵᠤ ᠢᠷᠡᠭᠡᠳ ᠴᠡᠴᠡᠷᠡᠨ ᠲᠤᠭᠳᠤᠯᠤᠭᠰᠠᠨ ᠬᠤᠭᠤᠯᠠᠢ ᠪᠠᠷ᠄ ︽ | ᠵᠦᠭᠡᠷ ᠦᠦ︖︾ ᠬᠡᠵᠤ ᠠᠰᠠᠭᠤᠭᠠᠳ ᠨᠠᠮᠠᠢᠢ ᠲᠠᠳᠠᠵᠤ ᠪᠤᠰᠬᠠᠭᠰᠠᠨ ᠢᠶᠠᠨ ᠰᠠᠨᠳᠤᠷᠤᠭᠰᠠᠨ ᠢᠶᠠᠨ ᠪᠤᠳᠤᠵᠤ | ᠵᠤᠪᠠᠭᠰᠠᠨ ᠪᠤᠯᠤᠯᠳᠠᠢ ᠨᠢᠭᠤᠷ ᠨᠢ ᠤᠯᠠᠶᠢᠭᠠᠳ ᠲᠦᠷᠭᠡᠨ ᠡᠷᠬᠢᠵᠤ ᠬᠡᠷ ᠤᠨ ᠢᠶᠠᠨ ᠵᠦᠭ ᠬᠦᠶᠦᠪᠡ᠃ | ︽ᠠᠬᠠ ᠶᠡᠷᠦ ᠨᠢ ᠤᠶᠢᠴᠢᠳᠠᠭ ᠦᠭᠡᠢ ᠶᠤᠮᠰᠠᠨ᠂ ᠶᠠᠭᠠᠬᠢᠴᠢᠬᠠᠪᠠ ᠳ᠋ᠧ᠃ ᠮᠠᠭᠤ ᠦᠷᠢᠶᠠ ᠨᠢ ᠪᠤᠯᠬᠢᠵᠤ | ᠴᠢᠳᠠᠭᠰᠠᠨ ᠦᠭᠡᠢ ᠳ᠋ᠠ︾ ᠬᠡᠵᠤ ᠰᠦᠷᠦᠩ ᠤᠨ ᠬᠠᠰᠬᠢᠷᠬᠤ ᠲᠠᠭᠤ ᠰᠤᠨᠤᠰᠤᠭᠳᠠᠪᠠ᠃ | ᠪᠢᠳᠠ ᠲᠤᠷᠵᠢ ᠭᠤᠸᠠᠢ ᠪᠠᠷ ᠪᠠᠷᠢᠭᠤᠯᠵᠤ ᠪᠠᠶᠢᠭᠠᠳ ᠲᠠᠬᠢᠵᠤ ᠮᠤᠷᠳᠠᠬᠤ ᠳᠤ ᠡᠪᠤᠳᠤᠭ᠌ ᠮᠢᠨᠢ ᠴᠡᠴᠡᠷᠵᠤ | ᠪᠠᠶᠢᠵᠤ ᠪᠢᠯᠨ᠃ ᠦᠷᠢᠶᠠ ᠤᠷᠢᠳᠠᠬᠢ ᠠᠳᠠᠯᠢ ᠤᠷᠢᠳᠤ ᠬᠤᠶᠠᠷ ᠬᠦᠯ ᠤᠨ ᠢᠶᠠᠨ ᠬᠤᠭᠤᠷᠤᠨᠳᠤ ᠲᠤᠯᠤᠭᠠᠢ ᠪᠠᠨ | ᠬᠢᠵᠤ ᠪᠠᠶᠢᠭᠠᠳ ᠪᠤᠬᠠᠵᠤ ᠭᠠᠷᠤᠯᠠ᠃ ᠪᠢ ᠠᠮᠠᠨ ᠳᠠᠭᠠᠨ ᠵᠦᠭᠡᠷ ᠵᠦᠭᠡᠷ ᠬᠡᠵᠤ ᠪᠠᠶᠢᠨ ᠪᠠᠶᠢᠨ ᠰᠢᠪᠡᠨᠡᠵᠤ ᠶᠠᠪᠤᠬᠤ | ᠳᠤ ᠦᠷᠦᠭᠡᠰᠦᠨ ᠮᠦᠷᠦᠨ ᠲᠡᠭᠡᠷᠠ ᠠᠴᠠ ᠮᠢᠨᠢ ᠲᠠᠳᠠᠵᠤ ᠪᠤᠰᠬᠠᠭᠰᠠᠨ ᠰᠤᠯᠤᠩᠭᠠ ᠶᠢᠨ ᠭᠠᠷ ᠬᠡᠪ ᠢᠶᠠᠷ ᠢᠶᠠᠨ | ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠭᠠᠳ ︽ᠪᠢᠳᠠᠬᠢ ᠤᠨᠠᠭᠠᠷᠠᠢ︾ ᠬᠡᠵᠤ ᠲᠤᠭᠳᠤᠯᠤᠭᠰᠠᠨ ᠬᠤᠭᠤᠯᠠᠢ ᠪᠠᠷ ᠲᠠᠬᠢᠨ ᠲᠠᠬᠢᠨ | ᠬᠡᠯᠡᠵᠤ ᠪᠠᠶᠢᠬᠤ ᠰᠢᠭ᠋ ᠰᠠᠨᠠᠭᠳᠠᠵᠤ ᠪᠠᠶᠢᠯᠠ᠃ | ᠪᠢ ᠠᠳᠤᠭᠤ ᠦᠭᠡᠷ ᠲᠤ ᠶᠠᠪᠤᠬᠤ ᠳᠠᠭᠠᠨ ᠤᠯᠠᠯᠵᠠᠭᠠᠨᠠ᠂ ᠬᠦᠵᠡᠯᠵᠡᠭᠡᠨᠠ ᠲᠡᠬᠦᠵᠤ ᠢᠷᠡᠭᠡᠳ ᠰᠦᠷᠦᠩ | ᠲᠠᠢ ᠠᠷᠠᠢ ᠬᠢᠵᠤ ᠲᠠᠩᠰᠠ ᠪᠠᠨ ᠪᠤᠳᠤᠭᠰᠠᠨ ᠤ ᠲᠠᠷᠠᠭᠠ ᠲᠤᠷᠵᠢ ᠭᠤᠸᠠᠢ ᠶᠢᠨ ᠳᠤ ᠤᠷᠤᠵᠤ ᠨᠠᠪᠴᠢ ᠭᠤᠸᠠᠢ | ᠳᠠᠭᠠᠨ ᠵᠢᠭᠠᠬᠠᠨ ᠦᠭᠬᠦᠳᠡᠭ᠃ ᠲᠠᠷᠠᠭᠠ ᠨᠢ ᠶᠡᠬᠡᠩᠭᠢ ᠶᠢ ᠨᠢ ᠰᠤᠯᠤᠩᠭᠠ ᠳᠤ ᠦᠭᠬᠦᠳᠡᠭ ᠪᠠᠶᠢᠪᠠ᠃ ᠢᠩᠬᠢᠵᠤ | ᠦᠨᠡᠨᠳᠡᠭᠡᠨ ᠰᠤᠯᠤᠩᠭᠠ ᠶᠢᠨ ᠬᠠᠵᠠᠭᠤ ᠪᠠᠷ ᠨᠠᠪᠴᠢ ᠭᠤᠸᠠᠢ ᠵᠠᠪᠰᠢᠵᠤ ᠶᠤᠰᠤᠳᠠᠢ ᠯᠡ ᠮᠤᠷᠢᠳᠤ ᠶᠢᠨ ᠬᠡᠰᠢᠭ | ᠶᠠᠪᠠᠭᠠᠨ ᠳᠤ ᠬᠡᠳᠡᠭ ᠪᠤᠯᠳᠠᠭ ᠪᠠᠶᠢᠪᠠ᠃ ᠰᠤᠯᠤᠩᠭᠠ ᠶᠢᠨ ᠨᠤᠳᠤᠭ ᠪᠤᠯ ᠵᠢᠮᠢᠰ ᠦᠭᠡᠢ ᠲᠠᠯᠠ ᠭᠠᠵᠠᠷ ᠲᠤᠯᠨ ᠮᠢᠨᠤ | ᠠᠪᠴᠢᠷᠠᠭᠰᠠᠨ ᠵᠢᠮᠢᠰ ᠢ ᠲᠡᠷᠨ ᠶᠡᠭᠡ ᠰᠤᠨᠢᠷᠬᠠᠵᠤ ᠶᠠᠭᠤᠨ ᠤ ᠡᠮᠦᠨᠠ ᠨᠡᠷᠠ ᠶᠢ ᠨᠢ ᠠᠰᠠᠭᠤᠭᠠᠳ ᠲᠠᠷᠠᠭᠠ ᠨᠢ | ᠬᠠᠮᠢᠭᠠ ᠪᠠᠶᠢᠳᠠᠭ ᠢ ᠠᠰᠠᠭᠤᠵᠤ ᠠᠮᠳᠠᠷᠬᠠᠨ ᠢᠳᠡᠬᠦ ᠳᠤᠨᠢ ᠶᠢᠷᠳᠢᠨᠴᠤ ᠶᠢᠨ ᠵᠢᠷᠭᠠᠯ ᠤᠨ ᠲᠡᠭᠡᠳᠤ ᠶᠢ ᠡᠳ᠋ᠯᠡᠵᠤ | ᠪᠠᠶᠢᠳᠠᠭ ᠰᠠᠨ᠃ | ᠰᠤᠯᠤᠩᠭᠠ᠂ ᠰᠦᠷᠦᠩ ᠪᠢᠳᠠ ᠭᠤᠷᠪᠠ ᠶᠠᠪᠤᠵᠤ ᠤᠯᠠᠯᠵᠠᠭᠠᠨᠠ ᠲᠡᠬᠦᠭᠰᠡᠨ ᠨᠢ ᠰᠤᠯᠤᠩᠭᠠ ᠶᠢᠨ ᠰᠡᠳᠬᠢᠯ | ᠳᠤ ᠲᠠᠭᠠᠯᠠᠯ ᠲᠠᠢ ᠪᠤᠯᠤᠭᠠᠳ ᠲᠠᠬᠢᠨ ᠬᠡᠳᠦᠨ ᠤᠳᠠᠭᠠ ᠵᠢᠮᠢᠰᠦᠨ ᠳᠤ ᠶᠠᠪᠤᠭᠰᠠᠨ᠃ ᠢᠩᠬᠢᠵᠤ ᠪᠠᠶᠢᠳᠠᠯᠠ ᠰᠤᠮᠤ | ᠶᠢᠨ ᠨᠠᠭᠠᠳᠤᠮ ᠪᠤᠯᠪᠠ᠃ ᠮᠠᠨ ᠤ ᠰᠤᠮᠤ ᠶᠢᠨ ᠨᠠᠭᠠᠳᠤᠮ ᠬᠤᠶᠠᠷ ᠡᠳᠦᠷ ᠦᠷᠬᠦᠯᠵᠢᠯᠡᠬᠦ ᠪᠠᠶᠢᠭᠰᠠᠨ ᠲᠤᠯᠨ ᠮᠠᠨ ᠤ | ᠬᠤᠳᠠᠨ ᠤ ᠬᠢᠨ ᠡᠭᠡᠯᠵᠢᠯᠡᠨ ᠶᠠᠪᠤᠬᠤ ᠪᠠᠷ ᠲᠤᠭᠳᠠᠪᠠ᠃ ᠠᠩᠬᠠᠨ ᠤ ᠡᠳᠦᠷ ᠰᠤᠯᠤᠩᠭᠠ᠂ ᠲᠡᠬᠦᠤ ᠪᠢᠳᠠ ᠭᠤᠷᠪᠠ | ᠶᠠᠪᠤᠬᠤ᠂ ᠲᠠᠷᠠᠭᠠ ᠡᠳᠦᠷ ᠪᠤᠰᠤᠳ ᠮᠠᠨᠢ ᠶᠠᠪᠤᠬᠤ ᠪᠠᠷ ᠶᠠᠷᠢᠯᠴᠠᠪᠠ᠃ ᠪᠢ ᠰᠦᠨᠢ ᠠᠳᠤᠭᠤ ᠮᠠᠨᠠᠵᠤ ᠦᠷᠯᠦᠭᠡ | ᠡᠷᠳᠠ ᠢᠷᠡᠭᠡᠳ᠂ ᠴᠠᠢ ᠪᠠᠨ ᠤᠷᠤ ᠨᠡᠷᠠ ᠶᠢᠨ ᠲᠡᠳᠦᠢ ᠤᠤᠭᠤᠭᠠᠳ ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ ᠪᠠᠷ ᠪᠡᠯᠡᠳᠭᠡᠪᠡ᠃ | ᠡᠪᠤᠭᠡᠳ ᠲᠡᠭᠡᠳᠦᠰ ᠤᠨ ᠦᠶᠡᠰ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠨᠠᠭᠠᠳᠤᠮ ᠳᠤ ᠶᠠᠪᠤᠬᠤ ᠳᠠᠭᠠᠨ ᠰᠠᠶᠢᠨ | ᠮᠤᠷᠢᠨ ᠤ ᠲᠡᠯ ᠢ ᠨᠢ ᠵᠠᠰᠠᠵᠤ ᠤᠨᠤᠨ᠂ ᠰᠢᠨᠠ ᠲᠡᠪᠡᠯ ᠢᠶᠠᠨ ᠡᠮᠦᠰᠴᠤ᠂ ᠡᠯᠪᠡᠭ ᠲᠡᠯᠪᠡᠭ ᠶᠠᠪᠤᠬᠤ ᠶᠢ ᠬᠢᠴᠢᠶᠡᠳᠡᠭ | ᠃ | ᠪᠢ ᠡᠬᠢᠯᠡᠭᠡᠳ ᠤᠨᠤᠵᠤ ᠶᠠᠪᠤᠬᠤ ᠭᠤᠷᠪᠠᠨ ᠮᠤᠷᠢᠨ ᠤ ᠪᠠᠨ ᠲᠡᠯ ᠢ ᠵᠠᠰᠠᠪᠠ᠃ ᠰᠤᠯᠤᠩᠭᠠ ᠳᠤ ᠲᠤᠷᠵᠢ | ᠭᠤᠸᠠᠢ ᠶᠢᠨ ᠦᠪᠡᠷ ᠤᠨ ᠬᠢᠨᠢ ᠤᠨᠤᠳᠠᠭ ᠪᠦᠳᠦᠬᠦᠨ ᠬᠠᠷᠠ ᠬᠡᠳᠡᠭ ᠮᠤᠷᠢ ᠶᠢ ᠪᠠᠷᠢᠵᠤ ᠦᠭᠬᠦᠪᠡ᠃ ᠲᠡᠬᠦᠨ ᠤ | ᠲᠡᠯ ᠢ ᠵᠠᠰᠠᠵᠤ ᠪᠠᠶᠢᠬᠤ ᠳᠤ ᠰᠤᠯᠤᠩᠭᠠ ᠦᠷᠬᠦᠯᠵᠢ ᠲᠡᠷᠭᠡᠳᠠ ᠵᠤᠭᠰᠤᠵᠤ ᠪᠠᠶᠢᠪᠠ᠃ ᠬᠠᠷᠠ ᠮᠤᠷᠢᠨ ᠤ ᠲᠡᠯ ᠢ | ᠰᠤᠮᠤᠯᠠᠨ ᠵᠠᠰᠠᠵᠤ᠂ ᠰᠠᠬᠠᠯ ᠢ ᠨᠢ ᠵᠢᠭᠳᠡ ᠬᠠᠶᠢᠴᠢᠯᠠᠨ᠂ ᠴᠢᠬᠢᠨ ᠲᠤᠳᠤᠷᠠᠬᠢ ᠦᠰᠤ ᠶᠢ ᠨᠢ ᠵᠠᠰᠠᠭᠰᠠᠨ ᠲᠤᠯᠨ | ᠦᠨᠡᠭᠡᠷ ᠯᠡ ᠰᠤᠭᠤ ᠰᠢᠭ᠋ ᠠᠮᠢᠳᠠᠨ ᠪᠤᠯᠪᠠ᠃ ᠬᠡᠪᠡᠴᠤ ᠡᠨᠡ ᠮᠤᠷᠢ ᠶᠠᠮᠠᠷ ᠴᠤ ᠶᠠᠪᠤᠳᠠᠯ ᠦᠭᠡᠢ᠂ ᠶᠠᠳᠠᠬᠤ ᠳᠠᠭᠠᠨ | ᠰᠠᠶᠢᠬᠠᠨ ᠤᠰᠤᠨ ᠬᠠᠷᠠ ᠠᠯᠬᠤᠭᠠ ᠴᠤ ᠦᠭᠡᠢ ᠤᠴᠢᠷ ᠰᠤᠯᠤᠩᠭᠠ ᠳᠤ ᠭᠤᠯᠤᠭᠳᠠᠬᠤ ᠪᠠᠶᠢᠬᠤ ᠬᠡᠵᠤ ᠪᠤᠳᠤᠭᠠᠳ | ᠡᠵᠢ ᠶᠢᠨ ᠢᠶᠠᠨ ᠵᠢᠷᠤᠭᠠ ᠬᠡᠭᠡᠷ ᠢ ᠭᠤᠶᠤᠵᠤ ᠦᠭᠬᠦ ᠶᠤᠮ ᠪᠢᠯᠢᠤ ᠬᠡᠵᠤ ᠪᠠᠶᠢᠨ ᠪᠠᠶᠢᠨ ᠪᠤᠳᠤᠭᠳᠠᠵᠤ ᠪᠠᠶᠢᠯᠠ᠃ | ︽ᠴᠢ ᠮᠠᠨ ᠤ ᠡᠵᠢ ᠶᠢᠨ ᠵᠢᠷᠤᠭᠠ ᠬᠡᠭᠡᠷ ᠢ ᠤᠨᠤᠭᠠᠳ ᠶᠠᠪᠤ︾ ᠬᠡᠵᠤ ᠬᠡᠯᠡᠭᠰᠡᠨ ᠳᠤ ᠰᠤᠯᠤᠩᠭᠠ ᠲᠤᠷᠠ | ᠦᠭᠡᠢ ᠨᠢ ᠬᠦᠷᠦᠭᠰᠡᠨ ᠪᠤᠯᠤᠯᠳᠠᠢ᠄ ︽ᠪᠢᠳᠡᠭᠡᠢ ᠲᠡᠮᠡᠢ ᠶᠠᠷᠢ︾ ᠬᠡᠰᠡᠨ ᠳᠤ ᠪᠢ ᠲᠤᠭᠯᠠᠵᠤ ᠬᠡᠯᠡᠭᠰᠡᠨ ᠪᠤᠯᠵᠤ ᠡᠨᠡ | ᠶᠠᠷᠢᠶᠠ ᠶᠢ ᠵᠤᠪᠴᠢᠭᠤᠯᠪᠠ᠃ | | ︵ww.biirbeh.mn ᠠᠴᠠ ᠬᠦᠷᠪᠡᠬᠦᠯᠪᠡ︶ | |