| | ᠨᠢᠭᠡ | ᠰᠠᠶᠢᠷ ᠤᠨ ᠭᠤᠪᠢ ᠶᠢᠨ ᠲᠤᠮᠳᠠ ᠤᠷᠤᠵᠤ ᠶᠠᠪᠤᠳᠠᠯᠠ ᠰᠠᠯᠬᠢ ᠬᠡᠨᠡᠳᠳᠠ ᠡᠷᠬᠢᠵᠤ᠂ ᠴᠠᠰᠤ ᠬᠠᠶᠠᠯᠠᠵᠤ | ᠡᠬᠢᠯᠡᠯᠠ᠃ ᠨᠢᠵᠢᠬᠢᠨᠡᠳᠡᠯᠠ ᠬᠠᠳᠠᠷᠢᠭᠤᠯᠵᠤ ᠪᠠᠶᠢᠭᠰᠠᠨ ᠠᠳᠤᠭᠤ ᠵᠤᠭ ᠲᠤᠰᠤᠨ ᠲᠤᠤᠷᠠ ᠪᠠᠨ ᠡᠷᠬᠢᠭᠡᠳ | ᠤᠩᠭᠤᠯᠳᠤᠯᠠ᠃ ᠶᠡᠭᠡ ᠬᠦᠷᠡᠩ ᠰᠦᠷᠦᠭ ᠤᠨ ᠢᠶᠠᠨ ᠲᠤᠯᠠᠭᠠᠨ ᠨᠦᠮᠦᠷᠢ ᠶᠢ ᠤᠷᠬᠢᠨ ᠤᠷᠤᠭᠰᠢ ᠴᠤᠶᠢᠯᠠᠨ | ᠭᠠᠷᠴᠤ ᠢᠷᠡᠭᠡᠳ ᠪᠠᠭᠠ ᠬᠦᠷᠡᠩ ᠤᠨ ᠬᠦᠷᠡᠭᠡ ᠬᠠᠪᠢ ᠠᠴᠠ ᠬᠠᠪᠬᠢᠳᠠᠯᠠ ᠬᠠᠵᠠᠵᠤ ᠬᠠᠶᠢᠷᠬᠤ ᠶᠢᠨ ᠠᠭᠱᠠᠨ ᠳᠤ | ᠴᠠᠭᠠᠨᠠ ᠵᠤᠭᠰᠤᠭᠠ ᠲᠦᠨᠡᠨ ᠬᠠᠯᠳᠠᠷ ᠤᠷᠤᠭᠤ ᠪᠦᠭᠰᠡ ᠪᠠᠨ ᠡᠷᠬᠢᠬᠦᠯᠦᠨ ᠤᠯᠠᠭᠠᠨ ᠰᠤᠭᠤ ᠤᠷᠤᠭᠤ ᠨᠢ | ᠲᠦᠰᠬᠢᠳᠡᠯᠠ ᠲᠠᠩᠭᠠᠷᠤᠯᠠ᠃ ᠠᠵᠢᠷᠭᠠ᠂ ᠬᠡᠬᠦᠤ ᠬᠤᠶᠠᠷ ᠵᠡᠷᠭᠡ ᠲᠠᠭᠤ ᠠᠯᠳᠠᠨ᠂ ᠦᠭᠡᠳᠠ ᠠᠴᠠ ᠨᠢ ᠬᠠᠵᠠᠬᠤ᠂ | ᠲᠠᠩᠭᠠᠷᠬᠤ ᠶᠢᠨ ᠰᠡᠭᠡᠭᠡ ᠦᠭᠡᠢ ᠪᠤᠰᠢᠭᠤᠯᠠᠨ ᠵᠠᠶᠢᠯᠠᠬᠤ ᠪᠠᠨ ᠯᠠ ᠪᠤᠳᠤᠭᠰᠠᠨ ᠨᠢ ᠬᠦᠭᠰᠢᠨ ᠬᠡᠬᠦᠤ ᠠᠴᠠ ᠲᠡᠶᠢᠮᠤ | ᠶᠡᠭᠡ ᠬᠦᠴᠤ ᠭᠠᠷᠬᠤ ᠶᠢᠨ ᠴᠢᠨᠡᠭᠡ ᠰᠠᠨᠠᠭᠠ ᠦᠭᠡᠢ ᠶᠠᠪᠤᠭᠰᠠᠨ᠂ ᠤᠳᠤ ᠲᠡᠬᠦᠨ ᠳᠡᠭᠡᠨ ᠪᠠᠨᠳᠡᠭᠰᠡᠨ ᠤ ᠬᠡᠷᠡᠴᠢ | ᠬᠡᠮᠡᠷ᠃ | ᠶᠡᠭᠡ ᠬᠦᠷᠡᠩ ᠦᠪᠡᠷ ᠢᠶᠠᠨ ᠬᠠᠷᠢᠨ ᠵᠤᠯᠳᠠᠢ ᠯᠡ ᠰᠢᠷᠭᠤᠵᠤ ᠤᠨᠠᠭᠰᠠᠨ ᠦᠭᠡᠢ᠂ ᠪᠠᠭᠠ ᠬᠦᠷᠡᠩ ᠤᠨ ᠢᠶᠠᠨ | ᠪᠠᠰᠠ ᠯᠡ ᠬᠦᠷᠡᠩ ᠤᠨᠠᠭᠠ ᠶᠢ ᠲᠠᠭᠠᠷᠢᠴᠢᠬᠠᠬᠤ ᠰᠢᠬᠠᠨ᠂ ᠠᠷᠠᠶᠢᠬᠠᠨ ᠲᠤᠭᠳᠠᠭᠰᠠᠨ ᠢᠶᠠᠨ ᠰᠠᠯᠬᠢ ᠰᠦᠷᠦᠨ | ᠬᠠᠳᠠᠷᠢᠭᠤᠯᠤᠯᠠ᠃ ᠬᠠᠮᠠᠷ ᠴᠠᠭᠠᠨ ᠤᠨᠠᠭᠠ ᠨᠢ᠂ ᠲᠡᠬᠦᠨ ᠤ ᠠᠷᠤ ᠠᠴᠠ ᠪᠠᠰᠠ ᠪᠤᠰᠤᠳ ᠦᠷᠠ ᠲᠦᠯ ᠨᠢ ᠡᠬᠡ | ᠶᠢ ᠪᠠᠨ ᠲᠠᠭᠠᠯᠠ᠃ ᠬᠠᠯᠳᠠᠷ ᠠᠵᠢᠷᠭᠠ᠂ ᠪᠠᠭᠠ ᠬᠦᠷᠡᠩ ᠬᠤᠶᠠᠷ ᠬᠡᠰᠡᠭᠭᠡᠨ ᠵᠠᠭᠤᠷᠠ ᠠᠯᠮᠠᠶᠢᠷᠠᠨ ᠵᠤᠭᠰᠤᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠢᠵᠢᠯᠢ ᠰᠦᠷᠦᠭ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠤᠬᠤᠰᠬᠢᠨ ᠲᠦᠳᠡᠯ ᠦᠭᠡᠢ ᠬᠦᠢᠴᠡᠵᠤ᠂ ᠬᠤᠶᠠᠷ | ᠲᠠᠯᠠ ᠪᠠᠷ ᠨᠢ ᠤᠷᠢᠶᠠᠨ ᠤᠷᠢᠳᠤ ᠨᠢ ᠭᠠᠷᠤᠭᠠᠳ ᠶᠡᠭᠡ ᠬᠦᠷᠡᠩ ᠢ ᠰᠠᠷᠪᠠᠶᠢᠳᠠᠯᠠ ᠴᠤᠬᠬᠢᠬᠤ ᠤᠨᠠᠭᠠ ᠲᠠᠢ ᠨᠢ | ᠴᠤᠭ ᠲᠤᠮᠳᠠ ᠪᠠᠨ ᠬᠢᠭᠰᠡᠭᠡᠷ ᠴᠠᠭᠠᠰᠢᠯᠠᠯᠠ᠃ | ᠬᠤᠶᠠᠷ | ᠠᠬᠢᠨ ᠨᠦᠮᠦᠷᠢ ᠳᠤ ᠤᠷᠤᠭᠰᠠᠨ ᠳᠠᠭᠠᠨ ᠶᠡᠭᠡ ᠬᠦᠷᠡᠩ ᠬᠠᠪᠢᠷᠭᠠ ᠪᠠᠷ ᠢᠶᠠᠨ ᠪᠦᠯᠢᠶᠡᠴᠠᠰᠬᠢᠬᠦ ᠰᠢᠭ ᠪᠤᠯᠵᠤ | ᠂ ᠪᠠᠰᠠ ᠰᠠᠨᠠᠭᠰᠠᠨ ᠢᠶᠠᠷ ᠪᠤᠯᠤᠭᠰᠠᠨ ᠳᠤ ᠲᠤᠳᠤᠷᠠ ᠨᠢ ᠠᠭᠤᠵᠢᠷᠠᠵᠤ᠂ ᠠᠷᠠᠢ ᠯᠡ ᠰᠢᠷᠦᠬᠦᠳᠡᠴᠢᠭᠡᠪᠡ ᠦᠦ ᠬᠡᠮᠡᠨ | ᠬᠡᠮᠰᠢᠰᠬᠢᠨ ᠶᠠᠪᠤᠬᠤ ᠠᠵᠠᠢ᠃ ᠬᠠᠷᠢᠨ ᠬᠡᠨᠡᠳᠳᠠ ᠶᠠᠭᠠᠬᠢᠭᠠᠳ ᠲᠡᠶᠢᠮᠤ ᠠᠭᠠᠰᠢ ᠭᠠᠷᠭᠠᠭᠰᠠᠨ ᠢ ᠨᠢ ᠨᠠᠭᠠᠳᠤ | ᠬᠤᠶᠠᠷ ᠤᠶᠢᠯᠠᠭᠠᠭᠰᠠᠨ ᠪᠤᠯᠤᠯᠳᠠᠢ᠂ ᠬᠡᠷᠪᠡ ᠤᠳᠤᠬᠠᠨ ᠳᠠᠭᠠᠨ ᠤᠶᠢᠯᠠᠭᠠᠭᠠ ᠦᠭᠡᠢ ᠪᠠᠶᠢᠯᠠ ᠴᠤ ᠬᠡᠰᠡᠨ ᠨᠢᠭᠡᠨ | ᠴᠠᠭ ᠲᠤ ᠤᠶᠢᠯᠠᠭᠠᠬᠤ ᠨᠢ ᠯᠠᠪᠳᠠᠢ᠃ | ᠲᠡᠷᠨ ᠵᠢᠯ ᠶᠠᠭ ᠡᠨᠡ ᠯᠡ ᠭᠤᠪᠢ ᠶᠢ ᠭᠠᠳᠤᠯᠵᠤ ᠶᠠᠪᠤᠭᠠᠳ ᠮᠥᠨ ᠯᠡ ᠬᠡᠨᠡᠳᠳᠠ ᠡᠷᠬᠢᠭᠰᠡᠨ ᠰᠠᠯᠬᠢ | ᠲᠠᠭᠠᠵᠤ ᠤᠷᠤᠭᠤᠳᠠᠭᠠᠳ ᠶᠠᠭᠤᠨ ᠳᠤ ᠤᠴᠠᠷᠠᠭᠰᠠᠨ ᠢᠶᠠᠨ ᠶᠡᠭᠡ ᠬᠦᠷᠡᠩ ᠮᠠᠷᠳᠠᠭᠠ ᠦᠭᠡᠢ᠃ ᠲᠡᠷᠨ ᠰᠢᠭᠤᠷᠭᠠᠨ | ᠢᠶᠠᠷ ᠡᠴᠢᠭᠡ᠂ ᠡᠬᠡ᠂ ᠪᠠᠰᠠ ᠤᠯᠠᠨ ᠢᠵᠢᠯᠢ ᠨᠢ ᠰᠦᠢᠳ ᠪᠤᠯᠬᠤ ᠳᠤ ᠦᠪᠡᠷ ᠢᠶᠠᠨ ᠵᠠᠯᠠᠭᠤ᠂ ᠴᠢᠬᠢᠷᠠᠭ ᠪᠡᠶᠠ | ᠶᠢᠨ ᠢᠶᠠᠨ ᠬᠦᠴᠤ ᠪᠠᠷ ᠯᠡ ᠦᠯᠡᠳᠡᠵᠠᠢ᠃ ᠲᠡᠭᠡᠬᠦ ᠳᠤ ᠬᠠᠷᠢᠨ ᠪᠠᠭᠠ ᠬᠦᠷᠡᠩ ᠬᠡᠭᠳᠡᠵᠤ ᠶᠠᠪᠤᠭᠰᠠᠨ ᠴᠠᠭ᠃ | ᠭᠤᠷᠪᠠ | ᠤᠷᠢᠳᠤ ᠵᠤᠨ ᠨᠢ ᠤᠶᠢᠷᠠᠳᠤᠬᠤ ᠪᠦᠷᠢ ᠡᠴᠢᠭᠡ ᠠᠵᠢᠷᠭᠠ ᠨᠢᠭᠡ ᠯᠡ ᠠᠭᠠᠰᠢ ᠰᠢᠷᠦᠬᠦᠨ ᠪᠠᠶᠢᠳᠠᠭ | ᠪᠠᠶᠢᠭᠰᠠᠨ ᠢᠶᠠᠨ ᠨᠢᠭᠡ ᠡᠳᠦᠷ ᠪᠦᠷ ᠬᠠᠶᠢᠷᠴᠤ ᠲᠠᠩᠭᠠᠷᠠᠭᠰᠠᠭᠠᠷ ᠪᠤᠰᠤᠳ ᠬᠡᠳᠦᠨ ᠪᠠᠶᠢᠳᠠᠰᠤᠨ ᠤ ᠬᠠᠮᠳᠤ ᠢᠵᠢᠯᠢ | ᠰᠦᠷᠦᠭ ᠲᠤᠮᠳᠠ ᠠᠴᠠ ᠨᠢ ᠬᠦᠭᠡᠭᠡᠨ ᠭᠠᠷᠭᠠᠵᠠᠢ᠃ ᠲᠡᠭᠡᠭᠡᠳ ᠭᠠᠶᠢᠬᠠᠨ ᠠᠯᠮᠠᠶᠢᠷᠠᠴᠢᠬᠠᠭᠠᠳ ᠶᠠᠪᠤᠵᠤ ᠪᠠᠶᠢᠳᠠᠯᠠ | ᠪᠦᠬᠦᠨ ᠢ ᠠᠶᠤᠯᠭᠠᠭᠰᠠᠨ ᠲᠤᠭᠰᠢᠨ ᠬᠠᠷᠠ ᠬᠡᠮᠡᠨ ᠠᠯᠳᠠᠷᠰᠢᠵᠤ᠂ ᠬᠦᠮᠦᠨ ᠮᠠᠯ ᠳᠤ ᠠᠳᠠ ᠦᠵᠡᠭᠳᠡᠭᠰᠡᠨ ᠠᠵᠢᠷᠭᠠ | ᠲᠠᠪᠬᠢᠨ ᠢᠷᠡᠭᠡᠳ ᠬᠦᠭᠡᠭᠡᠨ ᠠᠪᠠᠴᠢᠵᠤ ᠢᠵᠢᠯᠢ ᠰᠦᠷᠦᠭ ᠲᠡᠭᠡᠨ ᠬᠤᠷᠢᠶᠠᠨ ᠨᠡᠶᠢᠯᠡᠬᠦᠯᠦᠭᠰᠡᠨ ᠢ ᠰᠠᠨᠠᠬᠤ ᠪᠦᠷᠢ | ᠬᠦᠷᠡᠩ ᠬᠡᠬᠦᠤ ᠶᠢᠨ ᠲᠤᠳᠤᠷᠠ ᠦᠮᠦᠷᠡᠳᠡᠭ ᠠᠵᠤᠭᠤ᠃ ᠲᠤᠭᠰᠢᠨ ᠬᠠᠷᠠ ᠪᠤᠯ ᠦᠨᠡᠬᠡᠷ ᠠᠶᠤᠮᠰᠢᠭᠳᠤ ᠠᠳᠤᠭᠤᠰᠤ | ᠂ ᠠᠵᠢᠷᠭᠠ ᠪᠢᠰᠢ᠂ ᠴᠢᠨ᠋ᠸᠠ᠂ ᠡᠷᠯᠢᠭ ᠶᠤᠮ ᠦᠦ ᠬᠡᠮᠡᠷ᠂ ᠲᠡᠬᠦᠨ ᠤ ᠬᠤᠷᠴᠨ ᠰᠢᠳᠤ᠂ ᠬᠠᠳᠠᠭᠤ ᠲᠤᠭᠤᠷᠠᠢ᠂ | ᠬᠦᠨᠳᠤ ᠴᠢᠩᠭᠠ ᠪᠡᠶᠡ ᠠᠴᠠ ᠮᠤᠯᠳᠤᠷᠠᠬᠤ ᠠᠷᠭᠠ ᠵᠠᠮ ᠪᠠᠶᠢᠭᠰᠠᠨ ᠦᠭᠡᠢ᠃ ᠪᠦᠳᠦᠨ ᠠᠷᠠᠰᠤ ᠪᠠᠨ ᠬᠡᠭᠵᠠ | ᠲᠠᠳᠠᠭᠤᠯᠤᠨ᠂ ᠪᠦᠷᠢᠨ ᠶᠠᠰᠤ ᠪᠠᠨ ᠬᠡᠮᠬᠡ ᠲᠠᠷᠤᠭᠤᠯᠤᠨ ᠪᠠᠶᠢᠵᠤ ᠦᠵᠡᠭᠡ ᠦᠭᠡᠢ ᠪᠠᠨ ᠦᠵᠡᠵᠡᠢ᠃ ᠬᠠᠷᠢᠨ | ᠲᠡᠭᠡᠵᠤ ᠦᠢᠯᠨ ᠶᠢ ᠨᠢ ᠦᠵᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠬᠠᠷᠠ ᠠᠵᠢᠷᠭᠠ ᠲᠡᠬᠦᠨ ᠢ ᠲᠡᠳᠦᠶᠢᠯᠨ ᠲᠤᠭᠤᠬᠤ ᠪᠠᠨ | ᠪᠤᠯᠢᠪᠠ᠃ ᠬᠠᠪᠢᠳᠠᠭᠰᠠᠨ ᠳᠤ ᠬᠠᠶᠢᠷᠠᠭᠤᠯᠵᠤ᠂ ᠲᠠᠭᠠᠷᠢᠯᠳᠤᠭᠰᠠᠨ ᠳᠤ ᠲᠠᠩᠭᠠᠷᠠᠭᠤᠯᠵᠤ ᠶᠠᠪᠤᠭᠰᠠᠭᠠᠷ ᠨᠢᠭᠡ ᠡᠳᠦᠷ | ᠪᠤᠰᠤᠨ ᠲᠠᠪᠬᠢᠵᠤ ᠢᠵᠢᠯᠢ ᠰᠦᠷᠦᠭ ᠲᠡᠭᠡᠨ ᠪᠤᠴᠠᠭᠠᠳ ᠢᠷᠡᠪᠡᠯ ᠪᠠᠭᠠ᠂ ᠶᠡᠭᠡ ᠦᠭᠡᠢ ᠤᠩᠭᠤᠯᠳᠤᠨ ᠤᠭᠳᠤᠵᠠᠢ᠃ | ᠢᠰᠬᠦᠯᠵᠤ ᠬᠦᠭᠡᠭᠡᠭᠰᠡᠨ ᠡᠴᠢᠭᠡ ᠲᠡᠭᠡᠨ᠂ ᠦᠮᠦᠭᠡᠷᠡᠭᠡᠳ ᠠᠪᠤᠭᠠ ᠦᠭᠡᠢ ᠡᠬᠡ ᠳᠡᠭᠡᠨ ᠭᠤᠮᠤᠳᠠᠵᠤ ᠶᠠᠪᠤᠭᠰᠠᠨ | ᠨᠢ ᠴᠤ ᠮᠠᠷᠳᠠᠭᠳᠠᠵᠠᠢ᠃ | ᠲᠦᠷᠪᠡ | ᠲᠠᠷᠠᠭᠠ ᠨᠢ ᠪᠦᠭᠳᠦᠷ ᠵᠡᠭᠡᠷᠳᠠ ᠲᠠᠢ ᠤᠴᠠᠷᠠᠵᠠᠢ᠃ ᠲᠡᠷᠨ ᠪᠤᠯ ᠶᠤᠰᠤᠳᠠᠢ ᠠᠵᠢᠷᠭᠠ᠂ ᠬᠠᠨᠢ ᠨᠢ ᠪᠠᠶᠢᠵᠠᠢ᠃ | ᠲᠡᠬᠦᠨ ᠤ ᠨᠦᠮᠦᠷᠢ ᠳᠤ ᠶᠠᠪᠤᠬᠤ ᠳᠤ ᠠᠶᠤᠬᠤ ᠠᠶᠤᠯ᠂ ᠲᠠᠭᠠᠷᠠᠬᠤ ᠬᠦᠢᠳᠡᠨ ᠬᠡᠵᠤ ᠪᠠᠶᠢᠭᠰᠠᠨ ᠦᠭᠡᠢ᠃ | ᠢᠵᠢᠯᠢ ᠰᠦᠷᠦᠭ ᠢᠶᠠᠨ ᠡᠷᠬᠢᠭᠡᠳ ᠢᠷᠡᠬᠦ ᠶᠢᠨ ᠬᠢᠨᠢ ᠬᠤᠭᠤᠷᠤᠨᠳᠤ ᠦᠭᠡᠶᠢᠯᠡᠵᠤ ᠰᠠᠨᠠᠴᠢᠬᠠᠭᠰᠠᠨ ᠦᠦᠷᠰᠡᠨ | ᠤᠭᠳᠤᠳᠠᠭ ᠪᠠᠶᠢᠯᠠ᠃ ᠦᠷᠠ ᠲᠦᠯ ᠢ ᠨᠢ ᠲᠦᠷᠦᠬᠦᠯᠡᠪᠡ᠃ ᠦᠭᠡᠷᠠ ᠬᠡᠬᠦᠤ ᠪᠠᠷᠠᠳᠠᠨ ᠶᠠᠪᠤᠬᠤ ᠶᠢ ᠨᠢ ᠬᠠᠷᠠᠬᠤ | ᠪᠦᠷᠢ ᠬᠠᠷᠠᠮᠯᠠᠪᠠᠴᠤ ᠲᠠᠪᠬᠢᠨ ᠤᠴᠢᠵᠤ ᠡᠷᠬᠢᠬᠦᠯᠦᠨ ᠢᠷᠡᠬᠦ ᠬᠡᠰᠡᠨ ᠨᠢ ᠦᠭᠡᠢ᠃ ᠪᠠᠰᠠ ᠬᠠᠶᠠ ᠵᠠᠷᠢᠮ ᠳᠠᠭᠠᠨ | ᠪᠠᠶᠢᠳᠠᠰᠤ ᠬᠦᠭᠡᠭᠡᠨ ᠠᠪᠴᠢᠷᠠᠬᠤ ᠳᠤ ᠴᠢᠬᠤᠯᠳᠠᠨ᠂ ᠬᠠᠶᠢᠷᠴᠤ ᠬᠠᠵᠠᠬᠤ ᠶᠢ ᠬᠦᠰᠡᠪᠡᠴᠤ ᠦᠪᠡᠷ ᠤᠨ ᠬᠢᠨᠢ | ᠬᠦᠭᠡᠭᠡᠭᠳᠡᠨ ᠢᠷᠡᠵᠤ᠂ ᠦᠢᠯᠨ ᠪᠠᠨ ᠦᠵᠡᠵᠤ ᠪᠠᠶᠢᠭᠰᠠᠨ ᠨᠢ ᠰᠠᠨᠠᠭᠳᠠᠭᠠᠳ ᠪᠤᠯᠢᠳᠠᠭ ᠪᠠᠶᠢᠪᠠ᠃ ᠪᠦᠭᠳᠦᠷ | ᠵᠡᠭᠡᠷᠳᠠ ᠶᠢ ᠠᠵᠢᠯ ᠢᠶᠠᠨ ᠪᠦᠳᠦᠭᠡᠭᠡᠳ ᠢᠷᠡᠬᠦ ᠳᠤ ᠲᠤᠨᠢᠮᠠᠷ ᠰᠠᠨᠠᠭᠳᠠᠪᠠᠴᠤ ᠲᠤᠨᠢᠵᠤ᠂ ᠶᠠᠪᠤᠭᠠᠳ ᠦᠭᠴᠤ | ᠴᠢᠳᠠᠬᠤ ᠦᠭᠡᠢ᠂ ᠵᠢᠭᠠᠷ ᠰᠡᠩᠬᠢᠨᠡᠭᠰᠡᠨ ᠢᠵᠢᠯᠢ ᠦᠭᠡᠢ ᠰᠠᠶᠢᠬᠠᠨ ᠦᠨᠦᠷ ᠢ ᠨᠢ ᠠᠪᠤᠨ᠂ ᠬᠠᠯᠠᠭᠤᠨ ᠪᠡᠶᠠ ᠶᠢ ᠨᠢ | ᠬᠠᠵᠠᠭᠤ ᠳᠠᠭᠠᠨ ᠮᠡᠳᠡᠷᠡᠬᠦ ᠳᠡᠭᠡᠨ ᠪᠠᠶᠠᠷᠯᠠᠭᠰᠠᠨ ᠠᠴᠠ ᠴᠡᠴᠡᠷᠡᠨ᠂ ᠨᠢᠯᠪᠤᠰᠤ ᠤᠨᠠᠭᠠᠨ ᠵᠤᠭᠰᠤᠵᠤ ᠪᠠᠶᠢᠳᠠᠭ ᠪᠠᠶᠢᠯᠠ | ᠃ | ᠲᠠᠪᠤ | ᠨᠢᠭᠡ ᠤᠨ ᠤ ᠲᠦᠯ ᠪᠠᠶᠢᠳᠠᠯᠠ ᠪᠦᠭᠳᠦᠷ ᠵᠡᠭᠡᠷᠳᠠ ᠦᠪᠡᠷ ᠠᠴᠠ ᠨᠢ ᠲᠦᠷᠦᠬᠦᠯᠡᠵᠤ ᠦᠳᠡᠯᠵᠠᠢ᠃ ᠡᠵᠡᠨ | ᠬᠦᠮᠦᠨ ᠨᠢᠭᠡ ᠡᠳᠦᠷ ᠲᠦᠨᠡᠨ ᠬᠠᠯᠳᠠᠷ ᠠᠵᠢᠷᠭᠠ ᠬᠦᠳᠦᠯᠦᠭᠰᠡᠭᠡᠷ ᠢᠷᠡᠵᠤ ᠠᠳᠤᠭᠤᠨ ᠲᠤᠳᠤᠷᠠ ᠲᠠᠯᠪᠢᠬᠤ ᠳᠤ | ᠪᠦᠭᠳᠦᠷ ᠵᠡᠭᠡᠷᠳᠠ ᠲᠡᠬᠦᠨ ᠲᠠᠢ ᠦᠵᠡᠯᠴᠡᠬᠦ ᠪᠠᠷ ᠲᠡᠯ᠂ ᠰᠡᠬᠦᠯ ᠢᠶᠠᠨ ᠰᠡᠭᠰᠡᠯᠵᠡᠬᠦᠯᠦᠨ ᠠᠳᠠ ᠲᠡᠨᠳᠠ ᠬᠢᠰᠬᠢᠭᠰᠡᠭᠡᠷ | ᠬᠦᠷᠦᠭᠡᠳ ᠤᠴᠢᠳᠠᠯᠠ ᠪᠤᠭᠤᠶᠢᠯᠢ ᠢᠰᠭᠡᠷᠦᠭᠰᠡᠭᠡᠷ ᠭᠤᠭᠴᠤᠭᠠ ᠬᠦᠵᠦᠬᠦᠨ ᠳᠤᠨᠢ ᠤᠷᠤᠵᠠᠢ᠃ ᠲᠡᠭᠡᠭᠡᠳ | ᠨᠤᠭᠳᠤᠯᠠᠭᠤᠯᠵᠤ᠂ ᠬᠦᠳᠦᠯᠦᠬᠦᠯᠦᠭᠰᠡᠭᠡᠷ ᠶᠠᠪᠤᠬᠤ ᠶᠢᠨ ᠬᠤᠭᠤᠷᠤᠨᠳᠤ ᠲᠡᠷᠨ ᠬᠤᠶᠠᠷ ᠠᠬᠢᠨ ᠠᠭᠤᠯᠵᠠᠬᠤ ᠦᠭᠡᠢ | ᠶᠤᠮ ᠰᠢᠭ᠋ ᠵᠦᠭᠡᠯᠡᠨ ᠬᠤᠰᠢᠭᠤ ᠪᠠᠷ ᠢᠶᠠᠨ ᠦᠷᠦᠯᠴᠡᠨ᠂ ᠪᠦᠯᠢᠶᠡᠨ ᠬᠡᠪᠡᠯᠢ ᠪᠠᠷ ᠢᠶᠠᠨ ᠬᠦᠷᠦᠯᠴᠡᠨ | ᠦᠦᠷᠰᠡᠯᠳᠦᠭᠰᠡᠭᠡᠷ ᠪᠠᠶᠢᠯᠠ᠃ ᠦᠨᠡᠭᠡᠷ ᠴᠤ ᠲᠠᠬᠢᠭᠠᠳ ᠠᠭᠤᠯᠵᠠᠭᠰᠠᠨ ᠦᠭᠡᠢ᠃ ᠲᠦᠨᠡᠨ ᠬᠠᠯᠳᠠᠷ ᠪᠤᠯ ᠶᠠᠭᠤᠮᠠ | ᠦᠵᠡᠭᠡ ᠦᠭᠡᠢ ᠬᠦᠭᠡᠷᠦᠤ᠂ ᠬᠡᠳᠡᠯᠠ ᠪᠠᠰᠠ ᠬᠠᠨᠤᠵᠤ ᠴᠠᠳᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠶᠤᠮ ᠰᠢᠭ᠋ ᠪᠤᠯᠠᠢ ᠠᠮᠢᠳᠠᠨ | ᠪᠠᠶᠢᠯᠠ᠃ ᠨᠢᠳᠤᠨ ᠳᠡᠭᠡᠨ ᠬᠠᠷᠠᠭᠳᠠᠭᠰᠠᠨ᠂ ᠵᠠᠮ ᠳᠠᠭᠠᠨ ᠲᠠᠭᠠᠷᠢᠯᠳᠤᠭᠰᠠᠨ ᠪᠦᠬᠦᠳᠠ ᠶᠢ ᠬᠢᠰᠬᠢᠪᠡ᠃ ᠲᠡᠭᠡᠭᠰᠡᠭᠡᠷ | ᠨᠢᠭᠡ ᠡᠳᠦᠷ ᠦᠪᠡᠷ ᠢ ᠨᠢ ᠤᠯᠵᠤ ᠬᠠᠷᠠᠪᠠ ᠪᠤᠯᠤᠯᠳᠠᠢ᠂ ᠴᠢᠷᠠᠯᠠᠵᠤ ᠲᠤᠩᠭᠤᠴᠢᠭᠰᠠᠭᠠᠷ ᠬᠦᠷᠦᠭᠡᠳ ᠢᠷᠡᠯᠠ᠃ | ᠶᠡᠭᠡ ᠬᠦᠷᠡᠩ ᠲᠡᠬᠦᠨ ᠢ ᠲᠠᠩᠴᠢ ᠲᠤᠭᠤᠭᠰᠠᠨ ᠦᠭᠡᠢ᠃ ᠶᠠᠭᠠᠬᠢᠵᠤ ᠴᠤ ᠠᠶᠤᠯᠭᠠᠭᠠᠳ ᠬᠠᠪᠢᠳᠠᠭᠤᠯᠤᠭᠰᠠᠨ | ᠦᠭᠡᠢ᠃ | ᠵᠢᠷᠭᠤᠭᠠ | ᠲᠦᠨᠡᠨ ᠬᠠᠯᠳᠠᠷ ᠶᠡᠭᠡ ᠬᠦᠷᠡᠩ ᠲᠠᠢ ᠤᠯᠠᠨ ᠬᠤᠨᠤᠭ᠂ ᠰᠠᠷᠠ ᠬᠦᠭᠡᠭᠡᠴᠡᠯᠳᠦᠪᠡ᠃ ᠲᠡᠭᠡᠯᠠ ᠭᠡᠳ | ᠰᠦᠷᠦᠭ ᠤᠨ ᠡᠬᠡ ᠲᠡᠷᠨ ᠬᠦᠭᠰᠢᠨ ᠨᠤᠭᠤᠷᠠᠭᠰᠠᠨ ᠦᠭᠡᠢ᠃ ᠪᠦᠭᠳᠦᠷ ᠵᠡᠭᠡᠷᠳᠠ ᠲᠠᠢ ᠴᠤᠭ ᠦᠶᠠ ᠨᠢ | ᠦᠩᠭᠡᠷᠡᠭᠰᠡᠨ ᠢ ᠤᠷᠤᠢ ᠲᠦᠷᠦᠭᠰᠡᠨ᠂ ᠲᠠᠪᠵᠠ ᠪᠡᠶᠠ ᠲᠠᠢ ᠬᠠᠮᠠᠷ ᠴᠠᠭᠠᠨ ᠤᠨᠠᠭᠠ ᠪᠠᠨ ᠯᠡ ᠡᠪᠡᠰᠤ᠂ ᠤᠰᠤᠨ | ᠳᠤ ᠪᠤᠰᠢᠭᠤᠬᠠᠨ ᠤᠷᠤᠭᠤᠯᠵᠤ᠂ ᠡᠪᠤᠯ ᠤᠨ ᠬᠦᠢᠳᠡᠨ᠂ ᠬᠠᠪᠤᠷ ᠤᠨ ᠬᠠᠪᠰᠠᠷᠭᠠ ᠠᠴᠠ ᠡᠰᠡᠨ ᠮᠡᠨᠳᠤ ᠠᠪᠴᠤ | ᠭᠠᠷᠬᠤ ᠭᠠᠭᠴᠠᠬᠠᠨ ᠤᠳᠬᠠ ᠤᠴᠢᠷᠳᠠᠢ ᠦᠢᠯᠡᠰ ᠦᠪᠡᠷ ᠲᠤᠨᠢ ᠦᠯᠡᠳᠡᠭᠰᠡᠨ ᠢ ᠵᠦᠩ ᠢᠶᠠᠷ ᠢᠶᠠᠨ ᠮᠡᠳᠡᠷᠡᠵᠠᠢ᠃ | ᠬᠠᠮᠤᠭ ᠪᠦᠬᠦᠳᠠ ᠶᠢ ᠬᠢᠰᠬᠢᠭᠰᠡᠨ ᠲᠦᠨᠡᠨ ᠬᠠᠯᠳᠠᠷ ᠤᠷᠤᠭᠠᠨ ᠤ ᠴᠠᠭ ᠨᠢᠭᠡᠨᠳᠠ ᠦᠩᠭᠡᠷᠡᠪᠡᠴᠤ ᠶᠠᠭᠤᠮᠠ ᠯᠡ ᠪᠤᠯ | ᠶᠡᠭᠡ ᠬᠦᠷᠡᠩ ᠤᠨ ᠬᠠᠵᠠᠭᠤᠳᠠ ᠬᠡᠵᠢᠶᠡᠨ ᠤ ᠢᠷᠡᠴᠢᠭᠡᠭᠰᠡᠨ ᠱᠦᠷᠬᠦᠭᠡᠬᠦ ᠨᠢ ᠦᠳᠡᠯᠠ᠂ ᠭᠤᠨᠳᠠᠩᠭᠤᠢ ᠪᠡᠶᠡᠨ ᠳᠤᠨᠢ | ᠵᠠᠯᠠᠭᠤ ᠪᠡᠶᠠ ᠶᠢᠨ ᠢᠶᠠᠨ ᠠᠭᠠᠭ᠂ ᠬᠠᠯᠠᠭᠤᠨ᠂ ᠬᠦᠰᠡᠯ ᠲᠠᠴᠢᠶᠠᠯ ᠢᠶᠠᠨ ᠭᠠᠷᠭᠠᠬᠤ ᠶᠢᠨ ᠲᠦᠢᠯ ᠪᠤᠯᠵᠤ ᠪᠠᠶᠢᠬᠤ | ᠮᠡᠳᠤ᠃ | ᠲᠤᠯᠤᠭᠠ | ᠲᠦᠨᠡᠨ ᠬᠠᠯᠳᠠᠷ ᠪᠦᠷ ᠪᠠᠶᠢᠵᠤ ᠶᠠᠳᠠᠬᠤ ᠳᠠᠭᠠᠨ ᠪᠠᠭᠠ ᠬᠦᠷᠡᠩ ᠢ ᠪᠠᠷᠠᠳᠠᠨ ᠬᠠᠯᠠᠭᠤᠨ ᠠᠮᠢᠰᠬᠤᠭᠠ ᠪᠠᠷ | ᠢᠶᠠᠨ ᠴᠠᠪᠢ᠂ ᠰᠤᠭᠤ ᠶᠢ ᠨᠢ ᠲᠦᠭᠡᠨᠡᠭᠡᠳ ᠠᠪᠴᠤ᠂ ᠴᠠᠭᠠᠳᠤᠬᠢ ᠨᠢ ᠲᠡᠷᠨ ᠲᠤᠭᠠᠯᠠᠩ ᠢᠶᠠᠷ ᠨᠡᠯᠮᠡᠰᠬᠢᠨ | ᠤᠶᠠᠷᠠᠵᠤ᠂ ᠦᠭᠡᠳᠠ ᠠᠴᠠ ᠨᠢ ᠪᠦᠭᠰᠨ ᠪᠠᠨ ᠲᠤᠯᠭᠠᠨ ᠦᠭᠴᠤ ᠪᠠᠶᠢᠭᠠ ᠶᠢ ᠶᠡᠭᠡ ᠬᠦᠷᠡᠩ ᠬᠠᠷᠠᠭᠰᠠᠭᠠᠷ᠃ | ᠦᠨᠦᠳᠦᠷ ᠴᠤ ᠬᠡᠰᠡᠨ ᠰᠠᠶᠢᠷ ᠤᠨ ᠭᠤᠪᠢ ᠪᠠᠷ ᠬᠠᠳᠠᠷᠢᠭᠤᠯᠵᠤ ᠶᠠᠪᠤᠬᠤ ᠳᠤ ᠲᠦᠨᠡᠨ ᠬᠠᠯᠳᠠᠷ ᠲᠠᠢ ᠪᠠᠭᠠ ᠬᠦᠷᠡᠩ | ᠪᠡᠶᠠ ᠶᠢᠨ ᠶᠠᠮᠠᠷ ᠢᠯᠴᠢ᠂ ᠰᠡᠳᠬᠢᠯ ᠤᠨ ᠶᠠᠮᠠᠷ ᠭᠡᠭᠡ ᠬᠤᠯᠪᠤᠵᠤ ᠪᠠᠶᠢᠭᠰᠠᠨ ᠢ ᠬᠦᠭᠰᠢᠨ ᠬᠡᠬᠦᠤ ᠮᠡᠳᠡᠵᠤ᠂ | ᠲᠡᠭᠡᠭᠡᠳ ᠴᠤ ᠪᠦᠭᠳᠦᠷ ᠵᠡᠭᠡᠷᠳᠠ ᠲᠠᠢ ᠦᠩᠭᠡᠷᠡᠬᠦᠯᠦᠭᠰᠡᠨ ᠵᠢᠷᠭᠠᠯ ᠲᠠᠢ ᠦᠶᠠ ᠪᠠᠨ ᠲᠤᠷᠠᠰᠤᠨ ᠰᠠᠨᠠᠭᠰᠠᠭᠠᠷ ᠠᠪᠠᠢ | ᠃ ᠬᠡᠬᠦ ᠳᠡᠭᠡᠨ ᠴᠡᠭᠡᠵᠢ ᠨᠢ ᠨᠢᠭᠡ ᠯᠡ ᠲᠦᠭᠰᠢᠬᠦᠷᠢ ᠪᠠᠷ ᠲᠦᠬᠦᠷᠡᠵᠤ᠂ ᠵᠠᠩᠬᠢᠷᠠᠭᠰᠠᠭᠠᠷ᠂ ᠲᠡᠷᠨ ᠨᠢ ᠬᠦᠭᠡᠷᠦᠤ | ᠠᠵᠢᠷᠭᠠ᠂ ᠬᠡᠨᠡᠨ ᠦᠬᠢᠨ ᠬᠤᠶᠠᠷ ᠤᠨ ᠬᠢᠨᠢ ᠶᠠᠪᠤᠳᠠᠯ ᠲᠠᠢ ᠤᠭᠳᠤᠬᠠᠨ ᠴᠤ ᠬᠤᠯᠪᠤᠭᠠ ᠦᠭᠡᠢ ᠪᠠᠶᠢᠯᠠ᠃ | ᠨᠠᠢᠮᠠ | ᠴᠠᠰᠤ ᠦᠳᠭᠡᠷᠡᠵᠤ᠂ ᠰᠢᠭᠤᠷᠭᠠ ᠴᠤ ᠴᠢᠩᠭᠠᠷᠠᠭᠰᠠᠭᠠᠷ᠃ ᠲᠦᠨᠡᠨ ᠬᠠᠯᠳᠠᠷ᠂ ᠪᠠᠭᠠ ᠬᠦᠷᠡᠩ ᠬᠤᠶᠠᠷ ᠤᠨ | ᠢᠯᠴᠢᠨ ᠳᠤ ᠬᠠᠪᠢᠷᠭᠠ ᠪᠠᠷ ᠢᠶᠠᠨ ᠪᠦᠯᠢᠶᠡᠨ ᠶᠠᠪᠤᠪᠠᠴᠤ ᠮᠠᠩᠨᠠᠢ᠂ ᠵᠤ ᠨᠢᠷᠤᠭᠤ ᠪᠠᠷ ᠨᠢ ᠨᠡᠪᠳᠠ ᠦᠯᠢᠶᠡᠬᠦ | ᠬᠦᠢᠳᠡᠨ ᠳᠤ ᠶᠠᠰᠤ ᠨᠢ ᠶᠠᠩᠬᠢᠨᠠᠵᠤ᠂ ᠲᠤᠳᠤᠷᠠ ᠮᠠᠨᠠᠯᠵᠠᠬᠤ ᠨᠢ ᠲᠠᠷᠢᠬᠢ᠂ ᠨᠤᠭᠤᠰᠤ ᠨᠢ ᠴᠠᠷᠴᠠᠵᠤ ᠡᠬᠢᠯᠡᠬᠦ ᠮᠡᠳᠤ | ᠃ ᠡᠶᠢᠮᠤ ᠯᠡ ᠶᠠᠭᠤᠮᠠ ᠪᠤᠯᠬᠤ ᠬᠡᠵᠤ ᠪᠠᠶᠢᠭᠠ ᠶᠢ᠂ ᠤᠳᠤ ᠲᠡᠬᠦᠨ ᠠᠴᠠ ᠡᠰᠡᠨ ᠮᠡᠨᠳᠤ ᠮᠤᠯᠳᠤᠷᠠᠬᠤ ᠦᠭᠡᠢ ᠪᠠᠨ | ᠮᠡᠳᠡᠵᠤ ᠪᠠᠶᠢᠯᠠ᠃ ᠬᠡᠪᠡᠯᠢ ᠳᠡᠭᠡᠨ ᠨᠠᠭᠠᠯᠳᠤᠨ ᠴᠤᠭᠬᠢᠬᠤ ᠬᠠᠮᠠᠷ ᠴᠠᠭᠠᠨ ᠤ ᠪᠠᠨ ᠨᠢᠯᠬᠠ ᠪᠡᠶᠠ ᠶᠢᠨ ᠲᠦᠭᠡᠨᠡᠮᠠ | ᠬᠠᠯᠠᠭᠤᠨ ᠢ ᠴᠤᠭᠤᠷᠤᠬᠠᠢ᠂ ᠴᠦᠮᠦᠷᠬᠡᠢ ᠶᠠᠭᠤᠮᠠ ᠰᠢᠭ᠋ ᠪᠤᠯᠤᠭᠰᠠᠨ ᠦᠳᠡᠯᠠ ᠪᠡᠶᠠ ᠶᠢᠨ ᠢᠶᠠᠨ ᠠᠷᠠᠰᠤ᠂ ᠮᠢᠬᠠ | ᠪᠠᠷ ᠵᠢᠷᠢᠰ ᠵᠢᠷᠢᠰ ᠮᠡᠳᠡᠷᠡᠬᠦ ᠶᠢᠨ ᠲᠤᠭᠠᠯᠠᠩ ᠢᠶᠠᠷ ᠦᠷᠤ ᠦᠭᠡᠳᠠ ᠨᠢ ᠵᠢᠷᠤᠰ ᠵᠢᠷᠤᠰ ᠬᠦᠨᠳᠡᠬᠦᠷᠯᠡᠬᠦ ᠨᠢ ᠴᠤᠬᠤᠮ | ᠪᠠᠰᠠ ᠲᠡᠷᠨ ᠨᠢᠯᠬᠠ ᠠᠮᠢᠳᠠᠨ ᠲᠠᠢ ᠯᠡ ᠬᠤᠯᠪᠤᠭᠠ ᠲᠠᠢ ᠠᠵᠠᠢ᠃ | ᠰᠠᠶᠢᠷ ᠤᠨ ᠭᠤᠪᠢ ᠶᠢ ᠠᠷᠠᠶᠢᠬᠠᠨ ᠲᠤᠭᠤᠯᠵᠠᠢ᠃ ᠤᠭᠤᠴᠨ ᠪᠠᠷ ᠨᠢ ᠬᠦᠰᠢᠨ ᠴᠢᠨᠦᠷᠡᠵᠤ᠂ ᠤᠯᠨ ᠠᠴᠠ | ᠮᠡᠳᠡᠭᠡ ᠠᠯᠳᠠᠷᠠᠵᠤ ᠡᠬᠢᠯᠡᠭᠰᠡᠨ ᠲᠦᠷᠪᠡᠨ ᠬᠦᠯ ᠨᠢ ᠤᠳᠤ ᠪᠦᠷ ᠤᠭ ᠲᠠᠭᠠᠨ ᠬᠦᠷᠳᠡᠯᠠ ᠪᠠᠳᠠᠶᠢᠷᠠᠵᠤ ᠦᠪᠡᠷ ᠤᠨ | ᠡᠷᠭᠡ ᠦᠭᠡᠢ ᠬᠠᠳᠠᠷᠢᠭᠠ ᠨᠢ ᠰᠠᠭᠠᠷᠠᠵᠤ ᠱᠤᠭᠰᠢᠬᠤ ᠲᠡᠳᠦᠢ ᠶᠠᠪᠤᠭᠰᠠᠭᠠᠷ ᠪᠠᠷᠠᠭᠤᠨ ᠪᠠᠭᠠᠯᠤᠤᠷᠳᠤ ᠶᠢᠨ ᠠᠭᠤᠯᠨ | ᠶᠢᠨ ᠬᠤᠷᠮᠤᠢ ᠶᠢ ᠬᠢᠰᠬᠢᠯᠡ᠃ ᠪᠢᠯᠡᠬᠦᠳᠠᠢ ᠬᠦᠳᠦᠯ ᠢᠶᠠᠷ ᠲᠠᠪᠠᠭ᠋ᠤ ᠳᠤ ᠱᠤᠭᠰᠢᠵᠤ ᠴᠤ ᠪᠠᠷᠠᠬᠤ ᠪᠠᠨ ᠪᠠᠶᠢᠭᠠᠳ | ᠨᠢᠳᠤ ᠨᠢ ᠪᠦᠷᠦᠯᠵᠡᠵᠤ᠂ ᠬᠦᠯ ᠲᠤᠤᠷᠠᠬᠢ ᠭᠠᠵᠠᠷ ᠲᠠᠶᠢᠪᠠᠯᠵᠠᠬᠤ ᠪᠤᠯᠤᠯᠠ᠃ ᠤᠭ ᠨᠢ ᠴᠤ ᠤᠶᠢᠷᠠᠳᠤᠯᠠ ᠳ᠋ᠤᠤ | ᠬᠡᠰᠡᠨ ᠨᠢᠭᠡᠨ ᠪᠤᠳᠤᠯ ᠠᠴᠠ ᠵᠠᠭᠤᠷᠠᠭᠰᠠᠭᠠᠷ ᠬᠦᠰᠢᠩᠭᠡ ᠪᠡᠶᠠ ᠪᠠᠨ ᠴᠢᠷᠦᠨ ᠠᠬᠢᠭᠰᠠᠭᠠᠷ᠂ ᠤᠷᠤᠭᠰᠢ ᠵᠢᠳᠬᠦᠭᠰᠡᠭᠡᠷ | ᠃ | ᠶᠢᠰᠤ | ᠤᠰᠤᠳᠤ ᠶᠢᠨ ᠤᠯᠠᠭᠠᠨ ᠤ ᠠᠯᠠᠭ ᠰᠠᠷᠬᠢᠶᠠᠭ ᠲᠤᠮᠳᠠᠬᠢ ᠲᠤᠭᠤᠭᠠ ᠮᠡᠳᠤ ᠨᠢᠭᠡᠨ ᠬᠦᠩᠬᠦᠷ ᠠᠴᠠ ᠨᠢᠭᠡᠨ | ᠠᠵᠢᠷᠭᠠ ᠠᠳᠤᠭᠤ ᠭᠠᠷᠴᠤ ᠢᠷᠡᠪᠡᠢ᠃ ᠬᠦᠩᠬᠦᠷ ᠤᠨ ᠴᠠᠰᠤ ᠶᠢ ᠨᠢᠭᠡᠨᠳᠠ ᠴᠢᠬᠢᠷᠠ ᠪᠤᠯᠳᠠᠯᠠ ᠬᠢᠰᠬᠢᠯᠡᠵᠤ᠂ ᠪᠤᠳᠠ | ᠂ ᠪᠤᠳᠠᠷᠭᠠᠨᠠ ᠪᠦᠷᠢ ᠶᠢ ᠦᠨᠳᠦᠰᠦᠨ ᠳᠤᠨᠢ ᠲᠤᠯᠳᠠᠯᠠ ᠮᠡᠷᠡᠵᠤ᠂ ᠤᠯᠠᠩᠬᠢ ᠶᠢ ᠨᠢ ᠪᠠᠰᠠ ᠴᠠᠪᠴᠢᠨ ᠤᠬᠤᠵᠤ᠂ | ᠬᠦᠷᠦᠰᠦ ᠶᠢ ᠡᠷᠬᠢᠬᠦᠯᠵᠠᠢ᠃ ᠲᠡᠷᠡᠬᠦᠭᠡᠨ ᠳᠤ ᠬᠡᠰᠡᠭᠬᠡᠨ ᠭᠠᠵᠠᠷ ᠤᠨ ᠴᠠᠰᠤ᠂ ᠬᠦᠷᠦᠰᠤ ᠯᠡ ᠪᠦᠳᠦᠨ ᠢᠶᠠᠷ ᠢᠶᠠᠨ | ᠦᠯᠡᠳᠡᠭᠰᠡᠨ ᠤ ᠭᠤᠤᠯ ᠳᠤ ᠬᠦᠷᠡᠩ ᠠᠳᠤᠭᠤᠨ ᠤ ᠲᠡᠯ᠂ ᠵᠤ ᠴᠤᠬᠤᠶᠢᠬᠤ ᠠᠵᠠᠢ᠃ ᠬᠦᠩᠬᠦᠷ ᠤᠨ ᠢᠷᠮᠡᠭ | ᠲᠡᠭᠡᠷᠠ ᠵᠤᠭᠰᠤᠭᠠᠳ ᠡᠷᠬᠢᠨ ᠡᠷᠬᠢᠨ ᠬᠤᠷᠭᠤᠳᠠᠬᠤ ᠲᠡᠷᠨ ᠠᠳᠤᠭᠤᠨ ᠲᠤᠳᠤᠷᠠᠬᠢ ᠰᠤᠳᠤᠨ ᠬᠦᠷᠡᠩ ᠬᠡᠬᠦᠤ ᠶᠢ | ᠬᠤᠶᠠᠷ ᠲᠠᠯᠠ ᠠᠴᠠ ᠨᠢ ᠬᠤᠶᠠᠷ ᠲᠠᠭᠠ ᠲᠡᠯᠡᠭᠡᠯᠡᠨ ᠪᠠᠷᠠᠳᠠᠭᠰᠠᠭᠠᠷ ᠶᠠᠪᠤᠯᠠ᠃ | | ︵www.biirbeh.mn ᠠᠴᠠ ᠬᠦᠷᠪᠡᠬᠦᠯᠪᠡ︶ | |