| | ᠰᠠᠶᠢᠨ ᠠᠪᠤ ᠪᠤᠯᠬᠤ ᠶᠢᠨ ᠲᠤᠯᠠᠳᠠ ᠬᠡᠤᠬᠡᠳ ᠢᠶᠠᠨ ᠬᠠᠷᠢᠭᠤ ᠨᠡᠬᠡᠯ ᠦᠭᠡᠢ ᠬᠠᠶᠢᠷᠠᠯᠠᠬᠤ ᠳᠤ ᠯᠡ | ᠬᠠᠩᠭᠠᠯᠳᠠᠳᠠᠢ᠃ ᠭᠡᠬᠦ ᠳᠤ ᠪᠠᠨ ᠲᠠ ᠲᠤᠤᠷᠠᠬᠢ ᠵᠦᠪᠯᠡᠮᠵᠢ ᠶᠢ ᠠᠩᠬᠠᠷᠪᠠᠯ ᠢᠯᠡᠬᠦᠦ ᠰᠠᠶᠢᠨ ᠠᠪᠤ ᠪᠤᠯᠵᠤ ᠴᠢᠳᠠᠨᠠ | ᠄ | ᠬᠡᠤᠬᠡᠳ ᠲᠠᠢ ᠪᠤᠯᠬᠤ ᠠᠰᠠᠭᠤᠳᠠᠯ ᠢ ᠠᠪᠤ ᠡᠵᠢ ᠤᠳ ᠬᠠᠮᠳᠤ ᠳᠤ ᠪᠠᠨ ᠰᠢᠢᠳᠳᠡᠭ ᠴᠦ ᠬᠡᠯᠡ᠂ ᠬᠡᠤᠬᠡᠳ | ᠲᠦᠷᠦᠭᠰᠡᠨ ᠤ ᠲᠠᠷᠠᠭᠠ ᠲᠡᠬᠦᠨ ᠢ ᠠᠰᠠᠷᠠᠬᠤ᠂ ᠠᠷᠠᠴᠢᠯᠠᠬᠤ᠂ ᠬᠦᠮᠦᠵᠢᠬᠦᠯᠬᠦ ᠠᠵᠢᠯ ᠤᠳ ᠨᠢ ᠭᠠᠭᠴᠠᠬᠠᠨ ᠡᠵᠢ | ᠶᠢᠨ ᠡᠬᠦᠷᠬᠡ ᠮᠡᠳᠤ ᠪᠤᠷᠤᠭᠤ ᠲᠠᠰᠢᠶᠠ ᠤᠶᠢᠯᠭᠠᠯᠲᠠ ᠪᠠᠶᠢᠳᠠᠭ᠃ ᠲᠡᠭᠡᠪᠡᠯ ᠠᠪᠤ ᠴᠦ ᠭᠡᠰᠡᠨ᠂ ᠬᠡᠤᠬᠡᠳ ᠤᠨ ᠢᠶᠠᠨ | ᠠᠮᠢᠳᠤᠷᠠᠯ ᠳᠤ ᠮᠠᠰᠢ ᠴᠢᠬᠤᠯᠠᠳᠠᠢ ᠪᠦᠬᠡᠳ ᠲᠤᠮᠤ ᠤᠷᠤᠨ ᠵᠠᠢ ᠶᠢ ᠡᠵᠡᠯᠡᠳᠡᠭ᠃ ᠠᠪᠤ ᠨᠢ ᠬᠡᠤᠬᠡᠳ ᠲᠠᠢ ᠪᠠᠨ | ᠡᠷᠡᠬᠦᠯ᠂ ᠰᠠᠶᠢᠬᠠᠨ ᠬᠠᠷᠢᠯᠴᠠᠭᠠ ᠲᠤᠭᠳᠠᠭᠠᠵᠤ ᠴᠢᠳᠠᠪᠠᠰᠤ ᠬᠡᠤᠬᠡᠳ ᠤᠨ ᠬᠤᠪᠢ ᠬᠦᠮᠦᠨ ᠤ ᠬᠦᠭᠵᠢᠯᠳᠠ ᠳᠤ | ᠡᠶᠡᠷᠬᠦ ᠨᠦᠯᠦᠬᠡ ᠦᠵᠡᠬᠦᠯᠦᠨᠡ᠃ ᠡᠶᠢᠮᠤ ᠠᠴᠠ ᠠᠪᠤ ᠤᠳ ᠶᠠᠭᠤᠨ ᠤ ᠡᠮᠤᠨᠡ ᠬᠡᠤᠬᠡᠳ ᠢᠶᠠᠨ ︽ᠲᠤᠳᠤᠷᠠ ᠪᠠᠨ | ᠬᠠᠶᠢᠷᠠᠯᠠᠵᠤ ᠶᠠᠪᠤᠬᠤ︾ ᠪᠠᠨ ᠪᠤᠯᠢᠬᠤ ᠴᠠᠭ ᠨᠢ ᠢᠷᠡᠵᠠᠢ᠃ ᠲᠠᠷᠠᠭᠠ ᠨᠢ ᠠᠪᠤ ᠶᠢᠨ ᠬᠢᠬᠦ ᠶᠤᠰᠤᠳᠠᠢ ᠵᠦᠢᠯᠡᠰ ᠤᠨ | ᠪᠦᠬᠦᠳᠠ ᠶᠢ ᠨᠢ ᠠᠪᠤ ᠦᠪᠡᠷ ᠢᠶᠠᠨ ᠰᠤᠷᠴᠤ ᠪᠤᠯᠤᠨᠠ ᠰᠢᠤ ᠳ᠋ᠠ ᠁ | ⒈ ᠲᠠᠶᠢᠪᠤᠩ ᠪᠠᠶᠢᠬᠤ | ᠬᠡᠤᠬᠡᠳ ᠵᠠᠷᠢᠮ ᠳᠤ ᠪᠠᠨ ᠰᠠᠨᠠᠭᠠ ᠲᠠᠢ ᠪᠠᠷ᠂ ᠵᠠᠷᠢᠮ ᠳᠤ ᠪᠠᠨ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠷ ᠠᠪᠤ ᠶᠢᠨ ᠢᠶᠠᠨ | ᠦᠢᠯᠡᠳᠤᠯ ᠪᠦᠷᠢ ᠶᠢ ᠶᠠᠭ ᠲᠠᠭᠤᠷᠢᠶᠠᠳᠠᠭ᠃ ᠰᠠᠶᠢᠨ ᠠᠪᠤ ᠪᠠᠶᠡ ᠶᠢ ᠪᠠᠨ ᠰᠠᠶᠢᠨ ᠪᠠᠷᠢᠵᠤ ᠴᠢᠳᠠᠳᠠᠭ ᠪᠠᠶᠢᠬᠤ | ᠶᠤᠰᠤᠳᠠᠢ ᠪᠦᠬᠡᠳ ᠬᠡᠤᠬᠡᠳ ᠲᠤ ᠪᠠᠨ ᠬᠡᠳᠤ ᠶᠡᠭᠡ ᠠᠭᠤᠷᠯᠠᠬᠤ ᠦᠭᠡᠢ᠂ ᠬᠠᠰᠬᠢᠷᠴᠤ ᠭᠤᠤᠭᠴᠢᠬᠤ ᠦᠭᠡᠢ᠂ | ᠵᠢᠭᠠᠬᠠᠨ ᠰᠠᠬᠢᠯᠭᠠ ᠦᠭᠡᠶᠢᠳᠡᠭᠰᠡᠨ ᠤ ᠬᠢᠨᠢ ᠲᠦᠯᠦᠬᠡ ᠲᠤᠮᠤᠭᠠᠬᠠᠨ ᠰᠢᠢᠳᠬᠡᠯ ᠢ ᠤᠨᠤᠭᠠᠬᠤ ᠦᠭᠡᠢ ᠪᠠᠶᠢᠬᠤ | ᠬᠡᠷᠡᠭᠳᠠᠢ᠃ ᠬᠡᠤᠬᠡᠳ ᠲᠠᠨᠢ ᠠᠪᠤ ᠠᠴᠠ ᠪᠠᠨ ᠶᠠᠭᠠᠬᠢᠵᠤ ᠠᠭᠤᠷᠯᠠᠳᠠᠭ ᠢ ᠰᠤᠷᠤᠭᠠᠰᠠᠢ ᠬᠡᠵᠤ ᠲᠠ ᠬᠦᠰᠡᠬᠦ ᠦᠭᠡᠢ | ᠪᠢᠵᠡ ᠳ᠋ᠡ︖ | ⒉ ᠬᠠᠶᠢᠷᠠᠯᠠᠬᠤ | ᠬᠡᠤᠬᠡᠳ ᠲᠤ ᠪᠠᠨ ᠠᠪᠤ ᠨᠢ ᠬᠠᠶᠢᠷᠠᠳᠠᠢ ᠬᠡᠳᠡᠭ ᠢᠶᠠᠨ ᠪᠠᠶᠢᠩᠭᠤ ᠰᠠᠨᠠᠭᠤᠯᠵᠤ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠲᠡᠬᠦᠨ | ᠳᠤ ᠬᠡᠯᠡ ᠶᠠᠷᠢᠶᠠ ᠪᠠᠷ ᠬᠠᠶᠢᠷᠠᠳᠠᠢ ᠬᠡᠳᠡᠭ ᠢᠶᠠᠨ ᠤᠶᠢᠯᠠᠭᠠᠭᠤᠯᠬᠤ ᠶᠢᠨ ᠵᠡᠷᠬᠡᠴᠡᠭᠡ ᠱᠠᠭᠠᠷᠳᠠᠯᠭᠠ ᠲᠠᠢ ᠦᠶᠡ ᠳᠤ | ᠲᠡᠬᠦᠨ ᠢ ᠲᠡᠮᠵᠢᠵᠤ᠂ ᠨᠢᠯᠪᠤᠰᠤ ᠶᠢ ᠨᠢ ᠠᠷᠴᠢᠵᠤ ᠡᠩᠬᠡᠷ ᠲᠤ ᠪᠠᠨ ᠨᠠᠭᠠᠨ ᠲᠡᠪᠡᠷᠢᠳᠡᠭ ᠪᠠᠶᠢᠬᠤ ᠶᠤᠰᠤᠳᠠᠢ᠃ | ᠬᠡᠤᠬᠡᠳ ᠲᠠᠨᠠᠢ ᠲᠤᠮᠤ ᠪᠤᠯᠤᠭᠰᠠᠨ ᠴᠦ ᠬᠡᠰᠡᠨ᠂ ᠬᠡᠳᠤᠨ ᠨᠠᠰᠤᠳᠠᠢ ᠴᠦ ᠪᠠᠶᠢᠭᠰᠠᠨ ᠠᠪᠤ ᠤᠳ ᠬᠡᠤᠬᠡᠳ ᠢᠶᠠᠨ | ᠢᠩᠬᠢᠵᠤ ᠯᠡ ᠬᠠᠶᠢᠷᠠᠯᠠᠬᠤ ᠬᠡᠷᠡᠭᠳᠠᠢ᠃ | ⒊ ᠲᠡᠪᠴᠢᠶᠡᠷᠢ ᠲᠠᠢ ᠪᠠᠶᠢᠬᠤ | ᠵᠠᠷᠢᠮ ᠦᠶᠡ ᠳᠤ ᠲᠠ ᠬᠡᠤᠬᠡᠳ ᠤᠨ ᠢᠶᠠᠨ ᠲᠠᠯᠠ ᠪᠠᠷ ︽ᠨᠠᠭᠠᠳᠤ ᠵᠠᠬᠠ ᠶᠢᠨ ᠵᠠᠷᠢᠮ ᠵᠦᠢᠯᠡᠰ ᠢ 80 | ᠬᠡᠯᠡᠬᠦᠯᠦᠯ ᠦᠭᠡᠢ ᠰᠤᠷᠤᠮᠠᠷ ᠶᠤᠮ᠂ ᠤᠳᠤ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠤᠯᠬᠤ ᠴᠠᠭ ᠨᠢ ᠪᠤᠯᠤᠭᠰᠠᠨ︾ ᠬᠡᠵᠤ | ᠪᠤᠳᠤᠳᠠᠭ ᠪᠠᠶᠢᠵᠤ ᠪᠤᠯᠤᠨᠠ᠃ ᠲᠡᠶᠢᠮᠤ ᠦᠶᠡ ᠳᠤ ᠲᠠ ᠬᠡᠤᠬᠡᠳ ᠢᠶᠠᠨ ︽ᠮᠢᠨᠤ ᠬᠦᠦ ᠴᠢᠨᠢ ᠬᠡᠤᠬᠡᠳ ᠰᠢᠤ ᠳ᠋ᠠ︾ | ᠬᠡᠵᠤ ᠪᠤᠳᠤᠵᠤ ᠪᠠᠢ᠃ ᠲᠡᠪᠴᠢᠶᠠᠷᠢ ᠲᠠᠢ ᠪᠠᠢ᠃ ᠲᠡᠬᠦᠨ ᠳᠤ ᠬᠤᠭᠤᠴᠠᠭᠠ ᠤᠯᠭᠤ᠂ ᠲᠡᠬᠡᠪᠡᠯ ᠲᠠ ᠯᠡ | ᠬᠤᠵᠢᠨᠠ᠃ | ⒋ ᠪᠠᠭ᠋ᠠᠷᠬᠠᠬᠤ ᠰᠡᠳᠬᠢᠯ | ᠠᠪᠤ ᠨᠢ ᠬᠦᠦ ᠪᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠬᠤ ᠨᠢ ᠬᠡᠤᠬᠡᠳ ᠢ ᠶᠠᠮᠠᠷ ᠶᠡᠭᠡ ᠪᠠᠶᠠᠷᠯᠠᠭᠤᠯᠬᠤ ᠪᠤᠯ︖ ᠬᠡᠳᠡᠯᠡ | ᠶᠡᠬᠡᠩᠬᠢ ᠠᠪᠤ ᠤᠳ ᠬᠡᠤᠬᠡᠳ ᠢᠶᠠᠨ ᠪᠠᠭ᠋ᠠᠷᠬᠠᠵᠤ ᠪᠠᠶᠢᠭᠠ ᠪᠠᠨ ᠲᠡᠬᠦᠨ ᠳᠤ ᠦᠪᠡᠷ ᠲᠤ ᠨᠢ ᠬᠡᠯᠡᠬᠦ ᠪᠠᠨ ᠮᠠᠷᠳᠠᠵᠤ᠂ | ᠨᠡᠶᠢᠵᠠ ᠨᠦᠬᠦᠳ᠂ ᠠᠵᠢᠯ ᠤᠨ ᠬᠠᠮᠳᠤ ᠤᠯᠠᠨ ᠳᠤ ᠪᠠᠨ ᠲᠡᠬᠦᠪᠡᠷ ᠪᠠᠭ᠋ᠠᠷᠬᠠᠨ ᠶᠠᠷᠢᠳᠠᠭ᠃ ᠬᠡᠤᠬᠡᠳ᠂ ᠠᠪᠤ ᠨᠢ | ᠦᠪᠡᠷ ᠢᠶᠠᠷ ᠨᠢ ᠪᠠᠭ᠋ᠠᠷᠬᠠᠵᠤ ᠪᠠᠶᠢᠭᠠ ᠶᠢ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠬᠡᠤᠬᠡᠳ ᠲᠤ ᠦᠪᠡᠷ ᠲᠤ ᠨᠢ ᠪᠠᠭ᠋ᠠᠷᠬᠠᠵᠤ ᠪᠠᠶᠢᠭᠠ | ᠪᠠᠨ ᠬᠡᠯᠡᠬᠦ ᠳᠤ ᠲᠡᠷᠡ ᠦᠢᠯᠡᠳᠤᠯ ᠢᠶᠠᠨ ᠠᠯᠢ ᠪᠤᠯᠬᠤ ᠪᠠᠷ ᠲᠠᠬᠢᠨ ᠲᠠᠪᠳᠠᠬᠤ ᠶᠢ ᠬᠢᠴᠢᠶᠡᠳᠡᠭ᠃ ᠬᠡᠷᠪᠡ ᠬᠢᠴᠢᠶᠡᠯ | ᠰᠤᠷᠤᠯᠭᠠ ᠳᠤ ᠪᠠᠨ ᠰᠢᠮᠳᠠᠨ ᠰᠤᠷᠤᠯᠴᠠᠵᠤ᠂ ᠤᠨᠴᠠ ᠰᠠᠶᠢᠨ ᠳ᠋ᠦᠩ ᠲᠠᠢ ᠰᠤᠷᠤᠯᠴᠠᠵᠤ ᠪᠠᠶᠢᠭᠠ ᠪᠠᠷ ᠨᠢ ᠠᠪᠤ ᠨᠢ | ᠪᠠᠭ᠋ᠠᠷᠬᠠᠳᠠᠭ ᠢ ᠨᠢ ᠬᠡᠤᠬᠡᠳ ᠮᠡᠳᠡᠪᠡᠯ ᠠᠮᠵᠢᠯᠳᠠ ᠪᠠᠨ ᠦᠷᠬᠦᠯᠵᠢᠯᠡᠬᠦᠯᠬᠦ ᠶᠢᠨ ᠲᠦᠯᠦᠬᠡ ᠪᠦᠬᠦᠶᠢᠯᠡ ᠬᠦᠴᠦ ᠪᠠᠨ | ᠰᠢᠪᠬᠠᠨᠠ᠃ ᠬᠡᠷᠪᠡ ᠲᠠ ︽ᠮᠢᠨᠤ ᠬᠦᠦ ᠰᠠᠶᠢᠨ ᠬᠦᠦ ᠰᠢᠤ︾ ᠬᠡᠮᠡᠨ ᠲᠡᠬᠦᠪᠡᠷ ᠪᠠᠭ᠋ᠠᠷᠬᠠᠳᠠᠭ ᠪᠤᠯ ᠬᠡᠤᠬᠡᠳ ᠲᠨᠠᠢ | ᠰᠠᠶᠢᠨ ᠯᠡ ᠬᠦᠮᠦᠨ ᠪᠤᠯᠤᠨᠠ᠃ ᠶᠠᠳᠠᠵᠤ ᠯᠡ ᠪᠤᠯᠬᠤ ᠶᠢᠨ ᠲᠦᠯᠦᠬᠡ ᠬᠢᠴᠢᠶᠡᠨᠡ᠃ | ⒌ ᠦᠨᠡᠨᠴᠢ ᠪᠠᠢ | ᠲᠠ ᠬᠡᠤᠬᠡᠳ ᠲᠤ ᠪᠠᠨ ᠦᠨᠡᠨᠴᠢ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠬᠡᠤᠬᠡᠳ ᠦᠨᠡᠨᠴᠢ ᠰᠢᠳᠤᠷᠭᠤ ᠵᠠᠩ ᠴᠢᠨᠠᠷ ᠢ | ᠡᠴᠢᠬᠡ ᠡᠬᠡ ᠠᠴᠠ ᠪᠠᠨ ᠯᠡ ᠰᠤᠷᠤᠯᠴᠠᠨᠠ᠃ ᠶᠠᠮᠠᠷ ᠨᠢᠬᠡᠨ ᠵᠦᠢᠯ ᠬᠡᠤᠬᠡᠳ ᠲᠤ ᠲᠠᠨᠢ ᠮᠠᠭᠤ ᠬᠡᠵᠤ ᠪᠤᠳᠤᠪᠠᠯ | ᠲᠡᠬᠦᠨ ᠢ ᠪᠠᠨ ᠶᠠᠭᠠᠬᠢᠭᠠᠳ ᠮᠠᠭᠤ ᠪᠤᠯᠬᠤ ᠶᠢ ᠬᠡᠤᠬᠡᠳ ᠲᠤ ᠪᠠᠨ ᠰᠠᠶᠢᠳᠤᠷ ᠲᠠᠶᠢᠯᠪᠤᠷᠢᠯᠠᠨ ᠤᠶᠢᠯᠠᠭᠠᠭᠤᠯ᠃ | ᠨᠢᠭᠤᠵᠤ ᠬᠠᠭᠠᠵᠤ ᠬᠤᠳᠠᠯ ᠶᠠᠷᠢᠬᠤ ᠬᠡᠷᠡᠭ ᠦᠭᠡᠢ᠃ | ⒍ ᠰᠢᠢᠳᠮᠠᠬᠡᠢ᠂ ᠲᠤᠤᠱᠳᠠᠢ ᠪᠠᠢ | ᠶᠠᠮᠠᠷ ᠨᠢᠭᠡᠨ ᠲᠦᠷᠢᠮ ᠵᠢᠷᠤᠮ ᠲᠠᠯᠪᠢᠭᠰᠠᠨ ᠪᠤᠯ ᠲᠡᠬᠦᠨ ᠳᠤ ᠪᠠᠨ ᠦᠨᠡᠨᠴᠢ᠂ ᠲᠤᠤᠱᠳᠠᠢ ᠪᠠᠢ᠃ ᠬᠡᠷᠪᠡ | ᠤᠷᠤᠢ ᠶᠢᠨ 8 ᠴᠠᠭ ᠲᠤ ᠪᠦᠬᠦᠳᠠ ᠬᠡᠷ ᠲᠤ ᠪᠠᠨ ᠢᠷᠡᠭᠰᠡᠨ ᠪᠠᠶᠢᠨᠠ ᠬᠡᠰᠡᠨ ᠰᠢᠢᠳᠪᠤᠷᠢ ᠭᠠᠷᠭᠠᠭᠰᠠᠨ ᠯᠡ ᠪᠤᠯ | ᠬᠡᠤᠬᠡᠳ ᠲᠠᠨᠢ 8 ᠴᠠᠭ 7 ᠮᠢᠨᠦ᠋ᠲ ᠲᠤ ᠬᠡᠷ ᠲᠤ ᠪᠠᠨ ᠤᠷᠤᠵᠤ ᠢᠷᠡᠪᠡᠯ ᠵᠤᠬᠢᠬᠤ ᠰᠢᠢᠳᠬᠡᠯ ᠢ ᠠᠮᠰᠠᠬᠤ | ᠶᠤᠰᠤᠳᠠᠢ᠃ ᠮᠡᠳᠡᠬᠡᠵᠢ ᠲᠡᠬᠦᠨ ᠳᠤ ᠬᠡᠯᠡᠬᠦ ᠲᠠᠶᠢᠯᠪᠤᠷᠢ᠂ ᠬᠦᠨᠳᠤᠳᠬᠡᠬᠦ ᠰᠢᠯᠳᠠᠭᠠᠨ ᠪᠠᠶᠢᠭᠰᠠᠨ ᠯᠡ ᠪᠠᠶᠢᠭᠠ ᠭᠡᠬᠦ | ᠳᠤ ᠪᠠᠨ ᠠᠮᠢᠳᠤᠷᠠᠯ ᠲᠡᠭᠡᠷᠡ ᠦᠷᠬᠦᠯᠵᠢ ᠲᠦᠭᠰᠢᠬᠦᠷᠢ ᠵᠠᠷᠯᠠᠭᠰᠠᠨ ︽ᠤᠨᠴᠠᠭᠠᠢ ᠪᠠᠶᠢᠳᠠᠯ︾ ᠡᠬᠦᠰᠦᠨᠡ ᠬᠡᠵᠤ | ᠪᠠᠶᠢᠬᠤ ᠦᠭᠡᠢ ᠰᠢᠤ ᠳ᠋ᠠ᠃ ᠨᠦᠬᠦᠬᠡᠳᠡᠬᠦᠷ ᠭᠠᠷᠭᠠᠭᠰᠠᠨ ᠰᠢᠢᠳᠪᠤᠷᠢ ᠪᠠᠨ ᠬᠡᠷᠡᠭᠵᠢᠬᠦᠯᠵᠤ᠂ ᠨᠠᠭᠠᠰᠢ ᠴᠠᠭᠠᠰᠢ | ᠵᠦᠬᠡᠯᠡᠷᠡᠬᠦ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠬᠡᠤᠬᠡᠳ ᠲᠤ ᠪᠠᠨ ᠡᠷᠬᠡ ᠴᠢᠯᠦᠬᠡ ᠤᠯᠭᠤ᠃ ᠵᠠᠷᠢᠮ ᠦᠶᠡ ᠳᠤ ᠬᠡᠤᠬᠡᠳ | ᠲᠠᠨᠢ ᠭᠠᠷᠭᠠᠭᠰᠠᠨ ᠰᠢᠢᠳᠪᠤᠷᠢ᠂ ᠲᠦᠷᠢᠮ ᠢ ᠵᠥᠷᠢᠴᠡᠴᠢᠬᠡᠪᠡᠯ᠂ ᠵᠠᠪᠰᠠᠷᠯᠠᠭᠠ ᠠᠪᠴᠤ᠂ ᠭᠠᠭᠴᠠ ᠤᠳᠠᠭᠠ ᠶᠢᠨ | ᠬᠦᠨᠳᠤᠳᠬᠡᠬᠦ ᠰᠢᠯᠳᠠᠭᠠᠨ ᠪᠠᠶᠢᠭᠰᠠᠨ ᠢ ᠲᠡᠬᠦᠨ ᠳᠤ ᠮᠡᠳᠡᠷᠡᠬᠦᠯ᠃ | ⒎ ᠦᠪᠡᠷ ᠢᠶᠠᠷ ᠢᠶᠠᠨ ᠪᠠᠢ | ᠠᠪᠤ ᠤᠳ ᠬᠡᠤᠬᠡᠳ ᠤᠨ ᠢᠶᠠᠨ ᠲᠡᠷᠬᠡᠳᠡ ᠦᠪᠡᠷ ᠢᠶᠠᠷ ᠢᠶᠠᠨ ᠪᠠᠶᠢᠬᠤ ᠨᠢ ᠮᠠᠰᠢ ᠴᠢᠬᠤᠯᠠ᠃ ᠵᠠᠷᠢᠮ ᠬᠦᠮᠦᠰ | ᠬᠡᠤᠬᠡᠳ ᠤᠨ ᠢᠶᠠᠨ ᠲᠡᠷᠬᠡᠳᠡ ᠱᠠᠯ ᠦᠭᠡᠷᠡ ᠬᠦᠮᠦᠨ ᠪᠤᠯᠵᠤ ᠬᠤᠪᠢᠷᠠᠳᠠᠭ᠃ ᠬᠡᠤᠬᠡᠳ ᠡᠬᠦᠨ ᠢ ᠮᠡᠳᠡᠷᠡᠳᠡᠭ ᠪᠠ | ᠡᠨᠡ ᠨᠢ ᠲᠡᠬᠦᠨ ᠳᠤ ᠬᠠᠷᠢᠨ ᠴᠦ ᠰᠥᠷᠭᠦ ᠨᠦᠯᠦᠬᠡ ᠦᠵᠡᠬᠦᠯᠦᠨᠡ᠃ ᠠᠪᠤ ᠳᠤ ᠪᠠᠨ ᠢᠳᠡᠬᠡᠬᠦ ᠢᠳᠡᠬᠡᠯ ᠢ ᠨᠢ | ᠠᠯᠳᠠᠷᠠᠭᠤᠯᠵᠤ ︵ᠲᠡᠭᠦᠨ ᠢ ᠬᠠᠭᠤᠷᠴᠤ ᠪᠠᠶᠢᠭᠠ ᠭᠡᠰᠡᠨ ᠦᠭᠡ ᠤᠴᠢᠷ ᠠᠴᠠ᠂ ᠠᠪᠤ ᠨᠢ ᠬᠤᠶᠠᠷ ᠨᠢᠭᠤᠷ | ᠭᠠᠷᠭᠠᠵᠤ ᠪᠠᠶᠢᠭᠠ ᠶᠢ ᠮᠡᠳᠡᠷᠡᠨᠡ︶ ᠢᠩᠬᠢᠵᠤ ᠪᠤᠯᠳᠠᠭ ᠶᠤᠮ ᠪᠠᠶᠢᠨᠠ ᠬᠡᠵᠤ ᠪᠤᠳᠤᠵᠤ ᠡᠬᠢᠯᠡᠨᠡ᠃ ᠲᠠ ᠥᠪᠡᠷ | ᠢᠶᠠᠷ ᠢᠶᠠᠨ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯ ᠬᠡᠤᠬᠡᠳ ᠲᠠᠨᠢ ᠲᠠᠨ ᠤ ᠲᠡᠷᠬᠡᠳᠡ ᠨᠢᠭᠡ ᠦᠭᠡᠷᠡ᠂ ᠪᠤᠰᠤᠳ ᠦᠶᠡ ᠳᠤ | ᠵᠢᠱᠢᠶᠡ ᠨᠢ ᠨᠠᠶᠢᠵᠠ ᠨᠦᠬᠦᠳ ᠤᠨ ᠢᠶᠠᠨ ᠲᠡᠷᠭᠡᠳᠡ ᠱᠠᠯ ᠦᠬᠡᠷᠡ ᠬᠦᠮᠦᠨ ᠪᠠᠶᠢᠬᠤ ᠪᠤᠯᠤᠨᠠ᠃ | ⒏ ᠡᠬᠢᠯᠡᠭᠡᠳ ᠬᠡᠤᠬᠡᠳ ᠲᠤ ᠪᠠᠨ ᠡᠴᠢᠬᠡ᠂ ᠲᠠᠷᠠᠭᠠ ᠨᠢ ᠨᠠᠶᠢᠵᠠ ᠨᠢ ᠪᠠᠶᠢᠬᠤ | ᠵᠦᠪᠬᠡᠨ ᠡᠴᠢᠬᠡ ᠡᠬᠡ ᠪᠠᠶᠢᠬᠤ ᠪᠢᠰᠢ ᠵᠠᠷᠢᠮ ᠦᠶᠡ ᠳᠤ ᠬᠡᠤᠬᠡᠳ ᠲᠤ ᠪᠠᠨ ᠨᠠᠶᠢᠵᠠ ᠨᠦᠬᠦᠷ ᠰᠢᠭ ᠨᠢ | ᠪᠠᠶᠢᠬᠤ ᠭᠠᠶᠢᠬᠠᠯᠳᠠᠢ ᠵᠦᠢᠯ᠃ ᠬᠡᠬᠦ ᠳᠤ ᠪᠠᠨ ᠠᠯᠢ ᠨᠢ ᠡᠬᠢ ᠲᠦᠷᠦᠬᠦᠨ ᠳᠤ ᠪᠠᠶᠢᠬᠤ ᠶᠢ ᠦᠪᠡᠷ ᠢᠶᠠᠨ ᠰᠠᠶᠢᠨ | ᠲᠤᠬᠢᠷᠠᠭᠤᠯ᠃ ᠬᠡᠤᠬᠡᠳ ᠲᠤ ᠲᠠᠨᠢ ᠨᠠᠶᠢᠵᠠ ᠨᠦᠬᠦᠳ ᠠᠴᠠ ᠢᠯᠡᠬᠦᠦ ᠲᠠᠢ ᠪᠠᠷ ᠰᠠᠶᠢᠨ ᠠᠪᠤ ᠬᠡᠷᠡᠭᠳᠠᠢ ᠰᠢᠤ ᠳ᠋ᠠ᠃ | ᠡᠨᠡ ᠬᠡᠷᠡᠭᠴᠡᠭᠡ ᠪᠠᠨ ᠦᠭᠡᠷᠡ ᠭᠠᠵᠠᠷ ᠪᠤᠤ ᠬᠠᠶᠢᠭᠠᠰᠠᠢ ᠬᠡᠵᠤ ᠪᠠᠶᠢᠭᠠ ᠪᠤᠯ ᠲᠡᠭᠦᠨ ᠲᠠᠢ ᠨᠦᠬᠦᠷᠯᠡᠬᠦ ᠠᠴᠠ ᠪᠠᠨ | ᠡᠮᠤᠨᠡ ᠠᠪᠤ ᠨᠢ ᠪᠤᠯ᠃ | ⒐ ᠬᠦᠨᠳᠦᠳᠬᠡᠯ ᠲᠠᠢ ᠪᠠᠶᠢᠬᠤ | ᠲᠠ ᠦᠪᠡᠷ ᠢ ᠪᠠᠨ ᠬᠦᠨᠳᠤᠯᠡᠬᠦᠯᠬᠦ ᠶᠢᠨ ᠠᠳᠠᠯᠢ ᠬᠡᠤᠬᠡᠳ ᠢᠶᠠᠨ ᠴᠦ ᠮᠦᠨ ᠬᠦᠨᠳᠤᠯᠡᠬᠦ ᠨᠢ ᠴᠢᠬᠤᠯᠠ᠃ | ᠲᠡᠬᠦᠨ ᠲᠠᠢ ᠪᠡᠶᠡ ᠪᠠᠨ ᠲᠠᠭᠠᠭᠠᠭᠰᠠᠨ ᠬᠦᠮᠦᠨ ᠰᠢᠭ ᠯᠡ ᠶᠠᠷᠢᠯᠴᠠᠵᠤ᠂ ᠲᠡᠬᠦᠨ ᠳᠤ ᠠᠯᠢᠪᠠ ᠵᠦᠢᠯᠡᠰ ᠢ | ᠰᠤᠷᠤᠯᠴᠠᠬᠤ᠂ ᠲᠠᠳᠤᠯᠭᠠᠰᠢᠬᠤ ᠳᠤ ᠨᠢ ᠬᠤᠭᠤᠴᠠᠭᠠ ᠤᠯᠭᠤᠬᠤ᠂ ᠲᠡᠬᠦᠨ ᠳᠤ ᠶᠠᠭ ᠢᠵᠢᠯ ᠨᠦᠬᠦᠴᠡᠯ ᠪᠠᠶᠢᠳᠠᠯ ᠢ | ᠪᠦᠷᠢᠳᠦᠬᠦᠯᠵᠤ ᠦᠭᠬᠦ ᠵᠡᠷᠬᠡ ᠨᠢ ᠲᠡᠭᠦᠨ ᠢ ᠬᠦᠨᠳᠤᠳᠬᠡᠵᠤ ᠪᠠᠶᠢᠭᠠ ᠶᠢᠨ ᠨᠢᠭᠡᠨ ᠢᠯᠡᠷᠡᠯ ᠶᠤᠮ᠃ ᠲᠡᠬᠦᠨ ᠤ | ᠭᠠᠷᠭᠠᠭᠰᠠᠨ ᠰᠢᠢᠳᠪᠤᠷᠢ ᠶᠢ ᠨᠢ ᠬᠦᠨᠳᠤᠳᠬᠡ᠃ ᠲᠡᠬᠦᠨ ᠤ ᠭᠠᠷᠭᠠᠭᠰᠠᠨ ᠰᠢᠢᠳᠪᠤᠷᠢ ᠲᠠᠨ ᠤ ᠪᠤᠳᠤᠵᠤ ᠪᠠᠶᠢᠭᠠ | ᠲᠠᠢ ᠢᠵᠢᠯ ᠪᠢᠰᠢ ᠪᠠᠶᠢᠭᠰᠠᠨ ᠴᠦ ᠬᠡᠯᠡ ᠬᠦᠨᠳᠤᠳᠬᠡᠯ ᠦᠵᠡᠬᠦᠯ᠃ ᠡᠨᠡ ᠨᠢ ᠲᠡᠬᠦᠨ ᠳᠤ ᠵᠦᠪ ᠵᠦᠢ ᠲᠠᠢ ᠶᠢ | ᠵᠦᠪᠯᠡᠵᠤ ᠬᠡᠷᠡᠭ ᠦᠭᠡᠢ ᠭᠡᠰᠡᠨ ᠦᠭᠡ ᠪᠢᠰᠢ ᠪᠦᠬᠡᠳ ᠬᠦᠮᠦᠨ ᠪᠦᠷ ᠦᠪᠡᠷ ᠤᠨ ᠭᠡᠰᠡᠨ ᠠᠮᠢᠳᠤᠷᠠᠯ ᠤᠨ ᠵᠠᠮ ᠲᠠᠢ | ᠭᠡᠳᠡᠭ ᠢ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠠ᠃ ᠢᠩᠬᠢᠵᠤ ᠪᠠᠶᠢᠵᠤ ᠯᠡ ᠬᠡᠤᠬᠡᠳ ᠲᠠᠨᠢ ᠤᠶᠤᠨ ᠤᠬᠠᠭᠠᠨ᠂ ᠰᠡᠳᠬᠢᠯ ᠰᠠᠨᠠᠭᠠ | ᠪᠠᠷ ᠢᠶᠠᠨ ᠪᠡᠶᠡ ᠪᠠᠨ ᠲᠠᠭᠠᠭᠠᠭᠰᠠᠨ ᠦᠬᠡᠷᠡ ᠬᠦᠮᠦᠨ ᠪᠤᠯᠤᠨ ᠲᠦᠯᠦᠪᠰᠢᠷᠡᠨᠡ᠃ | ⒑ ᠲᠡᠨᠳᠡ ᠪᠡᠯᠡᠨ ᠪᠠᠶᠢᠬᠤ | ᠬᠦᠮᠦᠨ ᠪᠦᠬᠦᠨ ᠠᠮᠢᠳᠤᠷᠠᠯ ᠳᠤ ᠦᠪᠡᠷ ᠲᠠᠢ ᠨᠢ ᠤᠶᠢᠷᠠ ᠲᠤᠳᠤᠨᠤ ᠬᠠᠷᠢᠴᠠᠳᠠᠭ᠂ ᠲᠡᠬᠦᠨ ᠳᠤ ᠠᠩᠬᠠᠷᠤᠯ | ᠬᠠᠯᠠᠮᠵᠢ ᠲᠠᠯᠪᠢᠳᠠᠭ᠂ ᠲᠡᠬᠦᠨ ᠤ ᠲᠦᠯᠦᠬᠡ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠦᠬᠦᠨ ᠢ ᠬᠢᠳᠡᠭ᠂ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠬᠢᠬᠦ ᠳᠤ | ᠨᠢ ︽ᠲᠡᠨᠳᠡ ᠪᠡᠯᠡᠨ ᠪᠠᠶᠢᠳᠠᠭ︾ ᠠᠪᠤ ᠬᠦᠮᠦᠨ ᠬᠡᠷᠡᠭᠳᠡᠢ᠃ ᠲᠡᠬᠦᠨ ᠳᠤ ᠴᠠᠭ ᠵᠠᠪ ᠭᠠᠷᠭᠠᠵᠤ᠂ ᠠᠩᠬᠠᠷᠤᠯ | ᠬᠠᠯᠠᠮᠵᠢ ᠲᠠᠯᠪᠢᠭᠳᠤᠨ᠃ | | ᠮᠡᠳᠡᠭᠡᠵᠢ ᠬᠡᠷᠡᠭ ᠲᠡᠭᠡᠷᠡᠬᠢ ᠬᠡᠳᠤᠬᠡᠨ ᠦᠬᠦᠯᠡᠪᠤᠷᠢ ᠰᠠᠶᠢᠨ ᠠᠪᠤ ᠪᠤᠯᠬᠤ ᠳᠤ ᠪᠦᠬᠦᠳᠠ ᠬᠠᠩᠭᠠᠯᠳᠠᠳᠠᠢ ᠪᠢᠰᠢ | ᠶᠤᠮ᠃ ᠬᠡᠬᠦ ᠳᠤ ᠪᠠᠨ ᠨᠠᠭᠠᠳᠤ ᠵᠠᠬᠠ ᠨᠢ ᠡᠨᠡ ᠪᠦᠬᠦᠨ ᠢ ᠠᠩᠬᠠᠷᠬᠤ ᠳᠤ ᠰᠠᠶᠢᠨ ᠠᠪᠤ ᠪᠤᠯᠬᠤ ᠡᠬᠢᠯᠡᠯ | ᠲᠠᠯᠪᠢᠭᠳᠠᠨᠠ᠃ ᠡᠳᠡᠬᠡᠷ ᠢ ᠬᠢᠵᠤ ᠴᠢᠳᠠᠪᠠᠯ ᠡᠰᠡᠪᠡᠯ ᠨᠠᠭᠠᠳᠤ ᠵᠠᠬᠠ ᠨᠢ ︽ᠡᠶᠢᠮᠤ ᠪᠠᠶᠢᠵᠤ ᠴᠢᠳᠠᠪᠠᠯ︾ ᠲᠠ | ᠰᠠᠶᠢᠨ ᠠᠪᠤ ᠪᠤᠯᠬᠤ ᠵᠠᠮ ᠳᠤ ᠨᠡᠯᠢᠶᠡᠳ ᠠᠬᠢᠴᠠ ᠲᠠᠢ ᠤᠷᠤᠭᠰᠢᠯᠠᠵᠤ ᠶᠠᠪᠤᠨᠠ ᠬᠡᠵᠤ ᠤᠶᠢᠯᠭᠠᠵᠤ ᠪᠤᠯᠤᠨᠠ᠃ | ᠨᠦᠬᠦᠬᠡᠳᠡᠬᠦᠷ ᠦᠶᠡ ᠦᠶᠡ ᠪᠦᠳᠦᠯ ᠦᠬᠡᠶᠢᠳᠡᠪᠠᠯ ︽ᠰᠠᠶᠢᠨ ᠠᠪᠤ ᠪᠢᠰᠢ ᠶᠤᠮ ᠪᠠᠶᠢᠨᠠ︾ ᠭᠡᠰᠡᠨ ᠦᠭᠡ ᠪᠢᠰᠢ᠃ | ᠤᠨᠠᠵᠤ ᠪᠤᠰᠤᠭᠠᠳ ᠲᠠᠬᠢᠭᠠᠳ ᠯᠡ ᠤᠷᠤᠭᠰᠢᠯᠠᠭᠠᠳ ᠪᠠᠢ᠃ | |