| | ᠤᠳᠠᠭᠠᠨ ᠵᠢᠯ ᠪᠠᠭᠰᠢᠯᠠᠬᠤ ᠶᠢᠨ ᠵᠡᠷᠭᠡ ᠪᠠᠷ ᠰᠣᠳᠣᠯᠭᠠᠨ ᠬᠢᠵᠦ ᠢᠷᠡᠭᠰᠡᠨ ᠴ᠊ · | ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠶᠢᠨ ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠳᠠᠷᠬᠠᠨ ᠦᠢᠯᠡᠰ ᠲᠤ ᠮᠣᠬᠤᠰᠢ ᠦᠬᠡᠢ ᠵᠢᠳᠬᠦᠵᠦ | ᠢᠷᠡᠭᠰᠡᠨ ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠵᠤ ᠶᠠᠷᠢᠯᠴᠠᠬᠰᠠᠨ ᠨᠢ ᠰᠤᠷᠪᠤᠯᠵᠢᠯᠠᠬᠴᠢ ᠪᠣᠯᠣᠭᠰᠠᠨ ᠮᠢᠨᠦ ᠬᠤᠪᠢ ᠳᠤ ᠬᠠᠮᠤᠭ ᠤᠨ | ᠶᠡᠭᠡ ᠠᠵᠠ ᠲᠤᠬᠢᠶᠠᠬᠰᠠᠨ ᠶᠠᠪᠤᠳᠠᠯ ᠪᠤᠯᠤᠬᠰᠠᠨ ᠪᠢᠯᠡ᠃ | | | ᠲᠡᠷᠡ ᠪᠠᠷ ᠪᠠᠭᠰᠢ ᠠᠳᠠᠯᠡ ᠰᠤᠳᠤᠯᠤᠭᠠᠴᠢ ᠬᠦᠮᠦᠨ | ᠲᠥᠪ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠫᠷᠥᠹᠧᠰᠰᠤᠷ ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ | ᠪᠠᠭᠰᠢ ᠪᠤᠯ ᠮᠠᠨ ᠤ ᠤᠯᠤᠰ ᠤᠨ ᠮᠣᠩᠭᠤᠯ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠦᠷᠢᠶᠠᠨ ᠳᠤ ᠣᠷᠦ᠋ᠢᠯᠠᠵᠣ ᠶᠠᠪᠦᠭᠠ ᠥᠨᠳᠥᠷ | ᠵᠢᠳᠬᠦᠯ ᠦᠯᠡᠮᠵᠢ ᠭᠠᠪᠢᠶᠠ ᠲᠠᠢ ᠠᠬᠠᠮᠠᠳ ᠡᠷᠳᠡᠮᠳᠡᠨ ᠶᠣᠮ᠃ ᠳᠠᠯᠠᠨ ᠨᠠᠰᠦ ᠶᠢ ᠳᠠᠪᠠᠭᠰᠠᠨ ᠴᠦ ᠠᠬᠠᠮᠠᠳ ᠪᠠᠭᠰᠢ | ᠮᠢᠨᠢ ᠮᠥᠨ ᠯᠡ ᠮᠣᠩᠭᠤᠯ ᠰᠣᠳᠣᠯᠭᠠᠨ ᠤ ᠪᠠᠨ ᠦᠢᠯᠡᠰ ᠲᠤ ᠬᠠᠷᠠᠮ ᠦᠬᠡᠢ ᠵᠢᠳᠬᠦᠨ ᠴᠢᠷᠮᠠᠶᠢᠰᠠᠭᠠᠷ ᠁ | ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ 1940 ᠣᠨ ᠤ 12 ᠰᠠᠷᠠ ᠳᠤ ᠣᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ | ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠳᠠᠯᠠᠢ ᠨᠠᠭᠤᠷ ᠰᠤᠮᠤ ᠶᠢᠨ ᠲᠠᠪᠤᠨ ᠬᠤᠸᠠ ᠭᠠᠴᠠᠭᠠᠨ ᠳᠤ ᠲᠥᠷᠥᠵᠡᠢ᠃ ᠲᠡᠷᠡ ᠲᠡᠭᠡᠷᠡ | ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠦᠶᠡ ᠪᠠᠷ ᠲᠥᠪ ᠤᠨ ᠦᠨᠳᠦᠰᠦᠳᠡᠨ ᠤ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ ︵ᠤᠳᠤ ᠶᠢᠨ | ᠲᠦᠪ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ︶ ᠶᠢᠨ ᠮᠣᠩᠭᠤᠯ ᠬᠡᠯᠡᠨ ᠤ ᠰᠠᠯᠪᠣᠷᠢ ᠶᠢᠨ ᠮᠣᠩᠭᠤᠯ ᠬᠡᠯᠡ | ᠣᠳᠬᠠ ᠵᠣᠬᠢᠶᠠᠯ ᠤᠨ ᠠᠩᠬᠢ ᠳᠤ ᠡᠯᠰᠡᠭᠳᠡᠨ ᠣᠷᠣᠵᠦ᠂ ᠶᠡᠭᠡ ᠰᠣᠷᠭᠠᠭᠤᠯᠢ ᠪᠠᠨ ᠳᠦᠬᠦᠷᠭᠡᠬᠦ ᠪᠠᠷ ᠮᠥᠨ | ᠰᠣᠷᠭᠠᠭᠤᠯᠢ ᠳᠠᠭᠠᠨ ᠥᠯᠠᠳᠡᠵᠦ ᠪᠠᠭᠰᠢᠯᠠᠨ᠂ ᠠᠵᠢᠯ ᠦᠢᠯᠡᠰ ᠤᠨ ᠠᠩᠬᠠᠨ ᠤ ᠭᠠᠷᠤᠭᠠ ᠪᠠᠨ ᠠᠳᠠ ᠠᠴᠠ | ᠡᠬᠢᠯᠡᠬᠦᠯᠵᠡᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠡᠷᠡ ᠦᠷᠬᠦᠯᠵᠢᠯᠡᠨ ᠠᠰᠫᠢᠷᠠᠨᠲ ᠰᠤᠷᠤᠯᠴᠠᠬᠤ ᠪᠤᠯᠤᠮᠵᠢ ᠪᠠᠶᠢᠨᠡ ᠤᠤ | ᠦᠬᠡᠢ ᠤᠤ︖ ᠭᠠᠳᠠᠭᠠᠳᠤ ᠳᠤ ᠶᠠᠪᠤᠵᠤ ᠰᠤᠷᠤᠯᠴᠠᠬᠤ ᠲᠤᠬᠢᠶᠠᠯ ᠪᠠᠶᠢᠨᠡ ᠤᠤ ᠦᠬᠡᠢ ᠤᠤ︖ ᠬᠡᠵᠤ ᠪᠠᠭᠰᠢ | ᠨᠡᠷ ᠢᠶᠠᠨ ᠡᠷᠢᠵᠤ ᠶᠠᠷᠢᠯᠴᠠᠳᠠᠭ ᠪᠠᠶᠢᠬᠰᠠᠨ ᠬᠡᠳᠡᠭ᠃ ︽ᠬᠡᠳᠡᠯᠡ ︿ᠰᠠᠶᠢᠨ ᠶᠠᠪᠤᠳᠠᠯ ᠳᠤ ᠰᠠᠭᠠᠷ ᠤᠯᠠᠨ﹀ | ᠬᠡᠳᠡᠭ ᠢᠶᠠᠷ ︿ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ﹀ ᠡᠬᠢᠯᠡᠵᠤ᠂ ᠰᠤᠷᠭᠠᠭᠤᠯᠢ ᠬᠢᠴᠢᠶᠡᠯ ᠵᠤᠬᠰᠤᠨ ᠰᠤᠷᠤᠭᠴᠢ ᠡᠯᠰᠡᠬᠦ ᠪᠠᠨ | ᠪᠤᠯᠢᠵᠡᠢ᠃ ᠤᠢᠢᠮᠠᠬᠡᠨ ᠲᠡᠪᠵᠢᠶᠡᠨ ᠵᠢᠭᠠᠬᠠᠨ ᠨᠠᠮᠳᠠᠬᠰᠠᠨ 1971 ᠤᠨ ᠳᠤ ᠰᠤᠷᠤᠭᠴᠢ ᠡᠯᠰᠡᠨ ᠬᠢᠴᠢᠶᠡᠯ | ᠡᠬᠢᠯᠡᠭᠰᠡᠨ ᠪᠤᠯᠪᠠᠴᠤ ᠬᠢᠴᠢᠶᠡᠯ ᠬᠦᠮᠦᠵᠢᠯ ᠤᠨ ᠠᠵᠢᠯ ᠠᠯᠪᠠ ᠮᠦᠨ ᠴᠤ ᠰᠠᠮᠠᠭᠤᠨ ᠪᠠᠶᠢᠳᠡᠯ ᠲᠤᠤᠷᠡ ᠶᠠᠪᠤᠬᠳᠠᠵᠤ | ᠪᠠᠶᠢᠬᠰᠠᠨ ᠠᠴᠠ ᠡᠨᠡ ᠮᠦᠷᠦᠬᠡᠳᠤᠯ ᠴᠤ ᠠᠮᠢᠯᠠᠯ ᠢᠶᠠᠨ ᠤᠯᠵᠤ ᠴᠢᠳᠠᠭᠠ ᠦᠬᠡᠢ︾ ᠬᠡᠵᠤ ᠲᠡᠷᠡ ᠬᠠᠭᠤᠴᠢᠯᠠᠨᠡ᠃ | | | ᠴ᠊ · ᠬᠡᠰᠢᠭᠳᠦᠬᠳᠠᠬᠤ ︵ᠪᠠᠷᠠᠭᠤᠨ ᠠᠴᠠ ᠨᠢᠭᠡᠳᠦᠭᠡᠷ︶ ᠮᠤᠩᠭᠤᠯ ᠤᠯᠤᠰ ᠤᠨ ︽ᠠᠯᠳᠠᠨ | ᠭᠠᠳᠠᠰᠦ︾ ᠱᠠᠩᠨᠠᠯ ᠢ ᠬᠦᠷᠳᠡᠭᠰᠡᠨ ᠶᠠᠫᠤᠨ᠂ ᠤᠷᠤᠰ᠂ ᠭᠧᠷᠮᠠᠨ ᠤ ᠡᠷᠳᠡᠮᠳᠡᠳ ᠱ᠊ · ᠪᠢᠷᠡ ᠠᠺᠠᠳᠧᠮᠢᠴᠢ ᠲᠠᠢ | ᠬᠠᠮᠳᠦ | | | 1977 ᠤᠨ ᠠᠴᠠ ᠶᠡᠭᠡ ᠲᠡᠭᠡᠲᠦ ᠰᠤᠷᠭᠠᠭᠤᠯᠢ ᠳᠤ ᠡᠯᠰᠡᠬᠦ ᠨᠢᠭᠡᠲᠦᠯᠳᠠᠢ ᠰᠢᠯᠭᠠᠯᠳᠡ ᠶᠢᠨ | ᠲᠦᠷᠢᠮ ᠰᠡᠷᠬᠦᠵᠤ᠂ 4 ᠵᠢᠯ ᠤᠨ ᠲᠦᠷᠢᠮᠳᠤ ᠵᠢᠩᠬᠢᠨᠢ ᠠᠩᠬᠢ ᠰᠤᠷᠤᠭᠴᠢ ᠡᠯᠰᠡᠵᠤ ᠡᠬᠢᠯᠡᠭᠰᠡᠨ ᠪᠦᠬᠡᠳ ᠡᠷᠳᠡᠨ ᠤ | ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠢᠴᠢᠶᠡᠯ ᠨᠡᠬᠡᠬᠡᠵᠤ ᠪᠤᠯᠳᠠᠭ ᠪᠠᠶᠢᠵᠠᠢ᠃ ︽ᠤᠳᠤᠬᠢ ᠦᠵᠡᠯ ᠤᠬᠠᠮᠰᠡᠷ ᠤᠨ | ᠬᠦᠯᠢᠶᠡᠰᠤᠨ ᠠᠴᠠ ᠮᠤᠯᠳᠤᠷᠠᠵᠤ ᠲᠡᠶᠢᠯᠳᠡᠭ ᠦᠬᠡᠢ ᠤᠳᠬᠠ ᠵᠤᠬᠢᠶᠠᠯ ᠤᠨ ᠤᠨᠤᠯ ᠵᠡᠷᠬᠡ ᠬᠢᠴᠢᠶᠡᠯ ᠨᠤᠭᠤᠳ ᠲᠤ | ᠲᠤᠷᠡ ᠭᠤᠳᠤᠵᠤ ᠪᠠᠶᠢᠬᠰᠠᠨ ᠪᠢ ᠲᠡᠷᠡ ᠲᠤᠤᠷᠡ ᠪᠠᠨ ᠡᠷᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠢᠴᠢᠶᠡᠯ ᠵᠢᠭᠠᠵᠤ | ᠡᠬᠢᠯᠡᠭᠰᠡᠨ ᠳ᠋ᠠ︾ ᠬᠡᠵᠤ ᠬᠡᠰᠢᠭᠳᠦᠬᠳᠠᠬᠤ ᠪᠠᠭᠰᠢ ᠲᠤᠬᠠᠢ ᠶᠢᠨ ᠦᠶᠡ ᠪᠠᠨ ᠲᠤᠷᠠᠰᠴᠤ ᠶᠠᠷᠢᠨᠡ᠃ ᠲᠡᠬᠦᠨ ᠤ | ᠡᠷᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠢᠴᠢᠶᠡᠯ ᠨᠢ ᠤᠶᠤᠳᠠᠳ ᠤᠨ ᠠᠩᠬᠠᠷᠤᠯ ᠢ ᠮᠠᠰᠢ ᠶᠡᠭᠡ ᠲᠠᠳᠠᠵᠤ ᠪᠠᠶᠢᠬᠰᠠᠨ | ᠪᠠᠶᠢᠯᠠ᠃ ᠢᠩᠬᠢᠬᠡᠳ᠂ ᠲᠡᠬᠦᠨ ᠤ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠤᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠮᠦᠨ ᠡᠬᠦᠨ ᠠᠴᠠ | ᠡᠬᠢᠯᠡᠵᠤ᠂ 1980 ᠤᠨ ᠳᠤ ︽ᠨᠢᠭᠡᠳᠷᠡᠵᠤ ᠪᠦᠯᠬᠦᠮᠳᠡᠬᠦ ᠶᠢ ᠤᠷᠢᠶᠠᠯᠠᠬᠰᠠᠨ ᠪᠢᠴᠢᠭ — ︿ᠮᠤᠩᠭᠤᠯ ᠤᠨ | ᠨᠢᠭᠤᠴᠡ ᠲᠤᠪᠴᠢᠶᠡᠨ﹀ ᠤ ᠭᠤᠤᠯ ᠦᠵᠡᠯ ᠰᠠᠨᠠᠭᠠ︾ ᠬᠡᠮᠡᠬᠦ ᠠᠩᠬᠠᠳᠠᠬᠴᠢ ᠦᠬᠦᠯᠡᠯ ᠢᠶᠠᠨ ᠨᠡᠶᠢᠳᠡᠯᠡᠭᠦᠯᠤᠨ᠂ | ᠲᠡᠬᠦᠨ ᠠᠴᠠ ᠡᠬᠢᠯᠡᠨ ᠤᠳᠤ ᠳᠤ ᠬᠦᠷᠳᠡᠯᠡ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ᠂ ᠮᠤᠩᠭᠤᠯ ᠰᠤᠷᠪᠤᠯᠵᠢ | ᠪᠢᠴᠢᠭ᠂ ᠮᠤᠩᠭᠤᠯ ᠤᠨ ᠲᠡᠤᠬᠡ ᠰᠤᠶᠤᠯ ᠤᠨ ᠵᠠᠷᠢᠮ ᠠᠰᠠᠭᠤᠳᠠᠯ ᠤᠨ ᠲᠠᠯᠡ ᠪᠠᠷ ᠤᠯᠤᠰ ᠤᠨ ᠲᠤᠳᠤᠭᠠᠳᠤ | ᠭᠠᠳᠠᠭᠠᠳᠤ ᠳᠤ ᠨᠡᠶᠢᠳᠡ 80 ᠭᠠᠷᠤᠢ ᠦᠬᠦᠯᠡᠯ ᠨᠠᠶᠢᠳᠠᠯᠡᠬᠦᠯᠦᠭᠰᠡᠨ ᠲᠡᠳᠤᠢ ᠦᠬᠡᠢ ᠵᠠᠷᠢᠮ ᠨᠢ ᠶᠠᠫᠤᠨ᠂ ᠠᠩᠭ᠍ᠯᠢ᠂ | ᠤᠷᠤᠰ ᠬᠡᠯᠡᠨ ᠳᠤ ᠤᠷᠴᠢᠭᠤᠯᠤᠬᠳᠠᠬᠰᠠᠨ ᠪᠤᠶᠤ ᠺᠢᠷᠢᠯ ᠦᠰᠦᠭ ᠢᠶᠠᠷ ᠬᠦᠷᠪᠡᠬᠦᠯᠦᠭᠳᠡᠨ ᠶᠠᠫᠤᠨ᠂ ᠤᠷᠤᠰ᠂ | ᠮᠤᠩᠭᠤᠯ ᠵᠡᠷᠬᠡ ᠤᠯᠤᠰ ᠲᠤ ᠨᠡᠶᠢᠳᠡᠯᠡᠭᠳᠡᠪᠡ᠃ | ᠴᠢᠩᠭᠢᠰ ᠬᠠᠭᠠᠨ ᠤ ᠤᠡᠭᠭᠤᠨ ᠤ ᠲᠤᠬᠠᠢ ᠪᠢᠴᠢᠭᠰᠡᠨ ︽ᠴᠢᠩᠭᠢᠰ ᠬᠠᠭᠠᠨ ᠤ ᠭᠤᠷᠪᠠᠨ | ᠤᠡᠭᠭᠤᠨ︾ ᠭᠡᠭᠦ ᠦᠭᠦᠯᠡᠯ ᠳᠡᠭᠡᠨ ᠲᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠤ ᠤᠡᠭᠭᠤᠨ ᠭᠡᠳᠡᠭ ᠤᠢᠢᠯᠠᠭᠠᠯᠳᠠ ᠳᠤ ᠲᠤᠷᠠᠰᠬᠠᠯ ᠤᠨ | ᠤᠡᠭᠭᠤᠨ᠂ ᠰᠢᠳᠦᠭᠡᠨ ᠤᠡᠭᠭᠤᠨ᠂ ᠴᠢᠨᠳᠠᠷ ᠤᠨ ᠤᠡᠭᠭᠤᠨ ᠪᠠᠶᠢᠳᠠᠭ ᠭᠡᠵᠦ ᠲᠤᠷᠠᠳᠤᠨ ᠨᠤᠳᠠᠯᠠᠬᠰᠠᠨ ᠪᠦᠭᠡᠳ | ᠤᠳᠤᠬᠢ ᠤᠷᠳᠤᠰ ᠲᠠᠬᠢ ᠴᠢᠩᠭᠢᠰ ᠤᠨ ᠤᠡᠭᠭᠤᠨ ᠪᠤᠯ ᠰᠢᠳᠦᠭᠡᠨ ᠤᠡᠭᠭᠤᠨ ᠪᠤᠯᠤᠨᠠ ᠭᠡᠳᠡᠭ ᠦᠵᠡᠯᠳᠡ | ᠲᠠᠪᠰᠢᠭᠦᠯᠵᠠᠢ᠃ ᠡᠨᠡ ᠦᠭᠦᠯᠡᠯ ᠨᠡᠶᠢᠳᠡᠯᠡᠭᠳᠡᠮᠡᠭᠴᠡ ᠶᠠᠫᠤᠨ ᠤ ᠶᠠᠩ ᠬᠠᠢ ᠶᠢᠩ ᠵᠡᠷᠭᠡ ᠡᠷᠳᠡᠮᠳᠡᠳ ᠲᠤ ᠦᠨᠳᠦᠷ | ᠦᠨᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | | | ᠠᠯᠳᠠᠷᠳᠦ ᠰᠢᠯᠦᠭᠴᠢ ᠰᠢ᠊ · ᠮᠦᠷᠡᠨ ᠲᠠᠢ ᠬᠠᠮᠳᠦ | | | | ᠡᠭᠦᠨᠴᠢᠯᠡᠨ ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ 1966 ᠣᠨ ᠠᠴᠠ 1986 ᠣᠨ ᠬᠦᠷᠲᠡᠯᠡ | ᠮᠣᠩᠭᠤᠯ ᠬᠡᠯᠡ ᠣᠳᠬᠠ ᠵᠣᠬᠢᠶᠠᠯ ᠤᠨ ᠰᠤᠷᠭᠠᠯᠳᠠ ᠶᠢᠨ ᠲᠠᠰᠤᠭ ᠲᠣ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯ ᠤᠨ | ᠰᠤᠷᠭᠠᠯᠳᠠ ᠰᠣᠳᠣᠯᠭᠠᠨ ᠤ ᠠᠵᠢᠯ ᠢ ᠬᠢᠵᠦ ᠶᠠᠪᠦᠵᠠᠢ᠃ 1986 - 2000 ᠣᠨ ᠤ ᠬᠤᠭᠤᠷᠣᠨᠳᠦ ᠲᠡᠷᠡ ᠪᠠᠷ | ᠣᠳᠬᠠ ᠤᠷᠠᠯᠢᠭ ᠤᠨ ᠰᠣᠳᠣᠯᠭᠠᠨ ᠤ ᠭᠠᠵᠠᠷ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠤᠷᠠᠯᠢᠭ ᠤᠨ ᠰᠣᠳᠣᠯᠤᠯ ᠪᠣᠯᠣᠨ | ᠰᠣᠷᠭᠠᠯᠳᠠ ᠶᠢᠨ ᠠᠵᠢᠯ ᠬᠢᠵᠡᠢ᠃ ᠲᠡᠳ᠋ ᠫᠷᠥᠹᠧᠰᠰᠤᠷ᠂ ᠫᠷᠥᠹᠧᠰᠰᠤᠷ ᠠᠴᠠ ᠪᠠᠨ ᠳ᠋ᠤᠺᠲ᠋ᠣᠷᠡᠨᠲ ᠤᠨ | ᠵᠢᠯᠤᠭᠤᠳᠤᠬᠴᠢ ᠪᠠᠭᠰᠢ ᠪᠣᠯᠵᠦ᠂ ᠮᠥᠨ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠡᠥᠬᠡ ᠣᠳᠬᠠ ᠵᠣᠬᠢᠶᠠᠯ ᠤᠨ ᠡᠷᠳᠡᠮᠳᠡᠨ | ᠪᠣᠯᠣᠭᠰᠠᠨ ᠶᠤᠮ᠃ ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ 1993 ᠣᠨ ᠠᠴᠠ ᠡᠬᠢᠯᠡᠨ ᠣᠯᠠᠨ ᠤᠳᠠᠭᠠ ᠶᠠᠫᠤᠨ ᠤ ᠸᠠᠰᠢᠳᠠ | ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠴᠦ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠶᠢᠯᠴᠢᠯᠠᠯ ᠬᠢᠵᠦ᠂ ᠸᠠᠰᠢᠳᠠ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ | ᠫᠷᠥᠹᠧᠰᠰᠤᠷ ᠲᠠᠢ ᠬᠠᠮᠲᠤ ︽ᠠᠯᠲᠠᠨ ᠬᠠᠭᠠᠨ ᠤ ᠳᠣᠮᠤᠭ︾ ᠭᠡᠬᠦ ᠨᠣᠮ ᠢ ᠬᠡᠪᠯᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ | ᠪᠠᠰᠠ ᠮᠣᠩᠭᠤᠯ ᠣᠯᠣᠰ ᠤᠨ ᠶᠡᠷᠤᠩᠬᠡᠢ ᠰᠠᠶᠢᠳ ᠤᠨ ᠤᠷᠢᠯᠭᠠ ᠪᠠᠷ ᠤᠯᠠᠭᠠᠨᠪᠠᠭᠠᠳᠤᠷ ᠲᠤ ᠪᠣᠯᠣᠭᠰᠠᠨ 8 ᠳ᠋ᠤᠭᠠᠷ | ᠬᠤᠭᠤᠴᠠᠭᠠᠨ ᠤ ᠣᠯᠠᠨ ᠣᠯᠣᠰ ᠤᠨ ᠮᠣᠩᠭᠤᠯ ᠡᠷᠳᠡᠮᠳᠡᠳ ᠤᠨ ᠬᠤᠷᠠᠯ ᠳᠤ ᠣᠷᠣᠯᠴᠠᠵᠣ ᠴᠢᠩᠬᠢᠰ ᠬᠠᠭᠠᠨ ᠤ | ᠮᠡᠨᠳᠦᠯᠡᠭᠰᠡᠨ 840 ᠵᠢᠯ ᠤᠨ ᠣᠢ ᠳᠤ ᠵᠣᠷᠢᠭᠤᠯᠣᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠶᠠᠷᠢᠶᠡ ᠢᠯᠡᠳᠬᠡᠯ ᠬᠢᠵᠦ᠂ ᠲᠤᠮᠳᠠᠳᠤ | ᠮᠣᠩᠭᠤᠯ ᠤᠨ ᠣᠯᠠᠨ ᠡᠷᠳᠡᠮᠳᠡᠨ ᠮᠡᠷᠬᠡᠵᠢᠯᠳᠡᠨ ᠤ ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯ ᠢ ᠬᠦᠷᠳᠡᠵᠦ ᠶᠠᠪᠦᠯᠠ᠃ | ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠮᠥᠨ ᠣᠯᠠᠨ ᠣᠳᠠᠭᠠ ᠣᠷᠢᠯᠭᠠ ᠪᠠᠷ ᠠᠮᠧᠷᠢᠺᠠ ᠶᠢᠨ ᠮᠣᠩᠭᠤᠯ | ᠰᠣᠶᠣᠯ ᠤᠨ ᠨᠡᠶᠢᠬᠡᠮᠯᠢᠭ᠂ ᠢᠨᠳᠢᠶᠠᠨᠠ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠲᠦᠪ ᠪᠣᠯᠣᠨ | ᠰᠣᠯᠣᠩᠭᠤᠰ ᠤᠨ ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠨᠡᠶᠢᠬᠡᠮᠯᠢᠭ ᠵᠡᠷᠬᠡ ᠭᠠᠵᠠᠷ ᠤᠳ ᠢᠶᠠᠷ ᠬᠦᠷᠴᠦ ᠦᠷᠡ ᠪᠦᠳᠦᠮᠵᠢ | ᠥᠨᠳᠥᠷ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠶᠢᠯᠴᠢᠯᠠᠯ ᠬᠢᠵᠦ ᠶᠠᠪᠤᠭᠰᠠᠨ ᠬᠢᠯᠠᠯᠵᠡᠬᠰᠠᠨ ᠰᠠᠶᠢᠬᠠᠨ ᠲᠡᠤᠬᠡ ᠲᠠᠢ ᠶᠤᠮ᠃ | ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠤᠹᠧᠰᠰᠤᠷ ᠡᠷᠳᠡᠮ ᠨᠤᠮ ᠤᠨ ᠠᠵᠢᠯ ᠳᠠᠭᠠᠨ ᠢᠮᠠᠬᠳᠠ ᠯᠠᠪᠳᠠᠭᠤᠨ | ᠬᠢᠨᠠᠮᠠᠭᠠᠢ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠴᠢ ᠤᠪᠤᠷ ᠢᠶᠠᠷ ᠵᠢᠳᠭᠦᠵᠦ᠂ ᠬᠡᠯᠡ ᠪᠢᠴᠢᠭ ᠤᠨ ᠤᠬᠠᠭᠠᠨ ᠤ ᠤᠨᠤᠯ ᠠᠷᠭᠠ ᠶᠢ | ᠬᠡᠷᠡᠭᠯᠡᠨ ᠤᠷᠠᠨ ᠵᠤᠬᠢᠶᠠᠯ᠂ ᠰᠤᠷᠪᠤᠯᠵᠢ ᠪᠢᠴᠢᠭ ᠰᠤᠳᠤᠯᠤᠯ᠂ ᠬᠡᠯᠡ ᠰᠢᠨᠵᠢᠯᠡᠯ᠂ ᠲᠡᠤᠭᠡ᠂ ᠱᠠᠰᠢᠨ ᠰᠤᠷᠳᠠᠬᠤᠨ᠂ | ᠵᠠᠩ ᠦᠢᠯᠡ ᠶᠢᠨ ᠤᠯᠠᠨ ᠬᠠᠷᠠᠭᠠᠰᠤ ᠠᠴᠠ ᠶᠡᠷᠦᠩᠭᠡᠶᠢᠯᠡᠨ ᠰᠤᠳᠤᠯᠵᠦ᠂ ᠰᠢᠨᠠ ᠦᠵᠡᠯᠳᠡ ᠲᠤᠷᠠᠳᠳᠠᠭ ᠪᠤᠯᠬᠤᠷ | 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠠᠴᠠ ᠡᠬᠢᠯᠡᠨ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯ ᠰᠤᠳᠤᠯᠤᠬᠴᠢᠳ ᠲᠤ | ᠮᠡᠳᠡᠷᠡᠭᠳᠡᠭᠰᠡᠭᠡᠷ ᠦᠨᠡᠯᠡᠭᠳᠡᠭᠰᠡᠭᠡᠷ ᠢᠷᠡᠭᠰᠡᠨ ᠪᠢᠯᠡ᠃ | | ᠲᠡᠷᠡ ᠪᠠᠷ ︽ᠮᠤᠵᠢᠭᠤᠳᠠ︾ ᠠᠳᠠᠯᠡ ᠲᠦᠪ ᠭᠤᠤᠯᠴᠢ ᠶᠢ ᠪᠠᠷᠢᠳᠠᠭ ᠬᠦᠮᠦᠨ | ᠬᠡᠰᠢᠭᠳᠦᠬᠳᠠᠬᠤ ᠪᠤᠯ ᠡᠬᠡᠯ ᠵᠢᠷ ᠤᠨ ᠪᠢᠴᠢᠭ ᠤᠨ ᠬᠦᠮᠦᠨ᠃ ᠮᠤᠩᠭᠤᠯ ᠰᠤᠳᠤᠯᠤᠯ᠂ | ᠬᠢᠴᠢᠶᠡᠯ ᠬᠦᠮᠦᠵᠢᠯ ᠤᠨ ᠬᠤᠪᠢ ᠳᠤ ᠬᠡᠵᠢᠶᠡᠳᠡ ᠦᠪᠡᠷ ᠢ ᠪᠠᠨ ᠪᠠᠷᠢᠮᠳᠠᠯᠠᠳᠠᠭ ︽ᠮᠤᠵᠢᠭᠤᠳᠡ︾ ᠬᠦᠮᠦᠨ᠃ | ᠬᠡᠳᠡᠯᠡ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠳᠤ ᠬᠤᠶᠡᠷ ᠦᠬᠡᠢ ᠰᠡᠳᠬᠢᠯ ᠢᠶᠠᠷ ᠬᠠᠨᠳᠤᠵᠤ ᠭᠤᠤᠯᠴᠢ ᠶᠢ ᠪᠠᠷᠢᠳᠠᠬ ᠬᠦᠮᠦᠨ | ᠲᠠᠭᠤᠷᠢᠶᠠᠯ ᠪᠤᠯᠵᠤ ᠰᠡᠬᠦ᠋ᠢᠨᠡ ᠁ | ︽ᠬᠠᠮᠢᠭᠠ ᠪᠠᠶᠢᠬᠰᠠᠨ ᠠᠪᠢᠶᠠᠰ ᠪᠢᠯᠢᠭ ᠪᠤᠢ᠂ ᠪᠢ ᠪᠤᠰᠤᠳ ᠤᠨ ᠺᠤᠹᠧ ᠤᠤᠭᠤᠬᠤ ᠴᠠᠭ ᠢ | ᠬᠦᠷᠳᠡᠯᠡ ᠴᠦᠮ ᠠᠵᠢᠯ ᠳᠠᠭᠠᠨ ᠵᠠᠷᠤᠴᠠᠭᠤᠯᠤᠬᠰᠠᠨ ᠲᠡᠳᠤᠢ ᠯᠡ ᠶᠤᠮ︾ ᠬᠡᠵᠤ ᠯᠦ ᠰᠢᠶᠦ᠋ᠨ ᠠᠪᠤᠭᠠᠢ ᠶᠠᠷᠢᠵᠤ | ᠦᠩᠬᠡᠷᠡᠭᠰᠡᠨ ᠶᠤᠮ᠃ ᠡᠨᠡ ᠦᠬᠡ ᠶᠢ ᠬᠡᠰᠢᠭᠳᠦᠬᠳᠠᠬᠤ ᠪᠠᠭᠰᠢ ᠶᠡᠬᠡᠬᠡᠨ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠳᠡᠭ ᠶᠤᠮ᠃ | ᠪᠤᠳᠤᠬᠤ ᠳᠤ ᠦᠪᠡᠷ ᠲᠠᠢ ᠨᠢ ᠠᠳᠠᠯᠢᠬᠠᠨ ᠯᠡ ᠰᠠᠨᠠᠬᠳᠠᠬᠰᠠᠨ ᠪᠠᠶᠢᠯᠬᠦᠢ᠃ ︽ᠪᠢ ᠦᠪᠡᠷ ᠢᠶᠠᠨ ᠠᠪᠢᠶᠠᠰ | ᠪᠢᠯᠢᠭ ᠲᠠᠢ ᠦᠴᠦᠬᠡᠨ ᠲᠡᠳᠤᠢ ᠴᠤ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠪᠠᠶᠢᠬᠤ ᠦᠬᠡᠢ᠂ ᠬᠠᠷᠢᠨ ᠠᠷᠳᠠᠭ ᠮᠤᠩᠬᠠᠭ ᠲᠠᠢ ᠠᠬᠠ | ᠲᠡᠬᠦᠦ ᠶᠢᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠲᠦᠷᠦᠵᠡᠢ᠂ ᠬᠡᠬᠦ ᠳᠡᠭᠡᠨ ᠪᠢ ᠪᠤᠰᠤᠳ ᠤᠨ ᠠᠷᠢᠬᠢ ᠤᠤᠭᠤᠬᠤ᠂ ᠲᠠᠮᠠᠬᠢ ᠲᠠᠳᠠᠬᠤ | ᠂ ᠮᠠᠵᠢᠶᠠᠩ ᠨᠠᠭᠠᠳᠬᠤ᠂ ᠵᠤᠭᠠᠴᠠᠵᠤ ᠰᠡᠯᠡᠬᠦᠴᠡᠬᠦ ᠴᠠᠭ ᠢ ᠴᠦᠮ ᠰᠤᠷᠴᠤ ᠰᠤᠳᠤᠯᠬᠤ ᠳᠠᠭᠠᠨ ᠵᠤᠷᠢᠭᠤᠯᠵᠤ | ᠶᠠᠪᠤᠬᠰᠠᠨ ᠶᠤᠮ︾ ᠬᠡᠵᠤ ᠲᠡᠷᠡ ᠦᠪᠡᠷ ᠤᠨ ᠶᠠᠪᠤᠵᠤ ᠢᠷᠡᠭᠰᠡᠨ ᠤᠯᠠ ᠮᠦᠷ ᠢᠶᠠᠨ ᠳ᠋ᠦᠩᠨᠡᠵᠤ ᠶᠠᠷᠢᠨᠡ᠃ | | | ᠮᠤᠩᠭᠤᠯ ᠤᠯᠤᠰ ᠤᠨ ᠰᠤᠶᠤᠯ ᠤᠷᠠᠯᠢᠭ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠤᠯ ᠤᠨ ᠵᠠᠬᠢᠷᠤᠯ | ᠳ᠋᠊ · ᠴᠠᠳᠠᠪ ︵ᠵᠡᠬᠦᠨᠳᠡᠬᠢ︶ ᠲᠠᠢ ᠬᠠᠮᠳᠦ | | | ᠲᠡᠷᠡ ᠢᠩᠬᠢᠵᠤ ᠴᠤᠴᠡᠯᠳᠡ ᠦᠬᠡᠢ ᠴᠢᠷᠮᠠᠶᠢᠯᠭᠠ ᠪᠠᠷ ᠮᠡᠷᠡᠶᠢᠨ ᠠᠵᠢᠯᠯᠠᠬᠰᠠᠨ ᠴᠤ ᠵᠢᠯ ᠳᠤ | ᠬᠤᠶᠠᠷ ᠭᠤᠷᠪᠠᠭ᠋ᠠᠨ ᠯᠡ ᠦᠬᠦᠯᠡᠯ ᠪᠢᠴᠢᠳᠡᠭ ᠬᠡᠵᠤ ᠲᠠᠩᠳᠠ ᠪᠡᠶᠡ ᠪᠠᠨ ᠵᠢᠮᠠᠯᠠᠵᠤ ᠰᠠᠭᠤᠳᠠᠭ᠃ ︽ | ᠰᠤᠷᠭᠠᠭᠤᠯᠢ ᠶᠢᠨ ᠲᠤᠭᠳᠠᠭᠠᠯ ᠢᠶᠠᠷ ᠪᠤᠯ 5000 ᠠᠴᠠ ᠲᠡᠬᠡᠭᠰᠢ ᠦᠰᠦᠭ ᠲᠠᠢ ᠵᠤᠬᠢᠶᠠᠯ ᠢ ᠰᠠᠶ᠋ᠢ ᠨᠢᠬᠡ | ᠦᠬᠦᠯᠡᠯ ᠢᠶᠠᠷ ᠪᠤᠳᠤᠳᠠᠭ᠂ ᠲᠡᠬᠡᠬᠦ ᠳᠤ ᠪᠢ 2 — 3 ᠲᠦᠮᠡᠨ ᠦᠰᠦᠭ ᠲᠠᠢ ᠵᠠᠷᠢᠮ ᠲᠤᠮᠤ ᠦᠬᠦᠯᠡᠯ ᠢᠶᠠᠨ | ᠵᠠᠪᠠᠯ ᠰᠡᠳᠬᠦᠯ ᠤᠨ ᠬᠤᠷᠢᠶᠠᠨ ᠤ ᠨᠠᠶᠢᠷᠠᠭᠤᠯᠤᠬᠴᠢ ᠳᠤ ᠭᠤᠶᠤᠵᠤ ᠪᠠᠶᠢᠭᠠᠳ ᠨᠢᠬᠡ ᠯᠡ ᠦᠬᠦᠯᠡᠯ ᠢᠶᠠᠷ | ᠨᠡᠶᠢᠳᠡᠯᠡᠬᠦᠯᠳᠡᠭ ᠪᠠᠶᠢᠬᠰᠠᠨ᠃ ᠴᠤᠬᠤᠮ ᠮᠤᠩᠬᠠᠭ ᠤᠨ ᠲᠦᠢᠯ ᠪᠠᠶᠢᠬᠰᠠᠨ᠂ ᠬᠡᠷᠪᠡ ᠲᠤᠮᠤ ᠦᠬᠦᠯᠡᠯ ᠢᠶᠠᠨ 4 | — 5 ᠦᠬᠦᠯᠡᠯ ᠪᠤᠯᠭᠠᠨ ᠬᠤᠪᠢᠶᠠᠭᠠᠳ ᠨᠡᠶᠢᠳᠡᠯᠡᠬᠦᠯᠦᠭᠰᠡᠨ ᠪᠤᠯ ᠰᠤᠷᠭᠠᠭᠤᠯᠢ ᠠᠴᠠ ᠶᠡᠬᠡᠬᠡᠨ ᠬᠡᠮᠵᠢᠶᠡᠨ ᠤ | ᠱᠠᠩᠨᠠᠯ ᠤᠨ ᠮᠦᠩᠬᠦ ᠠᠪᠬᠤ ᠦᠬᠡᠢ ᠤᠤ ᠳ᠋ᠠ︾ ᠬᠡᠵᠤ ᠦᠪᠡᠷ ᠢ ᠪᠠᠨ ᠶᠦᠬᠡᠳᠡᠵᠤ ᠶᠠᠷᠢᠬᠤ ᠶᠢᠨ ᠴᠠᠭᠠᠨᠠ ᠡᠷᠳᠡᠮ | ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠳᠤ ᠬᠢᠨᠠᠮᠠᠭᠠᠢ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠠᠨᠳᠤᠳᠠᠭ ᠡᠷᠬᠢᠮ ᠰᠤᠷᠳᠠᠯ ᠨᠢ ᠢᠯᠡᠬᠡᠨ ᠯᠡ | ᠬᠠᠷᠠᠭᠳᠠᠨᠡ᠃ | ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠬᠡᠵᠤ ᠬᠠᠳᠠᠭᠤ ᠠᠵᠢᠯ᠃ ᠬᠢᠨᠠᠮᠠᠭᠠᠢ ᠴᠤ ᠠᠵᠢᠯ᠃ | ᠬᠠᠷᠢᠭᠤᠴᠠᠯᠭᠠ ᠪᠤᠯ ᠲᠠᠷᠬᠠᠨ ᠪᠠᠶᠢᠯᠡ ᠯᠡ ᠬᠡᠰᠡᠨ ᠤᠴᠢᠷᠳᠡᠢ᠃ ᠬᠡᠳᠡᠯᠡ ᠡᠬᠦᠨ ᠤ ᠲᠤᠮᠳᠠ ᠠᠰᠢᠭ ᠬᠤᠤᠷ ᠤᠨ | ᠡᠮᠤᠨᠡ ᠠᠴᠠ ᠠᠵᠢᠯᠯᠠᠳᠠᠭ ︽ᠡᠷᠳᠡᠮᠳᠡᠳ︾ ᠮᠤᠩ ᠦᠬᠡᠢ᠃ ᠴ᠊ · ᠬᠡᠰᠢᠭᠳᠦᠬᠳᠠᠬᠤ ᠪᠤᠯ ᠡᠨᠡ ᠪᠦᠬᠦᠨ ᠢ ᠡᠰᠡᠷᠬᠦ | ᠲᠤᠯᠵᠤ ᠬᠤᠶᠡᠷ ᠦᠬᠡᠢ ᠰᠡᠳᠬᠢᠯ ᠢᠶᠠᠷ ᠦᠪᠡᠷ ᠤᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠳᠠᠭᠠᠨ ᠬᠠᠨᠳᠤᠵᠤ ᠢᠷᠡᠭᠰᠡᠨ | ᠲᠡᠷᠡ ︽ᠪᠢᠴᠢᠭ ᠤᠨ ᠬᠦᠮᠦᠨ︾ ᠤ ᠨᠢᠬᠡᠨ ᠪᠠᠶᠢᠬᠰᠠᠨ ᠰᠠᠨᠵᠡᠢ᠃ ᠲᠡᠷᠡ ᠪᠠᠷ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠢᠶᠠᠨ | ᠴᠢᠨᠡᠷᠯᠢᠭ᠋ ᠪᠤᠯᠭᠠᠬᠤ ᠶᠢᠨ ᠲᠦᠯᠦᠬᠡ ᠦᠬᠦᠯᠡᠯ ᠨᠢᠬᠡᠪᠤᠷᠢ ᠶᠢ ᠪᠢᠴᠢᠬᠦ ᠳᠡᠭᠡᠨ ᠤᠳᠠᠭᠠᠨ ᠡᠳᠤᠷ ᠤᠨ ᠴᠠᠭ | ᠵᠠᠷᠤᠴᠠᠭᠤᠯᠤᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠤᠳᠤᠯᠤᠨ ᠪᠤᠯᠪᠠᠰᠤᠷᠠᠭᠤᠯᠳᠠᠭ ᠪᠦᠬᠡᠳ ᠨᠡᠶᠢᠳᠡᠯᠡᠬᠦᠯᠬᠦ ᠦᠶᠡ ᠳᠡᠭᠡᠨ ᠲᠠᠬᠢᠨ | ᠲᠠᠪᠳᠠᠨ ᠨᠠᠷᠢᠪᠴᠢᠯᠡᠨ ᠤᠩᠰᠢᠵᠤ ᠵᠠᠰᠠᠳᠠᠭ᠃ ︽ᠵᠠᠷᠢᠮ ᠨᠢᠬᠡ ᠦᠬᠦᠯᠡᠯ ᠢ ᠪᠢᠴᠢᠬᠦ ᠳᠤ ᠬᠠᠭᠠᠰ ᠵᠢᠯ᠂ | ᠴᠢᠨᠠᠬᠰᠢᠯᠠᠪᠠᠯ ᠨᠢᠬᠡ ᠵᠢᠯ ᠤᠨ ᠴᠠᠭ ᠴᠢᠳᠠᠯ ᠢᠶᠠᠨ ᠪᠦᠷᠢᠮᠤᠰᠤᠨ ᠵᠠᠷᠤᠴᠠᠭᠤᠯᠵᠤ ᠦᠩᠬᠡᠷᠡᠭᠰᠡᠨ ᠤᠳᠠᠭᠠ ᠴᠤ | ᠴᠦᠬᠡᠨ ᠪᠢᠰᠢ᠂ ᠮᠢᠨᠤ ᠴᠡᠬᠡᠵᠢᠯᠡᠵᠤ ᠪᠠᠶᠢᠬᠤ ᠪᠠᠷ ︿ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠢᠨᠡ | ᠰᠤᠳᠤᠯᠤᠯ﹀ ᠨᠤᠮ ᠤᠨ ᠢᠶᠠᠨ ᠡᠮᠤᠨᠡᠬᠢ ᠦᠬᠡ ᠶᠢ ᠪᠢᠴᠢᠬᠦ ᠪᠠᠷ ᠶᠠᠳᠠᠮᠠᠭ ᠤᠢ ᠵᠦᠳᠡᠮᠡᠭ ᠪᠢᠯᠢᠭ ᠢᠶᠠᠨ ᠮᠤᠬᠤᠳᠠᠯᠡ | ᠰᠢᠪᠬᠠᠨ ᠨᠤᠴᠤᠯᠳᠤᠬᠰᠠᠨ ᠢᠶᠠᠨ ᠰᠠᠨᠠᠵᠤ ᠪᠠᠶᠢᠨᠡ᠂ 2013 ᠤᠨ ᠳᠤ ︿ᠬᠡᠰᠢᠭᠳᠦᠬᠳᠠᠬᠤ ᠶᠢᠨ ᠦᠬᠦᠯᠡᠯ ᠤᠨ | ᠰᠤᠩᠭᠤᠳᠠᠭ﹀ ᠨᠤᠮ ᠳᠤ ᠰᠤᠩᠭᠤᠨ ᠠᠪᠤᠬᠰᠠᠨ ᠦᠬᠦᠯᠡᠯ ᠤᠳ ᠢᠶᠠᠨ ᠲᠠᠬᠢᠨ ᠬᠠᠮᠤᠭ ᠰᠡᠬᠦᠯᠴᠢ ᠶᠢᠨ ᠤᠳᠠᠭᠠ ᠪᠠᠨ | ᠨᠠᠷᠢᠪᠴᠢᠯᠠᠨ ᠤᠩᠰᠢᠵᠤ᠂ ᠰᠢᠨᠡ ᠤᠯᠳᠠᠬᠰᠠᠨ ᠪᠠᠷᠢᠮᠳᠡ ᠮᠠᠲ᠋ᠧᠷᠢᠶᠠᠯ ᠤᠳ ᠢ ᠨᠠᠮᠠᠨ ᠪᠠᠶᠠᠯᠢᠬᠵᠢᠭᠤᠯᠵᠤ᠂ ᠡᠬᠡᠬᠡ ᠯᠡ | ᠡᠩᠬᠦᠷᠡᠶᠢᠯᠡᠨ ᠦᠰᠬᠡᠭᠰᠡᠨ ᠦᠬᠢᠨ ᠦᠷᠡ ᠪᠠᠨ ᠬᠠᠷᠢ ᠳᠤ ᠮᠤᠷᠳᠠᠭᠤᠯᠵᠤ ᠪᠠᠶᠢᠭᠠ ᠰᠢᠭ᠋ ᠦᠰᠦ ᠬᠡᠵᠢᠬᠡ ᠡᠮᠤᠰᠬᠡᠯ | ᠵᠡᠬᠦᠳᠡᠯ ᠢ ᠨᠢ ᠵᠠᠰᠠᠵᠤ ᠭᠤᠶᠤᠯᠠᠵᠤ᠂ ᠢᠨᠵᠢ ᠮᠠᠯ ᠢ ᠨᠢ ᠡᠯᠪᠡᠭ ᠲᠠᠩᠰᠤᠭ ᠪᠤᠯᠭᠠᠨ ᠮᠤᠷᠳᠠᠭᠤᠯᠤᠬᠰᠠᠨ ᠳ᠋ᠠ︾ ᠬᠡᠵᠤ | ᠲᠡᠷᠡ ᠪᠠᠷ ᠶᠠᠷᠢᠨᠡ᠃ | | | ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ | | | ᠲᠡᠭᠦᠨ ᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠤᠨ ᠤᠨᠤᠯ ᠤᠨ ᠲᠤᠬᠠᠢ ᠦᠭᠦᠯᠠᠯ ᠤᠳ ᠲᠤ᠂ ᠮᠤᠩᠭᠤᠯ | ᠰᠢᠯᠦᠭ ᠤᠨ ᠬᠤᠯᠪᠤᠯᠳᠠ ᠪᠤᠯᠤᠨ ᠠᠯᠳᠠᠢ ᠢᠵᠠᠭᠤᠷ ᠬᠡᠯᠡᠨ ᠤ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠤᠨ ᠰᠢᠯᠦᠭ ᠤᠨ | ᠬᠤᠯᠪᠤᠯᠳᠠ ᠶᠢ ᠬᠠᠷᠢᠴᠠᠭᠤᠯᠤᠨ ᠰᠤᠳᠤᠯᠤᠭᠠᠳ᠂ ᠤᠳᠤ ᠦᠶᠠ ᠶᠢᠨ ᠠᠯᠳᠠᠢ ᠢᠵᠠᠭᠤᠷ ᠬᠡᠯᠡᠨ ᠤ | ᠦᠨᠳᠦᠰᠦᠳᠡᠨ ᠨᠦᠭᠦᠳ ᠤᠨ ᠰᠢᠯᠦᠭ ᠤᠨ ᠬᠤᠯᠪᠤᠯᠳᠠ ᠦᠨᠳᠦᠰᠦᠨ ᠳᠡᠭᠡᠨ ᠭᠤᠷᠪᠠᠨ ᠲᠦᠷᠦᠯ ᠳᠤ ᠬᠤᠪᠢᠶᠠᠬᠳᠠᠨᠠ | ᠭᠡᠵᠦ ᠵᠢᠭᠠᠨ ᠭᠠᠷᠭᠠᠵᠠᠢ᠃ ᠨᠢᠭᠡ ᠨᠢ᠂ ᠮᠤᠩᠭᠤᠯ᠂ ᠲᠠᠭᠤᠷ ᠵᠡᠷᠭᠡ ᠨᠠᠢᠮᠠ ᠶᠢᠰᠦᠨ ᠬᠡᠯᠡᠨ ᠤ ᠰᠢᠯᠦᠭ ᠤᠨ | ᠬᠤᠯᠪᠤᠯᠳᠠ ᠨᠢ ᠮᠤᠩᠭᠤᠯ ᠰᠢᠯᠦᠭ ᠤᠨ ᠬᠤᠯᠪᠤᠯᠳᠠ ᠯᠤᠭᠠ ᠡᠭᠡᠭᠡ ᠠᠳᠠᠯᠢ ᠪᠠᠷ ᠲᠤᠯᠤᠭᠠᠢ ᠬᠤᠯᠪᠤᠯᠳᠠ ᠪᠠ ᠰᠡᠭᠦᠯ | ᠬᠤᠯᠪᠤᠯᠳᠠ ᠪᠠᠨ ᠬᠠᠳᠠᠭᠠᠯᠠᠬᠰᠠᠭᠠᠷ ᠪᠠᠶᠢᠨᠠ᠃ ᠬᠤᠶᠠᠷ ᠨᠢ᠂ ᠮᠠᠨᠵᠦ᠂ ᠬᠠᠰᠠᠭ᠂ ᠴᠠᠭᠠᠨ ᠮᠤᠩᠭᠤᠯ ᠤᠨ | ᠰᠢᠯᠦᠭ ᠤᠨ ᠬᠤᠯᠪᠤᠯᠳᠠ ᠨᠢ ᠰᠡᠭᠦᠯ ᠬᠤᠯᠪᠤᠯᠳᠠ ᠭᠤᠤᠯᠯᠠᠭᠠᠳ ᠲᠤᠯᠤᠭᠠᠢ ᠬᠤᠯᠪᠤᠯᠳᠠ ᠲᠡᠳ᠋ᠯᠡᠬᠦ ᠪᠠᠶᠢᠷᠢᠨ ᠳᠤ | ᠤᠷᠤᠬᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠤᠯᠵᠠᠢ᠃ ᠭᠡᠭᠦ ᠳᠡᠭᠡᠨ ᠡᠷᠳᠡ ᠲᠡᠭᠡᠷᠡ ᠦᠶᠠ ᠳᠤ ᠪᠤᠯ ᠮᠦᠨ ᠬᠦ ᠲᠤᠯᠤᠭᠠᠢ | ᠬᠤᠯᠪᠤᠯᠳᠠ ᠶᠢ ᠢᠳᠡᠪᠭᠢᠳᠠᠢ ᠬᠡᠷᠡᠭᠯᠡᠵᠦ ᠪᠠᠶᠢᠵᠠᠢ᠃ ᠭᠤᠷᠪᠠ ᠨᠢ᠂ ᠤᠢᠢᠭᠤᠷ ᠰᠢᠯᠦᠭ 11 ᠳ᠋ᠤᠭᠡᠷ ᠵᠠᠭᠤᠨ ᠠᠴᠠ | ᠡᠮᠦᠨᠠ ᠲᠤᠯᠤᠭᠠᠢ ᠬᠤᠯᠪᠤᠬᠤ᠂ ᠰᠡᠭᠦᠯ ᠬᠤᠯᠪᠤᠬᠤ ᠲᠠᠯᠠ ᠪᠠᠷ ᠮᠤᠩᠭᠤᠯ ᠰᠢᠯᠦᠭ ᠲᠠᠢ ᠡᠭᠡᠭᠡ ᠠᠳᠠᠯᠢᠬᠠᠨ | ᠪᠠᠶᠢᠬᠰᠠᠨ ᠢᠶᠠᠨ 11 ᠳ᠋ᠤᠭᠡᠷ ᠵᠠᠭᠤᠨ ᠠᠴᠠ ᠬᠤᠶᠢᠰᠢ ᠠᠷᠠᠪ᠂ ᠫᠧᠷᠰ ᠤᠨ ᠰᠢᠯᠦᠭ ᠤᠨ ᠨᠦᠯᠦᠭᠡ ᠶᠢ | ᠬᠦᠷᠲᠡᠭᠰᠡᠨ ᠢᠶᠠᠷ ᠤᠷᠳᠤ ᠪᠤᠭᠤᠨᠢ ᠦᠶᠠ ᠶᠢᠨ ᠨᠡᠶᠢᠯᠡᠯᠳᠡ ᠪᠠ ᠬᠤᠪᠢᠷᠠᠯᠳᠠ ᠪᠠᠷ ᠰᠠᠭᠤᠷᠢ ᠪᠤᠯᠭᠠᠬᠰᠠᠨ ᠰᠢᠯᠦᠭ ᠤᠨ | ᠬᠤᠯᠪᠤᠯᠳᠠ ᠲᠠᠢ ᠪᠤᠯᠵᠠᠢ ᠭᠡᠵᠦ ᠦᠵᠡᠵᠠᠢ᠃ ᠡᠨᠡ ᠬᠦ ᠦᠵᠡᠯᠳᠡ ᠨᠢ ᠮᠤᠩᠭᠤᠯ ᠰᠢᠯᠦᠭ ᠤᠨ ᠬᠤᠯᠪᠤᠯᠳᠠ ᠶᠢᠨ | ᠰᠤᠳᠤᠯᠤᠯ ᠲᠡᠷᠡᠴᠢᠯᠡᠨ ᠠᠯᠳᠠᠢ ᠰᠤᠳᠤᠯᠤᠯ ᠤᠨ ᠲᠠᠯᠠ ᠳᠤ ᠴᠦᠮ ᠴᠢᠬᠤᠯᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠤᠨᠤᠯ ᠤᠨ | ᠠᠴᠢ ᠬᠤᠯᠪᠤᠬᠳᠠᠯ ᠲᠠᠢ ᠶᠤᠮ᠃ | | | ᠲᠡᠷᠡ ᠪᠠᠷ ︽ᠠᠯᠳᠠᠷ ᠮᠠᠨᠳᠤᠬᠰᠠᠨ︾ ᠡᠷᠳᠡᠮᠳᠡᠨ ᠪᠢᠰᠢ ᠴᠤ ᠦᠯᠡᠮᠵᠢ ᠭᠠᠪᠢᠶᠡ ᠲᠠᠢ | ᠬᠦᠮᠦᠨ | 50 ᠭᠠᠷᠣᠢ ᠵᠢᠯ ᠤᠨ ᠳᠤᠷᠰᠢ ᠮᠣᠩᠭᠤᠯ ᠰᠣᠳᠣᠯᠭᠠᠨ ᠤ ᠦᠢᠯᠡᠰ ᠲᠤ ᠤᠬᠠᠭᠠᠨ ᠴᠢᠳᠠᠯ | ᠣᠶᠣᠨ ᠲᠠᠮᠢᠷ ᠢᠶᠠᠨ ᠰᠢᠪᠬᠠᠨ ᠵᠢᠳᠭᠦᠨ ᠴᠢᠷᠮᠠᠶᠢᠬᠰᠠᠭᠠᠷ ᠢᠷᠡᠭᠰᠡᠨ ᠲᠡᠬᠦᠨ ᠤ ᠠᠶᠠᠨ ᠤ ᠮᠦᠷ ᠠᠴᠠ ᠨᠢ | ᠠᠮᠵᠢᠯᠳᠠ ᠶᠢᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠭᠡᠷ ᠁ | ︽ᠬᠡᠰᠢᠭᠳᠦᠬᠳᠠᠬᠤ ᠮᠢᠨᠤ ᠪᠠᠶᠡ ᠶᠢᠨ ᠦᠬᠦᠵᠤ ᠲᠦᠷᠦᠬᠦ ᠶᠡᠷᠤ ᠠᠴᠠ ᠪᠠᠨ ᠬᠡᠨ ᠳᠤ ᠴᠤ | ᠰᠠᠪᠠᠭᠠ ᠦᠬᠡᠢ᠂ ᠬᠠᠷᠢᠨ ᠤᠳᠤᠬᠠᠨ ᠤ ᠮᠤᠩᠭᠤᠯ ᠰᠤᠳᠤᠯᠤᠯ ᠶᠠᠮᠠᠷ ᠪᠤᠯᠵᠤ ᠪᠠᠶᠢᠨᠡ ᠬᠡᠳᠡᠭ ᠯᠡ ᠴᠢᠬᠤᠯᠡ᠂ | ᠶᠠᠭᠤᠨ ᠢ ᠨᠢ ᠶᠠᠷᠢᠮᠠᠷ ᠪᠠᠶᠢᠨᠡ︾ ᠬᠡᠵᠤ ᠲᠡᠬᠦᠨ ᠤ ᠬᠤᠪᠢ ᠪᠡᠶᠡ ᠶᠢᠨ ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠭᠠ ᠠᠪᠬᠤ ᠭᠡᠬᠦ ᠳᠤ | ᠰᠤᠷᠪᠤᠯᠵᠢᠯᠠᠬᠴᠢ ᠳᠤ ᠶᠠᠷᠢᠵᠤ ᠪᠠᠶᠢᠬᠰᠠᠨ ᠦᠬᠡ ᠯᠡ ᠨᠠᠳᠠ ᠳᠤ ᠲᠡᠬᠦᠨ ᠤ ᠬᠦᠮᠦᠨ ᠮᠦᠰᠦ ᠶᠢ ᠨᠢ ᠱᠤᠭᠤᠵᠤ | ᠰᠦᠨᠳᠡᠷᠯᠡᠵᠤ ᠪᠠᠶᠢᠬᠤ ᠶᠤᠮ ᠰᠢᠬ ᠰᠠᠨᠠᠬᠳᠠᠭᠤᠯᠤᠬᠰᠠᠨ ᠪᠢᠯᠡ᠃ ᠲᠡᠷᠡ ᠡᠶᠢᠮᠤ ᠯᠡ ᠲᠠᠷᠤᠤᠬᠠᠨ ᠬᠦᠮᠦᠨ ᠪᠠᠶᠢᠬᠰᠠᠨ | ᠃ ᠦᠪᠡᠷ ᠢ ᠪᠠᠨ ᠤᠬᠠᠭᠤᠯᠵᠤ ᠰᠤᠷᠳᠠᠯᠴᠢᠯᠠᠬᠤ ᠶᠢ ᠮᠡᠳᠡᠬᠦ ᠦᠬᠡᠢ᠂ ᠬᠢᠭᠰᠡᠨ ᠵᠦᠢᠯ ᠳᠡᠭᠡᠨ ᠰᠡᠳᠬᠢᠯ ᠬᠠᠨᠤᠵᠤ | ᠮᠠᠬᠳᠠᠵᠤ ᠭᠠᠶᠢᠬᠠᠭᠤᠯᠬᠤ ᠶᠢ ᠮᠡᠳᠡᠬᠦ ᠦᠬᠡᠢ ᠡᠬᠡᠯ ᠶᠡᠷᠤᠮᠳᠡᠭ ᠬᠦᠮᠦᠨ ᠯᠡ ᠪᠠᠶᠢᠪᠡ᠃ ᠬᠡᠳᠡᠯᠡ ᠲᠡᠬᠦᠨ ᠤ | ᠪᠦᠳᠦᠬᠡᠵᠤ ᠬᠢᠭᠰᠡᠨ ᠵᠦᠢᠯ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠬᠡᠢ ᠠᠯᠳᠠᠷ ᠨᠡᠷᠡ ᠶᠢ ᠨᠢ ᠦᠨᠳᠤᠷ ᠠᠴᠠ ᠦᠨᠳᠦᠷ ᠡᠷᠬᠦᠵᠤ | ᠂ ᠦᠪᠡᠷ ᠢᠶᠠᠨ ᠦᠪᠡᠷ ᠤᠨ ᠢᠷᠠᠭᠤ ᠠᠯᠳᠠᠷ ᠢᠶᠠᠨ ᠲᠤᠷᠠᠰᠴᠤ ᠶᠠᠷᠢᠬᠤ ᠦᠬᠡᠢ ᠴᠤ ᠬᠡᠰᠡᠨ ᠦᠷᠦᠬᠡᠯ ᠤᠨ | ᠠᠮᠠᠨ ᠠᠴᠠ ᠠᠮᠠ ᠲᠠᠮᠵᠢᠨ ᠶᠠᠷᠢᠬᠳᠠᠳᠠᠭ ᠪᠤᠯᠤᠬᠰᠠᠨ ᠨᠢ ᠭᠠᠶᠢᠬᠠᠯᠳᠡᠢ᠃ ᠬᠦᠮᠦᠨ ᠮᠦᠰᠦ ᠬᠡᠵᠤ ᠡᠬᠦᠨ ᠢ ᠯᠡ | ᠬᠡᠯᠡᠳᠡᠭ ᠪᠤᠯ ᠤᠤ᠃ ︽ᠬᠦᠮᠦᠨ ᠦᠪᠡᠷ ᠢ ᠪᠠᠨ ᠡᠷᠬᠦᠬᠦ ᠪᠠᠷ ᠬᠦᠵᠦᠬᠦᠦ ᠪᠠᠨ ᠯᠡ ᠡᠷᠬᠦᠨᠡ᠂ ᠬᠦᠮᠦᠨ ᠬᠦᠮᠦᠨ ᠢ | ᠡᠷᠬᠦᠬᠦ ᠪᠠᠷ ᠬᠦᠯ ᠲᠠᠢ ᠭᠠᠷ ᠲᠠᠢ ᠨᠢ ᠡᠷᠬᠦᠨᠡ︾ ᠬᠡᠳᠡᠭ ᠨᠢ ᠡᠨᠡ ᠴᠤ ᠪᠢᠯᠡ ᠤᠤ᠃ | | | | | ᠰᠡᠬᠦᠯ ᠤᠨ ᠵᠢᠯ ᠤᠳ ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ︽ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠣᠳᠬᠠ | ᠵᠣᠬᠢᠶᠠᠯ ᠤᠨ ᠰᠣᠳᠣᠯᠣᠯ︾᠂ ︽ᠮᠣᠩᠭᠤᠯ ᠤᠨ ᠡᠷᠲᠡᠨ ᠤ ᠣᠳᠬᠠ ᠵᠣᠬᠢᠶᠠᠯ ᠤᠨ ᠰᠢᠨᠡ ᠰᠣᠳᠣᠯᠣᠯ︾᠂ ︽ | ᠮᠣᠩᠭᠤᠯ ᠰᠣᠷᠪᠣᠯᠵᠢ ᠪᠢᠴᠢᠭ ᠤᠨ ᠰᠣᠳᠣᠯᠣᠯ︾᠂ ︽ᠮᠣᠩᠭᠤᠯ ᠬᠡᠯᠡᠨ ᠤ ᠰᠢᠯᠦᠭ ᠲᠠᠭᠤᠤ ᠶᠢᠨ ᠵᠡᠬᠦᠯᠲᠡ︾ | ᠪᠣᠯᠣᠨ ︽ᠮᠣᠩᠭᠤᠯ ᠰᠣᠳᠣᠯᠣᠯ ᠤᠨ ᠮᠣᠩᠭᠤᠯ ᠬᠢᠲᠠᠳ ᠬᠡᠯᠡ ᠶᠢᠨ ᠵᠣᠬᠢᠶᠠᠯ ᠤᠨ ᠡᠮᠬᠢᠳᠬᠡᠯ︾ ᠵᠡᠷᠭᠡ ᠣᠯᠠᠨ | ᠠᠷᠪᠢᠨ ᠨᠣᠮ ᠲᠣᠭᠤᠷᠪᠢᠭᠰᠠᠨ ᠪᠠᠶᠢᠨᠠ᠃ ᠡᠬᠦᠨ ᠳᠤ᠄ ︽ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠣᠳᠬᠠ ᠵᠣᠬᠢᠶᠠᠯ ᠤᠨ | ᠰᠣᠳᠣᠯᠣᠯ︾ ᠭᠡᠬᠦ ᠨᠣᠮ ᠨᠢ 1992 ᠣᠨ ᠤ ᠪᠡᠬᠡᠵᠢᠩ ᠬᠤᠳᠠ ᠶᠢᠨ ᠬᠦᠨ ᠤᠬᠠᠭᠠᠨ ᠨᠡᠶᠢᠬᠡᠮ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠰᠢᠯᠢᠳᠡᠭ ᠪᠦᠲᠦᠬᠡᠯ ᠤᠨ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠲᠣᠮᠦ ᠱᠠᠩᠨᠠᠯ ᠢ ᠭᠠᠷᠳᠠᠭᠰᠠᠨ ᠶᠤᠮ᠃ ᠮᠥᠨ | 2008 ᠣᠨ ᠳᠤ ᠮᠣᠩᠭᠤᠯ ᠤᠯᠤᠰ ᠲᠤ ᠺᠢᠷᠢᠯ ᠢᠶᠠᠷ ᠬᠡᠪᠯᠡᠭᠳᠡᠵᠦ᠂ ᠮᠣᠩᠭᠤᠯ ᠣᠯᠣᠰ ᠤᠨ ᠡᠷᠳᠡᠮᠳᠡᠳ ᠤᠨ | ᠰᠢᠷᠡᠬᠡᠨ ᠤ ᠨᠣᠮ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ | ︽ᠶᠤᠸᠠᠨ ᠤᠯᠤᠰ ᠤᠨ ᠴᠦᠢᠵᠢᠡᠤᠳᠰᠠᠷ ᠤᠨ ᠨᠠᠮᠳᠠᠷ ᠲᠡᠤᠬᠡ ᠶᠢᠨ ᠲᠤᠬᠠᠢ ᠲᠠᠬᠢᠨ | ᠦᠬᠦᠯᠡᠬᠦ ᠨᠢ︾ ᠬᠡᠬᠦ ᠦᠬᠦᠯᠡᠯ ᠨᠢ 2002 ᠤᠨ ᠳᠤ ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ ᠤᠨ | ᠨᠡᠶᠢᠬᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠰᠢᠯᠢᠳᠡᠭ ᠪᠦᠳᠦᠬᠡᠯ ᠤᠨ ᠭᠤᠷᠪᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠳᠡᠵᠡᠢ᠃ ︽ | ᠮᠣᠩᠭᠤᠯ ᠬᠡᠯᠡᠨ ᠤ ᠰᠢᠯᠦᠭ ᠤᠨ ᠲᠡᠬᠦᠪᠦᠷᠢ︾ ᠭᠡᠬᠦ ᠨᠣᠮ ᠨᠢ ᠮᠤᠩᠭᠤᠯ ᠰᠢᠯᠦᠭ ᠤᠨ ᠠᠩᠬᠠᠨ ᠤ ᠲᠠᠶᠢᠯᠪᠦᠷᠢᠳᠤ | ᠲᠡᠬᠦᠪᠦᠷᠢ ᠪᠣᠯᠵᠦ᠂ ᠤᠳᠤ ᠴᠦ ᠭᠡᠰᠡᠨ ᠭᠠᠳᠠᠭᠠᠳᠤ ᠳᠤᠳᠤᠭᠠᠳᠤ ᠶᠢᠨ ᠡᠷᠳᠡᠮᠳᠡᠨ ᠣᠩᠰᠢᠭᠴᠢᠳ ᠲᠤ ᠦᠨᠳᠦᠷ | ᠦᠨᠡᠯᠡᠭᠳᠡᠭᠰᠡᠬᠡᠷ ᠢᠷᠡᠵᠡᠢ᠃ ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠶᠢᠨ ᠰᠣᠳᠣᠯᠣᠭᠰᠠᠨ ᠰᠢᠯᠦᠭ ᠲᠠᠭᠤᠤ ᠶᠢᠨ ᠣᠨᠣᠯ ᠤᠨ | ᠲᠠᠯᠠ ᠶᠢᠨ ᠴᠣᠪᠣᠷᠠᠯ ᠦᠬᠦᠯᠡᠯᠭᠡ ᠨᠢ ᠮᠣᠩᠭᠤᠯ ᠰᠢᠯᠦᠭ ᠳᠠᠭᠤᠣ ᠪᠣᠯᠣᠨ ᠠᠯᠲᠠᠢ ᠢᠵᠠᠭᠤᠷ ᠬᠡᠯᠡᠨ ᠤ ᠣᠯᠠᠨ | ᠬᠡᠯᠡᠨ ᠤ ᠰᠢᠯᠦᠭ ᠲᠠᠭᠤᠤ ᠶᠢᠨ ᠠᠩᠬᠢᠯᠠᠯ ᠳᠦᠷᠢᠮ ᠢ ᠭᠤᠷᠪᠠᠨ ᠲᠥᠷᠥᠯ ᠳᠤ ᠬᠤᠪᠢᠶᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ | ᠮᠣᠩᠭᠤᠯ ᠰᠢᠯᠦᠭ ᠲᠠᠭᠤᠤ ᠶᠢᠨ ᠠᠩᠬᠢᠯᠠᠯ ᠳᠦᠷᠢᠮ ᠤᠨ ᠰᠣᠳᠣᠯᠣᠯ ᠪᠣᠯᠣᠨ ᠠᠯᠲᠠᠢ ᠰᠣᠳᠣᠯᠣᠯ ᠳᠤ ᠴᠢᠬᠤᠯᠠ | ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠴᠢ ᠬᠤᠯᠪᠣᠭᠳᠠᠯ ᠦᠵᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | 2013 ᠣᠨ ᠤ 11 ᠰᠠᠷᠠ ᠳᠤ ᠡᠷᠳᠡᠮᠳᠡᠨ ᠪᠠᠭᠰᠢ ᠶᠢᠨ ᠮᠢᠨᠢ ᠦᠬᠦᠯᠡᠯᠬᠡ ᠶᠢᠨ | ᠰᠤᠩᠭᠤᠳᠠᠭ ᠲᠡᠭᠦᠪᠦᠷᠢ ᠬᠡᠪᠯᠡᠭᠳᠡᠭᠰᠠᠨ ᠶᠤᠮ᠃ ᠲᠡᠷᠡ ᠲᠤᠮᠳᠠᠳᠤ ᠮᠣᠩᠭᠤᠯ ᠬᠤᠶᠠᠷ ᠣᠯᠣᠰ ᠤᠨ ᠣᠯᠠᠨ ᠨᠡᠷᠡᠳᠦ | ᠳ᠋ᠣᠺᠲ᠋ᠣᠷ᠂ ᠫᠷᠤᠹᠧᠰᠰᠤᠷ᠂ ᠮᠣᠩᠭᠤᠯ ᠰᠣᠳᠣᠯᠭᠠᠨ ᠤ ᠡᠷᠳᠡᠮᠳᠡᠨ ᠪᠠᠭᠰᠢ ᠨᠠᠷ ᠤᠨ ᠣᠷᠣᠯᠴᠠᠭᠰᠠᠨ ︽ᠴ᠊ · | ᠬᠡᠰᠢᠭᠳᠦᠭ᠌ᠳᠠᠬᠤ ᠶᠢᠨ ᠦᠬᠦᠯᠡᠯᠭᠡ ᠶᠢᠨ ᠰᠣᠩᠭᠤᠳᠠᠭ ᠲᠡᠭᠦᠪᠦᠷᠢ︾ ︵ᠭᠤᠷᠪᠠᠨ ᠪᠤᠳᠢ︶ ᠬᠡᠪᠯᠡᠭᠳᠡᠭᠰᠡᠨ ᠢ ᠲᠡᠮᠳᠡᠭᠯᠡᠬᠦ | ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠬᠢᠵᠠᠢ᠃ ᠤᠯᠠᠨ ᠡᠷᠳᠡᠮᠳᠡᠳ ᠠᠴᠠ ᠫᠷᠥᠹᠧᠰᠰᠤᠷ ᠪᠠᠭᠰᠢ ᠶᠢᠨ ᠮᠢᠨᠢ ᠰᠣᠷᠪᠣᠯᠵᠢ | ᠪᠢᠴᠢᠭ ᠤᠨ ᠰᠣᠳᠣᠯᠭᠠᠨ ᠤ ᠰᠢᠨᠡ ᠰᠠᠨᠠᠭᠠ᠂ ᠦᠨᠡ ᠴᠠᠨᠠ ᠶᠢ ᠤᠯᠠᠮ ᠳᠣᠳᠤᠷᠠᠭᠤᠯᠵᠣ ᠥᠭᠭᠦᠭᠰᠡᠨ ᠪᠠ | ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠶᠢᠨ ᠰᠣᠶᠣᠯ ᠤᠨ ᠥᠪ ᠲᠤ ᠬᠠᠨᠳᠤᠭᠰᠠᠨ ᠬᠠᠨᠳᠤᠯᠭᠠ᠂ ᠮᠣᠩᠭᠤᠯ ᠤᠨ ᠰᠣᠷᠪᠣᠯᠵᠢ | ᠪᠢᠴᠢᠭ ᠤᠨ ᠰᠣᠳᠣᠯᠭᠠᠨ ᠳᠤ ᠣᠷᠣᠭᠤᠯᠣᠭᠰᠠᠨ ᠨᠥᠷᠢ ᠶᠡᠭᠡ ᠬᠦᠳᠡᠯᠮᠦᠷᠢ ᠶᠢ ᠪᠦᠷᠢᠨ ᠦᠨᠡᠯᠡᠭᠰᠡᠨ ᠪᠠᠶᠢᠨᠠ᠃ | | | | | ᠮᠥᠨ ᠡᠨᠡᠬᠦ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠤᠷᠠᠯ ᠤᠨ ᠦᠶᠡ ᠪᠠᠷ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ | ᠤᠳᠠᠭᠠ ᠣᠯᠭᠤᠳᠠᠭ ᠴ᠊ · ᠳᠠᠮᠳᠢᠨᠰᠦ᠋ᠷᠦᠩ ᠤᠨ ᠨᠡᠷᠡᠮᠵᠢᠳᠦ ᠱᠠᠩᠨᠠᠯ ᠢ ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠫᠷᠥᠹᠧᠰᠰᠤᠷ ᠲᠤ | ᠣᠯᠭᠤᠭᠰᠠᠨ ᠢ ᠮᠣᠩᠭᠤᠯ ᠣᠯᠣᠰ ᠤᠨ CGZ ᠳ᠋ᠣᠺᠲ᠋ᠤᠷ᠂ ᠫᠷᠥᠹᠧᠰᠰᠤᠷ ᠳ᠋᠊ · ᠴᠡᠳᠡᠪ ᠣᠯᠠᠨ ᠨᠡᠶᠢᠳᠡ ᠳᠤ | ᠳᠤᠭᠤᠯᠭᠠᠵᠦ᠂ 2014 ᠣᠨ ᠤ 1 ᠳ᠋ᠤᠬᠡᠷ ᠰᠠᠷᠠ ᠶᠢᠨ 21 ᠤ ᠡᠳᠥᠷ ᠮᠣᠩᠭᠤᠯ ᠣᠯᠣᠰ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠠᠺᠡᠳᠧᠮᠢ ᠶᠢᠨ ᠶᠡᠷᠥᠩᠬᠡᠶᠢᠯᠡᠭᠴᠢ ᠠᠺᠡᠳᠧᠮᠢᠴᠢ ᠪ᠊ · ᠡᠩᠬᠡᠳᠦᠪᠰᠢᠨ ᠠᠴᠠ ᠫᠷᠥᠹᠧᠰᠰᠤᠷ ᠴ᠊ · | ᠬᠡᠰᠢᠭᠳᠦᠭ᠌ᠳᠠᠬᠤ ᠳᠤ ᠠᠷᠠᠳ ᠤᠨ ᠤᠷᠠᠨ ᠵᠣᠬᠢᠶᠠᠯᠴᠢ᠂ ᠠᠺᠡᠳᠧᠮᠢᠴᠢ ︽ᠴ᠊ · ᠳᠠᠮᠳᠢᠨᠰᠦ᠋ᠷᠦᠩ︾ ᠨᠡᠷᠡᠮᠵᠢᠳᠦ | ᠱᠠᠩᠨᠠᠯ ᠭᠠᠷᠳᠠᠭᠤᠯᠵᠠᠢ᠃ ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠴ᠊ · ᠳᠠᠮᠳᠢᠨᠰᠦ᠋ᠷᠦᠩ ᠤᠨ ᠨᠡᠷᠡᠮᠵᠢᠳᠦ ᠱᠠᠩᠨᠠᠯ ᠠᠪᠬᠤ ᠳᠤᠨᠢ | ᠭᠤᠣᠯ ᠪᠣᠯᠣᠭᠰᠠᠨ ᠪᠦᠲᠦᠬᠡᠯ ᠬᠡᠪᠡᠯ 1988 ᠣᠨ ᠳᠤ ᠬᠡᠪᠯᠡᠭᠳᠡᠭᠰᠡᠨ ︽ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠣᠳᠬᠠ | ᠵᠣᠬᠢᠶᠠᠯ ᠤᠨ ᠰᠣᠳᠣᠯᠣᠯ︾᠂ 1999 ᠣᠨ ᠳᠤ ᠬᠡᠪᠯᠡᠭᠳᠡᠭᠰᠡᠨ ︽ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠤᠳᠬᠠ ᠵᠣᠬᠢᠶᠠᠯ ᠤᠨ | ᠰᠢᠨᠡ ᠰᠣᠳᠣᠯᠣᠯ︾᠂ 2003 ᠣᠨ ᠳᠤ ᠬᠡᠪᠯᠡᠭᠳᠡᠭᠰᠡᠨ ︽ᠮᠣᠩᠭᠤᠯ ᠤᠨ ᠰᠣᠷᠪᠣᠯᠵᠢ ᠪᠢᠴᠢᠭ ᠤᠨ ᠰᠣᠳᠣᠯᠣᠯ︾ | ᠵᠡᠷᠭᠡ ᠴᠣᠭᠴᠠ ᠪᠦᠳᠦᠬᠡᠯ ᠪᠣᠯᠣᠨ 70 ᠭᠠᠷᠤᠢ ᠪᠦᠳᠦᠬᠡᠯ ᠨᠡᠶᠢᠳᠡᠯᠡᠯ ᠪᠠᠭᠳᠠᠵᠦ ᠪᠠᠶᠢᠭᠠ ᠠᠵᠢ᠃ ᠡᠷᠳᠡᠮᠳᠡᠨ | ᠪᠠᠭᠰᠢ ᠮᠢᠨᠢ ᠵᠦᠪᠬᠡᠨ ᠣᠳᠬᠠ ᠵᠣᠬᠢᠶᠠᠯ ᠰᠣᠳᠣᠯᠣᠭᠠᠳ ᠵᠣᠭᠰᠣᠬᠤ ᠦᠬᠡᠢ᠂ ᠮᠦᠨ ᠮᠣᠩᠭᠤᠯ ᠤᠨ ᠲᠡᠤᠬᠡ᠂ | ᠰᠣᠶᠣᠯ ᠤᠨ ᠰᠤᠳᠤᠯᠭᠠᠨ ᠳᠤ ᠣᠨᠴᠠᠭᠠᠢ ᠭᠠᠪᠢᠶᠠ ᠵᠢᠳᠬᠦᠯ ᠣᠷᠣᠭᠤᠯᠣᠭᠰᠠᠨ ᠬᠦᠮᠦᠨ ᠤ ᠨᠢᠬᠡᠨ ᠪᠢᠯᠡ᠃ ᠡᠨᠡᠬᠦ | ᠲᠣᠮᠦ ᠱᠠᠩᠨᠠᠯ ᠨᠢ ᠳᠡᠬᠦᠨ ᠤ ᠬᠦᠳᠡᠯᠮᠦᠷᠢ ᠴᠢᠷᠮᠠᠶᠢᠯᠭᠠ ᠶᠢ ᠪᠦᠷᠢᠨ ᠦᠨᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃ | ᠲᠡᠷᠡ ᠪᠠᠷ ᠶᠠᠫᠤᠨ ᠤ ᠸᠠᠰᠢᠳᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠤᠷᠢᠬᠳᠠᠨ ᠬᠢᠴᠢᠶᠡᠯ ᠬᠦᠮᠦᠵᠢᠯ᠂ | ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠠᠵᠢᠯ ᠬᠢᠵᠤ ᠪᠠᠶᠢᠬᠰᠠᠨ ᠲᠡᠳᠤᠢ ᠦᠬᠡᠢ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠳ ᠤᠨ | ᠬᠤᠯᠪᠤᠭᠠᠨ ᠤ ᠤᠷᠢᠯᠭᠠ ᠪᠠᠷ ᠤᠯᠠᠭᠠᠨᠪᠠᠭᠠᠳᠤᠷ ᠲᠤ ᠪᠤᠯᠤᠬᠰᠠᠨ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠳ ᠤᠨ | 7᠂ 8᠂ 9 ᠳ᠋ᠤᠬᠡᠷ ᠶᠡᠭᠡ ᠬᠤᠷᠠᠯ ᠳᠤ ᠤᠷᠤᠯᠴᠠᠵᠦ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠢᠯᠡᠳᠬᠡᠯ ᠬᠢᠵᠤ᠂ ᠡᠬᠦᠨ ᠳᠤ | ᠲᠤᠯᠤᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠲᠡᠬᠡᠷᠡ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠳ ᠤᠨ ᠬᠤᠯᠪᠤᠭᠠᠨ ᠤ ᠬᠦᠢᠴᠡᠳᠬᠡᠬᠦ | ᠲᠤᠪᠴᠢᠶᠠᠨ ᠤ ᠬᠡᠰᠢᠬᠦᠨ ᠢᠶᠠᠷ ᠰᠤᠩᠭᠤᠬᠳᠠᠵᠤ᠂ ᠨᠠᠢᠮᠠᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠳᠤ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠷᠤᠩᠬᠡᠢ | ᠰᠠᠶᠢᠳ ᠡᠩᠬᠡᠪᠡᠶᠡᠷ ︵ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ︶ ᠤᠨ ᠤᠷᠢᠯᠭᠠ ᠪᠠᠷ ᠤᠷᠤᠯᠴᠠᠨ ᠴᠢᠩᠬᠢᠰ ᠬᠠᠭᠠᠨ ᠤ | ᠮᠡᠨᠳᠦᠯᠡᠭᠰᠡᠨ 840 ᠵᠢᠯ ᠤᠨ ᠤᠢ ᠶᠢ ᠪᠡᠯᠬᠡᠯᠡᠬᠦ ᠲᠤᠰᠬᠠᠢ ᠰᠡᠳᠤᠪ ᠤᠨ ᠶᠡᠭᠡ ᠬᠤᠷᠠᠯ ᠲᠡᠬᠡᠷᠡ ᠭᠤᠤᠯ ᠰᠡᠳᠤᠪ ᠤᠨ | ᠢᠯᠡᠳᠬᠡᠯ ᠬᠢᠵᠤ᠂ ᠶᠢᠰᠦᠳᠦᠬᠡᠷ ᠶᠡᠭᠡ ᠬᠤᠷᠠᠯ ᠲᠡᠬᠡᠷᠡ ᠠᠮᠧᠷᠢᠺᠡ᠂ ᠭᠧᠷᠮᠠᠨ᠂ ᠤᠷᠤᠰ᠂ ᠶᠠᠫᠤᠨ ᠤᠯᠤᠰ ᠤᠨ | ᠲᠦᠷᠪᠡᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠤᠨ ᠬᠠᠮᠳᠤ ᠶᠡᠷᠤᠩᠬᠡᠶᠢᠯᠡᠭᠴᠢ ᠨ᠊ · ᠡᠩᠬᠡᠪᠡᠶᠡᠷ ︵ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ︶ ᠤᠨ | ︽ᠠᠯᠳᠠᠨ ᠭᠠᠳᠠᠰᠤ︾ ᠭᠠᠪᠢᠶᠠᠨ ᠤ ᠤᠳᠤᠨ ᠢᠶᠠᠷ ᠱᠠᠩᠨᠠᠬᠳᠠᠪᠡ᠃ ︽ᠠᠯᠳᠠᠨ ᠭᠠᠳᠠᠰᠤ︾ ᠭᠠᠪᠢᠶᠠᠨ ᠤ ᠤᠳᠤᠨ | ᠪᠤᠯ ᠮᠤᠩᠭᠤᠯ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ ᠬᠠᠮᠤᠭ ᠤᠨ ᠲᠡᠬᠡᠳᠤ ᠱᠠᠩᠨᠠᠯ ᠤᠨ ᠤᠳᠤᠨ ᠪᠤᠯᠬᠤ | ᠶᠤᠮ᠃ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠬᠡᠪᠴᠢᠶᠡᠨ ᠳᠤ᠂ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯᠴᠢ | ᠡᠷᠳᠡᠮᠳᠡᠳ ᠤᠨ ᠬᠤᠯᠪᠤᠭᠠᠨ ᠤ ᠠᠩᠬᠠᠳᠠᠬᠴᠢ ᠶᠡᠷᠤᠩᠬᠡᠶᠢᠯᠡᠭᠴᠢ᠂ ᠠᠮᠧᠷᠢᠺᠡ ᠶᠢᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ | ᠯᠠᠳ᠋ᠲ᠋ᠢᠮᠤᠷᠧ᠂ ᠤᠯᠠᠨ ᠤᠯᠤᠰ ᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠳ ᠤᠨ ᠬᠤᠯᠪᠤᠭᠠᠨ ᠤ ᠬᠤᠶᠠᠳᠡᠬᠴᠢ ᠶᠡᠷᠤᠩᠬᠡᠶᠢᠯᠡᠭᠴᠢ᠂ | ᠶᠠᠫᠤᠨ ᠤ ᠨᠡᠷᠡᠳᠤ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠤᠽᠠᠸᠠ ᠰᠢᠭᠸᠦ᠂ ᠭᠧᠷᠮᠠᠨ ᠤ ᠨᠠᠷᠠᠳᠤ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠸᠠᠯᠳ᠋ᠾᠧᠷ | ᠾᠸᠢᠢᠰᠰᠢᠢᠡ ᠵᠡᠷᠬᠡ ᠴᠦᠬᠡᠨ ᠬᠡᠳᠤᠨ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠡᠨᠡᠬᠦ ᠱᠠᠩᠨᠠᠯ ᠢ ᠬᠦᠷᠳᠡᠭᠰᠡᠨ ᠢ ᠰᠠᠨᠠᠬᠤ ᠤᠴᠢᠷᠳᠡᠢ᠃ | | | | | | ᠲᠡᠷᠡ ᠪᠠᠰᠠ 1999 ᠤᠨ ᠳᠤ ᠠᠮᠧᠷᠢᠺᠠ ᠶᠢᠨ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠯ ᠤᠨ | ᠬᠤᠯᠪᠤᠭᠠ᠂ ᠢᠨᠳᠢᠶᠠᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠲᠦᠪ ᠤᠨ ᠤᠷᠢᠯᠭᠠ ᠪᠠᠷ᠂ 2000 | ᠤᠨ ᠳᠤ ᠺᠤᠷᠢᠶᠠ ᠤᠯᠤᠰ ᠤᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠤᠷᠢᠯᠭᠠ ᠪᠠᠷ ᠠᠮᠧᠷᠢᠺᠠ᠂ ᠺᠤᠷᠢᠶᠠ | ᠤᠯᠤᠰ ᠲᠤ ᠤᠴᠢᠵᠦ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠠᠢ᠃ | ᠴ᠊ · ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠣᠳᠬᠠ | ᠵᠣᠬᠢᠶᠠᠯ ᠤᠨ ᠰᠣᠳᠣᠯᠭᠠᠨ ᠤ ᠬᠦᠷᠢᠶᠠᠨ ᠳᠤ ᠣᠷᠦ᠋ᠢᠯᠠᠵᠦ ᠶᠠᠪᠦᠭᠠ ᠡᠷᠳᠡᠮᠳᠡᠳ ᠤᠨ ᠨᠢᠬᠡ ᠪᠦᠬᠡᠳ ᠡᠨᠡᠬᠦ | ᠰᠣᠳᠣᠯᠭᠠᠨ ᠤ ᠴᠢᠭᠯᠡᠯ ᠢᠶᠠᠷ ᠦᠯᠡᠮᠵᠢᠬᠡᠨ ᠠᠵᠢᠯ ᠬᠢᠵᠦ᠂ ᠣᠯᠠᠨ ᠦᠬᠦᠯᠡᠯ ᠵᠣᠬᠢᠶᠠᠯ ᠨᠡᠶᠢᠳᠡᠯᠡᠭᠰᠡᠨ ᠶᠤᠮ᠃ | ᠬᠡᠰᠢᠭᠳᠦᠭ᠌ᠳᠠᠬᠤ ᠪᠠᠭᠰᠢ ᠶᠢᠨ ᠬᠡᠪᠯᠡᠬᠦᠯᠦᠭᠰᠡᠨ ᠥᠬᠦᠯᠡᠯ ᠤᠨ ᠰᠣᠩᠭᠤᠳᠠᠭ ᠲᠡᠭᠦᠪᠦᠷᠢ ᠳᠤ ᠮᠣᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠣᠷᠴᠢᠨ ᠦᠶᠡ ᠶᠢᠨ ᠤᠷᠠᠨ ᠵᠣᠬᠢᠶᠠᠯ ᠤᠨ ᠲᠡᠤᠬᠡ᠂ ᠮᠣᠩᠭᠤᠯ ᠤᠨ ᠰᠣᠷᠪᠣᠯᠵᠢ ᠪᠢᠴᠢᠭ ᠤᠨ | ᠰᠣᠳᠣᠯᠭᠠᠨ ᠳᠤ ᠨᠡᠶᠢᠳᠡ 79 ᠦᠬᠦᠯᠡᠯ ᠣᠷᠣᠭᠰᠠᠨ ᠪᠦᠬᠡᠳ ᠡᠨᠡ ᠨᠢ ᠳᠡᠬᠦᠨ ᠤ 50 ᠭᠠᠷᠤᠢ ᠵᠢᠯ ᠤᠨ | ᠰᠣᠳᠣᠯᠭᠠᠨ ᠤ ᠦᠷᠡ ᠳ᠋ᠦᠩ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨᠠ᠃ | ᠮᠣᠩᠭᠤᠯ ᠰᠣᠳᠣᠯᠭᠠᠨ ᠤ ᠳᠠᠪᠴᠡᠩ ᠳᠤ ᠠᠯᠳᠠᠨ ᠭᠠᠳᠠᠰᠦ ᠰᠢᠭ᠋ ᠭᠡᠷᠡᠯᠳᠤᠵᠦ ᠲᠤᠮᠳᠠᠳᠤ | ᠤᠯᠤᠰ ᠴᠢᠨᠠᠭᠰᠢᠯᠠᠭᠠᠳ ᠳᠡᠯᠡᠬᠡᠢ ᠶᠢᠨ ᠮᠣᠩᠭᠤᠯ ᠰᠣᠳᠣᠯᠭᠠᠨ ᠤ ᠬᠢ ᠶᠢ ᠳᠣᠷᠬᠢᠭᠤᠯᠵᠦ ᠶᠠᠪᠣᠭᠰᠠᠨ ᠬᠡᠰᠢᠭᠳᠦᠬᠳᠠᠬᠤ | ᠪᠠᠭᠰᠢ ᠣᠯᠠᠨ ᠰᠢᠯᠢᠳᠡᠭ ᠪᠦᠳᠦᠬᠡᠯ ᠲᠠᠢ ᠳᠠᠭᠠᠨ ᠣᠮᠣᠭᠰᠢᠨᠠ᠃ ᠡᠶᠢᠮᠦ ᠰᠢᠯᠢᠳᠡᠭ ᠡᠷᠳᠡᠮᠳᠡᠨ ᠢᠶᠠᠷ ᠢᠶᠠᠨ ᠠᠷᠠᠳ | ᠲᠦᠮᠡᠨ ᠨᠢ ᠴᠤ ᠪᠠᠭ᠋ᠠᠷᠬᠠᠨᠠ᠃ （ ᠭᠡᠷᠡᠯ ᠵᠢᠷᠤᠭ ᠤᠳ ᠢ ᠴ᠊ · ᠬᠡᠰᠢᠭᠳᠦᠬᠳᠠᠬᠤ ᠬᠠᠨᠭ᠍ᠭᠠᠪᠠ ） | |