| | ᠬᠡᠰᠢᠭᠳᠡᠨᠴᠤᠳ ᠤᠨ ᠤᠪᠤᠭᠠᠨ ᠲᠠᠬᠢᠯᠭᠠ ᠳᠤ ᠬᠤᠯᠪᠤᠭᠳᠠᠬᠤ ᠴᠡᠬᠡᠷ ᠶᠤᠰᠤᠨ ᠨᠢ ᠵᠤᠬᠢᠬᠤ | ᠬᠦᠨᠳᠤ ᠪᠠᠶᠢᠷᠢ ᠶᠢ ᠡᠵᠡᠯᠡᠳᠡᠭ᠃ | ᠬᠡᠰᠢᠭᠳᠡᠨᠴᠤᠳ ᠤᠪᠤᠭᠠᠨ ᠲᠡᠭᠡᠷᠡ ᠦᠢᠮᠡᠯᠳᠦᠨ ᠱᠤᠤᠬᠢᠯᠳᠤᠬᠤ᠂ ᠬᠠᠷᠢᠶᠠᠯ ᠵᠦᠬᠡᠯ ᠲᠠᠯᠪᠢᠬᠤ᠂ | ᠬᠡᠷᠡᠬᠦᠯ ᠵᠤᠳᠤᠭᠠᠨ ᠬᠢᠬᠦ᠂ ᠪᠤᠯᠬᠢ ᠪᠠᠯᠠᠢ ᠠᠭᠠᠰᠢᠯᠠᠬᠤ ᠶᠢ ᠴᠡᠬᠡᠷᠯᠡᠳᠡᠭ︔ ᠤᠪᠤᠭᠠᠨ ᠤ ᠲᠡᠷᠬᠡᠳᠡ ᠠᠷᠢᠬᠢ | ᠤᠤᠭᠤᠬᠤ᠂ ᠲᠠᠮᠠᠬᠢ ᠲᠠᠳᠠᠬᠤ᠂ ᠤᠪᠤᠭᠠᠨ ᠤ ᠤᠶᠢᠷᠠᠯᠴᠠᠭᠠ ᠦᠳᠬᠡᠨ ᠰᠢᠩᠬᠡᠨ ᠮᠦᠷ ᠦᠵᠡᠬᠦ᠂ ᠴᠡᠷ ᠨᠢᠯᠪᠤᠰᠤ | ᠪᠠᠨ ᠨᠢᠯᠪᠤᠬᠤ᠂ ᠤᠪᠤᠭᠠᠨ ᠤ ᠤᠶᠢᠷᠠ ᠬᠠᠪᠢ ᠶᠢᠨ ᠡᠪᠡᠰᠤ ᠤᠷᠭᠤᠮᠠᠯ ᠴᠡᠴᠡᠭ ᠨᠠᠪᠴᠢ ᠶᠢ ᠦᠭᠳᠡᠬᠡᠵᠤ ᠲᠠᠰᠤᠯᠬᠤ᠂ | ᠤᠪᠤᠭᠠᠨ ᠤ ᠤᠶᠢᠷᠠᠯᠴᠠᠭᠠᠬᠢ ᠮᠤᠳᠤ ᠴᠢᠯᠠᠭᠤ ᠶᠢ ᠲᠤᠷᠠ ᠪᠠᠷ ᠬᠦᠳᠡᠯᠬᠡᠬᠦ᠂ ᠤᠪᠤᠭᠠᠨ ᠤ ᠬᠠᠵᠠᠭᠤ ᠬᠠᠪᠢ ᠪᠠᠷ | ᠬᠤᠭ ᠨᠤᠪᠰᠢ ᠬᠠᠶᠠᠬᠤ ᠶᠢ ᠡᠷᠡᠰ ᠴᠡᠬᠡᠷᠯᠡᠳᠡᠭ︔ ᠨᠡᠩ ᠴᠦ ᠤᠪᠤᠭᠠᠨ ᠤ ᠬᠠᠪᠢ ᠳᠤ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠠᠴᠠ | ᠬᠤᠷᠤᠬᠠᠢ ᠰᠢᠪᠠᠵᠢ ᠳᠤ ᠬᠦᠷᠳᠡᠯᠡ ᠠᠯᠠᠵᠤ ᠬᠦᠨᠦᠬᠡᠬᠦ ᠶᠢ ᠴᠡᠬᠡᠷᠯᠡᠵᠤ᠂ ᠤᠪᠤᠭᠠᠨ ᠤ ᠤᠶᠢᠷᠠᠯᠴᠠᠭᠠ ᠴᠢᠰᠤ ᠨᠦᠵᠢ | ᠭᠠᠷᠭᠠᠬᠤ ᠶᠢ ᠴᠡᠬᠡᠷᠯᠡᠨ ᠬᠢᠴᠢᠶᠡᠳᠡᠭ ᠶᠤᠰᠤ ᠵᠢᠷᠤᠮ ᠲᠠᠢ ᠪᠠᠶᠢᠳᠠᠭ᠃ ᠴᠡᠬᠡᠷ ᠶᠤᠰᠤᠨ ᠠᠴᠠ ᠵᠦᠷᠢᠴᠡᠭᠰᠡᠳ ᠢ ︽ | ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠬᠢᠯᠢᠩᠨᠡᠬᠦᠯᠵᠤ᠂ ᠤᠷᠢᠳᠤᠰ ᠲᠡᠭᠡᠳᠤᠰ ᠤᠨ ᠵᠦᠢ ᠶᠤᠰᠤᠨ ᠠᠴᠠ | ᠲᠠᠷᠰᠯᠡᠵᠤ᠂ ᠨᠤᠳᠤᠭ ᠤᠨ ᠰᠠᠬᠢᠭᠤᠰᠤ ᠳᠤ ᠬᠦ᠋ ᠲᠦᠷᠬᠢᠭᠰᠡᠨ ᠮᠠᠭᠤ ᠢᠷᠸᠠ ᠲᠠᠢ︾ ᠬᠡᠵᠤ ᠴᠢᠩᠭᠠ ᠵᠢᠮᠡᠯᠡᠨ | ᠰᠤᠷᠭᠠᠳᠠᠭ᠃ | ᠬᠡᠰᠢᠭᠳᠡᠨ ᠨᠤᠳᠤᠭ ᠲᠤ ᠪᠦᠰᠡᠬᠦᠢ ᠬᠦᠮᠤᠨ ᠢ ︽ᠤᠷᠳᠤ ᠬᠡᠵᠢᠬᠡ ᠲᠠᠢ ᠤᠰᠤᠨ ᠮᠠᠭᠪᠤᠳ ᠲᠠᠢ︾ | ᠬᠡᠵᠤ ᠤᠪᠤᠭᠠᠨ ᠳᠤ ᠭᠠᠷᠭᠠᠳᠠᠭ ᠦᠭᠡᠢ ᠶᠤᠰᠤ ᠲᠠᠢ᠃ ᠬᠡᠬᠦ ᠳᠤ ᠪᠦᠰᠡᠬᠦᠶᠢᠴᠤᠳ ᠤᠪᠤᠭᠠ ᠲᠠᠬᠢᠯᠭᠠ ᠶᠢᠨ | ᠦᠷᠯᠦᠬᠡ ᠦᠨᠢᠶᠡ ᠪᠠᠨ ᠰᠠᠭᠠᠭᠠᠳ᠂ ᠦᠨᠢᠶᠡᠨ ᠵᠡᠯᠡ ᠠᠴᠠ ᠪᠠᠨ ᠰᠠᠭᠠᠮᠠ ᠶᠢᠨ ᠲᠡᠭᠡᠵᠢ ᠪᠠᠨ ︽ᠰᠦᠨ ᠬᠤᠸᠠᠷ︾ | ᠬᠡᠮᠡᠬᠦ ᠴᠡᠴᠡᠭ ᠢᠶᠠᠷ ᠤᠪᠤᠭᠠᠨ ᠲᠡᠰᠢ ᠡᠷᠬᠦᠳᠡᠭ ᠵᠠᠩᠰᠢᠯ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃ ᠲᠡᠬᠢᠪᠠᠯ ᠤᠪᠤᠭᠠᠨ ᠳᠤ ᠮᠤᠷᠢ | ᠰᠡᠳᠡᠷᠯᠡᠬᠦ ᠳᠤ ᠬᠡᠵᠢᠶᠡ ᠴᠦ ᠭᠠᠷ ᠬᠦᠷᠴᠤ ᠪᠤᠯᠬᠤ ᠦᠭᠡᠢ ᠬᠡᠵᠤ ᠲᠠᠭᠠᠳᠬᠠᠨ ᠤᠩᠭᠤᠯᠠᠭᠰᠠᠨ ᠮᠤᠷᠢᠨ ᠠᠴᠠ | ᠪᠤᠰᠤᠳ ᠴᠡᠬᠡᠷ ᠦᠭᠡᠢ ᠰᠡᠳᠡᠷᠯᠡᠭᠰᠡᠨ ᠮᠤᠷᠢ ᠶᠢ ︽ᠡᠵᠢ ᠬᠦᠮᠦᠨ ᠡᠷᠬᠢᠮ ᠲᠡᠭᠡᠳᠤ︾ ᠬᠡᠵᠤ ᠡᠮᠡᠭᠳᠠᠢ ᠬᠦᠮᠦᠨ | ᠴᠡᠬᠡᠷ ᠦᠭᠡᠢ ᠤᠨᠤᠳᠠᠭ ᠶᠤᠮ᠃ ᠡᠶᠢᠨᠬᠦ ᠤᠯᠠᠨ ᠬᠠᠳᠠᠭᠤ ᠴᠡᠬᠡᠷ ᠶᠤᠰᠤᠨ ᠨᠢ ᠮᠦᠩᠬᠡ ᠲᠡᠭᠷᠢ ᠶᠢ ᠰᠢᠳᠦᠵᠤ᠂ ᠡᠬᠡ | ᠪᠠᠶᠢᠭᠠᠯᠢ ᠶᠢᠨ ᠲᠦᠮᠡᠨ ᠪᠤᠳᠠᠰ ᠵᠡᠷᠬᠡᠴᠡᠨ ᠤᠷᠤᠰᠢᠬᠤ ᠬᠡᠳᠡᠭ ᠡᠪᠦᠭᠡ ᠲᠡᠭᠡᠳᠤ ᠶᠢᠨ ᠰᠤᠷᠭᠠᠯ ᠠᠴᠠ ᠢᠷᠡᠯᠳᠠ ᠲᠠᠢ | ᠪᠠᠶᠢᠵᠤ᠂ ᠬᠦᠮᠦᠨ ᠪᠦᠬᠦᠨ ᠤᠬᠠᠮᠰᠠᠷ ᠠᠴᠠ ᠪᠠᠨ ᠰᠠᠬᠢᠳᠠᠭ ᠬᠦᠨ ᠤᠬᠠᠭᠠᠯᠢᠭ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ | ᠬᠠᠮᠠᠭᠠᠯᠠᠬᠤ ᠶᠡᠭᠡ ᠶᠤᠰᠤᠨ ᠪᠤᠯᠬᠤ ᠶᠤᠮ᠃ | |