| | | ᠭᠤᠷᠪᠠᠨ ᠮᠡᠷᠬᠢᠳ ᠴᠤᠴᠢᠮᠠᠭ ᠢᠶᠠᠷ ᠲᠤᠪᠳᠤᠯᠵᠤ ᠰᠤᠴᠢᠬᠡᠯ ᠡᠬᠡ ᠬᠢᠬᠡᠳ ᠪᠦᠷᠳᠡ ᠦᠵᠢᠨ ᠢ | ᠤᠯᠵᠠᠯᠠᠵᠤ ᠠᠪᠠᠴᠢᠭᠰᠠᠨ ᠤ ᠲᠠᠷᠠᠭᠠ᠂ ᠲᠡᠮᠦᠵᠢᠨ ᠬᠦᠮᠦᠨ ᠴᠦᠬᠡᠨ ᠬᠦᠴᠤ ᠨᠢᠮᠬᠡᠨ ᠲᠤᠯᠠ ᠦᠰᠢᠶᠡ ᠪᠠᠨ ᠠᠪᠬᠤ | ᠠᠷᠭᠠ ᠦᠭᠡᠢ ᠭᠠᠰᠠᠯᠤᠨ ᠰᠠᠭᠤᠪᠠ᠃ ᠠᠬᠠ ᠲᠡᠬᠦᠦ ᠨᠠᠷ ᠵᠦᠪᠯᠡᠯᠳᠦᠭᠰᠡᠨ ᠤ ᠡᠴᠤᠰ ᠲᠤ᠂ ᠡᠴᠢᠬᠡ ᠶᠢᠨ | ᠬᠠᠭᠤᠴᠢᠨ ᠠᠨᠳᠠ ᠲᠤᠭᠤᠷᠢᠯ ᠬᠠᠨ ᠪᠤᠯᠤᠨ ᠲᠠᠮᠦᠵᠢᠨ ᠤ ᠠᠨᠳᠠ ᠵᠠᠮᠤᠬᠠ ᠠᠴᠠ ᠲᠠᠮᠵᠢᠯᠬᠡ ᠭᠤᠶᠤᠬᠤ ᠪᠠᠷ ᠪᠤᠯᠵᠤ | ᠂ ᠲᠡᠬᠦᠦ ᠬᠠᠰᠠᠷ ᠪᠡᠯᠬᠦᠳᠠᠢ ᠬᠤᠶᠠᠷ ᠢ ᠲᠠᠭᠠᠭᠤᠯᠤᠨ ᠲᠤᠤᠯᠠ ᠭᠤᠤᠯ ᠤᠨ ᠬᠠᠷᠠ ᠰᠢᠭᠤᠢ ᠳᠤ ᠨᠤᠳᠤᠭᠯᠠᠵᠤ | ᠪᠠᠶᠢᠬᠤ ᠬᠡᠷᠡᠶᠢᠳ ᠠᠶᠢᠮᠠᠭ ᠤᠨ ᠲᠤᠭᠤᠷᠢᠯ ᠬᠠᠨ ᠢ ᠡᠷᠢᠶᠡ ᠤᠳᠪᠠ᠃ ᠪᠤᠭᠤᠷᠴᠢ ᠵᠠᠯᠮᠠ ᠨᠠᠷ ᠲᠠᠮᠦᠵᠢᠨ ᠤ ᠠᠷᠤ | ᠬᠡᠷ ᠢ ᠰᠠᠬᠢᠬᠤ ᠪᠠᠷ ᠬᠤᠴᠤᠷᠪᠠ᠃ | ᠲᠠᠮᠦᠵᠢᠨ ᠨᠠᠷ ᠲᠤᠭᠤᠷᠢᠯ ᠬᠠᠨ ᠢ ᠡᠷᠢᠵᠤ ᠤᠯᠤᠭᠠᠳ᠄ | ︽ᠰᠠᠨᠠᠮᠰᠠᠷ ᠦᠭᠡᠢ ᠪᠠᠶᠢᠳᠠᠯᠠ ᠭᠤᠷᠪᠠᠨ ᠮᠡᠷᠬᠢᠳ ᠲᠤᠪᠳᠤᠯᠤᠨ ᠢᠷᠡᠵᠤ ᠡᠬᠡ ᠪᠠ ᠡᠬᠡᠨᠡᠷ ᠢ | ᠮᠢᠨᠢ ᠪᠤᠯᠢᠶᠠᠵᠤ ᠠᠪᠠᠴᠢᠪᠠ᠂ ᠰᠠᠶᠢᠨ ᠬᠠᠨ ᠡᠴᠢᠬᠡ ᠮᠢᠨᠢ ᠡᠬᠡ ᠪᠠ ᠡᠬᠡᠨᠡᠷ ᠢ ᠮᠢᠨᠢ ᠠᠪᠤᠷᠠᠨ ᠭᠠᠷᠭᠠᠵᠤ ᠦᠭᠬᠦ | ᠪᠤᠯᠪᠠ ᠤᠤ︖︾ ᠬᠡᠵᠤ ᠬᠡᠯᠡᠭᠰᠡᠨ ᠳᠤ ᠲᠤᠭᠤᠷᠢᠯ ᠬᠠᠨ ᠰᠤᠨᠤᠰᠤᠭᠠᠳ᠄ | ︽ᠪᠢ ᠨᠢᠳᠤᠨᠤᠨ ᠴᠢᠮᠡ ᠳᠤ ᠶᠠᠭᠤ ᠬᠡᠯᠡᠭᠰᠡᠨ ᠪᠢᠯᠡ᠂ ᠤᠳᠤ ᠲᠡᠷᠡ ᠦᠬᠡᠨ ᠳᠡᠭᠡᠨ | ᠬᠦᠷᠴᠤ | ᠪᠤᠯᠠᠭᠠᠨ ᠲᠠᠬᠤ ᠶᠢᠨ ᠴᠢᠨᠢ ᠬᠠᠷᠢᠭᠤ ᠳᠤ | ᠪᠦᠬᠦᠳᠠ ᠮᠡᠷᠬᠢᠳ ᠢ | ᠪᠦᠷᠢᠯᠳᠠᠯᠠ ᠲᠤᠪᠳᠤᠯᠵᠤ | ᠪᠦᠷᠳᠠ ᠦᠵᠢᠨ ᠢ ᠴᠢᠨᠢ | ᠪᠤᠴᠠᠭᠠᠵᠤ ᠠᠪᠴᠢᠷᠠᠵᠤ ᠦᠭᠬᠦᠶᠡ᠃ | ᠬᠠᠷᠠ ᠪᠤᠯᠠᠭᠠᠨ ᠲᠠᠬᠤ ᠶᠢᠨ ᠴᠢᠨᠢ ᠬᠠᠷᠢᠭᠤ ᠳᠤ | ᠬᠠᠮᠤᠭ ᠮᠡᠷᠬᠢᠳ ᠢ | ᠬᠠᠮᠬᠠ ᠴᠤᠬᠢᠵᠤ | ᠬᠠᠳᠤᠨ ᠪᠦᠷᠳᠠ ᠶᠢ ᠴᠢᠨᠢ | ᠬᠠᠷᠢᠭᠤᠯᠵᠤ ᠠᠪᠴᠢᠷᠠᠵᠤ ᠦᠭᠬᠦᠶᠡ︾ ᠬᠡᠳ ᠪᠠᠰᠠ᠄ | ︽ᠴᠢ ᠤᠳᠴᠤ ᠵᠠᠮᠤᠬᠠ ᠲᠡᠬᠦᠦ ᠳᠤ ᠬᠡᠯᠡᠵᠤ ᠦᠭ᠂ ᠵᠠᠮᠤᠬᠠ ᠲᠡᠬᠦᠦ ᠬᠤᠷᠬᠤᠨᠠᠭ ᠵᠦᠪᠦᠷ | ᠬᠡᠬᠦ ᠭᠠᠵᠠᠷ ᠪᠤᠢ᠃ ᠪᠢ ᠠᠳᠠ ᠠᠴᠠ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠠᠪᠴᠤ ᠪᠠᠷᠠᠭᠤᠨ ᠭᠠᠷ ᠪᠤᠯᠵᠤ ᠮᠤᠷᠳᠠᠶᠠ᠃ | ᠵᠠᠮᠤᠬᠠ ᠲᠡᠬᠦᠦ ᠶᠢ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠠᠪᠴᠤ ᠵᠡᠬᠦᠨ ᠭᠠᠷ ᠪᠤᠯᠵᠤ ᠮᠤᠷᠢᠯᠠ ᠬᠡᠵᠤ ᠬᠡᠯᠡᠵᠤ ᠦᠭ᠂ ᠪᠢᠳᠠᠨ | ᠤ ᠤᠴᠠᠷᠠᠬᠤ ᠪᠤᠯᠵᠤᠭᠠ ᠶᠢ ᠵᠠᠮᠤᠬᠠ ᠲᠡᠬᠦᠦ ᠲᠤᠭᠳᠠᠭᠠᠳᠤᠭᠠᠢ ᠬᠡᠭᠳᠤᠨ︾ ᠬᠡᠪᠡ᠃ | ᠲᠡᠮᠦᠵᠢᠨ ᠲᠤᠭᠤᠷᠢᠯ ᠬᠠᠨ ᠳᠤ ᠮᠠᠰᠢ ᠲᠠᠯᠠᠷᠬᠠᠵᠤ ᠲᠡᠨᠳᠠ ᠠᠴᠠ ᠬᠡᠷ ᠲᠡᠭᠡᠨ ᠪᠤᠴᠠᠵᠤ | ᠢᠷᠡᠬᠡᠳ᠂ ᠬᠠᠰᠠᠷ᠂ ᠪᠡᠯᠬᠦᠳᠠᠢ ᠬᠤᠶᠠᠷ ᠲᠡᠬᠦᠦ ᠪᠠᠨ ᠵᠠᠮᠤᠬᠠ ᠶᠢᠨ ᠲᠡᠨᠳᠠ ᠢᠯᠡᠬᠡᠪᠡ᠃ ᠲᠡᠳᠡ ᠬᠤᠶᠠᠷ ᠵᠠᠮᠤᠬᠠ | ᠳᠤ ᠤᠴᠠᠷᠠᠵᠤ᠄ | ︽ᠲᠠᠮᠦᠵᠢᠨ ᠠᠬᠠ ᠪᠢᠳᠠ ᠬᠤᠶᠠᠷ ᠢ ᠵᠠᠷᠤᠵᠤ ᠲᠠᠨ ᠠᠴᠠ ᠲᠡᠮᠵᠢᠯᠬᠡ ᠭᠤᠶᠤᠵᠤ | ᠬᠡᠯᠡᠬᠦᠯᠦᠭᠰᠡᠨ ᠨᠢ᠄ | ︿ᠦᠰᠳᠤ ᠮᠡᠷᠬᠢᠳ ᠢᠷᠡᠵᠤ | ᠡᠪᠤᠷ ᠢ ᠮᠢᠨᠢ ᠬᠤᠭᠤᠰᠤᠯᠠᠪᠠ | ᠦᠨᠢᠷ ᠲᠦᠷᠦᠯ ᠤᠨ ᠲᠠᠨᠠᠷ | ᠦᠰᠢᠶᠡ ᠶᠢ ᠮᠢᠨᠢ ᠠᠪᠴᠤ ᠦᠭᠬᠦᠨᠡ ᠤᠤ︖ | ᠤᠷᠰᠢᠭᠳᠤ ᠮᠡᠷᠬᠢᠳ ᠢᠷᠡᠵᠤ | ᠤᠷᠤ ᠶᠢ ᠮᠢᠨᠢ ᠬᠤᠭᠤᠰᠤᠯᠠᠪᠠ | ᠤᠷᠤᠭ ᠲᠦᠷᠦᠯ ᠤᠨ ᠲᠠᠨᠠᠷ | ᠤᠳᠤ ᠦᠰᠢᠶᠡ ᠶᠢ ᠠᠪᠴᠤ ᠦᠭᠬᠦᠨᠡ ᠤᠤ︖﹀ ᠬᠡᠵᠤ ᠬᠡᠯᠡᠪᠡ︾ ᠬᠡᠳ ᠦᠪᠡᠷᠰᠡᠳ ᠤᠨ | ᠲᠤᠭᠤᠷᠢᠯ ᠬᠠᠨ ᠳᠤ ᠵᠤᠯᠭᠠᠵᠤ ᠲᠡᠬᠦᠨ ᠠᠴᠠ ᠲᠡᠮᠵᠢᠯᠬᠡ ᠭᠤᠶᠤᠭᠰᠠᠨ ᠢᠶᠠᠨ ᠬᠡᠯᠡᠵᠤ ᠦᠭᠪᠡ᠃ ᠡᠴᠤᠰ ᠲᠤ | ᠲᠤᠭᠤᠷᠢᠯ ᠬᠠᠨ ᠤ ᠵᠠᠮᠤᠬᠠ ᠳᠤ ᠬᠡᠯᠡᠭᠰᠡᠨ ᠦᠭᠡ ᠶᠢ ᠤᠯᠠᠮᠵᠢᠯᠠᠵᠤ ᠦᠭᠪᠡ᠃ ᠡᠳᠡᠬᠡᠷ ᠦᠬᠡ ᠶᠢ ᠰᠤᠨᠤᠰᠤᠭᠠᠳ | ᠵᠠᠮᠤᠬᠠ᠄ | ︽ᠦᠨᠢᠷ ᠲᠦᠷᠦᠯ ᠤᠨ ᠲᠡᠮᠦᠵᠢᠨ ᠢ | ᠡᠪᠤᠷ ᠢᠶᠠᠨ ᠬᠤᠭᠤᠰᠤᠯᠠᠭᠳᠠᠪᠠ ᠬᠡᠵᠤ ᠰᠤᠨᠤᠰᠤᠭᠠᠳ | ᠡᠯᠢᠬᠡ ᠮᠢᠨᠢ ᠡᠮᠳᠡᠷᠡᠪᠡ᠃ | ᠤᠷᠤᠭ ᠲᠦᠷᠦᠯ ᠤᠨ ᠲᠠᠨᠠᠷ ᠢ | ᠤᠷᠤ ᠪᠠᠨ ᠬᠤᠭᠤᠰᠤᠯᠠᠭᠳᠠᠪᠠ ᠬᠡᠵᠤ ᠰᠤᠨᠤᠰᠤᠭᠠᠳ | ᠦᠷᠦ ᠮᠢᠨᠢ ᠡᠪᠡᠳᠪᠠ᠃ | ᠡᠳᠡᠬᠡᠷ ᠮᠡᠷᠬᠢᠳ ᠢ ᠮᠦᠬᠦᠬᠡᠵᠤ | ᠦᠵᠢᠨ ᠪᠦᠷᠳᠡ ᠶᠢ ᠠᠪᠤᠷᠠᠶᠠ | ᠬᠠᠮᠤᠭ ᠮᠡᠷᠬᠢᠳ ᠢ ᠰᠦᠨᠦᠬᠡᠵᠤ | ᠬᠠᠳᠤᠨ ᠪᠦᠷᠳᠡ ᠶᠢ ᠬᠠᠷᠢᠭᠤᠯᠤᠨ ᠠᠪᠤᠷᠠᠶᠠ︾ ᠬᠡᠳ ᠪᠠᠰᠠ᠄ | ︽ᠤᠳᠤ ᠤᠳᠤᠶᠢᠳ ᠮᠡᠷᠬᠢᠳ ᠤᠨ ᠲᠤᠭᠳᠤᠭᠠ᠂ ᠪᠤᠤᠷᠠ ᠬᠡᠬᠡᠷᠡ ᠬᠡᠬᠦ ᠭᠠᠵᠠᠷ ᠪᠤᠷᠤᠭᠤᠯᠠᠨ | ᠶᠠᠪᠤᠵᠤ᠂ ᠤᠸᠠᠰ ᠮᠡᠷᠬᠢᠳ ᠤᠨ ᠲᠠᠶᠢᠷ ᠤᠰᠤᠨ ᠲᠡᠯᠠᠳ ᠠᠷᠠᠯ ᠬᠡᠬᠦ ᠭᠠᠵᠠᠷ ᠲᠠᠰᠢᠶᠠᠯᠠᠨ ᠰᠠᠭᠤᠵᠤ᠂ ᠬᠠᠭᠠᠳ | ᠮᠡᠷᠬᠢᠳ ᠤᠨ ᠬᠠᠭᠠᠳᠠᠢ ᠲᠠᠷᠮᠠᠯᠠ ᠬᠠᠷᠠᠵᠢ ᠶᠢᠨ ᠲᠠᠯᠠ ᠬᠡᠬᠦ ᠭᠠᠵᠠᠷ ᠬᠠᠯᠬᠠᠯᠠᠨ ᠨᠢᠭᠤᠭᠳᠠᠵᠤ ᠪᠠᠶᠢᠨᠠ᠃ ᠰᠤᠨᠤᠰᠪᠠᠯ | ᠬᠢᠯᠠᠭᠤ ᠮᠦᠷᠡᠨ ᠳᠤ ᠰᠠᠬᠠᠯ ᠡᠪᠡᠰᠤ ᠶᠡᠭᠡ ᠬᠡᠨᠡ᠂ ᠰᠠᠬᠠᠯ ᠡᠪᠡᠰᠤ ᠪᠠᠷ ᠬᠠᠷᠢᠨ ᠰᠠᠯ ᠤᠶᠠᠵᠤ ᠪᠤᠯᠤᠨᠠ ᠬᠡᠨᠡ᠃ | ᠦᠨᠤ ᠪᠢᠳᠠ ᠲᠦᠬᠦᠮ ᠢ ᠪᠤᠳᠤᠵᠤ ᠡᠪᠡᠰᠤᠨ ᠰᠠᠯ ᠤᠶᠠᠭᠠᠳ ᠬᠢᠯᠠᠭᠤ ᠮᠦᠷᠡᠨ ᠢ ᠬᠦᠨᠳᠠᠯᠡᠨ ᠬᠡᠳᠦᠯᠵᠤ ᠬᠡᠮᠳᠤ | ᠮᠤᠤᠰᠠᠶᠢᠨ ᠮᠡᠷᠬᠢᠳ ᠢ ᠬᠡᠨᠡᠳᠡᠬᠦᠯᠦᠨ ᠲᠠᠭᠠᠷᠢᠵᠤ | ᠡᠷᠦᠬᠡ ᠡᠬᠦᠳᠠ ᠶᠢ ᠨᠢ ᠡᠪᠳᠡᠵᠤ | ᠡᠳ᠋ ᠠᠭᠤᠷᠠᠰᠤ ᠶᠢ ᠨᠢ ᠤᠯᠵᠠᠯᠠᠵᠤ | ᠡᠮᠡᠰ ᠬᠡᠤᠬᠡᠳ ᠢ ᠨᠢ ᠪᠤᠯᠢᠶᠡᠵᠤ | ᠦᠰᠢᠶᠡ ᠬᠤᠷᠤᠰᠤᠯ ᠢᠶᠠᠨ ᠠᠪᠤᠶᠠ︕︾ ᠬᠡᠪᠡ᠃ ᠬᠠᠰᠷ ᠪᠡᠯᠬᠦᠳᠠᠢ ᠬᠤᠶᠠᠷ ᠡᠳᠡᠬᠡᠷ | ᠦᠬᠡ ᠶᠢ ᠰᠤᠨᠤᠰᠴᠤ᠄ | ︽ᠵᠠᠮᠤᠬᠠ ᠠᠬᠠ ᠶᠢᠨ ᠦᠬᠡ ᠵᠦᠢᠳᠠᠢ ᠪᠠᠶᠢᠨᠠ᠂ ᠪᠢᠳᠠ ᠬᠠᠷᠢᠵᠤ ᠲᠡᠮᠦᠵᠢᠨ ᠠᠬᠠ ᠳᠤ | ᠬᠡᠯᠡᠵᠤ ᠦᠭᠬᠦᠶᠡ︾ ᠬᠡᠳ ᠶᠠᠪᠤᠬᠤ ᠬᠡᠳᠡᠯᠡ ᠵᠠᠮᠤᠬᠠ ᠪᠠᠰᠠ᠄ | ︽ᠲᠡᠮᠦᠵᠢᠨ ᠠᠨᠳᠠ ᠪᠠ ᠲᠤᠭᠤᠷᠢᠯ ᠬᠠᠨ ᠠᠬᠠ ᠬᠤᠶᠠᠷ ᠲᠤ ᠲᠠᠬᠢᠨ ᠬᠡᠯᠡᠬᠦ ᠦᠬᠡ ᠪᠤᠯ᠄ | ᠤᠳᠤ ᠪᠢ | ᠬᠠᠷᠠᠭᠠ ᠶᠡᠬᠡᠳᠤ ᠲᠤᠭ ᠢᠶᠠᠨ ᠲᠡᠬᠢᠵᠤ | ᠬᠠᠷᠠ ᠪᠤᠬᠠ ᠶᠢᠨ ᠠᠷᠠᠰᠤ ᠪᠠᠷ ᠪᠦᠷᠢᠭᠰᠡᠨ | ᠬᠠᠷᠬᠢᠷᠠᠬᠤ ᠲᠠᠭᠤᠳᠠᠢ ᠬᠡᠩᠬᠡᠷᠬᠡ ᠪᠠᠨ ᠲᠠᠯᠠᠳᠴᠤ | ᠬᠠᠳᠠᠨ ᠪᠤᠯᠤᠳ ᠵᠢᠳᠠ ᠪᠠᠨ ᠪᠠᠷᠢᠵᠤ | ᠬᠠᠳᠠᠩᠭᠤ ᠲᠡᠪᠡᠯ ① ᠢᠶᠠᠨ ᠡᠮᠤᠰᠴᠤ | ᠬᠠᠳᠬᠤᠬᠤ ᠰᠤᠮᠤ ᠪᠠᠨ ᠤᠨᠢᠯᠠᠵᠤ | ᠬᠠᠷᠠ ᠬᠤᠷᠳᠤᠨ ᠢᠶᠠᠨ ᠤᠨᠤᠵᠤ | ᠬᠠᠮᠤᠭ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠵᠤ | ᠬᠠᠭᠠᠳ ᠮᠡᠷᠬᠢᠳ ᠢ ᠬᠠᠮᠬᠠ ᠲᠠᠭᠠᠷᠢᠵᠤ | ᠬᠠᠳᠬᠤᠯᠳᠤᠨ ᠪᠠᠶᠢᠯᠳᠤᠬᠤ ᠪᠠᠷ ᠮᠤᠷᠳᠠᠪᠠ᠃ | ᠦᠵᠡᠮᠵᠢᠳᠤ ᠤᠷᠳᠤ ᠲᠤᠭ ᠢᠶᠠᠨ ᠲᠠᠬᠢᠵᠤ | ᠦᠬᠡᠷ ᠤᠨ ᠠᠷᠠᠰᠤ ᠪᠠᠷ ᠪᠦᠷᠢᠭᠰᠡᠨ | ᠦᠳᠬᠡᠨ ᠲᠠᠭᠤᠳᠠᠢ ᠬᠡᠩᠬᠡᠷᠬᠡ ᠪᠠᠨ ᠲᠡᠯᠡᠳᠴᠤ | ᠦᠵᠦᠬᠦᠷ ᠬᠤᠰᠢᠭᠤᠳᠤ ᠬᠤᠶᠠᠭ ᠢᠶᠠᠨ ᠡᠮᠤᠰᠴᠤ | ᠤᠩᠬᠢᠳᠤ ᠢᠯᠳᠤ ᠪᠠᠨ ᠪᠠᠷᠢᠵᠤ | ᠤᠨᠢᠳᠤ ᠰᠤᠮᠤ ᠪᠠᠨ ᠤᠨᠢᠯᠠᠵᠤ | ᠤᠷᠤᠭ ᠬᠤᠷᠳᠤᠨ ᠢᠶᠠᠨ ᠤᠨᠤᠵᠤ | ᠤᠯᠠᠨ ᠴᠡᠷᠢᠭ ᠢᠶᠠᠨ ᠲᠠᠭᠠᠭᠤᠯᠵᠤ | ᠦᠨᠤ ᠮᠤᠤᠰᠠᠶᠢᠨ ᠮᠡᠷᠬᠢᠳ ᠢ ᠲᠤᠪᠳᠤᠯᠵᠤ | ᠦᠬᠦᠳᠡᠯᠡ ᠲᠡᠮᠡᠴᠡᠬᠦ ᠪᠠᠷ ᠮᠤᠷᠳᠠᠪᠠ ᠬᠡᠵᠤ ᠬᠡᠯᠡᠵᠤ ᠦᠭᠬᠦᠭᠳᠤᠨ︾ ᠬᠡᠳ ᠪᠠᠰᠠ ᠤᠨᠤᠨ ᠤ | ᠡᠬᠢ ᠳᠠᠬᠢ ᠪᠤᠳᠤᠬᠠᠨ ᠪᠤᠤᠷᠵᠢ ᠳᠤ ᠠᠭᠤᠯᠵᠠᠬᠤ ᠪᠠᠷ ᠪᠤᠯᠵᠤᠭᠠ ᠲᠤᠭᠳᠠᠪᠠ᠃ | ᠬᠠᠰᠠᠷ ᠪᠡᠯᠬᠦᠳᠠᠢ ᠬᠤᠶᠠᠷ ᠪᠤᠴᠠᠵᠤ ᠵᠠᠮᠤᠬᠠ ᠶᠢᠨ ᠬᠡᠯᠡᠭᠰᠡᠨ ᠦᠬᠡ ᠶᠢ ᠲᠡᠮᠦᠵᠢᠨ ᠳᠤ | ᠬᠡᠯᠡᠵᠤ ᠦᠭᠪᠡ᠃ ᠲᠡᠮᠦᠵᠢᠨ ᠪᠠᠰᠠ ᠬᠦᠮᠦᠨ ᠵᠠᠷᠤᠵᠤ ᠵᠡᠮᠤᠬᠠ ᠶᠢᠨ ᠦᠬᠡ ᠶᠢ ᠲᠤᠭᠤᠷᠢᠯ ᠬᠠᠨ ᠳᠤ ᠤᠯᠠᠮᠵᠢᠯᠠᠪᠠ | ᠃ ᠲᠤᠭᠤᠷᠢᠯ ᠬᠠᠨ ᠲᠡᠷᠡ ᠲᠠᠷᠤᠢ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠠᠪᠴᠤ ᠮᠤᠷᠳᠠᠭᠠᠳ ᠪᠤᠷᠬᠠᠨ ᠬᠠᠯᠳᠤᠨ ᠤ ᠦᠪᠦᠷ ᠢ | ᠲᠠᠭᠠᠷᠢᠨ ᠪᠦᠷᠬᠢ ᠡᠷᠬᠢ ᠶᠢ ᠴᠢᠭᠯᠡᠨ ᠶᠠᠪᠤᠪᠠ᠃ ᠲᠡᠮᠦᠵᠢᠨ ᠪᠦᠷᠬᠢ ᠡᠷᠬᠢ ᠠᠴᠠ ᠪᠦᠬᠦ ᠴᠡᠷᠢᠭ ᠢᠶᠠᠨ ᠠᠪᠴᠤ | ᠬᠦᠳᠡᠯᠦᠬᠡᠳ ᠲᠤᠭᠤᠷᠢᠯ ᠬᠠᠨ ᠪᠠ ᠲᠡᠬᠦᠨ ᠤ ᠲᠡᠬᠦᠦ ᠵᠠᠬᠠ ᠬᠠᠮᠪᠤ ᠨᠠᠷ ᠢ ᠬᠢᠮᠤᠷᠭᠠ ᠭᠤᠷᠤᠬᠠᠨ ᠤ ᠠᠶᠢᠯ | ᠬᠠᠷᠠᠭᠠᠨᠠ ᠬᠡᠬᠦ ᠭᠠᠵᠠᠷ ᠪᠠᠭᠤᠵᠤ ᠪᠠᠶᠢᠬᠤ ᠳᠤ ᠬᠦᠷᠴᠤ ᠤᠴᠢᠪᠠ᠃ ᠲᠡᠬᠡᠬᠡᠳ ᠲᠡᠮᠦᠵᠢᠨ᠂ ᠲᠤᠭᠤᠷᠢᠯ ᠬᠠᠨ᠂ | ᠵᠠᠬᠠ ᠬᠠᠮᠪᠤ ᠭᠤᠷᠪᠠᠭᠤᠯᠠ ᠨᠠᠶᠢᠯᠡᠨ ᠴᠢᠨᠠᠭᠰᠢ ᠬᠦᠳᠡᠯᠵᠤ ᠤᠭ ᠤᠨ ᠪᠤᠯᠵᠤᠭᠠᠯᠠᠭᠰᠠᠨ ᠪᠤᠳᠤᠬᠠᠨ ᠪᠤᠤᠷᠵᠢ ᠳᠤ | ᠬᠦᠷᠪᠡᠯ ᠵᠠᠮᠤᠬᠠ ᠨᠢᠬᠡᠨᠳᠠ ᠠᠳᠠ ᠬᠦᠷᠴᠤ ᠢᠷᠡᠬᠡᠳ ᠭᠤᠷᠪᠠ ᠬᠤᠨᠤᠭ ᠬᠦᠯᠢᠶᠡᠵᠤ ᠪᠠᠶᠢᠵᠠᠢ᠃ ᠵᠠᠮᠤᠬᠠ ᠲᠡᠳᠡᠨ ᠢ | ᠦᠵᠡᠬᠡᠳ ᠬᠤᠶᠠᠷ ᠲᠦᠮᠡᠨ ᠴᠡᠷᠢᠭ ᠢᠶᠠᠨ ᠵᠢᠭᠰᠠᠭᠠᠪᠠ᠃ ᠲᠡᠮᠦᠵᠢᠨ᠂ ᠲᠤᠭᠤᠷᠢᠯ ᠬᠠᠨ᠂ ᠵᠠᠬᠠ ᠬᠠᠮᠪᠤ ᠭᠤᠷᠪᠠ | ᠪᠠᠰᠠ ᠴᠡᠷᠢᠭ ᠢᠶᠠᠨ ᠵᠢᠭᠰᠠᠭᠠᠵᠤ᠂ ᠬᠠᠷᠢᠯᠴᠠᠨ ᠦᠬᠡ ᠠᠯᠳᠠᠭᠰᠠᠨ ᠦᠭᠡᠢ ᠪᠠᠨ ᠮᠡᠳᠡᠭᠳᠡᠪᠡ᠃ ᠲᠡᠭᠡᠭᠡᠳ ᠬᠤᠶᠠᠷ | ᠡᠳᠡᠬᠡᠳ ᠢᠶᠠᠷ ᠢᠶᠠᠨ ᠤᠷᠤᠭᠰᠢ ᠲᠠᠪᠰᠢᠵᠤ ᠠᠭᠤᠯᠵᠠᠨ ᠲᠠᠨᠢᠯᠴᠠᠵᠠᠭᠠᠪᠠ᠃ ᠵᠠᠮᠤᠬᠠ᠄ | ︽ᠤᠷᠢᠳ ᠪᠢᠳᠠ ᠪᠤᠷᠤᠭᠠᠨ ᠲᠤᠬᠢᠶᠠᠯᠳᠤᠪᠠᠴᠤ ᠪᠤᠯᠵᠤᠭᠠᠨ ᠠᠴᠠ ᠬᠤᠵᠢᠮᠳᠠᠬᠤ ᠦᠭᠡᠢ᠂ | ᠬᠤᠷᠠ ᠲᠤᠬᠢᠶᠠᠯᠳᠤᠪᠠᠴᠤ ᠬᠤᠷᠠᠯ ᠠᠴᠠ ᠬᠤᠵᠢᠮᠳᠠᠬᠤ ᠦᠭᠡᠢ ᠬᠡᠵᠤ ᠮᠤᠩᠭᠤᠯ ᠦᠬᠡ ᠪᠠᠷ ᠬᠡᠯᠡᠯᠴᠡᠵᠤ ︿ᠵᠠ﹀ | ᠬᠡᠵᠤ ᠠᠨᠳᠠᠭᠠᠶᠢᠯᠠᠭᠰᠠᠨ ᠪᠢᠰᠢ ᠤᠤ︖ ︿ᠵᠠ﹀ ᠬᠡᠰᠡᠨ ᠦᠬᠡᠨ ᠠᠴᠠ ᠬᠤᠵᠢᠮᠳᠠᠭᠰᠠᠳ ᠢ ᠵᠡᠷᠬᠡ ᠲᠤᠳᠤᠷᠠ ᠠᠴᠠ | ᠬᠠᠰᠤᠶᠠ ᠬᠡᠰᠡᠨ ᠪᠢᠰᠢ ᠤᠤ︖︾ ᠬᠡᠵᠤ ᠲᠡᠮᠦᠵᠢᠨ᠂ ᠲᠤᠭᠤᠷᠢᠯ ᠬᠠᠨ ᠨᠠᠷ ᠢ ᠪᠤᠯᠵᠤᠭᠠᠨ ᠠᠴᠠ ᠬᠤᠵᠢᠮᠳᠠᠭᠰᠠᠨ | ᠲᠤᠬᠠᠢ ᠵᠢᠮᠠᠯᠠᠵᠤ ᠬᠡᠯᠡᠭᠰᠡᠨ ᠳᠤ᠂ ᠲᠤᠭᠤᠷᠢᠯ ᠬᠠᠨ᠄ | ︽ᠪᠤᠯᠵᠤᠭᠠᠨ ᠤ ᠭᠠᠵᠠᠷ ᠭᠤᠷᠪᠠᠨ ᠡᠳᠤᠷ ᠬᠤᠵᠢᠮᠳᠠᠵᠤ ᠢᠷᠡᠭᠰᠡᠨ ᠤᠴᠢᠷ ᠲᠤ | ᠪᠤᠷᠤᠭᠤᠰᠢᠶᠠᠨ ᠵᠢᠮᠡᠯᠡᠬᠦ ᠨᠢ ᠵᠦᠢ᠂ ᠶᠠᠭᠠᠬᠢᠨ ᠲᠤᠷᠭᠠᠬᠤ ᠶᠢ ᠵᠠᠮᠤᠬᠠ ᠲᠡᠬᠦᠦ ᠮᠢᠨᠢ ᠮᠡᠳᠡᠳᠦᠬᠡᠢ︾ ᠬᠡᠵᠤ | ᠭᠤᠷᠪᠠᠭᠤᠯᠠ ᠨᠢᠬᠡᠨ ᠵᠡᠷᠬᠡ ᠢᠨᠢᠶᠡᠯᠴᠡᠨ ᠶᠠᠷᠢᠯᠴᠠᠪᠠ᠃ | ᠲᠡᠨᠳᠡ ᠠᠴᠠ ᠭᠤᠷᠪᠠᠨ ᠰᠠᠯᠠᠭᠠ ᠴᠡᠷᠢᠭ ᠨᠡᠶᠢᠯᠡᠨ ᠬᠦᠳᠡᠯᠵᠤ ᠬᠢᠯᠠᠭᠤ ᠮᠦᠷᠡᠨ ᠳᠤ ᠬᠦᠷᠴᠤ | ᠤᠴᠢᠪᠠᠯ ᠮᠦᠷᠡᠨ ᠤ ᠬᠦᠪᠡᠭᠡ ᠳᠤ ᠰᠠᠬᠠᠯ ᠡᠪᠡᠰᠤ ᠭᠠᠵᠠᠷ ᠰᠠᠢ ᠦᠭᠡᠢ ᠤᠷᠭᠤᠵᠤ ᠪᠠᠷᠤᠭ ᠯᠡ ᠲᠡᠭᠡᠬᠦᠷ ᠨᠢ | ᠬᠢᠰᠬᠢᠬᠡᠳ ᠭᠠᠷᠴᠤ ᠪᠤᠯᠤᠮᠠᠷ ᠪᠠᠶᠢᠯᠠ᠃ ᠵᠠᠮᠤᠬᠠ᠂ ᠲᠡᠮᠦᠵᠢᠨ᠂ ᠲᠤᠭᠤᠷᠢᠯ ᠬᠠᠨ ᠴᠡᠷᠢᠭ ᠲᠡᠭᠡᠨ ᠵᠠᠷᠯᠠᠨ ᠢᠯᠳᠤ | ᠵᠢᠳᠠ ᠪᠠᠷ ᠰᠠᠬᠠᠯ ᠡᠪᠡᠰᠤ ᠬᠠᠳᠤᠭᠤᠯᠵᠤ ᠰᠠᠯ ᠤᠶᠠᠭᠤᠯᠪᠠ᠃ ᠰᠦᠨᠢ ᠲᠦᠯᠢ ᠦᠩᠬᠡᠷᠡᠵᠤ ᠪᠠᠶᠢᠬᠤ ᠳᠤ ᠬᠡᠳᠤᠨ | ᠵᠠᠭᠤᠨ ᠰᠡᠯ ᠤᠶᠠᠵᠤ ᠬᠢᠯᠠᠭᠤ ᠮᠦᠷᠡᠨ ᠢ ᠬᠡᠳᠦᠯᠦᠨ᠂ ᠪᠤᠤᠷᠠ ᠬᠡᠬᠡᠷᠡ ᠶᠢ ᠬᠡᠨᠡᠳᠳᠠ ᠲᠠᠭᠠᠷᠢᠵᠤ᠂ ᠤᠳᠤᠶᠢᠳ | ᠮᠡᠷᠬᠢᠳ ᠤᠨ ᠡᠷᠦᠬᠡ ᠲᠡᠭᠡᠷᠡ ᠠᠴᠠ ᠨᠦᠮᠦᠷᠤᠨ ᠪᠠᠭᠤᠵᠤ᠂ ᠡᠷᠦᠬᠡ ᠡᠬᠦᠳᠡ ᠶᠢ ᠨᠢ ᠡᠪᠳᠠᠨ ᠰᠦᠢᠳᠬᠡᠵᠤ᠂ ᠡᠳ᠋ | ᠠᠭᠤᠷᠠᠰᠤ ᠶᠢ ᠨᠢ ᠪᠤᠯᠢᠶᠠᠨ ᠲᠠᠯᠠᠵᠤ᠂ ᠡᠮᠡᠰ ᠬᠡᠤᠬᠡᠳ ᠢ ᠨᠢ ᠤᠯᠵᠠᠯᠠᠨ᠂ ᠦᠪᠴᠢᠨ ᠤᠯᠤᠰ ᠢ ᠨᠢ ᠬᠤᠭᠤᠰᠤᠯᠠᠪᠠ | ᠃ | ᠡᠨᠡ ᠲᠠᠶᠢᠨ ᠳᠤ ᠲᠡᠮᠦᠵᠢᠨ ᠤ ᠴᠡᠷᠢᠭ ᠬᠠᠭᠠᠳ ᠮᠡᠷᠬᠢᠳ ᠤᠨ ᠬᠠᠭᠠᠳᠠᠢ ᠲᠡᠷᠮᠠᠯᠠ ᠶᠢ | ᠤᠨᠳᠠᠵᠤ ᠪᠠᠶᠢᠬᠤ ᠳᠤ ᠪᠠᠷᠢᠪᠴᠢᠯᠠᠵᠤ ᠲᠡᠮᠦᠵᠢᠨ ᠳᠤ ᠬᠦᠷᠬᠡᠭᠰᠡᠨᠡ᠂ ᠲᠡᠬᠦᠨ ᠳᠤ ᠬᠠᠪᠳᠠᠰᠤᠨ ᠪᠠᠭᠤ ᠵᠡᠬᠦᠯᠬᠡᠵᠤ | ᠪᠤᠷᠬᠠᠨ ᠬᠠᠯᠳᠤᠨ ᠳᠤ ᠶᠠᠪᠤᠭᠤᠯᠪᠠ᠃ ᠤᠳᠤᠶᠢᠳ ᠮᠡᠷᠬᠢᠳ ᠤᠨ ᠲᠤᠭᠳᠠᠭᠠ ᠬᠢᠬᠡᠳ ᠤᠸᠠᠰ ᠮᠡᠷᠬᠢᠳ ᠤᠨ ᠲᠠᠶᠢᠷ | ᠤᠰᠤᠨ ᠬᠠᠷᠢᠨ ᠬᠢᠯᠠᠭᠤ ᠮᠦᠷᠡᠨ ᠤ ᠵᠢᠭᠠᠰᠤᠴᠢᠨ᠂ ᠪᠤᠯᠠᠭᠠᠴᠢᠨ ᠤ ᠬᠡᠯᠡ ᠬᠦᠷᠬᠡᠭᠰᠡᠨ ᠠᠴᠢ ᠪᠠᠷ ᠴᠦᠬᠡᠨ | ᠨᠦᠬᠦᠳ ᠢᠶᠠᠨ ᠲᠠᠭᠠᠭᠤᠯᠵᠤ ᠰᠡᠯᠡᠩᠬᠡ ᠮᠦᠷᠡᠨ ᠢ ᠤᠷᠤᠭᠤᠳᠠᠨ ᠪᠠᠷᠭᠤᠵᠢᠨ ᠨᠤᠳᠤᠭ ᠲᠤ ᠲᠤᠳᠠᠭᠠᠨ ᠤᠳᠪᠠ᠃ | ᠲᠡᠮᠦᠵᠢᠨ ᠲᠦᠷᠪᠡᠵᠤ ᠶᠠᠪᠤᠭᠠ ᠬᠦᠮᠦᠰ ᠤᠨ ᠲᠤᠮᠳᠠᠭᠤᠷ ︽ᠪᠦᠷᠳᠠ᠂ ᠪᠦᠷᠳᠡ︾ ᠬᠡᠵᠤ | ᠲᠠᠭᠤᠳᠠᠵᠤ ᠶᠠᠪᠤᠪᠠ᠃ ᠲᠡᠭᠡᠭᠡᠳ ᠨᠠᠰᠢ ᠴᠠᠰᠢ ᠬᠡᠳᠤ ᠤᠳᠠᠭᠠ ᠲᠡᠪᠬᠢᠨ ᠪᠦᠷᠳᠡ ᠦᠵᠢᠨ ᠢ ᠡᠷᠢᠵᠤ ᠤᠯᠬᠤ ᠦᠭᠡᠢ | ᠰᠠᠨᠳᠤᠷᠴᠤ ᠶᠠᠪᠤᠳᠠᠯᠠ ᠲᠡᠮᠦᠵᠢᠨ ᠤ ᠴᠡᠷᠢᠭ ᠤᠳ ᠨᠢᠬᠡᠨ ᠬᠠᠷᠭᠤᠳᠠᠢ ᠲᠡᠷᠬᠡ ᠶᠢ ᠬᠦᠷᠢᠶᠡᠯᠡᠨ ᠠᠪᠴᠤ᠄ | ︽ᠡᠨᠡ ᠲᠤᠳᠤᠷᠠ ᠬᠡᠨ ᠰᠠᠭᠤᠵᠤ ᠪᠠᠶᠢᠨᠠ︖︾ ᠬᠡᠵᠤ ᠠᠰᠠᠭᠤᠭᠰᠠᠨ ᠳᠤ᠂ ᠲᠡᠷᠬᠡᠨ ᠤ | ᠲᠤᠳᠤᠷᠠ ᠠᠴᠠ᠄ | ︽ᠪᠢ ᠲᠡᠮᠦᠵᠢᠨ ᠤ ᠬᠡᠷᠬᠡᠢ ᠪᠦᠷᠳᠠ ᠪᠠᠶᠢᠨᠠ︾ ᠬᠡᠵᠤ ᠠᠶᠤᠵᠤ ᠬᠡᠯᠮᠡᠭᠳᠡᠭᠰᠡᠨ ᠲᠠᠭᠤᠨ | ᠭᠠᠷᠪᠠ᠃ ᠴᠡᠷᠢᠭ ᠤᠳ᠄ | ︽ᠪᠦᠷᠳᠠ ᠦᠵᠢᠨ ᠠᠳᠠ ᠪᠠᠶᠢᠨᠠ︕︾ ᠬᠡᠵᠤ ᠬᠠᠰᠬᠢᠷᠦᠯᠳᠤᠭᠰᠠᠨ ᠳᠤ ᠲᠡᠮᠦᠵᠢᠨ | ᠢᠷᠡᠵᠤ ᠬᠤᠸᠠᠭᠴᠢᠨ ᠡᠮᠡᠬᠡᠨ ᠪᠤᠯᠤᠨ ᠪᠦᠷᠳᠡ ᠦᠵᠢᠨ ᠲᠠᠢ ᠤᠴᠠᠷᠠᠨ ᠵᠤᠯᠭᠠᠯᠳᠤᠪᠠ᠃ | ᠲᠡᠮᠦᠵᠢᠨ ᠲᠠᠷᠤᠢ ᠲᠤᠭᠤᠷᠢᠯ ᠬᠠᠨ ᠪᠤᠯᠤᠨ ᠵᠠᠮᠤᠬᠠ ᠳᠤ ᠬᠦᠮᠦᠨ ᠢᠯᠡᠬᠡᠵᠤ᠄ ︽ᠪᠢᠳᠡ | ᠡᠷᠢᠭ᠍ᠰᠡᠨ ᠬᠦᠮᠦᠨ ᠢ ᠤᠯᠤᠭᠰᠠᠨ ᠲᠤᠯᠠ ᠡᠨᠡ ᠰᠦᠨᠢ ᠲᠤᠪᠳᠤᠯᠬᠤ ᠶᠢ ᠪᠠᠶᠢᠵᠤ᠂ ᠠᠳᠡ ᠪᠠᠨ ᠪᠠᠭᠤᠵᠠᠭᠠᠶᠠ︾ ᠬᠡᠵᠤ | ᠬᠡᠯᠡᠬᠦᠯᠪᠡ᠃ ᠲᠤᠭᠤᠷᠢᠯ ᠬᠠᠨ ᠪᠤᠯᠤᠨ ᠵᠠᠮᠤᠬᠠ ᠬᠤᠶᠠᠷ ᠲᠡᠷᠡ ᠦᠬᠡ ᠶᠢ ᠵᠦᠪᠰᠢᠶᠡᠷᠡᠵᠤ ᠲᠡᠷᠡ ᠰᠦᠨᠢ ᠬᠢᠯᠠᠭᠤ | ᠮᠦᠷᠡᠨ ᠤ ᠬᠠᠪᠢ ᠭᠠᠵᠠᠷ ᠪᠠᠭᠤᠵᠤ᠂ ᠮᠠᠷᠭᠠᠰᠢ ᠨᠢ ᠦᠯᠡᠳᠡᠭᠰᠡᠨ ᠮᠡᠷᠬᠢᠳ ᠢ ᠲᠤᠪᠳᠤᠯᠵᠤ ᠦᠨᠡᠰᠤᠨ ᠲᠤᠪᠷᠠᠭ | ᠪᠤᠯᠭᠠᠵᠤ ᠤᠷᠬᠢᠪᠠ᠃ | ᠴᠢᠯᠠᠳᠤ ᠶᠢᠨ ᠲᠡᠬᠦᠦ ᠴᠢᠯᠡᠬᠡᠷ ᠪᠦᠬᠡ ᠠᠮᠢᠳᠤ ᠭᠠᠷᠤᠭᠠᠳ᠄ | ︽ᠬᠠᠷᠠ ᠮᠠᠭᠤ ᠬᠡᠷᠢᠶᠡ | ᠬᠠᠯᠢᠰᠤ ᠬᠦᠷᠡᠰᠤ ᠢᠳᠡᠬᠦ ᠵᠠᠶᠠᠭᠠ ᠲᠠᠢ ᠪᠠᠶᠢᠳᠠᠯᠠ | ᠭᠠᠯᠠᠭᠤ ᠲᠤᠭᠤᠷᠤᠤ ᠢᠳᠡᠬᠦ ᠬᠡᠵᠤ ᠰᠠᠨᠠᠭᠠᠷᠬᠠᠬᠤ ᠮᠡᠳᠤ | ᠬᠠᠳᠠᠷ ② ᠮᠠᠭᠤ ᠴᠢᠯᠡᠬᠡᠷ ᠪᠢ | ᠬᠠᠳᠤᠨ ᠦᠵᠢᠨ ᠳᠤ ᠬᠠᠯᠳᠠᠵᠤ | ᠬᠠᠮᠤᠭ ᠮᠡᠷᠬᠢᠳ ᠲᠤ ᠠᠶᠤᠯ ᠤᠴᠠᠷᠠᠭᠤᠯᠵᠤ | ᠭᠠᠭᠴᠠᠬᠠᠨ ᠠᠮᠢ ᠪᠠᠨ ᠬᠤᠷᠭᠤᠳᠠᠬᠤ | ᠬᠠᠯᠬᠠ ᠨᠦᠮᠦᠷᠢ ᠦᠭᠡᠢ ᠪᠤᠯᠵᠤ | ᠬᠠᠪᠴᠢᠯ ᠭᠤᠤ ᠳᠤ ᠰᠢᠷᠭᠤᠨ | ᠬᠠᠷᠠ ᠲᠤᠯᠤᠭᠠᠢ ᠪᠠᠨ ᠠᠯᠳᠠᠬᠤ ᠪᠤᠯᠪᠠ᠃ | ᠬᠤᠯᠠᠳᠤ ᠮᠠᠭᠤ ᠰᠢᠪᠠᠭᠤ | ᠬᠤᠯᠤᠭᠠᠨᠠ ᠤᠭᠤᠳᠤᠨᠠ ᠢᠳᠡᠬᠦ ᠵᠠᠶᠠᠭᠠ ᠲᠠᠢ ᠪᠠᠶᠢᠳᠠᠯᠠ | ᠬᠤᠨ ᠭᠠᠯᠠᠭᠤ ᠢᠳᠡᠬᠦ ᠬᠡᠵᠤ ᠰᠠᠨᠠᠭᠠᠷᠬᠠᠬᠤ ᠮᠡᠳᠤ | ᠬᠤᠪᠢ ᠮᠠᠭᠤ ᠴᠢᠯᠡᠬᠡᠷ ᠪᠢ | ᠬᠤᠳᠤᠭᠳᠤ ᠦᠵᠢᠨ ᠳᠤ ᠬᠠᠯᠳᠠᠵᠤ | ᠬᠤᠳᠠᠯᠠ ᠢᠷᠬᠡᠨ ᠳᠤ ᠬᠦᠨᠦᠬᠡᠯ ᠤᠴᠠᠷᠠᠭᠤᠯᠵᠤ | ᠬᠤᠷᠤᠭᠤᠨ ᠤ ᠲᠡᠳᠤᠢ ᠠᠮᠢ ᠪᠠᠨ | ᠬᠤᠷᠭᠤᠳᠠᠬᠤ ᠭᠠᠵᠠᠷ ᠦᠭᠡᠢ ᠪᠤᠯᠵᠤ | ᠭᠤᠤ ᠬᠠᠪᠴᠢᠯ ᠳᠤ ᠰᠢᠷᠭᠤᠨ | ᠬᠤᠬᠢᠮᠠᠢ ᠲᠤᠯᠤᠭᠠᠢ ᠪᠠᠨ ᠠᠯᠳᠠᠬᠤ ᠪᠤᠯᠪᠠ︕︾ ᠬᠡᠵᠤ ᠬᠡᠮᠰᠢᠨ ᠲᠤᠳᠠᠭᠠᠪᠠ᠃ | | | ᠲᠠᠶᠢᠯᠪᠤᠷᠢ | ① ᠬᠠᠳᠠᠩᠭᠤ ᠲᠡᠪᠡᠯ — ᠪᠠᠬᠢ ᠬᠠᠳᠠᠭᠤ ᠬᠤᠶᠠᠭ ᠲᠠᠢ ᠲᠡᠪᠡᠯ | ② ᠬᠠᠳᠠᠷ — ᠶᠠᠬᠢᠷ ᠬᠡᠷᠡᠬᠦᠯᠴᠢ | | | ᠡᠮᠤᠨᠡᠬᠢ ᠦᠯᠢᠬᠡᠷ᠄ ᠭᠤᠷᠪᠠᠨ ᠮᠡᠷᠬᠢᠳ ᠤᠨ ᠲᠤᠪᠳᠤᠯᠤᠯ | ᠬᠤᠶᠢᠨᠡᠬᠢ ᠦᠯᠢᠬᠡᠷ᠄ ᠪᠦᠷᠢ ᠪᠦᠬᠡ ᠠᠮᠢ ᠪᠠᠨ ᠠᠯᠳᠠᠭᠰᠠᠨ | |