| ᠴᠠᠭ ᠦᠶᠡ ᠶᠢᠨ ᠬᠦᠭᠵᠢᠯᠲᠡ᠂ ᠨᠡᠶᠢᠬᠡᠮ ᠠᠮᠢᠳᠤᠷᠠᠯ ᠤᠨ ᠴᠢᠨᠡᠭᠡᠯᠡᠭᠵᠢᠯᠲᠡ ᠠᠴᠠ ᠪᠤᠯᠵᠤ ᠰᠤᠶᠤᠯ ᠤᠨ | ᠰᠤᠯᠢᠯᠴᠠᠭᠠ ᠮᠠᠰᠢ ᠲᠦᠷᠭᠡᠨ ᠬᠦᠭᠵᠢᠵᠤ᠂ ᠦᠨᠦᠳᠦᠷ ᠤᠨ ᠬᠡᠦᠬᠡᠳ ᠤᠳ ᠮᠠᠰᠢ ᠵᠢᠷᠭᠠᠯ ᠲᠠᠢ ᠪᠤᠯᠤᠭᠰᠠᠨ ᠨᠢ | ᠳᠡᠮᠡᠢ ᠴᠤ ᠬᠠᠴᠢᠷᠬᠠᠮᠠᠷ ᠶᠠᠪᠤᠳᠠᠯ ᠪᠢᠰᠢ ᠪᠤᠯᠤᠯᠠ᠃ ᠬᠡᠯᠡᠨ ᠳᠤ ᠤᠷᠤᠭᠰᠠᠨ ᠬᠡᠦᠬᠡᠳ ᠠᠴᠠ ᠠᠪᠤᠭᠠᠳ | ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠬᠦᠭᠡᠭᠡᠭᠰᠡᠨ ᠬᠡᠦᠬᠡᠳ ᠤᠳ ᠬᠦᠷᠲᠡᠯᠡ ᠪᠦᠷ ᠲᠧᠯᠸᠢᠰ ᠷᠠᠳᠢᠤ᠋᠂ ᠺᠤᠮᠫᠢᠤᠲ᠋ᠧᠷ | ᠰᠦᠯᠵᠢᠶᠡ ᠵᠡᠷᠭᠡ ᠪᠠᠷ ᠳᠠᠮᠵᠢᠭᠤᠯᠤᠨ ᠨᠡᠶᠢᠬᠡᠮ ᠠᠬᠤᠢ ᠶᠢᠨ ᠤᠯᠠᠨ ᠵᠦᠢᠯᠡᠰ ᠲᠠᠢ ᠬᠦᠷᠦᠯᠴᠡᠵᠤ ᠴᠢᠳᠠᠬᠤ ᠪᠤᠯᠵᠠᠢ᠃ | ᠠᠯᠢᠪᠠ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠲᠡ ᠨᠢ ᠪᠦᠷ ᠲᠡᠭᠦᠨ ᠤ ᠪᠠᠨ ᠳᠠᠪᠠᠭᠤᠯᠢᠭ ᠢᠶᠠᠷ ᠵᠢᠷᠭᠠᠵᠤ ᠪᠠᠶᠢᠳᠠᠭ ᠪᠤᠯᠪᠠᠴᠤ | ᠳᠤᠳᠠᠭᠳᠠᠯ ᠨᠢ ᠳᠠᠭᠠᠯᠳᠤᠨ ᠤᠷᠤᠰᠢᠵᠤ ᠪᠠᠶᠢᠳᠠᠭ ᠨᠢ ᠴᠤ ᠶᠠᠷᠢᠶᠠᠨ ᠦᠭᠡᠢ᠃ ᠠᠳᠡ ᠪᠢ ᠲᠧᠯᠸᠢᠰ ᠷᠠᠳᠢᠤ᠋ ᠬᠢᠭᠡᠳ | ᠮᠤᠩᠭᠤᠯ ᠬᠡᠦᠬᠡᠳ ᠤᠨ ᠦᠰᠦᠨ ᠪᠤᠶᠢᠵᠢᠯᠲᠠ ᠶᠢᠨ ᠳᠤᠬᠠᠢ ᠳᠦᠭᠦᠮ ᠶᠠᠷᠢᠶᠠ᠃ | | ᠨ᠊ᠵᠭᠡ ᠳᠤ᠂ ᠳᠡᠯᠭᠡᠷ ᠬᠠᠷᠠᠭᠠ | ᠦᠨᠦᠳᠦᠷ ᠤᠨ ᠬᠤᠪᠢᠷᠠᠯᠲᠠ ᠶᠢ ᠪᠢᠳᠠ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠲᠠᠢ ᠬᠠᠷᠢᠴᠠᠭᠤᠯᠬᠤ ᠶᠢᠨ | ᠠᠷᠭᠠ ᠦᠭᠡᠢ ᠭᠡᠳᠡᠭ ᠢ ᠬᠡᠨ ᠴᠤ ᠮᠡᠳᠡᠨᠡ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠵᠦᠪᠬᠡᠨ ᠠᠶᠢᠯ ᠠᠶᠢᠮᠠᠭ ᠤᠨ ᠬᠡᠳᠦᠨ ᠠᠬᠠ | ᠳᠡᠭᠦᠦ ᠲᠠᠢ ᠪᠠᠨ ᠡᠪᠳᠡᠷᠠᠬᠡᠢ ᠰᠠᠪᠠ᠂ ᠬᠠᠭᠠᠷᠬᠠᠢ ᠱᠠᠭᠠᠵᠠᠩ ᠢᠶᠠᠷ ︽ᠭᠡᠷ ᠤᠨ ᠬᠡᠷᠡᠭᠰᠡᠯ︾ ᠪᠤᠯᠭᠠᠨ ᠨᠠᠭᠠᠳᠴᠤ᠂ | ᠤᠶᠢᠷᠠ ᠤᠷᠴᠢᠮ ᠳᠤ ᠪᠤᠯᠤᠭᠰᠠᠨ ᠬᠡᠳᠦᠨ ᠠᠶᠢᠯ ᠤᠨ ᠶᠠᠪᠤᠳᠠᠯ ᠢ ︽ᠰᠤᠨᠢᠨ︾ ᠪᠤᠯᠭᠠᠵᠤ ᠶᠠᠷᠢᠴᠢᠬᠠᠪᠠᠯ ᠦᠭᠡᠷᠡ | ᠶᠠᠭᠤᠮᠠ ᠦᠭᠡᠢ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠨᠦᠬᠦᠴᠡᠯ ᠲᠠᠢ ᠬᠡᠳᠦ ᠨᠢ ︽ᠦᠯᠢᠭᠡᠷ︾ ᠰᠤᠨᠤᠰᠴᠤ ᠴᠢᠬᠢ ᠪᠠᠶᠠᠰᠬᠠᠨ | ᠤᠬᠠᠭᠠᠨ ᠨᠡᠭᠡᠭᠡᠭᠳᠡᠭᠦᠯᠳᠡᠭ ᠪᠠᠶᠢᠭᠰᠠᠨ ᠨᠢ ᠴᠤ ᠳᠤᠭᠠᠲᠠᠢ ᠳ᠋ᠠ᠃ ᠭᠡᠬᠦ ᠳᠤ ᠦᠨᠦᠳᠦᠷ ᠤᠨ ᠬᠡᠦᠬᠡᠳ ᠤᠳ ᠤᠯᠤᠰ | ᠤᠷᠤᠨ ᠤ ᠰᠤᠨᠢᠨ ᠮᠡᠳᠡᠭᠡ ᠠᠴᠠ ᠳᠡᠯᠡᠬᠡᠢ ᠶᠢᠨ ᠰᠤᠨᠢᠨ ᠮᠡᠳᠡᠭᠡ ᠶᠢ ᠬᠦᠷᠲᠡᠯᠡ ᠮᠡᠳᠡᠳᠡᠭ ᠨᠢ ᠦᠩᠭᠡᠷᠡᠭᠰᠡᠨ ᠲᠠᠢ | ᠬᠠᠷᠢᠴᠠᠭᠤᠯᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠤᠯᠵᠠᠢ᠃ | ᠠᠯᠢ ᠨᠢᠭᠡ ᠠᠶᠢᠯ ᠤᠨ ᠡᠭᠦᠳᠡ ᠪᠠᠷ ᠤᠷᠤᠬᠤ ᠳᠤ ᠴᠤ ᠬᠡᠦᠬᠡᠳ ᠤᠳ ᠵᠦᠭᠡᠯᠡᠨ ᠤᠷᠤ ᠳᠡᠭᠡᠷᠡ ᠪᠠᠨ | ᠰᠠᠭᠤᠭᠠᠳ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠦᠵᠡᠬᠦ ᠦᠭᠡᠢ ᠪᠤᠯ ᠺᠤᠮᠫᠢᠲ᠋ᠧᠷ ᠤᠨ ᠡᠮᠦᠨᠡ ᠬᠡᠦᠬᠡᠳ ᠤᠨ ᠰᠤᠨᠢᠷᠬᠠᠯᠲᠤ | ᠹᠢᠯᠢᠮ ᠤᠳ ᠢ ᠦᠵᠡᠵᠤ ᠪᠠᠶᠢᠳᠠᠭ᠃ ᠳᠡᠭᠡᠬᠦ ᠳᠤ ᠳᠡᠳᠡ ᠮᠤᠩᠭᠤᠯ ᠬᠢᠲᠠᠳ᠂ ᠶᠠᠫᠤᠨ ᠠᠮᠧᠷᠢᠺᠠ ᠵᠡᠷᠭᠡ | ᠤᠯᠤᠰ ᠤᠳ ᠤᠨ ᠰᠤᠩᠭᠤᠳᠠᠭ ᠪᠦᠲᠦᠭᠡᠯ ᠢ ᠰᠤᠨᠢᠷᠬᠠᠵᠤ ᠪᠠᠶᠢᠳᠠᠭ ᠰᠠᠨ᠃ ᠴᠡᠴᠡᠷᠯᠢᠭ ᠤᠨ ᠳᠤᠷᠠ ᠶᠢᠨ ᠨᠢᠭᠡ | ᠬᠡᠦᠬᠡᠳ ᠠᠴᠠ ︽ᠴᠢᠶᠠᠩ ᠭᠡᠯᠦᠩ︾ ᠢ ᠠᠰᠠᠭᠤᠬᠤ ᠳᠤ ᠮᠡᠳᠡᠬᠦ ᠦᠭᠡᠢ ᠭᠡᠬᠦ ᠬᠡᠦᠬᠡᠳ ᠪᠠᠶᠢᠬᠤ ᠦᠭᠡᠢ᠃ ᠳᠡᠳᠡ | ᠬᠡᠳᠦᠢ ᠬᠡᠦᠬᠡᠳ ᠪᠤᠯᠪᠠᠴᠤ ᠦᠵᠡᠵᠤ ᠰᠤᠨᠤᠰᠤᠭᠰᠠᠨ ᠵᠦᠢᠯᠡᠰ ᠮᠠᠰᠢ ᠦᠷᠭᠡᠨ ᠭᠡᠳᠡᠭ ᠨᠢ ᠳᠡᠳᠡᠨ ᠤ ᠦᠭᠡ ᠶᠠᠷᠢᠶᠠ | ᠂ ᠦᠢᠯᠡ ᠠᠵᠢᠯᠯᠠᠭᠠ ᠳᠡᠭᠡᠷᠡ ᠢᠯᠡᠷᠬᠡᠢ ᠮᠡᠳᠡᠭᠳᠡᠵᠤ ᠪᠠᠶᠢᠭᠠ᠃ ᠡᠭᠦᠨ ᠤ ᠤᠭ ᠤᠴᠢᠷ ᠠᠨᠤ ︽ᠲᠧᠯᠸᠢᠰ ᠷᠠᠳᠢᠤ᠋᠂ | ᠺᠤᠮᠫᠢᠦᠲ᠋ᠧᠷ ᠰᠦᠯᠵᠢᠶᠡᠨ︾ ᠤ ᠲᠦᠭᠡᠮᠡᠯᠵᠢᠯ ᠳᠤ ᠪᠠᠶᠢᠬᠤ ᠶᠤᠰᠤᠲᠠᠢ᠃ | | ᠬᠤᠶᠠᠷ᠂ ᠬᠡᠯᠡ ᠰᠤᠶᠤᠯ ᠤᠨ ᠨᠦᠯᠦᠭᠡ | ᠲᠧᠯᠸᠢᠰ ᠦᠵᠡᠬᠦ ᠪᠠᠷ ᠳᠠᠮᠵᠢᠭᠤᠯᠤᠨ ᠬᠡᠦᠬᠡᠳ ᠤᠳ ᠤᠨ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠤᠨ | ᠨᠦᠯᠦᠭᠡ ᠶᠢ ᠭᠦᠨ ᠬᠦᠷᠲᠡᠵᠤ ᠪᠠᠶᠢᠭᠠ᠃ ᠢᠯᠠᠩᠭᠤᠶᠠ ᠬᠢᠲᠠᠳ ᠬᠡᠯᠡᠨ ᠤ ᠨᠦᠯᠦᠭᠡ ᠶᠢ ᠭᠦᠨ ᠬᠦᠷᠲᠡᠵᠤ ᠪᠠᠶᠢᠭᠠ | ᠶᠤᠮ᠃ ᠮᠠᠨ ᠤ ᠤᠯᠤᠰ ᠤᠨ ᠬᠦᠭᠵᠢᠯᠲᠡ ᠠᠰᠤᠷᠤ ᠠᠮᠵᠢᠯᠲᠠ ᠤᠯᠬᠤ ᠪᠠᠷ ᠲᠧᠯᠸᠢᠰ ᠤᠨ ᠬᠦᠭᠵᠢᠯᠲᠡ ᠳᠤ ᠨᠦᠷᠢ | ᠶᠡᠭᠡ ᠳᠡᠮᠵᠢᠯᠭᠡ ᠦᠵᠡᠭᠦᠯᠵᠤ ᠪᠠᠶᠢᠭᠠ ᠳ᠋ᠠ᠃ ᠬᠡᠦᠬᠡᠳ ᠤᠨ ᠰᠤᠨᠢᠷᠬᠠᠯ ᠢ ᠳᠠᠳᠠᠬᠤ ᠳᠤ ᠬᠡᠦᠬᠡᠳ ᠤᠨ ᠪᠡᠶᠡ | ᠰᠡᠳᠬᠢᠴᠡ ᠶᠢᠨ ᠬᠦᠭᠵᠢᠯᠲᠡ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠭᠤᠯᠬᠤ ᠨᠢ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠳᠠᠭ᠃ ᠪᠦᠬᠦᠯᠢ ᠡᠳᠦᠷ ᠤᠨ | ᠴᠠᠭ ᠢ ᠪᠦᠬᠦᠨ ᠢ ᠵᠦᠪᠬᠡᠨ ᠬᠡᠦᠬᠡᠳ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠳᠤᠰᠬᠠᠢ ᠫᠷᠤᠭ᠍ᠷᠠᠮ ᠪᠤᠯ ᠲᠦᠪ ᠲᠧᠯᠸᠢᠰ ᠤᠨ ︽ | ᠬᠡᠦᠬᠡᠳ︾ ᠤᠨ ᠰᠤᠪᠠᠭ ᠪᠤᠯᠤᠨᠠ᠃ ᠢᠩᠬᠢᠬᠦ ᠪᠠᠷ ᠬᠡᠦᠬᠡᠳ ᠤᠨ ᠪᠦᠬᠦ ᠠᠩᠬᠠᠷᠤᠯ ᠳᠡᠨᠳᠡ ᠪᠠᠶᠢᠭᠠ ᠤᠴᠢᠷ ᠡᠳᠦᠷ | ᠪᠦᠷᠢ ᠶᠢᠨ ᠦᠵᠡᠵᠤ ᠰᠤᠨᠤᠰᠴᠤ ᠪᠠᠶᠢᠭᠠ ᠨᠢ ᠬᠢᠲᠠᠳ ᠬᠡᠯᠡᠨ ᠤ ᠵᠦᠢᠯᠡᠰ ᠪᠠᠶᠢᠭᠠ᠃ ᠢᠩᠬᠢᠬᠦ ᠪᠠᠷ ᠬᠢᠲᠠᠳ | ᠰᠤᠶᠤᠯ ᠤᠨ ᠨᠦᠯᠦᠭᠡ ᠶᠢ ᠭᠦᠨ ᠬᠦᠷᠲᠡᠵᠤ ᠪᠠᠶᠢᠭᠠ ᠶᠤᠮ᠃ | 1. ᠬᠢᠲᠠᠳ ᠬᠡᠯᠡᠨ ᠤ ᠨᠦᠯᠦᠭᠡ | ᠠᠪᠤ ᠡᠵᠢ ᠨᠢ ᠬᠢᠲᠠᠳ ᠦᠭᠡ ᠶᠢ ᠶᠡᠷᠦ ᠠᠴᠠ ᠶᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ ᠴᠤ ᠴᠡᠴᠡᠷᠯᠢᠭ ᠲᠤ ᠤᠷᠤᠭᠠ | ᠬᠡᠦᠬᠡᠳ ᠨᠢ ᠨᠡᠯᠢᠶᠡᠳ ᠬᠡᠳᠦᠨ ᠬᠢᠲᠠᠳ ᠦᠭᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠮᠦᠷᠲᠡᠭᠡᠨ ᠨᠠᠭᠠᠳᠴᠤ | ᠲᠤᠭᠯᠠᠬᠤ ᠳᠤ ᠪᠠᠨ ᠮᠠᠰᠢ ᠤᠯᠠᠨ ᠬᠢᠲᠠᠳ ᠦᠭᠦᠯᠡᠪᠦᠷᠢ ᠶᠢ ᠶᠠᠷᠢᠵᠤ ᠪᠠᠶᠢᠭᠠ᠃ ᠡᠳᠡᠭᠡᠷ ᠦᠭᠡᠰ ᠨᠢ ᠭᠤᠤᠯᠳᠠᠭᠤ ︽ | ᠬᠡᠦᠬᠡᠯᠳᠡᠢ ᠵᠦᠴᠦᠭᠡ︾ ᠠᠴᠠ ᠢᠷᠡᠯᠲᠡᠢ ᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠳᠡᠳᠡ ᠨᠠᠭᠠᠳᠴᠤ ᠲᠤᠭᠯᠠᠵᠤ ᠪᠠᠶᠢᠭᠠ | ᠦᠶᠡ ᠳᠤ ᠪᠠᠨ ᠬᠡᠯᠡᠭᠰᠡᠨ ᠦᠭᠡᠰ ᠨᠢ ᠪᠦᠷ ᠴᠤ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠶᠢᠨ ᠭᠤᠤᠯ ᠪᠠᠭᠠᠲᠤᠷ ᠤᠨ ᠦᠭᠡ ᠶᠠᠷᠢᠶᠠ | ᠪᠠᠶᠢᠳᠠᠭ ᠨᠢ ᠬᠡᠦᠬᠡᠯᠳᠡᠢ ᠵᠦᠴᠦᠭᠡ ᠶᠢᠨ ᠨᠦᠯᠦᠭᠡ ᠭᠡᠳᠡᠭ ᠢ ᠪᠠᠲᠤ ᠨᠤᠳᠠᠯᠠᠵᠤ ᠪᠠᠶᠢᠭᠠ᠃ ᠡᠨᠡ ᠨᠢ ᠵᠦᠪᠬᠡᠨ ᠬᠡᠯᠡ | ᠶᠠᠷᠢᠶᠠᠨ ᠤ ᠨᠦᠯᠦᠭᠡ ᠶᠢ ᠬᠦᠷᠲᠡᠵᠤ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠪᠢᠯᠡ᠃ | 2. ᠬᠢᠲᠠᠳ ᠰᠡᠳᠬᠢᠬᠦᠢ ᠶᠢᠨ ᠨᠦᠯᠦᠭᠡ | ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ ᠰᠤᠷᠭᠠᠯᠲᠠ ᠶᠢ ᠮᠠᠰᠢ ᠬᠦᠨᠳᠦᠳᠭᠡᠵᠤ᠂ ᠡᠬᠡ | ᠬᠡᠯᠡ ᠪᠠᠷ ᠬᠢᠴᠢᠶᠡᠯ ᠤᠷᠤᠵᠤ ᠪᠠᠶᠢᠭᠠ ᠪᠤᠯᠬᠤᠷ ᠵᠤᠬᠢᠶᠠᠨ ᠪᠢᠴᠢᠯᠭᠡ᠂ ᠶᠠᠷᠢᠶᠠ ᠬᠠᠷᠢᠯᠴᠠᠭᠠ ᠬᠢᠯᠭᠡᠬᠦ ᠳᠤ | ᠰᠤᠷᠤᠭᠴᠢᠳ ᠤᠨ ᠪᠡᠶᠡᠴᠢ ᠤᠷᠤᠯᠳᠤᠯᠭᠠ ᠶᠢ ᠮᠠᠰᠢ ᠬᠦᠨᠳᠦᠳᠭᠡᠳᠡᠭ᠃ ᠲᠡᠭᠡᠭᠡᠳ ᠨᠢᠭᠡ ᠶᠠᠭᠤᠮᠠ ᠪᠢᠴᠢᠭᠦᠯᠬᠦ ᠳᠤ | ᠬᠠᠭᠠᠰ ᠤᠷᠴᠢᠮ ᠲᠤᠭᠠᠨ ᠤ ᠰᠤᠷᠤᠭᠴᠢᠳ ᠬᠢᠲᠠᠳ ᠢᠶᠠᠷ ᠰᠡᠳᠬᠢᠭᠡᠳ ᠮᠤᠩᠭᠤᠯ ᠢᠶᠠᠷ ᠤᠷᠴᠢᠭᠤᠯᠵᠤ ᠪᠢᠴᠢᠳᠡᠭ | ᠪᠤᠯᠤᠭᠰᠠᠨ ᠨᠢ ︽ᠮᠤᠩᠭᠤᠯ ᠰᠡᠳᠬᠢᠬᠦᠢ︾ ᠪᠠᠨ ᠠᠯᠳᠠᠵᠤ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠪᠢᠯᠡ᠃ ᠰᠤᠷᠤᠭᠴᠢᠳ ᠤᠨ | ᠳᠠᠰᠬᠠᠯ ᠢ ᠡᠷᠭᠢᠭᠦᠯᠵᠤ ᠦᠵᠡᠬᠦ ᠳᠤ ︽ᠡᠵᠢ ᠬᠡᠯᠡᠵᠤ ︿ᠰᠤᠷᠭᠠᠭᠤᠯᠢ ᠳᠡᠭᠡᠷᠡ ᠪᠠᠨ ᠤᠴᠢᠭᠠᠳ ᠰᠠᠶᠢᠨ ᠰᠤᠷᠬᠤ | ᠶᠤᠮ ᠰᠢᠦ﹀ ᠭᠡᠵᠤ ᠬᠡᠯᠡᠪᠡ᠃︾ ᠭᠡᠬᠦ ᠮᠡᠲᠦ ᠶᠢᠨ ᠬᠢᠲᠠᠳ ᠬᠡᠯᠡᠨ ᠤ ᠰᠡᠳᠬᠢᠬᠦᠢ ᠳᠤ ᠨᠦᠯᠦᠭᠡᠯᠡᠭᠳᠡᠭᠰᠡᠨ ᠡᠮᠵᠡᠭ | ᠦᠭᠦᠯᠡᠪᠦᠷᠢ ᠮᠤᠩ ᠦᠭᠡᠢ ᠤᠯᠠᠨ ᠪᠠᠶᠢᠳᠠᠭ᠃ | ᠦᠨᠡᠨᠳᠡᠭᠡᠨ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠲᠡ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠬᠤᠷᠳᠤᠴᠠ ᠶᠢ ᠲᠦᠷᠭᠡᠳᠭᠡᠨ᠂ | ᠬᠦᠮᠦᠨ ᠪᠤᠯᠭᠠᠨ ᠠᠵᠢᠯ ᠦᠢᠯᠡᠰ ᠲᠤ ᠪᠠᠨ ᠶᠠᠭᠠᠷᠠᠬᠤ ᠪᠤᠯᠵᠤ ᠬᠡᠦᠬᠡᠳ ᠲᠠᠢ ᠪᠠᠨ ᠰᠠᠭᠤᠬᠤ ᠴᠠᠭ ᠬᠤᠪᠤᠷ | ᠪᠤᠯᠤᠭᠰᠠᠨ ᠨᠢ ᠤᠳᠤᠬᠢ ᠨᠡᠶᠢᠬᠡᠮ ᠤᠨ ᠲᠦᠭᠡᠮᠡᠯ ᠦᠵᠡᠭᠳᠡᠯ ᠪᠤᠯᠤᠭᠰᠠᠨ ᠶᠤᠮ᠃ ᠮᠦᠷᠲᠡᠭᠡᠨ ᠠᠶᠢᠯ ᠡᠷᠦᠬᠡ | ᠪᠦᠬᠦᠨ ᠳᠤ ᠨᠢᠭᠡ ᠬᠤᠶᠠᠷ ᠯᠠ ᠬᠡᠦᠬᠡᠳ ᠲᠠᠢ ᠪᠤᠯᠤᠭᠰᠠᠨ ᠤᠴᠢᠷ ᠬᠤᠭᠤᠷᠤ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠷᠢᠯᠴᠠᠬᠤ | ᠶᠠᠪᠤᠳᠠᠯ ᠴᠤ ᠴᠦᠭᠡᠨ ᠪᠤᠯᠤᠭᠰᠠᠨ ᠪᠤᠯᠬᠤᠷ ᠬᠡᠦᠬᠡᠳ ᠤᠳ ᠶᠡᠬᠡᠩᠬᠢ ᠴᠠᠭ ᠢᠶᠠᠨ ᠲᠧᠯᠸᠢᠰ ᠲᠠᠢ ᠬᠠᠨᠢᠯᠠᠵᠣ | ᠦᠩᠭᠡᠷᠡᠭᠡᠳᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠳᠤ ᠳᠡᠳᠡᠨ ᠢ ᠬᠠᠮᠤᠭ ᠠᠴᠠ ᠨᠦᠯᠦᠭᠡᠯᠡᠵᠤ ᠪᠠᠶᠢᠭᠠ ᠨᠢ | ᠲᠧᠯᠸᠢᠰ ᠤᠨ ᠬᠡᠯᠡ ᠶᠠᠷᠢᠶᠠ᠂ ᠠᠭᠤᠯᠭᠠ ᠪᠤᠯᠵᠤ ᠪᠠᠶᠢᠭᠠ᠃ | ᠮᠤᠩᠭᠤᠯ ᠬᠡᠯᠡᠨ ᠤ ᠲᠧᠯᠸᠢᠰ ᠵᠦᠴᠦᠭᠡ ᠪᠠᠶᠢᠳᠠᠭ ᠪᠤᠯᠪᠠᠴᠤ ︽ᠨᠠᠬᠢᠶᠠ︾ ᠳᠡᠯᠭᠡᠴᠡ᠂ ᠬᠡᠦᠬᠡᠯᠳᠡᠢ | ᠵᠦᠴᠦᠭᠡ ᠵᠡᠷᠭᠡ ᠤᠬᠤᠷᠬᠠᠨ ᠬᠠᠭᠠᠰ ᠴᠠᠭ ᠤᠨ ᠠᠭᠤᠯᠭᠠ ᠯᠠ ᠪᠠᠶᠢᠳᠠᠭ᠃ ᠢᠩᠬᠢᠬᠦ ᠪᠠᠷ ᠮᠤᠩᠭᠤᠯ ᠲᠧᠯᠸᠢᠰ ᠢᠶᠠᠨ | ᠰᠤᠨᠢᠷᠬᠠᠵᠤ ᠪᠠᠶᠢᠭᠠ ᠬᠡᠦᠬᠡᠳ ᠤᠳ ᠲᠤᠩ ᠴᠦᠭᠡᠨ ᠪᠤᠯᠤᠭᠰᠠᠨ ᠨᠢ ᠰᠠᠨᠠᠭᠠᠰᠢᠷᠠᠮᠠᠷ ᠶᠠᠪᠤᠳᠠᠯ ᠳ᠋ᠠ᠃ | | ᠭᠤᠷᠪᠠ᠂ ᠦᠵᠡᠯ ᠤᠬᠠᠮᠰᠠᠷ | ᠳᠡᠯᠡᠬᠡᠶᠢᠴᠢᠯᠡᠭᠰᠡᠨ ᠰᠤᠶᠤᠯ ᠤᠨ ᠨᠦᠯᠦᠭᠡᠨ ᠳᠤ ᠬᠦᠮᠦᠨ ᠤ ᠬᠢ ᠶᠢ ᠪᠠᠭ᠋ᠠᠷᠬᠠᠵᠤ᠂ ᠳᠠᠭᠠᠵᠤ᠂ ᠳᠠᠭᠤᠷᠢᠶᠠᠵᠤ | ᠪᠠᠶᠢᠬᠤ ᠳᠤ ᠦᠪᠡᠷ ᠤᠨ ᠬᠢ ᠪᠠᠨ ᠪᠠᠳᠠᠷᠠᠭᠤᠯᠵᠤ᠂ ᠬᠦᠭᠵᠢᠭᠦᠯᠵᠤ᠂ ᠦᠵᠡᠭᠦᠯᠦᠨᠡ ᠭᠡᠳᠡᠭ ᠤᠬᠠᠮᠰᠠᠷ ᠬᠤᠮᠰᠠᠳᠠᠵᠤ | ᠪᠠᠶᠢᠭᠠ ᠶᠢ ᠶᠠᠭᠤ ᠭᠡᠵᠤ ᠬᠡᠯᠡᠯᠲᠡᠢ ᠪᠢᠯᠡ᠃ ᠦᠨᠡᠨᠳᠡᠭᠡᠨ ᠤᠨᠴᠠᠭᠠᠢ ᠶᠠᠮᠠᠷ ᠨᠢᠭᠡᠨ ᠨᠦᠬᠦᠴᠡᠯ ᠪᠤᠯᠤᠯᠴᠠᠭᠠ ᠳᠤ | ᠳᠦᠰᠢᠭᠯᠡᠬᠦ ᠶᠠᠭᠤᠮᠠ ᠪᠢᠰᠢ ᠬᠠᠷᠢᠨ ᠵᠦᠪᠬᠡᠨ ᠦᠪᠡᠷ ᠤᠨ ᠦᠵᠡᠯ ᠤᠬᠠᠮᠰᠠᠷ ᠲᠤ ᠯᠠ ᠳᠦᠰᠢᠭᠯᠡᠬᠦ ᠬᠡᠷᠡᠭᠲᠡᠢ | ᠪᠠᠶᠢᠭᠠ᠃ ᠤᠳᠤᠬᠢ ᠭᠡᠷ ᠤᠨ ᠠᠬᠠᠮᠠᠳ ᠪᠦᠷ ᠭᠠᠭᠴᠠ ᠬᠤᠶᠠᠷ ᠬᠡᠦᠬᠡᠳ ᠪᠠᠶᠢᠬᠤ ᠪᠠᠷ ᠨᠢ ᠡᠷᠬᠡᠯᠡᠭᠦᠯᠵᠤ | ᠳᠤᠷᠠ ᠪᠠᠷ ᠨᠢ ᠲᠠᠯᠪᠢᠨᠠ᠃ ᠦᠨᠡᠨᠳᠡᠭᠡᠨ ᠶᠡᠭᠡ ᠬᠦᠮᠦᠨ ᠤ ᠬᠠᠷᠢᠭᠤᠴᠠᠯᠭᠠ ᠠᠴᠠ ᠦᠵᠡᠪᠡᠯ ᠳᠡᠳᠡᠨ ᠢ ᠵᠤᠬᠢᠬᠤ | ᠬᠢᠵᠠᠭᠠᠷᠯᠠᠯ ᠲᠠᠢ ᠪᠠᠶᠢᠯᠭᠠᠪᠠᠯ ᠵᠤᠬᠢᠨᠠ᠃ | 1. ᠡᠳᠦᠷ ᠪᠦᠷᠢ ᠳᠤᠭᠲᠠᠭᠰᠠᠨ ᠴᠠᠭ ᠲᠠᠢ ᠲᠧᠯᠸᠢᠰ ᠦᠵᠡᠭᠦᠯᠦᠨᠡ᠃ ᠬᠡᠦᠬᠡᠳ ᠤᠨ ᠰᠡᠳᠬᠢᠯ ᠳᠤ | ᠪᠦᠬᠦᠯᠢ ᠡᠳᠦᠷ ᠲᠧᠯᠸᠢᠰ ᠦᠵᠡᠭᠦᠯᠦᠭᠰᠡᠨ ᠴᠤ ᠰᠡᠳᠬᠢᠯ ᠬᠠᠩᠬᠤ ᠪᠢᠰᠢ ᠯᠠ ᠳ᠋ᠠ᠃ ᠭᠡᠪᠡᠴᠤ ᠭᠡᠷ ᠤᠨ ᠠᠬᠠᠮᠠᠳ | ᠤᠬᠠᠮᠰᠠᠷ ᠲᠠᠢ ᠪᠠᠷ ᠤᠴᠢᠵᠤ ᠬᠡᠦᠬᠡᠳ ᠤᠨ ᠲᠧᠯᠸᠢᠰ ᠲᠠᠢ ᠨᠠᠶᠢᠵᠠᠯᠠᠬᠤ ᠶᠢ ᠬᠢᠵᠠᠭᠠᠷᠯᠠᠵᠤ᠂ ᠦᠪᠡᠷ ᠢᠶᠠᠨ | ᠢᠯᠡᠭᠦᠬᠡᠨ ᠬᠠᠨᠢ ᠪᠤᠯᠪᠠᠯ ᠬᠡᠦᠬᠡᠳ ᠤᠨ ᠡᠷᠡᠭᠦᠯ ᠦᠰᠦᠨ ᠪᠤᠶᠢᠵᠢᠯᠲᠠ ᠳᠤ ᠨᠡᠩ ᠴᠢᠬᠤᠯᠠ ᠨᠦᠯᠦᠭᠡ ᠦᠵᠡᠭᠦᠯᠵᠤ | ᠪᠤᠯᠤᠨᠠ᠃ | 2. ᠡᠳᠦᠷ ᠪᠦᠷᠢ ᠳᠤᠭᠲᠠᠭᠰᠠᠨ ᠴᠠᠭ ᠲᠠᠢ ᠮᠤᠩᠭᠤᠯ ᠬᠡᠯᠡᠨ ᠤ ᠲᠧᠯᠸᠢᠰ ᠫᠷᠦᠭᠷᠠᠮ ᠦᠵᠡᠭᠦᠯᠦᠨᠡ᠃ | ᠮᠠᠰᠢ ᠤᠯᠠᠨ ᠮᠤᠩᠭᠤᠯ ᠬᠡᠦᠬᠡᠳ ᠪᠦᠷ ᠬᠢᠲᠠᠳ ᠫᠷᠤᠭ᠍ᠷᠠᠮ ᠤᠳ ᠲᠤ ᠰᠡᠳᠬᠢᠯ ᠳᠠᠳᠠᠭᠳᠠᠵᠤ ᠪᠠᠶᠢᠭᠠ᠃ ᠡᠶᠢᠮᠦᠷᠬᠦ | ᠪᠠᠶᠢᠳᠠᠯ ᠳᠤ ᠬᠡᠷ ᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠢᠶᠠᠨ ᠳᠤᠳᠤᠮᠳᠠᠵᠤ᠂ ᠮᠤᠩᠭᠤᠯ ᠲᠧᠯᠸᠢᠰ ᠲᠠᠢ ᠨᠢ ᠬᠠᠨᠢ ᠪᠤᠯᠭᠠᠬᠤ | ᠳᠠᠳᠬᠠᠯ ᠢ ᠬᠦᠮᠦᠵᠢᠭᠦᠯᠦᠨᠡ᠃ ᠦᠨᠡᠨᠳᠡᠭᠡᠨ ᠮᠤᠩᠭᠤᠯ ᠲᠧᠯᠸᠢᠰ ᠤᠨ ᠬᠦᠭᠵᠢᠯᠲᠡ ᠮᠠᠭᠤ ᠪᠢᠰᠢ᠂ ᠬᠡᠦᠬᠡᠳ | ᠵᠦᠪᠬᠡᠨ ᠠᠳᠡᠬᠦᠦ ᠪᠤᠷᠤᠭᠤ ᠤᠶᠢᠯᠠᠭᠠᠯᠲᠠ ᠠᠴᠠ ᠪᠤᠯᠵᠤ ᠦᠵᠡᠬᠦ ᠤᠬᠠᠮᠰᠠᠷ ᠢᠶᠠᠷ ᠳᠤᠲᠠᠮᠠᠭ ᠪᠠᠶᠢᠭᠠ ᠳᠡᠳᠦᠢ᠃ | ᠮᠤᠩᠭᠤᠯ ᠲᠧᠯᠸᠢᠰ ᠴᠤ ᠴᠠᠭ ᠦᠶᠡ ᠶᠢᠨ ᠬᠦᠭᠵᠢᠯᠲᠡ ᠪᠠᠨ ᠳᠠᠭᠠᠭᠠᠳ ᠮᠠᠰᠢ ᠬᠦᠭᠵᠢᠯᠲᠡᠢ ᠪᠤᠯᠵᠤ ᠪᠠᠶᠢᠭᠠ᠃ | ᠡᠶᠢᠮᠦᠷᠬᠦ ᠪᠠᠶᠢᠳᠠᠯ ᠳᠤ ᠦᠵᠡᠭᠴᠢᠳ ᠤᠨ ᠦᠵᠡᠯ ᠤᠬᠠᠮᠰᠠᠷ ᠢ ᠬᠦᠭᠵᠢᠭᠡᠬᠦ ᠳᠤ ᠪᠠᠰᠠ ᠴᠢᠬᠤᠯᠠ ᠳ᠋ᠠ᠃ | | | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠦᠦᠰᠢᠨ ᠬᠤᠰᠢᠭᠤᠨ ᠤ ᠷᠠᠳᠢᠤ᠋ ᠲᠧᠯᠸᠢᠰ ᠤᠨ ᠳᠤᠪᠴᠢᠶᠠ | | |