ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠠᠭᠤᠯᠠ ᠶᠢᠨ ᠮᠠᠮᠠ ᠰᠠᠮᠳᠠᠨᠵᠠᠮᠰᠤ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2014/5/6
        ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠨᠢᠬᠡᠨ ᠵᠢᠳᠬᠦᠯᠳᠠᠨ ᠰᠠᠮᠳᠠᠨᠵᠠᠮᠰᠤ ᠪᠤᠯ ᠦᠢ ᠲᠦᠮᠡᠨ ᠡᠪᠡᠳᠴᠢᠳᠠᠨ ᠢ ᠵᠦᠳᠡᠬᠦᠷᠢ ᠵᠤᠪᠠᠯᠠᠩ ᠠᠴᠠ ᠨᠢ ᠰᠠᠯᠭᠠᠬᠤ ᠳᠤ ᠨᠠᠰᠤᠨ ᠲᠤᠷᠰᠢ ᠨᠢᠬᠡᠨ ᠰᠡᠳᠬᠢᠯ ᠢᠶᠠᠷ ᠴᠢᠷᠮᠠᠶᠢᠨ ᠵᠢᠳᠬᠦᠭᠰᠡᠨ ᠬᠦᠮᠦᠨ ᠶᠤᠮ᠃ ᠲᠡᠷᠡ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠤᠯᠠᠩᠬᠢ ᠴᠠᠭ ᠢᠶᠠᠨ ᠬᠦᠳᠡᠭᠡ ᠠᠭᠤᠯᠠᠨ ᠎ ᠳᠤ ᠭᠠᠭᠴᠠᠭᠠᠷ ᠰᠠᠭᠤᠵᠤ᠂ ᠡᠪᠡᠰᠤᠨ ᠡᠮ ᠲᠠᠬᠦᠵᠤ᠂ ᠨᠠᠶᠢᠷᠠᠭᠤᠯᠬᠤ ᠪᠠ ᠨᠤᠮ ᠪᠢᠰᠢᠯᠭᠠᠯ ᠳᠤ ᠵᠤᠷᠢᠭᠤᠯᠳᠠᠭ ᠪᠤᠯᠬᠤᠷ ᠬᠦᠮᠦᠰ ᠴᠦᠮ ᠲᠡᠬᠦᠨ ᠢ ︽ᠠᠭᠤᠯᠠ ᠶᠢᠨ ᠮᠠᠮᠠ︾ ᠬᠡᠮᠡᠨ ᠬᠦᠨᠳᠤᠳᠬᠡᠨ ᠲᠠᠭᠤᠳᠠᠳᠠᠭ᠃ ᠬᠡᠴᠢᠨᠡᠨ ᠪᠦᠢᠳᠠ ᠪᠦᠭᠯᠡᠬᠦᠦ ᠭᠠᠵᠠᠷ᠂ ᠬᠡᠴᠢᠨᠡᠨ ᠬᠠᠳᠠ ᠪᠠᠷᠳᠠᠭ᠎ᠠ ᠲᠠᠢ ᠠᠭᠤᠯᠠᠨ ᠳᠤ ᠰᠠᠭᠤᠯ᠎ᠠ ᠴᠦ ᠬᠡᠰᠡᠨ ᠬᠤᠯᠠ ᠤᠶᠢᠷ᠎ᠠ ᠎ ᠶᠢᠨ ᠡᠪᠡᠳᠴᠢᠳᠠᠢ ᠬᠦᠮᠦᠰ ᠴᠤᠪᠤᠵᠤ᠂ ᠦᠨᠡᠬᠡᠷ ︽ᠠᠭᠤᠯᠠ ᠶᠢᠨ ᠮᠠᠮᠠ ᠬᠠᠮᠢᠭ᠎ᠠ ᠰᠠᠭᠤᠪᠠᠯ᠂ ᠲᠡᠷᠡ ᠵᠦᠭ ᠲᠠᠷᠳᠠᠩ ᠵᠠᠮ ᠵᠤᠷᠠᠶᠢᠳᠠᠭ︾ ᠪᠠᠶᠢᠯ᠎ᠠ᠃       ᠠᠭᠤᠯᠠ ᠶᠢᠨ ᠮᠠᠮᠠ ᠬᠡᠵᠢᠶ᠎ᠠ ᠬᠠᠮᠢᠭ᠎ᠠ ᠴᠦ ᠬᠦᠮᠦᠨ ᠤ ᠵᠢᠷᠦᠬᠡ ᠶᠢ ᠲᠤᠯᠠᠭᠠᠴᠠᠭᠤᠯᠬᠤ ᠲᠠᠶᠢᠮᠤ ᠡᠨᠡᠷᠢᠩᠬᠦᠢ ᠢᠨᠢᠶᠡᠮᠰᠦᠭ ᠴᠢᠷᠠᠢ ᠪᠠᠷ ᠡᠪᠡᠳᠴᠢᠳᠠᠨ ᠳᠤ ᠬᠠᠨᠳᠤᠳᠠᠭ᠃ ᠤᠷᠳᠤ ᠴᠠᠭᠠᠨ ᠰᠠᠬᠠᠯ ᠢ ᠨᠢ ᠬᠠᠷᠠᠵᠤ᠂ ᠤᠶᠠᠬᠠᠨ ᠢᠷᠠᠭᠤ ᠦᠬᠡ ᠶᠢ ᠨᠢ ᠰᠤᠨᠤᠰᠤᠮᠠᠭᠴᠠ ᠤᠴᠠᠷᠠᠭᠰᠠᠨ ᠬᠦᠮᠦᠨ ᠤ ᠡᠪᠡᠳᠴᠢᠨ ᠨᠢ ᠭᠱᠠᠨ ᠵᠠᠭᠤᠷ᠎ᠠ ᠬᠦᠩᠬᠡᠷᠡᠴᠢᠬᠦ ᠮᠡᠳᠤ ᠪᠤᠯᠳᠠᠭ᠃ ᠡᠪᠡᠳᠴᠢᠨ ᠢ ᠤᠨᠤᠰᠢᠯᠠᠨ ᠲᠤᠳᠤᠯᠠᠬᠤ ᠳᠠᠭᠠᠨ ᠶᠡᠷᠤ ᠠᠴᠠ ᠰᠤᠳᠠᠯ ᠪᠠᠷᠢᠳᠠᠭ ᠦᠭᠡᠢ ᠪᠦᠬᠡᠳ ᠡᠪᠡᠳᠴᠢᠳᠠᠨ ᠠᠴᠠ ᠲᠡᠳᠤᠢ ᠤᠯᠠᠨ ᠰᠤᠨᠵᠢᠵᠤ ᠠᠰᠠᠭᠤᠳᠠᠭ ᠴᠦ ᠦᠭᠡᠢ᠃ ᠬᠠᠷᠢᠨ ᠴᠢᠷᠠᠢ ᠶᠢ ᠨᠢ ᠰᠢᠨᠵᠢᠨ ᠬᠠᠷᠠᠮᠠᠭᠴᠠ ᠡᠪᠡᠳᠴᠢᠨ ᠢ ᠨᠢ ᠮᠡᠳᠡᠳᠡᠭ᠃ ᠡᠪᠡᠳᠴᠢᠳᠠᠨ ᠳᠤ ᠡᠮ ᠦᠭᠬᠦ ᠳᠡᠭᠡᠨ ᠡᠪᠡᠳᠴᠢᠨ ᠤ ᠬᠢᠨᠢ ᠡᠬᠦᠰᠦᠭᠰᠡᠨ ᠰᠢᠯᠳᠠᠭᠠᠨ ᠢ ᠤᠯᠠᠨ ᠲᠠᠯ᠎ᠠ ᠪᠠᠷ ᠵᠠᠳᠠᠯᠵᠤ ᠲᠠᠶᠢᠯᠪᠤᠷᠢᠯᠠᠵᠤ ᠦᠭᠳᠡᠭ᠃ ᠠᠭᠤᠷ ᠬᠡᠳᠡᠷ ᠤᠨ ᠤᠷᠰᠢᠭ᠂ ᠠᠷᠢᠬᠢ ᠲᠠᠮᠠᠬᠢᠨ ᠤ ᠬᠡᠮ ᠬᠤᠤᠷ ᠁ ᠵᠡᠷᠬᠡ ᠶᠢ ᠨᠢᠬᠡᠳ ᠨᠢᠬᠡ ᠪᠠᠷ ᠨᠠᠷᠢᠨ ᠶᠠᠷᠢᠵᠤ᠂ ᠬᠤᠶᠢᠰᠢᠳᠠ ᠬᠡᠷᠬᠢᠨ ᠴᠡᠬᠡᠷᠯᠡᠵᠤ ᠦᠬᠡᠷᠡᠴᠢᠯᠡᠬᠦ ᠠᠷᠭ᠎ᠠ ᠶᠢ ᠴᠦ ᠵᠢᠭᠠᠵᠤ ᠰᠤᠷᠭᠠᠳᠠᠭ᠃ ᠠᠭᠤᠯᠠ ᠶᠢᠨ ᠮᠠᠮᠠ ᠶᠡᠷᠦ ᠎ ᠠᠴᠠ ᠡᠪᠡᠳᠴᠢᠨ ᠵᠠᠰᠠᠬᠤ ᠳᠠᠭᠠᠨ᠂ ︽ᠤᠭ ᠰᠤᠷᠪᠤᠯᠵᠢ︾᠎ ᠶᠢ ᠨᠢ ᠤᠯᠬᠤ ᠶᠢ ᠪᠠᠷᠢᠮᠳᠠᠯᠠᠳᠠᠭ ᠪᠦᠬᠡᠳ ᠮᠠᠭᠪᠤᠳ ᠎ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠪᠠ ᠰᠡᠳᠬᠢᠯ ᠤᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠶᠢ ᠤᠶᠠᠯᠳᠤᠭᠤᠯᠬᠤ ᠶᠢ ᠠᠩᠬᠠᠷᠳᠠᠭ᠃ ᠡᠶᠢᠮᠤ ᠎ ᠠᠴᠠ ᠠᠭᠤᠯᠠ ᠶᠢᠨ ᠮᠠᠮᠠ ᠠᠴᠠ ᠡᠮ ᠤᠤᠭᠤᠭᠰᠠᠨ ᠡᠪᠡᠳᠴᠢᠳᠠᠨ ᠤ ᠲᠤᠳᠤᠷ᠎ᠠ ᠠᠷᠢᠬᠢ ᠲᠠᠮᠠᠬᠢ ᠪᠠᠨ ᠵᠤᠭᠰᠤᠭᠰᠠᠨ᠂ ᠠᠭᠤᠷ ᠬᠡᠳᠡᠷ ᠢᠶᠠᠨ ᠦᠬᠡᠷᠡᠴᠢᠯᠡᠭᠰᠡᠨ ︽ᠤᠬᠠᠭᠠᠨ ᠲᠠᠢ︾ ᠬᠦᠮᠦᠨ ᠤᠯᠠᠨ ᠭᠠᠷᠤᠭᠰᠠᠨ ᠪᠠᠶᠢᠳᠠᠭ ᠃       ᠠᠭᠤᠯᠠ ᠶᠢᠨ ᠮᠠᠮᠠ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ᠂ ᠠᠭᠤᠯᠠ ᠬᠠᠳᠠ ᠶᠢ ᠬᠡᠰᠤᠨ ᠡᠮᠳᠤ ᠤᠷᠭᠤᠮᠠᠯ ᠢ ᠴᠤᠭᠯᠠᠭᠤᠯᠤᠨ᠂ ᠬᠠᠳᠠᠭᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠨᠦᠳᠦᠵᠤ ᠨᠤᠨᠳᠠᠭᠯᠠᠨ ᠨᠠᠶᠢᠷᠠᠭᠤᠯᠳᠠᠭ᠃ ᠵᠠᠷᠢᠮ ᠬᠤᠪᠤᠷ ᠴᠤᠬᠠᠭ ᠵᠦᠢᠯ ᠢ ᠤᠯᠬᠤ ᠶᠢᠨ ᠲᠦᠯᠦᠬᠡ ᠬᠡᠴᠢᠨᠡᠨ ᠮᠦᠩᠬᠦ ᠵᠤᠭᠤᠰ ᠢᠶᠠᠨ ᠴᠦ ᠬᠠᠷᠠᠮ ᠦᠭᠡᠢ ᠡᠷᠬᠦᠳᠡᠭ᠃ ︽ᠡᠨᠡ ᠴᠢᠨᠢ ᠪᠦᠷ ᠮᠢᠨᠤ ᠦᠪᠡᠷ ᠢᠶᠠᠨ ᠨᠠᠶᠢᠷᠠᠭᠰᠠᠨ ᠡᠮ ᠶᠤᠮ︾ ᠬᠡᠳ ᠡᠪᠡᠳᠴᠢᠳᠠᠨ ᠠᠴᠠ ᠮᠦᠩᠬᠦ ᠵᠤᠭᠤᠰ ᠤᠭᠳᠤ ᠠᠪᠳᠠᠭ ᠦᠭᠡᠢ᠃ ᠡᠮ ᠨᠠᠶᠢᠷᠠᠭᠤᠯᠬᠤ ᠳᠠᠭᠠᠨ ᠴᠦ ᠮᠠᠰᠢ ᠨᠢᠮᠪᠠᠢ ᠤᠷᠤᠯᠳᠤᠵᠤ᠂ ᠡᠮ ᠤᠨ ᠰᠤᠳᠤᠷ ᠲᠠᠢ ᠪᠠᠨ ᠪᠠᠶᠢᠨ ᠲᠠᠬᠢᠨ ᠬᠠᠷᠭᠤᠭᠤᠯᠵᠤ ᠦᠵᠡᠬᠦ ᠪᠠᠷ ᠦᠯᠦ ᠪᠠᠷᠠᠨ ᠲᠠᠬᠢᠨ ᠲᠠᠪᠳᠠᠨ ᠲᠠᠩᠰᠠᠯᠠᠵᠤ ︵ᠬᠡᠮᠵᠢᠵᠤ︶ ᠪᠠᠶᠢᠵᠤ ᠵᠤᠬᠢᠴᠠᠭᠤᠯᠳᠠᠭ᠃ ᠡᠶᠢᠮᠤ ᠠᠴᠠ ᠠᠭᠤᠯᠠ ᠶᠢᠨ ᠮᠠᠮᠠ ᠎ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ᠡᠮ ᠭᠠᠶᠢᠬᠠᠮᠰᠢᠭᠳᠤ ᠬᠦᠴᠦᠨ ᠴᠢᠳᠠᠯ ᠲᠠᠢ ᠶᠤᠮ᠃ ᠬᠡᠴᠢᠨᠡᠨ ᠬᠦᠨᠳᠤ ᠡᠪᠡᠳᠴᠢᠨ ᠲᠠᠢ ᠬᠦᠮᠦᠨ ᠳᠤ ᠴᠦ ᠬᠡᠳᠦᠬᠡᠨ ᠲᠦᠩ ᠡᠮ ᠦᠭᠳᠡᠭ᠃ ᠶᠡᠷᠦ ᠲᠡᠭᠡᠨ ᠨᠢᠬᠡ ᠶᠠᠩᠵᠤ ᠶᠢᠨ ᠡᠮ ᠠᠴᠠ ᠨᠢᠭᠡ ᠯᠡ ᠲᠦᠩ ᠦᠭᠴᠤ ᠤᠤᠭᠤᠯᠭᠠᠳᠠᠭ᠃ ᠡᠳᠡᠬᠡᠷ ᠡᠮ ᠨᠢ ᠨᠢᠬᠡᠳ ᠨᠢᠭᠡ ᠪᠠᠷ ᠢᠶᠠᠨ ᠬᠦᠴᠦᠨ ᠴᠢᠳᠠᠯ ᠨᠢ ᠪᠦᠷᠢᠳᠦᠭᠰᠡᠨ ᠪᠤᠯᠬᠤᠷ ᠡᠪᠡᠳᠴᠢᠨ ᠢ ᠦᠨᠡᠬᠡᠷ ᠲᠠᠷᠤᠵᠤ ᠴᠢᠳᠠᠳᠠᠭ ᠨᠢ ᠭᠠᠶᠢᠬᠠᠯᠳᠠᠢ ᠶᠤᠮ᠃       ᠠᠭᠤᠯᠠ ᠶᠢᠨ ᠮᠠᠮᠠ ᠪᠤᠯ ᠪᠠᠰᠠ ᠴᠦ ᠪᠦᠳᠦᠬᠡᠯᠴᠢ ᠵᠤᠷᠢᠭ ᠲᠠᠢ ᠬᠦᠮᠦᠨ ᠶᠤᠮ᠃ ᠬᠡᠳᠦᠨ ᠠᠷᠪᠠᠨ ᠵᠢᠯ ᠢᠶᠠᠷ ᠠᠭᠤᠯᠠᠨ ᠳᠤ ᠰᠠᠭᠤᠵᠤ ᠡᠮ ᠲᠠᠬᠦᠵᠤ ᠨᠠᠶᠢᠷᠠᠭᠤᠯᠬᠤ ᠳᠠᠭᠠᠨ᠂ ᠨᠤᠮ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠡᠮ ᠤᠨ ᠬᠦᠯᠬᠡ ᠶᠤᠰᠤᠭᠠᠷ ᠨᠠᠶᠢᠷᠠᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠨ ᠪᠠᠰᠠ ᠨᠢᠬᠡ ᠪᠦᠯᠦᠭ ᠰᠢᠨ᠎ᠠ ᠰᠢᠨ᠎ᠠ ᠡᠮ ᠢ ᠴᠦ ᠲᠤᠷᠰᠢᠨ ᠨᠠᠶᠢᠷᠠᠭᠤᠯᠵᠤ ᠪᠦᠳᠦᠬᠡᠭᠰᠡᠨ ᠪᠠᠶᠢᠨ᠎ᠠ᠃ ᠵᠢᠱᠢᠶᠡᠯᠡᠪᠠᠯ᠂ ᠠᠭᠤᠯᠠ ᠶᠢᠨ ᠮᠠᠮᠠ ᠶᠢᠨ ᠨᠠᠶᠢᠷᠠᠭᠤᠯᠤᠨ ᠪᠦᠳᠦᠬᠡᠭᠰᠡᠨ ︽ᠭᠠᠪᠤᠷᠳᠢᠯᠤ︾ ᠬᠡᠳᠡᠭ ᠡᠮ ᠢ ᠰᠢᠯᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠮ ᠰᠤᠳᠤᠯᠬᠤ ᠭᠠᠵᠠᠷ ᠎ ᠤᠨ ᠬᠢᠨ ᠰᠤᠷᠴᠤ ᠨᠠᠶᠢᠷᠠᠭᠤᠯᠤᠭᠠᠳ 1985 ᠤᠨ ᠠᠴᠠ ᠡᠬᠢᠯᠠᠨ ᠲᠤᠷᠰᠢᠨ ᠬᠡᠷᠡᠭᠯᠡᠵᠠᠢ᠃ ᠲᠡᠳᠠ ᠲᠤᠷᠰᠢᠭᠰᠠᠨ ᠎ ᠤ ᠳ᠋ᠦᠩ ᠳᠤ ︽ᠭᠠᠪᠤᠷᠳᠢᠯᠤ︾ ᠬᠡᠳᠡᠭ ᠡᠪᠡᠰᠤᠨ ᠡᠮ ᠪᠤᠯ ᠠᠭᠤᠰᠬᠢᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠲᠤᠩ ᠰᠠᠶᠢᠨ ᠡᠮ ᠪᠤᠯᠤᠨ᠎ᠠ ᠬᠡᠵᠤ ᠨᠤᠳᠠᠯᠠᠭᠰᠠᠨ ᠪᠠᠶᠢᠨ᠎ᠠ᠃       ᠠᠭᠤᠯᠠ ᠶᠢᠨ ᠮᠠᠮᠠ ᠪᠤᠯ ᠪᠠᠰᠠ ᠴᠦ ᠰᠤᠷᠬᠤ ᠳᠤ ᠬᠠᠯᠠᠰᠢᠷᠠᠬᠤ ᠦᠭᠡᠢ ᠰᠤᠷᠭᠠᠬᠤ ᠳᠤ ᠴᠦᠬᠦᠷᠡᠬᠦ ᠦᠭᠡᠢ ᠰᠠᠶᠢᠨ ᠡᠮᠴᠢ ᠪᠠᠭᠰᠢ ᠶᠤᠮ᠃ ᠲᠠᠨᠢᠬᠤ᠂ ᠲᠠᠨᠢᠬᠤ ᠦᠭᠡᠢ ᠡᠮᠴᠢ ᠨᠠᠷ ᠲᠤ ᠦᠪᠡᠷ ᠤᠨ ᠲᠠᠨᠢᠵᠤ ᠤᠯᠤᠭᠰᠠᠨ ᠡᠮᠳᠤ ᠤᠷᠭᠤᠮᠠᠯ ᠢ ᠬᠡᠳᠦᠨ ᠰᠠᠷ᠎ᠠ ᠳᠤ᠂ ᠬᠠᠮᠢᠭ᠎ᠠ ᠠᠴᠠ ᠲᠡᠬᠦᠬᠦ᠂ ᠶᠠᠭᠠᠬᠢᠵᠤ ᠲᠡᠬᠦᠬᠦ᠂ ᠬᠡᠷᠬᠢᠨ ᠨᠤᠮᠤᠬᠠᠳᠬᠠᠬᠤ ᠁ ᠵᠡᠷᠬᠡ ᠶᠢ ᠨᠢ ᠲᠤᠩ ᠨᠠᠷᠢᠨ ᠵᠢᠭᠠᠵᠤ ᠦᠭᠳᠡᠭ᠃ ᠰᠢᠯᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠮᠤᠩᠭᠤᠯ ᠡᠷᠡᠬᠦᠯ ᠬᠠᠮᠠᠭᠠᠯᠠᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠤᠶᠤᠳᠠᠨ ᠨᠠᠷ ᠲᠤ ᠬᠦᠳᠡᠭᠡ ᠲᠤᠰᠬᠤᠨ ᠠᠭᠤᠯᠠᠨ ᠠᠴᠠ ᠡᠮ ᠲᠡᠬᠦᠬᠦ ᠲᠠᠯ᠎ᠠ ᠪᠠᠷ ᠤᠯᠠᠨᠳᠠ ᠰᠤᠷᠭᠠᠵᠤ᠂ ᠵᠢᠭᠠᠨ ᠵᠢᠯᠤᠭᠤᠳᠴᠤ ᠪᠠᠶᠢᠭᠰᠠᠨ ᠶᠤᠮ᠃       ᠠᠭᠤᠯᠠ ᠶᠢᠨ ᠮᠠᠮᠠ — ᠰᠠᠮᠳᠠᠨᠵᠠᠮᠰᠤ ᠬᠠᠷᠠᠭᠴᠢᠨ ᠲᠠᠤᠯᠠᠢ ᠵᠢᠯ ︵1903 ᠤᠨ︶ ᠮᠠᠯᠴᠢᠨ ᠨᠠᠷᠠᠩ ᠤᠨ ᠤᠤᠭᠠᠨ ᠬᠦᠪᠡᠬᠦᠨ ᠨᠢ ᠪᠤᠯᠵᠤ ᠵᠠᠶᠠᠭᠠᠵᠠᠢ᠃ ᠲᠡᠬᠦᠨ ᠤ ᠲᠡᠭᠡᠳᠤᠰ ᠨᠢ ᠤᠤᠯ ᠳᠠᠭᠠᠨ᠂ ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠤ ᠠᠪᠠᠭ᠎ᠠ ᠡᠬᠡᠴᠢ ᠰᠡᠴᠡᠨ ᠲᠡᠭᠡᠳᠤ ᠬᠦᠩᠵᠤ ᠶᠢᠨ ᠤᠩᠭᠤᠨ ᠢ ᠰᠠᠬᠢᠨ ᠲᠠᠬᠢᠬᠤ ᠪᠠᠷ ᠤᠴᠢᠭᠰᠠᠨ ᠬᠡᠰᠢᠭᠳᠡᠨ ᠤ ᠠᠷᠪᠠᠨ ᠨᠠᠢᠮᠠᠨ ᠡᠷᠦᠬᠡ ᠶᠢᠨ ᠨᠢᠬᠡ ᠨᠢ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠭ᠎ᠠ ᠨᠠᠰᠤᠨ ᠳᠠᠭᠠᠨ ᠡᠵᠢ ᠠᠴᠠ ᠪᠠᠨ ᠦᠨᠦᠴᠢᠨ ᠬᠤᠴᠤᠷᠴᠤ᠂ ᠬᠡᠷ ᠤᠨ ᠠᠮᠢᠳᠤᠷᠠᠯ ᠨᠢ ᠲᠤᠩ ᠶᠠᠳᠠᠭᠤ ᠵᠦᠳᠡᠬᠦᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠦᠰᠬᠦ ᠨᠠᠰᠤᠨ ᠳᠠᠭᠠᠨ ᠬᠦᠴᠢᠷ ᠪᠡᠷᠬᠡ ᠶᠢ ᠬᠦᠨ ᠠᠮᠰᠠᠭᠰᠠᠨ ᠪᠠᠶᠢᠪᠠ᠃ ᠲᠡᠬᠦᠨ ᠢ ᠠᠷᠪᠠᠨ ᠨᠠᠰᠤᠳᠠᠢ ᠳᠤᠨᠢ ᠠᠮᠢᠳᠤᠷᠠᠯ ᠤᠨ ᠭᠠᠴᠢᠭ ᠠᠴᠠ ᠪᠤᠯᠵᠤ ᠠᠪᠤ ᠨᠢ ᠬᠡᠤᠬᠡᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠬᠡᠰᠢᠭᠳᠡᠨ ᠳᠡᠭᠡᠨ ᠪᠤᠴᠠᠨ ᠨᠤᠳᠤᠭᠯᠠᠵᠠᠢ᠃       ᠰᠠᠮᠳᠠᠮᠵᠠᠮᠰᠤ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠳᠠᠢ ᠳᠠᠭᠠᠨ ᠠᠷᠤ ᠬᠡᠬᠡᠨ ᠬᠡᠶᠢᠳ ᠤᠨ ᠰᠦᠮ᠎ᠡ ᠳᠤ ᠬᠦᠷᠴᠤ᠂ ᠭᠤᠩᠴᠤᠭᠴᠦ᠋ᠯᠳᠦᠮ ᠬᠡᠳᠡᠭ ᠶᠡᠭᠡ ᠡᠷᠳᠡᠮᠳᠤ ᠯᠠᠮᠠ ᠶᠢᠨ ᠲᠤᠤᠷ᠎ᠠ ᠱᠠᠪᠢ ᠤᠷᠤᠵᠤ᠂ ᠲᠦᠪᠡᠳ ᠦᠰᠦᠭ ᠰᠤᠷᠴᠤ ᠡᠬᠢᠯᠡᠵᠠᠢ᠃ ᠬᠤᠵᠢᠮ ᠨᠢ ᠪᠠᠭᠰᠢ ᠶᠢᠨ ᠢᠶᠠᠨ ᠠᠷᠤ ᠠᠴᠠ ᠤᠳᠠᠢ ᠠᠭᠤᠯᠠᠨ ᠳᠤ ᠤᠴᠢᠵᠤ ︽ᠴᠠᠭᠠᠨ ᠮᠠᠨᠽᠦ᠋ᠰᠢᠷᠢ ᠶᠢᠨ ᠠᠭᠤᠢ︾ ᠬᠡᠳᠡᠭ ᠠᠭᠤᠯᠠᠨ ᠠᠭᠤᠢ ᠳᠤ ᠤᠯᠠᠨ ᠵᠢᠯ ᠨᠤᠮ ᠤᠩᠰᠢᠵᠤ ᠪᠢᠰᠢᠯᠭᠠᠯ ᠳᠤ ᠰᠠᠭᠤᠵᠠᠢ᠃       1959 ᠤᠨ ᠳᠤ ᠪᠤᠷᠬᠠᠨ ᠤ ᠦᠨᠡᠨᠴᠢ ᠱᠠᠪᠢ ᠰᠠᠮᠳᠠᠨᠵᠠᠮᠰᠤ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠵᠡᠬᠦᠨ ᠠᠷᠤ ᠨᠤᠳᠤᠭ ᠤᠨ ᠡᠩᠬᠡᠷᠪᠤᠯᠠᠭ ᠭᠠᠴᠠᠭᠠᠨ ᠳᠤ ᠰᠠᠭᠤᠭ᠎ᠠ ᠲᠡᠬᠦᠦ ᠰᠢᠷ᠎ᠡ᠂ ᠤᠷᠳᠤᠨᠠᠰᠤᠨ ᠨᠠᠷ ᠢᠶᠠᠨ ᠡᠷᠢᠨ ᠢᠷᠡᠵᠤ ᠰᠠᠭᠤᠷᠢᠰᠢᠵᠠᠢ᠃ ᠬᠡᠪᠡᠴᠤ ᠠᠶᠢᠯ ᠳᠤ ᠰᠠᠭᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠲᠡᠷᠬᠡᠳᠤ ᠶᠢᠨ ᠲᠠᠪᠠᠭᠠᠨ ᠤ ᠠᠷᠤ ᠪᠤᠯᠠᠭ ᠲᠤ ᠬᠦᠮᠦᠨ ᠠᠮᠢᠳᠠᠨ ᠤ ᠬᠦᠯ ᠠᠴᠠ ᠵᠠᠶᠢᠳᠠᠭᠤ ᠭᠠᠵᠠᠷ ᠭᠠᠭᠴᠠᠭᠠᠷ ᠢᠶᠠᠨ ᠰᠠᠭᠤᠵᠤ᠂ ᠨᠢᠭᠡ ᠰᠡᠳᠬᠢᠯ ᠢᠶᠠᠷ ᠡᠮ ᠤᠨ ᠨᠤᠮ ᠰᠤᠳᠤᠯᠤᠨ ᠰᠤᠷᠤᠯᠴᠠᠵᠤ᠂ ᠡᠯᠳᠡᠪ ᠵᠦᠢᠯ ᠤᠨ ᠡᠪᠡᠰᠤ ᠤᠷᠭᠤᠮᠠᠯ ᠢ ᠰᠢᠨᠵᠢᠯᠡᠨ ᠲᠡᠬᠦᠵᠤ᠂ ᠮᠤᠩᠭᠤᠯ ᠡᠮ ᠨᠠᠶᠢᠷᠠᠭᠤᠯᠤᠨ ᠡᠪᠡᠳᠴᠢᠨ ᠡᠮᠨᠡᠬᠦ ᠠᠵᠢᠯ ᠢᠶᠠᠨ ᠡᠬᠢᠯᠡᠬᠦᠯᠵᠠᠢ᠃ ᠡᠶᠢᠮᠤ ᠠᠴᠠ ᠬᠡᠰᠢᠭᠳᠡᠨ ᠤ ᠮᠠᠯᠴᠢᠳ ᠲᠡᠬᠦᠨ ᠢ ︽ᠠᠭᠤᠯᠠ ᠶᠢᠨ ᠮᠠᠮᠠ︾᠂ ︽ᠠᠭᠤᠯᠠ ᠶᠢᠨ ᠠᠪᠤ︾ ᠬᠡᠵᠤ ᠬᠦᠨᠳᠤᠳᠬᠡᠨ ᠨᠡᠷᠡᠯᠡᠬᠦ ᠪᠤᠯᠵᠠᠢ᠃ ᠠᠭᠤᠯᠠ ᠎ ᠶᠢᠨ ᠮᠠᠮᠠ ᠦᠨᠡᠬᠡᠷ ᠴᠦ ᠬᠦᠮᠦᠨ ᠢ ᠰᠤᠴᠢᠭᠠᠮ᠎ᠠ ᠬᠠᠳᠠᠨ ᠵᠤᠷᠢᠭ ᠢᠶᠠᠷ ᠤᠯᠠᠭᠠᠨ ᠬᠦᠬᠡᠪᠤᠷ᠂ ᠤᠯᠠᠭᠠᠨ ᠡᠷᠬᠢ᠂ ᠤᠤᠳᠤᠬᠤᠢ ᠠᠴᠠ ᠡᠬᠢᠯᠡᠨ ᠬᠤᠩᠭᠤ ᠶᠢᠨ ᠠᠭᠤᠯᠠ᠂ ᠪᠠᠶᠠᠨᠵᠢᠷᠦᠬᠡ᠂ ᠪᠠᠷᠠᠭᠤᠨ ᠡᠯᠡᠰᠤ ᠶᠢᠨ ᠠᠭᠤᠯᠠ ᠭᠠᠩᠭ᠎ᠠ᠂ ᠬᠠᠳᠠ ᠬᠠᠶᠢᠷᠬᠠᠨ ᠢ ᠬᠦᠨᠳᠡᠯᠡᠨ ᠭᠤᠯᠳᠤ ᠪᠠᠷ ᠬᠡᠴᠢᠨᠡᠨ ᠤᠳᠠᠭ᠎ᠠ ᠲᠤᠭᠤᠷᠢᠨ ᠶᠠᠪᠤᠵᠤ ᠪᠢᠯᠡ᠃ ᠢᠩᠬᠢᠬᠡᠳ ᠬᠡᠳᠤᠨ ᠵᠠᠭᠤᠨ ᠵᠦᠢᠯ ᠤᠨ ᠡᠪᠡᠰᠤ ᠤᠷᠭᠤᠮᠠᠯ᠂ ᠨᠠᠪᠴᠢ ᠴᠡᠴᠡᠭ ᠤᠨ ᠬᠠᠳᠠᠭᠠᠮᠠᠯ ᠡᠬᠢ ᠴᠤᠭᠯᠠᠭᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠡᠮ ᠤᠨ ᠰᠤᠳᠤᠷ ᠲᠠᠢ ᠬᠠᠷᠭᠤᠭᠤᠯᠤᠨ ᠰᠤᠳᠤᠯᠵᠤ᠂ ᠵᠠᠭᠤᠨ ᠲᠠᠪᠢ ᠭᠠᠷᠤᠢ ᠵᠦᠢᠯ ᠤᠨ ᠡᠮᠳᠤ ᠤᠷᠭᠤᠮᠠᠯ ᠎ ᠢ ᠬᠢᠨᠠᠨ ᠲᠠᠨᠢᠭᠰᠠᠨ ᠶᠤᠮ᠃ ᠡᠬᠦᠨ ᠢᠶᠠᠷ ᠦᠯᠤ ᠪᠠᠷᠠᠨ ᠡᠮ ᠤᠨ ᠰᠤᠳᠤᠷ — ᠵᠤᠷ ᠢ ᠰᠤᠳᠤᠯᠤᠭᠰᠠᠨ ᠤ ᠰᠠᠭᠤᠷᠢ ᠲᠡᠭᠡᠷ᠎ᠡ ᠬᠤᠭᠤᠯᠠᠢ ᠶᠢᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠵᠢᠷᠦᠬᠡᠨ ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠬᠦᠬᠦᠨ ᠤ ᠬᠠᠪᠤᠳᠠᠷ ᠎ ᠢ ᠵᠠᠰᠠᠬᠤ ᠵᠡᠷᠬᠡ ᠲᠠᠪᠤ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠡᠮ ᠢ ᠰᠢᠨ᠎ᠡ ᠪᠠᠷ ᠡᠬᠦᠳᠤᠨ ᠨᠠᠶᠢᠷᠠᠭᠤᠯᠵᠤ᠂ ᠲᠤᠷᠰᠢᠨ ᠡᠮᠨᠡᠬᠡᠳ ᠲᠤᠩ ᠠᠮᠵᠢᠯᠳᠠ ᠲᠠᠢ ᠶᠠᠪᠤᠭᠳᠠᠵᠤ ᠪᠠᠶᠢᠪᠠ᠃ ᠬᠡᠪᠡᠴᠤ ᠶᠠᠭ ᠡᠨᠡ ᠦᠶ᠎ᠡ ᠳᠤ ︽ᠲᠠᠤᠬᠡᠨ ᠳᠤ ᠭᠠᠷᠤᠭ᠎ᠠ ᠦᠭᠡᠢ ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠲᠤᠬᠢᠶᠠᠯᠳᠤᠵᠤ᠂ ᠠᠭᠤᠯᠠ ᠶᠢᠨ ᠮᠠᠮᠠ ᠶᠢ ︽ᠮᠤᠵᠢᠭᠤᠳᠠ ᠮᠤᠬᠤᠷ ᠰᠦᠰᠦᠭᠳᠡᠨ ᠯᠠᠮᠠ︾᠂ ︽ᠬᠤᠪᠢᠰᠬᠠᠯ ᠤᠨ ᠡᠰᠡᠷᠬᠦᠴᠡᠭᠴᠢ︾᠂ ︽ᠲᠠᠩᠨᠠᠭᠤᠯ︾ ᠁ ᠬᠡᠬᠦ ᠮᠡᠳᠤ ᠪᠠᠷ ᠬᠦᠵᠢᠷᠳᠡᠪᠡ᠃ ᠠᠭᠤᠯᠠ ᠶᠢᠨ ᠮᠠᠮᠠ ᠶᠢ ︽ᠤᠯᠠᠨ ᠲᠦᠮᠡᠨ ᠤ ᠬᠢᠨᠠᠯᠳᠠ ᠶᠢᠨ ᠲᠤᠮᠳᠠ︾᠂ ᠪᠠᠷᠢᠭᠠᠳᠠ ᠶᠢᠨ ᠠᠯᠪᠠᠨ ᠬᠡᠷ ᠤᠨ ᠤᠶᠢᠷ᠎ᠠ ᠠᠯᠪᠠᠳᠠᠨ ᠠᠪᠴᠢᠷᠠᠭᠰᠠᠨ ᠪᠦᠬᠡᠳ ᠠᠯᠢ ᠤᠯᠠᠨ ᠦᠨᠡᠳᠤ ᠬᠤᠪᠤᠷ ᠡᠮ ᠤᠨ ᠰᠤᠳᠤᠷ ᠪᠠ ᠡᠮᠳᠤ ᠤᠷᠭᠤᠮᠠᠯ ᠎ ᠤᠨ ᠬᠠᠳᠠᠭᠠᠮᠠᠯ ᠡᠬᠢ᠂ ᠲᠦᠬᠦᠬᠡᠢ᠂ ᠪᠤᠯᠭᠤᠭᠰᠠᠨ ᠡᠮ ᠲᠠᠩ ᠶᠢ ᠨᠢ ᠴᠦ ᠴᠤᠭᠭᠠᠷ ᠨᠢ ︽ᠬᠤᠷᠢᠶᠠᠨ ᠠᠪᠴᠤ︾᠂ ᠰᠢᠳᠠᠭᠠᠨ ᠰᠦᠢᠳᠬᠡᠵᠠᠢ᠃ ᠬᠡᠪᠡᠴᠤ ᠠᠭᠤᠯᠠ ᠶᠢᠨ ᠮᠠᠮᠠ ᠡᠬᠦᠨ ᠠᠴᠠ ᠪᠤᠯᠵᠤ ᠲᠡᠳᠦᠶᠢᠯᠡ ᠭᠤᠨᠢᠵᠤ ᠭᠤᠳᠤᠷᠠᠭᠰᠠᠨ ᠴᠦ ᠦᠭᠡᠢ᠂ ᠨᠢᠭᠤᠵᠤ ᠲᠠᠯᠳᠠᠯᠠᠨ ᠢᠷᠡᠭᠰᠡᠨ ᠭᠠᠴᠢᠭᠳᠠᠵᠤ ᠰᠠᠨᠳᠤᠷᠤᠭᠰᠠᠨ ᠡᠪᠡᠳᠴᠢᠳᠠᠨ ᠳᠤ ᠰᠡᠮᠡᠬᠡᠷ ᠨᠢᠭᠡ ᠬᠤᠶᠠᠷ ᠲᠦᠩ ᠡᠮ ᠦᠩᠬᠦᠬᠡᠳ ᠶᠠᠪᠤᠭᠤᠯᠳᠠᠭ ᠪᠠᠶᠢᠪᠠ᠃ ᠠᠭᠤᠯᠠ ᠶᠢᠨ ᠮᠠᠮᠠ ᠡᠪᠡᠳᠴᠢᠨ ᠡᠮᠨᠡᠬᠦ ᠳᠡᠭᠡᠨ ᠦᠷᠬᠦᠯᠵᠢ ︽ᠡᠪᠡᠳᠴᠢᠨ ᠢ ᠨᠢ ᠵᠠᠰᠠᠬᠤ ᠳᠠᠭᠠᠨ ᠤᠬᠠᠭᠠᠨ ᠢ ᠨᠢ ᠤᠷᠢᠳᠠᠪᠡᠷ ᠵᠠᠰᠠᠬᠤ ᠬᠡᠷᠡᠭᠳᠠᠢ ᠶᠤᠮ ᠰᠢᠤ︕︾ ᠬᠡᠳᠡᠭ ᠪᠤᠯᠬᠤᠷ ᠶᠡᠷᠦ ᠳᠡᠭᠡᠨ ᠡᠪᠡᠳᠴᠢᠳᠠᠨ ᠤ ᠪᠠᠨ ᠰᠠᠨᠠᠭ᠎ᠠ ᠰᠡᠳᠬᠢᠯ ᠢ ᠨᠠᠮᠵᠢᠭᠤᠨ ᠲᠤᠭᠳᠠᠭᠤᠨ ᠪᠠᠶᠢᠯᠭᠠᠵᠤ᠂ ᠪᠠᠶᠠᠰᠬᠠᠬᠤ ᠶᠢ ᠵᠤᠷᠢᠳᠠᠭ᠃ ᠬᠡᠤᠬᠡᠳ ᠪᠠᠭᠠᠴᠤᠳ ᠲᠤ ᠨᠢᠬᠡ ᠠᠳᠬᠤ ᠰᠢᠬᠢᠷ ᠪᠤᠤᠪᠤ ᠦᠭᠬᠦᠬᠡᠳ ᠰᠠᠶ᠋ᠢ ᠡᠪᠡᠳᠴᠢᠨ ᠎ ᠢ ᠨᠢ ᠠᠰᠠᠭᠤᠳᠠᠭ᠃ ᠶᠠᠮᠠᠷᠴᠤ ᠡᠪᠡᠳᠴᠢᠳᠠᠨ ᠳᠤ ᠤᠷᠢᠳᠠᠪᠡᠷ ᠵᠠᠪᠠᠯ ᠨᠢᠭᠡ ᠠᠶᠠᠭ᠎ᠠ ᠴᠠᠢ ᠠᠶᠠᠭᠠᠯᠠᠭᠠᠳ ᠲᠠᠷᠠᠭ᠎ᠠ ᠎ ᠨᠢ ᠰᠠᠶ᠋ᠢ ᠡᠪᠡᠳᠴᠢᠨ ᠢ ᠨᠢ ᠤᠶᠢᠯᠭᠠᠳᠠᠭ᠃ ᠡᠶᠢᠮᠤ ᠠᠴᠠ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠲᠠᠷᠡ ᠮᠡᠳᠤ ᠬᠠᠳᠠᠭᠤ ᠤᠷᠴᠢᠨ ᠪᠠᠶᠢᠳᠠᠯ ᠳᠤ ᠴᠦ᠂ ᠤᠷᠤᠭᠤ ᠴᠢᠷᠠᠶᠢᠯᠠᠨ ᠬᠡᠳᠤᠨ ᠵᠢᠯ ᠪᠤᠯᠤᠭᠰᠠᠨ ᠡᠪᠡᠳᠴᠢᠳᠠᠨ ᠨᠠᠷ ᠠᠭᠤᠯᠠ ᠶᠢᠨ ᠮᠠᠮᠠ ᠎ ᠠᠴᠠ ᠰᠡᠮᠡᠬᠡᠷ ᠨᠢᠬᠡ ᠬᠤᠶᠠᠷ ᠲᠦᠩ ᠡᠮ ᠠᠪᠴᠤ ᠡᠪᠤᠷᠯᠡᠬᠡᠳ ᠭᠠᠷᠬᠤ ᠳᠠᠭᠠᠨ᠂ ᠴᠡᠬᠡᠵᠢ ᠲᠦᠬᠦᠷᠡᠩ ᠤᠷᠮ᠎ᠠ ᠵᠤᠷᠢᠭ ᠪᠠᠳᠠᠷᠠᠨ ᠴᠢᠷᠠᠢ ᠲᠦᠬᠦᠷᠡᠩ ᠪᠠᠶᠠᠷ ᠪᠠᠭ᠋ᠠᠳᠤᠯ ᠲᠦᠷᠦᠬᠡᠳ ᠤᠳᠠᠯ ᠦᠭᠡᠢ ᠡᠪᠡᠳᠴᠢᠨ ᠨᠢ ᠦᠨᠡᠬᠡᠷ ᠡᠳᠡᠬᠡᠷᠡᠴᠢᠳᠡᠭ ᠪᠠᠶᠢᠪᠠ᠃       ᠠᠷᠤ ᠨᠢᠷᠤᠭᠤᠨ ᠳᠤᠨᠢ ︽ᠮᠤᠬᠤᠷ ᠰᠦᠰᠦᠭᠳᠡᠨ︾ ᠬᠡᠰᠡᠨ ᠴᠠᠭᠠᠨ ᠪᠦᠰ ᠬᠠᠳᠠᠵᠤ ︽ᠲᠠᠮᠡᠴᠡᠵᠤ︾ ᠪᠠᠶᠢᠭᠰᠠᠨ ᠲᠡᠳᠡᠭᠡᠷ ᠡᠳᠤᠷ ᠤᠳ ᠴᠦ᠂ ᠴᠢᠩ ᠦᠨᠡᠨ ᠠᠷᠢᠭᠤᠨ ᠴᠠᠭᠠᠨ ᠰᠡᠳᠬᠢᠯ ᠢᠶᠠᠷ ︽ᠬᠦᠯ ᠨᠢᠴᠦᠬᠦᠨ ᠡᠮᠴᠢ︾ ᠨᠠᠷ ᠲᠤ ᠡᠮᠳᠤ ᠤᠷᠭᠤᠮᠠᠯ ᠤᠳ ᠢ ᠴᠦᠬᠦᠷᠡᠯᠳᠠ ᠦᠭᠡᠢ ᠲᠠᠨᠢᠭᠤᠯᠵᠤ᠂ ᠡᠳᠤᠢ ᠲᠡᠳᠦᠢ ᠡᠮ ᠨᠠᠶᠢᠷᠠᠭᠤᠯᠵᠤ ᠦᠭᠳᠡᠭ ᠪᠠᠶᠢᠯ᠎ᠠ᠃ ᠪᠠᠶᠠᠨᠴᠠᠭᠠᠨ ᠰᠤᠮᠤᠨ ᠤ ᠡᠷᠳᠡᠨᠢᠪᠠᠶᠠᠷ᠂ ᠬᠡᠰᠢᠭᠳᠦᠭ᠌ᠳᠠᠬᠤ᠂ ᠴᠢᠯᠠᠭᠤᠨ ᠁ ᠵᠡᠷᠬᠡ ᠡᠮᠴᠢ ᠨᠠᠷ ᠢ ᠴᠦᠮ ᠲᠡᠷᠡ ᠦᠶ᠎ᠡ ᠠᠴᠠ ᠠᠭᠤᠯᠠ ᠶᠢᠨ ᠮᠠᠮᠠ ᠢᠯᠡ ᠪᠤᠶᠤ ᠲᠠᠯᠳᠠᠭᠤᠷ ︽ᠡᠮᠴᠢ ᠶᠢᠨ ᠵᠠᠮ︾ ᠎ ᠢᠶᠠᠷ ᠬᠦᠳᠦᠯᠵᠤ ᠲᠠᠭᠠᠭᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃       1987 ᠤᠨ ᠤ ᠡᠪᠤᠯ ᠠᠭᠤᠯᠠ ᠶᠢᠨ ᠮᠠᠮᠠ ᠨᠠᠶᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠳᠠᠭᠠᠨ ᠲᠡᠭᠷᠢ ᠳᠤ ᠬᠠᠯᠢᠪᠠ᠃ ᠰᠤᠮᠤ ᠭᠠᠴᠠᠭᠠᠨ ᠤ ᠨᠠᠮ ᠵᠠᠰᠠᠭ ᠤᠨ ᠤᠳᠤᠷᠢᠳᠤᠯᠭ᠎ᠠ ᠬᠢᠬᠡᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ᠂ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠬᠡᠨ ᠠᠴᠠ ᠬᠦᠮᠦᠨ ᠲᠤᠮᠢᠯᠠᠨ ᠬᠦᠨ ᠭᠠᠰᠢᠭᠤᠳᠠᠨ ᠨᠠᠮᠠᠨᠴᠢᠯᠠᠪᠠ᠃ ᠬᠡᠳᠦᠨ ᠵᠠᠭᠤ ᠮᠢᠩᠭᠠᠨ ᠮᠠᠯᠴᠢᠳ ᠬᠠᠴᠠᠷ ᠲᠦᠬᠦᠷᠡᠩ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠤᠷᠤᠰᠬᠠᠨ᠂ ᠶᠢᠰᠤ ᠶᠢᠨ ᠬᠦᠢᠳᠠᠨ ᠢ ᠵᠦᠰᠤᠨ ᠬᠤᠨ ᠴᠠᠭᠠᠨ ᠴᠠᠰᠤᠳᠤ ᠠᠷ ᠤᠨ ᠭᠤᠤᠯ ᠤᠨ ᠬᠦᠨᠳᠠᠢ ᠶᠢ ᠦᠭᠰᠦᠨ ᠤᠷᠤᠭᠤᠳᠠᠨ ᠬᠠᠷ᠎ᠠ ᠬᠦᠷᠦᠰᠦᠯᠡᠨ ᠴᠤᠪᠤᠵᠠᠭᠠᠵᠠᠢ᠃       ᠠᠭᠤᠯᠠ ᠶᠢᠨ ᠮᠠᠮᠠ ᠲᠠᠭᠠᠯᠠᠯ ᠲᠡᠬᠦᠰᠦᠭᠰᠡᠨ ᠪᠤᠯᠪᠠᠴᠤ᠂ ᠷᠠᠰᠢᠶᠠᠨ ᠡᠮ ᠢ ᠨᠢ ᠬᠦᠷᠳᠡᠵᠤ᠂ ᠠᠷᠢᠭᠤᠨ ᠰᠤᠷᠭᠠᠯ ᠢ ᠨᠢ ᠴᠢᠩᠨᠠᠵᠤ ᠶᠠᠪᠤᠭᠰᠠᠨ ᠬᠦᠮᠦᠰ ᠤᠨ ᠵᠢᠷᠦᠬᠡᠨ ᠳᠤ ᠪᠠᠰᠠ ᠴᠦ ᠠᠮᠢᠳᠤ ᠰᠡᠷᠡᠬᠦᠨ ᠪᠠᠶᠢᠭᠰᠠᠭᠠᠷ᠃ ᠮᠠᠭᠪᠤᠳ ᠤᠨ ᠡᠪᠡᠳᠴᠢᠨ ᠢ ᠨᠢ ᠵᠠᠰᠠᠳᠠᠭ ᠬᠤᠪᠢᠯᠭᠠᠨ ᠡᠮ ᠢ ᠨᠢ ᠤᠤᠭᠤᠵᠤ ᠪᠠᠷᠠᠭᠰᠠᠨ ᠪᠤᠯᠪᠠᠴᠤ᠂ ᠬᠢᠵᠢᠭ ᠡᠪᠡᠳᠴᠢᠨ ᠤ ᠬᠤᠭ ᠲᠠᠰᠤᠯᠬᠤ ᠠᠯᠳᠠᠨ ᠰᠤᠷᠭᠠᠯ ᠨᠢ ᠦᠨᠢᠳᠠ ᠴᠢᠬᠢᠨ ᠳᠤᠨᠢ ᠲᠤᠭᠤᠯᠳᠠᠭᠰᠠᠭᠠᠷ ᠠᠵᠠᠢ᠃ ᠠᠭᠤᠯᠠ ᠶᠢᠨ ᠮᠠᠮᠠ᠂ ᠬᠡᠰᠢᠭᠳᠡᠨ ᠮᠤᠩᠭᠤᠯᠴᠤᠳ ᠤᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠮᠦᠩᠬᠡ ᠠᠮᠢᠯᠠᠨ᠎ᠠ︕ 
  
ᠢᠷᠡᠯᠲᠡ᠄ ᠬᠡᠰᠢᠭᠳᠡᠨ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备09001939号