| | | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠨ ᠨᠦᠬᠦᠬᠡ ᠬᠡᠷᠬᠡᠢ ᠰᠤᠴᠢᠬᠡᠯ ᠡᠬᠡ ᠠᠴᠠ ᠲᠦᠷᠦᠭᠰᠡᠨ ᠪᠡᠭᠳᠡᠷ᠂ | ᠪᠡᠯᠬᠦᠳᠠᠢ ᠬᠤᠶᠠᠷ ᠪᠤᠯ ᠲᠤᠩ ᠠᠯᠢᠶᠠ ᠶᠤᠮ᠃ ᠲᠡᠳᠡ ᠬᠤᠶᠠᠷ ᠲᠡᠮᠦᠵᠢᠨ᠂ ᠬᠠᠰᠠᠷ ᠠᠴᠠ ᠨᠠᠰᠤ ᠪᠠᠭᠠ ᠪᠠᠶᠢᠳᠠᠯᠠ | ᠲᠡᠳᠡᠨ ᠲᠠᠢ ᠵᠠᠷᠬᠡ ᠨᠤᠴᠤᠯᠳᠤᠨ ᠦᠷᠬᠦᠯᠵᠢ ᠲᠡᠳᠡᠨ ᠤ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠢ ᠪᠤᠯᠢᠶᠡᠯᠳᠤᠨ ᠲᠡᠮᠡᠴᠡᠨᠡ᠃ | ᠡᠬᠦᠨ ᠳᠤ ᠲᠡᠮᠦᠵᠢᠨ ᠬᠠᠰᠤᠷ ᠬᠤᠶᠠᠷ ᠲᠤᠩ ᠲᠠᠭᠠ ᠦᠭᠡᠢ ᠪᠤᠯᠪᠠᠴᠤ ᠡᠬᠡ ᠶᠢᠨ ᠨᠢᠭᠤᠷ ᠢ ᠬᠠᠷᠠᠵᠤ | ᠦᠩᠬᠡᠷᠡᠬᠦᠯᠵᠤ ᠪᠠᠶᠢᠯᠠ᠃ | ᠨᠢᠬᠡᠨ ᠡᠳᠤᠷ᠂ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠨᠢᠬᠡ ᠪᠤᠯᠵᠤᠮᠤᠷ ᠬᠠᠷᠪᠤᠵᠤ ᠠᠯᠠᠭᠰᠠᠨ ᠳᠤ | ᠪᠡᠭᠳᠡᠷ ᠪᠡᠯᠬᠦᠳᠠᠢ ᠬᠤᠶᠠᠷ ᠬᠦᠶᠦᠵᠤ ᠢᠷᠡᠭᠡᠳ ᠪᠤᠯᠢᠶᠠᠵᠤ ᠠᠪᠤᠪᠠ᠃ ᠲᠡᠮᠦᠵᠢᠨ᠄ | ︽ᠡᠳᠡ ᠲᠠᠩᠴᠢ ᠬᠡᠳᠦᠷᠡᠵᠤ ᠪᠠᠶᠢᠨᠠ︕︾ ᠬᠡᠰᠡᠨ ᠳᠤ ᠬᠠᠰᠠᠷ᠄ | ︽ᠭᠤᠤᠯ ᠢ ᠨᠢ ᠰᠤᠭᠤᠯᠬᠤ ᠶᠤᠮᠰᠠᠨ︕︾ ᠬᠡᠪᠡ᠃ ᠪᠡᠭᠳᠡᠷ ᠪᠡᠯᠬᠦᠳᠠᠢ ᠬᠤᠶᠠᠷ | ᠤᠶᠢᠰᠢᠶᠠᠬᠤ ᠴᠦ ᠦᠭᠡᠢ ᠤᠳᠪᠠ᠃ | ᠮᠠᠷᠭᠠᠰᠢ ᠨᠢ᠂ ᠲᠡᠮᠦᠵᠢᠨ᠂ ᠬᠠᠰᠠᠷ᠂ ᠪᠡᠭᠳᠡᠷ᠂ ᠪᠡᠯᠬᠦᠳᠠᠢ ᠲᠦᠷᠪᠡᠬᠦᠯᠡ ᠤᠨᠤᠨ ᠮᠦᠷᠡᠨ ᠤ | ᠡᠷᠬᠢ ᠲᠡᠭᠡᠷᠡ ᠬᠠᠮᠳᠤ ᠰᠠᠭᠤᠵᠤ ᠵᠢᠭᠠᠰᠤ ᠬᠦᠬᠢᠳᠡᠭᠰᠡᠨ ᠳᠤ᠂ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠤᠨ ᠬᠦᠬᠢ ᠳᠤ ᠨᠢᠬᠡᠨ | ᠴᠠᠶᠢᠪᠤᠷ ᠵᠢᠭᠠᠰᠤ ᠤᠷᠤᠪᠠ᠃ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠢ ᠬᠦᠳᠡᠯᠬᠦ ᠠᠴᠠ ᠡᠮᠤᠨᠡ ᠪᠡᠭᠳᠡᠷ ᠪᠡᠯᠬᠦᠳᠠᠢ ᠬᠦᠶᠤᠨ | ᠪᠤᠰᠴᠤ ᠬᠦᠬᠢ ᠠᠴᠠ ᠪᠤᠯᠢᠶᠠᠨ ᠠᠪᠤᠪᠠ᠃ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠡᠨᠡ ᠤᠳᠠᠭᠠ ᠲᠡᠰᠴᠤ ᠦᠯᠦ ᠴᠢᠳᠠᠨ᠂ | ᠬᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠦᠬᠡᠯᠦᠨ ᠡᠬᠡ ᠳᠤ᠄ | ︽ᠪᠡᠭᠳᠡᠷ ᠪᠡᠯᠬᠦᠳᠠᠢ ᠬᠤᠶᠠᠷ ᠦᠷᠬᠦᠯᠵᠢ ᠪᠢᠳᠠᠨ ᠢ ᠲᠠᠷᠤᠯᠠᠨᠡ᠂ ᠦᠴᠦᠬᠡᠳᠤᠷ ᠨᠢᠬᠡ | ᠪᠤᠯᠵᠤᠮᠤᠷ ᠬᠠᠷᠪᠤᠵᠤ ᠠᠯᠠᠭᠰᠠᠨ ᠳᠤ ᠲᠡᠷᠡ ᠬᠤᠶᠠᠷ ᠪᠤᠯᠢᠶᠠᠵᠤ ᠠᠪᠤᠪᠠ᠂ ᠡᠨᠡ ᠡᠳᠤᠷ ᠨᠢᠬᠡ ᠴᠠᠶᠢᠪᠤᠷ ᠵᠢᠭᠠᠰᠤ | ᠬᠦᠬᠢᠳᠡᠵᠤ ᠤᠯᠤᠭᠰᠠᠨ ᠢ ᠪᠠᠰᠠ ᠲᠡᠳᠡ ᠬᠤᠶᠠᠷ ᠪᠤᠯᠢᠶᠠᠵᠤ ᠠᠪᠤᠪᠠ︾ ᠬᠡᠵᠤ ᠵᠠᠭᠠᠯᠳᠤᠪᠠ᠃ ᠦᠬᠡᠯᠦᠨ ᠡᠬᠡ | ᠲᠡᠳᠡᠨ ᠤ ᠦᠬᠡ ᠶᠢ ᠰᠡᠳᠬᠢᠯ ᠲᠠᠯᠪᠢᠨ ᠰᠤᠨᠤᠰᠴᠤ ᠪᠠᠷᠠᠭᠠᠳ᠂ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠲᠤ ᠡᠶᠡᠯᠳᠡᠭ | ᠪᠦᠬᠡᠳ ᠲᠦᠪᠯᠡᠬᠦᠨ ᠢᠶᠠᠷ᠄ | ︽ᠲᠠ ᠨᠠᠷ ᠴᠦᠮ ᠨᠢᠬᠡ ᠡᠴᠢᠬᠡ ᠶᠢᠨ ᠬᠡᠤᠬᠡᠳ ᠪᠠᠶᠢᠳᠠᠯᠠ ᠶᠠᠭᠤᠨ ᠳᠤ ᠴᠢᠩᠬᠢᠵᠤ | ᠬᠡᠷᠡᠯᠳᠦᠬᠦ ᠪᠤᠢ︖ ᠤᠳᠤ ᠲᠠ ᠨᠠᠷ ᠰᠡᠬᠦᠳᠡᠷ ᠠᠴᠠ ᠦᠬᠡᠷᠡ ᠨᠦᠬᠦᠷ ᠦᠭᠡᠢ᠂ ᠰᠡᠬᠦᠯ ᠠᠴᠠ ᠦᠬᠡᠷᠡ ᠲᠠᠰᠢᠭᠤᠷ | ᠦᠭᠡᠢ ᠪᠠᠶᠢᠬᠤ ᠪᠠᠨ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠲᠠ ᠠᠬᠠ ᠲᠡᠬᠦᠦ ᠨᠠᠷ ᠬᠤᠭᠤᠷᠤᠨᠳᠤ ᠪᠠᠨ ᠡᠶᠡ ᠡᠪ ᠦᠭᠡᠢ᠂ | ᠡᠪᠳᠡᠷᠡᠨ ᠮᠠᠭᠤᠳᠠᠯᠴᠠᠪᠠᠯ ᠲᠠᠲ᠋ᠠᠷ ᠨᠠᠷ ᠬᠢᠬᠡᠳ ᠲᠠᠶᠢᠴᠢᠭᠤᠳ ᠠᠴᠠ ᠦᠰᠢᠶᠡ ᠪᠠᠨ ᠶᠠᠭᠠᠬᠢᠨ ᠠᠪᠬᠤ ᠪᠢᠯᠡ︖ | ᠲᠠᠷᠬᠠᠵᠤ ᠪᠤᠳᠠᠷᠠᠭᠰᠠᠨ ᠤᠯᠤᠰ ᠢᠶᠠᠨ ᠶᠠᠭᠠᠬᠢᠨ ᠴᠤᠭᠯᠠᠭᠤᠯᠬᠤ ᠪᠢᠯᠡ︖ ᠲᠠ ᠨᠠᠷ ᠪᠠᠭᠠ ᠪᠢᠰᠢ ᠰᠢᠤ᠂ ᠤᠴᠢᠷ | ᠶᠠᠪᠤᠳᠠᠯ ᠢ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠤᠷᠢᠳᠤ ᠶᠢᠨ ᠠᠯᠤᠨ ᠭᠤᠸᠠ ᠡᠮᠡᠭᠡ ᠶᠢᠨ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠭᠰᠠᠨ ᠦᠯᠢᠬᠡᠷ | ᠢ ᠰᠠᠨᠠᠵᠤ ᠪᠠᠶᠢᠬᠤ ᠬᠡᠷᠡᠭᠳᠠᠢ︾ ᠬᠡᠪᠡ᠃ | ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠡᠬᠡ ᠶᠢᠨ ᠢᠶᠠᠨ ᠦᠭᠡ ᠶᠢ ᠦᠯᠦ ᠲᠤᠭᠤᠮᠰᠤᠷᠯᠠᠨ᠄ | ︽ᠠᠯᠠᠭᠰᠠᠨ ᠪᠤᠯᠵᠤᠮᠤᠷ ᠢ ᠪᠤᠯᠢᠶᠡᠳᠡᠯᠡ ᠬᠦᠬᠢᠳᠡᠭᠰᠡᠨ ᠵᠢᠭᠠᠰᠤ ᠶᠢ ᠡᠵᠡᠷᠬᠡᠭᠯᠡᠬᠡᠳ ᠪᠠᠶᠢᠳᠠᠭ | ᠬᠦᠮᠦᠰ ᠲᠠᠢ ᠶᠠᠭᠠᠬᠢᠨ ᠬᠠᠮᠳᠤ ᠠᠮᠢᠳᠤᠷᠠᠬᠤ ᠪᠤᠢ︕︾ ᠬᠡᠳ ᠡᠬᠦᠳᠠ ᠶᠢ ᠬᠦᠴᠦᠳᠠᠢ ᠬᠠᠶᠠᠵᠤ ᠭᠠᠷᠪᠠ᠃ | ᠲᠡᠭᠡᠳᠡᠯᠡ ᠪᠡᠭᠳᠡᠷ ᠶᠠᠭ ᠲᠤᠪᠤᠴᠠᠭ ᠲᠡᠭᠡᠷᠡ ᠰᠠᠭᠤᠭᠠᠳ ᠨᠠᠢᠮᠠᠨ ᠰᠢᠷᠭᠠ ᠮᠤᠷᠢ ᠬᠢᠬᠡᠳ | ᠨᠢᠬᠡ ᠤᠭᠤᠳᠤᠷ ᠬᠤᠩᠭᠤᠷ ᠮᠤᠷᠢ ᠪᠠᠨ ᠬᠠᠷᠢᠭᠤᠯᠵᠤ ᠪᠠᠶᠢᠯᠠ᠃ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠡᠬᠡ ᠳᠡᠭᠡᠨ | ᠵᠠᠭᠠᠯᠳᠤᠭᠠᠳ ᠦᠨᠡᠨ ᠢᠶᠠᠨ ᠤᠯᠤᠯ ᠦᠭᠡᠢ ᠬᠡᠳᠡᠷᠬᠦ ᠬᠡᠯᠡᠭᠳᠡᠬᠡᠳ ᠠᠭᠤᠷ ᠢᠶᠠᠨ ᠭᠠᠷᠭᠠᠬᠤ ᠭᠠᠵᠠᠷ ᠦᠭᠡᠢ | ᠪᠠᠶᠢᠭᠰᠠᠨ ᠲᠤᠯᠠ ᠪᠡᠭᠳᠡᠷ ᠭᠠᠭᠴᠠᠭᠠᠷ ᠰᠠᠭᠤᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠠᠳ᠂ ᠲᠤᠬᠢᠶᠠᠯ ᠪᠤᠯᠪᠠ ᠬᠡᠵᠤ ᠨᠢᠬᠡ ᠨᠢ | ᠡᠮᠤᠨᠡ ᠠᠴᠠ ᠨᠢᠬᠡ ᠨᠢ ᠬᠤᠶᠢᠨᠡ ᠠᠴᠠ ᠰᠡᠮᠡᠬᠡᠷ ᠰᠤᠮᠤ ᠪᠠᠨ ᠤᠨᠢᠯᠠᠨ ᠤᠴᠢᠪᠠ᠃ ᠪᠡᠭᠳᠡᠷ ᠲᠡᠳᠡ ᠬᠤᠶᠠᠷ ᠤᠨ | ᠲᠦᠷᠢ ᠪᠠᠶᠢᠳᠠᠯ ᠶᠡᠷᠤ ᠪᠤᠰᠤ ᠶᠢ ᠦᠵᠡᠬᠡᠳ ᠠᠮᠢ ᠶᠢ ᠨᠢ ᠬᠤᠷᠤᠭᠠᠬᠤ ᠬᠡᠵᠤ ᠪᠠᠶᠢᠬᠤ ᠶᠢ ᠲᠦᠰᠦᠪᠯᠡᠨ ᠮᠡᠳᠡᠵᠤ᠄ | ︽ᠲᠠᠲ᠋ᠠᠷ ᠨᠠᠷ ᠬᠢᠬᠡᠳ ᠲᠠᠶᠢᠴᠢᠭᠤᠳ ᠠᠴᠠ ᠦᠰᠢᠶᠡ ᠪᠠᠨ ᠠᠪᠴᠤ ᠴᠢᠳᠠᠭᠠᠳᠤᠢ᠂ | ᠲᠠᠷᠬᠠᠵᠤ ᠪᠤᠳᠠᠷᠠᠭᠰᠠᠨ ᠤᠯᠤᠰ ᠢᠶᠠᠨ ᠴᠤᠭᠯᠠᠭᠤᠯᠵᠤ ᠲᠡᠶᠢᠯᠦᠬᠡᠳᠤᠢ ᠪᠠᠶᠢᠳᠠᠯᠡ ᠲᠠ ᠬᠤᠶᠠᠷ ᠶᠠᠭᠠᠬᠢᠨ ᠨᠠᠮᠠᠢᠢ | ᠨᠢᠳᠤᠨ ᠤ ᠰᠤᠷᠮᠤᠤᠰᠤ᠂ ᠠᠮᠠᠨ ᠤ ᠪᠦᠬᠡᠯᠵᠢᠰᠤ ᠪᠤᠯᠭᠠᠵᠤ ᠪᠠᠶᠢᠭᠠ ᠪᠤᠢ︖ ᠤᠳᠤ ᠰᠡᠬᠦᠳᠡᠷ ᠠᠴᠠ ᠦᠬᠡᠷᠡ | ᠨᠦᠬᠦᠷ ᠦᠭᠡᠢ᠂ ᠰᠡᠬᠦᠯ ᠠᠴᠠ ᠦᠬᠡᠷᠡ ᠲᠠᠰᠢᠭᠤᠷ ᠦᠭᠡᠢ ᠪᠠᠶᠢᠳᠠᠯᠠ ᠲᠠ ᠶᠠᠭᠤᠨ ᠳᠤ ᠢᠩᠬᠢᠵᠤ ᠠᠬᠠ ᠲᠡᠬᠦᠦ | ᠰᠠᠳᠤᠨ ᠢᠶᠠᠷ ᠬᠢᠳᠤᠬᠤ ᠶᠤᠮ︖︾ ᠬᠡᠵᠤ ᠬᠡᠯᠡᠬᠡᠳ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠢ ᠬᠠᠷᠠᠭᠰᠠᠨ ᠴᠢᠨᠢ ᠬᠤᠶᠠᠭᠤᠯᠠ | ᠶᠠᠭ ᠯᠡ ᠰᠤᠨᠤᠰᠤᠭᠰᠠᠨ ᠦᠭᠡᠢ ᠰᠢᠭ ᠰᠤᠮᠤ ᠪᠠᠨ ᠤᠨᠢᠯᠠᠭᠰᠡᠨ ᠬᠡᠪ ᠢᠶᠠᠷ ᠤᠶᠢᠷᠠᠳᠴᠤ ᠢᠷᠡᠯᠡ᠃ ᠪᠡᠭᠳᠡᠷ ᠶᠠᠭᠤ | ᠬᠡᠯᠡᠭᠰᠡᠨ ᠴᠦ ᠨᠢᠬᠡᠨᠳᠡ ᠲᠤᠰᠠ ᠪᠤᠯᠬᠤ ᠦᠭᠡᠢ ᠶᠢ ᠮᠡᠳᠡᠵᠤ᠄ | ︽ᠪᠡᠭᠳᠡᠷ ᠨᠠᠮᠠᠢᠢ ᠬᠤᠷᠤᠭᠠᠭᠰᠠᠨ ᠴᠦ ᠶᠠᠭᠠᠬᠢᠪ᠂ ᠪᠡᠯᠬᠦᠳᠠᠢ ᠶᠢ ᠮᠢᠨᠢ ᠪᠤᠤ ᠬᠦᠨᠦᠬᠡᠭᠳᠤᠨ᠂ | ᠪᠡᠯᠬᠦᠳᠠᠢ ᠶᠢ ᠬᠦᠨᠦᠬᠡᠪᠡᠯ ᠭᠠᠯ ᠭᠤᠯᠤᠮᠳᠠ ᠮᠢᠨᠢ ᠲᠠᠰᠤᠷᠠᠨᠠ︕︾ ᠬᠡᠵᠤ ᠬᠡᠯᠡᠬᠡᠳ ᠵᠠᠪᠢᠯᠤᠨ ᠰᠠᠭᠤᠵᠤ | ᠬᠦᠯᠢᠶᠡᠪᠡ᠃ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠪᠡᠭᠳᠡᠷ ᠤᠨ ᠦᠬᠡ ᠶᠢ ᠰᠤᠨᠤᠰᠤᠯ ᠦᠭᠡᠢ ᠬᠤᠶᠢᠨᠡ ᠤᠷᠳᠤ ᠠᠴᠠ | ᠬᠠᠷᠪᠤᠵᠤ ᠤᠳᠪᠠ ᠁ | ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠨᠤᠮᠤ ᠰᠤᠮᠤ ᠪᠠᠨ ᠬᠡᠷ ᠤᠨ ᠭᠠᠳᠡᠨᠠ ᠤᠷᠬᠢᠵᠤ ᠬᠡᠷ ᠲᠡᠭᠡᠨ | ᠤᠷᠤᠭᠰᠠᠨ ᠳᠤ᠂ ᠦᠬᠡᠯᠦᠨ ᠡᠬᠡ ᠲᠡᠳᠡᠨ ᠤ ᠴᠢᠷᠠᠢ ᠶᠢ ᠬᠠᠷᠠᠮᠠᠭᠴᠠ ᠲᠠᠷᠤᠢ ᠤᠴᠢᠷ ᠢ ᠮᠡᠳᠡᠪᠡ᠃ ᠦᠬᠡᠯᠦᠨ ᠡᠬᠡ | ᠶᠢᠨ ᠲᠤᠳᠤᠷᠠ ᠪᠤᠴᠠᠯᠤᠨ ᠦᠬᠡ ᠪᠠᠨ ᠬᠡᠯᠡᠵᠤ ᠭᠠᠷᠬᠤ ᠦᠭᠡᠢ ᠪᠤᠯᠪᠠ᠃ ︽ᠦᠬᠡᠢ᠂ ᠡᠨᠡ ᠬᠠᠨᠢ ᠪᠠᠨ ᠬᠠᠵᠠᠵᠤ | ᠢᠵᠢᠯᠢ ᠪᠠᠨ ᠢᠳᠡᠭᠴᠢ ᠬᠤᠶᠠᠷ ᠮᠠᠩᠭᠤᠰ ᠢ ᠡᠷᠦᠬᠡ ᠬᠡᠷ ᠠᠴᠠ ᠦᠯᠳᠠᠨ ᠬᠦᠬᠡᠬᠡᠵᠤ᠂ ᠦᠵᠡᠬᠦ ᠨᠢᠳᠤᠨ ᠤ ᠲᠠᠯᠳᠠ | ᠤᠷᠤᠭᠤᠯᠬᠤ ᠶᠤᠮᠰᠠᠨ︕︾ ᠡᠷᠬᠢᠬᠡᠳ ᠨᠢᠬᠡ ᠪᠤᠳᠤᠬᠤᠯᠡ᠄ ︽ᠢᠩᠬᠢᠵᠤ ᠬᠢᠬᠦ ᠨᠢ ᠶᠠᠭᠤᠨ ᠲᠤᠰᠠ᠂ ᠭᠠᠭᠴᠠ | ᠦᠰᠢᠶᠡᠳᠡᠨ ᠢ ᠪᠠᠶᠠᠷᠯᠠᠭᠤᠯᠬᠤ ᠲᠡᠳᠤᠢ ᠪᠢᠵᠡ︕ ᠡᠨᠡ ᠴᠦᠮ ᠡᠩ ᠤᠨ ᠡᠳᠤᠷ ᠲᠤ ᠮᠢᠨᠤ ᠴᠢᠩᠳᠠᠯᠠᠨ | ᠰᠤᠷᠭᠠᠭᠰᠠᠨ ᠦᠭᠡᠢ ᠶᠢᠨ ᠬᠡᠮ ᠪᠤᠶᠤ︕︾ ᠬᠡᠵᠤ ᠡᠪᠴᠢᠬᠦᠦ ᠪᠠᠨ ᠰᠢᠭᠠᠨ ᠤᠳᠠᠳᠠᠯᠠ ᠪᠡᠭᠳᠡᠷᠡᠨ ᠪᠠᠶᠢᠵᠤ᠄ | ︽ᠬᠠᠨᠢ ᠪᠠᠨ ᠪᠠᠷᠠᠭᠰᠠᠳ | ᠢᠵᠢᠯᠢ ᠪᠠᠨ ᠢᠳᠡᠭᠰᠡᠳ | ᠬᠠᠯᠠᠭᠤᠨ ᠬᠡᠪᠡᠯᠢ ᠠᠴᠠ ᠭᠠᠷᠬᠤ ᠳᠠᠭᠠᠨ | ᠬᠠᠷᠠ ᠨᠦᠵᠢ ᠠᠳᠬᠤᠵᠤ ᠲᠦᠷᠦᠭᠰᠡᠨ ᠪᠢᠯᠡ᠃ | ᠬᠠᠷᠪᠢᠰᠤ ᠪᠠᠨ ᠬᠠᠵᠠᠬᠤ | ᠬᠠᠳᠠᠷ ᠨᠤᠬᠠᠢ ᠮᠡᠳᠤ | ᠬᠠᠳᠠᠨ ᠳᠤ ᠲᠤᠪᠳᠤᠯᠬᠤ | ᠬᠠᠷᠴᠠᠭᠠ ᠰᠢᠪᠠᠭᠤ ᠮᠡᠳᠤ | ᠠᠭᠤᠷ ᠢᠶᠠᠨ ᠲᠠᠷᠤᠨ ᠶᠠᠳᠠᠬᠤ | ᠤᠮᠤᠭᠳᠤ ᠠᠷᠰᠯᠡᠨ ᠮᠡᠳᠤ | ᠠᠮᠢᠳᠤ ᠪᠠᠷ ᠵᠠᠯᠬᠢᠬᠤ | ᠠᠶᠤᠯᠳᠤ ᠮᠠᠩᠭᠤᠰ ᠮᠡᠳᠤ | ᠰᠡᠬᠦᠳᠡᠷ ᠢᠶᠠᠨ ᠲᠤᠪᠳᠤᠯᠬᠤ | ᠱᠤᠩᠬᠤᠷ ᠰᠢᠪᠠᠭᠤ ᠮᠡᠳᠤ | ᠰᠡᠮᠡᠬᠡᠷ ᠵᠠᠯᠬᠢᠬᠤ | ᠴᠤᠷᠬᠠ① ᠵᠢᠭᠠᠰᠤ ᠮᠡᠳᠤ | ᠪᠤᠳᠤᠭᠤ ᠶᠢᠨ ᠪᠤᠷᠪᠢ ᠶᠢ ᠬᠠᠵᠠᠬᠤ | ᠪᠤᠤᠷᠠ ᠮᠡᠳᠤ | ᠪᠤᠷᠤᠭᠠᠨᠳᠤ ᠡᠳᠤᠷ ᠵᠠᠪᠰᠢᠬᠤ | ᠴᠢᠨ᠋ᠸᠠ ᠮᠡᠳᠤ | ᠬᠡᠤᠬᠡᠳ ᠦᠷᠡ ᠪᠠᠨ | ᠬᠡᠯᠢᠨ ᠶᠠᠳᠠᠵᠤ | ᠨᠢᠬᠦᠯᠳᠤ ᠠᠩᠬᠢᠷ ᠮᠡᠳᠤ | ᠬᠡᠪᠳᠡᠰᠢ ᠶᠢ ᠬᠦᠳᠡᠯᠬᠡᠪᠡᠯ | ᠬᠡᠳᠡᠷᠬᠦ ᠲᠤᠪᠳᠤᠯᠵᠤ | ᠴᠦᠯᠪᠡᠨ ᠢᠳᠡᠬᠦ | ᠴᠦᠬᠡᠪᠦᠷᠢ ᠴᠢᠨ᠋ᠸᠠ ᠮᠡᠳᠤ | ᠲᠠᠭᠤ ᠶᠢ ᠰᠤᠨᠤᠰᠪᠠᠯ | ᠲᠠᠭᠠᠷᠢᠨ ᠤᠷᠤᠵᠤ | ᠪᠠᠷᠢᠵᠤ ᠢᠳᠡᠬᠦ | ᠪᠠᠷᠰ ᠮᠡᠳᠤ ᠠᠮᠢᠳᠠᠳ ᠲᠠᠨ ᠢ ᠶᠠᠭᠠᠬᠢᠬᠤ ᠪᠢᠯᠡ ᠪᠢ︕︾ ᠬᠡᠵᠤ ᠨᠢᠬᠡᠨ ᠵᠡᠷᠬᠡ ᠬᠠᠷᠢᠶᠠᠵᠤ | ᠲᠤᠳᠤᠷᠠ ᠨᠢ ᠰᠠᠶ᠋ᠢ ᠪᠠᠭ᠋ᠠᠨ ᠠᠭᠤᠵᠢᠷᠠᠵᠤ᠄ | ︽ᠰᠡᠬᠦᠳᠡᠷ ᠠᠴᠠ ᠦᠬᠡᠷᠡ ᠨᠦᠬᠦᠷ ᠦᠭᠡᠢ | ᠰᠡᠬᠦᠯ ᠠᠴᠠ ᠦᠬᠡᠷᠡ ᠲᠠᠰᠢᠭᠤᠷ ᠦᠭᠡᠢ | ᠲᠠᠶᠢᠴᠢᠭᠤᠳ ᠠᠴᠠ ᠦᠰᠢᠶᠡ ᠪᠠᠨ ᠶᠠᠭᠠᠬᠢᠵᠤ ᠠᠪᠤᠨᠠ︖ | ᠲᠠᠷᠬᠠᠭᠰᠠᠨ ᠤᠯᠤᠰ ᠢᠶᠠᠨ ᠶᠠᠭᠠᠬᠢᠵᠤ ᠴᠤᠭᠯᠠᠭᠤᠯᠤᠨᠡ︖ ᠬᠡᠵᠤ ᠪᠠᠶᠢᠳᠠᠯᠠ ᠲᠠ ᠨᠠᠷ | ᠢᠩᠬᠢᠵᠤ ᠦᠪᠡᠷ ᠵᠠᠭᠤᠷᠠ ᠪᠠᠨ ᠬᠤᠷᠤᠭᠠᠵᠤ ᠦᠰᠳᠡᠨ ᠳᠤ ᠲᠤᠰᠠᠯᠠᠬᠤ ᠬᠡᠷᠡᠭ ᠦᠢᠯᠡᠳᠬᠦ ᠪᠤᠢ︕︾ ᠬᠡᠵᠤ | ᠬᠡᠯᠡᠬᠡᠳ᠂ ᠦᠬᠡᠯᠦᠨ ᠡᠬᠡ ᠵᠠᠪᠢᠯᠤᠨ ᠰᠠᠭᠤᠵᠤ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ ᠢ ᠤᠷᠳᠤ ᠪᠠᠨ ᠰᠦᠬᠦᠳᠬᠡᠨ᠄ | ︽ᠲᠡᠮᠦᠵᠢᠨ ᠡ᠂ ᠤᠷᠢᠳᠤ ᠠᠯᠤᠨ ᠭᠤᠸᠠ ᠡᠮᠡᠭᠡ ᠲᠠᠪᠤᠨ ᠬᠡᠤᠬᠡᠳ ᠢᠶᠠᠨ ᠬᠡᠷᠬᠢᠨ | ᠰᠤᠷᠭᠠᠭᠰᠠᠨ ᠢ ᠴᠡᠬᠡᠵᠢᠯᠡᠵᠤ ᠪᠠᠶᠢᠨᠠ ᠤᠤ︖︾ ᠬᠡᠵᠤ ᠠᠰᠠᠭᠤᠪᠠ᠃ ᠲᠡᠮᠦᠵᠢᠨ ᠲᠤᠯᠤᠭᠠᠢ ᠪᠠᠨ ᠪᠦᠬᠦᠶᠢᠨ᠄ | ︽ᠬᠠᠷᠢᠯᠴᠠᠨ ᠡᠪᠳᠡᠷᠡᠨ ᠮᠠᠭᠤᠳᠠᠯᠴᠠᠵᠤ ᠭᠠᠭᠴᠠ ᠭᠠᠭᠴᠠ ᠪᠠᠷ ᠰᠠᠯᠪᠠᠯ ᠨᠢᠵᠡᠬᠡᠳ ᠮᠦᠰᠤ | ᠮᠡᠳᠤ ᠬᠡᠨ ᠬᠦᠮᠦᠨ ᠳᠤ ᠬᠢᠯᠪᠠᠷᠬᠠᠨ ᠲᠡᠶᠢᠯᠦᠭᠳᠡᠨᠡ᠂ ᠡᠶᠡ ᠡᠪ ᠢᠶᠠᠨ ᠨᠢᠬᠡᠳᠦᠨ ᠪᠦᠯᠬᠦᠮᠳᠡᠵᠤ ᠶᠠᠪᠤᠪᠠᠯ ᠬᠠᠮᠳᠤ | ᠪᠠᠭᠯᠠᠭᠰᠠᠨ ᠲᠠᠪᠤᠨ ᠮᠦᠰᠤ ᠮᠡᠳᠤ ᠬᠡᠨ ᠬᠦᠮᠦᠨ ᠳᠤ ᠬᠢᠯᠪᠡᠷ ᠦᠯᠤ ᠲᠡᠶᠢᠯᠦᠭᠳᠡᠨᠡ ᠬᠡᠵᠡᠢ︕︾ | ᠦᠬᠡᠯᠦᠨ ᠡᠬᠡ ᠪᠠᠰᠠ ᠬᠠᠰᠠᠷ ᠠᠴᠠ᠄ | ︽ᠬᠠᠰᠠᠷ ᠡ᠂ ᠪᠤᠳᠠᠨᠴᠠᠷ ᠡᠪᠦᠭᠡ ᠬᠤᠵᠢᠮ ᠨᠢ ᠶᠠᠭᠠᠬᠢᠭᠰᠠᠨ ᠪᠢᠯᠡ︖︾ ᠬᠡᠵᠤ | ᠠᠰᠠᠭᠤᠪᠠ᠃ ᠬᠠᠰᠠᠷ ᠨᠠᠮ ᠲᠠᠭᠤ ᠪᠠᠷ᠄ | ︽ᠠᠯᠤᠨ ᠭᠤᠸᠠ ᠡᠮᠡᠭᠡ ᠦᠭᠡᠢ ᠪᠤᠯᠤᠭᠰᠠᠨ ᠤ ᠬᠤᠶᠢᠨᠠ ᠪᠦᠬᠦᠨᠤᠳᠠᠢ᠂ ᠪᠡᠯᠬᠦᠨᠤᠳᠠᠢ᠂ | ᠪᠤᠬᠠ ᠬᠠᠳᠠᠬᠢ᠂ ᠪᠤᠭᠳᠤ ᠰᠡᠯᠵᠢ ᠲᠦᠷᠪᠡᠬᠦᠯᠡ ᠡᠬᠡ ᠶᠢᠨ ᠢᠶᠠᠨ ᠦᠬᠡ ᠶᠢ ᠦᠳᠡᠬᠡᠷᠤᠨ ᠲᠡᠬᠦᠦ ᠪᠤᠳᠠᠨᠴᠠᠷ ᠢ | ᠤᠷᠤᠭ ᠲᠤ ᠦᠯᠦ ᠲᠤᠭᠤᠴᠠᠨ ᠭᠠᠭᠴᠠᠭᠠᠷ ᠢ ᠶᠠᠪᠤᠭᠤᠯᠪᠠ᠃ ᠬᠤᠵᠢᠮ ᠨᠢ ᠲᠡᠳᠡ ᠬᠡᠳᠦᠬᠦᠯᠡ ᠲᠡᠬᠦᠦ ᠪᠠᠨ | ᠭᠠᠭᠴᠠᠭᠠᠷ ᠢ ᠰᠢᠬᠠᠵᠤ ᠶᠠᠪᠤᠭᠤᠯᠤᠭᠰᠠᠨ ᠳᠠᠭᠠᠨ ᠬᠡᠮᠰᠢᠵᠤ ᠲᠡᠬᠦᠨ ᠢ ᠡᠷᠢᠵᠤ ᠠᠪᠴᠢᠷᠠᠪᠠ᠂ ᠲᠡᠭᠡᠭᠡᠳ ᠠᠬᠠ | ᠲᠡᠬᠦᠦ ᠬᠤᠭᠤᠷᠤᠨᠳᠤ ᠪᠠᠨ ᠡᠶᠡ ᠡᠪ ᠢᠶᠠᠨ ᠨᠢᠬᠡᠳᠦᠨ ᠪᠦᠯᠬᠦᠮᠳᠡᠵᠤ ᠠᠶᠢᠮᠠᠭ ᠤᠭᠰᠠᠭᠠ ᠪᠠᠨ ᠮᠠᠨᠳᠤᠭᠤᠯᠵᠤ | ᠶᠠᠪᠤᠵᠠᠢ᠃︾ | ᠢᠩᠬᠢᠬᠡᠳ ᠦᠬᠡᠯᠦᠨ ᠡᠬᠡ ᠶᠢᠨ ᠠᠭᠤᠷ ᠰᠠᠶ᠋ᠢ ᠲᠠᠶᠢᠳᠬᠤᠷᠠᠵᠤ᠂ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠷ | ᠲᠤ ᠰᠤᠷᠭᠠᠵᠤ ᠬᠡᠯᠡᠭᠰᠡᠨ ᠨᠢ᠄ | ︽ᠲᠠ ᠬᠤᠶᠠᠷ ᠡᠨᠡ ᠬᠡᠯᠡᠭᠰᠡᠨ ᠦᠬᠡ ᠪᠠᠨ ᠪᠠᠳᠤ ᠴᠡᠬᠡᠵᠢᠯᠡᠵᠤ᠂ ᠬᠤᠶᠢᠰᠢᠳᠠ ᠠᠬᠠ | ᠲᠡᠬᠦᠦ ᠬᠤᠭᠤᠷᠤᠨᠳᠤ ᠪᠠᠨ | ᠡᠶᠡ ᠡᠪ ᠢᠶᠠᠨ ᠨᠢᠬᠡᠳᠴᠤ | ᠡᠬᠦᠷᠢᠳᠠ ᠪᠦᠯᠬᠦᠮᠳᠡᠵᠤ ᠶᠠᠪᠤ | ᠦᠬᠡᠷ ᠤᠨ ᠬᠤᠶᠠᠷ ᠡᠪᠡᠷ ᠮᠡᠳᠤ | ᠦᠨᠢᠳᠠ ᠪᠤᠤ ᠬᠠᠭᠠᠴᠠ② | | ᠤᠨᠠᠭᠰᠠᠨ ᠭᠠᠵᠠᠷ ᠲᠤᠨᠢ ᠡᠷᠬᠦᠵᠤ | ᠤᠷᠤᠭᠤᠳᠠᠭᠰᠠᠨ ᠭᠠᠵᠠᠷ ᠲᠤᠨᠢ ᠲᠠᠳᠠᠵᠤ ᠶᠠᠪᠤ | ᠲᠤᠤᠭᠠᠷᠪᠠᠯ ᠲᠠᠭᠤ ᠨᠡᠮᠡᠵᠤ | ᠲᠤᠭᠳᠤᠷᠪᠠᠯ ᠬᠦᠴᠦ ᠨᠡᠮᠡᠵᠤ ᠶᠠᠪᠤ︾ ᠬᠡᠵᠠᠢ᠃ | | | ᠲᠠᠶᠢᠯᠪᠤᠷᠢ | ① ᠴᠤᠷᠬᠠ — ᠵᠢᠭᠠᠰᠤᠨ ᠤ ᠨᠡᠷᠡ᠃ | ② ︽ᠦᠬᠡᠷ ᠤᠨ ᠬᠤᠶᠠᠷ ᠡᠪᠡᠷ ᠮᠡᠳᠤ᠂ ᠦᠨᠢᠳᠠ ᠪᠤᠤ ᠬᠠᠭᠠᠴᠠ︾ — ᠡᠨᠡ ᠨᠢ | ᠬᠤᠶᠠᠷᠬᠠᠨ ᠬᠦᠮᠦᠨ ᠢ ᠬᠡᠯᠡᠳᠡᠭ ᠪᠢᠰᠢ᠂ ᠤᠯᠠᠨ ᠬᠦᠮᠦᠨ ᠢ ᠪᠠᠭᠳᠠᠭᠠᠭᠰᠠᠨ ᠤᠳᠬᠠ ᠴᠦ ᠪᠤᠢ᠃ ᠦᠬᠡᠷ ᠤᠨ | ᠬᠤᠶᠠᠷ ᠡᠪᠡᠷ ᠤᠤᠯ ᠠᠴᠠ ᠵᠤᠶᠢᠷ ᠪᠠᠶᠢᠵᠤ᠂ ᠰᠠᠯᠵᠤ ᠪᠤᠯᠳᠠᠭ ᠦᠭᠡᠢ ᠲᠤᠯᠠ ᠲᠡᠷᠡ ᠮᠡᠳᠤ ᠪᠠᠳᠤ ᠨᠢᠭᠳᠠ | ᠪᠠᠷᠢᠭᠳᠤᠨ ᠬᠡᠰᠡᠨ ᠤᠳᠬᠠ ᠲᠠᠢ᠃ | | | ᠡᠮᠤᠨᠡᠬᠢ ᠦᠯᠢᠬᠡᠷ᠄ ᠦᠬᠡᠯᠦᠨ ᠦᠵᠢᠨ ᠤ ᠬᠠᠳᠠᠭᠤᠵᠢᠨ ᠲᠡᠮᠡᠴᠡᠭᠰᠡᠨ | ᠬᠤᠶᠢᠨᠡᠬᠢ ᠦᠯᠢᠬᠡᠷ᠄ ᠰᠤᠷᠬᠠᠨ ᠰᠢᠷᠠ ᠶᠢᠨ ᠬᠢᠨ ᠲᠡᠮᠦᠵᠢᠨ ᠢ ᠠᠪᠤᠷᠠᠭᠰᠠᠨ | |