| | | ᠴᠢᠩᠬᠢᠰ ᠬᠠᠭᠠᠨ ᠤ ᠪᠠᠭᠠ ᠶᠢᠨ ᠨᠡᠷᠡ ᠨᠢ ᠲᠡᠮᠦᠵᠢᠨ᠃ ᠶᠠᠭᠠᠬᠢᠭᠠᠳ ᠲᠡᠮᠦᠵᠢᠨ ᠬᠡᠵᠤ | ᠨᠡᠷᠡᠯᠡᠪᠡ︖ ᠬᠡᠪᠡᠯ᠂ ᠡᠷᠳᠡ ᠲᠡᠭᠡᠳᠤ ᠦᠶᠡ ᠳᠤ ᠶᠠᠮᠠᠷ ᠨᠢᠬᠡᠨ ᠬᠡᠷᠡᠭ ᠤᠴᠢᠷ ᠤᠨ ᠲᠤᠬᠢᠶᠠᠯᠳᠤᠯ ᠢᠶᠠᠷ ᠬᠡᠤᠬᠡᠳ | ᠲᠡᠭᠡᠨ ᠨᠡᠷᠡ ᠦᠭᠴᠢᠬᠡᠳᠡᠭ ᠴᠦ ᠪᠠᠶᠢᠵᠠᠢ᠃ ᠦᠬᠡᠯᠦᠨ ᠦᠵᠢᠨ ᠲᠡᠮᠦᠵᠢᠨ ᠢ ᠵᠢᠷᠦᠮᠰᠤᠯᠡᠬᠡᠳ ᠪᠠᠶᠢᠬᠤ ᠦᠶᠡ ᠳᠤ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠲ᠋ᠠᠷ ᠤᠨ ᠲᠡᠮᠦᠵᠢᠨ ᠦᠬᠡ᠂ ᠬᠤᠷᠢᠪᠤᠬᠠ ᠵᠡᠷᠬᠡ ᠬᠦᠮᠦᠰ ᠢ ᠪᠠᠷᠢᠵᠤ ᠢᠷᠡᠬᠦ ᠲᠤᠬᠢᠶᠠᠯᠳᠤᠪᠠ᠃ | ᠲᠡᠭᠡᠭᠡᠳ ᠦᠬᠡᠯᠦᠨ ᠦᠵᠢᠨ ᠤᠨᠤᠨ ᠮᠦᠷᠡᠨ ᠤ ᠲᠡᠯᠢᠬᠦᠨ ᠪᠤᠯᠳᠠᠭ ᠬᠡᠬᠦ ᠭᠠᠵᠠᠷ ᠲᠡᠮᠦᠵᠢᠨ ᠢ ᠲᠦᠷᠦᠭᠰᠡᠨ ᠳᠤ᠂ | ᠲᠠᠲ᠋ᠠᠷ ᠤᠨ ᠲᠡᠮᠦᠵᠢᠨ ᠦᠬᠡ ᠶᠢ ᠪᠠᠷᠢᠵᠤ ᠢᠷᠡᠬᠦ ᠳᠤ ᠲᠤᠬᠢᠶᠠᠯᠳᠤᠵᠤ ᠲᠦᠷᠦᠪᠡ ᠬᠡᠵᠤ ᠲᠡᠮᠦᠵᠢᠨ ᠬᠡᠳᠡᠭ ᠨᠡᠷᠡ | ᠦᠭᠴᠠᠢ᠃ ᠲᠡᠮᠦᠵᠢᠨ ᠡᠬᠡ ᠠᠴᠠ ᠪᠠᠨ ᠲᠦᠷᠦᠬᠦ ᠳᠡᠭᠡᠨ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠱᠠᠭᠠ ᠶᠢᠨ ᠴᠢᠨᠡᠬᠡᠨ ᠨᠦᠵᠢ | ᠠᠳᠬᠤᠵᠤ ᠲᠦᠷᠦᠭᠰᠡᠨ ᠬᠡᠳᠡᠭ᠃ | ᠦᠬᠡᠯᠦᠨ ᠦᠵᠢᠨ ᠤᠤᠭᠠᠨ ᠬᠦᠦ ᠲᠡᠮᠦᠵᠢᠨ ᠤ ᠲᠠᠷᠠᠭᠠ ᠬᠠᠰᠠᠷ᠂ ᠬᠠᠴᠢᠭᠤᠨ᠂ ᠲᠡᠮᠦᠬᠡ | ᠬᠡᠬᠦ ᠭᠤᠷᠪᠠᠨ ᠬᠦᠦ ᠪᠠ ᠲᠡᠮᠦᠯᠤᠨ ᠬᠡᠬᠦ ᠨᠢᠬᠡ ᠦᠬᠢᠨ ᠲᠦᠷᠦᠪᠡ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠨ ᠨᠦᠬᠦᠬᠡ ᠬᠡᠷᠬᠡᠢ | ᠰᠤᠴᠢᠬᠡᠯ ᠡᠬᠡ ᠠᠴᠠ ᠪᠡᠭᠳᠡᠷ᠂ ᠪᠡᠯᠬᠦᠳᠠᠢ ᠬᠡᠬᠦ ᠬᠤᠶᠠᠷ ᠬᠦᠦ ᠲᠠᠢ ᠪᠢᠯᠡ᠃ | ᠲᠡᠮᠦᠵᠢᠨ ᠶᠢᠰᠦᠨ ᠨᠠᠰᠤᠯᠠᠪᠠ᠃ ᠲᠡᠷᠡ ᠦᠶᠡ ᠶᠢᠨ ᠵᠠᠩᠰᠢᠯ ᠢᠶᠠᠷ ᠬᠡᠤᠬᠡᠳ ᠢᠶᠠᠨ ᠪᠦᠷ | ᠪᠠᠯᠴᠢᠷ ᠨᠠᠰᠤᠨ ᠳᠤᠨᠢ ᠤᠷᠤᠭ ᠬᠡᠯᠡᠯᠴᠡᠨ ᠰᠦᠢ ᠲᠤᠭᠳᠠᠵᠤ ① ᠪᠤᠯᠳᠠᠭ ᠪᠠᠶᠢᠵᠠᠢ᠃ ᠲᠡᠷᠡ ᠵᠠᠩᠰᠢᠯ ᠶᠤᠰᠤᠭᠠᠷ᠂ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠡᠮᠦᠵᠢᠨ ᠢ ᠶᠢᠰᠦᠬᠡᠨ ᠨᠠᠰᠤᠳᠠᠢ ᠵᠢᠯ ᠳᠤᠨᠢ ᠦᠬᠡᠯᠦᠨ ᠡᠬᠡ ᠶᠢᠨ ᠲᠦᠷᠬᠦᠮ ᠤᠯᠬᠤᠨᠤᠳ | ᠢᠷᠬᠡᠨ ᠠᠴᠠ ᠬᠦᠦ ᠳᠡᠭᠡᠨ ᠪᠡᠷᠢ ᠭᠤᠶᠤᠬᠤ ᠪᠠᠷ ᠲᠠᠭᠠᠭᠤᠯᠤᠨ ᠶᠠᠪᠤᠵᠠᠢ᠃ | ᠲᠡᠳᠡ ᠵᠠᠮ ᠵᠠᠭᠤᠷᠠ ᠴᠡᠭᠴᠡᠷ᠂ ᠴᠢᠭᠤᠷᠬᠤ ᠬᠡᠬᠦ ᠭᠠᠵᠠᠷ ᠤᠨ ᠬᠤᠭᠤᠷᠤᠨᠳᠤ ᠬᠤᠩᠬᠢᠷᠠᠳ | ᠠᠶᠢᠮᠠᠭ ᠤᠨ ᠲᠠᠢ ᠰᠡᠴᠡᠨ ᠬᠡᠬᠦ ᠬᠦᠮᠦᠨ ᠲᠠᠢ ᠤᠴᠠᠷᠠᠪᠠ᠃ ᠲᠠᠢ ᠰᠡᠴᠡᠨ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠬᠤᠶᠠᠷ ᠤᠭ ᠠᠴᠠ | ᠲᠠᠨᠢᠯᠴᠠᠳᠠᠭ ᠪᠠᠶᠢᠵᠠᠢ᠃ ᠲᠠᠢ ᠰᠡᠴᠡᠨ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠨ ᠬᠦᠦ ᠪᠠᠨ ᠲᠠᠭᠠᠭᠤᠯᠵᠤ ᠬᠦᠳᠦᠯᠦᠬᠡ ᠮᠤᠷᠢ ᠲᠠᠢ | ᠶᠠᠪᠤᠭᠠ ᠶᠢ ᠦᠵᠡᠵᠤ᠄ | ︽ᠶᠢᠰᠦᠬᠡᠢ ᠬᠤᠳᠠ ᠰᠠᠶᠢᠨ ᠤᠤ︖ ᠲᠠ ᠴᠢᠨᠢ ᠬᠦᠦ ᠪᠠᠨ ᠲᠠᠭᠠᠭᠤᠯᠤᠨ ᠬᠦᠳᠦᠯᠦᠬᠡ | ᠮᠤᠷᠢ ᠲᠠᠢ ᠬᠠᠮᠢᠭᠠ ᠶᠠᠭᠤᠨ ᠳᠤ ᠵᠤᠷᠢᠵᠤ ᠶᠠᠪᠤᠭᠠ ᠪᠤᠢ︖︾ ᠬᠡᠵᠤ ᠭᠠᠶᠢᠬᠠᠨ ᠠᠰᠠᠭᠤᠪᠠ᠃ ᠶᠢᠰᠦᠬᠡᠢ | ᠪᠠᠭᠠᠳᠤᠷ ᠮᠤᠷᠢᠨ ᠠᠴᠠ ᠪᠠᠭᠤᠵᠤ ᠬᠠᠷᠢᠭᠤ ᠮᠡᠨᠳᠤᠯᠡᠬᠡᠳ᠄ | ︽ᠵᠠ ᠴᠢᠮᠡ ᠠᠴᠠ ᠶᠠᠭᠤ ᠶᠢ ᠨᠢ ᠨᠢᠭᠤᠬᠤ ᠪᠤᠢ︖ ᠮᠢᠨᠤ ᠬᠦᠦ ᠲᠡᠮᠦᠵᠢᠨ ᠡᠨᠡ ᠵᠢᠯ | ᠶᠢᠰᠦᠨ ᠨᠠᠰᠤᠯᠠᠪᠠ᠂ ᠪᠢ ᠬᠦ᠋ ᠳᠡᠭᠡᠨ ᠪᠡᠷᠢ ᠭᠤᠶᠤᠬᠤ ᠪᠠᠷ ᠤᠯᠬᠤᠨᠤᠳ ᠢᠷᠬᠡᠨ ᠳᠠᠬᠢ ᠨᠠᠭᠠᠴᠤ ᠨᠠᠷ ᠤᠨ ᠳᠤᠨᠢ | ᠬᠦᠷᠬᠦ ᠪᠠᠷ ᠶᠠᠪᠤᠵᠤ ᠪᠠᠶᠢᠭᠠ ᠮᠠᠨᠢ ᠡᠨᠡ︾ ᠬᠡᠰᠡᠨ ᠳᠤ ᠲᠠᠢ ᠰᠠᠴᠡᠨ ᠲᠡᠮᠦᠵᠢᠨ ᠢ ᠨᠠᠷᠢᠪᠴᠢᠯᠡᠨ ᠦᠵᠡᠬᠡᠳ᠄ | ︽ᠪᠢ ᠴᠢᠨᠤ ᠨᠦᠵᠢ ᠠᠳᠬᠤᠵᠤ ᠲᠦᠷᠦᠭᠰᠡᠨ ᠭᠠᠶᠢᠬᠠᠮᠰᠢᠭᠳᠤ ᠬᠦᠦ ᠶᠢ ᠡᠨᠡ ᠡᠳᠤᠷ ᠰᠠᠶ᠋ᠢ | ᠨᠠᠷᠢᠪᠴᠢᠯᠡᠨ ᠦᠵᠡᠯᠡ᠃ ᠡᠨᠡ ᠬᠦᠦ ᠴᠢᠨᠢ ᠨᠢᠳᠤᠨ ᠳᠡᠭᠡᠨ ᠭᠠᠯ ᠲᠠᠢ᠂ ᠨᠢᠭᠤᠷ ᠲᠠᠭᠠᠨ ᠬᠡᠷᠡᠯ ᠲᠠᠢ ᠬᠦᠦ ᠪᠠᠶᠢᠨᠠ | ᠂ ᠬᠤᠵᠢᠮ ᠤᠨ ᠡᠳᠤᠷ ᠬᠠᠭᠠᠳ ᠢᠵᠠᠭᠤᠷ ᠢᠶᠠᠨ ᠵᠠᠯᠭᠠᠮᠵᠢᠯᠠᠬᠤ ᠬᠦᠮᠦᠨ ᠳ᠋ᠠ︾ ᠬᠡᠵᠤ ᠶᠡᠬᠡᠯᠡ ᠮᠠᠭᠳᠠᠨ᠂ ᠪᠠᠰᠠ | ᠵᠠᠯᠭᠠᠵᠤ᠄ | ︽ᠶᠢᠰᠦᠬᠡᠢ ᠬᠤᠳᠠ᠂ ᠪᠢ ᠡᠨᠡ ᠰᠦᠨᠢ ᠨᠢᠬᠡᠨ ᠵᠡᠬᠦᠳᠤ ᠵᠡᠬᠦᠳᠦᠯᠡᠪᠡ᠂ ᠴᠠᠭᠠᠨ ᠰᠢᠩᠬᠤᠷ | ᠰᠢᠪᠠᠭᠤ ᠨᠠᠷᠠᠨ ᠰᠠᠷᠠᠨ ᠬᠤᠶᠠᠷ ᠢ ᠠᠳᠬᠤᠨ ᠨᠢᠰᠴᠤ ᠢᠷᠡᠬᠡᠳ ᠮᠢᠨᠤ ᠭᠠᠷ ᠲᠡᠭᠡᠷᠡ ᠪᠠᠭᠤᠪᠠ ᠬᠡᠵᠤ ᠵᠡᠬᠦᠳᠦᠯᠡᠪᠡ᠃ | ᠡᠨᠡ ᠶᠠᠮᠠᠷ ᠰᠤᠨᠢᠨ ᠵᠡᠬᠦᠳᠤ ᠪᠤᠢ᠂ ᠪᠢᠳᠠ ᠨᠠᠷᠠᠨ ᠰᠠᠷᠠᠨ ᠢ ᠨᠢᠳᠤ ᠪᠠᠷ ᠦᠵᠡᠵᠤ ᠪᠤᠯᠤᠨᠡ᠂ ᠬᠡᠳᠡᠯᠡ ᠪᠢ ᠲᠡᠬᠦᠨ ᠢ | ᠭᠠᠷ ᠢᠶᠠᠷ ᠠᠳᠬᠤᠵᠤ ᠪᠤᠯᠬᠤ ᠶᠤᠰᠤ ᠪᠤᠢ ᠤᠤ︖ ᠡᠬᠦᠨ ᠠᠴᠠ ᠦᠵᠡᠪᠡᠯ ᠡᠨᠡ ᠯᠠᠪ ᠨᠢᠬᠡᠨ ᠰᠠᠶᠢᠨ ᠲᠤᠬᠢᠶᠠᠯ | ᠤᠴᠠᠷᠠᠬᠤ ᠪᠡᠯᠬᠡ ᠲᠠᠮᠪᠡᠷᠢᠯ ᠬᠡᠵᠤ ᠪᠢ ᠦᠷᠯᠦᠬᠡᠨ ᠠᠴᠠ ᠬᠠᠷᠠᠭᠰᠠᠭᠠᠷ ᠪᠢᠯᠡ᠂ ᠤᠳᠤ ᠲᠠ ᠬᠦᠦ ᠪᠠᠨ | ᠲᠠᠭᠠᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠶᠠᠭ ᠮᠢᠨᠤ ᠵᠡᠬᠦᠳᠤᠨ ᠤ ᠲᠠᠶᠢᠯᠪᠤᠷᠢ ᠪᠤᠯᠪᠠ᠃ ᠲᠠᠨ ᠤ ᠬᠢᠶᠡᠳ ᠤᠪᠤᠭ ᠤᠨ ᠰᠦᠯᠳᠠ | ᠢᠷᠡᠵᠤ ᠵᠡᠬᠦᠳᠤ ᠦᠭᠬᠦᠭᠰᠡᠨ ᠠᠵᠢ︾ ᠬᠡᠳ ᠲᠠᠢ ᠰᠡᠴᠡᠨ ᠰᠡᠴᠡᠷᠬᠡᠨ ᠲᠠᠭᠤᠯᠠᠭᠰᠠᠨ ᠨᠢ᠄ | ︽ᠮᠠᠨ ᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠬᠡᠳᠦᠶᠢᠨ ᠠᠴᠠ | ᠬᠠᠷᠢ ᠤᠯᠤᠰ ᠢ ᠦᠯᠦ ᠲᠤᠪᠳᠤᠯᠤᠨ | ᠬᠠᠴᠠᠷ ᠭᠤᠸᠠ ᠦᠬᠢᠳ ᠢᠶᠠᠨ | ᠬᠠᠰᠠᠭ ᠲᠡᠷᠬᠡᠨ ᠳᠤ ᠰᠠᠭᠤᠯᠭᠠᠵᠤ | ᠬᠠᠷ ᠪᠤᠤᠷᠠ ᠬᠦᠯᠯᠡᠵᠤ | ᠬᠠᠳᠠᠷᠢᠭᠤᠯᠤᠨ ᠤᠳᠴᠤ | ᠬᠠᠭᠠᠨ ᠪᠤᠯᠤᠭᠰᠠᠨ ᠲᠡᠳᠡᠨ ᠤ | ᠬᠠᠳᠤᠨ ᠰᠠᠭᠤᠷᠢᠨ ᠳᠤ ᠲᠡᠪᠰᠢᠬᠦᠯᠵᠤ | ᠬᠠᠮᠳᠤ ᠰᠠᠭᠤᠯᠭᠠᠵᠤ ᠢᠷᠡᠯᠡ᠃ | ᠦᠬᠡᠷᠡ ᠢᠷᠬᠡᠨ ᠢ ᠦᠯᠤ ᠲᠡᠮᠡᠴᠡᠨ | ᠦᠩᠬᠡ ᠰᠠᠶᠢᠳᠤ ᠦᠬᠢᠳ ᠢᠶᠠᠨ | ᠦᠯᠵᠢᠬᠡᠳᠠᠢ ᠲᠡᠷᠬᠡᠨ ᠳᠤ ᠰᠠᠭᠤᠯᠭᠠᠵᠤ | ᠦᠯᠤ ᠪᠤᠤᠷᠠ ᠬᠦᠯᠯᠠᠵᠤ | ᠡᠬᠦᠰᠬᠡᠨ ᠤᠳᠴᠤ | ᠦᠨᠳᠤᠷ ᠰᠠᠭᠤᠷᠢ ᠡᠵᠡᠯᠡᠭᠴᠢᠳ ᠤᠨ | ᠦᠷᠦᠬᠡᠯ ᠬᠠᠨᠢ ᠪᠤᠯᠭᠠᠵᠤ | ᠦᠩᠬᠡ ᠨᠡᠮᠡᠷᠢᠯᠡᠵᠤ ᠢᠷᠡᠯᠡ᠃ | ᠮᠠᠨ ᠤ ᠬᠤᠩᠬᠢᠷᠠᠳ ᠠᠶᠢᠮᠠᠭ ᠬᠡᠳᠦᠶᠢᠨ ᠠᠴᠠ ᠬᠠᠴᠠᠷ ᠭᠤᠸᠠ ᠬᠠᠳᠤᠳ ᠲᠠᠢ᠂ ᠦᠩᠬᠡ | ᠰᠠᠶᠢᠳᠤ ᠦᠬᠢᠳ ᠲᠠᠢ ᠲᠤᠯᠠ ᠵᠢᠬᠡ ᠶᠢᠨ ᠵᠢᠰᠤ ᠪᠠᠷ᠂ ᠦᠬᠢᠳ ᠤᠨ ᠦᠩᠬᠡ ᠪᠠᠷ ᠶᠠᠪᠤᠨᠠ᠃ ᠡᠷᠳᠡᠨ ᠤ ᠦᠬᠡᠨ | ᠳᠤ ︿ᠨᠤᠭᠤᠨ ᠬᠡᠤᠬᠡᠳ ᠨᠤᠳᠤᠭ ᠢᠶᠠᠨ ᠡᠵᠡᠮᠰᠢᠨᠡ᠂ ᠦᠬᠢᠳ ᠬᠦᠬᠡᠳ ᠦᠩᠬᠡ ᠰᠢᠯᠢᠭᠳᠡᠨᠡ﹀ ᠬᠡᠳᠡᠭ᠃ | ᠶᠢᠰᠦᠬᠡᠢ ᠬᠤᠳᠠ᠂ ᠨᠠᠳᠠ ᠨᠢᠬᠡᠨ ᠦᠬᠢᠨ ᠪᠤᠢ᠂ ᠲᠠ ᠦᠵᠡ︾ ᠬᠡᠵᠤ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠡᠴᠢᠬᠡ ᠬᠦᠦ | ᠬᠤᠶᠠᠭᠤᠯᠠ ᠶᠢ ᠡᠵᠡᠨ ᠲᠤᠯᠤᠭᠠᠢ ᠮᠡᠳᠡᠬᠦᠯᠦᠯ ᠦᠭᠡᠢ ᠬᠡᠷ ᠲᠡᠭᠡᠨ ᠲᠠᠭᠠᠭᠤᠯᠵᠤ ᠠᠪᠴᠢᠷᠠᠪᠠ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠢ ᠰᠡᠴᠡᠨ ᠤ ᠬᠡᠷ ᠲᠤ ᠬᠦᠷᠦᠬᠡᠳ ᠦᠬᠢᠨ ᠢ ᠦᠵᠡᠪᠡᠯ ᠦᠨᠡᠬᠡᠷ | ᠨᠢᠭᠤᠷ ᠲᠠᠭᠠᠨ ᠬᠡᠷᠡᠯ ᠲᠠᠢ᠂ ᠨᠢᠳᠤᠨ ᠳᠡᠭᠡᠨ ᠭᠠᠯ ᠲᠠᠢ ᠭᠤᠸᠠ ᠦᠵᠡᠰᠬᠦᠯᠡᠩᠳᠤ ᠦᠬᠢᠨ ᠪᠠᠶᠢᠯᠠ᠃ ᠨᠡᠷᠡ ᠶᠢ | ᠠᠰᠠᠭᠤᠪᠠᠯ ︽ᠪᠦᠷᠳᠠ︾ ᠬᠡᠪᠡ᠃ ᠪᠠᠰᠠ ᠬᠡᠳᠦᠨ ᠦᠬᠡ ᠠᠰᠠᠭᠤᠪᠠᠯ ᠪᠦᠷᠳᠠ ᠦᠬᠢᠨ ᠤ ᠦᠴᠢᠵᠤ ᠬᠠᠷᠢᠭᠤᠯᠬᠤ | ᠬᠤᠷᠴᠠ ᠰᠡᠷᠬᠡᠭ ᠴᠦ ᠪᠠᠶᠢᠯᠠ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠤᠳᠤᠷᠠ ᠪᠠᠨ ︽ᠬᠤᠩᠬᠢᠷᠠᠳ ᠠᠶᠢᠮᠠᠭ ᠡᠷᠳᠡᠨ ᠠᠴᠠ | ᠠᠪᠤᠭᠠᠳ ᠵᠢᠬᠡ ᠶᠢᠨ ᠵᠢᠰᠤ ᠪᠠᠷ᠂ ᠦᠬᠢᠳ ᠤᠨ ᠦᠩᠬᠡ ᠪᠠᠷ ᠶᠠᠪᠤᠨᠠ ᠬᠡᠵᠤ ᠠᠯᠳᠠᠷᠰᠢᠭᠰᠠᠨ ᠨᠢ ᠬᠤᠳᠠᠯ ᠪᠤᠰᠤ | ᠠᠵᠢ︾ ᠬᠡᠵᠤ ᠦᠬᠢᠨ ᠢ ᠦᠵᠡᠵᠤ ᠲᠤᠭᠤᠭᠠᠳ ᠴᠢᠨᠠᠭᠰᠢ ᠶᠠᠪᠤᠬᠤ ᠶᠢ ᠪᠤᠯᠢᠵᠤ᠂ ᠲᠡᠷᠡ ᠰᠦᠨᠢ ᠲᠠᠢ ᠰᠠᠴᠡᠨ ᠤ | ᠳᠤ ᠬᠤᠨᠤᠪᠠ᠃ | ᠮᠠᠷᠭᠠᠰᠢ ᠨᠢ ᠬᠤᠭᠤᠯᠠ ᠤᠮᠳᠠᠭᠠᠨ ᠤ ᠲᠠᠷᠠᠭᠠ᠂ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠵᠢᠩᠬᠢᠨᠢ ᠪᠠᠷ ᠲᠠᠢ | ᠰᠡᠴᠡᠨ ᠤ ᠦᠬᠢᠨ ᠪᠦᠷᠳᠡ ᠶᠢ ᠬᠦᠦ ᠳᠡᠭᠡᠨ ᠭᠤᠶᠤᠪᠠ᠃ ᠲᠠᠢ ᠰᠡᠴᠡᠨ ᠰᠢᠭᠤᠳ ᠰᠢᠯᠤᠭᠤᠨ ᠬᠦᠮᠦᠨ ᠲᠤᠯᠠ᠄ | ︽ᠤᠯᠠᠨ ᠤᠳᠠᠭᠠ ᠭᠤᠶᠤᠯᠭᠠᠵᠤ ᠦᠭᠪᠡᠯ ᠲᠡᠬᠡᠵᠢᠯᠡᠭᠳᠡᠬᠦ ②᠂ ᠴᠦᠬᠡᠨ ᠤᠳᠠᠭᠠ | ᠭᠤᠶᠤᠯᠭᠠᠵᠤ ᠦᠭᠪᠡᠯ ᠲᠤᠷᠤᠮᠵᠢᠯᠠᠭᠳᠠᠬᠤ ᠬᠡᠳᠡᠭ ᠪᠤᠯᠪᠠᠴᠤ ᠦᠬᠢᠨ ᠬᠦᠮᠦᠨ ᠲᠦᠷᠦᠭᠰᠡᠨ ᠡᠬᠦᠳᠡᠨ ᠳᠤ ᠦᠳᠡᠯᠬᠦ | ᠦᠭᠡᠢ ᠲᠤᠯᠠ ᠦᠬᠢᠨ ᠢᠶᠠᠨ ᠦᠭᠬᠦᠶᠡ︾ ᠬᠡᠪᠡ᠃ ᠲᠠᠢ ᠰᠡᠴᠡᠨ ᠤ ᠬᠡᠷᠬᠡᠢ ᠴᠤᠳᠠᠨ ᠬᠠᠵᠠᠭᠤ ᠠᠴᠠ ᠨᠢ᠄ | ︽ᠬᠤᠳᠠ ᠵᠦᠪᠰᠢᠶᠡᠷᠡᠪᠡᠯ ᠬᠦᠦ ᠪᠠᠨ ᠬᠦᠷᠬᠡᠨ ᠪᠤᠯᠭᠠᠵᠤ ③ ᠮᠠᠨ ᠤ ᠬᠡᠷ ᠲᠤ ᠦᠯᠡᠳᠡᠭᠡ︾ | ᠬᠡᠪᠡ᠃ ᠬᠦᠷᠬᠡᠨ ᠪᠤᠯᠤᠭᠰᠠᠨ ᠬᠦᠮᠦᠨ ᠢ ᠬᠠᠳᠠᠮ ᠳᠤ ᠠᠪᠴᠤ ᠰᠠᠭᠤᠬᠤ ᠨᠢ ᠲᠡᠷᠡ ᠦᠶᠡ ᠶᠢᠨ ᠶᠤᠰᠤ ᠲᠤᠯᠠ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠬᠡ ᠲᠠᠭᠠᠵᠤ᠄ | ︽ᠪᠢ ᠬᠦᠦ ᠪᠠᠨ ᠬᠦᠷᠬᠡᠨ ᠪᠤᠯᠭᠠᠵᠤ ᠬᠤᠳᠠ ᠬᠤᠳᠠᠭᠠᠢ ᠶᠢᠨ ᠳᠤ ᠦᠯᠡᠳᠡᠬᠡᠶᠡ᠂ ᠭᠠᠭᠴᠠ | ᠬᠤᠳᠠ ᠬᠤᠳᠠᠭᠠᠢ ᠳᠤ ᠭᠤᠶᠤᠴᠢᠯᠠᠬᠤ ᠨᠢᠬᠡᠨ ᠵᠦᠢᠯ ᠬᠡᠪᠡᠯ ᠮᠢᠨᠤ ᠬᠦᠦ ᠨᠤᠬᠠᠢ ᠠᠴᠠ ᠰᠤᠴᠢᠮᠠᠳᠠᠭᠠᠢ᠂ ᠡᠷᠬᠢᠮ | ᠬᠤᠳᠠ ᠬᠦᠦ ᠶᠢ ᠮᠢᠨᠢ ᠨᠤᠬᠠᠢ ᠠᠴᠠ ᠪᠤᠤ ᠰᠤᠴᠢᠭᠤᠯ︾ ᠬᠡᠳ ᠬᠦᠳᠦᠯᠵᠤ ᠶᠠᠪᠤᠭᠰᠠᠨ ᠮᠤᠷᠢ ᠪᠠᠨ ᠪᠡᠯᠡᠭ ᠪᠤᠯᠭᠠᠨ | ᠦᠭᠴᠤ᠂ ᠲᠡᠮᠦᠵᠢᠨ ᠢ ᠤᠷᠬᠢᠭᠠᠳ ᠬᠡᠷ ᠲᠡᠭᠡᠨ ᠪᠤᠴᠠᠪᠠ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠴᠡᠭᠴᠡᠷ ᠤᠨ ᠰᠢᠷᠠ ᠲᠠᠯᠠ ᠳᠤ ᠶᠠᠪᠤᠵᠤ | ᠪᠠᠶᠢᠳᠠᠯᠠ ᠲᠠᠲ᠋ᠠᠷ ᠢᠷᠬᠡᠨ ᠤ ᠬᠤᠷᠢᠮᠯᠠᠵᠤ ᠪᠠᠶᠢᠬᠤ ᠲᠠᠢ ᠲᠤᠬᠢᠶᠠᠯᠳᠤᠭᠠᠳ ᠠᠮᠠ ᠶᠡᠭᠡ ᠴᠠᠩᠭᠠᠬᠤ ᠲᠤᠯᠠ ᠲᠡᠳᠡᠨ ᠤ | ᠬᠤᠷᠢᠮ ᠳᠤ ᠰᠠᠭᠤᠪᠠ᠃ ᠲᠡᠲ᠋ᠠᠷ ᠤᠳ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠢ ᠦᠵᠡᠵᠤ ᠲᠠᠨᠢᠭᠠᠳ ᠬᠠᠭᠤᠷᠮᠠᠭ ᠢᠶᠠᠷ ︽ᠡᠷᠬᠢᠮ | ᠶᠢᠰᠦᠬᠡᠢ ᠢᠷᠡᠪᠡ︾ ᠬᠡᠵᠤ ᠬᠤᠷᠢᠮ ᠳᠠᠭᠠᠨ ᠵᠠᠯᠠᠵᠤ ᠰᠠᠭᠤᠯᠭᠠᠭᠠᠳ᠂ ᠲᠡᠮᠦᠵᠢᠨ ᠦᠬᠡ᠂ ᠬᠤᠷᠢᠪᠤᠬᠠ ᠨᠠᠷ ᠢ | ᠪᠤᠯᠢᠶᠠᠭᠳᠠᠭᠰᠠᠨ ᠦᠰᠢᠶᠡ ᠪᠠᠨ ᠠᠪᠬᠤ ᠬᠡᠵᠤ ᠰᠡᠮᠡᠬᠡᠷ ᠵᠦᠪᠳᠡᠯᠴᠡᠵᠤ ᠬᠤᠭᠤᠯᠠᠨ ᠳᠤᠨᠢ ᠬᠤᠤᠷᠠ ᠬᠤᠯᠢᠵᠤ | ᠦᠭᠪᠡ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠶᠠᠮᠠᠷ ᠴᠦ ᠰᠡᠷᠡᠮᠵᠢᠯᠡᠯ ᠦᠭᠡᠢ ᠠᠯᠢ ᠦᠷᠦᠭᠰᠡᠨ ᠢᠳᠡᠬᠡᠨ ᠠᠴᠠ ᠢᠳᠡᠬᠡᠳ | ᠮᠤᠷᠳᠠᠪᠠ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠨᠳᠡ ᠠᠴᠠ ᠭᠠᠷᠤᠭᠠᠳ ᠲᠠᠮᠠᠢ ᠶᠠᠪᠤᠭᠰᠠᠨ ᠦᠭᠡᠢ ᠲᠤᠳᠤᠷᠠ ᠨᠢ ᠡᠪ | ᠦᠭᠡᠢ ᠪᠤᠯᠵᠤ᠂ ᠪᠡᠶᠡ ᠨᠢ ᠤᠯᠠᠮ ᠤᠯᠡᠮ ᠮᠠᠭᠤᠵᠢᠷᠠᠨ ᠲᠡᠩᠬᠡᠬᠡ ᠠᠯᠳᠠᠵᠤ ᠮᠤᠷᠢᠨ ᠳᠠᠭᠠᠨ ᠠᠷᠠᠢ ᠴᠢᠮᠠᠢ ᠲᠤᠭᠳᠠᠨ | ᠭᠤᠷᠪᠠᠨ ᠡᠳᠤᠷ ᠶᠠᠪᠤᠵᠤ ᠰᠠᠶ᠋ᠢ ᠬᠡᠷ ᠲᠡᠭᠡᠨ ᠬᠦᠷᠪᠡ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠷᠤᠨ ᠳᠠᠭᠠᠨ ᠮᠦᠯᠬᠦᠵᠤ ᠭᠠᠷᠤᠭᠠᠳ | ᠄ | ︽ᠮᠢᠨᠤ ᠲᠤᠳᠤᠷᠠ ᠮᠠᠭᠤ ᠪᠠᠶᠢᠨᠠ᠂ ᠲᠡᠷᠬᠡᠳᠡ ᠬᠡᠨ ᠪᠤᠢ︖︾ ᠬᠡᠪᠠ᠃ ᠬᠤᠩᠬᠤᠳᠠᠨ ᠤ | ᠴᠢᠷᠬᠠ ᠡᠪᠦᠬᠡᠨ ᠤ ᠬᠦᠦ ᠮᠡᠩᠯᠢᠭ ᠤᠷᠤᠭᠰᠢ ᠲᠠᠪᠰᠢᠵᠤ᠄ | ︽ᠪᠢ ᠠᠳᠠ ᠪᠤᠢ︾ ᠬᠡᠰᠡᠨ ᠳᠤ᠂ ᠶᠢᠰᠦᠬᠡᠢ ᠪᠠᠭᠠᠳᠤᠷ᠄ | ︽ᠬᠦᠦ ᠮᠡᠩᠯᠢᠭ ᠮᠢᠨᠢ ᠰᠤᠨᠤᠰ᠂ ᠲᠡᠮᠦᠵᠢᠨ ᠬᠦᠦ ᠮᠢᠨᠢ ᠪᠠᠯᠴᠢᠷ ᠪᠢᠯᠡ᠂ ᠪᠢ ᠬᠦᠦ ᠳᠡᠭᠡᠨ | ᠪᠡᠷᠢ ᠭᠤᠶᠤᠵᠤ ᠤᠷᠤᠭ ᠲᠤ ᠤᠷᠬᠢᠭᠠᠳ ᠢᠷᠡᠬᠦ ᠵᠠᠮ ᠵᠠᠭᠤᠷᠠ ᠰᠡᠷᠡᠮᠵᠢᠯᠡᠯ ᠦᠭᠡᠢ ᠪᠠᠷ ᠲᠠᠲ᠋ᠠᠷ ᠢᠷᠬᠡᠨ ᠳᠤ | ᠬᠤᠤᠷᠯᠠᠭᠳᠠᠪᠠ᠃ ᠲᠤᠳᠤᠷᠠ ᠮᠠᠭᠤ ᠪᠠᠶᠢᠨᠠ᠂ ᠪᠢ ᠪᠤᠯᠬᠤ ᠪᠠᠨ ᠪᠠᠶᠢᠯᠠ᠃ ᠨᠠᠮᠠᠢᠢ ᠦᠬᠡᠢ ᠪᠤᠯᠤᠭᠰᠠᠨ ᠬᠤᠶᠢᠨᠠ᠂ | ᠦᠨᠦᠴᠢᠨ ᠬᠤᠴᠤᠷᠤᠭᠰᠠᠨ ᠲᠡᠬᠦᠦ ᠨᠠᠷ ᠢᠶᠠᠨ᠂ ᠪᠡᠯᠪᠠᠰᠦᠨ ᠪᠡᠷᠬᠡᠨ ᠢᠶᠠᠨ ᠠᠰᠠᠷᠠᠬᠤ ᠶᠢ ᠴᠢ ᠮᠡᠳᠡ ᠁ | ᠲᠦᠷᠬᠡᠨ ᠤᠴᠢᠵᠤ ᠲᠡᠮᠦᠵᠢᠨ ᠬᠦᠦ ᠶᠢ ᠮᠢᠨᠢ ᠠᠪᠴᠤ ᠢᠷᠡ︕ ᠬᠠᠶᠢᠷᠠᠳᠤ ᠁ ᠮᠡᠩᠯᠢᠭ ᠁ ᠮᠢᠨᠢ︕︾ | ᠬᠡᠳ ᠲᠠᠷᠤᠢ ᠨᠠᠰᠤᠨ ᠠᠴᠠ ᠨᠦᠭᠴᠢᠪᠡ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠢ ᠤᠷᠤᠰᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠴᠢᠷᠬᠠ ᠡᠪᠦᠬᠡᠨ ᠤ ᠬᠦᠦ ᠮᠡᠩᠯᠢᠭ | ᠂ ᠲᠠᠢ ᠰᠡᠴᠡᠨ ᠤ ᠳᠤ ᠤᠴᠢᠭᠠᠳ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠨ ᠦᠬᠡᠢ ᠪᠤᠯᠤᠭᠰᠠᠨ ᠢ ᠲᠤᠷᠠᠳᠤᠯ ᠦᠭᠡᠢ᠂ ᠰᠢᠭᠤᠳ᠄ | ︽ᠶᠢᠰᠦᠬᠡᠢ ᠠᠬᠠ ④ ᠮᠢᠨᠢ ᠬᠦᠦ ᠪᠠᠨ ᠮᠦᠷᠦᠬᠡᠳᠤᠨ ᠰᠠᠨᠠᠬᠤ ᠲᠤᠯᠠ ᠨᠠᠳᠠ ᠶᠢ ︿ᠬᠦᠦ | ᠶᠢ ᠮᠢᠨᠢ ᠨᠢᠬᠡ ᠠᠪᠤᠭᠠᠳ ᠢᠷᠡ﹀ ᠬᠡᠵᠤ ᠵᠠᠷᠤᠪᠠ︾ ᠬᠡᠵᠤ ᠬᠡᠯᠡᠭᠰᠡᠨ ᠳᠤ᠂ ᠲᠠᠢ ᠰᠡᠴᠡᠨ᠄ | ︽ᠶᠢᠰᠦᠬᠡᠢ ᠬᠤᠳᠠ ᠬᠦᠦ ᠪᠠᠨ ᠮᠦᠷᠦᠬᠡᠳᠦᠨ ᠰᠠᠨᠠᠵᠤ ᠪᠠᠶᠢᠪᠠᠯ ᠶᠠᠪᠤᠭᠤᠯᠤᠶᠠ᠂ ᠬᠡᠪᠡᠴᠤ | ᠤᠳᠠᠯ ᠦᠭᠡᠢ ᠬᠡᠳᠡᠷᠬᠦ ᠢᠷᠡᠬᠦᠯᠬᠦ ᠬᠡᠷᠡᠭᠳᠠᠢ︾ ᠬᠡᠪᠡ᠃ ᠮᠡᠩᠯᠢᠭ᠂ ᠲᠠᠢ ᠰᠡᠴᠡᠨ ᠤ ᠦᠬᠡ ᠶᠢ ︽ᠵᠠ︾ ᠬᠡᠵᠤ | ᠬᠦᠯᠢᠶᠡᠨ ᠠᠪᠴᠤ ᠲᠠᠷᠤᠢ ᠲᠡᠮᠦᠵᠢᠨ ᠢ ᠠᠪᠴᠤ ᠪᠤᠴᠠᠪᠠ᠃ | ᠲᠡᠮᠦᠵᠢᠨ ᠬᠡᠷ ᠲᠡᠭᠡᠨ ᠢᠷᠡᠬᠡᠳ ᠰᠠᠶ᠋ᠢ ᠡᠴᠢᠬᠡ ᠶᠢᠨ ᠢᠶᠠᠨ ᠠᠵᠡ ᠪᠤᠰᠤ ᠪᠠᠷ ᠦᠭᠡᠢ | ᠪᠤᠯᠤᠭᠰᠠᠨ ᠢ ᠮᠡᠳᠡᠵᠤ ᠮᠠᠰᠢ ᠭᠠᠰᠠᠯᠤᠨ ᠤᠬᠢᠯᠠᠪᠠ᠃ ᠡᠬᠦᠨ ᠳᠤ ᠬᠤᠩᠬᠤᠳᠠᠨ ᠤ ᠴᠢᠷᠬᠠ ᠡᠪᠦᠬᠡᠨ ᠢᠳᠬᠠᠵᠤ | ᠬᠡᠯᠡᠭᠰᠡᠨ ᠨᠢ᠄ | ︽ᠲᠤᠯᠪᠤ ᠵᠢᠭᠠᠰᠤ ᠮᠡᠳᠤ ᠶᠠᠭᠤᠨ ᠳᠤ | ᠲᠤᠯᠪᠤᠷᠢᠨ ᠭᠠᠰᠠᠯᠤᠨᠡ ᠴᠢ︖ | ᠲᠤᠭᠤᠷᠭᠠ ⑤ ᠴᠡᠷᠢᠭ ᠢᠶᠠᠨ ᠪᠠᠶᠢᠭᠤᠯᠬᠤ | ᠲᠤᠶᠢᠯᠳᠠᠢ ᠦᠬᠡ ᠪᠠᠨ ᠬᠡᠯᠡᠯᠴᠡᠪᠡᠯ ᠲᠡᠭᠡᠷᠡ ᠪᠢᠰᠢ ᠤᠤ︖ | ᠤᠰᠤᠨ ᠤ ᠵᠢᠭᠠᠰᠤ ᠮᠡᠳᠤ ᠶᠠᠭᠤᠨ ᠳᠤ | ᠤᠶᠠᠷᠠᠨ ᠭᠠᠰᠠᠯᠤᠨᠡ ᠴᠢ︖ | ᠤᠯᠤᠰ ᠲᠦᠷᠦ ᠪᠠᠨ ᠪᠠᠶᠢᠭᠤᠯᠬᠤ | ᠤᠴᠢᠷᠳᠠᠢ ᠦᠬᠡ ᠪᠠᠨ ᠬᠡᠯᠡᠯᠴᠡᠪᠡᠯ ᠲᠡᠭᠡᠷᠡ ᠪᠢᠰᠢ ᠤᠤ︖︾ ᠬᠡᠰᠡᠨ ᠳᠤ᠂ ᠲᠡᠮᠦᠵᠢᠨ | ᠰᠠᠶ᠋ᠢ ᠤᠬᠢᠯᠠᠬᠤ ᠪᠠᠨ ᠵᠤᠭᠰᠤᠵᠤ ᠦᠬᠡᠯᠦᠨ ᠡᠬᠡ ᠶᠢᠨ ᠬᠠᠮᠳᠤ ᠬᠤᠵᠢᠮ ᠤᠨ ᠶᠠᠪᠤᠳᠠᠯ ᠢᠶᠠᠨ ᠵᠦᠪᠳᠡᠯᠴᠡᠵᠡᠢ᠃ | | | | ᠲᠠᠶᠢᠯᠪᠤᠷᠢ | ① ᠰᠦᠢ ᠲᠤᠭᠳᠠᠬᠤ — ᠤᠷᠤᠭ ᠲᠤᠭᠳᠠᠬᠤ᠂ ᠪᠠᠰᠠ ᠰᠦᠢᠯᠡᠬᠦ ᠬᠡᠨᠡ᠃ | ② ᠲᠡᠭᠡᠵᠢᠯᠡᠭᠳᠡᠬᠦ — ᠡᠷᠬᠢᠮᠯᠡᠭᠳᠡᠬᠦ᠃ | ③ ᠬᠦᠷᠬᠡᠨ ᠪᠤᠯᠭᠠᠵᠤ — ᠤᠷᠤᠭ ᠬᠡᠯᠡᠯᠴᠡᠵᠤ ᠲᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠦᠬᠢᠨ ᠤ | ᠬᠡᠷ ᠲᠤ ᠦᠯᠡᠳᠡᠵᠤ ᠰᠠᠭᠤᠬᠤ᠃ | ④ ᠠᠬᠠ — ᠶᠢᠰᠦᠬᠡᠢ ᠪᠠᠭᠠᠳᠤᠷ ᠮᠡᠩᠯᠢᠭ ᠢ ︽ᠬᠦᠦ ᠮᠡᠩᠯᠢᠭ ᠮᠢᠨᠢ︾ ᠬᠡᠵᠤ | ᠪᠠᠶᠢᠳᠠᠯᠠ᠂ ᠮᠡᠩᠯᠢᠭ ᠶᠠᠭᠤᠨ ᠳᠤ ︽ᠶᠢᠰᠦᠬᠡᠢ ᠠᠬᠠ︾ ᠬᠡᠵᠤ ᠲᠠᠭᠤᠳᠠᠭᠰᠠᠨ ᠪᠤᠢ︖ ᠬᠡᠪᠡᠯ᠃ ᠤᠷᠢᠳᠤ ᠦᠪᠡᠷ | ᠤᠨ ᠪᠡᠶᠡ ᠠᠴᠠ ᠨᠠᠰᠤ ᠠᠬᠠ ᠬᠦᠮᠦᠨ ᠢ ᠴᠦᠮ ︽ᠠᠬᠠ︾ ᠬᠡᠵᠤ ᠲᠠᠭᠤᠳᠠᠵᠤ ᠪᠤᠯᠳᠠᠭ ᠪᠠᠶᠢᠵᠠᠢ᠃ ᠤᠳᠤ ᠴᠦ | ᠵᠠᠷᠢᠮ ᠨᠤᠳᠤᠭ ᠲᠤ ᠡᠨᠡ ᠮᠡᠳᠤ ᠪᠠᠷ ᠦᠪᠡᠷ ᠤᠨ ᠪᠡᠶᠡ ᠠᠴᠠ ᠨᠠᠰᠤ ᠠᠬᠠ ᠬᠦᠮᠦᠨ ᠢ ᠴᠦᠮ ︽ᠠᠬᠠ︾ ᠬᠡᠵᠤ | ᠲᠠᠭᠤᠳᠠᠵᠤ ᠪᠠᠶᠢᠳᠠᠭ᠃ | ⑤ ᠲᠤᠭᠤᠷᠭᠠ ᠴᠡᠷᠢᠭ — ᠲᠤᠷᠭᠠᠨ ᠴᠡᠷᠢᠭ᠂ ᠬᠤᠷᠴᠠ ᠴᠡᠷᠢᠭ | | | ᠡᠮᠤᠨᠡᠬᠢ ᠦᠯᠢᠬᠡᠷ᠄ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠬᠡᠯᠦᠨ ᠦᠵᠢᠨ ᠢ ᠤᠯᠤᠭᠰᠠᠨ | ᠬᠤᠶᠢᠨᠡᠬᠢ ᠦᠯᠢᠬᠡᠷ᠄ ᠦᠬᠡᠯᠦᠨ ᠦᠵᠢᠨ ᠤ ᠬᠠᠳᠠᠭᠤᠵᠢᠨ ᠲᠡᠮᠡᠴᠡᠭᠰᠡᠨ | |