| | ᠨᠢᠭᠤᠷ ᠴᠢᠷᠠᠢ ᠳᠤ ᠠᠳᠤᠷᠢᠶᠠ ᠭᠠᠷᠬᠤ ᠶᠢᠨ ᠡᠷᠳᠡ ᠤᠷᠤᠢ ᠪᠠ ᠬᠦᠨ ᠬᠦᠢᠬᠡᠨ ᠨᠢ ᠤᠯᠠᠨ | ᠠᠷᠪᠢᠨ ᠬᠦᠴᠦᠨ ᠵᠦᠢᠯ ᠳᠤ ᠰᠢᠯᠳᠠᠭᠠᠯᠠᠭᠳᠠᠨᠠ᠂ ᠡᠬᠦᠨ ᠳᠤ ᠭᠤᠤᠯᠳᠠᠭᠤ ᠤᠳᠤᠮᠰᠢᠯ ᠤᠨ ᠬᠦᠴᠦᠨ ᠵᠦᠢᠯ᠂ | ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠦᠴᠦᠨ ᠵᠦᠢᠯ ᠠᠴᠠ ᠭᠠᠳᠠᠨᠠ ᠠᠮᠢᠳᠤᠷᠠᠯ ᠤᠨ ᠲᠠᠳᠬᠠᠯ ᠤᠨ ᠬᠦᠴᠦᠨ ᠵᠦᠢᠯ ᠵᠡᠷᠭᠡ | ᠪᠠᠶᠢᠳᠠᠭ᠃ | ᠦᠷᠬᠦᠯᠵᠢ ᠤᠰᠤ ᠤᠤᠭᠤᠬᠤ ᠦᠭᠡᠢ ᠪᠠᠶᠢᠬᠤ᠃ ᠠᠷᠠᠰᠤᠨ ᠳᠠᠬᠢ ᠤᠰᠤᠨ ᠤ | ᠠᠭᠤᠯᠤᠭᠳᠠᠴᠠ ᠶᠢ 10 % ~20 % ᠤᠷᠴᠢᠮ ᠪᠠᠶᠢᠯᠭᠠᠪᠠᠯ ᠬᠠᠮᠠᠭ ᠠᠴᠠ ᠲᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ᠂ ᠬᠡᠷᠪᠡ | ᠪᠡᠶᠡ ᠲᠤᠳᠤᠷᠠᠬᠢ ᠤᠰᠤᠨ ᠤ ᠨᠦᠬᠦᠪᠦᠷᠢᠯᠡᠯᠳᠡ ᠶᠡᠷᠦᠳᠡᠭᠡᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠶᠢᠭᠠᠳ ᠪᠠᠶᠢᠪᠠᠯ ᠠᠷᠠᠰᠤᠨ | ᠳᠠᠬᠢ ᠤᠰᠤᠨ ᠤ ᠠᠭᠤᠯᠤᠭᠳᠠᠴᠠ ᠨᠢ 10 % ᠠᠴᠠ ᠲᠤᠤᠷᠠ ᠪᠤᠯᠵᠤ᠂ ᠠᠷᠠᠰᠤ ᠬᠠᠭᠤᠷᠠᠶᠢᠳᠠᠬᠤ᠂ ᠰᠤᠯᠠᠬᠠᠨ | ᠪᠤᠯᠬᠤ᠂ ᠲᠡᠷᠡᠴᠢᠯᠡᠨ ᠠᠳᠤᠷᠢᠶᠠ ᠰᠠᠭᠤᠳᠠᠭ᠃ | ᠰᠡᠳᠬᠢᠯ ᠤᠨ ᠲᠠᠷᠤᠭᠠᠰᠤ ᠬᠡᠳᠦ ᠬᠦᠨᠳᠦ ᠪᠠᠶᠢᠬᠤ᠃ ᠦᠷᠬᠦᠯᠵᠢ ᠪᠤᠬᠢᠨᠢᠳᠤᠨ ᠤᠶᠢᠳᠬᠤ᠂ | ᠶᠠᠭᠠᠷᠠᠮᠠᠳᠠᠭᠠᠢ ᠪᠤᠯᠬᠤ᠂ ᠪᠠᠴᠢᠮᠳᠠᠨ ᠰᠠᠨᠳᠤᠷᠬᠤ᠂ ᠤᠷᠮᠠ ᠮᠠᠭᠤ ᠲᠠᠢ ᠪᠠᠶᠢᠪᠠᠯ ᠨᠢᠭᠤᠷ ᠲᠤ ᠠᠮᠠᠷᠬᠠᠨ ᠬᠦᠨᠳᠡᠯᠡᠨ | ᠭᠤᠯᠳᠤ ᠴᠢᠭᠯᠡᠯ ᠲᠠᠢ ᠠᠳᠤᠷᠢᠶᠠ ᠰᠠᠭᠤᠳᠠᠭ᠃ | ᠤᠨᠳᠠᠯᠭᠠ ᠶᠢᠨ ᠴᠠᠭ ᠬᠦᠷᠦᠯᠴᠡᠬᠦ ᠦᠭᠡᠢ᠃ ᠤᠨᠳᠠᠯᠭᠠ ᠪᠠᠷ ᠠᠨᠠᠢ ᠪᠤᠯ ᠲᠤᠳᠤᠭᠠᠳᠤ | ᠱᠦᠬᠦᠷᠡᠯ ᠡᠮᠬᠢ ᠵᠠᠮᠪᠠᠷᠠᠭᠠ ᠦᠭᠡᠢ ᠪᠤᠯᠵᠤ᠂ ᠠᠷᠠᠰᠤᠨ ᠤ ᠲᠤᠬᠢᠷᠠᠭᠤᠯᠬᠤ ᠴᠢᠳᠠᠮᠵᠢ ᠨᠢ ᠮᠠᠭᠤᠳᠠᠬᠤ᠂ ᠵᠢᠴᠢ ᠵᠢᠰᠦ | ᠴᠢᠷᠠᠢ ᠬᠠᠭᠤᠷᠠᠶᠢᠳᠠᠨ ᠬᠤᠵᠢᠢᠬᠤ ᠪᠠᠶᠢᠳᠠᠯ ᠢᠯᠡᠷᠡᠳᠡᠭ᠃ | ᠨᠠᠷᠠᠨ ᠳᠤ ᠰᠢᠷᠠᠭᠳᠠᠬᠤ᠃ ᠨᠠᠷᠠᠨ ᠳᠤ ᠰᠢᠷᠠᠬᠤ ᠨᠢ ᠠᠷᠠᠰᠤᠨ ᠲᠤᠤᠷᠠᠬᠢ ᠴᠠᠪᠠᠤᠯᠢᠭ | ᠤᠭᠤᠷᠠᠭ ᠤᠨ ᠰᠢᠷᠬᠠᠳᠤᠯ ᠪᠠ ᠬᠠᠭᠠᠷᠠᠯ ᠢ ᠡᠬᠦᠰᠭᠡᠨ᠂ ᠨᠢᠭᠤᠷ᠂ ᠬᠦᠵᠦᠭᠦᠦ᠂ ᠭᠠᠷ ᠤᠨ ᠬᠡᠰᠡᠭ ᠤᠨ ᠠᠷᠠᠰᠤ | ᠬᠠᠭᠤᠷᠠᠶᠢᠳᠠᠬᠤ ᠪᠤᠶᠤ ᠨᠢᠮᠭᠡᠷᠡᠬᠦ ᠪᠠᠶᠢᠳᠠᠯ ᠲᠠᠢ ᠪᠤᠯᠵᠤ᠂ ᠠᠷᠠᠰᠤᠨ ᠤ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢ ᠠᠯᠳᠠᠭᠤᠯᠤᠨ ᠠᠮᠠᠷᠬᠠᠨ | ᠠᠳᠤᠷᠢᠶᠠ ᠰᠠᠭᠤᠳᠠᠭ᠃ | ᠰᠢᠮᠡ ᠲᠡᠵᠢᠭᠡᠯ ᠬᠦᠷᠦᠯᠴᠡᠬᠦ ᠦᠭᠡᠢ᠃ ᠬᠡᠷᠪᠡ ᠪᠡᠶᠡ ᠶᠢᠨ ᠰᠢᠮᠡ ᠲᠡᠵᠢᠭᠡᠯ ᠤᠨ | ᠨᠦᠬᠦᠪᠦᠷᠢᠯᠡᠯᠳᠡ ᠨᠢ ᠰᠠᠶᠢᠨ ᠪᠤᠯ ᠠᠷᠠᠰᠤᠨ ᠳᠠᠬᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠬᠠᠩᠭᠠᠯᠭᠠ ᠨᠢ ᠬᠦᠢᠴᠡᠳ᠂ ᠠᠷᠠᠰᠤᠨ | ᠲᠤᠤᠷᠠᠬᠢ ᠨᠡᠬᠡᠳᠡᠰᠦ ᠨᠢ ᠡᠯᠪᠡᠭ ᠪᠤᠯᠵᠤ᠂ ᠨᠢᠭᠤᠷ ᠤᠨ ᠠᠳᠤᠷᠢᠶᠠ ᠰᠠᠭᠤᠬᠤ ᠶᠢ ᠬᠤᠶᠢᠰᠢᠯᠠᠭᠤᠯᠳᠠᠭ᠃ ᠡᠰᠡᠷᠬᠦ ᠪᠠᠷ | ᠠᠮᠠᠷᠬᠠᠨ ᠠᠳᠤᠷᠢᠶᠠ ᠰᠠᠭᠤᠳᠠᠭ᠃ | ᠦᠷᠬᠦᠯᠵᠢ ᠬᠡᠳᠦ ᠬᠠᠯᠠᠭᠤᠨ ᠤᠰᠤ ᠪᠠᠷ ᠨᠢᠭᠤᠷ ᠤᠬᠢᠶᠠᠬᠤ᠃ ᠨᠢᠭᠤᠷ ᠢᠶᠠᠨ ᠭᠡᠳᠦ | ᠬᠠᠯᠠᠭᠤᠨ ᠤᠰᠤ ᠪᠠᠷ ᠦᠷᠬᠦᠯᠵᠢ ᠤᠬᠢᠶᠠᠪᠠᠯ ᠨᠢᠭᠤᠷ ᠤᠨ ᠠᠷᠠᠰᠤ ᠬᠠᠭᠤᠷᠠᠶᠢᠳᠠᠬᠤ᠂ ᠠᠳᠤᠷᠢᠶᠠ ᠰᠠᠭᠤᠬᠤ ᠶᠢ | ᠲᠦᠷᠭᠡᠰᠬᠡᠳᠡᠭ ᠶᠤᠮ᠃ | ᠲᠠᠮᠠᠬᠢ ᠲᠠᠳᠠᠬᠤ᠃ ᠲᠠᠮᠠᠬᠢ ᠲᠠᠳᠠᠬᠤ ᠦᠶᠡᠰ ᠤᠨ ᠰᠤᠷᠤᠨ ᠤᠷᠤᠭᠤᠯᠤᠭᠰᠠᠨ | ᠨᠡᠬᠦᠷᠡᠰᠦᠳᠦ᠋ᠷᠦᠭᠴᠢ ᠶᠢᠨ ᠲᠠᠩ ᠢᠰᠦᠯ ᠨᠢ ᠪᠡᠶᠡ ᠲᠤᠳᠤᠷᠠᠬᠢ ᠴᠢᠰᠤᠨ ᠤ ᠤᠯᠠᠭᠠᠨ ᠤᠭᠤᠷᠠᠭ ᠲᠠᠢ ᠨᠡᠶᠢᠯᠡᠪᠡᠯ | ᠠᠷᠠᠰᠤᠨ ᠤ ᠨᠡᠬᠡᠳᠡᠰᠦᠨ ᠳᠤ ᠬᠦᠴᠢᠯᠳᠦᠷᠦᠭᠴᠢ ᠲᠤᠳᠠᠭᠳᠠᠭᠤᠯᠵᠤ᠂ ᠠᠷᠠᠰᠤᠨ ᠲᠤᠤᠷᠠᠬᠢ ᠴᠢᠰᠤᠨ ᠤ ᠡᠷᠬᠢᠯᠳᠡ ᠶᠢ | ᠤᠳᠠᠭᠠᠰᠢᠷᠠᠭᠤᠯᠤᠨ᠂ ᠨᠢᠭᠤᠷ ᠴᠢᠷᠠᠢ ᠶᠢᠨ ᠠᠷᠠᠰᠤ ᠬᠦᠷᠦᠰᠤᠨ ᠤ ᠦᠩᠭᠡ ᠬᠢᠯᠪᠠᠭᠠ᠂ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠢ | ᠠᠯᠳᠠᠭᠳᠠᠭᠤᠯᠵᠤ᠂ ᠠᠳᠤᠷᠢᠶᠠ ᠡᠭᠦᠰᠭᠡᠳᠡᠭ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠲᠠᠮᠠᠬᠢ ᠲᠠᠳᠠᠬᠤ ᠬᠦᠳᠡᠯᠦᠯ ᠪᠠᠷᠢᠯ ᠨᠢ | ᠠᠮᠠᠨ ᠤ ᠡᠷᠬᠢᠨ ᠲᠤᠭᠤᠷᠢᠨ ᠳᠠᠬᠢ ᠰᠠᠴᠤᠷᠠᠭ ᠬᠡᠯᠪᠡᠷᠢᠳᠦ ᠠᠳᠤᠷᠢᠶᠠ ᠶᠢᠨ ᠢᠯᠡᠷᠡᠬᠦ ᠶᠢ ᠲᠦᠷᠬᠡᠰᠭᠡᠳᠡᠭ ᠶᠤᠮ᠃ | ᠡᠶᠢᠮᠦ ᠠᠴᠠ ᠦᠷᠬᠦᠯᠵᠢ ᠢᠯᠡᠬᠦᠦ ᠤᠰᠤ ᠠᠩᠬᠠᠷᠤᠨ᠂ ᠨᠢᠭᠤᠷ ᠤᠨ ᠠᠷᠠᠰᠤ ᠬᠦᠷᠦᠰᠦ ᠶᠢ | ᠴᠢᠬᠢᠭᠯᠢᠭ ᠪᠠᠶᠢᠯᠭᠠᠨᠠ᠃ | ᠠᠳᠤᠷᠢᠶᠠ ᠰᠠᠭᠤᠬᠤ ᠶᠢ ᠬᠤᠶᠢᠰᠢᠯᠠᠭᠤᠯᠤᠶᠠ ᠬᠡᠪᠡᠯ᠄ | 1. ᠢᠯᠡᠬᠦᠬᠡᠨ ᠤᠰᠤ ᠤᠤᠭᠤᠬᠤ ᠬᠡᠷᠡᠭᠳᠠᠢ᠂ ᠡᠳᠦᠷ ᠪᠦᠷᠢ ᠪᠠᠭᠠ ᠬᠡᠮᠵᠢᠶᠡᠨ ᠤ ᠰᠢᠨᠡ | ᠰᠤᠷᠭᠤᠭ ᠵᠢᠮᠢᠰᠤᠨ ᠰᠢᠬᠦᠰᠦ ᠤᠤᠭᠤᠵᠤ᠂ ᠺᠤᠹᠧ ᠵᠡᠷᠬᠡ ᠤᠮᠳᠠᠭᠠᠨ ᠲᠤᠳᠠᠭᠤ ᠤᠤᠭᠤᠨᠠ᠃ | 2. ᠬᠦᠷᠢᠨ ᠤ ᠭᠠᠳᠠᠨᠠᠬᠢ ᠲᠤᠶᠠᠭᠠ ᠨᠢ ᠨᠢᠭᠤᠷ ᠴᠢᠷᠠᠢ ᠶᠢᠨ ᠠᠷᠠᠰᠤᠨ ᠤ ᠦᠩᠭᠡ ᠶᠢᠨ | ᠮᠠᠭᠤᠳᠠᠬᠤ ᠶᠢ ᠲᠦᠷᠭᠡᠳᠬᠡᠬᠦ ᠤᠴᠢᠷ ᠠᠴᠠ ᠭᠠᠳᠠᠭᠰᠢ ᠭᠠᠷᠬᠤ ᠠᠴᠠ ᠡᠮᠦᠨᠡ ᠨᠠᠷᠠᠨ ᠤ ᠰᠢᠷᠠᠭᠳᠠᠯ ᠢ ᠰᠡᠷᠭᠡᠶᠢᠯᠡᠬᠦ | ᠲᠤᠰᠤ ᠲᠦᠷᠬᠢᠵᠦ᠂ ᠨᠠᠷᠠ ᠬᠠᠯᠬᠠᠯᠠᠬᠤ ᠮᠠᠯᠠᠭᠠᠢ ᠡᠮᠦᠰᠪᠡᠯ ᠵᠤᠬᠢᠨᠠ᠃ | 3. ᠭᠤᠴᠢᠨ ᠲᠠᠪᠤᠨ ᠭᠷᠠᠳᠦ᠋ᠰ ᠤᠷᠴᠢᠮ ᠤᠨ ᠪᠦᠯᠢᠶᠡᠨ ᠤᠰᠤ ᠪᠠᠷ ᠨᠢᠭᠤᠷ ᠤᠬᠢᠶᠠᠵᠤ᠂ | ᠠᠷᠠᠰᠤᠨ ᠤ ᠤᠰᠤᠨ ᠤ ᠨᠦᠬᠦᠪᠦᠷᠢᠯᠡᠯᠳᠡ ᠶᠢ ᠪᠠᠳᠤᠯᠠᠨᠠ᠃ | 4. ᠠᠷᠠᠰᠤᠨ ᠤ ᠨᠢᠮᠭᠡᠨ ᠬᠡᠰᠡᠭ ᠪᠤᠶᠤ ᠠᠮᠠᠷᠬᠠᠨ ᠬᠠᠭᠤᠷᠠᠶᠢᠳᠠᠬᠤ ᠨᠢᠳᠦᠨ ᠤ ᠡᠷᠬᠢᠨ | ᠲᠤᠭᠤᠷᠢᠨ ᠳᠤ ᠲᠤᠩ ᠠᠮᠠᠷᠬᠠᠨ ᠠᠳᠤᠷᠢᠶᠠ ᠰᠠᠭᠤᠳᠠᠭ ᠠᠴᠠ ᠤᠰᠤᠨ ᠤ ᠨᠦᠬᠦᠪᠦᠷᠢᠯᠡᠯᠳᠡ ᠶᠢᠨ ᠬᠦᠢᠴᠡᠳ | ᠪᠠᠶᠢᠬᠤ ᠶᠢ ᠪᠠᠳᠤᠯᠠᠵᠤ᠂ ᠤᠰᠤᠯᠢᠭ ᠲᠤᠰᠤ ᠶᠢ ᠰᠤᠩᠭᠤᠨ ᠬᠡᠷᠡᠭᠯᠡᠵᠦ᠂ ᠡᠪᠡᠷᠯᠢᠭ ᠲᠠᠪᠬᠤᠷᠭᠠ ᠶᠢ | ᠪᠤᠯᠪᠠᠷᠠᠶᠢᠵᠢᠭᠤᠯᠤᠨ᠂ ᠠᠳᠤᠷᠢᠶᠠ ᠰᠠᠭᠤᠬᠤ ᠠᠴᠠ ᠰᠡᠷᠬᠡᠶᠢᠯᠡᠨ᠂ ᠠᠷᠠᠰᠤᠨ ᠤ ᠢᠯᠢᠯᠳᠡ ᠶᠢ ᠲᠤᠬᠢᠷᠠᠮᠵᠢᠳᠠᠢ | ᠵᠤᠬᠢᠴᠠᠭᠤᠯᠤᠨ᠂ ᠠᠷᠠᠰᠤ ᠪᠤᠯᠴᠢᠩ ᠤᠨ ᠰᠢᠨᠡ ᠬᠠᠭᠤᠴᠢᠨ ᠤ ᠰᠤᠯᠢᠯᠴᠠᠭᠠ ᠶᠢ ᠠᠬᠢᠭᠤᠯᠤᠨᠠ᠃ ᠲᠤᠰᠬᠠᠢ | ᠮᠡᠷᠭᠡᠵᠢᠯᠳᠡᠨ ᠶᠠᠩ ᠱᠦ ᠰᠢᠶᠠ ᠶᠢᠨ ᠬᠡᠯᠡᠬᠦ ᠪᠠᠷ᠂ ︽ᠬᠡᠳᠦᠶᠢᠪᠡᠷ ᠶᠡᠷᠦᠳᠡᠭᠡᠨ ᠬᠡᠯᠡᠬᠦ ᠨᠢ ᠨᠢᠭᠤᠷ ᠤᠨ ᠠᠷᠠᠰᠤᠨ ᠳᠤ | ᠤᠰᠤ ᠨᠦᠬᠦᠪᠦᠷᠢᠯᠡᠬᠦ ᠬᠡᠳᠡᠭ ᠨᠢ ᠦᠨᠡᠨᠳᠡᠭᠡᠨ ᠤᠰᠤ ᠬᠠᠳᠠᠭᠠᠯᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠶᠡᠷᠦ ᠶᠢᠨ ᠴᠠᠭ ᠲᠤ | ᠨᠢᠭᠤᠷ ᠢᠶᠠᠨ ᠤᠬᠢᠶᠠᠭᠰᠠᠨ ᠤ ᠲᠠᠷᠠᠭᠠ᠂ ᠨᠢᠭᠤᠷ ᠤᠨ ᠠᠷᠠᠰᠤ ᠬᠠᠳᠠᠬᠤ ᠠᠴᠠ ᠡᠮᠦᠨᠡ᠂ ᠨᠢᠭᠤᠷ ᠤᠨ ᠲᠤᠰᠤ | ᠲᠦᠷᠬᠢᠵᠦ᠂ ᠠᠷᠠᠰᠤᠨ ᠳᠠᠬᠢ ᠤᠰᠤᠨ ᠤ ᠨᠦᠬᠦᠪᠦᠷᠢᠯᠡᠯᠳᠡ ᠶᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠠᠢ︾ ᠭᠡᠪᠡ᠃ | 5. ᠬᠦᠮᠦᠰᠭᠡ ᠠᠳᠤᠷᠢᠭᠤᠯᠬᠤ ᠵᠡᠷᠭᠡ ᠨᠢᠭᠤᠷ ᠤᠨ ᠬᠦᠳᠡᠯᠭᠡᠭᠡᠨ ᠢ ᠲᠤᠳᠠᠭᠤ ᠬᠢᠵᠦ᠂ | ᠭᠤᠯᠳᠤ ᠠᠳᠤᠷᠢᠶᠠ ᠭᠠᠷᠬᠤ ᠠᠴᠠ ᠰᠡᠷᠭᠡᠶᠢᠯᠡᠨᠡ᠃ ᠨᠢᠳᠦ ᠪᠠᠨ ᠰᠡᠶᠢᠮᠡᠶᠢᠵᠦ ᠶᠠᠭᠤᠮᠠ ᠦᠵᠡᠬᠦ ᠦᠭᠡᠢ᠂ | ᠢᠷᠠᠭᠠᠯᠵᠢᠨ ᠠᠳᠤᠷᠢᠶᠠ ᠨᠡᠮᠡᠭᠳᠡᠬᠦ ᠠᠴᠠ ᠬᠢᠴᠢᠶᠡᠨᠡ᠃ ᠶᠠᠭᠤᠮᠠ ᠵᠠᠵᠢᠯᠬᠤ ᠦᠶᠡᠰ᠂ ᠲᠦᠭᠦᠰᠢ ᠪᠠᠨ ᠲᠤᠯᠬᠤ | ᠦᠭᠡᠢ ᠪᠠᠶᠢᠬᠤ ᠨᠢ ᠬᠠᠮᠠᠷ ᠤᠨ ᠰᠠᠮᠰᠠ ᠶᠢᠨ ᠠᠳᠤᠷᠢᠶᠠ ᠭᠠᠷᠬᠤ ᠶᠢ ᠪᠠᠭᠠᠰᠬᠠᠵᠤ ᠴᠢᠳᠠᠨᠠ᠃ | 6. ᠡᠷᠡᠬᠦᠯ ᠪᠤᠰᠤ ᠠᠮᠢᠳᠤᠷᠠᠯ ᠤᠨ ᠲᠠᠳᠬᠠᠯ ᠢᠶᠠᠨ ᠬᠠᠶᠠᠵᠤ᠂ ᠰᠦᠨᠢᠵᠢᠨ ᠰᠠᠭᠤᠬᠤ ᠦᠭᠡᠢ | ᠂ ᠲᠠᠮᠠᠬᠢ ᠲᠠᠳᠠᠵᠤ ᠠᠷᠢᠬᠢᠨ ᠳᠤ ᠰᠢᠨᠤᠬᠤ ᠦᠭᠡᠢ᠃ ᠢᠳᠡᠰᠢᠨ ᠤ ᠰᠢᠮᠡ ᠲᠡᠵᠢᠭᠡᠯ ᠤᠨ ᠲᠡᠩᠴᠡᠬᠦᠷᠢ ᠶᠢ | ᠪᠠᠳᠤᠯᠠᠬᠤ ᠶᠢ ᠠᠩᠬᠠᠷᠴᠤ᠂ ᠪᠠᠶᠠᠰᠤᠩᠭᠤᠢ ᠦᠵᠡᠯᠳᠡ ᠲᠠᠢ ᠪᠠᠶᠢᠪᠠᠯ ᠵᠤᠬᠢᠨᠠ᠃ ᠬᠡᠷᠪᠡ ᠨᠢᠭᠤᠷ ᠴᠢᠷᠠᠢ ᠶᠢᠨ | ᠠᠷᠠᠰᠤᠨ ᠤ ᠦᠳᠡᠯᠬᠦ ᠬᠤᠷᠳᠤᠴᠠ ᠨᠢ ᠢᠯᠡᠷᠭᠡᠢ ᠲᠦᠷᠭᠡᠰᠪᠡᠯ ᠡᠮᠴᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠲᠤᠤᠷᠠ᠂ ᠹᠤᠲ᠋ᠤᠨ（光 | 子） ᠤ ᠠᠷᠠᠰᠤ ᠶᠢ ᠪᠤᠯᠪᠠᠷᠠᠶᠢᠵᠢᠭᠤᠯᠬᠤ ᠵᠡᠷᠭᠡ ᠠᠷᠭᠠ ᠠᠪᠴᠠᠯ ᠢᠶᠠᠷ ᠲᠠᠮᠵᠢᠨ ᠠᠷᠠᠰᠤ ᠪᠤᠯᠴᠢᠩ ᠢ | ᠴᠢᠩᠭᠠᠷᠠᠭᠤᠯᠵᠤ ᠪᠤᠯᠤᠨᠠ᠃ | |