| | | ᠲᠡᠮᠤᠵᠢᠨ ᠤ ᠡᠴᠢᠬᠡ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠪᠤᠯ ᠬᠤᠳᠠᠯᠠ ᠬᠠᠭᠠᠨ ᠤ ᠠᠬᠠ ᠪᠠᠷᠳᠠᠨ | ᠪᠠᠭᠠᠳᠤᠷ ᠤᠨ ᠭᠤᠷᠪᠠᠳᠤᠭᠠᠷ ᠬᠦᠦ ᠶᠤᠮ᠃ ᠲᠡᠬᠦᠨ ᠤ ᠶᠡᠭᠡ ᠠᠬᠠ ᠨᠢ ᠮᠠᠩᠬᠢᠳᠤ ᠬᠢᠶᠡᠨ᠂ ᠬᠤᠶᠠᠳᠤᠭᠠᠷ ᠠᠬᠠ ᠤ | ᠨᠡᠬᠦᠨ ᠲᠠᠶᠢᠵᠢ ᠬᠡᠳᠡᠭ ᠪᠦᠬᠡᠳ ᠲᠡᠬᠦᠦ ᠨᠢ ᠲᠠᠷᠢᠳᠠᠢ ᠤᠳᠴᠢᠬᠢᠨ ᠬᠡᠳᠡᠭ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠪᠤᠯ ᠮᠤᠩᠭᠤᠯ ᠦᠨᠳᠤᠰᠤᠳᠠᠨ ᠤ ᠲᠡᠤᠬᠡᠨ ᠲᠡᠭᠡᠷᠡ ᠶᠡᠭᠡ ᠠᠯᠳᠠᠷ ᠴᠤᠤ | ᠲᠠᠢ ᠬᠦᠮᠦᠨ ᠤ ᠨᠢᠬᠡ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠭᠠ ᠠᠴᠠ ᠪᠠᠨ ᠬᠠᠷᠴᠠᠭᠠᠢ ᠲᠠᠯᠪᠢᠨ ᠰᠢᠪᠠᠭᠤ ᠠᠩᠨᠠᠬᠤ ᠲᠤᠷᠠᠳᠠᠢ᠃ | ᠲᠡᠷᠡ ᠦᠷᠬᠦᠯᠵᠢ ᠬᠦᠴᠦᠳᠤ ᠨᠤᠮᠤ ᠪᠠᠨ ᠬᠠᠪᠢᠷᠭᠠ ᠶᠢᠨ ᠲᠤᠰᠢᠶᠠ ᠠᠭᠰᠠᠨ᠂ ᠡᠷᠡ ᠬᠠᠷᠴᠠᠭᠠᠢ ᠪᠠᠨ ᠮᠦᠷᠤᠨ | ᠲᠡᠭᠡᠷᠡ ᠪᠠᠨ ᠰᠠᠭᠤᠯᠭᠠᠵᠤ ᠤᠢ ᠰᠦᠯᠵᠢᠨ ᠬᠠᠳᠠ ᠬᠠᠷᠠᠶᠢᠵᠤ ᠬᠡᠰᠦᠬᠦᠴᠢᠯᠡᠨ ᠶᠠᠪᠤᠳᠠᠭ ᠲᠤᠯᠠ ᠬᠦᠮᠦᠰ ᠲᠡᠬᠦᠨ ᠢ | ︽ᠡᠷᠡᠯᠬᠡᠭ ᠵᠤᠷᠢᠭᠳᠠᠢ ᠶᠢᠰᠦᠬᠡᠢ᠂ ᠪᠠᠷᠰ ᠤᠨ ᠬᠦᠴᠦᠳᠠᠢ ᠶᠢᠰᠦᠬᠡᠢ︾ ᠬᠡᠳᠡᠭ᠃ | ᠨᠢᠬᠡᠨ ᠡᠳᠤᠷ᠂ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠢᠰᠠᠯᠠ ᠰᠠᠭᠤᠬᠤ ᠪᠠᠷ ᠰᠢᠪᠠᠭᠤ ᠠᠩᠨᠠᠶᠠ ᠬᠡᠵᠤ | ᠭᠠᠭᠴᠠᠭᠠᠷ ᠠᠭᠤᠯᠠᠨ ᠳᠤ ᠭᠠᠷᠪᠠ᠃ ᠡᠨᠡ ᠡᠳᠤᠷ ᠠᠮᠠᠨ ᠬᠦᠨᠡᠰᠤ ① ᠲᠠᠭᠠᠷᠠᠯᠳᠤᠵᠤ᠂ ᠶᠢᠰᠦᠬᠡᠢ ᠪᠠᠭᠠᠳᠤᠷ | ᠭᠠᠷᠤᠮᠠᠭᠴᠠ ᠨᠢᠬᠡ ᠪᠤᠭᠤ ᠠᠯᠠᠭᠠᠳ ᠭᠠᠨᠵᠤᠭᠠᠯᠠᠵᠤ ᠶᠠᠪᠤᠯᠠ᠂ ᠡᠰᠡᠷᠬᠦ ᠠᠴᠠ ᠨᠢ ᠨᠢᠬᠡᠨ ᠬᠤᠸᠠ ᠮᠤᠷᠢ ᠤᠨᠤᠭᠰᠠᠨ | ᠬᠦᠮᠦᠨ ᠬᠠᠷᠭᠤᠳᠠᠢ ᠲᠡᠷᠬᠡ ᠬᠡᠯᠢᠵᠤ ᠢᠷᠡᠪᠡ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠡᠨᠡ ᠬᠦᠮᠦᠨ ᠤ ᠪᠠᠶᠢᠳᠠᠯ ᠰᠢᠨᠵᠢ ᠶᠢ ᠯᠠᠪᠯᠠᠵᠤ | ᠦᠵᠡᠪᠡᠯ ᠰᠠᠶ᠋ᠢ ᠬᠡᠷᠬᠡᠢ ᠠᠪᠤᠭᠠᠳ ᠪᠤᠴᠠᠵᠤ ᠪᠠᠶᠢᠭᠠ ᠬᠦᠮᠦᠨ ᠤ ᠮᠠᠶ᠋ᠢᠭ ᠲᠠᠢ ᠲᠤᠯᠠ᠂ ︽ᠡᠨᠡ ᠭᠠᠶᠢᠬᠠᠯ ᠶᠠᠮᠠᠷ | ᠦᠬᠢᠨ ᠤᠯᠪᠠ︖︾ ᠬᠡᠵᠤ ᠲᠡᠷᠬᠡᠨ ᠤ ᠲᠡᠷᠬᠡᠳᠠ ᠬᠦᠷᠴᠤ᠂ ᠬᠠᠷᠭᠤᠳᠠᠢ ᠲᠡᠷᠬᠡᠨ ᠤ ᠬᠠᠭᠠᠯᠭᠠᠨ ᠤ ᠵᠠᠪᠰᠠᠷ ᠢᠶᠠᠷ | ᠦᠩᠬᠡᠶᠢᠵᠤ ᠦᠵᠡᠪᠡᠯ᠂ ᠲᠡᠷᠬᠡᠨ ᠤ ᠲᠤᠳᠤᠷᠠ ᠨᠢᠬᠡᠨ ᠲᠤᠩ ᠭᠤᠸᠠ ᠦᠵᠡᠰᠬᠦᠯᠡᠩ ᠬᠡᠤᠬᠡᠨ ᠰᠠᠭᠤᠵᠤ ᠪᠠᠶᠢᠪᠠ᠃ | ᠲᠡᠷᠡ ᠦᠬᠢᠨ ᠡᠨᠡᠬᠦ ᠦᠯᠤ ᠲᠠᠨᠢᠬᠤ ᠬᠦᠮᠦᠨ ᠢ ᠬᠢᠯᠡᠮᠬᠢᠵᠤ ᠬᠠᠷᠠᠭᠰᠠᠨ ᠢᠶᠠᠨ ᠲᠠᠷᠤᠢ ᠨᠢᠭᠤᠷ ᠢᠶᠠᠨ ᠪᠢᠳᠡᠬᠦᠯᠪᠡ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠤᠳᠤᠷᠠ ᠪᠠᠨ᠄ ︽ᠡᠨᠡ ᠦᠬᠢᠨ ᠬᠠᠳᠤᠨ ᠬᠦᠮᠦᠨ ᠤ ᠰᠢᠨᠵᠢᠳᠠᠢ ᠪᠠᠶᠢᠨᠡ᠂ ᠬᠠᠭᠠᠳ | ᠢᠵᠠᠭᠤᠷᠳᠤ ᠨᠠᠳᠠ ᠯᠡ ᠲᠠᠩᠴᠡᠬᠦ ᠶᠤᠮ ᠪᠠᠶᠢᠨᠠ︕︾ ᠬᠡᠵᠤ ᠲᠡᠷᠬᠡ ᠬᠡᠯᠢᠵᠤ ᠪᠠᠶᠢᠭᠠ ᠬᠤᠸᠠ ᠮᠤᠷᠢᠳᠠᠢ ᠬᠦᠮᠦᠨ | ᠢ ᠰᠢᠷᠪᠢᠵᠤ ᠠᠪᠤᠭᠠᠳ ᠭᠠᠨᠵᠤᠭᠠᠯᠠᠭᠰᠠᠨ ᠪᠤᠭᠤ ᠪᠠᠨ ᠭᠠᠵᠠᠷ ᠲᠤ ᠤᠷᠬᠢᠨ᠂ ᠠᠬᠠ ᠨᠡᠬᠦᠨ ᠲᠠᠶᠢᠵᠢ᠂ ᠲᠡᠬᠦᠦ | ᠲᠠᠷᠢᠳᠠᠢ ᠤᠳᠴᠢᠬᠢᠨ ᠢ ᠲᠠᠭᠤᠳᠠᠬᠤ ᠪᠠᠷ ᠬᠡᠷ ᠵᠦᠭ ᠢᠶᠠᠨ ᠲᠠᠪᠬᠢᠪᠠ᠃ | ᠲᠡᠷᠡ ᠬᠦᠮᠦᠨ ᠡᠨᠡ ᠪᠠᠶᠢᠳᠠᠯ ᠢ ᠦᠵᠡᠬᠡᠳ ᠰᠡᠵᠢᠭ ᠲᠦᠷᠦᠨ ᠲᠡᠷᠬᠡ ᠪᠠᠨ ᠬᠡᠯᠢᠵᠤ | ᠴᠢᠨᠠᠭᠰᠢ ᠶᠠᠭᠠᠷᠠᠨ ᠶᠠᠪᠤᠳᠠᠯᠠ ᠲᠡᠮᠡᠢ ᠤᠳᠠᠯ ᠦᠭᠡᠢ ᠲᠡᠬᠦᠨ ᠤ ᠬᠤᠶᠢᠨᠡ ᠠᠴᠠ ᠬᠡᠳᠤᠨ ᠮᠤᠷᠢᠳᠠᠢ ᠬᠦᠮᠦᠨ | ᠲᠠᠪᠬᠢᠯᠳᠤᠨ ᠢᠷᠡᠪᠡ᠃ ᠲᠡᠷᠡ ᠬᠦᠮᠦᠨ ᠰᠠᠨᠳᠤᠷᠬᠤ ᠳᠠᠭᠠᠨ ᠬᠤᠸᠠ ᠮᠤᠷᠢᠨ ᠤ ᠭᠤᠶᠡ ᠶᠢ ᠲᠠᠰᠢᠭᠤᠷᠳᠠᠨ᠂ ᠲᠡᠷᠬᠡ | ᠪᠠᠨ ᠤᠷᠬᠢᠵᠤ ᠠᠭᠤᠯᠠᠨ ᠤ ᠪᠠᠯ ᠢᠶᠠᠷ ᠲᠤᠳᠠᠭᠠᠪᠠ᠃ ᠡᠨᠡ ᠲᠠᠪᠬᠢᠯᠳᠤᠵᠤ ᠢᠷᠡᠭᠰᠡᠨ ᠬᠦᠮᠦᠨ ᠪᠤᠯ ᠶᠢᠰᠦᠬᠡᠢ | ᠪᠠᠭᠠᠳᠤᠷ᠂ ᠨᠡᠬᠦᠨ ᠲᠠᠶᠢᠵᠢ᠂ ᠲᠠᠷᠢᠳᠠᠢ ᠤᠳᠴᠢᠬᠢᠨ ᠠᠬᠠ ᠲᠡᠬᠦᠦ ᠭᠤᠷᠪᠠ ᠪᠠᠶᠢᠵᠠᠢ᠃ ᠲᠡᠷᠡ ᠶᠢᠰᠦᠬᠡᠢ ᠪᠠᠭᠠᠳᠤᠷ | ᠲᠤ ᠡᠬᠡᠨᠡᠷ ᠪᠡᠯᠡᠨ ᠤᠯᠪᠠ ᠬᠡᠵᠤ ᠲᠤᠰᠤᠷᠠ ᠢᠷᠡᠪᠡ᠃ ᠬᠤᠸᠠ ᠮᠤᠷᠢᠳᠠᠢ ᠬᠦᠮᠦᠨ ᠤ ᠲᠡᠷᠬᠡ ᠪᠠᠨ ᠬᠠᠶᠠᠭᠠᠳ | ᠲᠤᠳᠠᠭᠠᠭᠰᠠᠨ ᠢ ᠦᠵᠡᠬᠡᠳ᠂ ︽ᠲᠡᠷᠬᠡᠳᠤ ᠡᠬᠡᠨᠡᠷ ᠬᠠᠮᠢᠭᠠ ᠲᠤᠳᠠᠭᠠᠬᠤ ᠪᠤᠢ︖ ᠤᠷᠢᠳᠠᠪᠡᠷ ᠡᠷᠡ ᠶᠢ ᠨᠢ | ᠨᠡᠬᠡᠮᠵᠢᠯᠡᠶᠡ︕︾ ᠬᠡᠵᠤ ᠬᠤᠸᠠ ᠮᠤᠷᠢᠳᠠᠢ ᠬᠦᠮᠦᠨ ᠤ ᠬᠤᠶᠢᠨᠡ ᠠᠴᠠ ᠬᠦᠬᠡᠬᠡᠪᠡ᠃ ᠲᠠᠷᠡ ᠬᠦᠮᠦᠨ ᠤ | ᠤᠨᠤᠭᠰᠠᠨ ᠮᠤᠷᠢ ᠨᠢᠰᠬᠦ ᠮᠡᠳᠤ ᠬᠤᠷᠳᠤᠨ ᠲᠤᠯᠠ ᠤᠳᠠᠭᠰᠠᠨ ᠦᠭᠡᠢ ᠲᠡᠳᠡᠨ ᠢ ᠬᠤᠯᠠ ᠬᠠᠶᠠᠵᠤ᠂ ᠨᠢᠬᠡᠨ | ᠬᠤᠰᠢᠭᠤ ᠶᠢ ᠲᠤᠭᠤᠷᠢᠨ ᠢᠷᠡᠵᠤ ᠡᠬᠡᠨᠡᠷ ᠤᠨ ᠢᠶᠠᠨ ᠲᠡᠷᠬᠡ ᠶᠢ ᠬᠡᠯᠢᠵᠤ ᠴᠢᠨᠠᠭᠰᠢ ᠶᠠᠪᠤᠬᠤ ᠬᠡᠰᠡᠨ ᠳᠤ᠂ ᠲᠡᠬᠦᠨ ᠤ | ᠬᠡᠷᠬᠡᠢ ᠲᠤᠯᠤᠭᠠᠢ ᠪᠠᠨ ᠭᠠᠳᠠᠭᠰᠢ ᠭᠠᠷᠭᠠᠨ᠄ | ︽ᠴᠢ ᠰᠠᠶ᠋ᠢ ᠶᠢᠨ ᠲᠡᠷᠡ ᠭᠤᠷᠪᠠᠨ ᠬᠦᠮᠦᠨ ᠤ ᠢᠷᠡᠭᠰᠡᠨ ᠰᠠᠨᠠᠭᠠ ᠶᠢ ᠮᠡᠳᠡᠪᠡ ᠤᠤ︖ | ᠲᠡᠳᠡᠨ ᠤ ᠴᠢᠷᠠᠢ ᠰᠡᠵᠢᠭᠯᠡᠮᠡᠷ ᠪᠠᠶᠢᠨᠠ᠂ ᠠᠮᠢᠨ ᠳᠤ ᠴᠢᠨᠢ ᠬᠤᠤᠷ ᠬᠦᠷᠬᠡᠵᠤ ᠮᠠᠭᠠᠳ︾ ᠬᠡᠳ ᠬᠤᠭᠤᠯᠠᠢ ᠨᠢ | ᠵᠠᠩᠬᠢᠷᠴᠤ ᠴᠢᠨᠠᠭᠰᠢ ᠬᠡᠯᠡᠵᠤ ᠭᠠᠷᠬᠤ ᠦᠭᠡᠢ ᠪᠤᠯᠪᠠ᠃ ᠡᠨᠡ ᠦᠶᠡ ᠳᠤ᠂ ᠦᠨᠦᠬᠢ ᠭᠤᠷᠪᠠᠭᠤᠯᠠ ᠠᠭᠤᠯᠠᠨ ᠤ | ᠴᠢᠨᠠᠳᠤ ᠠᠴᠠ ᠨᠡᠬᠡᠮᠵᠢᠯᠡᠨ ᠭᠠᠷᠴᠤ ᠢᠷᠡᠪᠡ᠃ ᠬᠤᠸᠠ ᠮᠤᠷᠢᠳᠠᠢ ᠬᠦᠮᠦᠨ ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ ᠦᠭᠡᠢ | ᠪᠤᠯᠤᠭᠰᠠᠨ ᠳᠤ ᠲᠡᠬᠦᠨ ᠤ ᠬᠡᠷᠬᠡᠢ ᠨᠢᠳᠤᠨ ᠤ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠨ᠂ ᠰᠢᠢᠳᠮᠡᠬᠡᠢ ᠪᠠᠷ᠄ | ︽ᠠᠮᠢ ᠮᠡᠨᠳᠤ ᠦᠯᠡᠳᠡᠪᠡᠯ ᠡᠬᠡᠨᠡᠷ ᠢ ᠤᠯᠬᠤ ᠳᠤ ᠪᠡᠷᠬᠡ ᠦᠭᠡᠢ᠃ ᠮᠡᠷᠬᠢᠳ ᠤᠨ ᠴᠢᠨᠢ | ᠮᠡᠷᠬᠡᠨ ᠦᠬᠡᠨ ᠳᠤ ︿ᠦᠯᠵᠢᠬᠡ ② ᠲᠤᠳᠤᠮ ᠦᠬᠢᠳ᠂ ᠬᠠᠷᠭᠤ ᠲᠤᠳᠤᠮ ᠬᠠᠳᠤᠳ﹀ ᠭᠡᠳᠡᠭ ᠪᠢᠰᠢᠤ︖ | ᠦᠬᠡᠷᠡ ᠡᠬᠡᠨᠡᠷ ᠢ ᠤᠯᠵᠤ ᠪᠤᠯᠤᠨᠠ᠃ ᠬᠡᠷᠪᠡ ᠨᠠᠮᠠᠢᠢ ᠰᠠᠨᠠᠬᠤ ᠪᠤᠯ ᠲᠡᠬᠢᠨ ᠠᠪᠤᠭᠰᠠᠨ ᠡᠬᠡᠨᠡᠷ ᠤᠨ ᠨᠡᠷᠡ ᠶᠢ ᠮᠢᠨᠤ | ᠨᠡᠷᠡ ᠪᠠᠷ ︿ᠦᠬᠡᠯᠤᠨ﹀ ᠬᠡᠵᠤ ᠨᠡᠷᠡᠯᠡᠭᠳᠤᠨ︕︾ ᠬᠡᠳ ᠡᠮᠤᠰᠴᠤ ᠪᠠᠶᠢᠭᠰᠡᠨ ᠴᠠᠮᠴᠠ ᠪᠠᠨ ᠲᠠᠶᠢᠯᠤᠨ ᠦᠭᠴᠤ᠄ | ︽ᠶᠡᠭᠡ ᠴᠢᠯᠠᠳᠤ ᠴᠢᠮᠡ ᠳᠤ | ᠢᠷᠡᠬᠦ ᠳᠡᠭᠡᠨ ᠡᠮᠤᠰᠦᠭᠰᠡᠨ | ᠦᠬᠡᠯᠤᠨ ᠮᠢᠨᠤ | ᠦᠨᠤᠷ ᠢ ᠰᠢᠩᠬᠡᠭᠡᠭᠰᠡᠨ | ᠡᠨᠡ ᠴᠠᠮᠴᠠ ᠶᠢ | ᠡᠬᠦᠷᠢᠳᠠ ᠬᠠᠳᠠᠭᠠᠯᠠ | ᠠᠮᠠᠷᠠᠭ ᠰᠡᠳᠬᠢᠯ ᠢ | ᠠᠰᠢᠳᠠ ᠴᠡᠬᠡᠵᠢᠯᠡ︕︾ ᠬᠡᠪᠡ᠃ ᠲᠡᠷᠡ ᠬᠦᠮᠦᠨ ᠡᠬᠡᠨᠡᠷ ᠤᠨ ᠢᠶᠠᠨ ᠦᠨᠡᠨ ᠭᠤᠤᠯ | ᠠᠴᠠ ᠬᠡᠯᠡᠭᠰᠡᠨ ᠦᠭᠡ ᠶᠢ ᠰᠤᠨᠤᠰᠤᠭᠠᠳ ᠡᠬᠦᠨ ᠠᠴᠠ ᠦᠬᠡᠷᠡ ᠠᠷᠭᠠ ᠦᠭᠡᠢ ᠲᠤᠯᠠ ᠮᠤᠷᠢᠨ ᠲᠡᠭᠡᠷᠡ ᠠᠴᠠ | ᠴᠠᠮᠴᠠ ᠶᠢ ᠰᠢᠬᠦᠷᠦᠨ ᠠᠪᠤᠮᠠᠭᠴᠠ ᠬᠤᠸᠠ ᠮᠤᠷᠢᠨ ᠤ ᠭᠤᠶᠠ ᠶᠢ ᠲᠠᠰᠢᠭᠤᠷᠳᠠᠵᠤ ᠤᠨᠤᠨ ᠮᠦᠷᠡᠨ ᠤ ᠦᠬᠡᠳᠡ | ᠲᠤᠳᠠᠭᠠᠪᠠ᠃ | ᠶᠢᠰᠦᠬᠡᠢ ᠪᠠᠭᠠᠳᠤᠷ ᠠᠬᠠ ᠲᠡᠬᠦᠦ ᠭᠤᠷᠪᠠᠭᠤᠯᠠ ᠲᠡᠷᠡ ᠬᠦᠮᠦᠨ ᠤ ᠬᠤᠶᠢᠨᠡ ᠠᠴᠠ | ᠨᠡᠬᠡᠮᠵᠢᠯᠡᠵᠤ ᠲᠤᠯᠤᠭᠠᠨ ᠲᠠᠪᠠᠭᠠ ᠶᠢ ᠲᠠᠪᠠᠳᠠᠯᠠ ᠬᠦᠬᠡᠬᠡᠳ ᠬᠦᠢᠴᠡᠭᠰᠡᠨ ᠦᠭᠡᠢ ᠲᠤᠯᠡ ︽ᠵᠠ ᠪᠤᠯᠢᠶᠡ᠂ ᠲᠡᠷᠡ | ᠬᠡᠷᠬᠡᠢ ᠪᠠᠨ ᠤᠷᠬᠢᠵᠤ ᠦᠭᠬᠦ ᠪᠠᠨ ᠰᠢᠢᠳᠦᠭᠰᠡᠨ ᠪᠠᠶᠢᠨᠠ︾ ᠬᠡᠵᠤ ᠪᠤᠴᠠᠵᠤ ᠢᠷᠡᠭᠡᠳ ᠲᠡᠷᠬᠡᠨ ᠤ ᠲᠡᠷᠬᠡᠳᠡ | ᠤᠴᠢᠵᠤ᠄ | ︽ᠴᠢᠨᠤ ᠨᠡᠷᠡ ᠬᠡᠨ ᠬᠡᠳᠡᠭ ᠪᠤᠢ︖ ᠲᠡᠷᠡ ᠬᠤᠸᠠ ᠮᠤᠷᠢᠳᠠᠢ ᠬᠦᠮᠦᠨ ᠴᠢᠨᠤ ᠡᠷᠡ ᠤᠤ︖ | ︾ ᠬᠡᠵᠤ ᠲᠡᠷᠡ ᠦᠬᠢᠨ ᠠᠴᠠ ᠠᠰᠠᠭᠤᠪᠠ᠃ ᠲᠡᠷᠡ ᠦᠬᠢᠨ ᠪᠤᠷᠤᠭᠤ ᠬᠠᠨᠳᠤᠨ᠄ | ︽ᠮᠢᠨᠤ ᠨᠡᠷᠡ ᠦᠬᠡᠯᠦᠨ᠂ ᠤᠯᠬᠤᠨᠤᠳ ᠠᠶᠢᠮᠠᠭ ᠤᠨ ᠬᠦᠮᠦᠨ ᠪᠢᠯᠡ᠃ ᠲᠡᠷᠡ ᠬᠤᠸᠠ | ᠮᠤᠷᠢᠳᠠᠢ ᠬᠦᠮᠦᠨ ᠪᠤᠯ ᠮᠢᠨᠤ ᠡᠷᠡ᠂ ᠶᠡᠭᠡ ᠴᠢᠯᠡᠳᠤ ᠬᠡᠳᠡᠭ᠂ ᠮᠡᠷᠬᠢᠳ ᠠᠶᠢᠮᠠᠭ ᠤᠨ ᠬᠦᠮᠦᠨ︾ ᠬᠡᠪᠡ᠃ ᠲᠠᠷᠢᠳᠠᠢ | ᠤᠳᠴᠢᠬᠢᠨ᠄ | ︽ᠤᠳᠤ ᠴᠢᠨᠤ ᠡᠷᠡ ᠶᠡᠭᠡ ᠴᠢᠯᠠᠳᠤ ᠪᠢᠰᠢ᠂ ᠬᠠᠷᠢᠨ ᠮᠢᠨᠤ ᠠᠬᠠ ᠶᠢᠰᠦᠬᠡᠢ ᠪᠠᠭᠠᠳᠤᠷ᠂ | ᠮᠡᠳᠡᠪᠡ ᠤᠤ︖ ᠪᠢᠳᠠ ᠤᠳᠤ ᠴᠢᠮᠠᠢᠢ ᠬᠡᠷ ᠲᠡᠭᠡᠨ ᠠᠪᠠᠴᠢᠨᠠ︾ ᠬᠡᠵᠤ ᠲᠡᠷᠬᠡᠨ ᠤ ᠲᠡᠮᠡᠭᠡ ᠶᠢ ᠬᠡᠷ ᠵᠦᠭ | ᠬᠡᠯᠢᠪᠡ᠃ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠦᠬᠡᠯᠦᠨ ᠦᠵᠢᠨ ③ ᠤ ᠲᠡᠷᠬᠡ ᠶᠢ ᠲᠦᠰᠢᠵᠤ ᠵᠡᠷᠬᠡᠴᠡᠨ ᠠᠯᠬᠤᠵᠤ᠂ ᠨᠡᠬᠦᠨ | ᠲᠠᠶᠢᠵᠢ ᠶᠢᠨ ᠵᠢᠯᠤᠭᠤᠳᠤᠯᠭᠠ ᠪᠠᠷ ᠤᠷᠤᠭᠰᠢ ᠶᠡᠪᠤᠪᠠ᠃ | ᠦᠬᠡᠯᠦᠨ ᠦᠵᠢᠨ ᠵᠮ ᠲᠤᠮᠳᠠ ᠠᠴᠠ ᠡᠷᠡ ᠨᠦᠬᠦᠷ ᠢᠶᠠᠨ ᠠᠯᠳᠠᠵᠤ ᠦᠬᠡᠷᠡ ᠬᠦᠮᠦᠨ ᠳᠤ | ᠤᠴᠢᠬᠤ ᠪᠤᠯᠤᠭᠰᠠᠨ ᠳᠤ ᠲᠡᠰᠬᠡᠯ ᠦᠭᠡᠢ ᠤᠶᠠᠷᠠᠵᠤ᠄ | ︽ᠡᠷᠡ ᠮᠢᠨᠢ ᠴᠢᠯᠠᠳᠤ | ᠡᠬᠡᠨᠡᠷ ᠨᠠᠮᠠᠢᠢ ᠤᠷᠬᠢᠵᠤ | ᠰᠡᠷᠢᠬᠦᠨ ᠰᠠᠯᠬᠢᠨ ᠳᠤ | ᠰᠡᠪᠡᠯᠬᠡ ᠦᠰᠤ ᠪᠠᠨ ᠬᠡᠶᠢᠰᠬᠡᠨ | ᠬᠡᠬᠡᠷᠡ ᠬᠦᠳᠡᠭᠡ | ᠬᠡᠳᠡᠰᠤ ᠪᠠᠨ ᠦᠯᠦᠰᠬᠡᠵᠤ ᠶᠠᠪᠤᠨᠠ᠃ | ᠬᠤᠴᠤᠷᠴᠤ ᠪᠠᠷᠢᠭᠳᠠᠭᠰᠠᠨ ᠪᠢ | ᠬᠤᠶᠡᠷ ᠰᠡᠪᠡᠯᠬᠡ ᠦᠰᠤ ᠪᠠᠨ | ᠬᠤᠶᠢᠰᠢ ᠤᠷᠤᠭᠰᠢ ᠤᠨᠵᠢᠭᠤᠯᠤᠨ | ᠬᠤᠩᠬᠢᠳᠠᠯᠠ ᠤᠬᠢᠯᠡᠵᠤ ᠶᠠᠪᠤᠨᠡ︕︾ ᠬᠡᠵᠤ ᠤᠨᠤᠨ ᠮᠦᠷᠡᠨ ᠢ ᠲᠤᠯᠬᠢᠯᠡᠳᠠᠯᠡ᠂ ᠤᠢ | ᠰᠢᠭᠤᠢ ᠶᠢ ᠭᠠᠩᠬᠤᠳᠠᠯᠠ ᠶᠡᠭᠡ ᠲᠠᠭᠤ ᠪᠠᠷ ᠤᠬᠢᠯᠡᠪᠡ᠃ ᠲᠡᠷᠢᠳᠠᠢ ᠤᠳᠴᠢᠬᠢᠨ ᠬᠠᠵᠠᠭᠤᠨ ᠠᠴᠠ ᠨᠢ᠄ | ︽ᠬᠠᠶᠢᠷᠠᠳᠠᠢ ᠪᠡᠷᠬᠡᠨ ᠮᠢᠨᠢ ᠰᠤᠨᠤᠰ᠄ | ᠲᠡᠷᠡ ᠶᠡᠭᠡ ᠴᠢᠯᠠᠳᠤ ᠴᠢᠨᠢ | ᠲᠡᠷᠳᠡᠭᠡ ᠲᠠᠪᠠᠭᠠ ᠶᠢ ᠲᠠᠪᠠᠪᠠ | ᠤᠴᠠᠷᠠᠵᠤ ᠰᠠᠨᠠᠭᠰᠠᠨ ᠴᠢᠯᠠᠳᠤ ᠴᠢᠨᠢ | ᠤᠰᠤ ᠤᠯᠠᠨ ᠢ ᠬᠡᠳᠦᠯᠪᠡ᠃ | ᠬᠠᠶᠢᠯᠠᠵᠤ ᠤᠬᠢᠯᠠᠪᠠᠴᠤ | ᠬᠠᠷᠠᠵᠤ ᠴᠢᠮᠠᠢᠢ ᠦᠵᠡᠬᠦ ᠦᠭᠡᠢ | ᠬᠠᠶᠢᠵᠤ ᠡᠷᠢᠪᠡᠴᠤ | ᠬᠠᠭᠤᠯᠭᠠ ④ ᠵᠠᠮ ᠨᠢ ᠤᠯᠳᠠᠬᠤ ᠦᠭᠡᠢ᠃ ᠬᠠᠷᠢᠨ ᠰᠡᠳᠬᠢᠯ ᠢᠶᠠᠨ ᠠᠮᠤᠷ ᠪᠠᠶᠢᠵᠤ ᠠᠬᠠ | ᠶᠢᠨ ᠮᠢᠨᠢ ᠬᠡᠷᠬᠡᠢ ᠪᠤᠯᠳᠤᠭᠠᠢ᠃ | ︿ᠡᠷᠡᠯᠬᠡᠭ ᠵᠤᠷᠢᠭᠳᠠᠢ ᠶᠢᠰᠦᠬᠡᠢ | ᠪᠠᠷᠰ ᠤᠨ ᠬᠦᠴᠦᠳᠠᠢ ᠪᠠᠭᠠᠳᠤᠷ﹀ ᠬᠡᠳᠡᠭ ᠢ ᠰᠤᠨᠤᠰᠤᠭᠰᠠᠨ ᠦᠭᠡᠢ ᠤᠤ︖ ᠲᠡᠷᠡ ᠪᠤᠯ | ᠮᠢᠨᠤ ᠭᠤᠷᠪᠠᠳᠤᠭᠠᠷ ᠠᠬᠠ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠰᠢᠤ ᠳ᠋ᠠ︾ ᠬᠡᠵᠤ ᠢᠳᠬᠡᠨ ᠬᠡᠯᠡᠭᠰᠡᠨ ᠳᠤ ᠦᠬᠡᠯᠤᠨ ᠦᠵᠢᠨ | ᠰᠠᠶ᠋ᠢ ᠲᠤᠭᠤᠢ ᠪᠤᠯᠪᠠ᠃ | ᠵᠠᠮ ᠲᠤᠮᠳᠠ ᠠᠴᠠ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠤᠷᠢᠳ ᠤᠷᠬᠢᠭᠰᠡᠨ ᠪᠤᠭᠤ ᠶᠢᠨ ᠮᠢᠬᠠ ᠪᠠᠨ | ᠠᠪᠴᠤ ᠮᠤᠷᠢᠨ ᠳᠠᠭᠠᠨ ᠠᠴᠢᠳᠠᠯᠠ᠂ ᠲᠠᠷᠢᠳᠠᠢ ᠤᠳᠴᠢᠬᠢᠨ ᠪᠠᠰᠠ ᠵᠠᠪᠳᠤᠵᠤ᠄ | ︽ᠤᠳᠤ ᠬᠤᠷᠢᠮ ᠬᠢᠬᠦ ᠮᠢᠬᠠ ᠴᠦ ᠪᠡᠯᠡᠨ ᠪᠤᠯᠤᠯᠡ ᠬᠡᠵᠤ ᠱᠤᠤᠯᠡᠨ ᠬᠡᠯᠡᠬᠡᠳ᠂ ᠲᠡᠷᠬᠡ | ᠪᠠᠨ ᠲᠦᠷᠬᠡᠨ ᠲᠦᠷᠬᠡᠨ ᠬᠡᠯᠢᠵᠤ ᠬᠡᠷ ᠲᠡᠭᠡᠨ ᠬᠦᠷᠴᠤ᠄ | ︽ᠮᠢᠨᠤ ᠠᠬᠠ ᠶᠢᠨ ᠦᠵᠡᠰᠬᠦᠯᠡᠩᠳᠤ ᠦᠵᠢᠨ᠂ ᠦᠬᠡᠯᠤᠨ ᠬᠠᠳᠤᠨ ᠢ ᠦᠵᠡ︕︾ | ᠬᠡᠵᠤ ᠬᠠᠰᠬᠢᠷᠤᠭᠰᠠᠨ ᠳᠤ᠂ ᠡᠴᠢᠬᠡ ᠡᠬᠡ᠂ ᠠᠬᠠ ᠲᠠᠬᠦᠦ ᠰᠠᠳᠤᠨ ᠪᠦᠬᠦᠳᠡᠬᠡᠷ ᠭᠠᠷᠴᠤ ᠢᠷᠡᠨ᠂ ᠦᠬᠡᠯᠤᠨ | ᠦᠵᠢᠨ ᠤ ᠦᠩᠬᠡ ᠵᠢᠰᠤ ᠶᠢ ᠱᠠᠭᠰᠢᠨ᠂ ᠲᠡᠷᠡ ᠲᠠᠷᠤᠢ ᠳᠤ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠤ ᠬᠡᠷᠬᠡᠢ ᠪᠤᠯᠭᠠᠨ ᠬᠤᠯᠪᠤᠪᠠ᠃ | | | | | ᠲᠠᠶᠢᠯᠪᠤᠷᠢ | | ① ᠠᠮᠠᠨ ᠬᠦᠨᠡᠰᠤ — ᠢᠳᠡᠬᠦ ᠬᠤᠪᠢ ᠲᠠᠢ ᠪᠤᠶᠤ ᠢᠳᠡᠬᠦ ᠪᠤᠶᠡᠨ ᠲᠠᠢ ᠬᠡᠰᠡᠨ ᠦᠬᠡ᠃ | | ② ᠦᠯᠵᠢᠬᠡ — ᠪᠦᠷᠬᠦᠬᠦᠯᠳᠤ ᠲᠡᠷᠬᠡᠨ ᠤ ᠤᠷᠬᠢᠭᠤᠯ ᠤᠨ ᠡᠮᠤᠨᠡᠳᠤ ᠲᠠᠯᠠ ᠶᠢ ᠬᠡᠯᠡᠵᠤ | ᠪᠠᠶᠢᠨᠠ᠃ | ③ ᠦᠵᠢᠨ — ᠬᠠᠳᠤᠨ ᠬᠡᠰᠡᠨ ᠤᠳᠬᠠ ᠲᠠᠢ᠃ | ④ ᠬᠠᠭᠤᠯᠭᠠ — ᠵᠠᠮ ᠮᠦᠷ᠃ | | | ᠡᠮᠤᠨᠡᠬᠢ ᠦᠯᠢᠬᠡᠷ᠄ ᠬᠤᠳᠠᠯᠠ ᠬᠠᠭᠠᠨ ᠤ ᠲᠠᠮᠡᠴᠡᠯ | ᠬᠤᠶᠢᠨᠠᠬᠢ ᠦᠯᠢᠬᠡᠷ᠄ ᠶᠢᠰᠦᠬᠡᠢ ᠪᠠᠭᠠᠳᠤᠷ ᠲᠠᠲ᠋ᠠᠷ ᠲᠤ ᠬᠤᠤᠷᠯᠠᠭᠳᠠᠭᠰᠠᠨ | |